အဘိဓမ္မပိဋက
ကထာဝတ္ထုပါဠိ
နမော တဿ ဘဂဝတော အရဟတော သမ္မာသမ္ဗုဒ္ဓဿ
၁။ ပုဂ္ဂလကထာ
၁။ သုဒ္ဓသစ္စိကဋ္ဌ
၁။ အနုလောမပစ္စနီက
֍ ဋ္ဌ ၁။ [ဣမိနာ လက္ခဏေန သကဝါဒီပုစ္ဆာ ဒဿိတာ] ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ [သစ္စိကဋ္ဌပရမဋ္ဌေနာတိ (သျာ။ ပီ။ က။ သီ။)]? အာမန္တာ။ ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ [နော ဝတ ရေ (သျာ။ ပီ။)] ဝတ္တဗ္ဗေ –
(အဘိ၊က၊၂။)‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
အနုလောမပဉ္စကံ။
֍ ဋ္ဌ ၂။ [ဣမိနာ လက္ခဏေန ပရဝါဒီပုစ္ဆာ ဒဿိတာ] ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
ပဋိကမ္မစတုက္ကံ။
֍ ဋ္ဌ ၃။ တွံ စေ ပန မညသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’တိ, တေန တဝ [တွံ (သျာ။) ဋီကာ ဩလောကေတဗ္ဗာ] တတ္ထ ဟေတာယ ပဋိညာယ ဟေဝံ ပဋိဇာနန္တံ [ဋီကာ ဩလောကေတဗ္ဗာ] ဟေဝံ နိဂ္ဂဟေတဗ္ဗေ။ အထ တံ နိဂ္ဂဏှာမ။ သုနိဂ္ဂဟိတော စ [သုနိဂ္ဂဟိတောဝ (သျာ။)] ဟောသိ။
(အဘိ၊က၊၃။)ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။
နိဂ္ဂဟစတုက္ကံ။
֍ ဋ္ဌ ၄။ ဧသေ စေ ဒုန္နိဂ္ဂဟိတေ ဟေဝမေဝံ [ဟေဝမေဝ (သျာ။)] တတ္ထ ဒက္ခ။ ဝတ္တဗ္ဗေ ခေါ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’’ နော စ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ နော စ မယံ တယာ တတ္ထ ဟေတာယ ပဋိညာယ ဟေဝံ ပဋိဇာနန္တာ ဟေဝံ နိဂ္ဂဟေတဗ္ဗာ။ အထ မံ နိဂ္ဂဏှာသိ။ ဒုန္နိဂ္ဂဟိတာ စ [ဒုန္နိဂ္ဂဟိတာဝ (သျာ။)] ဟောမ။
ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော
(အဘိ၊က၊၄။)သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။
ဥပနယနစတုက္ကံ။
֍ ဋ္ဌ ၅။ န ဟေဝံ နိဂ္ဂဟေတဗ္ဗေ။ တေန ဟိ ယံ နိဂ္ဂဏှာသိ – ‘‘ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, နော စ ဝတ္တဗ္ဗေ – ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။ တေန ဟိ ယေ ကတေ နိဂ္ဂဟေ သေ နိဂ္ဂဟေ ဒုက္ကဋေ။ သုကတေ ပဋိကမ္မေ။ သုကတာ ပဋိပါဒနာတိ။
နိဂ္ဂမနစတုက္ကံ။
ပဌမော နိဂ္ဂဟော။
၁။ သုဒ္ဓသစ္စိကဋ္ဌ
၂။ ပစ္စနီကာနုလောမ
֍ ဋ္ဌ ၆။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ –
(အဘိ၊က၊၅။)‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
ပစ္စနီကပဉ္စကံ။
֍ ဋ္ဌ ၇။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
ပဋိကမ္မစတုက္ကံ။
֍ ဋ္ဌ ၈။ တွံ စေ ပန မညသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန’, နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော
(အဘိ၊က၊၆။)ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ, တေန တဝ တတ္ထ ဟေတာယ ပဋိညာယ ဟေဝံ ပဋိဇာနန္တံ ဟေဝံ နိဂ္ဂဟေတဗ္ဗေ။ အထ တံ နိဂ္ဂဏှာမ။ သုနိဂ္ဂဟိတော စ ဟောသိ။
ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။
֍ ဋ္ဌ ၉။ ဧသေ စေ ဒုန္နိဂ္ဂဟိတေ ဟေဝမေဝံ တတ္ထ ဒက္ခ။ ဝတ္တဗ္ဗေ ခေါ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’’ နော စ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ နော စ မယံ တယာ တတ္ထ ဟေတာယ ပဋိညာယ ဟေဝံ ပဋိဇာနန္တာ ဟေဝံ နိဂ္ဂဟေတဗ္ဗာ။ အထ မံ နိဂ္ဂဏှာသိ။ ဒုန္နိဂ္ဂဟိတာ စ ဟောမ။
ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော
(အဘိ၊က၊၇။)သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။
ဥပနယနစတုက္ကံ။
֍ ဋ္ဌ ၁၀။ န ဟေဝံ နိဂ္ဂဟေတဗ္ဗေ။ တေန ဟိ ယံ နိဂ္ဂဏှာသိ – ‘‘ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’တိ။ ယံ တတ္ထ ဝဒေသိ – ‘ဝတ္တဗ္ဗေ ခေါ – ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, နော စ ဝတ္တဗ္ဗေ – ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ယော သစ္စိကဋ္ဌော ပရမတ္ထော, တတော သော ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ ဣဒံ တေ မိစ္ဆာ။ တေန ဟိ ယေ ကတေ နိဂ္ဂဟေ သေ နိဂ္ဂဟေ ဒုက္ကဋေ။ သုကတေ ပဋိကမ္မေ။ သုကတာ ပဋိပါဒနာတိ။
နိဂ္ဂမနစတုက္ကံ။
ဒုတိယော နိဂ္ဂဟော။
၂။ (က) ဩကာသသစ္စိကဋ္ဌ
၁။ အနုလောမပစ္စနီက
֍ ဋ္ဌ ၁၁။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗတ္ထ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗတ္ထ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗတ္ထ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
(အဘိ၊က၊၈။)နော စေ ပန ဝတ္တဗ္ဗေ – ‘‘သဗ္ဗတ္ထ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗတ္ထ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
တတိယော နိဂ္ဂဟော။
၃။ (က) ကာလသစ္စိကဋ္ဌ
၁။ အနုလောမပစ္စနီက
֍ ဋ္ဌ ၁၂။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗဒါ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗဒါ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗဒါ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘သဗ္ဗဒါ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗဒါ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
စတုတ္ထော နိဂ္ဂဟော။
၄။ (က) အဝယဝသစ္စိကဋ္ဌ
၁။ အနုလောမပစ္စနီက
֍ ဋ္ဌ ၁၃။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗေသု ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
(အဘိ၊က၊၉။)အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗေသု ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗေသု ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘သဗ္ဗေသု ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗေသု ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
ပဉ္စမော နိဂ္ဂဟော။
၂။ (ခ) ဩကာသသစ္စိကဋ္ဌ
၂။ ပစ္စနီကာနုလောမ
֍ ဋ္ဌ ၁၄။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗတ္ထ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗတ္ထ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗတ္ထ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘သဗ္ဗတ္ထ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗတ္ထ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
ဆဋ္ဌော နိဂ္ဂဟော။
(အဘိ၊က၊၁၀။)၃။ (ခ) ကာလသစ္စိကဋ္ဌ
၂။ ပစ္စနီကာနုလောမ
֍ ဋ္ဌ ၁၅။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗဒါ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗဒါ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗဒါ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘သဗ္ဗဒါ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗဒါ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
သတ္တမော နိဂ္ဂဟော။
၄။ (ခ) အဝယဝသစ္စိကဋ္ဌ
၂။ ပစ္စနီကာနုလောမ
֍ ဋ္ဌ ၁၆။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ သဗ္ဗေသု ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘သဗ္ဗေသု ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘သဗ္ဗေသု ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ။
နော စေ ပန ဝတ္တဗ္ဗေ – ‘‘သဗ္ဗေသု ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော နုပလဗ္ဘတိ
(အဘိ၊က၊၁၁။)သစ္စိကဋ္ဌပရမတ္ထေန’, နော စ ဝတ္တဗ္ဗေ – ‘သဗ္ဗေသု ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာ’’’တိ မိစ္ဆာ…ပေ…။
အဋ္ဌကနိဂ္ဂဟော။
၅။ သုဒ္ဓိကသံသန္ဒန
֍ ဋ္ဌ ၁၇။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန’, နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ…ပေ…။
֍ ဋ္ဌ ၁၈။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန…ပေ… သညာ စ ဥပလဗ္ဘတိ…ပေ… သင်္ခါရာ စ ဥပလဗ္ဘန္တိ…ပေ… ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ဝိညာဏံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ။
(အဘိ၊က၊၁၂။)နော စေ ပန ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ…ပေ…။
֍ ဋ္ဌ ၁၉။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, စက္ခာယတနဉ္စ ဥပလဗ္ဘတိ သစ္စိကဋ္ဌပရမတ္ထေန…ပေ… သောတာယတနဉ္စ ဥပလဗ္ဘတိ… ဃာနာယတနဉ္စ ဥပလဗ္ဘတိ… ဇိဝှါယတနဉ္စ ဥပလဗ္ဘတိ… ကာယာယတနဉ္စ ဥပလဗ္ဘတိ… ရူပါယတနဉ္စ ဥပလဗ္ဘတိ… သဒ္ဒါယတနဉ္စ ဥပလဗ္ဘတိ… ဂန္ဓာယတနဉ္စ ဥပလဗ္ဘတိ… ရသာယတနဉ္စ ဥပလဗ္ဘတိ… ဖောဋ္ဌဗ္ဗာယတနဉ္စ ဥပလဗ္ဘတိ… မနာယတနဉ္စ ဥပလဗ္ဘတိ… ဓမ္မာယတနဉ္စ ဥပလဗ္ဘတိ သစ္စိကဋ္ဌပရမတ္ထေန…ပေ…။
֍ ဋ္ဌ ၂၀။ စက္ခုဓာတု စ ဥပလဗ္ဘတိ သစ္စိကဋ္ဌပရမတ္ထေန…ပေ… သောတဓာတု စ ဥပလဗ္ဘတိ… ဃာနဓာတု စ ဥပလဗ္ဘတိ… ဇိဝှါဓာတု စ ဥပလဗ္ဘတိ… ကာယဓာတု စ ဥပလဗ္ဘတိ… ရူပဓာတု စ ဥပလဗ္ဘတိ… သဒ္ဒဓာတု စ ဥပလဗ္ဘတိ… ဂန္ဓဓာတု စ ဥပလဗ္ဘတိ… ရသဓာတု စ ဥပလဗ္ဘတိ… ဖောဋ္ဌဗ္ဗဓာတု စ ဥပလဗ္ဘတိ… စက္ခုဝိညာဏဓာတု စ ဥပလဗ္ဘတိ… သောတဝိညာဏဓာတု စ ဥပလဗ္ဘတိ… ဃာနဝိညာဏဓာတု စ ဥပလဗ္ဘတိ… ဇိဝှါဝိညာဏဓာတု စ ဥပလဗ္ဘတိ… ကာယဝိညာဏဓာတု စ ဥပလဗ္ဘတိ… မနောဓာတု စ ဥပလဗ္ဘတိ… မနောဝိညာဏဓာတု စ ဥပလဗ္ဘတိ… ဓမ္မဓာတု စ ဥပလဗ္ဘတိ သစ္စိကဋ္ဌပရမတ္ထေန…ပေ…။
֍ ဋ္ဌ ၂၁။ စက္ခုန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန…ပေ… သောတိန္ဒြိယဉ္စ ဥပလဗ္ဘတိ… ဃာနိန္ဒြိယဉ္စ ဥပလဗ္ဘတိ… ဇိဝှိန္ဒြိယဉ္စ ဥပလဗ္ဘတိ… ကာယိန္ဒြိယဉ္စ ဥပလဗ္ဘတိ … မနိန္ဒြိယဉ္စ ဥပလဗ္ဘတိ… ဇီဝိတိန္ဒြိယဉ္စ ဥပလဗ္ဘတိ… ဣတ္ထိန္ဒြိယဉ္စ ဥပလဗ္ဘတိ… ပုရိသိန္ဒြိယဉ္စ ဥပလဗ္ဘတိ… သုခိန္ဒြိယဉ္စ ဥပလဗ္ဘတိ… ဒုက္ခိန္ဒြိယဉ္စ ဥပလဗ္ဘတိ… သောမနဿိန္ဒြိယဉ္စ ဥပလဗ္ဘတိ… ဒေါမနဿိန္ဒြိယဉ္စ ဥပလဗ္ဘတိ… ဥပေက္ခိန္ဒြိယဉ္စ ဥပလဗ္ဘတိ… သဒ္ဓိန္ဒြိယဉ္စ ဥပလဗ္ဘတိ… ဝီရိယိန္ဒြိယဉ္စ ဥပလဗ္ဘတိ… သတိန္ဒြိယဉ္စ ဥပလဗ္ဘတိ… သမာဓိန္ဒြိယဉ္စ ဥပလဗ္ဘတိ… ပညိန္ဒြိယဉ္စ ဥပလဗ္ဘတိ… အနညာတညဿာမီတိန္ဒြိယဉ္စ ဥပလဗ္ဘတိ… အညိန္ဒြိယဉ္စ ဥပလဗ္ဘတိ… အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ အညာတာဝိန္ဒြိယံ အညော ပုဂ္ဂလောတိ? န ဟေဝံ ဝတ္တဗ္ဗေ။
(အဘိ၊က၊၁၃။)အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ ။ပ။
֍ ဋ္ဌ ၂၂။ [ပု။ ပ။ မာတိကာ ၄။၂၄၊ အ။ နိ။ ၄။၉၅-၉၆] ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော,’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ ။ပ။
(အဘိ၊က၊၁၄။)֍ ဋ္ဌ ၂၃။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ဝေဒနာ စ ဥပလဗ္ဘတိ…ပေ… သညာ စ ဥပလဗ္ဘတိ…ပေ… သင်္ခါရာ စ ဥပလဗ္ဘန္တိ…ပေ… ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ဝိညာဏံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော,’ ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ ။ပ။
֍ ဋ္ဌ ၂၄။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ စက္ခာယတနဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတာယတနဉ္စ ဥပလဗ္ဘတိ ။ပ။ ဓမ္မာယတနဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၂၅။ စက္ခုဓာတု စ ဥပလဗ္ဘတိ သစ္စိကဋ္ဌပရမတ္ထေန ။ပ။ ကာယဓာတု စ ဥပလဗ္ဘတိ ။ပ။ ရူပဓာတု စ ဥပလဗ္ဘတိ ။ပ။ ဖောဋ္ဌဗ္ဗဓာတု စ ဥပလဗ္ဘတိ ။ပ။ စက္ခုဝိညာဏဓာတု စ ဥပလဗ္ဘတိ ။ပ။ မနောဝိညာဏဓာတု စ ဥပလဗ္ဘတိ ။ပ။ ဓမ္မဓာတု စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၂၆။ စက္ခုန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ အညိန္ဒြိယဉ္စ [အညာတာဝိန္ဒြိယဉ္စ (ဗဟူသု)] ဥပလဗ္ဘတိ သစ္စိကဋ္ဌပရမတ္ထေန ။ပ။
(အဘိ၊က၊၁၅။)֍ ဋ္ဌ ၂၇။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ အညာတာဝိန္ဒြိယံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော,’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ ။ပ။
သုဒ္ဓိကသံသန္ဒနာ။
၆။ ဩပမ္မသံသန္ဒန
֍ ဋ္ဌ ၂၈။ ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာတိ? အာမန္တာ။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,
(အဘိ၊က၊၁၆။)ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ…ပေ…။
֍ ဋ္ဌ ၂၉။ ရူပံ ဥပလဗ္ဘတိ သစ္စိကဋ္ဌပရမတ္ထေန, သညာ စ ဥပလဗ္ဘတိ…ပေ… သင်္ခါရာ စ ဥပလဗ္ဘန္တိ…ပေ… ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညံ ဝိညာဏန္တိ? အာမန္တာ။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ရူပံ ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညံ ဝိညာဏံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညံ ဝိညာဏံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညံ ဝိညာဏံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညံ ဝိညာဏံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ
(အဘိ၊က၊၁၇။)ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ…ပေ…။
֍ ဋ္ဌ ၃၀။ ဝေဒနာ ဥပလဗ္ဘတိ သစ္စိကဋ္ဌပရမတ္ထေန, သညာ စ ဥပလဗ္ဘတိ ။ပ။ သင်္ခါရာ စ ဥပလဗ္ဘန္တိ ။ပ။ ဝိညာဏဉ္စ ဥပလဗ္ဘတိ ။ပ။ ရူပဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၁။ သညာ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ ။ပ။ ဝိညာဏဉ္စ ဥပလဗ္ဘတိ ။ပ။ ရူပဉ္စ ဥပလဗ္ဘတိ ။ပ။ ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၂။ သင်္ခါရာ ဥပလဗ္ဘန္တိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ ။ပ။ ရူပဉ္စ ဥပလဗ္ဘတိ ။ပ။ ဝေဒနာ စ ဥပလဗ္ဘတိ ။ပ။ သညာ စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၃။ ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ ။ပ။ ဝေဒနာ စ ဥပလဗ္ဘတိ ။ပ။ သညာ စ ဥပလဗ္ဘတိ ။ပ။ သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန, အညံ ဝိညာဏံ အညေ သင်္ခါရာတိ? အာမန္တာ။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ဝိညာဏံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန, အညံ ဝိညာဏံ အညေ သင်္ခါရာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန, အညံ ဝိညာဏံ အညေ သင်္ခါရာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ဝိညာဏံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန, အညံ ဝိညာဏံ အညေ သင်္ခါရာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ
(အဘိ၊က၊၁၈။)ဝဒေသိ – ‘‘ဝတ္တဗ္ဗေ ခေါ – ‘ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန, အညံ ဝိညာဏံ အညေ သင်္ခါရာ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ဝိညာဏံ အညော ပုဂ္ဂလော’’’တိ မိစ္ဆာ ။ပ။
֍ ဋ္ဌ ၃၄။ စက္ခာယတနံ ဥပလဗ္ဘတိ သစ္စိကဋ္ဌပရမတ္ထေန, သောတာယတနဉ္စ ဥပလဗ္ဘတိ ။ပ။ ဓမ္မာယတနဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတာယတနံ ဥပလဗ္ဘတိ ။ပ။ ဓမ္မာယတနံ ဥပလဗ္ဘတိ သစ္စိကဋ္ဌပရမတ္ထေန, စက္ခာယတနဉ္စ ဥပလဗ္ဘတိ ။ပ။ မနာယတနဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၅။ စက္ခုဓာတု ဥပလဗ္ဘတိ သစ္စိကဋ္ဌပရမတ္ထေန, သောတဓာတု စ ဥပလဗ္ဘတိ ။ပ။ ဓမ္မဓာတု စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတဓာတု ဥပလဗ္ဘတိ ။ပ။ ဓမ္မဓာတု ဥပလဗ္ဘတိ သစ္စိကဋ္ဌပရမတ္ထေန, စက္ခုဓာတု စ ဥပလဗ္ဘတိ ။ပ။ မနောဝိညာဏဓာတု စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၆။ စက္ခုန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, သောတိန္ဒြိယဉ္စ ဥပလဗ္ဘတိ ။ပ။ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတိန္ဒြိယံ ဥပလဗ္ဘတိ ။ပ။ အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန ။ပ။ စက္ခုန္ဒြိယဉ္စ ဥပလဗ္ဘတိ ။ပ။ အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယန္တိ? အာမန္တာ။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ အညာတာဝိန္ဒြိယံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ။
(အဘိ၊က၊၁၉။)နော စေ ပန ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ ။ပ။
֍ ဋ္ဌ ၃၇။ ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – အညံ ရူပံ အညော ပုဂ္ဂလောတိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ရူပံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော,’ ရူပဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ရူပံ ဥပလဗ္ဘတိ သစ္စိကဋ္ဌပရမတ္ထေန, ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန, အညံ ရူပံ အညာ ဝေဒနာ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, ရူပဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ ရူပံ အညော ပုဂ္ဂလော’’’တိ မိစ္ဆာ ။ပ။
(အဘိ၊က၊၂၀။)֍ ဋ္ဌ ၃၈။ ရူပံ ဥပလဗ္ဘတိ သစ္စိကဋ္ဌပရမတ္ထေန, သညာ စ ဥပလဗ္ဘတိ… သင်္ခါရာ စ ဥပလဗ္ဘန္တိ… ဝိညာဏဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၃၉။ ဝေဒနာ ဥပလဗ္ဘတိ သစ္စိကဋ္ဌပရမတ္ထေန, သညာ စ ဥပလဗ္ဘတိ… သင်္ခါရာ စ ဥပလဗ္ဘန္တိ… ဝိညာဏဉ္စ ဥပလဗ္ဘတိ… ရူပဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၄၀။ သညာ ဥပလဗ္ဘတိ သစ္စိကဋ္ဌပရမတ္ထေန, သင်္ခါရာ စ ဥပလဗ္ဘန္တိ… ဝိညာဏဉ္စ ဥပလဗ္ဘတိ… ရူပဉ္စ ဥပလဗ္ဘတိ… ဝေဒနာ စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၄၁။ သင်္ခါရာ ဥပလဗ္ဘန္တိ သစ္စိကဋ္ဌပရမတ္ထေန, ဝိညာဏဉ္စ ဥပလဗ္ဘတိ… ရူပဉ္စ ဥပလဗ္ဘတိ… ဝေဒနာ စ ဥပလဗ္ဘတိ… သညာ စ ဥပလဗ္ဘတိ သစ္စိကဋ္ဌပရမတ္ထေန ။ပ။
֍ ဋ္ဌ ၄၂။ ဝိညာဏံ ဥပလဗ္ဘတိ သစ္စိကဋ္ဌပရမတ္ထေန, ရူပဉ္စ ဥပလဗ္ဘတိ… ဝေဒနာ စ ဥပလဗ္ဘတိ… သညာ စ ဥပလဗ္ဘတိ… သင်္ခါရာ စ ဥပလဗ္ဘန္တိ သစ္စိကဋ္ဌပရမတ္ထေန ။ပ။
֍ ဋ္ဌ ၄၃။ စက္ခာယတနံ ဥပလဗ္ဘတိ သစ္စိကဋ္ဌပရမတ္ထေန, သောတာယတနဉ္စ ဥပလဗ္ဘတိ ။ပ။ ဓမ္မာယတနဉ္စ ဥပလဗ္ဘတိ သစ္စိကဋ္ဌပရမတ္ထေန ။ပ။ သောတာယတနံ ဥပလဗ္ဘတိ ။ပ။ ဓမ္မာယတနံ ဥပလဗ္ဘတိ သစ္စိကဋ္ဌပရမတ္ထေန စက္ခာယတနဉ္စ ဥပလဗ္ဘတိ…ပေ… မနာယတနဉ္စ ဥပလဗ္ဘတိ သစ္စိကဋ္ဌပရမတ္ထေန…ပေ…။
֍ ဋ္ဌ ၄၄။ စက္ခုဓာတု ဥပလဗ္ဘတိ သစ္စိကဋ္ဌပရမတ္ထေန, သောတဓာတု စ ဥပလဗ္ဘတိ…ပေ… ဓမ္မဓာတု စ ဥပလဗ္ဘတိ သစ္စိကဋ္ဌပရမတ္ထေန…ပေ… သောတဓာတု ဥပလဗ္ဘတိ သစ္စိကဋ္ဌပရမတ္ထေန…ပေ… ဓမ္မဓာတု ဥပလဗ္ဘတိ သစ္စိကဋ္ဌပရမတ္ထေန, စက္ခုဓာတု စ ဥပလဗ္ဘတိ…ပေ… မနောဝိညာဏဓာတု စ ဥပလဗ္ဘတိ သစ္စိကဋ္ဌပရမတ္ထေန…ပေ…။
֍ ဋ္ဌ ၄၅။ စက္ခုန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, သောတိန္ဒြိယဉ္စ ဥပလဗ္ဘတိ…ပေ… အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန…ပေ… သောတိန္ဒြိယံ ဥပလဗ္ဘတိ…ပေ… အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, စက္ခုန္ဒြိယဉ္စ ဥပလဗ္ဘတိ…ပေ… အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန၊ အညံ
(အဘိ၊က၊၂၁။)အညာတာဝိန္ဒြိယံ အညံ အညိန္ဒြိယန္တိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညံ အညာတာဝိန္ဒြိယံ အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန၊ တေန ဝတ ရေ ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘အညံ အညာတာဝိန္ဒြိယံ အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော,’ အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အညာတာဝိန္ဒြိယံ ဥပလဗ္ဘတိ သစ္စိကဋ္ဌပရမတ္ထေန, အညိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန, အညံ အညာတာဝိန္ဒြိယံ အညံ အညိန္ဒြိယံ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော, အညာတာဝိန္ဒြိယဉ္စ ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘အညံ အညာတာဝိန္ဒြိယံ အညော ပုဂ္ဂလော’’’တိ မိစ္ဆာ ။ပ။
ဩပမ္မသံသန္ဒနံ။
၇။ စတုက္ကနယသံသန္ဒန
֍ ဋ္ဌ ၄၆။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ရူပံ ပုဂ္ဂလောတိ? န ဟေဝံ ဝတ္တဗ္ဗေ။
(အဘိ၊က၊၂၂။)အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ရူပံ ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ရူပံ ပုဂ္ဂလော’’’တိ မိစ္ဆာ။
နော စေ ပန ဝတ္တဗ္ဗေ – ‘‘ရူပံ ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ရူပံ ပုဂ္ဂလော’’’တိ မိစ္ဆာ…ပေ…။
֍ ဋ္ဌ ၄၇။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ရူပသ္မိံ ပုဂ္ဂလော…ပေ… အညတြ ရူပါ ပုဂ္ဂလော…ပေ… ပုဂ္ဂလသ္မိံ ရူပန္တိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ပုဂ္ဂလသ္မိံ ရူပ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ ရူပ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘ပုဂ္ဂလသ္မိံ ရူပ’’န္တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ ရူပ’’’န္တိ မိစ္ဆာ…ပေ…။
֍ ဋ္ဌ ၄၈။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝေဒနာ ပုဂ္ဂလော…ပေ… ဝေဒနာယ ပုဂ္ဂလော…ပေ… အညတြ ဝေဒနာယ ပုဂ္ဂလော…ပေ… ပုဂ္ဂလသ္မိံ ဝေဒနာ…ပေ…။
သညာ ပုဂ္ဂလော…ပေ… သညာယ ပုဂ္ဂလော…ပေ… အညတြ သညာယ ပုဂ္ဂလော…ပေ… ပုဂ္ဂလသ္မိံ သညာ…ပေ…။
သင်္ခါရာ ပုဂ္ဂလော…ပေ… သင်္ခါရေသု ပုဂ္ဂလော…ပေ… အညတြ သင်္ခါရေဟိ ပုဂ္ဂလော…ပေ… ပုဂ္ဂလသ္မိံ သင်္ခါရာ…ပေ…။
ဝိညာဏံ ပုဂ္ဂလော…ပေ… ဝိညာဏသ္မိံ ပုဂ္ဂလော…ပေ… အညတြ ဝိညာဏာ ပုဂ္ဂလော…ပေ… ပုဂ္ဂလသ္မိံ ဝိညာဏန္တိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ပုဂ္ဂလသ္မိံ ဝိညာဏ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ
(အဘိ၊က၊၂၃။)ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ ဝိညာဏ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘ပုဂ္ဂလသ္မိံ ဝိညာဏ’’န္တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ ဝိညာဏ’’’န္တိ မိစ္ဆာ ။ပ။
֍ ဋ္ဌ ၄၉။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ စက္ခာယတနံ ပုဂ္ဂလော…ပေ… စက္ခာယတနသ္မိံ ပုဂ္ဂလော ။ပ။ အညတြ စက္ခာယတနာ ပုဂ္ဂလော ။ပ။ ပုဂ္ဂလသ္မိံ စက္ခာယတနံ ။ပ။ ဓမ္မာယတနံ ပုဂ္ဂလော ။ပ။ ဓမ္မာယတနသ္မိံ ပုဂ္ဂလော ။ပ။ အညတြ ဓမ္မာယတနာ ပုဂ္ဂလော ။ပ။ ပုဂ္ဂလသ္မိံ ဓမ္မာယတနံ ။ပ။
စက္ခုဓာတု ပုဂ္ဂလော ။ပ။ စက္ခုဓာတုယာ ပုဂ္ဂလော ။ပ။ အညတြ စက္ခုဓာတုယာ ပုဂ္ဂလော ။ပ။ ပုဂ္ဂလသ္မိံ စက္ခုဓာတု ။ပ။ ဓမ္မဓာတု ပုဂ္ဂလော ။ပ။ ဓမ္မဓာတုယာ ပုဂ္ဂလော ။ပ။ အညတြ ဓမ္မဓာတုယာ ပုဂ္ဂလော ။ပ။ ပုဂ္ဂလသ္မိံ ဓမ္မဓာတု ။ပ။
စက္ခုန္ဒြိယံ ပုဂ္ဂလော ။ပ။ စက္ခုန္ဒြိယသ္မိံ ပုဂ္ဂလော ။ပ။ အညတြ စက္ခုန္ဒြိယာ ပုဂ္ဂလော ။ပ။ ပုဂ္ဂလသ္မိံ စက္ခုန္ဒြိယံ ။ပ။ အညာတာဝိန္ဒြိယံ ပုဂ္ဂလော ။ပ။ အညာတာဝိန္ဒြိယသ္မိံ ပုဂ္ဂလော ။ပ။ အညတြ အညာတာဝိန္ဒြိယာ ပုဂ္ဂလော ။ပ။ ပုဂ္ဂလသ္မိံ အညာတာဝိန္ဒြိယန္တိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန, တေန ဝတ ရေ ဝတ္တဗ္ဗေ – ‘‘ပုဂ္ဂလသ္မိံ အညာတာဝိန္ဒြိယ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ အညာတာဝိန္ဒြိယ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘ပုဂ္ဂလသ္မိံ အညာတာဝိန္ဒြိယ’’န္တိ, နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေန,’ နော စ ဝတ္တဗ္ဗေ – ‘ပုဂ္ဂလသ္မိံ အညာတာဝိန္ဒြိယ’’’န္တိ မိစ္ဆာ ။ပ။
֍ ဋ္ဌ ၅၀။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ? အာမန္တာ။ ရူပံ ပုဂ္ဂလောတိ? န ဟေဝံ ဝတ္တဗ္ဗေ။
(အဘိ၊က၊၂၄။)အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ တေန ဝတ ရေ ဝတ္တဗ္ဗေ – ‘‘ရူပံ ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ရူပံ ပုဂ္ဂလောတိ’’’ မိစ္ဆာ။
နော စေ ပန ဝတ္တဗ္ဗေ – ‘‘ရူပံ ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ရူပံ ပုဂ္ဂလော’’’တိ မိစ္ဆာ ။ပ။
֍ ဋ္ဌ ၅၁။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ? အာမန္တာ။ ရူပသ္မိံ ပုဂ္ဂလော ။ပ။ အညတြ ရူပါ ပုဂ္ဂလော ။ပ။ ပုဂ္ဂလသ္မိံ ရူပံ ။ပ။
ဝေဒနာ ပုဂ္ဂလော ။ပ။ ဝေဒနာယ ပုဂ္ဂလော ။ပ။ အညတြ ဝေဒနာယ ပုဂ္ဂလော ။ပ။ ပုဂ္ဂလသ္မိံ ဝေဒနာ ။ပ။
သညာ ပုဂ္ဂလော ။ပ။ သညာယ ပုဂ္ဂလော ။ပ။ အညတြ သညာယ ပုဂ္ဂလော ။ပ။ ပုဂ္ဂလသ္မိံ သညာ ။ပ။
သင်္ခါရာ ပုဂ္ဂလော ။ပ။ သင်္ခါရေသု ပုဂ္ဂလော ။ပ။ အညတြ သင်္ခါရေဟိ ပုဂ္ဂလော ။ပ။ ပုဂ္ဂလသ္မိံ သင်္ခါရာ ။ပ။
ဝိညာဏံ ပုဂ္ဂလော ။ပ။ ဝိညာဏသ္မိံ ပုဂ္ဂလော ။ပ။ အညတြ ဝိညာဏာ ပုဂ္ဂလော ။ပ။ ပုဂ္ဂလသ္မိံ ဝိညာဏန္တိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ တေန ဝတ ရေ ဝတ္တဗ္ဗေ – ‘‘ပုဂ္ဂလသ္မိံ ဝိညာဏ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ပုဂ္ဂလသ္မိံ ဝိညာဏ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘ပုဂ္ဂလသ္မိံ ဝိညာဏ’’န္တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ပုဂ္ဂလသ္မိံ ဝိညာဏ’’’န္တိ မိစ္ဆာ ။ပ။
(အဘိ၊က၊၂၅။)֍ ဋ္ဌ ၅၂။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ? အာမန္တာ။ စက္ခာယတနံ ပုဂ္ဂလော ။ပ။ စက္ခာယတနသ္မိံ ပုဂ္ဂလော ။ပ။ အညတြ စက္ခာယတနာ ပုဂ္ဂလော ။ပ။ ပုဂ္ဂလသ္မိံ စက္ခာယတနံ ။ပ။ ဓမ္မာယတနံ ပုဂ္ဂလော ။ပ။ ဓမ္မာယတနသ္မိံ ပုဂ္ဂလော ။ပ။ အညတြ ဓမ္မာယတနာ ပုဂ္ဂလော ။ပ။ ပုဂ္ဂလသ္မိံ ဓမ္မာယတနံ ။ပ။
စက္ခုဓာတု ပုဂ္ဂလော ။ပ။ စက္ခုဓာတုယာ ပုဂ္ဂလော ။ပ။ အညတြ စက္ခုဓာတုယာ ပုဂ္ဂလော ။ပ။ ပုဂ္ဂလသ္မိံ စက္ခုဓာတု ။ပ။ ဓမ္မဓာတု ပုဂ္ဂလော ။ပ။ ဓမ္မဓာတုယာ ပုဂ္ဂလော ။ပ။ အညတြ ဓမ္မဓာတုယာ ပုဂ္ဂလော ။ပ။ ပုဂ္ဂလသ္မိံ ဓမ္မဓာတု ။ပ။
စက္ခုန္ဒြိယံ ပုဂ္ဂလော ။ပ။ စက္ခုန္ဒြိယသ္မိံ ပုဂ္ဂလော ။ပ။ အညတြ စက္ခုန္ဒြိယာ ပုဂ္ဂလော ။ပ။ ပုဂ္ဂလသ္မိံ စက္ခုန္ဒြိယံ ။ပ။ အညာတာဝိန္ဒြိယံ ပုဂ္ဂလော ။ပ။ အညာတာဝိန္ဒြိယသ္မိံ ပုဂ္ဂလော ။ပ။ အညတြ အညာတာဝိန္ဒြိယာ ပုဂ္ဂလော ။ပ။ ပုဂ္ဂလသ္မိံ အညာတာဝိန္ဒြိယန္တိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ တေန ဝတ ရေ ဝတ္တဗ္ဗေ – ‘‘ပုဂ္ဂလသ္မိံ အညာတာဝိန္ဒြိယ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ပုဂ္ဂလသ္မိံ အညာတာဝိန္ဒြိယ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘ပုဂ္ဂလသ္မိံ အညာတာဝိန္ဒြိယ’’န္တိ, နော စ ဝတ ရေ ဝတ္တဗ္ဗေ – ‘‘ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘ပုဂ္ဂလသ္မိံ အညာတာဝိန္ဒြိယ’’’န္တိ မိစ္ဆာ ။ပ။
စတုက္ကနယသံသန္ဒနံ။
၈။ လက္ခဏယုတ္တိကထာ
֍ ဋ္ဌ ၅၃။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ပုဂ္ဂလော သပ္ပစ္စယော ။ပ။ ပုဂ္ဂလော အပ္ပစ္စယော… ပုဂ္ဂလော သင်္ခတော … ပုဂ္ဂလော အသင်္ခတော… ပုဂ္ဂလော သဿတော … ပုဂ္ဂလော အသဿတော… ပုဂ္ဂလော သနိမိတ္တော… ပုဂ္ဂလော အနိမိတ္တောတိ? န ဟေဝံ ဝတ္တဗ္ဗေ။ (သံခိတ္တံ)
(အဘိ၊က၊၂၆။)֍ ဋ္ဌ ၅၄။ ပုဂ္ဂလော နုပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ? အာမန္တာ။ ပုဂ္ဂလော သပ္ပစ္စယော ။ပ။ ပုဂ္ဂလော အပ္ပစ္စယော… ပုဂ္ဂလော သင်္ခတော… ပုဂ္ဂလော အသင်္ခတော… ပုဂ္ဂလော သဿတော… ပုဂ္ဂလော အသဿတော… ပုဂ္ဂလော သနိမိတ္တော… ပုဂ္ဂလော အနိမိတ္တောတိ? န ဟေဝံ ဝတ္တဗ္ဗေ။ (သံခိတ္တံ)
လက္ခဏယုတ္တိကထာ။
၉။ ဝစနသောဓနံ
֍ ဋ္ဌ ၅၅။ ပုဂ္ဂလော ဥပလဗ္ဘတိ, ဥပလဗ္ဘတိ ပုဂ္ဂလောတိ? ပုဂ္ဂလော ဥပလဗ္ဘတိ, ဥပလဗ္ဘတိ ကေဟိစိ ပုဂ္ဂလော ကေဟိစိ န ပုဂ္ဂလောတိ။ ပုဂ္ဂလော ကေဟိစိ ဥပလဗ္ဘတိ ကေဟိစိ န ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၅၆။ ပုဂ္ဂလော သစ္စိကဋ္ဌော, သစ္စိကဋ္ဌော ပုဂ္ဂလောတိ? ပုဂ္ဂလော သစ္စိကဋ္ဌော, သစ္စိကဋ္ဌော ကေဟိစိ ပုဂ္ဂလော ကေဟိစိ န ပုဂ္ဂလောတိ။ ပုဂ္ဂလော ကေဟိစိ သစ္စိကဋ္ဌော ကေဟိစိ န သစ္စိကဋ္ဌောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၅၇။ ပုဂ္ဂလော ဝိဇ္ဇမာနော, ဝိဇ္ဇမာနော ပုဂ္ဂလောတိ? ပုဂ္ဂလော ဝိဇ္ဇမာနော, ဝိဇ္ဇမာနော ကေဟိစိ ပုဂ္ဂလော ကေဟိစိ န ပုဂ္ဂလောတိ။ ပုဂ္ဂလော ကေဟိစိ ဝိဇ္ဇမာနော ကေဟိစိ န ဝိဇ္ဇမာနောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၅၈။ ပုဂ္ဂလော သံဝိဇ္ဇမာနော, သံဝိဇ္ဇမာနော ပုဂ္ဂလောတိ? ပုဂ္ဂလော သံဝိဇ္ဇမာနော, သံဝိဇ္ဇမာနော ကေဟိစိ ပုဂ္ဂလော ကေဟိစိ န ပုဂ္ဂလောတိ။ ပုဂ္ဂလော ကေဟိစိ သံဝိဇ္ဇမာနော ကေဟိစိ န သံဝိဇ္ဇမာနောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၅၉။ ပုဂ္ဂလော အတ္ထိ, အတ္ထိ ပုဂ္ဂလောတိ? ပုဂ္ဂလော အတ္ထိ, အတ္ထိ ကေဟိစိ ပုဂ္ဂလော ကေဟိစိ န ပုဂ္ဂလောတိ။ ပုဂ္ဂလော ကေဟိစိ အတ္ထိ ကေဟိစိ နတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၀။ ပုဂ္ဂလော အတ္ထိ, အတ္ထိ န သဗ္ဗော ပုဂ္ဂလောတိ? အာမန္တာ ။ပ။ ပုဂ္ဂလော နတ္ထိ, နတ္ထိ န သဗ္ဗော ပုဂ္ဂလောတိ? န ဟေဝံ ဝတ္တဗ္ဗေ။ (သံခိတ္တံ)
ဝစနသောဓနံ။
(အဘိ၊က၊၂၇။)၁၀။ ပညတ္တာနုယောဂေါ
֍ ဋ္ဌ ၆၁။ ရူပဓာတုယာ ရူပီ ပုဂ္ဂလောတိ? အာမန္တာ။ ကာမဓာတုယာ ကာမီ ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၂။ ရူပဓာတုယာ ရူပိနော သတ္တာတိ? အာမန္တာ။ ကာမဓာတုယာ ကာမိနော သတ္တာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၃။ အရူပဓာတုယာ အရူပီ ပုဂ္ဂလောတိ? အာမန္တာ။ ကာမဓာတုယာ ကာမီ ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၄။ အရူပဓာတုယာ အရူပိနော သတ္တာတိ? အာမန္တာ။ ကာမဓာတုယာ ကာမိနော သတ္တာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၅။ ရူပဓာတုယာ ရူပီ ပုဂ္ဂလော အရူပဓာတုယာ အရူပီ ပုဂ္ဂလော, အတ္ထိ စ ကောစိ ရူပဓာတုယာ စုတော အရူပဓာတုံ ဥပပဇ္ဇတီတိ? အာမန္တာ။ ရူပီ ပုဂ္ဂလော ဥပစ္ဆိန္နော, အရူပီ ပုဂ္ဂလော ဇာတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၆။ ရူပဓာတုယာ ရူပိနော သတ္တာ အရူပဓာတုယာ အရူပိနော သတ္တာ, အတ္ထိ စ ကောစိ ရူပဓာတုယာ စုတော အရူပဓာတုံ ဥပပဇ္ဇတီတိ? အာမန္တာ။ ရူပီ သတ္တော ဥပစ္ဆိန္နော, အရူပီ သတ္တော ဇာတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၆၇။ ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ပုဂ္ဂလောတိ ဝါ ဇီဝေါတိ ဝါ, ဇီဝေါတိ ဝါ ပုဂ္ဂလောတိ ဝါ, ပုဂ္ဂလံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ အညော ကာယော, အညော ပုဂ္ဂလောတိ? အာမန္တာ။ အညံ ဇီဝံ, အညံ သရီရန္တိ? န ဟေဝံ ဝတ္တဗ္ဗေ။
အာဇာနာဟိ နိဂ္ဂဟံ။ ဟဉ္စိ ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ပုဂ္ဂလောတိ ဝါ ဇီဝေါတိ ဝါ, ဇီဝေါတိ ဝါ ပုဂ္ဂလောတိ ဝါ, ပုဂ္ဂလံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, အညော ကာယော အညော ပုဂ္ဂလော၊ တေန ဝတ ရေ ဝတ္တဗ္ဗေ – ‘‘အညံ ဇီဝံ အညံ သရီရ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ –
(အဘိ၊က၊၂၈။)‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ပုဂ္ဂလောတိ ဝါ ဇီဝေါတိ ဝါ, ဇီဝေါတိ ဝါ ပုဂ္ဂလောတိ ဝါ, ပုဂ္ဂလံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, အညော ကာယော အညော ပုဂ္ဂလော,’ နော စ ဝတ္တဗ္ဗေ – ‘အညံ ဇီဝံ အညံ သရီရ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘အညံ ဇီဝံ အညံ သရီရ’’န္တိ, နော စ ဝတ ရေ ဝတ္တဗ္ဗေ – ‘‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ပုဂ္ဂလောတိ ဝါ ဇီဝေါတိ ဝါ, ဇီဝေါတိ ဝါ ပုဂ္ဂလောတိ ဝါ, ပုဂ္ဂလံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, အညော ကာယော အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ပုဂ္ဂလောတိ ဝါ ဇီဝေါတိ ဝါ, ဇီဝေါတိ ဝါ ပုဂ္ဂလောတိ ဝါ, ပုဂ္ဂလံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, အညော ကာယော အညော ပုဂ္ဂလော’, နော စ ဝတ္တဗ္ဗေ – ‘အညံ ဇီဝံ အညံ သရီရ’’’န္တိ မိစ္ဆာ ။ပ။
֍ ဋ္ဌ ၆၈။ ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ? အာမန္တာ။ အညော ကာယော အညော ပုဂ္ဂလောတိ? န ဟေဝံ ဝတ္တဗ္ဗေ။
အာဇာနာဟိ ပဋိကမ္မံ။ ဟဉ္စိ ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော,’’ တေန ဝတ ရေ ဝတ္တဗ္ဗေ – ‘‘အညော ကာယော အညော ပုဂ္ဂလော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘အညော ကာယော အညော ပုဂ္ဂလော’’’တိ မိစ္ဆာ။
(အဘိ၊က၊၂၉။)နော စေ ပန ဝတ္တဗ္ဗေ – ‘‘အညော ကာယော အညော ပုဂ္ဂလော’’တိ, နော စ ဝတ ရေ ဝတ္တဗ္ဗေ – ‘‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ဝုတ္တံ ဘဂဝတာ – ‘အတ္ထိ ပုဂ္ဂလော အတ္တဟိတာယ ပဋိပန္နော’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ကာယောတိ ဝါ သရီရန္တိ ဝါ, သရီရန္တိ ဝါ ကာယောတိ ဝါ, ကာယံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေ, ဝုတ္တံ ဘဂဝတာ – အတ္ထိ ပုဂ္ဂလော အတ္တဟိတာယ ပဋိပန္နော,’ နော စ ဝတ္တဗ္ဗေ – ‘အညော ကာယော အညော ပုဂ္ဂလော’’’တိ မိစ္ဆာ။ (သံခိတ္တံ)
ပညတ္တာနုယောဂေါ။
၁၁။ ဂတိအနုယောဂေါ
֍ ဋ္ဌ ၆၉။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သော ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၀။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အညော ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၁။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သော စ အညော စ သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၂။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ နေဝ သော သန္ဓာဝတိ, န အညော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၃၀။)֍ ဋ္ဌ ၇၃။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သော ပုဂ္ဂလော သန္ဓာဝတိ, အညော ပုဂ္ဂလော သန္ဓာဝတိ, သော စ အညော စ သန္ဓာဝတိ, နေဝ သော သန္ဓာဝတိ န အညော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၄။ န ဝတ္တဗ္ဗံ – ‘‘ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောက’’န္တိ? အာမန္တာ။ နနု ဝုတ္တံ ဘဂဝတာ –
‘‘သ သတ္တက္ခတ္တုပရမံ, သန္ဓာဝိတွာန ပုဂ္ဂလော၊
ဒုက္ခဿန္တကရော ဟောတိ, သဗ္ဗသံယောဇနက္ခယာ’’တိ [သံ။ နိ။ ၂။၁၃၃၊ ဣတိဝု။ ၂၄ ဣတိဝုတ္တကေပိ]။
အတ္ထေဝ သုတ္တန္တောတိ? အာမန္တာ။ တေန ဟိ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ။
֍ ဋ္ဌ ၇၅။ န ဝတ္တဗ္ဗံ – ‘‘ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောက’’န္တိ? အာမန္တာ။ နနု ဝုတ္တံ ဘဂဝတာ – ‘‘အနမတဂ္ဂေါယံ [အနမတဂ္ဂါယံ (က။)], ဘိက္ခဝေ, သံသာရော။ ပုဗ္ဗကောဋိ န ပညာယတိ, အဝိဇ္ဇာနီဝရဏာနံ သတ္တာနံ တဏှာသံယောဇနာနံ သန္ဓာဝတံ သံသရတ’’န္တိ [သံ။ နိ။ ၂။၁၂၄]! အတ္ထေဝ သုတ္တန္တောတိ? အာမန္တာ။ တေန ဟိ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ။
֍ ဋ္ဌ ၇၆။ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၇။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အတ္ထိ ကောစိ မနုဿော ဟုတွာ ဒေဝေါ ဟောတီတိ? အာမန္တာ။ သွေဝ မနုဿော သော ဒေဝေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၇၈။ သွေဝ မနုဿော သော ဒေဝေါတိ? အာမန္တာ။ မနုဿော ဟုတွာ ဒေဝေါ ဟောတိ, ဒေဝေါ ဟုတွာ မနုဿော ဟောတိ, မနုဿဘူတော အညော, ဒေဝေါ အညော, မနုဿဘူတော သွေဝါယံ သန္ဓာဝတီတိ မိစ္ဆာ ။ပ။
(အဘိ၊က၊၃၁။)သစေ ဟိ သန္ဓာဝတိ သွေဝ ပုဂ္ဂလော ဣတော စုတော ပရံ လောကံ အနညော, ဟေဝံ မရဏံ န ဟေဟိတိ, ပါဏာတိပါတောပိ နုပလဗ္ဘတိ။ ကမ္မံ အတ္ထိ, ကမ္မဝိပါကော အတ္ထိ, ကတာနံ ကမ္မာနံ ဝိပါကော အတ္ထိ, ကုသလာကုသလေ ဝိပစ္စမာနေ သွေဝါယံ သန္ဓာဝတီတိ မိစ္ဆာ။
֍ ဋ္ဌ ၇၉။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အတ္ထိ ကောစိ မနုဿော ဟုတွာ ယက္ခော ဟောတိ, ပေတော ဟောတိ, နေရယိကော ဟောတိ, တိရစ္ဆာနဂတော ဟောတိ, ဩဋ္ဌော ဟောတိ, ဂေါဏော ဟောတိ, ဂဒြဘော ဟောတိ, သူကရော ဟောတိ, မဟိံသော [မဟိသော (သီ။ သျာ။ ကံ။ ပီ။)] ဟောတီတိ? အာမန္တာ။ သွေဝ မနုဿော သော မဟိံသောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၀။ သွေဝ မနုဿော သော မဟိံသောတိ? အာမန္တာ။ မနုဿော ဟုတွာ မဟိံသော ဟောတိ, မဟိံသော ဟုတွာ မနုဿော ဟောတိ, မနုဿဘူတော အညော, မဟိံသော အညော, မနုဿဘူတော သွေဝါယံ သန္ဓာဝတီတိ မိစ္ဆာ ။ပ။
သစေ ဟိ သန္ဓာဝတိ သွေဝ ပုဂ္ဂလော ဣတော စုတော ပရံ လောကံ အနညော, ဟေဝံ မရဏံ န ဟေဟိတိ, ပါဏာတိပါတောပိ နုပလဗ္ဘတိ။ ကမ္မံ အတ္ထိ, ကမ္မဝိပါကော အတ္ထိ, ကတာနံ ကမ္မာနံ ဝိပါကော အတ္ထိ, ကုသလာကုသလေ ဝိပစ္စမာနေ သွေဝါယံ သန္ဓာဝတီတိ မိစ္ဆာ။
֍ ဋ္ဌ ၈၁။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အတ္ထိ ကောစိ ခတ္တိယော ဟုတွာ ဗြာဟ္မဏော ဟောတီတိ? အာမန္တာ။ သွေဝ ခတ္တိယော သော ဗြာဟ္မဏောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၂။ အတ္ထိ ကောစိ ခတ္တိယော ဟုတွာ ဝေဿော ဟောတိ, သုဒ္ဒေါ ဟောတီတိ? အာမန္တာ။ သွေဝ ခတ္တိယော သော သုဒ္ဒေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၃။ အတ္ထိ ကောစိ ဗြာဟ္မဏော ဟုတွာ ဝေဿော ဟောတိ, သုဒ္ဒေါ ဟောတိ, ခတ္တိယော ဟောတီတိ? အာမန္တာ။ သွေဝ ဗြာဟ္မဏော သော ခတ္တိယောတိ? န ဟေဝံ ဝတ္တဗ္ဗေ ။ပ။
(အဘိ၊က၊၃၂။)֍ ဋ္ဌ ၈၄။ အတ္ထိ ကောစိ ဝေဿော ဟုတွာ သုဒ္ဒေါ ဟောတိ, ခတ္တိယော ဟောတိ, ဗြာဟ္မဏော ဟောတီတိ? အာမန္တာ။ သွေဝ ဝေဿော သော ဗြာဟ္မဏောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၅။ အတ္ထိ ကောစိ သုဒ္ဒေါ ဟုတွာ ခတ္တိယော ဟောတိ, ဗြာဟ္မဏော ဟောတိ, ဝေဿော ဟောတီတိ? အာမန္တာ။ သွေဝ သုဒ္ဒေါ သော ဝေဿောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၆။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ ဟတ္ထစ္ဆိန္နော ဟတ္ထစ္ဆိန္နောဝ ဟောတိ, ပါဒစ္ဆိန္နော ပါဒစ္ဆိန္နောဝ ဟောတိ, ဟတ္ထပါဒစ္ဆိန္နော ဟတ္ထပါဒစ္ဆိန္နောဝ ဟောတိ, ကဏ္ဏစ္ဆိန္နော… နာသစ္ဆိန္နော… ကဏ္ဏနာသစ္ဆိန္နော… အင်္ဂုလိစ္ဆိန္နော… အဠစ္ဆိန္နော… ကဏ္ဍရစ္ဆိန္နော… ကုဏိဟတ္ထကော… ဖဏဟတ္ထကော… ကုဋ္ဌိယော… ဂဏ္ဍိယော… ကိလာသိယော… သောသိယော… အပမာရိယော… ဩဋ္ဌော… ဂေါဏော… ဂဒြဘော… သူကရော… မဟိံသော မဟိံသောဝ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၈၇။ န ဝတ္တဗ္ဗံ – ‘‘သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောက’’န္တိ? အာမန္တာ။ နနု သောတာပန္နော ပုဂ္ဂလော မနုဿလောကာ စုတော ဒေဝလောကံ ဥပပန္နော တတ္ထပိ သောတာပန္နောဝ ဟောတီတိ? အာမန္တာ။
ဟဉ္စိ သောတာပန္နော ပုဂ္ဂလော မနုဿလောကာ စုတော ဒေဝလောကံ ဥပပန္နော တတ္ထပိ သောတာပန္နောဝ ဟောတိ, တေန ဝတ ရေ ဝတ္တဗ္ဗေ – ‘‘သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောက’’န္တိ။
֍ ဋ္ဌ ၈၈။ သောတာပန္နော ပုဂ္ဂလော မနုဿလောကာ စုတော ဒေဝလောကံ ဥပပန္နော တတ္ထပိ သောတာပန္နောဝ ဟောတီတိ ကတွာ တေန စ ကာရဏေန သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သောတာပန္နော ပုဂ္ဂလော မနုဿလောကာ စုတော ဒေဝလောကံ ဥပပန္နော တတ္ထပိ မနုဿော ဟောတီတိ ကတွာ? န ဟေဝံ ဝတ္တဗ္ဗေ ။ပ။
(အဘိ၊က၊၃၃။)֍ ဋ္ဌ ၈၉။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အနညော အဝိဂတော သန္ဓာဝတီတိ? န ဟေဝံ ဝတ္တဗ္ဗေ ။ပ။ ။
֍ ဋ္ဌ ၉၀။ အနညော အဝိဂတော သန္ဓာဝတီတိ? အာမန္တာ။ ဟတ္ထစ္ဆိန္နော ဟတ္ထစ္ဆိန္နောဝ ဟောတိ, ပါဒစ္ဆိန္နော ပါဒစ္ဆိန္နောဝ ဟောတိ, ဟတ္ထပါဒစ္ဆိန္နော ဟတ္ထပါဒစ္ဆိန္နောဝ ဟောတိ, ကဏ္ဏစ္ဆိန္နော… နာသစ္ဆိန္နော… ကဏ္ဏနာသစ္ဆိန္နော… အင်္ဂုလိစ္ဆိန္နော… အဠစ္ဆိန္နော… ကဏ္ဍရစ္ဆိန္နော… ကုဏိဟတ္ထကော… ဖဏဟတ္ထကော… ကုဋ္ဌိယော… ဂဏ္ဍိယော… ကိလာသိယော… သောသိယော… အပမာရိယော… ဩဋ္ဌော… ဂေါဏော… ဂဒြဘော… သူကရော… မဟိံသော မဟိံသောဝ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၁။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ သရူပေါ သန္ဓာဝတီတိ? န ဟေဝံ ဝတ္တဗ္ဗေ ။ပ။ သရူပေါ သန္ဓာဝတီတိ? အာမန္တာ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။
သဝေဒနော ။ပ။ သသညော ။ပ။ သသင်္ခါရော ။ပ။ သဝိညာဏော သန္ဓာဝတီတိ? န ဟေဝံ ဝတ္တဗ္ဗေ ။ပ။ သဝိညာဏော သန္ဓာဝတီတိ? အာမန္တာ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၂။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ အရူပေါ သန္ဓာဝတီတိ? န ဟေဝံ ဝတ္တဗ္ဗေ ။ပ။ အရူပေါ သန္ဓာဝတီတိ? အာမန္တာ။ အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ ။ပ။
အဝေဒနော ။ပ။ အသညော ။ပ။ အသင်္ခါရော ။ပ။ အဝိညာဏော သန္ဓာဝတီတိ? န ဟေဝံ ဝတ္တဗ္ဗေ ။ပ။ အဝိညာဏော သန္ဓာဝတီတိ? အာမန္တာ။ အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၃။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ ရူပံ သန္ဓာဝတီတိ? န ဟေဝံ ဝတ္တဗ္ဗေ ။ပ။ ရူပံ သန္ဓာဝတီတိ? အာမန္တာ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၃၄။)ဝေဒနာ ။ပ။ သညာ ။ပ။ သင်္ခါရာ ။ပ။ ဝိညာဏံ သန္ဓာဝတီတိ? န ဟေဝံ ဝတ္တဗ္ဗေ ။ပ။ ဝိညာဏံ သန္ဓာဝတီတိ? အာမန္တာ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၄။ သွေဝ ပုဂ္ဂလော သန္ဓာဝတိ အသ္မာ လောကာ ပရံ လောကံ, ပရသ္မာ လောကာ ဣမံ လောကန္တိ? အာမန္တာ။ ရူပံ န သန္ဓာဝတီတိ? န ဟေဝံ ဝတ္တဗ္ဗေ ။ပ။ ရူပံ န သန္ဓာဝတီတိ? အာမန္တာ။ အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ ။ပ။
ဝေဒနာ ။ပ။ သညာ ။ပ။ သင်္ခါရာ ။ပ။ ဝိညာဏံ န သန္ဓာဝတီတိ? န ဟေဝံ ဝတ္တဗ္ဗေ ။ပ။ ဝိညာဏံ န သန္ဓာဝတီတိ? အာမန္တာ။ အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ။ (သံခိတ္တံ)။
ခန္ဓေသု ဘိဇ္ဇမာနေသု, သော စေ ဘိဇ္ဇတိ ပုဂ္ဂလော၊
ဥစ္ဆေဒါ ဘဝတိ ဒိဋ္ဌိ, ယာ ဗုဒ္ဓေန ဝိဝဇ္ဇိတာ။
ခန္ဓေသု ဘိဇ္ဇမာနေသု, နော စေ ဘိဇ္ဇတိ ပုဂ္ဂလော၊
ပုဂ္ဂလော သဿတော ဟောတိ, နိဗ္ဗာနေန သမသမောတိ။
ဂတိအနုယောဂေါ။
၁၂။ ဥပါဒါပညတ္တာနုယောဂ
֍ ဋ္ဌ ၉၅။ ရူပံ ဥပါဒါယ ပုဂ္ဂလဿ ပညတ္တီတိ? အာမန္တာ။ ရူပံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? အာမန္တာ? ပုဂ္ဂလောပိ အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၆။ ဝေဒနံ ဥပါဒါယ… သညံ ဥပါဒါယ… သင်္ခါရေ ဥပါဒါယ… ဝိညာဏံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဝိညာဏံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? အာမန္တာ။ ပုဂ္ဂလောပိ အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၇။ ရူပံ ဥပါဒါယ ပုဂ္ဂလဿ ပညတ္တီတိ? အာမန္တာ။ နီလံ ရူပံ ဥပါဒါယ နီလကဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ ပီတံ ရူပံ ဥပါဒါယ…
(အဘိ၊က၊၃၅။)လောဟိတံ ရူပံ ဥပါဒါယ… ဩဒါတံ ရူပံ ဥပါဒါယ… သနိဒဿနံ ရူပံ ဥပါဒါယ… အနိဒဿနံ ရူပံ ဥပါဒါယ… သပ္ပဋိဃံ ရူပံ ဥပါဒါယ… အပ္ပဋိဃံ ရူပံ ဥပါဒါယ အပ္ပဋိဃဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၈။ ဝေဒနံ ဥပါဒါယ ပုဂ္ဂလဿ ပညတ္တီတိ? အာမန္တာ။ ကုသလံ ဝေဒနံ ဥပါဒါယ ကုသလဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ ကုသလံ ဝေဒနံ ဥပါဒါယ ကုသလဿ ပုဂ္ဂလဿ ပညတ္တီတိ? အာမန္တာ။ ကုသလာ ဝေဒနာ သဖလာ သဝိပါကာ ဣဋ္ဌဖလာ ကန္တဖလာ မနုညဖလာ အသေစနကဖလာ သုခုဒြယာ သုခဝိပါကာတိ? အာမန္တာ။ ကုသလောပိ ပုဂ္ဂလော သဖလော သဝိပါကော ဣဋ္ဌဖလော ကန္တဖလော မနုညဖလော အသေစနကဖလော သုခုဒြယော သုခဝိပါကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၉၉။ ဝေဒနံ ဥပါဒါယ ပုဂ္ဂလဿ ပညတ္တီတိ? အာမန္တာ။ အကုသလံ ဝေဒနံ ဥပါဒါယ အကုသလဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ အကုသလံ ဝေဒနံ ဥပါဒါယ အကုသလဿ ပုဂ္ဂလဿ ပညတ္တီတိ? အာမန္တာ။ အကုသလာ ဝေဒနာ သဖလာ သဝိပါကာ အနိဋ္ဌဖလာ အကန္တဖလာ အမနုညဖလာ သေစနကဖလာ ဒုက္ခုဒြယာ ဒုက္ခဝိပါကာတိ? အာမန္တာ။ အကုသလောပိ ပုဂ္ဂလော သဖလော သဝိပါကော အနိဋ္ဌဖလော အကန္တဖလော အမနုညဖလော သေစနကဖလော ဒုက္ခုဒြယော ဒုက္ခဝိပါကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၀။ ဝေဒနံ ဥပါဒါယ ပုဂ္ဂလဿ ပညတ္တီတိ? အာမန္တာ။ အဗျာကတံ ဝေဒနံ ဥပါဒါယ အဗျာကတဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ အဗျာကတံ ဝေဒနံ ဥပါဒါယ အဗျာကတဿ ပုဂ္ဂလဿ ပညတ္တီတိ? အာမန္တာ။ အဗျာကတာ ဝေဒနာ အနိစ္စာ သင်္ခတာ ပဋိစ္စသမုပ္ပန္နာ ခယဓမ္မာ ဝယဓမ္မာ ဝိရာဂဓမ္မာ နိရောဓဓမ္မာ ဝိပရိဏာမဓမ္မာတိ? အာမန္တာ။ အဗျာကတောပိ ပုဂ္ဂလော အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၁။ သညံ ဥပါဒါယ… သင်္ခါရေ ဥပါဒါယ… ဝိညာဏံ ဥပါဒါယ ပုဂ္ဂလဿ ပညတ္တီတိ? အာမန္တာ။ ကုသလံ ဝိညာဏံ ဥပါဒါယ ကုသလဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ ကုသလံ ဝိညာဏံ ဥပါဒါယ ကုသလဿ ပုဂ္ဂလဿ ပညတ္တီတိ? အာမန္တာ။ ကုသလံ ဝိညာဏံ သဖလံ သဝိပါကံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ
(အဘိ၊က၊၃၆။)သုခဝိပါကန္တိ? အာမန္တာ။ ကုသလောပိ ပုဂ္ဂလော သဖလော သဝိပါကော ဣဋ္ဌဖလော ကန္တဖလော မနုညဖလော အသေစနကဖလော သုခုဒြယော သုခဝိပါကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၂။ ဝိညာဏံ ဥပါဒါယ ပုဂ္ဂလဿ ပညတ္တီတိ? အာမန္တာ။ အကုသလံ ဝိညာဏံ ဥပါဒါယ အကုသလဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ အကုသလံ ဝိညာဏံ ဥပါဒါယ အကုသလဿ ပုဂ္ဂလဿ ပညတ္တီတိ? အာမန္တာ။ အကုသလံ ဝိညာဏံ သဖလံ သဝိပါကံ အနိဋ္ဌဖလံ အကန္တဖလံ အမနုညဖလံ သေစနကဖလံ ဒုက္ခုဒြယံ ဒုက္ခဝိပါကန္တိ? အာမန္တာ။ အကုသလောပိ ပုဂ္ဂလော သဖလော သဝိပါကော အနိဋ္ဌဖလော အကန္တဖလော အမနုညဖလော သေစနကဖလော ဒုက္ခုဒြယော ဒုက္ခဝိပါကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၃။ ဝိညာဏံ ဥပါဒါယ ပုဂ္ဂလဿ ပညတ္တီတိ? အာမန္တာ။ အဗျာကတံ ဝိညာဏံ ဥပါဒါယ အဗျာကတဿ ပုဂ္ဂလဿ ပညတ္တီတိ? န ဟေဝံ ဝတ္တဗ္ဗေ ။ပ။ အဗျာကတံ ဝိညာဏံ ဥပါဒါယ အဗျာကတဿ ပုဂ္ဂလဿ ပညတ္တီတိ? အာမန္တာ။ အဗျာကတံ ဝိညာဏံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? အာမန္တာ။ အဗျာကတောပိ ပုဂ္ဂလော အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၄။ စက္ခုံ ဥပါဒါယ ‘‘စက္ခုမာ ပုဂ္ဂလော’’တိ ဝတ္တဗ္ဗောတိ? အာမန္တာ။ စက္ခုမှိ နိရုဒ္ဓေ ‘‘စက္ခုမာ ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ ။ပ။ သောတံ ဥပါဒါယ… ဃာနံ ဥပါဒါယ… ဇိဝှံ ဥပါဒါယ… ကာယံ ဥပါဒါယ… မနံ ဥပါဒါယ ‘‘မနဝါ ပုဂ္ဂလော’’တိ ဝတ္တဗ္ဗောတိ? အာမန္တာ။ မနမှိ နိရုဒ္ဓေ ‘‘မနဝါ ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။
֍ ဋ္ဌ ၁၀၅။ မိစ္ဆာဒိဋ္ဌိံ ဥပါဒါယ ‘‘မိစ္ဆာဒိဋ္ဌိယော ပုဂ္ဂလော’’တိ ဝတ္တဗ္ဗောတိ? အာမန္တာ။ မိစ္ဆာဒိဋ္ဌိယာ နိရုဒ္ဓါယ ‘‘မိစ္ဆာဒိဋ္ဌိယော ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။ မိစ္ဆာသင်္ကပ္ပံ ဥပါဒါယ… မိစ္ဆာဝါစံ ဥပါဒါယ… မိစ္ဆာကမ္မန္တံ ဥပါဒါယ… မိစ္ဆာအာဇီဝံ ဥပါဒါယ … မိစ္ဆာဝါယာမံ ဥပါဒါယ… မိစ္ဆာသတိံ ဥပါဒါယ… မိစ္ဆာသမာဓိံ ဥပါဒါယ ‘‘မိစ္ဆာသမာဓိယော ပုဂ္ဂလော’’တိ ဝတ္တဗ္ဗောတိ? အာမန္တာ။ မိစ္ဆာသမာဓိမှိ နိရုဒ္ဓေ ‘‘မိစ္ဆာသမာဓိယော ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။
(အဘိ၊က၊၃၇။)֍ ဋ္ဌ ၁၀၆။ သမ္မာဒိဋ္ဌိံ ဥပါဒါယ ‘‘သမ္မာဒိဋ္ဌိယော ပုဂ္ဂလော’’တိ ဝတ္တဗ္ဗောတိ? အာမန္တာ။ သမ္မာဒိဋ္ဌိယာ နိရုဒ္ဓါယ ‘‘သမ္မာဒိဋ္ဌိယော ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ ။ပ။ သမ္မာသင်္ကပ္ပံ ဥပါဒါယ… သမ္မာဝါစံ ဥပါဒါယ… သမ္မာကမ္မန္တံ ဥပါဒါယ… သမ္မာအာဇီဝံ ဥပါဒါယ… သမ္မာဝါယာမံ ဥပါဒါယ… သမ္မာသတိံ ဥပါဒါယ… သမ္မာသမာဓိံ ဥပါဒါယ ‘‘သမ္မာသမာဓိယော ပုဂ္ဂလော’’တိ ဝတ္တဗ္ဗောတိ? အာမန္တာ။ သမ္မာသမာဓိမှိ နိရုဒ္ဓေ ‘‘သမ္မာသမာဓိယော ပုဂ္ဂလော နိရုဒ္ဓေါ’’တိ ဝတ္တဗ္ဗောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၇။ ရူပံ ဥပါဒါယ, ဝေဒနံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဒွိန္နံ ခန္ဓာနံ ဥပါဒါယ ဒွိန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။ ရူပံ ဥပါဒါယ, ဝေဒနံ ဥပါဒါယ, သညံ ဥပါဒါယ, သင်္ခါရေ ဥပါဒါယ, ဝိညာဏံ ဥပါဒါယ ပုဂ္ဂလဿ ပညတ္တီတိ? အာမန္တာ။ ပဉ္စန္နံ ခန္ဓာနံ ဥပါဒါယ ပဉ္စန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၈။ စက္ခာယတနံ ဥပါဒါယ, သောတာယတနံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဒွိန္နံ အာယတနာနံ ဥပါဒါယ ဒွိန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ…ပေ… စက္ခာယတနံ ဥပါဒါယ, သောတာယတနံ ဥပါဒါယ ။ပ။ ဓမ္မာယတနံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဒွါဒသန္နံ အာယတနာနံ ဥပါဒါယ ဒွါဒသန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၀၉။ စက္ခုဓာတုံ ဥပါဒါယ, သောတဓာတုံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဒွိန္နံ ဓာတူနံ ဥပါဒါယ ဒွိန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။ စက္ခုဓာတုံ ဥပါဒါယ, သောတဓာတုံ ဥပါဒါယ ။ပ။ ဓမ္မဓာတုံ ဥပါဒါယ ပုဂ္ဂလဿ ပညတ္တီတိ? အာမန္တာ။ အဋ္ဌာရသန္နံ ဓာတူနံ ဥပါဒါယ အဋ္ဌာရသန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၁၀။ စက္ခုန္ဒြိယံ ဥပါဒါယ, သောတိန္ဒြိယံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဒွိန္နံ ဣန္ဒြိယာနံ ဥပါဒါယ ဒွိန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။ စက္ခုန္ဒြိယံ ဥပါဒါယ, သောတိန္ဒြိယံ ဥပါဒါယ ။ပ။ အညာတာဝိန္ဒြိယံ ဥပါဒါယ ပုဂ္ဂလဿ ပညတ္တီတိ? အာမန္တာ။ ဗာဝီသတီနံ [ဗာဝီသတိယာ (?)] ဣန္ဒြိယာနံ ဥပါဒါယ ဗာဝီသတီနံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၃၈။)֍ ဋ္ဌ ၁၁၁။ ဧကဝေါကာရဘဝံ ဥပါဒါယ ဧကဿ ပုဂ္ဂလဿ ပညတ္တီတိ? အာမန္တာ။ စတုဝေါကာရဘဝံ ဥပါဒါယ စတုန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။ ဧကဝေါကာရဘဝံ ဥပါဒါယ ဧကဿ ပုဂ္ဂလဿ ပညတ္တီတိ? အာမန္တာ။ ပဉ္စဝေါကာရဘဝံ ဥပါဒါယ ပဉ္စန္နံ ပုဂ္ဂလာနံ ပညတ္တီတိ? န ဟေဝံ ဝတ္တဗ္ဗေ ။ပ။ ဧကဝေါကာရဘဝေ ဧကောဝ ပုဂ္ဂလောတိ? အာမန္တာ။ စတုဝေါကာရဘဝေ စတ္တာရောဝ [စတ္တာရော (?)] ပုဂ္ဂလာတိ? န ဟေဝံ ဝတ္တဗ္ဗေ ။ပ။ ဧကဝေါကာရဘဝေ ဧကောဝ ပုဂ္ဂလောတိ? အာမန္တာ။ ပဉ္စဝေါကာရဘဝေ ပဉ္စေဝ ပုဂ္ဂလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၁၂။ ယထာ ရုက္ခံ ဥပါဒါယ ဆာယာယ ပညတ္တိ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တီတိ? ( ) [(အာမန္တာ) (?) ဧဝံ အနန္တရဝါရတ္တယေပိ] ယထာ ရုက္ခံ ဥပါဒါယ ဆာယာယ ပညတ္တိ, ရုက္ခောပိ အနိစ္စော ဆာယာပိ အနိစ္စာ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တိ, ရူပမ္ပိ အနိစ္စံ ပုဂ္ဂလောပိ အနိစ္စောတိ? န ဟေဝံ ဝတ္တဗ္ဗေ…ပေ… ယထာ ရုက္ခံ ဥပါဒါယ ဆာယာယ ပညတ္တိ, အညော ရုက္ခော အညာ ဆာယာ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တိ, အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၁၃။ ယထာ ဂါမံ ဥပါဒါယ ဂါမိကဿ ပညတ္တိ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တီတိ? ယထာ ဂါမံ ဥပါဒါယ ဂါမိကဿ ပညတ္တိ, အညော ဂါမော အညော ဂါမိကော, ဧဝမေဝံ ရူပံ ဥပါဒါယ ပုဂ္ဂလဿ ပညတ္တိ, အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၁၄။ ယထာ ရဋ္ဌံ ဥပါဒါယ ရညော ပညတ္တိ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တီတိ? ယထာ ရဋ္ဌံ ဥပါဒါယ ရညော ပညတ္တိ, အညံ ရဋ္ဌံ အညော ရာဇာ, ဧဝမေဝံ ရူပံ ဥပါဒါယ ပုဂ္ဂလဿ ပညတ္တိ, အညံ ရူပံ အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၁၅။ ယထာ န နိဂဠော နေဂဠိကော, ယဿ နိဂဠော သော နေဂဠိကော, ဧဝမေဝံ န ရူပံ ရူပဝါ, ယဿ ရူပံ သော ရူပဝါတိ? ယထာ န နိဂဠော နေဂဠိကော, ယဿ နိဂဠော သော နေဂဠိကော, အညော နိဂဠော အညော နေဂဠိကော, ဧဝမေဝံ န ရူပံ ရူပဝါ, ယဿ ရူပံ သော ရူပဝါ, အညံ ရူပံ အညော ရူပဝါတိ? န ဟေဝံ ဝတ္တဗ္ဗေ ။ပ။
(အဘိ၊က၊၃၉။)֍ ဋ္ဌ ၁၁၆။ စိတ္တေ စိတ္တေ ပုဂ္ဂလဿ ပညတ္တီတိ? အာမန္တာ။ စိတ္တေ စိတ္တေ ပုဂ္ဂလော ဇာယတိ ဇီယတိ မီယတိ စဝတိ ဥပပဇ္ဇတီတိ? န ဟေဝံ ဝတ္တဗ္ဗေ ။ပ။ ဒုတိယေ စိတ္တေ ဥပ္ပန္နေ န ဝတ္တဗ္ဗံ သောတိ ဝါ အညောတိ ဝါတိ? အာမန္တာ။ ဒုတိယေ စိတ္တေ ဥပ္ပန္နေ န ဝတ္တဗ္ဗံ ကုမာရကောတိ ဝါ ကုမာရိကာတိ ဝါတိ? ဝတ္တဗ္ဗံ။
အာဇာနာဟိ နိဂ္ဂဟံ။ ဟဉ္စိ ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘‘သောတိ ဝါ အညောတိ ဝါ,’’ တေန ဝတ ရေ ဝတ္တဗ္ဗေ – ‘‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘ကုမာရကောတိ ဝါ ကုမာရိကာတိ ဝါ’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – သောတိ ဝါ အညောတိ ဝါ, ဒုတိယေ စိတ္တေ ဥပ္ပန္နေ ဝတ္တဗ္ဗံ – ကုမာရကောတိ ဝါ ကုမာရိကာတိ ဝါ’’’တိ မိစ္ဆာ။
ဟဉ္စိ ဝါ ပန ဒုတိယေ စိတ္တေ ဥပ္ပန္နေ ဝတ္တဗ္ဗံ – ‘‘ကုမာရကောတိ ဝါ ကုမာရိကာ’’တိ ဝါ, တေန ဝတ ရေ ဝတ္တဗ္ဗေ – ‘‘ဒုတိယေ စိတ္တေ ဥပ္ပန္နေ ဝတ္တဗ္ဗံ – ‘သောတိ ဝါ အညောတိ ဝါ’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – သောတိ ဝါ အညောတိ ဝါ, ဒုတိယေ စိတ္တေ ဥပ္ပန္နေ ဝတ္တဗ္ဗံ – ကုမာရကောတိ ဝါ ကုမာရိကာတိ ဝါ’’’တိ မိစ္ဆာ။
֍ ဋ္ဌ ၁၁၇။ ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘‘သောတိ ဝါ အညောတိ ဝါ’’တိ? အာမန္တာ။ ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘‘ဣတ္ထီတိ ဝါ ပုရိသောတိ ဝါ ဂဟဋ္ဌောတိ ဝါ ပဗ္ဗဇိတောတိ ဝါ ဒေဝေါတိ ဝါ မနုဿောတိ ဝါ’’တိ? ဝတ္တဗ္ဗံ။
အာဇာနာဟိ နိဂ္ဂဟံ။ ဟဉ္စိ ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘‘သောတိ ဝါ အညောတိ ဝါ,’’ တေန ဝတ ရေ ဝတ္တဗ္ဗေ – ‘‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – ‘ဒေဝေါတိ ဝါ မနုဿောတိ ဝါ’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – သောတိ ဝါ အညောတိ ဝါ, ဒုတိယေ စိတ္တေ ဥပ္ပန္နေ ဝတ္တဗ္ဗံ – ဒေဝေါတိ ဝါ မနုဿောတိ ဝါ’’’တိ မိစ္ဆာ။
ဟဉ္စိ ဝါ ပန ဒုတိယေ စိတ္တေ ဥပ္ပန္နေ ဝတ္တဗ္ဗံ – ‘‘ဒေဝေါတိ ဝါ မနုဿောတိ ဝါ,’’ တေန ဝတ ရေ ဝတ္တဗ္ဗေ – ‘‘ဒုတိယေ စိတ္တေ ဥပ္ပန္နေ ဝတ္တဗ္ဗံ – ‘သောတိ ဝါ အညောတိ ဝါ’’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ဒုတိယေ စိတ္တေ ဥပ္ပန္နေ န ဝတ္တဗ္ဗံ – သောတိ ဝါ အညောတိ ဝါ, ဒုတိယေ စိတ္တေ ဥပ္ပန္နေ ဝတ္တဗ္ဗံ – ဒေဝေါတိ ဝါ မနုဿောတိ ဝါ’’’တိ မိစ္ဆာ ။ပ။
(အဘိ၊က၊၄၀။)֍ ဋ္ဌ ၁၁၈။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ယော ပဿတိ ယံ ပဿတိ ယေန ပဿတိ, သော ပဿတိ တံ ပဿတိ တေန ပဿတီတိ? အာမန္တာ။ ဟဉ္စိ ယော ပဿတိ ယံ ပဿတိ ယေန ပဿတိ, သော ပဿတိ တံ ပဿတိ တေန ပဿတိ၊ တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၁၉။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ယော သုဏာတိ ။ပ။ ယော ဃာယတိ… ယော သာယတိ… ယော ဖုသတိ… ယော ဝိဇာနာတိ ယံ ဝိဇာနာတိ ယေန ဝိဇာနာတိ, သော ဝိဇာနာတိ တံ ဝိဇာနာတိ တေန ဝိဇာနာတီတိ? အာမန္တာ။ ဟဉ္စိ ယော ဝိဇာနာတိ ယံ ဝိဇာနာတိ ယေန ဝိဇာနာတိ, သော ဝိဇာနာတိ တံ ဝိဇာနာတိ တေန ဝိဇာနာတိ၊ တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၂၀။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ယော န ပဿတိ ယံ န ပဿတိ ယေန န ပဿတိ, သော န ပဿတိ တံ န ပဿတိ တေန န ပဿတီတိ? အာမန္တာ။ ဟဉ္စိ ယော န ပဿတိ ယံ န ပဿတိ ယေန န ပဿတိ, သော န ပဿတိ တံ န ပဿတိ တေန န ပဿတိ၊ နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ယော န သုဏာတိ ။ပ။ ယော န ဃာယတိ… ယော န သာယတိ… ယော န ဖုသတိ… ယော န ဝိဇာနာတိ ယံ န ဝိဇာနာတိ ယေန န ဝိဇာနာတိ, သော န ဝိဇာနာတိ တံ န ဝိဇာနာတိ တေန န ဝိဇာနာတီတိ? အာမန္တာ။ ဟဉ္စိ ယော န ဝိဇာနာတိ ယံ န ဝိဇာနာတိ ယေန န ဝိဇာနာတိ, သော န ဝိဇာနာတိ တံ န ဝိဇာနာတိ တေန န ဝိဇာနာတိ၊ နော စ ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၂၁။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ဝုတ္တံ ဘဂဝတာ – ‘‘ပဿာမဟံ, ဘိက္ခဝေ, ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန သတ္တေ စဝမာနေ ဥပပဇ္ဇမာနေ ဟီနေ ပဏီတေ သုဝဏ္ဏေ ဒုဗ္ဗဏ္ဏေ, သုဂတေ ဒုဂ္ဂတေ ယထာကမ္မူပဂေ သတ္တေ ပဇာနာမီ’’တိ [မ။ နိ။ ၁။၂၁၃ ထောကံ ဝိသဒိသံ]! အတ္ထေဝ သုတ္တန္တောတိ? အာမန္တာ။ တေန ဟိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ။
(အဘိ၊က၊၄၁။)֍ ဋ္ဌ ၁၂၂။ ဝုတ္တံ ဘဂဝတာ – ‘‘ပဿာမဟံ, ဘိက္ခဝေ, ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန သတ္တေ စဝမာနေ ဥပပဇ္ဇမာနေ ဟီနေ ပဏီတေ သုဝဏ္ဏေ ဒုဗ္ဗဏ္ဏေ, သုဂတေ ဒုဂ္ဂတေ ယထာကမ္မူပဂေ သတ္တေ ပဇာနာမီ’’တိ ကတွာ တေနေဝ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ဘဂဝါ ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန ရူပံ ပဿတိ ပုဂ္ဂလံ ပဿတီတိ? ရူပံ ပဿတိ။ ရူပံ ပုဂ္ဂလော, ရူပံ စဝတိ, ရူပံ ဥပပဇ္ဇတိ, ရူပံ ယထာကမ္မူပဂန္တိ? န ဟေဝံ ဝတ္တဗ္ဗေ။
ဘဂဝါ ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန ရူပံ ပဿတိ ပုဂ္ဂလံ ပဿတီတိ? ပုဂ္ဂလံ ပဿတိ။ ပုဂ္ဂလော ရူပံ ရူပါယတနံ ရူပဓာတု နီလံ ပီတကံ လောဟိတကံ ဩဒါတံ စက္ခုဝိညေယျံ စက္ခုသ္မိံ ပဋိဟညတိ, စက္ခုဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ။
ဘဂဝါ ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန ရူပံ ပဿတိ ပုဂ္ဂလံ ပဿတီတိ? ဥဘော ပဿတိ။ ဥဘော ရူပံ ရူပါယတနံ ရူပဓာတု, ဥဘော နီလာ, ဥဘော ပီတကာ, ဥဘော လောဟိတကာ, ဥဘော ဩဒါတာ, ဥဘော စက္ခုဝိညေယျာ, ဥဘော စက္ခုသ္မိံ ပဋိဟညန္တိ, ဥဘော စက္ခုဿ အာပါထံ အာဂစ္ဆန္တိ, ဥဘော စဝန္တိ, ဥဘော ဥပပဇ္ဇန္တိ, ဥဘော ယထာကမ္မူပဂါတိ? န ဟေဝံ ဝတ္တဗ္ဗေ။
ဥပါဒါပညတ္တာနုယောဂေါ။
၁၃။ ပုရိသကာရာနုယောဂ
֍ ဋ္ဌ ၁၂၃။ ကလျာဏပါပကာနိ ကမ္မာနိ ဥပလဗ္ဘန္တီတိ? အာမန္တာ။ ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၂၄။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ တဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၂၅။ တဿ ကတ္တာ ကာရေတာ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၄၂။)֍ ဋ္ဌ ၁၂၆။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၂၇။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၂၈။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ, မဟာပထဝိယာ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၂၉။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ မဟာသမုဒ္ဒေါ ဥပလဗ္ဘတီတိ, မဟာသမုဒ္ဒဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၀။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ သိနေရုပဗ္ဗတရာဇာ ဥပလဗ္ဘတီတိ, သိနေရုဿ ပဗ္ဗတရာဇဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၁၃၁။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ အာပေါ ဥပလဗ္ဘတီတိ, အာပဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၂။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ တေဇော ဥပလဗ္ဘတီတိ, တေဇဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၃။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ ဝါယော ဥပလဗ္ဘတီတိ, ဝါယဿ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၄။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ တိဏကဋ္ဌဝနပ္ပတယော
(အဘိ၊က၊၄၃။)ဥပလဗ္ဘန္တီတိ, တိဏကဋ္ဌဝနပ္ပတီနံ ကတ္တာ ကာရေတာ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၅။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဥပလဗ္ဘတီတိ? အာမန္တာ။ အညာနိ ကလျာဏပါပကာနိ ကမ္မာနိ အညော ကလျာဏပါပကာနံ ကမ္မာနံ ကတ္တာ ကာရေတာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၆။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ? အာမန္တာ။ ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၇။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ, ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? အာမန္တာ။ တဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၈။ တဿ ပဋိသံဝေဒီ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၃၉။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ, ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၀။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ, ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၁။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ, ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ ။ပ။ မဟာသမုဒ္ဒေါ ဥပလဗ္ဘတီတိ… သိနေရုပဗ္ဗတရာဇာ ဥပလဗ္ဘတီတိ… အာပေါ ဥပလဗ္ဘတီတိ… တေဇော ဥပလဗ္ဘတီတိ… ဝါယော ဥပလဗ္ဘတီတိ ။ပ။ တိဏကဋ္ဌဝနပ္ပတယော ဥပလဗ္ဘန္တီတိ, တိဏကဋ္ဌဝနပ္ပတီနံ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၄၄။)֍ ဋ္ဌ ၁၄၂။ ကလျာဏပါပကာနံ ကမ္မာနံ ဝိပါကော ဥပလဗ္ဘတီတိ, ကလျာဏပါပကာနံ ကမ္မာနံ ဝိပါကပဋိသံဝေဒီ ဥပလဗ္ဘတီတိ? အာမန္တာ။ အညော ကလျာဏပါပကာနံ ကမ္မာနံ ဝိပါကော, အညော ကလျာဏပါပကာနံ ကမ္မာနံ ဝိပါကပဋိသံဝေဒီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၃။ ဒိဗ္ဗံ သုခံ ဥပလဗ္ဘတီတိ? အာမန္တာ။ ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၄။ ဒိဗ္ဗံ သုခံ ဥပလဗ္ဘတီတိ, ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ တဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၅။ တဿ ပဋိသံဝေဒီ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၆။ ဒိဗ္ဗံ သုခံ ဥပလဗ္ဘတီတိ, ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၇။ ဒိဗ္ဗံ သုခံ ဥပလဗ္ဘတီတိ, ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၈။ ဒိဗ္ဗံ သုခံ ဥပလဗ္ဘတီတိ, ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ… မဟာသမုဒ္ဒေါ ဥပလဗ္ဘတီတိ… သိနေရုပဗ္ဗတရာဇာ ဥပလဗ္ဘတီတိ… အာပေါ ဥပလဗ္ဘတီတိ… တေဇော ဥပလဗ္ဘတီတိ… ဝါယော ဥပလဗ္ဘတီတိ ။ပ။ တိဏကဋ္ဌဝနပ္ပတယော ဥပလဗ္ဘန္တီတိ, တိဏကဋ္ဌဝနပ္ပတီနံ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၄၉။ ဒိဗ္ဗံ သုခံ ဥပလဗ္ဘတီတိ, ဒိဗ္ဗဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ အညံ ဒိဗ္ဗံ သုခံ, အညော ဒိဗ္ဗဿ သုခဿ ပဋိသံဝေဒီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၀။ မာနုသကံ သုခံ ဥပလဗ္ဘတီတိ? အာမန္တာ။ မာနုသကဿ သုခဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၄၅။)֍ ဋ္ဌ ၁၅၁။ မာနုသကံ သုခံ ဥပလဗ္ဘတီတိ, မာနုသကဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ တဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၂။ တဿ ပဋိသံဝေဒီ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၃။ မာနုသကံ သုခံ ဥပလဗ္ဘတီတိ, မာနုသကဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၄။ မာနုသကံ သုခံ ဥပလဗ္ဘတီတိ, မာနုသကဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၅။ မာနုသကံ သုခံ ဥပလဗ္ဘတီတိ, မာနုသကဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ ။ပ။ မဟာသမုဒ္ဒေါ ဥပလဗ္ဘတီတိ… သိနေရုပဗ္ဗတရာဇာ ဥပလဗ္ဘတီတိ… အာပေါ ဥပလဗ္ဘတီတိ… တေဇော ဥပလဗ္ဘတီတိ… ဝါယော ဥပလဗ္ဘတီတိ… တိဏကဋ္ဌဝနပ္ပတယော ဥပလဗ္ဘန္တီတိ, တိဏကဋ္ဌဝနပ္ပတီနံ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၆။ မာနုသကံ သုခံ ဥပလဗ္ဘတီတိ, မာနုသကဿ သုခဿ ပဋိသံဝေဒီ ဥပလဗ္ဘတီတိ? အာမန္တာ။ အညံ မာနုသကံ သုခံ အညော မာနုသကဿ သုခဿ ပဋိသံဝေဒီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၇။ အာပါယိကံ ဒုက္ခံ ဥပလဗ္ဘတီတိ? အာမန္တာ။ အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၈။ အာပါယိကံ ဒုက္ခံ ဥပလဗ္ဘတီတိ, အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ တဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၅၉။ တဿ ပဋိသံဝေဒီ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၄၆။)֍ ဋ္ဌ ၁၆၀။ အာပါယိကံ ဒုက္ခံ ဥပလဗ္ဘတီတိ, အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၁။ အာပါယိကံ ဒုက္ခံ ဥပလဗ္ဘတီတိ, အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၂။ အာပါယိကံ ဒုက္ခံ ဥပလဗ္ဘတီတိ, အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ ။ပ။ မဟာသမုဒ္ဒေါ ဥပလဗ္ဘတီတိ… သိနေရုပဗ္ဗတရာဇာ ဥပလဗ္ဘတီတိ… အာပေါ ဥပလဗ္ဘတီတိ… တေဇော ဥပလဗ္ဘတီတိ… ဝါယော ဥပလဗ္ဘတီတိ… တိဏကဋ္ဌဝနပ္ပတယော ဥပလဗ္ဘန္တီတိ, တိဏကဋ္ဌဝနပ္ပတီနံ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၃။ အာပါယိကံ ဒုက္ခံ ဥပလဗ္ဘတီတိ, အာပါယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ အညံ အာပါယိကံ ဒုက္ခံ, အညော အာပါယိကဿ ဒုက္ခဿ ပဋိသံဝေဒီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၄။ နေရယိကံ ဒုက္ခံ ဥပလဗ္ဘတီတိ? အာမန္တာ။ နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ။
နေရယိကံ ဒုက္ခံ ဥပလဗ္ဘတီတိ, နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ တဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၅။ တဿ ပဋိသံဝေဒီ ဥပလဗ္ဘတီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၆။ နေရယိကံ ဒုက္ခံ ဥပလဗ္ဘတီတိ, နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ ပုဂ္ဂလော ဥပလဗ္ဘတီတိ, ပုဂ္ဂလဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၇။ နေရယိကံ ဒုက္ခံ ဥပလဗ္ဘတီတိ, နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ နိဗ္ဗာနံ ဥပလဗ္ဘတီတိ, နိဗ္ဗာနဿ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၄၇။)֍ ဋ္ဌ ၁၆၈။ နေရယိကံ ဒုက္ခံ ဥပလဗ္ဘတီတိ, နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ မဟာပထဝီ ဥပလဗ္ဘတီတိ ။ပ။ မဟာသမုဒ္ဒေါ ဥပလဗ္ဘတီတိ… သိနေရုပဗ္ဗတရာဇာ ဥပလဗ္ဘတီတိ… အာပေါ ဥပလဗ္ဘတီတိ… တေဇော ဥပလဗ္ဘတီတိ… ဝါယော ဥပလဗ္ဘတီတိ… တိဏကဋ္ဌဝနပ္ပတယော ဥပလဗ္ဘန္တီတိ, တိဏကဋ္ဌဝနပ္ပတီနံ ပဋိသံဝေဒီ ဥပလဗ္ဘတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၆၉။ နေရယိကံ ဒုက္ခံ ဥပလဗ္ဘတီတိ, နေရယိကဿ ဒုက္ခဿ ပဋိသံဝေဒီ ဥပလဗ္ဘတီတိ? အာမန္တာ။ အညံ နေရယိကံ ဒုက္ခံ, အညော နေရယိကဿ ဒုက္ခဿ ပဋိသံဝေဒီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၀။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဝိပါကပဋိသံဝေဒီ ဥပလဗ္ဘတီတိ? အာမန္တာ။ သော ကရောတိ သော ပဋိသံဝေဒေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၁။ သော ကရောတိ သော ပဋိသံဝေဒေတီတိ? အာမန္တာ။ သယင်္ကတံ သုခဒုက္ခန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၂။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဝိပါကပဋိသံဝေဒီ ဥပလဗ္ဘတီတိ? အာမန္တာ။ အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၃။ အညော ကရောတိ အညော ပဋိသံဝေဒေတီတိ? အာမန္တာ။ ပရင်္ကတံ သုခဒုက္ခန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၄။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဝိပါကပဋိသံဝေဒီ ဥပလဗ္ဘတီတိ? အာမန္တာ။ သော စ အညော စ ကရောန္တိ သော စ အညော စ ပဋိသံဝေဒေန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၅။ သော စ အညော စ ကရောန္တိ, သော စ အညော စ ပဋိသံဝေဒေန္တီတိ? အာမန္တာ။ သယင်္ကတဉ္စ ပရင်္ကတဉ္စ သုခဒုက္ခန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၆။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဝိပါကပဋိသံဝေဒီ ဥပလဗ္ဘတီတိ? အာမန္တာ။ နေဝ
(အဘိ၊က၊၄၈။)သော ကရောတိ န သော ပဋိသံဝေဒေတိ, န အညော ကရောတိ န အညော ပဋိသံဝေဒေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၇။ နေဝ သော ကရောတိ န သော ပဋိသံဝေဒေတိ, န အညော ကရောတိ န အညော ပဋိသံဝေဒေတီတိ? အာမန္တာ။ အသယင်္ကာရံ အပရင်္ကာရံ အဓိစ္စသမုပ္ပန္နံ သုခဒုက္ခန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၈။ ကလျာဏပါပကာနိ ကမ္မာနိ ဥပလဗ္ဘန္တီတိ, ကလျာဏပါပကာနံ ကမ္မာနံ ကတ္တာ ကာရေတာ ဝိပါကပဋိသံဝေဒီ ဥပလဗ္ဘတီတိ? အာမန္တာ။ သော ကရောတိ သော ပဋိသံဝေဒေတိ, အညော ကရောတိ အညော ပဋိသံဝေဒေတိ, သော စ အညော စ ကရောန္တိ သော စ အညော စ ပဋိသံဝေဒေန္တိ, နေဝ သော ကရောတိ န သော ပဋိသံဝေဒေတိ, န အညော ကရောတိ န အညော ပဋိသံဝေဒေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၇၉။ သော ကရောတိ သော ပဋိသံဝေဒေတိ, အညော ကရောတိ အညော ပဋိသံဝေဒေတိ, သော စ အညော စ ကရောန္တိ သော စ အညော စ ပဋိသံဝေဒေန္တိ, နေဝ သော ကရောတိ န သော ပဋိသံဝေဒေတိ, န အညော ကရောတိ န အညော ပဋိသံဝေဒေတီတိ? အာမန္တာ။ သယင်္ကတံ သုခဒုက္ခံ, ပရင်္ကတံ သုခဒုက္ခံ, သယင်္ကတဉ္စ ပရင်္ကတဉ္စ သုခဒုက္ခံ, အသယင်္ကာရံ အပရင်္ကာရံ အဓိစ္စသမုပ္ပန္နံ သုခဒုက္ခန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၀။ ကမ္မံ အတ္ထီတိ? အာမန္တာ။ ကမ္မကာရကော အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၁။ ကမ္မံ အတ္ထီတိ, ကမ္မကာရကော အတ္ထီတိ? အာမန္တာ။ တဿ ကာရကော အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၂။ တဿ ကာရကော အတ္ထီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၃။ ကမ္မံ အတ္ထီတိ, ကမ္မကာရကော အတ္ထီတိ? အာမန္တာ။ ပုဂ္ဂလော အတ္ထီတိ, ပုဂ္ဂလဿ ကာရကော အတ္ထီတိ? န ဟေဝံ ဝတ္တဗ္ဗေ ။ပ။
(အဘိ၊က၊၄၉။)֍ ဋ္ဌ ၁၈၄။ ကမ္မံ အတ္ထီတိ, ကမ္မကာရကော အတ္ထီတိ? အာမန္တာ။ နိဗ္ဗာနံ အတ္ထီတိ, နိဗ္ဗာနဿ ကာရကော အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၅။ ကမ္မံ အတ္ထီတိ, ကမ္မကာရကော အတ္ထီတိ? အာမန္တာ။ မဟာပထဝီ အတ္ထီတိ ။ပ။ မဟာသမုဒ္ဒေါ အတ္ထီတိ… သိနေရုပဗ္ဗတရာဇာ အတ္ထီတိ… အာပေါ အတ္ထီတိ… တေဇော အတ္ထီတိ… ဝါယော အတ္ထီတိ… တိဏကဋ္ဌဝနပ္ပတယော အတ္ထီတိ, တိဏကဋ္ဌဝနပ္ပတီနံ ကာရကော အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၆။ ကမ္မံ အတ္ထီတိ, ကမ္မကာရကော အတ္ထီတိ? အာမန္တာ။ အညံ ကမ္မံ, အညော ကမ္မကာရကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၇။ ဝိပါကော အတ္ထီတိ? အာမန္တာ။ ဝိပါကပဋိသံဝေဒီ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၈။ ဝိပါကော အတ္ထီတိ, ဝိပါကပဋိသံဝေဒီ အတ္ထီတိ? အာမန္တာ။ တဿ ပဋိသံဝေဒီ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၈၉။ တဿ ပဋိသံဝေဒီ အတ္ထီတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ ။ပ။ ဝိပါကော အတ္ထီတိ, ဝိပါကပဋိသံဝေဒီ အတ္ထီတိ? အာမန္တာ။ ပုဂ္ဂလော အတ္ထီတိ, ပုဂ္ဂလဿ ပဋိသံဝေဒီ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၉၀။ ဝိပါကော အတ္ထီတိ, ဝိပါကပဋိသံဝေဒီ အတ္ထီတိ? အာမန္တာ။ နိဗ္ဗာနံ အတ္ထီတိ, နိဗ္ဗာနဿ ပဋိသံဝေဒီ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၉၁။ ဝိပါကော အတ္ထီတိ, ဝိပါကပဋိသံဝေဒီ အတ္ထီတိ? အာမန္တာ။ မဟာပထဝီ အတ္ထီတိ ။ပ။ မဟာသမုဒ္ဒေါ အတ္ထီတိ… သိနေရုပဗ္ဗတရာဇာ အတ္ထီတိ… အာပေါ အတ္ထီတိ… တေဇော အတ္ထီတိ… ဝါယော အတ္ထီတိ… တိဏကဋ္ဌဝနပ္ပတယော အတ္ထီတိ, တိဏကဋ္ဌဝနပ္ပတီနံ ပဋိသံဝေဒီ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၉၂။ ဝိပါကော အတ္ထီတိ, ဝိပါကပဋိသံဝေဒီ အတ္ထီတိ? အာမန္တာ။ အညော ဝိပါကော, အညော ဝိပါကပဋိသံဝေဒီတိ? န ဟေဝံ ဝတ္တဗ္ဗေ။ (သံခိတ္တံ)
ပုရိသကာရာနုယောဂေါ။
ကလျာဏဝဂ္ဂေါ ပဌမော။
(အဘိ၊က၊၅၀။)၁၄။ အဘိညာနုယောဂ
֍ ဋ္ဌ ၁၉၃။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ ဣဒ္ဓိံ ဝိကုဗ္ဗတီတိ? အာမန္တာ။ ဟဉ္စိ အတ္ထိ ကောစိ ဣဒ္ဓိံ ဝိကုဗ္ဗတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၉၄။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ ဒိဗ္ဗာယ သောတဓာတုယာ သဒ္ဒံ သုဏာတိ ။ပ။ ပရစိတ္တံ ဝိဇာနာတိ… ပုဗ္ဗေနိဝါသံ အနုဿရတိ… ဒိဗ္ဗေန စက္ခုနာ ရူပံ ပဿတိ… အာသဝါနံ ခယံ သစ္ဆိကရောတီတိ? အာမန္တာ။ ဟဉ္စိ အတ္ထိ ကောစိ အာသဝါနံ ခယံ သစ္ဆိကရောတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၉၅။ အတ္ထိ ကောစိ ဣဒ္ဓိံ ဝိကုဗ္ဗတီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော ဣဒ္ဓိံ ဝိကုဗ္ဗတိ, သွေဝ ပုဂ္ဂလော? ယော ဣဒ္ဓိံ န ဝိကုဗ္ဗတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၁၉၆။ ယော ဒိဗ္ဗာယ သောတဓာတုယာ သဒ္ဒံ သုဏာတိ ။ပ။ ယော ပရစိတ္တံ ဝိဇာနာတိ… ယော ပုဗ္ဗေနိဝါသံ အနုဿရတိ… ယော ဒိဗ္ဗေန စက္ခုနာ ရူပံ ပဿတိ… ယော အာသဝါနံ ခယံ သစ္ဆိကရောတိ, သွေဝ ပုဂ္ဂလော? ယော အာသဝါနံ ခယံ န သစ္ဆိကရောတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
အဘိညာနုယောဂေါ။
၁၅-၁၈။ ဉာတကာနုယောဂါဒိ
֍ ဋ္ဌ ၁၉၇။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု မာတာ အတ္ထီတိ? အာမန္တာ။ ဟဉ္စိ မာတာ အတ္ထိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၉၈။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ပိတာ အတ္ထိ ။ပ။ ဘာတာ အတ္ထိ… ဘဂိနီ အတ္ထိ… ခတ္တိယော
(အဘိ၊က၊၅၁။)အတ္ထိ… ဗြာဟ္မဏော အတ္ထိ… ဝေဿော အတ္ထိ… သုဒ္ဒေါ အတ္ထိ… ဂဟဋ္ဌော အတ္ထိ… ပဗ္ဗဇိတော အတ္ထိ… ဒေဝေါ အတ္ထိ… မနုဿော အတ္ထီတိ? အာမန္တာ။ ဟဉ္စိ မနုဿော အတ္ထိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၁၉၉။ မာတာ အတ္ထီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အတ္ထိ ကောစိ န မာတာ ဟုတွာ မာတာ ဟောတီတိ? အာမန္တာ။ အတ္ထိ ကောစိ န ပုဂ္ဂလော ဟုတွာ ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။ အတ္ထိ ကောစိ န ပိတာ ဟုတွာ ။ပ။ န ဘာတာ ဟုတွာ… န ဘဂိနီ ဟုတွာ… န ခတ္တိယော ဟုတွာ… န ဗြာဟ္မဏော ဟုတွာ… န ဝေဿော ဟုတွာ… န သုဒ္ဒေါ ဟုတွာ… န ဂဟဋ္ဌော ဟုတွာ… န ပဗ္ဗဇိတော ဟုတွာ… န ဒေဝေါ ဟုတွာ… န မနုဿော ဟုတွာ မနုဿော ဟောတီတိ? အာမန္တာ။ အတ္ထိ ကောစိ န ပုဂ္ဂလော ဟုတွာ ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၀၀။ မာတာ အတ္ထီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အတ္ထိ ကောစိ မာတာ ဟုတွာ န မာတာ ဟောတီတိ? အာမန္တာ။ အတ္ထိ ကောစိ ပုဂ္ဂလော ဟုတွာ န ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
အတ္ထိ ကောစိ ပိတာ ဟုတွာ… ဘာတာ ဟုတွာ… ဘဂိနီ ဟုတွာ… ခတ္တိယော ဟုတွာ… ဗြာဟ္မဏော ဟုတွာ… ဝေဿော ဟုတွာ… သုဒ္ဒေါ ဟုတွာ… ဂဟဋ္ဌော ဟုတွာ… ပဗ္ဗဇိတော ဟုတွာ… ဒေဝေါ ဟုတွာ… မနုဿော ဟုတွာ န မနုဿော ဟောတီတိ? အာမန္တာ။ အတ္ထိ ကောစိ ပုဂ္ဂလော ဟုတွာ န ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
၁၉။ ပဋိဝေဓာနုယောဂ
֍ ဋ္ဌ ၂၀၁။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု သောတာပန္နော အတ္ထီတိ? အာမန္တာ။ ဟဉ္စိ သောတာပန္နော အတ္ထိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၀၂။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု သကဒါဂါမီ အတ္ထိ ။ပ။ အနာဂါမီ အတ္ထိ… အရဟာ အတ္ထိ… ဥဘတောဘာဂဝိမုတ္တော အတ္ထိ… ပညာဝိမုတ္တော အတ္ထိ… ကာယသက္ခိ [ကာယသက္ခီ (သျာ။)] အတ္ထိ…
(အဘိ၊က၊၅၂။)ဒိဋ္ဌိပ္ပတ္တော အတ္ထိ… သဒ္ဓါဝိမုတ္တော အတ္ထိ… ဓမ္မာနုသာရီ အတ္ထိ… သဒ္ဓါနုသာရီ အတ္ထီတိ? အာမန္တာ။
ဟဉ္စိ သဒ္ဓါနုသာရီ အတ္ထိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၀၃။ သောတာပန္နော အတ္ထီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အတ္ထိ ကောစိ န သောတာပန္နော ဟုတွာ သောတာပန္နော ဟောတီတိ? အာမန္တာ။ အတ္ထိ ကောစိ န ပုဂ္ဂလော ဟုတွာ ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၀၄။ အတ္ထိ ကောစိ န သကဒါဂါမီ ဟုတွာ… န အနာဂါမီ ဟုတွာ… န အရဟာ ဟုတွာ… န ဥဘတောဘာဂဝိမုတ္တော ဟုတွာ… န ပညာဝိမုတ္တော ဟုတွာ… န ကာယသက္ခိ ဟုတွာ… န ဒိဋ္ဌိပ္ပတ္တော ဟုတွာ… န သဒ္ဓါဝိမုတ္တော ဟုတွာ… န ဓမ္မာနုသာရီ ဟုတွာ… န သဒ္ဓါနုသာရီ ဟုတွာ သဒ္ဓါနုသာရီ ဟောတီတိ? အာမန္တာ။ အတ္ထိ ကောစိ န ပုဂ္ဂလော ဟုတွာ ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၀၅။ သောတာပန္နော အတ္ထီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အတ္ထိ ကောစိ သောတာပန္နော ဟုတွာ န သောတာပန္နော ဟောတီတိ? အာမန္တာ။ အတ္ထိ ကောစိ ပုဂ္ဂလော ဟုတွာ န ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
အတ္ထိ ကောစိ သကဒါဂါမီ ဟုတွာ… အနာဂါမီ ဟုတွာ န အနာဂါမီ ဟောတီတိ? အာမန္တာ။ အတ္ထိ ကောစိ ပုဂ္ဂလော ဟုတွာ န ပုဂ္ဂလော ဟောတီတိ? န ဟေဝံ ဝတ္တဗ္ဗေ ။ပ။
ပဋိဝေဓာနုယောဂေါ။
၂၀။ သံဃာနုယောဂ
֍ ဋ္ဌ ၂၀၆။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု စတ္တာရော ပုရိသယုဂါ အဋ္ဌ ပုရိသပုဂ္ဂလာ အတ္ထီတိ? အာမန္တာ။ ဟဉ္စိ စတ္တာရော ပုရိသယုဂါ အဋ္ဌ ပုရိသပုဂ္ဂလာ အတ္ထိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၀၇။ စတ္တာရော ပုရိသယုဂါ အဋ္ဌ ပုရိသပုဂ္ဂလာ အတ္ထီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။
(အဘိ၊က၊၅၃။)စတ္တာရော ပုရိသယုဂါ အဋ္ဌ ပုရိသပုဂ္ဂလာ ဗုဒ္ဓပါတုဘာဝါ ပါတုဘဝန္တီတိ? အာမန္တာ။ ပုဂ္ဂလော ဗုဒ္ဓပါတုဘာဝါ ပါတုဘဝတီတိ? န ဟေဝံ ဝတ္တဗ္ဗေ ။ပ။
ပုဂ္ဂလော ဗုဒ္ဓပါတုဘာဝါ ပါတုဘဝတီတိ? အာမန္တာ။ ဗုဒ္ဓဿ ဘဂဝတော ပရိနိဗ္ဗုတေ ဥစ္ဆိန္နော ပုဂ္ဂလော, နတ္ထိ ပုဂ္ဂလောတိ? န ဟေဝံ ဝတ္တဗ္ဗေ ။ပ။
သံဃာနုယောဂေါ။
၂၁။ သစ္စိကဋ္ဌသဘာဂါနုယောဂ
֍ ဋ္ဌ ၂၀၈။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ပုဂ္ဂလော သင်္ခတောတိ? န ဟေဝံ ဝတ္တဗ္ဗေ ။ပ။ ပုဂ္ဂလော အသင်္ခတောတိ? န ဟေဝံ ဝတ္တဗ္ဗေ ။ပ။ ပုဂ္ဂလော နေဝ သင်္ခတော နာသင်္ခတောတိ? န ဟေဝံ ဝတ္တဗ္ဗေ။
֍ ဋ္ဌ ၂၀၉။ ပုဂ္ဂလော နေဝ သင်္ခတော နာသင်္ခတောတိ? အာမန္တာ။ သင်္ခတဉ္စ အသင်္ခတဉ္စ ဌပေတွာ အတ္ထညာ တတိယာ ကောဋီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၁၀။ သင်္ခတဉ္စ အသင်္ခတဉ္စ ဌပေတွာ အတ္ထညာ တတိယာ ကောဋီတိ? အာမန္တာ။ နနု ဝုတ္တံ ဘဂဝတာ – ‘‘ဒွေမာ, ဘိက္ခဝေ, ဓာတုယော။ ကတမာ ဒွေ? သင်္ခတာ စ ဓာတု အသင်္ခတာ စ ဓာတု။ ဣမာ ခေါ, ဘိက္ခဝေ, ဒွေ ဓာတုယော’’တိ [မ။ နိ။ ၁။၁၂၅, အာလပနမတ္တမေဝ နာနံ]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘သင်္ခတဉ္စ အသင်္ခတဉ္စ ဌပေတွာ အတ္ထညာ တတိယာ ကောဋီ’’တိ။
֍ ဋ္ဌ ၂၁၁။ ပုဂ္ဂလော နေဝ သင်္ခတော နာသင်္ခတောတိ? အာမန္တာ။ အညံ သင်္ခတံ, အညံ အသင်္ခတံ, အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၁၂။ ခန္ဓာ သင်္ခတာ, နိဗ္ဗာနံ အသင်္ခတံ, ပုဂ္ဂလော နေဝ သင်္ခတော နာသင်္ခတောတိ? အာမန္တာ။ အညေ ခန္ဓာ, အညံ နိဗ္ဗာနံ, အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၁၃။ ရူပံ သင်္ခတံ, နိဗ္ဗာနံ အသင်္ခတံ, ပုဂ္ဂလော နေဝ သင်္ခတော နာသင်္ခတောတိ? အာမန္တာ။ အညံ ရူပံ, အညံ နိဗ္ဗာနံ, အညော ပုဂ္ဂလောတိ? န ဟေဝံ ဝတ္တဗ္ဗေ။ ဝေဒနာ… သညာ… သင်္ခါရာ… ဝိညာဏံ သင်္ခတံ, နိဗ္ဗာနံ အသင်္ခတံ, ပုဂ္ဂလော နေဝ သင်္ခတော နာသင်္ခတောတိ? အာမန္တာ။ အညံ ဝိညာဏံ, အညံ နိဗ္ဗာနံ, အညော ပုဂ္ဂလောတိ? န ဟေဝံ ဝတ္တဗ္ဗေ ။ပ။
(အဘိ၊က၊၅၄။)֍ ဋ္ဌ ၂၁၄။ ပုဂ္ဂလဿ ဥပ္ပါဒေါ ပညာယတိ, ဝယော ပညာယတိ, ဌိတဿ အညထတ္တံ ပညာယတီတိ? အာမန္တာ။ ပုဂ္ဂလော သင်္ခတောတိ? န ဟေဝံ ဝတ္တဗ္ဗေ ။ပ။ ဝုတ္တံ ဘဂဝတာ – ‘‘တီဏိမာနိ, ဘိက္ခဝေ, သင်္ခတဿ သင်္ခတလက္ခဏာနိ။ သင်္ခတာနံ, ဘိက္ခဝေ, ဓမ္မာနံ [ကတမာနိ တီဏိ (အ။ နိ။ ၃။၄၇)] ဥပ္ပါဒေါ ပညာယတိ, ဝယော ပညာယတိ, ဌိတာနံ အညထတ္တံ ပညာယတီ’’တိ [အ။ နိ။ ၃။၄၇]။ ပုဂ္ဂလဿ ဥပ္ပါဒေါ ပညာယတိ, ဝယော ပညာယတိ, ဌိတဿ အညထတ္တံ ပညာယတိ၊ တေန ဟိ ပုဂ္ဂလော သင်္ခတောတိ။
֍ ဋ္ဌ ၂၁၅။ ပုဂ္ဂလဿ န ဥပ္ပါဒေါ ပညာယတိ, န ဝယော ပညာယတိ, န ဌိတဿ အညထတ္တံ ပညာယတီတိ? အာမန္တာ။ ပုဂ္ဂလော အသင်္ခတောတိ? န ဟေဝံ ဝတ္တဗ္ဗေ ။ပ။ ဝုတ္တံ ဘဂဝတာ – ‘‘တီဏိမာနိ, ဘိက္ခဝေ, အသင်္ခတဿ အသင်္ခတလက္ခဏာနိ။ အသင်္ခတာနံ, ဘိက္ခဝေ, ဓမ္မာနံ န ဥပ္ပါဒေါ ပညာယတိ, န ဝယော ပညာယတိ, န ဌိတာနံ အညထတ္တံ ပညာယတီ’’တိ [အ။ နိ။ ၃။၄၈]။ ပုဂ္ဂလဿ န ဥပ္ပါဒေါ ပညာယတိ, န ဝယော ပညာယတိ, န ဌိတဿ အညထတ္တံ ပညာယတိ၊ တေန ဟိ ပုဂ္ဂလော အသင်္ခတောတိ။
֍ ဋ္ဌ ၂၁၆။ ပရိနိဗ္ဗုတော ပုဂ္ဂလော အတ္ထတ္ထမှိ, နတ္ထတ္ထမှီတိ? အတ္ထတ္ထမှီတိ။ ပရိနိဗ္ဗုတော ပုဂ္ဂလော သဿတောတိ? န ဟေဝံ ဝတ္တဗ္ဗေ ။ပ။ နတ္ထတ္ထမှီတိ။ ပရိနိဗ္ဗုတော ပုဂ္ဂလော ဥစ္ဆိန္နောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၁၇။ ပုဂ္ဂလော ကိံ နိဿာယ တိဋ္ဌတီတိ? ဘဝံ နိဿာယ တိဋ္ဌတီတိ။ ဘဝေါ အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? အာမန္တာ။ ပုဂ္ဂလောပိ အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၁၈။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတီတိ? အာမန္တာ။ ဟဉ္စိ အတ္ထိ ကောစိ သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
(အဘိ၊က၊၅၅။)֍ ဋ္ဌ ၂၁၉။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ ဒုက္ခံ ဝေဒနံ ဝေဒိယမာနော ။ပ။ အဒုက္ခမသုခံ ဝေဒနံ ဝေဒိယမာနော ‘‘အဒုက္ခမသုခံ ဝေဒနံ ဝေဒိယာမီ’’တိ ပဇာနာတီတိ? အာမန္တာ။ ဟဉ္စိ အတ္ထိ ကောစိ အဒုက္ခမသုခံ ဝေဒနံ ဝေဒိယမာနော ‘‘အဒုက္ခမသုခံ ဝေဒနံ ဝေဒိယာမီ’’တိ ပဇာနာတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၂၀။ အတ္ထိ ကောစိ သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတိ, သွေဝ ပုဂ္ဂလော၊ ယော သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ န ပဇာနာတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
ယော ဒုက္ခံ ဝေဒနံ ဝေဒိယမာနော ။ပ။ ယော အဒုက္ခမသုခံ ဝေဒနံ ဝေဒိယမာနော ‘‘အဒုက္ခမသုခံ ဝေဒနံ ဝေဒိယာမီ’’တိ ပဇာနာတိ, သွေဝ ပုဂ္ဂလော၊ ယော အဒုက္ခမသုခံ ဝေဒနံ ဝေဒိယမာနော ‘‘အဒုက္ခမသုခံ ဝေဒနံ ဝေဒိယာမီ’’တိ န ပဇာနာတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၂၁။ အတ္ထိ ကောစိ သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညာ သုခါ ဝေဒနာ, အညော သုခံ ဝေဒနံ ဝေဒိယမာနော ‘‘သုခံ ဝေဒနံ ဝေဒိယာမီ’’တိ ပဇာနာတီတိ? န ဟေဝံ ဝတ္တဗ္ဗေ ။ပ။ အညာ ဒုက္ခာ ဝေဒနာ ။ပ။ အညာ အဒုက္ခမသုခါ ဝေဒနာ, အညော အဒုက္ခမသုခံ ဝေဒနံ ဝေဒိယမာနော ‘‘အဒုက္ခမသုခံ ဝေဒနံ ဝေဒိယာမီ’’တိ ပဇာနာတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၂၂။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ ကာယေ ကာယာနုပဿီ ဝိဟရတီတိ? အာမန္တာ။ ဟဉ္စိ အတ္ထိ ကောစိ ကာယေ ကာယာနုပဿီ ဝိဟရတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၂၃။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု အတ္ထိ ကောစိ ဝေဒနာသု ။ပ။ စိတ္တေ… ဓမ္မေသု ဓမ္မာနုပဿီ
(အဘိ၊က၊၅၆။)ဝိဟရတီတိ? အာမန္တာ။ ဟဉ္စိ အတ္ထိ ကောစိ ဓမ္မေသု ဓမ္မာနုပဿီ ဝိဟရတိ, တေန ဝတ ရေ ဝတ္တဗ္ဗေ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၂၄။ အတ္ထိ ကောစိ ကာယေ ကာယာနုပဿီ ဝိဟရတီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ ယော ကာယေ ကာယာနုပဿီ ဝိဟရတိ, သွေဝ ပုဂ္ဂလော၊ ယော န ကာယေ ကာယာနုပဿီ ဝိဟရတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
ယော ဝေဒနာသု ။ပ။ စိတ္တေ… ဓမ္မေသု ဓမ္မာနုပဿီ ဝိဟရတိ, သွေဝ ပုဂ္ဂလော၊ ယော န ဓမ္မေသု ဓမ္မာနုပဿီ ဝိဟရတိ, န သော ပုဂ္ဂလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၂၅။ အတ္ထိ ကောစိ ကာယေ ကာယာနုပဿီ ဝိဟရတီတိ ကတွာ တေန စ ကာရဏေန ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ အညော ကာယော, အညော ကာယေ ကာယာနုပဿီ ဝိဟရတီတိ? န ဟေဝံ ဝတ္တဗ္ဗေ ။ပ။ အညာ ဝေဒနာ… အညံ စိတ္တံ… အညေ ဓမ္မာ, အညော ဓမ္မေသု ဓမ္မာနုပဿီ ဝိဟရတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၂၆။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဝုတ္တံ ဘဂဝတာ –
‘‘သုညတော လောကံ အဝေက္ခဿု, မောဃရာဇ သဒါ သတော၊
အတ္တာနုဒိဋ္ဌိံ ဦဟစ္စ [ဩဟစ္စ (သျာ။), ဥဟစ္စ (က။)], ဧဝံ မစ္စုတရော သိယာ၊
ဧဝံ လောကံ အဝေက္ခန္တံ, မစ္စုရာဇာ န ပဿတီ’’တိ [သု။ နိ။ ၁၁၂၅၊ စူဠနိ။ ၈၈ မောဃရာဇမာဏဝပုစ္ဆာနိဒ္ဒေသ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၂၇။ ပုဂ္ဂလော အဝေက္ခတီတိ? အာမန္တာ။ သဟ ရူပေန အဝေက္ခတိ, ဝိနာ ရူပေန အဝေက္ခတီတိ? သဟ ရူပေန အဝေက္ခတီတိ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။ ဝိနာ ရူပေန အဝေက္ခတီတိ, အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၅၇။)֍ ဋ္ဌ ၂၂၈။ ပုဂ္ဂလော အဝေက္ခတီတိ? အာမန္တာ။ အဗ္ဘန္တရဂတော အဝေက္ခတိ, ဗဟိဒ္ဓါ နိက္ခမိတွာ အဝေက္ခတီတိ? အဗ္ဘန္တရဂတော အဝေက္ခတီတိ။ တံ ဇီဝံ တံ သရီရန္တိ? န ဟေဝံ ဝတ္တဗ္ဗေ ။ပ။ ဗဟိဒ္ဓါ နိက္ခမိတွာ အဝေက္ခတီတိ, အညံ ဇီဝံ အညံ သရီရန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၂၉။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘အတ္ထိ ပုဂ္ဂလော အတ္တဟိတာယ ပဋိပန္နော’’တိ။ အတ္ထေဝ သုတ္တန္တောတိ? အာမန္တာ။ တေန ဟိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ။
֍ ဋ္ဌ ၂၃၀။ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘ဧကပုဂ္ဂလော, ဘိက္ခဝေ, လောကေ ဥပ္ပဇ္ဇမာနော ဥပ္ပဇ္ဇတိ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာန’’န္တိ [အ။ နိ။ ၁။၁၆၂-၁၆၉]။ အတ္ထေဝ သုတ္တန္တောတိ? အာမန္တာ။ တေန ဟိ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ။
֍ ဋ္ဌ ၂၃၁။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘သဗ္ဗေ ဓမ္မာ အနတ္တာ’’တိ [မ။ နိ။ ၁။၃၅၆၊ ဓ။ ပ။ ၂၇၉ ဓမ္မပဒေ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၃၂။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘ဒုက္ခမေဝ ဥပ္ပဇ္ဇမာနံ ဥပ္ပဇ္ဇတိ, ဒုက္ခမေဝ [ဒုက္ခံ (သံ။ နိ။ ၂။၁၅)] နိရုဇ္ဈမာနံ နိရုဇ္ဈတီတိ န ကင်္ခတိ န ဝိစိကိစ္ဆတိ, အပရပ္ပစ္စယညာဏမေဝဿ ဧတ္ထ ဟောတိ။ ဧတ္တာဝတာ ခေါ, ကစ္စာန, သမ္မာဒိဋ္ဌိ ဟောတီ’’တိ [သံ။ နိ။ ၂။၁၅]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
(အဘိ၊က၊၅၈။)֍ ဋ္ဌ ၂၃၃။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဝဇိရာ ဘိက္ခုနီ မာရံ ပါပိမန္တံ ဧတဒဝေါစ –
‘‘ကိန္နု သတ္တောတိ ပစ္စေသိ, မာရ ဒိဋ္ဌိဂတံ နု တေ၊
သုဒ္ဓသင်္ခါရပုဉ္ဇောယံ, နယိဓ သတ္တုပလဗ္ဘတိ။
‘‘ယထာ ဟိ [ယထာပိ (ဗဟူသု)] အင်္ဂသမ္ဘာရာ, ဟောတိ သဒ္ဒေါ ရထော ဣတိ၊
ဧဝံ ခန္ဓေသု သန္တေသု, ဟောတိ သတ္တောတိ သမ္မုတိ [သမ္မတိ (သျာ။ ကံ။)]။
‘‘ဒုက္ခမေဝ ဟိ သမ္ဘောတိ, ဒုက္ခံ တိဋ္ဌတိ ဝေတိ စ၊
နာညတြ ဒုက္ခာ သမ္ဘောတိ, နာညံ ဒုက္ခာ နိရုဇ္ဈတီ’’တိ [သံ။ နိ။ ၁။၁၇၁]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၃၄။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု အာယသ္မာ အာနန္ဒော ဘဂဝန္တံ ဧတဒဝေါစ – ‘‘‘သုညော လောကော သုညော လောကော’တိ, ဘန္တေ, ဝုစ္စတိ။ ကိတ္တာဝတာ နု ခေါ, ဘန္တေ, ‘သုညော လောကော’တိ ဝုစ္စတီ’’တိ? ‘‘ယသ္မာ ခေါ, အာနန္ဒ, သုညံ အတ္တေန ဝါ အတ္တနိယေန ဝါ, တသ္မာ ‘သုညော လောကော’တိ ဝုစ္စတိ။ ကိဉ္စာနန္ဒ, သုညံ အတ္တေန ဝါ အတ္တနိယေန ဝါ? စက္ခုံ ခေါ, အာနန္ဒ, သုညံ အတ္တေန ဝါ အတ္တနိယေန ဝါ, ရူပါ သုညာ ။ပ။ စက္ခုဝိညာဏံ သုညံ… စက္ခုသမ္ဖဿော သုညော… ယမ္ပိဒံ စက္ခုသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ, တမ္ပိ သုညံ အတ္တေန ဝါ အတ္တနိယေန ဝါ, သောတံ သုညံ ။ပ။ သဒ္ဒါ သုညာ… ဃာနံ သုညံ… ဂန္ဓာ သုညာ… ဇိဝှါ သုညာ… ရသာ သုညာ… ကာယော သုညော… ဖောဋ္ဌဗ္ဗာ သုညာ… မနော သုညော… ဓမ္မာ သုညာ… မနောဝိညာဏံ သုညံ… မနောသမ္ဖဿော သုညော… ယမ္ပိဒံ မနောသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ, တမ္ပိ သုညံ အတ္တေန ဝါ အတ္တနိယေန ဝါ။ ယသ္မာ ခေါ, အာနန္ဒ, သုညံ အတ္တေန ဝါ အတ္တနိယေန ဝါ, တသ္မာ ‘သုညော လောကော’တိ ဝုစ္စတီ’’တိ [သံ။ နိ။ ၄။၈၅]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
(အဘိ၊က၊၅၉။)֍ ဋ္ဌ ၂၃၅။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘အတ္တနိ ဝါ, ဘိက္ခဝေ, သတိ ‘အတ္တနိယံ မေ’တိ အဿာ’’တိ? ‘‘ဧဝံ, ဘန္တေ’’။ ‘‘အတ္တနိယေ ဝါ, ဘိက္ခဝေ, သတိ ‘အတ္တာ မေ’တိ အဿာ’’တိ? ‘‘ဧဝံ, ဘန္တေ’’။ ‘‘အတ္တနိ စ, ဘိက္ခဝေ, အတ္တနိယေ စ သစ္စတော ထေတတော အနုပလဗ္ဘိယမာနေ [အနုပလဗ္ဘမာနေ (မ။ နိ။ ၁။၂၄၄)] ယမ္ပိဒံ [ယမိဒံ (သျာ။) ယမ္ပိတံ (မ။ နိ။ ၁။၂၄၄)] ဒိဋ္ဌိဋ္ဌာနံ သော လောကော သော အတ္တာ သော ပေစ္စ ဘဝိဿာမိ နိစ္စော ဓုဝေါ သဿတော အဝိပရိဏာမဓမ္မော, သဿတိသမံ တထေဝ ဌဿာမီတိ – ‘နနွာယံ, ဘိက္ခဝေ, ကေဝလော ပရိပူရော ဗာလဓမ္မော’’’တိ? ‘‘ကိဉှိ နော သိယာ, ဘန္တေ, ကေဝလော ဟိ, ဘန္တေ, ပရိပူရော ဗာလဓမ္မော’’တိ [မ။ နိ။ ၁။၂၄၄]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၃၆။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘တယော မေ, သေနိယ, သတ္ထာရော သန္တော သံဝိဇ္ဇမာနာ လောကသ္မိံ။ ကတမေ တယော? ဣဓ, သေနိယ, ဧကစ္စော သတ္ထာ ဒိဋ္ဌေဝ ဓမ္မေ အတ္တာနံ သစ္စတော ထေတတော ပညာပေတိ, အဘိသမ္ပရာယဉ္စ အတ္တာနံ သစ္စတော ထေတတော ပညာပေတိ။
‘‘ဣဓ ပန, သေနိယ, ဧကစ္စော သတ္ထာ ဒိဋ္ဌေဝ ဟိ ခေါ ဓမ္မေ အတ္တာနံ သစ္စတော ထေတတော ပညာပေတိ, နော စ ခေါ အဘိသမ္ပရာယံ အတ္တာနံ သစ္စတော ထေတတော ပညာပေတိ။
‘‘ဣဓ ပန, သေနိယ, ဧကစ္စော သတ္ထာ ဒိဋ္ဌေ စေဝ ဓမ္မေ အတ္တာနံ သစ္စတော ထေတတော န ပညာပေတိ, အဘိသမ္ပရာယဉ္စ အတ္တာနံ သစ္စတော ထေတတော န ပညာပေတိ။
‘‘တတြ, သေနိယ, ယွာယံ သတ္ထာ ဒိဋ္ဌေ စေဝ ဓမ္မေ အတ္တာနံ သစ္စတော ထေတတော ပညာပေတိ, အဘိသမ္ပရာယဉ္စ အတ္တာနံ သစ္စတော ထေတတော ပညာပေတိ – အယံ ဝုစ္စတိ, သေနိယ, သတ္ထာ သဿတဝါဒေါ။
(အဘိ၊က၊၆၀။)‘‘တတြ, သေနိယ, ယွာယံ သတ္ထာ ဒိဋ္ဌေဝ ဟိ ခေါ ဓမ္မေ အတ္တာနံ သစ္စတော ထေတတော ပညာပေတိ, နော စ ခေါ အဘိသမ္ပရာယံ အတ္တာနံ သစ္စတော ထေတတော ပညာပေတိ – အယံ ဝုစ္စတိ, သေနိယ, သတ္ထာ ဥစ္ဆေဒဝါဒေါ။
‘‘တတြ, သေနိယ, ယွာယံ သတ္ထာ ဒိဋ္ဌေ စေဝ ဓမ္မေ အတ္တာနံ သစ္စတော ထေတတော န ပညာပေတိ, အဘိသမ္ပရာယဉ္စ အတ္တာနံ သစ္စတော ထေတတော န ပညာပေတိ – အယံ ဝုစ္စတိ, သေနိယ, သတ္ထာ သမ္မာသမ္ဗုဒ္ဓေါ။ ဣမေ ခေါ, သေနိယ, တယော သတ္ထာရော သန္တော သံဝိဇ္ဇမာနာ လောကသ္မိ’’န္တိ [ပု။ ပ။ ၁၃၁ ပုဂ္ဂလပညတ္တိယံ, အတ္ထတော ဧကံ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၃၇။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘သပ္ပိကုမ္ဘော’’တိ? အာမန္တာ။ အတ္ထိ ကောစိ သပ္ပိဿ ကုမ္ဘံ ကရောတီတိ? န ဟေဝံ ဝတ္တဗ္ဗေ ။ပ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။
֍ ဋ္ဌ ၂၃၈။ ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာတိ? အာမန္တာ။ နနု ဘဂဝါ သစ္စဝါဒီ ကာလဝါဒီ ဘူတဝါဒီ တထဝါဒီ အဝိတထဝါဒီ အနညထဝါဒီတိ? အာမန္တာ။ ဝုတ္တံ ဘဂဝတာ – ‘‘တေလကုမ္ဘော… မဓုကုမ္ဘော… ဖာဏိတကုမ္ဘော… ခီရကုမ္ဘော… ဥဒကကုမ္ဘော… ပါနီယထာလကံ… ပါနီယကောသကံ… ပါနီယသရာဝကံ… နိစ္စဘတ္တံ… ဓုဝယာဂူ’’တိ? အာမန္တာ။ အတ္ထိ ကာစိ ယာဂု နိစ္စာ ဓုဝါ သဿတာ အဝိပရိဏာမဓမ္မာတိ? န ဟေဝံ ဝတ္တဗ္ဗေ။ ။ပ။ တေန ဟိ န ဝတ္တဗ္ဗံ – ‘‘ပုဂ္ဂလော ဥပလဗ္ဘတိ သစ္စိကဋ္ဌပရမတ္ထေနာ’’တိ။ (သံခိတ္တံ)
အဋ္ဌကနိဂ္ဂဟပေယျာလာ, သန္ဓာဝနိယာ ဥပါဒါယ၊
စိတ္တေန ပဉ္စမံ ကလျာဏံ, ဣဒ္ဓိသုတ္တာဟရဏေန အဋ္ဌမံ။
သစ္စိကဋ္ဌသဘာဂါနုယောဂေါ။
ပုဂ္ဂလကထာ နိဋ္ဌိတာ။
(အဘိ၊က၊၆၁။)၂။ ပရိဟာနိကထာ
၁။ ဝါဒယုတ္တိပရိဟာနိ
֍ ဋ္ဌ ၂၃၉။ ပရိဟာယတိ အရဟာ အရဟတ္တာတိ? အာမန္တာ။ သဗ္ဗတ္ထ အရဟာ အရဟတ္တာ ပရိဟာယတီတိ? န ဟေဝံ ဝတ္တဗ္ဗေ ။ပ။ သဗ္ဗတ္ထ အရဟာ အရဟတ္တာ ပရိဟာယတီတိ? အာမန္တာ။ သဗ္ဗတ္ထ အရဟတော ပရိဟာနီတိ? န ဟေဝံ ဝတ္တဗ္ဗေ ။ပ။
ပရိဟာယတိ အရဟာ အရဟတ္တာတိ? အာမန္တာ။ သဗ္ဗဒါ အရဟာ အရဟတ္တာ ပရိဟာယတီတိ? န ဟေဝံ ဝတ္တဗ္ဗေ ။ပ။ သဗ္ဗဒါ အရဟာ အရဟတ္တာ ပရိဟာယတီတိ? အာမန္တာ။ သဗ္ဗဒါ အရဟတော ပရိဟာနီတိ? န ဟေဝံ ဝတ္တဗ္ဗေ ။ပ။
ပရိဟာယတိ အရဟာ အရဟတ္တာတိ? အာမန္တာ။ သဗ္ဗေဝ အရဟန္တော အရဟတ္တာ ပရိဟာယန္တီတိ? န ဟေဝံ ဝတ္တဗ္ဗေ ။ပ။ သဗ္ဗေဝ အရဟန္တော အရဟတ္တာ ပရိဟာယန္တီတိ? အာမန္တာ။ သဗ္ဗေသံယေဝ အရဟန္တာနံ ပရိဟာနီတိ? န ဟေဝံ ဝတ္တဗ္ဗေ ။ပ။
ပရိဟာယတိ အရဟာ အရဟတ္တာတိ? အာမန္တာ။ အရဟာ အရဟတ္တာ ပရိဟာယမာနော စတူဟိ ဖလေဟိ ပရိဟာယတီတိ? န ဟေဝံ ဝတ္တဗ္ဗေ ။ပ။
စတူဟိ သတသဟဿေဟိ သေဋ္ဌီ သေဋ္ဌိတ္တံ ကာရေန္တော သတသဟဿေ ပရိဟီနေ သေဋ္ဌိတ္တာ ပရိဟီနော ဟောတီတိ? အာမန္တာ။ သဗ္ဗသာပတေယျာ ပရိဟီနော ဟောတီတိ? န ဟေဝံ ဝတ္တဗ္ဗေ ။ပ။
စတူဟိ သတသဟဿေဟိ သေဋ္ဌီ သေဋ္ဌိတ္တံ ကာရေန္တော သတသဟဿေ ပရိဟီနေ ဘဗ္ဗော သဗ္ဗသာပတေယျာ ပရိဟာယိတုန္တိ? အာမန္တာ။ အရဟာ အရဟတ္တာ ပရိဟာယမာနော ဘဗ္ဗော စတူဟိ ဖလေဟိ ပရိဟာယိတုန္တိ? န ဟေဝံ ဝတ္တဗ္ဗေ ။ပ။
၂။ အရိယပုဂ္ဂလသံသန္ဒနပရိဟာနိ
֍ ဋ္ဌ ၂၄၀။ ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
(အဘိ၊က၊၆၂။)ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
န ပရိဟာယတိ သောတာပန္နော သောတာပတ္တိဖလာတိ? အာမန္တာ။ န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
န ပရိဟာယတိ အနာဂါမီ အနာဂါမိဖလာတိ? အာမန္တာ။ န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
န ပရိဟာယတိ သောတာပန္နော သောတာပတ္တိဖလာတိ? အာမန္တာ။ န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
န ပရိဟာယတိ သောတာပန္နော သောတာပတ္တိဖလာတိ? အာမန္တာ။ န ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၄၁။ ပရိဟာယတိ အရဟာ အရဟတ္တာတိ? အာမန္တာ။ အရဟာ အရဟတ္တာ ပရိဟာယမာနော ကတ္ထ သဏ္ဌာတီတိ? အနာဂါမိဖလေတိ။ အနာဂါမီ အနာဂါမိဖလာ ပရိဟာယမာနော ကတ္ထ သဏ္ဌာတီတိ? သကဒါဂါမိဖလေတိ။ သကဒါဂါမီ သကဒါဂါမိဖလာ ပရိဟာယမာနော ကတ္ထ သဏ္ဌာတီတိ? သောတာပတ္တိဖလေတိ။ သောတာပန္နော သောတာပတ္တိဖလာ ပရိဟာယမာနော ပုထုဇ္ဇနဘူမိယံ သဏ္ဌာတီတိ? န ဟေဝံ ဝတ္တဗ္ဗေ။
(အဘိ၊က၊၆၃။)အာဇာနာဟိ နိဂ္ဂဟံ။ ဟဉ္စိ အရဟာ အရဟတ္တာ ပရိဟာယမာနော အနာဂါမိဖလေ သဏ္ဌာတိ, အနာဂါမီ အနာဂါမိဖလာ ပရိဟာယမာနော သကဒါဂါမိဖလေ သဏ္ဌာတိ, သကဒါဂါမီ သကဒါဂါမိဖလာ ပရိဟာယမာနော သောတာပတ္တိဖလေ သဏ္ဌာတိ၊ တေန ဝတ ရေ ဝတ္တဗ္ဗေ – ‘‘သောတာပန္နော သောတာပတ္တိဖလာ ပရိဟာယမာနော ပုထုဇ္ဇနဘူမိယံ သဏ္ဌာတီ’’တိ။
အရဟာ အရဟတ္တာ ပရိဟာယမာနော သောတာပတ္တိဖလေ သဏ္ဌာတီတိ? အာမန္တာ။ သောတာပတ္တိဖလဿ အနန္တရာ အရဟတ္တံယေဝ သစ္ဆိကရောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၄၂။ ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ အရဟတော ဝါ သောတာပန္နဿ ဝါတိ? အရဟတော။ ဟဉ္စိ အရဟတော ဗဟုတရာ ကိလေသာ ပဟီနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ အရဟတော ဝါ သကဒါဂါမိဿ ဝါတိ? အရဟတော။ ဟဉ္စိ အရဟတော ဗဟုတရာ ကိလေသာ ပဟီနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သကဒါဂါမီ သကဒါဂါမိဖလာ’’တိ။
ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ အရဟတော ဝါ အနာဂါမိဿ ဝါတိ? အရဟတော။ ဟဉ္စိ အရဟတော ဗဟုတရာ ကိလေသာ ပဟီနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ အနာဂါမီ အနာဂါမိဖလာ’’တိ။
ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ အနာဂါမိဿ ဝါ သောတာပန္နဿ ဝါတိ? အနာဂါမိဿ။ ဟဉ္စိ အနာဂါမိဿ ဗဟုတရာ ကိလေသာ ပဟီနာ, ပရိဟာယတိ အနာဂါမီ အနာဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
(အဘိ၊က၊၆၄။)֍ ဋ္ဌ ၂၄၃။ ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ အနာဂါမိဿ ဝါ သကဒါဂါမိဿ ဝါတိ? အနာဂါမိဿ။ ဟဉ္စိ အနာဂါမိဿ ဗဟုတရာ ကိလေသာ ပဟီနာ, ပရိဟာယတိ အနာဂါမီ အနာဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သကဒါဂါမီ သကဒါဂါမိဖလာ’’တိ။
ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ ဗဟုတရာ ကိလေသာ ပဟီနာ သကဒါဂါမိဿ ဝါ သောတာပန္နဿ ဝါတိ? သကဒါဂါမိဿ။ ဟဉ္စိ သကဒါဂါမိဿ ဗဟုတရာ ကိလေသာ ပဟီနာ, ပရိဟာယတိ သကဒါဂါမီ သကဒါဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
֍ ဋ္ဌ ၂၄၄။ ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ အရဟတော ဝါ သောတာပန္နဿ ဝါတိ? အရဟတော။ ဟဉ္စိ အရဟတော အဓိမတ္တာ မဂ္ဂဘာဝနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ သတိပဋ္ဌာနဘာဝနာ ။ပ။ သမ္မပ္ပဓာနဘာဝနာ… ဣဒ္ဓိပါဒဘာဝနာ… ဣန္ဒြိယဘာဝနာ … ဗလဘာဝနာ… ဗောဇ္ဈင်္ဂဘာဝနာ အရဟတော ဝါ သောတာပန္နဿ ဝါတိ? အရဟတော။ ဟဉ္စိ အရဟတော အဓိမတ္တာ ဗောဇ္ဈင်္ဂဘာဝနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ ။ပ။ ဗောဇ္ဈင်္ဂဘာဝနာ အရဟတော ဝါ သကဒါဂါမိဿ ဝါတိ? အရဟတော။ ဟဉ္စိ အရဟတော အဓိမတ္တာ ဗောဇ္ဈင်္ဂဘာဝနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သကဒါဂါမီ သကဒါဂါမိဖလာ’’တိ။
(အဘိ၊က၊၆၅။)ပရိဟာယတိ အရဟာ အရဟတ္တာတိ? အာမန္တာ။ ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ ။ပ။ ဗောဇ္ဈင်္ဂဘာဝနာ အရဟတော ဝါ အနာဂါမိဿ ဝါတိ? အရဟတော။ ဟဉ္စိ အရဟတော အဓိမတ္တာ ဗောဇ္ဈင်္ဂဘာဝနာ, ပရိဟာယတိ အရဟာ အရဟတ္တာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ အနာဂါမီ အနာဂါမိဖလာ’’တိ။
֍ ဋ္ဌ ၂၄၅။ ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ ။ပ။ ဗောဇ္ဈင်္ဂဘာဝနာ အနာဂါမိဿ ဝါ သောတာပန္နဿ ဝါတိ? အနာဂါမိဿ။ ဟဉ္စိ အနာဂါမိဿ အဓိမတ္တာ ဗောဇ္ဈင်္ဂဘာဝနာ, ပရိဟာယတိ အနာဂါမီ အနာဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ။
ပရိဟာယတိ အနာဂါမီ အနာဂါမိဖလာတိ? အာမန္တာ။ ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ ။ပ။ ဗောဇ္ဈင်္ဂဘာဝနာ အနာဂါမိဿ ဝါ သကဒါဂါမိဿ ဝါတိ? အနာဂါမိဿ။ ဟဉ္စိ အနာဂါမိဿ အဓိမတ္တာ ဗောဇ္ဈင်္ဂဘာဝနာ, ပရိဟာယတိ အနာဂါမီ အနာဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သကဒါဂါမီ သကဒါဂါမိဖလာ’’တိ။
֍ ဋ္ဌ ၂၄၆။ ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။ ကဿ အဓိမတ္တာ မဂ္ဂဘာဝနာ ။ပ။ ဗောဇ္ဈင်္ဂဘာဝနာ သကဒါဂါမိဿ ဝါ သောတာပန္နဿ ဝါတိ? သကဒါဂါမိဿ။ ဟဉ္စိ သကဒါဂါမိဿ အဓိမတ္တာ ဗောဇ္ဈင်္ဂဘာဝနာ, ပရိဟာယတိ သကဒါဂါမီ သကဒါဂါမိဖလာ၊ တေန ဝတ ရေ ဝတ္တဗ္ဗေ – ‘‘ပရိဟာယတိ သောတာပန္နော သောတာပတ္တိဖလာ’’တိ ။ပ။
֍ ဋ္ဌ ၂၄၇။ အရဟတာ ဒုက္ခံ ဒိဋ္ဌံ, ပရိဟာယတိ အရဟာ အရဟတ္တာတိ? အာမန္တာ။ သောတာပန္နေန ဒုက္ခံ ဒိဋ္ဌံ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတာ သမုဒယော ဒိဋ္ဌော, ပရိဟာယတိ အရဟာ အရဟတ္တာတိ? အာမန္တာ။ သောတာပန္နေန သမုဒယော ဒိဋ္ဌော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
(အဘိ၊က၊၆၆။)အရဟတာ နိရောဓော ဒိဋ္ဌော, ပရိဟာယတိ အရဟာ အရဟတ္တာတိ? အာမန္တာ။ သောတာပန္နေန နိရောဓော ဒိဋ္ဌော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတာ မဂ္ဂေါ ဒိဋ္ဌော, ပရိဟာယတိ အရဟာ အရဟတ္တာတိ? အာမန္တာ။ သောတာပန္နေန မဂ္ဂေါ ဒိဋ္ဌော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတာ စတ္တာရိ သစ္စာနိ ဒိဋ္ဌာနိ, ပရိဟာယတိ အရဟာ အရဟတ္တာတိ? အာမန္တာ။ သောတာပန္နေန စတ္တာရိ သစ္စာနိ ဒိဋ္ဌာနိ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတာ ဒုက္ခံ ဒိဋ္ဌံ, ပရိဟာယတိ အရဟာ အရဟတ္တာတိ? အာမန္တာ။ သကဒါဂါမိနာ ဒုက္ခံ ဒိဋ္ဌံ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
အရဟတာ သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, ပရိဟာယတိ အရဟာ အရဟတ္တာတိ? အာမန္တာ။ သကဒါဂါမိနာ စတ္တာရိ သစ္စာနိ ဒိဋ္ဌာနိ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
အရဟတာ ဒုက္ခံ ဒိဋ္ဌံ, ပရိဟာယတိ အရဟာ အရဟတ္တာတိ? အာမန္တာ။ အနာဂါမိနာ ဒုက္ခံ ဒိဋ္ဌံ, ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
အရဟတာ သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, ပရိဟာယတိ အရဟာ အရဟတ္တာတိ? အာမန္တာ။ အနာဂါမိနာ စတ္တာရိ သစ္စာနိ ဒိဋ္ဌာနိ, ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၄၈။ အနာဂါမိနာ ဒုက္ခံ ဒိဋ္ဌံ, ပရိဟာယတိ အနာဂါမီ အနာဂါမိဖလာတိ? အာမန္တာ။ သောတာပန္နေန ဒုက္ခံ ဒိဋ္ဌံ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အနာဂါမိနာ သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, ပရိဟာယတိ အနာဂါမီ အနာဂါမိဖလာတိ?
(အဘိ၊က၊၆၇။)အာမန္တာ။ သောတာပန္နေန စတ္တာရိ သစ္စာနိ ဒိဋ္ဌာနိ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အနာဂါမိနာ ဒုက္ခံ ဒိဋ္ဌံ, ပရိဟာယတိ အနာဂါမီ အနာဂါမိဖလာတိ? အာမန္တာ။ သကဒါဂါမိနာ ဒုက္ခံ ဒိဋ္ဌံ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
အနာဂါမိနာ သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, ပရိဟာယတိ အနာဂါမီ အနာဂါမိဖလာတိ? အာမန္တာ။ သကဒါဂါမိနာ စတ္တာရိ သစ္စာနိ ဒိဋ္ဌာနိ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၄၉။ သကဒါဂါမိနာ ဒုက္ခံ ဒိဋ္ဌံ, ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ သောတာပန္နေန ဒုက္ခံ ဒိဋ္ဌံ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
သကဒါဂါမိနာ သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ သောတာပန္နေန စတ္တာရိ သစ္စာနိ ဒိဋ္ဌာနိ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၅၀။ သောတာပန္နေန ဒုက္ခံ ဒိဋ္ဌံ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အရဟတာ ဒုက္ခံ ဒိဋ္ဌံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
သောတာပန္နေန သမုဒယော ဒိဋ္ဌော ။ပ။ နိရောဓော ဒိဋ္ဌော ။ပ။ မဂ္ဂေါ ဒိဋ္ဌော ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အရဟတာ စတ္တာရိ သစ္စာနိ ဒိဋ္ဌာနိ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
သကဒါဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အရဟတာ စတ္တာရိ သစ္စာနိ ဒိဋ္ဌာနိ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
အနာဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ အနာဂါမီ အနာဂါမိဖလာတိ? အာမန္တာ။ အရဟတာ စတ္တာရိ သစ္စာနိ ဒိဋ္ဌာနိ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
(အဘိ၊က၊၆၈။)သောတာပန္နေန ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။
အနာဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
သကဒါဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အနာဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
သောတာပန္နေန ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ သကဒါဂါမိနာ ဒုက္ခံ ဒိဋ္ဌံ ။ပ။ စတ္တာရိ သစ္စာနိ ဒိဋ္ဌာနိ, န ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၅၁။ အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ သောတာပန္နဿ ဝိစိကိစ္ဆာ ပဟီနာ ။ပ။ သီလဗ္ဗတပရာမာသော ပဟီနော ။ပ။ အပါယဂမနီယော ရာဂေါ ပဟီနော ။ပ။ အပါယဂမနီယော ဒေါသော ပဟီနော ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတော ဒေါသော ပဟီနော ။ပ။ မောဟော ပဟီနော… မာနော ပဟီနော… ဒိဋ္ဌိ ပဟီနာ… ဝိစိကိစ္ဆာ ပဟီနာ… ထိနံ [ထီနံ (သီ။ သျာ။ ကံ။ ပီ။)] ပဟီနံ… ဥဒ္ဓစ္စံ ပဟီနံ… အဟိရိကံ ပဟီနံ…ပေ… အနောတ္တပ္ပံ ပဟီနံ, ပရိဟာယတိ အရဟာ အရဟတ္တာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတော အနောတ္တပ္ပံ ပဟီနံ, ပရိဟာယတိ အရဟာ အရဟတ္တာတိ? အာမန္တာ။ သောတာပန္နဿ ဝိစိကိစ္ဆာ ပဟီနာ ။ပ။ သီလဗ္ဗတပရာမာသော ပဟီနော ။ပ။ အပါယဂမနီယော ရာဂေါ ပဟီနော ။ပ။ အပါယဂမနီယော
(အဘိ၊က၊၆၉။)ဒေါသော ပဟီနော ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ ။ပ။
အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ သကဒါဂါမိဿ ဝိစိကိစ္ဆာ ပဟီနာ ။ပ။ သီလဗ္ဗတပရာမာသော ပဟီနော ။ပ။ ဩဠာရိကော ကာမရာဂေါ ပဟီနော… ဩဠာရိကော ဗျာပါဒေါ ပဟီနော, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ ။ပ။
အရဟတော ဒေါသော ပဟီနော ။ပ။ အနောတ္တပ္ပံ ပဟီနံ, ပရိဟာယတိ အရဟာ အရဟတ္တာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ ။ပ။ ဩဠာရိကော ဗျာပါဒေါ ပဟီနော, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ, ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ ။ပ။
အရဟတော ရာဂေါ ပဟီနော, ပရိဟာယတိ အရဟာ အရဟတ္တာတိ? အာမန္တာ။ အနာဂါမိဿ ဝိစိကိစ္ဆာ ပဟီနာ ။ပ။ သီလဗ္ဗတပရာမာသော ပဟီနော… အဏုသဟဂတော ကာမရာဂေါ ပဟီနော… အဏုသဟဂတော ဗျာပါဒေါ ပဟီနော, ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
အရဟတော ဒေါသော ပဟီနော ။ပ။ အနောတ္တပ္ပံ ပဟီနံ, ပရိဟာယတိ အရဟာ အရဟတ္တာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ ။ပ။ အဏုသဟဂတော ဗျာပါဒေါ ပဟီနော, ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၂။ အနာဂါမိဿ သက္ကာယဒိဋ္ဌိ ပဟီနာ, ပရိဟာယတိ အနာဂါမီ အနာဂါမိဖလာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
(အဘိ၊က၊၇၀။)အနာဂါမိဿ သက္ကာယဒိဋ္ဌိ ပဟီနာ, ပရိဟာယတိ အနာဂါမီ အနာဂါမိဖလာတိ? အာမန္တာ။ သောတာပန္နဿ ဝိစိကိစ္ဆာ ပဟီနာ ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
အနာဂါမိဿ ဝိစိကိစ္ဆာ ပဟီနာ ။ပ။ အဏုသဟဂတော ဗျာပါဒေါ ပဟီနော, ပရိဟာယတိ အနာဂါမီ အနာဂါမိဖလာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
အနာဂါမိဿ သက္ကာယဒိဋ္ဌိ ပဟီနာ, ပရိဟာယတိ အနာဂါမီ အနာဂါမိဖလာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
အနာဂါမိဿ သက္ကာယဒိဋ္ဌိ ပဟီနာ, ပရိဟာယတိ အနာဂါမီ အနာဂါမိဖလာတိ? အာမန္တာ။ သကဒါဂါမိဿ ဝိစိကိစ္ဆာ ပဟီနာ ။ပ။ သီလဗ္ဗတပရာမာသော ပဟီနော… ဩဠာရိကော ကာမရာဂေါ ပဟီနော… ဩဠာရိကော ဗျာပါဒေါ ပဟီနော, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
အနာဂါမိဿ ဝိစိကိစ္ဆာ ပဟီနာ ။ပ။ အဏုသဟဂတော ဗျာပါဒေါ ပဟီနော, ပရိဟာယတိ အနာဂါမီ အနာဂါမိဖလာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ ။ပ။ ဩဠာရိကော ဗျာပါဒေါ ပဟီနော, ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၃။ သကဒါဂါမိဿ သက္ကာယဒိဋ္ဌိ ပဟီနာ, ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
သကဒါဂါမိဿ သက္ကာယဒိဋ္ဌိ ပဟီနာ, ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ သောတာပန္နဿ ဝိစိကိစ္ဆာ ပဟီနာ ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
သကဒါဂါမိဿ ဝိစိကိစ္ဆာ ပဟီနာ ။ပ။ ဩဠာရိကော ကာမရာဂေါ ပဟီနော… ဩဠာရိကော ဗျာပါဒေါ ပဟီနော, ပရိဟာယတိ သကဒါဂါမီ
(အဘိ၊က၊၇၁။)သကဒါဂါမိဖလာတိ? အာမန္တာ။ သောတာပန္နဿ သက္ကာယဒိဋ္ဌိ ပဟီနာ ။ပ။ အပါယဂမနီယော မောဟော ပဟီနော, ပရိဟာယတိ သောတာပန္နော သောတာပတ္တိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၄။ သောတာပန္နဿ သက္ကာယဒိဋ္ဌိ ပဟီနာ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အရဟတော ရာဂေါ ပဟီနော, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
သောတာပန္နဿ သက္ကာယဒိဋ္ဌိ ပဟီနာ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အရဟတော ဒေါသော ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
သောတာပန္နဿ ဝိစိကိစ္ဆာ ပဟီနာ ။ပ။ အပါယဂမနီယော မောဟော ပဟီနော, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အရဟတော ရာဂေါ ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၅။ သကဒါဂါမိဿ သက္ကာယဒိဋ္ဌိ ပဟီနာ, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အရဟတော ရာဂေါ ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
သကဒါဂါမိဿ ဝိစိကိစ္ဆာ ပဟီနာ ။ပ။ ဩဠာရိကော ဗျာပါဒေါ ပဟီနော, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အရဟတော ရာဂေါ ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၆။ အနာဂါမိဿ သက္ကာယဒိဋ္ဌိ ပဟီနာ, န ပရိဟာယတိ အနာဂါမီ အနာဂါမိဖလာတိ? အာမန္တာ။ အရဟတော ရာဂေါ ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
အနာဂါမိဿ ဝိစိကိစ္ဆာ ပဟီနာ ။ပ။ အဏုသဟဂတော ဗျာပါဒေါ ပဟီနော, န ပရိဟာယတိ အနာဂါမီ အနာဂါမိဖလာတိ? အာမန္တာ။ အရဟတော ရာဂေါ ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အရဟာ အရဟတ္တာတိ? န ဟေဝံ ဝတ္တဗ္ဗေ။
(အဘိ၊က၊၇၂။)֍ ဋ္ဌ ၂၅၇။ သောတာပန္နဿ သက္ကာယဒိဋ္ဌိ ပဟီနာ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ… အဏုသဟဂတော ဗျာပါဒေါ ပဟီနော, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
သောတာပန္နဿ ဝိစိကိစ္ဆာ ပဟီနာ ။ပ။ အပါယဂမနီယော မောဟော ပဟီနော, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ ။ပ။ အဏုသဟဂတော ဗျာပါဒေါ ပဟီနော, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၈။ သကဒါဂါမိဿ သက္ကာယဒိဋ္ဌိ ပဟီနာ, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ ။ပ။ အဏုသဟဂတော ဗျာပါဒေါ ပဟီနော, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
သကဒါဂါမိဿ ဝိစိကိစ္ဆာ ပဟီနာ ။ပ။ ဩဠာရိကော ဗျာပါဒေါ ပဟီနော, န ပရိဟာယတိ သကဒါဂါမီ သကဒါဂါမိဖလာတိ? အာမန္တာ။ အနာဂါမိဿ သက္ကာယဒိဋ္ဌိ ပဟီနာ ။ပ။ အဏုသဟဂတော ဗျာပါဒေါ ပဟီနော, န ပရိဟာယတိ အနာဂါမီ အနာဂါမိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၅၉။ သောတာပန္နဿ သက္ကာယဒိဋ္ဌိ ပဟီနာ, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ ။ပ။ ဩဠာရိကော ဗျာပါဒေါ ပဟီနော, န ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
သောတာပန္နဿ ဝိစိကိစ္ဆာ ပဟီနာ ။ပ။ အပါယဂမနီယော မောဟော ပဟီနော, န ပရိဟာယတိ သောတာပန္နော သောတာပတ္တိဖလာတိ? အာမန္တာ။ သကဒါဂါမိဿ သက္ကာယဒိဋ္ဌိ ပဟီနာ ။ပ။ ဩဠာရိကော ဗျာပါဒေါ ပဟီနော, န ပရိဟာယတိ သကဒါဂါမီ သကဒါဂါမိဖလာတိ? န ဟေဝံ ဝတ္တဗ္ဗေ။
֍ ဋ္ဌ ၂၆၀။ ပရိဟာယတိ အရဟာ အရဟတ္တာတိ? အာမန္တာ။ နနု အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော [အနဘာဝကတော (သီ။)] အာယတိံ အနုပ္ပါဒဓမ္မောတိ? အာမန္တာ။ ဟဉ္စိ အရဟတော ရာဂေါ ပဟီနော
(အဘိ၊က၊၇၃။)ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မော, နော စ ဝတ ရေ [နော ဝတ ရေ (သျာ။ ပီ။) ဧဝမုပရိပိ] ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
ပရိဟာယတိ အရဟာ အရဟတ္တာတိ? အာမန္တာ။ နနု အရဟတော ဒေါသော ပဟီနော ။ပ။ မောဟော ပဟီနော… မာနော ပဟီနော… ဒိဋ္ဌိ ပဟီနာ… ဝိစိကိစ္ဆာ ပဟီနာ… ထိနံ ပဟီနံ… ဥဒ္ဓစ္စံ ပဟီနံ… အဟိရိကံ ပဟီနံ… အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မန္တိ? အာမန္တာ။ ဟဉ္စိ အရဟတော အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မံ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
ပရိဟာယတိ အရဟာ အရဟတ္တာတိ? အာမန္တာ။ နနု အရဟတော ရာဂပ္ပဟာနာယ မဂ္ဂေါ ဘာဝိတောတိ? အာမန္တာ။ ဟဉ္စိ အရဟတော ရာဂပ္ပဟာနာယ မဂ္ဂေါ ဘာဝိတော, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
ပရိဟာယတိ အရဟာ အရဟတ္တာတိ? အာမန္တာ။ နနု အရဟတော ရာဂပ္ပဟာနာယ သတိပဋ္ဌာနာ ဘာဝိတာ ။ပ။ သမ္မပ္ပဓာနာ ဘာဝိတာ… ဣဒ္ဓိပါဒါ ဘာဝိတာ… ဣန္ဒြိယာ ဘာဝိတာ… ဗလာ ဘာဝိတာ… ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော ရာဂပ္ပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
ပရိဟာယတိ အရဟာ အရဟတ္တာတိ? အာမန္တာ။ နနု အရဟတော ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
֍ ဋ္ဌ ၂၆၁။ ပရိဟာယတိ အရဟာ အရဟတ္တာတိ? အာမန္တာ။ နနု အရဟာ ဝီတရာဂေါ ဝီတဒေါသော ဝီတမောဟော ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော၊ ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ
(အဘိ၊က၊၇၄။)အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ, သစ္ဆိကာတဗ္ဗံ သစ္ဆိကတန္တိ? အာမန္တာ။ ဟဉ္စိ အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
֍ ဋ္ဌ ၂၆၂။ ပရိဟာယတိ အရဟာ အရဟတ္တာတိ? ( ) [(အာမန္တာ) (က။)] သမယဝိမုတ္တော အရဟာ အရဟတ္တာ ပရိဟာယတိ, အသမယဝိမုတ္တော အရဟာ အရဟတ္တာ န ပရိဟာယတီတိ။ သမယဝိမုတ္တော အရဟာ အရဟတ္တာ ပရိဟာယတီတိ? အာမန္တာ။ အသမယဝိမုတ္တော အရဟာ အရဟတ္တာ ပရိဟာယတီတိ [န ပရိဟာယတီတိ (က။)]? န ဟေဝံ ဝတ္တဗ္ဗေ။
အသမယဝိမုတ္တော အရဟာ အရဟတ္တာ န ပရိဟာယတီတိ? အာမန္တာ။ သမယဝိမုတ္တော အရဟာ အရဟတ္တာ န ပရိဟာယတီတိ? န ဟေဝံ ဝတ္တဗ္ဗေ။
သမယဝိမုတ္တဿ အရဟတော ရာဂေါ ပဟီနော, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တဿ အရဟတော ရာဂေါ ပဟီနော, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
သမယဝိမုတ္တဿ အရဟတော ဒေါသော ပဟီနော ။ပ။ အနောတ္တပ္ပံ ပဟီနံ, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တဿ အရဟတော အနောတ္တပ္ပံ ပဟီနံ, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
သမယဝိမုတ္တဿ အရဟတော ရာဂပ္ပဟာနာယ မဂ္ဂေါ ဘာဝိတော, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တဿ အရဟတော ရာဂပ္ပဟာနာယ မဂ္ဂေါ ဘာဝိတော, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
သမယဝိမုတ္တဿ အရဟတော ရာဂပ္ပဟာနာယ သတိပဋ္ဌာနာ ဘာဝိတာ ။ပ။ သမ္မပ္ပဓာနာ ဘာဝိတာ… ဣဒ္ဓိပါဒါ ဘာဝိတာ… ဣန္ဒြိယာ ဘာဝိတာ… ဗလာ ဘာဝိတာ… ဗောဇ္ဈင်္ဂါ ဘာဝိတာ, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တဿ အရဟတော ရာဂပ္ပဟာနာယ
(အဘိ၊က၊၇၅။)သတိပဋ္ဌာနာ ဘာဝိတာ ။ပ။ ဗောဇ္ဈင်္ဂါ ဘာဝိတာ, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
သမယဝိမုတ္တဿ အရဟတော ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တဿ အရဟတော အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
သမယဝိမုတ္တော အရဟာ ဝီတရာဂေါ ဝီတဒေါသော ဝီတမောဟော ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ, သစ္ဆိကာတဗ္ဗံ သစ္ဆိကတံ, ပရိဟာယတိ သမယဝိမုတ္တော အရဟာ အရဟတ္တာတိ? အာမန္တာ။ အသမယဝိမုတ္တော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, ပရိဟာယတိ အသမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
֍ ဋ္ဌ ၂၆၃။ အသမယဝိမုတ္တဿ အရဟတော ရာဂေါ ပဟီနော, န ပရိဟာယတိ အသမယဝိမုတ္တော အရဟာ အရဟတ္တာတိ? အာမန္တာ။ သမယဝိမုတ္တဿ အရဟတော ရာဂေါ ပဟီနော, န ပရိဟာယတိ သမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
အသမယဝိမုတ္တဿ အရဟတော ဒေါသော ပဟီနော ။ပ။ အနောတ္တပ္ပံ ပဟီနံ, န ပရိဟာယတိ အသမယဝိမုတ္တော အရဟာ အရဟတ္တာတိ? အာမန္တာ။ သမယဝိမုတ္တဿ အရဟတော အနောတ္တပ္ပံ ပဟီနံ, န ပရိဟာယတိ သမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
အသမယဝိမုတ္တဿ အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, န ပရိဟာယတိ အသမယဝိမုတ္တော အရဟာ အရဟတ္တာတိ? အာမန္တာ။ သမယဝိမုတ္တဿ အရဟတော ရာဂပ္ပဟာနာယ
(အဘိ၊က၊၇၆။)မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, န ပရိဟာယတိ သမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
အသမယဝိမုတ္တဿ အရဟတော ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, န ပရိဟာယတိ အသမယဝိမုတ္တော အရဟာ အရဟတ္တာတိ? အာမန္တာ။ သမယဝိမုတ္တဿ အရဟတော အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, န ပရိဟာယတိ သမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ။
အသမယဝိမုတ္တော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, န ပရိဟာယတိ အသမယဝိမုတ္တော အရဟာ အရဟတ္တာတိ? အာမန္တာ။ သမယဝိမုတ္တော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, န ပရိဟာယတိ သမယဝိမုတ္တော အရဟာ အရဟတ္တာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၆၄။ ပရိဟာယတိ အရဟာ အရဟတ္တာတိ? အာမန္တာ။ သာရိပုတ္တော ထေရော ပရိဟာယိတ္ထ အရဟတ္တာတိ? န ဟေဝံ ဝတ္တဗ္ဗေ။ မဟာမောဂ္ဂလ္လာနော [မဟာမောဂ္ဂလာနော (က။)] ထေရော… မဟာကဿပေါ ထေရော… မဟာကစ္စာယနော [မဟာကစ္စာနော (မ။ နိ။ ၁။၂၀၂ အာဒယော)] ထေရော… မဟာကောဋ္ဌိကော [မဟာကောဋ္ဌိတော (သီ။ သျာ။ ကံ။ ပီ။)] ထေရော… မဟာပန္ထကော ထေရော ပရိဟာယိတ္ထ အရဟတ္တာတိ? န ဟေဝံ ဝတ္တဗ္ဗေ။
သာရိပုတ္တော ထေရော န ပရိဟာယိတ္ထ အရဟတ္တာတိ? အာမန္တာ။ ဟဉ္စိ သာရိပုတ္တော ထေရော န ပရိဟာယိတ္ထ အရဟတ္တာ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
မဟာမောဂ္ဂလ္လာနော ထေရော… မဟာကဿပေါ ထေရော… မဟာကစ္စာယနော ထေရော… မဟာကောဋ္ဌိကော ထေရော… မဟာပန္ထကော ထေရော န ပရိဟာယိတ္ထ အရဟတ္တာတိ? အာမန္တာ။ ဟဉ္စိ မဟာပန္ထကော ထေရော န ပရိဟာယိတ္ထ အရဟတ္တာ, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
အရိယပုဂ္ဂလသံသန္ဒနံ။
(အဘိ၊က၊၇၇။)၃။ သုတ္တသာဓနပရိဟာနိ
֍ ဋ္ဌ ၂၆၅။ ပရိဟာယတိ အရဟာ အရဟတ္တာတိ? အာမန္တာ။ နနု ဝုတ္တံ ဘဂဝတာ –
‘‘ဥစ္စာဝစာ ဟိ ပဋိပဒါ [ပဋိပါဒါ (အဋ္ဌ။)], သမဏေန ပကာသိတာ၊
န ပါရံ ဒိဂုဏံ ယန္တိ, နယိဒံ ဧကဂုဏံ မုတ’’န္တိ [သု။ နိ။ ၇၁၉ သုတ္တနိပါတေ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပရိဟာယတိ အရဟာ အရဟတ္တာ’’တိ။
ပရိဟာယတိ အရဟာ အရဟတ္တာတိ? အာမန္တာ။ အတ္ထိ ဆိန္နဿ ဆေဒိယန္တိ? န ဟေဝံ ဝတ္တဗ္ဗေ။
အတ္ထိ ဆိန္နဿ ဆေဒိယန္တိ? အာမန္တာ။ နနု ဝုတ္တံ ဘဂဝတာ –
‘‘ဝီတတဏှော အနာဒါနော, ကိစ္စံ ယဿ န ဝိဇ္ဇတိ၊
ဆိန္နဿ ဆေဒိယံ နတ္ထိ, ဩဃပါသော သမူဟတော’’တိ။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ ဆိန္နဿ ဆေဒိယ’’န္တိ။
֍ ဋ္ဌ ၂၆၆။ ပရိဟာယတိ အရဟာ အရဟတ္တာတိ? အာမန္တာ။ အတ္ထိ ကတဿ ပတိစယောတိ? န ဟေဝံ ဝတ္တဗ္ဗေ။
အတ္ထိ ကတဿ ပတိစယောတိ? အာမန္တာ။ နနု ဝုတ္တံ ဘဂဝတာ –
‘‘တဿ သမ္မာ ဝိမုတ္တဿ, သန္တစိတ္တဿ ဘိက္ခုနော၊
ကတဿ ပတိစယော နတ္ထိ, ကရဏီယံ န ဝိဇ္ဇတိ။
‘‘သေလော ယထာ ဧကဂ္ဃနော, ဝါတေန န သမီရတိ၊
ဧဝံ ရူပါ ရသာ သဒ္ဒါ, ဂန္ဓာ ဖဿာ စ ကေဝလာ။
‘‘ဣဋ္ဌာ ဓမ္မာ အနိဋ္ဌာ စ, နပ္ပဝေဓေန္တိ တာဒိနော၊
ဌိတံ စိတ္တံ ဝိပ္ပမုတ္တံ, ဝယံ စဿာနုပဿတီ’’တိ [မဟာဝ။ ၂၄၄၊ အ။ နိ။ ၆။၅၅]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ ကတဿ ပတိစယော’’တိ။
(အဘိ၊က၊၇၈။)֍ ဋ္ဌ ၂၆၇။ န ဝတ္တဗ္ဗံ – ‘‘ပရိဟာယတိ အရဟာ အရဟတ္တာ’’တိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမေ, ဘိက္ခဝေ, ဓမ္မာ သမယဝိမုတ္တဿ ဘိက္ခုနော ပရိဟာနာယ သံဝတ္တန္တိ။ ကတမေ ပဉ္စ? ကမ္မာရာမတာ, ဘဿာရာမတာ, နိဒ္ဒါရာမတာ, သင်္ဂဏိကာရာမတာ, ယထာဝိမုတ္တံ စိတ္တံ န ပစ္စဝေက္ခတိ။ ဣမေ ခေါ, ဘိက္ခဝေ, ပဉ္စ ဓမ္မာ သမယဝိမုတ္တဿ ဘိက္ခုနော ပရိဟာနာယ သံဝတ္တန္တီ’’တိ [အ။ နိ။ ၅။၁၄၉]။ အတ္ထေဝ သုတ္တန္တောတိ? အာမန္တာ။ တေန ဟိ ပရိဟာယတိ အရဟာ အရဟတ္တာတိ။
အတ္ထိ အရဟတော ကမ္မာရာမတာတိ? န ဟေဝံ ဝတ္တဗ္ဗေ။
အတ္ထိ အရဟတော ကမ္မာရာမတာတိ? အာမန္တာ။ အတ္ထိ အရဟတော ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏန္တိ? န ဟေဝံ ဝတ္တဗ္ဗေ။
အတ္ထိ အရဟတော ဘဿာရာမတာ, အတ္ထိ အရဟတော နိဒ္ဒါရာမတာ, အတ္ထိ အရဟတော သင်္ဂဏိကာရာမတာတိ? န ဟေဝံ ဝတ္တဗ္ဗေ။
အတ္ထိ အရဟတော သင်္ဂဏိကာရာမတာတိ? အာမန္တာ။ အတ္ထိ အရဟတော ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏန္တိ? န ဟေဝံ ဝတ္တဗ္ဗေ။
֍ ဋ္ဌ ၂၆၈။ ပရိဟာယတိ အရဟာ အရဟတ္တာတိ? အာမန္တာ။ အရဟာ အရဟတ္တာ ပရိဟာယမာနော ကိံ ပရိယုဋ္ဌိတော ပရိဟာယတီတိ? ရာဂပရိယုဋ္ဌိတော ပရိဟာယတီတိ။ ပရိယုဋ္ဌာနံ ကိံ ပဋိစ္စ ဥပ္ပဇ္ဇတီတိ? အနုသယံ ပဋိစ္စ ဥပ္ပဇ္ဇတီတိ။ အတ္ထိ အရဟတော အနုသယာတိ? န ဟေဝံ ဝတ္တဗ္ဗေ။
အတ္ထိ အရဟတော အနုသယာတိ? အာမန္တာ။ အတ္ထိ အရဟတော ကာမရာဂါနုသယော ပဋိဃာနုသယော မာနာနုသယော ဒိဋ္ဌာနုသယော ဝိစိကိစ္ဆာနုသယော ဘဝရာဂါနုသယော အဝိဇ္ဇာနုသယောတိ? န ဟေဝံ ဝတ္တဗ္ဗေ။
ဒေါသပရိယုဋ္ဌိတော ပရိဟာယတီတိ ။ပ။ မောဟပရိယုဋ္ဌိတော ပရိဟာယတီတိ…။ ပရိယုဋ္ဌာနံ ကိံ ပဋိစ္စ ဥပ္ပဇ္ဇတီတိ? အနုသယံ ပဋိစ္စ ဥပ္ပဇ္ဇတီတိ။ အတ္ထိ အရဟတော အနုသယာတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော အနုသယာတိ? အာမန္တာ။ အတ္ထိ အရဟတော ကာမရာဂါနုသယော ။ပ။ အဝိဇ္ဇာနုသယောတိ? န ဟေဝံ ဝတ္တဗ္ဗေ။
(အဘိ၊က၊၇၉။)ပရိဟာယတိ အရဟာ အရဟတ္တာတိ? အာမန္တာ။ အရဟတော အရဟတ္တာ ပရိဟာယမာနဿ ကိံ ဥပစယံ ဂစ္ဆတီတိ? ရာဂေါ ဥပစယံ ဂစ္ဆတီတိ။ သက္ကာယဒိဋ္ဌိ ဥပစယံ ဂစ္ဆတီတိ, ဝိစိကိစ္ဆာ ဥပစယံ ဂစ္ဆတီတိ, သီလဗ္ဗတပရာမာသော ဥပစယံ ဂစ္ဆတီတိ? န ဟေဝံ ဝတ္တဗ္ဗေ။ ဒေါသော ဥပစယံ ဂစ္ဆတီတိ ။ပ။ မောဟော ဥပစယံ ဂစ္ဆတီတိ, သက္ကာယဒိဋ္ဌိ ဥပစယံ ဂစ္ဆတီတိ, ဝိစိကိစ္ဆာ ဥပစယံ ဂစ္ဆတီတိ, သီလဗ္ဗတပရာမာသော ဥပစယံ ဂစ္ဆတီတိ? န ဟေဝံ ဝတ္တဗ္ဗေ။
ပရိဟာယတိ အရဟာ အရဟတ္တာတိ? အာမန္တာ။ အရဟာ အာစိနတီတိ? န ဟေဝံ ဝတ္တဗ္ဗေ။ အရဟာ အပစိနတီတိ? န ဟေဝံ ဝတ္တဗ္ဗေ။ အရဟာ ပဇဟတီတိ? န ဟေဝံ ဝတ္တဗ္ဗေ။ အရဟာ ဥပါဒိယတီတိ? န ဟေဝံ ဝတ္တဗ္ဗေ။ အရဟာ ဝိသိနေတီတိ? န ဟေဝံ ဝတ္တဗ္ဗေ။ အရဟာ ဥဿိနေတီတိ? န ဟေဝံ ဝတ္တဗ္ဗေ။ အရဟာ ဝိဓူပေတီတိ? န ဟေဝံ ဝတ္တဗ္ဗေ။ အရဟာ သန္ဓူပေတီတိ? န ဟေဝံ ဝတ္တဗ္ဗေ။
နနု အရဟာ နေဝါစိနတိ န အပစိနတိ အပစိနိတွာ ဌိတောတိ? အာမန္တာ။ ဟဉ္စိ အရဟာ နေဝါစိနတိ န အပစိနတိ အပစိနိတွာ ဌိတော, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
နနု အရဟာ နေဝ ပဇဟတိ န ဥပါဒိယတိ ပဇဟိတွာ ဌိတောတိ? အာမန္တာ။ ဟဉ္စိ အရဟာ နေဝ ပဇဟတိ န ဥပါဒိယတိ ပဇဟိတွာ ဌိတော, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
နနု အရဟာ နေဝ ဝိသိနေတိ န ဥဿိနေတိ ဝိသိနိတွာ ဌိတောတိ? အာမန္တာ။ ဟဉ္စိ အရဟာ နေဝ ဝိသိနေတိ န ဥဿိနေတိ ဝိသိနိတွာ ဌိတော, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
နနု အရဟာ နေဝ ဝိဓူပေတိ န သန္ဓူပေတိ ဝိဓူပေတွာ ဌိတောတိ? အာမန္တာ။ ဟဉ္စိ အရဟာ နေဝ ဝိဓူပေတိ န သန္ဓူပေတိ ဝိဓူပေတွာ ဌိတော, နော စ ဝတ ရေ ဝတ္တဗ္ဗေ – ‘‘ပရိဟာယတိ အရဟာ အရဟတ္တာ’’တိ။
ပရိဟာနိကထာ နိဋ္ဌိတာ။
(အဘိ၊က၊၈၀။)၃။ ဗြဟ္မစရိယကထာ
၁။ သုဒ္ဓဗြဟ္မစရိယကထာ
֍ ဋ္ဌ ၂၆၉။ နတ္ထိ ဒေဝေသု ဗြဟ္မစရိယဝါသောတိ? အာမန္တာ။ သဗ္ဗေ ဒေဝါ ဇဠာ ဧလမူဂါ [ဧဠမူဂါ (သျာ။)] အဝိညူ ဟတ္ထသံဝါစိကာ နပ္ပဋိဗလာ သုဘာသိတဒုဗ္ဘာသိတာနံ အတ္ထမညာတုံ, သဗ္ဗေ ဒေဝါ န ဗုဒ္ဓေ ပသန္နာ န ဓမ္မေ ပသန္နာ န သံဃေ ပသန္နာ, န ဗုဒ္ဓံ ဘဂဝန္တံ ပယိရုပါသန္တိ, န ဗုဒ္ဓံ ဘဂဝန္တံ ပဉှံ ပုစ္ဆန္တိ, န ဗုဒ္ဓေန ဘဂဝတာ ပဉှေ ဝိဿဇ္ဇိတေ အတ္တမနာ, သဗ္ဗေ ဒေဝါ ကမ္မာဝရဏေန သမန္နာဂတာ ကိလေသာဝရဏေန သမန္နာဂတာ ဝိပါကာဝရဏေန သမန္နာဂတာ အဿဒ္ဓါ အစ္ဆန္ဒိကာ ဒုပ္ပညာ အဘဗ္ဗာ နိယာမံ ဩက္ကမိတုံ ကုသလေသု ဓမ္မေသု သမ္မတ္တံ, သဗ္ဗေ ဒေဝါ မာတုဃာတကာ ပိတုဃာတကာ အရဟန္တဃာတကာ ရုဟိရုပ္ပါဒကာ သံဃဘေဒကာ, သဗ္ဗေ ဒေဝါ ပါဏာတိပါတိနော အဒိန္နာဒါယိနော ကာမေသုမိစ္ဆာစာရိနော မုသာဝါဒိနော ပိသုဏဝါစာ ဖရုသာဝါစာ သမ္ဖပ္ပလာပိနော အဘိဇ္ဈာလုနော ဗျာပန္နစိတ္တာ မိစ္ဆာဒိဋ္ဌိကာတိ? န ဟေဝံ ဝတ္တဗ္ဗေ ။ပ။
နနု အတ္ထိ ဒေဝါ အဇဠာ အနေလမူဂါ ဝိညူ န ဟတ္ထသံဝါစိကာ ပဋိဗလာ သုဘာသိတဒုဗ္ဘာသိတာနံ အတ္ထမညာတုံ, အတ္ထိ ဒေဝါ ဗုဒ္ဓေ ပသန္နာ ဓမ္မေ ပသန္နာ သံဃေ ပသန္နာ, ဗုဒ္ဓံ ဘဂဝန္တံ ပယိရုပါသန္တိ, ဗုဒ္ဓံ ဘဂဝန္တံ ပဉှံ ပုစ္ဆန္တိ, ဗုဒ္ဓေန ဘဂဝတာ ပဉှေ ဝိဿဇ္ဇိတေ အတ္တမနာ ဟောန္တိ, အတ္ထိ ဒေဝါ န ကမ္မာဝရဏေန သမန္နာဂတာ န ကိလေသာဝရဏေန သမန္နာဂတာ န ဝိပါကာဝရဏေန သမန္နာဂတာ သဒ္ဓါ ဆန္ဒိကာ ပညဝန္တော ဘဗ္ဗာ နိယာမံ ဩက္ကမိတုံ ကုသလေသု ဓမ္မေသု သမ္မတ္တံ, အတ္ထိ ဒေဝါ န မာတုဃာတကာ န ပိတုဃာတကာ န အရဟန္တဃာတကာ န ရုဟိရုပ္ပါဒကာ န သံဃဘေဒကာ, အတ္ထိ ဒေဝါ န ပါဏာတိပါတိနော န အဒိန္နာဒါယိနော န ကာမေသုမိစ္ဆာစာရိနော န မုသာဝါဒိနော န ပိသုဏာဝါစာ န ဖရုသာဝါစာ န သမ္ဖပ္ပလာပိနော န အဘိဇ္ဈာလုနော အဗျာပန္နစိတ္တာ သမ္မာဒိဋ္ဌိကာတိ? အာမန္တာ။
ဟဉ္စိ အတ္ထိ ဒေဝါ အဇဠာ အနေလမူဂါ ဝိညူ န ဟတ္ထသံဝါစိကာ ပဋိဗလာ သုဘာသိတဒုဗ္ဘာသိတာနံ အတ္ထမညာတုံ ။ပ။ အတ္ထိ ဒေဝါ ဗုဒ္ဓေ ပသန္နာ ။ပ။ သမ္မာဒိဋ္ဌိကာ, နော စ ဝတ ရေ ဝတ္တဗ္ဗေ – ‘‘နတ္ထိ ဒေဝေသု ဗြဟ္မစရိယဝါသော’’တိ။
(အဘိ၊က၊၈၁။)֍ ဋ္ဌ ၂၇၀။ အတ္ထိ ဒေဝေသု ဗြဟ္မစရိယဝါသောတိ? အာမန္တာ။ အတ္ထိ တတ္ထ ပဗ္ဗဇ္ဇာ မုဏ္ဍိယံ ကာသာဝဓာရဏာ ပတ္တဓာရဏာ, ဒေဝေသု သမ္မာသမ္ဗုဒ္ဓါ ဥပ္ပဇ္ဇန္တိ, ပစ္စေကသမ္ဗုဒ္ဓါ ဥပ္ပဇ္ဇန္တိ, သာဝကယုဂံ ဥပ္ပဇ္ဇတီတိ? န ဟေဝံ ဝတ္တဗ္ဗေ ။ပ။
ဒေဝေသု ပဗ္ဗဇ္ဇာ နတ္ထီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ အတ္ထိ ပဗ္ဗဇ္ဇာ တတ္ထေဝ ဗြဟ္မစရိယဝါသော, ယတ္ထ နတ္ထိ ပဗ္ဗဇ္ဇာ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ အတ္ထိ ပဗ္ဗဇ္ဇာ တတ္ထေဝ ဗြဟ္မစရိယဝါသော, ယတ္ထ နတ္ထိ ပဗ္ဗဇ္ဇာ နတ္ထိ တတ္ထ ဗြဟ္မစရိယဝါသောတိ? အာမန္တာ။ ယော ပဗ္ဗဇတိ တဿေဝ ဗြဟ္မစရိယဝါသော, ယော န ပဗ္ဗဇတိ နတ္ထိ တဿ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
ဒေဝေသု မုဏ္ဍိယံ နတ္ထီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ အတ္ထိ မုဏ္ဍိယံ တတ္ထေဝ ဗြဟ္မစရိယဝါသော, ယတ္ထ နတ္ထိ မုဏ္ဍိယံ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ အတ္ထိ မုဏ္ဍိယံ တတ္ထေဝ ဗြဟ္မစရိယဝါသော, ယတ္ထ နတ္ထိ မုဏ္ဍိယံ နတ္ထိ တတ္ထ ဗြဟ္မစရိယဝါသောတိ? အာမန္တာ။ ယော မုဏ္ဍော ဟောတိ တဿေဝ ဗြဟ္မစရိယဝါသော, ယော မုဏ္ဍော န ဟောတိ နတ္ထိ တဿ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
ဒေဝေသု ကာသာဝဓာရဏာ နတ္ထီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ အတ္ထိ ကာသာဝဓာရဏာ တတ္ထေဝ ဗြဟ္မစရိယဝါသော, ယတ္ထ နတ္ထိ ကာသာဝဓာရဏာ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ အတ္ထိ ကာသာဝဓာရဏာ တတ္ထေဝ ဗြဟ္မစရိယဝါသော, ယတ္ထ နတ္ထိ ကာသာဝဓာရဏာ နတ္ထိ တတ္ထ ဗြဟ္မစရိယဝါသောတိ? အာမန္တာ။ ယော ကာသာဝံ ဓာရေတိ တဿေဝ ဗြဟ္မစရိယဝါသော, ယော ကာသာဝံ န ဓာရေတိ နတ္ထိ တဿ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
ဒေဝေသု ပတ္တဓာရဏာ နတ္ထီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ အတ္ထိ ပတ္တဓာရဏာ တတ္ထေဝ ဗြဟ္မစရိယဝါသော, ယတ္ထ နတ္ထိ ပတ္တဓာရဏာ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ အတ္ထိ ပတ္တဓာရဏာ တတ္ထေဝ ဗြဟ္မစရိယဝါသော, ယတ္ထ နတ္ထိ ပတ္တဓာရဏာ နတ္ထိ တတ္ထ ဗြဟ္မစရိယဝါသောတိ? အာမန္တာ? ယော ပတ္တံ ဓာရေတိ တဿေဝ ဗြဟ္မစရိယဝါသော, ယော ပတ္တံ န ဓာရေတိ နတ္ထိ တဿ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
(အဘိ၊က၊၈၂။)ဒေဝေသု သမ္မာသမ္ဗုဒ္ဓါ နုပ္ပဇ္ဇန္တီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ သမ္မာသမ္ဗုဒ္ဓါ ဥပ္ပဇ္ဇန္တိ တတ္ထေဝ ဗြဟ္မစရိယဝါသော, ယတ္ထ သမ္မာသမ္ဗုဒ္ဓါ နုပ္ပဇ္ဇန္တိ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ သမ္မာသမ္ဗုဒ္ဓါ ဥပ္ပဇ္ဇန္တိ တတ္ထေဝ ဗြဟ္မစရိယဝါသော, ယတ္ထ သမ္မာသမ္ဗုဒ္ဓါ နုပ္ပဇ္ဇန္တိ နတ္ထိ တတ္ထ ဗြဟ္မစရိယဝါသောတိ? အာမန္တာ။ လုမ္ဗိနိယာ ဘဂဝါ ဇာတော, ဗောဓိယာ မူလေ အဘိသမ္ဗုဒ္ဓေါ, ဗာရာဏသိယံ ဘဂဝတာ ဓမ္မစက္ကံ ပဝတ္တိတံ၊ တတ္ထေဝ ဗြဟ္မစရိယဝါသော, နတ္ထညတြ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
ဒေဝေသု ပစ္စေကသမ္ဗုဒ္ဓါ နုပ္ပဇ္ဇန္တီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ ပစ္စေကသမ္ဗုဒ္ဓါ ဥပ္ပဇ္ဇန္တိ တတ္ထေဝ ဗြဟ္မစရိယဝါသော, ယတ္ထ ပစ္စေကသမ္ဗုဒ္ဓါ နုပ္ပဇ္ဇန္တိ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ ပစ္စေကသမ္ဗုဒ္ဓါ ဥပ္ပဇ္ဇန္တိ တတ္ထေဝ ဗြဟ္မစရိယဝါသော, ယတ္ထ ပစ္စေကသမ္ဗုဒ္ဓါ နုပ္ပဇ္ဇန္တိ နတ္ထိ တတ္ထ ဗြဟ္မစရိယဝါသောတိ? အာမန္တာ။ မဇ္ဈိမေသု ဇနပဒေသု ပစ္စေကသမ္ဗုဒ္ဓါ ဥပ္ပဇ္ဇန္တိ, တတ္ထေဝ ဗြဟ္မစရိယဝါသော, နတ္ထညတြ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
ဒေဝေသု သာဝကယုဂံ နုပ္ပဇ္ဇတီတိ, နတ္ထိ ဒေဝေသု ဗြဟ္မစရိယဝါသောတိ? အာမန္တာ။ ယတ္ထ သာဝကယုဂံ ဥပ္ပဇ္ဇတိ တတ္ထေဝ ဗြဟ္မစရိယဝါသော, ယတ္ထ သာဝကယုဂံ နုပ္ပဇ္ဇတိ နတ္ထိ တတ္ထ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။ ယတ္ထ သာဝကယုဂံ ဥပ္ပဇ္ဇတိ တတ္ထေဝ ဗြဟ္မစရိယဝါသော, ယတ္ထ သာဝကယုဂံ နုပ္ပဇ္ဇတိ နတ္ထိ တတ္ထ ဗြဟ္မစရိယဝါသောတိ? အာမန္တာ။ မဂဓေသု သာဝကယုဂံ ဥပ္ပန္နံ, တတ္ထေဝ ဗြဟ္မစရိယဝါသော, နတ္ထညတြ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၇၁။ အတ္ထိ ဒေဝေသု ဗြဟ္မစရိယဝါသောတိ? အာမန္တာ။ သဗ္ဗဒေဝေသု အတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
အတ္ထိ မနုဿေသု ဗြဟ္မစရိယဝါသောတိ? အာမန္တာ။ သဗ္ဗမနုဿေသု အတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
အတ္ထိ ဒေဝေသု ဗြဟ္မစရိယဝါသောတိ? အာမန္တာ။ အသညသတ္တေသု ဒေဝေသု အတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ ။ပ။
(အဘိ၊က၊၈၃။)အတ္ထိ မနုဿေသု ဗြဟ္မစရိယဝါသောတိ? အာမန္တာ။ ပစ္စန္တိမေသု ဇနပဒေသု အတ္ထိ ဗြဟ္မစရိယဝါသော မိလက္ခေသု [မိလက္ခူသု (သျာ။ က။)] အဝိညာတာရေသု ယတ္ထ နတ္ထိ ဂတိ ဘိက္ခူနံ ဘိက္ခုနီနံ ဥပါသကာနံ ဥပါသိကာနန္တိ? န ဟေဝံ ဝတ္တဗ္ဗေ။
အတ္ထိ ဒေဝေသု ဗြဟ္မစရိယဝါသောတိ? အတ္ထိ ယတ္ထ အတ္ထိ, အတ္ထိ ယတ္ထ နတ္ထီတိ။ အသညသတ္တေသု ဒေဝေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသော, သညသတ္တေသု [အသညသတ္တေသု (က။)] ဒေဝေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
ဒေဝေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသောတိ? အာမန္တာ။ ကတ္ထ အတ္ထိ, ကတ္ထ နတ္ထီတိ? အသညသတ္တေသု ဒေဝေသု နတ္ထိ ဗြဟ္မစရိယဝါသော, သညသတ္တေသု [အသညသတ္တေသု (က။)] ဒေဝေသု အတ္ထိ ဗြဟ္မစရိယဝါသောတိ။ အသညသတ္တေသု ဒေဝေသု နတ္ထိ ဗြဟ္မစရိယဝါသောတိ? အာမန္တာ။ သညသတ္တေသု [အသညသတ္တေသု (က။)] ဒေဝေသု နတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
သညသတ္တေသု ဒေဝေသု အတ္ထိ ဗြဟ္မစရိယဝါသောတိ? အာမန္တာ။ အသညသတ္တေသု ဒေဝေသု အတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
အတ္ထိ မနုဿေသု ဗြဟ္မစရိယဝါသောတိ? အတ္ထိ ယတ္ထ အတ္ထိ, အတ္ထိ ယတ္ထ နတ္ထီတိ။ ပစ္စန္တိမေသု ဇနပဒေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသော မိလက္ခေသု အဝိညာတာရေသု ယတ္ထ နတ္ထိ ဂတိ ဘိက္ခူနံ ဘိက္ခုနီနံ ဥပါသကာနံ ဥပါသိကာနံ, မဇ္ဈိမေသု ဇနပဒေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
မနုဿေသု အတ္ထိ ယတ္ထ အတ္ထိ, အတ္ထိ ယတ္ထ နတ္ထိ ဗြဟ္မစရိယဝါသောတိ? အာမန္တာ။ ကတ္ထ အတ္ထိ, ကတ္ထ နတ္ထီတိ? ပစ္စန္တိမေသု ဇနပဒေသု နတ္ထိ ဗြဟ္မစရိယဝါသော မိလက္ခေသု အဝိညာတာရေသု ယတ္ထ နတ္ထိ ဂတိ ဘိက္ခူနံ ဘိက္ခုနီနံ ဥပါသကာနံ ဥပါသိကာနံ, မဇ္ဈိမေသု ဇနပဒေသု အတ္ထိ ဗြဟ္မစရိယဝါသောတိ။ ပစ္စန္တိမေသု ဇနပဒေသု နတ္ထိ ဗြဟ္မစရိယဝါသော မိလက္ခေသု အဝိညာတာရေသု ယတ္ထ နတ္ထိ ဂတိ ဘိက္ခူနံ ဘိက္ခုနီနံ ဥပါသကာနံ ဥပါသိကာနန္တိ? အာမန္တာ။ မဇ္ဈိမေသု ဇနပဒေသု နတ္ထိ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
(အဘိ၊က၊၈၄။)မဇ္ဈိမေသု ဇနပဒေသု အတ္ထိ ဗြဟ္မစရိယဝါသောတိ? အာမန္တာ။ ပစ္စန္တိမေသု ဇနပဒေသု အတ္ထိ ဗြဟ္မစရိယဝါသော မိလက္ခေသု အဝိညာတာရေသု ယတ္ထ နတ္ထိ ဂတိ ဘိက္ခူနံ ဘိက္ခုနီနံ ဥပါသကာနံ ဥပါသိကာနန္တိ? န ဟေဝံ ဝတ္တဗ္ဗေ။
အတ္ထိ ဒေဝေသု ဗြဟ္မစရိယဝါသောတိ? အာမန္တာ။ နနု ဝုတ္တံ ဘဂဝတာ – ‘‘တီဟိ, ဘိက္ခဝေ, ဌာနေဟိ ဇမ္ဗုဒီပကာ မနုဿာ ဥတ္တရကုရုကေ စ မနုဿေ အဓိဂ္ဂဏှန္တိ ဒေဝေ စ တာဝတိံသေ! ကတမေဟိ တီဟိ? သူရာ, သတိမန္တော, ဣဓ ဗြဟ္မစရိယဝါသော’’တိ [အ။ နိ။ ၉။၂၁]။ အတ္ထေဝ သုတ္တန္တောတိ? အာမန္တာ။ တေန ဟိ နတ္ထိ ဒေဝေသု ဗြဟ္မစရိယဝါသောတိ။
သာဝတ္ထိယံ ဝုတ္တံ ဘဂဝတာ – ‘‘ဣဓ ဗြဟ္မစရိယဝါသော’’တိ? အာမန္တာ။ သာဝတ္ထိယံယေဝ ဗြဟ္မစရိယဝါသော, နတ္ထိ အညတြ ဗြဟ္မစရိယဝါသောတိ? န ဟေဝံ ဝတ္တဗ္ဗေ။
֍ ဋ္ဌ ၂၇၂။ အနာဂါမိဿ ပုဂ္ဂလဿ ပဉ္စောရမ္ဘာဂိယာနိ သံယောဇနာနိ ပဟီနာနိ, ပဉ္စုဒ္ဓမ္ဘာဂိယာနိ သံယောဇနာနိ အပ္ပဟီနာနိ, ဣတော စုတဿ တတ္ထ ဥပပန္နဿ ကုဟိံ ဖလုပ္ပတ္တီတိ? တတ္ထေဝ။ ဟဉ္စိ အနာဂါမိဿ ပုဂ္ဂလဿ ပဉ္စောရမ္ဘာဂိယာနိ သံယောဇနာနိ ပဟီနာနိ, ပဉ္စုဒ္ဓမ္ဘာဂိယာနိ သံယောဇနာနိ အပ္ပဟီနာနိ, ဣတော စုတဿ တတ္ထ ဥပပန္နဿ တဟိံ ဖလုပ္ပတ္တိ၊ နော စ ဝတ ရေ ဝတ္တဗ္ဗေ – ‘‘နတ္ထိ ဒေဝေသု ဗြဟ္မစရိယဝါသော’’တိ။
အနာဂါမိဿ ပုဂ္ဂလဿ ပဉ္စောရမ္ဘာဂိယာနိ သံယောဇနာနိ ပဟီနာနိ, ပဉ္စုဒ္ဓမ္ဘာဂိယာနိ သံယောဇနာနိ အပ္ပဟီနာနိ, ဣတော စုတဿ တတ္ထ ဥပပန္နဿ ကုဟိံ ဘာရောဟရဏံ, ကုဟိံ ဒုက္ခပရိညာတံ, ကုဟိံ ကိလေသပ္ပဟာနံ, ကုဟိံ နိရောဓသစ္ဆိကိရိယာ, ကုဟိံ အကုပ္ပပဋိဝေဓောတိ? တတ္ထေဝ။ ဟဉ္စိ အနာဂါမိဿ ပုဂ္ဂလဿ ပဉ္စောရမ္ဘာဂိယာနိ သံယောဇနာနိ ပဟီနာနိ, ပဉ္စုဒ္ဓမ္ဘာဂိယာနိ သံယောဇနာနိ အပ္ပဟီနာနိ, ဣတော စုတဿ တတ္ထ ဥပပန္နဿ တဟိံ အကုပ္ပပဋိဝေဓော၊ နော စ ဝတ ရေ ဝတ္တဗ္ဗေ – ‘‘နတ္ထိ ဒေဝေသု ဗြဟ္မစရိယဝါသော’’တိ။
အနာဂါမိဿ ပုဂ္ဂလဿ ပဉ္စောရမ္ဘာဂိယာနိ သံယောဇနာနိ ပဟီနာနိ, ပဉ္စုဒ္ဓမ္ဘာဂိယာနိ သံယောဇနာနိ အပ္ပဟီနာနိ, ဣတော စုတဿ တတ္ထ ဥပပန္နဿ
(အဘိ၊က၊၈၅။)တဟိံ ဖလုပ္ပတ္တိ, တဟိံ ဘာရောဟရဏံ, တဟိံ ဒုက္ခပရိညာတံ, တဟိံ ကိလေသပ္ပဟာနံ, တဟိံ နိရောဓသစ္ဆိကိရိယာ, တဟိံ အကုပ္ပပဋိဝေဓော၊ ကေနဋ္ဌေန ဝဒေသိ – ‘‘နတ္ထိ ဒေဝေသု ဗြဟ္မစရိယဝါသော’’တိ? ဟန္ဒ ဟိ အနာဂါမီ ပုဂ္ဂလော ဣဓ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ [သစ္ဆိကရောတိ (ဗဟူသု)]။
၂။ သံသန္ဒနဗြဟ္မစရိယကထာ
֍ ဋ္ဌ ၂၇၃။ အနာဂါမီ ပုဂ္ဂလော ဣဓ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ? အာမန္တာ။ သောတာပန္နော ပုဂ္ဂလော တတ္ထ ဘာဝိတေန မဂ္ဂေန ဣဓ ဖလံ သစ္ဆိကရောတီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ဣဓ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ? အာမန္တာ။ သကဒါဂါမီ ပုဂ္ဂလော ဣဓ ပရိနိဗ္ဗာယိပုဂ္ဂလော [ဣဓပရိနိဗ္ဗာယီ (?)] တတ္ထ ဘာဝိတေန မဂ္ဂေန ဣဓ ဖလံ သစ္ဆိကရောတီတိ? န ဟေဝံ ဝတ္တဗ္ဗေ။
သောတာပန္နော ပုဂ္ဂလော ဣဓ ဘာဝိတေန မဂ္ဂေန ဣဓ ဖလံ သစ္ဆိကရောတီတိ? အာမန္တာ။ အနာဂါမီ ပုဂ္ဂလော တတ္ထ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ? န ဟေဝံ ဝတ္တဗ္ဗေ။
သကဒါဂါမီ ပုဂ္ဂလော ဣဓ ပရိနိဗ္ဗာယိပုဂ္ဂလော ဣဓ ဘာဝိတေန မဂ္ဂေန ဣဓ ဖလံ သစ္ဆိကရောတီတိ? အာမန္တာ။ အနာဂါမီ ပုဂ္ဂလော တတ္ထ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ? န ဟေဝံ ဝတ္တဗ္ဗေ ။ပ။
ဣဓ ဝိဟာယ နိဋ္ဌဿ ပုဂ္ဂလဿ မဂ္ဂေါ စ ဘာဝီယတိ, န စ ကိလေသာ ပဟီယန္တီတိ? အာမန္တာ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ မဂ္ဂေါ စ ဘာဝီယတိ, န စ ကိလေသာ ပဟီယန္တီတိ? န ဟေဝံ ဝတ္တဗ္ဗေ ။ပ။
ဣဓ ဝိဟာယ နိဋ္ဌဿ ပုဂ္ဂလဿ မဂ္ဂေါ စ ဘာဝီယတိ, န စ ကိလေသာ ပဟီယန္တီတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ။ပ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ မဂ္ဂေါ စ ဘာဝီယတိ, န စ ကိလေသာ ပဟီယန္တီတိ? န ဟေဝံ ဝတ္တဗ္ဗေ ။ပ။
သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ အပုဗ္ဗံ အစရိမံ မဂ္ဂေါ စ ဘာဝီယတိ, ကိလေသာ စ ပဟီယန္တီတိ? အာမန္တာ။ ဣဓ ဝိဟာယ
(အဘိ၊က၊၈၆။)နိဋ္ဌဿ ပုဂ္ဂလဿ အပုဗ္ဗံ အစရိမံ မဂ္ဂေါ စ ဘာဝီယတိ, ကိလေသာ စ ပဟီယန္တီတိ? န ဟေဝံ ဝတ္တဗ္ဗေ။
သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ။ပ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အပုဗ္ဗံ အစရိမံ မဂ္ဂေါ စ ဘာဝီယတိ, ကိလေသာ စ ပဟီယန္တီတိ? အာမန္တာ။ ဣဓ ဝိဟာယ နိဋ္ဌဿ ပုဂ္ဂလဿ အပုဗ္ဗံ အစရိမံ မဂ္ဂေါ စ ဘာဝီယတိ, ကိလေသာ စ ပဟီယန္တီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ကတကရဏီယော ဘာဝိတဘာဝနော တတ္ထ ဥပပဇ္ဇတီတိ? အာမန္တာ။ အရဟာ ဥပပဇ္ဇတီတိ? န ဟေဝံ ဝတ္တဗ္ဗေ။
အရဟာ ဥပပဇ္ဇတီတိ? အာမန္တာ။ အတ္ထိ အရဟတော ပုနဗ္ဘဝေါတိ? န ဟေဝံ ဝတ္တဗ္ဗေ။
အတ္ထိ အရဟတော ပုနဗ္ဘဝေါတိ? အာမန္တာ။ အရဟာ ဘဝေန ဘဝံ ဂစ္ဆတိ, ဂတိယာ ဂတိံ ဂစ္ဆတိ, သံသာရေန သံသာရံ ဂစ္ဆတိ, ဥပပတ္တိယာ ဥပပတ္တိံ ဂစ္ဆတီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ကတကရဏီယော ဘာဝိတဘာဝနော အနောဟဋဘာရော တတ္ထ ဥပပဇ္ဇတီတိ? အာမန္တာ။ ဘာရောဟရဏာယ ပုန မဂ္ဂံ ဘာဝေတီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ကတကရဏီယော ဘာဝိတဘာဝနော အပရိညာတဒုက္ခော အပ္ပဟီနကိလေသော အသစ္ဆိကတနိရောဓော အပ္ပဋိဝိဒ္ဓါကုပ္ပေါ တတ္ထ ဥပပဇ္ဇတီတိ? အာမန္တာ။ အကုပ္ပပဋိဝေဓာယ ပုန မဂ္ဂံ ဘာဝေတီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ကတကရဏီယော ဘာဝိတဘာဝနော အနောဟဋဘာရော တတ္ထ ဥပပဇ္ဇတိ, န စ ဘာရောဟရဏာယ ပုန မဂ္ဂံ ဘာဝေတီတိ? အာမန္တာ။ အနောဟဋဘာရော စ တတ္ထ ပရိနိဗ္ဗာယတီတိ? န ဟေဝံ ဝတ္တဗ္ဗေ။
အနာဂါမီ ပုဂ္ဂလော ကတကရဏီယော ဘာဝိတဘာဝနော အပရိညာတဒုက္ခော အပ္ပဟီနကိလေသော အသစ္ဆိကတနိရောဓော အပ္ပဋိဝိဒ္ဓါကုပ္ပေါ တတ္ထ ဥပပဇ္ဇတိ, န စ အကုပ္ပပဋိဝေဓာယ ပုန မဂ္ဂံ ဘာဝေတီတိ? အာမန္တာ။ အပ္ပဋိဝိဒ္ဓါကုပ္ပေါ စ တတ္ထ ပရိနိဗ္ဗာယတီတိ? န ဟေဝံ ဝတ္တဗ္ဗေ။ ယထာ မိဂေါ သလ္လေန ဝိဒ္ဓေါ ဒူရမ္ပိ ဂန္တွာ ကာလံ ကရောတိ, ဧဝမေဝံ အနာဂါမီ ပုဂ္ဂလော ဣဓ ဘာဝိတေန မဂ္ဂေန တတ္ထ ဖလံ သစ္ဆိကရောတီတိ။
(အဘိ၊က၊၈၇။)ယထာ မိဂေါ သလ္လေန ဝိဒ္ဓေါ ဒူရမ္ပိ ဂန္တွာ သသလ္လောဝ ကာလံ ကရောတိ, ဧဝမေဝံ အနာဂါမီ ပုဂ္ဂလော ဣဓ ဘာဝိတေန မဂ္ဂေန တတ္ထ သသလ္လောဝ ပရိနိဗ္ဗာယတီတိ? န ဟေဝံ ဝတ္တဗ္ဗေ ။ပ။
ဗြဟ္မစရိယကထာ နိဋ္ဌိတာ။
၃။ ဩဓိသောကထာ
֍ ဋ္ဌ ၂၇၄။ ဩဓိသောဓိသော ကိလေသေ ဇဟတီတိ? အာမန္တာ။ သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သောတာပန္နော, ဧကဒေသံ န သောတာပန္နော, ဧကဒေသံ သောတာပတ္တိဖလပ္ပတ္တော [သောတာပတ္တိဖလံ ပတ္တော (?)] ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ သတ္တက္ခတ္တုပရမော, ကောလင်္ကောလော, ဧကဗီဇီ, ဗုဒ္ဓေ အဝေစ္စပ္ပသာဒေန သမန္နာဂတော, ဓမ္မေ ။ပ။ သံဃေ ။ပ။ အရိယကန္တေဟိ သီလေဟိ သမန္နာဂတော ဧကဒေသံ အရိယကန္တေဟိ သီလေဟိ န သမန္နာဂတောတိ? န ဟေဝံ ဝတ္တဗ္ဗေ ။ပ။
သမုဒယဒဿနေန ကိံ ဇဟတီတိ? သက္ကာယဒိဋ္ဌိံ ဇဟတိ, ဝိစိကိစ္ဆံ သီလဗ္ဗတပရာမာသံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သောတာပန္နော, ဧကဒေသံ န သောတာပန္နော ။ပ။ ဧကဒေသံ အရိယကန္တေဟိ သီလေဟိ သမန္နာဂတော, ဧကဒေသံ အရိယကန္တေဟိ သီလေဟိ န သမန္နာဂတောတိ? န ဟေဝံ ဝတ္တဗ္ဗေ ။ပ။
နိရောဓဒဿနေန ကိံ ဇဟတီတိ? ဝိစိကိစ္ဆံ သီလဗ္ဗတပရာမာသံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သောတာပန္နော, ဧကဒေသံ န သောတာပန္နော ။ပ။ ဧကဒေသံ အရိယကန္တေဟိ သီလေဟိ သမန္နာဂတော, ဧကဒေသံ အရိယကန္တေဟိ သီလေဟိ န သမန္နာဂတောတိ? န ဟေဝံ ဝတ္တဗ္ဗေ ။ပ။
မဂ္ဂဒဿနေန ကိံ ဇဟတီတိ? သီလဗ္ဗတပရာမာသံ တဒေကဋ္ဌေ စ ကိလေသေ ဇဟတီတိ။ ဧကဒေသံ သောတာပန္နော, ဧကဒေသံ န သောတာပန္နော,
(အဘိ၊က၊၈၈။)ဧကဒေသံ သောတာပတ္တိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ သတ္တက္ခတ္တုပရမော, ကောလင်္ကောလော, ဧကဗီဇီ, ဗုဒ္ဓေ အဝေစ္စပ္ပသာဒေန သမန္နာဂတော, ဓမ္မေ ။ပ။ သံဃေ ။ပ။ အရိယကန္တေဟိ သီလေဟိ သမန္နာဂတော, ဧကဒေသံ အရိယကန္တေဟိ သီလေဟိ န သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၇၅။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? ဩဠာရိကံ ကာမရာဂံ ဇဟတိ, ဩဠာရိကံ ဗျာပါဒံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သကဒါဂါမီ, ဧကဒေသံ န သကဒါဂါမီ, ဧကဒေသံ သကဒါဂါမိဖလပ္ပတ္တော [သကဒါဂါမိဖလံ ပတ္တော (?)] ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
သမုဒယဒဿနေန ကိံ ဇဟတီတိ? ဩဠာရိကံ ကာမရာဂံ ဇဟတိ, ဩဠာရိကံ ဗျာပါဒံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သကဒါဂါမီ, ဧကဒေသံ န သကဒါဂါမီ, ဧကဒေသံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
နိရောဓဒဿနေန ကိံ ဇဟတီတိ? ဩဠာရိကံ ဗျာပါဒံ ဇဟတိ, တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ သကဒါဂါမီ, ဧကဒေသံ န သကဒါဂါမီ, ဧကဒေသံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
မဂ္ဂဒဿနေန ကိံ ဇဟတီတိ? ဩဠာရိကံ ဗျာပါဒံ ဇဟတိ, တဒေကဋ္ဌေ စ ကိလေသေ ဇဟတီတိ။ ဧကဒေသံ သကဒါဂါမီ, ဧကဒေသံ န သကဒါဂါမီ, ဧကဒေသံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၈၉။)֍ ဋ္ဌ ၂၇၆။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? အဏုသဟဂတံ ကာမရာဂံ ဇဟတိ, အဏုသဟဂတံ ဗျာပါဒံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အနာဂါမီ, ဧကဒေသံ န အနာဂါမီ, ဧကဒေသံ အနာဂါမိဖလပ္ပတ္တော [အနာဂါမိဖလံ ပတ္တော (?)] ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ အန္တရာပရိနိဗ္ဗာယီ, ဥပဟစ္စပရိနိဗ္ဗာယီ, အသင်္ခါရပရိနိဗ္ဗာယီ, သသင်္ခါရပရိနိဗ္ဗာယီ, ဥဒ္ဓံသောတော အကနိဋ္ဌဂါမီ, ဧကဒေသံ န ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
သမုဒယဒဿနေန ကိံ ဇဟတီတိ? အဏုသဟဂတံ ကာမရာဂံ ဇဟတိ, အဏုသဟဂတံ ဗျာပါဒံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အနာဂါမီ, ဧကဒေသံ န အနာဂါမီ ။ပ။ ဧကဒေသံ ဥဒ္ဓံသောတော အကနိဋ္ဌဂါမီ, ဧကဒေသံ န ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
နိရောဓဒဿနေန ကိံ ဇဟတီတိ? အဏုသဟဂတံ ဗျာပါဒံ ဇဟတိ, တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အနာဂါမီ, ဧကဒေသံ န အနာဂါမီ ။ပ။ ဧကဒေသံ ဥဒ္ဓံသောတော အကနိဋ္ဌဂါမီ, ဧကဒေသံ န ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
မဂ္ဂဒဿနေန ကိံ ဇဟတီတိ? တဒေကဋ္ဌေ စ ကိလေသေ ဇဟတီတိ။ ဧကဒေသံ အနာဂါမီ, ဧကဒေသံ န အနာဂါမီ, ဧကဒေသံ အနာဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ အန္တရာပရိနိဗ္ဗာယီ, ဥပဟစ္စပရိနိဗ္ဗာယီ, အသင်္ခါရပရိနိဗ္ဗာယီ, သသင်္ခါရပရိနိဗ္ဗာယီ, ဥဒ္ဓံသောတော အကနိဋ္ဌဂါမီ, ဧကဒေသံ န ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၇၇။ အရဟတ္တသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? ရူပရာဂံ အရူပရာဂံ မာနံ ဥဒ္ဓစ္စံ အဝိဇ္ဇံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အရဟာ, ဧကဒေသံ န အရဟာ, ဧကဒေသံ
(အဘိ၊က၊၉၀။)အရဟတ္တပ္ပတ္တော [အရဟတ္တံ ပတ္တော (?)] ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ ဝီတရာဂေါ ဝီတဒေါသော ဝီတမောဟော ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ, သစ္ဆိကာတဗ္ဗံ သစ္ဆိကတံ, (ဧကဒေသံ သစ္ဆိကာတဗ္ဗံ သစ္ဆိကတံ,) [( ) (?)] ဧကဒေသံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
သမုဒယဒဿနေန ကိံ ဇဟတီတိ? ရူပရာဂံ အရူပရာဂံ ဇဟတိ, မာနံ ဥဒ္ဓစ္စံ အဝိဇ္ဇံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အရဟာ, ဧကဒေသံ န အရဟာ ။ပ။ ဧကဒေသံ သစ္ဆိကာတဗ္ဗံ သစ္ဆိကတံ, ဧကဒေသံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
နိရောဓဒဿနေန ကိံ ဇဟတီတိ? မာနံ ဇဟတိ, ဥဒ္ဓစ္စံ အဝိဇ္ဇံ တဒေကဋ္ဌေ စ ကိလေသေ ဧကဒေသေ ဇဟတီတိ။ ဧကဒေသံ အရဟာ, ဧကဒေသံ န အရဟာ ။ပ။ ဧကဒေသံ သစ္ဆိကာတဗ္ဗံ သစ္ဆိကတံ, ဧကဒေသံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
မဂ္ဂဒဿနေန ကိံ ဇဟတီတိ? ဥဒ္ဓစ္စံ အဝိဇ္ဇံ တဒေကဋ္ဌေ စ ကိလေသေ ဇဟတီတိ။ ဧကဒေသံ အရဟာ, ဧကဒေသံ န အရဟာ, ဧကဒေသံ အရဟတ္တပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ ဝီတရာဂေါ ဝီတဒေါသော ဝီတမောဟော ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ
(အဘိ၊က၊၉၁။)ဘာဝိတံ, သစ္ဆိကာတဗ္ဗံ သစ္ဆိကတံ, ဧကဒေသံ သစ္ဆိကာတဗ္ဗံ သစ္ဆိကတံ, ဧကဒေသံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၂၇၈။ န ဝတ္တဗ္ဗံ – ‘‘ဩဓိသောဓိသော ကိလေသေ ဇဟတီ’’တိ? အာမန္တာ။ နနု ဝုတ္တံ ဘဂဝတာ –
‘‘အနုပုဗ္ဗေန မေဓာဝီ, ထောကံ ထောကံ ခဏေ ခဏေ၊
ကမ္မာရော ရဇတဿေဝ, နိဒ္ဓမေ မလမတ္တနော’’တိ [ဓ။ ပ။ ၂၃၉ ဓမ္မပဒေ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဩဓိသောဓိသော ကိလေသေ ဇဟတီ’’တိ။
ဩဓိသောဓိသော ကိလေသေ ဇဟတီတိ? အာမန္တာ။ နနု ဝုတ္တံ ဘဂဝတာ –
‘‘သဟာဝဿ ဒဿနသမ္ပဒါယ,
တယဿု ဓမ္မာ ဇဟိတာ ဘဝန္တိ၊
သက္ကာယဒိဋ္ဌီ ဝိစိကိစ္ဆိတဉ္စ,
သီလဗ္ဗတံ ဝါပိ ယဒတ္ထိ ကိဉ္စိ၊
စတူဟပါယေဟိ စ ဝိပ္ပမုတ္တော,
ဆစ္စာဘိဌာနာနိ အဘဗ္ဗ [အဘဗ္ဗော (သီ။ သျာ။)] ကာတု’’န္တိ [ခု။ ပါ။ ၆။၁၀၊ သု။ နိ။ ၂၃၃]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဩဓိသောဓိသော ကိလေသေ ဇဟတီ’’တိ။
ဩဓိသောဓိသော ကိလေသေ ဇဟတီတိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ, ဘိက္ခဝေ, သမယေ အရိယသာဝကဿ ဝိရဇံ ဝီတမလံ ဓမ္မစက္ခုံ ဥဒပါဒိ – ‘ယံ ကိဉ္စိ သမုဒယဓမ္မံ, သဗ္ဗံ တံ နိရောဓဓမ္မ’န္တိ, သဟ ဒဿနုပ္ပါဒါ, ဘိက္ခဝေ, အရိယသာဝကဿ တီဏိ သံယောဇနာနိ ပဟီယန္တိ – သက္ကာယဒိဋ္ဌိ ဝိစိကိစ္ဆာ သီလဗ္ဗတပရာမာသော’’တိ [အင်္ဂုတ္တရနိကာယေ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဩဓိသောဓိသော ကိလေသေ ဇဟတီ’’တိ။
ဩဓိသောကထာ နိဋ္ဌိတာ။
(အဘိ၊က၊၉၂။)၄။ ဇဟတိကထာ
၁။ နသုတ္တာဟရဏကထာ
֍ ဋ္ဌ ၂၇၉။ ဇဟတိ ပုထုဇ္ဇနော ကာမရာဂဗျာပါဒန္တိ? အာမန္တာ။ အစ္စန္တံ ဇဟတိ, အနဝသေသံ ဇဟတိ, အပ္ပဋိသန္ဓိယံ ဇဟတိ, သမူလံ ဇဟတိ, သတဏှံ ဇဟတိ, သာနုသယံ ဇဟတိ, အရိယေန ဉာဏေန ဇဟတိ, အရိယေန မဂ္ဂေန ဇဟတိ, အကုပ္ပံ ပဋိဝိဇ္ဈန္တော ဇဟတိ, အနာဂါမိဖလံ သစ္ဆိကရောန္တော ဇဟတီတိ? န ဟေဝံ ဝတ္တဗ္ဗေ ။ပ။
ဝိက္ခမ္ဘေတိ ပုထုဇ္ဇနော ကာမရာဂဗျာပါဒန္တိ? အာမန္တာ။ အစ္စန္တံ ဝိက္ခမ္ဘေတိ, အနဝသေသံ ဝိက္ခမ္ဘေတိ, အပ္ပဋိသန္ဓိယံ ဝိက္ခမ္ဘေတိ, သမူလံ ဝိက္ခမ္ဘေတိ, သတဏှံ ဝိက္ခမ္ဘေတိ, သာနုသယံ ဝိက္ခမ္ဘေတိ, အရိယေန ဉာဏေန ဝိက္ခမ္ဘေတိ, အရိယေန မဂ္ဂေန ဝိက္ခမ္ဘေတိ, အကုပ္ပံ ပဋိဝိဇ္ဈန္တော ဝိက္ခမ္ဘေတိ, အနာဂါမိဖလံ သစ္ဆိကရောန္တော ဝိက္ခမ္ဘေတီတိ? န ဟေဝံ ဝတ္တဗ္ဗေ ။ပ။
ဇဟတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ကာမရာဂဗျာပါဒံ, သော စ အစ္စန္တံ ဇဟတိ, အနဝသေသံ ဇဟတိ ။ပ။ အနာဂါမိဖလံ သစ္ဆိကရောန္တော ဇဟတီတိ? အာမန္တာ။ ဇဟတိ ပုထုဇ္ဇနော ကာမရာဂဗျာပါဒံ, သော စ အစ္စန္တံ ဇဟတိ, အနဝသေသံ ဇဟတိ ။ပ။ အနာဂါမိဖလံ သစ္ဆိကရောန္တော ဇဟတီတိ? န ဟေဝံ ဝတ္တဗ္ဗေ ။ပ။
ဝိက္ခမ္ဘေတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ကာမရာဂဗျာပါဒံ, သော စ အစ္စန္တံ ဝိက္ခမ္ဘေတိ, အနဝသေသံ ဝိက္ခမ္ဘေတိ ။ပ။ အနာဂါမိဖလံ သစ္ဆိကရောန္တော ဝိက္ခမ္ဘေတီတိ? အာမန္တာ။ ဝိက္ခမ္ဘေတိ ပုထုဇ္ဇနော ကာမရာဂဗျာပါဒံ, သော စ အစ္စန္တံ ဝိက္ခမ္ဘေတိ, အနဝသေသံ ဝိက္ခမ္ဘေတိ ။ပ။ အနာဂါမိဖလံ သစ္ဆိကရောန္တော ဝိက္ခမ္ဘေတီတိ? န ဟေဝံ ဝတ္တဗ္ဗေ ။ပ။
ဇဟတိ ပုထုဇ္ဇနော ကာမရာဂဗျာပါဒံ, သော စ န အစ္စန္တံ ဇဟတိ, န အနဝသေသံ ဇဟတိ ။ပ။ န အနာဂါမိဖလံ သစ္ဆိကရောန္တော ဇဟတီတိ? အာမန္တာ။ ဇဟတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ကာမရာဂဗျာပါဒံ, သော စ န အစ္စန္တံ ဇဟတိ ။ပ။ န အနာဂါမိဖလံ သစ္ဆိကရောန္တော ဇဟတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၉၃။)ဝိက္ခမ္ဘေတိ ပုထုဇ္ဇနော ကာမရာဂဗျာပါဒံ, သော စ န အစ္စန္တံ ဝိက္ခမ္ဘေတိ, န အနဝသေသံ ဝိက္ခမ္ဘေတိ ။ပ။ န အနာဂါမိဖလံ သစ္ဆိကရောန္တော ဝိက္ခမ္ဘေတီတိ? အာမန္တာ။ ဝိက္ခမ္ဘေတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ကာမရာဂဗျာပါဒံ, သော စ န အစ္စန္တံ ဝိက္ခမ္ဘေတိ, န အနဝသေသံ ဝိက္ခမ္ဘေတိ ။ပ။ န အနာဂါမိဖလံ သစ္ဆိကရောန္တော ဝိက္ခမ္ဘေတီတိ? န ဟေဝံ ဝတ္တဗ္ဗေ ။ပ။
ဇဟတိ ပုထုဇ္ဇနော ကာမရာဂဗျာပါဒန္တိ? အာမန္တာ။ ကတမေန မဂ္ဂေနာတိ? ရူပါဝစရေန မဂ္ဂေနာတိ။ ရူပါဝစရော မဂ္ဂေါ နိယျာနိကော ခယဂါမီ ဗောဓဂါမီ အပစယဂါမီ အနာသဝေါ အသံယောဇနိယော အဂန္ထနိယော အနောဃနိယော အယောဂနိယော အနီဝရဏိယော အပရာမဋ္ဌော အနုပါဒါနိယော အသံကိလေသိယောတိ? န ဟေဝံ ဝတ္တဗ္ဗေ။ နနု ရူပါဝစရော မဂ္ဂေါ အနိယျာနိကော န ခယဂါမီ န ဗောဓဂါမီ န အပစယဂါမီ သာသဝေါ သံယောဇနိယော ။ပ။ သံကိလေသိယောတိ? အာမန္တာ။ ဟဉ္စိ ရူပါဝစရော မဂ္ဂေါ အနိယျာနိကော န ခယဂါမီ ။ပ။ သံကိလေသိယော, နော စ ဝတ ရေ ဝတ္တဗ္ဗေ – ‘‘ဇဟတိ ပုထုဇ္ဇနော ရူပါဝစရေန မဂ္ဂေန ကာမရာဂဗျာပါဒ’’န္တိ။
ဇဟတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော အနာဂါမိမဂ္ဂေန ကာမရာဂဗျာပါဒံ, သော စ မဂ္ဂေါ နိယျာနိကော ခယဂါမီ ဗောဓဂါမီ အပစယဂါမီ အနာသဝေါ ။ပ။ အသံကိလေသိယောတိ? အာမန္တာ။ ဇဟတိ ပုထုဇ္ဇနော ရူပါဝစရေန မဂ္ဂေန ကာမရာဂဗျာပါဒံ, သော စ မဂ္ဂေါ နိယျာနိကော ခယဂါမီ ဗောဓဂါမီ အပစယဂါမီ အနာသဝေါ ။ပ။ အသံကိလေသိယောတိ? န ဟေဝံ ဝတ္တဗ္ဗေ ။ပ။
ဇဟတိ ပုထုဇ္ဇနော ရူပါဝစရေန မဂ္ဂေန ကာမရာဂဗျာပါဒံ, သော စ မဂ္ဂေါ အနိယျာနိကော န ခယဂါမီ န ဗောဓဂါမီ န အပစယဂါမီ သာသဝေါ ။ပ။ သံကိလေသိယောတိ? အာမန္တာ။ ဇဟတိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော အနာဂါမိမဂ္ဂေန ကာမရာဂဗျာပါဒံ, သော စ မဂ္ဂေါ အနိယျာနိကော န ခယဂါမီ န ဗောဓဂါမီ န အပစယဂါမီ သာသဝေါ ။ပ။ သံကိလေသိယောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၈၀။ ပုထုဇ္ဇနော ကာမေသု ဝီတရာဂေါ သဟ ဓမ္မာဘိသမယာ အနာဂါမိဖလေ သဏ္ဌာတီတိ? အာမန္တာ။ အရဟတ္တေ သဏ္ဌာတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၉၄။)ပုထုဇ္ဇနော ကာမေသု ဝီတရာဂေါ သဟ ဓမ္မာဘိသမယာ အနာဂါမိဖလေ သဏ္ဌာတီတိ? အာမန္တာ။ အပုဗ္ဗံ အစရိမံ တယော မဂ္ဂေ ဘာဝေတီတိ? န ဟေဝံ ဝတ္တဗ္ဗေ ။ပ။
အပုဗ္ဗံ အစရိမံ တယော မဂ္ဂေ ဘာဝေတီတိ? အာမန္တာ။ အပုဗ္ဗံ အစရိမံ တီဏိ သာမညဖလာနိ သစ္ဆိကရောတီတိ? န ဟေဝံ ဝတ္တဗ္ဗေ ။ပ။
အပုဗ္ဗံ အစရိမံ တီဏိ သာမညဖလာနိ သစ္ဆိကရောတီတိ? အာမန္တာ။ တိဏ္ဏံ ဖဿာနံ တိဿန္နံ ဝေဒနာနံ တိဿန္နံ သညာနံ တိဿန္နံ စေတနာနံ တိဏ္ဏံ စိတ္တာနံ တိဿန္နံ သဒ္ဓါနံ တိဏ္ဏံ ဝီရိယာနံ တိဿန္နံ သတီနံ တိဏ္ဏံ သမာဓီနံ တိဿန္နံ ပညာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
ပုထုဇ္ဇနော ကာမေသု ဝီတရာဂေါ သဟ ဓမ္မာဘိသမယာ အနာဂါမိဖလေ သဏ္ဌာတီတိ? အာမန္တာ။ သောတာပတ္တိမဂ္ဂေနာတိ? န ဟေဝံ ဝတ္တဗ္ဗေ ။ပ။
သကဒါဂါမိမဂ္ဂေနာတိ? န ဟေဝံ ဝတ္တဗ္ဗေ။ ကတမေန မဂ္ဂေနာတိ? အနာဂါမိမဂ္ဂေနာတိ။ အနာဂါမိမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီတိ? န ဟေဝံ ဝတ္တဗ္ဗေ ။ပ။
၂။ သုတ္တာဟရဏကထာ
֍ ဋ္ဌ ၂၈၁။ အနာဂါမိမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီတိ? အာမန္တာ။ နနု တိဏ္ဏံ သံယောဇနာနံ ပဟာနာ သောတာပတ္တိဖလံ ဝုတ္တံ ဘဂဝတာတိ? အာမန္တာ။ ဟဉ္စိ တိဏ္ဏံ သံယောဇနာနံ ပဟာနာ သောတာပတ္တိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အနာဂါမိမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီ’’တိ။ အနာဂါမိမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီတိ? န ဟေဝံ ဝတ္တဗ္ဗေ ။ပ။
အနာဂါမိမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီတိ? အာမန္တာ။ နနု ကာမရာဂဗျာပါဒါနံ တနုဘာဝါ သကဒါဂါမိဖလံ ဝုတ္တံ ဘဂဝတာတိ? အာမန္တာ။ ဟဉ္စိ ကာမရာဂဗျာပါဒါနံ တနုဘာဝါ သကဒါဂါမိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အနာဂါမိမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီ’’တိ။
ပုထုဇ္ဇနော ကာမေသု ဝီတရာဂေါ သဟ ဓမ္မာဘိသမယာ အနာဂါမိဖလေ သဏ္ဌာတီတိ? အာမန္တာ။ ယေ ကေစိ ဓမ္မံ အဘိသမေန္တိ, သဗ္ဗေ တေ သဟ ဓမ္မာဘိသမယာ အနာဂါမိဖလေ သဏ္ဌဟန္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၉၅။)န ဝတ္တဗ္ဗံ – ‘‘ဇဟတိ ပုထုဇ္ဇနော ကာမရာဂဗျာပါဒ’’န္တိ? အာမန္တာ။ နနု ဝုတ္တံ ဘဂဝတာ –
‘‘အဟေသုံ တေ [အဟိံသကာ (အ။ နိ။ ၆။၅၄)] အတီတံသေ, ဆ သတ္ထာရော ယသဿိနော၊
နိရာမဂန္ဓာ ကရုဏေဓိမုတ္တာ [ကရုဏာဓိမုတ္တာ (သီ။ က။)], ကာမသံယောဇနာတိဂါ။
‘‘ကာမရာဂံ ဝိရာဇေတွာ, ဗြဟ္မလောကူပဂါ အဟု၊
အဟေသုံ သာဝကာ တေသံ, အနေကာနိ သတာနိပိ။
‘‘နိရာမဂန္ဓာ ကရုဏေဓိမုတ္တာ, ကာမသံယောဇနာတိဂါ၊
ကာမရာဂံ ဝိရာဇေတွာ, ဗြဟ္မလောကူပဂါ အဟူ’’တိ [အ။ နိ။ ၆။၅၄]။
အတ္ထေဝ သုတ္တန္တောတိ? အာမန္တာ။ တေန ဟိ ဇဟတိ ပုထုဇ္ဇနော ကာမရာဂဗျာပါဒန္တိ။
ဇဟတိ ပုထုဇ္ဇနော ကာမရာဂဗျာပါဒန္တိ? အာမန္တာ။ နနု ဝုတ္တံ ဘဂဝတာ – ‘‘သော ဟိ နာမ, ဘိက္ခဝေ, သုနေတ္တော သတ္ထာ ဧဝံ ဒီဃာယုကော သမာနော ဧဝံ စိရဋ္ဌိတိကော အပရိမုတ္တော အဟောသိ ဇာတိယာ ဇရာယ မရဏေန သောကေဟိ ပရိဒေဝေဟိ ဒုက္ခေဟိ ဒေါမနဿေဟိ ဥပါယာသေဟိ အပရိမုတ္တော ဒုက္ခသ္မာတိ ဝဒါမိ။ တံ ကိဿ ဟေတု? စတုန္နံ ဓမ္မာနံ အနနုဗောဓာ အပ္ပဋိဝေဓာ။ ကတမေသံ စတုန္နံ? အရိယဿ သီလဿ အနနုဗောဓာ အပ္ပဋိဝေဓာ, အရိယဿ သမာဓိဿ, အရိယာယ ပညာယ, အရိယာယ ဝိမုတ္တိယာ အနနုဗောဓာ အပ္ပဋိဝေဓာ။ တယိဒံ, ဘိက္ခဝေ, အရိယံ သီလံ အနုဗုဒ္ဓံ ပဋိဝိဒ္ဓံ, အရိယော သမာဓိ အနုဗုဒ္ဓေါ ပဋိဝိဒ္ဓေါ, အရိယာ ပညာ အနုဗုဒ္ဓါ ပဋိဝိဒ္ဓါ, အရိယာ ဝိမုတ္တိ အနုဗုဒ္ဓါ ပဋိဝိဒ္ဓါ, ဥစ္ဆိန္နာ ဘဝတဏှာ, ခီဏာ ဘဝနေတ္တိ, နတ္ထိ ဒါနိ ပုနဗ္ဘဝေါတိ။
‘‘သီလံ သမာဓိ ပညာ စ, ဝိမုတ္တိ စ အနုတ္တရာ၊
အနုဗုဒ္ဓါ ဣမေ ဓမ္မာ, ဂေါတမေန ယသဿိနာ။
‘‘ဣတိ ဗုဒ္ဓေါ အဘိညာယ, ဓမ္မမက္ခာသိ ဘိက္ခုနံ၊
ဒုက္ခဿန္တကရော သတ္ထာ, စက္ခုမာ ပရိနိဗ္ဗုတော’’တိ [အ။ နိ။ ၇။၆၆]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဇဟတိ ပုထုဇ္ဇနော ကာမရာဂဗျာပါဒ’’န္တိ။
ဇဟတိကထာ နိဋ္ဌိတာ။
(အဘိ၊က၊၉၆။)၅။ သဗ္ဗမတ္ထီတိကထာ
၁။ ဝါဒယုတ္တိ
֍ ဋ္ဌ ၂၈၂။ သဗ္ဗမတ္ထီတိ? အာမန္တာ။ သဗ္ဗတ္ထ သဗ္ဗမတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ သဗ္ဗဒါ သဗ္ဗမတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ သဗ္ဗေန သဗ္ဗံ သဗ္ဗမတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ သဗ္ဗေသု သဗ္ဗမတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ အယောဂန္တိ ကတွာ သဗ္ဗမတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ ယမ္ပိ နတ္ထိ, တမ္ပတ္ထီတိ? န ဟေဝံ ဝတ္တဗ္ဗေ။ သဗ္ဗမတ္ထီတိ? အာမန္တာ။ သဗ္ဗမတ္ထီတိ ယာ ဒိဋ္ဌိ သာ ဒိဋ္ဌိ မိစ္ဆာဒိဋ္ဌီတိ, ယာ ဒိဋ္ဌိ သာ ဒိဋ္ဌိ သမ္မာဒိဋ္ဌီတိ, ဟေဝမတ္ထီတိ? န ဟေဝံ ဝတ္တဗ္ဗေ။ (သံခိတ္တံ)။ ဝါဒယုတ္တိ။
၂။ ကာလသံသန္ဒနာ
֍ ဋ္ဌ ၂၈၃။ အတီတံ အတ္ထီတိ? အာမန္တာ။ နနု အတီတံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ဟဉ္စိ အတီတံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတံ, နော စ ဝတ ရေ ဝတ္တဗ္ဗေ – ‘‘အတီတံ အတ္ထီ’’တိ။
အနာဂတံ အတ္ထီတိ? အာမန္တာ။ နနု အနာဂတံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ဟဉ္စိ အနာဂတံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတံ, နော စ ဝတ ရေ ဝတ္တဗ္ဗေ – ‘‘အနာဂတံ အတ္ထီ’’တိ။
ပစ္စုပ္ပန္နံ အတ္ထိ ပစ္စုပ္ပန္နံ အနိရုဒ္ဓံ အဝိဂတံ အဝိပရိဏတံ န အတ္ထင်္ဂတံ န အဗ္ဘတ္ထင်္ဂတန္တိ? အာမန္တာ။ အတီတံ အတ္ထိ အတီတံ အနိရုဒ္ဓံ အဝိဂတံ အဝိပရိဏတံ န အတ္ထင်္ဂတံ န အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ အတ္ထိ ပစ္စုပ္ပန္နံ ဇာတံ ဘူတံ သဉ္ဇာတံ နိဗ္ဗတ္တံ အဘိနိဗ္ဗတ္တံ ပါတုဘူတန္တိ? အာမန္တာ။ အနာဂတံ အတ္ထိ အနာဂတံ ဇာတံ ဘူတံ သဉ္ဇာတံ နိဗ္ဗတ္တံ အဘိနိဗ္ဗတ္တံ ပါတုဘူတန္တိ? န ဟေဝံ ဝတ္တဗ္ဗေ ။ပ။
အတီတံ အတ္ထိ အတီတံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ပစ္စုပ္ပန္နံ အတ္ထိ ပစ္စုပ္ပန္နံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ ။ပ။ အနာဂတံ အတ္ထိ အနာဂတံ အဇာတံ
(အဘိ၊က၊၉၇။)အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ပစ္စုပ္ပန္နံ အတ္ထိ ပစ္စုပ္ပန္နံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? န ဟေဝံ ဝတ္တဗ္ဗေ။
֍ ဋ္ဌ ၂၈၄။ အတီတံ ရူပံ အတ္ထီတိ? အာမန္တာ။ နနု အတီတံ ရူပံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ဟဉ္စိ အတီတံ ရူပံ နိရုဒ္ဓံ ။ပ။ အဗ္ဘတ္ထင်္ဂတံ, နော စ ဝတ ရေ ဝတ္တဗ္ဗေ – ‘‘အတီတံ ရူပံ အတ္ထီ’’တိ။
အနာဂတံ ရူပံ အတ္ထီတိ? အာမန္တာ။ နနု အနာဂတံ ရူပံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ဟဉ္စိ အနာဂတံ ရူပံ အဇာတံ ။ပ။ အပါတုဘူတံ, နော စ ဝတ ရေ ဝတ္တဗ္ဗေ – ‘‘အနာဂတံ ရူပံ အတ္ထီ’’တိ။
ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ အနိရုဒ္ဓံ အဝိဂတံ အဝိပရိဏတံ န အတ္ထင်္ဂတံ န အဗ္ဘတ္ထင်္ဂတန္တိ? အာမန္တာ။ အတီတံ ရူပံ အတ္ထိ အတီတံ ရူပံ အနိရုဒ္ဓံ အဝိဂတံ အဝိပရိဏတံ န အတ္ထင်္ဂတံ န အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ။
ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ ဇာတံ ဘူတံ သဉ္ဇာတံ နိဗ္ဗတ္တံ အဘိနိဗ္ဗတ္တံ ပါတုဘူတန္တိ? အာမန္တာ။ အနာဂတံ ရူပံ အတ္ထိ အနာဂတံ ရူပံ ဇာတံ ဘူတံ သဉ္ဇာတံ နိဗ္ဗတ္တံ အဘိနိဗ္ဗတ္တံ ပါတုဘူတန္တိ? န ဟေဝံ ဝတ္တဗ္ဗေ။
အတီတံ ရူပံ အတ္ထိ အတီတံ ရူပံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ။
အနာဂတံ ရူပံ အတ္ထိ အနာဂတံ ရူပံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? န ဟေဝံ ဝတ္တဗ္ဗေ။
အတီတာ ဝေဒနာ အတ္ထိ…ပေ… သညာ အတ္ထိ, သင်္ခါရာ အတ္ထိ, ဝိညာဏံ အတ္ထီတိ? အာမန္တာ။ နနု အတီတံ ဝိညာဏံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ဟဉ္စိ အတီတံ ဝိညာဏံ နိရုဒ္ဓံ ။ပ။ အဗ္ဘတ္ထင်္ဂတံ, နော စ ဝတ ရေ ဝတ္တဗ္ဗေ – ‘‘အတီတံ ဝိညာဏံ အတ္ထီ’’တိ။
(အဘိ၊က၊၉၈။)အနာဂတံ ဝိညာဏံ အတ္ထီတိ? အာမန္တာ။ နနု အနာဂတံ ဝိညာဏံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ဟဉ္စိ အနာဂတံ ဝိညာဏံ အဇာတံ ။ပ။ အပါတုဘူတံ, နော စ ဝတ ရေ ဝတ္တဗ္ဗေ – ‘‘အနာဂတံ ဝိညာဏံ အတ္ထီ’’တိ။
ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ အနိရုဒ္ဓံ ။ပ။ န အဗ္ဘတ္ထင်္ဂတန္တိ? အာမန္တာ။ အတီတံ ဝိညာဏံ အတ္ထိ အတီတံ ဝိညာဏံ အနိရုဒ္ဓံ ။ပ။ န အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ။
ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ ဇာတံ ။ပ။ ပါတုဘူတန္တိ? အာမန္တာ။ အနာဂတံ ဝိညာဏံ အတ္ထိ အနာဂတံ ဝိညာဏံ ဇာတံ ။ပ။ ပါတုဘူတန္တိ? န ဟေဝံ ဝတ္တဗ္ဗေ။
အတီတံ ဝိညာဏံ အတ္ထိ အတီတံ ဝိညာဏံ နိရုဒ္ဓံ ။ပ။ အဗ္ဘတ္ထင်္ဂတန္တိ? အာမန္တာ။ ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ နိရုဒ္ဓံ ။ပ။ အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ။ အနာဂတံ ဝိညာဏံ အတ္ထိ အနာဂတံ ဝိညာဏံ အဇာတံ ။ပ။ အပါတုဘူတန္တိ? အာမန္တာ။
ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ အဇာတံ ။ပ။ အပါတုဘူတန္တိ? န ဟေဝံ ဝတ္တဗ္ဗေ။
֍ ဋ္ဌ ၂၈၅။ ‘‘ပစ္စုပ္ပန္နန္တိ ဝါ ရူပ’’န္တိ ဝါ, ‘‘ရူပန္တိ ဝါ ပစ္စုပ္ပန္န’’န္တိ ဝါ ပစ္စုပ္ပန္နံ ရူပံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ပစ္စုပ္ပန္နံ ရူပံ နိရုဇ္ဈမာနံ ပစ္စုပ္ပန္နဘာဝံ ဇဟတီတိ? အာမန္တာ။ ရူပဘာဝံ ဇဟတီတိ? န ဟေဝံ ဝတ္တဗ္ဗေ ။ပ။
‘‘ပစ္စုပ္ပန္နန္တိ ဝါ ရူပ’’န္တိ ဝါ, ‘‘ရူပန္တိ ဝါ ပစ္စုပ္ပန္န’’န္တိ ဝါ ပစ္စုပ္ပန္နံ ရူပံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ပစ္စုပ္ပန္နံ ရူပံ နိရုဇ္ဈမာနံ ရူပဘာဝံ န ဇဟတီတိ? အာမန္တာ။ ပစ္စုပ္ပန္နဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။
‘‘ဩဒါတန္တိ ဝါ ဝတ္ထ’’န္တိ ဝါ, ‘‘ဝတ္ထန္တိ ဝါ ဩဒါတ’’န္တိ ဝါ ဩဒါတံ ဝတ္ထံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ဩဒါတံ ဝတ္ထံ ရဇ္ဇမာနံ ဩဒါတဘာဝံ ဇဟတီတိ? အာမန္တာ။ ဝတ္ထဘာဝံ ဇဟတီတိ? န ဟေဝံ ဝတ္တဗ္ဗေ။
(အဘိ၊က၊၉၉။)‘‘ဩဒါတန္တိ ဝါ ဝတ္ထ’’န္တိ ဝါ, ‘‘ဝတ္ထန္တိ ဝါ ဩဒါတ’’န္တိ ဝါ ဩဒါတံ ဝတ္ထံ အပ္ပိယံ ကရိတွာ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? အာမန္တာ။ ဩဒါတံ ဝတ္ထံ ရဇ္ဇမာနံ ဝတ္ထဘာဝံ န ဇဟတီတိ? အာမန္တာ။ ဩဒါတဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၈၆။ ရူပံ ရူပဘာဝံ န ဇဟတီတိ? အာမန္တာ။ ရူပံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ။ နနု ရူပံ ရူပဘာဝံ န ဇဟတီတိ ရူပံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ ဟဉ္စိ ရူပံ အနိစ္စံ အဓုဝံ အသဿတံ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘ရူပံ ရူပဘာဝံ န ဇဟတီ’’တိ။
နိဗ္ဗာနံ နိဗ္ဗာနဘာဝံ န ဇဟတီတိ နိဗ္ဗာနံ နိစ္စံ ဓုဝံ သဿတံ အဝိပရိဏာမဓမ္မန္တိ? အာမန္တာ။ ရူပံ ရူပဘာဝံ န ဇဟတီတိ [န ဇဟတိ (သီ။ က။)] ရူပံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။ ရူပံ ရူပဘာဝံ န ဇဟတိ ရူပံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ နိဗ္ဗာနံ နိဗ္ဗာနဘာဝံ န ဇဟတိ နိဗ္ဗာနံ အနိစ္စံ အဓုဝံ အသဿတံ ဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
အတီတံ အတ္ထိ အတီတံ အတီတဘာဝံ န ဇဟတီတိ? အာမန္တာ။ အနာဂတံ အတ္ထိ အနာဂတံ အနာဂတဘာဝံ န ဇဟတီတိ? န ဟေဝံ ဝတ္တဗ္ဗေ။ အတီတံ အတ္ထိ အတီတံ အတီတဘာဝံ န ဇဟတီတိ? အာမန္တာ။ ပစ္စုပ္ပန္နံ အတ္ထိ ပစ္စုပ္ပန္နံ ပစ္စုပ္ပန္နဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။
အနာဂတံ အတ္ထိ အနာဂတံ အနာဂတဘာဝံ ဇဟတီတိ [န ဇဟတီတိ (ဗဟူသု) အဋ္ဌကထာ ဩလောကေတဗ္ဗာ]? အာမန္တာ။ အတီတံ အတ္ထိ အတီတံ အတီတဘာဝံ ဇဟတီတိ [န ဇဟတီတိ (ဗဟူသု) အဋ္ဌကထာ ဩလောကေတဗ္ဗာ]? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ အတ္ထိ ပစ္စုပ္ပန္နံ ပစ္စုပ္ပန္နဘာဝံ ဇဟတီတိ [န ဇဟတီတိ (ဗဟူသု) အဋ္ဌကထာ ဩလောကေတဗ္ဗာ]? အာမန္တာ။ အတီတံ အတ္ထိ အတီတံ အတီတဘာဝံ ဇဟတီတိ [န ဇဟတီတိ (ဗဟူသု) အဋ္ဌကထာ ဩလောကေတဗ္ဗာ]? န ဟေဝံ ဝတ္တဗ္ဗေ။
အတီတံ အတ္ထိ အတီတံ အတီတဘာဝံ န ဇဟတီတိ? အာမန္တာ။ အတီတံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။ နနု အတီတံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ ဟဉ္စိ အတီတံ အနိစ္စံ အဓုဝံ အသဿတံ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘အတီတံ အတ္ထိ အတီတံ အတီတဘာဝံ န ဇဟတီ’’တိ။
(အဘိ၊က၊၁၀၀။)နိဗ္ဗာနံ အတ္ထိ နိဗ္ဗာနံ နိဗ္ဗာနဘာဝံ န ဇဟတီတိ နိဗ္ဗာနံ နိစ္စံ ဓုဝံ သဿတံ အဝိပရိဏာမဓမ္မန္တိ? အာမန္တာ။ အတီတံ အတ္ထိ အတီတံ အတီတဘာဝံ န ဇဟတီတိ အတီတံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
အတီတံ အတ္ထိ အတီတံ အတီတဘာဝံ န ဇဟတိ အတီတံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ နိဗ္ဗာနံ အတ္ထိ နိဗ္ဗာနံ နိဗ္ဗာနဘာဝံ န ဇဟတိ နိဗ္ဗာနံ အနိစ္စံ အဓုဝံ အသဿတံ ဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၈၇။ အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတီတိ? အာမန္တာ။ အနာဂတံ ရူပံ အတ္ထိ အနာဂတံ ရူပံ အနာဂတဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။ အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတီတိ? အာမန္တာ။ ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ ပစ္စုပ္ပန္နဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။
အနာဂတံ ရူပံ အတ္ထိ အနာဂတံ ရူပံ အနာဂတဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? အာမန္တာ။ အတီတံ ရူပံ အတ္ထိ အတီတံ ရူပံ အတီတဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ရူပံ အတ္ထိ ပစ္စုပ္ပန္နံ ရူပံ ပစ္စုပ္ပန္နဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? အာမန္တာ။ အတီတံ ရူပံ အတ္ထိ အတီတံ ရူပံ အတီတဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? န ဟေဝံ ဝတ္တဗ္ဗေ ။ပ။
အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတီတိ? အာမန္တာ။ အတီတံ ရူပံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။ နနု အတီတံ ရူပံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ ဟဉ္စိ အတီတံ ရူပံ အနိစ္စံ ။ပ။ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတီ’’တိ။
နိဗ္ဗာနံ အတ္ထိ နိဗ္ဗာနံ နိဗ္ဗာနဘာဝံ န ဇဟတိ [န ဇဟတီတိ (?) ပုရိမပဉှေဟိ သံသန္ဒေတဗ္ဗံ] နိဗ္ဗာနံ နိစ္စံ ဓုဝံ သဿတံ အဝိပရိဏာမဓမ္မန္တိ? အာမန္တာ။ အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတိ [န ဇဟတီတိ (?) ပုရိမဉှေဟိ သံသန္ဒေတဗ္ဗံ] အတီတံ ရူပံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၀၁။)အတီတံ ရူပံ အတ္ထိ အတီတံ ရူပံ အတီတဘာဝံ န ဇဟတိ အတီတံ ရူပံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ နိဗ္ဗာနံ အတ္ထိ နိဗ္ဗာနံ နိဗ္ဗာနဘာဝံ န ဇဟတိ နိဗ္ဗာနံ အနိစ္စံ အဓုဝံ အသဿတံ ဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
အတီတာ ဝေဒနာ အတ္ထိ… အတီတာ သညာ အတ္ထိ… အတီတာ သင်္ခါရာ အတ္ထိ… အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတီတိ? အာမန္တာ။ အနာဂတံ ဝိညာဏံ အတ္ထိ အနာဂတံ ဝိညာဏံ အနာဂတဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။ အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတီတိ? အာမန္တာ။ ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ ပစ္စုပ္ပန္နဘာဝံ န ဇဟတီတိ? န ဟေဝံ ဝတ္တဗ္ဗေ ။ပ။
အနာဂတံ ဝိညာဏံ အတ္ထိ အနာဂတံ ဝိညာဏံ အနာဂတဘာဝံ ဇဟတီတိ? အာမန္တာ။ အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ ဇဟတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ဝိညာဏံ အတ္ထိ ပစ္စုပ္ပန္နံ ဝိညာဏံ ပစ္စုပ္ပန္နဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? အာမန္တာ။ အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ ဇဟတီတိ [န ဇဟတီတိ (ဗဟူသု) အနုလောမပဉှောယေဝ]? န ဟေဝံ ဝတ္တဗ္ဗေ ။ပ။
အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတီတိ? အာမန္တာ။ အတီတံ ဝိညာဏံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။ နနု အတီတံ ဝိညာဏံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ ဟဉ္စိ အတီတံ ဝိညာဏံ အနိစ္စံ အဓုဝံ အသဿတံ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတီ’’တိ။
နိဗ္ဗာနံ အတ္ထိ နိဗ္ဗာနံ နိဗ္ဗာနဘာဝံ န ဇဟတိ [န ဇဟတီတိ (?) ပုရိမပဉှေဟိ သံသန္ဒေတဗ္ဗံ] နိဗ္ဗာနံ နိစ္စံ ဓုဝံ သဿတံ အဝိပရိဏာမဓမ္မန္တိ? အာမန္တာ။ အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတိ [န ဇဟတီတိ (?) ပုရိမပဉှေဟိ သံသန္ဒေတဗ္ဗံ] အတီတံ ဝိညာဏံ နိစ္စံ ဓုဝံ သဿတံ အဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
အတီတံ ဝိညာဏံ အတ္ထိ အတီတံ ဝိညာဏံ အတီတဘာဝံ န ဇဟတိ အတီတံ ဝိညာဏံ အနိစ္စံ အဓုဝံ အသဿတံ ဝိပရိဏာမဓမ္မန္တိ? အာမန္တာ။ နိဗ္ဗာနံ အတ္ထိ
(အဘိ၊က၊၁၀၂။)နိဗ္ဗာနံ နိဗ္ဗာနဘာဝံ န ဇဟတိ နိဗ္ဗာနံ အနိစ္စံ အဓုဝံ အသဿတံ ဝိပရိဏာမဓမ္မန္တိ? န ဟေဝံ ဝတ္တဗ္ဗေ ။ပ။
ဝစနသောဓနာ
֍ ဋ္ဌ ၂၈၈။ အတီတံ နွတ္ထီတိ? အာမန္တာ။ ဟဉ္စိ အတီတံ နွတ္ထိ, အတီတံ အတ္ထီတိ မိစ္ဆာ။ ဟဉ္စိ ဝါ ပန အတ္ထိ နွာတီတံ, အတ္ထိ အတီတန္တိ မိစ္ဆာ။ အနာဂတံ နွတ္ထီတိ? အာမန္တာ။ ဟဉ္စိ အနာဂတံ နွတ္ထိ, အနာဂတံ အတ္ထီတိ မိစ္ဆာ။ ဟဉ္စိ ဝါ ပန အတ္ထိ နွာနာဂတံ, အတ္ထိ အနာဂတန္တိ မိစ္ဆာ။
အနာဂတံ ဟုတွာ ပစ္စုပ္ပန္နံ ဟောတီတိ? အာမန္တာ။ တညေဝ အနာဂတံ တံ ပစ္စုပ္ပန္နန္တိ? န ဟေဝံ ဝတ္တဗ္ဗေ ။ပ။ တညေဝ အနာဂတံ တံ ပစ္စုပ္ပန္နန္တိ? အာမန္တာ။ ဟုတွာ ဟောတိ ဟုတွာ ဟောတီတိ? န ဟေဝံ ဝတ္တဗ္ဗေ ။ပ။ ဟုတွာ ဟောတိ ဟုတွာ ဟောတီတိ? အာမန္တာ။ န ဟုတွာ န ဟောတိ န ဟုတွာ န ဟောတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ဟုတွာ အတီတံ ဟောတီတိ? အာမန္တာ။ တညေဝ ပစ္စုပ္ပန္နံ တံ အတီတန္တိ? န ဟေဝံ ဝတ္တဗ္ဗေ ။ပ။ တညေဝ ပစ္စုပ္ပန္နံ တံ အတီတန္တိ? အာမန္တာ။ ဟုတွာ ဟောတိ ဟုတွာ ဟောတီတိ? န ဟေဝံ ဝတ္တဗ္ဗေ ။ပ။ ဟုတွာ ဟောတိ ဟုတွာ ဟောတီတိ? အာမန္တာ။ န ဟုတွာ န ဟောတိ န ဟုတွာ န ဟောတီတိ? န ဟေဝံ ဝတ္တဗ္ဗေ ။ပ။
အနာဂတံ ဟုတွာ ပစ္စုပ္ပန္နံ ဟောတိ, ပစ္စုပ္ပန္နံ ဟုတွာ အတီတံ ဟောတီတိ? အာမန္တာ။ တညေဝ အနာဂတံ တံ ပစ္စုပ္ပန္နံ တံ အတီတန္တိ? န ဟေဝံ ဝတ္တဗ္ဗေ ။ပ။ တညေဝ အနာဂတံ တံ ပစ္စုပ္ပန္နံ တံ အတီတန္တိ? အာမန္တာ။ ဟုတွာ ဟောတိ ဟုတွာ ဟောတီတိ? န ဟေဝံ ဝတ္တဗ္ဗေ ။ပ။ ဟုတွာ ဟောတိ ဟုတွာ ဟောတီတိ? အာမန္တာ။ န ဟုတွာ န ဟောတိ န ဟုတွာ န ဟောတီတိ? န ဟေဝံ ဝတ္တဗ္ဗေ။
အတီတစက္ခုရူပါဒိကထာ
֍ ဋ္ဌ ၂၈၉။ အတီတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထီတိ? အာမန္တာ။ အတီတေန စက္ခုနာ အတီတံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ အတီတံ သောတံ အတ္ထိ သဒ္ဒါ အတ္ထိ သောတဝိညာဏံ အတ္ထိ အာကာသော အတ္ထိ မနသိကာရော အတ္ထီတိ? အာမန္တာ။
(အဘိ၊က၊၁၀၃။)အတီတေန သောတေန အတီတံ သဒ္ဒံ သုဏာတီတိ? န ဟေဝံ ဝတ္တဗ္ဗေ ။ပ။ အတီတံ ဃာနံ အတ္ထိ ဂန္ဓာ အတ္ထိ ဃာနဝိညာဏံ အတ္ထိ ဝါယော အတ္ထိ မနသိကာရော အတ္ထီတိ? အာမန္တာ။ အတီတေန ဃာနေန အတီတံ ဂန္ဓံ ဃာယတီတိ? န ဟေဝံ ဝတ္တဗ္ဗေ ။ပ။ အတီတာ ဇိဝှါ အတ္ထိ ရသာ အတ္ထိ ဇိဝှါဝိညာဏံ အတ္ထိ အာပေါ အတ္ထိ မနသိကာရော အတ္ထီတိ? အာမန္တာ။ အတီတာယ ဇိဝှါယ အတီတံ ရသံ သာယတီတိ? န ဟေဝံ ဝတ္တဗ္ဗေ ။ပ။ အတီတော ကာယော အတ္ထိ ဖောဋ္ဌဗ္ဗာ အတ္ထိ ကာယဝိညာဏံ အတ္ထိ ပထဝီ အတ္ထိ မနသိကာရော အတ္ထီတိ? အာမန္တာ။ အတီတေန ကာယေန အတီတံ ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ ။ပ။ အတီတော မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထီတိ? အာမန္တာ။ အတီတေန မနေန အတီတံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
အနာဂတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထီတိ? အာမန္တာ။ အနာဂတေန စက္ခုနာ အနာဂတံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ အနာဂတံ သောတံ အတ္ထိ… ဃာနံ အတ္ထိ… ဇိဝှါ အတ္ထိ… ကာယော အတ္ထိ … မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထီတိ? အာမန္တာ။ အနာဂတေန မနေန အနာဂတံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, ပစ္စုပ္ပန္နေန စက္ခုနာ ပစ္စုပ္ပန္နံ ရူပံ ပဿတီတိ? အာမန္တာ။ အတီတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, အတီတေန စက္ခုနာ အတီတံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ သောတံ အတ္ထိ… ဃာနံ အတ္ထိ… ဇိဝှါ အတ္ထိ… ကာယော အတ္ထိ… မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, ပစ္စုပ္ပန္နေန မနေန ပစ္စုပ္ပန္နံ ဓမ္မံ ဝိဇာနာတီတိ? အာမန္တာ။ အတီတော မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, အတီတေန မနေန အတီတံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, ပစ္စုပ္ပန္နေန စက္ခုနာ ပစ္စုပ္ပန္နံ ရူပံ ပဿတီတိ? အာမန္တာ။ အနာဂတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ
(အဘိ၊က၊၁၀၄။)မနသိကာရော အတ္ထိ, အနာဂတေန စက္ခုနာ အနာဂတံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ သောတံ အတ္ထိ… ဃာနံ အတ္ထိ… ဇိဝှါ အတ္ထိ… ကာယော အတ္ထိ… မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, ပစ္စုပ္ပန္နေန မနေန ပစ္စုပ္ပန္နံ ဓမ္မံ ဝိဇာနာတီတိ? အာမန္တာ။ အနာဂတော မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, အနာဂတေန မနေန အနာဂတံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
အတီတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, န စ အတီတေန စက္ခုနာ အတီတံ ရူပံ ပဿတီတိ? အာမန္တာ။ ပစ္စုပ္ပန္နံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, န စ ပစ္စုပ္ပန္နေန စက္ခုနာ ပစ္စုပ္ပန္နံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ အတီတံ သောတံ အတ္ထိ… ဃာနံ အတ္ထိ… ဇိဝှါ အတ္ထိ… ကာယော အတ္ထိ… မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, န စ အတီတေန မနေန အတီတံ ဓမ္မံ ဝိဇာနာတီတိ? အာမန္တာ။ ပစ္စုပ္ပန္နော မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, န စ ပစ္စုပ္ပန္နေန မနေန ပစ္စုပ္ပန္နံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
အနာဂတံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, န စ အနာဂတေန စက္ခုနာ အနာဂတံ ရူပံ ပဿတီတိ? အာမန္တာ။ ပစ္စုပ္ပန္နံ စက္ခုံ အတ္ထိ ရူပါ အတ္ထိ စက္ခုဝိညာဏံ အတ္ထိ အာလောကော အတ္ထိ မနသိကာရော အတ္ထိ, န စ ပစ္စုပ္ပန္နေန စက္ခုနာ ပစ္စုပ္ပန္နံ ရူပံ ပဿတီတိ? န ဟေဝံ ဝတ္တဗ္ဗေ ။ပ။ အနာဂတံ သောတံ အတ္ထိ… ဃာနံ အတ္ထိ… ဇိဝှါ အတ္ထိ… ကာယော အတ္ထိ… မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, န စ အနာဂတေန မနေန အနာဂတံ ဓမ္မံ ဝိဇာနာတီတိ? အာမန္တာ။ ပစ္စုပ္ပန္နော မနော အတ္ထိ ဓမ္မာ အတ္ထိ မနောဝိညာဏံ အတ္ထိ ဝတ္ထုံ အတ္ထိ မနသိကာရော အတ္ထိ, န စ ပစ္စုပ္ပန္နေန မနေန ပစ္စုပ္ပန္နံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ ။ပ။
အတီတဉာဏာဒိကထာ
֍ ဋ္ဌ ၂၉၀။ အတီတံ ဉာဏံ အတ္ထီတိ? အာမန္တာ။ တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ တေန ဉာဏေန ဉာဏကရဏီယံ
(အဘိ၊က၊၁၀၅။)ကရောတီတိ? အာမန္တာ။ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အနာဂတံ ဉာဏံ အတ္ထီတိ? အာမန္တာ။ တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ တေန ဉာဏေန ဉာဏကရဏီယံ ကရောတီတိ? အာမန္တာ။ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ဉာဏံ အတ္ထိ, တေန ဉာဏေန ဉာဏကရဏီယံ ကရောတီတိ? အာမန္တာ။ အတီတံ ဉာဏံ အတ္ထိ, တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဉာဏံ အတ္ထိ, တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? အာမန္တာ။ အတီတံ ဉာဏံ အတ္ထိ, တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဉာဏံ အတ္ထိ, တေန ဉာဏေန ဉာဏကရဏီယံ ကရောတီတိ? အာမန္တာ။ အနာဂတံ ဉာဏံ အတ္ထိ, တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဉာဏံ အတ္ထိ, တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? အာမန္တာ။ အနာဂတံ ဉာဏံ အတ္ထိ, တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အတီတံ ဉာဏံ အတ္ထိ, န စ တေန ဉာဏေန ဉာဏကရဏီယံ ကရောတီတိ? အာမန္တာ။ ပစ္စုပ္ပန္နံ ဉာဏံ အတ္ထိ, န စ တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ အတီတံ ဉာဏံ အတ္ထိ, န စ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? အာမန္တာ။ ပစ္စုပ္ပန္နံ ဉာဏံ အတ္ထိ, န စ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အနာဂတံ ဉာဏံ အတ္ထိ, န စ တေန ဉာဏေန ဉာဏကရဏီယံ ကရောတီတိ? အာမန္တာ။ ပစ္စုပ္ပန္နံ ဉာဏံ အတ္ထိ, န စ တေန ဉာဏေန ဉာဏကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ အနာဂတံ ဉာဏံ အတ္ထိ, န စ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ?
(အဘိ၊က၊၁၀၆။)အာမန္တာ။ ပစ္စုပ္ပန္နံ ဉာဏံ အတ္ထိ, န စ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အရဟန္တာဒိကထာ
֍ ဋ္ဌ ၂၉၁။ အရဟတော အတီတော ရာဂေါ အတ္ထီတိ? အာမန္တာ။ အရဟာ တေန ရာဂေန သရာဂေါတိ? န ဟေဝံ ဝတ္တဗ္ဗေ ။ပ။ အရဟတော အတီတော ဒေါသော အတ္ထီတိ? အာမန္တာ။ အရဟာ တေန ဒေါသေန သဒေါသောတိ? န ဟေဝံ ဝတ္တဗ္ဗေ ။ပ။ အရဟတော အတီတော မောဟော အတ္ထီတိ? အာမန္တာ။ အရဟာ တေန မောဟေန သမောဟောတိ? န ဟေဝံ ဝတ္တဗ္ဗေ ။ပ။ အရဟတော အတီတော မာနော အတ္ထီတိ? အာမန္တာ။ အရဟာ တေန မာနေန သမာနောတိ? န ဟေဝံ ဝတ္တဗ္ဗေ ။ပ။ အရဟတော အတီတာ ဒိဋ္ဌိ အတ္ထီတိ? အာမန္တာ။ အရဟာ တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ အရဟတော အတီတာ ဝိစိကိစ္ဆာ အတ္ထီတိ? အာမန္တာ။ အရဟာ တာယ ဝိစိကိစ္ဆာယ သဝိစိကိစ္ဆောတိ? န ဟေဝံ ဝတ္တဗ္ဗေ ။ပ။ အရဟတော အတီတံ ထိနံ အတ္ထီတိ? အာမန္တာ။ အရဟာ တေန ထိနေန သထိနောတိ? န ဟေဝံ ဝတ္တဗ္ဗေ ။ပ။ အရဟတော အတီတံ ဥဒ္ဓစ္စံ အတ္ထီတိ? အာမန္တာ။ အရဟာ တေန ဥဒ္ဓစ္စေန သဥဒ္ဓစ္စောတိ? န ဟေဝံ ဝတ္တဗ္ဗေ ။ပ။ အရဟတော အတီတံ အဟိရိကံ အတ္ထီတိ? အာမန္တာ။ အရဟာ တေန အဟိရိကေန သအဟိရိကောတိ? န ဟေဝံ ဝတ္တဗ္ဗေ ။ပ။ အရဟတော အတီတံ အနောတ္တပ္ပံ အတ္ထီတိ? အာမန္တာ။ အရဟာ တေန အနောတ္တပ္ပေန သအနောတ္တပ္ပီတိ? န ဟေဝံ ဝတ္တဗ္ဗေ ။ပ။
အနာဂါမိဿ အတီတာ သက္ကာယဒိဋ္ဌိ အတ္ထီတိ? အာမန္တာ။ အနာဂါမီ တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ အနာဂါမိဿ အတီတာ ဝိစိကိစ္ဆာ အတ္ထိ… အတီတော သီလဗ္ဗတပရာမာသော အတ္ထိ… အတီတော အဏုသဟဂတော ကာမရာဂေါ အတ္ထိ… အတီတော အဏုသဟဂတော ဗျာပါဒေါ အတ္ထီတိ? အာမန္တာ။ အနာဂါမီ တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
သကဒါဂါမိဿ အတီတာ သက္ကာယဒိဋ္ဌိ အတ္ထီတိ? အာမန္တာ။ သကဒါဂါမီ တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ သကဒါဂါမိဿ အတီတာ ဝိစိကိစ္ဆာ အတ္ထိ… အတီတော သီလဗ္ဗတပရာမာသော အတ္ထိ…
(အဘိ၊က၊၁၀၇။)အတီတော ဩဠာရိကော ကာမရာဂေါ အတ္ထိ… အတီတော ဩဠာရိကော ဗျာပါဒေါ အတ္ထီတိ? အာမန္တာ။ သကဒါဂါမီ တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
သောတာပန္နဿ အတီတာ သက္ကာယဒိဋ္ဌိ အတ္ထီတိ? အာမန္တာ။ သောတာပန္နော တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ သောတာပန္နဿ အတီတာ ဝိစိကိစ္ဆာ အတ္ထိ… အတီတော သီလဗ္ဗတပရာမာသော အတ္ထိ… အတီတော အပါယဂမနီယော ရာဂေါ အတ္ထိ… အတီတော အပါယဂမနီယော ဒေါသော အတ္ထိ… အတီတော အပါယဂမနီယော မောဟော အတ္ထီတိ? အာမန္တာ။ သောတာပန္နော တေန မောဟေန သမောဟောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၂၉၂။ ပုထုဇ္ဇနဿ အတီတော ရာဂေါ အတ္ထိ, ပုထုဇ္ဇနော တေန ရာဂေန သရာဂေါတိ? အာမန္တာ။ အရဟတော အတီတော ရာဂေါ အတ္ထိ, အရဟာ တေန ရာဂေန သရာဂေါတိ? န ဟေဝံ ဝတ္တဗ္ဗေ ။ပ။ ပုထုဇ္ဇနဿ အတီတော ဒေါသော အတ္ထိ ။ပ။ အတီတံ အနောတ္တပ္ပံ အတ္ထိ ပုထုဇ္ဇနော တေန အနောတ္တပ္ပေန အနောတ္တပ္ပီတိ? အာမန္တာ။ အရဟတော အတီတံ အနောတ္တပ္ပံ အတ္ထိ, အရဟာ တေန အနောတ္တပ္ပေန အနောတ္တပ္ပီတိ? န ဟေဝံ ဝတ္တဗ္ဗေ ။ပ။
ပုထုဇ္ဇနဿ အတီတာ သက္ကာယဒိဋ္ဌိ အတ္ထိ, ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? အာမန္တာ။ အနာဂါမိဿ အတီတာ သက္ကာယဒိဋ္ဌိ အတ္ထိ, အနာဂါမီ တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ ပုထုဇ္ဇနဿ အတီတာ ဝိစိကိစ္ဆာ အတ္ထိ ။ပ။ အတီတော အဏုသဟဂတော ဗျာပါဒေါ အတ္ထိ, ပုထုဇ္ဇနော တေန ဗျာပါဒေန ဗျာပန္နစိတ္တောတိ? အာမန္တာ။ အနာဂါမိဿ အတီတော အဏုသဟဂတော ဗျာပါဒေါ အတ္ထိ, အနာဂါမီ တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
ပုထုဇ္ဇနဿ အတီတာ သက္ကာယဒိဋ္ဌိ အတ္ထိ, ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? အာမန္တာ။ သကဒါဂါမိဿ အတီတာ သက္ကာယဒိဋ္ဌိ အတ္ထိ, သကဒါဂါမီ တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ ပုထုဇ္ဇနဿ အတီတာ ဝိစိကိစ္ဆာ အတ္ထိ… အတီတော ဩဠာရိကော ဗျာပါဒေါ အတ္ထိ, ပုထုဇ္ဇနော တေန ဗျာပါဒေန ဗျာပန္နစိတ္တောတိ? အာမန္တာ။ သကဒါဂါမိဿ အတီတော ဩဠာရိကော ဗျာပါဒေါ အတ္ထိ, သကဒါဂါမီ တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၀၈။)ပုထုဇ္ဇနဿ အတီတာ သက္ကာယဒိဋ္ဌိ အတ္ထိ, ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? အာမန္တာ။ သောတာပန္နဿ အတီတာ သက္ကာယဒိဋ္ဌိ အတ္ထိ, သောတာပန္နော တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ ပုထုဇ္ဇနဿ အတီတာ ဝိစိကိစ္ဆာ အတ္ထိ ။ပ။ အတီတော အပါယဂမနီယော မောဟော အတ္ထိ, ပုထုဇ္ဇနော တေန မောဟေန သမောဟောတိ? အာမန္တာ။ သောတာပန္နဿ အတီတော အပါယဂမနီယော မောဟော အတ္ထိ, သောတာပန္နော တေန မောဟေန သမောဟောတိ? န ဟေဝံ ဝတ္တဗ္ဗေ ။ပ။
အရဟတော အတီတော ရာဂေါ အတ္ထိ, န စ အရဟာ တေန ရာဂေန သရာဂေါတိ? အာမန္တာ။ ပုထုဇ္ဇနဿ အတီတော ရာဂေါ အတ္ထိ, န စ ပုထုဇ္ဇနော တေန ရာဂေန သရာဂေါတိ? န ဟေဝံ ဝတ္တဗ္ဗေ ။ပ။ အရဟတော အတီတော ဒေါသော အတ္ထိ ။ပ။ အတီတံ အနောတ္တပ္ပံ အတ္ထိ, န စ အရဟာ တေန အနောတ္တပ္ပေန အနောတ္တပ္ပီတိ? အာမန္တာ။ ပုထုဇ္ဇနဿ အတီတံ အနောတ္တပ္ပံ အတ္ထိ, န စ ပုထုဇ္ဇနော တေန အနောတ္တပ္ပေန အနောတ္တပ္ပီတိ? န ဟေဝံ ဝတ္တဗ္ဗေ ။ပ။
အနာဂါမိဿ အတီတာ သက္ကာယဒိဋ္ဌိ အတ္ထိ, န စ အနာဂါမီ တာယ ဒိဋ္ဌိယာ သဒိဋ္ဌိကောတိ? အာမန္တာ။ ပုထုဇ္ဇနဿ အတီတာ သက္ကာယဒိဋ္ဌိ အတ္ထိ, န စ ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ အနာဂါမိဿ အတီတာ ဝိစိကိစ္ဆာ အတ္ထိ…ပေ… အတီတော အဏုသဟဂတော ဗျာပါဒေါ အတ္ထိ, န စ အနာဂါမီ တေန ဗျာပါဒေန ဗျာပန္နစိတ္တောတိ? အာမန္တာ။ ပုထုဇ္ဇနဿ အတီတော အဏုသဟဂတော ဗျာပါဒေါ အတ္ထိ, န စ ပုထုဇ္ဇနော တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
သကဒါဂါမိဿ အတီတာ သက္ကာယဒိဋ္ဌိ အတ္ထိ, န စ သကဒါဂါမီ တာယ ဒိဋ္ဌိယာ သဒိဋ္ဌိကောတိ? အာမန္တာ။ ပုထုဇ္ဇနဿ အတီတာ သက္ကာယဒိဋ္ဌိ အတ္ထိ, န စ ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ သကဒါဂါမိဿ အတီတာ ဝိစိကိစ္ဆာ အတ္ထိ ။ပ။ အတီတော ဩဠာရိကော ဗျာပါဒေါ အတ္ထိ, န စ သကဒါဂါမီ တေန ဗျာပါဒေန ဗျာပန္နစိတ္တောတိ? အာမန္တာ။ ပုထုဇ္ဇနဿ အတီတော ဩဠာရိကော ဗျာပါဒေါ အတ္ထိ, န စ ပုထုဇ္ဇနော တေန ဗျာပါဒေန ဗျာပန္နစိတ္တောတိ? န ဟေဝံ ဝတ္တဗ္ဗေ ။ပ။
သောတာပန္နဿ အတီတာ သက္ကာယဒိဋ္ဌိ အတ္ထိ, န စ သောတာပန္နော တာယ ဒိဋ္ဌိယာ သဒိဋ္ဌိကောတိ? အာမန္တာ။ ပုထုဇ္ဇနဿ အတီတာ
(အဘိ၊က၊၁၀၉။)သက္ကာယဒိဋ္ဌိ အတ္ထိ, န စ ပုထုဇ္ဇနော တာယ ဒိဋ္ဌိယာ သဒိဋ္ဌိကောတိ? န ဟေဝံ ဝတ္တဗ္ဗေ ။ပ။ သောတာပန္နဿ အတီတာ ဝိစိကိစ္ဆာ အတ္ထိ ။ပ။ အတီတော အပါယဂမနီယော မောဟော အတ္ထိ, န စ သောတာပန္နော တေန မောဟေန သမောဟောတိ? အာမန္တာ။ ပုထုဇ္ဇနဿ အတီတော အပါယဂမနီယော မောဟော အတ္ထိ, န စ ပုထုဇ္ဇနော တေန မောဟေန သမောဟောတိ? န ဟေဝံ ဝတ္တဗ္ဗေ ။ပ။
အတီတဟတ္ထာဒိကထာ
֍ ဋ္ဌ ၂၉၃။ အတီတာ ဟတ္ထာ အတ္ထီတိ? အာမန္တာ။ အတီတေသု ဟတ္ထေသု သတိ အာဒါနနိက္ခေပနံ ပညာယတီတိ? န ဟေဝံ ဝတ္တဗ္ဗေ ။ပ။ အတီတာ ပါဒါ အတ္ထီတိ? အာမန္တာ။ အတီတေသု ပါဒေသု သတိ အဘိက္ကမပဋိက္ကမော ပညာယတီတိ? န ဟေဝံ ဝတ္တဗ္ဗေ ။ပ။ အတီတာ ပဗ္ဗာ အတ္ထီတိ? အာမန္တာ။ အတီတေသု ပဗ္ဗေသု သတိ သမိဉ္ဇနပသာရဏံ ပညာယတီတိ? န ဟေဝံ ဝတ္တဗ္ဗေ ။ပ။ အတီတော ကုစ္ဆိ အတ္ထီတိ? အာမန္တာ။ အတီတသ္မိံ ကုစ္ဆိသ္မိံ သတိ ဇိဃစ္ဆာ ပိပါသာ ပညာယတီတိ? န ဟေဝံ ဝတ္တဗ္ဗေ ။ပ။
အတီတော ကာယော အတ္ထီတိ? အာမန္တာ။ အတီတော ကာယော ပဂ္ဂဟနိဂ္ဂဟုပဂေါ ဆေဒနဘေဒနုပဂေါ ကာကေဟိ ဂိဇ္ဈေဟိ ကုလလေဟိ သာဓာရဏောတိ? န ဟေဝံ ဝတ္တဗ္ဗေ ။ပ။ အတီတေ ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? န ဟေဝံ ဝတ္တဗ္ဗေ ။ပ။ လဗ္ဘာ အတီတော ကာယော အဒ္ဒုဗန္ဓနေန ဗန္ဓိတုံ, ရဇ္ဇုဗန္ဓနေန ဗန္ဓိတုံ, သင်္ခလိကဗန္ဓနေန ဗန္ဓိတုံ, ဂါမဗန္ဓနေန ဗန္ဓိတုံ, နိဂမဗန္ဓနေန ဗန္ဓိတုံ, နဂရဗန္ဓနေန ဗန္ဓိတုံ, ဇနပဒဗန္ဓနေန ဗန္ဓိတုံ, ကဏ္ဌပဉ္စမေဟိ ဗန္ဓနေဟိ ဗန္ဓိတုန္တိ? န ဟေဝံ ဝတ္တဗ္ဗေ ။ပ။
အတီတော အာပေါ အတ္ထီတိ? အာမန္တာ။ တေန အာပေန အာပကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ အတီတော တေဇော အတ္ထီတိ? အာမန္တာ။ တေန တေဇေန တေဇကရဏီယံ ကရောတီတိ? န ဟေဝံ ဝတ္တဗ္ဗေ ။ပ။ အတီတော ဝါယော အတ္ထီတိ? အာမန္တာ။ တေန ဝါယေန ဝါယကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
အတီတက္ခန္ဓာဒိသမောဓာနကထာ
֍ ဋ္ဌ ၂၉၄။ အတီတော ရူပက္ခန္ဓော အတ္ထိ, အနာဂတော ရူပက္ခန္ဓော အတ္ထိ, ပစ္စုပ္ပန္နော ရူပက္ခန္ဓော အတ္ထီတိ? အာမန္တာ။ တယော ရူပက္ခန္ဓာတိ? န ဟေဝံ
(အဘိ၊က၊၁၁၀။)ဝတ္တဗ္ဗေ ။ပ။ အတီတာ ပဉ္စက္ခန္ဓာ အတ္ထိ, အနာဂတာ ပဉ္စက္ခန္ဓာ အတ္ထိ, ပစ္စုပ္ပန္နာ ပဉ္စက္ခန္ဓာ အတ္ထီတိ? အာမန္တာ။ ပန္နရသက္ခန္ဓာတိ? န ဟေဝံ ဝတ္တဗ္ဗေ ။ပ။
အတီတံ စက္ခာယတနံ အတ္ထိ, အနာဂတံ စက္ခာယတနံ အတ္ထိ, ပစ္စုပ္ပန္နံ စက္ခာယတနံ အတ္ထီတိ? အာမန္တာ။ တီဏိ စက္ခာယတနာနီတိ? န ဟေဝံ ဝတ္တဗ္ဗေ ။ပ။ အတီတာနိ ဒွါဒသာယတနာနိ အတ္ထိ, အနာဂတာနိ ဒွါဒသာယတနာနိ အတ္ထိ, ပစ္စုပ္ပန္နာနိ ဒွါဒသာယတနာနိ အတ္ထီတိ? အာမန္တာ။ ဆတ္တိံသာယတနာနီတိ? န ဟေဝံ ဝတ္တဗ္ဗေ ။ပ။
အတီတာ စက္ခုဓာတု အတ္ထိ, အနာဂတာ စက္ခုဓာတု အတ္ထိ, ပစ္စုပ္ပန္နာ စက္ခုဓာတု အတ္ထီတိ? အာမန္တာ။ တိဿော စက္ခုဓာတုယောတိ? န ဟေဝံ ဝတ္တဗ္ဗေ ။ပ။ အတီတာ အဋ္ဌာရသ ဓာတုယော အတ္ထိ, အနာဂတာ အဋ္ဌာရသ ဓာတုယော အတ္ထိ, ပစ္စုပ္ပန္နာ အဋ္ဌာရသ ဓာတုယော အတ္ထီတိ? အာမန္တာ။ စတုပညာသ ဓာတုယောတိ? န ဟေဝံ ဝတ္တဗ္ဗေ ။ပ။
အတီတံ စက္ခုန္ဒြိယံ အတ္ထိ, အနာဂတံ စက္ခုန္ဒြိယံ အတ္ထိ, ပစ္စုပ္ပန္နံ စက္ခုန္ဒြိယံ အတ္ထီတိ? အာမန္တာ။ တီဏိ စက္ခုန္ဒြိယာနီတိ? န ဟေဝံ ဝတ္တဗ္ဗေ ။ပ။ အတီတာနိ ဗာဝီသတိန္ဒြိယာနိ အတ္ထိ, အနာဂတာနိ ဗာဝီသတိန္ဒြိယာနိ အတ္ထိ, ပစ္စုပ္ပန္နာနိ ဗာဝီသတိန္ဒြိယာနိ အတ္ထီတိ? အာမန္တာ။ ဆသဋ္ဌိန္ဒြိယာနီတိ? န ဟေဝံ ဝတ္တဗ္ဗေ ။ပ။
အတီတော ရာဇာ စက္ကဝတ္တီ အတ္ထိ, အနာဂတော ရာဇာ စက္ကဝတ္တီ အတ္ထိ, ပစ္စုပ္ပန္နော ရာဇာ စက္ကဝတ္တီ အတ္ထီတိ? အာမန္တာ။ တိဏ္ဏန္နံ ရာဇူနံ စက္ကဝတ္တီနံ သမ္မုခီဘာဝေါ ဟောတီတိ? န ဟေဝံ ဝတ္တဗ္ဗေ ။ပ။
အတီတော သမ္မာသမ္မုဒ္ဓေါ အတ္ထိ, အနာဂတော သမ္မာသမ္ဗုဒ္ဓေါ အတ္ထိ, ပစ္စုပ္ပန္နော သမ္မာသမ္ဗုဒ္ဓေါ အတ္ထီတိ? အာမန္တာ။ တိဏ္ဏန္နံ သမ္မာသမ္ဗုဒ္ဓါနံ သမ္မုခီဘာဝေါ ဟောတီတိ? န ဟေဝံ ဝတ္တဗ္ဗေ ။ပ။
ပဒသောဓနကထာ
֍ ဋ္ဌ ၂၉၅။ အတီတံ အတ္ထီတိ? အာမန္တာ။ အတ္ထိ အတီတန္တိ? အတ္ထိ သိယာ အတီတံ, သိယာ နွာတီတန္တိ။
အာဇာနာဟိ နိဂ္ဂဟံ။ ဟဉ္စိ အတီတံ အတ္ထိ, အတ္ထိ သိယာ အတီတံ, သိယာ နွာတီတံ, တေနာတီတံ နွာတီတံ, နွာတီတံ အတီတန္တိ။ ယံ တတ္ထ
(အဘိ၊က၊၁၁၁။)ဝဒေသိ – ‘‘ဝတ္တဗ္ဗေ ခေါ – ‘အတီတံ အတ္ထိ အတ္ထိ သိယာ အတီတံ, သိယာ နွာတီတံ, တေနာတီတံ နွာတီတံ, နွာတီတံ အတီတ’’’န္တိ မိစ္ဆာ။
နော စေ ပန အတီတံ နွာတီတံ နွာတီတံ အတီတန္တိ, နော စ ဝတ ရေ ဝတ္တဗ္ဗေ – ‘‘အတီတံ အတ္ထိ အတ္ထိ သိယာ အတီတံ, သိယာ နွာတီတ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အတီတံ အတ္ထိ အတ္ထိ သိယာ အတီတံ, သိယာ နွာတီတံ, တေနာတီတံ နွာတီတံ, နွာတီတံ အတီတ’’’န္တိ မိစ္ဆာ။
အနာဂတံ အတ္ထီတိ? အာမန္တာ။ အတ္ထိ အနာဂတန္တိ? အတ္ထိ သိယာ အနာဂတံ, သိယာ နွာနာဂတန္တိ။
အာဇာနာဟိ နိဂ္ဂဟံ။ ဟဉ္စိ အနာဂတံ အတ္ထိ အတ္ထိ သိယာ အနာဂတံ သိယာ နွာနာဂတံ, တေနာနာဂတံ နွာနာဂတံ, နွာနာဂတံ အနာဂတန္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အနာဂတံ အတ္ထိ အတ္ထိ သိယာ အနာဂတံ, သိယာ နွာနာဂတံ, တေနာနာဂတံ နွာနာဂတံ, နွာနာဂတံ အနာဂတ’’’န္တိ မိစ္ဆာ။
နော စေ ပနာနာဂတံ နွာနာဂတံ နွာနာဂတံ အနာဂတန္တိ, နော စ ဝတ ရေ ဝတ္တဗ္ဗေ – ‘‘အနာဂတံ အတ္ထိ အတ္ထိ သိယာ အနာဂတံ, သိယာ နွာနာဂတ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အနာဂတံ အတ္ထိ အတ္ထိ သိယာ အနာဂတံ, သိယာ နွာနာဂတံ, တေနာနာဂတံ နွာနာဂတံ, နွာနာဂတံ အနာဂတ’’’န္တိ မိစ္ဆာ။
ပစ္စုပ္ပန္နံ အတ္ထီတိ, အာမန္တာ။ အတ္ထိ ပစ္စုပ္ပန္နန္တိ? အတ္ထိ သိယာ ပစ္စုပ္ပန္နံ, သိယာ နော ပစ္စုပ္ပန္နန္တိ။
အာဇာနာဟိ နိဂ္ဂဟံ။ ဟဉ္စိ ပစ္စုပ္ပန္နံ အတ္ထိ အတ္ထိ သိယာ ပစ္စုပ္ပန္နံ, သိယာ နော ပစ္စုပ္ပန္နံ, တေန ပစ္စုပ္ပန္နံ, နော ပစ္စုပ္ပန္နံ, နော ပစ္စုပ္ပန္နံ ပစ္စုပ္ပန္နန္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပစ္စုပ္ပန္နံ အတ္ထိ အတ္ထိ သိယာ ပစ္စုပ္ပန္နံ, သိယာ နော ပစ္စုပ္ပန္နံ, တေန ပစ္စုပ္ပန္နံ နော ပစ္စုပ္ပန္နံ, နော ပစ္စုပ္ပန္နံ ပစ္စုပ္ပန္န’’’န္တိ မိစ္ဆာ။
နော စေ ပန ပစ္စုပ္ပန္နံ နော ပစ္စုပ္ပန္နံ, နော ပစ္စုပ္ပန္နံ ပစ္စုပ္ပန္နန္တိ, နော စ ဝတ ရေ ဝတ္တဗ္ဗေ – ‘‘ပစ္စုပ္ပန္နံ အတ္ထိ အတ္ထိ သိယာ ပစ္စုပ္ပန္နံ, သိယာ နော ပစ္စုပ္ပန္န’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘ပစ္စုပ္ပန္နံ အတ္ထိ အတ္ထိ
(အဘိ၊က၊၁၁၂။)သိယာ ပစ္စုပ္ပန္နံ, သိယာ နော ပစ္စုပ္ပန္နံ, တေန ပစ္စုပ္ပန္နံ နော ပစ္စုပ္ပန္နံ, နော ပစ္စုပ္ပန္နံ ပစ္စုပ္ပန္န’’’န္တိ မိစ္ဆာ။
နိဗ္ဗာနံ အတ္ထီတိ? အာမန္တာ။ အတ္ထိ နိဗ္ဗာနန္တိ? အတ္ထိ သိယာ နိဗ္ဗာနံ သိယာ နော နိဗ္ဗာနန္တိ။
အာဇာနာဟိ နိဂ္ဂဟံ။ ဟဉ္စိ နိဗ္ဗာနံ အတ္ထိ အတ္ထိ သိယာ နိဗ္ဗာနံ, သိယာ နော နိဗ္ဗာနံ, တေန နိဗ္ဗာနံ နော နိဗ္ဗာနံ, နော နိဗ္ဗာနံ နိဗ္ဗာနန္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘နိဗ္ဗာနံ အတ္ထိ အတ္ထိ သိယာ နိဗ္ဗာနံ, သိယာ နော နိဗ္ဗာနံ, တေန နိဗ္ဗာနံ နော နိဗ္ဗာနံ, နော နိဗ္ဗာနံ နိဗ္ဗာန’’’န္တိ မိစ္ဆာ။
နော စေ ပန နိဗ္ဗာနံ နော နိဗ္ဗာနံ, နော နိဗ္ဗာနံ နိဗ္ဗာနန္တိ, နော စ ဝတ ရေ ဝတ္တဗ္ဗေ – ‘‘နိဗ္ဗာနံ အတ္ထိ အတ္ထိ သိယာ နိဗ္ဗာနံ, သိယာ နော နိဗ္ဗာန’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘နိဗ္ဗာနံ အတ္ထိ အတ္ထိ သိယာ နိဗ္ဗာနံ, သိယာ နော နိဗ္ဗာနံ, တေန နိဗ္ဗာနံ နော နိဗ္ဗာနံ, နော နိဗ္ဗာနံ နိဗ္ဗာန’’’န္တိ မိစ္ဆာ။
သုတ္တသာဓနံ
֍ ဋ္ဌ ၂၉၆။ န ဝတ္တဗ္ဗံ – ‘‘အတီတံ အတ္ထိ, အနာဂတံ အတ္ထီ’’တိ? အာမန္တာ။ နနု ဝုတ္တံ ဘဂဝတာ – ‘‘ယံ ကိဉ္စိ, ဘိက္ခဝေ, ရူပံ အတီတာနာဂတပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ ဩဠာရိကံ ဝါ သုခုမံ ဝါ ဟီနံ ဝါ ပဏီတံ ဝါ ယံ ဒူရေ သန္တိကေ ဝါ – အယံ ဝုစ္စတိ ရူပက္ခန္ဓော။ ယာ ကာစိ ဝေဒနာ… ယာ ကာစိ သညာ… ယေ ကေစိ သင်္ခါရာ… ယံ ကိဉ္စိ ဝိညာဏံ အတီတာနာဂတပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ ဩဠာရိကံ ဝါ သုခုမံ ဝါ ဟီနံ ဝါ ပဏီတံ ဝါ ယံ ဒူရေ သန္တိကေ ဝါ – အယံ ဝုစ္စတိ ဝိညာဏက္ခန္ဓော’’တိ [သံ။ နိ။ ၃။၄၈]။ အတ္ထေဝ သုတ္တန္တောတိ? အာမန္တာ။ တေန ဟိ အတီတံ အတ္ထိ, အနာဂတံ အတ္ထီတိ။
အတီတံ အတ္ထိ, အနာဂတံ အတ္ထီတိ? အာမန္တာ။ နနု ဝုတ္တံ ဘဂဝတာ – ‘‘တယောမေ, ဘိက္ခဝေ, နိရုတ္တိပထာ အဓိဝစနပထာ ပညတ္တိပထာ အသင်္ကိဏ္ဏာ အသင်္ကိဏ္ဏပုဗ္ဗာ န သင်္ကိယန္တိ န သင်္ကိယိဿန္တိ အပ္ပဋိကုဋ္ဌာ သမဏေဟိ ဗြာဟ္မဏေဟိ ဝိညူဟိ။ ကတမေ တယော? ယံ, ဘိက္ခဝေ, ရူပံ အတီတံ နိရုဒ္ဓံ ဝိဂတံ ဝိပရိဏတံ ‘အဟောသီ’တိ တဿ သင်္ခါ, ‘အဟောသီ’တိ တဿ သမညာ, ‘အဟောသီ’တိ တဿ ပညတ္တိ၊ န တဿ သင်္ခါ ‘အတ္ထီ’တိ, န တဿ သင်္ခါ ‘ဘဝိဿတီ’တိ။ ယာ ဝေဒနာ…ပေ… ယာ သညာ… ယေ သင်္ခါရာ… ယံ
(အဘိ၊က၊၁၁၃။)ဝိညာဏံ အတီတံ နိရုဒ္ဓံ ဝိဂတံ ဝိပရိဏတံ ‘အဟောသီ’တိ တဿ သင်္ခါ, ‘အဟောသီ’တိ တဿ သမညာ, ‘အဟောသီ’တိ တဿ ပညတ္တိ၊ န တဿ သင်္ခါ ‘အတ္ထီ’တိ, န တဿ သင်္ခါ ‘ဘဝိဿတီ’တိ။
‘‘ယံ, ဘိက္ခဝေ, ရူပံ အဇာတံ အပါတုဘူတံ ‘ဘဝိဿတီ’တိ တဿ သင်္ခါ, ‘ဘဝိဿတီ’တိ တဿ သမညာ, ‘ဘဝိဿတီ’တိ တဿ ပညတ္တိ၊ န တဿ သင်္ခါ ‘အတ္ထီ’တိ, န တဿ သင်္ခါ ‘အဟောသီ’တိ။ ယာ ဝေဒနာ ။ပ။ ယာ သညာ… ယေ သင်္ခါရာ… ယံ ဝိညာဏံ အဇာတံ အပါတုဘူတံ ‘ဘဝိဿတီ’တိ တဿ သင်္ခါ, ‘ဘဝိဿတီ’တိ တဿ သမညာ, ‘ဘဝိဿတီ’တိ တဿ ပညတ္တိ၊ န တဿ သင်္ခါ ‘အတ္ထီ’တိ, န တဿ သင်္ခါ ‘အဟောသီ’တိ။
‘‘ယံ, ဘိက္ခဝေ, ရူပံ ဇာတံ ပါတုဘူတံ ‘အတ္ထီ’တိ တဿ သင်္ခါ, ‘အတ္ထီ’တိ တဿ သမညာ, ‘အတ္ထီ’တိ တဿ ပညတ္တိ၊ န တဿ သင်္ခါ ‘အဟောသီ’တိ, န တဿ သင်္ခါ ‘ဘဝိဿတီ’တိ။ ယာ ဝေဒနာ ။ပ။ ယာ သညာ… ယေ သင်္ခါရာ… ယံ ဝိညာဏံ ဇာတံ ပါတုဘူတံ ‘အတ္ထီ’တိ တဿ သင်္ခါ, ‘အတ္ထီ’တိ တဿ သမညာ, ‘အတ္ထီ’တိ တဿ ပညတ္တိ၊ န တဿ သင်္ခါ ‘အဟောသီ’တိ, န တဿ သင်္ခါ ‘ဘဝိဿတီ’တိ။ ဣမေ ခေါ, ဘိက္ခဝေ, တယော နိရုတ္တိပထာ အဓိဝစနပထာ ပညတ္တိပထာ အသင်္ကိဏ္ဏာ အသင်္ကိဏ္ဏပုဗ္ဗာ န သင်္ကိယန္တိ န သင်္ကိယိဿန္တိ အပ္ပဋိကုဋ္ဌာ သမဏေဟိ ဗြာဟ္မဏေဟိ ဝိညူဟိ။
‘‘ယေပိ တေ, ဘိက္ခဝေ, အဟေသုံ ဥက္ကလာ ဝဿဘညာ အဟေတုကဝါဒါ အကိရိယဝါဒါ နတ္ထိကဝါဒါ, တေပိမေ တယော နိရုတ္တိပထေ အဓိဝစနပထေ ပညတ္တိပထေ န ဂရဟိတဗ္ဗံ န ပဋိက္ကောသိတဗ္ဗံ အမညိံသု။ တံ ကိဿ ဟေတု? နိန္ဒာဗျာရောသဥပါရမ္ဘဘယာ’’တိ [သံယုတ္တနိကာယေ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတီတံ အတ္ထိ, အနာဂတံ အတ္ထီ’’တိ။
အတီတံ အတ္ထီတိ? အာမန္တာ။ နနု အာယသ္မာ ဖဂ္ဂုနော ဘဂဝန္တံ ဧတဒဝေါစ – ‘‘အတ္ထိ နု ခေါ တံ, ဘန္တေ, စက္ခုံ ယေန စက္ခုနာ အတီတေ ဗုဒ္ဓေ ပရိနိဗ္ဗုတေ ဆိန္နပပဉ္စေ ဆိန္နဝဋုမေ ပရိယာဒိန္နဝဋ္ဋေ သဗ္ဗဒုက္ခဝီတိဝတ္တေ ပညာပယမာနော ပညာပေယျာတိ။ အတ္ထိ နု ခေါ သာ, ဘန္တေ, ဇိဝှါ ။ပ။ အတ္ထိ နု ခေါ သော, ဘန္တေ, မနော ယေန မနေန အတီတေ ဗုဒ္ဓေ ပရိနိဗ္ဗုတေ ဆိန္နပပဉ္စေ ဆိန္နဝဋုမေ ပရိယာဒိန္နဝဋ္ဋေ သဗ္ဗဒုက္ခဝီတိဝတ္တေ ပညာပယမာနော ပညာပေယျာ’’တိ။
(အဘိ၊က၊၁၁၄။)‘‘နတ္ထိ ခေါ တံ, ဖဂ္ဂုန, စက္ခုံ ယေန စက္ခုနာ အတီတေ ဗုဒ္ဓေ ပရိနိဗ္ဗုတေ ဆိန္နပပဉ္စေ ဆိန္နဝဋုမေ ပရိယာဒိန္နဝဋ္ဋေ သဗ္ဗဒုက္ခဝီတိဝတ္တေ ပညာပယမာနော ပညာပေယျ။ နတ္ထိ ခေါ သာ, ဖဂ္ဂုန, ဇိဝှါ ။ပ။ နတ္ထိ နု ခေါ သော, ဖဂ္ဂုန, မနော ယေန မနေန အတီတေ ဗုဒ္ဓေ ပရိနိဗ္ဗုတေ ဆိန္နပပဉ္စေ ဆိန္နဝဋုမေ ပရိယာဒိန္နဝဋ္ဋေ သဗ္ဗဒုက္ခဝီတိဝတ္တေ ပညာပယမာနော ပညာပေယျာ’’တိ [သံ။ နိ။ ၄။၈၃]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတီတံ အတ္ထီ’’တိ။
အတီတံ အတ္ထီတိ? အာမန္တာ။ နနု အာယသ္မာ နန္ဒကော ဧတဒဝေါစ – ‘‘အဟု ပုဗ္ဗေ လောဘော တဒဟု အကုသလံ, သော ဧတရဟိ နတ္ထိ, ဣစ္စေတံ ကုသလံ။ အဟု ပုဗ္ဗေ ဒေါသော… အဟု ပုဗ္ဗေ မောဟော, တဒဟု အကုသလံ, သော ဧတရဟိ နတ္ထိ, ဣစ္စေတံ ကုသလ’’န္တိ [အင်္ဂုတ္တရနိကာယေ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတီတံ အတ္ထီ’’တိ။
န ဝတ္တဗ္ဗံ – ‘‘အနာဂတံ အတ္ထီ’’တိ? အာမန္တာ။ နနု ဝုတ္တံ ဘဂဝတာ – ‘‘ကဗဠီကာရေ စေ, ဘိက္ခဝေ, အာဟာရေ အတ္ထိ ရာဂေါ, အတ္ထိ နန္ဒီ, အတ္ထိ တဏှာ၊ ပတိဋ္ဌိတံ တတ္ထ ဝိညာဏံ ဝိရူဠှံ။ ယတ္ထ ပတိဋ္ဌိတံ ဝိညာဏံ ဝိရူဠှံ, အတ္ထိ တတ္ထ နာမရူပဿ အဝက္ကန္တိ။ ယတ္ထ အတ္ထိ နာမရူပဿ အဝက္ကန္တိ, အတ္ထိ တတ္ထ သင်္ခါရာနံ ဝုဒ္ဓိ။ ယတ္ထ အတ္ထိ သင်္ခါရာနံ ဝုဒ္ဓိ, အတ္ထိ တတ္ထ အာယတိံ ပုနဗ္ဘဝါဘိနိဗ္ဗတ္တိ။ ယတ္ထ အတ္ထိ အာယတိံ ပုနဗ္ဘဝါဘိနိဗ္ဗတ္တိ, အတ္ထိ တတ္ထ အာယတိံ ဇာတိဇရာမရဏံ။ ယတ္ထ အတ္ထိ အာယတိံ ဇာတိဇရာမရဏံ, သသောကံ တံ, ဘိက္ခဝေ, သရဇံ [သဒရံ (သံ။ နိ။ ၂။၆၄) တဒေဝ ယုတ္တတရံ] သဥပါယာသန္တိ ဝဒါမိ။
‘‘ဖဿေ စေ, ဘိက္ခဝေ, အာဟာရေ… မနောသဉ္စေတနာယ စေ, ဘိက္ခဝေ, အာဟာရေ… ဝိညာဏေ စေ, ဘိက္ခဝေ, အာဟာရေ အတ္ထိ ရာဂေါ, အတ္ထိ နန္ဒီ…ပေ… သရဇံ သဥပါယာသန္တိ ဝဒါမီ’’တိ [သံ။ နိ။ ၂။၆၄]။ အတ္ထေဝ သုတ္တန္တောတိ? အာမန္တာ။ တေန ဟိ အနာဂတံ အတ္ထီတိ။
အနာဂတံ အတ္ထီတိ? အာမန္တာ။ နနု ဝုတ္တံ ဘဂဝတာ – ‘‘ကဗဠီကာရေ စေ, ဘိက္ခဝေ, အာဟာရေ နတ္ထိ ရာဂေါ, နတ္ထိ နန္ဒီ, နတ္ထိ တဏှာ၊ အပ္ပတိဋ္ဌိတံ တတ္ထ ဝိညာဏံ အဝိရူဠှံ။ ယတ္ထ ဝိညာဏံ အပ္ပတိဋ္ဌိတံ အဝိရူဠှံ, နတ္ထိ တတ္ထ နာမရူပဿ အဝက္ကန္တိ။ ယတ္ထ နတ္ထိ နာမရူပဿ အဝက္ကန္တိ, နတ္ထိ တတ္ထ သင်္ခါရာနံ ဝုဒ္ဓိ။ ယတ္ထ နတ္ထိ သင်္ခါရာနံ ဝုဒ္ဓိ, နတ္ထိ တတ္ထ အာယတိံ ပုနဗ္ဘဝါဘိနိဗ္ဗတ္တိ။
(အဘိ၊က၊၁၁၅။)ယတ္ထ နတ္ထိ အာယတိံ ပုနဗ္ဘဝါဘိနိဗ္ဗတ္တိ, နတ္ထိ တတ္ထ အာယတိံ ဇာတိဇရာမရဏံ။ ယတ္ထ နတ္ထိ အာယတိံ ဇာတိဇရာမရဏံ, အသောကံ တံ, ဘိက္ခဝေ, အရဇံ အနုပါယာသန္တိ ဝဒါမိ။
‘‘ဖဿေ စေ, ဘိက္ခဝေ, အာဟာရေ… မနောသဉ္စေတနာယ စေ, ဘိက္ခဝေ, အာဟာရေ… ဝိညာဏေ စေ, ဘိက္ခဝေ, အာဟာရေ နတ္ထိ ရာဂေါ, နတ္ထိ နန္ဒီ ။ပ။ အရဇံ အနုပါယာသန္တိ ဝဒါမီ’’တိ [သံ။ နိ။ ၂။၆၄]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အနာဂတံ အတ္ထီ’’တိ။
သဗ္ဗမတ္ထီတိကထာ နိဋ္ဌိတာ။
၆။ အတီတက္ခန္ဓာဒိကထာ
၁။ နသုတ္တသာဓန
֍ ဋ္ဌ ၂၉၇။ အတီတံ ခန္ဓာတိ? အာမန္တာ။ အတီတံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ အာယတနန္တိ? အာမန္တာ။ အတီတံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဓာတူတိ? အာမန္တာ။ အတီတံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ခန္ဓာ ဓာတု အာယတနန္တိ [ခန္ဓဓာတုအာယတနန္တိ (သျာ။)]? အာမန္တာ။ အတီတံ အတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ခန္ဓာတိ? အာမန္တာ။ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ အာယတနန္တိ? အာမန္တာ။ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ဓာတူတိ? အာမန္တာ။ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ခန္ဓာ ဓာတု အာယတနန္တိ? အာမန္တာ။ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ခန္ဓာ ပစ္စုပ္ပန္နံ အတ္ထီတိ? အာမန္တာ။ အတီတံ ခန္ဓာ အတီတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ အာယတနံ ပစ္စုပ္ပန္နံ အတ္ထီတိ? အာမန္တာ။ အတီတံ အာယတနံ အတီတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဓာတု ပစ္စုပ္ပန္နံ အတ္ထီတိ? အာမန္တာ။ အတီတံ ဓာတု အတီတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ခန္ဓာ ဓာတု အာယတနံ ပစ္စုပ္ပန္နံ အတ္ထီတိ? အာမန္တာ။ အတီတံ ခန္ဓာ ဓာတု အာယတနံ အတီတံ အတ္ထီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၁၆။)ပစ္စုပ္ပန္နံ ခန္ဓာ ပစ္စုပ္ပန္နံ အတ္ထီတိ? အာမန္တာ။ အနာဂတံ ခန္ဓာ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ အာယတနံ ပစ္စုပ္ပန္နံ အတ္ထီတိ? အာမန္တာ။ အနာဂတံ အာယတနံ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဓာတု ပစ္စုပ္ပန္နံ အတ္ထီတိ? အာမန္တာ။ အနာဂတံ ဓာတု အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ခန္ဓာ ဓာတု အာယတနံ ပစ္စုပ္ပန္နံ အတ္ထီတိ? အာမန္တာ။ အနာဂတံ ခန္ဓာ ဓာတု အာယတနံ အနာဂတံ အတ္ထီတိ? န ဟေဝံ ဝတ္တဗ္ဗေ ။ပ။
အတီတံ ခန္ဓာ အတီတံ နတ္ထီတိ? အာမန္တာ။ ပစ္စုပ္ပန္နံ ခန္ဓာ ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ အာယတနံ အတီတံ နတ္ထီတိ? အာမန္တာ။ ပစ္စုပ္ပန္နံ အာယတနံ ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဓာတု အတီတံ နတ္ထီတိ? အာမန္တာ။ ပစ္စုပ္ပန္နံ ဓာတု ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ခန္ဓာ ဓာတု အာယတနံ အတီတံ နတ္ထီတိ? အာမန္တာ။ ပစ္စုပ္ပန္နံ ခန္ဓာ ဓာတု အာယတနံ ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ခန္ဓာ အနာဂတံ နတ္ထီတိ? အာမန္တာ။ ပစ္စုပ္ပန္နံ ခန္ဓာ ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ အာယတနံ ။ပ။ အနာဂတံ ဓာတု ။ပ။ အနာဂတံ ခန္ဓာ ဓာတု အာယတနံ အနာဂတံ နတ္ထီတိ? အာမန္တာ။ ပစ္စုပ္ပန္နံ ခန္ဓာ ဓာတု အာယတနံ ပစ္စုပ္ပန္နံ နတ္ထီတိ? န ဟေဝံ ဝတ္တဗ္ဗေ ။ပ။
အတီတံ ရူပံ ခန္ဓောတိ? အာမန္တာ။ အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ရူပံ အာယတနန္တိ? အာမန္တာ။ အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ရူပံ ဓာတူတိ? အာမန္တာ။ အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ရူပံ ခန္ဓာ ဓာတု အာယတနန္တိ? အာမန္တာ။ အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ရူပံ ခန္ဓောတိ? အာမန္တာ။ အနာဂတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ရူပံ အာယတနံ ။ပ။ အနာဂတံ ရူပံ ဓာတု ။ပ။ အနာဂတံ ရူပံ ခန္ဓာ ဓာတု အာယတနန္တိ? အာမန္တာ။ အနာဂတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ရူပံ ခန္ဓော ပစ္စုပ္ပန္နံ ရူပံ အတ္ထီတိ? အာမန္တာ။ အတီတံ ရူပံ ခန္ဓော အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ရူပံ အာယတနံ ။ပ။ ပစ္စုပ္ပန္နံ ရူပံ ဓာတု ။ပ။ ပစ္စုပ္ပန္နံ ရူပံ ခန္ဓာ ဓာတု အာယတနံ ပစ္စုပ္ပန္နံ ရူပံ အတ္ထီတိ? အာမန္တာ။ အတီတံ ရူပံ ခန္ဓာ ဓာတု အာယတနံ အတီတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၁၇။)ပစ္စုပ္ပန္နံ ရူပံ ခန္ဓော ပစ္စုပ္ပန္နံ ရူပံ အတ္ထီတိ? အာမန္တာ။ အနာဂတံ ရူပံ ခန္ဓော အနာဂတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ရူပံ အာယတနံ ။ပ။ ပစ္စုပ္ပန္နံ ရူပံ ဓာတု ။ပ။ ပစ္စုပ္ပန္နံ ရူပံ ခန္ဓာ ဓာတု အာယတနံ ပစ္စုပ္ပန္နံ ရူပံ အတ္ထီတိ? အာမန္တာ။ အနာဂတံ ရူပံ ခန္ဓာ ဓာတု အာယတနံ အနာဂတံ ရူပံ အတ္ထီတိ? န ဟေဝံ ဝတ္တဗ္ဗေ ။ပ။
အတီတံ ရူပံ ခန္ဓော အတီတံ ရူပံ နတ္ထီတိ? အာမန္တာ။ ပစ္စုပ္ပန္နံ ရူပံ ခန္ဓော ပစ္စုပ္ပန္နံ ရူပံ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ရူပံ အာယတနံ ။ပ။ အတီတံ ရူပံ ဓာတု ။ပ။ အတီတံ ရူပံ ခန္ဓာ ဓာတု အာယတနံ အတီတံ ရူပံ နတ္ထီတိ? အာမန္တာ။ ပစ္စုပ္ပန္နံ ရူပံ ခန္ဓာ ဓာတု အာယတနံ ပစ္စုပ္ပန္နံ ရူပံ နတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ရူပံ ခန္ဓော အနာဂတံ ရူပံ နတ္ထီတိ? အာမန္တာ။ ပစ္စုပ္ပန္နံ ရူပံ ခန္ဓော ပစ္စုပ္ပန္နံ ရူပံ နတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ရူပံ အာယတနံ ။ပ။ အနာဂတံ ရူပံ ဓာတု ။ပ။ အနာဂတံ ရူပံ ခန္ဓာ ဓာတု အာယတနံ အနာဂတံ ရူပံ နတ္ထီတိ? အာမန္တာ။ ပစ္စုပ္ပန္နံ ရူပံ ခန္ဓာ ဓာတု အာယတနံ ပစ္စုပ္ပန္နံ ရူပံ နတ္ထီတိ? န ဟေဝံ ဝတ္တဗ္ဗေ ။ပ။
အတီတာ ဝေဒနာ… အတီတာ သညာ… အတီတာ သင်္ခါရာ… အတီတံ ဝိညာဏံ ခန္ဓောတိ? အာမန္တာ။ အတီတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဝိညာဏံ အာယတနံ ။ပ။ အတီတံ ဝိညာဏံ ဓာတု ။ပ။ အတီတံ ဝိညာဏံ ခန္ဓာ ဓာတု အာယတနန္တိ? အာမန္တာ။ အတီတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ဝိညာဏံ ခန္ဓောတိ? အာမန္တာ။ အနာဂတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ဝိညာဏံ အာယတနံ ။ပ။ အနာဂတံ ဝိညာဏံ ဓာတု ။ပ။ အနာဂတံ ဝိညာဏံ ခန္ဓာ ဓာတု အာယတနန္တိ? အာမန္တာ။ အနာဂတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ဝိညာဏံ ခန္ဓော ပစ္စုပ္ပန္နံ ဝိညာဏံ အတ္ထီတိ? အာမန္တာ။ အတီတံ ဝိညာဏံ ခန္ဓော အတီတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဝိညာဏံ အာယတနံ ။ပ။ ပစ္စုပ္ပန္နံ ဝိညာဏံ ဓာတု ။ပ။ ပစ္စုပ္ပန္နံ ဝိညာဏံ ခန္ဓာ ဓာတု အာယတနံ ပစ္စုပ္ပန္နံ ဝိညာဏံ အတ္ထီတိ? အာမန္တာ။ အတီတံ ဝိညာဏံ ခန္ဓာ ဓာတု အာယတနံ အတီတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၁၈။)ပစ္စုပ္ပန္နံ ဝိညာဏံ ခန္ဓော ပစ္စုပ္ပန္နံ ဝိညာဏံ အတ္ထီတိ? အာမန္တာ။ အနာဂတံ ဝိညာဏံ ခန္ဓော အနာဂတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။ ပစ္စုပ္ပန္နံ ဝိညာဏံ အာယတနံ ။ပ။ ပစ္စုပ္ပန္နံ ဝိညာဏံ ဓာတု ။ပ။ ပစ္စုပ္ပန္နံ ဝိညာဏံ ခန္ဓာ ဓာတု အာယတနံ ပစ္စုပ္ပန္နံ ဝိညာဏံ အတ္ထီတိ? အာမန္တာ။ အနာဂတံ ဝိညာဏံ ခန္ဓာ ဓာတု အာယတနံ အနာဂတံ ဝိညာဏံ အတ္ထီတိ? န ဟေဝံ ဝတ္တဗ္ဗေ ။ပ။
အတီတံ ဝိညာဏံ ခန္ဓော အတီတံ ဝိညာဏံ နတ္ထီတိ? အာမန္တာ။ ပစ္စုပ္ပန္နံ ဝိညာဏံ ခန္ဓော ပစ္စုပ္ပန္နံ ဝိညာဏံ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဝိညာဏံ အာယတနံ ။ပ။ အတီတံ ဝိညာဏံ ဓာတု ။ပ။ အတီတံ ဝိညာဏံ ခန္ဓာ ဓာတု အာယတနံ အတီတံ ဝိညာဏံ နတ္ထီတိ? အာမန္တာ။ ပစ္စုပ္ပန္နံ ဝိညာဏံ ခန္ဓာ ဓာတု အာယတနံ ပစ္စုပ္ပန္နံ ဝိညာဏံ နတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ဝိညာဏံ ခန္ဓော အနာဂတံ ဝိညာဏံ နတ္ထီတိ? အာမန္တာ။ ပစ္စုပ္ပန္နံ ဝိညာဏံ ခန္ဓော ပစ္စုပ္ပန္နံ ဝိညာဏံ နတ္ထီတိ? န ဟေဝံ ဝတ္တဗ္ဗေ ။ပ။ အနာဂတံ ဝိညာဏံ အာယတနံ ။ပ။ အနာဂတံ ဝိညာဏံ ဓာတု ။ပ။ အနာဂတံ ဝိညာဏံ ခန္ဓာ ဓာတု အာယတနံ အနာဂတံ ဝိညာဏံ နတ္ထီတိ? အာမန္တာ။ ပစ္စုပ္ပန္နံ ဝိညာဏံ ခန္ဓာ ဓာတု အာယတနံ ပစ္စုပ္ပန္နံ ဝိညာဏံ နတ္ထီတိ? န ဟေဝံ ဝတ္တဗ္ဗေ ။ပ။
၂။ သုတ္တသာဓနံ
֍ ဋ္ဌ ၂၉၈။ န ဝတ္တဗ္ဗံ – ‘‘အတီတာနာဂတာ ခန္ဓာ ဓာတု အာယတနံ နတ္ထိ စေတေ’’တိ? အာမန္တာ။ နနု ဝုတ္တံ ဘဂဝတာ – ‘‘တယောမေ, ဘိက္ခဝေ, နိရုတ္တိပထာ အဓိဝစနပထာ ပညတ္တိ ။ပ။ ဝိညူဟီတိ ။ပ။ ’’။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတီတာနာဂတာ ခန္ဓာ ဓာတု အာယတနံ နတ္ထိ စေတေ’’တိ။
အတီတာနာဂတာ ခန္ဓာ ဓာတု အာယတနံ နတ္ထိ စေတေတိ? အာမန္တာ။ နနု ဝုတ္တံ ဘဂဝတာ – ‘‘ယံ ကိဉ္စိ, ဘိက္ခဝေ, ရူပံ အတီတာနာဂတပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ ဩဠာရိကံ ဝါ သုခုမံ ဝါ ဟီနံ ဝါ ပဏီတံ ဝါ ယံ ဒူရေ သန္တိကေ ဝါ, အယံ ဝုစ္စတိ ရူပက္ခန္ဓော။ ယာ ကာစိ ဝေဒနာ… ယာ ကာစိ သညာ… ယေ ကေစိ သင်္ခါရာ… ယံ ကိဉ္စိ ဝိညာဏံ အတီတာနာဂတပစ္စုပ္ပန္နံ ။ပ။ အယံ ဝုစ္စတိ ဝိညာဏက္ခန္ဓော’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတီတာနာဂတာ ခန္ဓာ ဓာတု အာယတနံ နတ္ထိ စေတေ’’တိ။
အတီတက္ခန္ဓာဒိကထာ နိဋ္ဌိတာ။
(အဘိ၊က၊၁၁၉။)၇။ ဧကစ္စံ အတ္ထီတိကထာ
၁။ အတီတာဒိဧကစ္စကထာ
֍ ဋ္ဌ ၂၉၉။ အတီတံ အတ္ထီတိ? ဧကစ္စံ အတ္ထိ, ဧကစ္စံ နတ္ထီတိ။ ဧကစ္စံ နိရုဒ္ဓံ, ဧကစ္စံ န နိရုဒ္ဓံ၊ ဧကစ္စံ ဝိဂတံ, ဧကစ္စံ အဝိဂတံ၊ ဧကစ္စံ အတ္ထင်္ဂတံ, ဧကစ္စံ န အတ္ထင်္ဂတံ၊ ဧကစ္စံ အဗ္ဘတ္ထင်္ဂတံ, ဧကစ္စံ န အဗ္ဘတ္ထင်္ဂတန္တိ? န ဟေဝံ ဝတ္တဗ္ဗေ ။ပ။
အတီတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ အတီတာ အဝိပက္ကဝိပါကာ ဓမ္မာ ဧကစ္စေ အတ္ထိ, ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ အတီတာ ဝိပက္ကဝိပါကာ ဓမ္မာ ဧကစ္စေ အတ္ထိ, ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။ အတီတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ အတီတာ အဝိပါကာ ဓမ္မာ ဧကစ္စေ အတ္ထိ ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။
အတီတံ ဧကစ္စံ အတ္ထိ ဧကစ္စံ နတ္ထီတိ? အာမန္တာ။ ကိံ အတ္ထိ ကိံ နတ္ထီတိ? အတီတာ အဝိပက္ကဝိပါကာ ဓမ္မာ – တေ အတ္ထိ၊ အတီတာ ဝိပက္ကဝိပါကာ ဓမ္မာ – တေ နတ္ထီတိ။ အတီတာ အဝိပက္ကဝိပါကာ ဓမ္မာ – တေ အတ္ထီတိ? အာမန္တာ။ အတီတာ ဝိပက္ကဝိပါကာ ဓမ္မာ – တေ အတ္ထီတိ? န ဟေဝံ ဝတ္တဗ္ဗေ…ပေ… အတီတာ အဝိပက္ကဝိပါကာ ဓမ္မာ – တေ အတ္ထီတိ? အာမန္တာ။ အတီတာ အဝိပါကာ ဓမ္မာ – တေ အတ္ထီတိ [အတီတာ အဝိပက္ကဝိပါကာ ဓမ္မာ တေ နတ္ထီတိ (က။)]? န ဟေဝံ ဝတ္တဗ္ဗေ ။ပ။
အတီတာ ဝိပက္ကဝိပါကာ ဓမ္မာ – တေ နတ္ထီတိ? အာမန္တာ။ အတီတာ အဝိပက္ကဝိပါကာ ဓမ္မာ – တေ နတ္ထီတိ? န ဟေဝံ ဝတ္တဗ္ဗေ ။ပ။
အတီတာ အဝိပါကာ [ဝိပက္ကဝိပါကာ (သျာ။), အဝိပက္ကဝိပါကာ (က။)] ဓမ္မာ – တေ နတ္ထီတိ? အာမန္တာ။ အတီတာ အဝိပက္ကဝိပါကာ [အဝိပါကာ (သျာ။)] ဓမ္မာ – တေ နတ္ထီတိ? န ဟေဝံ ဝတ္တဗ္ဗေ ။ပ။
အတီတာ အဝိပက္ကဝိပါကာ ဓမ္မာ – တေ အတ္ထီတိ? အာမန္တာ။ နနု အတီတာ အဝိပက္ကဝိပါကာ ဓမ္မာ နိရုဒ္ဓါတိ? အာမန္တာ။ ဟဉ္စိ အတီတာ အဝိပက္ကဝိပါကာ ဓမ္မာ နိရုဒ္ဓါ, နော စ ဝတ ရေ ဝတ္တဗ္ဗေ – ‘‘အတီတာ အဝိပက္ကဝိပါကာ ဓမ္မာ – တေ [ဓမ္မာ နိရုဒ္ဓါ တေ (သျာ။ က။)] အတ္ထီ’’တိ။
(အဘိ၊က၊၁၂၀။)အတီတာ အဝိပက္ကဝိပါကာ ဓမ္မာ နိရုဒ္ဓါ – တေ အတ္ထီတိ? အာမန္တာ။ အတီတာ ဝိပက္ကဝိပါကာ ဓမ္မာ နိရုဒ္ဓါ – တေ အတ္ထီတိ? န ဟေဝံ ဝတ္တဗ္ဗေ ။ပ။ အတီတာ အဝိပက္ကဝိပါကာ ဓမ္မာ နိရုဒ္ဓါ – တေ အတ္ထီတိ? အာမန္တာ။ အတီတာ အဝိပါကာ [အဝိပက္ကဝိပါကာ (သီ။ က။)] ဓမ္မာ နိရုဒ္ဓါ – တေ အတ္ထီတိ? န ဟေဝံ ဝတ္တဗ္ဗေ ။ပ။
အတီတာ ဝိပက္ကဝိပါကာ ဓမ္မာ နိရုဒ္ဓါ – တေ နတ္ထီတိ? အာမန္တာ။ အတီတာ အဝိပက္ကဝိပါကာ ဓမ္မာ နိရုဒ္ဓါ – တေ နတ္ထီတိ? န ဟေဝံ ဝတ္တဗ္ဗေ ။ပ။
အတီတာ အဝိပါကာ [ဝိပက္ကဝိပါကာ (သျာ။), အဝိပက္ကဝိပါကာ (က။)] ဓမ္မာ နိရုဒ္ဓါ – တေ နတ္ထီတိ? အာမန္တာ။ အတီတာ အဝိပက္ကဝိပါကာ [အဝိပါကာ (သျာ။)] ဓမ္မာ နိရုဒ္ဓါ – တေ နတ္ထီတိ? န ဟေဝံ ဝတ္တဗ္ဗေ ။ပ။
အတီတာ အဝိပက္ကဝိပါကာ ဓမ္မာ နိရုဒ္ဓါ – တေ အတ္ထီတိ? အာမန္တာ။ အတီတာ ဝိပက္ကဝိပါကာ ဓမ္မာ နိရုဒ္ဓါ – တေ နတ္ထီတိ? အာမန္တာ။ အတီတာ ဧကဒေသံ ဝိပက္ကဝိပါကာ ဓမ္မာ ဧကဒေသံ အဝိပက္ကဝိပါကာ ဓမ္မာ နိရုဒ္ဓါ – တေ ဧကစ္စေ အတ္ထိ ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘အတီတာ အဝိပက္ကဝိပါကာ ဓမ္မာ – တေ အတ္ထီ’’တိ? အာမန္တာ။ နနု အတီတာ အဝိပက္ကဝိပါကာ ဓမ္မာ ဝိပစ္စိဿန္တီတိ? အာမန္တာ။ ဟဉ္စိ အတီတာ အဝိပက္ကဝိပါကာ ဓမ္မာ ဝိပစ္စိဿန္တိ, တေန ဝတ ရေ ဝတ္တဗ္ဗေ – ‘‘အတီတာ အဝိပက္ကဝိပါကာ ဓမ္မာ – တေ အတ္ထီ’’တိ။
အတီတာ အဝိပက္ကဝိပါကာ ဓမ္မာ ဝိပစ္စိဿန္တီတိ ကတွာ တေ အတ္ထီတိ? အာမန္တာ။ ဝိပစ္စိဿန္တီတိ ကတွာ ပစ္စုပ္ပန္နာတိ? န ဟေဝံ ဝတ္တဗ္ဗေ ။ပ။ ဝိပစ္စိဿန္တီတိ ကတွာ ပစ္စုပ္ပန္နာတိ? အာမန္တာ။ ပစ္စုပ္ပန္နာ ဓမ္မာ နိရုဇ္ဈိဿန္တီတိ ကတွာ တေ နတ္ထီတိ? န ဟေဝံ ဝတ္တဗ္ဗေ ။ပ။
၂။ အနာဂတာဒိဧကစ္စကထာ
֍ ဋ္ဌ ၃၀၀။ အနာဂတံ အတ္ထီတိ? ဧကစ္စံ အတ္ထိ, ဧကစ္စံ နတ္ထီတိ။ ဧကစ္စံ ဇာတံ, ဧကစ္စံ အဇာတံ၊ ဧကစ္စံ သဉ္ဇာတံ, ဧကစ္စံ အသဉ္ဇာတံ၊ ဧကစ္စံ နိဗ္ဗတ္တံ, ဧကစ္စံ အနိဗ္ဗတ္တံ၊ ဧကစ္စံ ပါတုဘူတံ, ဧကစ္စံ အပါတုဘူတန္တိ? န ဟေဝံ ဝတ္တဗ္ဗေ ။ပ။
အနာဂတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ အနာဂတာ ဥပ္ပါဒိနော ဓမ္မာ ဧကစ္စေ အတ္ထိ, ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၂၁။)အနာဂတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ အနာဂတာ အနုပ္ပါဒိနော ဓမ္မာ ဧကစ္စေ အတ္ထိ, ဧကစ္စေ နတ္ထီတိ? န ဟေဝံ ဝတ္တဗ္ဗေ ။ပ။
အနာဂတံ ဧကစ္စံ အတ္ထိ, ဧကစ္စံ နတ္ထီတိ? အာမန္တာ။ ကိံ အတ္ထိ, ကိံ နတ္ထီတိ? အနာဂတာ ဥပ္ပါဒိနော ဓမ္မာ – တေ အတ္ထိ၊ အနာဂတာ အနုပ္ပါဒိနော ဓမ္မာ – တေ နတ္ထီတိ။ အနာဂတာ ဥပ္ပါဒိနော ဓမ္မာ – တေ အတ္ထီတိ? အာမန္တာ။ အနာဂတာ အနုပ္ပါဒိနော ဓမ္မာ – တေ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတာ အနုပ္ပါဒိနော ဓမ္မာ – တေ နတ္ထီတိ? အာမန္တာ။ အနာဂတာ ဥပ္ပါဒိနော ဓမ္မာ – တေ နတ္ထီတိ? န ဟေဝံ ဝတ္တဗ္ဗေ ။ပ။
အနာဂတာ ဥပ္ပါဒိနော ဓမ္မာ – တေ အတ္ထီတိ? အာမန္တာ။ နနု အနာဂတာ ဥပ္ပါဒိနော ဓမ္မာ အဇာတာတိ? အာမန္တာ။ ဟဉ္စိ အနာဂတာ ဥပ္ပါဒိနော ဓမ္မာ အဇာတာ, နော စ ဝတ ရေ ဝတ္တဗ္ဗေ – ‘‘အနာဂတာ ဥပ္ပါဒိနော ဓမ္မာ – တေ အတ္ထီ’’တိ။
အနာဂတာ ဥပ္ပါဒိနော ဓမ္မာ အဇာတာ – တေ အတ္ထီတိ? အာမန္တာ။ အနာဂတာ အနုပ္ပါဒိနော ဓမ္မာ အဇာတာ – တေ အတ္ထီတိ? န ဟေဝံ ဝတ္တဗ္ဗေ ။ပ။ အနာဂတာ အနုပ္ပါဒိနော ဓမ္မာ အဇာတာ – တေ နတ္ထီတိ? အာမန္တာ။ အနာဂတာ ဥပ္ပါဒိနော ဓမ္မာ အဇာတာ – တေ နတ္ထီတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘အနာဂတာ ဥပ္ပါဒိနော ဓမ္မာ – တေ အတ္ထီ’’တိ? အာမန္တာ။ နနု အနာဂတာ ဥပ္ပါဒိနော ဓမ္မာ ဥပ္ပဇ္ဇိဿန္တီတိ? အာမန္တာ။ ဟဉ္စိ အနာဂတာ ဥပ္ပါဒိနော ဓမ္မာ ဥပ္ပဇ္ဇိဿန္တိ, တေန ဝတ ရေ ဝတ္တဗ္ဗေ – ‘‘အနာဂတာ ဥပ္ပါဒိနော ဓမ္မာ – တေ အတ္ထီ’’တိ။
အနာဂတာ ဥပ္ပါဒိနော ဓမ္မာ ဥပ္ပဇ္ဇိဿန္တီတိ ကတွာ တေ အတ္ထီတိ? အာမန္တာ။ ဥပ္ပဇ္ဇိဿန္တီတိ ကတွာ ပစ္စုပ္ပန္နာတိ? န ဟေဝံ ဝတ္တဗ္ဗေ ။ပ။ ဥပ္ပဇ္ဇိဿန္တီတိ ကတွာ ပစ္စုပ္ပန္နာတိ? အာမန္တာ။ ပစ္စုပ္ပန္နာ ဓမ္မာ နိရုဇ္ဈိဿန္တီတိ ကတွာ တေ နတ္ထီတိ? န ဟေဝံ ဝတ္တဗ္ဗေ ။ပ။
ဧကစ္စံ အတ္ထီတိကထာ နိဋ္ဌိတာ။
၈။ သတိပဋ္ဌာနကထာ
֍ ဋ္ဌ ၃၀၁။ သဗ္ဗေ ဓမ္မာ သတိပဋ္ဌာနာတိ? အာမန္တာ။ သဗ္ဗေ ဓမ္မာ သတိ သတိန္ဒြိယံ သတိဗလံ သမ္မာသတိ သတိသမ္ဗောဇ္ဈင်္ဂေါ ဧကာယနမဂ္ဂေါ ခယဂါမီ
(အဘိ၊က၊၁၂၂။)ဗောဓဂါမီ အပစယဂါမီ အနာသဝါ အသံယောဇနိယာ အဂန္ထနိယာ အနောဃနိယာ အယောဂနိယာ အနီဝရဏိယာ အပရာမဋ္ဌာ အနုပါဒါနိယာ အသံကိလေသိကာ, သဗ္ဗေ ဓမ္မာ ဗုဒ္ဓါနုဿတိ ဓမ္မာနုဿတိ သံဃာနုဿတိ သီလာနုဿတိ စာဂါနုဿတိ ဒေဝတာနုဿတိ အာနာပါနဿတိ မရဏာနုဿတိ ကာယဂတာသတိ ဥပသမာနုဿတီတိ? န ဟေဝံ ဝတ္တဗ္ဗေ ။ပ။
သဗ္ဗေ ဓမ္မာ သတိပဋ္ဌာနာတိ? အာမန္တာ။ စက္ခာယတနံ သတိပဋ္ဌာနန္တိ? န ဟေဝံ ဝတ္တဗ္ဗေ ။ပ။ စက္ခာယတနံ သတိပဋ္ဌာနန္တိ? အာမန္တာ။ စက္ခာယတနံ သတိ သတိန္ဒြိယံ သတိဗလံ သမ္မာသတိ သတိသမ္ဗောဇ္ဈင်္ဂေါ ဧကာယနမဂ္ဂေါ ခယဂါမီ ဗောဓဂါမီ အပစယဂါမီ အနာသဝံ အသံယောဇနိယံ ။ပ။ အသံကိလေသိကံ, စက္ခာယတနံ ဗုဒ္ဓါနုဿတိ ဓမ္မာနုဿတိ သံဃာနုဿတိ သီလာနုဿတိ စာဂါနုဿတိ ဒေဝတာနုဿတိ အာနာပါနဿတိ မရဏာနုဿတိ ကာယဂတာသတိ ဥပသမာနုဿတီတိ? န ဟေဝံ ဝတ္တဗ္ဗေ ။ပ။ သောတာယတနံ… ဃာနာယတနံ… ဇိဝှါယတနံ… ကာယာယတနံ… ရူပါယတနံ… သဒ္ဒါယတနံ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ… ရာဂေါ… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ… အနောတ္တပ္ပံ သတိပဋ္ဌာနန္တိ? န ဟေဝံ ဝတ္တဗ္ဗေ ။ပ။ အနောတ္တပ္ပံ သတိပဋ္ဌာနန္တိ? အာမန္တာ။ အနောတ္တပ္ပံ သတိ သတိန္ဒြိယံ သတိဗလံ သမ္မာသတိ ။ပ။ ကာယဂတာသတိ ဥပသမာနုဿတီတိ? န ဟေဝံ ဝတ္တဗ္ဗေ ။ပ။
သတိ သတိပဋ္ဌာနာ, သာ စ သတီတိ? အာမန္တာ။ စက္ခာယတနံ သတိပဋ္ဌာနံ, တဉ္စ သတီတိ? န ဟေဝံ ဝတ္တဗ္ဗေ ။ပ။ သတိ သတိပဋ္ဌာနာ, သာ စ သတီတိ? အာမန္တာ။ သောတာယတနံ ။ပ။ ကာယာယတနံ… ရူပါယတနံ ။ပ။ ဖောဋ္ဌဗ္ဗာယတနံ… ရာဂေါ… ဒေါသော… မောဟော ။ပ။ အနောတ္တပ္ပံ သတိပဋ္ဌာနံ, တဉ္စ သတီတိ? န ဟေဝံ ဝတ္တဗ္ဗေ ။ပ။
စက္ခာယတနံ သတိပဋ္ဌာနံ, တဉ္စ န သတီတိ? အာမန္တာ။ သတိ သတိပဋ္ဌာနာ, သာ စ န သတီတိ? န ဟေဝံ ဝတ္တဗ္ဗေ ။ပ။ သောတာယတနံ ။ပ။ ကာယာယတနံ… ရူပါယတနံ ။ပ။ ဖောဋ္ဌဗ္ဗာယတနံ… ရာဂေါ … ဒေါသော… မောဟော ။ပ။ အနောတ္တပ္ပံ သတိပဋ္ဌာနံ, တဉ္စ န သတီတိ? အာမန္တာ။ သတိ သတိပဋ္ဌာနာ, သာ စ န သတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၂၃။)֍ ဋ္ဌ ၃၀၂။ န ဝတ္တဗ္ဗံ – ‘‘သဗ္ဗေ ဓမ္မာ သတိပဋ္ဌာနာ’’တိ? အာမန္တာ။ နနု သဗ္ဗေ ဓမ္မေ အာရဗ္ဘ သတိ သန္တိဋ္ဌတီတိ? အာမန္တာ။ ဟဉ္စိ သဗ္ဗေ ဓမ္မေ အာရဗ္ဘ သတိ သန္တိဋ္ဌတီတိ, တေန ဝတ ရေ ဝတ္တဗ္ဗေ – ‘‘သဗ္ဗေ ဓမ္မာ သတိပဋ္ဌာနာ’’တိ။
သဗ္ဗံ ဓမ္မံ အာရဗ္ဘ သတိ သန္တိဋ္ဌတီတိ သဗ္ဗေ ဓမ္မာ သတိပဋ္ဌာနာတိ? အာမန္တာ။ သဗ္ဗံ ဓမ္မံ အာရဗ္ဘ ဖဿော သန္တိဋ္ဌတီတိ သဗ္ဗေ ဓမ္မာ ဖဿပဋ္ဌာနာတိ? န ဟေဝံ ဝတ္တဗ္ဗေ ။ပ။
သဗ္ဗံ ဓမ္မံ အာရဗ္ဘ သတိ သန္တိဋ္ဌတီတိ သဗ္ဗေ ဓမ္မာ သတိပဋ္ဌာနာတိ? အာမန္တာ။ သဗ္ဗံ ဓမ္မံ အာရဗ္ဘ ဝေဒနာ သန္တိဋ္ဌတိ… သညာ သန္တိဋ္ဌတိ… စေတနာ သန္တိဋ္ဌတိ… စိတ္တံ သန္တိဋ္ဌတီတိ သဗ္ဗေ ဓမ္မာ စိတ္တပဋ္ဌာနာတိ? န ဟေဝံ ဝတ္တဗ္ဗေ ။ပ။
သဗ္ဗေ ဓမ္မာ သတိပဋ္ဌာနာတိ? အာမန္တာ။ သဗ္ဗေ သတ္တာ ဥပဋ္ဌိတသတိနော သတိယာ သမန္နာဂတာ သတိယာ သမောဟိတာ၊ သဗ္ဗေသံ သတ္တာနံ သတိ ပစ္စုပဋ္ဌိတာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၀၃။ သဗ္ဗေ ဓမ္မာ သတိပဋ္ဌာနာတိ? အာမန္တာ။ နနု ဝုတ္တံ ဘဂဝတာ – ‘‘အမတံ တေ, ဘိက္ခဝေ, န ပရိဘုဉ္ဇန္တိ ယေ ကာယဂတာသတိံ န ပရိဘုဉ္ဇန္တိ။ အမတံ တေ, ဘိက္ခဝေ, ပရိဘုဉ္ဇန္တိ ယေ ကာယဂတာသတိံ ပရိဘုဉ္ဇန္တီ’’တိ [အ။ နိ။ ၁။၆၀၀]။ အတ္ထေဝ သုတ္တန္တောတိ? အာမန္တာ။ သဗ္ဗေ သတ္တာ ကာယဂတာသတိံ ပရိဘုဉ္ဇန္တိ ပဋိလဘန္တိ အာသေဝန္တိ ဘာဝေန္တိ ဗဟုလီကရောန္တီတိ? န ဟေဝံ ဝတ္တဗ္ဗေ ။ပ။
သဗ္ဗေ ဓမ္မာ သတိပဋ္ဌာနာတိ? အာမန္တာ။ နနု ဝုတ္တံ ဘဂဝတာ – ‘‘ဧကာယနော အယံ, ဘိက္ခဝေ, မဂ္ဂေါ သတ္တာနံ ဝိသုဒ္ဓိယာ သောကပရိဒေဝါနံ သမတိက္ကမာယ ဒုက္ခဒေါမနဿာနံ အတ္ထင်္ဂမာယ ဉာယဿ အဓိဂမာယ နိဗ္ဗာနဿ သစ္ဆိကိရိယာယ ယဒိဒံ စတ္တာရော သတိပဋ္ဌာနာ’’တိ [ဒီ။ နိ။ ၂။၃၇၃၊ မ။ နိ။ ၁။၁၀၆၊ သံ။ နိ။ ၅။၃၆၇]! အတ္ထေဝ သုတ္တန္တောတိ? အာမန္တာ? သဗ္ဗေ ဓမ္မာ ဧကာယနမဂ္ဂေါတိ? န ဟေဝံ ဝတ္တဗ္ဗေ ။ပ။
သဗ္ဗေ ဓမ္မာ သတိပဋ္ဌာနာတိ? အာမန္တာ။ နနု ဝုတ္တံ ဘဂဝတာ – ‘‘ရညော, ဘိက္ခဝေ, စက္ကဝတ္တိဿ ပါတုဘာဝါ သတ္တန္နံ ရတနာနံ ပါတုဘာဝေါ ဟောတိ။ ကတမေသံ သတ္တန္နံ? စက္ကရတနဿ ပါတုဘာဝေါ ဟောတိ, ဟတ္ထိရတနဿ ပါတုဘာဝေါ ဟောတိ, အဿရတနဿ… မဏိရတနဿ… ဣတ္ထိရတနဿ … ဂဟပတိရတနဿ… ပရိဏာယကရတနဿ ပါတုဘာဝေါ
(အဘိ၊က၊၁၂၄။)ဟောတိ။ ရညော, ဘိက္ခဝေ, စက္ကဝတ္တိဿ ပါတုဘာဝါ ဣမေသံ သတ္တန္နံ ရတနာနံ ပါတုဘာဝေါ ဟောတိ။
‘‘တထာဂတဿ, ဘိက္ခဝေ, ပါတုဘာဝါ အရဟတော သမ္မာသမ္ဗုဒ္ဓဿ သတ္တန္နံ ဗောဇ္ဈင်္ဂရတနာနံ ပါတုဘာဝေါ ဟောတိ။ ကတမေသံ သတ္တန္နံ? သတိသမ္ဗောဇ္ဈင်္ဂရတနဿ ပါတုဘာဝေါ ဟောတိ, ဓမ္မဝိစယသမ္ဗောဇ္ဈင်္ဂရတနဿ ပါတုဘာဝေါ ဟောတိ, ဝီရိယသမ္ဗောဇ္ဈင်္ဂရတနဿ ပါတုဘာဝေါ ဟောတိ, ပီတိသမ္ဗောဇ္ဈင်္ဂရတနဿ ပါတုဘာဝေါ ဟောတိ, ပဿဒ္ဓိသမ္ဗောဇ္ဈင်္ဂရတနဿ ပါတုဘာဝေါ ဟောတိ, သမာဓိသမ္ဗောဇ္ဈင်္ဂရတနဿ ပါတုဘာဝေါ ဟောတိ, ဥပေက္ခာသမ္ဗောဇ္ဈင်္ဂရတနဿ ပါတုဘာဝေါ ဟောတိ။ တထာဂတဿ, ဘိက္ခဝေ, ပါတုဘာဝါ အရဟတော သမ္မာသမ္ဗုဒ္ဓဿ ဣမေသံ သတ္တန္နံ ဗောဇ္ဈင်္ဂရတနာနံ ပါတုဘာဝေါ ဟောတီ’’တိ [သံ။ နိ။ ၅။၂၂၃]။ အတ္ထေဝ သုတ္တန္တောတိ? အာမန္တာ။ တထာဂတဿ ပါတုဘာဝါ အရဟတော သမ္မာသမ္ဗုဒ္ဓဿ သဗ္ဗေ ဓမ္မာ သတိသမ္ဗောဇ္ဈင်္ဂရတနာဝ ဟောန္တီတိ? န ဟေဝံ ဝတ္တဗ္ဗေ ။ပ။ သဗ္ဗေ ဓမ္မာ သတိပဋ္ဌာနာတိ? အာမန္တာ။ သဗ္ဗေ ဓမ္မာ သမ္မပ္ပဓာနာ… ဣဒ္ဓိပါဒါ… ဣန္ဒြိယာ… ဗလာ… ဗောဇ္ဈင်္ဂါတိ? န ဟေဝံ ဝတ္တဗ္ဗေ ။ပ။
သတိပဋ္ဌာနကထာ နိဋ္ဌိတာ။
၉။ ဟေဝတ္ထိကထာ
֍ ဋ္ဌ ၃၀၄။ အတီတံ အတ္ထီတိ? ဟေဝတ္ထိ, ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော, နတ္ထဋ္ဌော အတ္ထဋ္ဌော, အတ္ထိဘာဝေါ နတ္ထိဘာဝေါ, နတ္ထိဘာဝေါ အတ္ထိဘာဝေါ, အတ္ထီတိ ဝါ နတ္ထီတိ ဝါ, နတ္ထီတိ ဝါ အတ္ထီတိ ဝါ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
အနာဂတံ အတ္ထီတိ? ဟေဝတ္ထိ, ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော, နတ္ထဋ္ဌော အတ္ထဋ္ဌော, အတ္ထိဘာဝေါ နတ္ထိဘာဝေါ, နတ္ထိဘာဝေါ အတ္ထိဘာဝေါ, အတ္ထီတိ ဝါ နတ္ထီတိ ဝါ, နတ္ထီတိ ဝါ အတ္ထီတိ ဝါ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၂၅။)ပစ္စုပ္ပန္နံ အတ္ထီတိ? ဟေဝတ္ထိ, ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၀၅။ အတီတံ ဟေဝတ္ထိ, ဟေဝ နတ္ထီတိ? အာမန္တာ။ ကိန္တတ္ထိ, ကိန္တိ နတ္ထီတိ? အတီတံ အတီတန္တိ ဟေဝတ္ထိ, အတီတံ အနာဂတန္တိ ဟေဝ နတ္ထိ, အတီတံ ပစ္စုပ္ပန္နန္တိ ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော, နတ္ထဋ္ဌော အတ္ထဋ္ဌော, အတ္ထိဘာဝေါ နတ္ထိဘာဝေါ, နတ္ထိဘာဝေါ အတ္ထိဘာဝေါ, အတ္ထီတိ ဝါ နတ္ထီတိ ဝါ, နတ္ထီတိ ဝါ အတ္ထီတိ ဝါ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
အနာဂတံ ဟေဝတ္ထိ, ဟေဝ နတ္ထီတိ? အာမန္တာ။ ကိန္တတ္ထိ, ကိန္တိ နတ္ထီတိ? အနာဂတံ အနာဂတန္တိ ဟေဝတ္ထိ, အနာဂတံ အတီတန္တိ ဟေဝ နတ္ထိ, အနာဂတံ ပစ္စုပ္ပန္နန္တိ ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော, နတ္ထဋ္ဌော အတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နံ ဟေဝတ္ထိ, ဟေဝ နတ္ထီတိ? အာမန္တာ။ ကိန္တတ္ထိ, ကိန္တိ နတ္ထီတိ? ပစ္စုပ္ပန္နံ ပစ္စုပ္ပန္နန္တိ ဟေဝတ္ထိ, ပစ္စုပ္ပန္နံ အတီတန္တိ ဟေဝ နတ္ထိ, ပစ္စုပ္ပန္နံ အနာဂတန္တိ ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘အတီတံ ဟေဝတ္ထိ, ဟေဝ နတ္ထိ၊ အနာဂတံ ဟေဝတ္ထိ, ဟေဝ နတ္ထိ၊ ပစ္စုပ္ပန္နံ ဟေဝတ္ထိ, ဟေဝ နတ္ထီ’’တိ? အာမန္တာ။ အတီတံ အနာဂတန္တိ ဟေဝတ္ထိ, အတီတံ ပစ္စုပ္ပန္နန္တိ ဟေဝတ္ထိ, အနာဂတံ အတီတန္တိ ဟေဝတ္ထိ, အနာဂတံ ပစ္စုပ္ပန္နန္တိ ဟေဝတ္ထိ, ပစ္စုပ္ပန္နံ အတီတန္တိ ဟေဝတ္ထိ, ပစ္စုပ္ပန္နံ အနာဂတန္တိ ဟေဝတ္ထီတိ? န ဟေဝံ ဝတ္တဗ္ဗေ ။ပ။ တေန ဟိ အတီတံ ဟေဝတ္ထိ ဟေဝ နတ္ထိ, အနာဂတံ ဟေဝတ္ထိ ဟေဝ နတ္ထိ, ပစ္စုပ္ပန္နံ ဟေဝတ္ထိ, ဟေဝ နတ္ထီတိ။
֍ ဋ္ဌ ၃၀၆။ ရူပံ အတ္ထီတိ? ဟေဝတ္ထိ, ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော,
(အဘိ၊က၊၁၂၆။)နတ္ထဋ္ဌော အတ္ထဋ္ဌော, အတ္ထိဘာဝေါ နတ္ထိဘာဝေါ, နတ္ထိဘာဝေါ အတ္ထိဘာဝေါ, အတ္ထီတိ ဝါ နတ္ထီတိ ဝါ, နတ္ထီတိ ဝါ အတ္ထီတိ ဝါ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
ဝေဒနာ… သညာ… သင်္ခါရာ… ဝိညာဏံ အတ္ထီတိ? ဟေဝတ္ထိ, ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
ရူပံ ဟေဝတ္ထိ, ဟေဝ နတ္ထီတိ? အာမန္တာ။ ကိန္တတ္ထိ, ကိန္တိ နတ္ထီတိ? ရူပံ ရူပန္တိ ဟေဝတ္ထိ, ရူပံ ဝေဒနာတိ ဟေဝံ နတ္ထိ ။ပ။ ရူပံ သညာတိ ဟေဝ နတ္ထိ ။ပ။ ရူပံ သင်္ခါရာတိ ဟေဝ နတ္ထိ ။ပ။ ရူပံ ဝိညာဏန္တိ ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။
ဝေဒနာ… သညာ… သင်္ခါရာ… ဝိညာဏံ ဟေဝတ္ထိ, ဟေဝ နတ္ထီတိ? အာမန္တာ။ ကိန္တတ္ထိ, ကိန္တိ နတ္ထီတိ? ဝိညာဏံ ဝိညာဏန္တိ ဟေဝတ္ထိ။ ဝိညာဏံ ရူပန္တိ ဟေဝ နတ္ထိ…ပေ… ဝိညာဏံ ဝေဒနာတိ ဟေဝ နတ္ထိ ။ပ။ ဝိညာဏံ သညာတိ ဟေဝ နတ္ထိ ။ပ။ ဝိညာဏံ သင်္ခါရာတိ ဟေဝ နတ္ထီတိ။ သေဝတ္ထိ, သေဝ နတ္ထီတိ? န ဟေဝံ ဝတ္တဗ္ဗေ ။ပ။ သေဝတ္ထိ, သေဝ နတ္ထီတိ? အာမန္တာ။ အတ္ထဋ္ဌော နတ္ထဋ္ဌော ။ပ။ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ ။ပ။ ။
န ဝတ္တဗ္ဗံ – ‘‘ရူပံ ဟေဝတ္ထိ, ဟေဝ နတ္ထီတိ၊ ဝေဒနာ… သညာ… သင်္ခါရာ… ဝိညာဏံ ဟေဝတ္ထိ, ဟေဝ နတ္ထီတိ? အာမန္တာ။ ရူပံ ဝေဒနာတိ ဟေဝတ္ထိ ။ပ။ ရူပံ သညာတိ ဟေဝတ္ထိ ။ပ။ ရူပံ သင်္ခါရာတိ ဟေဝတ္ထိ ။ပ။ ရူပံ ဝိညာဏန္တိ ဟေဝတ္ထိ… ဝေဒနာ… သညာ … သင်္ခါရာ… ဝိညာဏံ ရူပန္တိ ဟေဝတ္ထိ… ဝိညာဏံ ဝေဒနာတိ ဟေဝတ္ထိ… ဝိညာဏံ သညာတိ ဟေဝတ္ထိ… ဝိညာဏံ သင်္ခါရာတိ ဟေဝတ္ထီတိ? န ဟေဝံ ဝတ္တဗ္ဗေ…ပေ… တေန ဟိ ရူပံ ဟေဝတ္ထိ, ဟေဝ နတ္ထိ၊ ဝေဒနာ… သညာ… သင်္ခါရာ… ဝိညာဏံ ဟေဝတ္ထိ, ဟေဝ နတ္ထီတိ။
ဟေဝတ္ထိကထာ နိဋ္ဌိတာ။
(အဘိ၊က၊၁၂၇။)တဿုဒ္ဒါနံ –
ဥပလဗ္ဘော ပရိဟာနိ, ဗြဟ္မစရိယဝါသော ဩဓိသော၊
ပရိညာ ကာမရာဂပ္ပဟာနံ, သဗ္ဗတ္ထိဝါဒေါ အာယတနံ၊
အတီတာနာဂတော သုဘင်္ဂေါ [အတီတာနာဂတေသု ဘာဂေါ (သျာ။)], သဗ္ဗေ ဓမ္မာ သတိပဋ္ဌာနာ။
ဟေဝတ္ထိ ဟေဝ နတ္ထီတိ။
ပဌမဝဂ္ဂေါ
မဟာဝဂ္ဂေါ။
၂။ ဒုတိယဝဂ္ဂ
(၁၀) ၁။ ပရူပဟာရကထာ
֍ ဋ္ဌ ၃၀၇။ အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ အတ္ထိ အရဟတော ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏန္တိ? န ဟေဝံ ဝတ္တဗ္ဗေ ။ပ။
နတ္ထိ အရဟတော ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏန္တိ? အာမန္တာ။ ဟဉ္စိ နတ္ထိ အရဟတော ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
အတ္ထိ ပုထုဇ္ဇနဿ အသုစိ သုက္ကဝိဿဋ္ဌိ, အတ္ထိ တဿ ရာဂေါ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏန္တိ? အာမန္တာ။ အတ္ထိ အရဟတော အသုစိ သုက္ကဝိဿဋ္ဌိ, အတ္ထိ တဿ ရာဂေါ ကာမရာဂေါ ကာမရာဂပရိယုဋ္ဌာနံ ။ပ။ ကာမစ္ဆန္ဒနီဝရဏန္တိ? န ဟေဝံ ဝတ္တဗ္ဗေ ။ပ။
အတ္ထိ အရဟတော အသုစိ သုက္ကဝိဿဋ္ဌိ, နတ္ထိ တဿ ရာဂေါ ကာမရာဂေါ ကာမရာဂပရိယုဋ္ဌာနံ ။ပ။ ကာမစ္ဆန္ဒနီဝရဏန္တိ? အာမန္တာ။ အတ္ထိ ပုထုဇ္ဇနဿ အသုစိ သုက္ကဝိဿဋ္ဌိ, နတ္ထိ တဿ ရာဂေါ ကာမရာဂေါ ကာမရာဂပရိယုဋ္ဌာနံ ။ပ။ ကာမစ္ဆန္ဒနီဝရဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၂၈။)အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ ကေနဋ္ဌေနာတိ? ဟန္ဒ ဟိ မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီတိ။
မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီတိ? အာမန္တာ။ အတ္ထိ မာရကာယိကာနံ ဒေဝတာနံ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
နတ္ထိ မာရကာယိကာနံ ဒေဝတာနံ အသုစိ သုက္ကဝိဿဋ္ဌီတိ? အာမန္တာ။ ဟဉ္စိ နတ္ထိ မာရကာယိကာနံ ဒေဝတာနံ အသုစိ သုက္ကဝိဿဋ္ဌိ, နော စ ဝတ ရေ ဝတ္တဗ္ဗေ – ‘‘မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီ’’တိ။
မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီတိ? အာမန္တာ။ မာရကာယိကာ ဒေဝတာ အတ္တနော အသုစိံ သုက္ကဝိဿဋ္ဌိံ ဥပသံဟရန္တိ, အညေသံ အသုစိံ သုက္ကဝိဿဋ္ဌိံ ဥပသံဟရန္တိ, တဿ အသုစိံ သုက္ကဝိဿဋ္ဌိံ ဥပသံဟရန္တီတိ? န ဟေဝံ ဝတ္တဗ္ဗေ ။ပ။
မာရကာယိကာ ဒေဝတာ နေဝ အတ္တနော န အညေသံ န တဿ အသုစိံ သုက္ကဝိဿဋ္ဌိံ ဥပသံဟရန္တီတိ? အာမန္တာ။ ဟဉ္စိ မာရကာယိကာ ဒေဝတာ နေဝ အတ္တနော န အညေသံ န တဿ အသုစိံ သုက္ကဝိဿဋ္ဌိံ ဥပသံဟရန္တိ, နော စ ဝတ ရေ ဝတ္တဗ္ဗေ – ‘‘မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီ’’တိ။
မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီတိ? အာမန္တာ။ လောမကူပေဟိ ဥပသံဟရန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၀၈။ မာရကာယိကာ ဒေဝတာ အရဟတော အသုစိံ သုက္ကဝိဿဋ္ဌိံ ဥပသံဟရန္တီတိ? အာမန္တာ။ ကိံ ကာရဏာတိ? ဟန္ဒ ဟိ ဝိမတိံ ဂါဟယိဿာမာတိ။ အတ္ထိ အရဟတော ဝိမတီတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ဝိမတီတိ? အာမန္တာ။ အတ္ထိ အရဟတော သတ္ထရိ ဝိမတိ, ဓမ္မေ ဝိမတိ, သံဃေ ဝိမတိ, သိက္ခာယ ဝိမတိ, ပုဗ္ဗန္တေ ဝိမတိ, အပရန္တေ ဝိမတိ, ပုဗ္ဗန္တာပရန္တေ ဝိမတိ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၂၉။)နတ္ထိ အရဟတော သတ္ထရိ ဝိမတိ, ဓမ္မေ ဝိမတိ, သံဃေ ဝိမတိ, သိက္ခာယ ဝိမတိ, ပုဗ္ဗန္တေ ဝိမတိ, အပရန္တေ ဝိမတိ, ပုဗ္ဗန္တာပရန္တေ ဝိမတိ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? အာမန္တာ။ ဟဉ္စိ နတ္ထိ အရဟတော သတ္ထရိ ဝိမတိ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတိ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ဝိမတီ’’တိ။
အတ္ထိ ပုထုဇ္ဇနဿ ဝိမတိ, အတ္ထိ တဿ သတ္ထရိ ဝိမတိ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? အာမန္တာ။ အတ္ထိ အရဟတော ဝိမတိ, အတ္ထိ တဿ သတ္ထရိ ဝိမတိ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ဝိမတိ, နတ္ထိ တဿ သတ္ထရိ ဝိမတိ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? အာမန္တာ။ အတ္ထိ ပုထုဇ္ဇနဿ ဝိမတိ, နတ္ထိ တဿ သတ္ထရိ ဝိမတိ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ဝိမတီတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ အရဟတော အသုစိ သုက္ကဝိဿဋ္ဌိ ကိဿ နိဿန္ဒောတိ? အသိတပီတခါယိတသာယိတဿ နိဿန္ဒောတိ။ အရဟတော အသုစိ သုက္ကဝိဿဋ္ဌိ အသိတပီတခါယိတသာယိတဿ နိဿန္ဒောတိ? အာမန္တာ။ ယေ ကေစိ အသန္တိ ပိဝန္တိ ခါဒန္တိ သာယန္တိ, သဗ္ဗေသံယေဝ အတ္ထိ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ယေ ကေစိ အသန္တိ ပိဝန္တိ ခါဒန္တိ သာယန္တိ, သဗ္ဗေသံယေဝ အတ္ထိ အသုစိ သုက္ကဝိဿဋ္ဌီတိ? အာမန္တာ။ ဒါရကာ အသန္တိ ပိဝန္တိ ခါဒန္တိ သာယန္တိ, အတ္ထိ ဒါရကာနံ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ။
ပဏ္ဍကာ အသန္တိ ပိဝန္တိ ခါဒန္တိ သာယန္တိ, အတ္ထိ ပဏ္ဍကာနံ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ဒေဝါ အသန္တိ ပိဝန္တိ ခါဒန္တိ သာယန္တိ, အတ္ထိ ဒေဝတာနံ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၀၉။ အရဟတော အသုစိ သုက္ကဝိဿဋ္ဌိ အသိတပီတခါယိတသာယိတဿ နိဿန္ဒောတိ? အာမန္တာ။ အတ္ထိ တဿ အာသယောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၃၀။)အရဟတော ဥစ္စာရပဿာဝေါ အသိတပီတခါယိတသာယိတဿ နိဿန္ဒော, အတ္ထိ တဿ အာသယောတိ? အာမန္တာ။ အရဟတော အသုစိ သုက္ကဝိဿဋ္ဌိ အသိတပီတခါယိတသာယိတဿ နိဿန္ဒော, အတ္ထိ တဿ အာသယောတိ? န ဟေဝံ ဝတ္တဗ္ဗေ ။ပ။
အရဟတော အသုစိ သုက္ကဝိဿဋ္ဌိ အသိတပီတခါယိတသာယိတဿ နိဿန္ဒော, နတ္ထိ တဿ အာသယောတိ? အာမန္တာ။ အရဟတော ဥစ္စာရပဿာဝေါ အသိတပီတခါယိတသာယိတဿ နိဿန္ဒော, နတ္ထိ တဿ အာသယောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၁၀။ အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ အရဟာ မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ [မေထုနံ ဓမ္မံ ဥပ္ပါဒေယျ (သီ။ သျာ။)], ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျာတိ? န ဟေဝံ ဝတ္တဗ္ဗေ။
အတ္ထိ ပုထုဇ္ဇနဿ အသုစိ သုက္ကဝိဿဋ္ဌိ, ပုထုဇ္ဇနော မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ, ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျာတိ? အာမန္တာ။ အတ္ထိ အရဟတော အသုစိ သုက္ကဝိဿဋ္ဌိ, အရဟာ မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ, ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျာတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော အသုစိ သုက္ကဝိဿဋ္ဌိ, န စ အရဟာ မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ, ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျာတိ? အာမန္တာ။ အတ္ထိ ပုထုဇ္ဇနဿ အသုစိ သုက္ကဝိဿဋ္ဌိ, န စ ပုထုဇ္ဇနော မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ, ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျာတိ? န ဟေဝံ ဝတ္တဗ္ဗေ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော
(အဘိ၊က၊၁၃၁။)အာယတိံ အနုပ္ပါဒဓမ္မောတိ? အာမန္တာ။ ဟဉ္စိ အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟတော ဒေါသော ပဟီနော ။ပ။ မောဟော ပဟီနော… မာနော ပဟီနော… ဒိဋ္ဌိ ပဟီနာ… ဝိစိကိစ္ဆာ ပဟီနာ… ထိနံ ပဟီနံ… ဥဒ္ဓစ္စံ ပဟီနံ… အဟိရိကံ ပဟီနံ ။ပ။ အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မန္တိ? အာမန္တာ။ ဟဉ္စိ အရဟတော အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
֍ ဋ္ဌ ၃၁၁။ အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟတော ရာဂပ္ပဟာနာယ မဂ္ဂေါ ဘာဝိတောတိ? အာမန္တာ။ ဟဉ္စိ အရဟတော ရာဂပ္ပဟာနာယ မဂ္ဂေါ ဘာဝိတော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟတော ရာဂပ္ပဟာနာယ သတိပဋ္ဌာနာ ဘာဝိတာ ။ပ။ သမ္မပ္ပဓာနာ ဘာဝိတာ… ဣဒ္ဓိပါဒါ ဘာဝိတာ… ဣန္ဒြိယာ ဘာဝိတာ… ဗလာ ဘာဝိတာ ။ပ။ ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော ရာဂပ္ပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟတော ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု အရဟာ ဝီတရာဂေါ ဝီတဒေါသော ဝီတမောဟော ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော
(အဘိ၊က၊၁၃၂။)ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ, သစ္ဆိကာတဗ္ဗံ သစ္ဆိကတန္တိ? အာမန္တာ။ ဟဉ္စိ အရဟာ ဝီတရာဂေါ ဝီတဒေါသော ဝီတမောဟော ကတကရဏီယော ။ပ။ သစ္ဆိကာတဗ္ဗံ သစ္ဆိကတံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
֍ ဋ္ဌ ၃၁၂။ အတ္ထိ အရဟတော အသုစိ သုက္ကဝိဿဋ္ဌီတိ? သဓမ္မကုသလဿ အရဟတော အတ္ထိ အသုစိ သုက္ကဝိဿဋ္ဌိ, ပရဓမ္မကုသလဿ အရဟတော နတ္ထိ အသုစိ သုက္ကဝိဿဋ္ဌီတိ။ သဓမ္မကုသလဿ အရဟတော အတ္ထိ အသုစိ သုက္ကဝိဿဋ္ဌီတိ? အာမန္တာ။ ပရဓမ္မကုသလဿ အရဟတော အတ္ထိ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော နတ္ထိ အသုစိ သုက္ကဝိဿဋ္ဌီတိ? အာမန္တာ။ သဓမ္မကုသလဿ အရဟတော နတ္ထိ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂေါ ပဟီနော, အတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ ပရဓမ္မကုသလဿ အရဟတော ရာဂေါ ပဟီနော, အတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ, အတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ ပရဓမ္မကုသလဿ အရဟတော အနောတ္တပ္ပံ ပဟီနံ, အတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, အတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ ပရဓမ္မကုသလဿ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, အတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ အသုစိ သုက္ကဝိဿဋ္ဌီတိ? အာမန္တာ။
(အဘိ၊က၊၁၃၃။)ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ရာဂေါ ပဟီနော, နတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ သဓမ္မကုသလဿ အရဟတော ရာဂေါ ပဟီနော, နတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ, နတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ သဓမ္မကုသလဿ အရဟတော အနောတ္တပ္ပံ ပဟီနံ, နတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, နတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ သဓမ္မကုသလဿ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, နတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ အသုစိ သုက္ကဝိဿဋ္ဌီတိ? အာမန္တာ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ အသုစိ သုက္ကဝိဿဋ္ဌီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၁၃။ အတ္ထိ အရဟတော အသုစိ သုက္ကဝိဿဋ္ဌီတိ? အာမန္တာ။ နနု ဝုတ္တံ ဘဂဝတာ – ‘‘ယေ တေ [ယေ ကေစိ (သီ။)], ဘိက္ခဝေ, ဘိက္ခူ ပုထုဇ္ဇနာ သီလသမ္ပန္နာ သတာ သမ္ပဇာနာ နိဒ္ဒံ ဩက္ကမန္တိ, တေသံ အသုစိ န မုစ္စတိ။ ယေပိ တေ, ဘိက္ခဝေ, ဗာဟိရကာ ဣသယော ကာမေသု ဝီတရာဂါ, တေသမ္ပိ အသုစိ န မုစ္စတိ။ အဋ္ဌာနမေတံ, ဘိက္ခဝေ, အနဝကာသော ယံ အရဟတော အသုစိ မုစ္စေယျာ’’တိ [မဟာဝ။ ၃၅၃ အတ္ထတော သမာနံ၊ အ။ နိ။ ၅။၂၁၀ ပဿိတဗ္ဗံ]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အသုစိ သုက္ကဝိဿဋ္ဌီ’’တိ။
(အဘိ၊က၊၁၃၄။)န ဝတ္တဗ္ဗံ – ‘‘အတ္ထိ အရဟတော ပရူပဟာရော’’တိ? အာမန္တာ။ နနု အရဟတော စီဝရပိဏ္ဍပါတသေနာသနဂိလာနပစ္စယဘေသဇ္ဇပရိက္ခာရံ ပရေ ဥပသံဟရေယျုန္တိ? အာမန္တာ။ ဟဉ္စိ အရဟတော စီဝရပိဏ္ဍပါတသေနာသနဂိလာနပစ္စယဘေသဇ္ဇပရိက္ခာရံ ပရေ ဥပသံဟရေယျုံ, တေန ဝတ ရေ ဝတ္တဗ္ဗေ – ‘‘အတ္ထိ အရဟတော ပရူပဟာရော’’တိ။
အရဟတော စီဝရပိဏ္ဍပါတသေနာသနဂိလာနပစ္စယဘေသဇ္ဇပရိက္ခာရံ ပရေ ဥပသံဟရေယျုန္တိ, အတ္ထိ အရဟတော ပရူပဟာရောတိ? အာမန္တာ။ အရဟတော သောတာပတ္တိဖလံ ဝါ သကဒါဂါမိဖလံ ဝါ အနာဂါမိဖလံ ဝါ အရဟတ္တံ ဝါ ပရေ ဥပသံဟရေယျုန္တိ? န ဟေဝံ ဝတ္တဗ္ဗေ ။ပ။
ပရူပဟာရကထာ နိဋ္ဌိတာ။
၂။ ဒုတိယဝဂ္ဂ
(၁၁) ၂။ အညာဏကထာ
֍ ဋ္ဌ ၃၁၄။ အတ္ထိ အရဟတော အညာဏန္တိ? အာမန္တာ။ အတ္ထိ အရဟတော အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏန္တိ? န ဟေဝံ ဝတ္တဗ္ဗေ။ နတ္ထိ အရဟတော အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏန္တိ? အာမန္တာ။ ဟဉ္စိ နတ္ထိ အရဟတော အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အတ္ထိ ပုထုဇ္ဇနဿ အညာဏံ, အတ္ထိ တဿ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏန္တိ? အာမန္တာ။ အတ္ထိ အရဟတော အညာဏံ, အတ္ထိ တဿ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏန္တိ? န ဟေဝံ ဝတ္တဗ္ဗေ။
အတ္ထိ အရဟတော အညာဏံ, နတ္ထိ တဿ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ
(အဘိ၊က၊၁၃၅။)အဝိဇ္ဇာနီဝရဏန္တိ? အာမန္တာ။ အတ္ထိ ပုထုဇ္ဇနဿ အညာဏံ, နတ္ထိ တဿ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏန္တိ? န ဟေဝံ ဝတ္တဗ္ဗေ။
အတ္ထိ အရဟတော အညာဏန္တိ? အာမန္တာ။ အရဟာ အညာဏပကတော ပါဏံ ဟနေယျ, အဒိန္နံ အာဒိယေယျ, မုသာ ဘဏေယျ, ပိသုဏံ ဘဏေယျ, ဖရုသံ ဘဏေယျ, သမ္ဖံ ပလပေယျ, သန္ဓိံ ဆိန္ဒေယျ, နိလ္လောပံ ဟရေယျ, ဧကာဂါရိယံ ကရေယျ, ပရိပန္ထေ တိဋ္ဌေယျ, ပရဒါရံ ဂစ္ဆေယျ, ဂါမဃာတံ ကရေယျ, နိဂမဃာတံ ကရေယျာတိ? န ဟေဝံ ဝတ္တဗ္ဗေ။
အတ္ထိ ပုထုဇ္ဇနဿ အညာဏံ, ပုထုဇ္ဇနော အညာဏပကတော ပါဏံ ဟနေယျ, အဒိန္နံ အာဒိယေယျ, မုသာ ဘဏေယျ ။ပ။ ဂါမဃာတံ ကရေယျ, နိဂမဃာတံ ကရေယျာတိ? အာမန္တာ။ အတ္ထိ အရဟတော အညာဏံ, အရဟာ အညာဏပကတော ပါဏံ ဟနေယျ, အဒိန္နံ အာဒိယေယျ ။ပ။ ဂါမဃာတံ ကရေယျ, နိဂမဃာတံ ကရေယျာတိ? န ဟေဝံ ဝတ္တဗ္ဗေ။
အတ္ထိ အရဟတော အညာဏံ, န စ အရဟာ အညာဏပကတော ပါဏံ ဟနေယျ, အဒိန္နံ အာဒိယေယျ ။ပ။ ဂါမဃာတံ ကရေယျ, နိဂမဃာတံ ကရေယျာတိ? အာမန္တာ။ အတ္ထိ ပုထုဇ္ဇနဿ အညာဏံ, န စ ပုထုဇ္ဇနော အညာဏပကတော ပါဏံ ဟနေယျ, အဒိန္နံ အာဒိယေယျ ။ပ။ ဂါမဃာတံ ကရေယျ, နိဂမဃာတံ ကရေယျာတိ? န ဟေဝံ ဝတ္တဗ္ဗေ။
အတ္ထိ အရဟတော အညာဏန္တိ? အာမန္တာ။ အတ္ထိ အရဟတော သတ္ထရိ အညာဏံ, ဓမ္မေ အညာဏံ, သံဃေ အညာဏံ, သိက္ခာယ အညာဏံ, ပုဗ္ဗန္တေ အညာဏံ, အပရန္တေ အညာဏံ, ပုဗ္ဗန္တာပရန္တေ အညာဏံ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏန္တိ? န ဟေဝံ ဝတ္တဗ္ဗေ။
နတ္ထိ အရဟတော သတ္ထရိ အညာဏံ, ဓမ္မေ အညာဏံ, သံဃေ အညာဏံ, သိက္ခာယ အညာဏံ, ပုဗ္ဗန္တေ အညာဏံ, အပရန္တေ အညာဏံ, ပုဗ္ဗန္တာပရန္တေ အညာဏံ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏန္တိ? အာမန္တာ။ ဟဉ္စိ နတ္ထိ အရဟတော သတ္ထရိ အညာဏံ, ဓမ္မေ အညာဏံ, သံဃေ အညာဏံ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အတ္ထိ ပုထုဇ္ဇနဿ အညာဏံ, အတ္ထိ တဿ သတ္ထရိ အညာဏံ, ဓမ္မေ အညာဏံ, သံဃေ အညာဏံ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု
(အဘိ၊က၊၁၃၆။)အညာဏန္တိ? အာမန္တာ။ အတ္ထိ အရဟတော အညာဏံ, အတ္ထိ တဿ သတ္ထရိ အညာဏံ, ဓမ္မေ အညာဏံ, သံဃေ အညာဏံ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏန္တိ? န ဟေဝံ ဝတ္တဗ္ဗေ။
အတ္ထိ အရဟတော အညာဏံ, နတ္ထိ တဿ သတ္ထရိ အညာဏံ, ဓမ္မေ အညာဏံ, သံဃေ အညာဏံ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏန္တိ? အာမန္တာ။ အတ္ထိ ပုထုဇ္ဇနဿ အညာဏံ, နတ္ထိ တဿ သတ္ထရိ အညာဏံ, ဓမ္မေ အညာဏံ, သံဃေ အညာဏံ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု အညာဏန္တိ? န ဟေဝံ ဝတ္တဗ္ဗေ။
֍ ဋ္ဌ ၃၁၅။ အတ္ထိ အရဟတော အညာဏန္တိ? အာမန္တာ။ နနု အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မောတိ? အာမန္တာ။ ဟဉ္စိ အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မန္တိ? အာမန္တာ။ ဟဉ္စိ အရဟတော အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော ရာဂပ္ပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု အရဟတော ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာတိ? အာမန္တာ။ ဟဉ္စိ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
(အဘိ၊က၊၁၃၇။)အတ္ထိ အရဟတော အညာဏန္တိ? အာမန္တာ။ နနု အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတန္တိ? အာမန္တာ။ ဟဉ္စိ အရဟာ ဝီတရာဂေါ ။ပ။ သစ္ဆိကာတဗ္ဗံ သစ္ဆိကတံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
֍ ဋ္ဌ ၃၁၆။ အတ္ထိ အရဟတော အညာဏန္တိ? သဓမ္မကုသလဿ အရဟတော အတ္ထိ အညာဏံ, ပရဓမ္မကုသလဿ အရဟတော နတ္ထိ အညာဏန္တိ။ သဓမ္မကုသလဿ အရဟတော အတ္ထိ အညာဏန္တိ? အာမန္တာ။ ပရဓမ္မကုသလဿ အရဟတော အတ္ထိ အညာဏန္တိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော နတ္ထိ အညာဏန္တိ? အာမန္တာ။ သဓမ္မကုသလဿ အရဟတော နတ္ထိ အညာဏန္တိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂေါ ပဟီနော, အတ္ထိ တဿ အညာဏန္တိ? အာမန္တာ။ ပရဓမ္မကုသလဿ အရဟတော ရာဂေါ ပဟီနော, အတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ, အတ္ထိ တဿ အညာဏန္တိ? အာမန္တာ။ ပရဓမ္မကုသလဿ အရဟတော အနောတ္တပ္ပံ ပဟီနံ, အတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, အတ္ထိ တဿ အညာဏန္တိ? အာမန္တာ။ ပရဓမ္မကုသလဿ အရဟတော ရာဂပ္ပဟာနာယ ဗောဇ္ဈင်္ဂါ ဘာဝိတာ, အတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, အတ္ထိ တဿ အညာဏန္တိ? အာမန္တာ။ ပရဓမ္မကုသလဿ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, အတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ အညာဏန္တိ? အာမန္တာ။ ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၃၈။)ပရဓမ္မကုသလဿ အရဟတော ရာဂေါ ပဟီနော, နတ္ထိ တဿ အညာဏန္တိ? အာမန္တာ။ သဓမ္မကုသလဿ အရဟတော ရာဂေါ ပဟီနော, နတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ, နတ္ထိ တဿ အညာဏန္တိ? အာမန္တာ။ သဓမ္မကုသလဿ အရဟတော အနောတ္တပ္ပံ ပဟီနံ, နတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ, နတ္ထိ တဿ အညာဏန္တိ? အာမန္တာ။ သဓမ္မကုသလဿ အရဟတော အနောတ္တပ္ပပဟာနာယ ဗောဇ္ဈင်္ဂါ ဘာဝိတာ, နတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ အညာဏန္တိ? အာမန္တာ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ အညာဏန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၁၇။ အတ္ထိ အရဟတော အညာဏန္တိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ [ဇာနတာဟံ (သီ။), ဇာနတွာဟံ (သျာ။ ပီ။ က။)], ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော နော အပဿတော။ ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ ခယော ဟောတိ? ‘ဣတိ ရူပံ, ဣတိ ရူပဿ သမုဒယော, ဣတိ ရူပဿ အတ္ထင်္ဂမော, ဣတိ ဝေဒနာ ။ပ။ ဣတိ သညာ… ဣတိ သင်္ခါရာ… ဣတိ ဝိညာဏံ, ဣတိ ဝိညာဏဿ သမုဒယော, ဣတိ ဝိညာဏဿ အတ္ထင်္ဂမော’တိ – ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ [သံ။ နိ။ ၃။၁၀၁၊ ဣတိဝု။ ၁၀၂၊ သံ။ နိ။ ၅။၁၀၉၅]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ, ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော နော အပဿတော။ ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ
(အဘိ၊က၊၁၃၉။)ခယော ဟောတိ? ‘ဣဒံ ဒုက္ခ’န္တိ – ဘိက္ခဝေ, ဇာနတော ပဿတော အာသဝါနံ ခယော ဟောတိ, ‘အယံ ဒုက္ခသမုဒယော’တိ – ဇာနတော ပဿတော အာသဝါနံ ခယော ဟောတိ, ‘အယံ ဒုက္ခနိရောဓော’တိ – ဇာနတော ပဿတော အာသဝါနံ ခယော ဟောတိ, ‘အယံ ဒုက္ခနိရောဓဂါမိနီ ပဋိပဒါ’တိ – ဇာနတော ပဿတော အာသဝါနံ ခယော ဟောတိ။ ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ [သံ။ နိ။ ၅။၁၀၉၅]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု ဝုတ္တံ ဘဂဝတာ – ‘‘သဗ္ဗံ, ဘိက္ခဝေ, အနဘိဇာနံ အပရိဇာနံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ, သဗ္ဗဉ္စ ခေါ, ဘိက္ခဝေ, အဘိဇာနံ ပရိဇာနံ ဝိရာဇယံ ပဇဟံ ဘဗ္ဗော ဒုက္ခက္ခယာယာ’’တိ [သံ။ နိ။ ၄။၂၆၊ ဣတိဝု။ ၇ ဣတိဝုတ္တကေပိ]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု ဝုတ္တံ ဘဂဝတာ –
တယဿု ဓမ္မာ ဇဟိတာ ဘဝန္တိ၊
သက္ကာယဒိဋ္ဌီ ဝိစိကိစ္ဆိတဉ္စ,
သီလဗ္ဗတံ ဝါပိ ယဒတ္ထိ ကိဉ္စိ၊
စတူဟပါယေဟိ စ ဝိပ္ပမုတ္တော,
ဆစ္စာဘိဌာနာနိ အဘဗ္ဗ ကာတု’’န္တိ။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ။
အတ္ထိ အရဟတော အညာဏန္တိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ, ဘိက္ခဝေ, သမယေ အရိယသာဝကဿ ဝိရဇံ ဝီတမလံ ဓမ္မစက္ခုံ ဥဒပါဒိ – ‘ယံ ကိဉ္စိ သမုဒယဓမ္မံ သဗ္ဗံ တံ နိရောဓဓမ္မ’န္တိ, သဟ ဒဿနုပ္ပါဒါ, ဘိက္ခဝေ, အရိယသာဝကဿ တီဏိ သံယောဇနာနိ ပဟီယန္တိ – သက္ကာယဒိဋ္ဌိ, ဝိစိကိစ္ဆာ, သီလဗ္ဗတပရာမာသော’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ။
(အဘိ၊က၊၁၄၀။)န ဝတ္တဗ္ဗံ – ‘‘အတ္ထိ အရဟတော အညာဏ’’န္တိ? အာမန္တာ။ နနု အရဟာ ဣတ္ထိပုရိသာနံ နာမဂေါတ္တံ န ဇာနေယျ, မဂ္ဂါမဂ္ဂံ န ဇာနေယျ, တိဏကဋ္ဌဝနပ္ပတီနံ နာမံ န ဇာနေယျာတိ? အာမန္တာ။ ဟဉ္စိ အရဟာ ဣတ္ထိပုရိသာနံ နာမဂေါတ္တံ န ဇာနေယျ, မဂ္ဂါမဂ္ဂံ န ဇာနေယျ, တိဏကဋ္ဌဝနပ္ပတီနံ နာမံ န ဇာနေယျ, တေန ဝတ ရေ ဝတ္တဗ္ဗေ – ‘‘အတ္ထိ အရဟတော အညာဏ’’န္တိ။
အရဟာ ဣတ္ထိပုရိသာနံ နာမဂေါတ္တံ န ဇာနေယျ, မဂ္ဂါမဂ္ဂံ န ဇာနေယျ, တိဏကဋ္ဌဝနပ္ပတီနံ နာမံ န ဇာနေယျာတိ, အတ္ထိ အရဟတော အညာဏန္တိ? အာမန္တာ။ အရဟာ သောတာပတ္တိဖလံ ဝါ သကဒါဂါမိဖလံ ဝါ အနာဂါမိဖလံ ဝါ အရဟတ္တံ ဝါ န ဇာနေယျာတိ? န ဟေဝံ ဝတ္တဗ္ဗေ ။ပ။
အညာဏကထာ နိဋ္ဌိတာ။
၂။ ဒုတိယဝဂ္ဂ
(၁၂) ၃။ ကင်္ခါကထာ
֍ ဋ္ဌ ၃၁၈။ အတ္ထိ အရဟတော ကင်္ခါတိ? အာမန္တာ။ အတ္ထိ အရဟတော ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? န ဟေဝံ ဝတ္တဗ္ဗေ ။ပ။
နတ္ထိ အရဟတော ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? အာမန္တာ။ ဟဉ္စိ နတ္ထိ အရဟတော ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ကင်္ခါ’’တိ။
အတ္ထိ ပုထုဇ္ဇနဿ ကင်္ခါ, အတ္ထိ တဿ ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? အာမန္တာ။ အတ္ထိ အရဟတော ကင်္ခါ, အတ္ထိ တဿ ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ကင်္ခါ, နတ္ထိ တဿ ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? အာမန္တာ။ အတ္ထိ ပုထုဇ္ဇနဿ ကင်္ခါ,
(အဘိ၊က၊၁၄၁။)နတ္ထိ တဿ ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏန္တိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ကင်္ခါတိ? အာမန္တာ။ အတ္ထိ အရဟတော သတ္ထရိ ကင်္ခါ, ဓမ္မေ ကင်္ခါ, သံဃေ ကင်္ခါ, သိက္ခာယ ကင်္ခါ, ပုဗ္ဗန္တေ ကင်္ခါ, အပရန္တေ ကင်္ခါ, ပုဗ္ဗန္တာပရန္တေ ကင်္ခါ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? န ဟေဝံ ဝတ္တဗ္ဗေ။
နတ္ထိ အရဟတော သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? အာမန္တာ။ ဟဉ္စိ နတ္ထိ အရဟတော သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ကင်္ခါ’’တိ။
အတ္ထိ ပုထုဇ္ဇနဿ ကင်္ခါ, အတ္ထိ တဿ သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? အာမန္တာ။ အတ္ထိ အရဟတော ကင်္ခါ, အတ္ထိ တဿ သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? န ဟေဝံ ဝတ္တဗ္ဗေ။
အတ္ထိ အရဟတော ကင်္ခါ, နတ္ထိ တဿ သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? အာမန္တာ။ အတ္ထိ ပုထုဇ္ဇနဿ ကင်္ခါ, နတ္ထိ တဿ သတ္ထရိ ကင်္ခါ, ဓမ္မေ ကင်္ခါ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ကင်္ခါတိ? န ဟေဝံ ဝတ္တဗ္ဗေ။
֍ ဋ္ဌ ၃၁၉။ အတ္ထိ အရဟတော ကင်္ခါတိ? အာမန္တာ။ နနု အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မောတိ? အာမန္တာ။ ဟဉ္စိ အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ၊ နနု အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတန္တိ? အာမန္တာ။ ဟဉ္စိ အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ကင်္ခါ’’တိ။
(အဘိ၊က၊၁၄၂။)֍ ဋ္ဌ ၃၂၀။ အတ္ထိ အရဟတော ကင်္ခါတိ? သဓမ္မကုသလဿ အရဟတော အတ္ထိ ကင်္ခါ, ပရဓမ္မကုသလဿ အရဟတော နတ္ထိ ကင်္ခါတိ။ သဓမ္မကုသလဿ အရဟတော အတ္ထိ ကင်္ခါတိ? အာမန္တာ။ ပရဓမ္မကုသလဿ အရဟတော အတ္ထိ ကင်္ခါတိ? န ဟေဝံ ဝတ္တဗ္ဗေ ။ပ။ ။
ပရဓမ္မကုသလဿ အရဟတော နတ္ထိ ကင်္ခါတိ? အာမန္တာ။ သဓမ္မကုသလဿ အရဟတော နတ္ထိ ကင်္ခါတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂေါ ပဟီနော, အတ္ထိ တဿ ကင်္ခါတိ? အာမန္တာ။ ပရဓမ္မကုသလဿ အရဟတော ရာဂေါ ပဟီနော, အတ္ထိ တဿ ကင်္ခါတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ ကင်္ခါတိ? အာမန္တာ။ ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ ကင်္ခါတိ? န ဟေဝံ ဝတ္တဗ္ဗေ ။ပ။ ပရဓမ္မကုသလဿ အရဟတော ရာဂေါ ပဟီနော, နတ္ထိ တဿ ကင်္ခါတိ? အာမန္တာ။ သဓမ္မကုသလဿ အရဟတော ရာဂေါ ပဟီနော, နတ္ထိ တဿ ကင်္ခါတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ မောဟပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ ကင်္ခါတိ? အာမန္တာ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ ကင်္ခါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၂၁။ အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ, ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော
(အဘိ၊က၊၁၄၃။)နော အပဿတော! ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ ခယော ဟောတိ? ‘ဣတိ ရူပံ’…ပေ… ‘ဣတိ ဝိညာဏဿ အတ္ထင်္ဂမော’တိ – ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ, ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော နော အပဿတော! ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ ခယော ဟောတိ? ‘ဣဒံ ဒုက္ခ’န္တိ, ဘိက္ခဝေ…ပေ… ‘အယံ ဒုက္ခနိရောဓဂါမိနီ ပဋိပဒါ’တိ ဇာနတော ပဿတော အာသဝါနံ ခယော ဟောတိ။ ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ – ‘‘သဗ္ဗံ, ဘိက္ခဝေ, အနဘိဇာနံ အပရိဇာနံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ၊ သဗ္ဗဉ္စ ခေါ, ဘိက္ခဝေ, အဘိဇာနံ ပရိဇာနံ ဝိရာဇယံ ပဇဟံ ဘဗ္ဗော ဒုက္ခက္ခယာယာ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ – ‘‘သဟာဝဿ ဒဿနသမ္ပဒါယ …ပေ… ဆစ္စာဘိဌာနာနိ အဘဗ္ဗ ကာတု’’န္တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ, ဘိက္ခဝေ, သမယေ အရိယသာဝကဿ ဝိရဇံ ဝီတမလံ ဓမ္မစက္ခုံ ဥဒပါဒိ – ‘ယံ ကိဉ္စိ သမုဒယဓမ္မံ သဗ္ဗံ တံ နိရောဓဓမ္မ’န္တိ, သဟ ဒဿနုပ္ပါဒါ, ဘိက္ခဝေ, အရိယသာဝကဿ တီဏိ သံယောဇနာနိ ပဟီယန္တိ – သက္ကာယဒိဋ္ဌိ, ဝိစိကိစ္ဆာ, သီလဗ္ဗတပရာမာသော’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
အတ္ထိ အရဟတော ကင်္ခါတိ? အာမန္တာ။ နနု ဝုတ္တံ ဘဂဝတာ –
အာတာပိနော ဈာယတော ဗြာဟ္မဏဿ၊
အထဿ ကင်္ခါ ဝပယန္တိ သဗ္ဗာ,
ယတော ပဇာနာတိ သဟေတုဓမ္မန္တိ။
(အဘိ၊က၊၁၄၄။)အာတာပိနော ဈာယတော ဗြာဟ္မဏဿ၊
အထဿ ကင်္ခါ ဝပယန္တိ သဗ္ဗာ,
ယတော ခယံ ပစ္စယာနံ အဝေဒီတိ။
‘‘ယဒါ ဟဝေ ပါတုဘဝန္တိ ဓမ္မာ,
အာတာပိနော ဈာယတော ဗြာဟ္မဏဿ၊
ဝိဓူပယံ တိဋ္ဌတိ မာရသေနံ,
သူရိယောဝ [သုရိယောဝ (သီ။ သျာ။ ကံ။ ပီ။)] ဩဘာသယမန္တလိက္ခန္တိ [မဟာဝ။ ၃၊ ဥဒါ။ ၃]။
‘‘ယာ ကာစိ ကင်္ခါ ဣဓ ဝါ ဟုရံ ဝါ,
သကဝေဒိယာ ဝါ ပရဝေဒိယာ ဝါ၊
ဈာယိနော [ယေ ဈာယိနော (ဥဒါနေ)] တာ ပဇဟန္တိ သဗ္ဗာ,
အာတာပိနော ဗြဟ္မစရိယံ စရန္တာတိ [ဥဒါ။ ၄၇ ဥဒါနေပိ]။
‘‘ယေ ကင်္ခါသမတိက္ကန္တာ, ကင်္ခါဘူတေသု ပါဏိသု၊
အသံသယာ ဝိသံယုတ္တာ, တေသု ဒိန္နံ မဟပ္ဖလန္တိ။
‘‘ဧတာဒိသီ ဓမ္မပကာသနေတ္ထ,
န တတ္ထ ကိံ ကင်္ခတိ ကောစိ သာဝကော၊
နိတ္ထိဏ္ဏဩဃံ [နိတိဏ္ဏဩဃံ (သီ။ က။), နိတ္တိဏ္ဏဩဃံ (သျာ။ ကံ။)] ဝိစိကိစ္ဆဆိန္နံ,
ဗုဒ္ဓံ နမဿာမ ဇိနံ ဇနိန္ဒာ’’တိ [ဒီ။ နိ။ ၂။၃၅၄]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ။
န ဝတ္တဗ္ဗံ – ‘‘အတ္ထိ အရဟတော ကင်္ခါ’’တိ? အာမန္တာ။ နနု အရဟာ ဣတ္ထိပုရိသာနံ နာမဂေါတ္တေ ကင်္ခေယျ, မဂ္ဂါမဂ္ဂေ ကင်္ခေယျ, တိဏကဋ္ဌဝနပ္ပတီနံ နာမေ ကင်္ခေယျာ’’တိ? အာမန္တာ။ ဟဉ္စိ အရဟာ ဣတ္ထိပုရိသာနံ နာမဂေါတ္တေ ကင်္ခေယျ, မဂ္ဂါမဂ္ဂေ ကင်္ခေယျ, တိဏကဋ္ဌဝနပ္ပတီနံ နာမေ ကင်္ခေယျ၊ တေန ဝတ ရေ ဝတ္တဗ္ဗေ – ‘‘အတ္ထိ အရဟတော ကင်္ခါ’’တိ။
(အဘိ၊က၊၁၄၅။)အရဟာ ဣတ္ထိပုရိသာနံ နာမဂေါတ္တေ ကင်္ခေယျ, မဂ္ဂါမဂ္ဂေ ကင်္ခေယျ, တိဏကဋ္ဌဝနပ္ပတီနံ နာမေ ကင်္ခေယျာတိ, အတ္ထိ အရဟတော ကင်္ခါတိ? အာမန္တာ။ အရဟာ သောတာပတ္တိဖလေ ဝါ သကဒါဂါမိဖလေ ဝါ အနာဂါမိဖလေ ဝါ အရဟတ္တေ ဝါ ကင်္ခေယျာတိ? န ဟေဝံ ဝတ္တဗ္ဗေ ။ပ။
ကင်္ခါကထာ နိဋ္ဌိတာ။
၂။ ဒုတိယဝဂ္ဂ
(၁၃) ၄။ ပရဝိတာရဏကထာ
֍ ဋ္ဌ ၃၂၂။ အတ္ထိ အရဟတော ပရဝိတာရဏာတိ? အာမန္တာ။ အရဟာ ပရနေယျော ပရပတ္တိယော ပရပစ္စယော ပရပဋိဗဒ္ဓဘူ, န ဇာနာတိ န ပဿတိ သမ္မူဠှော အသမ္ပဇာနောတိ? န ဟေဝံ ဝတ္တဗ္ဗေ ။ပ။
နနု အရဟာ န ပရနေယျော န ပရပတ္တိယော န ပရပစ္စယော န ပရပဋိဗဒ္ဓဘူ ဇာနာတိ ပဿတိ အသမ္မူဠှော သမ္ပဇာနောတိ? အာမန္တာ။ ဟဉ္စိ အရဟာ န ပရနေယျော န ပရပတ္တိယော န ပရပစ္စယော န ပရပဋိဗဒ္ဓဘူ, ဇာနာတိ ပဿတိ အသမ္မူဠှော သမ္ပဇာနော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပရဝိတာရဏာ’’တိ။
အတ္ထိ ပုထုဇ္ဇနဿ ပရဝိတာရဏာ, သော စ ပရနေယျော ပရပတ္တိယော ပရပစ္စယော ပရပဋိဗဒ္ဓဘူ, န ဇာနာတိ န ပဿတိ သမ္မူဠှော အသမ္ပဇာနောတိ? အာမန္တာ။ အတ္ထိ အရဟတော ပရဝိတာရဏာ, သော စ ပရနေယျော ပရပတ္တိယော ပရပစ္စယော ပရပဋိဗဒ္ဓဘူ, န ဇာနာတိ န ပဿတိ သမ္မူဠှော အသမ္ပဇာနောတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ပရဝိတာရဏာ, သော စ န ပရနေယျော န ပရပတ္တိယော န ပရပစ္စယော န ပရပဋိဗဒ္ဓဘူ, ဇာနာတိ ပဿတိ အသမ္မူဠှော သမ္ပဇာနောတိ? အာမန္တာ။ အတ္ထိ ပုထုဇ္ဇနဿ ပရဝိတာရဏာ, သော စ န ပရနေယျော န ပရပတ္တိယော န ပရပစ္စယော န ပရပဋိဗဒ္ဓဘူ, ဇာနာတိ ပဿတိ အသမ္မူဠှော သမ္ပဇာနောတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ပရဝိတာရဏာတိ? အာမန္တာ။ အတ္ထိ အရဟတော သတ္ထရိ ပရဝိတာရဏာ, ဓမ္မေ ပရဝိတာရဏာ, သံဃေ ပရဝိတာရဏာ,
(အဘိ၊က၊၁၄၆။)သိက္ခာယ ပရဝိတာရဏာ, ပုဗ္ဗန္တေ ပရဝိတာရဏာ, အပရန္တေ ပရဝိတာရဏာ, ပုဗ္ဗန္တာပရန္တေ ပရဝိတာရဏာ, ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? န ဟေဝံ ဝတ္တဗ္ဗေ ။ပ။
နတ္ထိ အရဟတော သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? အာမန္တာ။ ဟဉ္စိ နတ္ထိ အရဟတော သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပရဝိတာရဏာ’’တိ။
အတ္ထိ ပုထုဇ္ဇနဿ ပရဝိတာရဏာ, အတ္ထိ တဿ သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? အာမန္တာ။ အတ္ထိ အရဟတော ပရဝိတာရဏာ, အတ္ထိ တဿ သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? န ဟေဝံ ဝတ္တဗ္ဗေ…ပေ…။
အတ္ထိ အရဟတော ပရဝိတာရဏာ, နတ္ထိ တဿ သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? အာမန္တာ။ အတ္ထိ ပုထုဇ္ဇနဿ ပရဝိတာရဏာ, နတ္ထိ တဿ သတ္ထရိ ပရဝိတာရဏာ, ဓမ္မေ ပရဝိတာရဏာ ။ပ။ ဣဒပ္ပစ္စယတာပဋိစ္စသမုပ္ပန္နေသု ဓမ္မေသု ပရဝိတာရဏာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၂၃။ အတ္ထိ အရဟတော ပရဝိတာရဏာတိ? အာမန္တာ။ နနု အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မောတိ? အာမန္တာ။ ဟဉ္စိ အရဟတော ရာဂေါ ပဟီနော ဥစ္ဆိန္နမူလော တာလာဝတ္ထုကတော အနဘာဝင်္ကတော အာယတိံ အနုပ္ပါဒဓမ္မော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပရဝိတာရဏာ’’တိ။
အတ္ထိ အရဟတော ပရဝိတာရဏာတိ? အာမန္တာ။ နနု အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။
(အဘိ၊က၊၁၄၇။)နနု အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတန္တိ? အာမန္တာ။ ဟဉ္စိ အရဟာ ဝီတရာဂေါ ဝီတဒေါသော ဝီတမောဟော သစ္ဆိကာတဗ္ဗံ သစ္ဆိကတံ, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပရဝိတာရဏာ’’တိ။
֍ ဋ္ဌ ၃၂၄။ အတ္ထိ အရဟတော ပရဝိတာရဏာတိ? သဓမ္မကုသလဿ အရဟတော အတ္ထိ ပရဝိတာရဏာ, ပရဓမ္မကုသလဿ အရဟတော နတ္ထိ ပရဝိတာရဏာတိ။ သဓမ္မကုသလဿ အရဟတော အတ္ထိ ပရဝိတာရဏာတိ? အာမန္တာ။ ပရဓမ္မကုသလဿ အရဟတော အတ္ထိ ပရဝိတာရဏာတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော နတ္ထိ ပရဝိတာရဏာတိ? အာမန္တာ။ သဓမ္မကုသလဿ အရဟတော နတ္ထိ ပရဝိတာရဏာတိ? န ဟေဝံ ဝတ္တဗ္ဗေ ။ပ။
သဓမ္မကုသလဿ အရဟတော ရာဂေါ ပဟီနော, အတ္ထိ တဿ ပရဝိတာရဏာတိ? အာမန္တာ။ ပရဓမ္မကုသလဿ အရဟတော ရာဂေါ ပဟီနော, အတ္ထိ တဿ ပရဝိတာရဏာတိ? န ဟေဝံ ဝတ္တဗ္ဗေ။
သဓမ္မကုသလဿ အရဟတော ဒေါသော ပဟီနော ။ပ။ မောဟော ပဟီနော ။ပ။ အနောတ္တပ္ပံ ပဟီနံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ ပရဝိတာရဏာတိ? အာမန္တာ။ ပရဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, အတ္ထိ တဿ ပရဝိတာရဏာတိ? န ဟေဝံ ဝတ္တဗ္ဗေ ။ပ။
ပရဓမ္မကုသလဿ အရဟတော ရာဂေါ ပဟီနော, နတ္ထိ တဿ ပရဝိတာရဏာတိ? အာမန္တာ။ သဓမ္မကုသလဿ အရဟတော ရာဂေါ ပဟီနော, နတ္ထိ တဿ ပရဝိတာရဏာတိ? န ဟေဝံ ဝတ္တဗ္ဗေ။
ပရဓမ္မကုသလဿ အရဟတော ဒေါသော ပဟီနော, မောဟော ပဟီနော ။ပ။ အနောတ္တပ္ပံ ပဟီနံ ။ပ။ ရာဂပ္ပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ဒေါသပ္ပဟာနာယ ။ပ။ အနောတ္တပ္ပပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာ ။ပ။ ပရဓမ္မကုသလော အရဟာ
(အဘိ၊က၊၁၄၈။)ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ ပရဝိတာရဏာတိ? အာမန္တာ။ သဓမ္မကုသလော အရဟာ ဝီတရာဂေါ ဝီတဒေါသော ဝီတမောဟော ။ပ။ သစ္ဆိကာတဗ္ဗံ သစ္ဆိကတံ, နတ္ထိ တဿ ပရဝိတာရဏာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၂၅။ အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ, ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော နော အပဿတော! ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ ခယော ဟောတိ? ‘ဣတိ ရူပံ’ ။ပ။ ‘ဣတိ ဝိညာဏဿ အတ္ထင်္ဂမော’တိ – ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ – ‘‘ဇာနတောဟံ, ဘိက္ခဝေ, ပဿတော အာသဝါနံ ခယံ ဝဒါမိ, နော အဇာနတော နော အပဿတော! ကိဉ္စ, ဘိက္ခဝေ, ဇာနတော ကိံ ပဿတော အာသဝါနံ ခယော ဟောတိ? ‘ဣဒံ ဒုက္ခ’န္တိ – ဘိက္ခဝေ, ဇာနတော ပဿတော အာသဝါနံ ခယော ဟောတိ, ‘အယံ ဒုက္ခသမုဒယော’တိ ။ပ။ ‘အယံ ဒုက္ခနိရောဓော’တိ ။ပ။ ‘အယံ ဒုက္ခနိရောဓဂါမိနီ ပဋိပဒါ’တိ – ဇာနတော ပဿတော အာသဝါနံ ခယော ဟောတိ။ ဧဝံ ခေါ, ဘိက္ခဝေ, ဇာနတော ဧဝံ ပဿတော အာသဝါနံ ခယော ဟောတီ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ – ‘‘သဗ္ဗံ, ဘိက္ခဝေ, အနဘိဇာနံ အပရိဇာနံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ၊ သဗ္ဗဉ္စ ခေါ, ဘိက္ခဝေ, အဘိဇာနံ ပရိဇာနံ ဝိရာဇယံ ပဇဟံ ဘဗ္ဗော ဒုက္ခက္ခယာယာ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ – ‘‘သဟာဝဿ ဒဿနသမ္ပဒါယ ။ပ။ ဆစ္စာဘိဌာနာနိ အဘဗ္ဗ ကာတု’’န္တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
(အဘိ၊က၊၁၄၉။)အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ, ဘိက္ခဝေ, သမယေ အရိယသာဝကဿ ဝိရဇံ ဝီတမလံ ဓမ္မစက္ခုံ ဥဒပါဒိ – ‘ယံ ကိဉ္စိ သမုဒယဓမ္မံ, သဗ္ဗံ တံ နိရောဓဓမ္မ’န္တိ, သဟ ဒဿနုပ္ပါဒါ, ဘိက္ခဝေ, အရိယသာဝကဿ တီဏိ သံယောဇနာနိ ပဟီယန္တိ – သက္ကာယဒိဋ္ဌိ, ဝိစိကိစ္ဆာ, သီလဗ္ဗတပရာမာသော’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
အတ္ထိ အရဟတော ပရဝိတာရဏာတိ? အာမန္တာ။ နနု ဝုတ္တံ ဘဂဝတာ –
‘‘နာဟံ သဟိဿာမိ [ဂမိဿာမိ (သီ။ သျာ။ က။), သမီဟာမိ (ပီ။)] ပမောစနာယ,
ကထင်္ကထိံ ဓောတက ကဉ္စိ [ကိဉ္စိ (က။)] လောကေ၊
ဧဝံ တုဝံ ဩဃမိမံ တရေသီ’’တိ [သု။ နိ။ ၁၀၇၀ သုတ္တနိပါတေ၊ စူဠနိ။ ၃၃ ဓောတကမာဏဝပုစ္ဆာနိဒ္ဒေသ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ။
န ဝတ္တဗ္ဗံ – ‘‘အတ္ထိ အရဟတော ပရဝိတာရဏာ’’တိ? အာမန္တာ။ နနု အရဟတော ဣတ္ထိပုရိသာနံ နာမဂေါတ္တံ ပရေ ဝိတာရေယျုံ, မဂ္ဂါမဂ္ဂံ ပရေ ဝိတာရေယျုံ, တိဏကဋ္ဌဝနပ္ပတီနံ နာမံ ပရေ ဝိတာရေယျုန္တိ? အာမန္တာ။ ဟဉ္စိ အရဟတော ဣတ္ထိပုရိသာနံ နာမဂေါတ္တံ ပရေ ဝိတာရေယျုံ, မဂ္ဂါမဂ္ဂံ ပရေ ဝိတာရေယျုံ, တိဏကဋ္ဌဝနပ္ပတီနံ နာမံ ပရေ ဝိတာရေယျုံ, တေန ဝတ ရေ ဝတ္တဗ္ဗေ – ‘‘အတ္ထိ အရဟတော ပရဝိတာရဏာ’’တိ။
အရဟတော ဣတ္ထိပုရိသာနံ နာမဂေါတ္တံ ပရေ ဝိတာရေယျုံ, မဂ္ဂါမဂ္ဂံ ပရေ ဝိတာရေယျုံ, တိဏကဋ္ဌဝနပ္ပတီနံ နာမံ ပရေ ဝိတာရေယျုန္တိ, အတ္ထိ အရဟတော ပရဝိတာရဏာတိ? အာမန္တာ။ အရဟတော သောတာပတ္တိဖလံ ဝါ သကဒါဂါမိဖလံ ဝါ အနာဂါမိဖလံ ဝါ အရဟတ္တံ ဝါ ပရေ ဝိတာရေယျုန္တိ? န ဟေဝံ ဝတ္တဗ္ဗေ ။ပ။
ပရဝိတာရဏကထာ နိဋ္ဌိတာ။
(အဘိ၊က၊၁၅၀။)၂။ ဒုတိယဝဂ္ဂ
(၁၄) ၅။ ဝစီဘေဒကထာ
֍ ဋ္ဌ ၃၂၆။ သမာပန္နဿ အတ္ထိ ဝစီဘေဒေါတိ? အာမန္တာ။ သဗ္ဗတ္ထ သမာပန္နာနံ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ သဗ္ဗဒါ သမာပန္နာနံ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ သဗ္ဗေသံ သမာပန္နာနံ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ သဗ္ဗသမာပတ္တီသု အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ သမာပန္နဿ အတ္ထိ ကာယဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ နတ္ထိ ကာယဘေဒေါတိ? အာမန္တာ။ သမာပန္နဿ နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝါစာ, အတ္ထိ ဝစီဘေဒေါတိ? အာမန္တာ။ သမာပန္နဿ အတ္ထိ ကာယော, အတ္ထိ ကာယဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ကာယော, နတ္ထိ ကာယဘေဒေါတိ? အာမန္တာ။ သမာပန္နဿ အတ္ထိ ဝါစာ, နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၂၇။ ဒုက္ခန္တိ ဇာနန္တော ဒုက္ခန္တိ ဝါစံ ဘာသတီတိ? အာမန္တာ။ သမုဒယောတိ ဇာနန္တော သမုဒယောတိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
ဒုက္ခန္တိ ဇာနန္တော ဒုက္ခန္တိ ဝါစံ ဘာသတီတိ? အာမန္တာ။ နိရောဓောတိ ဇာနန္တော နိရောဓောတိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
ဒုက္ခန္တိ ဇာနန္တော ဒုက္ခန္တိ ဝါစံ ဘာသတီတိ? အာမန္တာ။ မဂ္ဂေါတိ ဇာနန္တော မဂ္ဂေါတိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၅၁။)သမုဒယောတိ ဇာနန္တော န စ သမုဒယောတိ ဝါစံ ဘာသတီတိ? အာမန္တာ။ ဒုက္ခန္တိ ဇာနန္တော န စ ဒုက္ခန္တိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
နိရောဓောတိ ဇာနန္တော န စ နိရောဓောတိ ဝါစံ ဘာသတီတိ? အာမန္တာ။ ဒုက္ခန္တိ ဇာနန္တော န စ ဒုက္ခန္တိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
မဂ္ဂေါတိ ဇာနန္တော န စ မဂ္ဂေါတိ ဝါစံ ဘာသတီတိ? အာမန္တာ။ ဒုက္ခန္တိ ဇာနန္တော န စ ဒုက္ခန္တိ ဝါစံ ဘာသတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၂၈။ သမာပန္နဿ အတ္ထိ ဝစီဘေဒေါတိ? အာမန္တာ။ ဉာဏံ ကိံဂေါစရန္တိ? ဉာဏံ သစ္စဂေါစရန္တိ။ သောတံ သစ္စဂေါစရန္တိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ သောတံ ကိံ ဂေါစရန္တိ? သောတံ သဒ္ဒဂေါစရန္တိ။ ဉာဏံ သဒ္ဒဂေါစရန္တိ? န ဟေဝံ ဝတ္တဗ္ဗေ။
သမာပန္နဿ အတ္ထိ ဝစီဘေဒေါ ဉာဏံ သစ္စဂေါစရံ, သောတံ သဒ္ဒဂေါစရန္တိ? အာမန္တာ။ ဟဉ္စိ ဉာဏံ သစ္စဂေါစရံ, သောတံ သဒ္ဒဂေါစရံ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
သမာပန္နဿ အတ္ထိ ဝစီဘေဒေါ ဉာဏံ သစ္စဂေါစရံ, သောတံ သဒ္ဒဂေါစရန္တိ? အာမန္တာ။ ဒွိန္နံ ဖဿာနံ, ဒွိန္နံ ဝေဒနာနံ, ဒွိန္နံ သညာနံ, ဒွိန္နံ စေတနာနံ, ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ။
֍ ဋ္ဌ ၃၂၉။ သမာပန္နဿ အတ္ထိ ဝစီဘေဒေါတိ? အာမန္တာ။ ပထဝီကသိဏံ သမာပတ္တိံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ။
သမာပန္နဿ အတ္ထိ ဝစီဘေဒေါတိ? အာမန္တာ။ အာပေါကသိဏံ ။ပ။ တေဇောကသိဏံ… ဝါယောကသိဏံ… နီလကသိဏံ… ပီတကသိဏံ… လောဟိတကသိဏံ… ဩဒါတကသိဏံ… အာကာသာနဉ္စာယတနံ … ဝိညာဏဉ္စာယတနံ… အာကိဉ္စညာယတနံ ။ပ။ နေဝသညာနာသညာယတနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
ပထဝီကသိဏံ သမာပတ္တိံ သမာပန္နဿ နတ္ထိ ဝစီဘေဒေါတိ? အာမန္တာ။ ဟဉ္စိ ပထဝီကသိဏံ သမာပတ္တိံ သမာပန္နဿ နတ္ထိ ဝစီဘေဒေါ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
(အဘိ၊က၊၁၅၂။)အာပေါကသိဏံ … တေဇောကသိဏံ… ဝါယောကသိဏံ… နီလကသိဏံ… ပီတကသိဏံ… လောဟိတကသိဏံ… ဩဒါတကသိဏံ… အာကာသာနဉ္စာယတနံ … ဝိညာဏဉ္စာယတနံ… အာကိဉ္စညာယတနံ… နေဝသညာနာသညာယတနံ သမာပန္နဿ နတ္ထိ ဝစီဘေဒေါတိ? အာမန္တာ။ ဟဉ္စိ နေဝသညာနာသညာယတနံ သမာပန္နဿ နတ္ထိ ဝစီဘေဒေါ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
သမာပန္နဿ အတ္ထိ ဝစီဘေဒေါတိ? အာမန္တာ။ လောကိယသမာပတ္တိံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
သမာပန္နဿ အတ္ထိ ဝစီဘေဒေါတိ? အာမန္တာ။ လောကိယံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။ သမာပန္နဿ အတ္ထိ ဝစီဘေဒေါတိ? အာမန္တာ။ လောကိယံ ဒုတိယံ ဈာနံ… တတိယံ ဈာနံ… စတုတ္ထံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကိယံ သမာပတ္တိံ သမာပန္နဿ နတ္ထိ ဝစီဘေဒေါတိ? အာမန္တာ။ ဟဉ္စိ လောကိယံ သမာပတ္တိံ သမာပန္နဿ နတ္ထိ ဝစီဘေဒေါ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
လောကိယံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ ဟဉ္စိ လောကိယံ ပဌမံ ဈာနံ သမာပန္နဿ နတ္ထိ ဝစီဘေဒေါ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
လောကိယံ ဒုတိယံ ဈာနံ… တတိယံ ဈာနံ… စတုတ္ထံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ ဟဉ္စိ လောကိယံ စတုတ္ထံ ဈာနံ သမာပန္နဿ နတ္ထိ ဝစီဘေဒေါ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
֍ ဋ္ဌ ၃၃၀။ လောကုတ္တရံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? အာမန္တာ။ လောကိယံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကုတ္တရံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? အာမန္တာ။ လောကိယံ ဒုတိယံ ဈာနံ… တတိယံ ဈာနံ… စတုတ္ထံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၅၃။)လောကိယံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ လောကုတ္တရံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကိယံ ဒုတိယံ ဈာနံ… တတိယံ ဈာနံ… စတုတ္ထံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ လောကုတ္တရံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၃၁။ လောကုတ္တရံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? အာမန္တာ။ လောကုတ္တရံ ဒုတိယံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကုတ္တရံ ပဌမံ ဈာနံ သမာပန္နဿ အတ္ထိ ဝစီဘေဒေါတိ? အာမန္တာ။ လောကုတ္တရံ တတိယံ ဈာနံ… စတုတ္ထံ ဈာနံ သမာပန္နဿ အတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကုတ္တရံ ဒုတိယံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ လောကုတ္တရံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
လောကုတ္တရံ ဒုတိယံ ဈာနံ… တတိယံ ဈာနံ… စတုတ္ထံ ဈာနံ သမာပန္နဿ နတ္ထိ ဝစီဘေဒေါတိ? အာမန္တာ။ လောကုတ္တရံ ပဌမံ ဈာနံ သမာပန္နဿ နတ္ထိ ဝစီဘေဒေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၃၂။ န ဝတ္တဗ္ဗံ – ‘‘သမာပန္နဿ အတ္ထိ ဝစီဘေဒေါ’’တိ? အာမန္တာ။ နနု ဝိတက္ကဝိစာရာ ဝစီသင်္ခါရာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ? အာမန္တာ။ ဟဉ္စိ ဝိတက္ကဝိစာရာ ဝစီသင်္ခါရာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ,’’ တေန ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
ဝိတက္ကဝိစာရာ ဝစီသင်္ခါရာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ [အတ္ထိ ဝိတက္ကဝိစာရာ (သျာ။) ဧဝမုပရိပိ], အတ္ထိ တဿ ဝစီဘေဒေါတိ? အာမန္တာ။ ပထဝီကသိဏံ ပဌမံ ဈာနံ သမာပန္နဿ အတ္ထိ ဝိတက္ကဝိစာရာ, အတ္ထိ တဿ ဝစီဘေဒေါတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၅၄။)ဝိတက္ကဝိစာရာ ဝစီသင်္ခါရာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ, အတ္ထိ တဿ ဝစီဘေဒေါတိ? အာမန္တာ။ အာပေါကသိဏံ… တေဇောကသိဏံ… ဝါယောကသိဏံ… နီလကသိဏံ… ပီတကသိဏံ… လောဟိတကသိဏံ… ဩဒါတကသိဏံ ပဌမံ ဈာနံ သမာပန္နဿ အတ္ထိ ဝိတက္ကဝိစာရာ, အတ္ထိ တဿ ဝစီဘေဒေါတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘သမာပန္နဿ အတ္ထိ ဝစီဘေဒေါ’’တိ? အာမန္တာ။ နနု ဝိတက္ကသမုဋ္ဌာနာ ဝါစာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ? အာမန္တာ။ ဟဉ္စိ ဝိတက္ကသမုဋ္ဌာနာ ဝါစာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ,’’ တေန ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
ဝိတက္ကသမုဋ္ဌာနာ ဝါစာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ, အတ္ထိ တဿ ဝစီဘေဒေါတိ? အာမန္တာ။ သညာသမုဋ္ဌာနာ ဝါစာ ဝုတ္တာ ဘဂဝတာ – ‘‘ဒုတိယံ ဈာနံ သမာပန္နဿ အတ္ထိ သညာ, အတ္ထိ တဿ ဝိတက္ကဝိစာရာ’’တိ? န ဟေဝံ ဝတ္တဗ္ဗေ ။ပ။
ဝိတက္ကသမုဋ္ဌာနာ ဝါစာ ဝုတ္တာ ဘဂဝတာ – ‘‘ပဌမံ ဈာနံ သမာပန္နဿ အတ္ထိ ဝိတက္ကဝိစာရာ’’တိ, အတ္ထိ တဿ ဝစီဘေဒေါတိ? အာမန္တာ။ သညာသမုဋ္ဌာနာ ဝါစာ ဝုတ္တာ ဘဂဝတာ – တတိယံ ဈာနံ ။ပ။ စတုတ္ထံ ဈာနံ… အာကာသာနဉ္စာယတနံ… ဝိညာဏဉ္စာယတနံ… အာကိဉ္စညာယတနံ သမာပန္နဿ အတ္ထိ သညာ, အတ္ထိ တဿ ဝိတက္ကဝိစာရာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၃၃။ သမာပန္နဿ အတ္ထိ ဝစီဘေဒေါတိ? အာမန္တာ။ နနု ‘‘ပဌမံ ဈာနံ သမာပန္နဿ ဝါစာ နိရုဒ္ဓါ ဟောတီ’’တိ [သံ။ နိ။ ၄။၂၅၉, ၂၆၃]! အတ္ထေဝ သုတ္တန္တောတိ? အာမန္တာ။ ဟဉ္စိ ‘‘ပဌမံ ဈာနံ သမာပန္နဿ ဝါစာ နိရုဒ္ဓါ ဟောတီ’’တိ, အတ္ထေဝ သုတ္တန္တောတိ, နော စ ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
‘‘ပဌမံ ဈာနံ သမာပန္နဿ ဝါစာ နိရုဒ္ဓါ ဟောတီ’’တိ [သံ။ နိ။ ၄။၂၅၉, ၂၆၃], အတ္ထေဝ သုတ္တန္တောတိ, အတ္ထိ တဿ ဝစီဘေဒေါတိ? အာမန္တာ။ ‘‘ဒုတိယံ ဈာနံ သမာပန္နဿ ဝိတက္ကဝိစာရာ နိရုဒ္ဓါ ဟောန္တီ’’တိ [သံ။ နိ။ ၄။၂၅၉, ၂၆၃], အတ္ထေဝ သုတ္တန္တောတိ, အတ္ထိ တဿ ဝိတက္ကဝိစာရာတိ? န ဟေဝံ ဝတ္တဗ္ဗေ ။ပ။
‘‘ပဌမံ ဈာနံ သမာပန္နဿ ဝါစာ နိရုဒ္ဓါ ဟောတီ’’တိ [သံ။ နိ။ ၄။၂၅၉, ၂၆၃], အတ္ထေဝ သုတ္တန္တောတိ, အတ္ထိ တဿ ဝစီဘေဒေါတိ? အာမန္တာ။ ‘‘တတိယံ ဈာနံ
(အဘိ၊က၊၁၅၅။)သမာပန္နဿ ပီတိ နိရုဒ္ဓါ ဟောတိ, စတုတ္ထံ ဈာနံ သမာပန္နဿ အဿာသပဿာသာ နိရုဒ္ဓါ ဟောန္တိ, အာကာသာနဉ္စာယတနံ သမာပန္နဿ ရူပသညာ နိရုဒ္ဓါ ဟောတိ, ဝိညာဏဉ္စာယတနံ သမာပန္နဿ အာကာသာနဉ္စာယတနသညာ နိရုဒ္ဓါ ဟောတိ, အာကိဉ္စညာယတနံ သမာပန္နဿ ဝိညာဏဉ္စာယတနသညာ နိရုဒ္ဓါ ဟောတိ, နေဝသညာနာသညာယတနံ သမာပန္နဿ အာကိဉ္စညာယတနသညာ နိရုဒ္ဓါ ဟောတိ, သညာဝေဒယိတနိရောဓံ သမာပန္နဿ သညာ စ ဝေဒနာ စ နိရုဒ္ဓါ ဟောန္တီ’’တိ [သံ။ နိ။ ၄။၂၅၉, ၂၆၃၊ အ။ နိ။ ၉။၃၁၊ ဒီ။ နိ။ ၃။၃၄၄], အတ္ထေဝ သုတ္တန္တောတိ, အတ္ထိ တဿ သညာ စ ဝေဒနာ စာတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘သမာပန္နဿ အတ္ထိ ဝစီဘေဒေါ’’တိ? အာမန္တာ။ နနု ပဌမဿ ဈာနဿ သဒ္ဒေါ ကဏ္ဋကော [ခဏ္ဋကော (သျာ။) အ။ နိ။ ၁၀။၇၂] ဝုတ္တော ဘဂဝတာတိ [အ။ နိ။ ၁၀။၇၂ ကဏ္ဋကသုတ္တံ နိဿာယ ပုစ္ဆတိ]? အာမန္တာ။ ဟဉ္စိ ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာ, တေန ဝတ ရေ ဝတ္တဗ္ဗေ – ‘‘သမာပန္နဿ အတ္ထိ ဝစီဘေဒေါ’’တိ။
ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာတိ, သမာပန္နဿ အတ္ထိ ဝစီဘေဒေါတိ? အာမန္တာ။ ဒုတိယဿ ဈာနဿ ဝိတက္ကဝိစာရာ ကဏ္ဋကော ဝုတ္တော ဘဂဝတာ… တတိယဿ ဈာနဿ ပီတိ ကဏ္ဋကော ဝုတ္တော ဘဂဝတာ… စတုတ္ထဿ ဈာနဿ အဿာသပဿာသာ ကဏ္ဋကော ဝုတ္တော ဘဂဝတာ [အ။ နိ။ ၁၀။၇၂] … အာကာသာနဉ္စာယတနံ သမာပန္နဿ ရူပသညာ ကဏ္ဋကော ဝုတ္တော ဘဂဝတာ… ဝိညာဏဉ္စာယတနံ သမာပန္နဿ အာကာသာနဉ္စာယတနသညာ ကဏ္ဋကော ဝုတ္တော ဘဂဝတာ… အာကိဉ္စညာယတနံ သမာပန္နဿ ဝိညာဏဉ္စာယတနသညာ ကဏ္ဋကော ဝုတ္တော ဘဂဝတာ… နေဝသညာနာသညာယတနံ သမာပန္နဿ အာကိဉ္စညာယတနသညာ ကဏ္ဋကော ဝုတ္တော ဘဂဝတာ… သညာဝေဒယိတနိရောဓံ သမာပန္နဿ သညာ စ ဝေဒနာ စ ကဏ္ဋကော ဝုတ္တော ဘဂဝတာ [အ။ နိ။ ၁၀။၇၂], အတ္ထိ တဿ သညာ စ ဝေဒနာ စာတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘သမာပန္နဿ အတ္ထိ ဝစီဘေဒေါ’’တိ? အာမန္တာ။ နနု ဝုတ္တံ ဘဂဝတာ – ‘‘သိခိဿ, အာနန္ဒ, ဘဂဝတော အရဟတော သမ္မာသမ္ဗုဒ္ဓဿ အဘိဘူ နာမ သာဝကော ဗြဟ္မလောကေ ဌိတော ဒသသဟဿိလောကဓာတုံ သရေန ဝိညာပေသိ –
(အဘိ၊က၊၁၅၆။)‘အာရဗ္ဘထ နိက္ကမထ, ယုဉ္ဇထ ဗုဒ္ဓသာသနေ၊
ဓုနာထ မစ္စုနော သေနံ, နဠာဂါရံဝ ကုဉ္ဇရော။
‘ယော ဣမသ္မိံ ဓမ္မဝိနယေ, အပ္ပမတ္တော ဝိဟဿတိ [ဝိဟေဿတိ (သီ။ သျာ။ ကံ။) ဝိဟရိဿတိ (က။)]၊
ပဟာယ ဇာတိသံသာရံ, ဒုက္ခဿန္တံ ကရိဿတီ’’’တိ [အ။ နိ။ ၁ တိကနိပါတေ၊ သံ။ နိ။ ၁။၂၈၅]။
အတ္ထေဝ သုတ္တန္တောတိ? အာမန္တာ။ တေန ဟိ သမာပန္နဿ အတ္ထိ ဝစီဘေဒေါတိ။
ဝစီဘေဒကထာ နိဋ္ဌိတာ။
၂။ ဒုတိယဝဂ္ဂ
(၁၅) ၆။ ဒုက္ခာဟာရကထာ
֍ ဋ္ဌ ၃၃၄။ ဒုက္ခာဟာရော မဂ္ဂင်္ဂံ မဂ္ဂပရိယာပန္နန္တိ? အာမန္တာ။ ယေ ကေစိ ဒုက္ခန္တိ ဝါစံ ဘာသန္တိ, သဗ္ဗေ တေ မဂ္ဂံ ဘာဝေန္တီတိ? န ဟေဝံ ဝတ္တဗ္ဗေ။
ယေ ကေစိ ဒုက္ခန္တိ ဝါစံ ဘာသန္တိ, သဗ္ဗေ တေ မဂ္ဂံ ဘာဝေန္တီတိ? အာမန္တာ။ ဗာလပုထုဇ္ဇနာ ဒုက္ခန္တိ ဝါစံ ဘာသန္တိ, ဗာလပုထုဇ္ဇနာ မဂ္ဂံ ဘာဝေန္တီတိ? န ဟေဝံ ဝတ္တဗ္ဗေ။ မာတုဃာတကော… ပိတုဃာတကော… အရဟန္တဃာတကော… ရုဟိရုပ္ပါဒကော [လောဟိတုပ္ပါဒကော (သီ။ က။) အညဋ္ဌာနေသု ပန ရုဟိရုပ္ပါဒကောတွေဝ ဒိဿတိ] … သံဃဘေဒကော ဒုက္ခန္တိ ဝါစံ ဘာသတိ, သံဃဘေဒကော မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
ဒုက္ခာဟာရကထာ နိဋ္ဌိတာ။
၂။ ဒုတိယဝဂ္ဂ
(၁၆) ၇။ စိတ္တဋ္ဌိတိကထာ
֍ ဋ္ဌ ၃၃၅။ ဧကံ စိတ္တံ ဒိဝသံ တိဋ္ဌတီတိ? အာမန္တာ။ ဥပဍ္ဎဒိဝသော ဥပ္ပါဒက္ခဏော, ဥပဍ္ဎဒိဝသော ဝယက္ခဏောတိ? န ဟေဝံ ဝတ္တဗ္ဗေ။
(အဘိ၊က၊၁၅၇။)ဧကံ စိတ္တံ ဒွေ ဒိဝသေ တိဋ္ဌတီတိ? အာမန္တာ။ ဒိဝသော ဥပ္ပါဒက္ခဏော, ဒိဝသော ဝယက္ခဏောတိ? န ဟေဝံ ဝတ္တဗ္ဗေ။
ဧကံ စိတ္တံ စတ္တာရော ဒိဝသေ တိဋ္ဌတိ… အဋ္ဌ ဒိဝသေ တိဋ္ဌတိ… ဒသ ဒိဝသေ တိဋ္ဌတိ… ဝီသတိ ဒိဝသေ တိဋ္ဌတိ… မာသံ တိဋ္ဌတိ… ဒွေ မာသေ တိဋ္ဌတိ… စတ္တာရော မာသေ တိဋ္ဌတိ… အဋ္ဌ မာသေ တိဋ္ဌတိ… ဒသ မာသေ တိဋ္ဌတိ… သံဝစ္ဆရံ တိဋ္ဌတိ… ဒွေ ဝဿာနိ တိဋ္ဌတိ… စတ္တာရိ ဝဿာနိ တိဋ္ဌတိ… အဋ္ဌ ဝဿာနိ တိဋ္ဌတိ… ဒသ ဝဿာနိ တိဋ္ဌတိ… ဝီသတိ ဝဿာနိ တိဋ္ဌတိ… တိံသ ဝဿာနိ တိဋ္ဌတိ… စတ္တာရီသ ဝဿာနိ တိဋ္ဌတိ… ပညာသ ဝဿာနိ တိဋ္ဌတိ… ဝဿသတံ တိဋ္ဌတိ… ဒွေ ဝဿသတာနိ တိဋ္ဌတိ… စတ္တာရိ ဝဿသတာနိ တိဋ္ဌတိ… ပဉ္စ ဝဿသတာနိ တိဋ္ဌတိ… ဝဿသဟဿံ တိဋ္ဌတိ… ဒွေ ဝဿသဟဿာနိ တိဋ္ဌတိ… စတ္တာရိ ဝဿသဟဿာနိ တိဋ္ဌတိ… အဋ္ဌ ဝဿသဟဿာနိ တိဋ္ဌတိ… သောဠသ ဝဿသဟဿာနိ တိဋ္ဌတိ… ကပ္ပံ တိဋ္ဌတိ… ဒွေ ကပ္ပေ တိဋ္ဌတိ… စတ္တာရော ကပ္ပေ တိဋ္ဌတိ… အဋ္ဌ ကပ္ပေ တိဋ္ဌတိ… သောဠသ ကပ္ပေ တိဋ္ဌတိ… ဗာတ္တိံသ ကပ္ပေ တိဋ္ဌတိ… စတုသဋ္ဌိ ကပ္ပေ တိဋ္ဌတိ… ပဉ္စ ကပ္ပသတာနိ တိဋ္ဌတိ… ကပ္ပသဟဿာနိ တိဋ္ဌတိ… ဒွေ ကပ္ပသဟဿာနိ တိဋ္ဌတိ… စတ္တာရိ ကပ္ပသဟဿာနိ တိဋ္ဌတိ… အဋ္ဌ ကပ္ပသဟဿာနိ တိဋ္ဌတိ… သောဠသ ကပ္ပသဟဿာနိ တိဋ္ဌတိ… ဝီသတိ ကပ္ပသဟဿာနိ တိဋ္ဌတိ… စတ္တာရီသ ကပ္ပသဟဿာနိ တိဋ္ဌတိ… သဋ္ဌိ ကပ္ပသဟဿာနိ တိဋ္ဌတိ… စတုရာသီတိ ကပ္ပသဟဿာနိ တိဋ္ဌတီတိ? အာမန္တာ။ ဒွေစတ္တာရီသ ကပ္ပသဟဿာနိ ဥပ္ပါဒက္ခဏော, ဒွေစတ္တာရီသ ကပ္ပသဟဿာနိ ဝယက္ခဏောတိ? န ဟေဝံ ဝတ္တဗ္ဗေ။
ဧကံ စိတ္တံ ဒိဝသံ တိဋ္ဌတီတိ? အာမန္တာ။ အတ္ထညေ ဓမ္မာ ဧကာဟံ ဗဟုမ္ပိ ဥပ္ပဇ္ဇိတွာ နိရုဇ္ဈန္တီတိ? အာမန္တာ။ တေ ဓမ္မာ စိတ္တေန လဟုပရိဝတ္တာတိ? န ဟေဝံ ဝတ္တဗ္ဗေ။
တေ ဓမ္မာ စိတ္တေန လဟုပရိဝတ္တာတိ? အာမန္တာ။ နနု ဝုတ္တံ ဘဂဝတာ – ‘‘နာဟံ, ဘိက္ခဝေ, အညံ ဧကဓမ္မမ္ပိ သမနုပဿာမိ ဧဝံ လဟုပရိဝတ္တံ ယထယိဒံ စိတ္တံ။ ယာဝဉ္စိဒံ, ဘိက္ခဝေ, ဥပမာပိ န သုကရာ ယာဝ လဟုပရိဝတ္တံ စိတ္တ’’န္တိ [အ။ နိ။ ၁။၄၈]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘တေ ဓမ္မာ စိတ္တေန လဟုပရိဝတ္တာ’’တိ။
(အဘိ၊က၊၁၅၈။)တေ ဓမ္မာ စိတ္တေန လဟုပရိဝတ္တာတိ? အာမန္တာ။ နနု ဝုတ္တံ ဘဂဝတာ – ‘‘သေယျထာပိ, ဘိက္ခဝေ, မက္ကဋော အရညေ ပဝနေ စရမာနော သာခံ ဂဏှတိ, တံ မုဉ္စိတွာ အညံ ဂဏှတိ, တံ မုဉ္စိတွာ အညံ ဂဏှတိ၊ ဧဝမေဝ ခေါ, ဘိက္ခဝေ, ယမိဒံ [ယဒိဒံ (ဗဟူသု)] ဝုစ္စတိ စိတ္တံ ဣတိပိ မနော ဣတိပိ ဝိညာဏံ ဣတိပိ တံ ရတ္တိယာ စ ဒိဝသဿ စ အညဒေဝ ဥပ္ပဇ္ဇတိ အညံ နိရုဇ္ဈတီ’’တိ [သံ။ နိ။ ၂။၆၁]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘တေ ဓမ္မာ စိတ္တေန လဟုပရိဝတ္တာ’’တိ။
֍ ဋ္ဌ ၃၃၆။ ဧကံ စိတ္တံ ဒိဝသံ တိဋ္ဌတီတိ? အာမန္တာ။ စက္ခုဝိညာဏံ ဒိဝသံ တိဋ္ဌတီတိ? န ဟေဝံ ဝတ္တဗ္ဗေ။ သောတဝိညာဏံ ။ပ။ ဃာနဝိညာဏံ… ဇိဝှါဝိညာဏံ… ကာယဝိညာဏံ… အကုသလံ စိတ္တံ… ရာဂသဟဂတံ… ဒေါသသဟဂတံ… မောဟသဟဂတံ… မာနသဟဂတံ… ဒိဋ္ဌိသဟဂတံ… ဝိစိကိစ္ဆာသဟဂတံ… ထိနသဟဂတံ… ဥဒ္ဓစ္စသဟဂတံ… အဟိရိကသဟဂတံ… အနောတ္တပ္ပသဟဂတံ စိတ္တံ ဒိဝသံ တိဋ္ဌတီတိ? န ဟေဝံ ဝတ္တဗ္ဗေ ။ပ။
ဧကံ စိတ္တံ ဒိဝသံ တိဋ္ဌတီတိ? အာမန္တာ။ ယေနေဝ စိတ္တေန စက္ခုနာ ရူပံ ပဿတိ, တေနေဝ စိတ္တေန သောတေန သဒ္ဒံ သုဏာတိ ။ပ။ ဃာနေန ဂန္ဓံ ဃာယတိ… ဇိဝှါယ ရသံ သာယတိ… ကာယေန ဖောဋ္ဌဗ္ဗံ ဖုသတိ… မနသာ ဓမ္မံ ဝိဇာနာတိ ။ပ။ ယေနေဝ စိတ္တေန မနသာ ဓမ္မံ ဝိဇာနာတိ, တေနေဝ စိတ္တေန စက္ခုနာ ရူပံ ပဿတိ ။ပ။ သောတေန သဒ္ဒံ သုဏာတိ… ဃာနေန ဂန္ဓံ ဃာယတိ… ဇိဝှါယ ရသံ သာယတိ ။ပ။ ကာယေန ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ ။ပ။
ဧကံ စိတ္တံ ဒိဝသံ တိဋ္ဌတီတိ? အာမန္တာ။ ယေနေဝ စိတ္တေန အဘိက္ကမတိ, တေနေဝ စိတ္တေန ပဋိက္ကမတိ၊ ယေနေဝ စိတ္တေန ပဋိက္ကမတိ, တေနေဝ စိတ္တေန အဘိက္ကမတိ၊ ယေနေဝ စိတ္တေန အာလောကေတိ, တေနေဝ စိတ္တေန ဝိလောကေတိ၊ ယေနေဝ စိတ္တေန ဝိလောကေတိ, တေနေဝ စိတ္တေန အာလောကေတိ၊ ယေနေဝ စိတ္တေန သမိဉ္ဇေတိ, တေနေဝ စိတ္တေန ပသာရေတိ၊ ယေနေဝ စိတ္တေန ပသာရေတိ, တေနေဝ စိတ္တေန သမိဉ္ဇေတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၅၉။)֍ ဋ္ဌ ၃၃၇။ အာကာသာနဉ္စာယတနူပဂါနံ ဒေဝါနံ ဧကံ စိတ္တံ ယာဝတာယုကံ တိဋ္ဌတီတိ? အာမန္တာ။ မနုဿာနံ ဧကံ စိတ္တံ ယာဝတာယုကံ တိဋ္ဌတီတိ? န ဟေဝံ ဝတ္တဗ္ဗေ။
အာကာသာနဉ္စာယတနူပဂါနံ ဒေဝါနံ ဧကံ စိတ္တံ ယာဝတာယုကံ တိဋ္ဌတီတိ? အာမန္တာ။ စာတုမဟာရာဇိကာနံ ဒေဝါနံ ။ပ။ တာဝတိံသာနံ ဒေဝါနံ… ယာမာနံ ဒေဝါနံ… တုသိတာနံ ဒေဝါနံ… နိမ္မာနရတီနံ ဒေဝါနံ… ပရနိမ္မိတဝသဝတ္တီနံ ဒေဝါနံ… ဗြဟ္မပါရိသဇ္ဇာနံ ဒေဝါနံ… ဗြဟ္မပုရောဟိတာနံ ဒေဝါနံ… မဟာဗြဟ္မာနံ ဒေဝါနံ… ပရိတ္တာဘာနံ ဒေဝါနံ… အပ္ပမာဏာဘာနံ ဒေဝါနံ… အာဘဿရာနံ ဒေဝါနံ… ပရိတ္တသုဘာနံ ဒေဝါနံ… အပ္ပမာဏသုဘာနံ ဒေဝါနံ… သုဘကိဏှာနံ ဒေဝါနံ … ဝေဟပ္ဖလာနံ ဒေဝါနံ… အဝိဟာနံ ဒေဝါနံ… အတပ္ပါနံ ဒေဝါနံ… သုဒဿာနံ ဒေဝါနံ… သုဒဿီနံ ဒေဝါနံ… အကနိဋ္ဌာနံ ဒေဝါနံ ဧကံ စိတ္တံ ယာဝတာယုကံ တိဋ္ဌတီတိ? န ဟေဝံ ဝတ္တဗ္ဗေ။
အာကာသာနဉ္စာယတနူပဂါနံ ဒေဝါနံ ဝီသတိ ကပ္ပသဟဿာနိ အာယုပ္ပမာဏံ, အာကာသာနဉ္စာယတနူပဂါနံ ဒေဝါနံ ဧကံ စိတ္တံ ဝီသတိ ကပ္ပသဟဿာနိ တိဋ္ဌတီတိ? အာမန္တာ။ မနုဿာနံ ဝဿသတံ အာယုပ္ပမာဏံ, မနုဿာနံ ဧကံ စိတ္တံ ဝဿသတံ တိဋ္ဌတီတိ? န ဟေဝံ ဝတ္တဗ္ဗေ။
အာကာသာနဉ္စာယတနူပဂါနံ ဒေဝါနံ ဝီသတိ ကပ္ပသဟဿာနိ အာယုပ္ပမာဏံ, အာကာသာနဉ္စာယတနူပဂါနံ ဒေဝါနံ ဧကံ စိတ္တံ ဝီသတိ ကပ္ပသဟဿာနိ တိဋ္ဌတီတိ? အာမန္တာ။ စာတုမဟာရာဇိကာနံ ဒေဝါနံ ပဉ္စ ဝဿသတာနိ အာယုပ္ပမာဏံ, စာတုမဟာရာဇိကာနံ ဒေဝါနံ ဧကံ စိတ္တံ ပဉ္စ ဝဿသတာနိ တိဋ္ဌတိ… ဝဿသဟဿံ တိဋ္ဌတိ… ဒွေ ဝဿသဟဿာနိ တိဋ္ဌတိ… စတ္တာရိ ဝဿသဟဿာနိ တိဋ္ဌတိ… အဋ္ဌ ဝဿသဟဿာနိ တိဋ္ဌတိ… သောဠသ ဝဿသဟဿာနိ တိဋ္ဌတိ… ကပ္ပဿ တတိယဘာဂံ တိဋ္ဌတိ… ဥပဍ္ဎကပ္ပံ တိဋ္ဌတိ… ဧကံ ကပ္ပံ တိဋ္ဌတိ… ဒွေ ကပ္ပေ တိဋ္ဌတိ… စတ္တာရော ကပ္ပေ တိဋ္ဌတိ… အဋ္ဌ ကပ္ပေ တိဋ္ဌတိ… သောဠသ ကပ္ပေ တိဋ္ဌတိ… ဗာတ္တိံသ ကပ္ပေ တိဋ္ဌတိ… စတုသဋ္ဌိ ကပ္ပေ တိဋ္ဌတိ… ပဉ္စ ကပ္ပသတာနိ တိဋ္ဌတိ… ကပ္ပသဟဿံ တိဋ္ဌတိ… ဒွေ ကပ္ပသဟဿာနိ တိဋ္ဌတိ… စတ္တာရိ ကပ္ပသဟဿာနိ တိဋ္ဌတိ… အဋ္ဌ ကပ္ပသဟဿာနိ တိဋ္ဌတိ… အကနိဋ္ဌာနံ ဒေဝါနံ သောဠသ ကပ္ပသဟဿာနိ အာယုပ္ပမာဏံ, အကနိဋ္ဌာနံ ဒေဝါနံ ဧကံ စိတ္တံ သောဠသ ကပ္ပသဟဿာနိ တိဋ္ဌတီတိ? န ဟေဝံ ဝတ္တဗ္ဗေ။
(အဘိ၊က၊၁၆၀။)အာကာသာနဉ္စာယတနူပဂါနံ ဒေဝါနံ စိတ္တံ မုဟုတ္တံ မုဟုတ္တံ ဥပ္ပဇ္ဇတိ မုဟုတ္တံ မုဟုတ္တံ နိရုဇ္ဈတီတိ? အာမန္တာ။ အာကာသာနဉ္စာယတနူပဂါ ဒေဝါ မုဟုတ္တံ မုဟုတ္တံ စဝန္တိ မုဟုတ္တံ မုဟုတ္တံ ဥပ္ပဇ္ဇန္တီတိ? န ဟေဝံ ဝတ္တဗ္ဗေ။
အာကာသာနဉ္စာယတနူပဂါနံ ဒေဝါနံ ဧကံ စိတ္တံ ယာဝတာယုကံ တိဋ္ဌတီတိ? အာမန္တာ။ အာကာသာနဉ္စာယတနူပဂါ ဒေဝါ ယေနေဝ စိတ္တေန ဥပ္ပဇ္ဇန္တိ, တေနေဝ စိတ္တေန စဝန္တီတိ? န ဟေဝံ ဝတ္တဗ္ဗေ ။ပ။
စိတ္တဋ္ဌိတိကထာ နိဋ္ဌိတာ။
၂။ ဒုတိယဝဂ္ဂ
(၁၇) ၈။ ကုက္ကုဠကထာ
֍ ဋ္ဌ ၃၃၈။ သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ နနု အတ္ထိ သုခါ ဝေဒနာ, ကာယိကံ သုခံ, စေတသိကံ သုခံ, ဒိဗ္ဗံ သုခံ, မာနုသကံ သုခံ, လာဘသုခံ, သက္ကာရသုခံ, ယာနသုခံ, သယနသုခံ, ဣဿရိယသုခံ, အာဓိပစ္စသုခံ, ဂိဟိသုခံ, သာမညသုခံ, သာသဝံ သုခံ, အနာသဝံ သုခံ, ဥပဓိသုခံ, နိရူပဓိသုခံ, သာမိသံ သုခံ, နိရာမိသံ သုခံ, သပ္ပီတိကံ သုခံ, နိပ္ပီတိကံ သုခံ, ဈာနသုခံ, ဝိမုတ္တိသုခံ, ကာမသုခံ, နေက္ခမ္မသုခံ, ဝိဝေကသုခံ, ဥပသမသုခံ, သမ္ဗောဓသုခန္တိ? အာမန္တာ။ ဟဉ္စိ အတ္ထိ သုခါ ဝေဒနာ ။ပ။ သမ္ဗောဓသုခံ, နော စ ဝတ ရေ ဝတ္တဗ္ဗေ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ သဗ္ဗေ သင်္ခါရာ ဒုက္ခာ ဝေဒနာ ကာယိကံ ဒုက္ခံ စေတသိကံ ဒုက္ခံ သောကပရိဒေဝဒုက္ခဒေါမနဿဥပါယာသာတိ? န ဟေဝံ ဝတ္တဗ္ဗေ။
န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ? အာမန္တာ။ နနု ဝုတ္တံ ဘဂဝတာ – ‘‘သဗ္ဗံ, ဘိက္ခဝေ, အာဒိတ္တံ! ကိဉ္စ, ဘိက္ခဝေ, သဗ္ဗံ အာဒိတ္တံ? စက္ခုံ, ဘိက္ခဝေ, အာဒိတ္တံ, ရူပါ အာဒိတ္တာ, စက္ခုဝိညာဏံ အာဒိတ္တံ, စက္ခုသမ္ဖဿော အာဒိတ္တော၊ ယမိဒံ [ယမ္ပိဒံ (သံ။ နိ။ ၄။၂၈)] စက္ခုသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ, တမ္ပိ အာဒိတ္တံ။ ကေန အာဒိတ္တံ? ‘ရာဂဂ္ဂိနာ ဒေါသဂ္ဂိနာ မောဟဂ္ဂိနာ အာဒိတ္တံ, ဇာတိယာ ဇရာယ မရဏေန သောကေဟိ ပရိဒေဝေဟိ
(အဘိ၊က၊၁၆၁။)ဒုက္ခေဟိ ဒေါမနဿေဟိ ဥပါယာသေဟိ အာဒိတ္တ’န္တိ ဝဒါမိ။ သောတံ အာဒိတ္တံ, သဒ္ဒါ အာဒိတ္တာ ။ပ။ ဃာနံ အာဒိတ္တံ, ဂန္ဓာ အာဒိတ္တာ ။ပ။ ဇိဝှါ အာဒိတ္တာ, ရသာ အာဒိတ္တာ ။ပ။ ကာယော အာဒိတ္တော, ဖောဋ္ဌဗ္ဗာ အာဒိတ္တာ ။ပ။ မနော အာဒိတ္တော, ဓမ္မာ အာဒိတ္တာ, မနောဝိညာဏံ အာဒိတ္တံ, မနောသမ္ဖဿော အာဒိတ္တော၊ ယမိဒံ မနောသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ, တမ္ပိ အာဒိတ္တံ။ ကေန အာဒိတ္တံ? ‘ရာဂဂ္ဂိနာ ဒေါသဂ္ဂိနာ မောဟဂ္ဂိနာ အာဒိတ္တံ, ဇာတိယာ ဇရာယ မရဏေန သောကေဟိ ပရိဒေဝေဟိ ဒုက္ခေဟိ ဒေါမနဿေဟိ ဥပါယာသေဟိ အာဒိတ္တ’န္တိ ဝဒါမီ’’တိ [မဟာဝ။ ၅၄၊ သံ။ နိ။ ၄။၂၈]။ အတ္ထေဝ သုတ္တန္တောတိ? အာမန္တာ။ တေန ဟိ ဝတ္တဗ္ဗံ [တေန ဟိ (သီ။ သျာ။), တေန ဟိ န ဝတ္တဗ္ဗံ (က။)] – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမေ, ဘိက္ခဝေ, ကာမဂုဏာ! ကတမေ ပဉ္စ? စက္ခုဝိညေယျာ ရူပါ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ, သောတဝိညေယျာ သဒ္ဒါ ။ပ။ ဃာနဝိညေယျာ ဂန္ဓာ… ဇိဝှါဝိညေယျာ ရသာ… ကာယဝိညေယျာ ဖောဋ္ဌဗ္ဗာ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ။ ဣမေ ခေါ, ဘိက္ခဝေ, ပဉ္စ ကာမဂုဏာ’’တိ [မ။ နိ။ ၁။၁၆၆၊ သံ။ နိ။ ၄။၂၆၈]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ? အာမန္တာ။ နနု ဝုတ္တံ ဘဂဝတာ – ‘‘လာဘာ ဝေါ, ဘိက္ခဝေ, သုလဒ္ဓံ ဝေါ, ဘိက္ခဝေ, ခဏော ဝေါ ပဋိလဒ္ဓေါ [ပဋိဝိဒ္ဓေါ (ဗဟူသု)] ဗြဟ္မစရိယဝါသာယ! ဒိဋ္ဌာ မယာ, ဘိက္ခဝေ, ဆ ဖဿာယတနိကာ နာမ နိရယာ။ တတ္ထ ယံ ကိဉ္စိ စက္ခုနာ ရူပံ ပဿတိ, အနိဋ္ဌရူပညေဝ ပဿတိ နော ဣဋ္ဌရူပံ, အကန္တရူပညေဝ ပဿတိ နော ကန္တရူပံ, အမနာပရူပညေဝ ပဿတိ နော မနာပရူပံ။ ယံ ကိဉ္စိ သောတေန သဒ္ဒံ သုဏာတိ ။ပ။ ဃာနေန ဂန္ဓံ ဃာယတိ… ဇိဝှါယ ရသံ သာယတိ… ကာယေန ဖောဋ္ဌဗ္ဗံ ဖုသတိ… မနသာ ဓမ္မံ ဝိဇာနာတိ, အနိဋ္ဌရူပညေဝ ဝိဇာနာတိ နော ဣဋ္ဌရူပံ, အကန္တရူပညေဝ ဝိဇာနာတိ နော ကန္တရူပံ, အမနာပရူပညေဝ ဝိဇာနာတိ နော မနာပရူပ’’န္တိ [သံ။ နိ။ ၄။၁၃၅]။ အတ္ထေဝ သုတ္တန္တောတိ? အာမန္တာ။ တေန ဟိ ဝတ္တဗ္ဗံ [တေန ဟိ န ဝတ္တဗ္ဗံ (သျာ။ က။)] – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
(အဘိ၊က၊၁၆၂။)သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ နနု ဝုတ္တံ ဘဂဝတာ – ‘‘လာဘာ ဝေါ, ဘိက္ခဝေ, သုလဒ္ဓံ ဝေါ, ဘိက္ခဝေ, ခဏော ဝေါ ပဋိလဒ္ဓေါ ဗြဟ္မစရိယဝါသာယ! ဒိဋ္ဌာ မယာ, ဘိက္ခဝေ, ဆ ဖဿာယတနိကာ နာမ သဂ္ဂါ။ တတ္ထ ယံ ကိဉ္စိ စက္ခုနာ ရူပံ ပဿတိ, ဣဋ္ဌရူပညေဝ ပဿတိ နော အနိဋ္ဌရူပံ, ကန္တရူပညေဝ ပဿတိ နော အကန္တရူပံ, မနာပရူပညေဝ ပဿတိ နော အမနာပရူပံ။ ယံ ကိဉ္စိ သောတေန သဒ္ဒံ သုဏာတိ ။ပ။ ဃာနေန ဂန္ဓံ ဃာယတိ… ဇိဝှါယ ရသံ သာယတိ… ကာယေန ဖောဋ္ဌဗ္ဗံ ဖုသတိ… မနသာ ဓမ္မံ ဝိဇာနာတိ, ဣဋ္ဌရူပညေဝ ဝိဇာနာတိ နော အနိဋ္ဌရူပံ, ကန္တရူပညေဝ ဝိဇာနာတိ နော အကန္တရူပံ, မနာပရူပညေဝ ဝိဇာနာတိ နော အမနာပရူပ’’န္တိ [သံ။ နိ။ ၄။၁၃၅]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ? အာမန္တာ။ နနု ‘‘ယဒနိစ္စံ တံ ဒုက္ခံ [သံ။ နိ။ ၃။၁၅],’’ ဝုတ္တံ ဘဂဝတာ, ‘‘သဗ္ဗေ သင်္ခါရာ အနိစ္စာ’’တိ [ဓ။ ပ။ ၂၇၇၊ မ။ နိ။ ၁။၃၅၆]? အာမန္တာ။ ဟဉ္စိ ‘‘ယဒနိစ္စံ တံ ဒုက္ခံ,’’ ဝုတ္တံ ဘဂဝတာ, ‘‘သဗ္ဗေ သင်္ခါရာ အနိစ္စာ,’’ တေန ဝတ ရေ ဝတ္တဗ္ဗေ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ ဒါနံ အနိဋ္ဌဖလံ အကန္တဖလံ အမနုညဖလံ သေစနကဖလံ ဒုက္ခုဒြယံ ဒုက္ခဝိပါကန္တိ? န ဟေဝံ ဝတ္တဗ္ဗေ။
သီလံ ။ပ။ ဥပေါသထော ။ပ။ ဘာဝနာ ။ပ။ ဗြဟ္မစရိယံ အနိဋ္ဌဖလံ အကန္တဖလံ အမနုညဖလံ သေစနကဖလံ ဒုက္ခုဒြယံ ဒုက္ခဝိပါကန္တိ? န ဟေဝံ ဝတ္တဗ္ဗေ။
နနု ဒါနံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ? အာမန္တာ။ ဟဉ္စိ ဒါနံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကံ, နော စ ဝတ ရေ ဝတ္တဗ္ဗေ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
နနု သီလံ… ဥပေါသထော… ဘာဝနာ… ဗြဟ္မစရိယံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ? အာမန္တာ။ ဟဉ္စိ ဗြဟ္မစရိယံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ, နော စ ဝတ ရေ ဝတ္တဗ္ဗေ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
(အဘိ၊က၊၁၆၃။)သဗ္ဗေ သင်္ခါရာ အနောဓိံ ကတွာ ကုက္ကုဠာတိ? အာမန္တာ။ နနု ဝုတ္တံ ဘဂဝတာ –
‘‘သုခေါ ဝိဝေကော တုဋ္ဌဿ, သုတဓမ္မဿ ပဿတော၊
အဗျာပဇ္ဇံ သုခံ လောကေ, ပါဏဘူတေသု သံယမော။
‘‘သုခါ ဝိရာဂတာ လောကေ, ကာမာနံ သမတိက္ကမော၊
အသ္မိမာနဿ ယော ဝိနယော, ဧတံ ဝေ ပရမံ သုခံ [မဟာဝ။ ၅၊ ဥဒါ။ ၁၁ ဥဒါနေ စ]။
‘‘တံ သုခေန သုခံ ပတ္တံ, အစ္စန္တသုခမေဝ တံ၊
တိဿော ဝိဇ္ဇာ အနုပ္ပတ္တာ, ဧတံ ဝေ ပရမံ သုခ’’န္တိ။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘သဗ္ဗေ သင်္ခါရာ အနောဓိံ ကတွာ ကုက္ကုဠာ’’တိ။
ကုက္ကုဠကထာ နိဋ္ဌိတာ။
၂။ ဒုတိယဝဂ္ဂ
(၁၈) ၉။ အနုပုဗ္ဗာဘိသမယကထာ
֍ ဋ္ဌ ၃၃၉။ အနုပုဗ္ဗာဘိသမယောတိ? အာမန္တာ။ အနုပုဗ္ဗေန သောတာပတ္တိမဂ္ဂံ ဘာဝေတီတိ? န ဟေဝံ ဝတ္တဗ္ဗေ။ အနုပုဗ္ဗေန သောတာပတ္တိမဂ္ဂံ ဘာဝေတီတိ? အာမန္တာ။ အနုပုဗ္ဗေန သောတာပတ္တိဖလံ သစ္ဆိကရောတီတိ? န ဟေဝံ ဝတ္တဗ္ဗေ။
အနုပုဗ္ဗာဘိသမယောတိ? အာမန္တာ။ အနုပုဗ္ဗေန သကဒါဂါမိမဂ္ဂံ ဘာဝေတီတိ? န ဟေဝံ ဝတ္တဗ္ဗေ။ အနုပုဗ္ဗေန သကဒါဂါမိမဂ္ဂံ ဘာဝေတီတိ? အာမန္တာ။ အနုပုဗ္ဗေန သကဒါဂါမိဖလံ သစ္ဆိကရောတီတိ? န ဟေဝံ ဝတ္တဗ္ဗေ။
အနုပုဗ္ဗာဘိသမယောတိ? အာမန္တာ။ အနုပုဗ္ဗေန အနာဂါမိမဂ္ဂံ ဘာဝေတီတိ? န ဟေဝံ ဝတ္တဗ္ဗေ။ အနုပုဗ္ဗေန အနာဂါမိမဂ္ဂံ ဘာဝေတီတိ? အာမန္တာ။ အနုပုဗ္ဗေန အနာဂါမိဖလံ သစ္ဆိကရောတီတိ? န ဟေဝံ ဝတ္တဗ္ဗေ။
အနုပုဗ္ဗာဘိသမယောတိ? အာမန္တာ။ အနုပုဗ္ဗေန အရဟတ္တမဂ္ဂံ ဘာဝေတီတိ? န ဟေဝံ ဝတ္တဗ္ဗေ။ အနုပုဗ္ဗေန အရဟတ္တမဂ္ဂံ ဘာဝေတီတိ? အာမန္တာ။ အနုပုဗ္ဗေန အရဟတ္တဖလံ သစ္ဆိကရောတီတိ? န ဟေဝံ ဝတ္တဗ္ဗေ။
(အဘိ၊က၊၁၆၄။)֍ ဋ္ဌ ၃၄၀။ သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? သက္ကာယဒိဋ္ဌိံ, ဝိစိကိစ္ဆံ, သီလဗ္ဗတပရာမာသံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ သောတာပန္နော, စတုဘာဂံ န သောတာပန္နော, စတုဘာဂံ သောတာပတ္တိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ သတ္တက္ခတ္တုပရမော ကောလင်္ကောလော ဧကဗီဇီ ဗုဒ္ဓေ အဝေစ္စပ္ပသာဒေန သမန္နာဂတော, ဓမ္မေ ။ပ။ သံဃေ ။ပ။ အရိယကန္တေဟိ သီလေဟိ သမန္နာဂတော စတုဘာဂံ န အရိယကန္တေဟိ သီလေဟိ သမန္နာဂတောတိ? န ဟေဝံ ဝတ္တဗ္ဗေ။
သမုဒယဒဿနေန ။ပ။ နိရောဓဒဿနေန ။ပ။ မဂ္ဂဒဿနေန ကိံ ဇဟတီတိ? သက္ကာယဒိဋ္ဌိံ, ဝိစိကိစ္ဆံ, သီလဗ္ဗတပရာမာသံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ သောတာပန္နော, စတုဘာဂံ န သောတာပန္နော, စတုဘာဂံ သောတာပတ္တိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ သတ္တက္ခတ္တုပရမော ကောလင်္ကောလော ဧကဗီဇီ ဗုဒ္ဓေ အဝေစ္စပ္ပသာဒေန သမန္နာဂတော, ဓမ္မေ ။ပ။ သံဃေ ။ပ။ အရိယကန္တေဟိ သီလေဟိ သမန္နာဂတော, စတုဘာဂံ န အရိယကန္တေဟိ သီလေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၄၁။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? ဩဠာရိကံ ကာမရာဂံ, ဩဠာရိကံ ဗျာပါဒံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ သကဒါဂါမီ, စတုဘာဂံ န သကဒါဂါမီ, စတုဘာဂံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။ သမုဒယဒဿနေန ။ပ။ နိရောဓဒဿနေန ။ပ။ မဂ္ဂဒဿနေန ကိံ ဇဟတီတိ? ဩဠာရိကံ ကာမရာဂံ, ဩဠာရိကံ ဗျာပါဒံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ သကဒါဂါမီ, စတုဘာဂံ န သကဒါဂါမီ, စတုဘာဂံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၆၅။)֍ ဋ္ဌ ၃၄၂။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? အဏုသဟဂတံ ကာမရာဂံ, အဏုသဟဂတံ ဗျာပါဒံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ အနာဂါမီ, စတုဘာဂံ န အနာဂါမီ, စတုဘာဂံ အနာဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ အန္တရာပရိနိဗ္ဗာယီ ။ပ။ ဥပဟစ္စပရိနိဗ္ဗာယီ… အသင်္ခါရပရိနိဗ္ဗာယီ… သသင်္ခါရပရိနိဗ္ဗာယီ… ဥဒ္ဓံသောတော အကနိဋ္ဌဂါမီ, စတုဘာဂံ န ဥဒ္ဓံသောတော န အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
သမုဒယဒဿနေန ။ပ။ နိရောဓဒဿနေန ။ပ။ မဂ္ဂဒဿနေန ကိံ ဇဟတီတိ? အဏုသဟဂတံ ကာမရာဂံ, အဏုသဟဂတံ ဗျာပါဒံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ အနာဂါမီ, စတုဘာဂံ န အနာဂါမီ, စတုဘာဂံ အနာဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ အန္တရာပရိနိဗ္ဗာယီ ။ပ။ ဥပဟစ္စပရိနိဗ္ဗာယီ… အသင်္ခါရပရိနိဗ္ဗာယီ… သသင်္ခါရပရိနိဗ္ဗာယီ… ဥဒ္ဓံသောတော အကနိဋ္ဌဂါမီ, စတုဘာဂံ န ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၄၃။ အရဟတ္တသစ္ဆိကိရိယာယ ပဋိပန္နော ပုဂ္ဂလော ဒုက္ခဒဿနေန ကိံ ဇဟတီတိ? ရူပရာဂံ, အရူပရာဂံ, မာနံ, ဥဒ္ဓစ္စံ, အဝိဇ္ဇံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ အရဟာ, စတုဘာဂံ န အရဟာ, စတုဘာဂံ အရဟတ္တပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ ဝီတရာဂေါ ။ပ။ ဝီတဒေါသော… ဝီတမောဟော ။ပ။ ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ ။ပ။ သစ္ဆိကာတဗ္ဗံ သစ္ဆိကတံ, စတုဘာဂံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၆၆။)သမုဒယဒဿနေန … နိရောဓဒဿနေန… မဂ္ဂဒဿနေန ကိံ ဇဟတီတိ? ရူပရာဂံ, အရူပရာဂံ, မာနံ, ဥဒ္ဓစ္စံ, အဝိဇ္ဇံ, တဒေကဋ္ဌေ စ ကိလေသေ စတုဘာဂံ ဇဟတီတိ။ စတုဘာဂံ အရဟာ, စတုဘာဂံ န အရဟာ, စတုဘာဂံ အရဟတ္တပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, စတုဘာဂံ န ကာယေန ဖုသိတွာ ဝိဟရတိ, စတုဘာဂံ ဝီတရာဂေါ… ဝီတဒေါသော… ဝီတမောဟော… ကတကရဏီယော ဩဟိတဘာရော အနုပ္ပတ္တသဒတ္ထော ပရိက္ခီဏဘဝသံယောဇနော သမ္မဒညာဝိမုတ္တော ဥက္ခိတ္တပလိဃော သင်္ကိဏ္ဏပရိခေါ အဗ္ဗူဠှေသိကော နိရဂ္ဂဠော အရိယော ပန္နဒ္ဓဇော ပန္နဘာရော ဝိသညုတ္တော သုဝိဇိတဝိဇယော, ဒုက္ခံ တဿ ပရိညာတံ, သမုဒယော ပဟီနော, နိရောဓော သစ္ဆိကတော, မဂ္ဂေါ ဘာဝိတော, အဘိညေယျံ အဘိညာတံ, ပရိညေယျံ ပရိညာတံ, ပဟာတဗ္ဗံ ပဟီနံ, ဘာဝေတဗ္ဗံ ဘာဝိတံ ။ပ။ သစ္ဆိကာတဗ္ဗံ သစ္ဆိကတံ, စတုဘာဂံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၄၄။ သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခံ ဒက္ခန္တော ပဋိပန္နကောတိ ဝတ္တဗ္ဗောတိ? အာမန္တာ။ ဒုက္ခေ ဒိဋ္ဌေ ဖလေ ဌိတောတိ ဝတ္တဗ္ဗောတိ? န ဟေဝံ ဝတ္တဗ္ဗေ။ သမုဒယံ ဒက္ခန္တော ။ပ။ နိရောဓံ ဒက္ခန္တော ပဋိပန္နကောတိ ဝတ္တဗ္ဗောတိ? အာမန္တာ။ နိရောဓေ ဒိဋ္ဌေ ဖလေ ဌိတောတိ ဝတ္တဗ္ဗောတိ? န ဟေဝံ ဝတ္တဗ္ဗေ။
သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော မဂ္ဂံ ဒက္ခန္တော ပဋိပန္နကောတိ ဝတ္တဗ္ဗော, မဂ္ဂေ ဒိဋ္ဌေ ဖလေ ဌိတောတိ ဝတ္တဗ္ဗောတိ? အာမန္တာ။ ဒုက္ခံ ဒက္ခန္တော ပဋိပန္နကောတိ ဝတ္တဗ္ဗော, ဒုက္ခေ ဒိဋ္ဌေ ဖလေ ဌိတောတိ ဝတ္တဗ္ဗောတိ? န ဟေဝံ ဝတ္တဗ္ဗေ ။ပ။ မဂ္ဂံ ဒက္ခန္တော ပဋိပန္နကောတိ ဝတ္တဗ္ဗော, မဂ္ဂေ ဒိဋ္ဌေ ဖလေ ဌိတောတိ ဝတ္တဗ္ဗောတိ? အာမန္တာ။ သမုဒယံ ဒက္ခန္တော ။ပ။ နိရောဓံ ဒက္ခန္တော ပဋိပန္နကောတိ ဝတ္တဗ္ဗော, နိရောဓေ ဒိဋ္ဌေ ဖလေ ဌိတောတိ ဝတ္တဗ္ဗောတိ? န ဟေဝံ ဝတ္တဗ္ဗေ ။ပ။
သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခံ ဒက္ခန္တော ပဋိပန္နကောတိ ဝတ္တဗ္ဗော, ဒုက္ခေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? အာမန္တာ။ မဂ္ဂံ ဒက္ခန္တော ပဋိပန္နကောတိ ဝတ္တဗ္ဗော, မဂ္ဂေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? န ဟေဝံ ဝတ္တဗ္ဗေ ။ပ။ သမုဒယံ ဒက္ခန္တော… နိရောဓံ ဒက္ခန္တော ပဋိပန္နကောတိ ဝတ္တဗ္ဗော, နိရောဓေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? အာမန္တာ။ မဂ္ဂံ ဒက္ခန္တော
(အဘိ၊က၊၁၆၇။)‘‘ပဋိပန္နကော’’တိ ဝတ္တဗ္ဗော, မဂ္ဂေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] သောတာပတ္တိဖလသစ္ဆိကိရိယာယ ပဋိပန္နော ပုဂ္ဂလော ဒုက္ခံ ဒက္ခန္တော ပဋိပန္နကောတိ ဝတ္တဗ္ဗော, ဒုက္ခေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? အာမန္တာ။ နိရတ္ထိယံ ဒုက္ခဒဿနန္တိ? န ဟေဝံ ဝတ္တဗ္ဗေ ။ပ။ သမုဒယံ ဒက္ခန္တော ။ပ။ နိရောဓံ ဒက္ခန္တော ပဋိပန္နကောတိ ဝတ္တဗ္ဗော, နိရောဓေ ဒိဋ္ဌေ န ဝတ္တဗ္ဗံ – ‘‘ဖလေ ဌိတောတိ ဝတ္တဗ္ဗော’’တိ? အာမန္တာ။ နိရတ္ထိယံ နိရောဓဒဿနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၄၅။ [ပရဝါဒီပုစ္ဆာလက္ခဏံ] ဒုက္ခေ ဒိဋ္ဌေ စတ္တာရိ သစ္စာနိ ဒိဋ္ဌာနိ ဟောန္တီတိ? အာမန္တာ။ ဒုက္ခသစ္စံ စတ္တာရိ သစ္စာနီတိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] ရူပက္ခန္ဓေ အနိစ္စတော ဒိဋ္ဌေ ပဉ္စက္ခန္ဓာ အနိစ္စတော ဒိဋ္ဌာ ဟောန္တီတိ? အာမန္တာ။ ရူပက္ခန္ဓော ပဉ္စက္ခန္ဓာတိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] စက္ခာယတနေ အနိစ္စတော ဒိဋ္ဌေ ဒွါဒသာယတနာနိ အနိစ္စတော ဒိဋ္ဌာနိ ဟောန္တီတိ? အာမန္တာ။ စက္ခာယတနံ ဒွါဒသာယတနာနီတိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] စက္ခုဓာတုယာ အနိစ္စတော ဒိဋ္ဌာယ အဋ္ဌာရသ ဓာတုယော အနိစ္စတော ဒိဋ္ဌာ ဟောန္တီတိ? အာမန္တာ။ စက္ခုဓာတု အဋ္ဌာရသ ဓာတုယောတိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] စက္ခုန္ဒြိယေ အနိစ္စတော ဒိဋ္ဌေ ဗာဝီသတိန္ဒြိယာနိ အနိစ္စတော ဒိဋ္ဌာနိ ဟောန္တီတိ? အာမန္တာ။ စက္ခုန္ဒြိယံ ဗာဝီသတိန္ဒြိယာနီတိ? န ဟေဝံ ဝတ္တဗ္ဗေ ။ပ။
[သကဝါဒီပုစ္ဆာလက္ခဏံ] စတူဟိ ဉာဏေဟိ သောတာပတ္တိဖလံ သစ္ဆိကရောတီတိ? အာမန္တာ။ စတ္တာရိ သောတာပတ္တိဖလာနီတိ? န ဟေဝံ ဝတ္တဗ္ဗေ ။ပ။ အဋ္ဌဟိ ဉာဏေဟိ သောတာပတ္တိဖလံ သစ္ဆိကရောတီတိ? အာမန္တာ။ အဋ္ဌ သောတာပတ္တိဖလာနီတိ? န ဟေဝံ ဝတ္တဗ္ဗေ ။ပ။ ဒွါဒသဟိ ဉာဏေဟိ သောတာပတ္တိဖလံ သစ္ဆိကရောတီတိ? အာမန္တာ။ ဒွါဒသ သောတာပတ္တိဖလာနီတိ? န ဟေဝံ ဝတ္တဗ္ဗေ ။ပ။ စတုစတ္တာရီသာယ ဉာဏေဟိ သောတာပတ္တိဖလံ သစ္ဆိကရောတီတိ? အာမန္တာ။ စတုစတ္တာရီသံ သောတာပတ္တိဖလာနီတိ? န ဟေဝံ ဝတ္တဗ္ဗေ ။ပ။ သတ္တသတ္တတိယာ ဉာဏေဟိ သောတာပတ္တိဖလံ သစ္ဆိကရောတီတိ? အာမန္တာ။ သတ္တသတ္တတိ သောတာပတ္တိဖလာနီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၆၈။)֍ ဋ္ဌ ၃၄၆။ န ဝတ္တဗ္ဗံ – ‘‘အနုပုဗ္ဗာဘိသမယော’’တိ? အာမန္တာ။ နနု ဝုတ္တံ ဘဂဝတာ – ‘‘သေယျထာပိ, ဘိက္ခဝေ, မဟာသမုဒ္ဒေါ အနုပုဗ္ဗနိန္နော အနုပုဗ္ဗပေါဏော အနုပုဗ္ဗပဗ္ဘာရော, န အာယတကေနေဝ ပပါတော၊ ဧဝမေဝ ခေါ, ဘိက္ခဝေ, ဣမသ္မိံ ဓမ္မဝိနယေ အနုပုဗ္ဗသိက္ခာ အနုပုဗ္ဗကိရိယာ အနုပုဗ္ဗပဋိပဒါ, န အာယတကေနေဝ အညာပဋိဝေဓော’’တိ [စူဠဝ။ ၃၈၅၊ အ။ နိ။ ၈။၂၀၊ ဥဒါ။ ၄၅ ဥဒါနေ စ]။ အတ္ထေဝ သုတ္တန္တောတိ? အာမန္တာ။ တေန ဟိ အနုပုဗ္ဗာဘိသမယောတိ။
န ဝတ္တဗ္ဗံ – ‘‘အနုပုဗ္ဗာဘိသမယော’’တိ? အာမန္တာ။ နနု ဝုတ္တံ ဘဂဝတာ –
‘‘အနုပုဗ္ဗေန မေဓာဝီ, ထောကံ ထောကံ ခဏေ ခဏေ၊
ကမ္မာရော ရဇတဿေဝ, နိဒ္ဓမေ မလမတ္တနော’’တိ [ဓ။ ပ။ ၂၃၉ ဓမ္မပဒေ]။
အတ္ထေဝ သုတ္တန္တောတိ? အာမန္တာ။ တေန ဟိ အနုပုဗ္ဗာဘိသမယောတိ။
အနုပုဗ္ဗာဘိသမယောတိ? အာမန္တာ။ နနွာယသ္မာ ဂဝမ္ပတိ ထေရော ဘိက္ခူ ဧတဒဝေါစ – ‘‘သမ္မုခါ မေတံ, အာဝုသော, ဘဂဝတော သုတံ သမ္မုခါ ပဋိဂ္ဂဟိတံ – ‘ယော, ဘိက္ခဝေ, ဒုက္ခံ ပဿတိ ဒုက္ခသမုဒယမ္ပိ သော ပဿတိ, ဒုက္ခနိရောဓမ္ပိ ပဿတိ, ဒုက္ခနိရောဓဂါမိနိံ ပဋိပဒမ္ပိ ပဿတိ၊ ယော ဒုက္ခသမုဒယံ ပဿတိ ဒုက္ခမ္ပိ သော ပဿတိ, ဒုက္ခနိရောဓမ္ပိ ပဿတိ, ဒုက္ခနိရောဓဂါမိနိံ ပဋိပဒမ္ပိ ပဿတိ၊ ယော ဒုက္ခနိရောဓံ ပဿတိ ဒုက္ခမ္ပိ သော ပဿတိ, ဒုက္ခသမုဒယမ္ပိ ပဿတိ, ဒုက္ခနိရောဓဂါမိနိံ ပဋိပဒမ္ပိ ပဿတိ၊ ယော ဒုက္ခနိရောဓဂါမိနိံ ပဋိပဒံ ပဿတိ ဒုက္ခမ္ပိ သော ပဿတိ, ဒုက္ခသမုဒယမ္ပိ ပဿတိ, ဒုက္ခနိရောဓမ္ပိ ပဿတီ’’’တိ [သံ။ နိ။ ၅။၁၁၀၀]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အနုပုဗ္ဗာဘိသမယော’’တိ။
အနုပုဗ္ဗာဘိသမယောတိ? အာမန္တာ။ နနု ဝုတ္တံ ဘဂဝတာ –
‘‘သဟာဝဿ ဒဿနသမ္ပဒါယ,
တယဿု ဓမ္မာ ဇဟိတာ ဘဝန္တိ၊
သက္ကာယဒိဋ္ဌီ ဝိစိကိစ္ဆိတဉ္စ,
သီလဗ္ဗတံ ဝါပိ ယဒတ္ထိ ကိဉ္စိ၊
စတူဟပါယေဟိ စ ဝိပ္ပမုတ္တော,
ဆစ္စာဘိဌာနာနိ အဘဗ္ဗ ကာတု’’န္တိ။
(အဘိ၊က၊၁၆၉။)အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အနုပုဗ္ဗာဘိသမယော’’တိ။
အနုပုဗ္ဗာဘိသမယောတိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ, ဘိက္ခဝေ, သမယေ အရိယသာဝကဿ ဝိရဇံ ဝီတမလံ ဓမ္မစက္ခုံ ဥဒပါဒိ – ‘ယံ ကိဉ္စိ သမုဒယဓမ္မံ သဗ္ဗံ တံ နိရောဓဓမ္မ’န္တိ, သဟ ဒဿနုပ္ပါဒါ, ဘိက္ခဝေ, အရိယသာဝကဿ တီဏိ သံယောဇနာနိ ပဟီယန္တိ – သက္ကာယဒိဋ္ဌိ, ဝိစိကိစ္ဆာ, သီလဗ္ဗတပရာမာသော’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အနုပုဗ္ဗာဘိသမယော’’တိ။
အနုပုဗ္ဗာဘိသမယကထာ နိဋ္ဌိတာ။
၂။ ဒုတိယဝဂ္ဂ
(၁၉) ၁၀။ ဝေါဟာရကထာ
֍ ဋ္ဌ ၃၄၇။ ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ လောကုတ္တရေ သောတေ ပဋိဟညတိ နော လောကိယေ, လောကုတ္တရေန ဝိညာဏေန ပဋိဝိဇာနန္တိ နော လောကိယေန, သာဝကာ ပဋိဝိဇာနန္တိ နော ပုထုဇ္ဇနာတိ? န ဟေဝံ ဝတ္တဗ္ဗေ ။ပ။
နနု ဗုဒ္ဓဿ ဘဂဝတော ဝေါဟာရော လောကိယေ သောတေ ပဋိဟညတီတိ? အာမန္တာ။ ဟဉ္စိ ဗုဒ္ဓဿ ဘဂဝတော ဝေါဟာရော လောကိယေ သောတေ ပဋိဟညတိ, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
နနု ဗုဒ္ဓဿ ဘဂဝတော ဝေါဟာရံ လောကိယေန ဝိညာဏေန ပဋိဝိဇာနန္တီတိ? အာမန္တာ။ ဟဉ္စိ ဗုဒ္ဓဿ ဘဂဝတော ဝေါဟာရံ လောကိယေန ဝိညာဏေန ပဋိဝိဇာနန္တိ, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
နနု ဗုဒ္ဓဿ ဘဂဝတော ဝေါဟာရံ ပုထုဇ္ဇနာ ပဋိဝိဇာနန္တီတိ? အာမန္တာ။ ဟဉ္စိ ဗုဒ္ဓဿ ဘဂဝတော ဝေါဟာရံ ပုထုဇ္ဇနာ ပဋိဝိဇာနန္တိ, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
(အဘိ၊က၊၁၇၀။)֍ ဋ္ဌ ၃၄၈။ ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ, သကဒါဂါမိမဂ္ဂေါ သကဒါဂါမိဖလံ, အနာဂါမိမဂ္ဂေါ အနာဂါမိဖလံ, အရဟတ္တမဂ္ဂေါ အရဟတ္တဖလံ, သတိပဋ္ဌာနံ သမ္မပ္ပဓာနံ ဣဒ္ဓိပါဒေါ ဣန္ဒြိယံ ဗလံ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ အတ္ထိ ကေစိ ဗုဒ္ဓဿ ဘဂဝတော ဝေါဟာရံ သုဏန္တီတိ? အာမန္တာ။ လောကုတ္တရော ဓမ္မော သောတဝိညေယျော, သောတသ္မိံ ပဋိဟညတိ, သောတဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ ။ပ။
နနု လောကုတ္တရော ဓမ္မော န သောတဝိညေယျော, န သောတသ္မိံ ပဋိဟညတိ, န သောတဿ အာပါထံ အာဂစ္ဆတီတိ? အာမန္တာ။ ဟဉ္စိ လောကုတ္တရော ဓမ္မော န သောတဝိညေယျော, န သောတသ္မိံ ပဋိဟညတိ, န သောတဿ အာပါထံ အာဂစ္ဆတိ, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
֍ ဋ္ဌ ၃၄၉။ ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ အတ္ထိ ကေစိ ဗုဒ္ဓဿ ဘဂဝတော ဝေါဟာရေ ရဇ္ဇေယျုန္တိ? အာမန္တာ။ လောကုတ္တရော ဓမ္မော ရာဂဋ္ဌာနိယော ရဇနီယော ကမနီယော မဒနီယော ဗန္ဓနီယော မုစ္ဆနီယောတိ? န ဟေဝံ ဝတ္တဗ္ဗေ ။ပ။
နနု လောကုတ္တရော ဓမ္မော န ရာဂဋ္ဌာနိယော န ရဇနီယော န ကမနီယော န မဒနီယော န ဗန္ဓနီယော န မုစ္ဆနီယောတိ? အာမန္တာ။ ဟဉ္စိ လောကုတ္တရော ဓမ္မော န ရာဂဋ္ဌာနိယော န ရဇနီယော န ကမနီယော န မဒနီယော န ဗန္ဓနီယော န မုစ္ဆနီယော, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ အတ္ထိ ကေစိ ဗုဒ္ဓဿ ဘဂဝတော ဝေါဟာရေ ဒုဿေယျုန္တိ? အာမန္တာ။ လောကုတ္တရော ဓမ္မော ဒေါသဋ္ဌာနိယော ကောပဋ္ဌာနိယော ပဋိဃဋ္ဌာနိယောတိ? န ဟေဝံ ဝတ္တဗ္ဗေ ။ပ။
နနု လောကုတ္တရော ဓမ္မော န ဒေါသဋ္ဌာနိယော န ကောပဋ္ဌာနိယော န ပဋိဃဋ္ဌာနိယောတိ? အာမန္တာ။ ဟဉ္စိ လောကုတ္တရော ဓမ္မော န ဒေါသဋ္ဌာနိယော
(အဘိ၊က၊၁၇၁။)န ကောပဋ္ဌာနိယော န ပဋိဃဋ္ဌာနိယော, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ အတ္ထိ ကေစိ ဗုဒ္ဓဿ ဘဂဝတော ဝေါဟာရေ မုယှေယျုန္တိ? အာမန္တာ။ လောကုတ္တရော ဓမ္မော မောဟဋ္ဌာနိယော အညာဏကရဏော အစက္ခုကရဏော ပညာနိရောဓိကော ဝိဃာတပက္ခိကော အနိဗ္ဗာနသံဝတ္တနိကောတိ? န ဟေဝံ ဝတ္တဗ္ဗေ ။ပ။
နနု လောကုတ္တရော ဓမ္မော န မောဟဋ္ဌာနိယော န အညာဏကရဏော န အစက္ခုကရဏော ပညာဝုဒ္ဓိကော အဝိဃာတပက္ခိကော နိဗ္ဗာနသံဝတ္တနိကောတိ? အာမန္တာ။ ဟဉ္စိ လောကုတ္တရော ဓမ္မော န မောဟဋ္ဌာနိယော န အညာဏကရဏော န အစက္ခုကရဏော ပညာဝုဒ္ဓိကော အဝိဃာတပက္ခိကော နိဗ္ဗာနသံဝတ္တနိကော, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကုတ္တရော’’တိ။
֍ ဋ္ဌ ၃၅၀။ ဗုဒ္ဓဿ ဘဂဝတော ဝေါဟာရော လောကုတ္တရောတိ? အာမန္တာ။ ယေ ကေစိ ဗုဒ္ဓဿ ဘဂဝတော ဝေါဟာရံ သုဏန္တိ, သဗ္ဗေ တေ မဂ္ဂံ ဘာဝေန္တီတိ? န ဟေဝံ ဝတ္တဗ္ဗေ ။ပ။
ယေ ကေစိ ဗုဒ္ဓဿ ဘဂဝတော ဝေါဟာရံ သုဏန္တိ, သဗ္ဗေ တေ မဂ္ဂံ ဘာဝေန္တီတိ? အာမန္တာ။ ဗာလပုထုဇ္ဇနာ ဗုဒ္ဓဿ ဘဂဝတော ဝေါဟာရံ သုဏန္တိ, ဗာလပုထုဇ္ဇနာ မဂ္ဂံ ဘာဝေန္တီတိ? န ဟေဝံ ဝတ္တဗ္ဗေ ။ပ။ မာတုဃာတကော မဂ္ဂံ ဘာဝေတိ ။ပ။ ပိတုဃာတကော… အရဟန္တဃာတကော… ရုဟိရုပ္ပါဒကော… သံဃဘေဒကော ဗုဒ္ဓဿ ဘဂဝတော ဝေါဟာရံ သုဏာတိ, သံဃဘေဒကော မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၅၁။ လဗ္ဘာ သောဝဏ္ဏမယာယ လဋ္ဌိယာ ဓညပုဉ္ဇောပိ သုဝဏ္ဏပုဉ္ဇောပိ အာစိက္ခိတုန္တိ? အာမန္တာ။ ဧဝမေဝံ ဘဂဝါ လောကုတ္တရေန ဝေါဟာရေန လောကိယမ္ပိ လောကုတ္တရမ္ပိ ဓမ္မံ ဝေါဟရတီတိ။
လဗ္ဘာ ဧလဏ္ဍိယာယ လဋ္ဌိယာ ဓညပုဉ္ဇောပိ သုဝဏ္ဏပုဉ္ဇောပိ အာစိက္ခိတုန္တိ? အာမန္တာ။ ဧဝမေဝံ ဘဂဝါ လောကိယေန ဝေါဟာရေန လောကိယမ္ပိ လောကုတ္တရမ္ပိ ဓမ္မံ ဝေါဟရတီတိ။
(အဘိ၊က၊၁၇၂။)֍ ဋ္ဌ ၃၅၂။ ဗုဒ္ဓဿ ဘဂဝတော ဝေါဟာရော လောကိယံ ဝေါဟရန္တဿ လောကိယော ဟောတိ, လောကုတ္တရံ ဝေါဟရန္တဿ လောကုတ္တရော ဟောတီတိ? အာမန္တာ။ လောကိယံ ဝေါဟရန္တဿ လောကိယေ သောတေ ပဋိဟညတိ, လောကုတ္တရံ ဝေါဟရန္တဿ လောကုတ္တရေ သောတေ ပဋိဟညတိ၊ လောကိယံ ဝေါဟရန္တဿ လောကိယေန ဝိညာဏေန ပဋိဝိဇာနန္တိ, လောကုတ္တရံ ဝေါဟရန္တဿ လောကုတ္တရေန ဝိညာဏေန ပဋိဝိဇာနန္တိ၊ လောကိယံ ဝေါဟရန္တဿ ပုထုဇ္ဇနာ ပဋိဝိဇာနန္တိ, လောကုတ္တရံ ဝေါဟရန္တဿ သာဝကာ ပဋိဝိဇာနန္တီတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘ဗုဒ္ဓဿ ဘဂဝတော ဝေါဟာရော လောကိယံ ဝေါဟရန္တဿ လောကိယော ဟောတိ, လောကုတ္တရံ ဝေါဟရန္တဿ လောကုတ္တရော ဟောတီတိ? အာမန္တာ။ နနု ဘဂဝါ လောကိယမ္ပိ လောကုတ္တရမ္ပိ ဓမ္မံ ဝေါဟရတီတိ? အာမန္တာ။ ဟဉ္စိ ဘဂဝါ လောကိယမ္ပိ လောကုတ္တရမ္ပိ ဓမ္မံ ဝေါဟရတိ, တေန ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဝေါဟာရော လောကိယံ ဝေါဟရန္တဿ လောကိယော ဟောတိ, လောကုတ္တရံ ဝေါဟရန္တဿ လောကုတ္တရော ဟောတီ’’တိ။
ဗုဒ္ဓဿ ဘဂဝတော ဝေါဟာရော လောကိယံ ဝေါဟရန္တဿ လောကိယော ဟောတိ, လောကုတ္တရံ ဝေါဟရန္တဿ လောကုတ္တရော ဟောတီတိ? အာမန္တာ။ မဂ္ဂံ ဝေါဟရန္တဿ မဂ္ဂေါ ဟောတိ, အမဂ္ဂံ ဝေါဟရန္တဿ အမဂ္ဂေါ ဟောတိ, ဖလံ ဝေါဟရန္တဿ ဖလံ ဟောတိ, အဖလံ ဝေါဟရန္တဿ အဖလံ ဟောတိ, နိဗ္ဗာနံ ဝေါဟရန္တဿ နိဗ္ဗာနံ ဟောတိ, အနိဗ္ဗာနံ ဝေါဟရန္တဿ အနိဗ္ဗာနံ ဟောတိ, သင်္ခတံ ဝေါဟရန္တဿ သင်္ခတံ ဟောတိ, အသင်္ခတံ ဝေါဟရန္တဿ အသင်္ခတံ ဟောတိ, ရူပံ ဝေါဟရန္တဿ ရူပံ ဟောတိ, အရူပံ ဝေါဟရန္တဿ အရူပံ ဟောတိ, ဝေဒနံ ဝေါဟရန္တဿ ဝေဒနာ ဟောတိ, အဝေဒနံ ဝေါဟရန္တဿ အဝေဒနာ ဟောတိ, သညံ ဝေါဟရန္တဿ သညာ ဟောတိ, အသညံ ဝေါဟရန္တဿ အသညာ ဟောတိ, သင်္ခါရေ ဝေါဟရန္တဿ သင်္ခါရာ ဟောန္တိ, အသင်္ခါရေ ဝေါဟရန္တဿ အသင်္ခါရာ ဟောန္တိ, ဝိညာဏံ ဝေါဟရန္တဿ ဝိညာဏံ ဟောတိ, အဝိညာဏံ ဝေါဟရန္တဿ အဝိညာဏံ ဟောတီတိ? န ဟေဝံ ဝတ္တဗ္ဗေ ။ပ။
ဝေါဟာရကထာ နိဋ္ဌိတာ။
(အဘိ၊က၊၁၇၃။)၂။ ဒုတိယဝဂ္ဂ
(၂၀) ၁၁။ နိရောဓကထာ
֍ ဋ္ဌ ၃၅၃။ ဒွေ နိရောဓာတိ? အာမန္တာ။ ဒွေ ဒုက္ခနိရောဓာတိ? န ဟေဝံ ဝတ္တဗ္ဗေ ။ပ။ ဒွေ ဒုက္ခနိရောဓာတိ? အာမန္တာ။ ဒွေ နိရောဓသစ္စာနီတိ? န ဟေဝံ ဝတ္တဗ္ဗေ။ပ။ ဒွေ နိရောဓသစ္စာနီတိ? အာမန္တာ။ ဒွေ ဒုက္ခသစ္စာနီတိ? န ဟေဝံ ဝတ္တဗ္ဗေ။ပ။ ဒွေ နိရောဓသစ္စာနီတိ? အာမန္တာ။ ဒွေ သမုဒယသစ္စာနီတိ? န ဟေဝံ ဝတ္တဗ္ဗေ။ပ။ ဒွေ နိရောဓသစ္စာနီတိ? အာမန္တာ။ ဒွေ မဂ္ဂသစ္စာနီတိ? န ဟေဝံ ဝတ္တဗ္ဗေ။ပ။
ဒွေ နိရောဓသစ္စာနီတိ? အာမန္တာ။ ဒွေ တာဏာနိ။ပ။ ဒွေ လေဏာနိ… ဒွေ သရဏာနိ… ဒွေ ပရာယဏာနိ… ဒွေ အစ္စုတာနိ… ဒွေ အမတာနိ… ဒွေ နိဗ္ဗာနာနီတိ? န ဟေဝံ ဝတ္တဗ္ဗေ။ပ။
ဒွေ နိဗ္ဗာနာနီတိ? အာမန္တာ။ အတ္ထိ ဒွိန္နံ နိဗ္ဗာနာနံ ဥစ္စနီစတာ ဟီနပဏီတတာ ဥက္ကံသာဝကံသော သီမာ ဝါ ဘေဒေါ ဝါ ရာဇိ ဝါ အန္တရိကာ ဝါတိ? န ဟေဝံ ဝတ္တဗ္ဗေ။ပ။
ဒွေ နိရောဓာတိ? အာမန္တာ။ နနု အပ္ပဋိသင်္ခါနိရုဒ္ဓေ သင်္ခါရေ ပဋိသင်္ခါ နိရောဓေန္တီတိ? အာမန္တာ။ ဟဉ္စိ အပ္ပဋိသင်္ခါနိရုဒ္ဓေ သင်္ခါရေ ပဋိသင်္ခါ နိရောဓေန္တိ, နော စ ဝတ ရေ ဝတ္တဗ္ဗေ – ‘‘ဒွေ နိရောဓာ’’တိ။
န ဝတ္တဗ္ဗံ – ‘‘ဒွေ နိရောဓာ’’တိ? အာမန္တာ။ နနု အပ္ပဋိသင်္ခါနိရုဒ္ဓါပိ သင်္ခါရာ အစ္စန္တဘဂ္ဂါ, ပဋိသင်္ခါနိရုဒ္ဓါပိ သင်္ခါရာ အစ္စန္တဘဂ္ဂါတိ? အာမန္တာ။ ဟဉ္စိ အပ္ပဋိသင်္ခါနိရုဒ္ဓါပိ သင်္ခါရာ အစ္စန္တဘဂ္ဂါ, ပဋိသင်္ခါနိရုဒ္ဓါပိ သင်္ခါရာ အစ္စန္တဘဂ္ဂါ, တေန ဝတ ရေ ဝတ္တဗ္ဗေ – ‘‘ဒွေ နိရောဓာ’’တိ။
ဒွေ နိရောဓာတိ? အာမန္တာ။ ပဋိသင်္ခါနိရုဒ္ဓါပိ [ပဋိသင်္ခါနိရုဒ္ဓါ (?)] သင်္ခါရာ အရိယမဂ္ဂံ အာဂမ္မ နိရုဒ္ဓါတိ? အာမန္တာ။ အပ္ပဋိသင်္ခါနိရုဒ္ဓါ သင်္ခါရာ အရိယမဂ္ဂံ အာဂမ္မ နိရုဒ္ဓါတိ? န ဟေဝံ ဝတ္တဗ္ဗေ။ပ။
(အဘိ၊က၊၁၇၄။)ဒွေ နိရောဓာတိ? အာမန္တာ။ ပဋိသင်္ခါနိရုဒ္ဓါ သင်္ခါရာ န ပုန ဥပ္ပဇ္ဇန္တီတိ? အာမန္တာ။ အပ္ပဋိသင်္ခါနိရုဒ္ဓါ သင်္ခါရာ န ပုန ဥပ္ပဇ္ဇန္တီတိ? န ဟေဝံ ဝတ္တဗ္ဗေ။ပ။ တေန ဟိ န ဝတ္တဗ္ဗံ – ‘‘ဒွေ နိရောဓာ’’တိ။
နိရောဓကထာ နိဋ္ဌိတာ။
ဒုတိယဝဂ္ဂေါ။
တဿုဒ္ဒါနံ –
ပရူပဟာရော အညာဏံ, ကင်္ခါ ပရဝိတာရဏာ၊
ဝစီဘေဒေါ ဒုက္ခာဟာရော, စိတ္တဋ္ဌိတိ စ ကုက္ကုဠာ၊
အနုပုဗ္ဗာဘိသမယော, ဝေါဟာရော စ နိရောဓကောတိ။
၃။ တတိယဝဂ္ဂ
(၂၁) ၁။ ဗလကထာ
֍ ဋ္ဌ ၃၅၄။ တထာဂတဗလံ သာဝကသာဓာရဏန္တိ? အာမန္တာ။ တထာဂတဗလံ သာဝကဗလံ, သာဝကဗလံ တထာဂတဗလန္တိ? န ဟေဝံ ဝတ္တဗ္ဗေ။ပ။
တထာဂတဗလံ သာဝကသာဓာရဏန္တိ? အာမန္တာ။ တညေဝ တထာဂတဗလံ တံ သာဝကဗလံ, တညေဝ သာဝကဗလံ တံ တထာဂတဗလန္တိ? န ဟေဝံ ဝတ္တဗ္ဗေ။ပ။
တထာဂတဗလံ သာဝကသာဓာရဏန္တိ? အာမန္တာ။ ယာဒိသံ တထာဂတဗလံ တာဒိသံ သာဝကဗလံ, ယာဒိသံ သာဝကဗလံ တာဒိသံ တထာဂတဗလန္တိ? န ဟေဝံ ဝတ္တဗ္ဗေ။ပ။
တထာဂတဗလံ သာဝကသာဓာရဏန္တိ? အာမန္တာ။ ယာဒိသော တထာဂတဿ ပုဗ္ဗယောဂေါ ပုဗ္ဗစရိယာ ဓမ္မက္ခာနံ ဓမ္မဒေသနာ တာဒိသော သာဝကဿ ပုဗ္ဗယောဂေါ ပုဗ္ဗစရိယာ ဓမ္မက္ခာနံ ဓမ္မဒေသနာတိ? န ဟေဝံ ဝတ္တဗ္ဗေ။ပ။
တထာဂတဗလံ သာဝကသာဓာရဏန္တိ? အာမန္တာ။ တထာဂတော ဇိနော သတ္ထာ သမ္မာသမ္ဗုဒ္ဓေါ သဗ္ဗညူ သဗ္ဗဒဿာဝီ ဓမ္မဿာမီ ဓမ္မပ္ပဋိသရဏောတိ?
(အဘိ၊က၊၁၇၅။)အာမန္တာ။ သာဝကော ဇိနော သတ္ထာ သမ္မာသမ္ဗုဒ္ဓေါ သဗ္ဗညူ သဗ္ဗဒဿာဝီ ဓမ္မဿာမီ ဓမ္မပ္ပဋိသရဏောတိ? န ဟေဝံ ဝတ္တဗ္ဗေ။ပ။
တထာဂတဗလံ သာဝကသာဓာရဏန္တိ? အာမန္တာ။ တထာဂတော အနုပ္ပန္နဿ မဂ္ဂဿ ဥပ္ပါဒေတာ အသဉ္ဇာတဿ မဂ္ဂဿ သဉ္ဇနေတာ အနက္ခာတဿ မဂ္ဂဿ အက္ခာတာ မဂ္ဂညူ မဂ္ဂဝိဒူ မဂ္ဂကောဝိဒေါတိ? အာမန္တာ။ သာဝကော အနုပ္ပန္နဿ မဂ္ဂဿ ဥပ္ပါဒေတာ အသဉ္ဇာတဿ မဂ္ဂဿ သဉ္ဇနေတာ အနက္ခာတဿ မဂ္ဂဿ အက္ခာတာ မဂ္ဂညူ မဂ္ဂဝိဒူ မဂ္ဂကောဝိဒေါတိ? န ဟေဝံ ဝတ္တဗ္ဗေ။ပ။
ဣန္ဒြိယပရောပရိယတ္တံ ယထာဘူတံ ဉာဏံ တထာဂတဗလံ သာဝကသာဓာရဏန္တိ? အာမန္တာ။ သာဝကော သဗ္ဗညူ သဗ္ဗဒဿာဝီတိ? န ဟေဝံ ဝတ္တဗ္ဗေ။ပ။
֍ ဋ္ဌ ၃၅၅။ သာဝကော ဌာနာဌာနံ ဇာနာတီတိ? အာမန္တာ။ ဟဉ္စိ သာဝကော ဌာနာဌာနံ ဇာနာတိ, တေန ဝတ ရေ ဝတ္တဗ္ဗေ – ‘‘ဌာနာဌာနံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော အတီတာနာဂတပစ္စုပ္ပန္နာနံ ကမ္မသမာဒါနာနံ ဌာနသော ဟေတုသော ဝိပါကံ ဇာနာတီတိ? အာမန္တာ။ ဟဉ္စိ သာဝကော အတီတာနာဂတပစ္စုပ္ပန္နာနံ ကမ္မသမာဒါနာနံ ဌာနသော ဟေတုသော ဝိပါကံ ဇာနာတိ, တေန ဝတ ရေ ဝတ္တဗ္ဗေ – ‘‘အတီတာနာဂတပစ္စုပ္ပန္နာနံ ကမ္မသမာဒါနာနံ ဌာနသော ဟေတုသော ဝိပါကံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော သဗ္ဗတ္ထဂါမိနိံ ပဋိပဒံ ဇာနာတီတိ? အာမန္တာ။ ဟဉ္စိ သာဝကော သဗ္ဗတ္ထဂါမိနိံ ပဋိပဒံ ဇာနာတိ, တေန ဝတ ရေ ဝတ္တဗ္ဗေ – ‘‘သဗ္ဗတ္ထဂါမိနိံ ပဋိပဒံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော အနေကဓာတုံ နာနာဓာတုံ လောကံ ဇာနာတီတိ? အာမန္တာ။ ဟဉ္စိ သာဝကော အနေကဓာတုံ နာနာဓာတုံ လောကံ ဇာနာတိ, တေန ဝတ ရေ ဝတ္တဗ္ဗေ – ‘‘အနေကဓာတုံ နာနာဓာတုံ လောကံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော သတ္တာနံ နာနာဓိမုတ္တိကတံ ဇာနာတီတိ? အာမန္တာ။ ဟဉ္စိ သာဝကော သတ္တာနံ နာနာဓိမုတ္တိကတံ ဇာနာတိ, တေန ဝတ ရေ ဝတ္တဗ္ဗေ –
(အဘိ၊က၊၁၇၆။)‘‘သတ္တာနံ နာနာဓိမုတ္တိကတံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော ဈာနဝိမောက္ခသမာဓိသမာပတ္တီနံ သံကိလေသံ ဝေါဒါနံ ဝုဋ္ဌာနံ ဇာနာတီတိ? အာမန္တာ။ ဟဉ္စိ သာဝကော ဈာနဝိမောက္ခသမာဓိသမာပတ္တီနံ သံကိလေသံ ဝေါဒါနံ ဝုဋ္ဌာနံ ဇာနာတိ, တေန ဝတ ရေ ဝတ္တဗ္ဗေ – ‘‘ဈာနဝိမောက္ခသမာဓိသမာပတ္တီနံ သံကိလေသံ ဝေါဒါနံ ဝုဋ္ဌာနံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော ပုဗ္ဗေနိဝါသာနုဿတိံ ဇာနာတီတိ? အာမန္တာ။ ဟဉ္စိ သာဝကော ပုဗ္ဗေနိဝါသာနုဿတိံ ဇာနာတိ, တေန ဝတ ရေ ဝတ္တဗ္ဗေ – ‘‘ပုဗ္ဗေနိဝါသာနုဿတိ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
သာဝကော သတ္တာနံ စုတူပပါတံ ဇာနာတီတိ? အာမန္တာ။ ဟဉ္စိ သာဝကော သတ္တာနံ စုတူပပါတံ ဇာနာတိ, တေန ဝတ ရေ ဝတ္တဗ္ဗေ – ‘‘သတ္တာနံ စုတူပပါတံ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
နနု တထာဂတဿာပိ အာသဝါ ခီဏာ သာဝကဿာပိ အာသဝါ ခီဏာတိ? အာမန္တာ။ အတ္ထိ ကိဉ္စိ နာနာကရဏံ တထာဂတဿ ဝါ သာဝကဿ ဝါ အာသဝက္ခယေန ဝါ အာသဝက္ခယံ ဝိမုတ္တိယာ ဝါ ဝိမုတ္တီတိ? နတ္ထိ။ ဟဉ္စိ နတ္ထိ ကိဉ္စိ နာနာကရဏံ တထာဂတဿ ဝါ သာဝကဿ ဝါ အာသဝက္ခယေန ဝါ အာသဝက္ခယံ ဝိမုတ္တိယာ ဝါ ဝိမုတ္တိ, တေန ဝတ ရေ ဝတ္တဗ္ဗေ – ‘‘အာသဝါနံ ခယေ ယထာဘူတံ ဉာဏံ တထာဂတဗလံ သာဝကသာဓာရဏ’’န္တိ။
֍ ဋ္ဌ ၃၅၆။ အာသဝါနံ ခယေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? အာမန္တာ။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၇၇။)သတ္တာနံ စုတူပပါတေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? န ဟေဝံ ဝတ္တဗ္ဗေ ။ပ။
ဣန္ဒြိယပရောပရိယတ္တံ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? န ဟေဝံ ဝတ္တဗ္ဗေ [အယမေတ္ထ သာဓာရဏပက္ခံ သန္ဓာယ ပဋိက္ခေပေါ (ဋီကာ ဩလောကေတဗ္ဗာ)] ။ပ။
ဣန္ဒြိယပရောပရိယတ္တံ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? အာမန္တာ ။ပ။ အာသဝါနံ ခယေ ယထာဘူတံ ဉာဏံ တထာဂတဗလံ သာဝကအသာဓာရဏန္တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? အာမန္တာ။ ဣန္ဒြိယပရောပရိယတ္တံ ယထာဘူတံ ဉာဏံ တထာဂတဗလံ သာဝကသာဓာရဏန္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ သာဝကသာဓာရဏန္တိ? အာမန္တာ။ ဣန္ဒြိယပရောပရိယတ္တံ ယထာဘူတံ ဉာဏံ တထာဂတဗလံ သာဝကသာဓာရဏန္တိ? န ဟေဝံ ဝတ္တဗ္ဗေ ။ပ။
ဗလကထာ နိဋ္ဌိတာ။
၃။ တတိယဝဂ္ဂ
(၂၂) ၂။ အရိယန္တိကထာ
֍ ဋ္ဌ ၃၅၇။ ဌာနာဌာနေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ, သကဒါဂါမိမဂ္ဂေါ သကဒါဂါမိဖလံ, အနာဂါမိမဂ္ဂေါ အနာဂါမိဖလံ, အရဟတ္တမဂ္ဂေါ အရဟတ္တဖလံ, သတိပဋ္ဌာနံ သမ္မပ္ပဓာနံ ဣဒ္ဓိပါဒေါ ဣန္ဒြိယံ ဗလံ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ သုညတာရမ္မဏန္တိ? န ဟေဝံ ဝတ္တဗ္ဗေ ။ပ။ သုညတာရမ္မဏန္တိ? အာမန္တာ။
(အဘိ၊က၊၁၇၈။)ဌာနာဌာနဉ္စ မနသိ ကရောတိ, သုညတဉ္စ မနသိ ကရောတီတိ? န ဟေဝံ ဝတ္တဗ္ဗေ ။ပ။
ဌာနာဌာနဉ္စ မနသိ ကရောတိ, သုညတဉ္စ မနသိ ကရောတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။ ဌာနာဌာနေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။ အပ္ပဏိဟိတာရမ္မဏန္တိ? အာမန္တာ။ ဌာနာဌာနဉ္စ မနသိ ကရောတိ, အပ္ပဏိဟိတဉ္စ မနသိ ကရောတီတိ? န ဟေဝံ ဝတ္တဗ္ဗေ ။ပ။
ဌာနာဌာနဉ္စ မနသိ ကရောတိ, အပ္ပဏိဟိတဉ္စ မနသိ ကရောတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၅၈။ သတိပဋ္ဌာနာ အရိယာ သုညတာရမ္မဏာတိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ သုညတာရမ္မဏန္တိ? န ဟေဝံ ဝတ္တဗ္ဗေ ။ပ။
သတိပဋ္ဌာနာ အရိယာ အနိမိတ္တာရမ္မဏာ ။ပ။ အပ္ပဏိဟိတာရမ္မဏာတိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
သမ္မပ္ပဓာနာ, ဣဒ္ဓိပါဒါ, ဣန္ဒြိယာ, ဗလာ, ဗောဇ္ဈင်္ဂါ အရိယာ သုညတာရမ္မဏာတိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ သုညတာရမ္မဏန္တိ? န ဟေဝံ ဝတ္တဗ္ဗေ ။ပ။
ဗောဇ္ဈင်္ဂါ အရိယာ အနိမိတ္တာရမ္မဏာ… အပ္ပဏိဟိတာရမ္မဏာတိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၅၉။ ဌာနာဌာနေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – ‘‘သုညတာရမ္မဏ’’န္တိ? အာမန္တာ။ သတိပဋ္ဌာနာ အရိယာ န ဝတ္တဗ္ဗာ – ‘‘သုညတာရမ္မဏာ’’တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ။ သတိပဋ္ဌာနာ အရိယာ န ဝတ္တဗ္ဗာ – ‘‘အပ္ပဏိဟိတာရမ္မဏာ’’တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၇၉။)ဌာနာဌာနေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – သုညတာရမ္မဏံ ။ပ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ။ သမ္မပ္ပဓာနံ ။ပ။ ဗောဇ္ဈင်္ဂါ အရိယာ န ဝတ္တဗ္ဗာ – ‘‘အပ္ပဏိဟိတာရမ္မဏာ’’တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၀။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ ။ပ။ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ သုညတာရမ္မဏန္တိ? န ဟေဝံ ဝတ္တဗ္ဗေ ။ပ။ သုညာတာရမ္မဏန္တိ? အာမန္တာ။ သတ္တာနံ စုတူပပါတဉ္စ မနသိ ကရောတိ, သုညတဉ္စ မနသိ ကရောတီတိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတဉ္စ မနသိ ကရောတိ, သုညတဉ္စ မနသိ ကရောတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ အနိမိတ္တာရမ္မဏံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။ အပ္ပဏိဟိတာရမ္မဏန္တိ? အာမန္တာ။ သတ္တာနံ စုတူပပါတဉ္စ မနသိ ကရောတိ, အပ္ပဏိဟိတဉ္စ မနသိ ကရောတီတိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတဉ္စ မနသိ ကရောတိ, အပ္ပဏိဟိတဉ္စ မနသိ ကရောတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၁။ သတိပဋ္ဌာနာ အရိယာ သုညတာရမ္မဏာ ။ပ။ အနိမိတ္တာရမ္မဏာ ။ပ။ အပ္ပဏိဟိတာရမ္မဏာတိ? အာမန္တာ။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
သမ္မပ္ပဓာနံ ။ပ။ ဗောဇ္ဈင်္ဂါ အရိယာ သုညတာရမ္မဏာ ။ပ။ အနိမိတ္တာရမ္မဏာ ။ပ။ အပ္ပဏိဟိတာရမ္မဏာတိ? အာမန္တာ။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၀။)သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – သုညတာရမ္မဏံ ။ပ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ။ သတိပဋ္ဌာနာ အရိယာ န ဝတ္တဗ္ဗာ – ‘‘အပ္ပပဏိဟိတာရမ္မဏာ’’တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၂။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – သုညတာရမ္မဏံ ။ပ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ။ သမ္မပ္ပဓာနာ ။ပ။ ဗောဇ္ဈင်္ဂါ အရိယာ န ဝတ္တဗ္ဗာ – ‘‘အပ္ပဏိဟိတာရမ္မဏာ’’တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယန္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ အရိယန္တိ? အာမန္တာ။ သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယန္တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ န ဝတ္တဗ္ဗံ – ‘‘အရိယ’’န္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ န ဝတ္တဗ္ဗံ – ‘‘အရိယ’’န္တိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတေ ယထာဘူတံ ဉာဏံ တထာဂတဗလံ န ဝတ္တဗ္ဗံ – ‘‘အရိယ’’န္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ န ဝတ္တဗ္ဗံ – ‘‘အရိယ’’န္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ အရိယံ သုညတာရမ္မဏန္တိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ သုညတာရမ္မဏန္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ အရိယံ အနိမိတ္တာရမ္မဏံ… အပ္ပဏိဟိတာရမ္မဏန္တိ? အာမန္တာ။ ဌာနာဌာနေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
အာသဝါနံ ခယေ ယထာဘူတံ ဉာဏံ တထာဂတဗလံ အရိယံ သုညတာရမ္မဏံ ။ပ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ ။ပ။ သတ္တာနံ
(အဘိ၊က၊၁၈၁။)စုတူပပါတေ ယထာဘူတံ ဉာဏံ တထာဂတဗလံ အရိယံ အပ္ပဏိဟိတာရမ္မဏန္တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – ‘‘သုညတာရမ္မဏ’’န္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – ‘‘သုညတာရမ္မဏ’’န္တိ? န ဟေဝံ ဝတ္တဗ္ဗေ ။ပ။
ဌာနာဌာနေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – အနိမိတ္တာရမ္မဏံ… အပ္ပဏိဟိတာရမ္မဏန္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – ‘‘အပ္ပဏိဟိတာရမ္မဏ’’န္တိ? န ဟေဝံ ဝတ္တဗ္ဗေ ။ပ။
သတ္တာနံ စုတူပပါတေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – သုညတာရမ္မဏံ ။ပ။ အနိမိတ္တာရမ္မဏံ ။ပ။ အပ္ပဏိဟိတာရမ္မဏန္တိ? အာမန္တာ။ အာသဝါနံ ခယေ ယထာဘူတံ ဉာဏံ တထာဂတဗလံ အရိယံ န ဝတ္တဗ္ဗံ – ‘‘အပ္ပဏိဟိတာရမ္မဏ’’န္တိ? န ဟေဝံ ဝတ္တဗ္ဗေ ။ပ။
အရိယန္တိကထာ နိဋ္ဌိတာ။
၃။ တတိယဝဂ္ဂ
(၂၃) ၃။ ဝိမုတ္တိကထာ
֍ ဋ္ဌ ၃၆၃။ သရာဂံ စိတ္တံ ဝိမုစ္စတီတိ? အာမန္တာ။ ရာဂသဟဂတံ ရာဂသဟဇာတံ ရာဂသံသဋ္ဌံ ရာဂသမ္ပယုတ္တံ ရာဂသဟဘု ရာဂါနုပရိဝတ္တိ အကုသလံ လောကိယံ သာသဝံ သံယောဇနိယံ ဂန္ထနိယံ ဩဃနိယံ ယောဂနိယံ နီဝရဏိယံ ပရာမဋ္ဌံ ဥပါဒါနိယံ သံကိလေသိယံ စိတ္တံ ဝိမုစ္စတီတိ? န ဟေဝံ ဝတ္တဗ္ဗေ ။ပ။
သဖဿံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ သရာဂံ စိတ္တံ ဝိမုစ္စတိ, ရာဂေါ စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဝေဒနံ ။ပ။ သသညံ ။ပ။ သစေတနံ ။ပ။ သပညံ [သသညံ (သီ။ က။)] စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ သရာဂံ စိတ္တံ ဝိမုစ္စတိ, ရာဂေါ စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၂။)သဖဿံ သရာဂံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ ရာဂေါ စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဝေဒနံ သရာဂံ ။ပ။ သသညံ သရာဂံ ။ပ။ သစေတနံ သရာဂံ ။ပ။ သပညံ သရာဂံ စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ ရာဂေါ စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၄။ သဒေါသံ စိတ္တံ ဝိမုစ္စတီတိ? အာမန္တာ။ ဒေါသသဟဂတံ ဒေါသသဟဇာတံ ဒေါသသံသဋ္ဌံ ဒေါသသမ္ပယုတ္တံ ဒေါသသဟဘု ဒေါသာနုပရိဝတ္တိ အကုသလံ လောကိယံ သာသဝံ ။ပ။ သံကိလေသိယံ စိတ္တံ ဝိမုစ္စတီတိ? န ဟေဝံ ဝတ္တဗ္ဗေ ။ပ။
သဖဿံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ သဒေါသံ စိတ္တံ ဝိမုစ္စတိ, ဒေါသော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဝေဒနံ ။ပ။ သသညံ ။ပ။ သစေတနံ ။ပ။ သပညံ စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ သဒေါသံ စိတ္တံ ဝိမုစ္စတိ, ဒေါသော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဖဿံ သဒေါသံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ သဒေါသံ စိတ္တံ ဝိမုစ္စတိ, ဒေါသော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဝေဒနံ သဒေါသံ… သသညံ သဒေါသံ… သစေတနံ သဒေါသံ… သပညံ သဒေါသံ စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ ဒေါသော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၅။ သမောဟံ စိတ္တံ ဝိမုစ္စတီတိ? အာမန္တာ။ မောဟသဟဂတံ မောဟသဟဇာတံ မောဟသံသဋ္ဌံ မောဟသမ္ပယုတ္တံ မောဟသဟဘု မောဟာနုပရိဝတ္တိ အကုသလံ လောကိယံ သာသဝံ ။ပ။ သံကိလေသိယံ စိတ္တံ ဝိမုစ္စတီတိ? န ဟေဝံ ဝတ္တဗ္ဗေ ။ပ။
သဖဿံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ သမောဟံ စိတ္တံ ဝိမုစ္စတိ, မောဟော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၃။)သဝေဒနံ … သသညံ… သစေတနံ… သပညံ စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ သမောဟံ စိတ္တံ ဝိမုစ္စတိ, မောဟော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဖဿံ သမောဟံ စိတ္တံ ဝိမုစ္စတိ, ဖဿော စ စိတ္တဉ္စ ဥဘော ဝိမုစ္စန္တီတိ? အာမန္တာ။ မောဟော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သဝေဒနံ သမောဟံ… သသညံ သမောဟံ… သစေတနံ သမောဟံ ။ပ။ သပညံ သမောဟံ စိတ္တံ ဝိမုစ္စတိ, ပညာ စ စိတ္တဉ္စ ဥဘော ဝိမုစ္စန္တီတိ? အာမန္တာ။ မောဟော စ စိတ္တဉ္စ ဥဘော ဝိမုစ္စန္တီတိ? န ဟေဝံ ဝတ္တဗ္ဗေ ။ပ။
သရာဂံ သဒေါသံ သမောဟံ စိတ္တံ ဝိမုစ္စတီတိ? အာမန္တာ။ ဝီတရာဂံ ဝီတဒေါသံ ဝီတမောဟံ နိက္ကိလေသံ စိတ္တံ ဝိမုစ္စတီတိ? န ဟေဝံ ဝတ္တဗ္ဗေ ။ပ။ တေန ဟိ န ဝတ္တဗ္ဗံ – ‘‘သရာဂံ သဒေါသံ သမောဟံ စိတ္တံ ဝိမုစ္စတီ’’တိ။
ဝိမုတ္တိကထာ နိဋ္ဌိတာ။
၃။ တတိယဝဂ္ဂ
(၂၄) ၄။ ဝိမုစ္စမာနကထာ
֍ ဋ္ဌ ၃၆၆။ ဝိမုတ္တံ ဝိမုစ္စမာနန္တိ? အာမန္တာ။ ဧကဒေသံ ဝိမုတ္တံ, ဧကဒေသံ အဝိမုတ္တန္တိ? န ဟေဝံ ဝတ္တဗ္ဗေ ။ပ။
ဧကဒေသံ ဝိမုတ္တံ, ဧကဒေသံ အဝိမုတ္တန္တိ? အာမန္တာ။ ဧကဒေသံ သောတာပန္နော, ဧကဒေသံ န သောတာပန္နော, ဧကဒေသံ သောတာပတ္တိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ သတ္တက္ခတ္တုပရမော ကောလင်္ကောလော ဧကဗီဇီ ဗုဒ္ဓေ အဝေစ္စပ္ပသာဒေန သမန္နာဂတော ဓမ္မေ ။ပ။ သံဃေ ။ပ။ အရိယကန္တေဟိ သီလေဟိ သမန္နာဂတော, ဧကဒေသံ အရိယကန္တေဟိ သီလေဟိ န သမန္နာဂတောတိ? န ဟေဝံ ဝတ္တဗ္ဗေ ။ပ။
ဧကဒေသံ ဝိမုတ္တံ, ဧကဒေသံ အဝိမုတ္တန္တိ? အာမန္တာ။ ဧကဒေသံ သကဒါဂါမီ, ဧကဒေသံ န သကဒါဂါမီ, ဧကဒေသံ သကဒါဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၄။)ဧကဒေသံ ဝိမုတ္တံ, ဧကဒေသံ အဝိမုတ္တန္တိ? အာမန္တာ။ ဧကဒေသံ အနာဂါမီ, ဧကဒေသံ န အနာဂါမီ, ဧကဒေသံ အနာဂါမိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ အန္တရာပရိနိဗ္ဗာယီ, ဥပဟစ္စပရိနိဗ္ဗာယီ, အသင်္ခါရပရိနိဗ္ဗာယီ, သသင်္ခါရပရိနိဗ္ဗာယီ, ဥဒ္ဓံသောတောအကနိဋ္ဌဂါမီ, ဧကဒေသံ န ဥဒ္ဓံသောတောအကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
ဧကဒေသံ ဝိမုတ္တံ, ဧကဒေသံ အဝိမုတ္တန္တိ? အာမန္တာ။ ဧကဒေသံ အရဟာ ဧကဒေသံ န အရဟာ, ဧကဒေသံ အရဟတ္တပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတိ, ဧကဒေသံ န ကာယေန ဖုသိတွာ ဝိဟရတိ, ဧကဒေသံ ဝီတရာဂေါ ဝီတဒေါသော ဝီတမောဟော ။ပ။ ဧကဒေသံ သစ္ဆိကာတဗ္ဗံ သစ္ဆိကတံ, ဧကဒေသံ သစ္ဆိကာတဗ္ဗံ န သစ္ဆိကတန္တိ? န ဟေဝံ ဝတ္တဗ္ဗေ ။ပ။
ဝိမုတ္တံ ဝိမုစ္စမာနန္တိ? အာမန္တာ။ ဥပ္ပါဒက္ခဏေ ဝိမုတ္တံ, ဘင်္ဂက္ခဏေ ဝိမုစ္စမာနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၇။ န ဝတ္တဗ္ဗံ – ‘‘ဝိမုတ္တံ ဝိမုစ္စမာန’’န္တိ? အာမန္တာ။ နနု ဝုတ္တံ ဘဂဝတာ – ‘‘တဿ ဧဝံ ဇာနတော ဧဝံ ပဿတော ကာမာသဝါပိ စိတ္တံ ဝိမုစ္စတိ, ဘဝါသဝါပိ စိတ္တံ ဝိမုစ္စတိ, အဝိဇ္ဇာသဝါပိ စိတ္တံ ဝိမုစ္စတီ’’တိ [ဒီ။ နိ။ ၁။၂၄၈ အာဒယော]! အတ္ထေဝ သုတ္တန္တောတိ? အာမန္တာ။ တေန ဟိ ဝတ္တဗ္ဗံ [တေန ဟိ (သီ။ သျာ။ ကံ။), တေန ဟိ န ဝတ္တဗ္ဗံ (က။)] – ‘‘ဝိမုတ္တံ ဝိမုစ္စမာန’’န္တိ။
ဝိမုတ္တံ ဝိမုစ္စမာနန္တိ? အာမန္တာ။ နနု ဝုတ္တံ ဘဂဝတာ – ‘‘သော ဧဝံ သမာဟိတေ စိတ္တေ ပရိသုဒ္ဓေ ပရိယောဒါတေ အနင်္ဂဏေ ဝိဂတူပက္ကိလေသေ မုဒုဘူတေ ကမ္မနိယေ ဌိတေ အာနေဉ္ဇပ္ပတ္တေ အာသဝါနံ ခယဉာဏာယ စိတ္တံ အဘိနိန္နာမေတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဝိမုတ္တံ ဝိမုစ္စမာန’’န္တိ။
အတ္ထိ စိတ္တံ ဝိမုစ္စမာနန္တိ? အာမန္တာ။ အတ္ထိ စိတ္တံ ရဇ္ဇမာနံ ဒုဿမာနံ မုယှမာနံ ကိလိဿမာနန္တိ? န ဟေဝံ ဝတ္တဗ္ဗေ ။ပ။ နနု ရတ္တဉ္စေဝ အရတ္တဉ္စ, ဒုဋ္ဌဉ္စေဝ အဒုဋ္ဌဉ္စ, မူဠှဉ္စေဝ အမူဠှဉ္စ, ဆိန္နဉ္စေဝ အဆိန္နဉ္စ, ဘိန္နဉ္စေဝ အဘိန္နဉ္စ, ကတဉ္စေဝ
(အဘိ၊က၊၁၈၅။)အကတဉ္စာတိ? အာမန္တာ။ ဟဉ္စိ ရတ္တဉ္စေဝ အရတ္တဉ္စ, ဒုဋ္ဌဉ္စေဝ အဒုဋ္ဌဉ္စ, မူဠှဉ္စေဝ အမူဠှဉ္စ, ဆိန္နဉ္စေဝ အဆိန္နဉ္စ, ဘိန္နဉ္စေဝ အဘိန္နဉ္စ, ကတဉ္စေဝ အကတဉ္စ, နော စ ဝတ ရေ ဝတ္တဗ္ဗေ – ‘‘အတ္ထိ စိတ္တံ ဝိမုစ္စမာန’’န္တိ။
ဝိမုစ္စမာနကထာ နိဋ္ဌိတာ။
၃။ တတိယဝဂ္ဂ
(၂၅) ၅။ အဋ္ဌမကကထာ
֍ ဋ္ဌ ၃၆၈။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီနန္တိ? အာမန္တာ။ အဋ္ဌမကော ပုဂ္ဂလော သောတာပန္နော သောတာပတ္တိဖလပ္ပတ္တော ပဋိလဒ္ဓေါ အဓိဂတော သစ္ဆိကတော ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီနန္တိ? အာမန္တာ။ အဋ္ဌမကော ပုဂ္ဂလော သောတာပန္နော သောတာပတ္တိဖလပ္ပတ္တော ။ပ။ ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌာနုသယော ပဟီနောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာနုသယော… သီလဗ္ဗတပရာမာသော ပဟီနောတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာနုသယော ပဟီနောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌာနုသယော… သီလဗ္ဗတပရာမာသော ပဟီနောတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဒိဋ္ဌာနုသယော အပ္ပဟီနောတိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ အပ္ပဟီနန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဒိဋ္ဌာနုသယော အပ္ပဟီနောတိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ အပ္ပဟီနန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၆။)အဋ္ဌမကဿ ပုဂ္ဂလဿ ဝိစိကိစ္ဆာနုသယော… သီလဗ္ဗတပရာမာသော အပ္ပဟီနောတိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ အပ္ပဟီနန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ သီလဗ္ဗတပရာမာသော အပ္ပဟီနောတိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ အပ္ပဟီနန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၆၉။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနပဟာနာယ မဂ္ဂေါ ဘာဝိတောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနပဟာနာယ သတိပဋ္ဌာနာ ဘာဝိတာ ။ပ။ သမ္မပ္ပဓာနာ ။ပ။ ဗောဇ္ဈင်္ဂါ ဘာဝိတာတိ? န ဟေဝံ ဝတ္တဗ္ဗေ။
အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနပဟာနာယ မဂ္ဂေါ ဘာဝိတော ။ပ။ ဗောဇ္ဈင်္ဂါ ဘာဝိတာတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနပဟာနာယ မဂ္ဂေါ အဘာဝိတောတိ? အာမန္တာ။ အမဂ္ဂေန ပဟီနံ လောကိယေန သာသဝေန ။ပ။ သံကိလေသိယေနာတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနပဟာနာယ သတိပဋ္ဌာနာ ။ပ။ ဗောဇ္ဈင်္ဂါ အဘာဝိတာတိ? အာမန္တာ။ အမဂ္ဂေန ပဟီနံ လောကိယေန သာသဝေန ။ပ။ သံကိလေသိယေနာတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနပဟာနာယ မဂ္ဂေါ အဘာဝိတော ။ပ။ သတိပဋ္ဌာနာ ။ပ။ ဗောဇ္ဈင်္ဂါ အဘာဝိတာတိ? အာမန္တာ။ အမဂ္ဂေန ပဟီနံ လောကိယေန သာသဝေန ။ပ။ သံကိလေသိယေနာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၇၀။ န ဝတ္တဗ္ဗံ – ‘‘အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီန’’န္တိ? အာမန္တာ။ ဥပ္ပဇ္ဇိဿတီတိ? နုပ္ပဇ္ဇိဿတိ။ ဟဉ္စိ နုပ္ပဇ္ဇိဿတိ, တေန ဝတ ရေ ဝတ္တဗ္ဗေ – ‘‘အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ ပဟီန’’န္တိ။
န ဝတ္တဗ္ဗံ – ‘‘အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီန’’န္တိ? အာမန္တာ။ ဥပ္ပဇ္ဇိဿတီတိ? နုပ္ပဇ္ဇိဿတိ။ ဟဉ္စိ နုပ္ပဇ္ဇိဿတိ, တေန ဝတ ရေ ဝတ္တဗ္ဗေ – ‘‘အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ ပဟီန’’န္တိ။
(အဘိ၊က၊၁၈၇။)အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဒိဋ္ဌာနုသယော နုပ္ပဇ္ဇိဿတီတိ ကတွာ ပဟီနောတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာနုသယော… သီလဗ္ဗတပရာမာသော နုပ္ပဇ္ဇိဿတီတိ ကတွာ ပဟီနောတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? အာမန္တာ။ အဋ္ဌမကဿ ပုဂ္ဂလဿ ဝိစိကိစ္ဆာနုသယော… သီလဗ္ဗတပရာမာသော နုပ္ပဇ္ဇိဿတီတိ ကတွာ ပဟီနောတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ ဒိဋ္ဌိပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? အာမန္တာ။ ဂေါတြဘုနော ပုဂ္ဂလဿ ဒိဋ္ဌိပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ ဝိစိကိစ္ဆာပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? အာမန္တာ။ ဂေါတြဘုနော ပုဂ္ဂလဿ ဝိစိကိစ္ဆာပရိယုဋ္ဌာနံ နုပ္ပဇ္ဇိဿတီတိ ကတွာ ပဟီနန္တိ? န ဟေဝံ ဝတ္တဗ္ဗေ ။ပ။
အဋ္ဌမကကထာ နိဋ္ဌိတာ။
၃။ တတိယဝဂ္ဂ
(၂၆) ၆။ အဋ္ဌမကဿဣန္ဒြိယကထာ
֍ ဋ္ဌ ၃၇၁။ အဋ္ဌမကဿ ပုဂ္ဂလဿ နတ္ထိ သဒ္ဓိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ နတ္ထိ သဒ္ဓါတိ? န ဟေဝံ ဝတ္တဗ္ဗေ။ အဋ္ဌမကဿ ပုဂ္ဂလဿ နတ္ထိ ဝီရိယိန္ဒြိယံ ။ပ။ နတ္ထိ သတိန္ဒြိယံ ။ပ။ နတ္ထိ သမာဓိန္ဒြိယံ ။ပ။ နတ္ထိ ပညိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ နတ္ထိ ပညာတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါတိ? အာမန္တာ။ အဋ္ဌမကဿ ပုဂ္ဂလဿ အတ္ထိ သဒ္ဓိန္ဒြိယန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ အတ္ထိ ဝီရိယံ ။ပ။ အတ္ထိ သတိ… အတ္ထိ သမာဓိ… အတ္ထိ ပညာတိ? အာမန္တာ။ အဋ္ဌမကဿ ပုဂ္ဂလဿ အတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ မနော, အတ္ထိ မနိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ သဒ္ဓါ, အတ္ထိ သဒ္ဓိန္ဒြိယန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၈၈။)အဋ္ဌမကဿ ပုဂ္ဂလဿ အတ္ထိ မနော, အတ္ထိ မနိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ ပညာ, အတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သောမနဿံ, အတ္ထိ သောမနဿိန္ဒြိယံ, အတ္ထိ ဇီဝိတံ, အတ္ထိ ဇီဝိတိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ သဒ္ဓါ, အတ္ထိ သဒ္ဓိန္ဒြိယန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ အတ္ထိ ဇီဝိတံ, အတ္ထိ ဇီဝိတိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ ။ပ။ အတ္ထိ ပညာ, အတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါ, နတ္ထိ သဒ္ဓိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ မနော, နတ္ထိ မနိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါ, နတ္ထိ သဒ္ဓိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ သောမနဿံ, နတ္ထိ သောမနဿိန္ဒြိယန္တိ ။ပ။ အတ္ထိ ဇီဝိတံ, နတ္ထိ ဇီဝိတိန္ဒြိယန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ အတ္ထိ ပညာ, နတ္ထိ ပညိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ မနော, နတ္ထိ မနိန္ဒြိယန္တိ? အတ္ထိ သောမနဿံ, နတ္ထိ သောမနဿိန္ဒြိယန္တိ? အတ္ထိ ဇီဝိတံ, နတ္ထိ ဇီဝိတိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ နတ္ထိ သဒ္ဓိန္ဒြိယန္တိ? အာမန္တာ။ အဋ္ဌမကော ပုဂ္ဂလော အဿဒ္ဓေါတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ နတ္ထိ ဝီရိယိန္ဒြိယန္တိ? အာမန္တာ။ အဋ္ဌမကော ပုဂ္ဂလော ကုသီတော ဟီနဝီရိယောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ နတ္ထိ သတိန္ဒြိယန္တိ? အာမန္တာ။ အဋ္ဌမကော ပုဂ္ဂလော မုဋ္ဌဿတိ အသမ္ပဇာနောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ နတ္ထိ သမာဓိန္ဒြိယန္တိ? အာမန္တာ။ အဋ္ဌမကော ပုဂ္ဂလော အသမာဟိတော ဝိဗ္ဘန္တစိတ္တောတိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ နတ္ထိ ပညိန္ဒြိယန္တိ? အာမန္တာ။ အဋ္ဌမကော ပုဂ္ဂလော ဒုပ္ပညော ဧလမူဂေါတိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါ, သာ စ သဒ္ဓါ နိယျာနိကာတိ? အာမန္တာ။ ဟဉ္စိ အဋ္ဌမကဿ ပုဂ္ဂလဿ အတ္ထိ သဒ္ဓါ, သာ စ သဒ္ဓါ နိယျာနိကာ, နော စ ဝတ ရေ ဝတ္တဗ္ဗေ – ‘‘အဋ္ဌမကဿ ပုဂ္ဂလဿ နတ္ထိ သဒ္ဓိန္ဒြိယ’’န္တိ။ အဋ္ဌမကဿ ပုဂ္ဂလဿ အတ္ထိ ဝီရိယံ, တဉ္စ ဝီရိယံ နိယျာနိကံ၊ အတ္ထိ သတိ, သာ စ သတိ နိယျာနိကာ၊ အတ္ထိ သမာဓိ, သော စ သမာဓိ နိယျာနိကော၊ အတ္ထိ ပညာ, သာ စ ပညာ နိယျာနိကာတိ? အာမန္တာ။ ဟဉ္စိ အဋ္ဌမကဿ
(အဘိ၊က၊၁၈၉။)ပုဂ္ဂလဿ အတ္ထိ ပညာ, သာ စ ပညာ နိယျာနိကာ, နော စ ဝတ ရေ ဝတ္တဗ္ဗေ – ‘‘အဋ္ဌမကဿ ပုဂ္ဂလဿ နတ္ထိ ပညိန္ဒြိယ’’န္တိ။
֍ ဋ္ဌ ၃၇၂။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ သဒ္ဓါ, အတ္ထိ သဒ္ဓိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ သဒ္ဓါ, အတ္ထိ သဒ္ဓိန္ဒြိယန္တိ? န ဟေဝံ ဝတ္တဗ္ဗေ ။ပ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ ပညာ, အတ္ထိ ပညိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ ပညာ, အတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ… အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ သဒ္ဓါ, အတ္ထိ သဒ္ဓိန္ဒြိယံ ။ပ။ အတ္ထိ ပညာ, အတ္ထိ ပညိန္ဒြိယန္တိ? အာမန္တာ။ အဋ္ဌမကဿ ပုဂ္ဂလဿ အတ္ထိ ပညာ, အတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါ, နတ္ထိ သဒ္ဓိန္ဒြိယန္တိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ သဒ္ဓါ, နတ္ထိ သဒ္ဓိန္ဒြိယန္တိ? န ဟေဝံ ဝတ္တဗ္ဗေ ။ပ။ အဋ္ဌမကဿ ပုဂ္ဂလဿ အတ္ထိ ပညာ, နတ္ထိ ပညိန္ဒြိယန္တိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ ပညာ, နတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ အတ္ထိ သဒ္ဓါ, နတ္ထိ သဒ္ဓိန္ဒြိယန္တိ ။ပ။ အတ္ထိ ပညာ, နတ္ထိ ပညိန္ဒြိယန္တိ? အာမန္တာ။ အနာဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ… အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အတ္ထိ ပညာ, နတ္ထိ ပညိန္ဒြိယန္တိ? န ဟေဝံ ဝတ္တဗ္ဗေ ။ပ။
အဋ္ဌမကဿ ပုဂ္ဂလဿ နတ္ထိ ပဉ္စိန္ဒြိယာနီတိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမာနိ, ဘိက္ခဝေ, ဣန္ဒြိယာနိ! ကတမာနိ ပဉ္စ? သဒ္ဓိန္ဒြိယံ, ဝီရိယိန္ဒြိယံ, သတိန္ဒြိယံ, သမာဓိန္ဒြိယံ, ပညိန္ဒြိယံ – ဣမာနိ ခေါ, ဘိက္ခဝေ, ပဉ္စိန္ဒြိယာနိ။ ဣမေသံ ခေါ, ဘိက္ခဝေ, ပဉ္စန္နံ ဣန္ဒြိယာနံ သမတ္တာ ပရိပူရတ္တာ အရဟာ ဟောတိ။ တတော မုဒုတရေဟိ အရဟတ္တသစ္ဆိကိရိယာယ ပဋိပန္နော ဟောတိ, တတော မုဒုတရေဟိ အနာဂါမီ ဟောတိ, တတော မုဒုတရေဟိ အနာဂါမိဖလသစ္ဆိကိရိယာယ ပဋိပန္နော ဟောတိ, တတော မုဒုတရေဟိ သကဒါဂါမီ ဟောတိ, တတော မုဒုတရေဟိ သကဒါဂါမိဖလသစ္ဆိကိရိယာယ ပဋိပန္နော ဟောတိ, တတော မုဒုတရေဟိ သောတာပန္နော ဟောတိ, တတော မုဒုတရေဟိ သောတာပတ္တိဖလသစ္ဆိကိရိယာယ ပဋိပန္နော ဟောတိ။ ယဿ ခေါ, ဘိက္ခဝေ,
(အဘိ၊က၊၁၉၀။)ဣမာနိ ပဉ္စိန္ဒြိယာနိ သဗ္ဗေန သဗ္ဗံ သဗ္ဗထာ သဗ္ဗံ နတ္ထိ, တမဟံ ‘ဗာဟိရော ပုထုဇ္ဇနပက္ခေ ဌိတော’တိ ဝဒါမီ’’တိ [သံ။ နိ။ ၅။၄၈၈]။ အတ္ထေဝ သုတ္တန္တောတိ? အာမန္တာ။ အဋ္ဌမကော ပုဂ္ဂလော ဗာဟိရော ပုထုဇ္ဇနပက္ခေ ဌိတောတိ? န ဟေဝံ ဝတ္တဗ္ဗေ ။ပ။ တေန ဟိ အဋ္ဌမကဿ ပုဂ္ဂလဿ အတ္ထိ ပဉ္စိန္ဒြိယာနီတိ။
အဋ္ဌမကဿ ဣန္ဒြိယကထာ နိဋ္ဌိတာ။
၃။ တတိယဝဂ္ဂ
(၂၇) ၇။ ဒိဗ္ဗစက္ခုကထာ
֍ ဋ္ဌ ၃၇၃။ မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ မံသစက္ခုံ ဒိဗ္ဗစက္ခုံ, ဒိဗ္ဗစက္ခုံ မံသစက္ခုန္တိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ယာဒိသံ မံသစက္ခုံ တာဒိသံ ဒိဗ္ဗစက္ခုံ, ယာဒိသံ ဒိဗ္ဗစက္ခုံ တာဒိသံ မံသစက္ခုန္တိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ တညေဝ မံသစက္ခုံ တံ ဒိဗ္ဗစက္ခုံ, တံ ဒိဗ္ဗစက္ခုံ တံ မံသစက္ခုန္တိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ယာဒိသော မံသစက္ခုဿ ဝိသယော အာနုဘာဝေါ ဂေါစရော တာဒိသော ဒိဗ္ဗဿ စက္ခုဿ ဝိသယော အာနုဘာဝေါ ဂေါစရောတိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ဥပါဒိဏ္ဏံ [ဥပါဒိန္နံ (သျာ။ ကံ။)] ဟုတွာ အနုပါဒိဏ္ဏံ ဟောတီတိ? န ဟေဝံ ဝတ္တဗ္ဗေ ။ပ။
ဥပါဒိဏ္ဏံ ဟုတွာ အနုပါဒိဏ္ဏံ ဟောတီတိ? အာမန္တာ။ ကာမာဝစရံ ဟုတွာ ရူပါဝစရံ ဟောတီတိ? န ဟေဝံ ဝတ္တဗ္ဗေ ။ပ။
ကာမာဝစရံ ဟုတွာ ရူပါဝစရံ ဟောတီတိ? အာမန္တာ။ ရူပါဝစရံ ဟုတွာ အရူပါဝစရံ ဟောတီတိ? န ဟေဝံ ဝတ္တဗ္ဗေ ။ပ။
ရူပါဝစရံ ဟုတွာ အရူပါဝစရံ ဟောတီတိ? အာမန္တာ။ ပရိယာပန္နံ ဟုတွာ အပရိယာပန္နံ ဟောတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၁။)֍ ဋ္ဌ ၃၇၄။ မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ဒိဗ္ဗစက္ခုံ ဓမ္မုပတ္ထဒ္ဓံ မံသစက္ခုံ ဟောတီတိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ဒိဗ္ဗစက္ခုံ ဓမ္မုပတ္ထဒ္ဓံ ပညာစက္ခုံ ဟောတီတိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ဒိဗ္ဗစက္ခုံ ဓမ္မုပတ္ထဒ္ဓံ မံသစက္ခုံ ဟောတီတိ? န ဟေဝံ ဝတ္တဗ္ဗေ ။ပ။
မံသစက္ခုံ ဓမ္မုပတ္ထဒ္ဓံ ဒိဗ္ဗစက္ခုံ ဟောတီတိ? အာမန္တာ။ ဒွေဝ စက္ခူနီတိ? န ဟေဝံ ဝတ္တဗ္ဗေ ။ပ။ ဒွေဝ စက္ခူနီတိ? အာမန္တာ။ နနု တီဏိ စက္ခူနိ ဝုတ္တာနိ ဘဂဝတာ – မံသစက္ခုံ, ဒိဗ္ဗစက္ခုံ, ပညာစက္ခုန္တိ? အာမန္တာ။ ဟဉ္စိ တီဏိ စက္ခူနိ ဝုတ္တာနိ ဘဂဝတာ – မံသစက္ခုံ, ဒိဗ္ဗစက္ခုံ, ပညာစက္ခုံ, နော စ ဝတ ရေ ဝတ္တဗ္ဗေ – ‘‘ဒွေဝ စက္ခူနီ’’တိ။
ဒွေဝ စက္ခူနီတိ? အာမန္တာ။ နနု ဝုတ္တံ ဘဂဝတာ – ‘‘တီဏိမာနိ, ဘိက္ခဝေ, စက္ခူနိ! ကတမာနိ တီဏိ? မံသစက္ခုံ, ဒိဗ္ဗစက္ခုံ, ပညာစက္ခုန္တိ – ဣမာနိ ခေါ, ဘိက္ခဝေ, တီဏိ စက္ခူနီ’’တိ။
‘‘မံသစက္ခုံ ဒိဗ္ဗစက္ခုံ, ပညာစက္ခုံ အနုတ္တရံ၊
ဧတာနိ တီဏိ စက္ခူနိ, အက္ခာသိ ပုရိသုတ္တမော။
‘‘မံသစက္ခုဿ ဥပ္ပါဒေါ, မဂ္ဂေါ ဒိဗ္ဗဿ စက္ခုနော၊
ယဒါ စ ဉာဏံ ဥဒပါဒိ, ပညာစက္ခုံ အနုတ္တရံ၊
တဿ စက္ခုဿ ပဋိလာဘာ, သဗ္ဗဒုက္ခာ ပမုစ္စတီ’’တိ [ဣတိဝု။ ၆၁ ဣတိဝုတ္တကေ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒွေဝ စက္ခူနီ’’တိ။
ဒိဗ္ဗစက္ခုကထာ နိဋ္ဌိတာ။
၃။ တတိယဝဂ္ဂ
(၂၈) ၈။ ဒိဗ္ဗသောတကထာ
֍ ဋ္ဌ ၃၇၅။ မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ မံသသောတံ ဒိဗ္ဗသောတံ, ဒိဗ္ဗသောတံ မံသသောတန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၂။)မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ ယာဒိသံ မံသသောတံ တာဒိသံ ဒိဗ္ဗသောတံ, ယာဒိသံ ဒိဗ္ဗသောတံ တာဒိသံ မံသသောတန္တိ? န ဟေဝံ ဝတ္တဗ္ဗေ ။ပ။
မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ တညေဝ မံသသောတံ တံ ဒိဗ္ဗသောတံ, တံ ဒိဗ္ဗသောတံ တံ မံသသောတန္တိ? န ဟေဝံ ဝတ္တဗ္ဗေ ။ပ။
မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ ယာဒိသော မံသသောတဿ ဝိသယော အာနုဘာဝေါ ဂေါစရော တာဒိသော ဒိဗ္ဗဿ သောတဿ ဝိသယော အာနုဘာဝေါ ဂေါစရောတိ? န ဟေဝံ ဝတ္တဗ္ဗေ ။ပ။
မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ ဥပါဒိဏ္ဏံ ဟုတွာ အနုပါဒိဏ္ဏံ ဟောတီတိ? န ဟေဝံ ဝတ္တဗ္ဗေ ။ပ။
ဥပါဒိဏ္ဏံ ဟုတွာ အနုပါဒိဏ္ဏံ ဟောတီတိ? အာမန္တာ။ ကာမာဝစရံ ဟုတွာ ရူပါဝစရံ ဟောတီတိ? န ဟေဝံ ဝတ္တဗ္ဗေ ။ပ။
ကာမာဝစရံ ဟုတွာ ရူပါဝစရံ ဟောတီတိ? အာမန္တာ။ ရူပါဝစရံ ဟုတွာ အရူပါဝစရံ ဟောတီတိ? န ဟေဝံ ဝတ္တဗ္ဗေ ။ပ။
ရူပါဝစရံ ဟုတွာ အရူပါဝစရံ ဟောတီတိ? အာမန္တာ။ ပရိယာပန္နံ ဟုတွာ အပရိယာပန္နံ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၇၆။ မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ ဒိဗ္ဗသောတံ ဓမ္မုပတ္ထဒ္ဓံ မံသသောတံ ဟောတီတိ? န ဟေဝံ ဝတ္တဗ္ဗေ ။ပ။
မံသသောတံ ဓမ္မုပတ္ထဒ္ဓံ ဒိဗ္ဗသောတံ ဟောတီတိ? အာမန္တာ။ ဧကံယေဝ သောတန္တိ? န ဟေဝံ ဝတ္တဗ္ဗေ ။ပ။
ဧကံယေဝ သောတန္တိ? အာမန္တာ။ နနု ဒွေ သောတာနိ ဝုတ္တာနိ ဘဂဝတာ – ‘‘မံသသောတံ, ဒိဗ္ဗသောတ’’န္တိ? အာမန္တာ။ ဟဉ္စိ ဒွေ သောတာနိ ဝုတ္တာနိ ဘဂဝတာ – မံသသောတံ, ဒိဗ္ဗသောတံ, နော စ ဝတ ရေ ဝတ္တဗ္ဗေ – ‘‘ဧကညေဝ သောတ’’န္တိ။
ဒိဗ္ဗသောတကထာ နိဋ္ဌိတာ။
(အဘိ၊က၊၁၉၃။)၃။ တတိယဝဂ္ဂ
(၂၉) ၉။ ယထာကမ္မူပဂတဉာဏကထာ
֍ ဋ္ဌ ၃၇၇။ ယထာကမ္မူပဂတံ ဉာဏံ [ယထာကမ္မူပဂတဉာဏံ (သျာ။ ကံ။)] ဒိဗ္ဗစက္ခုန္တိ? အာမန္တာ။ ယထာကမ္မူပဂတဉ္စ မနသိ ကရောတိ, ဒိဗ္ဗေန စက္ခုနာ ရူပံ ပဿတီတိ? န ဟေဝံ ဝတ္တဗ္ဗေ ။ပ။
ယထာကမ္မူပဂတဉ္စ မနသိ ကရောတိ, ဒိဗ္ဗေန စက္ခုနာ ရူပံ ပဿတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
ယထာကမ္မူပဂတံ ဉာဏံ ဒိဗ္ဗစက္ခုန္တိ? အာမန္တာ။ ‘‘ဣမေ ဝတ ဘောန္တော သတ္တာ’’တိ စ မနသိ ကရောတိ, ‘‘ကာယဒုစ္စရိတေန သမန္နာဂတာ’’တိ စ မနသိ ကရောတိ, ‘‘ဝစီဒုစ္စရိတေန သမန္နာဂတာ’’တိ စ မနသိ ကရောတိ, ‘‘မနောဒုစ္စရိတေန သမန္နာဂတာ’’တိ စ မနသိ ကရောတိ, ‘‘အရိယာနံ ဥပဝါဒကာ’’တိ စ မနသိ ကရောတိ, ‘‘မိစ္ဆာဒိဋ္ဌိကာ’’တိ စ မနသိ ကရောတိ, ‘‘မိစ္ဆာဒိဋ္ဌိကမ္မသမာဒါနာ’’တိ စ မနသိ ကရောတိ, ‘‘တေ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပန္နာ’’တိ စ မနသိ ကရောတိ, ‘‘ဣမေ ဝါ ပန ဘောန္တော သတ္တာ’’တိ စ မနသိ ကရောတိ, ‘‘ကာယသုစရိတေန သမန္နာဂတာ’’တိ စ မနသိ ကရောတိ, ‘‘ဝစီသုစရိတေန သမန္နာဂတာ’’တိ စ မနသိ ကရောတိ, ‘‘မနောသုစရိတေန သမန္နာဂတာ’’တိ စ မနသိ ကရောတိ, ‘‘အရိယာနံ အနုပဝါဒကာ’’တိ စ မနသိ ကရောတိ, ‘‘သမ္မာဒိဋ္ဌိကာ’’တိ စ မနသိ ကရောတိ, ‘‘သမ္မာဒိဋ္ဌိကမ္မသမ္မာဒါနာ’’တိ စ မနသိ ကရောတိ, ‘‘တေ ကာယဿ ဘေဒါ ပရံ မရဏာ သုဂတိံ သဂ္ဂံ လောကံ ဥပပန္နာ’’တိ စ မနသိ ကရောတိ, ဒိဗ္ဗေန စက္ခုနာ ရူပံ ပဿတီတိ? န ဟေဝံ ဝတ္တဗ္ဗေ ။ပ။
‘‘တေ ကာယဿ ဘေဒါ ပရံ မရဏာ သုဂတိံ သဂ္ဂံ လောကံ ဥပပန္နာ’’တိ စ မနသိ ကရောတိ, ဒိဗ္ဗေန စက္ခုနာ ရူပံ ပဿတီတိ? အာမန္တာ။ ဒွိန္နံ ဖဿာနံ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၇၈။ ယထာကမ္မူပဂတံ ဉာဏံ ဒိဗ္ဗစက္ခုန္တိ? အာမန္တာ။ အတ္ထိ ကောစိ အဒိဗ္ဗစက္ခုကော ဒိဗ္ဗစက္ခုံ အပ္ပဋိလဒ္ဓေါ အနဓိဂတော အသစ္ဆိကတော ယထာကမ္မူပဂတံ ဇာနာတီတိ? အာမန္တာ။ ဟဉ္စိ အတ္ထိ ကောစိ အဒိဗ္ဗစက္ခုကော
(အဘိ၊က၊၁၉၄။)ဒိဗ္ဗစက္ခုံ အပ္ပဋိလဒ္ဓေါ အနဓိဂတော အသစ္ဆိကတော ယထာကမ္မူပဂတံ ဇာနာတိ, နော စ ဝတ ရေ ဝတ္တဗ္ဗေ – ‘‘ယထာကမ္မူပဂတံ ဉာဏံ ဒိဗ္ဗစက္ခု’’န္တိ။
ယထာကမ္မူပဂတံ ဉာဏံ ဒိဗ္ဗစက္ခုန္တိ? အာမန္တာ။ အာယသ္မာ သာရိပုတ္တော ယထာကမ္မူပဂတံ ဉာဏံ ဇာနာတီတိ? အာမန္တာ။ ဟဉ္စိ အာယသ္မာ သာရိပုတ္တော ယထာကမ္မူပဂတံ ဉာဏံ ဇာနာတိ, နော စ ဝတ ရေ ဝတ္တဗ္ဗေ – ‘‘ယထာကမ္မူပဂတံ ဉာဏံ ဒိဗ္ဗစက္ခု’’န္တိ။
ယထာကမ္မူပဂတံ ဉာဏံ ဒိဗ္ဗစက္ခုန္တိ? အာမန္တာ။ အာယသ္မာ သာရိပုတ္တော ယထာကမ္မူပဂတံ ဉာဏံ ဇာနာတီတိ? အာမန္တာ။ အတ္ထာယသ္မတော သာရိပုတ္တဿ ဒိဗ္ဗစက္ခုန္တိ? န ဟေဝံ ဝတ္တဗ္ဗေ ။ပ။
အတ္ထာယသ္မတော သာရိပုတ္တဿ ဒိဗ္ဗစက္ခုန္တိ? အာမန္တာ။ နနု အာယသ္မာ သာရိပုတ္တော ဧတဒဝေါစ –
‘‘နေဝ ပုဗ္ဗေနိဝါသာယ, နပိ ဒိဗ္ဗဿ စက္ခုနော၊
စေတောပရိယာယ ဣဒ္ဓိယာ, သောတဓာတုဝိသုဒ္ဓိယာ၊
စုတိယာ ဥပပတ္တိယာ, ပဏိဓိ မေ န ဝိဇ္ဇတီ’’တိ [ထေရဂါ။ ၉၉၆ ထေရဂါထာယံ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ယထာကမ္မူပဂတံ ဉာဏံ ဒိဗ္ဗစက္ခု’’န္တိ။
ယထာကမ္မူပဂတဉာဏကထာ နိဋ္ဌိတာ။
၃။ တတိယဝဂ္ဂ
(၃၀) ၁၀။ သံဝရကထာ
֍ ဋ္ဌ ၃၇၉။ အတ္ထိ ဒေဝေသု သံဝရောတိ? အာမန္တာ။ အတ္ထိ ဒေဝေသု အသံဝရောတိ? န ဟေဝံ ဝတ္တဗ္ဗေ ။ပ။
နတ္ထိ ဒေဝေသု အသံဝရောတိ? အာမန္တာ။ နတ္ထိ ဒေဝေသု သံဝရောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၅။)နနု အသံဝရာ သံဝရော သီလံ, အတ္ထိ ဒေဝေသု သံဝရောတိ? အာမန္တာ။ အတ္ထိ ဒေဝေသု အသံဝရော, ယမှာ အသံဝရာ သံဝရော သီလန္တိ? န ဟေဝံ ဝတ္တဗ္ဗေ ။ပ။
အာဇာနာဟိ နိဂ္ဂဟံ။ ဟဉ္စိ အသံဝရာ သံဝရော သီလံ, အတ္ထိ ဒေဝေသု သံဝရော, တေန ဝတ ရေ ဝတ္တဗ္ဗေ – ‘‘အတ္ထိ ဒေဝေသု အသံဝရော, ယမှာ အသံဝရာ သံဝရော သီလ’’န္တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ – ‘အသံဝရာ သံဝရော သီလံ, အတ္ထိ ဒေဝေသု သံဝရော,’ နော စ ဝတ္တဗ္ဗေ – ‘အတ္ထိ ဒေဝေသု အသံဝရော, ယမှာ အသံဝရာ သံဝရော သီလ’’’န္တိ မိစ္ဆာ။
နော စေ ပန ဝတ္တဗ္ဗေ – ‘‘အတ္ထိ ဒေဝေသု အသံဝရော, ယမှာ အသံဝရာ သံဝရော သီလ’’န္တိ, နော စ ဝတ ရေ ဝတ္တဗ္ဗေ – ‘‘အသံဝရာ သံဝရော သီလံ, အတ္ထိ ဒေဝေသု သံဝရော’’တိ။ ယံ တတ္ထ ဝဒေသိ – ‘‘ဝတ္တဗ္ဗေ ခေါ ‘အသံဝရာ သံဝရော သီလံ, အတ္ထိ ဒေဝေသု သံဝရော,’ နော စ ဝတ္တဗ္ဗေ – ‘အတ္ထိ ဒေဝေသု အသံဝရော, ယမှာ အသံဝရာ သံဝရော သီလ’’’န္တိ မိစ္ဆာ။
အတ္ထိ မနုဿေသု သံဝရော, အတ္ထိ တတ္ထ အသံဝရောတိ? အာမန္တာ။ အတ္ထိ ဒေဝေသု သံဝရော, အတ္ထိ တတ္ထ အသံဝရောတိ? န ဟေဝံ ဝတ္တဗ္ဗေ ။ပ။
အတ္ထိ ဒေဝေသု သံဝရော, နတ္ထိ တတ္ထ အသံဝရောတိ? အာမန္တာ။ အတ္ထိ မနုဿေသု သံဝရော, နတ္ထိ တတ္ထ အသံဝရောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၈၀။ အတ္ထိ ဒေဝေသု ပါဏာတိပါတာ ဝေရမဏီတိ? အာမန္တာ။ အတ္ထိ ဒေဝေသု ပါဏာတိပါတောတိ? န ဟေဝံ ဝတ္တဗ္ဗေ ။ပ။
အတ္ထိ ဒေဝေသု သုရာမေရယမဇ္ဇပမာဒဋ္ဌာနာ ဝေရမဏီတိ? အာမန္တာ။ အတ္ထိ ဒေဝေသု သုရာမေရယမဇ္ဇပမာဒဋ္ဌာနန္တိ? န ဟေဝံ ဝတ္တဗ္ဗေ ။ပ။
နတ္ထိ ဒေဝေသု ပါဏာတိပါတောတိ? အာမန္တာ။ နတ္ထိ ဒေဝေသု ပါဏာတိပါတာ ဝေရမဏီတိ? န ဟေဝံ ဝတ္တဗ္ဗေ ။ပ။
နတ္ထိ ဒေဝေသု သုရာမေရယမဇ္ဇပမာဒဋ္ဌာနန္တိ? အာမန္တာ။ နတ္ထိ ဒေဝေသု သုရာမေရယမဇ္ဇပမာဒဋ္ဌာနာ ဝေရမဏီတိ? န ဟေဝံ ဝတ္တဗ္ဗေ ။ပ။
အတ္ထိ မနုဿေသု ပါဏာတိပါတာ ဝေရမဏိ, အတ္ထိ တတ္ထ ပါဏာတိပါတောတိ? အာမန္တာ။ အတ္ထိ ဒေဝေသု ပါဏာတိပါတာ ဝေရမဏိ, အတ္ထိ တတ္ထ ပါဏာတိပါတောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၆။)အတ္ထိ မနုဿေသု သုရာမေရယမဇ္ဇပမာဒဋ္ဌာနာ ဝေရမဏိ, အတ္ထိ တတ္ထ သုရာမေရယမဇ္ဇပမာဒဋ္ဌာနန္တိ? အာမန္တာ။ အတ္ထိ ဒေဝေသု သုရာမေရယမဇ္ဇပမာဒဋ္ဌာနာ ဝေရမဏိ, အတ္ထိ တတ္ထ သုရာမေရယမဇ္ဇပမာဒဋ္ဌာနန္တိ? န ဟေဝံ ဝတ္တဗ္ဗေ ။ပ။
အတ္ထိ ဒေဝေသု ပါဏာတိပါတာ ဝေရမဏိ, နတ္ထိ တတ္ထ ပါဏာတိပါတောတိ? အာမန္တာ။ အတ္ထိ မနုဿေသု ပါဏာတိပါတာ ဝေရမဏိ, နတ္ထိ တတ္ထ ပါဏာတိပါတောတိ? န ဟေဝံ ဝတ္တဗ္ဗေ ။ပ။
အတ္ထိ ဒေဝေသု သုရာမေရယမဇ္ဇပမာဒဋ္ဌာနာ ဝေရမဏိ, နတ္ထိ တတ္ထ သုရာမေရယမဇ္ဇပမာဒဋ္ဌာနန္တိ? အာမန္တာ။ အတ္ထိ မနုဿေသု သုရာမေရယမဇ္ဇပမာဒဋ္ဌာနာ ဝေရမဏိ, နတ္ထိ တတ္ထ သုရာမေရယမဇ္ဇပမာဒဋ္ဌာနန္တိ? န ဟေဝံ ဝတ္တဗ္ဗေ ။ပ။
နတ္ထိ ဒေဝေသု သံဝရောတိ? အာမန္တာ။ သဗ္ဗေ ဒေဝါ ပါဏာတိပါတိနော အဒိန္နာဒါယိနော ကာမေသုမိစ္ဆာစာရိနော မုသာဝါဒိနော သုရာမေရယမဇ္ဇပမာဒဋ္ဌာယိနောတိ? န ဟေဝံ ဝတ္တဗ္ဗေ ။ပ။ တေန ဟိ အတ္ထိ ဒေဝေသု သံဝရောတိ။
သံဝရကထာ နိဋ္ဌိတာ။
၃။ တတိယဝဂ္ဂ
(၃၁) ၁၁။ အသညကထာ
֍ ဋ္ဌ ၃၈၁။ အသညသတ္တေသု သညာ အတ္ထီတိ? အာမန္တာ။ သညာဘဝေါ သညာဂတိ သညာသတ္တာဝါသော သညာသံသာရော သညာယောနိ သညတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
နနု အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘောတိ? အာမန္တာ။ ဟဉ္စိ အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘အသညသတ္တေသု သညာ အတ္ထီ’’တိ။
(အဘိ၊က၊၁၉၇။)အသညသတ္တေသု သညာ အတ္ထီတိ? အာမန္တာ။ ပဉ္စဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
နနု ဧကဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? အာမန္တာ။ ဟဉ္စိ ဧကဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘အသညသတ္တေသု သညာ အတ္ထီ’’တိ။
အသညသတ္တေသု သညာ အတ္ထီတိ? အာမန္တာ။ တာယ သညာယ သညာကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၈၂။ မနုဿေသု သညာ အတ္ထိ, သော စ သညာဘဝေါ သညာဂတိ သညာသတ္တာဝါသော သညာသံသာရော သညာယောနိ သညတ္တဘာဝပဋိလာဘောတိ? အာမန္တာ။ အသညသတ္တေသု သညာ အတ္ထိ, သော စ သညာဘဝေါ သညာဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
မနုဿေသု သညာ အတ္ထိ, သော စ ပဉ္စဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? အာမန္တာ။ အသညသတ္တေသု သညာ အတ္ထိ, သော စ ပဉ္စဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
မနုဿေသု သညာ အတ္ထိ, တာယ သညာယ သညာကရဏီယံ ကရောတီတိ? အာမန္တာ။ အသညသတ္တေသု သညာ အတ္ထိ, တာယ သညာယ သညာကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
အသညသတ္တေသု သညာ အတ္ထိ, သော စ အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘောတိ? အာမန္တာ။ မနုဿေသု သညာ အတ္ထိ, သော စ အသညဘဝေါ အသညဂတိ ။ပ။ အသညတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
အသညသတ္တေသု သညာ အတ္ထိ, သော စ ဧကဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? အာမန္တာ။ မနုဿေသု သညာ အတ္ထိ, သော စ ဧကဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၈။)အသညသတ္တေသု သညာ အတ္ထိ, န စ တာယ သညာယ သညာကရဏီယံ ကရောတီတိ? အာမန္တာ။ မနုဿေသု သညာ အတ္ထိ, န စ တာယ သညာယ သညာကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၈၃။ န ဝတ္တဗ္ဗံ – ‘‘အသညသတ္တေသု သညာ အတ္ထီ’’တိ? အာမန္တာ။ နနု ဝုတ္တံ ဘဂဝတာ – ‘‘သန္တိ, ဘိက္ခဝေ, အသညသတ္တာ နာမ ဒေဝါ၊ သညုပ္ပါဒါ စ ပန တေ ဒေဝါ တမှာ ကာယာ စဝန္တီ’’တိ [ဒီ။ နိ။ ၁။၆၈]! အတ္ထေဝ သုတ္တန္တောတိ? အာမန္တာ။ တေန ဟိ အသညသတ္တေသု သညာ အတ္ထီတိ။
အသညသတ္တေသု သညာ အတ္ထီတိ? ကိဉ္စိ [ကဉ္စိ (သျာ။)] ကာလေ အတ္ထိ, ကိဉ္စိ ကာလေ နတ္ထီတိ။ ကိဉ္စိ ကာလေ သညသတ္တာ ကိဉ္စိ ကာလေ အသညသတ္တာ, ကိဉ္စိ ကာလေ သညဘဝေါ ကိဉ္စိ ကာလေ အသညဘဝေါ, ကိဉ္စိ ကာလေ ပဉ္စဝေါကာရဘဝေါ ကိဉ္စိ ကာလေ ဧကဝေါကာရဘဝေါတိ? န ဟေဝံ ဝတ္တဗ္ဗေ ။ပ။
အသညသတ္တေသု သညာ ကိဉ္စိ ကာလေ အတ္ထိ, ကိဉ္စိ ကာလေ နတ္ထီတိ? အာမန္တာ။ ကံ ကာလံ အတ္ထိ, ကံ ကာလံ နတ္ထီတိ? စုတိကာလေ ဥပပတ္တိကာလေ အတ္ထိ, ဌိတိကာလေ နတ္ထီတိ။ စုတိကာလေ ဥပပတ္တိကာလေ သညသတ္တာ, ဌိတိကာလေ အသညသတ္တာ၊ စုတိကာလေ ဥပပတ္တိကာလေ သညဘဝေါ, ဌိတိကာလေ အသညဘဝေါ၊ စုတိကာလေ ဥပပတ္တိကာလေ ပဉ္စဝေါကာရဘဝေါ, ဌိတိကာလေ ဧကဝေါကာရဘဝေါတိ? န ဟေဝံ ဝတ္တဗ္ဗေ ။ပ။
အသညကထာ နိဋ္ဌိတာ။
၃။ တတိယဝဂ္ဂ
(၃၂) ၁၂။ နေဝသညာနာသညာယတနကထာ
֍ ဋ္ဌ ၃၈၄။ နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ? အာမန္တာ။ အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
(အဘိ၊က၊၁၉၉။)နနု သညာဘဝေါ သညာဂတိ သညာသတ္တာဝါသော သညာသံသာရော သညာယောနိ သညတ္တဘာဝပဋိလာဘောတိ? အာမန္တာ။ ဟဉ္စိ သညာဘဝေါ သညာဂတိ ။ပ။ သညတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘နေဝသညာနာသညာယတနေ န ဝတ္တဗ္ဗံ – ‘သညာ အတ္ထီ’’’တိ။
နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ? အာမန္တာ။ ဧကဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
နနု စတုဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? အာမန္တာ။ ဟဉ္စိ စတုဝေါကာရဘဝေါ ဂတိ ။ပ။ အတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘နေဝသညာနာသညာယတနေ န ဝတ္တဗ္ဗံ – ‘သညာ အတ္ထီ’’’တိ။
֍ ဋ္ဌ ၃၈၅။ အသညသတ္တေသု န ဝတ္တဗ္ဗံ – ‘‘သညာ အတ္ထိ’’, သော စ အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘောတိ? အာမန္တာ။ နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထိ,’’ သော စ အသညဘဝေါ အသညဂတိ အသညသတ္တာဝါသော အသညသံသာရော အသညယောနိ အသညတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
အသညသတ္တေသု န ဝတ္တဗ္ဗံ – ‘‘သညာ အတ္ထိ,’’ သော စ ဧကဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? အာမန္တာ။ နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထိ,’’ သော စ ဧကဝေါကာရဘဝေါ ဂတိ သတ္တာဝါသော သံသာရော ယောနိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထိ,’’ သော စ သညာဘဝေါ သညာဂတိ ။ပ။ သညတ္တဘာဝပဋိလာဘောတိ? အာမန္တာ။ အသညသတ္တေသု န ဝတ္တဗ္ဗံ – ‘‘သညာ အတ္ထိ,’’ သော စ သညာဘဝေါ သညာဂတိ ။ပ။ သညတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထိ,’’ သော စ စတုဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? အာမန္တာ။ အသညသတ္တေသု န ဝတ္တဗ္ဗံ – ‘‘သညာ အတ္ထိ,’’ သော စ စတုဝေါကာရဘဝေါ ဂတိ ။ပ။ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၀၀။)နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ? အာမန္တာ။ နနု နေဝသညာနာသညာယတနံ စတုဝေါကာရဘဝေါတိ? အာမန္တာ။ ဟဉ္စိ နေဝသညာနာသညာယတနံ စတုဝေါကာရဘဝေါ, နော စ ဝတ ရေ ဝတ္တဗ္ဗေ – ‘‘နေဝသညာနာသညာယတနေ န ဝတ္တဗ္ဗံ – ‘သညာ အတ္ထီ’’’တိ။
֍ ဋ္ဌ ၃၈၆။ နေဝသညာနာသညာယတနံ စတုဝေါကာရဘဝေါ နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ? အာမန္တာ။ အာကာသာနဉ္စာယတနံ စတုဝေါကာရဘဝေါ အာကာသာနဉ္စာယတနေ န ဝတ္တဗ္ဗံ – ‘‘သညာ အတ္ထီ’’တိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနံ စတုဝေါကာရဘဝေါ, နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ? အာမန္တာ။ ဝိညာဏဉ္စာယတနံ ။ပ။ အာကိဉ္စညာယတနံ စတုဝေါကာရဘဝေါ, အာကိဉ္စညာယတနေ န ဝတ္တဗ္ဗံ – ‘‘သညာ အတ္ထီ’’တိ? န ဟေဝံ ဝတ္တဗ္ဗေ ။ပ။
အာကာသာနဉ္စာယတနံ စတုဝေါကာရဘဝေါ, အတ္ထိ တတ္ထ သညာတိ? အာမန္တာ။ နေဝသညာနာသညာယတနံ စတုဝေါကာရဘဝေါ, အတ္ထိ တတ္ထ သညာတိ? န ဟေဝံ ဝတ္တဗ္ဗေ ။ပ။
ဝိညာဏဉ္စာယတနံ ။ပ။ အာကိဉ္စညာယတနံ စတုဝေါကာရဘဝေါ, အတ္ထိ တတ္ထ သညာတိ? အာမန္တာ။ နေဝသညာနာသညာယတနံ စတုဝေါကာရဘဝေါ, အတ္ထိ တတ္ထ သညာတိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ ဝါ ‘‘နတ္ထီ’’တိ ဝါတိ? အာမန္တာ။ နနု နေဝသညာနာသညာယတနံ စတုဝေါကာရဘဝေါတိ? အာမန္တာ။ ဟဉ္စိ နေဝသညာနာသညာယတနံ စတုဝေါကာရဘဝေါ, နော စ ဝတ ရေ ဝတ္တဗ္ဗေ – ‘‘နေဝသညာနာသညာယတနေ န ဝတ္တဗ္ဗံ – ‘သညာ အတ္ထီ’တိ ဝါ ‘နတ္ထီ’တိ ဝါ’’တိ။
နေဝသညာနာသညာယတနံ စတုဝေါကာရဘဝေါ, နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ ဝါ ‘‘နတ္ထီ’’တိ ဝါတိ? အာမန္တာ။ အာကာသာနဉ္စာယတနံ ။ပ။ ဝိညာဏဉ္စာယတနံ ။ပ။ အာကိဉ္စညာယတနံ စတုဝေါကာရဘဝေါ, အာကိဉ္စညာယတနေ န ဝတ္တဗ္ဗံ – ‘‘သညာ အတ္ထီ’’တိ ဝါ ‘‘နတ္ထီ’’တိ ဝါတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၀၁။)အာကာသာနဉ္စာယတနံ စတုဝေါကာရဘဝေါ, အတ္ထိ တတ္ထ သညာတိ? အာမန္တာ။ နေဝသညာနာသညာယတနံ စတုဝေါကာရဘဝေါ, အတ္ထိ တတ္ထ သညာတိ? န ဟေဝံ ဝတ္တဗ္ဗေ ။ပ။
ဝိညာဏဉ္စာယတနံ…ပေ… အာကိဉ္စညာယတနံ စတုဝေါကာရဘဝေါ, အတ္ထိ တတ္ထ သညာတိ? အာမန္တာ။ နေဝသညာနာသညာယတနံ စတုဝေါကာရဘဝေါ, အတ္ထိ တတ္ထ သညာတိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနေ န ဝတ္တဗ္ဗံ [နေဝသညာနာသညာယတနေ ဝတ္တဗ္ဗံ (?)] – ‘‘သညာ အတ္ထီ’’တိ ဝါ ‘‘နတ္ထီ’’တိ ဝါတိ? အာမန္တာ။ နနု နေဝသညာနာသညာယတနန္တိ? အာမန္တာ။ ဟဉ္စိ နေဝသညာနာသညာယတနံ, တေန ဝတ ရေ ဝတ္တဗ္ဗေ – ‘‘နေဝသညာနာသညာယတနေ န ဝတ္တဗ္ဗံ – ‘သညာ အတ္ထီ’တိ ဝါ ‘နတ္ထီ’တိ ဝါ’’တိ။
နေဝသညာနာသညာယတနန္တိ ကတွာ နေဝသညာနာသညာယတနေ န ဝတ္တဗ္ဗံ – ‘‘သညာ အတ္ထီ’’တိ ဝါ ‘‘နတ္ထီ’’တိ ဝါတိ? အာမန္တာ။ အဒုက္ခမသုခါ ဝေဒနာတိ ကတွာ အဒုက္ခမသုခါယ ဝေဒနာယ [အဒုက္ခမသုခါ ဝေဒနာ (သီ။ က။)] န ဝတ္တဗ္ဗံ – ‘‘ဝေဒနာ’’တိ ဝါ ‘‘အဝေဒနာ’’တိ ဝါတိ? န ဟေဝံ ဝတ္တဗ္ဗေ ။ပ။
နေဝသညာနာသညာယတနကထာ နိဋ္ဌိတာ။
တတိယဝဂ္ဂေါ။
တဿုဒ္ဒါနံ –
ဗလံ သာဓာရဏံ အရိယံ, သရာဂံ စိတ္တံ ဝိမုစ္စတိ၊
ဝိမုတ္တံ ဝိမုစ္စမာနံ, အတ္ထိ စိတ္တံ ဝိမုစ္စမာနံ။
အဋ္ဌမကဿ ပုဂ္ဂလဿ, ဒိဋ္ဌိပရိယုဋ္ဌာနံ ပဟီနံ၊
အဋ္ဌမကဿ ပုဂ္ဂလဿ, နတ္ထိ ပဉ္စိန္ဒြိယာနိ စက္ခုံ။
သောတံ ဓမ္မုပတ္ထဒ္ဓံ, ယထာကမ္မူပဂတံ ဉာဏံ၊
ဒေဝေသု သံဝရော အသည-သတ္တေသု သညာ ဧဝမေဝ ဘဝဂ္ဂန္တိ။
(အဘိ၊က၊၂၀၂။)၄။ စတုတ္ထဝဂ္ဂ
(၃၃) ၁။ ဂိဟိဿ အရဟာတိကထာ
֍ ဋ္ဌ ၃၈၇။ ဂိဟိဿ အရဟာတိ? အာမန္တာ။ အတ္ထိ အရဟတော ဂိဟိသံယောဇနန္တိ? န ဟေဝံ ဝတ္တဗ္ဗေ ။ပ။ နတ္ထိ အရဟတော ဂိဟိသံယောဇနန္တိ? အာမန္တာ။ ဟဉ္စိ နတ္ထိ အရဟတော ဂိဟိသံယောဇနံ, နော စ ဝတ ရေ ဝတ္တဗ္ဗေ – ‘‘ဂိဟိဿ အရဟာ’’တိ။
ဂိဟိဿ အရဟာတိ? အာမန္တာ။ နနု အရဟတော ဂိဟိသံယောဇနံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မန္တိ? အာမန္တာ။ ဟဉ္စိ အရဟတော ဂိဟိသံယောဇနံ ပဟီနံ ဥစ္ဆိန္နမူလံ တာလာဝတ္ထုကတံ အနဘာဝင်္ကတံ အာယတိံ အနုပ္ပါဒဓမ္မံ, နော စ ဝတ ရေ ဝတ္တဗ္ဗေ – ‘‘ဂိဟိဿ အရဟာ’’တိ။
ဂိဟိဿ အရဟာတိ? အာမန္တာ။ အတ္ထိ ကောစိ ဂိဟီ ဂိဟိသံယောဇနံ အပ္ပဟာယ ဒိဋ္ဌေဝ ဓမ္မေ ဒုက္ခဿန္တကရောတိ [မ။ နိ။ ၂။၁၈၆]? နတ္ထိ။ ဟဉ္စိ နတ္ထိ ကောစိ ဂိဟီ ဂိဟိသံယောဇနံ အပ္ပဟာယ ဒိဋ္ဌေဝ ဓမ္မေ ဒုက္ခဿန္တကရော, နော စ ဝတ ရေ ဝတ္တဗ္ဗေ – ‘‘ဂိဟိဿ အရဟာ’’တိ။
ဂိဟိဿ အရဟာတိ? အာမန္တာ။ နနု ဝစ္ဆဂေါတ္တော ပရိဗ္ဗာဇကော ဘဂဝန္တံ ဧတဒဝေါစ – ‘‘အတ္ထိ နု ခေါ, ဘော ဂေါတမ, ကောစိ ဂိဟီ ဂိဟိသံယောဇနံ အပ္ပဟာယ ကာယဿ ဘေဒါ ဒုက္ခဿန္တကရော’’တိ? ‘‘နတ္ထိ ခေါ, ဝစ္ဆ, ကောစိ ဂိဟီ ဂိဟိသံယောဇနံ အပ္ပဟာယ ကာယဿ ဘေဒါ ဒုက္ခဿန္တကရော’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဂိဟိဿ အရဟာ’’တိ။
ဂိဟိဿ အရဟာတိ? အာမန္တာ။ အရဟာ မေထုနံ ဓမ္မံ ပဋိသေဝေယျ, မေထုနံ ဥပ္ပါဒေယျ, ပုတ္တသမ္ဗာဓသယနံ အဇ္ဈာဝသေယျ, ကာသိကစန္ဒနံ ပစ္စနုဘဝေယျ, မာလာဂန္ဓဝိလေပနံ ဓာရေယျ, ဇာတရူပရဇတံ သာဒိယေယျ, အဇေဠကံ ပဋိဂ္ဂဏှေယျ, ကုက္ကုဋသူကရံ ပဋိဂ္ဂဏှေယျ, ဟတ္ထိဂဝဿဝဠဝံ ပဋိဂ္ဂဏှေယျ, တိတ္တိရဝဋ္ဋကမောရကပိဉ္ဇရံ [… ကပိဉ္ဇလံ (သျာ။ ကံ။ ပီ။)] ပဋိဂ္ဂဏှေယျ, စိတ္တဝဏ္ဍဝါလမောဠိံ [ပီတဝဏ္ဋဝါလမောဠိကံ (သျာ။ ကံ။ ပီ။)] ဓာရေယျ, ဩဒါတာနိ ဝတ္ထာနိ ဒီဃဒသာနိ ဓာရေယျ, ယာဝဇီဝံ အဂါရိယဘူတော အဿာတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၀၃။)န ဝတ္တဗ္ဗံ – ‘‘ဂိဟိဿ အရဟာ’’တိ? အာမန္တာ။ နနု ယသော ကုလပုတ္တော, ဥတ္တိယော ဂဟပတိ, သေတု မာဏဝေါ, ဂိဟိဗျဉ္ဇနေန အရဟတ္တံ ပတ္တောတိ? အာမန္တာ။ ဟဉ္စိ ယသော ကုလပုတ္တော, ဥတ္တိယော ဂဟပတိ, သေတု မာဏဝေါ, ဂိဟိဗျဉ္ဇနေန အရဟတ္တံ ပတ္တော, တေန ဝတ ရေ ဝတ္တဗ္ဗေ – ‘‘ဂိဟိဿ အရဟာ’’တိ။
ဂိဟိဿ အရဟာတိကထာ နိဋ္ဌိတာ။
၄။ စတုတ္ထဝဂ္ဂ
(၃၄) ၂။ ဥပပတ္တိကထာ
֍ ဋ္ဌ ၃၈၈။ သဟ ဥပပတ္တိယာ အရဟာတိ? အာမန္တာ။ သဟ ဥပပတ္တိယာ သောတာပန္နော ဟောတီတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ အရဟာတိ? အာမန္တာ။ သဟ ဥပပတ္တိယာ သကဒါဂါမီ ဟောတီတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ အရဟာတိ? အာမန္တာ။ သဟ ဥပပတ္တိယာ အနာဂါမီ ဟောတီတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ သောတာပန္နော န ဟောတီတိ? အာမန္တာ။ ဟဉ္စိ သဟ ဥပပတ္တိယာ သောတာပန္နော န ဟောတိ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
သဟ ဥပပတ္တိယာ သကဒါဂါမီ န ဟောတီတိ? အာမန္တာ။ ဟဉ္စိ သဟ ဥပပတ္တိယာ သကဒါဂါမီ န ဟောတိ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
သဟ ဥပပတ္တိယာ အနာဂါမီ န ဟောတီတိ? အာမန္တာ။ ဟဉ္စိ သဟ ဥပပတ္တိယာ အနာဂါမီ န ဟောတိ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
֍ ဋ္ဌ ၃၈၉။ သဟ ဥပပတ္တိယာ အရဟာတိ? အာမန္တာ။ သာရိပုတ္တော ထေရော သဟ ဥပပတ္တိယာ အရဟာတိ? န ဟေဝံ ဝတ္တဗ္ဗေ။ မဟာမောဂ္ဂလ္လာနော
(အဘိ၊က၊၂၀၄။)ထေရော ။ပ။ မဟာကဿပေါ ထေရော ။ပ။ မဟာကစ္စာနော ထေရော ။ပ။ မဟာကောဋ္ဌိကော ထေရော ။ပ။ မဟာပန္ထကော ထေရော သဟ ဥပပတ္တိယာ အရဟာတိ? န ဟေဝံ ဝတ္တဗ္ဗေ ။ပ။
သာရိပုတ္တော ထေရော န သဟ ဥပပတ္တိယာ အရဟာတိ? အာမန္တာ။ ဟဉ္စိ သာရိပုတ္တော ထေရော န သဟ ဥပပတ္တိယာ အရဟာ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
မဟာမောဂ္ဂလ္လာနော ထေရော ။ပ။ မဟာကဿပေါ ထေရော ။ပ။ မဟာကစ္စာနော ထေရော ။ပ။ မဟာကောဋ္ဌိကော ထေရော ။ပ။ မဟာပန္ထကော ထေရော န သဟ ဥပပတ္တိယာ အရဟာတိ? အာမန္တာ။ ဟဉ္စိ မဟာပန္ထကော ထေရော န သဟ ဥပပတ္တိယာ အရဟာ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
֍ ဋ္ဌ ၃၉၀။ သဟ ဥပပတ္တိယာ အရဟာတိ? အာမန္တာ။ ဥပပတ္တေသိယေန စိတ္တေန အရဟတ္တံ သစ္ဆိကရောတိ လောကိယေန သာသဝေန…ပေ… သံကိလေသိယေနာတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ အရဟာတိ? အာမန္တာ။ ဥပပတ္တေသိယံ စိတ္တံ နိယျာနိကံ ခယဂါမီ ဗောဓဂါမီ အပစယဂါမီ အနာသဝံ ။ပ။ အသံကိလေသိယန္တိ? န ဟေဝံ ဝတ္တဗ္ဗေ ။ပ။
နနု ဥပပတ္တေသိယံ စိတ္တံ အနိယျာနိကံ န ခယဂါမိ န ဗောဓဂါမိ န အပစယဂါမိ သာသဝံ ။ပ။ … သံကိလေသိယန္တိ? အာမန္တာ။ ဟဉ္စိ ဥပပတ္တေသိယံ စိတ္တံ အနိယျာနိကံ န ခယဂါမိ န ဗောဓဂါမိ န အပစယဂါမိ သာသဝံ ။ပ။ သံကိလေသိယံ, နော စ ဝတ ရေ ဝတ္တဗ္ဗေ – ‘‘သဟ ဥပပတ္တိယာ အရဟာ’’တိ။
သဟ ဥပပတ္တိယာ အရဟာတိ? အာမန္တာ။ ဥပပတ္တေသိယေန စိတ္တေန ရာဂံ ပဇဟတိ, ဒေါသံ ပဇဟတိ, မောဟံ ပဇဟတိ, အနောတ္တပ္ပံ ပဇဟတီတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ အရဟာတိ? အာမန္တာ။ ဥပပတ္တေသိယံ စိတ္တံ မဂ္ဂေါ… သတိပဋ္ဌာနံ ။ပ။ သမ္မပ္ပဓာနံ… ဣဒ္ဓိပါဒေါ… ဣန္ဒြိယံ… ဗလံ… ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
သဟ ဥပပတ္တိယာ အရဟာတိ? အာမန္တာ။ ဥပပတ္တေသိယေန စိတ္တေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ?
(အဘိ၊က၊၂၀၅။)န ဟေဝံ ဝတ္တဗ္ဗေ ။ပ။ သဟ ဥပပတ္တိယာ အရဟာတိ? အာမန္တာ။ စုတိစိတ္တံ မဂ္ဂစိတ္တံ ဥပပတ္တေသိယံ စိတ္တံ ဖလစိတ္တန္တိ? န ဟေဝံ ဝတ္တဗ္ဗေ ။ပ။
ဥပပတ္တိကထာ နိဋ္ဌိတာ။
၄။ စတုတ္ထဝဂ္ဂ
(၃၅) ၃။ အနာသဝကထာ
֍ ဋ္ဌ ၃၉၁။ အရဟတော သဗ္ဗေ ဓမ္မာ အနာသဝါတိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ, သကဒါဂါမိမဂ္ဂေါ သကဒါဂါမိဖလံ, အနာဂါမိမဂ္ဂေါ အနာဂါမိဖလံ, အရဟတ္တမဂ္ဂေါ အရဟတ္တဖလံ, သတိပဋ္ဌာနံ သမ္မပ္ပဓာနံ ဣဒ္ဓိပါဒေါ ဣန္ဒြိယံ ဗလံ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
အရဟတော သဗ္ဗေ ဓမ္မာ အနာသဝါတိ? အာမန္တာ။ အရဟတော စက္ခုံ အနာသဝန္တိ? န ဟေဝံ ဝတ္တဗ္ဗေ ။ပ။ အရဟတော စက္ခုံ အနာသဝန္တိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ ။ပ။ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
အရဟတော သောတံ ။ပ။ အရဟတော ဃာနံ… အရဟတော ဇိဝှါ… အရဟတော ကာယော အနာသဝေါတိ? န ဟေဝံ ဝတ္တဗ္ဗေ ။ပ။ အရဟတော ကာယော အနာသဝေါတိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ ။ပ။ ဗောဇ္ဈင်္ဂေါတိ? န ဟေဝံ ဝတ္တဗ္ဗေ ။ပ။
အရဟတော ကာယော အနာသဝေါတိ? အာမန္တာ။ အရဟတော ကာယော ပဂ္ဂဟနိဂ္ဂဟုပဂေါ ဆေဒနဘေဒနုပဂေါ ကာကေဟိ ဂိဇ္ဈေဟိ ကုလလေဟိ သာဓာရဏောတိ? အာမန္တာ။ အနာသဝေါ ဓမ္မော ပဂ္ဂဟနိဂ္ဂဟုပဂေါ ဆေဒနဘေဒနုပဂေါ ကာကေဟိ ဂိဇ္ဈေဟိ ကုလလေဟိ သာဓာရဏောတိ? န ဟေဝံ ဝတ္တဗ္ဗေ ။ပ။
အရဟတော ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? အာမန္တာ။ အနာသဝေ ဓမ္မေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၀၆။)လဗ္ဘာ အရဟတော ကာယော အဒ္ဒုဗန္ဓနေန ဗန္ဓိတုံ, ရဇ္ဇုဗန္ဓနေန ဗန္ဓိတုံ, သင်္ခလိကဗန္ဓနေန ဗန္ဓိတုံ, ဂါမဗန္ဓနေန ဗန္ဓိတုံ, နိဂမဗန္ဓနေန ဗန္ဓိတုံ, နဂရဗန္ဓနေန ဗန္ဓိတုံ, ဇနပဒဗန္ဓနေန ဗန္ဓိတုံ, ကဏ္ဌပဉ္စမေဟိ ဗန္ဓနေဟိ ဗန္ဓိတုန္တိ? အာမန္တာ။ လဗ္ဘာ အနာသဝေါ ဓမ္မော အဒ္ဒုဗန္ဓနေန ဗန္ဓိတုံ, ရဇ္ဇုဗန္ဓနေန ဗန္ဓိတုံ, သင်္ခလိကဗန္ဓနေန ဗန္ဓိတုံ, ဂါမနိဂမနဂရဇနပဒဗန္ဓနေန ဗန္ဓိတုံ, ကဏ္ဌပဉ္စမေဟိ ဗန္ဓနေဟိ ဗန္ဓိတုန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၉၂။ ယဒိ အရဟာ ပုထုဇ္ဇနဿ စီဝရံ ဒေတိ, အနာသဝံ ဟုတွာ သာသဝံ ဟောတီတိ? န ဟေဝံ ဝတ္တဗ္ဗေ ။ပ။ အနာသဝံ ဟုတွာ သာသဝံ ဟောတီတိ? အာမန္တာ။ တညေဝ အနာသဝံ တံ သာသဝန္တိ? န ဟေဝံ ဝတ္တဗ္ဗေ ။ပ။ တညေဝ အနာသဝံ တံ သာသဝန္တိ? အာမန္တာ။ မဂ္ဂေါ အနာသဝေါ ဟုတွာ သာသဝေါ ဟောတီတိ? န ဟေဝံ ဝတ္တဗ္ဗေ ။ပ။ ဖလံ… သတိပဋ္ဌာနံ… သမ္မပ္ပဓာနံ… ဣဒ္ဓိပါဒေါ… ဣန္ဒြိယံ… ဗလံ… ဗောဇ္ဈင်္ဂေါ အနာသဝေါ ဟုတွာ သာသဝေါ ဟောတီတိ? န ဟေဝံ ဝတ္တဗ္ဗေ ။ပ။
ယဒိ အရဟာ ပုထုဇ္ဇနဿ ပိဏ္ဍပါတံ ဒေတိ, သေနာသနံ ဒေတိ, ဂိလာနပစ္စယဘေသဇ္ဇပရိက္ခာရံ ဒေတိ, အနာသဝေါ ဟုတွာ သာသဝေါ ဟောတီတိ? န ဟေဝံ ဝတ္တဗ္ဗေ ။ပ။ အနာသဝေါ ဟုတွာ သာသဝေါ ဟောတီတိ? အာမန္တာ။ တညေဝ အနာသဝံ တံ သာသဝန္တိ? န ဟေဝံ ဝတ္တဗ္ဗေ ။ပ။ တညေဝ အနာသဝံ တံ သာသဝန္တိ? အာမန္တာ။ မဂ္ဂေါ အနာသဝေါ ဟုတွာ သာသဝေါ ဟောတီတိ? န ဟေဝံ ဝတ္တဗ္ဗေ ။ပ။ ဖလံ… သတိပဋ္ဌာနံ… သမ္မပ္ပဓာနံ… ဣဒ္ဓိပါဒေါ… ဣန္ဒြိယံ… ဗလံ… ဗောဇ္ဈင်္ဂေါ အနာသဝေါ ဟုတွာ သာသဝေါ ဟောတီတိ? န ဟေဝံ ဝတ္တဗ္ဗေ ။ပ။
ယဒိ ပုထုဇ္ဇနော အရဟတော စီဝရံ ဒေတိ, သာသဝံ ဟုတွာ အနာသဝံ ဟောတီတိ? န ဟေဝံ ဝတ္တဗ္ဗေ ။ပ။ သာသဝံ ဟုတွာ အနာသဝံ ဟောတီတိ? အာမန္တာ။ တညေဝ သာသဝံ တံ အနာသဝန္တိ? န ဟေဝံ ဝတ္တဗ္ဗေ ။ပ။ တညေဝ သာသဝံ တံ အနာသဝန္တိ? အာမန္တာ။ ရာဂေါ သာသဝေါ ဟုတွာ အနာသဝေါ ဟောတီတိ? န ဟေဝံ ဝတ္တဗ္ဗေ ။ပ။ ဒေါသော ။ပ။ မောဟော ။ပ။ အနောတ္တပ္ပံ သာသဝံ ဟုတွာ အနာသဝံ ဟောတီတိ? န ဟေဝံ ဝတ္တဗ္ဗေ ။ပ။
ယဒိ ပုထုဇ္ဇနော အရဟတော ပိဏ္ဍပါတံ ဒေတိ, သေနာသနံ ဒေတိ, ဂိလာနပစ္စယဘေသဇ္ဇပရိက္ခာရံ ဒေတိ, သာသဝေါ ဟုတွာ အနာသဝေါ ဟောတီတိ? န ဟေဝံ ဝတ္တဗ္ဗေ ။ပ။ သာသဝေါ ဟုတွာ အနာသဝေါ ဟောတီတိ? အာမန္တာ။ တညေဝ သာသဝံ တံ အနာသဝန္တိ? န ဟေဝံ ဝတ္တဗ္ဗေ ။ပ။ တညေဝ
(အဘိ၊က၊၂၀၇။)သာသဝံ တံ အနာသဝန္တိ? အာမန္တာ။ ရာဂေါ သာသဝေါ ဟုတွာ အနာသဝေါ ဟောတီတိ? န ဟေဝံ ဝတ္တဗ္ဗေ ။ပ။ ဒေါသော ။ပ။ မောဟော ။ပ။ အနောတ္တပ္ပံ သာသဝံ ဟုတွာ အနာသဝံ ဟောတီတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘အရဟတော သဗ္ဗေ ဓမ္မာ အနာသဝါ’’တိ? အာမန္တာ။ နနု အရဟာ အနာသဝေါတိ? အာမန္တာ။ ဟဉ္စိ အရဟာ အနာသဝေါ, တေန ဝတ ရေ ဝတ္တဗ္ဗေ – ‘‘အရဟတော သဗ္ဗေ ဓမ္မာ အနာသဝါ’’တိ။
အနာသဝကထာ နိဋ္ဌိတာ။
၄။ စတုတ္ထဝဂ္ဂ
(၃၆) ၄။ သမန္နာဂတကထာ
֍ ဋ္ဌ ၃၉၃။ အရဟာ စတူဟိ ဖလေဟိ သမန္နာဂတောတိ? အာမန္တာ။ အရဟာ စတူဟိ ဖဿေဟိ စတူဟိ ဝေဒနာဟိ စတူဟိ သညာဟိ စတူဟိ စေတနာဟိ စတူဟိ စိတ္တေဟိ စတူဟိ သဒ္ဓါဟိ စတူဟိ ဝီရိယေဟိ စတူဟိ သတီဟိ စတူဟိ သမာဓီဟိ စတူဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမီ တီဟိ ဖလေဟိ သမန္နာဂတောတိ? အာမန္တာ။ အနာဂါမီ တီဟိ ဖဿေဟိ ။ပ။ တီဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
သကဒါဂါမီ ဒွီဟိ ဖလေဟိ သမန္နာဂတောတိ? အာမန္တာ။ သကဒါဂါမီ ဒွီဟိ ဖဿေဟိ ။ပ။ ဒွီဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟာ သောတာပတ္တိဖလေန သမန္နာဂတောတိ? အာမန္တာ။ အရဟာ သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ ဝတ္တဗ္ဗေ ။ပ။ အရဟာ သကဒါဂါမိဖလေန သမန္နာဂတောတိ? အာမန္တာ။ အရဟာ သကဒါဂါမီတိ? န ဟေဝံ ဝတ္တဗ္ဗေ ။ပ။ အရဟာ အနာဂါမိဖလေန သမန္နာဂတောတိ? အာမန္တာ။ အရဟာ အနာဂါမီ, အန္တရာပရိနိဗ္ဗာယီ, ဥပဟစ္စပရိနိဗ္ဗာယီ, အသင်္ခါရပရိနိဗ္ဗာယီ, သသင်္ခါရပရိနိဗ္ဗာယီ, ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
အနာဂါမီ သောတာပတ္တိဖလေန သမန္နာဂတောတိ? အာမန္တာ။ အနာဂါမီ သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ
(အဘိ၊က၊၂၀၈။)ဝတ္တဗ္ဗေ ။ပ။ အနာဂါမီ သကဒါဂါမိဖလေန သမန္နာဂတောတိ? အာမန္တာ။ အနာဂါမီ သကဒါဂါမီတိ? န ဟေဝံ ဝတ္တဗ္ဗေ ။ပ။
သကဒါဂါမီ သောတာပတ္တိဖလေန သမန္နာဂတောတိ? အာမန္တာ။ သကဒါဂါမီ သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၉၄။ သောတာပတ္တိဖလေန သမန္နာဂတော ‘‘သောတာပန္နော’’တိ ဝတ္တဗ္ဗောတိ? အာမန္တာ။ အရဟာ သောတာပတ္တိဖလေန သမန္နာဂတောတိ? အာမန္တာ။ သွေဝ အရဟာ, သော သောတာပန္နောတိ? န ဟေဝံ ဝတ္တဗ္ဗေ ။ပ။
သကဒါဂါမိဖလေန သမန္နာဂတော ‘‘သကဒါဂါမီ’’တိ ဝတ္တဗ္ဗောတိ? အာမန္တာ။ အရဟာ သကဒါဂါမိဖလေန သမန္နာဂတောတိ? အာမန္တာ။ သွေဝ အရဟာ, သော သကဒါဂါမီတိ? န ဟေဝံ ဝတ္တဗ္ဗေ ။ပ။
အနာဂါမိဖလေန သမန္နာဂတော ‘‘အနာဂါမီ’’တိ ဝတ္တဗ္ဗောတိ? အာမန္တာ။ အရဟာ အနာဂါမိဖလေန သမန္နာဂတောတိ? အာမန္တာ။ သွေဝ အရဟာ, သော အနာဂါမီတိ? န ဟေဝံ ဝတ္တဗ္ဗေ ။ပ။
သောတာပတ္တိဖလေန သမန္နာဂတော ‘‘သောတာပန္နော’’တိ ဝတ္တဗ္ဗောတိ? အာမန္တာ။ အနာဂါမီ သောတာပတ္တိဖလေန သမန္နာဂတောတိ? အာမန္တာ။ သွေဝ အနာဂါမီ, သော သောတာပန္နောတိ? န ဟေဝံ ဝတ္တဗ္ဗေ ။ပ။
သကဒါဂါမိဖလေန သမန္နာဂတော ‘‘သကဒါဂါမီ’’တိ ဝတ္တဗ္ဗောတိ? အာမန္တာ။ အနာဂါမီ သကဒါဂါမိဖလေန သမန္နာဂတောတိ? အာမန္တာ။ သွေဝ အနာဂါမီ, သော သကဒါဂါမီတိ? န ဟေဝံ ဝတ္တဗ္ဗေ ။ပ။
သောတာပတ္တိဖလေန သမန္နာဂတော ‘‘သောတာပန္နော’’တိ ဝတ္တဗ္ဗောတိ? အာမန္တာ။ သကဒါဂါမီ သောတာပတ္တိဖလေန သမန္နာဂတောတိ? အာမန္တာ။ သွေဝ သကဒါဂါမီ, သော သောတာပန္နောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၉၅။ အရဟာ သောတာပတ္တိဖလေန သမန္နာဂတောတိ? အာမန္တာ။ နနု အရဟာ သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ အရဟာ သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟာ သောတာပတ္တိဖလေန သမန္နာဂတော’’တိ။
(အဘိ၊က၊၂၀၉။)အရဟာ သောတာပတ္တိဖလံ ဝီတိဝတ္တော တေန သမန္နာဂတောတိ? အာမန္တာ။ အရဟာ သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ, အပါယဂမနီယံ ရာဂံ, အပါယဂမနီယံ ဒေါသံ, အပါယဂမနီယံ မောဟံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟာ သကဒါဂါမိဖလေန သမန္နာဂတောတိ? အာမန္တာ။ နနု အရဟာ သကဒါဂါမိဖလံ ဝီတိဝတ္တောတိ? အာမန္တာ။ ဟဉ္စိ အရဟာ သကဒါဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟာ သကဒါဂါမိဖလေန သမန္နာဂတော’’တိ။
အရဟာ သကဒါဂါမိဖလံ ဝီတိဝတ္တော တေန သမန္နာဂတောတိ? အာမန္တာ။ အရဟာ သကဒါဂါမိမဂ္ဂံ ဝီတိဝတ္တော, ဩဠာရိကံ ကာမရာဂံ, ဩဠာရိကံ ဗျာပါဒံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟာ အနာဂါမိဖလေန သမန္နာဂတောတိ? အာမန္တာ။ နနု အရဟာ အနာဂါမိဖလံ ဝီတိဝတ္တောတိ? အာမန္တာ။ ဟဉ္စိ အရဟာ အနာဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟာ အနာဂါမိဖလေန သမန္နာဂတော’’တိ။
အရဟာ အနာဂါမိဖလံ ဝီတိဝတ္တော တေန သမန္နာဂတောတိ? အာမန္တာ။ အရဟာ အနာဂါမိမဂ္ဂံ ဝီတိဝတ္တော, အဏုသဟဂတံ ကာမရာဂံ, အဏုသဟဂတံ ဗျာပါဒံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမီ သောတာပတ္တိဖလေန သမန္နာဂတောတိ? အာမန္တာ။ နနု အနာဂါမီ သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ အနာဂါမီ သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အနာဂါမီ သောတာပတ္တိဖလေန သမန္နာဂတော’’တိ။
အနာဂါမီ သောတာပတ္တိဖလံ ဝီတိဝတ္တော တေန သမန္နာဂတောတိ? အာမန္တာ။ အနာဂါမီ သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ။ပ။ အပါယဂမနီယံ မောဟံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမီ သကဒါဂါမိဖလေန သမန္နာဂတောတိ? အာမန္တာ။ နနု အနာဂါမီ သကဒါဂါမိဖလံ ဝီတိဝတ္တောတိ? အာမန္တာ။ ဟဉ္စိ အနာဂါမီ သကဒါဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အနာဂါမီ သကဒါဂါမိဖလေန သမန္နာဂတော’’တိ။
(အဘိ၊က၊၂၁၀။)အနာဂါမီ သကဒါဂါမိဖလံ ဝီတိဝတ္တော တေန သမန္နာဂတောတိ? အာမန္တာ။ အနာဂါမီ သကဒါဂါမိမဂ္ဂံ ဝီတိဝတ္တော, ဩဠာရိကံ ကာမရာဂံ, ဩဠာရိကံ ဗျာပါဒံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
သကဒါဂါမီ သောတာပတ္တိဖလေန သမန္နာဂတောတိ? အာမန္တာ။ နနု သကဒါဂါမီ သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ သကဒါဂါမီ သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘သကဒါဂါမီ သောတာပတ္တိဖလေန သမန္နာဂတော’’တိ။
သကဒါဂါမီ သောတာပတ္တိဖလံ ဝီတိဝတ္တော တေန သမန္နာဂတောတိ? အာမန္တာ။ သကဒါဂါမီ သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ။ပ။ အပါယဂမနီယံ မောဟံ ဝီတိဝတ္တော တေန သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၉၆။ န ဝတ္တဗ္ဗံ – ‘‘အရဟာ စတူဟိ ဖလေဟိ သမန္နာဂတော’’တိ? အာမန္တာ။ နနု အရဟတာ စတ္တာရိ ဖလာနိ ပဋိလဒ္ဓါနိ, တေဟိ စ အပရိဟီနောတိ? အာမန္တာ။ ဟဉ္စိ အရဟတာ စတ္တာရိ ဖလာနိ ပဋိလဒ္ဓါနိ တေဟိ စ အပရိဟီနော, တေန ဝတ ရေ ဝတ္တဗ္ဗေ – ‘‘အရဟာ စတူဟိ ဖလေဟိ သမန္နာဂတော’’တိ။
န ဝတ္တဗ္ဗံ – ‘‘အနာဂါမီ တီဟိ ဖလေဟိ သမန္နာဂတော’’တိ? အာမန္တာ။ နနု အနာဂါမိနာ တီဏိ ဖလာနိ ပဋိလဒ္ဓါနိ, တေဟိ စ အပရိဟီနောတိ? အာမန္တာ။ ဟဉ္စိ အနာဂါမိနာ တီဏိ ဖလာနိ ပဋိလဒ္ဓါနိ တေဟိ စ အပရိဟီနော, တေန ဝတ ရေ ဝတ္တဗ္ဗေ – ‘‘အနာဂါမီ တီဟိ ဖလေဟိ သမန္နာဂတော’’တိ။
န ဝတ္တဗ္ဗံ – ‘‘သကဒါဂါမီ ဒွီဟိ ဖလေဟိ သမန္နာဂတော’’တိ? အာမန္တာ။ နနု သကဒါဂါမိနာ ဒွေ ဖလာနိ ပဋိလဒ္ဓါနိ, တေဟိ စ အပရိဟီနောတိ? အာမန္တာ။ ဟဉ္စိ သကဒါဂါမိနာ ဒွေ ဖလာနိ ပဋိလဒ္ဓါနိ တေဟိ စ အပရိဟီနော, တေန ဝတ ရေ ဝတ္တဗ္ဗေ – ‘‘သကဒါဂါမီ ဒွီဟိ ဖလေဟိ သမန္နာဂတော’’တိ။
အရဟတာ စတ္တာရိ ဖလာနိ ပဋိလဒ္ဓါနိ တေဟိ စ အပရိဟီနောတိ, အရဟာ စတူဟိ ဖလေဟိ သမန္နာဂတောတိ? အာမန္တာ။ အရဟတာ စတ္တာရော မဂ္ဂါ ပဋိလဒ္ဓါ တေဟိ စ အပရိဟီနောတိ, အရဟာ စတူဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမိနာ တီဏိ ဖလာနိ ပဋိလဒ္ဓါနိ တေဟိ စ အပရိဟီနောတိ, အနာဂါမီ တီဟိ ဖလေဟိ သမန္နာဂတောတိ? အာမန္တာ။ အနာဂါမိနာ
(အဘိ၊က၊၂၁၁။)တယော မဂ္ဂါ ပဋိလဒ္ဓါ တေဟိ စ အပရိဟီနောတိ, အနာဂါမီ တီဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
သကဒါဂါမိနာ ဒွေ ဖလာနိ ပဋိလဒ္ဓါနိ တေဟိ စ အပရိဟီနောတိ, သကဒါဂါမီ ဒွီဟိ ဖလေဟိ သမန္နာဂတောတိ? အာမန္တာ။ သကဒါဂါမိနာ ဒွေ မဂ္ဂါ ပဋိလဒ္ဓါ, တေဟိ စ အပရိဟီနောတိ, သကဒါဂါမီ ဒွီဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
သမန္နာဂတကထာ နိဋ္ဌိတာ။
၄။ စတုတ္ထဝဂ္ဂ
(၃၇) ၅။ ဥပေက္ခာသမန္နာဂတကထာ
֍ ဋ္ဌ ၃၉၇။ အရဟာ ဆဟိ ဥပေက္ခာဟိ သမန္နာဂတောတိ? အာမန္တာ။ အရဟာ ဆဟိ ဖဿေဟိ, ဆဟိ ဝေဒနာဟိ, ဆဟိ သညာဟိ ။ပ။ ဆဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟာ ဆဟိ ဥပေက္ခာဟိ သမန္နာဂတောတိ? အာမန္တာ။ အရဟာ စက္ခုနာ ရူပံ ပဿန္တော သောတေန သဒ္ဒံ သုဏာတိ, ဃာနေန ဂန္ဓံ ဃာယတိ, ဇိဝှါယ ရသံ သာယတိ, ကာယေန ဖောဋ္ဌဗ္ဗံ ဖုသတိ, မနသာ ဓမ္မံ ဝိဇာနာတိ ။ပ။ မနသာ ဓမ္မံ ဝိဇာနန္တော စက္ခုနာ ရူပံ ပဿတိ, သောတေန သဒ္ဒံ သုဏာတိ, ဃာနေန ဂန္ဓံ ဃာယတိ, ဇိဝှါယ ရသံ သာယတိ, ကာယေန ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ ။ပ။
အရဟာ ဆဟိ ဥပေက္ခာဟိ သမန္နာဂတောတိ? အာမန္တာ။ သတတံ သမိတံ အဗ္ဗောကိဏ္ဏံ ဆဟိ ဥပေက္ခာဟိ သမန္နာဂတော သမောဟိတော [သမာဟိတော (သျာ။)], ဆ ဥပေက္ခာယော ပစ္စုပဋ္ဌိတာတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘အရဟာ ဆဟိ ဥပေက္ခာဟိ သမန္နာဂတော’’တိ? အာမန္တာ။ နနု အရဟာ ဆဠင်္ဂုပေက္ခောတိ? အာမန္တာ။ ဟဉ္စိ အရဟာ ဆဠင်္ဂုပေက္ခော, တေန ဝတ ရေ ဝတ္တဗ္ဗေ – ‘‘အရဟာ ဆဟိ ဥပေက္ခာဟိ သမန္နာဂတော’’တိ ။ပ။
ဥပေက္ခာသမန္နာဂတကထာ နိဋ္ဌိတာ။
(အဘိ၊က၊၂၁၂။)၄။ စတုတ္ထဝဂ္ဂ
(၃၈) ၆။ ဗောဓိယာ ဗုဒ္ဓေါတိကထာ
֍ ဋ္ဌ ၃၉၈။ ဗောဓိယာ ဗုဒ္ဓေါတိ? အာမန္တာ။ ဗောဓိယာ နိရုဒ္ဓါယ ဝိဂတာယ ပဋိပဿဒ္ဓါယ အဗုဒ္ဓေါ ဟောတီတိ? န ဟေဝံ ဝတ္တဗ္ဗေ ။ပ။
ဗောဓိယာ ဗုဒ္ဓေါတိ? အာမန္တာ။ အတီတာယ ဗောဓိယာ ဗုဒ္ဓေါတိ? န ဟေဝံ ဝတ္တဗ္ဗေ ။ပ။ အတီတာယ ဗောဓိယာ ဗုဒ္ဓေါတိ? အာမန္တာ။ တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
တာယ ဗောဓိယာ ဗောဓိကရဏီယံ ကရောတီတိ? အာမန္တာ။ တာယ ဗောဓိယာ ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
ဗောဓိယာ ဗုဒ္ဓေါတိ? အာမန္တာ။ အနာဂတာယ ဗောဓိယာ ဗုဒ္ဓေါတိ? န ဟေဝံ ဝတ္တဗ္ဗေ ။ပ။
အနာဂတာယ ဗောဓိယာ ဗုဒ္ဓေါတိ? အာမန္တာ။ တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
တာယ ဗောဓိယာ ဗောဓိကရဏီယံ ကရောတီတိ? အာမန္တာ။ တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နာယ ဗောဓိယာ ဗုဒ္ဓေါ, တာယ ဗောဓိယာ ဗောဓိကရဏီယံ ကရောတီတိ? အာမန္တာ။ အတီတာယ ဗောဓိယာ ဗုဒ္ဓေါ, တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နာယ ဗောဓိယာ ဗုဒ္ဓေါ, တာယ ဗောဓိယာ ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? အာမန္တာ။ အတီတာယ ဗောဓိယာ ဗုဒ္ဓေါ, တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
ပစ္စုပ္ပန္နာယ ဗောဓိယာ ဗုဒ္ဓေါ, တာယ ဗောဓိယာ ဗောဓိကရဏီယံ ကရောတီတိ? အာမန္တာ။ အနာဂတာယ ဗောဓိယာ ဗုဒ္ဓေါ, တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၁၃။)ပစ္စုပ္ပန္နာယ ဗောဓိယာ ဗုဒ္ဓေါ, တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? အာမန္တာ။ အနာဂတာယ ဗောဓိယာ ဗုဒ္ဓေါ, တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အတီတာယ ဗောဓိယာ ဗုဒ္ဓေါ, န စ တာယ ဗောဓိယာ ဗောဓိကရဏီယံ ကရောတီတိ? အာမန္တာ။ ပစ္စုပ္ပန္နာယ ဗောဓိယာ ဗုဒ္ဓေါ, န စ တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
အတီတာယ ဗောဓိယာ ဗုဒ္ဓေါ, န စ တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? အာမန္တာ။ ပစ္စုပ္ပန္နာယ ဗောဓိယာ ဗုဒ္ဓေါ, န စ တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
အနာဂတာယ ဗောဓိယာ ဗုဒ္ဓေါ, န စ တာယ ဗောဓိယာ ဗောဓိကရဏီယံ ကရောတီတိ? အာမန္တာ။ ပစ္စုပ္ပန္နာယ ဗောဓိယာ ဗုဒ္ဓေါ, န စ တာယ ဗောဓိယာ ဗောဓိကရဏီယံ ကရောတီတိ? န ဟေဝံ ဝတ္တဗ္ဗေ ။ပ။
အနာဂတာယ ဗောဓိယာ ဗုဒ္ဓေါ, န စ တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? အာမန္တာ။ ပစ္စုပ္ပန္နာယ ဗောဓိယာ ဗုဒ္ဓေါ, န စ တာယ ဗောဓိယာ ဒုက္ခံ ပရိဇာနာတိ ။ပ။ မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၃၉၉။ အတီတာယ ဗောဓိယာ ဗုဒ္ဓေါ, အနာဂတာယ ဗောဓိယာ ဗုဒ္ဓေါ, ပစ္စုပ္ပန္နာယ ဗောဓိယာ ဗုဒ္ဓေါတိ? အာမန္တာ။ တီဟိ ဗောဓီဟိ ဗုဒ္ဓေါတိ? န ဟေဝံ ဝတ္တဗ္ဗေ ။ပ။
တီဟိ ဗောဓီဟိ ဗုဒ္ဓေါတိ? အာမန္တာ။ သတတံ သမိတံ အဗ္ဗောကိဏ္ဏံ တီဟိ ဗောဓီဟိ သမန္နာဂတော သမောဟိတော, တိဿော ဗောဓိယော ပစ္စုပဋ္ဌိတာတိ? န ဟေဝံ ဝတ္တဗ္ဗေ ။ပ။
န ဝတ္တဗ္ဗံ – ‘‘ဗောဓိယာ ဗုဒ္ဓေါ’’တိ? အာမန္တာ။ နနု ဗောဓိပဋိလာဘာ ဗုဒ္ဓေါတိ? အာမန္တာ။ ဟဉ္စိ ဗောဓိပဋိလာဘာ ဗုဒ္ဓေါ, တေန ဝတ ရေ ဝတ္တဗ္ဗေ – ‘‘ဗောဓိယာ ဗုဒ္ဓေါ’’တိ။
ဗောဓိပဋိလာဘာ ဗုဒ္ဓေါတိ, ဗောဓိယာ ဗုဒ္ဓေါတိ? အာမန္တာ။ ဗောဓိပဋိလာဘာ ဗောဓီတိ? န ဟေဝံ ဝတ္တဗ္ဗေ ။ပ။
ဗောဓိယာ ဗုဒ္ဓေါတိကထာ နိဋ္ဌိတာ။
(အဘိ၊က၊၂၁၄။)၄။ စတုတ္ထဝဂ္ဂ
(၃၉) ၇။ လက္ခဏကထာ
֍ ဋ္ဌ ၄၀၀။ လက္ခဏသမန္နာဂတော ဗောဓိသတ္တောတိ? အာမန္တာ။ ပဒေသလက္ခဏေဟိ သမန္နာဂတော ပဒေသဗောဓိသတ္တောတိ? န ဟေဝံ ဝတ္တဗ္ဗေ ။ပ။
လက္ခဏသမန္နာဂတော ဗောဓိသတ္တောတိ? အာမန္တာ။ တိဘာဂလက္ခဏေဟိ သမန္နာဂတော တိဘာဂဗောဓိသတ္တောတိ? န ဟေဝံ ဝတ္တဗ္ဗေ ။ပ။
လက္ခဏသမန္နာဂတော ဗောဓိသတ္တောတိ? အာမန္တာ။ ဥပဍ္ဎလက္ခဏေဟိ သမန္နာဂတော ဥပဍ္ဎဗောဓိသတ္တောတိ? န ဟေဝံ ဝတ္တဗ္ဗေ ။ပ။
လက္ခဏသမန္နာဂတော ဗောဓိသတ္တောတိ? အာမန္တာ။ စက္ကဝတ္တိသတ္တော လက္ခဏသမန္နာဂတော, စက္ကဝတ္တိသတ္တော ဗောဓိသတ္တောတိ? န ဟေဝံ ဝတ္တဗ္ဗေ ။ပ။
စက္ကဝတ္တိသတ္တော လက္ခဏသမန္နာဂတော, စက္ကဝတ္တိသတ္တော ဗောဓိသတ္တောတိ? အာမန္တာ။ ယာဒိသော ဗောဓိသတ္တဿ ပုဗ္ဗယောဂေါ ပုဗ္ဗစရိယာ ဓမ္မက္ခာနံ ဓမ္မဒေသနာ, တာဒိသော စက္ကဝတ္တိသတ္တဿ ပုဗ္ဗယောဂေါ ပုဗ္ဗစရိယာ ဓမ္မက္ခာနံ ဓမ္မဒေသနာတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၀၁။ ယထာ ဗောဓိသတ္တဿ ဇာယမာနဿ ဒေဝါ ပဌမံ ပဋိဂ္ဂဏှန္တိ ပစ္ဆာ မနုဿာ [ဒီ။ နိ။ ၂။၂၇၊ မ။ နိ။ ၃။၂၀၅ ဝုတ္တံ ဒိဿာယ ပုစ္ဆတိ], ဧဝမေဝံ စက္ကဝတ္တိသတ္တဿ ဇာယမာနဿ ဒေဝါ ပဌမံ ပဋိဂ္ဂဏှန္တိ ပစ္ဆာ မနုဿာတိ? န ဟေဝံ ဝတ္တဗ္ဗေ ။ပ။
ယထာ ဗောဓိသတ္တဿ ဇာယမာနဿ စတ္တာရော နံ ဒေဝပုတ္တာ ပဋိဂ္ဂဟေတွာ မာတု ပုရတော ဌပေန္တိ – ‘‘အတ္တမနာ, ဒေဝိ, ဟောဟိ! မဟေသက္ခော တေ ပုတ္တော ဥပ္ပန္နော’’တိ, ဧဝမေဝံ စက္ကဝတ္တိသတ္တဿ ဇာယမာနဿ စတ္တာရော နံ ဒေဝပုတ္တာ ပဋိဂ္ဂဟေတွာ မာတု ပုရတော ဌပေန္တိ – ‘‘အတ္တမနာ, ဒေဝိ, ဟောဟိ! မဟေသက္ခော တေ ပုတ္တော ဥပ္ပန္နော’’တိ? န ဟေဝံ ဝတ္တဗ္ဗေ ။ပ။
ယထာ ဗောဓိသတ္တဿ ဇာယမာနဿ ဒွေ ဥဒကဿ ဓာရာ အန္တလိက္ခာ ပါတုဘဝန္တိ – ဧကာ သီတဿ, ဧကာ ဥဏှဿ – ယေန ဗောဓိသတ္တဿ ဥဒကကိစ္စံ ကရောန္တိ မာတု စ, ဧဝမေဝံ စက္ကဝတ္တိသတ္တဿ ဇာယမာနဿ ဒွေ ဥဒကဿ ဓာရာ အန္တလိက္ခာ ပါတုဘဝန္တိ – ဧကာ သီတဿ, ဧကာ ဥဏှဿ –
(အဘိ၊က၊၂၁၅။)ယေန စက္ကဝတ္တိသတ္တဿ ဥဒကကိစ္စံ ကရောန္တိ မာတု စာတိ? န ဟေဝံ ဝတ္တဗ္ဗေ ။ပ။
ယထာ သမ္ပတိဇာတော ဗောဓိသတ္တော သမေဟိ ပါဒေဟိ ပတိဋ္ဌဟိတွာ ဥတ္တရေန အဘိမုခေါ သတ္တပဒဝီတိဟာရေန ဂစ္ဆတိ သေတမှိ ဆတ္တေ အနုဓာရိယမာနေ, သဗ္ဗာ စ ဒိသာ ဝိလောကေတိ, အာသဘိဉ္စ ဝါစံ ဘာသတိ – ‘‘အဂ္ဂေါဟမသ္မိ လောကဿ, ဇေဋ္ဌောဟမသ္မိ လောကဿ, သေဋ္ဌောဟမသ္မိ လောကဿ, အယမန္တိမာ ဇာတိ, နတ္ထိ ဒါနိ ပုနဗ္ဘဝေါ’’တိ, ဧဝမေဝံ သမ္ပတိဇာတော စက္ကဝတ္တိသတ္တော သမေဟိ ပါဒေဟိ ပတိဋ္ဌဟိတွာ ဥတ္တရေန အဘိမုခေါ သတ္တပဒဝီတိဟာရေန ဂစ္ဆတိ သေတမှိ ဆတ္တေ အနုဓာရိယမာနေ, သဗ္ဗာ စ ဒိသာ ဝိလောကေတိ, အာသဘိဉ္စ ဝါစံ ဘာသတိ – ‘‘အဂ္ဂေါဟမသ္မိ လောကဿ, ဇေဋ္ဌောဟမသ္မိ လောကဿ, သေဋ္ဌောဟမသ္မိ လောကဿ, အယမန္တိမာ ဇာတိ, နတ္ထိ ဒါနိ ပုနဗ္ဘဝေါ’’တိ? န ဟေဝံ ဝတ္တဗ္ဗေ ။ပ။
ယထာ ဗောဓိသတ္တဿ ဇာယမာနဿ မဟတော အာလောကဿ မဟတော ဩဘာသဿ မဟတော ဘူမိစာလဿ ပါတုဘာဝေါ ဟောတိ, ဧဝမေဝံ စက္ကဝတ္တိသတ္တဿ ဇာယမာနဿ မဟတော အာလောကဿ မဟတော ဩဘာသဿ မဟတော ဘူမိစာလဿ ပါတုဘာဝေါ ဟောတီတိ? န ဟေဝံ ဝတ္တဗ္ဗေ ။ပ။
ယထာ ဗောဓိသတ္တဿ ပကတိကာယော သမန္တာ ဗျာမံ ဩဘာသတိ, ဧဝမေဝံ စက္ကဝတ္တိသတ္တဿ ပကတိကာယော သမန္တာ ဗျာမံ ဩဘာသတီတိ? န ဟေဝံ ဝတ္တဗ္ဗေ ။ပ။
ယထာ ဗောဓိသတ္တော မဟာသုပိနံ ပဿတိ, ဧဝမေဝံ စက္ကဝတ္တိသတ္တော မဟာသုပိနံ ပဿတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၀၂။ န ဝတ္တဗ္ဗံ – ‘‘လက္ခဏသမန္နာဂတော ဗောဓိသတ္တော’’တိ? အာမန္တာ။ နနု ဝုတ္တံ ဘဂဝတာ – ‘‘ဒွတ္တိံသိမာနိ, ဘိက္ခဝေ, မဟာပုရိသဿ မဟာပုရိသလက္ခဏာနိ, ယေဟိ သမန္နာဂတဿ မဟာပုရိသဿ ဒွေဝ ဂတိယော ဘဝန္တိ အနညာ [န အညာ (က။)]! သစေ အဂါရံ အဇ္ဈာဝသတိ, ရာဇာ ဟောတိ စက္ကဝတ္တီ ဓမ္မိကော ဓမ္မရာဇာ စာတုရန္တော ဝိဇိတာဝီ ဇနပဒတ္ထာဝရိယပ္ပတ္တော သတ္တရတနသမန္နာဂတော။ တဿိမာနိ သတ္တ ရတနာနိ ဘဝန္တိ, သေယျထိဒံ – စက္ကရတနံ, ဟတ္ထိရတနံ,
(အဘိ၊က၊၂၁၆။)အဿရတနံ, မဏိရတနံ, ဣတ္ထိရတနံ, ဂဟပတိရတနံ, ပရိဏာယကရတနမေဝ သတ္တမံ။ ပရောသဟဿံ ခေါ ပနဿ ပုတ္တာ ဘဝန္တိ သူရာ ဝီရင်္ဂရူပါ ပရသေနပ္ပမဒ္ဒနာ။ သော ဣမံ ပထဝိံ သာဂရပရိယန္တံ အဒဏ္ဍေန အသတ္ထေန ဓမ္မေန အဘိဝိဇိယ အဇ္ဈာဝသတိ။ သစေ ခေါ ပန အဂါရသ္မာ အနဂါရိယံ ပဗ္ဗဇတိ, အရဟံ ဟောတိ သမ္မာသမ္ဗုဒ္ဓေါ လောကေ ဝိဝဋ္ဋစ္ဆဒေါ’’တိ [ဒီ။ နိ။ ၃။၂၀၀]။ အတ္ထေဝ သုတ္တန္တောတိ? အာမန္တာ။ တေန ဟိ လက္ခဏသမန္နာဂတော ဗောဓိသတ္တောတိ။
လက္ခဏကထာ နိဋ္ဌိတာ။
၄။ စတုတ္ထဝဂ္ဂ
(၄၀) ၈။ နိယာမောက္ကန္တိကထာ
֍ ဋ္ဌ ၄၀၃။ ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယောတိ [မ။ နိ။ ၂။၂၈၂ ဃဋိကာရသုတ္တံ နိဿာယ ပုစ္ဆတိ]? အာမန္တာ။ ဗောဓိသတ္တော ကဿပဿ ဘဂဝတော သာဝကောတိ? န ဟေဝံ ဝတ္တဗ္ဗေ ။ပ။
ဗောဓိသတ္တော ကဿပဿ ဘဂဝတော သာဝကောတိ? အာမန္တာ။ သာဝကော ဟုတွာ ဗုဒ္ဓေါ ဟောတီတိ? န ဟေဝံ ဝတ္တဗ္ဗေ ။ပ။
သာဝကော ဟုတွာ ဗုဒ္ဓေါ ဟောတီတိ? အာမန္တာ။ အနုဿဝိယောတိ? န ဟေဝံ ဝတ္တဗ္ဗေ ။ပ။
အနုဿဝိယောတိ? အာမန္တာ။ နနု ဘဂဝါ သယမ္ဘူတိ? အာမန္တာ။ ဟဉ္စိ ဘဂဝါ သယမ္ဘူ, နော စ ဝတ ရေ ဝတ္တဗ္ဗေ – ‘‘အနုဿဝိယော’’တိ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယောတိ? အာမန္တာ။ ဘဂဝတာ ဗောဓိယာ မူလေ တီဏေဝ သာမညဖလာနိ အဘိသမ္ဗုဒ္ဓါနီတိ? န ဟေဝံ ဝတ္တဗ္ဗေ ။ပ။
နနု ဘဂဝတာ ဗောဓိယာ မူလေ စတ္တာရိ သာမညဖလာနိ အဘိသမ္ဗုဒ္ဓါနီတိ? အာမန္တာ။ ဟဉ္စိ ဘဂဝတာ ဗောဓိယာ မူလေ စတ္တာရိ သာမညဖလာနိ အဘိသမ္ဗုဒ္ဓါနိ, နော စ ဝတ ရေ ဝတ္တဗ္ဗေ – ‘‘ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော’’တိ။
(အဘိ၊က၊၂၁၇။)֍ ဋ္ဌ ၄၀၄။ ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယောတိ? အာမန္တာ။ ဗောဓိသတ္တော ဒုက္ကရကာရိယံ အကာသီတိ? အာမန္တာ။ ဒဿနသမ္ပန္နော ပုဂ္ဂလော ဒုက္ကရကာရိယံ ကရေယျာတိ? န ဟေဝံ ဝတ္တဗ္ဗေ ။ပ။
ဗောဓိသတ္တော အပရန္တပံ [အမရံ တပံ (သံ။ နိ။ ၁။၁၃၇)] အကာသိ, အညံ သတ္ထာရံ ဥဒ္ဒိသီတိ? အာမန္တာ။ ဒဿနသမ္ပန္နော ပုဂ္ဂလော အညံ သတ္ထာရံ ဥဒ္ဒိသေယျာတိ? န ဟေဝံ ဝတ္တဗ္ဗေ ။ပ။
အာယသ္မာ အာနန္ဒော ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, အာယသ္မာ အာနန္ဒော ဘဂဝတော သာဝကောတိ? အာမန္တာ။ ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, ဗောဓိသတ္တော ကဿပဿ ဘဂဝတော သာဝကောတိ? န ဟေဝံ ဝတ္တဗ္ဗေ ။ပ။
စိတ္တော ဂဟပတိ ဟတ္ထကော အာဠဝကော ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, စိတ္တော ဂဟပတိ ဟတ္ထကော အာဠဝကော ဘဂဝတော သာဝကောတိ? အာမန္တာ။ ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, ဗောဓိသတ္တော ကဿပဿ ဘဂဝတော သာဝကောတိ? န ဟေဝံ ဝတ္တဗ္ဗေ ။ပ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, န စ ကဿပဿ ဘဂဝတော သာဝကောတိ? အာမန္တာ။ အာယသ္မာ အာနန္ဒော ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, န စ ဘဂဝတော သာဝကောတိ? န ဟေဝံ ဝတ္တဗ္ဗေ ။ပ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, န စ ကဿပဿ ဘဂဝတော သာဝကောတိ? အာမန္တာ။ စိတ္တော ဂဟပတိ ဟတ္ထကော အာဠဝကော ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, န စ ဘဂဝတော သာဝကောတိ? န ဟေဝံ ဝတ္တဗ္ဗေ ။ပ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော, န စ ကဿပဿ ဘဂဝတော သာဝကောတိ? အာမန္တာ။ သာဝကော ဇာတိံ ဝီတိဝတ္တော အသာဝကော ဟောတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၁၈။)֍ ဋ္ဌ ၄၀၅။ န ဝတ္တဗ္ဗံ – ‘‘ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော’’တိ? အာမန္တာ။ နနု ဝုတ္တံ ဘဂဝတာ – ‘‘ကဿပေ အဟံ, အာနန္ဒ, ဘဂဝတိ ဗြဟ္မစရိယံ အစရိံ အာယတိံ သမ္ဗောဓာယာ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော’’တိ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယောတိ? အာမန္တာ။ နနု ဝုတ္တံ ဘဂဝတာ –
‘‘သဗ္ဗာဘိဘူ သဗ္ဗဝိဒူဟမသ္မိ,
သဗ္ဗေသု ဓမ္မေသု အနုပလိတ္တော၊
သဗ္ဗဉ္ဇဟော တဏှက္ခယေ ဝိမုတ္တော,
သယံ အဘိညာယ ကမုဒ္ဒိသေယျံ။
‘‘န မေ အာစရိယော အတ္ထိ, သဒိသော မေ န ဝိဇ္ဇတိ၊
သဒေဝကသ္မိံ လောကသ္မိံ, နတ္ထိ မေ ပဋိပုဂ္ဂလော။
‘‘အဟဉှိ အရဟာ လောကေ, အဟံ သတ္ထာ အနုတ္တရော၊
ဧကောမှိ သမ္မာသမ္ဗုဒ္ဓေါ, သီတိဘူတောသ္မိ နိဗ္ဗုတော။
‘‘ဓမ္မစက္ကံ ပဝတ္တေတုံ, ဂစ္ဆာမိ ကာသိနံ ပုရံ၊
အန္ဓီဘူတသ္မိံ [အန္ဓဘူတသ္မိံ (သီ။ သျာ။ ကံ။ ပီ။)] လောကသ္မိံ, အာဟဉ္ဆံ [အာဟညိံ (က။)] အမတဒုန္ဒုဘိ’’န္တိ [ဒုဒြဘိန္တိ (က။)]။
‘‘ယထာ ခေါ တွံ, အာဝုသော, ပဋိဇာနာသိ, အရဟသိ အနန္တဇိနော’’တိ?
‘‘မာဒိသာ ဝေ ဇိနာ ဟောန္တိ, ယေ ပတ္တာ အာသဝက္ခယံ၊
ဇိတာ မေ ပါပကာ ဓမ္မာ, တသ္မာဟံ ဥပက ဇိနော’’တိ [မဟာဝ။ ၁၁၊ မ။ နိ။ ၁။၂၈၅၊ ၂။၃၄၁]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော’’တိ။
ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယောတိ? အာမန္တာ။ နနု ဝုတ္တံ ဘဂဝတာ – ‘‘‘ဣဒံ ဒုက္ခံ အရိယသစ္စ’န္တိ မေ, ဘိက္ခဝေ, ပုဗ္ဗေ အနနုဿုတေသု ဓမ္မေသု စက္ခုံ ဥဒပါဒိ, ဉာဏံ ဥဒပါဒိ,
(အဘိ၊က၊၂၁၉။)ပညာ ဥဒပါဒိ, ဝိဇ္ဇာ ဥဒပါဒိ, အာလောကော ဥဒပါဒိ။ ‘တံ ခေါ ပနိဒံ ဒုက္ခံ အရိယသစ္စံ ပရိညေယျ’န္တိ မေ, ဘိက္ခဝေ ။ပ။ ပရိညာတန္တိ မေ, ဘိက္ခဝေ, ပုဗ္ဗေ အနနုဿုတေသု ဓမ္မေသု စက္ခုံ ဥဒပါဒိ ။ပ။ အာလောကော ဥဒပါဒိ။ ‘ဣဒံ ဒုက္ခသမုဒယံ အရိယသစ္စ’န္တိ မေ, ဘိက္ခဝေ ။ပ။ ‘တံ ခေါ ပနိဒံ ဒုက္ခသမုဒယံ [ဒုက္ခသမုဒယော (သျာ။ ကံ။)] အရိယသစ္စံ ပဟာတဗ္ဗ’န္တိ မေ, ဘိက္ခဝေ ။ပ။ ပဟီနန္တိ မေ, ဘိက္ခဝေ ။ပ။ ‘ဣဒံ ဒုက္ခနိရောဓံ [ဒုက္ခနိရောဓော (သျာ။ ကံ။)] အရိယသစ္စ’န္တိ မေ, ဘိက္ခဝေ ။ပ။ ‘တံ ခေါ ပနိဒံ ဒုက္ခနိရောဓံ အရိယသစ္စံ သစ္ဆိကာတဗ္ဗ’န္တိ မေ, ဘိက္ခဝေ ။ပ။ သစ္ဆိကတန္တိ မေ, ဘိက္ခဝေ ။ပ။ ‘ဣဒံ ဒုက္ခနိရောဓဂါမိနီ ပဋိပဒါ အရိယသစ္စ’န္တိ မေ, ဘိက္ခဝေ ။ပ။ ‘တံ ခေါ ပနိဒံ ဒုက္ခနိရောဓဂါမိနီ ပဋိပဒါ အရိယသစ္စံ ဘာဝေတဗ္ဗ’န္တိ မေ, ဘိက္ခဝေ ။ပ။ ဘာဝိတန္တိ မေ, ဘိက္ခဝေ, ပုဗ္ဗေ အနနုဿုတေသု ဓမ္မေသု စက္ခုံ ဥဒပါဒိ, ဉာဏံ ဥဒပါဒိ, ပညာ ဥဒပါဒိ, ဝိဇ္ဇာ ဥဒပါဒိ, အာလောကော ဥဒပါဒီ’’တိ [မဟာဝ။ ၁၅၊ သံ။ နိ။ ၅။၁၀၈၁၊ ပဋိ။ မ။ ၂။၃၀]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဗောဓိသတ္တော ကဿပဿ ဘဂဝတော ပါဝစနေ ဩက္ကန္တနိယာမော စရိတဗြဟ္မစရိယော’’တိ။
နိယာမောက္ကန္တိကထာ နိဋ္ဌိတာ။
၄။ စတုတ္ထဝဂ္ဂ
(၄၁) ၉။ အပရာပိ သမန္နာဂတကထာ
֍ ဋ္ဌ ၄၀၆။ အရဟတ္တသစ္ဆိကိရိယာယ ပဋိပန္နော ပုဂ္ဂလော တီဟိ ဖလေဟိ သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော စတူဟိ ဖဿေဟိ စတူဟိ ဝေဒနာဟိ စတူဟိ သညာဟိ စတူဟိ စေတနာဟိ စတူဟိ စိတ္တေဟိ စတူဟိ သဒ္ဓါဟိ စတူဟိ ဝီရိယေဟိ စတူဟိ သတီဟိ စတူဟိ သမာဓီဟိ စတူဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ ဖလေဟိ သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော တီဟိ ဖဿေဟိ တီဟိ ဝေဒနာဟိ ။ပ။ တီဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၂၀။)သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ ဖဿေဟိ ဒွီဟိ ဝေဒနာဟိ ။ပ။ ဒွီဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ ဝတ္တဗ္ဗေ ။ပ။
အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမီတိ? န ဟေဝံ ဝတ္တဗ္ဗေ ။ပ။
အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမီ အန္တရာပရိနိဗ္ဗာယီ, ဥပဟစ္စပရိနိဗ္ဗာယီ, အသင်္ခါရပရိနိဗ္ဗာယီ, သသင်္ခါရပရိနိဗ္ဗာယီ, ဥဒ္ဓံသောတော အကနိဋ္ဌဂါမီတိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမီတိ? န ဟေဝံ ဝတ္တဗ္ဗေ ။ပ။
သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပန္နော သတ္တက္ခတ္တုပရမော, ကောလင်္ကောလော, ဧကဗီဇီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၀၇။ သောတာပတ္တိဖလေန သမန္နာဂတော သောတာပန္နောတိ ဝတ္တဗ္ဗောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော
(အဘိ၊က၊၂၂၁။)သောတာပတ္တိဖလေန သမန္နာဂတောတိ? အာမန္တာ။ သွေဝ အရဟတ္တသစ္ဆိကိရိယာယ ပဋိပန္နော ပုဂ္ဂလော, သော သောတာပန္နောတိ? န ဟေဝံ ဝတ္တဗ္ဗေ ။ပ။
သကဒါဂါမိဖလေန သမန္နာဂတော သကဒါဂါမီတိ ဝတ္တဗ္ဗောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ သွေဝ အရဟတ္တသစ္ဆိကိရိယာယ ပဋိပန္နော ပုဂ္ဂလော, သော သကဒါဂါမီတိ? န ဟေဝံ ဝတ္တဗ္ဗေ ။ပ။
အနာဂါမိဖလေန သမန္နာဂတော အနာဂါမီတိ ဝတ္တဗ္ဗောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလေန သမန္နာဂတောတိ? အာမန္တာ။ သွေဝ အရဟတ္တသစ္ဆိကိရိယာယ ပဋိပန္နော ပုဂ္ဂလော, သော အနာဂါမီတိ? န ဟေဝံ ဝတ္တဗ္ဗေ ။ပ။
သောတာပတ္တိဖလေန သမန္နာဂတော သောတာပန္နောတိ ဝတ္တဗ္ဗောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ သွေဝ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော, သော သောတာပန္နောတိ? န ဟေဝံ ဝတ္တဗ္ဗေ ။ပ။
သကဒါဂါမိဖလေန သမန္နာဂတော သကဒါဂါမီတိ ဝတ္တဗ္ဗောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ သွေဝ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော, သော သကဒါဂါမီတိ? န ဟေဝံ ဝတ္တဗ္ဗေ ။ပ။
သောတာပတ္တိဖလေန သမန္နာဂတော သောတာပန္နောတိ ဝတ္တဗ္ဗောတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ သွေဝ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော, သော သောတာပန္နောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၀၈။ အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ နနု အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတော’’တိ။
(အဘိ၊က၊၂၂၂။)အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, တေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ အပါယဂမနီယံ ရာဂံ အပါယဂမနီယံ ဒေါသံ အပါယဂမနီယံ မောဟံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ နနု အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တောတိ? အာမန္တာ။ ဟဉ္စိ အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတော’’တိ။
အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တော, တေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော သကဒါဂါမိမဂ္ဂံ ဝီတိဝတ္တော, ဩဠာရိကံ ကာမရာဂံ ဩဠာရိကံ ဗျာပါဒံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလေန သမန္နာဂတောတိ? အာမန္တာ။ နနု အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလံ ဝီတိဝတ္တောတိ? အာမန္တာ။ ဟဉ္စိ အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလေန သမန္နာဂတော’’တိ။
အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိဖလံ ဝီတိဝတ္တော, တေန သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နော ပုဂ္ဂလော အနာဂါမိမဂ္ဂံ ဝီတိဝတ္တော, အဏုသဟဂတံ ကာမရာဂံ အဏုသဟဂတံ ဗျာပါဒံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၀၉။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ နနု အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတော’’တိ။
(အဘိ၊က၊၂၂၃။)အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, တေန သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ။ပ။ အပါယဂမနီယံ မောဟံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတောတိ? အာမန္တာ။ နနု အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တောတိ? အာမန္တာ။ ဟဉ္စိ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလေန သမန္နာဂတော’’တိ။
အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိဖလံ ဝီတိဝတ္တော, တေန သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နော ပုဂ္ဂလော သကဒါဂါမိမဂ္ဂံ ဝီတိဝတ္တော, ဩဠာရိကံ ကာမရာဂံ ဩဠာရိကံ ဗျာပါဒံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၁၀။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ နနု သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တောတိ? အာမန္တာ။ ဟဉ္စိ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, နော စ ဝတ ရေ ဝတ္တဗ္ဗေ – ‘‘သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတော’’တိ။
သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလံ ဝီတိဝတ္တော, တေန သမန္နာဂတောတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိမဂ္ဂံ ဝီတိဝတ္တော, သက္ကာယဒိဋ္ဌိံ ။ပ။ အပါယဂမနီယံ မောဟံ ဝီတိဝတ္တော, တေန သမန္နာဂတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၁၁။ န ဝတ္တဗ္ဗံ – ‘‘အရဟတ္တသစ္ဆိကိရိယာယ ပဋိပန္နော ပုဂ္ဂလော တီဟိ ဖလေဟိ သမန္နာဂတော’’တိ? အာမန္တာ။ နနု အရဟတ္တသစ္ဆိကိရိယာယ ပဋိပန္နေန ပုဂ္ဂလေန တီဏိ ဖလာနိ ပဋိလဒ္ဓါနိ, တေဟိ စ အပရိဟီနောတိ? အာမန္တာ။ ဟဉ္စိ အရဟတ္တသစ္ဆိကိရိယာယ ပဋိပန္နေန ပုဂ္ဂလေန တီဏိ ဖလာနိ ပဋိလဒ္ဓါနိ
(အဘိ၊က၊၂၂၄။)တေဟိ စ အပရိဟီနော, တေန ဝတ ရေ ဝတ္တဗ္ဗေ – ‘‘အရဟတ္တသစ္ဆိကိရိယာယ ပဋိပန္နော ပုဂ္ဂလော တီဟိ ဖလေဟိ သမန္နာဂတော’’တိ။
န ဝတ္တဗ္ဗံ – ‘‘အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ ဖလေဟိ သမန္နာဂတော’’တိ? အာမန္တာ။ နနု အနာဂါမိဖလသစ္ဆိကိရိယာယ ပဋိပန္နေန ပုဂ္ဂလေန ဒွေ ဖလာနိ ပဋိလဒ္ဓါနိ, တေဟိ စ အပရိဟီနောတိ? အာမန္တာ။ ဟဉ္စိ အနာဂါမိဖလသစ္ဆိကိရိယာယ ပဋိပန္နေန ပုဂ္ဂလေန ဒွေ ဖလာနိ ပဋိလဒ္ဓါနိ တေဟိ စ အပရိဟီနော, တေန ဝတ ရေ ဝတ္တဗ္ဗေ – ‘‘အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ ဖလေဟိ သမန္နာဂတော’’တိ။
န ဝတ္တဗ္ဗံ – ‘‘သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတော’’တိ? အာမန္တာ။ နနု သကဒါဂါမိဖလသစ္ဆိကိရိယာယ ပဋိပန္နေန ပုဂ္ဂလေန သောတာပတ္တိဖလံ ပဋိလဒ္ဓံ, တေန စ အပရိဟီနောတိ? အာမန္တာ။ ဟဉ္စိ သကဒါဂါမိဖလသစ္ဆိကိရိယာယ ပဋိပန္နေန ပုဂ္ဂလေန သောတာပတ္တိဖလံ ပဋိလဒ္ဓံ တေန စ အပရိဟီနော, တေန ဝတ ရေ ဝတ္တဗ္ဗေ – ‘‘သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော သောတာပတ္တိဖလေန သမန္နာဂတော’’တိ။
֍ ဋ္ဌ ၄၁၂။ အရဟတ္တသစ္ဆိကိရိယာယ ပဋိပန္နေန ပုဂ္ဂလေန တီဏိ ဖလာနိ ပဋိလဒ္ဓါနိ တေဟိ စ အပရိဟီနောတိ, အရဟတ္တသစ္ဆိကိရိယာယ ပဋိပန္နော ပုဂ္ဂလော တီဟိ ဖလေဟိ သမန္နာဂတောတိ? အာမန္တာ။ အရဟတ္တသစ္ဆိကိရိယာယ ပဋိပန္နေန ပုဂ္ဂလေန စတ္တာရော မဂ္ဂါ ပဋိလဒ္ဓါ တေဟိ စ အပရိဟီနောတိ, အရဟတ္တသစ္ဆိကိရိယာယ ပဋိပန္နော ပုဂ္ဂလော စတူဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အနာဂါမိဖလသစ္ဆိကိရိယာယ ပဋိပန္နေန ပုဂ္ဂလေန ဒွေ ဖလာနိ ပဋိလဒ္ဓါနိ တေဟိ စ အပရိဟီနောတိ, အနာဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ ဖလေဟိ သမန္နာဂတောတိ? အာမန္တာ။ အနာဂါမိဖလသစ္ဆိကိရိယာယ ပဋိပန္နေန ပုဂ္ဂလေန တယော မဂ္ဂါ ပဋိလဒ္ဓါ တေဟိ စ အပရိဟီနောတိ, အနာဂါမိဖလသစ္ဆိကိရိယာယ ပဋိပန္နော ပုဂ္ဂလော တီဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
သကဒါဂါမိဖလသစ္ဆိကိရိယာယ ပဋိပန္နေန ပုဂ္ဂလေန သောတာပတ္တိဖလံ ပဋိလဒ္ဓံ တေန စ အပရိဟီနောတိ, သကဒါဂါမိဖလသစ္ဆိကိရိယာယ ပဋိပန္နော
(အဘိ၊က၊၂၂၅။)ပုဂ္ဂလော သောတာပတ္တိဖလေန သမန္နာဂတောတိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နေန ပုဂ္ဂလေန ဒွေ မဂ္ဂါ ပဋိလဒ္ဓါ တေဟိ စ အပရိဟီနောတိ, သကဒါဂါမိဖလသစ္ဆိကိရိယာယ ပဋိပန္နော ပုဂ္ဂလော ဒွီဟိ မဂ္ဂေဟိ သမန္နာဂတောတိ? န ဟေဝံ ဝတ္တဗ္ဗေ ။ပ။
အပရာပိ သမန္နာဂတကထာ နိဋ္ဌိတာ။
၄။ စတုတ္ထဝဂ္ဂ
(၄၂) ၁၀။ သဗ္ဗသံယောဇနပ္ပဟာနကထာ
֍ ဋ္ဌ ၄၁၃။ သဗ္ဗသံယောဇနာနံ ပဟာနံ အရဟတ္တန္တိ? အာမန္တာ။ အရဟတ္တမဂ္ဂေန သဗ္ဗေ သံယောဇနာ ပဟီယန္တီတိ? န ဟေဝံ ဝတ္တဗ္ဗေ ။ပ။
အရဟတ္တမဂ္ဂေန သဗ္ဗေ သံယောဇနာ ပဟီယန္တီတိ? အာမန္တာ။ အရဟတ္တမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ပဇဟတီတိ? န ဟေဝံ ဝတ္တဗ္ဗေ ။ပ။
အရဟတ္တမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ပဇဟတီတိ? အာမန္တာ။ နနု တိဏ္ဏံ သံယောဇနာနံ ပဟာနံ သောတာပတ္တိဖလံ ဝုတ္တံ ဘဂဝတာတိ? အာမန္တာ။ ဟဉ္စိ တိဏ္ဏံ သံယောဇနာနံ ပဟာနံ သောတာပတ္တိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန သဗ္ဗေ သံယောဇနာ ပဟီယန္တီ’’တိ။
֍ ဋ္ဌ ၄၁၄။ အရဟတ္တမဂ္ဂေန သဗ္ဗေ သံယောဇနာ ပဟီယန္တီတိ? အာမန္တာ။ အရဟတ္တမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ပဇဟတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၁၅။ အရဟတ္တမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ပဇဟတီတိ? အာမန္တာ။ နနု ကာမရာဂဗျာပါဒါနံ တနုဘာဝံ သကဒါဂါမိဖလံ ဝုတ္တံ ဘဂဝတာတိ? အာမန္တာ။ ဟဉ္စိ ကာမရာဂဗျာပါဒါနံ တနုဘာဝံ သကဒါဂါမိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန သဗ္ဗေ သံယောဇနာ ပဟီယန္တီ’’တိ။
(အဘိ၊က၊၂၂၆။)အရဟတ္တမဂ္ဂေန သဗ္ဗေ သံယောဇနာ ပဟီယန္တီတိ? အာမန္တာ။ အရဟတ္တမဂ္ဂေန အဏုသဟဂတံ ကာမရာဂံ အဏုသဟဂတံ ဗျာပါဒံ ပဇဟတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၁၆။ အရဟတ္တမဂ္ဂေန အဏုသဟဂတံ ကာမရာဂံ အဏုသဟဂတံ ဗျာပါဒံ ပဇဟတီတိ? အာမန္တာ။ နနု ကာမရာဂဗျာပါဒါနံ အနဝသေသပ္ပဟာနံ အနာဂါမိဖလံ ဝုတ္တံ ဘဂဝတာတိ? အာမန္တာ။ ဟဉ္စိ ကာမရာဂဗျာပါဒါနံ အနဝသေသပ္ပဟာနံ အနာဂါမိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန သဗ္ဗေ သံယောဇနာ ပဟီယန္တီ’’တိ။
အရဟတ္တမဂ္ဂေန သဗ္ဗေ သံယောဇနာ ပဟီယန္တီတိ? အာမန္တာ။ နနု ရူပရာဂအရူပရာဂမာနဥဒ္ဓစ္စအဝိဇ္ဇာယ အနဝသေသပ္ပဟာနံ အရဟတ္တံ ဝုတ္တံ ဘဂဝတာတိ? အာမန္တာ။ ဟဉ္စိ ရူပရာဂအရူပရာဂမာနဥဒ္ဓစ္စအဝိဇ္ဇာယ အနဝသေသပ္ပဟာနံ အရဟတ္တံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန သဗ္ဗေ သံယောဇနာ ပဟီယန္တီ’’တိ။
֍ ဋ္ဌ ၄၁၇။ န ဝတ္တဗ္ဗံ – ‘‘သဗ္ဗသံယောဇနာနံ ပဟာနံ အရဟတ္တ’’န္တိ? အာမန္တာ။ နနု အရဟတော သဗ္ဗေ သံယောဇနာ ပဟီနာတိ? အာမန္တာ။ ဟဉ္စိ အရဟတော သဗ္ဗေ သံယောဇနာ ပဟီနာ, တေန ဝတ ရေ ဝတ္တဗ္ဗေ – ‘‘သဗ္ဗသံယောဇနာနံ ပဟာနံ အရဟတ္တ’’န္တိ။
သဗ္ဗသံယောဇနပ္ပဟာနကထာ နိဋ္ဌိတာ။
စတုတ္ထဝဂ္ဂေါ။
တဿုဒ္ဒါနံ –
ဂိဟိဿ အရဟာ, သဟ ဥပပတ္တိယာ အရဟာ, အရဟတော သဗ္ဗေ ဓမ္မာ အနာသဝါ, အရဟာ စတူဟိ ဖလေဟိ သမန္နာဂတော, ဧဝမေဝံ ဆဟိ ဥပေက္ခာဟိ, ဗောဓိယာ ဗုဒ္ဓေါ, သလက္ခဏသမန္နာဂတော, ဗောဓိသတ္တော ဩက္ကန္တနိယာမော စရိတဗြဟ္မစရိယော, ပဋိပန္နကော ဖလေန သမန္နာဂတော, သဗ္ဗသံယောဇနာနံ ပဟာနံ အရဟတ္တန္တိ။
(အဘိ၊က၊၂၂၇။)၅။ ပဉ္စမဝဂ္ဂ
(၄၃) ၁။ ဝိမုတ္တိကထာ
֍ ဋ္ဌ ၄၁၈။ ဝိမုတ္တိဉာဏံ ဝိမုတ္တန္တိ? အာမန္တာ။ ယံ ကိဉ္စိ ဝိမုတ္တိဉာဏံ သဗ္ဗံ တံ ဝိမုတ္တန္တိ? န ဟေဝံ ဝတ္တဗ္ဗေ ။ပ။ ဝိမုတ္တိဉာဏံ ဝိမုတ္တန္တိ? အာမန္တာ။ ပစ္စဝေက္ခဏဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။
ဝိမုတ္တိဉာဏံ ဝိမုတ္တန္တိ? အာမန္တာ။ ဂေါတြဘုနော ပုဂ္ဂလဿ ဝိမုတ္တိဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ သောတာပန္နဿ ဉာဏံ, သောတာပတ္တိဖလံ ပတ္တဿ ပဋိလဒ္ဓဿ အဓိဂတဿ သစ္ဆိကတဿ ဉာဏန္တိ? န ဟေဝံ ဝတ္တဗ္ဗေ ။ပ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ သကဒါဂါမိဿ ဉာဏံ, သကဒါဂါမိဖလံ ပတ္တဿ ပဋိလဒ္ဓဿ အဓိဂတဿ သစ္ဆိကတဿ ဉာဏန္တိ? န ဟေဝံ ဝတ္တဗ္ဗေ ။ပ။ အနာဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ အနာဂါမိဿ ဉာဏံ, အနာဂါမိဖလံ ပတ္တဿ ပဋိလဒ္ဓဿ အဓိဂတဿ သစ္ဆိကတဿ ဉာဏန္တိ? န ဟေဝံ ဝတ္တဗ္ဗေ ။ပ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ အရဟတော ဉာဏံ, အရဟတ္တံ ပတ္တဿ ပဋိလဒ္ဓဿ အဓိဂတဿ သစ္ဆိကတဿ ဉာဏန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၁၉။ သောတာပတ္တိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။ သကဒါဂါမိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။ အနာဂါမိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ အနာဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။ အရဟတ္တဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? အာမန္တာ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၂၀။ သောတာပတ္တိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? အာမန္တာ။ သောတာပတ္တိဖလသစ္ဆိကိရိယာယ ပဋိပန္နဿ
(အဘိ၊က၊၂၂၈။)ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? န ဟေဝံ ဝတ္တဗ္ဗေ ။ပ။ သကဒါဂါမိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? အာမန္တာ။ သကဒါဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? န ဟေဝံ ဝတ္တဗ္ဗေ ။ပ။ အနာဂါမိဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? အာမန္တာ။ အနာဂါမိဖလသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? န ဟေဝံ ဝတ္တဗ္ဗေ ။ပ။ အရဟတ္တဖလသမင်္ဂိဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? အာမန္တာ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ ဝိမုတ္တိဉာဏံ ဝိမုတ္တံ တဉ္စ ဖလံ ပတ္တဿ ဉာဏန္တိ? န ဟေဝံ ဝတ္တဗ္ဗေ ။ပ။
ဝိမုတ္တိကထာ နိဋ္ဌိတာ။
၅။ ပဉ္စမဝဂ္ဂ
(၄၄) ၂။ အသေခဉာဏကထာ
֍ ဋ္ဌ ၄၂၁။ သေခဿ အသေခံ ဉာဏံ အတ္ထီတိ? အာမန္တာ။ သေခေါ အသေခံ ဓမ္မံ ဇာနာတိ ပဿတိ, ဒိဋ္ဌံ ဝိဒိတံ သစ္ဆိကတံ ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။ နနု သေခေါ အသေခံ ဓမ္မံ န ဇာနာတိ န ပဿတိ, အဒိဋ္ဌံ အဝိဒိတံ အသစ္ဆိကတံ န ဥပသမ္ပဇ္ဇ ဝိဟရတိ, န ကာယေန ဖုသိတွာ ဝိဟရတီတိ? အာမန္တာ။ ဟဉ္စိ သေခေါ အသေခံ ဓမ္မံ န ဇာနာတိ န ပဿတိ, အဒိဋ္ဌံ အဝိဒိတံ အသစ္ဆိကတံ န ဥပသမ္ပဇ္ဇ ဝိဟရတိ, န ကာယေန ဖုသိတွာ ဝိဟရတိ, နော စ ဝတ ရေ ဝတ္တဗ္ဗေ – ‘‘သေခဿ အသေခံ ဉာဏံ အတ္ထီ’’တိ။
အသေခဿ အသေခံ ဉာဏံ အတ္ထိ, အသေခေါ အသေခံ ဓမ္မံ ဇာနာတိ ပဿတိ, ဒိဋ္ဌံ ဝိဒိတံ သစ္ဆိကတံ ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတီတိ? အာမန္တာ။ သေခဿ အသေခံ ဉာဏံ အတ္ထိ, သေခေါ အသေခံ ဓမ္မံ ဇာနာတိ ပဿတိ, ဒိဋ္ဌံ ဝိဒိတံ သစ္ဆိကတံ ဥပသမ္ပဇ္ဇ ဝိဟရတိ, ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၂၉။)֍ ဋ္ဌ ၄၂၂။ သေခဿ အသေခံ ဉာဏံ အတ္ထိ, သေခေါ အသေခံ ဓမ္မံ န ဇာနာတိ န ပဿတိ, အဒိဋ္ဌံ အဝိဒိတံ အသစ္ဆိကတံ န ဥပသမ္ပဇ္ဇ ဝိဟရတိ, န ကာယေန ဖုသိတွာ ဝိဟရတီတိ? အာမန္တာ။ အသေခဿ အသေခံ ဉာဏံ အတ္ထိ, အသေခေါ အသေခံ ဓမ္မံ န ဇာနာတိ န ပဿတိ, အဒိဋ္ဌံ အဝိဒိတံ အသစ္ဆိကတံ န ဥပသမ္ပဇ္ဇ ဝိဟရတိ, န ကာယေန ဖုသိတွာ ဝိဟရတီတိ? န ဟေဝံ ဝတ္တဗ္ဗေ ။ပ။
သေခဿ အသေခံ ဉာဏံ အတ္ထီတိ? အာမန္တာ။ ဂေါတြဘုနော ပုဂ္ဂလဿ သောတာပတ္တိမဂ္ဂေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ သောတာပတ္တိဖလေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။ သကဒါဂါမိဖလ… အနာဂါမိဖလ… အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အရဟတ္တေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၂၃။ န ဝတ္တဗ္ဗံ – ‘‘သေခဿ အသေခံ ဉာဏံ အတ္ထီ’’တိ? အာမန္တာ။ နနု အာယသ္မာ အာနန္ဒော သေခေါ – ‘‘ဘဂဝါ ဥဠာရော’’တိ ဇာနာတိ, ‘‘သာရိပုတ္တော ထေရော, မဟာမောဂ္ဂလ္လာနော ထေရော ဥဠာရော’’တိ ဇာနာတီတိ? အာမန္တာ။ ဟဉ္စိ အာယသ္မာ အာနန္ဒော သေခေါ – ‘‘ဘဂဝါ ဥဠာရော’’တိ ဇာနာတိ, ‘‘သာရိပုတ္တော ထေရော, မဟာမောဂ္ဂလ္လာနော ထေရော ဥဠာရော’’တိ ဇာနာတိ, တေန ဝတ ရေ ဝတ္တဗ္ဗေ – ‘‘သေခဿ အသေခံ ဉာဏံ အတ္ထီ’’တိ။
အသေခဉာဏကထာ နိဋ္ဌိတာ။
၅။ ပဉ္စမဝဂ္ဂ
(၄၅) ၃။ ဝိပရီတကထာ
֍ ဋ္ဌ ၄၂၄။ ပထဝီကသိဏံ သမာပတ္တိံ [ပထဝီကသိဏသမာပတ္တိံ (သီ။ က။)] သမာပန္နဿ ဝိပရီတေ ဉာဏန္တိ? အာမန္တာ။ အနိစ္စေ နိစ္စန္တိ ဝိပရိယေသောတိ? န ဟေဝံ ဝတ္တဗ္ဗေ ။ပ။ ဒုက္ခေ သုခန္တိ ။ပ။ အနတ္တနိ အတ္တာတိ ။ပ။ အသုဘေ သုဘန္တိ ဝိပရိယေသောတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၃၀။)ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏန္တိ? အာမန္တာ။ အကုသလန္တိ? န ဟေဝံ ဝတ္တဗ္ဗေ ။ပ။ နနု ကုသလန္တိ? အာမန္တာ။ ဟဉ္စိ ကုသလံ, နော စ ဝတ ရေ ဝတ္တဗ္ဗေ – ‘‘ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏ’’န္တိ။
အနိစ္စေ နိစ္စန္တိ ဝိပရိယေသော, သော စ အကုသလောတိ? အာမန္တာ။ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏံ, တဉ္စ အကုသလန္တိ? န ဟေဝံ ဝတ္တဗ္ဗေ ။ပ။ ဒုက္ခေ သုခန္တိ ။ပ။ အနတ္တနိ အတ္တာတိ ။ပ။ အသုဘေ သုဘန္တိ ဝိပရိယေသော, သော စ အကုသလောတိ? အာမန္တာ။ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏံ, တဉ္စ အကုသလန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၂၅။ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏံ, တဉ္စ အကုသလန္တိ? အာမန္တာ။ အနိစ္စေ နိစ္စန္တိ ဝိပရိယေသော, သော စ ကုသလောတိ? န ဟေဝံ ဝတ္တဗ္ဗေ ။ပ။ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏံ, တဉ္စ အကုသလန္တိ? အာမန္တာ။ ဒုက္ခေ သုခန္တိ ။ပ။ အနတ္တနိ အတ္တာတိ ။ပ။ အသုဘေ သုဘန္တိ ဝိပရိယေသော, သော စ ကုသလောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၂၆။ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏန္တိ? အာမန္တာ။ အရဟာ ပထဝီကသိဏံ သမာပတ္တိံ သမာပဇ္ဇေယျာတိ? အာမန္တာ။ ဟဉ္စိ အရဟာ ပထဝီကသိဏံ သမာပတ္တိံ သမာပဇ္ဇေယျ, နော စ ဝတ ရေ ဝတ္တဗ္ဗေ – ‘‘ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏ’’န္တိ။
ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏံ, အရဟာ ပထဝီကသိဏံ သမာပတ္တိံ သမာပဇ္ဇေယျာတိ? အာမန္တာ။ အတ္ထိ အရဟတော ဝိပရိယေသောတိ? န ဟေဝံ ဝတ္တဗ္ဗေ ။ပ။
အတ္ထိ အရဟတော ဝိပရိယေသောတိ? အာမန္တာ။ အတ္ထိ အရဟတော သညာဝိပရိယေသော စိတ္တဝိပရိယေသော ဒိဋ္ဌိဝိပရိယေသောတိ? န ဟေဝံ ဝတ္တဗ္ဗေ ။ပ။
နတ္ထိ အရဟတော သညာဝိပရိယေသော စိတ္တဝိပရိယေသော ဒိဋ္ဌိဝိပရိယေသောတိ? အာမန္တာ။ ဟဉ္စိ နတ္ထိ အရဟတော သညာဝိပရိယေသော
(အဘိ၊က၊၂၃၁။)စိတ္တဝိပရိယေသော ဒိဋ္ဌိဝိပရိယေသော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ဝိပရိယေသော’’တိ။
֍ ဋ္ဌ ၄၂၇။ န ဝတ္တဗ္ဗံ – ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏန္တိ? အာမန္တာ။ ပထဝီကသိဏံ သမာပတ္တိံ သမာပဇ္ဇန္တဿ သဗ္ဗေဝ ပထဝီတိ? န ဟေဝံ ဝတ္တဗ္ဗေ။ တေန ဟိ ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏန္တိ။
ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏန္တိ? အာမန္တာ။ နနု ပထဝီ အတ္ထိ, အတ္ထိ စ ကောစိ ပထဝိံ ပထဝိတော သမာပဇ္ဇတီတိ? အာမန္တာ။ ဟဉ္စိ ပထဝီ အတ္ထိ, အတ္ထိ စ ကောစိ ပထဝိံ ပထဝိတော သမာပဇ္ဇတိ, နော စ ဝတ ရေ ဝတ္တဗ္ဗေ – ‘‘ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏ’’န္တိ။
ပထဝီ အတ္ထိ, ပထဝိံ ပထဝိတော သမာပဇ္ဇန္တဿ ဝိပရီတံ ဟောတီတိ? အာမန္တာ။ နိဗ္ဗာနံ အတ္ထိ, နိဗ္ဗာနံ နိဗ္ဗာနတော သမာပဇ္ဇန္တဿ ဝိပရီတံ ဟောတီတိ? န ဟေဝံ ဝတ္တဗ္ဗေ ။ပ။ တေန ဟိ န ဝတ္တဗ္ဗံ – ‘‘ပထဝီကသိဏံ သမာပတ္တိံ သမာပန္နဿ ဝိပရီတေ ဉာဏ’’န္တိ။
ဝိပရီတကထာ နိဋ္ဌိတာ။
၅။ ပဉ္စမဝဂ္ဂ
(၄၆) ၄။ နိယာမကထာ
֍ ဋ္ဌ ၄၂၈။ အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ နိယတဿ အနိယာမဂမနာယ အတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
နိယတဿ အနိယာမဂမနာယ နတ္ထိ ဉာဏန္တိ? အာမန္တာ။ အနိယတဿ နိယာမဂမနာယ နတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ နိယတဿ နိယာမဂမနာယ အတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
နိယတဿ နိယာမဂမနာယ နတ္ထိ ဉာဏန္တိ? အာမန္တာ။ အနိယတဿ နိယာမဂမနာယ နတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၂၃၂။)အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ အနိယတဿ အနိယာမဂမနာယ အတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
အနိယတဿ အနိယာမဂမနာယ နတ္ထိ ဉာဏန္တိ? အာမန္တာ။ အနိယတဿ နိယာမဂမနာယ နတ္ထိ ဉာဏန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၂၉။ အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ အနိယတဿ နိယာမဂမနာယ အတ္ထိ နိယာမောတိ? န ဟေဝံ ဝတ္တဗ္ဗေ ။ပ။
အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ အနိယတဿ နိယာမဂမနာယ အတ္ထိ သတိပဋ္ဌာနာ… သမ္မပ္ပဓာနာ… ဣဒ္ဓိပါဒါ… ဣန္ဒြိယာ… ဗလာ… ဗောဇ္ဈင်္ဂါတိ? န ဟေဝံ ဝတ္တဗ္ဗေ ။ပ။
အနိယတဿ နိယာမဂမနာယ နတ္ထိ နိယာမောတိ? အာမန္တာ။ ဟဉ္စိ အနိယတဿ နိယာမဂမနာယ နတ္ထိ နိယာမော, နော ဝတ ရေ ဝတ္တဗ္ဗေ – ‘‘အနိယတဿ နိယာမဂမနာယ အတ္ထိ ဉာဏ’’န္တိ။
အနိယတဿ နိယာမဂမနာယ နတ္ထိ သတိပဋ္ဌာနာ ။ပ။ ဗောဇ္ဈင်္ဂါတိ? အာမန္တာ။ ဟဉ္စိ အနိယတဿ နိယာမဂမနာယ နတ္ထိ ဗောဇ္ဈင်္ဂါ, နော ဝတ ရေ ဝတ္တဗ္ဗေ – ‘‘အနိယတဿ နိယာမဂမနာယ အတ္ထိ ဉာဏ’’န္တိ။
֍ ဋ္ဌ ၄၃၀။ အနိယတဿ နိယာမဂမနာယ အတ္ထိ ဉာဏန္တိ? အာမန္တာ။ ဂေါတြဘုနော ပုဂ္ဂလဿ သောတာပတ္တိမဂ္ဂေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ သောတာပတ္တိဖလေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အရဟတ္တေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၃၁။ န ဝတ္တဗ္ဗံ – ‘‘အနိယတဿ နိယာမဂမနာယ အတ္ထိ ဉာဏ’’န္တိ? အာမန္တာ။ နနု ဘဂဝါ ဇာနာတိ – ‘‘အယံ ပုဂ္ဂလော သမ္မတ္တနိယာမံ ဩက္ကမိဿတိ, ဘဗ္ဗော အယံ ပုဂ္ဂလော ဓမ္မံ အဘိသမေတု’’န္တိ? အာမန္တာ။ ဟဉ္စိ ဘဂဝါ ဇာနာတိ – ‘‘အယံ ပုဂ္ဂလော သမ္မတ္တနိယာမံ ဩက္ကမိဿတိ, ဘဗ္ဗော အယံ ပုဂ္ဂလော ဓမ္မံ အဘိသမေတုံ,’’ တေန ဝတ ရေ ဝတ္တဗ္ဗေ – ‘‘အနိယတဿ နိယာမဂမနာယ အတ္ထိ ဉာဏ’’န္တိ။
နိယာမကထာ နိဋ္ဌိတာ။
(အဘိ၊က၊၂၃၃။)၅။ ပဉ္စမဝဂ္ဂ
(၄၇) ၅။ ပဋိသမ္ဘိဒါကထာ
֍ ဋ္ဌ ၄၃၂။ သဗ္ဗံ ဉာဏံ ပဋိသမ္ဘိဒါတိ? အာမန္တာ။ သမ္မုတိဉာဏံ ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။ သမ္မုတိဉာဏံ ပဋိသမ္ဘိဒါတိ? အာမန္တာ။ ယေ ကေစိ သမ္မုတိံ ဇာနန္တိ, သဗ္ဗေ တေ ပဋိသမ္ဘိဒါပတ္တာတိ? န ဟေဝံ ဝတ္တဗ္ဗေ ။ပ။ သဗ္ဗံ ဉာဏံ ပဋိသမ္ဘိဒါတိ? အာမန္တာ။ စေတောပရိယာယေ ဉာဏံ ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။ စေတောပရိယာယေ ဉာဏံ ပဋိသမ္ဘိဒါတိ? အာမန္တာ။ ယေ ကေစိ ပရစိတ္တံ ဇာနန္တိ, သဗ္ဗေ တေ ပဋိသမ္ဘိဒါပတ္တာတိ? န ဟေဝံ ဝတ္တဗ္ဗေ ။ပ။
သဗ္ဗံ ဉာဏံ ပဋိသမ္ဘိဒါတိ? အာမန္တာ။ သဗ္ဗာ ပညာ ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။ သဗ္ဗာ ပညာ ပဋိသမ္ဘိဒါတိ? အာမန္တာ။ ပထဝီကသိဏံ သမာပတ္တိံ သမာပန္နဿ အတ္ထိ ပညာ, သာ ပညာ ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။ အာပေါကသိဏံ ။ပ။ တေဇောကသိဏံ ။ပ။ ဝါယောကသိဏံ ။ပ။ နီလကသိဏံ ။ပ။ ပီတကသိဏံ ။ပ။ လောဟိတကသိဏံ ။ပ။ ဩဒါတကသိဏံ ။ပ။ အာကာသာနဉ္စာယတနံ ။ပ။ ဝိညာဏဉ္စာယတနံ ။ပ။ အာကိဉ္စညာယတနံ ။ပ။ နေဝသညာနာသညာယတနံ သမာပန္နဿ ။ပ။ ဒါနံ ဒဒန္တဿ ။ပ။ စီဝရံ ဒဒန္တဿ ။ပ။ ပိဏ္ဍပါတံ ဒဒန္တဿ ။ပ။ သေနာသနံ ဒဒန္တဿ ။ပ။ ဂိလာနပစ္စယဘေသဇ္ဇပရိက္ခာရံ ဒဒန္တဿ အတ္ထိ ပညာ, သာ ပညာ ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၃၃။ န ဝတ္တဗ္ဗံ – ‘‘သဗ္ဗံ ဉာဏံ ပဋိသမ္ဘိဒါ’’တိ? အာမန္တာ။ အတ္ထိ လောကုတ္တရာ ပညာ, သာ ပညာ န ပဋိသမ္ဘိဒါတိ? န ဟေဝံ ဝတ္တဗ္ဗေ ။ပ။ တေန ဟိ သဗ္ဗံ ဉာဏံ ပဋိသမ္ဘိဒါတိ။
ပဋိသမ္ဘိဒါကထာ နိဋ္ဌိတာ။
၅။ ပဉ္စမဝဂ္ဂ
(၄၈) ၆။ သမ္မုတိဉာဏကထာ
֍ ဋ္ဌ ၄၃၄။ န ဝတ္တဗ္ဗံ – ‘‘သမ္မုတိဉာဏံ သစ္စာရမ္မဏညေဝ န အညာရမ္မဏ’’န္တိ? အာမန္တာ။ နနု ပထဝီကသိဏံ သမာပတ္တိံ သမာပန္နဿ အတ္ထိ ဉာဏံ,
(အဘိ၊က၊၂၃၄။)ပထဝီကသိဏဉ္စ သမ္မုတိသစ္စမှီတိ? အာမန္တာ။ ဟဉ္စိ ပထဝီကသိဏံ သမာပတ္တိံ သမာပန္နဿ အတ္ထိ ဉာဏံ, ပထဝီကသိဏဉ္စ သမ္မုတိသစ္စမှိ, တေန ဝတ ရေ ဝတ္တဗ္ဗေ – ‘‘သမ္မုတိဉာဏံ သစ္စာရမ္မဏညေဝ န အညာရမ္မဏ’’န္တိ။
န ဝတ္တဗ္ဗံ – ‘‘သမ္မုတိဉာဏံ သစ္စာရမ္မဏညေဝ န အညာရမ္မဏ’’န္တိ? အာမန္တာ ။ပ။ နနု အာပေါကသိဏံ ။ပ။ တေဇောကသိဏံ ။ပ။ ဂိလာနပစ္စယဘေသဇ္ဇပရိက္ခာရံ ဒဒန္တဿ အတ္ထိ ဉာဏံ, ဂိလာနပစ္စယဘေသဇ္ဇပရိက္ခာရော စ သမ္မုတိသစ္စမှီတိ? အာမန္တာ။ ဟဉ္စိ ဂိလာနပစ္စယဘေသဇ္ဇပရိက္ခာရံ ဒဒန္တဿ အတ္ထိ ဉာဏံ, ဂိလာနပစ္စယဘေသဇ္ဇပရိက္ခာရော စ သမ္မုတိသစ္စမှိ, တေန ဝတ ရေ ဝတ္တဗ္ဗေ – ‘‘သမ္မုတိဉာဏံ သစ္စာရမ္မဏညေဝ န အညာရမ္မဏ’’န္တိ။
֍ ဋ္ဌ ၄၃၅။ သမ္မုတိဉာဏံ သစ္စာရမ္မဏညေဝ န အညာရမ္မဏန္တိ? အာမန္တာ။ တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ ။ပ။
သမ္မုတိဉာဏကထာ နိဋ္ဌိတာ။
၅။ ပဉ္စမဝဂ္ဂ
(၄၉) ၇။ စိတ္တာရမ္မဏကထာ
֍ ဋ္ဌ ၄၃၆။ စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏန္တိ? အာမန္တာ။ နနု အတ္ထိ ကောစိ ‘‘သရာဂံ စိတ္တံ သရာဂံ စိတ္တ’’န္တိ ပဇာနာတီတိ? အာမန္တာ။ ဟဉ္စိ အတ္ထိ ကောစိ ‘‘သရာဂံ စိတ္တံ သရာဂံ စိတ္တ’’န္တိ ပဇာနာတိ, နော စ ဝတ ရေ ဝတ္တဗ္ဗေ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ။
နနု အတ္ထိ ကောစိ ဝီတရာဂံ စိတ္တံ ။ပ။ သဒေါသံ စိတ္တံ… ဝီတဒေါသံ စိတ္တံ… သမောဟံ စိတ္တံ… ဝီတမောဟံ စိတ္တံ… သံခိတ္တံ စိတ္တံ… ဝိက္ခိတ္တံ စိတ္တံ… မဟဂ္ဂတံ စိတ္တံ… အမဟဂ္ဂတံ စိတ္တံ… သဥတ္တရံ စိတ္တံ… အနုတ္တရံ စိတ္တံ… သမာဟိတံ စိတ္တံ… အသမာဟိတံ စိတ္တံ… ဝိမုတ္တံ စိတ္တံ ။ပ။ အဝိမုတ္တံ စိတ္တံ ‘‘အဝိမုတ္တံ စိတ္တ’’န္တိ ပဇာနာတီတိ? အာမန္တာ။ ဟဉ္စိ အတ္ထိ ကောစိ ‘‘အဝိမုတ္တံ စိတ္တံ အဝိမုတ္တံ စိတ္တ’’န္တိ ပဇာနာတိ, နော စ ဝတ ရေ ဝတ္တဗ္ဗေ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ။
(အဘိ၊က၊၂၃၅။)֍ ဋ္ဌ ၄၃၇။ ဖဿာရမ္မဏေ ဉာဏံ ဝတ္တဗ္ဗံ – ‘‘စေတောပရိယာယေ ဉာဏ’’န္တိ? အာမန္တာ။ ဟဉ္စိ ဖဿာရမ္မဏေ ဉာဏံ ဝတ္တဗ္ဗံ စေတောပရိယာယေ ဉာဏံ, နော စ ဝတ ရေ ဝတ္တဗ္ဗေ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ။ ဝေဒနာရမ္မဏေ ဉာဏံ ။ပ။ သညာရမ္မဏေ ဉာဏံ… စေတနာရမ္မဏေ ဉာဏံ… စိတ္တာရမ္မဏေ ဉာဏံ… သဒ္ဓါရမ္မဏေ ဉာဏံ… ဝီရိယာရမ္မဏေ ဉာဏံ… သတာရမ္မဏေ ဉာဏံ… သမာဓာရမ္မဏေ ဉာဏံ… ပညာရမ္မဏေ ဉာဏံ… ရာဂါရမ္မဏေ ဉာဏံ … ဒေါသာရမ္မဏေ ဉာဏံ… မောဟာရမ္မဏေ ဉာဏံ ။ပ။ အနောတ္တပ္ပါရမ္မဏေ ဉာဏံ ဝတ္တဗ္ဗံ – ‘‘စေတောပရိယာယေ ဉာဏ’’န္တိ? အာမန္တာ။ ဟဉ္စိ အနောတ္တပ္ပါရမ္မဏေ ဉာဏံ ဝတ္တဗ္ဗံ စေတောပရိယာယေ ဉာဏံ, နော စ ဝတ ရေ ဝတ္တဗ္ဗေ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ။
ဖဿာရမ္မဏေ ဉာဏံ န ဝတ္တဗ္ဗံ – ‘‘စေတောပရိယာယေ ဉာဏ’’န္တိ? အာမန္တာ။ ဖဿပရိယာယေ ဉာဏန္တိ? န ဟေဝံ ဝတ္တဗ္ဗေ ။ပ။ ဝေဒနာရမ္မဏေ ဉာဏံ ။ပ။ သညာရမ္မဏေ ဉာဏံ ။ပ။ အနောတ္တပ္ပါရမ္မဏေ ဉာဏံ န ဝတ္တဗ္ဗံ – ‘‘စေတောပရိယာယေ ဉာဏ’’န္တိ? အာမန္တာ။ အနောတ္တပ္ပပရိယာယေ ဉာဏန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၃၈။ န ဝတ္တဗ္ဗံ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ? အာမန္တာ။ နနု စေတောပရိယာယေ ဉာဏန္တိ? အာမန္တာ။ ဟဉ္စိ စေတောပရိယာယေ ဉာဏံ, တေန ဝတ ရေ ဝတ္တဗ္ဗေ – ‘‘စေတောပရိယာယေ ဉာဏံ စိတ္တာရမ္မဏညေဝ န အညာရမ္မဏ’’န္တိ။
စိတ္တာရမ္မဏကထာ နိဋ္ဌိတာ။
၅။ ပဉ္စမဝဂ္ဂ
(၅၀) ၈။ အနာဂတဉာဏကထာ
֍ ဋ္ဌ ၄၃၉။ အနာဂတေ ဉာဏံ အတ္ထီတိ? အာမန္တာ။ အနာဂတံ မူလတော ဇာနာတိ, ဟေတုတော ဇာနာတိ, နိဒါနတော ဇာနာတိ, သမ္ဘဝတော ဇာနာတိ, ပဘဝတော ဇာနာတိ, သမုဋ္ဌာနတော ဇာနာတိ, အာဟာရတော
(အဘိ၊က၊၂၃၆။)ဇာနာတိ, အာရမ္မဏတော ဇာနာတိ, ပစ္စယတော ဇာနာတိ, သမုဒယတော ဇာနာတီတိ? န ဟေဝံ ဝတ္တဗ္ဗေ ။ပ။
အနာဂတေ ဉာဏံ အတ္ထီတိ? အာမန္တာ။ အနာဂတံ ဟေတုပစ္စယတံ ဇာနာတိ, အာရမ္မဏပစ္စယတံ ဇာနာတိ, အဓိပတိပစ္စယတံ ဇာနာတိ, အနန္တရပစ္စယတံ ဇာနာတိ, သမနန္တရပစ္စယတံ ဇာနာတီတိ? န ဟေဝံ ဝတ္တဗ္ဗေ ။ပ။
အနာဂတေ ဉာဏံ အတ္ထီတိ? အာမန္တာ။ ဂေါတြဘုနော ပုဂ္ဂလဿ သောတာပတ္တိမဂ္ဂေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။ သောတာပတ္တိဖလသစ္ဆိကိရိယာယ ပဋိပန္နဿ ပုဂ္ဂလဿ သောတာပတ္တိဖလေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။
သကဒါဂါမိ ။ပ။ အနာဂါမိ ။ပ။ အရဟတ္တသစ္ဆိကိရိယာယ ပဋိပန္နဿ ပုဂ္ဂလဿ အရဟတ္တေ ဉာဏံ အတ္ထီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၀။ န ဝတ္တဗ္ဗံ – ‘‘အနာဂတေ ဉာဏံ အတ္ထီ’’တိ? အာမန္တာ။ နနု ဝုတ္တံ ဘဂဝတာ – ‘‘ပါဋလိပုတ္တဿ ခေါ, အာနန္ဒ, တယော အန္တရာယာ ဘဝိဿန္တိ – အဂ္ဂိတော ဝါ ဥဒကတော ဝါ မိထုဘေဒါ ဝါ’’တိ [မဟာဝ။ ၂၈၆၊ ဒီ။ နိ။ ၂။၁၅၂၊ ဥဒါ။ ၇၆]! အတ္ထေဝ သုတ္တန္တောတိ? အာမန္တာ။ တေန ဟိ အနာဂတေ ဉာဏံ အတ္ထီတိ။
အနာဂတဉာဏကထာ နိဋ္ဌိတာ။
၅။ ပဉ္စမဝဂ္ဂ
(၅၁) ၉။ ပဋုပ္ပန္နကထာ
֍ ဋ္ဌ ၄၄၁။ ပဋုပ္ပန္နေ [ပစ္စုပ္ပန္နေ (သီ။ သျာ။)] ဉာဏံ အတ္ထီတိ? အာမန္တာ။ တေန ဉာဏေန တံ ဉာဏံ ဇာနာတီတိ? န ဟေဝံ ဝတ္တဗ္ဗေ ။ပ။ တေန ဉာဏေန တံ ဉာဏံ ဇာနာတီတိ? အာမန္တာ။ တေန ဉာဏေန တံ ဉာဏံ ‘‘ဉာဏ’’န္တိ ဇာနာတီတိ? န ဟေဝံ ဝတ္တဗ္ဗေ ။ပ။ တေန ဉာဏေန တံ ဉာဏံ ‘‘ဉာဏ’’န္တိ ဇာနာတီတိ? အာမန္တာ။ တံ ဉာဏံ တဿ ဉာဏဿ အာရမ္မဏန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၂၃၇။)တံ ဉာဏံ တဿ ဉာဏဿ အာရမ္မဏန္တိ? အာမန္တာ။ တေန ဖဿေန တံ ဖဿံ ဖုသတိ, တာယ ဝေဒနာယ တံ ဝေဒနံ ဝေဒေတိ, တာယ သညာယ တံ သညံ သဉ္ဇာနာတိ, တာယ စေတနာယ တံ စေတနံ စေတေတိ, တေန စိတ္တေန တံ စိတ္တံ စိန္တေတိ, တေန ဝိတက္ကေန တံ ဝိတက္ကံ ဝိတက္ကေတိ, တေန ဝိစာရေန တံ ဝိစာရံ ဝိစာရေတိ, တာယ ပီတိယာ တံ ပီတိံ ပိယာယတိ, တာယ သတိယာ တံ သတိံ သရတိ, တာယ ပညာယ တံ ပညံ ပဇာနာတိ, တေန ခဂ္ဂေန တံ ခဂ္ဂံ ဆိန္ဒတိ, တေန ဖရသုနာ တံ ဖရသုံ တစ္ဆတိ, တာယ ကုဓာရိယာ တံ ကုဓာရိံ တစ္ဆတိ, တာယ ဝါသိယာ တံ ဝါသိံ တစ္ဆတိ, တာယ သူစိယာ တံ သူစိံ သိဗ္ဗေတိ, တေန အင်္ဂုလဂ္ဂေန တံ အင်္ဂုလဂ္ဂံ ပရာမသတိ, တေန နာသိကဂ္ဂေန တံ နာသိကဂ္ဂံ ပရာမသတိ, တေန မတ္ထကေန တံ မတ္ထကံ ပရာမသတိ, တေန ဂူထေန တံ ဂူထံ ဓောဝတိ, တေန မုတ္တေန တံ မုတ္တံ ဓောဝတိ, တေန ခေဠေန တံ ခေဠံ ဓောဝတိ, တေန ပုဗ္ဗေန တံ ပုဗ္ဗံ ဓောဝတိ, တေန လောဟိတေန တံ လောဟိတံ ဓောဝတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၂။ န ဝတ္တဗ္ဗံ – ‘‘ပဋုပ္ပန္နေ ဉာဏံ အတ္ထီ’’တိ? အာမန္တာ။ နနု သဗ္ဗသင်္ခါရေ အနိစ္စတော ဒိဋ္ဌေ တမ္ပိ ဉာဏံ အနိစ္စတော ဒိဋ္ဌံ ဟောတီတိ? အာမန္တာ။ ဟဉ္စိ သဗ္ဗသင်္ခါရေ အနိစ္စတော ဒိဋ္ဌေ တမ္ပိ ဉာဏံ အနိစ္စတော ဒိဋ္ဌံ ဟောတိ, တေန ဝတ ရေ ဝတ္တဗ္ဗေ – ‘‘ပဋုပ္ပန္နေ ဉာဏံ အတ္ထီ’’တိ။
ပဋုပ္ပန္နဉာဏကထာ [ပစ္စုပ္ပန္နကထာ (သီ။)] နိဋ္ဌိတာ။
၅။ ပဉ္စမဝဂ္ဂ
(၅၂) ၁၀။ ဖလဉာဏကထာ
֍ ဋ္ဌ ၄၄၃။ သာဝကဿ ဖလေ ဉာဏံ အတ္ထီတိ? အာမန္တာ။ သာဝကော ဖလဿ ကတံ ပညာပေတီတိ? န ဟေဝံ ဝတ္တဗ္ဗ ။ပ။
သာဝကဿ ဖလေ ဉာဏံ အတ္ထီတိ? အာမန္တာ။ အတ္ထိ သာဝကဿ ဖလပရောပရိယတ္တိ ဣန္ဒြိယပရောပရိယတ္တိ ပုဂ္ဂလပရောပရိယတ္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၃၈။)သာဝကဿ ဖလေ ဉာဏံ အတ္ထီတိ? အာမန္တာ။ အတ္ထိ သာဝကဿ ခန္ဓပညတ္တိ အာယတနပညတ္တိ ဓာတုပညတ္တိ သစ္စပညတ္တိ ဣန္ဒြိယပညတ္တိ ပုဂ္ဂလပညတ္တီတိ? န ဟေဝံ ဝတ္တဗ္ဗေ ။ပ။
သာဝကဿ ဖလေ ဉာဏံ အတ္ထီတိ? အာမန္တာ။ သာဝကော ဇိနော သတ္ထာ သမ္မာသမ္ဗုဒ္ဓေါ သဗ္ဗညူ သဗ္ဗဒဿာဝီ ဓမ္မဿာမီ ဓမ္မပ္ပဋိသရဏောတိ? န ဟေဝံ ဝတ္တဗ္ဗေ ။ပ။
သာဝကဿ ဖလေ ဉာဏံ အတ္ထီတိ? အာမန္တာ။ သာဝကော အနုပ္ပန္နဿ မဂ္ဂဿ ဥပ္ပါဒေတာ အသဉ္ဇာတဿ မဂ္ဂဿ သဉ္ဇနေတာ အနက္ခာတဿ မဂ္ဂဿ အက္ခာတာ မဂ္ဂညူ မဂ္ဂဝိဒူ မဂ္ဂကောဝိဒေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၄။ န ဝတ္တဗ္ဗံ – ‘‘သာဝကဿ ဖလေ ဉာဏံ အတ္ထီ’’တိ? အာမန္တာ။ သာဝကော အညာဏီတိ? န ဟေဝံ ဝတ္တဗ္ဗေ ။ပ။ တေန ဟိ သာဝကဿ ဖလေ ဉာဏံ အတ္ထီတိ ။ပ။
ဖလဉာဏကထာ နိဋ္ဌိတာ။
ပဉ္စမဝဂ္ဂေါ။
တဿုဒ္ဒါနံ –
ဝိမုတ္တိဉာဏံ ဝိမုတ္တံ, သေခဿ အသေခံ ဉာဏံ, ဝိပရီတေ ဉာဏံ, အနိယတဿ နိယာမဂမနာယ အတ္ထိ ဉာဏံ, သဗ္ဗံ ဉာဏံ ပဋိသမ္ဘိဒါတိ, သမ္မုတိဉာဏံ, စေတောပရိယာယေ ဉာဏံ, အနာဂတေ ဉာဏံ, ပဋုပ္ပန္နေ ဉာဏံ, သာဝကဿ ဖလေ ဉာဏန္တိ။
မဟာပဏ္ဏာသကော။
တဿာပိ ဥဒ္ဒါနံ –
သတ္တုပလဒ္ဓိံ, ဥပဟရတော, ဗလံ, ဂိဟိဿ အရဟာ စ, ဝိမုတ္တိပဉ္စမန္တိ။
(အဘိ၊က၊၂၃၉။)၆။ ဆဋ္ဌဝဂ္ဂ
(၅၃) ၁။ နိယာမကထာ
֍ ဋ္ဌ ၄၄၅။ နိယာမော အသင်္ခတောတိ? အာမန္တာ။ နိဗ္ဗာနံ တာဏံ လေဏံ သရဏံ ပရာယနံ အစ္စုတံ အမတန္တိ? န ဟေဝံ ဝတ္တဗ္ဗေ ။ပ။
နိယာမော အသင်္ခတော, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။
ဒွေ အသင်္ခတာနီတိ? အာမန္တာ။ ဒွေ တာဏာနိ ဒွေ လေဏာနိ ဒွေ သရဏာနိ ဒွေ ပရာယနာနိ ဒွေ အစ္စုတာနိ ဒွေ အမတာနိ ဒွေ နိဗ္ဗာနာနီတိ? န ဟေဝံ ဝတ္တဗ္ဗေ ။ပ။
ဒွေ နိဗ္ဗာနာနီတိ? အာမန္တာ။ အတ္ထိ ဒွိန္နံ နိဗ္ဗာနာနံ ဥစ္စနီစတာ ဟီနပဏီတတာ ဥက္ကံသာဝကံသော သီမာ ဝါ ဘေဒေါ ဝါ ရာဇိ ဝါ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
နိယာမော အသင်္ခတောတိ? အာမန္တာ။ အတ္ထိ ကေစိ နိယာမံ ဩက္ကမန္တိ ပဋိလဘန္တိ ဥပ္ပါဒေန္တိ သမုပ္ပါဒေန္တိ ဥဋ္ဌာပေန္တိ သမုဋ္ဌာပေန္တိ နိဗ္ဗတ္တေန္တိ အဘိနိဗ္ဗတ္တေန္တိ ဇနေန္တိ သဉ္ဇနေန္တီတိ? အာမန္တာ။ အတ္ထိ ကေစိ အသင်္ခတံ ဩက္ကမန္တိ ပဋိလဘန္တိ ဥပ္ပါဒေန္တိ သမုပ္ပါဒေန္တိ ဥဋ္ဌာပေန္တိ သမုဋ္ဌာပေန္တိ နိဗ္ဗတ္တေန္တိ အဘိနိဗ္ဗတ္တေန္တိ ဇနေန္တိ သဉ္ဇနေန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၆။ နိယာမော အသင်္ခတောတိ? အာမန္တာ။ မဂ္ဂေါ အသင်္ခတောတိ? န ဟေဝံ ဝတ္တဗ္ဗေ ။ပ။
မဂ္ဂေါ သင်္ခတောတိ? အာမန္တာ။ နိယာမော သင်္ခတောတိ? န ဟေဝံ ဝတ္တဗ္ဗေ ။ပ။
သောတာပတ္တိနိယာမော အသင်္ခတောတိ? အာမန္တာ။ သောတာပတ္တိမဂ္ဂေါ အသင်္ခတောတိ? န ဟေဝံ ဝတ္တဗ္ဗေ ။ပ။
သောတာပတ္တိမဂ္ဂေါ သင်္ခတောတိ? အာမန္တာ။ သောတာပတ္တိနိယာမော သင်္ခတောတိ? န ဟေဝံ ဝတ္တဗ္ဗေ ။ပ။
သကဒါဂါမိနိယာမော ။ပ။ အနာဂါမိနိယာမော ။ပ။ အရဟတ္တနိယာမော အသင်္ခတောတိ? အာမန္တာ။ အရဟတ္တမဂ္ဂေါ အသင်္ခတောတိ? န ဟေဝံ
(အဘိ၊က၊၂၄၀။)ဝတ္တဗ္ဗေ ။ပ။ အရဟတ္တမဂ္ဂေါ သင်္ခတောတိ? အာမန္တာ။ အရဟတ္တနိယာမော သင်္ခတောတိ? န ဟေဝံ ဝတ္တဗ္ဗေ ။ပ။
သောတာပတ္တိနိယာမော အသင်္ခတော ။ပ။ အရဟတ္တနိယာမော အသင်္ခတော, နိဗ္ဗာနံ အသင်္ခတန္တိ? အာမန္တာ။ ပဉ္စ အသင်္ခတာနီတိ? န ဟေဝံ ဝတ္တဗ္ဗေ ။ပ။ ပဉ္စ အသင်္ခတာနီတိ? အာမန္တာ။ ပဉ္စ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
နိယာမော အသင်္ခတောတိ? အာမန္တာ။ မိစ္ဆတ္တနိယာမော အသင်္ခတောတိ? န ဟေဝံ ဝတ္တဗ္ဗေ ။ပ။ မိစ္ဆတ္တနိယာမော သင်္ခတောတိ? အာမန္တာ။ သမ္မတ္တနိယာမော သင်္ခတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၇။ န ဝတ္တဗ္ဗံ – ‘‘နိယာမော အသင်္ခတော’’တိ? အာမန္တာ။ နိယာမေ ဥပ္ပဇ္ဇ နိရုဒ္ဓေ အနိယတော ဟောတီတိ? န ဟေဝံ ဝတ္တဗ္ဗေ ။ပ။ တေန ဟိ နိယာမော အသင်္ခတောတိ။ မိစ္ဆတ္တနိယာမေ ဥပ္ပဇ္ဇ နိရုဒ္ဓေ အနိယတော ဟောတီတိ? န ဟေဝံ ဝတ္တဗ္ဗေ ။ပ။ တေန ဟိ မိစ္ဆတ္တနိယာမော အသင်္ခတောတိ။
နိယာမကထာ နိဋ္ဌိတာ။
၆။ ဆဋ္ဌဝဂ္ဂ
(၅၄) ၂။ ပဋိစ္စသမုပ္ပါဒကထာ
֍ ဋ္ဌ ၄၄၈။ ပဋိစ္စသမုပ္ပါဒေါ အသင်္ခတောတိ? အာမန္တာ။ နိဗ္ဗာနံ တာဏံ လေဏံ သရဏံ ပရာယနံ အစ္စုတံ အမတန္တိ? န ဟေဝံ ဝတ္တဗ္ဗေ ။ပ။ ပဋိစ္စသမုပ္ပါဒေါ အသင်္ခတော, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွေ အသင်္ခတာနီတိ? အာမန္တာ။ ဒွေ တာဏာနိ ဒွေ လေဏာနိ ဒွေ သရဏာနိ ဒွေ ပရာယနာနိ ဒွေ အစ္စုတာနိ ဒွေ အမတာနိ ဒွေ နိဗ္ဗာနာနီတိ? န ဟေဝံ ဝတ္တဗ္ဗေ ။ပ။ ဒွေ နိဗ္ဗာနာနီတိ? အာမန္တာ။ အတ္ထိ ဒွိန္နံ နိဗ္ဗာနာနံ ဥစ္စနီစတာ ဟီနပဏီတတာ ဥက္ကံသာဝကံသော သီမာ ဝါ ဘေဒေါ ဝါ ရာဇိ ဝါ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၄၉။ ပဋိစ္စသမုပ္ပါဒေါ အသင်္ခတောတိ? အာမန္တာ။ အဝိဇ္ဇာ အသင်္ခတာတိ? န ဟေဝံ ဝတ္တဗ္ဗေ ။ပ။ အဝိဇ္ဇာ သင်္ခတာတိ? အာမန္တာ။ ပဋိစ္စသမုပ္ပါဒေါ
(အဘိ၊က၊၂၄၁။)သင်္ခတောတိ? န ဟေဝံ ဝတ္တဗ္ဗေ ။ပ။ ပဋိစ္စသမုပ္ပါဒေါ အသင်္ခတောတိ? အာမန္တာ။ အဝိဇ္ဇာပစ္စယာ သင်္ခါရာ အသင်္ခတာတိ? န ဟေဝံ ဝတ္တဗ္ဗေ ။ပ။ အဝိဇ္ဇာပစ္စယာ သင်္ခါရာ သင်္ခတာတိ? အာမန္တာ။ ပဋိစ္စသမုပ္ပါဒေါ သင်္ခတောတိ? န ဟေဝံ ဝတ္တဗ္ဗေ ။ပ။ ပဋိစ္စသမုပ္ပါဒေါ အသင်္ခတောတိ? အာမန္တာ။ သင်္ခါရပစ္စယာ ဝိညာဏံ အသင်္ခတန္တိ? န ဟေဝံ ဝတ္တဗ္ဗေ ။ပ။ သင်္ခါရပစ္စယာ ဝိညာဏံ သင်္ခတန္တိ? အာမန္တာ။ ပဋိစ္စသမုပ္ပါဒေါ သင်္ခတောတိ? န ဟေဝံ ဝတ္တဗ္ဗေ ။ပ။ ပဋိစ္စသမုပ္ပါဒေါ အသင်္ခတောတိ? အာမန္တာ။ ဝိညာဏပစ္စယာ နာမရူပံ အသင်္ခတန္တိ? န ဟေဝံ ဝတ္တဗ္ဗေ ။ပ။ ဝိညာဏပစ္စယာ နာမရူပံ သင်္ခတန္တိ? အာမန္တာ။ ပဋိစ္စသမုပ္ပါဒေါ သင်္ခတောတိ? န ဟေဝံ ဝတ္တဗ္ဗေ ။ပ။ ပဋိစ္စသမုပ္ပါဒေါ အသင်္ခတောတိ? အာမန္တာ။ ဇာတိပစ္စယာ ဇရာမရဏံ အသင်္ခတန္တိ? န ဟေဝံ ဝတ္တဗ္ဗေ ။ပ။ ဇာတိပစ္စယာ ဇရာမရဏံ သင်္ခတန္တိ? အာမန္တာ။ ပဋိစ္စသမုပ္ပါဒေါ သင်္ခတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၅၀။ န ဝတ္တဗ္ဗံ – ‘‘ပဋိစ္စသမုပ္ပါဒေါ အသင်္ခတော’’တိ? အာမန္တာ။ နနု ဝုတ္တံ ဘဂဝတာ – ‘‘ဇာတိပစ္စယာ, ဘိက္ခဝေ, ဇရာမရဏံ။ ဥပ္ပါဒါ ဝါ တထာဂတာနံ အနုပ္ပါဒါ ဝါ တထာဂတာနံ ဌိတာဝ သာ ဓာတု ဓမ္မဋ္ဌိတတာ ဓမ္မနိယာမတာ ဣဒပ္ပစ္စယတာ။ တံ တထာဂတော အဘိသမ္ဗုဇ္ဈတိ အဘိသမေတိ။ အဘိသမ္ဗုဇ္ဈိတွာ အဘိသမေတွာ အာစိက္ခတိ ဒေသေတိ ပညာပေတိ ပဋ္ဌပေတိ ဝိဝရတိ ဝိဘဇတိ ဥတ္တာနိံ ကရောတိ။ ‘ပဿထာ’တိ စာဟ – ဇာတိပစ္စယာ, ဘိက္ခဝေ, ဇရာမရဏံ။ ဘဝပစ္စယာ, ဘိက္ခဝေ, ဇာတိ ။ပ။ အဝိဇ္ဇာပစ္စယာ, ဘိက္ခဝေ, သင်္ခါရာ။ ဥပ္ပါဒါ ဝါ တထာဂတာနံ အနုပ္ပါဒါ ဝါ တထာဂတာနံ ဌိတာဝ သာ ဓာတု ။ပ။ ‘ပဿထာ’တိ စာဟ – အဝိဇ္ဇာပစ္စယာ, ဘိက္ခဝေ, သင်္ခါရာ။ ဣတိ ခေါ, ဘိက္ခဝေ, ယာ တတြ တထတာ အဝိတထတာ အနညထတာ ဣဒပ္ပစ္စယတာ – အယံ ဝုစ္စတိ, ဘိက္ခဝေ, ပဋိစ္စသမုပ္ပါဒေါ’’တိ [သံ။ နိ။ ၂။၂၀]။ အတ္ထေဝ သုတ္တန္တောတိ? အာမန္တာ။ တေန ဟိ ပဋိစ္စသမုပ္ပါဒေါ အသင်္ခတောတိ။
֍ ဋ္ဌ ၄၅၁။ အဝိဇ္ဇာပစ္စယာ သင်္ခါရာတိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွေ အသင်္ခတာနီတိ? အာမန္တာ။ ဒွေ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၄၂။)အဝိဇ္ဇာပစ္စယာ သင်္ခါရာတိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ, သင်္ခါရပစ္စယာ ဝိညာဏန္တိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ, နိဗ္ဗာနံ အသင်္ခတန္တိ? အာမန္တာ။ တီဏိ အသင်္ခတာနီတိ? န ဟေဝံ ဝတ္တဗ္ဗေ ။ပ။ တီဏိ အသင်္ခတာနီတိ? အာမန္တာ။ တီဏိ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
အဝိဇ္ဇာပစ္စယာ သင်္ခါရာတိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ, သင်္ခါရပစ္စယာ ဝိညာဏန္တိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ ။ပ။ ဇာတိပစ္စယာ ဇရာမရဏန္တိ ယာ တတ္ထ ဓမ္မဋ္ဌိတတာ ဓမ္မနိယာမတာ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွါဒသ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွါဒသ အသင်္ခတာနီတိ? အာမန္တာ။ ဒွါဒသ တာဏာနိ ဒွါဒသ လေဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
ပဋိစ္စသမုပ္ပါဒကထာ နိဋ္ဌိတာ။
၆။ ဆဋ္ဌဝဂ္ဂ
(၅၅) ၃။ သစ္စကထာ
֍ ဋ္ဌ ၄၅၂။ စတ္တာရိ သစ္စာနိ အသင်္ခတာနီတိ? အာမန္တာ။ စတ္တာရိ တာဏာနိ စတ္တာရိ လေဏာနိ စတ္တာရိ သရဏာနိ စတ္တာရိ ပရာယနာနိ စတ္တာရိ အစ္စုတာနိ စတ္တာရိ အမတာနိ စတ္တာရိ နိဗ္ဗာနာနီတိ? န ဟေဝံ ဝတ္တဗ္ဗေ ။ပ။ စတ္တာရိ နိဗ္ဗာနာနီတိ? အာမန္တာ။ အတ္ထိ စတုန္နံ နိဗ္ဗာနာနံ ဥစ္စနီစတာ ဟီနပဏီတတာ ဥက္ကံသာဝကံသော သီမာ ဝါ ဘေဒေါ ဝါ ရာဇိ ဝါ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
ဒုက္ခသစ္စံ အသင်္ခတန္တိ? အာမန္တာ။ ဒုက္ခံ အသင်္ခတန္တိ? န ဟေဝံ ဝတ္တဗ္ဗေ ။ပ။ ဒုက္ခသစ္စံ အသင်္ခတန္တိ? အာမန္တာ။ ကာယိကံ ဒုက္ခံ စေတသိကံ ဒုက္ခံ သောကပရိဒေဝဒုက္ခဒေါမနဿဥပါယာသာ အသင်္ခတာတိ? န ဟေဝံ ဝတ္တဗ္ဗေ ။ပ။ သမုဒယသစ္စံ အသင်္ခတန္တိ? အာမန္တာ။ သမုဒယော အသင်္ခတောတိ? န ဟေဝံ ဝတ္တဗ္ဗေ ။ပ။ သမုဒယသစ္စံ အသင်္ခတန္တိ? အာမန္တာ။ ကာမတဏှာ ဘဝတဏှာ ဝိဘဝတဏှာ အသင်္ခတာတိ? န ဟေဝံ ဝတ္တဗ္ဗေ ။ပ။ မဂ္ဂသစ္စံ အသင်္ခတန္တိ? အာမန္တာ။ မဂ္ဂေါ အသင်္ခတောတိ? န ဟေဝံ ဝတ္တဗ္ဗေ ။ပ။ မဂ္ဂသစ္စံ အသင်္ခတန္တိ? အာမန္တာ။ သမ္မာဒိဋ္ဌိ ။ပ။ သမ္မာသမာဓိ အသင်္ခတောတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၄၃။)ဒုက္ခံ သင်္ခတန္တိ? အာမန္တာ။ ဒုက္ခသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။ ကာယိကံ ဒုက္ခံ စေတသိကံ ဒုက္ခံ သောကပရိဒေဝဒုက္ခဒေါမနဿဥပါယာသာ သင်္ခတာတိ? အာမန္တာ။ ဒုက္ခသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။ သမုဒယော သင်္ခတောတိ? အာမန္တာ။ သမုဒယသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။ ကာမတဏှာ ဘဝတဏှာ ဝိဘဝတဏှာ သင်္ခတာတိ? အာမန္တာ။ သမုဒယသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။ မဂ္ဂေါ သင်္ခတောတိ? အာမန္တာ။ မဂ္ဂသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။ သမ္မာဒိဋ္ဌိ ။ပ။ သမ္မာသမာဓိ သင်္ခတောတိ? အာမန္တာ။ မဂ္ဂသစ္စံ သင်္ခတန္တိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၅၃။ နိရောဓသစ္စံ အသင်္ခတံ, နိရောဓော အသင်္ခတောတိ? အာမန္တာ။ ဒုက္ခသစ္စံ အသင်္ခတံ, ဒုက္ခံ အသင်္ခတန္တိ? န ဟေဝံ ဝတ္တဗ္ဗေ ။ပ။ နိရောဓသစ္စံ အသင်္ခတံ, နိရောဓော အသင်္ခတောတိ? အာမန္တာ။ သမုဒယသစ္စံ အသင်္ခတံ, သမုဒယော အသင်္ခတောတိ? န ဟေဝံ ဝတ္တဗ္ဗေ ။ပ။ နိရောဓသစ္စံ အသင်္ခတံ, နိရောဓော အသင်္ခတောတိ? အာမန္တာ။ မဂ္ဂသစ္စံ အသင်္ခတံ, မဂ္ဂေါ အသင်္ခတောတိ? န ဟေဝံ ဝတ္တဗ္ဗေ ။ပ။
ဒုက္ခသစ္စံ အသင်္ခတံ, ဒုက္ခံ သင်္ခတန္တိ? အာမန္တာ။ နိရောဓသစ္စံ အသင်္ခတံ, နိရောဓော သင်္ခတောတိ? န ဟေဝံ ဝတ္တဗ္ဗေ ။ပ။ သမုဒယသစ္စံ အသင်္ခတံ, သမုဒယော သင်္ခတောတိ? အာမန္တာ။ နိရောဓသစ္စံ အသင်္ခတံ, နိရောဓော သင်္ခတောတိ? န ဟေဝံ ဝတ္တဗ္ဗေ ။ပ။ မဂ္ဂသစ္စံ အသင်္ခတံ, မဂ္ဂေါ သင်္ခတောတိ? အာမန္တာ။ နိရောဓသစ္စံ အသင်္ခတံ, နိရောဓော သင်္ခတောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၅၄။ န ဝတ္တဗ္ဗံ – ‘‘စတ္တာရိ သစ္စာနိ အသင်္ခတာနီ’’တိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, တထာနိ အဝိတထာနိ အနညထာနိ! ကတမာနိ စတ္တာရိ? ‘ဣဒံ ဒုက္ခ’န္တိ, ဘိက္ခဝေ, တထမေတံ အဝိတထမေတံ အနညထမေတံ ။ပ။ ‘အယံ ဒုက္ခသမုဒယော’တိ ။ပ။ ‘အယံ ဒုက္ခနိရောဓော’တိ ။ပ။ ‘အယံ ဒုက္ခနိရောဓဂါမိနီ ပဋိပဒါ’တိ တထမေတံ အဝိတထမေတံ အနညထမေတံ။ ဣမာနိ ခေါ, ဘိက္ခဝေ, စတ္တာရိ တထာနိ အဝိတထာနိ အနညထာနီ’’တိ [သံ။ နိ။ ၅။၁၀၉၀]။ အတ္ထေဝ သုတ္တန္တောတိ? အာမန္တာ။ တေန ဟိ စတ္တာရိ သစ္စာနိ အသင်္ခတာနီတိ။
သစ္စကထာ နိဋ္ဌိတာ။
(အဘိ၊က၊၂၄၄။)၆။ ဆဋ္ဌဝဂ္ဂ
(၅၆) ၄။ အာရုပ္ပကထာ
֍ ဋ္ဌ ၄၅၅။ အာကာသာနဉ္စာယတနံ အသင်္ခတန္တိ? အာမန္တာ။ နိဗ္ဗာနံ တာဏံ လေဏံ သရဏံ ပရာယနံ အစ္စုတံ အမတန္တိ? န ဟေဝံ ဝတ္တဗ္ဗေ ။ပ။ အာကာသာနဉ္စာယတနံ အသင်္ခတံ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွေ အသင်္ခတာနီတိ? အာမန္တာ။ ဒွေ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
အာကာသာနဉ္စာယတနံ အသင်္ခတန္တိ? အာမန္တာ။ အာကာသာနဉ္စာယတနံ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? အာမန္တာ။ အသင်္ခတံ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ ။ပ။
အတ္ထိ အာကာသာနဉ္စာယတနူပဂံ ကမ္မန္တိ? အာမန္တာ။ အတ္ထိ အသင်္ခတူပဂံ ကမ္မန္တိ? န ဟေဝံ ဝတ္တဗ္ဗေ ။ပ။ အတ္ထိ အာကာသာနဉ္စာယတနူပဂါ သတ္တာတိ? အာမန္တာ။ အတ္ထိ အသင်္ခတူပဂါ သတ္တာတိ? န ဟေဝံ ဝတ္တဗ္ဗေ ။ပ။
အာကာသာနဉ္စာယတနေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ အသင်္ခတေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ ။ပ။ အာကာသာနဉ္စာယတနေ အတ္ထိ ဝေဒနာ သညာ သင်္ခါရာ ဝိညာဏန္တိ? အာမန္တာ။ အသင်္ခတေ အတ္ထိ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ ။ပ။ အာကာသာနဉ္စာယတနံ စတုဝေါကာရဘဝေါတိ? အာမန္တာ။ အသင်္ခတံ စတုဝေါကာရဘဝေါတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၅၆။ န ဝတ္တဗ္ဗံ – ‘‘စတ္တာရော အာရုပ္ပါ အသင်္ခတာ’’တိ? အာမန္တာ။ နနု စတ္တာရော အာရုပ္ပါ အနေဇာ ဝုတ္တာ ဘဂဝတာတိ? အာမန္တာ။ ဟဉ္စိ စတ္တာရော အာရုပ္ပါ အနေဇာ ဝုတ္တာ ဘဂဝတာ, တေန ဝတ ရေ ဝတ္တဗ္ဗေ ‘‘စတ္တာရော အာရုပ္ပါ အသင်္ခတာ’’တိ။
အာရုပ္ပကထာ နိဋ္ဌိတာ။
(အဘိ၊က၊၂၄၅။)၆။ ဆဋ္ဌဝဂ္ဂ
(၅၇) ၅။ နိရောဓသမာပတ္တိကထာ
֍ ဋ္ဌ ၄၅၇။ နိရောဓသမာပတ္တိ အသင်္ခတာတိ? အာမန္တာ။ နိဗ္ဗာနံ တာဏံ လေဏံ သရဏံ ပရာယနံ အစ္စုတံ အမတန္တိ? န ဟေဝံ ဝတ္တဗ္ဗေ ။ပ။ နိရောဓသမာပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွေ အသင်္ခတာနီတိ? အာမန္တာ။ ဒွေ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
နိရောဓသမာပတ္တိ အသင်္ခတာတိ? အာမန္တာ။ အတ္ထိ ကေစိ နိရောဓံ သမာပဇ္ဇန္တိ ပဋိလဘန္တိ ဥပ္ပါဒေန္တိ သမုပ္ပါဒေန္တိ ဥဋ္ဌပေန္တိ သမုဋ္ဌပေန္တိ နိဗ္ဗတ္တေန္တိ အဘိနိဗ္ဗတ္တေန္တိ ဇနေန္တိ သဉ္ဇနေန္တီတိ? အာမန္တာ။ အတ္ထိ ကေစိ အသင်္ခတံ သမာပဇ္ဇန္တိ ပဋိလဘန္တိ ဥပ္ပါဒေန္တိ သမုပ္ပါဒေန္တိ ဥဋ္ဌပေန္တိ သမုဋ္ဌပေန္တိ နိဗ္ဗတ္တေန္တိ အဘိနိဗ္ဗတ္တေန္တိ ဇနေန္တိ သဉ္ဇနေန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၅၈။ နိရောဓာ ဝေါဒါနံ ဝုဋ္ဌာနံ ပညာယတီတိ? အာမန္တာ။ အသင်္ခတာ ဝေါဒါနံ ဝုဋ္ဌာနံ ပညာယတီတိ? န ဟေဝံ ဝတ္တဗ္ဗေ ။ပ။ နိရောဓံ သမာပဇ္ဇန္တဿ ပဌမံ နိရုဇ္ဈတိ ဝစီသင်္ခါရော, တတော ကာယသင်္ခါရော, တတော စိတ္တသင်္ခါရောတိ? အာမန္တာ။ အသင်္ခတံ သမာပဇ္ဇန္တဿ ပဌမံ နိရုဇ္ဈတိ ဝစီသင်္ခါရော, တတော ကာယသင်္ခါရော, တတော စိတ္တသင်္ခါရောတိ? န ဟေဝံ ဝတ္တဗ္ဗေ ။ပ။ နိရောဓာ ဝုဋ္ဌဟန္တဿ ပဌမံ ဥပ္ပဇ္ဇတိ စိတ္တသင်္ခါရော, တတော ကာယသင်္ခါရော, တတော ဝစီသင်္ခါရောတိ? အာမန္တာ။ အသင်္ခတာ ဝုဋ္ဌဟန္တဿ ပဌမံ ဥပ္ပဇ္ဇတိ စိတ္တသင်္ခါရော, တတော ကာယသင်္ခါရော, တတော ဝစီသင်္ခါရောတိ? န ဟေဝံ ဝတ္တဗ္ဗေ ။ပ။
နိရောဓာ ဝုဋ္ဌိတံ တယော ဖဿာ ဖုသန္တိ – သုညတော ဖဿော, အနိမိတ္တော ဖဿော, အပ္ပဏိဟိတော ဖဿောတိ? အာမန္တာ။ အသင်္ခတာ ဝုဋ္ဌိတံ တယော ဖဿာ ဖုသန္တိ – သုညတော ဖဿော, အနိမိတ္တော ဖဿော, အပ္ပဏိဟိတော ဖဿောတိ? န ဟေဝံ ဝတ္တဗ္ဗေ ။ပ။
နိရောဓာ ဝုဋ္ဌိတဿ ဝိဝေကနိန္နံ စိတ္တံ ဟောတိ ဝိဝေကပေါဏံ ဝိဝေကပဗ္ဘာရန္တိ? အာမန္တာ။ အသင်္ခတာ ဝုဋ္ဌိတဿ ဝိဝေကနိန္နံ စိတ္တံ ဟောတိ ဝိဝေကပေါဏံ ဝိဝေကပဗ္ဘာရန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၂၄၆။)֍ ဋ္ဌ ၄၅၉။ န ဝတ္တဗ္ဗံ – ‘‘နိရောဓသမာပတ္တိ အသင်္ခတာ’’တိ? အာမန္တာ။ သင်္ခတာတိ? န ဟေဝံ ဝတ္တဗ္ဗေ ။ပ။ တေန ဟိ နိရောဓသမာပတ္တိ အသင်္ခတာတိ။
နိရောဓသမာပတ္တိကထာ နိဋ္ဌိတာ။
၆။ ဆဋ္ဌဝဂ္ဂ
(၅၈) ၆။ အာကာသကထာ
֍ ဋ္ဌ ၄၆၀။ အာကာသော အသင်္ခတောတိ? အာမန္တာ။ နိဗ္ဗာနံ တာဏံ လေဏံ သရဏံ ပရာယနံ အစ္စုတံ အမတန္တိ? န ဟေဝံ ဝတ္တဗ္ဗေ ။ပ။ အာကာသော အသင်္ခတော, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ ။ပ။ ဒွေ အသင်္ခတာနီတိ? အာမန္တာ။ ဒွေ တာဏာနိ ။ပ။ အန္တရိကာ ဝါတိ? န ဟေဝံ ဝတ္တဗ္ဗေ ။ပ။
အာကာသော အသင်္ခတောတိ? အာမန္တာ။ အတ္ထိ ကေစိ အနာကာသံ အာကာသံ ကရောန္တီတိ? အာမန္တာ။ အတ္ထိ ကေစိ သင်္ခတံ အသင်္ခတံ ကရောန္တီတိ? န ဟေဝံ ဝတ္တဗ္ဗေ ။ပ။ အတ္ထိ ကေစိ အာကာသံ အနာကာသံ ကရောန္တီတိ? အာမန္တာ။ အတ္ထိ ကေစိ အသင်္ခတံ သင်္ခတံ ကရောန္တီတိ? န ဟေဝံ ဝတ္တဗ္ဗေ ။ပ။
အာကာသေ ပက္ခိနော ဂစ္ဆန္တိ, စန္ဒိမသူရိယာ ဂစ္ဆန္တိ, တာရကရူပါနိ ဂစ္ဆန္တိ, ဣဒ္ဓိံ ဝိကုဗ္ဗန္တိ, ဗာဟုံ စာလေန္တိ, ပါဏိံ စာလေန္တိ, လေဍ္ဍုံ ခိပန္တိ, လဂုဠံ ခိပန္တိ, ဣဒ္ဓိံ [သတ္တိံ (?)] ခိပန္တိ, ဥသုံ ခိပန္တီတိ? အာမန္တာ။ အသင်္ခတေ ပက္ခိနော ဂစ္ဆန္တိ, စန္ဒိမသူရိယာ ဂစ္ဆန္တိ, တာရကရူပါနိ ဂစ္ဆန္တိ, ဣဒ္ဓိံ ဝိကုဗ္ဗန္တိ, ဗာဟုံ စာလေန္တိ, ပါဏိံ စာလေန္တိ, လေဍ္ဍုံ ခိပန္တိ, လဂုဠံ ခိပန္တိ, ဣဒ္ဓိံ ခိပန္တိ, ဥသုံ ခိပန္တီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၆၁။ အာကာသံ ပရိဝါရေတွာ ဃရာနိ ကရောန္တိ ကောဋ္ဌာနိ ကရောန္တီတိ? အာမန္တာ။ အသင်္ခတံ ပရိဝါရေတွာ ဃရာနိ ကရောန္တိ ကောဋ္ဌာနိ ကရောန္တီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၄၇။)ဥဒပါနေ ခညမာနေ အနာကာသော အာကာသော ဟောတီတိ? အာမန္တာ။ သင်္ခတံ အသင်္ခတံ ဟောတီတိ? န ဟေဝံ ဝတ္တဗ္ဗေ ။ပ။
တုစ္ဆဥဒပါနေ ပူရိယမာနေ, တုစ္ဆကောဋ္ဌေ ပူရိယမာနေ, တုစ္ဆကုမ္ဘိယာ ပူရိယမာနာယ အာကာသော အန္တရဓာယတီတိ? အာမန္တာ။ အသင်္ခတံ အန္တရဓာယတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၆၂။ န ဝတ္တဗ္ဗံ – ‘‘အာကာသော အသင်္ခတော’’တိ? အာမန္တာ။ အာကာသော သင်္ခတောတိ? န ဟေဝံ ဝတ္တဗ္ဗေ ။ပ။ တေန ဟိ အာကာသော အသင်္ခတောတိ။
အာကာသကထာ နိဋ္ဌိတာ။
၆။ ဆဋ္ဌဝဂ္ဂ
(၅၉) ၇။ အာကာသော သနိဒဿနောတိကထာ
֍ ဋ္ဌ ၄၆၃။ အာကာသော သနိဒဿနောတိ? အာမန္တာ။ ရူပံ ရူပါယတနံ ရူပဓာတု နီလံ ပီတကံ လောဟိတကံ ဩဒါတံ စက္ခုဝိညေယျံ စက္ခုသ္မိံ ပဋိဟညတိ စက္ခုဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ ။ပ။
အာကာသော သနိဒဿနောတိ? အာမန္တာ။ စက္ခုဉ္စ ပဋိစ္စ အာကာသဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ ။ပ။
စက္ခုဉ္စ ပဋိစ္စ အာကာသဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ အာကာသဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ [အတ္ထိ (?)] သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ [မ။ နိ။ ၁။၄၀၀၊ ၃။၄၂၁၊ သံ။ နိ။ ၄။၆၀] – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ အာကာသဉ္စ ဥပ္ပဇ္ဇတိ စက္ခုဝိညာဏ’’န္တိ။
֍ ဋ္ဌ ၄၆၄။ န ဝတ္တဗ္ဗံ – ‘‘အာကာသော သနိဒဿနော’’တိ? အာမန္တာ။ နနု ပဿတိ ဒွိန္နံ ရုက္ခာနံ အန္တရံ, ဒွိန္နံ ထမ္ဘာနံ အန္တရံ, တာဠစ္ဆိဒ္ဒံ ဝါတပါနစ္ဆိဒ္ဒန္တိ?
(အဘိ၊က၊၂၄၈။)အာမန္တာ။ ဟဉ္စိ ပဿတိ ဒွိန္နံ ရုက္ခာနံ အန္တရံ, ဒွိန္နံ ထမ္ဘာနံ အန္တရံ, တာဠစ္ဆိဒ္ဒံ ဝါတပါနစ္ဆိဒ္ဒံ, တေန ဝတ ရေ ဝတ္တဗ္ဗေ – ‘‘အာကာသော သနိဒဿနော’’တိ။
အာကာသော သနိဒဿနောတိကထာ နိဋ္ဌိတာ။
၆။ ဆဋ္ဌဝဂ္ဂ
(၆၀) ၈။ ပထဝီဓာတု သနိဒဿနာတိအာဒိကထာ
֍ ဋ္ဌ ၄၆၅။ ပထဝီဓာတု သနိဒဿနာတိ? အာမန္တာ။ ရူပံ ရူပါယတနံ ရူပဓာတု နီလံ ပီတကံ လောဟိတကံ ဩဒါတံ စက္ခုဝိညေယျံ စက္ခုသ္မိံ ပဋိဟညတိ စက္ခုဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ ။ပ။
ပထဝီဓာတု သနိဒဿနာတိ? အာမန္တာ။ စက္ခုဉ္စ ပဋိစ္စ ပထဝီဓာတုဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ ။ပ။
စက္ခုဉ္စ ပဋိစ္စ ပထဝီဓာတုဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ ပထဝီဓာတုဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ ပထဝီဓာတုဉ္စ ဥပ္ပဇ္ဇတိ စက္ခုဝိညာဏ’’န္တိ။
֍ ဋ္ဌ ၄၆၆။ န ဝတ္တဗ္ဗံ – ‘‘ပထဝီဓာတု သနိဒဿနာ’’တိ? အာမန္တာ။ နနု ပဿတိ ဘူမိံ ပါသာဏံ ပဗ္ဗတန္တိ? အာမန္တာ။ ဟဉ္စိ ပဿတိ [ပဿသိ (သီ။ သျာ။ က။) ဧဝမုပရိပိ] ဘူမိံ ပါသာဏံ ပဗ္ဗတံ, တေန ဝတ ရေ ဝတ္တဗ္ဗေ – ‘‘ပထဝီဓာတု သနိဒဿနာ’’တိ ။ပ။
န ဝတ္တဗ္ဗံ – ‘‘အာပေါဓာတု သနိဒဿနာ’’တိ? အာမန္တာ။ နနု ပဿတိ ဥဒကန္တိ? အာမန္တာ။ ဟဉ္စိ ပဿတိ ဥဒကံ, တေန ဝတ ရေ ဝတ္တဗ္ဗေ – ‘‘အာပေါဓာတု သနိဒဿနာတိ ။ပ။
န ဝတ္တဗ္ဗံ – တေဇောဓာတု သနိဒဿနာတိ? အာမန္တာ။ နနု ပဿတိ အဂ္ဂိံ ဇလန္တန္တိ? အာမန္တာ။ ဟဉ္စိ ပဿတိ အဂ္ဂိံ ဇလန္တံ, တေန ဝတ ရေ ဝတ္တဗ္ဗေ – ‘‘တေဇောဓာတု သနိဒဿနာ’’တိ ။ပ။
(အဘိ၊က၊၂၄၉။)န ဝတ္တဗ္ဗံ – ‘‘ဝါယောဓာတု သနိဒဿနာ’’တိ? အာမန္တာ။ နနု ပဿတိ ဝါတေန ရုက္ခေ သဉ္စာလိယမာနေတိ? အာမန္တာ။ ဟဉ္စိ ပဿတိ ဝါတေန ရုက္ခေ သဉ္စာလိယမာနေ, တေန ဝတ ရေ ဝတ္တဗ္ဗေ – ‘‘ဝါယောဓာတု သနိဒဿနာ’’တိ ။ပ။
ပထဝီဓာတု သနိဒဿနာတိအာဒိကထာ နိဋ္ဌိတာ။
၆။ ဆဋ္ဌဝဂ္ဂ
(၆၁) ၉။ စက္ခုန္ဒြိယံ သနိဒဿနန္တိအာဒိကထာ
֍ ဋ္ဌ ၄၆၇။ စက္ခုန္ဒြိယံ သနိဒဿနန္တိ? အာမန္တာ။ ရူပံ ရူပါယတနံ ရူပဓာတု ။ပ။ စက္ခုဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ ။ပ။
စက္ခုန္ဒြိယံ သနိဒဿနန္တိ? အာမန္တာ။ စက္ခုဉ္စ ပဋိစ္စ စက္ခုန္ဒြိယဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ ။ပ။
စက္ခုဉ္စ ပဋိစ္စ စက္ခုန္ဒြိယဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ စက္ခုန္ဒြိယဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ စက္ခုန္ဒြိယဉ္စ ဥပ္ပဇ္ဇတိ စက္ခုဝိညာဏ’’န္တိ။
֍ ဋ္ဌ ၄၆၈။ န ဝတ္တဗ္ဗံ – ‘‘ပဉ္စိန္ဒြိယာနိ သနိဒဿနာနီ’’တိ? အာမန္တာ။ နနု ပဿတိ စက္ခုံ သောတံ ဃာနံ ဇိဝှံ ကာယန္တိ? အာမန္တာ။ ဟဉ္စိ ပဿတိ စက္ခုံ သောတံ ဃာနံ ဇိဝှံ ကာယံ, တေန ဝတ ရေ ဝတ္တဗ္ဗေ – ‘‘ပဉ္စိန္ဒြိယာနိ သနိဒဿနာနီ’’တိ ။ပ။
စက္ခုန္ဒြိယံ သနိဒဿနန္တိအာဒိကထာ နိဋ္ဌိတာ။
၆။ ဆဋ္ဌဝဂ္ဂ
(၆၂) ၁၀။ ကာယကမ္မံ သနိဒဿနန္တိကထာ
֍ ဋ္ဌ ၄၆၉။ ကာယကမ္မံ သနိဒဿနန္တိ? အာမန္တာ။ ရူပံ ရူပါယတနံ ရူပဓာတု နီလံ ပီတကံ လောဟိတကံ ဩဒါတံ စက္ခုဝိညေယျံ စက္ခုသ္မိံ ပဋိဟညတိ စက္ခုဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ ။ပ။
(အဘိ၊က၊၂၅၀။)ကာယကမ္မံ သနိဒဿနန္တိ? အာမန္တာ။ စက္ခုဉ္စ ပဋိစ္စ ကာယကမ္မဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ ။ပ။
စက္ခုဉ္စ ပဋိစ္စ ကာယကမ္မဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ ကာယကမ္မဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ ကာယကမ္မဉ္စ ဥပ္ပဇ္ဇတိ စက္ခုဝိညာဏ’’န္တိ။
֍ ဋ္ဌ ၄၇၀။ န ဝတ္တဗ္ဗံ – ‘‘ကာယကမ္မံ သနိဒဿန’’န္တိ? အာမန္တာ။ နနု ပဿတိ အဘိက္ကမန္တံ ပဋိက္ကမန္တံ အာလောကေန္တံ ဝိလောကေန္တံ သမိဉ္ဇေန္တံ ပသာရေန္တန္တိ? အာမန္တာ။ ဟဉ္စိ ပဿတိ အဘိက္ကမန္တံ ပဋိက္ကမန္တံ အာလောကေန္တံ ဝိလောကေန္တံ သမိဉ္ဇေန္တံ ပသာရေန္တံ, တေန ဝတ ရေ ဝတ္တဗ္ဗေ – ‘‘ကာယကမ္မံ သနိဒဿန’’န္တိ။
ကာယကမ္မံ သနိဒဿနန္တိကထာ နိဋ္ဌိတာ။
ဆဋ္ဌဝဂ္ဂေါ။
တဿုဒ္ဒါနံ –
နိယမော အသင်္ခတော, ပဋိစ္စသမုပ္ပါဒေါ အသင်္ခတော, စတ္တာရိ သစ္စာနိ အသင်္ခတာနိ, စတ္တာရော အာရုပ္ပါ အသင်္ခတာ, နိရောဓသမာပတ္တိ အသင်္ခတာ, အာကာသော အသင်္ခတော, အာကာသော သနိဒဿနော, စတ္တာရော မဟာဘူတာ, ပဉ္စိန္ဒြိယာနိ, တထေဝ ကာယကမ္မန္တိ။
၇။ သတ္တမဝဂ္ဂ
(၆၃) ၁။ သင်္ဂဟိတကထာ
֍ ဋ္ဌ ၄၇၁။ နတ္ထိ ကေစိ ဓမ္မာ ကေဟိစိ ဓမ္မေဟိ သင်္ဂဟိတာတိ [သင်္ဂဟီတာတိ (ပီ။)]? အာမန္တာ။ နနု အတ္ထိ ကေစိ ဓမ္မာ ကေဟိစိ ဓမ္မေဟိ ဂဏနံ ဂစ္ဆန္တိ ဥဒ္ဒေသံ ဂစ္ဆန္တိ ပရိယာပန္နာတိ? အာမန္တာ။ ဟဉ္စိ အတ္ထိ ကေစိ ဓမ္မာ ကေဟိစိ ဓမ္မေဟိ ဂဏနံ
(အဘိ၊က၊၂၅၁။)ဂစ္ဆန္တိ ဥဒ္ဒေသံ ဂစ္ဆန္တိ ပရိယာပန္နာ, နော စ ဝတ ရေ ဝတ္တဗ္ဗေ – ‘‘နတ္ထိ ကေစိ ဓမ္မာ ကေဟိစိ ဓမ္မေဟိ သင်္ဂဟိတာ’’တိ။
စက္ခာယတနံ ကတမက္ခန္ဓဂဏနံ [ကတမံ ခန္ဓဂဏနံ (သီ။ ပီ။ က။)] ဂစ္ဆတီတိ? ရူပက္ခန္ဓဂဏနံ ဂစ္ဆတီတိ။ ဟဉ္စိ စက္ခာယတနံ ရူပက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘စက္ခာယတနံ ရူပက္ခန္ဓေန သင်္ဂဟိတ’’န္တိ။ သောတာယတနံ ။ပ။ ဃာနာယတနံ ။ပ။ ဇိဝှါယတနံ ။ပ။ ကာယာယတနံ ကတမက္ခန္ဓဂဏနံ ဂစ္ဆတီတိ? ရူပက္ခန္ဓဂဏနံ ဂစ္ဆတီတိ။ ဟဉ္စိ ကာယာယတနံ ရူပက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘ကာယာယတနံ ရူပက္ခန္ဓေန သင်္ဂဟိတ’’န္တိ။
ရူပါယတနံ ။ပ။ သဒ္ဒါယတနံ ။ပ။ ဂန္ဓာယတနံ ။ပ။ ရသာယတနံ ။ပ။ ဖောဋ္ဌဗ္ဗာယတနံ ကတမက္ခန္ဓဂဏနံ ဂစ္ဆတီတိ? ရူပက္ခန္ဓဂဏနံ ဂစ္ဆတီတိ။ ဟဉ္စိ ဖောဋ္ဌဗ္ဗာယတနံ ရူပက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘ဖောဋ္ဌဗ္ဗာယတနံ ရူပက္ခန္ဓေန သင်္ဂဟိတ’’န္တိ။
သုခါ ဝေဒနာ ကတမက္ခန္ဓဂဏနံ ဂစ္ဆတီတိ? ဝေဒနာက္ခန္ဓဂဏနံ ဂစ္ဆတီတိ။ ဟဉ္စိ သုခါ ဝေဒနာ ဝေဒနာက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘သုခါ ဝေဒနာ ဝေဒနာက္ခန္ဓေန သင်္ဂဟိတာ’’တိ။ ဒုက္ခာ ဝေဒနာ ။ပ။ အဒုက္ခမသုခါ ဝေဒနာ ကတမက္ခန္ဓဂဏနံ ဂစ္ဆတီတိ? ဝေဒနာက္ခန္ဓဂဏနံ ဂစ္ဆတီတိ။ ဟဉ္စိ အဒုက္ခမသုခါ ဝေဒနာ ဝေဒနာက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘အဒုက္ခမသုခါ ဝေဒနာ ဝေဒနာက္ခန္ဓေန သင်္ဂဟိတာ’’တိ။
စက္ခုသမ္ဖဿဇာ သညာ ကတမက္ခန္ဓဂဏနံ ဂစ္ဆတီတိ? သညာက္ခန္ဓဂဏနံ ဂစ္ဆတီတိ။ ဟဉ္စိ စက္ခုသမ္ဖဿဇာ သညာ သညာက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘စက္ခုသမ္ဖဿဇာ သညာ သညာက္ခန္ဓေန သင်္ဂဟိတာ’’တိ။ သောတသမ္ဖဿဇာ သညာ ။ပ။ မနောသမ္ဖဿဇာ သညာ ကတမက္ခန္ဓဂဏနံ ဂစ္ဆတီတိ? သညာက္ခန္ဓဂဏနံ ဂစ္ဆတီတိ။ ဟဉ္စိ မနောသမ္ဖဿဇာ သညာ သညာက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘မနောသမ္ဖဿဇာ သညာ သညာက္ခန္ဓေန သင်္ဂဟိတာ’’တိ။
စက္ခုသမ္ဖဿဇာ စေတနာ ။ပ။ မနောသမ္ဖဿဇာ စေတနာ ကတမက္ခန္ဓဂဏနံ ဂစ္ဆတီတိ? သင်္ခါရက္ခန္ဓဂဏနံ ဂစ္ဆတီတိ။ ဟဉ္စိ မနောသမ္ဖဿဇာ စေတနာ သင်္ခါရက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘မနောသမ္ဖဿဇာ စေတနာ သင်္ခါရက္ခန္ဓေန သင်္ဂဟိတာ’’တိ။
(အဘိ၊က၊၂၅၂။)စက္ခုဝိညာဏံ ။ပ။ မနောဝိညာဏံ ကတမက္ခန္ဓဂဏနံ ဂစ္ဆတီတိ? ဝိညာဏက္ခန္ဓဂဏနံ ဂစ္ဆတီတိ။ ဟဉ္စိ မနောဝိညာဏံ ဝိညာဏက္ခန္ဓဂဏနံ ဂစ္ဆတိ, တေန ဝတ ရေ ဝတ္တဗ္ဗေ – ‘‘မနောဝိညာဏံ ဝိညာဏက္ခန္ဓေန သင်္ဂဟိတ’’န္တိ။
֍ ဋ္ဌ ၄၇၂။ ယထာ ဒါမေန ဝါ ယောတ္တေန ဝါ ဒွေ ဗလိဗဒ္ဒါ သင်္ဂဟိတာ, သိက္ကာယ ပိဏ္ဍပါတော သင်္ဂဟိတော, သာ ဂဒ္ဒုလေန သင်္ဂဟိတော၊ ဧဝမေဝ တေ ဓမ္မာ တေဟိ ဓမ္မေဟိ သင်္ဂဟိတာတိ [သကဝါဒိဝစနံ (အဋ္ဌကထာ ပဿိတဗ္ဗာ)]? ဟဉ္စိ ဒါမေန ဝါ ယောတ္တေန ဝါ ဒွေ ဗလီဗဒ္ဒါ သင်္ဂဟိတာ, သိက္ကာယ ပိဏ္ဍပါတော သင်္ဂဟိတော, သာ ဂဒ္ဒုလေန သင်္ဂဟိတော, တေန ဝတ ရေ ဝတ္တဗ္ဗေ – ‘‘အတ္ထိ ကေစိ ဓမ္မာ ကေဟိစိ ဓမ္မေဟိ သင်္ဂဟိတာ’’တိ [သကဝါဒိဝစနံ (အဋ္ဌကထာ ပဿိတဗ္ဗာ)]။
သင်္ဂဟိတကထာ နိဋ္ဌိတာ။
၇။ သတ္တမဝဂ္ဂ
(၆၄) ၂။ သမ္ပယုတ္တကထာ
֍ ဋ္ဌ ၄၇၃။ နတ္ထိ ကေစိ ဓမ္မာ ကေဟိစိ ဓမ္မေဟိ သမ္ပယုတ္တာတိ? အာမန္တာ။ နနု အတ္ထိ ကေစိ ဓမ္မာ ကေဟိစိ ဓမ္မေဟိ သဟဂတာ သဟဇာတာ သံသဋ္ဌာ ဧကုပ္ပါဒါ ဧကနိရောဓာ ဧကဝတ္ထုကာ ဧကာရမ္မဏာတိ? အာမန္တာ။ ဟဉ္စိ အတ္ထိ ကေစိ ဓမ္မာ ကေဟိစိ ဓမ္မေဟိ သဟဂတာ သဟဇာတာ သံသဋ္ဌာ ဧကုပ္ပါဒါ ဧကနိရောဓာ ဧကဝတ္ထုကာ ဧကာရမ္မဏာ, နော စ ဝတ ရေ ဝတ္တဗ္ဗေ – ‘‘နတ္ထိ ကေစိ ဓမ္မာ ကေဟိစိ ဓမ္မေဟိ သမ္ပယုတ္တာ’’တိ။
ဝေဒနာက္ခန္ဓော သညာက္ခန္ဓေန သဟဇာတောတိ? အာမန္တာ။ ဟဉ္စိ ဝေဒနာက္ခန္ဓော သညာက္ခန္ဓေန သဟဇာတော, တေန ဝတ ရေ ဝတ္တဗ္ဗေ – ‘‘ဝေဒနာက္ခန္ဓော သညာက္ခန္ဓေန သမ္ပယုတ္တော’’တိ။
ဝေဒနာက္ခန္ဓော သင်္ခါရက္ခန္ဓေန… ဝိညာဏက္ခန္ဓေန သဟဇာတောတိ? အာမန္တာ။ ဟဉ္စိ ဝေဒနာက္ခန္ဓော ဝိညာဏက္ခန္ဓေန သဟဇာတော, တေန ဝတ ရေ ဝတ္တဗ္ဗေ – ‘‘ဝေဒနာက္ခန္ဓော ဝိညာဏက္ခန္ဓေန သမ္ပယုတ္တော’’တိ။
(အဘိ၊က၊၂၅၃။)သညာက္ခန္ဓော … သင်္ခါရက္ခန္ဓော… ဝိညာဏက္ခန္ဓော ဝေဒနာခန္ဓေန… သညာက္ခန္ဓေန… သင်္ခါရက္ခန္ဓေန သဟဇာတောတိ? အာမန္တာ။ ဟဉ္စိ ဝိညာဏက္ခန္ဓော သင်္ခါရက္ခန္ဓေန သဟဇာတော, တေန ဝတ ရေ ဝတ္တဗ္ဗေ – ‘‘ဝိညာဏက္ခန္ဓော သင်္ခါရက္ခန္ဓေန သမ္ပယုတ္တော’’တိ။
֍ ဋ္ဌ ၄၇၄။ ယထာ တိလမှိ တေလံ အနုဂတံ အနုပဝိဋ္ဌံ, ဥစ္ဆုမှိ ရသော အနုဂတော အနုပဝိဋ္ဌော၊ ဧဝမေဝ တေ ဓမ္မာ တေဟိ ဓမ္မေဟိ အနုဂတာ အနုပဝိဋ္ဌာတိ? န ဟေဝံ ဝတ္တဗ္ဗေ ။ပ။
သမ္ပယုတ္တကထာ နိဋ္ဌိတာ။
၇။ သတ္တမဝဂ္ဂ
(၆၅) ၃။ စေတသိကကထာ
֍ ဋ္ဌ ၄၇၅။ နတ္ထိ စေတသိကော ဓမ္မောတိ? အာမန္တာ။ နနု အတ္ထိ ကေစိ ဓမ္မာ စိတ္တေန သဟဂတာ သဟဇာတာ သံသဋ္ဌာ သမ္ပယုတ္တာ ဧကုပ္ပါဒါ ဧကနိရောဓာ ဧကဝတ္ထုကာ ဧကာရမ္မဏာတိ? အာမန္တာ။ ဟဉ္စိ အတ္ထိ ကေစိ ဓမ္မာ စိတ္တေန သဟဂတာ သဟဇာတာ သံသဋ္ဌာ သမ္ပယုတ္တာ ဧကုပ္ပါဒါ ဧကနိရောဓာ ဧကဝတ္ထုကာ ဧကာရမ္မဏာ, နော စ ဝတ ရေ ဝတ္တဗ္ဗေ – ‘‘နတ္ထိ စေတသိကော ဓမ္မော’’တိ။
ဖဿော စိတ္တေန သဟဇာတောတိ? အာမန္တာ။ ဟဉ္စိ ဖဿော စိတ္တေန သဟဇာတော, တေန ဝတ ရေ ဝတ္တဗ္ဗေ – ‘‘ဖဿော စေတသိကော’’တိ။ ဝေဒနာ ။ပ။ သညာ… စေတနာ… သဒ္ဓါ… ဝီရိယံ… သတိ… သမာဓိ… ပညာ… ရာဂေါ… ဒေါသော… မောဟော ။ပ။ အနောတ္တပ္ပံ စိတ္တေန သဟဇာတန္တိ? အာမန္တာ။ ဟဉ္စိ အနောတ္တပ္ပံ စိတ္တေန သဟဇာတံ, တေန ဝတ ရေ ဝတ္တဗ္ဗေ – ‘‘အနောတ္တပ္ပံ စေတသိက’’န္တိ။
֍ ဋ္ဌ ၄၇၆။ စိတ္တေန သဟဇာတာတိ ကတွာ စေတသိကာတိ? အာမန္တာ။ ဖဿေန သဟဇာတာတိ ကတွာ ဖဿသိကာတိ [ဖဿိကာတိ (ပီ။ အဋ္ဌ။)]? အာမန္တာ။ စိတ္တေန
(အဘိ၊က၊၂၅၄။)သဟဇာတာတိ ကတွာ စေတသိကာတိ? အာမန္တာ။ ဝေဒနာယ… သညာယ… စေတနာယ… သဒ္ဓါယ… ဝီရိယေန… သတိယာ… သမာဓိနာ… ပညာယ… ရာဂေန… ဒေါသေန… မောဟေန ။ပ။ အနောတ္တပ္ပေန သဟဇာတာတိ ကတွာ အနောတ္တပ္ပါသိကာတိ [အနောတ္တပ္ပိကာတိ (?)]? အာမန္တာ။
֍ ဋ္ဌ ၄၇၇။ နတ္ထိ စေတသိကော ဓမ္မောတိ? အာမန္တာ။ နနု ဝုတ္တံ ဘဂဝတာ –
‘‘စိတ္တဉှိဒံ စေတသိကာ စ ဓမ္မာ,
အနတ္တတော သံဝိဒိတဿ ဟောန္တိ၊
ဟီနပ္ပဏီတံ တဒုဘယေ ဝိဒိတွာ,
သမ္မဒ္ဒသော ဝေဒိ ပလောကဓမ္မ’’န္တိ။
အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ စေတသိကော ဓမ္မောတိ။
နတ္ထိ စေတသိကော ဓမ္မောတိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ကေဝဋ္ဋ, ဘိက္ခု ပရသတ္တာနံ ပရပုဂ္ဂလာနံ စိတ္တမ္ပိ အာဒိသတိ စေတသိကမ္ပိ အာဒိသတိ ဝိတက္ကိတမ္ပိ အာဒိသတိ ဝိစာရိတမ္ပိ အာဒိသတိ – ‘ဧဝမ္ပိ တေ မနော, ဣတ္ထမ္ပိ တေ မနော, ဣတိပိ တေ စိတ္တ’’’န္တိ [ဒီ။ နိ။ ၁။၄၈၅]။ အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ စေတသိကော ဓမ္မောတိ။
စေတသိကကထာ နိဋ္ဌိတာ။
၇။ သတ္တမဝဂ္ဂ
(၆၆) ၄။ ဒါနကထာ
֍ ဋ္ဌ ၄၇၈။ စေတသိကော ဓမ္မော ဒါနန္တိ? အာမန္တာ။ လဗ္ဘာ စေတသိကော ဓမ္မော ပရေသံ ဒါတုန္တိ? န ဟေဝံ ဝတ္တဗ္ဗေ ။ပ။ လဗ္ဘာ စေတသိကော ဓမ္မော ပရေသံ ဒါတုန္တိ? အာမန္တာ။ လဗ္ဘာ ဖဿော ပရေသံ ဒါတုန္တိ? န ဟေဝံ ဝတ္တဗ္ဗေ ။ပ။ လဗ္ဘာ ဝေဒနာ ။ပ။ သညာ… စေတနာ… သဒ္ဓါ… ဝီရိယံ… သတိ… သမာဓိ… ပညာ ပရေသံ ဒါတုန္တိ? န ဟေဝံ ဝတ္တဗ္ဗေ ။ပ။
(အဘိ၊က၊၂၅၅။)֍ ဋ္ဌ ၄၇၉။ န ဝတ္တဗ္ဗံ – စေတသိကော ဓမ္မော ဒါနန္တိ? အာမန္တာ။ ဒါနံ အနိဋ္ဌဖလံ အကန္တဖလံ အမနုညဖလံ သေစနကဖလံ ဒုက္ခုဒြယံ ဒုက္ခဝိပါကန္တိ? န ဟေဝံ ဝတ္တဗ္ဗေ ။ပ။ နနု ဒါနံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ? အာမန္တာ။ ဟဉ္စိ ဒါနံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကံ, တေန ဝတ ရေ ဝတ္တဗ္ဗေ – ‘‘စေတသိကော ဓမ္မော ဒါန’’န္တိ။
ဒါနံ ဣဋ္ဌဖလံ ဝုတ္တံ ဘဂဝတာ, စီဝရံ ဒါနန္တိ [ဥပရိ ဝုစ္စမာနာယ ပရဝါဒီပုစ္ဆာယ သဒိသာ, အဋ္ဌကထာ ဩလောကေတဗ္ဗာ]? အာမန္တာ။ စီဝရံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ? န ဟေဝံ ဝတ္တဗ္ဗေ ။ပ။ ဒါနံ ဣဋ္ဌဖလံ ဝုတ္တံ ဘဂဝတာ, ပိဏ္ဍပါတော သေနာသနံ ဂိလာနပစ္စယဘေသဇ္ဇပရိက္ခာရော ဒါနန္တိ? အာမန္တာ။ ဂိလာနပစ္စယဘေသဇ္ဇပရိက္ခာရော ဣဋ္ဌဖလော ကန္တဖလော မနုညဖလော အသေစနကဖလော သုခုဒြယော သုခဝိပါကောတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၈၀။ န ဝတ္တဗ္ဗံ – ‘‘စေတသိကော ဓမ္မော ဒါန’’န္တိ? အာမန္တာ။ နနု ဝုတ္တံ ဘဂဝတာ –
ဓမ္မာ ဧတေ သပ္ပုရိသာနုယာတာ၊
ဧတဉှိ မဂ္ဂံ ဒိဝိယံ ဝဒန္တိ,
ဧတေန ဟိ ဂစ္ဆတိ ဒေဝလောက’’န္တိ [အ။ နိ။ ၈။၃၂]။
အတ္ထေဝ သုတ္တန္တောတိ? အာမန္တာ။ တေန ဟိ စေတသိကော ဓမ္မော ဒါနန္တိ။
န ဝတ္တဗ္ဗံ – ‘‘စေတသိကော ဓမ္မော ဒါန’’န္တိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမာနိ, ဘိက္ခဝေ, ဒါနာနိ မဟာဒါနာနိ အဂ္ဂညာနိ ရတ္တညာနိ ဝံသညာနိ ပေါရာဏာနိ အသင်္ကိဏ္ဏာနိ အသင်္ကိဏ္ဏပုဗ္ဗာနိ, န သင်္ကိယန္တိ န သင်္ကိယိဿန္တိ, အပ္ပဋိကုဋ္ဌာနိ သမဏေဟိ ဗြာဟ္မဏေဟိ ဝိညူဟိ! ကတမာနိ ပဉ္စ? ဣဓ, ဘိက္ခဝေ, အရိယသာဝကော ပါဏာတိပါတံ ပဟာယ ပါဏာတိပါတာ ပဋိဝိရတော ဟောတိ။ ပါဏာတိပါတာ ပဋိဝိရတော, ဘိက္ခဝေ, အရိယသာဝကော အပရိမာဏာနံ သတ္တာနံ အဘယံ ဒေတိ အဝေရံ ဒေတိ အဗျာဗဇ္ဈံ [အဗျာပဇ္ဈံ (သျာ။ က။)] ဒေတိ။ အပရိမာဏာနံ သတ္တာနံ အဘယံ ဒတွာ အဝေရံ ဒတွာ အဗျာဗဇ္ဈံ ဒတွာ အပရိမာဏဿ အဘယဿ အဝေရဿ အဗျာဗဇ္ဈဿ ဘာဂီ ဟောတိ။ ဣဒံ,
(အဘိ၊က၊၂၅၆။)ဘိက္ခဝေ, ပဌမံ ဒါနံ မဟာဒါနံ အဂ္ဂညံ ရတ္တညံ ဝံသညံ ပေါရာဏံ အသင်္ကိဏ္ဏံ အသင်္ကိဏ္ဏပုဗ္ဗံ, န သင်္ကိယတိ န သင်္ကိယိဿတိ, အပ္ပဋိကုဋ္ဌံ သမဏေဟိ ဗြာဟ္မဏေဟိ ဝိညူဟိ။ ပုန စပရံ, ဘိက္ခဝေ, အရိယသာဝကော အဒိန္နာဒါနံ ပဟာယ ။ပ။ ကာမေသုမိစ္ဆာစာရံ ပဟာယ ။ပ။ မုသာဝါဒံ ပဟာယ ။ပ။ သုရာမေရယမဇ္ဇပမာဒဋ္ဌာနံ ပဟာယ သုရာမေရယမဇ္ဇပမာဒဋ္ဌာနာ ပဋိဝိရတော ဟောတိ။ သုရာမေရယမဇ္ဇပမာဒဋ္ဌာနာ ပဋိဝိရတော, ဘိက္ခဝေ, အရိယသာဝကော အပရိမာဏာနံ သတ္တာနံ အဘယံ ဒေတိ အဝေရံ ဒေတိ အဗျာဗဇ္ဈံ ဒေတိ။ အပရိမာဏာနံ သတ္တာနံ အဘယံ ဒတွာ အဝေရံ ဒတွာ အဗျာဗဇ္ဈံ ဒတွာ အပရိမာဏဿ အဘယဿ အဝေရဿ အဗျာဗဇ္ဈဿ ဘာဂီ ဟောတိ။ ဣဒံ, ဘိက္ခဝေ, ပဉ္စမံ ဒါနံ မဟာဒါနံ အဂ္ဂညံ ရတ္တညံ ဝံသညံ ပေါရာဏံ အသင်္ကိဏ္ဏံ အသင်္ကိဏ္ဏပုဗ္ဗံ, န သင်္ကိယတိ န သင်္ကိယိဿတိ, အပ္ပဋိကုဋ္ဌံ သမဏေဟိ ဗြာဟ္မဏေဟိ ဝိညူဟိ။ ဣမာနိ ခေါ, ဘိက္ခဝေ, ပဉ္စ ဒါနာနိ မဟာဒါနာနိ အဂ္ဂညာနိ ရတ္တညာနိ ဝံသညာနိ ပေါရာဏာနိ အသင်္ကိဏ္ဏာနိ အသင်္ကိဏ္ဏပုဗ္ဗာနိ, န သင်္ကိယန္တိ န သင်္ကိယိဿန္တိ, အပ္ပဋိကုဋ္ဌာနိ သမဏေဟိ ဗြာဟ္မဏေဟိ ဝိညူဟီ’’တိ [အ။ နိ။ ၈။၃၉]။ အတ္ထေဝ သုတ္တန္တောတိ? အာမန္တာ။ တေန ဟိ စေတသိကော ဓမ္မော ဒါနန္တိ။
֍ ဋ္ဌ ၄၈၁။ န ဝတ္တဗ္ဗံ – ‘‘ဒေယျဓမ္မော ဒါန’’န္တိ? အာမန္တာ။ နနု ဝုတ္တံ ဘဂဝတာ – ‘‘ဣဓေကစ္စော အန္နံ ဒေတိ, ပါနံ ဒေတိ, ဝတ္ထံ ဒေတိ, ယာနံ ဒေတိ, မာလံ ဒေတိ, ဂန္ဓံ ဒေတိ, ဝိလေပနံ ဒေတိ, သေယျံ ဒေတိ, အာဝသထံ ဒေတိ, ပဒီပေယျံ ဒေတီ’’တိ [သံ။ နိ။ ၃။၃၆၂-၃၉၁ ထောကံ ဝိသဒိသံ]! အတ္ထေဝ သုတ္တန္တောတိ? အာမန္တာ။ တေန ဟိ ဒေယျဓမ္မော ဒါနန္တိ။
֍ ဋ္ဌ ၄၈၂။ ဒေယျဓမ္မော ဒါနန္တိ? အာမန္တာ။ ဒေယျဓမ္မော ဣဋ္ဌဖလော ကန္တဖလော မနုညဖလော အသေစနကဖလော သုခုဒြယော သုခဝိပါကောတိ? န ဟေဝံ ဝတ္တဗ္ဗေ ။ပ။ ဒါနံ ဣဋ္ဌဖလံ ဝုတ္တံ ဘဂဝတာ, စီဝရံ ဒါနန္တိ? အာမန္တာ။ စီဝရံ ဣဋ္ဌဖလံ ကန္တဖလံ မနုညဖလံ အသေစနကဖလံ သုခုဒြယံ သုခဝိပါကန္တိ? န ဟေဝံ ဝတ္တဗ္ဗေ ။ပ။ ဒါနံ ဣဋ္ဌဖလံ ဝုတ္တံ ဘဂဝတာ, ပိဏ္ဍပါတော ဒါနံ… သေနာသနံ ဒါနံ… ဂိလာနပစ္စယဘေသဇ္ဇပရိက္ခာရော ဒါနန္တိ? အာမန္တာ။ ဂိလာနပစ္စယဘေသဇ္ဇပရိက္ခာရော ဣဋ္ဌဖလော ကန္တဖလော မနုညဖလော
(အဘိ၊က၊၂၅၇။)အသေစနကဖလော သုခုဒြယော သုခဝိပါကောတိ? န ဟေဝံ ဝတ္တဗ္ဗေ ။ပ။ တေန ဟိ န ဝတ္တဗ္ဗံ – ‘‘ဒေယျဓမ္မော ဒါန’’န္တိ။
ဒါနကထာ နိဋ္ဌိတာ။
၇။ သတ္တမဝဂ္ဂ
(၆၇) ၅။ ပရိဘောဂမယပုညကထာ
֍ ဋ္ဌ ၄၈၃။ ပရိဘောဂမယံ ပုညံ ဝဍ္ဎတီတိ? အာမန္တာ။ ပရိဘောဂမယော ဖဿော ဝဍ္ဎတိ, ဝေဒနာ ဝဍ္ဎတိ, သညာ ဝဍ္ဎတိ, စေတနာ ဝဍ္ဎတိ, စိတ္တံ ဝဍ္ဎတိ, သဒ္ဓါ ဝဍ္ဎတိ, ဝီရိယံ ဝဍ္ဎတိ, သတိ ဝဍ္ဎတိ, သမာဓိ ဝဍ္ဎတိ, ပညာ ဝဍ္ဎတီတိ? န ဟေဝံ ဝတ္တဗ္ဗေ ။ပ။
ပရိဘောဂမယံ ပုညံ ဝဍ္ဎတီတိ? အာမန္တာ။ လတာ ဝိယ ဝဍ္ဎတိ, မာလုဝါ ဝိယ ဝဍ္ဎတိ, ရုက္ခော ဝိယ ဝဍ္ဎတိ, တိဏံ ဝိယ ဝဍ္ဎတိ, မုဉ္ဇပုဉ္ဇော ဝိယ ဝဍ္ဎတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၈၄။ ပရိဘောဂမယံ ပုညံ ဝဍ္ဎတီတိ? အာမန္တာ။ ဒါယကော ဒါနံ ဒတွာ န သမန္နာဟရတိ, ဟောတိ ပုညန္တိ? အာမန္တာ။ အနာဝဋ္ဋေန္တဿ [အနာဝဋ္ဋန္တဿ (သီ။ ပီ။ က။), အနာဝဇ္ဈန္တဿ (သျာ။)] ဟောတိ… အနာဘောဂဿ ဟောတိ… အသမန္နာဟရန္တဿ ဟောတိ… အမနသိကရောန္တဿ ဟောတိ… အစေတယန္တဿ ဟောတိ… အပတ္ထယန္တဿ ဟောတိ… အပ္ပဏိဒဟန္တဿ ဟောတီတိ? န ဟေဝံ ဝတ္တဗ္ဗေ ။ပ။ နနု အာဝဋ္ဋေန္တဿ ဟောတိ… အာဘောဂဿ ဟောတိ… သမန္နာဟရန္တဿ ဟောတိ… မနသိကရောန္တဿ ဟောတိ… စေတယန္တဿ ဟောတိ… ပတ္ထယန္တဿ ဟောတိ… ပဏိဒဟန္တဿ ဟောတီတိ? အာမန္တာ။ ဟဉ္စိ အာဝဋ္ဋေန္တဿ ဟောတိ… အာဘောဂဿ ဟောတိ… သမန္နာဟရန္တဿ ဟောတိ… မနသိကရောန္တဿ ဟောတိ… စေတယန္တဿ ဟောတိ… ပတ္ထယန္တဿ ဟောတိ… ပဏိဒဟန္တဿ ဟောတိ, နော စ ဝတ ရေ ဝတ္တဗ္ဗေ – ‘‘ပရိဘောဂမယံ ပုညံ ဝဍ္ဎတီ’’တိ။
֍ ဋ္ဌ ၄၈၅။ ပရိဘောဂမယံ ပုညံ ဝဍ္ဎတီတိ? အာမန္တာ။ ဒါယကော ဒါနံ ဒတွာ ကာမဝိတက္ကံ ဝိတက္ကေတိ, ဗျာပါဒဝိတက္ကံ ဝိတက္ကေတိ, ဝိဟိံသာဝိတက္ကံ
(အဘိ၊က၊၂၅၈။)ဝိတက္ကေတိ, ဟောတိ ပုညန္တိ? အာမန္တာ။ ဒွိန္နံ ဖဿာနံ ။ပ။ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ ။ပ။ ဒွိန္နံ ဖဿာနံ ။ပ။ ဒွိန္နံ စိတ္တာနံ သမောဓာနံ ဟောတီတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ ။ပ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ။ ဩရိမဉ္စ, ဘိက္ခဝေ, တီရံ သမုဒ္ဒဿ ပါရိမဉ္စ တီရံ – ဣဒံ ဒုတိယံ သုဝိဒူရဝိဒူရံ။ ယတော စ, ဘိက္ခဝေ, ဝေရောစနော အဗ္ဘုဒေတိ ယတ္ထ စ အတ္ထမေတိ – ဣဒံ တတိယံ သုဝိဒူရဝိဒူရံ။ သတဉ္စ, ဘိက္ခဝေ, ဓမ္မော အသတဉ္စ ဓမ္မော – ဣဒံ စတုတ္ထံ သုဝိဒူရဝိဒူရံ။ ဣမာနိ ခေါ, ဘိက္ခဝေ, စတ္တာရိ သုဝိဒူရဝိဒူရာနီတိ။
‘‘နဘဉ္စ ဒူရေ ပထဝီ စ ဒူရေ,
ပါရံ သမုဒ္ဒဿ တဒါဟု ဒူရေ၊
ပဘင်္ကရော ယတ္ထ စ အတ္ထမေတိ။
သတဉ္စ ဓမ္မံ အသတဉ္စ ဓမ္မံ၊
အဗျာယိကော ဟောတိ သတံ သမာဂမော,
ယာဝမ္ပိ တိဋ္ဌေယျ တထေဝ ဟောတိ။
‘‘ခိပ္ပဉှိ ဝေတိ [ခိပ္ပံဟဝေတိ (ဗဟူသု)] အသတံ သမာဂမော၊
တသ္မာ သတံ ဓမ္မော အသဗ္ဘိ အာရကာ’’တိ [အ။ နိ။ ၄။၄၇]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီ’’တိ။
֍ ဋ္ဌ ၄၈၆။ န ဝတ္တဗ္ဗံ – ‘‘ပရိဘောဂမယံ ပုညံ ဝဍ္ဎတီ’’တိ? အာမန္တာ။ နနု ဝုတ္တံ ဘဂဝတာ –
‘‘အာရာမရောပါ ဝနရောပါ, ယေ ဇနာ သေတုကာရကာ၊
ပပဉ္စ ဥဒပါနဉ္စ, ယေ ဒဒန္တိ ဥပဿယံ။
(အဘိ၊က၊၂၅၉။)‘‘တေသံ ဒိဝါ စ ရတ္တော စ, သဒါ ပုညံ ပဝဍ္ဎတိ၊
ဓမ္မဋ္ဌာ သီလသမ္ပန္နာ, တေ ဇနာ သဂ္ဂဂါမိနော’’တိ [သံ။ နိ။ ၁။၄၇]။
အတ္ထေဝ သုတ္တန္တောတိ? အာမန္တာ။ တေန ဟိ ပရိဘောဂမယံ ပုညံ ဝဍ္ဎတီတိ။
န ဝတ္တဗ္ဗံ – ‘‘ပရိဘောဂမယံ ပုညံ ဝဍ္ဎတီ’’တိ? အာမန္တာ။ နနု ဝုတ္တံ ဘဂဝတာ – ‘‘စတ္တာရောမေ, ဘိက္ခဝေ, ပုညာဘိသန္ဒာ ကုသလာဘိသန္ဒာ သုခဿာဟာရာ သောဝဂ္ဂိကာ သုခဝိပါကာ သဂ္ဂသံဝတ္တနိကာ ဣဋ္ဌာယ ကန္တာယ မနာပါယ ဟိတာယ သုခါယ သံဝတ္တန္တိ! ကတမေ စတ္တာရော? ယဿ, ဘိက္ခဝေ, ဘိက္ခု စီဝရံ ပရိဘုဉ္ဇမာနော အပ္ပမာဏံ စေတောသမာဓိံ ဥပသမ္ပဇ္ဇ ဝိဟရတိ, အပ္ပမာဏော တဿ ပုညာဘိသန္ဒော ကုသလာဘိသန္ဒော သုခဿာဟာရော သောဝဂ္ဂိကော သုခဝိပါကော သဂ္ဂသံဝတ္တနိကော ဣဋ္ဌာယ ကန္တာယ မနာပါယ ဟိတာယ သုခါယ သံဝတ္တတိ။ ယဿ, ဘိက္ခဝေ, ဘိက္ခု ပိဏ္ဍပါတံ ပရိဘုဉ္ဇမာနော ။ပ။ သေနာသနံ ပရိဘုဉ္ဇမာနော ။ပ။ ဂိလာနပစ္စယဘေသဇ္ဇပရိက္ခာရံ ပရိဘုဉ္ဇမာနော အပ္ပမာဏံ စေတောသမာဓိံ ဥပသမ္ပဇ္ဇ ဝိဟရတိ, အပ္ပမာဏော တဿ ပုညာဘိသန္ဒော ကုသလာဘိသန္ဒော သုခဿာဟာရော သောဝဂ္ဂိကော သုခဝိပါကော သဂ္ဂသံဝတ္တနိကော ဣဋ္ဌာယ ကန္တာယ မနာပါယ ဟိတာယ သုခါယ သံဝတ္တတိ။ ဣမေ ခေါ, ဘိက္ခဝေ, စတ္တာရော ပုညာဘိသန္ဒာ ကုသလာဘိသန္ဒာ သုခဿာဟာရာ သောဝဂ္ဂိကာ သုခဝိပါကာ သဂ္ဂသံဝတ္တနိကာ ဣဋ္ဌာယ ကန္တာယ မနာပါယ ဟိတာယ သုခါယ သံဝတ္တန္တီ’’တိ [အ။ နိ။ ၄။၅၁]။ အတ္ထေဝ သုတ္တန္တောတိ? အာမန္တာ။ တေန ဟိ ပရိဘောဂမယံ ပုညံ ဝဍ္ဎတီတိ။
֍ ဋ္ဌ ၄၈၇။ ပရိဘောဂမယံ ပုညံ ဝဍ္ဎတီတိ? အာမန္တာ။ ဒါယကော ဒါနံ ဒေတိ, ပဋိဂ္ဂါဟကော ပဋိဂ္ဂဟေတွာ န ပရိဘုဉ္ဇတိ ဆဍ္ဍေတိ ဝိဿဇ္ဇေတိ, ဟောတိ ပုညန္တိ? အာမန္တာ။ ဟဉ္စိ ဒါယကော ဒါနံ ဒေတိ, ပဋိဂ္ဂါဟကော ပဋိဂ္ဂဟေတွာ န ပရိဘုဉ္ဇတိ ဆဍ္ဍေတိ ဝိဿဇ္ဇေတိ, ဟောတိ ပုညံ၊ နော စ ဝတ ရေ ဝတ္တဗ္ဗေ – ‘‘ပရိဘောဂမယံ ပုညံ ဝဍ္ဎတီ’’တိ။
ပရိဘောဂမယံ ပုညံ ဝဍ္ဎတီတိ? အာမန္တာ။ ဒါယကော ဒါနံ ဒေတိ, ပဋိဂ္ဂါဟကေ ပဋိဂ္ဂဟိတေ ရာဇာနော ဝါ ဟရန္တိ, စောရာ ဝါ ဟရန္တိ, အဂ္ဂိ ဝါ ဒဟတိ, ဥဒကံ ဝါ ဝဟတိ, အပ္ပိယာ ဝါ ဒါယာဒါ ဟရန္တိ, ဟောတိ ပုညန္တိ?
(အဘိ၊က၊၂၆၀။)အာမန္တာ။ ဟဉ္စိ ဒါယကော ဒါနံ ဒေတိ, ပဋိဂ္ဂါဟကေ ပဋိဂ္ဂဟိတေ ရာဇာနော ဝါ ဟရန္တိ, စောရာ ဝါ ဟရန္တိ, အဂ္ဂိ ဝါ ဒဟတိ, ဥဒကံ ဝါ ဝဟတိ, အပ္ပိယာ ဝါ ဒါယာဒါ ဟရန္တိ, ဟောတိ ပုညံ၊ နော စ ဝတ ရေ ဝတ္တဗ္ဗေ – ‘‘ပရိဘောဂမယံ ပုညံ ဝဍ္ဎတီ’’တိ။
ပရိဘောဂမယပုညကထာ နိဋ္ဌိတာ။
၇။ သတ္တမဝဂ္ဂ
(၆၈) ၆။ ဣတောဒိန္နကထာ
֍ ဋ္ဌ ၄၈၈။ ဣတော ဒိန္နေန တတ္ထ ယာပေန္တီတိ? အာမန္တာ။ ဣတော စီဝရံ ဒေန္တိ တံ စီဝရံ တတ္ထ ပရိဘုဉ္ဇန္တီတိ? န ဟေဝံ ဝတ္တဗ္ဗေ ။ပ။ ဣတော ပိဏ္ဍပါတံ ဒေန္တိ, ဣတော သေနာသနံ ဒေန္တိ, ဣတော ဂိလာနပစ္စယဘေသဇ္ဇပရိက္ခာရံ ဒေန္တိ, ဣတော ခါဒနီယံ ဒေန္တိ, ဣတော ဘောဇနီယံ ဒေန္တိ, ဣတော ပါနီယံ ဒေန္တိ၊ တံ ပါနီယံ တတ္ထ ပရိဘုဉ္ဇန္တီတိ? န ဟေဝံ ဝတ္တဗ္ဗေ ။ပ။
ဣတော ဒိန္နေန တတ္ထ ယာပေန္တီတိ? အာမန္တာ။ အညော အညဿ ကာရကော ပရကတံ သုခဒုက္ခံ အညော ကရောတိ, အညော ပဋိသံဝေဒေတီတိ? န ဟေဝံ ဝတ္တဗ္ဗေ ။ပ။
֍ ဋ္ဌ ၄၈၉။ န ဝတ္တဗ္ဗံ – ‘‘ဣတော ဒိန္နေန တတ္ထ ယာပေန္တီ’’တိ? အာမန္တာ။ နနု ပေတာ အတ္တနော အတ္ထာယ ဒါနံ ဒေန္တံ အနုမောဒေန္တိ, စိတ္တံ ပသာဒေန္တိ, ပီတိံ ဥပ္ပါဒေန္တိ, သောမနဿံ ပဋိလဘန္တီတိ? အာမန္တာ။ ဟဉ္စိ ပေတာ အတ္တနော အတ္ထာယ ဒါနံ ဒေန္တံ အနုမောဒေန္တိ, စိတ္တံ ပသာဒေန္တိ, ပီတိံ ဥပ္ပါဒေန္တိ, သောမနဿံ ပဋိလဘန္တိ၊ တေန ဝတ ရေ ဝတ္တဗ္ဗေ – ‘‘ဣတော ဒိန္နေန တတ္ထ ယာပေန္တီ’’တိ။
֍ ဋ္ဌ ၄၉၀။ န ဝတ္တဗ္ဗံ – ‘‘ဣတော ဒိန္နေန တတ္ထ ယာပေန္တီ’’တိ? အာမန္တာ။ နနု ဝုတ္တံ ဘဂဝတာ –
‘‘ဥန္နမေ ဥဒကံ ဝုဋ္ဌံ, ယထာနိန္နံ ပဝတ္တတိ၊
ဧဝမေဝ ဣတော ဒိန္နံ, ပေတာနံ ဥပကပ္ပတိ။
(အဘိ၊က၊၂၆၁။)‘‘ယထာ ဝါရိဝဟာ ပူရာ, ပရိပူရေန္တိ သာဂရံ၊
ဧဝမေဝ ဣတော ဒိန္နံ, ပေတာနံ ဥပကပ္ပတိ။
‘‘န ဟိ တတ္ထ ကသီ အတ္ထိ, ဂေါရက္ခေတ္ထ န ဝိဇ္ဇတိ၊
ဝဏိဇ္ဇာ တာဒိသီ နတ္ထိ, ဟိရညေန ကယာကယံ [ကယက္ကယံ (သီ။ ပီ။)]၊
ဣတော ဒိန္နေန ယာပေန္တိ, ပေတာ ကာလင်္ကတာ တဟိ’’န္တိ [ခု။ ပါ။ ၇။၆၊ ပေ။ ဝ။ ၁၉]။
အတ္ထေဝ သုတ္တန္တောတိ? အာမန္တာ။ တေန ဟိ ဣတော ဒိန္နေန တတ္ထ ယာပေန္တီတိ။
֍ ဋ္ဌ ၄၉၁။ န ဝတ္တဗ္ဗံ – ‘‘ဣတော ဒိန္နေန တတ္ထ ယာပေန္တီ’’တိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမာနိ, ဘိက္ခဝေ, ဌာနာနိ သမ္ပဿန္တာ မာတာပိတရော ပုတ္တံ ဣစ္ဆန္တိ ကုလေ ဇာယမာနံ! ကတမာနိ ပဉ္စ? ဘဋော ဝါ နော ဘရိဿတိ, ကိစ္စံ ဝါ နော ကရိဿတိ, ကုလဝံသော စိရံ ဌဿတိ, ဒါယဇ္ဇံ ပဋိပဇ္ဇိဿတိ, အထ ဝါ ပန ပေတာနံ ကာလင်္ကတာနံ ဒက္ခိဏံ အနုပ္ပဒဿတိ – ဣမာနိ ခေါ, ဘိက္ခဝေ, ပဉ္စ ဌာနာနိ သမ္ပဿန္တာ မာတာပိတရော ပုတ္တံ ဣစ္ဆန္တိ ကုလေ ဇာယမာန’’န္တိ။
‘‘ပဉ္စ ဌာနာနိ သမ္ပဿံ, ပုတ္တံ ဣစ္ဆန္တိ ပဏ္ဍိတာ၊
ဘဋော ဝါ နော ဘရိဿတိ, ကိစ္စံ ဝါ နော ကရိဿတိ။
‘‘ကုလဝံသော စိရံ တိဋ္ဌေ, ဒါယဇ္ဇံ ပဋိပဇ္ဇတိ၊
အထ ဝါ ပန ပေတာနံ, ဒက္ခိဏံ အနုပ္ပဒဿတိ။
‘‘ဌာနာနေတာနိ သမ္ပဿံ, ပုတ္တံ ဣစ္ဆန္တိ ပဏ္ဍိတာ၊
တသ္မာ သန္တော သပ္ပုရိသာ, ကတညူ ကတဝေဒိနော။
‘‘ဘရန္တိ မာတာပိတရော, ပုဗ္ဗေ ကတမနုဿရံ၊
ကရောန္တိ တေသံ ကိစ္စာနိ, ယထာ တံ ပုဗ္ဗကာရိနံ။
‘‘ဩဝါဒကာရီ ဘဋပေါသီ, ကုလဝံသံ အဟာပယံ၊
သဒ္ဓေါ သီလေန သမ္ပန္နော, ပုတ္တော ဟောတိ ပသံသိယော’’တိ [အ။ နိ။ ၅။၃၁]။
အတ္ထေဝ သုတ္တန္တောတိ? အာမန္တာ။ တေန ဟိ ဣတော ဒိန္နေန တတ္ထ ယာပေန္တီတိ။
ဣတော ဒိန္နကထာ နိဋ္ဌိတာ။
(အဘိ၊က၊၂၆၂။)၇။ သတ္တမဝဂ္ဂ
(၆၉) ၇။ ပထဝီ ကမ္မဝိပါကောတိကထာ
֍ ဋ္ဌ ၄၉၂။ ပထဝီ ကမ္မဝိပါကောတိ? အာမန္တာ။ သုခဝေဒနိယာ ဒုက္ခဝေဒနိယာ အဒုက္ခမသုခဝေဒနိယာ, သုခါယ ဝေဒနာယ သမ္ပယုတ္တာ, ဒုက္ခာယ ဝေဒနာယ သမ္ပယုတ္တာ, အဒုက္ခမသုခါယ ဝေဒနာယ သမ္ပယုတ္တာ, ဖဿေန သမ္ပယုတ္တာ, ဝေဒနာယ သမ္ပယုတ္တာ, သညာယ သမ္ပယုတ္တာ, စေတနာယ သမ္ပယုတ္တာ, စိတ္တေန သမ္ပယုတ္တာ, သာရမ္မဏာ၊ အတ္ထိ တာယ အာဝဋ္ဋနာ [အာဝဇ္ဇနာ (သျာ။ ကံ။)] အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု န သုခဝေဒနိယာ န ဒုက္ခဝေဒနိယာ န အဒုက္ခမသုခဝေဒနိယာ, န သုခါယ ဝေဒနာယ သမ္ပယုတ္တာ, န ဒုက္ခာယ ဝေဒနာယ သမ္ပယုတ္တာ, န အဒုက္ခမသုခါယ ဝေဒနာယ သမ္ပယုတ္တာ, န ဖဿေန သမ္ပယုတ္တာ, န ဝေဒနာယ သမ္ပယုတ္တာ, န သညာယ သမ္ပယုတ္တာ, န စေတနာယ သမ္ပယုတ္တာ, န စိတ္တေန သမ္ပယုတ္တာ, အနာရမ္မဏာ၊ နတ္ထိ တာယ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? အာမန္တာ။ ဟဉ္စိ န သုခဝေဒနိယာ န ဒုက္ခဝေဒနိယာ…ပေ… အနာရမ္မဏာ၊ နတ္ထိ တာယ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ပထဝီ ကမ္မဝိပါကော’’တိ။
ဖဿော ကမ္မဝိပါကော, ဖဿော သုခဝေဒနိယော ဒုက္ခဝေဒနိယော အဒုက္ခမသုခဝေဒနိယော သုခါယ ဝေဒနာယ သမ္ပယုတ္တော ဒုက္ခာယ…ပေ… အဒုက္ခမသုခါယ ဝေဒနာယ သမ္ပယုတ္တော ဖဿေန သမ္ပယုတ္တော ဝေဒနာယ သမ္ပယုတ္တော သညာယ သမ္ပယုတ္တော စေတနာယ သမ္ပယုတ္တော စိတ္တေန သမ္ပယုတ္တော သာရမ္မဏော၊ အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ပထဝီ ကမ္မဝိပါကော, ပထဝီ သုခဝေဒနိယာ ဒုက္ခဝေဒနိယာ အဒုက္ခမသုခဝေဒနိယာ သုခါယ ဝေဒနာယ သမ္ပယုတ္တာ ဒုက္ခာယ…ပေ… အဒုက္ခမသုခါယ ဝေဒနာယ သမ္ပယုတ္တာ ဖဿေန သမ္ပယုတ္တာ ဝေဒနာယ သမ္ပယုတ္တာ သညာယ သမ္ပယုတ္တာ စေတနာယ သမ္ပယုတ္တာ စိတ္တေန သမ္ပယုတ္တာ သာရမ္မဏာ၊ အတ္ထိ တာယ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ …ပေ… ပထဝီ ကမ္မဝိပါကော, ပထဝီ န သုခဝေဒနိယာ န ဒုက္ခဝေဒနိယာ…ပေ… အနာရမ္မဏာ၊ နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ကမ္မဝိပါကော, ဖဿော န သုခဝေဒနိယော န
(အဘိ၊က၊၂၆၃။)ဒုက္ခဝေဒနိယော …ပေ… အနာရမ္မဏော၊ နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ပထဝီ ကမ္မဝိပါကောတိ? အာမန္တာ။ ပထဝီ ပဂ္ဂဟနိဂ္ဂဟုပဂါ ဆေဒနဘေဒနုပဂါတိ? အာမန္တာ။ ကမ္မဝိပါကော ပဂ္ဂဟနိဂ္ဂဟုပဂေါ ဆေဒနဘေဒနုပဂေါတိ? န ဟေဝံ ဝတ္တဗ္ဗေ…ပေ…။
လဗ္ဘာ ပထဝီ ကေတုံ ဝိက္ကေတုံ အာဌပေတုံ ဩစိနိတုံ ဝိစိနိတုန္တိ? အာမန္တာ။ လဗ္ဘာ ကမ္မဝိပါကော ကေတုံ ဝိက္ကေတုံ အာဌပေတုံ ဩစိနိတုံ ဝိစိနိတုန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၄၉၃။ ပထဝီ ပရေသံ သာဓာရဏာတိ? အာမန္တာ။ ကမ္မဝိပါကော ပရေသံ သာဓာရဏောတိ? န ဟေဝံ ဝတ္တဗ္ဗေ…ပေ…။
ကမ္မဝိပါကော ပရေသံ သာဓာရဏောတိ? အာမန္တာ။ နနု ဝုတ္တံ ဘဂဝတာ –
‘‘အသာဓာရဏမညေသံ, အစောရဟရဏော နိဓိ၊
ကယိရာထ မစ္စော ပုညာနိ, သစေ သုစရိတံ စရေ’’တိ [ခု။ ပါ။ ၈။၉ ခုဒ္ဒကပါဌေ, ထောကံ ဝိသဒိသံ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကမ္မဝိပါကော ပရေသံ သာဓာရဏော’’တိ။
ပထဝီ ကမ္မဝိပါကောတိ? အာမန္တာ။ ပဌမံ ပထဝီ သဏ္ဌာတိ, ပစ္ဆာ သတ္တာ ဥပ္ပဇ္ဇန္တီတိ? အာမန္တာ။ ပဌမံ ဝိပါကော ဥပ္ပဇ္ဇတိ, ပစ္ဆာ ဝိပါကပဋိလာဘာယ ကမ္မံ ကရောန္တီတိ? န ဟေဝံ ဝတ္တဗ္ဗေ…ပေ…။
ပထဝီ သဗ္ဗသတ္တာနံ ကမ္မဝိပါကောတိ? အာမန္တာ။ သဗ္ဗေ သတ္တာ ပထဝိံ ပရိဘုဉ္ဇန္တီတိ? န ဟေဝံ ဝတ္တဗ္ဗေ…ပေ… သဗ္ဗေ သတ္တာ ပထဝိံ ပရိဘုဉ္ဇန္တီတိ? အာမန္တာ။ အတ္ထိ ကေစိ ပထဝိံ အပရိဘုဉ္ဇိတွာ ပရိနိဗ္ဗာယန္တီတိ? အာမန္တာ။ အတ္ထိ ကေစိ ကမ္မဝိပါကံ အခေပေတွာ ပရိနိဗ္ဗာယန္တီတိ? န ဟေဝံ ဝတ္တဗ္ဗေ…ပေ…။
ပထဝီ စက္ကဝတ္တိသတ္တဿ ကမ္မဝိပါကောတိ? အာမန္တာ။ အညေ သတ္တာ ပထဝိံ ပရိဘုဉ္ဇန္တီတိ? အာမန္တာ။ စက္ကဝတ္တိသတ္တဿ ကမ္မဝိပါကံ အညေ သတ္တာ ပရိဘုဉ္ဇန္တီတိ? န ဟေဝံ ဝတ္တဗ္ဗေ…ပေ… စက္ကဝတ္တိသတ္တဿ ကမ္မဝိပါကံ အညေ သတ္တာ ပရိဘုဉ္ဇန္တီတိ? အာမန္တာ။ စက္ကဝတ္တိသတ္တဿ ဖဿံ ဝေဒနံ သညံ
(အဘိ၊က၊၂၆၄။)စေတနံ စိတ္တံ သဒ္ဓံ ဝီရိယံ သတိံ သမာဓိံ ပညံ အညေ သတ္တာ ပရိဘုဉ္ဇန္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၄၉၄။ န ဝတ္တဗ္ဗံ – ‘‘ပထဝီ ကမ္မဝိပါကော’’တိ? အာမန္တာ။ နနု အတ္ထိ ဣဿရိယသံဝတ္တနိယံ ကမ္မံ အဓိပစ္စသံဝတ္တနိယံ ကမ္မန္တိ? အာမန္တာ။ ဟဉ္စိ အတ္ထိ ဣဿရိယသံဝတ္တနိယံ ကမ္မံ အဓိပစ္စသံဝတ္တနိယံ ကမ္မံ, တေန ဝတ ရေ ဝတ္တဗ္ဗေ – ‘‘ပထဝီ ကမ္မဝိပါကော’’တိ။
ပထဝီ ကမ္မဝိပါကောတိကထာ နိဋ္ဌိတာ။
၇။ သတ္တမဝဂ္ဂ
(၇၀) ၈။ ဇရာမရဏံ ဝိပါကောတိကထာ
֍ ဋ္ဌ ၄၉၅။ ဇရာမရဏံ ဝိပါကောတိ? အာမန္တာ။ သုခဝေဒနိယံ ဒုက္ခဝေဒနိယံ အဒုက္ခမသုခဝေဒနိယံ, သုခါယ ဝေဒနာယ သမ္ပယုတ္တံ, ဒုက္ခာယ ဝေဒနာယ သမ္ပယုတ္တံ, အဒုက္ခမသုခါယ ဝေဒနာယ သမ္ပယုတ္တံ, ဖဿေန သမ္ပယုတ္တံ, ဝေဒနာယ သမ္ပယုတ္တံ, သညာယ သမ္ပယုတ္တံ, စေတနာယ သမ္ပယုတ္တံ, စိတ္တေန သမ္ပယုတ္တံ, သာရမ္မဏံ၊ အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ၊ နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ၊ နတ္ထိ တဿ အာဝဋ္ဋနာ …ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ဇရာမရဏံ ဝိပါကော’’တိ။
ဖဿော ဝိပါကော, ဖဿော သုခဝေဒနိယော ဒုက္ခဝေဒနိယော…ပေ… သာရမ္မဏော၊ အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဇရာမရဏံ ဝိပါကော, ဇရာမရဏံ သုခဝေဒနိယံ ဒုက္ခဝေဒနိယံ…ပေ… သာရမ္မဏံ၊ အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ဇရာမရဏံ ဝိပါကော, ဇရာမရဏံ န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ၊ နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ဝိပါကော, ဖဿော န သုခဝေဒနိယော န ဒုက္ခဝေဒနိယော…ပေ… အနာရမ္မဏော၊ နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၆၅။)֍ ဋ္ဌ ၄၉၆။ အကုသလာနံ ဓမ္မာနံ ဇရာမရဏံ, အကုသလာနံ ဓမ္မာနံ ဝိပါကောတိ? အာမန္တာ။ ကုသလာနံ ဓမ္မာနံ ဇရာမရဏံ, ကုသလာနံ ဓမ္မာနံ ဝိပါကောတိ? န ဟေဝံ ဝတ္တဗ္ဗေ…ပေ…။
ကုသလာနံ ဓမ္မာနံ ဇရာမရဏံ, န ဝတ္တဗ္ဗံ – ‘‘ကုသလာနံ ဓမ္မာနံ ဝိပါကော’’တိ? အာမန္တာ။ အကုသလာနံ ဓမ္မာနံ ဇရာမရဏံ, န ဝတ္တဗ္ဗံ – ‘‘အကုသလာနံ ဓမ္မာနံ ဝိပါကော’’တိ? န ဟေဝံ ဝတ္တဗ္ဗေ…ပေ…။
ကုသလာနံ ဓမ္မာနံ ဇရာမရဏံ, အကုသလာနံ ဓမ္မာနံ ဝိပါကောတိ? အာမန္တာ။ အကုသလာနံ ဓမ္မာနံ ဇရာမရဏံ, ကုသလာနံ ဓမ္မာနံ ဝိပါကောတိ? န ဟေဝံ ဝတ္တဗ္ဗေ…ပေ…။
အကုသလာနံ ဓမ္မာနံ ဇရာမရဏံ, န ဝတ္တဗ္ဗံ – ‘‘ကုသလာနံ ဓမ္မာနံ ဝိပါကော’’တိ? အာမန္တာ။ ကုသလာနံ ဓမ္မာနံ ဇရာမရဏံ, န ဝတ္တဗ္ဗံ – ‘‘အကုသလာနံ ဓမ္မာနံ ဝိပါကော’’တိ? န ဟေဝံ ဝတ္တဗ္ဗေ…ပေ…။
ကုသလာနဉ္စ အကုသလာနဉ္စ ဓမ္မာနံ ဇရာမရဏံ, အကုသလာနံ ဓမ္မာနံ ဝိပါကောတိ? အာမန္တာ။ ကုသလာနဉ္စ အကုသလာနဉ္စ ဓမ္မာနံ ဇရာမရဏံ, ကုသလာနံ ဓမ္မာနံ ဝိပါကောတိ? န ဟေဝံ ဝတ္တဗ္ဗေ…ပေ…။
ကုသလာနဉ္စ အကုသလာနဉ္စ ဓမ္မာနံ ဇရာမရဏံ, န ဝတ္တဗ္ဗံ – ‘‘ကုသလာနံ ဓမ္မာနံ ဝိပါကော’’တိ? အာမန္တာ။ ကုသလာနဉ္စ အကုသလာနဉ္စ ဓမ္မာနံ ဇရာမရဏံ, န ဝတ္တဗ္ဗံ – ‘‘အကုသလာနံ ဓမ္မာနံ ဝိပါကော’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၄၉၇။ န ဝတ္တဗ္ဗံ – ‘‘ဇရာမရဏံ ဝိပါကော’’တိ? အာမန္တာ။ နနု အတ္ထိ ဒုဗ္ဗဏ္ဏသံဝတ္တနိယံ ကမ္မံ အပ္ပါယုကသံဝတ္တနိယံ ကမ္မန္တိ? အာမန္တာ။ ဟဉ္စိ အတ္ထိ ဒုဗ္ဗဏ္ဏသံဝတ္တနိယံ ကမ္မံ အပ္ပါယုကသံဝတ္တနိယံ ကမ္မံ, တေန ဝတ ရေ ဝတ္တဗ္ဗေ – ‘‘ဇရာမရဏံ ဝိပါကော’’တိ။
ဇရာမရဏံ ဝိပါကောတိကထာ နိဋ္ဌိတာ။
(အဘိ၊က၊၂၆၆။)၇။ သတ္တမဝဂ္ဂေါ
(၇၁) ၉။ အရိယဓမ္မဝိပါကကထာ
֍ ဋ္ဌ ၄၉၈။ နတ္ထိ အရိယဓမ္မဝိပါကောတိ? အာမန္တာ။ နနု မဟပ္ဖလံ သာမညံ မဟပ္ဖလံ ဗြဟ္မညန္တိ? အာမန္တာ။ ဟဉ္စိ မဟပ္ဖလံ သာမညံ မဟပ္ဖလံ ဗြဟ္မညံ, နော စ ဝတ ရေ ဝတ္တဗ္ဗေ – ‘‘နတ္ထိ အရိယဓမ္မဝိပါကော’’တိ။
နတ္ထိ အရိယဓမ္မဝိပါကောတိ? အာမန္တာ။ နနု အတ္ထိ သောတာပတ္တိဖလန္တိ? အာမန္တာ။ ဟဉ္စိ အတ္ထိ သောတာပတ္တိဖလံ, နော စ ဝတ ရေ ဝတ္တဗ္ဗေ – ‘‘နတ္ထိ အရိယဓမ္မဝိပါကော’’တိ။ နနု အတ္ထိ သကဒါဂါမိဖလံ…ပေ… အနာဂါမိဖလံ…ပေ… အရဟတ္တဖလန္တိ? အာမန္တာ။ ဟဉ္စိ အတ္ထိ အရဟတ္တဖလံ, နော စ ဝတ ရေ ဝတ္တဗ္ဗေ – ‘‘နတ္ထိ အရိယဓမ္မဝိပါကော’’တိ။
သောတာပတ္တိဖလံ န ဝိပါကောတိ? အာမန္တာ။ ဒါနဖလံ န ဝိပါကောတိ? န ဟေဝံ ဝတ္တဗ္ဗေ…ပေ… သောတာပတ္တိဖလံ န ဝိပါကောတိ? အာမန္တာ။ သီလဖလံ…ပေ… ဘာဝနာဖလံ န ဝိပါကောတိ? န ဟေဝံ ဝတ္တဗ္ဗေ…ပေ…။
သကဒါဂါမိဖလံ…ပေ… အနာဂါမိဖလံ…ပေ… အရဟတ္တဖလံ န ဝိပါကောတိ? အာမန္တာ။ ဒါနဖလံ န ဝိပါကောတိ? န ဟေဝံ ဝတ္တဗ္ဗေ…ပေ… အရဟတ္တဖလံ န ဝိပါကောတိ? အာမန္တာ။ သီလဖလံ…ပေ… ဘာဝနာဖလံ န ဝိပါကောတိ? န ဟေဝံ ဝတ္တဗ္ဗေ…ပေ… ဒါနဖလံ ဝိပါကောတိ? အာမန္တာ။ သောတာပတ္တိဖလံ ဝိပါကောတိ? န ဟေဝံ ဝတ္တဗ္ဗေ…ပေ…။
ဒါနဖလံ ဝိပါကောတိ? အာမန္တာ။ သကဒါဂါမိဖလံ…ပေ… အနာဂါမိဖလံ…ပေ… အရဟတ္တဖလံ ဝိပါကောတိ? န ဟေဝံ ဝတ္တဗ္ဗေ…ပေ… သီလဖလံ…ပေ… ဘာဝနာဖလံ ဝိပါကောတိ? အာမန္တာ။ သောတာပတ္တိဖလံ ဝိပါကောတိ? န ဟေဝံ ဝတ္တဗ္ဗေ…ပေ… ဘာဝနာဖလံ ဝိပါကောတိ? အာမန္တာ။ သကဒါဂါမိဖလံ…ပေ… အနာဂါမိဖလံ …ပေ… အရဟတ္တဖလံ ဝိပါကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၄၉၉။ ကာမာဝစရံ ကုသလံ သဝိပါကန္တိ? အာမန္တာ။ လောကုတ္တရံ ကုသလံ သဝိပါကန္တိ? န ဟေဝံ ဝတ္တဗ္ဗေ…ပေ… ရူပါဝစရံ ကုသလံ…ပေ… အရူပါဝစရံ ကုသလံ သဝိပါကန္တိ? အာမန္တာ။ လောကုတ္တရံ ကုသလံ သဝိပါကန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၆၇။)လောကုတ္တရံ ကုသလံ အဝိပါကန္တိ? အာမန္တာ။ ကာမာဝစရံ ကုသလံ အဝိပါကန္တိ? န ဟေဝံ ဝတ္တဗ္ဗေ…ပေ… လောကုတ္တရံ ကုသလံ အဝိပါကန္တိ? အာမန္တာ။ ရူပါဝစရံ…ပေ… အရူပါဝစရံ ကုသလံ အဝိပါကန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၀၀။ ကာမာဝစရံ ကုသလံ သဝိပါကံ အာစယဂါမီတိ? အာမန္တာ။ လောကုတ္တရံ ကုသလံ သဝိပါကံ အာစယဂါမီတိ? န ဟေဝံ ဝတ္တဗ္ဗေ…ပေ… ရူပါဝစရံ…ပေ… အရူပါဝစရံ ကုသလံ သဝိပါကံ အာစယဂါမီတိ? အာမန္တာ။ လောကုတ္တရံ ကုသလံ သဝိပါကံ အာစယဂါမီတိ? န ဟေဝံ ဝတ္တဗ္ဗေ…ပေ…။
လောကုတ္တရံ ကုသလံ သဝိပါကံ အပစယဂါမီတိ? အာမန္တာ။ ကာမာဝစရံ ကုသလံ သဝိပါကံ အပစယဂါမီတိ? န ဟေဝံ ဝတ္တဗ္ဗေ…ပေ…။ လောကုတ္တရံ ကုသလံ သဝိပါကံ အပစယဂါမီတိ? အာမန္တာ။ ရူပါဝစရံ…ပေ… အရူပါဝစရံ ကုသလံ သဝိပါကံ အပစယဂါမီတိ? န ဟေဝံ ဝတ္တဗ္ဗေ…ပေ…။
အရိယဓမ္မဝိပါကကထာ နိဋ္ဌိတာ။
၇။ သတ္တမဝဂ္ဂ
(၇၂) ၁၀။ ဝိပါကော ဝိပါကဓမ္မဓမ္မောတိကထာ
֍ ဋ္ဌ ၅၀၁။ ဝိပါကော ဝိပါကဓမ္မဓမ္မောတိ? အာမန္တာ။ တဿ ဝိပါကော ဝိပါကဓမ္မဓမ္မောတိ? န ဟေဝံ ဝတ္တဗ္ဗေ…ပေ… တဿ ဝိပါကော ဝိပါကဓမ္မဓမ္မောတိ? အာမန္တာ။ တဿ တဿေဝ နတ္ထိ ဒုက္ခဿ အန္တကိရိယာ နတ္ထိ ဝဋ္ဋုပစ္ဆေဒေါ နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
ဝိပါကော ဝိပါကဓမ္မဓမ္မောတိ? အာမန္တာ။ ဝိပါကောတိ ဝါ ဝိပါကဓမ္မဓမ္မောတိ ဝါ ဝိပါကဓမ္မဓမ္မောတိ ဝါ ဝိပါကောတိ ဝါ ဧသေသေ ဧကဋ္ဌေ သမေ သမဘာဂေ တဇ္ဇာတေတိ? န ဟေဝံ ဝတ္တဗ္ဗေ…ပေ…။
ဝိပါကော ဝိပါကဓမ္မဓမ္မောတိ? အာမန္တာ။ ဝိပါကော စ ဝိပါကဓမ္မဓမ္မော စ ဝိပါကဓမ္မဓမ္မော စ ဝိပါကော စ သဟဂတာ သဟဇာတာ သံသဋ္ဌာ သမ္ပယုတ္တာ ဧကုပ္ပါဒါ ဧကနိရောဓာ ဧကဝတ္ထုကာ ဧကာရမ္မဏာတိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၆၈။)ဝိပါကော ဝိပါကဓမ္မဓမ္မောတိ? အာမန္တာ။ တညေဝ အကုသလံ သော အကုသလဿ ဝိပါကော, တညေဝ ကုသလံ သော ကုသလဿ ဝိပါကောတိ? န ဟေဝံ ဝတ္တဗ္ဗေ…ပေ…။
ဝိပါကော ဝိပါကဓမ္မဓမ္မောတိ? အာမန္တာ။ ယေနေဝ စိတ္တေန ပါဏံ ဟနတိ တေနေဝ စိတ္တေန နိရယေ ပစ္စတိ, ယေနေဝ စိတ္တေန ဒါနံ ဒေတိ တေနေဝ စိတ္တေန သဂ္ဂေ မောဒတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၀၂။ န ဝတ္တဗ္ဗံ – ‘‘ဝိပါကော ဝိပါကဓမ္မဓမ္မော’’တိ? အာမန္တာ။ နနု ဝိပါကာ စတ္တာရော ခန္ဓာ အရူပိနော အညမညပစ္စယာတိ? အာမန္တာ။ ဟဉ္စိ ဝိပါကာ စတ္တာရော ခန္ဓာ အရူပိနော အညမညပစ္စယာ, တေန ဝတ ရေ ဝတ္တဗ္ဗေ – ‘‘ဝိပါကော ဝိပါကဓမ္မဓမ္မော’’တိ။
ဝိပါကော ဝိပါကဓမ္မဓမ္မောတိကထာ နိဋ္ဌိတာ။
သတ္တမဝဂ္ဂေါ။
တဿုဒ္ဒါနံ –
သင်္ဂဟော, သမ္ပယုတ္တော, စေတသိကော ဓမ္မော, စေတသိကံ ဒါနံ, ပရိဘောဂမယံ ပုညံ ဝဍ္ဎတိ, ဣတော ဒိန္နေန တတ္ထ ယာပေန္တိ, ပထဝီ ကမ္မဝိပါကော, ဇရာမရဏံ ဝိပါကော, နတ္ထိ အရိယဓမ္မဝိပါကော, ဝိပါကော ဝိပါကဓမ္မဓမ္မောတိ။
၈။ အဋ္ဌမဝဂ္ဂ
(၇၃) ၁။ ဆဂတိကထာ
֍ ဋ္ဌ ၅၀၃။ ဆ ဂတိယောတိ? အာမန္တာ။ နနု ပဉ္စ ဂတိယော ဝုတ္တာ ဘဂဝတာ – နိရယော, တိရစ္ဆာနယောနိ, ပေတ္တိဝိသယော, မနုဿာ, ဒေဝါတိ [မ။ နိ။ ၁။၁၅၃]? အာမန္တာ။ ဟဉ္စိ ပဉ္စ ဂတိယော ဝုတ္တာ ဘဂဝတာ – နိရယော, တိရစ္ဆာနယောနိ, ပေတ္တိဝိသယော, မနုဿာ, ဒေဝါ၊ နော စ ဝတ ရေ ဝတ္တဗ္ဗေ – ‘‘ဆ ဂတိယော’’တိ။
(အဘိ၊က၊၂၆၉။)ဆ ဂတိယောတိ? အာမန္တာ။ နနု ကာလကဉ္စိကာ [ကာလကဉ္ဇိကာ (သီ။ သျာ။ ကံ။), ကာဠကဉ္ဇကာ (ပီ။)] သုရာ ပေတာနံ သမာနဝဏ္ဏာ သမာနဘောဂါ သမာနာဟာရာ သမာနာယုကာ ပေတေဟိ သဟ အာဝါဟဝိဝါဟံ ဂစ္ဆန္တီတိ? အာမန္တာ။ ဟဉ္စိ ကာလကဉ္စိကာ အသုရာ ပေတာနံ သမာနဝဏ္ဏာ သမာနဘောဂါ သမာနာဟာရာ သမာနာယုကာ ပေတေဟိ သဟ အာဝါဟဝိဝါဟံ ဂစ္ဆန္တိ, နော စ ဝတ ရေ ဝတ္တဗ္ဗေ – ‘‘ဆ ဂတိယော’’တိ။
ဆ ဂတိယောတိ? အာမန္တာ။ နနု ဝေပစိတ္တိပရိသာ ဒေဝါနံ သမာနဝဏ္ဏာ သမာနဘောဂါ သမာနာဟာရာ သမာနာယုကာ ဒေဝေဟိ သဟ အာဝါဟဝိဝါဟံ ဂစ္ဆန္တီတိ? အာမန္တာ။ ဟဉ္စိ ဝေပစိတ္တိပရိသာ ဒေဝါနံ သမာနဝဏ္ဏာ သမာနဘောဂါ သမာနာဟာရာ သမာနာယုကာ ဒေဝေဟိ သဟ အာဝါဟဝိဝါဟံ ဂစ္ဆန္တိ, နော စ ဝတ ရေ ဝတ္တဗ္ဗေ – ‘‘ဆ ဂတိယော’’တိ။
ဆ ဂတိယောတိ? အာမန္တာ။ နနု ဝေပစိတ္တိပရိသာ ပုဗ္ဗဒေဝါတိ? အာမန္တာ။ ဟဉ္စိ ဝေပစိတ္တိပရိသာ ပုဗ္ဗဒေဝါ, နော စ ဝတ ရေ ဝတ္တဗ္ဗေ – ‘‘ဆ ဂတိယော’’တိ။
֍ ဋ္ဌ ၅၀၄။ န ဝတ္တဗ္ဗံ – ‘‘ဆ ဂတိယော’’တိ? အာမန္တာ။ နနု အတ္ထိ အသုရကာယောတိ, အာမန္တာ။ ဟဉ္စိ အတ္ထိ အသုရကာယော, တေန ဝတ ရေ ဝတ္တဗ္ဗေ – ‘‘ဆ ဂတိယော’’တိ။
ဆဂတိကထာ နိဋ္ဌိတာ။
၈။ အဋ္ဌမဝဂ္ဂ
(၇၄) ၂။ အန္တရာဘဝကထာ
֍ ဋ္ဌ ၅၀၅။ အတ္ထိ အန္တရာဘဝေါတိ? အာမန္တာ။ ကာမဘဝေါတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝေါတိ? အာမန္တာ။ ရူပဘဝေါတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝေါတိ? အာမန္တာ။ အရူပဘဝေါတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝေါတိ? အာမန္တာ။ ကာမဘဝဿ စ ရူပဘဝဿ စ အန္တရေ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝေါတိ? အာမန္တာ။ ရူပဘဝဿ စ အရူပဘဝဿ စ အန္တရေ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၇၀။)ကာမဘဝဿ စ ရူပဘဝဿ စ အန္တရေ နတ္ထိ အန္တရာဘဝေါတိ? အာမန္တာ။ ဟဉ္စိ ကာမဘဝဿ စ ရူပဘဝဿ စ အန္တရေ နတ္ထိ အန္တရာဘဝေါ, နော စ ဝတ ရေ ဝတ္တဗ္ဗေ – ‘‘အတ္ထိ အန္တရာဘဝေါ’’တိ။ ရူပဘဝဿ စ အရူပဘဝဿ စ အန္တရေ နတ္ထိ အန္တရာဘဝေါတိ? အာမန္တာ။ ဟဉ္စိ ရူပဘဝဿ စ အရူပဘဝဿ စ အန္တရေ နတ္ထိ အန္တရာဘဝေါ, နော စ ဝတ ရေ ဝတ္တဗ္ဗေ – ‘‘အတ္ထိ အန္တရာဘဝေါ’’တိ။
֍ ဋ္ဌ ၅၀၆။ အတ္ထိ အန္တရာဘဝေါတိ? အာမန္တာ။ ပဉ္စမီ သာ ယောနိ, ဆဋ္ဌမီ သာ ဂတိ, အဋ္ဌမီ သာ ဝိညာဏဋ္ဌိတိ, ဒသမော သော သတ္တာဝါသောတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝေါတိ? အာမန္တာ။ အန္တရာဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ အန္တရာဘဝူပဂါ သတ္တာတိ? န ဟေဝံ ဝတ္တဗ္ဗေ…ပေ… အန္တရာဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… အန္တရာဘဝေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… အန္တရာဘဝေါ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၀၇။ အတ္ထိ ကာမဘဝေါ, ကာမဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? အာမန္တာ။ အတ္ထိ အန္တရာဘဝေါ, အန္တရာဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ကာမဘဝူပဂံ ကမ္မန္တိ? အာမန္တာ။ အတ္ထိ အန္တရာဘဝူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ကာမဘဝူပဂါ သတ္တာတိ? အာမန္တာ။ အတ္ထိ အန္တရာဘဝူပဂါ သတ္တာတိ? န ဟေဝံ ဝတ္တဗ္ဗေ…ပေ… ကာမဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ အန္တရာဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ကာမဘဝေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? အာမန္တာ။ အန္တရာဘဝေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ကာမဘဝေါ ပဉ္စဝေါကာရဘဝေါတိ? အာမန္တာ။ အန္တရာဘဝေါ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
အတ္ထိ ရူပဘဝေါ, ရူပဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? အာမန္တာ။ အတ္ထိ အန္တရာဘဝေါ, အန္တရာဘဝေါ ဘဝေါ ဂတိ သတ္တာဝါသော သံသာရော ယောနိ
(အဘိ၊က၊၂၇၁။)ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ရူပဘဝူပဂံ ကမ္မန္တိ? အာမန္တာ။ အတ္ထိ အန္တရာဘဝူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ရူပဘဝူပဂါ သတ္တာတိ? အာမန္တာ။ အတ္ထိ အန္တရာဘဝူပဂါ သတ္တာတိ? န ဟေဝံ ဝတ္တဗ္ဗေ…ပေ… ရူပဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ အန္တရာဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ရူပဘဝေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? အာမန္တာ။ အန္တရာဘဝေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ရူပဘဝေါ ပဉ္စဝေါကာရဘဝေါတိ? အာမန္တာ။ အန္တရာဘဝေါ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
အတ္ထိ အရူပဘဝေါ, အရူပဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? အာမန္တာ။ အတ္ထိ အန္တရာဘဝေါ, အန္တရာဘဝေါ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ အရူပဘဝူပဂံ ကမ္မန္တိ? အာမန္တာ။ အတ္ထိ အန္တရာဘဝူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ အရူပဘဝူပဂါ သတ္တာတိ? အာမန္တာ။ အတ္ထိ အန္တရာဘဝူပဂါ သတ္တာတိ? န ဟေဝံ ဝတ္တဗ္ဗေ…ပေ… အရူပဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ အန္တရာဘဝေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… အရူပဘဝေ အတ္ထိ ဝေဒနာ သညာ သင်္ခါရာ ဝိညာဏန္တိ? အာမန္တာ။ အန္တရာဘဝေ အတ္ထိ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… အရူပဘဝေါ စတုဝေါကာရဘဝေါတိ? အာမန္တာ။ အန္တရာဘဝေါ စတုဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၀၈။ အတ္ထိ အန္တရာဘဝေါတိ? အာမန္တာ။ သဗ္ဗေသညေဝ သတ္တာနံ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ …ပေ… သဗ္ဗေသညေဝ သတ္တာနံ နတ္ထိ အန္တရာဘဝေါတိ? အာမန္တာ။ ဟဉ္စိ သဗ္ဗေသညေဝ သတ္တာနံ နတ္ထိ အန္တရာဘဝေါ, နော စ ဝတ ရေ ဝတ္တဗ္ဗေ – ‘‘အတ္ထိ အန္တရာဘဝေါ’’တိ။
အတ္ထိ အန္တရာဘဝေါတိ? အာမန္တာ။ အာနန္တရိယဿ ပုဂ္ဂလဿ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… အာနန္တရိယဿ ပုဂ္ဂလဿ နတ္ထိ အန္တရာဘဝေါတိ? အာမန္တာ။ ဟဉ္စိ အာနန္တရိယဿ ပုဂ္ဂလဿ နတ္ထိ အန္တရာဘဝေါ, နော စ ဝတ ရေ ဝတ္တဗ္ဗေ – ‘‘အတ္ထိ အန္တရာဘဝေါ’’တိ။
(အဘိ၊က၊၂၇၂။)န အာနန္တရိယဿ ပုဂ္ဂလဿ အတ္ထိ အန္တရာဘဝေါတိ? အာမန္တာ။ အာနန္တရိယဿ ပုဂ္ဂလဿ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… အာနန္တရိယဿ ပုဂ္ဂလဿ နတ္ထိ အန္တရာဘဝေါတိ? အာမန္တာ။ န အာနန္တရိယဿ ပုဂ္ဂလဿ နတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… နိရယူပဂဿ ပုဂ္ဂလဿ…ပေ… အသညသတ္တူပဂဿ ပုဂ္ဂလဿ …ပေ… အရူပူပဂဿ ပုဂ္ဂလဿ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… အရူပူပဂဿ ပုဂ္ဂလဿ နတ္ထိ အန္တရာဘဝေါတိ? အာမန္တာ။ ဟဉ္စိ အရူပူပဂဿ ပုဂ္ဂလဿ နတ္ထိ အန္တရာဘဝေါ, နော စ ဝတ ရေ ဝတ္တဗ္ဗေ – ‘‘အတ္ထိ အန္တရာဘဝေါ’’တိ။
န အရူပူပဂဿ ပုဂ္ဂလဿ အတ္ထိ အန္တရာဘဝေါတိ? အာမန္တာ။ အရူပူပဂဿ ပုဂ္ဂလဿ အတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ… အရူပူပဂဿ ပုဂ္ဂလဿ နတ္ထိ အန္တရာဘဝေါတိ? အာမန္တာ။ န အရူပူပဂဿ ပုဂ္ဂလဿ နတ္ထိ အန္တရာဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၀၉။ န ဝတ္တဗ္ဗံ အတ္ထိ အန္တရာဘဝေါတိ? အာမန္တာ။ နနု အန္တရာပရိနိဗ္ဗာယီ ပုဂ္ဂလော အတ္ထီတိ? အာမန္တာ။ ဟဉ္စိ အန္တရာပရိနိဗ္ဗာယီ ပုဂ္ဂလော အတ္ထိ, တေန ဝတ ရေ [နော စ ဝတ ရေ (သီ။ က။), နော ဝတ ရေ (သျာ။)] ဝတ္တဗ္ဗေ – ‘‘အတ္ထိ အန္တရာဘဝေါ’’တိ။
အန္တရာပရိနိဗ္ဗာယီ ပုဂ္ဂလော အတ္ထီတိ ကတွာ အတ္ထိ အန္တရာဘဝေါတိ? အာမန္တာ။ ဥပဟစ္စပရိနိဗ္ဗာယီ ပုဂ္ဂလော အတ္ထီတိ ကတွာ အတ္ထိ ဥပဟစ္စဘဝေါတိ? န ဟေဝံ ဝတ္တဗ္ဗေ…ပေ… အန္တရာပရိနိဗ္ဗာယီ ပုဂ္ဂလော အတ္ထီတိ ကတွာ အတ္ထိ အန္တရာဘဝေါတိ? အာမန္တာ။ အသင်္ခါရပရိနိဗ္ဗာယီ ပုဂ္ဂလော…ပေ… သသင်္ခါရပရိနိဗ္ဗာယီ ပုဂ္ဂလော အတ္ထီတိ ကတွာ အတ္ထိ သသင်္ခါရဘဝေါတိ? န ဟေဝံ ဝတ္တဗ္ဗေ…ပေ…။
အန္တရာဘဝကထာ နိဋ္ဌိတာ။
၈။ အဋ္ဌမဝဂ္ဂ
(၇၅) ၃။ ကာမဂုဏကထာ
֍ ဋ္ဌ ၅၁၀။ ပဉ္စေဝ ကာမဂုဏာ ကာမဓာတူတိ? အာမန္တာ။ နနု အတ္ထိ တပ္ပဋိသညုတ္တော ဆန္ဒောတိ? အာမန္တာ။ ဟဉ္စိ အတ္ထိ တပ္ပဋိသညုတ္တော ဆန္ဒော, နော
(အဘိ၊က၊၂၇၃။)စ ဝတ ရေ ဝတ္တဗ္ဗေ – ‘‘ပဉ္စေဝ ကာမဂုဏာ ကာမဓာတူ’’တိ။ နနု အတ္ထိ တပ္ပဋိသညုတ္တော ရာဂေါ တပ္ပဋိသညုတ္တော ဆန္ဒော တပ္ပဋိသညုတ္တော ဆန္ဒရာဂေါ တပ္ပဋိသညုတ္တော သင်္ကပ္ပေါ တပ္ပဋိသညုတ္တော ရာဂေါ တပ္ပဋိသညုတ္တော သင်္ကပ္ပရာဂေါ တပ္ပဋိသညုတ္တာ ပီတိ တပ္ပဋိသညုတ္တံ သောမနဿံ တပ္ပဋိသညုတ္တံ ပီတိသောမနဿန္တိ? အာမန္တာ။ ဟဉ္စိ အတ္ထိ တပ္ပဋိသညုတ္တံ ပီတိသောမနဿံ, နော စ ဝတ ရေ ဝတ္တဗ္ဗေ – ‘‘ပဉ္စေဝ ကာမဂုဏာ ကာမဓာတူ’’တိ။
ပဉ္စေဝ ကာမဂုဏာ ကာမဓာတူတိ? အာမန္တာ။ မနုဿာနံ စက္ခု န ကာမဓာတူတိ? န ဟေဝံ ဝတ္တဗ္ဗေ…ပေ… မနုဿာနံ သောတံ…ပေ… မနုဿာနံ ဃာနံ…ပေ… မနုဿာနံ ဇိဝှါ…ပေ… မနုဿာနံ ကာယော…ပေ… မနုဿာနံ မနော န ကာမဓာတူတိ? န ဟေဝံ ဝတ္တဗ္ဗေ…ပေ…။
မနုဿာနံ မနော န ကာမဓာတူတိ? အာမန္တာ။ နနု ဝုတ္တံ ဘဂဝတာ –
‘‘ပဉ္စ ကာမဂုဏာ လောကေ, မနောစ္ဆဋ္ဌာ ပဝေဒိတာ၊
ဧတ္ထ ဆန္ဒံ ဝိရာဇေတွာ, ဧဝံ ဒုက္ခာ ပမုစ္စတီ’’တိ [သု။ နိ။ ၁၇၃၊ သံ။ နိ။ ၁။၃၀]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘မနုဿာနံ မနော န ကာမဓာတူ’’တိ။
֍ ဋ္ဌ ၅၁၁။ ပဉ္စေဝ ကာမဂုဏာ ကာမဓာတူတိ? အာမန္တာ။ ကာမဂုဏာ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ကာမဂုဏူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ကာမဂုဏူပဂါ သတ္တာတိ? န ဟေဝံ ဝတ္တဗ္ဗေ…ပေ… ကာမဂုဏေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ကာမဂုဏေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ကာမဂုဏာ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ… ကာမဂုဏေ သမ္မာသမ္ဗုဒ္ဓါ ဥပ္ပဇ္ဇန္တိ, ပစ္စေကသမ္ဗုဒ္ဓါ ဥပ္ပဇ္ဇန္တိ, သာဝကယုဂံ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
ကာမဓာတု ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? အာမန္တာ။ ကာမဂုဏာ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ကာမဓာတူပဂံ ကမ္မန္တိ? အာမန္တာ။ အတ္ထိ ကာမဂုဏူပဂံ
(အဘိ၊က၊၂၇၄။)ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ကာမဓာတူပဂါ သတ္တာတိ? အာမန္တာ။ အတ္ထိ ကာမဂုဏူပဂါ သတ္တာတိ? န ဟေဝံ ဝတ္တဗ္ဗေ…ပေ…။
ကာမဓာတုယာ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ ကာမဂုဏေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ …ပေ… ကာမဓာတုယာ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? အာမန္တာ။ ကာမဂုဏေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ကာမဓာတု ပဉ္စဝေါကာရဘဝေါတိ? အာမန္တာ။ ကာမဂုဏာ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ… ကာမဓာတုယာ သမ္မာသမ္ဗုဒ္ဓါ ဥပ္ပဇ္ဇန္တိ, ပစ္စေကသဗုဒ္ဓါ ဥပ္ပဇ္ဇန္တိ, သာဝကယုဂံ ဥပ္ပဇ္ဇတီတိ? အာမန္တာ။ ကာမဂုဏေ သမ္မာသမ္ဗုဒ္ဓါ ဥပ္ပဇ္ဇန္တိ, ပစ္စေကသမ္ဗုဒ္ဓါ ဥပ္ပဇ္ဇန္တိ, သာဝကယုဂံ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၁၂။ န ဝတ္တဗ္ဗံ – ‘‘ပဉ္စေဝ ကာမဂုဏာ ကာမဓာတူ’’တိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမေ, ဘိက္ခဝေ, ကာမဂုဏာ! ကတမေ ပဉ္စ? စက္ခုဝိညေယျာ ရူပါ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ, သောတဝိညေယျာ သဒ္ဒါ…ပေ… ဃာနဝိညေယျာ ဂန္ဓာ…ပေ… ဇိဝှါဝိညေယျာ ရသာ…ပေ… ကာယဝိညေယျာ ဖောဋ္ဌဗ္ဗာ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ – ဣမေ ခေါ, ဘိက္ခဝေ, ပဉ္စ ကာမဂုဏာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ ပဉ္စေဝ ကာမဂုဏာ ကာမဓာတူတိ။
ကာမဂုဏကထာ နိဋ္ဌိတာ။
၈။ အဋ္ဌမဝဂ္ဂ
(၇၆) ၄။ ကာမကထာ
֍ ဋ္ဌ ၅၁၃။ ပဉ္စေဝါယတနာ ကာမာတိ? အာမန္တာ။ နနု အတ္ထိ တပ္ပဋိသံယုတ္တော ဆန္ဒောတိ? အာမန္တာ။ ဟဉ္စိ အတ္ထိ တပ္ပဋိသံယုတ္တော ဆန္ဒော, နော စ ဝတ ရေ ဝတ္တဗ္ဗေ – ‘‘ပဉ္စေဝါယတနာ ကာမာ’’တိ။ နနု အတ္ထိ တပ္ပဋိသံယုတ္တော ရာဂေါ တပ္ပဋိသံယုတ္တော ဆန္ဒော တပ္ပဋိသံယုတ္တော ဆန္ဒရာဂေါ တပ္ပဋိသံယုတ္တော သင်္ကပ္ပေါ တပ္ပဋိသံယုတ္တော ရာဂေါ တပ္ပဋိသံယုတ္တော သင်္ကပ္ပရာဂေါ တပ္ပဋိသံယုတ္တာ ပီတိ တပ္ပဋိသံယုတ္တံ သောမနဿံ တပ္ပဋိသံယုတ္တံ ပီတိသောမနဿန္တိ?
(အဘိ၊က၊၂၇၅။)အာမန္တာ။ ဟဉ္စိ အတ္ထိ တပ္ပဋိသံယုတ္တံ ပီတိသောမနဿံ, နော စ ဝတ ရေ ဝတ္တဗ္ဗေ – ‘‘ပဉ္စေဝါယတနာ ကာမာ’’တိ။
֍ ဋ္ဌ ၅၁၄။ န ဝတ္တဗ္ဗံ – ‘‘ပဉ္စေဝါယတနာ ကာမာ’’တိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမေ, ဘိက္ခဝေ, ကာမဂုဏာ! ကတမေ ပဉ္စ? စက္ခုဝိညေယျာ ရူပါ…ပေ… ကာယဝိညေယျာ ဖောဋ္ဌဗ္ဗာ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ – ဣမေ ခေါ, ဘိက္ခဝေ, ပဉ္စ ကာမဂုဏာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ ပဉ္စေဝါယတနာ ကာမာတိ။
ပဉ္စေဝါယတနာ ကာမာတိ? အာမန္တာ။ နနု ဝုတ္တံ ဘဂဝတာ – ‘‘ပဉ္စိမေ, ဘိက္ခဝေ, ကာမဂုဏာ! ကတမေ ပဉ္စ? စက္ခုဝိညေယျာ ရူပါ…ပေ… ကာယဝိညေယျာ ဖောဋ္ဌဗ္ဗာ ဣဋ္ဌာ ကန္တာ မနာပါ ပိယရူပါ ကာမူပသံဟိတာ ရဇနီယာ – ဣမေ ခေါ, ဘိက္ခဝေ, ပဉ္စ ကာမဂုဏာ။ အပိ စ, ဘိက္ခဝေ, နေတေ ကာမာ ကာမဂုဏာ နာမေတေ အရိယဿ ဝိနယေ ဝုစ္စ’’န္တိ –
‘‘သင်္ကပ္ပရာဂေါ ပုရိသဿ ကာမော,
န တေ ကာမာ ယာနိ စိတြာနိ လောကေ၊
သင်္ကပ္ပရာဂေါ ပုရိသဿ ကာမော,
တိဋ္ဌန္တိ စိတြာနိ တထေဝ လောကေ၊
အထေတ္ထ ဓီရာ ဝိနယန္တိ ဆန္ဒ’’န္တိ [အ။ နိ။ ၆။၆၃ နိဗ္ဗေဓိကသုတ္တေ]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပဉ္စေဝါယတနာ ကာမာ’’တိ။
ကာမကထာ နိဋ္ဌိတာ။
၈။ အဋ္ဌမဝဂ္ဂ
(၇၇) ၅။ ရူပဓာတုကထာ
֍ ဋ္ဌ ၅၁၅။ ရူပိနော ဓမ္မာ ရူပဓာတူတိ? အာမန္တာ။ ရူပံ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န
(အဘိ၊က၊၂၇၆။)ဟေဝံ ဝတ္တဗ္ဗေ…ပေ… အတ္ထိ ရူပူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ရူပူပဂါ သတ္တာတိ? န ဟေဝံ ဝတ္တဗ္ဗေ…ပေ… ရူပေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ရူပေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ရူပံ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
ရူပဓာတု ဘဝေါ ဂတိ…ပေ… အတ္တဘာဝပဋိလာဘောတိ? အာမန္တာ။ ရူပံ ဘဝေါ ဂတိ…ပေ… အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ရူပဓာတူပဂံ ကမ္မန္တိ? အာမန္တာ။ အတ္ထိ ရူပူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ရူပဓာတူပဂါ သတ္တာတိ? အာမန္တာ။ အတ္ထိ ရူပူပဂါ သတ္တာတိ? န ဟေဝံ ဝတ္တဗ္ဗေ…ပေ…။
ရူပဓာတုယာ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ ရူပေ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ရူပဓာတုယာ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? အာမန္တာ။ ရူပေ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ရူပဓာတု ပဉ္စဝေါကာရဘဝေါတိ? အာမန္တာ။ ရူပံ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၁၆။ ရူပိနော ဓမ္မာ ရူပဓာတု, ကာမဓာတုယာ အတ္ထိ ရူပန္တိ? အာမန္တာ။ သာဝ ကာမဓာတု, သာ ရူပဓာတူတိ? န ဟေဝံ ဝတ္တဗ္ဗေ…ပေ… သာဝ ကာမဓာတု, သာ ရူပဓာတူတိ? အာမန္တာ။ ကာမဘဝေန သမန္နာဂတော ပုဂ္ဂလော ဒွီဟိ ဘဝေဟိ သမန္နာဂတော ဟောတိ – ကာမဘဝေန စ ရူပဘဝေန စာတိ? န ဟေဝံ ဝတ္တဗ္ဗေ။
ရူပဓာတုကထာ နိဋ္ဌိတာ။
၈။ အဋ္ဌမဝဂ္ဂ
(၇၈) ၆။ အရူပဓာတုကထာ
֍ ဋ္ဌ ၅၁၇။ အရူပိနော ဓမ္မာ အရူပဓာတူတိ? အာမန္တာ။ ဝေဒနာ ဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ?
(အဘိ၊က၊၂၇၇။)န ဟေဝံ ဝတ္တဗ္ဗေ…ပေ… အတ္ထိ ဝေဒနူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ ဝေဒနူပဂါ သတ္တာတိ? န ဟေဝံ ဝတ္တဗ္ဗေ…ပေ… ဝေဒနာယ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… ဝေဒနာယ အတ္ထိ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… ဝေဒနာ စတုဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
အရူပဓာတု ဘဝေါ ဂတိ…ပေ… အတ္တဘာဝပဋိလာဘောတိ? အာမန္တာ။ ဝေဒနာ ဘဝေါ ဂတိ…ပေ… အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ အရူပဓာတူပဂံ ကမ္မန္တိ? အာမန္တာ။ အတ္ထိ ဝေဒနူပဂံ ကမ္မန္တိ? န ဟေဝံ ဝတ္တဗ္ဗေ…ပေ… အတ္ထိ အရူပဓာတူပဂါ သတ္တာတိ? အာမန္တာ။ အတ္ထိ ဝေဒနူပဂါ သတ္တာတိ? န ဟေဝံ ဝတ္တဗ္ဗေ…ပေ…။
အရူပဓာတုယာ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? အာမန္တာ။ ဝေဒနာယ သတ္တာ ဇာယန္တိ ဇီယန္တိ မီယန္တိ စဝန္တိ ဥပပဇ္ဇန္တီတိ? န ဟေဝံ ဝတ္တဗ္ဗေ…ပေ… အရူပဓာတုယာ အတ္ထိ ဝေဒနာ သညာ သင်္ခါရာ ဝိညာဏန္တိ? အာမန္တာ။ ဝေဒနာယ အတ္ထိ ဝေဒနာ သညာ သင်္ခါရာ ဝိညာဏန္တိ? န ဟေဝံ ဝတ္တဗ္ဗေ…ပေ… အရူပဓာတု စတုဝေါကာရဘဝေါတိ? အာမန္တာ။ ဝေဒနာ စတုဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၁၈။ အရူပိနော ဓမ္မာ အရူပဓာတု, ကာမဓာတုယာ အတ္ထိ ဝေဒနာ သညာ သင်္ခါရာ ဝိညာဏန္တိ? အာမန္တာ။ သာဝ ကာမဓာတု, သာ အရူပဓာတူတိ? န ဟေဝံ ဝတ္တဗ္ဗေ…ပေ… သာဝ ကာမဓာတု, သာ အရူပဓာတူတိ? အာမန္တာ။ ကာမဘဝေန သမန္နာဂတော ပုဂ္ဂလော ဒွီဟိ ဘဝေဟိ သမန္နာဂတော ဟောတိ – ကာမဘဝေန စ အရူပဘဝေန စာတိ? န ဟေဝံ ဝတ္တဗ္ဗေ…ပေ…။
ရူပိနော ဓမ္မာ ရူပဓာတု, အရူပိနော ဓမ္မာ အရူပဓာတု, ကာမဓာတုယာ အတ္ထိ ရူပံ ဝေဒနာ သညာ သင်္ခါရာ ဝိညာဏန္တိ? အာမန္တာ။ သာဝ ကာမဓာတု, သာ ရူပဓာတု, သာ အရူပဓာတူတိ? န ဟေဝံ ဝတ္တဗ္ဗေ…ပေ… သာဝ ကာမဓာတု, သာ ရူပဓာတု, သာ အရူပဓာတူတိ? အာမန္တာ။ ကာမဘဝေန သမန္နာဂတော ပုဂ္ဂလော တီဟိ ဘဝေဟိ သမန္နာဂတော ဟောတိ – ကာမဘဝေန စ ရူပဘဝေန စ အရူပဘဝေန စာတိ? န ဟေဝံ ဝတ္တဗ္ဗေ…ပေ…။
အရူပဓာတုကထာ နိဋ္ဌိတာ။
(အဘိ၊က၊၂၇၈။)၈။ အဋ္ဌမဝဂ္ဂ
(၇၉) ၇။ ရူပဓာတုယာအာယတနကထာ
֍ ဋ္ဌ ၅၁၉။ အတ္ထိ သဠာယတနိကော အတ္တဘာဝေါ ရူပဓာတုယာတိ? အာမန္တာ။ အတ္ထိ တတ္ထ ဃာနာယတနန္တိ? အာမန္တာ။ အတ္ထိ တတ္ထ ဂန္ဓာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ဇိဝှါယတနန္တိ? အာမန္တာ။ အတ္ထိ တတ္ထ ရသာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ကာယာယတနန္တိ? အာမန္တာ။ အတ္ထိ တတ္ထ ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
နတ္ထိ တတ္ထ ဂန္ဓာယတနန္တိ? အာမန္တာ။ နတ္ထိ တတ္ထ ဃာနာယတနန္တိ? န ဟေဝံ ဝတ္တဗ္ဗေ…ပေ… နတ္ထိ တတ္ထ ရသာယတနန္တိ? အာမန္တာ။ နတ္ထိ တတ္ထ ဇိဝှါယတနန္တိ? န ဟေဝံ ဝတ္တဗ္ဗေ…ပေ… နတ္ထိ တတ္ထ ဖောဋ္ဌဗ္ဗာယတနန္တိ? အာမန္တာ။ နတ္ထိ တတ္ထ ကာယာယတနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၀။ အတ္ထိ တတ္ထ စက္ခာယတနံ, အတ္ထိ ရူပါယတနန္တိ? အာမန္တာ။ အတ္ထိ တတ္ထ ဃာနာယတနံ, အတ္ထိ ဂန္ဓာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ စက္ခာယတနံ, အတ္ထိ ရူပါယတနန္တိ? အာမန္တာ။ အတ္ထိ တတ္ထ ဇိဝှါယတနံ, အတ္ထိ ရသာယတနံ…ပေ… အတ္ထိ တတ္ထ ကာယာယတနံ, အတ္ထိ ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ သောတာယတနံ, အတ္ထိ သဒ္ဒါယတနံ…ပေ… အတ္ထိ တတ္ထ မနာယတနံ, အတ္ထိ ဓမ္မာယတနန္တိ? အာမန္တာ။ အတ္ထိ တတ္ထ ဃာနာယတနံ, အတ္ထိ ဂန္ဓာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ မနာယတနံ, အတ္ထိ ဓမ္မာယတနန္တိ? အာမန္တာ။ အတ္ထိ တတ္ထ ဇိဝှါယတနံ, အတ္ထိ ရသာယတနန္တိ…ပေ… အတ္ထိ တတ္ထ ကာယာယတနံ, အတ္ထိ ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ ဃာနာယတနံ, နတ္ထိ ဂန္ဓာယတနန္တိ? အာမန္တာ။ အတ္ထိ တတ္ထ စက္ခာယတနံ, နတ္ထိ ရူပါယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ဃာနာယတနံ, နတ္ထိ ဂန္ဓာယတနန္တိ? အာမန္တာ။ အတ္ထိ တတ္ထ သောတာယတနံ, နတ္ထိ သဒ္ဒါယတနံ…ပေ… အတ္ထိ တတ္ထ မနာယတနံ, နတ္ထိ ဓမ္မာယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ဇိဝှါယတနံ, နတ္ထိ ရသာယတနံ…ပေ… အတ္ထိ တတ္ထ ကာယာယတနံ, နတ္ထိ ဖောဋ္ဌဗ္ဗာယတနန္တိ? အာမန္တာ။ အတ္ထိ တတ္ထ စက္ခာယတနံ, နတ္ထိ ရူပါယတနန္တိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ကာယာယတနံ, နတ္ထိ ဖောဋ္ဌဗ္ဗာယတနန္တိ? အာမန္တာ။ အတ္ထိ တတ္ထ သောတာယတနံ, နတ္ထိ
(အဘိ၊က၊၂၇၉။)သဒ္ဒါယတနံ…ပေ… အတ္ထိ တတ္ထ မနာယတနံ, နတ္ထိ ဓမ္မာယတနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၁။ အတ္ထိ တတ္ထ စက္ခာယတနံ အတ္ထိ ရူပါယတနံ, တေန စက္ခုနာ တံ ရူပံ ပဿတီတိ? အာမန္တာ။ အတ္ထိ တတ္ထ ဃာနာယတနံ အတ္ထိ ဂန္ဓာယတနံ, တေန ဃာနေန တံ ဂန္ဓံ ဃာယတီတိ? န ဟေဝံ ဝတ္တဗ္ဗေ…ပေ… အတ္ထိ တတ္ထ စက္ခာယတနံ အတ္ထိ ရူပါယတနံ, တေန စက္ခုနာ တံ ရူပံ ပဿတီတိ? အာမန္တာ။ အတ္ထိ တတ္ထ ဇိဝှါယတနံ အတ္ထိ ရသာယတနံ, တာယ ဇိဝှါယ တံ ရသံ သာယတိ…ပေ… အတ္ထိ တတ္ထ ကာယာယတနံ အတ္ထိ ဖောဋ္ဌဗ္ဗာယတနံ, တေန ကာယေန တံ ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ သောတာယတနံ အတ္ထိ သဒ္ဒါယတနံ…ပေ… အတ္ထိ တတ္ထ မနာယတနံ အတ္ထိ ဓမ္မာယတနံ, တေန မနေန တံ ဓမ္မံ ဝိဇာနာတီတိ? အာမန္တာ။ အတ္ထိ တတ္ထ ဃာနာယတနံ အတ္ထိ ဂန္ဓာယတနံ, တေန ဃာနေန တံ ဂန္ဓံ ဃာယတီတိ? န ဟေဝံ ဝတ္တဗ္ဗေ…ပေ… အတ္ထိ တတ္ထ မနာယတနံ အတ္ထိ ဓမ္မာယတနံ, တေန မနေန တံ ဓမ္မံ ဝိဇာနာတီတိ? အာမန္တာ။ အတ္ထိ တတ္ထ ဇိဝှါယတနံ အတ္ထိ ရသာယတနံ…ပေ… အတ္ထိ တတ္ထ ကာယာယတနံ အတ္ထိ ဖောဋ္ဌဗ္ဗာယတနံ, တေန ကာယေန တံ ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ ဃာနာယတနံ အတ္ထိ ဂန္ဓာယတနံ, န စ တေန ဃာနေန တံ ဂန္ဓံ ဃာယတီတိ? အာမန္တာ။ အတ္ထိ တတ္ထ စက္ခာယတနံ အတ္ထိ ရူပါယတနံ, န စ တေန စက္ခုနာ တံ ရူပံ ပဿတီတိ? န ဟေဝံ ဝတ္တဗ္ဗေ…ပေ… အတ္ထိ တတ္ထ ဃာနာယတနံ အတ္ထိ ဂန္ဓာယတနံ, န စ တေန ဃာနေန တံ ဂန္ဓံ ဃာယတီတိ? အာမန္တာ။ အတ္ထိ တတ္ထ သောတာယတနံ အတ္ထိ သဒ္ဒါယတနံ…ပေ… အတ္ထိ တတ္ထ မနာယတနံ အတ္ထိ ဓမ္မာယတနံ, န စ တေန မနေန တံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ ဇိဝှါယတနံ အတ္ထိ ရသာယတနံ…ပေ… အတ္ထိ တတ္ထ ကာယာယတနံ အတ္ထိ ဖောဋ္ဌဗ္ဗာယတနံ, န စ တေန ကာယေန တံ ဖောဋ္ဌဗ္ဗံ ဖုသတီတိ? အာမန္တာ။ အတ္ထိ တတ္ထ သောတာယတနံ အတ္ထိ သဒ္ဒါယတနံ…ပေ… အတ္ထိ တတ္ထ မနာယတနံ အတ္ထိ ဓမ္မာယတနံ, န စ တေန မနေန တံ ဓမ္မံ ဝိဇာနာတီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၈၀။)֍ ဋ္ဌ ၅၂၂။ အတ္ထိ တတ္ထ ဃာနာယတနံ အတ္ထိ ဂန္ဓာယတနံ, တေန ဃာနေန တံ ဂန္ဓံ ဃာယတီတိ? အာမန္တာ။ အတ္ထိ တတ္ထ မူလဂန္ဓော သာရဂန္ဓော တစဂန္ဓော ပတ္တဂန္ဓော ပုပ္ဖဂန္ဓော ဖလဂန္ဓော အာမဂန္ဓော ဝိဿဂန္ဓော သုဂန္ဓော ဒုဂ္ဂန္ဓောတိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ ဇိဝှါယတနံ အတ္ထိ ရသာယတနံ, တာယ ဇိဝှါယ တံ ရသံ သာယတီတိ? အာမန္တာ။ အတ္ထိ တတ္ထ မူလရသော ခန္ဓရသော တစရသော ပတ္တရသော ပုပ္ဖရသော ဖလရသော အမ္ဗိလံ မဓုရံ တိတ္တကံ ကဋုကံ လောဏိယံ ခါရိယံ လမ္ဗိလံ ကသာဝေါ သာဒု အသာဒူတိ? န ဟေဝံ ဝတ္တဗ္ဗေ…ပေ…။
အတ္ထိ တတ္ထ ကာယာယတနံ အတ္ထိ ဖောဋ္ဌဗ္ဗာယတနံ, တေန ကာယေန တံ ဖောဋ္ဌဗ္ဗံ ဖုသတီတိ? အာမန္တာ။ အတ္ထိ တတ္ထ ကက္ခဠံ မုဒုကံ သဏှံ ဖရုသံ သုခသမ္ဖဿံ ဒုက္ခသမ္ဖဿံ ဂရုကံ လဟုကန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၃။ န ဝတ္တဗ္ဗံ – ‘‘သဠာယတနိကော အတ္တဘာဝေါ ရူပဓာတုယာ’’တိ? အာမန္တာ။ နနု အတ္ထိ တတ္ထ ဃာနနိမိတ္တံ ဇိဝှါနိမိတ္တံ ကာယနိမိတ္တန္တိ? အာမန္တာ။ ဟဉ္စိ အတ္ထိ တတ္ထ ဃာနနိမိတ္တံ ဇိဝှါနိမိတ္တံ ကာယနိမိတ္တံ, တေန ဝတ ရေ ဝတ္တဗ္ဗေ – ‘‘သဠာယတနိကော အတ္တဘာဝေါ ရူပဓာတုယာ’’တိ။
ရူပဓာတုယာ အာယတနကထာ နိဋ္ဌိတာ။
၈။ အဋ္ဌမဝဂ္ဂ
(၈၀) ၈။ အရူပေ ရူပကထာ
֍ ဋ္ဌ ၅၂၄။ အတ္ထိ ရူပံ အရူပေသူတိ? အာမန္တာ။ ရူပဘဝေါ ရူပဂတိ ရူပသတ္တာဝါသော ရူပသံသာရော ရူပယောနိ ရူပတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… နနု အရူပဘဝေါ အရူပဂတိ အရူပသတ္တာဝါသော အရူပသံသာရော အရူပယောနိ အရူပတ္တဘာဝပဋိလာဘောတိ? အာမန္တာ။ ဟဉ္စိ အရူပဘဝေါ…ပေ… အရူပတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘အတ္ထိ ရူပံ အရူပေသူ’’တိ။
အတ္ထိ ရူပံ အရူပေသူတိ? အာမန္တာ။ ပဉ္စဝေါကာရဘဝေါ ဂတိ သတ္တာဝါသော သံသာရော ယောနိ ဝိညာဏဋ္ဌိတိ အတ္တဘာဝပဋိလာဘောတိ? န
(အဘိ၊က၊၂၈၁။)ဟေဝံ ဝတ္တဗ္ဗေ…ပေ… နနု စတုဝေါကာရဘဝေါ…ပေ… အတ္တဘာဝပဋိလာဘောတိ? အာမန္တာ။ ဟဉ္စိ စတုဝေါကာရဘဝေါ ဂတိ…ပေ… အတ္တဘာဝပဋိလာဘော, နော စ ဝတ ရေ ဝတ္တဗ္ဗေ – ‘‘အတ္ထိ ရူပံ အရူပေသူ’’တိ။
֍ ဋ္ဌ ၅၂၅။ အတ္ထိ ရူပံ ရူပဓာတုယာ, သော စ ရူပဘဝေါ ရူပဂတိ ရူပသတ္တာဝါသော ရူပသံသာရော ရူပယောနိ ရူပတ္တဘာဝပဋိလာဘောတိ? အာမန္တာ။ အတ္ထိ ရူပံ အရူပေသု, သော စ ရူပဘဝေါ ရူပဂတိ…ပေ… ရူပတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ရူပံ ရူပဓာတုယာ, သော စ ပဉ္စဝေါကာရဘဝေါ ဂတိ…ပေ… အတ္တဘာဝပဋိလာဘောတိ? အာမန္တာ။ အတ္ထိ ရူပံ အရူပေသု, သော စ ပဉ္စဝေါကာရဘဝေါ ဂတိ…ပေ… အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ…။ အတ္ထိ ရူပံ အရူပေသု, သော စ အရူပဘဝေါ အရူပဂတိ အရူပသတ္တာဝါသော အရူပသံသာရော အရူပယောနိ အရူပတ္တဘာဝပဋိလာဘောတိ? အာမန္တာ။ အတ္ထိ ရူပံ ရူပဓာတုယာ [အရူပဓာတုယာ (သဗ္ဗတ္ထ)], သော စ အရူပဘဝေါ အရူပဂတိ…ပေ… အရူပတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ… အတ္ထိ ရူပံ အရူပေသု, သော စ စတုဝေါကာရဘဝေါ ဂတိ…ပေ… အတ္တဘာဝပဋိလာဘောတိ? အာမန္တာ။ အတ္ထိ ရူပံ ရူပဓာတုယာ [အရူပဓာတုယာ (သဗ္ဗတ္ထ)], သော စ စတုဝေါကာရဘဝေါ ဂတိ…ပေ… အတ္တဘာဝပဋိလာဘောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၆။ အတ္ထိ ရူပံ အရူပေသူတိ? အာမန္တာ။ နနု ရူပါနံ နိဿရဏံ အရူပံ [ဣတိဝု။ ၇၂၊ အ။ နိ။ ၅။၂၀၀၊ ဒီ။ နိ။ ၃။၃၂၁] ဝုတ္တံ ဘဂဝတာတိ? အာမန္တာ။ ဟဉ္စိ ရူပါနံ နိဿရဏံ အရူပံ [ဣတိဝု။ ၇၂၊ အ။ နိ။ ၅။၂၀၀၊ ဒီ။ နိ။ ၃။၃၂၁] ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အတ္ထိ ရူပံ အရူပေသူ’’တိ။
ရူပါနံ နိဿရဏံ အရူပံ ဝုတ္တံ ဘဂဝတာ, အတ္ထိ ရူပံ အရူပေသူတိ? အာမန္တာ။ ကာမာနံ နိဿရဏံ နေက္ခမ္မံ ဝုတ္တံ ဘဂဝတာ, အတ္ထိ နေက္ခမ္မေသု ကာမာ, အတ္ထိ အနာသဝေသု အာသဝါ, အတ္ထိ အပရိယာပန္နေသု ပရိယာပန္နာတိ? န ဟေဝံ ဝတ္တဗ္ဗေ…ပေ…။
အရူပေ ရူပကထာ နိဋ္ဌိတာ။
(အဘိ၊က၊၂၈၂။)၈။ အဋ္ဌမဝဂ္ဂ
(၈၁) ၉။ ရူပံ ကမ္မန္တိကထာ
֍ ဋ္ဌ ၅၂၇။ ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ, နော စ ဝတ ရေ ဝတ္တဗ္ဗေ – ‘‘ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလ’’န္တိ။
ကုသလေန စိတ္တေန သမုဋ္ဌိတော ဖဿော ကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတော ဖဿော ကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၈။ ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလန္တိ? အာမန္တာ။ ယံ ကိဉ္စိ ကုသလေန စိတ္တေန သမုဋ္ဌိတံ ရူပံ သဗ္ဗံ တံ ကုသလန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၈၃။)ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ ရူပါယတနံ ကုသလန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ကာယကမ္မံ ရူပံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု … အာပေါဓာတု… တေဇောဓာတု…ပေ… ဝါယောဓာတု ကုသလာတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ရူပါယတနံ အဗျာကတန္တိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အဗျာကတန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု … တေဇောဓာတု …ပေ… ဝါယောဓာတု အဗျာကတာတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၂၉။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ ကုသလန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အနာရမ္မဏာ ကုသလာတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ အဗျာကတန္တိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ အဗျာကတန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ … ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အနာရမ္မဏာ အဗျာကတာတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၀။ ကုသလေန စိတ္တေန သမုဋ္ဌိတံ ကာယကမ္မံ ရူပံ ဖဿဝိပ္ပယုတ္တံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ ရူပါယတနံ ဖဿဝိပ္ပယုတ္တံ ကုသလန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ကာယကမ္မံ ရူပံ
(အဘိ၊က၊၂၈၄။)ဖဿဝိပ္ပယုတ္တံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု ဖဿဝိပ္ပယုတ္တာ ကုသလာတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ရူပါယတနံ ဖဿဝိပ္ပယုတ္တံ အဗျာကတန္တိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု ဖဿဝိပ္ပယုတ္တာ အဗျာကတာတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၁။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ဖဿဝိပ္ပယုတ္တံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ ဖဿဝိပ္ပယုတ္တံ ကုသလန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ဖဿဝိပ္ပယုတ္တံ ကုသလန္တိ? အာမန္တာ။ ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အနာရမ္မဏာ ဖဿဝိပ္ပယုတ္တာ ကုသလာတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ ဖဿဝိပ္ပယုတ္တံ အဗျာကတန္တိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အနာရမ္မဏာ ဖဿဝိပ္ပယုတ္တာ အဗျာကတာတိ? အာမန္တာ။ ကုသလေန စိတ္တေန သမုဋ္ဌိတံ ကာယကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၂။ ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု
(အဘိ၊က၊၂၈၅။)အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ၊ နော စ ဝတ ရေ ဝတ္တဗ္ဗေ – ‘‘ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလ’’န္တိ။
ကုသလေန စိတ္တေန သမုဋ္ဌိတော ဖဿော ကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတော ဖဿော ကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ကုသလေန စိတ္တေန သမုဋ္ဌိတံ ဝစီကမ္မံ ရူပံ ကုသလန္တိ? အာမန္တာ။ ယံ ကိဉ္စိ ကုသလေန စိတ္တေန သမုဋ္ဌိတံ ရူပံ သဗ္ဗံ တံ ကုသလန္တိ? န ဟေဝံ ဝတ္တဗ္ဗေ…ပေ… ယထာ ကာယကမ္မံ တထာ ဝစီကမ္မန္တိ။
֍ ဋ္ဌ ၅၃၃။ အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓိ၊ နော စ ဝတ ရေ ဝတ္တဗ္ဗေ – ‘‘အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလ’’န္တိ။
(အဘိ၊က၊၂၈၆။)အကုသလေန စိတ္တေန သမုဋ္ဌိတော ဖဿော အကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… ရာဂေါ… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ…ပေ… အနောတ္တပ္ပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတော ဖဿော အကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… ရာဂေါ… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ…ပေ… အနောတ္တပ္ပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ကာယကမ္မံ ရူပံ အကုသလန္တိ? အာမန္တာ။ ယံ ကိဉ္စိ အကုသလေန စိတ္တေန သမုဋ္ဌိတံ ရူပံ သဗ္ဗံ တံ အကုသလန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၄။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ၊ နော စ ဝတ ရေ ဝတ္တဗ္ဗေ – ‘‘အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလ’’န္တိ။
အကုသလေန စိတ္တေန သမုဋ္ဌိတော ဖဿော အကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတာ ဝေဒနာ…ပေ…
(အဘိ၊က၊၂၈၇။)သညာ… စေတနာ… ရာဂေါ… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ…ပေ… အနောတ္တပ္ပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတော ဖဿော အကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အကုသလေန စိတ္တေန သမုဋ္ဌိတာ ဝေဒနာ…ပေ… သညာ… စေတနာ… ရာဂေါ… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ…ပေ… အနောတ္တပ္ပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလန္တိ? အာမန္တာ။ ယံ ကိဉ္စိ အကုသလေန စိတ္တေန သမုဋ္ဌိတံ ရူပံ သဗ္ဗံ တံ အကုသလန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၅။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ ရူပါယတနံ အကုသလန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ဝစီကမ္မံ ရူပံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အကုသလောတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ရူပါယတနံ အဗျာကတန္တိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အဗျာကတန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အဗျာကတောတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အဗျာကတန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၈၈။)֍ ဋ္ဌ ၅၃၆။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ အကုသလန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ…ပေ… ရသာယတနံ…ပေ… ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အနာရမ္မဏော အကုသလောတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ အဗျာကတန္တိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ အဗျာကတန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အနာရမ္မဏော အဗျာကတောတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၇။ အကုသလေန စိတ္တေန သမုဋ္ဌိတံ ဝစီကမ္မံ ရူပံ ဖဿဝိပ္ပယုတ္တံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ ရူပါယတနံ ဖဿဝိပ္ပယုတ္တံ အကုသလန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ဝစီကမ္မံ ရူပံ ဖဿဝိပ္ပယုတ္တံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ ဖဿဝိပ္ပယုတ္တော အကုသလောတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ရူပါယတနံ ဖဿဝိပ္ပယုတ္တံ အဗျာကတန္တိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အနာရမ္မဏော ဖဿဝိပ္ပယုတ္တော အဗျာကတောတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၈၉။)အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ ဖဿဝိပ္ပယုတ္တံ အကုသလန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အကုသလန္တိ? အာမန္တာ။ အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အနာရမ္မဏော ဖဿဝိပ္ပယုတ္တော အကုသလောတိ? န ဟေဝံ ဝတ္တဗ္ဗေ…ပေ…။
အကုသလေန စိတ္တေန သမုဋ္ဌိတံ ရူပါယတနံ အနာရမ္မဏံ ဖဿဝိပ္ပယုတ္တံ အဗျာကတန္တိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ… အကုသလေန စိတ္တေန သမုဋ္ဌိတံ သဒ္ဒါယတနံ…ပေ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ အနာရမ္မဏော ဖဿဝိပ္ပယုတ္တော အဗျာကတောတိ? အာမန္တာ။ အကုသလေန စိတ္တေန သမုဋ္ဌိတံ ဝစီကမ္မံ ရူပံ အနာရမ္မဏံ ဖဿဝိပ္ပယုတ္တံ အဗျာကတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၈။ န ဝတ္တဗ္ဗံ – ‘‘ရူပံ ကုသလမ္ပိ အကုသလမ္ပီ’’တိ? အာမန္တာ။ နနု ကာယကမ္မံ ဝစီကမ္မံ ကုသလမ္ပိ အကုသလမ္ပီတိ? အာမန္တာ။ ဟဉ္စိ ကာယကမ္မံ ဝစီကမ္မံ ကုသလမ္ပိ အကုသလမ္ပိ, တေန ဝတ ရေ ဝတ္တဗ္ဗေ – ‘‘ရူပံ ကုသလမ္ပိ အကုသလမ္ပီ’’တိ။
ရူပံ ကုသလမ္ပိ အကုသလမ္ပီတိ? အာမန္တာ။ စက္ခာယတနံ ကုသလမ္ပိ အကုသလမ္ပီတိ? န ဟေဝံ ဝတ္တဗ္ဗေ…ပေ… ရူပံ ကုသလမ္ပိ အကုသလမ္ပီတိ? အာမန္တာ။ သောတာယတနံ…ပေ… ဃာနာယတနံ… ဇိဝှါယတနံ… ကာယာယတနံ… ရူပါယတနံ… သဒ္ဒါယတနံ… ဂန္ဓာယတနံ… ရသာယတနံ … ဖောဋ္ဌဗ္ဗာယတနံ… ပထဝီဓာတု… အာပေါဓာတု… တေဇောဓာတု…ပေ… ဝါယောဓာတု အသုစိ အဿု လောဟိတံ သေဒေါ ကုသလောပိ အကုသလောပီတိ? န ဟေဝံ ဝတ္တဗ္ဗေ…ပေ…။
ကာယော ရူပံ, ကာယကမ္မံ ရူပန္တိ? အာမန္တာ။ မနော ရူပံ, မနောကမ္မံ ရူပန္တိ? န ဟေဝံ ဝတ္တဗ္ဗေ …ပေ… မနော အရူပံ, မနောကမ္မံ အရူပန္တိ? အာမန္တာ။ ကာယော အရူပံ, ကာယကမ္မံ အရူပန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၉၀။)ကာယော ရူပန္တိ, ကာယကမ္မံ ရူပန္တိ? အာမန္တာ။ စက္ခာယတနံ ရူပန္တိ, စက္ခုဝိညာဏံ ရူပန္တိ? န ဟေဝံ ဝတ္တဗ္ဗေ…ပေ… ကာယော ရူပန္တိ, ကာယကမ္မံ ရူပန္တိ? အာမန္တာ။ သောတာယတနံ ရူပန္တိ, သောတဝိညာဏံ ရူပန္တိ? န ဟေဝံ ဝတ္တဗ္ဗေ…ပေ… ကာယော ရူပန္တိ, ကာယကမ္မံ ရူပန္တိ? အာမန္တာ။ ဃာနာယတနံ ရူပန္တိ, ဃာနဝိညာဏံ ရူပန္တိ? န ဟေဝံ ဝတ္တဗ္ဗေ…ပေ… ကာယော ရူပန္တိ, ကာယကမ္မံ ရူပန္တိ? အာမန္တာ။ ဇိဝှါယတနံ ရူပန္တိ, ဇိဝှါဝိညာဏံ ရူပန္တိ? န ဟေဝံ ဝတ္တဗ္ဗေ…ပေ… ကာယော ရူပန္တိ, ကာယကမ္မံ ရူပန္တိ? အာမန္တာ။ ကာယာယတနံ ရူပန္တိ, ကာယဝိညာဏံ ရူပန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၃၉။ ရူပံ ကမ္မန္တိ? အာမန္တာ။ နနု ဝုတ္တံ ဘဂဝတာ – ‘‘စေတနာဟံ, ဘိက္ခဝေ, ကမ္မံ ဝဒါမိ၊ စေတယိတွာ ကမ္မံ ကရောတိ ကာယေန ဝါစာယ မနသာ’’တိ [အ။ နိ။ ၆။၆၃ နိဗ္ဗေဓိကသုတ္တေ]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ရူပံ ကမ္မ’’န္တိ။
ရူပံ ကမ္မန္တိ? အာမန္တာ။ နနု ဝုတ္တံ ဘဂဝတာ – ‘‘ကာယေ ဝါ, အာနန္ဒ [ဟာနန္ဒ (သံ။ နိ။ ၂။၂၅)], သတိ ကာယသဉ္စေတနာဟေတု ဥပ္ပဇ္ဇတိ အဇ္ဈတ္တံ သုခဒုက္ခံ၊ ဝါစာယ ဝါ, အာနန္ဒ [ဟာနန္ဒ (သံ။ နိ။ ၂။၂၅)], သတိ ဝစီသဉ္စေတနာဟေတု ဥပ္ပဇ္ဇတိ အဇ္ဈတ္တံ သုခဒုက္ခံ၊ မနေ ဝါ, အာနန္ဒ [ဟာနန္ဒ (သံ။ နိ။ ၂။၂၅)], သတိ မနောသဉ္စေတနာဟေတု ဥပ္ပဇ္ဇတိ အဇ္ဈတ္တံ သုခဒုက္ခ’’န္တိ [သံ။ နိ။ ၂။၂၅၊ အ။ နိ။ ၄။၁၇၁]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ရူပံ ကမ္မ’’န္တိ။
ရူပံ ကမ္မန္တိ? အာမန္တာ။ နနု ဝုတ္တံ ဘဂဝတာ – ‘‘တိဝိဓာ, ဘိက္ခဝေ, ကာယသဉ္စေတနာ အကုသလံ ကာယကမ္မံ ဒုက္ခုဒြယံ ဒုက္ခဝိပါကံ၊ စတုဗ္ဗိဓာ, ဘိက္ခဝေ, ဝစီသဉ္စေတနာ အကုသလံ ဝစီကမ္မံ ဒုက္ခုဒြယံ ဒုက္ခဝိပါကံ၊ တိဝိဓာ, ဘိက္ခဝေ, မနောသဉ္စေတနာ အကုသလံ မနောကမ္မံ ဒုက္ခုဒြယံ ဒုက္ခဝိပါကံ၊ တိဝိဓာ, ဘိက္ခဝေ, ကာယသဉ္စေတနာ ကုသလံ ကာယကမ္မံ သုခုဒြယံ သုခဝိပါကံ၊ စတုဗ္ဗိဓာ, ဘိက္ခဝေ, ဝစီသဉ္စေတနာ ကုသလံ ဝစီကမ္မံ သုခုဒြယံ သုခဝိပါကံ၊ တိဝိဓာ, ဘိက္ခဝေ, မနောသဉ္စေတနာ ကုသလံ မနောကမ္မံ သုခုဒြယံ သုခဝိပါက’’န္တိ [အ။ နိ။ ၁၀။၂၁၇ ထောကံ ပန ဝိသဒိသံ]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ရူပံ ကမ္မ’’န္တိ။
ရူပံ ကမ္မန္တိ? အာမန္တာ။ နနု ဝုတ္တံ ဘဂဝတာ – ‘‘သစာယံ, အာနန္ဒ, သမိဒ္ဓိ မောဃပုရိသော ပါဋလိပုတ္တဿ [ပေါတလိပုတ္တဿ (မ။ နိ။ ၃။၃၀၀)] ပရိဗ္ဗာဇကဿ ဧဝံ ပုဋ္ဌော ဧဝံ ဗျာကရေယျ –
(အဘိ၊က၊၂၉၁။)‘သဉ္စေတနိယံ, အာဝုသော ပါဋလိပုတ္တ, ကမ္မံ ကတွာ ကာယေန ဝါစာယ မနသာ သုခဝေဒနိယံ သုခံ သော ဝေဒယတိ၊ သဉ္စေတနိယံ, အာဝုသော ပါဋလိပုတ္တ, ကမ္မံ ကတွာ ကာယေန ဝါစာယ မနသာ ဒုက္ခဝေဒနိယံ ဒုက္ခံ သော ဝေဒယတိ၊ သဉ္စေတနိယံ, အာဝုသော ပါဋလိပုတ္တ, ကမ္မံ ကတွာ ကာယေန ဝါစာယ မနသာ အဒုက္ခမသုခဝေဒနိယံ အဒုက္ခမသုခံ သော ဝေဒယတီ’တိ, ဧဝံ ဗျာကရမာနော ခေါ, အာနန္ဒ, သမိဒ္ဓိ မောဃပုရိသော ပါဋလိပုတ္တဿ ပရိဗ္ဗာဇကဿ သမ္မာ ဗျာကရမာနော ဗျာကရေယျာ’’တိ [မ။ နိ။ ၃။၃၀၀]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ရူပံ ကမ္မ’’န္တိ။
ရူပံ ကမ္မန္တိကထာ နိဋ္ဌိတာ။
၈။ အဋ္ဌမဝဂ္ဂ
(၈၂) ၁၀။ ဇီဝိတိန္ဒြိယကထာ
֍ ဋ္ဌ ၅၄၀။ နတ္ထိ ရူပဇီဝိတိန္ဒြိယန္တိ? အာမန္တာ။ နတ္ထိ ရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာတိ? န ဟေဝံ ဝတ္တဗ္ဗေ…ပေ… အတ္ထိ ရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာတိ? အာမန္တာ။ ဟဉ္စိ အတ္ထိ ရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ, နော စ ဝတ ရေ ဝတ္တဗ္ဗေ – ‘‘နတ္ထိ ရူပဇီဝိတိန္ဒြိယ’’န္တိ။
အတ္ထိ အရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ, အတ္ထိ အရူပဇီဝိတိန္ဒြိယန္တိ? အာမန္တာ။ အတ္ထိ ရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ, အတ္ထိ ရူပဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ ရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ, နတ္ထိ ရူပဇီဝိတိန္ဒြိယန္တိ? အာမန္တာ။ အတ္ထိ အရူပီနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ, နတ္ထိ အရူပဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
အရူပီနံ ဓမ္မာနံ အာယု အရူပဇီဝိတိန္ဒြိယန္တိ? အာမန္တာ။ ရူပီနံ ဓမ္မာနံ အာယု ရူပဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ… ရူပီနံ ဓမ္မာနံ အာယု န ဝတ္တဗ္ဗံ – ‘‘ရူပဇီဝိတိန္ဒြိယ’’န္တိ? အာမန္တာ။ အရူပီနံ ဓမ္မာနံ အာယု န ဝတ္တဗ္ဗံ – ‘‘အရူပဇီဝိတိန္ဒြိယ’’န္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၉၂။)֍ ဋ္ဌ ၅၄၁။ ရူပီနံ ဓမ္မာနံ အာယု အရူပဇီဝိတိန္ဒြိယန္တိ? အာမန္တာ။ အရူပီနံ ဓမ္မာနံ အာယု ရူပဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
အရူပီနံ ဓမ္မာနံ အာယု န ဝတ္တဗ္ဗံ – ‘‘ရူပဇီဝိတိန္ဒြိယ’’န္တိ? အာမန္တာ။ ရူပီနံ ဓမ္မာနံ အာယု န ဝတ္တဗ္ဗံ – ‘‘အရူပဇီဝိတိန္ဒြိယ’’န္တိ? န ဟေဝံ ဝတ္တဗ္ဗေ…ပေ…။
ရူပီနဉ္စ အရူပီနဉ္စ ဓမ္မာနံ အာယု အရူပဇီဝိတိန္ဒြိယန္တိ? အာမန္တာ။ ရူပီနဉ္စ အရူပီနဉ္စ ဓမ္မာနံ အာယု ရူပဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
ရူပီနဉ္စ အရူပီနဉ္စ ဓမ္မာနံ အာယု န ဝတ္တဗ္ဗံ – ‘‘ရူပဇီဝိတိန္ဒြိယ’’န္တိ? အာမန္တာ။ ရူပီနဉ္စ အရူပီနဉ္စ ဓမ္မာနံ အာယု န ဝတ္တဗ္ဗံ – ‘‘အရူပဇီဝိတိန္ဒြိယ’’န္တိ? န ဟေဝံ ဝတ္တဗ္ဗေ…ပေ… နတ္ထိ ရူပဇီဝိတိန္ဒြိယန္တိ? အာမန္တာ။ နိရောဓံ သမာပန္နဿ နတ္ထိ ဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၄၂။ နိရောဓံ သမာပန္နဿ အတ္ထိ ဇီဝိတိန္ဒြိယန္တိ? အာမန္တာ။ ဟဉ္စိ နိရောဓံ သမာပန္နဿ အတ္ထိ ဇီဝိတိန္ဒြိယံ, နော စ ဝတ ရေ ဝတ္တဗ္ဗေ – ‘‘နတ္ထိ ရူပဇီဝိတိန္ဒြိယ’’န္တိ။
နိရောဓံ သမာပန္နဿ အတ္ထိ ဇီဝိတိန္ဒြိယန္တိ? အာမန္တာ။ ကတမက္ခန္ဓပရိယာပန္နန္တိ? သင်္ခါရက္ခန္ဓပရိယာပန္နန္တိ။ နိရောဓံ သမာပန္နဿ အတ္ထိ သင်္ခါရက္ခန္ဓောတိ? န ဟေဝံ ဝတ္တဗ္ဗေ…ပေ…။
နိရောဓံ သမာပန္နဿ အတ္ထိ သင်္ခါရက္ခန္ဓောတိ? အာမန္တာ။ နိရောဓံ သမာပန္နဿ အတ္ထိ ဝေဒနာက္ခန္ဓော…ပေ… သညာက္ခန္ဓော…ပေ… ဝိညာဏက္ခန္ဓောတိ? န ဟေဝံ ဝတ္တဗ္ဗေ…ပေ…။
နိရောဓံ သမာပန္နဿ အတ္ထိ ဝေဒနာက္ခန္ဓော…ပေ… သညာက္ခန္ဓော…ပေ… ဝိညာဏက္ခန္ဓောတိ? အာမန္တာ။ န နိရောဓံ သမာပန္နောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၄၃။ နတ္ထိ ရူပဇီဝိတိန္ဒြိယန္တိ? အာမန္တာ။ အသညသတ္တာနံ နတ္ထိ ဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
အသညသတ္တာနံ အတ္ထိ ဇီဝိတိန္ဒြိယန္တိ? အာမန္တာ။ ဟဉ္စိ အသညသတ္တာနံ အတ္ထိ ဇီဝိတိန္ဒြိယံ, နော စ ဝတ ရေ ဝတ္တဗ္ဗေ – ‘‘နတ္ထိ ရူပဇီဝိတိန္ဒြိယ’’န္တိ။ အသညသတ္တာနံ အတ္ထိ ဇီဝိတိန္ဒြိယန္တိ? အာမန္တာ။ ကတမက္ခန္ဓပရိယာပန္နန္တိ? သင်္ခါရက္ခန္ဓပရိယာပန္နန္တိ။ အသညသတ္တာနံ အတ္ထိ သင်္ခါရက္ခန္ဓောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၉၃။)အသညသတ္တာနံ အတ္ထိ သင်္ခါရက္ခန္ဓောတိ? အာမန္တာ။ အသညသတ္တာနံ အတ္ထိ ဝေဒနာက္ခန္ဓော…ပေ… သညာက္ခန္ဓော…ပေ… ဝိညာဏက္ခန္ဓောတိ? န ဟေဝံ ဝတ္တဗ္ဗေ…ပေ…။
အသညသတ္တာနံ အတ္ထိ ဝေဒနာက္ခန္ဓော…ပေ… သညာက္ခန္ဓော…ပေ… ဝိညာဏက္ခန္ဓောတိ? အာမန္တာ။ ပဉ္စဝေါကာရဘဝေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၄၄။ ဥပပတ္တေသိယေန စိတ္တေန သမုဋ္ဌိတံ ဇီဝိတိန္ဒြိယံ ဥပပတ္တေသိယေ စိတ္တေ ဘိဇ္ဇမာနေ ဧကဒေသံ ဘိဇ္ဇတီတိ? အာမန္တာ။ ဥပပတ္တေသိယေန စိတ္တေန သမုဋ္ဌိတော ဖဿော ဥပပတ္တေသိယေ စိတ္တေ ဘိဇ္ဇမာနေ ဧကဒေသော ဘိဇ္ဇတီတိ? န ဟေဝံ ဝတ္တဗ္ဗေ…ပေ…။
ဥပပတ္တေသိယေန စိတ္တေန သမုဋ္ဌိတော ဖဿော ဥပပတ္တေသိယေ စိတ္တေ ဘိဇ္ဇမာနေ အနဝသေသော ဘိဇ္ဇတီတိ? အာမန္တာ။ ဥပပတ္တေသိယေန စိတ္တေန သမုဋ္ဌိတံ ဇီဝိတိန္ဒြိယံ ဥပပတ္တေသိယေ စိတ္တေ ဘိဇ္ဇမာနေ အနဝသေသံ ဘိဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၄၅။ ဒွေ ဇီဝိတိန္ဒြိယာနီတိ? အာမန္တာ။ ဒွီဟိ ဇီဝိတေဟိ ဇီဝတိ, ဒွီဟိ မရဏေဟိ မီယတီတိ? အာမန္တာ [န ဟေဝံ ဝတ္တဗ္ဗေ (သျာ။ ကံ။ ပီ။)]။
ဇီဝိတိန္ဒြိယကထာ နိဋ္ဌိတာ။
၈။ အဋ္ဌမဝဂ္ဂ
(၈၃) ၁၁။ ကမ္မဟေတုကထာ
֍ ဋ္ဌ ၅၄၆။ ကမ္မဟေတု အရဟာ အရဟတ္တာ ပရိဟာယတီတိ? အာမန္တာ။ ကမ္မဟေတု သောတာပန္နော သောတာပတ္တိဖလာ ပရိဟာယတီတိ? န ဟေဝံ ဝတ္တဗ္ဗေ…ပေ… ကမ္မဟေတု အရဟာ အရဟတ္တာ ပရိဟာယတီတိ? အာမန္တာ။ ကမ္မဟေတု သကဒါဂါမီ…ပေ… အနာဂါမီ အနာဂါမိဖလာ ပရိဟာယတီတိ? န ဟေဝံ ဝတ္တဗ္ဗေ…ပေ…။
ကမ္မဟေတု သောတာပန္နော သောတာပတ္တိဖလာ န ပရိဟာယတီတိ? အာမန္တာ။ ကမ္မဟေတု အရဟာ အရဟတ္တာ န ပရိဟာယတီတိ? န ဟေဝံ
(အဘိ၊က၊၂၉၄။)ဝတ္တဗ္ဗေ …ပေ… ကမ္မဟေတု သကဒါဂါမီ…ပေ… အနာဂါမီ အနာဂါမိဖလာ န ပရိဟာယတီတိ? အာမန္တာ။ ကမ္မဟေတု အရဟာ အရဟတ္တာ န ပရိဟာယတီတိ? န ဟေဝံ ဝတ္တဗ္ဗေ…ပေ…။
ကမ္မဟေတု အရဟာ အရဟတ္တာ ပရိဟာယတီတိ? အာမန္တာ။ ပါဏာတိပါတကမ္မဿ ဟေတူတိ? န ဟေဝံ ဝတ္တဗ္ဗေ…ပေ… အဒိန္နာဒါနကမ္မဿ ဟေတု…ပေ… ကာမေသုမိစ္ဆာစာရကမ္မဿ ဟေတု… မုသာဝါဒကမ္မဿ ဟေတု… ပိသုဏဝါစာကမ္မဿ ဟေတု… ဖရုသဝါစာကမ္မဿ ဟေတု… သမ္ဖပ္ပလာပကမ္မဿ ဟေတု… မာတုဃာတကမ္မဿ [မာတုဃာတကကမ္မဿ (သျာ။), မာတုဃာတိကမ္မဿ (က။) တထာ ပိတုဃာတအရဟန္တဃာတကမ္မဿာတိပဒေသု] ဟေတု… ပိတုဃာတကမ္မဿ ဟေတု… အရဟန္တဃာတကမ္မဿ ဟေတု… ရုဟိရုပ္ပါဒကမ္မဿ ဟေတု…ပေ… သံဃဘေဒကမ္မဿ ဟေတူတိ? န ဟေဝံ ဝတ္တဗ္ဗေ…ပေ…။
ကတမဿ ကမ္မဿ ဟေတူတိ? ဟန္ဒ ဟိ အရဟန္တာနံ အဗ္ဘာစိက္ခတီတိ။ အရဟန္တာနံ အဗ္ဘာစိက္ခနကမ္မဿ ဟေတု အရဟာ အရဟတ္တာ ပရိဟာယတီတိ? အာမန္တာ။ ယေ ကေစိ အရဟန္တာနံ အဗ္ဘာစိက္ခန္တိ, သဗ္ဗေ တေ အရဟတ္တံ သစ္ဆိကရောန္တီတိ? န ဟေဝံ ဝတ္တဗ္ဗေ…ပေ…။
ကမ္မဟေတုကထာ နိဋ္ဌိတာ။
အဋ္ဌမဝဂ္ဂေါ။
တဿုဒ္ဒါနံ –
ဆ ဂတိယော, အန္တရာဘဝေါ, ပဉ္စေဝ ကာမဂုဏာ ကာမဓာတု, ပဉ္စေဝ အာယတနာ ကာမာ, ရူပိနော ဓမ္မာ ရူပဓာတု, အရူပိနော ဓမ္မာ အရူပဓာတု, သဠာယတနိကော အတ္တဘာဝေါ ရူပဓာတုယာ, အတ္ထိ ရူပံ အရူပေသု, ရူပံ ကမ္မံ, ရူပံ ဇီဝိတံ, ကမ္မဟေတုကာ ပရိဟာယတီတိ။
၉။ နဝမဝဂ္ဂ
(၈၄) ၁။ အာနိသံသဒဿာဝီကထာ
֍ ဋ္ဌ ၅၄၇။ အာနိသံသဒဿာဝိဿ သံယောဇနာနံ ပဟာနန္တိ? အာမန္တာ။ နနု သင်္ခါရေ အနိစ္စတော မနသိကရောတော သံယောဇနာ ပဟီယန္တီတိ? အာမန္တာ။
(အဘိ၊က၊၂၉၅။)ဟဉ္စိ သင်္ခါရေ အနိစ္စတော မနသိကရောတော သံယောဇနာ ပဟီယန္တိ, နော စ ဝတ ရေ ဝတ္တဗ္ဗေ – ‘‘အာနိသံသဒဿာဝိဿ သံယောဇနာနံ ပဟာန’’န္တိ။
နနု သင်္ခါရေ ဒုက္ခတော…ပေ… ရောဂတော… ဂဏ္ဍတော… သလ္လတော… အဃတော… အာဗာဓတော… ပရတော… ပလောကတော… ဤတိတော… ဥပဒ္ဒဝတော… ဘယတော… ဥပသဂ္ဂတော… စလတော… ပဘင်္ဂုတော… အဒ္ဓုဝတော… အတာဏတော… အလေဏတော… အသရဏတော… အသရဏီဘူတတော… ရိတ္တတော… တုစ္ဆတော… သုညတော… အနတ္တတော… အာဒီနဝတော…ပေ… ဝိပရိဏာမဓမ္မတော မနသိကရောတော သံယောဇနာ ပဟီယန္တီတိ? အာမန္တာ။ ဟဉ္စိ သင်္ခါရေ ဝိပရိဏာမဓမ္မတော မနသိကရောတော သံယောဇနာ ပဟီယန္တိ, နော စ ဝတ ရေ ဝတ္တဗ္ဗေ – ‘‘အာနိသံသဒဿာဝိဿ သံယောဇနာနံ ပဟာန’’န္တိ။
သင်္ခါရေ စ အနိစ္စတော မနသိ ကရောတိ နိဗ္ဗာနေ စ အာနိသံသဒဿာဝီ ဟောတီတိ? န ဟေဝံ ဝတ္တဗ္ဗေ…ပေ… သင်္ခါရေ စ အနိစ္စတော မနသိ ကရောတိ နိဗ္ဗာနေ စ အာနိသံသဒဿာဝီ ဟောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… သင်္ခါရေ စ ဒုက္ခတော…ပေ… ဝိပရိဏာမဓမ္မတော မနသိ ကရောတိ နိဗ္ဗာနေ စ အာနိသံသဒဿာဝီ ဟောတီတိ? န ဟေဝံ ဝတ္တဗ္ဗေ…ပေ… သင်္ခါရေ စ ဝိပရိဏာမဓမ္မတော မနသိ ကရောတိ နိဗ္ဗာနေ စ အာနိသံသဒဿာဝီ ဟောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၄၈။ န ဝတ္တဗ္ဗံ – ‘‘အာနိသံသဒဿာဝိဿ သံယောဇနာနံ ပဟာန’’န္တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု နိဗ္ဗာနေ သုခါနုပဿီ ဝိဟရတိ သုခသညီ သုခပဋိသံဝေဒီ, သတတံ သမိတံ အဗ္ဗောကိဏ္ဏံ စေတသာ အဓိမုစ္စမာနော ပညာယ ပရိယောဂါဟမာနော’’တိ [အ။ နိ။ ၇။၁၉]! အတ္ထေဝ သုတ္တန္တောတိ? အာမန္တာ။ တေန ဟိ အာနိသံသဒဿာဝိဿ သံယောဇနာနံ ပဟာနန္တိ။
အာနိသံသဒဿာဝီကထာ နိဋ္ဌိတာ။
၉။ နဝမဝဂ္ဂ
(၈၅) ၂။ အမတာရမ္မဏကထာ
֍ ဋ္ဌ ၅၄၉။ အမတာရမ္မဏံ သံယောဇနန္တိ? အာမန္တာ။ အမတံ သံယောဇနိယံ ဂန္ထနိယံ ဩဃနိယံ ယောဂနိယံ နီဝရဏိယံ ပရာမဋ္ဌံ ဥပါဒါနိယံ သံကိလေသိယန္တိ?
(အဘိ၊က၊၂၉၆။)န ဟေဝံ ဝတ္တဗ္ဗေ…ပေ… နနု အမတံ အသံယောဇနိယံ အဂန္ထနိယံ…ပေ… အသံကိလေသိယန္တိ? အာမန္တာ။ ဟဉ္စိ အမတံ အသံယောဇနိယံ…ပေ… အသံကိလေသိယံ, နော စ ဝတ ရေ ဝတ္တဗ္ဗေ – ‘‘အမတာရမ္မဏံ သံယောဇန’’န္တိ။
အမတံ အာရဗ္ဘ ရာဂေါ ဥပ္ပဇ္ဇတီတိ? အာမန္တာ။ အမတံ ရာဂဋ္ဌာနိယံ ရဇနိယံ ကမနိယံ မဒနိယံ ဗန္ဓနိယံ မုစ္ဆနိယန္တိ? န ဟေဝံ ဝတ္တဗ္ဗေ…ပေ… နနု အမတံ န ရာဂဋ္ဌာနိယံ န ရဇနိယံ န ကမနိယံ န မဒနိယံ န ဗန္ဓနိယံ န မုစ္ဆနိယန္တိ? အာမန္တာ။ ဟဉ္စိ အမတံ န ရာဂဋ္ဌာနိယံ န ရဇနိယံ န ကမနိယံ န မဒနိယံ န ဗန္ဓနိယံ န မုစ္ဆနိယံ, နော စ ဝတ ရေ ဝတ္တဗ္ဗေ – ‘‘အမတံ အာရဗ္ဘ ရာဂေါ ဥပ္ပဇ္ဇတီ’’တိ။
အမတံ အာရဗ္ဘ ဒေါသော ဥပ္ပဇ္ဇတီတိ? အာမန္တာ။ အမတံ ဒေါသဋ္ဌာနိယံ ကောပဋ္ဌာနိယံ ပဋိဃဋ္ဌာနိယန္တိ? န ဟေဝံ ဝတ္တဗ္ဗေ…ပေ… နနု အမတံ န ဒေါသဋ္ဌာနိယံ န ကောပဋ္ဌာနိယံ န ပဋိဃဋ္ဌာနိယန္တိ? အာမန္တာ။ ဟဉ္စိ အမတံ န ဒေါသဋ္ဌာနိယံ န ကောပဋ္ဌာနိယံ န ပဋိဃဋ္ဌာနိယံ, နော စ ဝတ ရေ ဝတ္တဗ္ဗေ – ‘‘အမတံ အာရဗ္ဘ ဒေါသော ဥပ္ပဇ္ဇတီ’’တိ။
အမတံ အာရဗ္ဘ မောဟော ဥပ္ပဇ္ဇတီတိ? အာမန္တာ။ အမတံ မောဟဋ္ဌာနိယံ အညာဏကရဏံ အစက္ခုကရဏံ ပညာနိရောဓိယံ ဝိဃာတပက္ခိယံ အနိဗ္ဗာနသံဝတ္တနိယန္တိ? န ဟေဝံ ဝတ္တဗ္ဗေ…ပေ… နနု အမတံ န မောဟဋ္ဌာနိယံ န အညာဏကရဏံ န အစက္ခုကရဏံ ပညာဗုဒ္ဓိယံ အဝိဃာတပက္ခိယံ နိဗ္ဗာနသံဝတ္တနိယန္တိ? အာမန္တာ။ ဟဉ္စိ အမတံ န မောဟဋ္ဌာနိယံ န အညာဏကရဏံ…ပေ… နိဗ္ဗာနသံဝတ္တနိယံ, နော စ ဝတ ရေ ဝတ္တဗ္ဗေ – ‘‘အမတံ အာရဗ္ဘ မောဟော ဥပ္ပဇ္ဇတီ’’တိ။
֍ ဋ္ဌ ၅၅၀။ ရူပံ အာရဗ္ဘ သံယောဇနာ ဥပ္ပဇ္ဇန္တိ, ရူပံ သံယောဇနိယံ ဂန္ထနိယံ…ပေ… သံကိလေသိယန္တိ? အာမန္တာ။ အမတံ အာရဗ္ဘ သံယောဇနာ ဥပ္ပဇ္ဇန္တိ, အမတံ သံယောဇနိယံ…ပေ… သံကိလေသိယန္တိ? န ဟေဝံ ဝတ္တဗ္ဗေ…ပေ…။
ရူပံ အာရဗ္ဘ ရာဂေါ ဥပ္ပဇ္ဇတိ, ရူပံ ရာဂဋ္ဌာနိယံ ရဇနိယံ ကမနိယံ မဒနိယံ ဗန္ဓနိယံ မုစ္ဆနိယန္တိ? အာမန္တာ။ အမတံ အာရဗ္ဘ ရာဂေါ ဥပ္ပဇ္ဇတိ, အမတံ ရာဂဋ္ဌာနိယံ…ပေ… မုစ္ဆနိယန္တိ? န ဟေဝံ ဝတ္တဗ္ဗေ…ပေ…။
ရူပံ အာရဗ္ဘ ဒေါသော ဥပ္ပဇ္ဇတိ, ရူပံ ဒေါသဋ္ဌာနိယံ ကောပဋ္ဌာနိယံ ပဋိဃဋ္ဌာနိယန္တိ? အာမန္တာ။ အမတံ အာရဗ္ဘ ဒေါသော ဥပ္ပဇ္ဇတိ, အမတံ ဒေါသဋ္ဌာနိယံ ကောပဋ္ဌာနိယံ ပဋိဃဋ္ဌာနိယန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၂၉၇။)ရူပံ အာရဗ္ဘ မောဟော ဥပ္ပဇ္ဇတိ, ရူပံ မောဟဋ္ဌာနိယံ အညာဏကရဏံ…ပေ… အနိဗ္ဗာနသံဝတ္တနိယန္တိ? အာမန္တာ။ အမတံ အာရဗ္ဘ မောဟော ဥပ္ပဇ္ဇတိ, အမတံ မောဟဋ္ဌာနိယံ အညာဏကရဏံ…ပေ… အနိဗ္ဗာနသံဝတ္တနိယန္တိ? န ဟေဝံ ဝတ္တဗ္ဗေ…ပေ…။
အမတံ အာရဗ္ဘ သံယောဇနာ ဥပ္ပဇ္ဇန္တိ, အမတံ အသံယောဇနိယံ အဂန္ထနိယံ အနောဃနိယံ အယောဂနိယံ အနီဝရဏိယံ အပရာမဋ္ဌံ အနုပါဒါနိယံ အသံကိလေသိယန္တိ? အာမန္တာ။ ရူပံ အာရဗ္ဘ သံယောဇနာ ဥပ္ပဇ္ဇန္တိ, ရူပံ အသံယောဇနိယံ အဂန္ထနိယံ…ပေ… အသံကိလေသိယန္တိ? န ဟေဝံ ဝတ္တဗ္ဗေ…ပေ…။
အမတံ အာရဗ္ဘ ရာဂေါ ဥပ္ပဇ္ဇတိ, အမတံ န ရာဂဋ္ဌာနိယံ န ရဇနိယံ န ကမနိယံ န မဒနိယံ န ဗန္ဓနိယံ န မုစ္ဆနိယန္တိ? အာမန္တာ။ ရူပံ အာရဗ္ဘ ရာဂေါ ဥပ္ပဇ္ဇတိ, ရူပံ န ရာဂဋ္ဌာနိယံ…ပေ… န မုစ္ဆနိယန္တိ? န ဟေဝံ ဝတ္တဗ္ဗေ…ပေ…။
အမတံ အာရဗ္ဘ ဒေါသော ဥပ္ပဇ္ဇတိ, အမတံ န ဒေါသဋ္ဌာနိယံ န ကောပဋ္ဌာနိယံ န ပဋိဃဋ္ဌာနိယန္တိ? အာမန္တာ။ ရူပံ အာရဗ္ဘ ဒေါသော ဥပ္ပဇ္ဇတိ, ရူပံ န ဒေါသဋ္ဌာနိယံ န ကောပဋ္ဌာနိယံ န ပဋိဃဋ္ဌာနိယန္တိ? န ဟေဝံ ဝတ္တဗ္ဗေ…ပေ…။
အမတံ အာရဗ္ဘ မောဟော ဥပ္ပဇ္ဇတိ, အမတံ န မောဟဋ္ဌာနိယံ န အညာဏကရဏံ…ပေ… နိဗ္ဗာနသံဝတ္တနိယန္တိ? အာမန္တာ။ ရူပံ အာရဗ္ဘ မောဟော ဥပ္ပဇ္ဇတိ, ရူပံ န မောဟဋ္ဌာနိယံ န အညာဏကရဏံ…ပေ… နိဗ္ဗာနသံဝတ္တနိယန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၅၁။ န ဝတ္တဗ္ဗံ – ‘‘အမတာရမ္မဏံ သံယောဇန’’န္တိ? အာမန္တာ။ နနု ဝုတ္တံ ဘဂဝတာ – ‘‘နိဗ္ဗာနံ နိဗ္ဗာနတော သဉ္ဇာနာတိ, နိဗ္ဗာနံ နိဗ္ဗာနတော သဉ္ဇာနိတွာ နိဗ္ဗာနံ မညတိ, နိဗ္ဗာနသ္မိံ မညတိ, နိဗ္ဗာနတော မညတိ, နိဗ္ဗာနံ မေတိ မညတိ, နိဗ္ဗာနံ အဘိနန္ဒတီ’’တိ [မ။ နိ။ ၁။၆]! အတ္ထေဝ သုတ္တန္တောတိ? အာမန္တာ။ တေန ဟိ အမတာရမ္မဏံ သံယောဇနန္တိ။
အမတာရမ္မဏကထာ နိဋ္ဌိတာ။
(အဘိ၊က၊၂၉၈။)၉။ နဝမဝဂ္ဂ
(၈၆) ၃။ ရူပံ သာရမ္မဏန္တိကထာ
֍ ဋ္ဌ ၅၅၂။ ရူပံ သာရမ္မဏန္တိ? အာမန္တာ။ အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု နတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? အာမန္တာ။ ဟဉ္စိ နတ္ထိ တဿ အာဝဋ္ဋနာ အာဘောဂေါ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ သာရမ္မဏ’’န္တိ။
ဖဿော သာရမ္မဏော, အတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? အာမန္တာ။ ရူပံ သာရမ္မဏံ, အတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ဝေဒနာ…ပေ… သညာ စေတနာ စိတ္တံ သဒ္ဓါ ဝီရိယံ သတိ သမာဓိ ပညာ ရာဂေါ ဒေါသော မောဟော မာနော ဒိဋ္ဌိ ဝိစိကိစ္ဆာ ထိနံ ဥဒ္ဓစ္စံ အဟိရိကံ…ပေ… အနောတ္တပ္ပံ သာရမ္မဏံ, အတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? အာမန္တာ။ ရူပံ သာရမ္မဏံ, အတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ သာရမ္မဏံ, နတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? အာမန္တာ။ ဖဿော သာရမ္မဏော, နတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ သာရမ္မဏံ, နတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? အာမန္တာ။ ဝေဒနာ…ပေ… အနောတ္တပ္ပံ သာရမ္မဏံ, နတ္ထိ တဿ အာဝဋ္ဋနာ အာဘောဂေါ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၅၃။ န ဝတ္တဗ္ဗံ – ‘‘ရူပံ သာရမ္မဏ’’န္တိ? အာမန္တာ။ နနု ရူပံ သပ္ပစ္စယန္တိ? အာမန္တာ။ ဟဉ္စိ ရူပံ သပ္ပစ္စယံ, တေန ဝတ ရေ ဝတ္တဗ္ဗေ – ‘‘ရူပံ သာရမ္မဏ’’န္တိ။
ရူပံ သာရမ္မဏန္တိကထာ နိဋ္ဌိတာ။
(အဘိ၊က၊၂၉၉။)၉။ နဝမဝဂ္ဂေါ
(၈၇) ၄။ အနုသယာ အနာရမ္မဏကထာ
֍ ဋ္ဌ ၅၅၄။ အနုသယာ အနာရမ္မဏာတိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော အနာရမ္မဏောတိ? အာမန္တာ။ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏံ အနာရမ္မဏန္တိ? န ဟေဝံ ဝတ္တဗ္ဗေ…ပေ… ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏံ သာရမ္မဏန္တိ? အာမန္တာ။ ကာမရာဂါနုသယော သာရမ္မဏောတိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော အနာရမ္မဏောတိ? အာမန္တာ။ ကတမက္ခန္ဓပရိယာပန္နောတိ? သင်္ခါရက္ခန္ဓပရိယာပန္နောတိ။ သင်္ခါရက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော သင်္ခါရက္ခန္ဓပရိယာပန္နော အနာရမ္မဏောတိ? အာမန္တာ။ ကာမရာဂေါ သင်္ခါရက္ခန္ဓပရိယာပန္နော အနာရမ္မဏောတိ? န ဟေဝံ ဝတ္တဗ္ဗေ…ပေ… ကာမရာဂေါ သင်္ခါရက္ခန္ဓပရိယာပန္နော သာရမ္မဏောတိ? အာမန္တာ။ ကာမရာဂါနုသယော သင်္ခါရက္ခန္ဓပရိယာပန္နော သာရမ္မဏောတိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော သင်္ခါရက္ခန္ဓပရိယာပန္နော အနာရမ္မဏော, ကာမရာဂေါ သင်္ခါရက္ခန္ဓပရိယာပန္နော သာရမ္မဏောတိ? အာမန္တာ။ သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၅၅။ ပဋိဃာနုသယော မာနာနုသယော ဒိဋ္ဌာနုသယော ဝိစိကိစ္ဆာနုသယော ဘဝရာဂါနုသယော အဝိဇ္ဇာနုသယော အနာရမ္မဏောတိ? အာမန္တာ။ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနုသယော အဝိဇ္ဇာပရိယုဋ္ဌာနံ
(အဘိ၊က၊၃၀၀။)အဝိဇ္ဇာသံယောဇနံ အဝိဇ္ဇာနီဝရဏံ အနာရမ္မဏန္တိ? န ဟေဝံ ဝတ္တဗ္ဗေ…ပေ… အဝိဇ္ဇာ အဝိဇ္ဇောဃော…ပေ… အဝိဇ္ဇာနီဝရဏံ သာရမ္မဏန္တိ? အာမန္တာ။ အဝိဇ္ဇာနုသယော သာရမ္မဏောတိ? န ဟေဝံ ဝတ္တဗ္ဗေ…ပေ…။
အဝိဇ္ဇာနုသယော အနာရမ္မဏောတိ? အာမန္တာ။ ကတမက္ခန္ဓပရိယာပန္နောတိ? သင်္ခါရက္ခန္ဓပရိယာပန္နောတိ။ သင်္ခါရက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ…။
အဝိဇ္ဇာနုသယော သင်္ခါရက္ခန္ဓပရိယာပန္နော အနာရမ္မဏောတိ? အာမန္တာ။ အဝိဇ္ဇာ သင်္ခါရက္ခန္ဓပရိယာပန္နာ အနာရမ္မဏာတိ? န ဟေဝံ ဝတ္တဗ္ဗေ…ပေ… အဝိဇ္ဇာ သင်္ခါရက္ခန္ဓပရိယာပန္နာ သာရမ္မဏာတိ? အာမန္တာ။ အဝိဇ္ဇာနုသယော သင်္ခါရက္ခန္ဓပရိယာပန္နော သာရမ္မဏောတိ? န ဟေဝံ ဝတ္တဗ္ဗေ…ပေ…။
အဝိဇ္ဇာနုသယော သင်္ခါရက္ခန္ဓပရိယာပန္နော အနာရမ္မဏော, အဝိဇ္ဇာ သင်္ခါရက္ခန္ဓပရိယာပန္နာ သာရမ္မဏာတိ? အာမန္တာ။ သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၅၆။ န ဝတ္တဗ္ဗံ – ‘‘အနုသယာ အနာရမ္မဏာ’’တိ? အာမန္တာ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ သာနုသယောတိ ဝတ္တဗ္ဗောတိ? အာမန္တာ။ အတ္ထိ တေသံ အနုသယာနံ အာရမ္မဏန္တိ? န ဟေဝံ ဝတ္တဗ္ဗေ…ပေ… တေန ဟိ အနုသယာ အနာရမ္မဏာတိ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ သရာဂေါတိ ဝတ္တဗ္ဗောတိ? အာမန္တာ။ အတ္ထိ တဿ ရာဂဿ အာရမ္မဏန္တိ? န ဟေဝံ ဝတ္တဗ္ဗေ…ပေ…။ တေန ဟိ ရာဂေါ အနာရမ္မဏောတိ။
အနုသယာ အနာရမ္မဏာတိကထာ နိဋ္ဌိတာ။
၉။ နဝမဝဂ္ဂ
(၈၈) ၅။ ဉာဏံ အနာရမ္မဏန္တိကထာ
֍ ဋ္ဌ ၅၅၇။ ဉာဏံ အနာရမ္မဏန္တိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… ဉာဏံ အနာရမ္မဏန္တိ? အာမန္တာ။
(အဘိ၊က၊၃၀၁။)ပညာ ပညိန္ဒြိယံ ပညာဗလံ သမ္မာဒိဋ္ဌိ ဓမ္မဝိစယသမ္ဗောဇ္ဈင်္ဂေါ အနာရမ္မဏောတိ? န ဟေဝံ ဝတ္တဗ္ဗေ…ပေ… ပညာ ပညိန္ဒြိယံ ပညာဗလံ သမ္မာဒိဋ္ဌိ ဓမ္မဝိစယသမ္ဗောဇ္ဈင်္ဂေါ သာရမ္မဏောတိ? အာမန္တာ။ ဉာဏံ သာရမ္မဏန္တိ? န ဟေဝံ ဝတ္တဗ္ဗေ…ပေ…။
ဉာဏံ အနာရမ္မဏန္တိ? အာမန္တာ။ ကတမက္ခန္ဓပရိယာပန္နန္တိ? သင်္ခါရက္ခန္ဓပရိယာပန္နန္တိ။ သင်္ခါရက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော အနာရမ္မဏောတိ? န ဟေဝံ ဝတ္တဗ္ဗေ…ပေ… ဉာဏံ သင်္ခါရက္ခန္ဓပရိယာပန္နံ အနာရမ္မဏန္တိ? အာမန္တာ။ ပညာ သင်္ခါရက္ခန္ဓပရိယာပန္နာ အနာရမ္မဏာတိ? န ဟေဝံ ဝတ္တဗ္ဗေ…ပေ… ပညာ သင်္ခါရက္ခန္ဓပရိယာပန္နာ သာရမ္မဏာတိ? အာမန္တာ။ ဉာဏံ သင်္ခါရက္ခန္ဓပရိယာပန္နံ သာရမ္မဏန္တိ? န ဟေဝံ ဝတ္တဗ္ဗေ…ပေ…။
ဉာဏံ သင်္ခါရက္ခန္ဓပရိယာပန္နံ အနာရမ္မဏံ, ပညာ သင်္ခါရက္ခန္ဓပရိယာပန္နာ သာရမ္မဏာတိ? အာမန္တာ။ သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? အာမန္တာ။ ဝေဒနာက္ခန္ဓော သညာက္ခန္ဓော ဝိညာဏက္ခန္ဓော ဧကဒေသော သာရမ္မဏော ဧကဒေသော အနာရမ္မဏောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၅၈။ န ဝတ္တဗ္ဗံ – ‘‘ဉာဏံ အနာရမ္မဏ’’န္တိ? အာမန္တာ။ အရဟာ စက္ခုဝိညာဏသမင်္ဂီ ဉာဏီတိ ဝတ္တဗ္ဗောတိ? အာမန္တာ။ အတ္ထိ တဿ ဉာဏဿ အာရမ္မဏန္တိ? န ဟေဝံ ဝတ္တဗ္ဗေ…ပေ… တေန ဟိ ဉာဏံ အနာရမ္မဏန္တိ။ အရဟာ စက္ခုဝိညာဏသမင်္ဂီ ပညဝါတိ ဝတ္တဗ္ဗောတိ? အာမန္တာ။ အတ္ထိ တာယ ပညာယ အာရမ္မဏန္တိ? န ဟေဝံ ဝတ္တဗ္ဗေ…ပေ…။ တေန ဟိ ပညာ အနာရမ္မဏာတိ။
ဉာဏံ အနာရမ္မဏန္တိကထာ နိဋ္ဌိတာ။
၉။ နဝမဝဂ္ဂ
(၈၉) ၆။ အတီတာနာဂတာရမ္မဏကထာ
֍ ဋ္ဌ ၅၅၉။ အတီတာရမ္မဏံ စိတ္တံ အနာရမ္မဏန္တိ? အာမန္တာ။ နနု အတီတာရမ္မဏန္တိ? အာမန္တာ။ ဟဉ္စိ အတီတာရမ္မဏံ, နော စ ဝတ ရေ ဝတ္တဗ္ဗေ –
(အဘိ၊က၊၃၀၂။)‘‘အတီတာရမ္မဏံ စိတ္တံ အနာရမ္မဏ’’န္တိ။ အတီတာရမ္မဏံ စိတ္တံ အနာရမ္မဏန္တိ မိစ္ဆာ။ ဟဉ္စိ ဝါ ပန အနာရမ္မဏံ, နော စ ဝတ ရေ ဝတ္တဗ္ဗေ – ‘‘အတီတာရမ္မဏ’’န္တိ။ အနာရမ္မဏံ အတီတာရမ္မဏန္တိ မိစ္ဆာ။
အတီတာရမ္မဏံ စိတ္တံ အနာရမ္မဏန္တိ? အာမန္တာ။ နနု အတီတံ အာရဗ္ဘ အတ္ထိ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အတီတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘အတီတာရမ္မဏံ စိတ္တံ အနာရမ္မဏ’’န္တိ။
֍ ဋ္ဌ ၅၆၀။ အနာဂတာရမ္မဏံ စိတ္တံ အနာရမ္မဏန္တိ? အာမန္တာ။ နနု အနာဂတာရမ္မဏန္တိ? အာမန္တာ။ ဟဉ္စိ အနာဂတာရမ္မဏံ, နော စ ဝတ ရေ ဝတ္တဗ္ဗေ – ‘‘အနာဂတာရမ္မဏံ စိတ္တံ အနာရမ္မဏ’’န္တိ။ အနာဂတာရမ္မဏံ စိတ္တံ အနာရမ္မဏန္တိ မိစ္ဆာ။ ဟဉ္စိ ဝါ ပန အနာရမ္မဏံ, နော စ ဝတ ရေ ဝတ္တဗ္ဗေ – ‘‘အနာဂတာရမ္မဏ’’န္တိ။ အနာရမ္မဏံ အနာဂတာရမ္မဏန္တိ မိစ္ဆာ။
အနာဂတာရမ္မဏံ စိတ္တံ အနာရမ္မဏန္တိ? အာမန္တာ။ နနု အနာဂတံ အာရဗ္ဘ အတ္ထိ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာဂတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘အနာဂတာရမ္မဏံ စိတ္တံ အနာရမ္မဏ’’န္တိ။
ပစ္စုပ္ပန္နံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, ပစ္စုပ္ပန္နာရမ္မဏံ စိတ္တံ သာရမ္မဏန္တိ? အာမန္တာ။ အတီတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, အတီတာရမ္မဏံ စိတ္တံ သာရမ္မဏန္တိ? န ဟေဝံ ဝတ္တဗ္ဗေ…ပေ… ပစ္စုပ္ပန္နံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, ပစ္စုပ္ပန္နာရမ္မဏံ စိတ္တံ သာရမ္မဏန္တိ? အာမန္တာ။ အနာဂတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, အနာဂတာရမ္မဏံ စိတ္တံ သာရမ္မဏန္တိ? န ဟေဝံ ဝတ္တဗ္ဗေ…ပေ…။
အတီတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, အတီတာရမ္မဏံ စိတ္တံ အနာရမ္မဏန္တိ? အာမန္တာ။ ပစ္စုပ္ပန္နံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, ပစ္စုပ္ပန္နာရမ္မဏံ စိတ္တံ အနာရမ္မဏန္တိ? န ဟေဝံ ဝတ္တဗ္ဗေ…ပေ…။
အနာဂတံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, အနာဂတာရမ္မဏံ စိတ္တံ အနာရမ္မဏန္တိ? အာမန္တာ။ ပစ္စုပ္ပန္နံ အာရဗ္ဘ အတ္ထိ အာဝဋ္ဋနာ…ပေ… ပဏိဓိ, ပစ္စုပ္ပန္နာရမ္မဏံ စိတ္တံ အနာရမ္မဏန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၀၃။)֍ ဋ္ဌ ၅၆၁။ န ဝတ္တဗ္ဗံ – ‘‘အတီတာနာဂတာရမ္မဏံ စိတ္တံ အနာရမ္မဏ’’န္တိ? အာမန္တာ။ နနု အတီတာနာဂတံ နတ္ထီတိ? အာမန္တာ။ ဟဉ္စိ အတီတာနာဂတံ နတ္ထိ, တေန ဝတ ရေ ဝတ္တဗ္ဗေ – ‘‘အတီတာနာဂတာရမ္မဏံ စိတ္တံ အနာရမ္မဏ’’န္တိ…ပေ…။
အတီတာနာဂတာရမ္မဏကထာ နိဋ္ဌိတာ။
၉။ နဝမဝဂ္ဂ
(၉၀) ၇။ ဝိတက္ကာနုပတိတကထာ
֍ ဋ္ဌ ၅၆၂။ သဗ္ဗံ စိတ္တံ ဝိတက္ကာနုပတိတန္တိ? အာမန္တာ။ သဗ္ဗံ စိတ္တံ ဝိစာရာနုပတိတံ ပီတာနုပတိတံ သုခါနုပတိတံ ဒုက္ခာနုပတိတံ သောမနဿာနုပတိတံ ဒေါမနဿာနုပတိတံ ဥပေက္ခာနုပတိတံ သဒ္ဓါနုပတိတံ ဝီရိယာနုပတိတံ သတာနုပတိတံ သမာဓာနုပတိတံ ပညာနုပတိတံ ရာဂါနုပတိတံ ဒေါသာနုပတိတံ…ပေ… အနောတ္တပ္ပါနုပတိတန္တိ? န ဟေဝံ ဝတ္တဗ္ဗေ…ပေ…။
သဗ္ဗံ စိတ္တံ ဝိတက္ကာနုပတိတန္တိ? အာမန္တာ။ နနု အတ္ထိ အဝိတက္ကော ဝိစာရမတ္တော သမာဓီတိ? အာမန္တာ။ ဟဉ္စိ အတ္ထိ အဝိတက္ကော ဝိစာရမတ္တော သမာဓိ, နော စ ဝတ ရေ ဝတ္တဗ္ဗေ – ‘‘သဗ္ဗံ စိတ္တံ ဝိတက္ကာနုပတိတ’’န္တိ။
သဗ္ဗံ စိတ္တံ ဝိတက္ကာနုပတိတန္တိ? အာမန္တာ။ နနု အတ္ထိ အဝိတက္ကော အဝိစာရော သမာဓီတိ? အာမန္တာ။ ဟဉ္စိ အတ္ထိ အဝိတက္ကော အဝိစာရော သမာဓိ, နော စ ဝတ ရေ ဝတ္တဗ္ဗေ – ‘‘သဗ္ဗံ စိတ္တံ ဝိတက္ကာနုပတိတ’’န္တိ။ သဗ္ဗံ စိတ္တံ ဝိတက္ကာနုပတိတန္တိ? အာမန္တာ။ နနု တယော သမာဓီ ဝုတ္တာ ဘဂဝတာ – သဝိတက္ကော သဝိစာရော သမာဓိ, အဝိတက္ကော ဝိစာရမတ္တော သမာဓိ, အဝိတက္ကော အဝိစာရော သမာဓီတိ [ဒီ။ နိ။ ၃။၃၀၅, ၃၅၃]? အာမန္တာ။ ဟဉ္စိ တယော သမာဓီ ဝုတ္တာ ဘဂဝတာ – သဝိတက္ကော သဝိစာရော သမာဓိ, အဝိတက္ကော ဝိစာရမတ္တော သမာဓိ, အဝိတက္ကော အဝိစာရော သမာဓိ, နော စ ဝတ ရေ ဝတ္တဗ္ဗေ – ‘‘သဗ္ဗံ စိတ္တံ ဝိတက္ကာနုပတိတ’’န္တိ။
ဝိတက္ကာနုပတိတကထာ နိဋ္ဌိတာ။
(အဘိ၊က၊၃၀၄။)၉။ နဝမဝဂ္ဂ
(၉၁) ၈။ ဝိတက္ကဝိပ္ဖါရသဒ္ဒကထာ
֍ ဋ္ဌ ၅၆၃။ သဗ္ဗသော ဝိတက္ကယတော ဝိစာရယတော ဝိတက္ကဝိပ္ဖါရော သဒ္ဒေါတိ? အာမန္တာ။ သဗ္ဗသော ဖုသယတော ဖဿဝိပ္ဖါရော သဒ္ဒေါ, သဗ္ဗသော ဝေဒယတော ဝေဒနာဝိပ္ဖါရော သဒ္ဒေါ, သဗ္ဗသော သဉ္ဇာနတော သညာဝိပ္ဖါရော သဒ္ဒေါ, သဗ္ဗသော စေတယတော စေတနာဝိပ္ဖါရော သဒ္ဒေါ, သဗ္ဗသော စိန္တယတော စိတ္တဝိပ္ဖါရော သဒ္ဒေါ, သဗ္ဗသော သရတော သတိဝိပ္ဖါရော သဒ္ဒေါ, သဗ္ဗသော ပဇာနတော ပညာဝိပ္ဖါရော သဒ္ဒေါတိ? န ဟေဝံ ဝတ္တဗ္ဗေ…ပေ…။
သဗ္ဗသော ဝိတက္ကယတော ဝိစာရယတော ဝိတက္ကဝိပ္ဖါရော သဒ္ဒေါတိ? အာမန္တာ။ ဝိတက္ကဝိပ္ဖါရော သဒ္ဒေါ သောတဝိညေယျော သောတသ္မိံ ပဋိဟညတိ သောတဿ အာပါထံ အာဂစ္ဆတီတိ? န ဟေဝံ ဝတ္တဗ္ဗေ…ပေ…။ နနု ဝိတက္ကဝိပ္ဖါရော သဒ္ဒေါ န သောတဝိညေယျော န သောတသ္မိံ ပဋိဟညတိ န သောတဿ အာပါထံ အာဂစ္ဆတီတိ? အာမန္တာ။ ဟဉ္စိ ဝိတက္ကဝိပ္ဖါရော သဒ္ဒေါ န သောတဝိညေယျော န သောတသ္မိံ ပဋိဟညတိ န သောတဿ အာပါထံ အာဂစ္ဆတိ, နော စ ဝတ ရေ ဝတ္တဗ္ဗေ – ‘‘သဗ္ဗသော ဝိတက္ကယတော ဝိစာရယတော ဝိတက္ကဝိပ္ဖါရော သဒ္ဒေါ’’တိ။
ဝိတက္ကဝိပ္ဖါရသဒ္ဒကထာ နိဋ္ဌိတာ။
၉။ နဝမဝဂ္ဂ
(၉၂) ၉။ န ယထာစိတ္တဿ ဝါစာတိကထာ
֍ ဋ္ဌ ၅၆၄။ န ယထာစိတ္တဿ ဝါစာတိ? အာမန္တာ။ အဖဿကဿ ဝါစာ အဝေဒနကဿ ဝါစာ အသညကဿ ဝါစာ အစေတနကဿ ဝါစာ အစိတ္တကဿ ဝါစာတိ? န ဟေဝံ ဝတ္တဗ္ဗေ…ပေ… နနု သဖဿကဿ ဝါစာ သဝေဒနကဿ ဝါစာ သသညကဿ ဝါစာ သစေတနကဿ ဝါစာ သစိတ္တကဿ ဝါစာတိ? အာမန္တာ။ ဟဉ္စိ သဖဿကဿ ဝါစာ…ပေ… သစိတ္တကဿ ဝါစာ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ဝါစာ’’တိ။
(အဘိ၊က၊၃၀၅။)န ယထာစိတ္တဿ ဝါစာတိ? အာမန္တာ။ အနာဝဋ္ဋေန္တဿ [အနာဝဋ္ဋန္တဿ (ပီ။), အနာဝဇ္ဇန္တဿ (သီ။ သျာ။ က။) ကထာ။ ၄၈၄ ပဿိတဗ္ဗံ] ဝါစာ…ပေ… အနာဘောဂဿ ဝါစာ…ပေ… အပ္ပဏိဒဟန္တဿ ဝါစာတိ? န ဟေဝံ ဝတ္တဗ္ဗေ…ပေ… နနု အာဝဋ္ဋေန္တဿ ဝါစာ အာဘောဂဿ ဝါစာ…ပေ… ပဏိဒဟန္တဿ ဝါစာတိ? အာမန္တာ။ ဟဉ္စိ အာဝဋ္ဋေန္တဿ ဝါစာ အာဘောဂဿ ဝါစာ ပဏိဒဟန္တဿ ဝါစာ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ဝါစာ’’တိ။
န ယထာစိတ္တဿ ဝါစာတိ? အာမန္တာ။ နနု ဝါစာ စိတ္တသမုဋ္ဌာနာ စိတ္တေန သဟဇာတာ စိတ္တေန သဟ ဧကုပ္ပါဒါတိ? အာမန္တာ။ ဟဉ္စိ ဝါစာ စိတ္တသမုဋ္ဌာနာ စိတ္တေန သဟဇာတာ စိတ္တေန သဟ ဧကုပ္ပါဒါ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ဝါစာ’’တိ။
န ယထာစိတ္တဿ ဝါစာတိ? အာမန္တာ။ န ဘဏိတုကာမော ဘဏတိ, န ကထေတုကာမော ကထေတိ, န အာလပိတုကာမော အာလပတိ, န ဝေါဟရိတုကာမော ဝေါဟရတီတိ? န ဟေဝံ ဝတ္တဗ္ဗေ…ပေ… နနု ဘဏိတုကာမော ဘဏတိ, ကထေတုကာမော ကထေတိ, အာလပိတုကာမော အာလပတိ, ဝေါဟရိတုကာမော ဝေါဟရတီတိ? အာမန္တာ။ ဟဉ္စိ ဘဏိတုကာမော ဘဏတိ, ကထေတုကာမော ကထေတိ, အာလပိတုကာမော အာလပတိ, ဝေါဟရိတုကာမော ဝေါဟရတိ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ဝါစာ’’တိ။
֍ ဋ္ဌ ၅၆၅။ န ဝတ္တဗ္ဗံ – ‘‘န ယထာစိတ္တဿ ဝါစာ’’တိ? အာမန္တာ။ နနု အတ္ထိ ကောစိ ‘‘အညံ ဘဏိဿာမီ’’တိ အညံ ဘဏတိ, ‘‘အညံ ကထေဿာမီ’’တိ အညံ ကထေတိ, ‘‘အညံ အာလပိဿာမီ’’တိ အညံ အာလပတိ, ‘‘အညံ ဝေါဟရိဿာမီ’’တိ အညံ ဝေါဟရတီတိ? အာမန္တာ။ ဟဉ္စိ အတ္ထိ ကောစိ ‘‘အညံ ဘဏိဿာမီ’’တိ အညံ ဘဏတိ,…ပေ… ‘‘အညံ ဝေါဟရိဿာမီ’’တိ အညံ ဝေါဟရတိ, တေန ဝတ ရေ ဝတ္တဗ္ဗေ – ‘‘န ယထာစိတ္တဿ ဝါစာ’’တိ။
န ယထာစိတ္တဿ ဝါစာတိကထာ နိဋ္ဌိတာ။
(အဘိ၊က၊၃၀၆။)၉။ နဝမဝဂ္ဂ
(၉၃) ၁၀။ န ယထာစိတ္တဿ ကာယကမ္မန္တိကထာ
֍ ဋ္ဌ ၅၆၆။ န ယထာစိတ္တဿ ကာယကမ္မန္တိ? အာမန္တာ။ အဖဿကဿ ကာယကမ္မံ…ပေ… အစိတ္တကဿ ကာယကမ္မန္တိ? န ဟေဝံ ဝတ္တဗ္ဗေ…ပေ… နနု သဖဿကဿ ကာယကမ္မံ…ပေ… သစိတ္တကဿ ကာယကမ္မန္တိ? အာမန္တာ။ ဟဉ္စိ သဖဿကဿ ကာယကမ္မံ…ပေ… သစိတ္တကဿ ကာယကမ္မံ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ကာယကမ္မ’’န္တိ။
န ယထာစိတ္တဿ ကာယကမ္မန္တိ? အာမန္တာ။ အနာဝဋ္ဋေန္တဿ ကာယကမ္မံ…ပေ… အပ္ပဏိဒဟန္တဿ ကာယကမ္မန္တိ? န ဟေဝံ ဝတ္တဗ္ဗေ…ပေ… နနု အာဝဋ္ဋေန္တဿ ကာယကမ္မံ…ပေ… ပဏိဒဟန္တဿ ကာယကမ္မန္တိ? အာမန္တာ။ ဟဉ္စိ အာဝဋ္ဋေန္တဿ ကာယကမ္မံ…ပေ… ပဏိဒဟန္တဿ ကာယကမ္မံ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ကာယကမ္မ’’န္တိ။
န ယထာစိတ္တဿ ကာယကမ္မန္တိ? အာမန္တာ။ နနု ကာယကမ္မံ စိတ္တသမုဋ္ဌာနံ စိတ္တေန သဟဇာတံ စိတ္တေန သဟ ဧကုပ္ပါဒန္တိ? အာမန္တာ။ ဟဉ္စိ ကာယကမ္မံ စိတ္တသမုဋ္ဌာနံ စိတ္တေန သဟဇာတံ စိတ္တေန သဟ ဧကုပ္ပါဒံ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ကာယကမ္မ’’န္တိ။
န ယထာစိတ္တဿ ကာယကမ္မန္တိ? အာမန္တာ။ န အဘိက္ကမိတုကာမော အဘိက္ကမတိ, န ပဋိက္ကမိတုကာမော ပဋိက္ကမတိ, န အာလောကေတုကာမော အာလောကေတိ, န ဝိလောကေတုကာမော ဝိလောကေတိ, န သမိဉ္ဇိတုကာမော သမိဉ္ဇေတိ, န ပသာရေတုကာမော ပသာရေတီတိ? န ဟေဝံ ဝတ္တဗ္ဗေ…ပေ…။ နနု အဘိက္ကမိတုကာမော အဘိက္ကမတိ, ပဋိက္ကမိတုကာမော ပဋိက္ကမတိ, အာလောကေတုကာမော အာလောကေတိ, ဝိလောကေတုကာမော ဝိလောကေတိ, သမိဉ္ဇိတုကာမော သမိဉ္ဇေတိ, ပသာရေတုကာမော ပသာရေတီတိ? အာမန္တာ။ ဟဉ္စိ အဘိက္ကမိတုကာမော အဘိက္ကမတိ…ပေ… ပသာရေတုကာမော ပသာရေတိ, နော စ ဝတ ရေ ဝတ္တဗ္ဗေ – ‘‘န ယထာစိတ္တဿ ကာယကမ္မ’’န္တိ။
֍ ဋ္ဌ ၅၆၇။ န ဝတ္တဗ္ဗံ – ‘‘န ယထာစိတ္တဿ ကာယကမ္မ’’န္တိ? အာမန္တာ။ နနု အတ္ထိ ကောစိ ‘‘အညတြ ဂစ္ဆိဿာမီ’’တိ အညတြ ဂစ္ဆတိ…ပေ… ‘‘အညံ ပသာရေဿာမီ’’တိ အညံ ပသာရေတီတိ? အာမန္တာ။ ဟဉ္စိ အတ္ထိ ကောစိ
(အဘိ၊က၊၃၀၇။)‘‘အညတြ ဂစ္ဆိဿာမီ’’တိ အညတြ ဂစ္ဆတိ…ပေ… ‘‘အညံ ပသာရေဿာမီ’’တိ အညံ ပသာရေတိ, တေန ဝတ ရေ ဝတ္တဗ္ဗေ – ‘‘န ယထာစိတ္တဿ ကာယကမ္မ’’န္တိ။
န ယထာစိတ္တဿ ကာယကမ္မန္တိကထာ နိဋ္ဌိတာ။
၉။ နဝမဝဂ္ဂ
(၉၄) ၁၁။ အတီတာနာဂတသမန္နာဂတကထာ
֍ ဋ္ဌ ၅၆၈။ အတီတေန သမန္နာဂတောတိ? အာမန္တာ။ နနု အတီတံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတန္တိ? အာမန္တာ။ ဟဉ္စိ အတီတံ နိရုဒ္ဓံ ဝိဂတံ ဝိပရိဏတံ အတ္ထင်္ဂတံ အဗ္ဘတ္ထင်္ဂတံ, နော စ ဝတ ရေ ဝတ္တဗ္ဗေ – ‘‘အတီတေန သမန္နာဂတော’’တိ။
အနာဂတေန သမန္နာဂတောတိ? အာမန္တာ။ နနု အနာဂတံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတန္တိ? အာမန္တာ။ ဟဉ္စိ အနာဂတံ အဇာတံ အဘူတံ အသဉ္ဇာတံ အနိဗ္ဗတ္တံ အနဘိနိဗ္ဗတ္တံ အပါတုဘူတံ, နော စ ဝတ ရေ ဝတ္တဗ္ဗေ – ‘‘အနာဂတေန သမန္နာဂတော’’တိ။
֍ ဋ္ဌ ၅၆၉။ အတီတေန ရူပက္ခန္ဓေန သမန္နာဂတော, အနာဂတေန ရူပက္ခန္ဓေန သမန္နာဂတော, ပစ္စုပ္ပန္နေန ရူပက္ခန္ဓေန သမန္နာဂတောတိ? အာမန္တာ။ တီဟိ ရူပက္ခန္ဓေဟိ သမန္နာဂတောတိ? န ဟေဝံ ဝတ္တဗ္ဗေ…ပေ… အတီတေဟိ ပဉ္စဟိ ခန္ဓေဟိ သမန္နာဂတော, အနာဂတေဟိ ပဉ္စဟိ ခန္ဓေဟိ သမန္နာဂတော, ပစ္စုပ္ပန္နေဟိ ပဉ္စဟိ ခန္ဓေဟိ သမန္နာဂတောတိ? အာမန္တာ။ ပန္နရသဟိ ခန္ဓေဟိ သမန္နာဂတောတိ? န ဟေဝံ ဝတ္တဗ္ဗေ…ပေ…။
အတီတေန စက္ခာယတနေန သမန္နာဂတော, အနာဂတေန စက္ခာယတနေန သမန္နာဂတော, ပစ္စုပ္ပန္နေန စက္ခာယတနေန သမန္နာဂတောတိ? အာမန္တာ။ တီဟိ စက္ခာယတနေဟိ သမန္နာဂတောတိ? န ဟေဝံ ဝတ္တဗ္ဗေ…ပေ… အတီတေဟိ ဒွါဒသဟိ အာယတနေဟိ သမန္နာဂတော, အနာဂတေဟိ ဒွါဒသဟိ အာယတနေဟိ သမန္နာဂတော, ပစ္စုပ္ပန္နေဟိ ဒွါဒသဟိ အာယတနေဟိ သမန္နာဂတောတိ? အာမန္တာ။ ဆတ္တိံသာယတနေဟိ သမန္နာဂတောတိ? န ဟေဝံ ဝတ္တဗ္ဗေ…ပေ…။
အတီတာယ စက္ခုဓာတုယာ သမန္နာဂတော, အနာဂတာယ စက္ခုဓာတုယာ သမန္နာဂတော, ပစ္စုပ္ပန္နာယ စက္ခုဓာတုယာ သမန္နာဂတောတိ?
(အဘိ၊က၊၃၀၈။)အာမန္တာ။ တီဟိ စက္ခုဓာတူဟိ သမန္နာဂတောတိ? န ဟေဝံ ဝတ္တဗ္ဗေ…ပေ… အတီတာဟိ အဋ္ဌာရသဟိ ဓာတူဟိ သမန္နာဂတော, အနာဂတာဟိ အဋ္ဌာရသဟိ ဓာတူဟိ သမန္နာဂတော, ပစ္စုပ္ပန္နာဟိ အဋ္ဌာရသဟိ ဓာတူဟိ သမန္နာဂတောတိ? အာမန္တာ။ စတုပညာသဓာတူဟိ သမန္နာဂတောတိ? န ဟေဝံ ဝတ္တဗ္ဗေ…ပေ…။
အတီတေန စက္ခုန္ဒြိယေန သမန္နာဂတော, အနာဂတေန စက္ခုန္ဒြိယေန သမန္နာဂတော, ပစ္စုပ္ပန္နေန စက္ခုန္ဒြိယေန သမန္နာဂတောတိ? အာမန္တာ။ တီဟိ စက္ခုန္ဒြိယေဟိ သမန္နာဂတောတိ? န ဟေဝံ ဝတ္တဗ္ဗေ…ပေ… အတီတေဟိ ဗာဝီသတိန္ဒြိယေဟိ သမန္နာဂတော, အနာဂတေဟိ ဗာဝီသတိန္ဒြိယေဟိ သမန္နာဂတော, ပစ္စုပ္ပန္နေဟိ ဗာဝီသတိန္ဒြိယေဟိ သမန္နာဂတောတိ? အာမန္တာ။ ဆသဋ္ဌိန္ဒြိယေဟိ သမန္နာဂတောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၇၀။ န ဝတ္တဗ္ဗံ – ‘‘အတီတာနာဂတေဟိ သမန္နာဂတော’’တိ? အာမန္တာ။ နနု အတ္ထိ အဋ္ဌဝိမောက္ခဈာယီ စတုန္နံ ဈာနာနံ နိကာမလာဘီ နဝန္နံ အနုပုဗ္ဗဝိဟာရသမာပတ္တီနံ လာဘီတိ? အာမန္တာ။ ဟဉ္စိ အတ္ထိ အဋ္ဌဝိမောက္ခဈာယီ စတုန္နံ ဈာနာနံ နိကာမလာဘီ နဝန္နံ အနုပုဗ္ဗဝိဟာရသမာပတ္တီနံ လာဘီ, တေန ဝတ ရေ ဝတ္တဗ္ဗေ – ‘‘အတီတာနာဂတေဟိ သမန္နာဂတော’’တိ။
အတီတာနာဂတသမန္နာဂတကထာ နိဋ္ဌိတာ။
နဝမဝဂ္ဂေါ။
တဿုဒ္ဒါနံ –
အာနိသံသဒဿာဝိဿ သံယောဇနာနံ ပဟာနံ, အမတာရမ္မဏံ သံယောဇနံ, ရူပံ သာရမ္မဏံ, အနုသယာ အနာရမ္မဏာ, ဧဝမေဝံ ဉာဏံ, အတီတာနာဂတာရမ္မဏံ စိတ္တံ, သဗ္ဗံ စိတ္တံ ဝိတက္ကာနုပတိတံ, သဗ္ဗသော ဝိတက္ကယတော ဝိစာရယတော ဝိတက္ကဝိပ္ဖါရော သဒ္ဒေါ, န ယထာစိတ္တဿ ဝါစာ, တထေဝ ကာယကမ္မံ အတီတာနာဂတေဟိ သမန္နာဂတောတိ။
၁၀။ ဒသမဝဂ္ဂ
(၉၅) ၁။ နိရောဓကထာ
֍ ဋ္ဌ ၅၇၁။ ဥပပတ္တေသိယေ ပဉ္စက္ခန္ဓေ အနိရုဒ္ဓေ ကိရိယာ ပဉ္စက္ခန္ဓာ ဥပ္ပဇ္ဇန္တီတိ? အာမန္တာ။ ဒသန္နံ ခန္ဓာနံ သမောဓာနံ ဟောတိ, ဒသ ခန္ဓာ သမ္မုခီဘာဝံ
(အဘိ၊က၊၃၀၉။)အာဂစ္ဆန္တီတိ? န ဟေဝံ ဝတ္တဗ္ဗေ…ပေ… ဒသန္နံ ခန္ဓာနံ သမောဓာနံ ဟောတိ, ဒသ ခန္ဓာ သမ္မုခီဘာဝံ အာဂစ္ဆန္တီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ဥပပတ္တေသိယေ ပဉ္စက္ခန္ဓေ အနိရုဒ္ဓေ ကိရိယာ စတ္တာရော ခန္ဓာ ဥပ္ပဇ္ဇန္တီတိ? အာမန္တာ။ နဝန္နံ ခန္ဓာနံ သမောဓာနံ ဟောတိ, နဝ ခန္ဓာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ… နဝန္နံ ခန္ဓာနံ သမောဓာနံ ဟောတိ, နဝ ခန္ဓာ သမ္မုခီဘာဝံ အာဂစ္ဆန္တီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ဥပပတ္တေသိယေ ပဉ္စက္ခန္ဓေ အနိရုဒ္ဓေ ကိရိယာဉာဏံ ဥပ္ပဇ္ဇတီတိ? အာမန္တာ။ ဆန္နံ ခန္ဓာနံ သမောဓာနံ ဟောတိ, ဆ ခန္ဓာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ… ဆန္နံ ခန္ဓာနံ သမောဓာနံ ဟောတိ, ဆ ခန္ဓာ သမ္မုခီဘာဝံ အာဂစ္ဆန္တီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၇၂။ ဥပပတ္တေသိယေ ပဉ္စက္ခန္ဓေ နိရုဒ္ဓေ မဂ္ဂေါ ဥပ္ပဇ္ဇတီတိ? အာမန္တာ။ မတော မဂ္ဂံ ဘာဝေတိ, ကာလင်္ကတော မဂ္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
နိရောဓကထာ နိဋ္ဌိတာ။
၁၀။ ဒသမဝဂ္ဂ
(၉၆) ၂။ ရူပံ မဂ္ဂေါတိကထာ
֍ ဋ္ဌ ၅၇၃။ မဂ္ဂသမင်္ဂိဿ ရူပံ မဂ္ဂေါတိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ၊ နော စ ဝတ ရေ ဝတ္တဗ္ဗေ – ‘‘မဂ္ဂသမင်္ဂိဿ ရူပံ မဂ္ဂေါ’’တိ။
သမ္မာဝါစာ မဂ္ဂေါတိ? အာမန္တာ။ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓိ၊ နော စ ဝတ ရေ ဝတ္တဗ္ဗေ – ‘‘သမ္မာဝါစာ မဂ္ဂေါ’’တိ။
(အဘိ၊က၊၃၁၀။)သမ္မာကမ္မန္တော …ပေ… သမ္မာအာဇီဝေါ မဂ္ဂေါတိ? အာမန္တာ။ သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓိ၊ နော စ ဝတ ရေ ဝတ္တဗ္ဗေ – ‘‘သမ္မာအာဇီဝေါ မဂ္ဂေါ’’တိ။
֍ ဋ္ဌ ၅၇၄။ သမ္မာဒိဋ္ဌိ မဂ္ဂေါ, သာ စ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ သမ္မာဝါစာ မဂ္ဂေါ, သာ စ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ …ပေ… သမ္မာဒိဋ္ဌိ မဂ္ဂေါ, သာ စ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ မဂ္ဂေါ, သော စ သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… သမ္မာသင်္ကပ္ပေါ…ပေ… သမ္မာဝါယာမော…ပေ… သမ္မာသတိ…ပေ…။
သမ္မာသမာဓိ မဂ္ဂေါ, သော စ သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ သမ္မာဝါစာ မဂ္ဂေါ, သာ စ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… သမ္မာသမာဓိ မဂ္ဂေါ, သော စ သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ မဂ္ဂေါ, သော စ သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
သမ္မာဝါစာ မဂ္ဂေါ, သာ စ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ သမ္မာဒိဋ္ဌိ မဂ္ဂေါ, သာ စ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… သမ္မာဝါစာ မဂ္ဂေါ, သာ စ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ သမ္မာသင်္ကပ္ပေါ…ပေ… သမ္မာဝါယာမော… သမ္မာသတိ … သမ္မာသမာဓိ မဂ္ဂေါ, သော စ အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
သမ္မာကမ္မန္တော …ပေ… သမ္မာအာဇီဝေါ မဂ္ဂေါ, သော စ အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ သမ္မာဒိဋ္ဌိ… သမ္မာသင်္ကပ္ပေါ… သမ္မာဝါယာမော… သမ္မာသတိ…ပေ… သမ္မာသမာဓိ မဂ္ဂေါ, သော စ အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၁၁။)֍ ဋ္ဌ ၅၇၅။ န ဝတ္တဗ္ဗံ – ‘‘မဂ္ဂသမင်္ဂိဿ ရူပံ မဂ္ဂေါ’’တိ? အာမန္တာ။ နနု သမ္မာဝါစာ သမ္မာကမ္မန္တော သမ္မာအာဇီဝေါ မဂ္ဂေါတိ? အာမန္တာ။ ဟဉ္စိ သမ္မာဝါစာ သမ္မာကမ္မန္တော သမ္မာအာဇီဝေါ မဂ္ဂေါ, တေန ဝတ ရေ ဝတ္တဗ္ဗေ – ‘‘မဂ္ဂသမင်္ဂိဿ ရူပံ မဂ္ဂေါ’’တိ။
ရူပံ မဂ္ဂေါတိကထာ နိဋ္ဌိတာ။
၁၀။ ဒသမဝဂ္ဂ
(၉၇) ၃။ ပဉ္စဝိညာဏသမင်္ဂိဿ မဂ္ဂကထာ
֍ ဋ္ဌ ၅၇၆။ ပဉ္စဝိညာဏသမင်္ဂိဿ အတ္ထိ မဂ္ဂဘာဝနာတိ? အာမန္တာ။ နနု ပဉ္စဝိညာဏာ ဥပ္ပန္နဝတ္ထုကာ ဥပ္ပန္နာရမ္မဏာတိ? အာမန္တာ။ ဟဉ္စိ ပဉ္စဝိညာဏာ ဥပ္ပန္နဝတ္ထုကာ ဥပ္ပန္နာရမ္မဏာ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏသမင်္ဂိဿ အတ္ထိ မဂ္ဂဘာဝနာ’’တိ။
နနု ပဉ္စဝိညာဏာ ပုရေဇာတဝတ္ထုကာ ပုရေဇာတာရမ္မဏာ အဇ္ဈတ္တိကဝတ္ထုကာ ဗာဟိရာရမ္မဏာ အသမ္ဘိန္နဝတ္ထုကာ အသမ္ဘိန္နာရမ္မဏာ နာနာဝတ္ထုကာ နာနာရမ္မဏာ န အညမညဿ ဂေါစရဝိသယံ ပစ္စနုဘောန္တိ, န အသမန္နာဟာရာ ဥပ္ပဇ္ဇန္တိ, န အမနသိကာရာ ဥပ္ပဇ္ဇန္တိ, န အဗ္ဗောကိဏ္ဏာ ဥပ္ပဇ္ဇန္တိ, န အပုဗ္ဗံ အစရိမံ ဥပ္ပဇ္ဇန္တိ, န အညမညဿ သမနန္တရာ ဥပ္ပဇ္ဇန္တိ, နနု ပဉ္စဝိညာဏာ အနာဘောဂါတိ? အာမန္တာ။ ဟဉ္စိ ပဉ္စဝိညာဏာ အနာဘောဂါ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏသမင်္ဂိဿ အတ္ထိ မဂ္ဂဘာဝနာ’’တိ။
֍ ဋ္ဌ ၅၇၇။ စက္ခုဝိညာဏသမင်္ဂိဿ အတ္ထိ မဂ္ဂဘာဝနာတိ? အာမန္တာ။ စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ…ပေ… စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ။
(အဘိ၊က၊၃၁၂။)֍ ဋ္ဌ ၅၇၈။ စက္ခုဝိညာဏသမင်္ဂိဿ အတ္ထိ မဂ္ဂဘာဝနာတိ? အာမန္တာ။ စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… စက္ခုဝိညာဏသမင်္ဂိဿ အတ္ထိ မဂ္ဂဘာဝနာတိ? အာမန္တာ။ စက္ခုဝိညာဏံ ဖဿံ အာရဗ္ဘ…ပေ… ဝေဒနံ အာရဗ္ဘ… သညံ အာရဗ္ဘ … စေတနံ အာရဗ္ဘ… စိတ္တံ အာရဗ္ဘ… စက္ခုံ အာရဗ္ဘ… ကာယံ အာရဗ္ဘ…ပေ… သဒ္ဒံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
မနောဝိညာဏသမင်္ဂိဿ အတ္ထိ မဂ္ဂဘာဝနာ, မနောဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏသမင်္ဂိဿ အတ္ထိ မဂ္ဂဘာဝနာ, စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏသမင်္ဂိဿ အတ္ထိ မဂ္ဂဘာဝနာ, မနောဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏသမင်္ဂိဿ အတ္ထိ မဂ္ဂဘာဝနာ, စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏသမင်္ဂိဿ အတ္ထိ မဂ္ဂဘာဝနာ, မနောဝိညာဏံ ဖဿံ အာရဗ္ဘ… ဝေဒနံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏသမင်္ဂိဿ အတ္ထိ မဂ္ဂဘာဝနာ, စက္ခုဝိညာဏံ ဖဿံ အာရဗ္ဘ… ဝေဒနံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၇၉။ န ဝတ္တဗ္ဗံ – ‘‘ပဉ္စဝိညာဏသမင်္ဂိဿ အတ္ထိ မဂ္ဂဘာဝနာ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု စက္ခုနာ ရူပံ ဒိသွာ န နိမိတ္တဂ္ဂါဟီ ဟောတိ နာနုဗျဉ္ဇနဂ္ဂါဟီ…ပေ… သောတေန သဒ္ဒံ သုတွာ…ပေ… ဃာနေန ဂန္ဓံ ဃာယိတွာ…ပေ… ဇိဝှါယ ရသံ သာယိတွာ…ပေ… ကာယေန ဖောဋ္ဌဗ္ဗံ ဖုသိတွာ န နိမိတ္တဂ္ဂါဟီ ဟောတိ နာနုဗျဉ္ဇနဂ္ဂါဟီ’’တိ! [မ။ နိ။ ၁။၃၄၉၊ အ။ နိ။ ၄။၃၇] အတ္ထေဝ သုတ္တန္တောတိ? အာမန္တာ။ တေန ဟိ ပဉ္စဝိညာဏသမင်္ဂိဿ အတ္ထိ မဂ္ဂဘာဝနာတိ။
ပဉ္စဝိညာဏသမင်္ဂိဿ မဂ္ဂကထာ နိဋ္ဌိတာ။
၁၀။ ဒသမဝဂ္ဂ
(၉၈) ၄။ ပဉ္စဝိညာဏာ ကုသလာပိ အကုသလာပီတိကထာ
֍ ဋ္ဌ ၅၈၀။ ပဉ္စဝိညာဏာ ကုသလာပိ အကုသလာပီတိ? အာမန္တာ။ နနု ပဉ္စဝိညာဏာ ဥပ္ပန္နဝတ္ထုကာ ဥပ္ပန္နာရမ္မဏာတိ? အာမန္တာ။ ဟဉ္စိ ပဉ္စဝိညာဏာ
(အဘိ၊က၊၃၁၃။)ဥပ္ပန္နဝတ္ထုကာ ဥပ္ပန္နာရမ္မဏာ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏာ ကုသလာပိ အကုသလာပီ’’တိ။ နနု ပဉ္စဝိညာဏာ ပုရေဇာတဝတ္ထုကာ ပုရေဇာတာရမ္မဏာ အဇ္ဈတ္တိကဝတ္ထုကာ ဗာဟိရာရမ္မဏာ အသမ္ဘိန္နဝတ္ထုကာ အသမ္ဘိန္နာရမ္မဏာ နာနာဝတ္ထုကာ နာနာရမ္မဏာ န အညမညဿ ဂေါစရဝိသယံ ပစ္စနုဘောန္တိ, န အသမန္နာဟာရာ ဥပ္ပဇ္ဇန္တိ, န အမနသိကာရာ ဥပ္ပဇ္ဇန္တိ, န အဗ္ဗောကိဏ္ဏာ ဥပ္ပဇ္ဇန္တိ, န အပုဗ္ဗံ အစရိမံ ဥပ္ပဇ္ဇန္တိ, န အညမညဿ သမနန္တရာ ဥပ္ပဇ္ဇန္တိ, နနု ပဉ္စဝိညာဏာ အနာဘောဂါတိ? အာမန္တာ။ ဟဉ္စိ ပဉ္စဝိညာဏာ အနာဘောဂါ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏာ ကုသလာပိ အကုသလာပီ’’တိ။
֍ ဋ္ဌ ၅၈၁။ စက္ခုဝိညာဏံ ကုသလန္တိ? အာမန္တာ။ စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ။ စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။ စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ။
֍ ဋ္ဌ ၅၈၂။ စက္ခုဝိညာဏံ ကုသလမ္ပိ အကုသလမ္ပီတိ? အာမန္တာ။ စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။ စက္ခုဝိညာဏံ ကုသလမ္ပိ အကုသလမ္ပီတိ? အာမန္တာ။ စက္ခုဝိညာဏံ ဖဿံ အာရဗ္ဘ…ပေ… စိတ္တံ အာရဗ္ဘ… စက္ခုံ အာရဗ္ဘ…ပေ… ကာယံ အာရဗ္ဘ… သဒ္ဒံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
မနောဝိညာဏံ ကုသလမ္ပိ အကုသလမ္ပိ, မနောဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ ကုသလမ္ပိ အကုသလမ္ပိ, စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏံ ကုသလမ္ပိ အကုသလမ္ပိ, မနောဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ ကုသလမ္ပိ အကုသလမ္ပိ, စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏံ ကုသလမ္ပိ အကုသလမ္ပိ, မနောဝိညာဏံ ဖဿံ အာရဗ္ဘ…ပေ… စိတ္တံ အာရဗ္ဘ…ပေ… ကာယံ အာရဗ္ဘ … သဒ္ဒံ
(အဘိ၊က၊၃၁၄။)အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ ကုသလမ္ပိ အကုသလမ္ပိ, စက္ခုဝိညာဏံ ဖဿံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၈၃။ န ဝတ္တဗ္ဗံ – ‘‘ပဉ္စဝိညာဏာ ကုသလာပိ အကုသလာပီ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု စက္ခုနာ ရူပံ ဒိသွာ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတိ…ပေ… သောတေန သဒ္ဒံ သုတွာ…ပေ… ကာယေန ဖောဋ္ဌဗ္ဗံ ဖုသိတွာ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ ပဉ္စဝိညာဏာ ကုသလာပိ အကုသလာပီတိ။
ပဉ္စဝိညာဏာ ကုသလာပိ အကုသလာပီတိကထာ နိဋ္ဌိတာ။
၁၀။ ဒသမဝဂ္ဂ
(၉၉) ၅။ သာဘောဂါတိကထာ
֍ ဋ္ဌ ၅၈၄။ ပဉ္စဝိညာဏာ သာဘောဂါတိ? အာမန္တာ။ နနု ပဉ္စဝိညာဏာ ဥပ္ပန္နဝတ္ထုကာ ဥပ္ပန္နာရမ္မဏာတိ? အာမန္တာ။ ဟဉ္စိ ပဉ္စဝိညာဏာ ဥပ္ပန္နဝတ္ထုကာ ဥပ္ပန္နာရမ္မဏာ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏာ သာဘောဂါ’’တိ။ နနု ပဉ္စဝိညာဏာ ပုရေဇာတဝတ္ထုကာ ပုရေဇာတာရမ္မဏာ အဇ္ဈတ္တိကဝတ္ထုကာ ဗာဟိရာရမ္မဏာ အသမ္ဘိန္နဝတ္ထုကာ အသမ္ဘိန္နာရမ္မဏာ နာနာဝတ္ထုကာ နာနာရမ္မဏာ န အညမညဿ ဂေါစရဝိသယံ ပစ္စနုဘောန္တိ, န အသမန္နာဟာရာ ဥပ္ပဇ္ဇန္တိ, န အမနသိကာရာ ဥပ္ပဇ္ဇန္တိ, န အဗ္ဗောကိဏ္ဏာ ဥပ္ပဇ္ဇန္တိ, န အပုဗ္ဗံ အစရိမံ ဥပ္ပဇ္ဇန္တိ, နနု ပဉ္စဝိညာဏာ န အညမညဿ သမနန္တရာ ဥပ္ပဇ္ဇန္တီတိ? အာမန္တာ။ ဟဉ္စိ ပဉ္စဝိညာဏာ န အညမညဿ သမနန္တရာ ဥပ္ပဇ္ဇန္တိ, နော စ ဝတ ရေ ဝတ္တဗ္ဗေ – ‘‘ပဉ္စဝိညာဏာ သာဘောဂါ’’တိ။
֍ ဋ္ဌ ၅၈၅။ စက္ခုဝိညာဏံ သာဘောဂန္တိ? အာမန္တာ။ စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? န ဟေဝံ ဝတ္တဗ္ဗေ…ပေ… စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏန္တိ? အာမန္တာ။
(အဘိ၊က၊၃၁၅။)‘‘စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? နတ္ထိ…ပေ… ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ သုညတဉ္စ ဥပ္ပဇ္ဇတိ စက္ခုဝိညာဏ’’န္တိ။
စက္ခုဝိညာဏံ သာဘောဂန္တိ? အာမန္တာ။ စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… စက္ခုဝိညာဏံ သာဘောဂန္တိ? အာမန္တာ။ စက္ခုဝိညာဏံ ဖဿံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏံ သာဘောဂံ, မနောဝိညာဏံ သုညတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ သာဘောဂံ, စက္ခုဝိညာဏံ သုညတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏံ သာဘောဂံ, မနောဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ သာဘောဂံ, စက္ခုဝိညာဏံ အတီတာနာဂတံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… မနောဝိညာဏံ သာဘောဂံ, မနောဝိညာဏံ ဖဿံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? အာမန္တာ။ စက္ခုဝိညာဏံ သာဘောဂံ, စက္ခုဝိညာဏံ ဖဿံ အာရဗ္ဘ…ပေ… ဖောဋ္ဌဗ္ဗံ အာရဗ္ဘ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၈၆။ န ဝတ္တဗ္ဗံ – ‘‘ပဉ္စဝိညာဏာ သာဘောဂါ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု စက္ခုနာ ရူပံ ဒိသွာ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတိ…ပေ… ကာယေန ဖောဋ္ဌဗ္ဗံ ဖုသိတွာ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ ပဉ္စဝိညာဏာ သာဘောဂါတိ…ပေ…။
သာဘောဂါတိကထာ နိဋ္ဌိတာ။
၁၀။ ဒသမဝဂ္ဂ
(၁၀၀) ၆။ ဒွီဟိသီလေဟိကထာ
֍ ဋ္ဌ ၅၈၇။ မဂ္ဂသမင်္ဂီ ဒွီဟိ သီလေဟိ သမန္နာဂတောတိ? အာမန္တာ။ မဂ္ဂသမင်္ဂီ ဒွီဟိ ဖဿေဟိ ဒွီဟိ ဝေဒနာဟိ ဒွီဟိ သညာဟိ ဒွီဟိ စေတနာဟိ ဒွီဟိ
(အဘိ၊က၊၃၁၆။)စိတ္တေဟိ ဒွီဟိ သဒ္ဓါဟိ ဒွီဟိ ဝီရိယေဟိ ဒွီဟိ သတီဟိ ဒွီဟိ သမာဓီဟိ ဒွီဟိ ပညာဟိ သမန္နာဂတောတိ? န ဟေဝံ ဝတ္တဗ္ဗေ…ပေ…။
မဂ္ဂသမင်္ဂီ လောကိယေန သီလေန သမန္နာဂတောတိ? အာမန္တာ။ မဂ္ဂသမင်္ဂီ လောကိယေန ဖဿေန လောကိယာယ ဝေဒနာယ လောကိယာယ ပညာယ လောကိယာယ စေတနာယ လောကိယေန စိတ္တေန လောကိယာယ သဒ္ဓါယ လောကိယေန ဝီရိယေန လောကိယာယ သတိယာ လောကိယေန သမာဓိနာ လောကိယာယ ပညာယ သမန္နာဂတောတိ? န ဟေဝံ ဝတ္တဗ္ဗေ…ပေ…။
မဂ္ဂသမင်္ဂီ လောကိယေန စ လောကုတ္တရေန စ သီလေန သမန္နာဂတောတိ? အာမန္တာ။ မဂ္ဂသမင်္ဂီ လောကိယေန စ လောကုတ္တရေန စ ဖဿေန သမန္နာဂတော…ပေ… လောကိယာယ စ လောကုတ္တရာယ စ ပညာယ သမန္နာဂတောတိ? န ဟေဝံ ဝတ္တဗ္ဗေ…ပေ… မဂ္ဂသမင်္ဂီ လောကိယေန သီလေန သမန္နာဂတောတိ? အာမန္တာ။ မဂ္ဂသမင်္ဂီ ပုထုဇ္ဇနောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၈၈။ မဂ္ဂသမင်္ဂီ လောကိယာယ သမ္မာဝါစာယ သမန္နာဂတောတိ? အာမန္တာ။ မဂ္ဂသမင်္ဂီ လောကိယာယ သမ္မာဒိဋ္ဌိယာ သမန္နာဂတောတိ? န ဟေဝံ ဝတ္တဗ္ဗေ…ပေ… မဂ္ဂသမင်္ဂီ လောကိယာယ သမ္မာဝါစာယ သမန္နာဂတောတိ? အာမန္တာ။ မဂ္ဂသမင်္ဂီ လောကိယေန သမ္မာသင်္ကပ္ပေန…ပေ… လောကိယေန သမ္မာဝါယာမေန…ပေ… လောကိယာယ သမ္မာသတိယာ…ပေ… လောကိယေန သမ္မာသမာဓိနာ သမန္နာဂတောတိ? န ဟေဝံ ဝတ္တဗ္ဗေ…ပေ… မဂ္ဂသမင်္ဂီ လောကိယေန သမ္မာကမ္မန္တေန…ပေ… လောကိယေန သမ္မာအာဇီဝေန သမန္နာဂတောတိ? အာမန္တာ။ မဂ္ဂသမင်္ဂီ လောကိယာယ သမ္မာဒိဋ္ဌိယာ…ပေ… လောကိယေန သမ္မာသမာဓိနာ သမန္နာဂတောတိ? န ဟေဝံ ဝတ္တဗ္ဗေ…ပေ…။
မဂ္ဂသမင်္ဂီ လောကိယာယ စ လောကုတ္တရာယ စ သမ္မာဝါစာယ သမန္နာဂတောတိ? အာမန္တာ။ မဂ္ဂသမင်္ဂီ လောကိယာယ စ လောကုတ္တရာယ စ သမ္မာဒိဋ္ဌိယာ သမန္နာဂတောတိ? န ဟေဝံ ဝတ္တဗ္ဗေ…ပေ… မဂ္ဂသမင်္ဂီ လောကိယာယ စ လောကုတ္တရာယ စ သမ္မာဝါစာယ သမန္နာဂတောတိ? အာမန္တာ။ မဂ္ဂသမင်္ဂီ လောကိယေန စ လောကုတ္တရေန စ သမ္မာသင်္ကပ္ပေန…ပေ… လောကိယေန စ လောကုတ္တရေန စ သမ္မာဝါယာမေန …ပေ… လောကိယာယ စ လောကုတ္တရာယ စ သမ္မာသတိယာ…ပေ… လောကိယေန စ လောကုတ္တရေန စ သမ္မာသမာဓိနာ သမန္နာဂတောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၁၇။)မဂ္ဂသမင်္ဂီ လောကိယေန စ လောကုတ္တရေန စ သမ္မာကမ္မန္တေန…ပေ… သမ္မာအာဇီဝေန သမန္နာဂတောတိ? အာမန္တာ။ မဂ္ဂသမင်္ဂီ လောကိယာယ စ လောကုတ္တရာယ စ သမ္မာဒိဋ္ဌိယာ သမန္နာဂတောတိ? န ဟေဝံ ဝတ္တဗ္ဗေ…ပေ… မဂ္ဂသမင်္ဂီ လောကိယေန စ လောကုတ္တရေန စ သမ္မာအာဇီဝေန သမန္နာဂတောတိ? အာမန္တာ။ မဂ္ဂသမင်္ဂီ လောကိယေန စ လောကုတ္တရေန စ သမ္မာသင်္ကပ္ပေန…ပေ… လောကိယေန စ လောကုတ္တရေန စ သမ္မာသမာဓိနာ သမန္နာဂတောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၈၉။ န ဝတ္တဗ္ဗံ – ‘‘မဂ္ဂသမင်္ဂီ ဒွီဟိ သီလေဟိ သမန္နာဂတော’’တိ? အာမန္တာ။ လောကိယေ သီလေ နိရုဒ္ဓေ မဂ္ဂေါ ဥပ္ပဇ္ဇတီတိ? အာမန္တာ။ ဒုဿီလော ခဏ္ဍသီလော ဆိန္နသီလော မဂ္ဂံ ဘာဝေတီတိ? န ဟေဝံ ဝတ္တဗ္ဗေ …ပေ… တေန ဟိ မဂ္ဂသမင်္ဂီ ဒွီဟိ သီလေဟိ သမန္နာဂတောတိ။
ဒွီဟိသီလေဟိကထာ နိဋ္ဌိတာ။
၁၀။ ဒသမဝဂ္ဂ
(၁၀၁) ၇။ သီလံ အစေတသိကန္တိကထာ
֍ ဋ္ဌ ၅၉၀။ သီလံ အစေတသိကန္တိ? အာမန္တာ။ ရူပံ…ပေ… နိဗ္ဗာနံ…ပေ… စက္ခာယတနံ …ပေ… ကာယာယတနံ… ရူပါယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… သီလံ အစေတသိကန္တိ? အာမန္တာ။ ဖဿော အစေတသိကောတိ? န ဟေဝံ ဝတ္တဗ္ဗေ …ပေ… သီလံ အစေတသိကန္တိ? အာမန္တာ။ ဝေဒနာ…ပေ… သညာ…ပေ… စေတနာ…ပေ… သဒ္ဓါ…ပေ… ဝီရိယံ…ပေ… သတိ…ပေ… သမာဓိ…ပေ… ပညာ အစေတသိကာတိ? န ဟေဝံ ဝတ္တဗ္ဗေ…ပေ…။
ဖဿော စေတသိကောတိ? အာမန္တာ။ သီလံ စေတသိကန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… စေတနာ…ပေ… သဒ္ဓါ…ပေ… ဝီရိယံ…ပေ… သတိ…ပေ… သမာဓိ…ပေ… ပညာ စေတသိကာတိ? အာမန္တာ။ သီလံ စေတသိကန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၁။ သီလံ အစေတသိကန္တိ? အာမန္တာ။ အနိဋ္ဌဖလန္တိ? န ဟေဝံ ဝတ္တဗ္ဗေ…ပေ… နနု ဣဋ္ဌဖလန္တိ? အာမန္တာ။ ဟဉ္စိ ဣဋ္ဌဖလံ, နော စ ဝတ ရေ ဝတ္တဗ္ဗေ – ‘‘သီလံ အစေတသိက’’န္တိ။
(အဘိ၊က၊၃၁၈။)သဒ္ဓါ ဣဋ္ဌဖလာ, သဒ္ဓါ စေတသိကာတိ? အာမန္တာ။ သီလံ ဣဋ္ဌဖလံ, သီလံ စေတသိကန္တိ? န ဟေဝံ ဝတ္တဗ္ဗေ…ပေ… ဝီရိယံ…ပေ… သတိ…ပေ… သမာဓိ…ပေ… ပညာ ဣဋ္ဌဖလာ, ပညာ စေတသိကာတိ? အာမန္တာ။ သီလံ ဣဋ္ဌဖလံ, သီလံ စေတသိကန္တိ? န ဟေဝံ ဝတ္တဗ္ဗေ…ပေ…။
သီလံ ဣဋ္ဌဖလံ, သီလံ အစေတသိကန္တိ? အာမန္တာ။ သဒ္ဓါ ဣဋ္ဌဖလာ, သဒ္ဓါ အစေတသိကာတိ? န ဟေဝံ ဝတ္တဗ္ဗေ…ပေ… သီလံ ဣဋ္ဌဖလံ, သီလံ အစေတသိကန္တိ? အာမန္တာ။ ဝီရိယံ…ပေ… သတိ…ပေ… သမာဓိ…ပေ… ပညာ ဣဋ္ဌဖလာ, ပညာ အစေတသိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၂။ သီလံ အစေတသိကန္တိ? အာမန္တာ။ အဖလံ အဝိပါကန္တိ? န ဟေဝံ ဝတ္တဗ္ဗေ…ပေ… နနု သဖလံ သဝိပါကန္တိ? အာမန္တာ။ ဟဉ္စိ သဖလံ သဝိပါကံ, နော စ ဝတ ရေ ဝတ္တဗ္ဗေ – ‘‘သီလံ အစေတသိက’’န္တိ…ပေ…။
စက္ခာယတနံ အစေတသိကံ အဝိပါကန္တိ? အာမန္တာ။ သီလံ အစေတသိကံ အဝိပါကန္တိ? န ဟေဝံ ဝတ္တဗ္ဗေ…ပေ… သောတာယတနံ…ပေ… ကာယာယတနံ …ပေ… ရူပါယတနံ…ပေ… ဖောဋ္ဌဗ္ဗာယတနံ အစေတသိကံ အဝိပါကန္တိ? အာမန္တာ။ သီလံ အစေတသိကံ အဝိပါကန္တိ? န ဟေဝံ ဝတ္တဗ္ဗေ…ပေ…။
သီလံ အစေတသိကံ သဝိပါကန္တိ? အာမန္တာ။ စက္ခာယတနံ အစေတသိကံ သဝိပါကန္တိ? န ဟေဝံ ဝတ္တဗ္ဗေ…ပေ… သီလံ အစေတသိကံ သဝိပါကန္တိ? အာမန္တာ။ သောတာယတနံ…ပေ… ကာယာယတနံ… ရူပါယတနံ…ပေ… ဖောဋ္ဌဗ္ဗာယတနံ အစေတသိကံ သဝိပါကန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၃။ သမ္မာဝါစာ အစေတသိကာတိ? အာမန္တာ။ သမ္မာဒိဋ္ဌိ အစေတသိကာတိ? န ဟေဝံ ဝတ္တဗ္ဗေ…ပေ… သမ္မာဝါစာ အစေတသိကာတိ? အာမန္တာ။ သမ္မာသင်္ကပ္ပေါ…ပေ… သမ္မာဝါယာမော…ပေ… သမ္မာသတိ…ပေ… သမ္မာသမာဓိ အစေတသိကောတိ? န ဟေဝံ ဝတ္တဗ္ဗေ…ပေ… သမ္မာကမ္မန္တော…ပေ… သမ္မာအာဇီဝေါ အစေတသိကောတိ? အာမန္တာ။ သမ္မာဒိဋ္ဌိ အစေတသိကာတိ? န ဟေဝံ ဝတ္တဗ္ဗေ…ပေ… သမ္မာအာဇီဝေါ အစေတသိကောတိ? အာမန္တာ။ သမ္မာသင်္ကပ္ပေါ… သမ္မာဝါယာမော… သမ္မာသတိ… သမ္မာသမာဓိ အစေတသိကောတိ? န ဟေဝံ ဝတ္တဗ္ဗေ…ပေ…။
သမ္မာဒိဋ္ဌိ စေတသိကာတိ? အာမန္တာ။ သမ္မာဝါစာ စေတသိကာတိ? န ဟေဝံ ဝတ္တဗ္ဗေ…ပေ… သမ္မာဒိဋ္ဌိ စေတသိကာတိ? အာမန္တာ။ သမ္မာကမ္မန္တော…ပေ…
(အဘိ၊က၊၃၁၉။)သမ္မာအာဇီဝေါ စေတသိကောတိ? န ဟေဝံ ဝတ္တဗ္ဗေ…ပေ… သမ္မာသင်္ကပ္ပေါ…ပေ… သမ္မာဝါယာမော…ပေ… သမ္မာသတိ…ပေ… သမ္မာသမာဓိ စေတသိကောတိ? အာမန္တာ။ သမ္မာဝါစာ စေတသိကာတိ? န ဟေဝံ ဝတ္တဗ္ဗေ…ပေ… သမ္မာသမာဓိ စေတသိကောတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ စေတသိကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၄။ န ဝတ္တဗ္ဗံ – ‘‘သီလံ အစေတသိက’’န္တိ? အာမန္တာ။ သီလေ ဥပ္ပဇ္ဇိတွာ နိရုဒ္ဓေ ဒုဿီလော ဟောတီတိ? န ဟေဝံ ဝတ္တဗ္ဗေ။ တေန ဟိ သီလံ အစေတသိကန္တိ။
သီလံ အစေတသိကန္တိကထာ နိဋ္ဌိတာ။
၁၀။ ဒသမဝဂ္ဂ
(၁၀၂) ၈။ သီလံ န စိတ္တာနုပရိဝတ္တီတိကထာ
֍ ဋ္ဌ ၅၉၅။ သီလံ န စိတ္တာနုပရိဝတ္တီတိ? အာမန္တာ။ ရူပံ… နိဗ္ဗာနံ… စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… သီလံ န စိတ္တာနုပရိဝတ္တီတိ? အာမန္တာ။ ဖဿော န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… သီလံ န စိတ္တာနုပရိဝတ္တီတိ? အာမန္တာ။ ဝေဒနာ…ပေ… သညာ… စေတနာ… သဒ္ဓါ… ဝီရိယံ… သတိ… သမာဓိ…ပေ… ပညာ န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
ဖဿော စိတ္တာနုပရိဝတ္တီတိ? အာမန္တာ။ သီလံ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ… စေတနာ … သဒ္ဓါ… ဝီရိယံ… သတိ… သမာဓိ…ပေ… ပညာ စိတ္တာနုပရိဝတ္တီတိ? အာမန္တာ။ သီလံ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၆။ သမ္မာဝါစာ န စိတ္တာနုပရိဝတ္တီတိ? အာမန္တာ။ သမ္မာဒိဋ္ဌိ န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… သမ္မာဝါစာ န စိတ္တာနုပရိဝတ္တီတိ? အာမန္တာ။ သမ္မာသင်္ကပ္ပေါ… သမ္မာဝါယာမော… သမ္မာသတိ…ပေ… သမ္မာသမာဓိ န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
သမ္မာကမ္မန္တော…ပေ… သမ္မာအာဇီဝေါ န စိတ္တာနုပရိဝတ္တီတိ? အာမန္တာ။ သမ္မာဒိဋ္ဌိ န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… သမ္မာအာဇီဝေါ န
(အဘိ၊က၊၃၂၀။)စိတ္တာနုပရိဝတ္တီတိ? အာမန္တာ။ သမ္မာသင်္ကပ္ပေါ… သမ္မာဝါယာမော… သမ္မာသတိ…ပေ… သမ္မာသမာဓိ န စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
သမ္မာဒိဋ္ဌိ စိတ္တာနုပရိဝတ္တီတိ? အာမန္တာ။ သမ္မာဝါစာ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… သမ္မာဒိဋ္ဌိ စိတ္တာနုပရိဝတ္တီတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
သမ္မာသင်္ကပ္ပေါ … သမ္မာဝါယာမော… သမ္မာသတိ…ပေ… သမ္မာသမာဓိ စိတ္တာနုပရိဝတ္တီတိ? အာမန္တာ။ သမ္မာဝါစာ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ… သမ္မာသမာဓိ စိတ္တာနုပရိဝတ္တီတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ စိတ္တာနုပရိဝတ္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၇။ န ဝတ္တဗ္ဗံ – ‘‘သီလံ န စိတ္တာနုပရိဝတ္တီ’’တိ? အာမန္တာ။ သီလေ ဥပ္ပဇ္ဇိတွာ နိရုဒ္ဓေ ဒုဿီလော ဟောတီတိ? န ဟေဝံ ဝတ္တဗ္ဗေ။ တေန ဟိ သီလံ န စိတ္တာနုပရိဝတ္တီတိ။
သီလံ န စိတ္တာနုပရိဝတ္တီတိကထာ နိဋ္ဌိတာ။
၁၀။ ဒသမဝဂ္ဂ
(၁၀၃) ၉။ သမာဒါနဟေတုကထာ
֍ ဋ္ဌ ၅၉၈။ သမာဒါနဟေတုကံ သီလံ ဝဍ္ဎတီတိ? အာမန္တာ။ သမာဒါနဟေတုကော ဖဿော ဝဍ္ဎတိ, ဝေဒနာ ဝဍ္ဎတိ, သညာ ဝဍ္ဎတိ, စေတနာ ဝဍ္ဎတိ, စိတ္တံ ဝဍ္ဎတိ, သဒ္ဓါ ဝဍ္ဎတိ, ဝီရိယံ ဝဍ္ဎတိ, သတိ ဝဍ္ဎတိ, သမာဓိ ဝဍ္ဎတိ, ပညာ ဝဍ္ဎတီတိ? န ဟေဝံ ဝတ္တဗ္ဗေ…ပေ…။
သမာဒါနဟေတုကံ သီလံ ဝဍ္ဎတီတိ? အာမန္တာ။ လတာ ဝိယ ဝဍ္ဎတိ, မာလုဝါ ဝိယ ဝဍ္ဎတိ, ရုက္ခော ဝိယ ဝဍ္ဎတိ, တိဏံ ဝိယ ဝဍ္ဎတိ, မုဉ္ဇပုဉ္ဇော ဝိယ ဝဍ္ဎတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၅၉၉။ သမာဒါနဟေတုကံ သီလံ ဝဍ္ဎတီတိ? အာမန္တာ။ သီလံ သမာဒိယိတွာ ကာမဝိတက္ကံ ဝိတက္ကေန္တဿ ဗျာပါဒဝိတက္ကံ ဝိတက္ကေန္တဿ ဝိဟိံသာဝိတက္ကံ ဝိတက္ကေန္တဿ သီလံ ဝဍ္ဎတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ
(အဘိ၊က၊၃၂၁။)သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီ’’တိ။
֍ ဋ္ဌ ၆၀၀။ န ဝတ္တဗ္ဗံ – ‘‘သမာဒါနဟေတုကံ သီလံ ဝဍ္ဎတီ’’တိ? အာမန္တာ။ နနု ဝုတ္တံ ဘဂဝတာ – ‘‘အာရာမရောပါ ဝနရောပါ…ပေ… ဓမ္မဋ္ဌာ သီလသမ္ပန္နာ တေ ဇနာ သဂ္ဂဂါမိနော’’တိ။ အတ္ထေဝ သုတ္တန္တောတိ? အာမန္တာ။ တေန ဟိ သမာဒါနဟေတုကံ သီလံ ဝဍ္ဎတီတိ။
သမာဒါနဟေတုကထာ နိဋ္ဌိတာ။
၁၀။ ဒသမဝဂ္ဂ
(၁၀၄) ၁၀။ ဝိညတ္တိ သီလန္တိကထာ
֍ ဋ္ဌ ၆၀၁။ ဝိညတ္တိ သီလန္တိ? အာမန္တာ။ ပါဏာတိပါတာ ဝေရမဏီတိ? န ဟေဝံ ဝတ္တဗ္ဗေ…ပေ… အဒိန္နာဒါနာ ဝေရမဏီတိ? န ဟေဝံ ဝတ္တဗ္ဗေ…ပေ… ကာမေသုမိစ္ဆာစာရာ ဝေရမဏီတိ? န ဟေဝံ ဝတ္တဗ္ဗေ …ပေ… မုသာဝါဒါ ဝေရမဏီတိ? န ဟေဝံ ဝတ္တဗ္ဗေ…ပေ… သုရာမေရယမဇ္ဇပမာဒဋ္ဌာနာ ဝေရမဏီတိ? န ဟေဝံ ဝတ္တဗ္ဗေ…ပေ…။
အဘိဝါဒနံ သီလံ, ပစ္စုဋ္ဌာနံ သီလံ, အဉ္ဇလိကမ္မံ သီလံ, သာမီစိကမ္မံ သီလံ, အာသနာဘိဟာရော သီလံ, သေယျာဘိဟာရော သီလံ, ပါဒေါဒကာဘိဟာရော သီလံ, ပါဒကထလိကာဘိဟာရော သီလံ, နှာနေ ပိဋ္ဌိပရိကမ္မံ သီလန္တိ? အာမန္တာ။ ပါဏာတိပါတာ ဝေရမဏီတိ? န ဟေဝံ ဝတ္တဗ္ဗေ…ပေ… သုရာမေရယမဇ္ဇပမာဒဋ္ဌာနာ ဝေရမဏီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၂၂။)֍ ဋ္ဌ ၆၀၂။ န ဝတ္တဗ္ဗံ – ‘‘ဝိညတ္တိ သီလ’’န္တိ? အာမန္တာ။ ဒုဿိလျန္တိ? န ဟေဝံ ဝတ္တဗ္ဗေ…ပေ… တေန ဟိ ဝိညတ္တိ သီလန္တိ။
ဝိညတ္တိ သီလန္တိကထာ နိဋ္ဌိတာ။
၁၀။ ဒသမဝဂ္ဂ
(၁၀၅) ၁၁။ အဝိညတ္တိ ဒုဿိလျန္တိကထာ
֍ ဋ္ဌ ၆၀၃။ အဝိညတ္တိ ဒုဿိလျန္တိ? အာမန္တာ။ ပါဏာတိပါတောတိ? န ဟေဝံ ဝတ္တဗ္ဗေ…ပေ… အဒိန္နာဒါနန္တိ? န ဟေဝံ ဝတ္တဗ္ဗေ…ပေ… ကာမေသုမိစ္ဆာစာရောတိ? န ဟေဝံ ဝတ္တဗ္ဗေ…ပေ… မုသာဝါဒေါတိ? န ဟေဝံ ဝတ္တဗ္ဗေ…ပေ… သုရာမေရယမဇ္ဇပမာဒဋ္ဌာနန္တိ? န ဟေဝံ ဝတ္တဗ္ဗေ…ပေ…။
ပါပကမ္မံ သမာဒိယိတွာ ဒါနံ ဒဒန္တဿ ပုညဉ္စ အပုညဉ္စ ဥဘော ဝဍ္ဎန္တီတိ? န ဟေဝံ ဝတ္တဗ္ဗေ…ပေ… ပုညဉ္စ အပုညဉ္စ ဥဘော ဝဍ္ဎန္တီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီ’’တိ။
֍ ဋ္ဌ ၆၀၄။ န ဝတ္တဗ္ဗံ – ‘‘အဝိညတ္တိ ဒုဿိလျ’’န္တိ? အာမန္တာ။ နနု ပါပကမ္မံ သမာဒိန္နော အာသီတိ? အာမန္တာ။ ဟဉ္စိ ပါပကမ္မံ သမာဒိန္နော အာသိ, တေန ဝတ ရေ ဝတ္တဗ္ဗေ – ‘‘အဝိညတ္တိ ဒုဿိလျ’’န္တိ။
အဝိညတ္တိ ဒုဿိလျန္တိကထာ နိဋ္ဌိတာ။
ဒသမဝဂ္ဂေါ။
(အဘိ၊က၊၃၂၃။)တဿုဒ္ဒါနံ –
ဥပပတ္တေသိယေ ပဉ္စက္ခန္ဓေ အနိရုဒ္ဓေ ကိရိယာ ပဉ္စက္ခန္ဓာ ဥပ္ပဇ္ဇန္တိ, မဂ္ဂသမင်္ဂိဿ ရူပံ မဂ္ဂေါ, ပဉ္စဝိညာဏသမင်္ဂိဿ အတ္ထိ မဂ္ဂဘာဝနာ, ပဉ္စဝိညာဏာ ကုသလာပိ အကုသလာပိ, ပဉ္စဝိညာဏာ သာဘောဂါ, မဂ္ဂသမင်္ဂီ ဒွီဟိ သီလေဟိ သမန္နာဂတော, သီလံ အစေတသိကံ, သီလံ န စိတ္တာနုပရိဝတ္တိ, သမာဒါနဟေတုကံ သီလံ ဝဍ္ဎတီတိ, ဝိညတ္တိသီလံ အဝိညတ္တိ ဒုဿိလျန္တိ။
ဒုတိယော ပဏ္ဏာသကော။
တဿုဒ္ဒါနံ –
နိယာမသင်္ဂဟဂတာနိသံသတာ စ နိရောဓောတိ [နိယာမ သင်္ဂဟဂတာနိသံသတာ အတ္ထိ ပဉ္စဝေါကာရဘဝေါ နိရောဓော မဂ္ဂသမင်္ဂိဿ ပဉ္စဝေါကာရဘဝေါတိ (သီ။ သျာ။ က။), နိယာမ သင်္ဂဟ ဂတာနိသံသတာ အတ္ထိ ပဉ္စဝေါကာရဘဝေါ မဂ္ဂသမင်္ဂိဿ နော ပဉ္စဝေါကာရဘဝေါ (ပီ။)]။
၁၁။ ဧကာဒသမဝဂ္ဂ
(၁၀၆-၁၀၈) ၁-၃။ တိဿောပိ အနုသယကထာ
֍ ဋ္ဌ ၆၀၅။ အနုသယာ အဗျာကတာတိ? အာမန္တာ။ ဝိပါကာဗျာကတာ ကိရိယာဗျာကတာ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော အဗျာကတောတိ? အာမန္တာ။ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏံ အဗျာကတန္တိ? န ဟေဝံ ဝတ္တဗ္ဗေ…ပေ… ကာမရာဂေါ ကာမရာဂပရိယုဋ္ဌာနံ…ပေ… ကာမစ္ဆန္ဒနီဝရဏံ အကုသလန္တိ? အာမန္တာ။ ကာမရာဂါနုသယော အကုသလောတိ? န ဟေဝံ ဝတ္တဗ္ဗေ…ပေ…။
ပဋိဃာနုသယော အဗျာကတောတိ? အာမန္တာ။ ပဋိဃံ ပဋိဃပရိယုဋ္ဌာနံ ပဋိဃသံယောဇနံ အဗျာကတန္တိ? န ဟေဝံ ဝတ္တဗ္ဗေ…ပေ… ပဋိဃံ ပဋိဃပရိယုဋ္ဌာနံ ပဋိဃသံယောဇနံ အကုသလန္တိ? အာမန္တာ။ ပဋိဃာနုသယော အကုသလောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၂၄။)မာနာနုသယော အဗျာကတောတိ? အာမန္တာ။ မာနော မာနပရိယုဋ္ဌာနံ မာနသံယောဇနံ အဗျာကတန္တိ? န ဟေဝံ ဝတ္တဗ္ဗေ …ပေ… မာနော မာနပရိယုဋ္ဌာနံ မာနသံယောဇနံ အကုသလန္တိ? အာမန္တာ။ မာနာနုသယော အကုသလောတိ? န ဟေဝံ ဝတ္တဗ္ဗေ …ပေ…။
ဒိဋ္ဌာနုသယော အဗျာကတောတိ? အာမန္တာ။ ဒိဋ္ဌိ ဒိဋ္ဌောဃော ဒိဋ္ဌိယောဂေါ ဒိဋ္ဌိပရိယုဋ္ဌာနံ ဒိဋ္ဌိသံယောဇနံ အဗျာကတန္တိ? န ဟေဝံ ဝတ္တဗ္ဗေ…ပေ… ဒိဋ္ဌိ ဒိဋ္ဌောဃော ဒိဋ္ဌိယောဂေါ ဒိဋ္ဌိပရိယုဋ္ဌာနံ ဒိဋ္ဌိသံယောဇနံ အကုသလန္တိ? အာမန္တာ။ ဒိဋ္ဌာနုသယော အကုသလောတိ? န ဟေဝံ ဝတ္တဗ္ဗေ…ပေ…။
ဝိစိကိစ္ဆာနုသယော အဗျာကတောတိ? အာမန္တာ။ ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏံ အဗျာကတန္တိ? န ဟေဝံ ဝတ္တဗ္ဗေ…ပေ… ဝိစိကိစ္ဆာ ဝိစိကိစ္ဆာပရိယုဋ္ဌာနံ ဝိစိကိစ္ဆာသံယောဇနံ ဝိစိကိစ္ဆာနီဝရဏံ အကုသလန္တိ? အာမန္တာ။ ဝိစိကိစ္ဆာနုသယော အကုသလောတိ? န ဟေဝံ ဝတ္တဗ္ဗေ…ပေ…။
ဘဝရာဂါနုသယော အဗျာကတောတိ? အာမန္တာ။ ဘဝရာဂေါ ဘဝရာဂပရိယုဋ္ဌာနံ ဘဝရာဂသံယောဇနံ အဗျာကတန္တိ? န ဟေဝံ ဝတ္တဗ္ဗေ…ပေ… ဘဝရာဂေါ ဘဝရာဂပရိယုဋ္ဌာနံ ဘဝရာဂသံယောဇနံ အကုသလန္တိ? အာမန္တာ။ ဘဝရာဂါနုသယော အကုသလောတိ? န ဟေဝံ ဝတ္တဗ္ဗေ…ပေ…။
အဝိဇ္ဇာနုသယော အဗျာကတောတိ? အာမန္တာ။ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏံ အဗျာကတန္တိ? န ဟေဝံ ဝတ္တဗ္ဗေ…ပေ… အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏံ အကုသလန္တိ? အာမန္တာ။ အဝိဇ္ဇာနုသယော အကုသလောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၀၆။ န ဝတ္တဗ္ဗံ – ‘‘အနုသယာ အဗျာကတာ’’တိ? အာမန္တာ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သာနုသယော’’တိ ဝတ္တဗ္ဗောတိ? အာမန္တာ။ ကုသလာကုသလာ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ… တေန ဟိ အနုသယာ အဗျာကတာတိ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သရာဂေါ’’တိ ဝတ္တဗ္ဗောတိ? အာမန္တာ။ ကုသလာကုသလာ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ… တေန ဟိ ရာဂေါ အဗျာကတောတိ။
(အဘိ၊က၊၃၂၅။)֍ ဋ္ဌ ၆၀၇။ အနုသယာ အဟေတုကာတိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော အဟေတုကောတိ? အာမန္တာ။ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမစ္ဆန္ဒနီဝရဏံ အဟေတုကန္တိ? န ဟေဝံ ဝတ္တဗ္ဗေ…ပေ… ကာမရာဂေါ ကာမရာဂပရိယုဋ္ဌာနံ…ပေ… ကာမစ္ဆန္ဒနီဝရဏံ သဟေတုကန္တိ? အာမန္တာ။ ကာမရာဂါနုသယော သဟေတုကောတိ? န ဟေဝံ ဝတ္တဗ္ဗေ…ပေ… ပဋိဃာနုသယော…ပေ… မာနာနုသယော… ဒိဋ္ဌာနုသယော… ဝိစိကိစ္ဆာနုသယော… ဘဝရာဂါနုသယော… အဝိဇ္ဇာနုသယော အဟေတုကောတိ? အာမန္တာ။ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာပရိယုဋ္ဌာနံ အဝိဇ္ဇာသံယောဇနံ အဝိဇ္ဇာနီဝရဏံ အဟေတုကန္တိ? န ဟေဝံ ဝတ္တဗ္ဗေ …ပေ… အဝိဇ္ဇာ အဝိဇ္ဇောဃော…ပေ… အဝိဇ္ဇာနီဝရဏံ သဟေတုကန္တိ? အာမန္တာ။ အဝိဇ္ဇာနုသယော သဟေတုကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၀၈။ န ဝတ္တဗ္ဗံ – ‘‘အနုသယာ အဟေတုကာ’’တိ? အာမန္တာ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သာနုသယော’’တိ ဝတ္တဗ္ဗောတိ? အာမန္တာ။ အနုသယာ တေန ဟေတုနာ သဟေတုကာတိ? န ဟေဝံ ဝတ္တဗ္ဗေ…ပေ… တေန ဟိ အနုသယာ အဟေတုကာတိ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သရာဂေါ’’တိ ဝတ္တဗ္ဗောတိ? အာမန္တာ။ ရာဂေါ တေန ဟေတုနာ သဟေတုကောတိ? န ဟေဝံ ဝတ္တဗ္ဗေ…ပေ… တေန ဟိ ရာဂေါ အဟေတုကောတိ။
֍ ဋ္ဌ ၆၀၉။ အနုသယာ စိတ္တဝိပ္ပယုတ္တာတိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော စိတ္တဝိပ္ပယုတ္တောတိ? အာမန္တာ။ ကာမရာဂေါ ကာမရာဂပရိယုဋ္ဌာနံ ကာမရာဂသံယောဇနံ ကာမောဃော ကာမယောဂေါ ကာမစ္ဆန္ဒနီဝရဏံ စိတ္တဝိပ္ပယုတ္တန္တိ? န ဟေဝံ ဝတ္တဗ္ဗေ…ပေ… ကာမရာဂေါ ကာမရာဂပရိယုဋ္ဌာနံ…ပေ… ကာမစ္ဆန္ဒနီဝရဏံ စိတ္တသမ္ပယုတ္တန္တိ? အာမန္တာ။ ကာမရာဂါနုသယော စိတ္တသမ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၀။ ကာမရာဂါနုသယော စိတ္တဝိပ္ပယုတ္တောတိ? အာမန္တာ။ ကတမက္ခန္ဓပရိယာပန္နောတိ? သင်္ခါရက္ခန္ဓပရိယာပန္နောတိ။ သင်္ခါရက္ခန္ဓော စိတ္တဝိပ္ပယုတ္တောတိ?
(အဘိ၊က၊၃၂၆။)န ဟေဝံ ဝတ္တဗ္ဗေ။ သင်္ခါရက္ခန္ဓော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော သင်္ခါရက္ခန္ဓပရိယာပန္နော စိတ္တဝိပ္ပယုတ္တောတိ? အာမန္တာ။ ကာမရာဂေါ သင်္ခါရက္ခန္ဓပရိယာပန္နော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ… ကာမရာဂေါ သင်္ခါရက္ခန္ဓပရိယာပန္နော စိတ္တသမ္ပယုတ္တောတိ? အာမန္တာ။ ကာမရာဂါနုသယော သင်္ခါရက္ခန္ဓပရိယာပန္နော စိတ္တသမ္ပယုတ္တောတိ? န ဟေဝံ ဝတ္တဗ္ဗေ…ပေ…။
ကာမရာဂါနုသယော သင်္ခါရက္ခန္ဓပရိယာပန္နော စိတ္တဝိပ္ပယုတ္တော, ကာမရာဂေါ သင်္ခါရက္ခန္ဓပရိယာပန္နော စိတ္တသမ္ပယုတ္တောတိ? အာမန္တာ။ သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၁။ ပဋိဃာနုသယော မာနာနုသယော ဒိဋ္ဌာနုသယော ဝိစိကိစ္ဆာနုသယော ဘဝရာဂါနုသယော အဝိဇ္ဇာနုသယော စိတ္တဝိပ္ပယုတ္တောတိ? အာမန္တာ။ အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနီဝရဏံ စိတ္တဝိပ္ပယုတ္တန္တိ? န ဟေဝံ ဝတ္တဗ္ဗေ…ပေ… အဝိဇ္ဇာ အဝိဇ္ဇောဃော အဝိဇ္ဇာယောဂေါ အဝိဇ္ဇာနီဝရဏံ စိတ္တသမ္ပယုတ္တန္တိ? အာမန္တာ။ အဝိဇ္ဇာနုသယော စိတ္တသမ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၂။ အဝိဇ္ဇာနုသယော စိတ္တဝိပ္ပယုတ္တောတိ? အာမန္တာ။ ကတမက္ခန္ဓပရိယာပန္နောတိ? သင်္ခါရက္ခန္ဓပရိယာပန္နောတိ။ သင်္ခါရက္ခန္ဓော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ။ သင်္ခါရက္ခန္ဓော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
အဝိဇ္ဇာနုသယော သင်္ခါရက္ခန္ဓပရိယာပန္နော စိတ္တဝိပ္ပယုတ္တောတိ? အာမန္တာ။ အဝိဇ္ဇာ သင်္ခါရက္ခန္ဓပရိယာပန္နာ စိတ္တဝိပ္ပယုတ္တာတိ? န ဟေဝံ ဝတ္တဗ္ဗေ…ပေ… အဝိဇ္ဇာ သင်္ခါရက္ခန္ဓပရိယာပန္နာ စိတ္တသမ္ပယုတ္တာတိ? အာမန္တာ။ အဝိဇ္ဇာနုသယော သင်္ခါရက္ခန္ဓပရိယာပန္နော စိတ္တသမ္ပယုတ္တောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၂၇။)အဝိဇ္ဇာနုသယော သင်္ခါရက္ခန္ဓပရိယာပန္နော စိတ္တဝိပ္ပယုတ္တော, အဝိဇ္ဇာသင်္ခါရက္ခန္ဓပရိယာပန္နာ စိတ္တသမ္ပယုတ္တာတိ? အာမန္တာ။ သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ။
သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၃။ န ဝတ္တဗ္ဗံ – ‘‘အနုသယာ စိတ္တဝိပ္ပယုတ္တာ’’တိ? အာမန္တာ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သာနုသယော’’တိ ဝတ္တဗ္ဗောတိ? အာမန္တာ။ အနုသယာ တေန စိတ္တေန သမ္ပယုတ္တာတိ? န ဟေဝံ ဝတ္တဗ္ဗေ။ တေန ဟိ အနုသယာ စိတ္တဝိပ္ပယုတ္တာတိ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သရာဂေါ’’တိ ဝတ္တဗ္ဗောတိ? အာမန္တာ။ ရာဂေါ တေန စိတ္တေန သမ္ပယုတ္တောတိ? န ဟေဝံ ဝတ္တဗ္ဗေ။ တေန ဟိ ရာဂေါ စိတ္တဝိပ္ပယုတ္တောတိ။
တိဿောပိ အနုသယကထာ နိဋ္ဌိတာ။
၁၁။ ဧကာဒသမဝဂ္ဂ
(၁၀၉) ၄။ ဉာဏကထာ
֍ ဋ္ဌ ၆၁၄။ အညာဏေ ဝိဂတေ ဉာဏဝိပ္ပယုတ္တေ စိတ္တေ ဝတ္တမာနေ န ဝတ္တဗ္ဗံ – ‘‘ဉာဏီ’’တိ? အာမန္တာ။ ရာဂေ ဝိဂတေ န ဝတ္တဗ္ဗံ – ‘‘ဝီတရာဂေါ’’တိ? န ဟေဝံ ဝတ္တဗ္ဗေ…ပေ… အညာဏေ ဝိဂတေ ဉာဏဝိပ္ပယုတ္တေ စိတ္တေ ဝတ္တမာနေ န ဝတ္တဗ္ဗံ – ‘‘ဉာဏီ’’တိ? အာမန္တာ။ ဒေါသေ ဝိဂတေ… မောဟေ ဝိဂတေ… ကိလေသေ ဝိဂတေ န ဝတ္တဗ္ဗံ – ‘‘နိက္ကိလေသော’’တိ? န ဟေဝံ ဝတ္တဗ္ဗေ…ပေ…။
ရာဂေ ဝိဂတေ ဝတ္တဗ္ဗံ – ‘‘ဝီတရာဂေါ’’တိ? အာမန္တာ။ အညာဏေ ဝိဂတေ ဉာဏဝိပ္ပယုတ္တေ စိတ္တေ ဝတ္တမာနေ ဝတ္တဗ္ဗံ – ‘‘ဉာဏီ’’တိ? န ဟေဝံ ဝတ္တဗ္ဗေ…ပေ… ဒေါသေ ဝိဂတေ… မောဟေ ဝိဂတေ… ကိလေသေ ဝိဂတေ ဝတ္တဗ္ဗံ – ‘‘နိက္ကိလေသော’’တိ? အာမန္တာ။ အညာဏေ ဝိဂတေ ဉာဏဝိပ္ပယုတ္တေ စိတ္တေ ဝတ္တမာနေ ဝတ္တဗ္ဗံ – ‘‘ဉာဏီ’’တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၂၈။)֍ ဋ္ဌ ၆၁၅။ အညာဏေ ဝိဂတေ ဉာဏဝိပ္ပယုတ္တေ စိတ္တေ ဝတ္တမာနေ ဝတ္တဗ္ဗံ – ‘‘ဉာဏီ’’တိ? အာမန္တာ။ အတီတေန ဉာဏေန ဉာဏီ နိရုဒ္ဓေန ဝိဂတေန ပဋိပဿဒ္ဓေန ဉာဏေန ဉာဏီတိ? န ဟေဝံ ဝတ္တဗ္ဗေ…ပေ…။
ဉာဏကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၀) ၅။ ဉာဏံ စိတ္တဝိပ္ပယုတ္တန္တိကထာ
֍ ဋ္ဌ ၆၁၆။ ဉာဏံ စိတ္တဝိပ္ပယုတ္တန္တိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… ဉာဏံ စိတ္တဝိပ္ပယုတ္တန္တိ? အာမန္တာ။ ပညာ ပညိန္ဒြိယံ ပညာဗလံ သမ္မာဒိဋ္ဌိ ဓမ္မဝိစယသမ္ဗောဇ္ဈင်္ဂေါ စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ… ပညာ ပညိန္ဒြိယံ ပညာဗလံ သမ္မာဒိဋ္ဌိ ဓမ္မဝိစယသမ္ဗောဇ္ဈင်္ဂေါ စိတ္တသမ္ပယုတ္တောတိ? အာမန္တာ။ ဉာဏံ စိတ္တသမ္ပယုတ္တန္တိ? န ဟေဝံ ဝတ္တဗ္ဗေ…ပေ…။
ဉာဏံ စိတ္တဝိပ္ပယုတ္တန္တိ? အာမန္တာ။ ကတမက္ခန္ဓပရိယာပန္နန္တိ? သင်္ခါရက္ခန္ဓပရိယာပန္နန္တိ။ သင်္ခါရက္ခန္ဓော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ… ဉာဏံ သင်္ခါရက္ခန္ဓပရိယာပန္နံ စိတ္တဝိပ္ပယုတ္တန္တိ? အာမန္တာ။ ပညာ သင်္ခါရက္ခန္ဓပရိယာပန္နာ စိတ္တဝိပ္ပယုတ္တာတိ? န ဟေဝံ ဝတ္တဗ္ဗေ…ပေ… ပညာ သင်္ခါရက္ခန္ဓပရိယာပန္နာ စိတ္တသမ္ပယုတ္တာတိ? အာမန္တာ။ ဉာဏံ သင်္ခါရက္ခန္ဓပရိယာပန္နံ စိတ္တသမ္ပယုတ္တန္တိ? န ဟေဝံ ဝတ္တဗ္ဗေ…ပေ… ဉာဏံ သင်္ခါရက္ခန္ဓပရိယာပန္နံ စိတ္တဝိပ္ပယုတ္တံ, ပညာ သင်္ခါရက္ခန္ဓပရိယာပန္နာ စိတ္တသမ္ပယုတ္တာတိ? အာမန္တာ။ သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? အာမန္တာ။ ဝေဒနာက္ခန္ဓော သညာက္ခန္ဓော ဧကဒေသော စိတ္တသမ္ပယုတ္တော ဧကဒေသော စိတ္တဝိပ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၇။ န ဝတ္တဗ္ဗံ – ‘‘ဉာဏံ စိတ္တဝိပ္ပယုတ္တ’’န္တိ? အာမန္တာ။ အရဟာ စက္ခုဝိညာဏသမင်္ဂီ ‘‘ဉာဏီ’’တိ ဝတ္တဗ္ဗောတိ? အာမန္တာ။ ဉာဏံ တေန စိတ္တေန သမ္ပယုတ္တန္တိ? န ဟေဝံ ဝတ္တဗ္ဗေ။ တေန ဟိ ဉာဏံ စိတ္တဝိပ္ပယုတ္တန္တိ။
(အဘိ၊က၊၃၂၉။)အရဟာ စက္ခုဝိညာဏသမင်္ဂီ ‘‘ပညဝါ’’တိ ဝတ္တဗ္ဗောတိ [သကဝါဒီပုစ္ဆာ ဝိယ ဒိဿတိ]? အာမန္တာ။ ပညာ တေန စိတ္တေန သမ္ပယုတ္တာတိ? န ဟေဝံ ဝတ္တဗ္ဗေ။ တေန ဟိ ပညာ စိတ္တဝိပ္ပယုတ္တာတိ။
ဉာဏံ စိတ္တဝိပ္ပယုတ္တန္တိကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၁) ၆။ ဣဒံ ဒုက္ခန္တိကထာ
֍ ဋ္ဌ ၆၁၈။ ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘အယံ ဒုက္ခသမုဒယော’’တိ ဝါစံ ဘာသတော ‘‘အယံ ဒုက္ခသမုဒယော’’တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘အယံ ဒုက္ခနိရောဓော’’တိ ဝါစံ ဘာသတော ‘‘အယံ ဒုက္ခနိရောဓော’’တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘အယံ မဂ္ဂေါ’’တိ ဝါစံ ဘာသတော ‘‘အယံ မဂ္ဂေါ’’တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
‘‘အယံ သမုဒယော’’တိ ဝါစံ ဘာသတော န စ ‘‘အယံ သမုဒယော’’တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ‘‘အယံ နိရောဓော’’တိ… ‘‘အယံ မဂ္ဂေါ’’တိ ဝါစံ ဘာသတော န စ ‘‘အယံ မဂ္ဂေါ’’တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၁၉။ ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘ရူပံ အနိစ္စ’’န္တိ ဝါစံ ဘာသတော ‘‘ရူပံ အနိစ္စ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ဝေဒနာ… သညာ… သင်္ခါရာ… ‘‘ဝိညာဏံ အနိစ္စ’’န္တိ ဝါစံ ဘာသတော ‘‘ဝိညာဏံ အနိစ္စ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၃၀။)‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘ရူပံ အနတ္တာ’’တိ ဝါစံ ဘာသတော ‘‘ရူပံ အနတ္တာ’’တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ဝေဒနာ … သညာ… သင်္ခါရာ… ‘‘ဝိညာဏံ အနတ္တာ’’တိ ဝါစံ ဘာသတော ‘‘ဝိညာဏံ အနတ္တာ’’တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
‘‘ရူပံ အနိစ္စ’’န္တိ ဝါစံ ဘာသတော န စ ‘‘ရူပံ အနိစ္စ’’န္တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ… ဝေဒနာ… သညာ… သင်္ခါရာ… ‘‘ဝိညာဏံ အနိစ္စ’’န္တိ ဝါစံ ဘာသတော န စ ‘‘ဝိညာဏံ အနိစ္စ’’န္တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
‘‘ရူပံ အနတ္တာ’’တိ ဝါစံ ဘာသတော န စ ‘‘ရူပံ အနတ္တာ’’တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ …ပေ… ဝေဒနာ… သညာ… သင်္ခါရာ… ‘‘ဝိညာဏံ အနတ္တာ’’တိ ဝါစံ ဘာသတော န စ ‘‘ဝိညာဏံ အနတ္တာ’’တိ ဉာဏံ ပဝတ္တတီတိ? အာမန္တာ။ ‘‘ဣဒံ ဒုက္ခ’’န္တိ ဝါစံ ဘာသတော န စ ‘‘ဒုက္ခ’’န္တိ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၂၀။ ‘‘ဣဒံ ဒုက္ခ’’န္တိ ဝါစံ ဘာသတော ‘‘ဣဒံ ဒုက္ခ’’န္တိ ဉာဏံ ပဝတ္တတီတိ? အာမန္တာ။ ‘‘ဣ’’တိ [ဤတိ (သျာ။ ပီ။)] စ ‘‘ဒ’’န္တိ စ ‘‘ဒု’’တိ [ဒူတိ (သျာ။ ပီ။)] စ ‘‘ခ’’န္တိ စ ဉာဏံ ပဝတ္တတီတိ? န ဟေဝံ ဝတ္တဗ္ဗေ…ပေ…။
ဣဒံ ဒုက္ခန္တိကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၂) ၇။ ဣဒ္ဓိဗလကထာ
֍ ဋ္ဌ ၆၂၁။ ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ ဣဒ္ဓိမယိကော သော အာယု, ဣဒ္ဓိမယိကာ သာ ဂတိ, ဣဒ္ဓိမယိကော သော အတ္တဘာဝပ္ပဋိလာဘောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၃၁။)ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ အတီတံ ကပ္ပံ တိဋ္ဌေယျ, အနာဂတံ ကပ္ပံ တိဋ္ဌေယျာတိ? န ဟေဝံ ဝတ္တဗ္ဗေ…ပေ… ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ ဒွေ ကပ္ပေ တိဋ္ဌေယျ, တယော ကပ္ပေ တိဋ္ဌေယျ, စတ္တာရော ကပ္ပေ တိဋ္ဌေယျာတိ? န ဟေဝံ ဝတ္တဗ္ဗေ…ပေ… ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ သတိ ဇီဝိတေ ဇီဝိတာဝသေသေ တိဋ္ဌေယျ, အသတိ ဇီဝိတေ ဇီဝိတာဝသေသေ တိဋ္ဌေယျာတိ? သတိ ဇီဝိတေ ဇီဝိတာဝသေသေ တိဋ္ဌေယျာတိ။ ဟဉ္စိ သတိ ဇီဝိတေ ဇီဝိတာဝသေသေ တိဋ္ဌေယျ, နော စ ဝတ ရေ ဝတ္တဗ္ဗေ – ‘‘ဣဒ္ဓိဗလေန သမန္နာဂတော ကပ္ပံ တိဋ္ဌေယျာ’’တိ။ အသတိ ဇီဝိတေ ဇီဝိတာဝသေသေ တိဋ္ဌေယျာတိ, မတော တိဋ္ဌေယျ, ကာလင်္ကတော တိဋ္ဌေယျာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၂၂။ ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ ဥပ္ပန္နော ဖဿော မာ နိရုဇ္ဈီတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ… ဥပ္ပန္နာ ဝေဒနာ…ပေ… ဥပ္ပန္နာ သညာ …ပေ… ဥပ္ပန္နာ စေတနာ…ပေ… ဥပ္ပန္နံ စိတ္တံ… ဥပ္ပန္နာ သဒ္ဓါ… ဥပ္ပန္နံ ဝီရိယံ… ဥပ္ပန္နာ သတိ… ဥပ္ပန္နော သမာဓိ …ပေ… ဥပ္ပန္နာ ပညာ မာ နိရုဇ္ဈီတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ…။
ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ ရူပံ နိစ္စံ ဟောတူတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ… သင်္ခါရာ… ဝိညာဏံ နိစ္စံ ဟောတူတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ…။
ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ ဇာတိဓမ္မာ သတ္တာ မာ ဇာယိံသူတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ… ဇရာဓမ္မာ သတ္တာ မာ ဇီရိံသူတိ…ပေ… ဗျာဓိဓမ္မာ သတ္တာ မာ ဗျာဓိယိံသူတိ…ပေ… မရဏဓမ္မာ သတ္တာ မာ မီယိံသူတိ လဗ္ဘာ ဣဒ္ဓိယာ ပဂ္ဂဟေတုန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၂၃။ န ဝတ္တဗ္ဗံ – ‘‘ဣဒ္ဓိဗလေန သမန္နာဂတော ကပ္ပံ တိဋ္ဌေယျာ’’တိ? အာမန္တာ။ နနု ဝုတ္တံ ဘဂဝတာ – ‘‘ယဿ ကဿစိ, အာနန္ဒ, စတ္တာရော ဣဒ္ဓိပါဒါ ဘာဝိတာ ဗဟုလီကတာ ယာနီကတာ ဝတ္ထုကတာ အနုဋ္ဌိတာ ပရိစိတာ သုသမာရဒ္ဓါ, သော အာကင်္ခမာနော ကပ္ပံ ဝါ တိဋ္ဌေယျ ကပ္ပါဝသေသံ ဝါ’’တိ [ဒီ။ နိ။ ၂။၁၆၆၊ သံ။ နိ။ ၅။၈၂၂၊ ဥဒါ။ ၅၁]!
(အဘိ၊က၊၃၃၂။)အတ္ထေဝ သုတ္တန္တောတိ? အာမန္တာ။ တေန ဟိ ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ။
֍ ဋ္ဌ ၆၂၄။ ဣဒ္ဓိဗလေန သမန္နာဂတော ကပ္ပံ တိဋ္ဌေယျာတိ? အာမန္တာ။ နနု ဝုတ္တံ ဘဂဝတာ – ‘‘စတုန္နံ, ဘိက္ခဝေ, ဓမ္မာနံ နတ္ထိ ကောစိ ပါဋိဘောဂေါ သမဏော ဝါ ဗြာဟ္မဏော ဝါ ဒေဝေါ ဝါ မာရော ဝါ ဗြဟ္မာ ဝါ ကောစိ ဝါ လောကသ္မိံ! ကတမေသံ စတုန္နံ? ဇရာဓမ္မော ‘‘မာ ဇီရီ’’တိ နတ္ထိ ကောစိ ပါဋိဘောဂေါ သမဏော ဝါ ဗြာဟ္မဏော ဝါ ဒေဝေါ ဝါ မာရော ဝါ ဗြဟ္မာ ဝါ ကောစိ ဝါ လောကသ္မိံ။ ဗျာဓိဓမ္မော ‘‘မာ ဗျာဓိယီ’’တိ…ပေ… မရဏဓမ္မော ‘‘မာ မီယီ’’တိ…ပေ… ယာနိ ခေါ ပန တာနိ ပုဗ္ဗေ ကတာနိ ပါပကာနိ ကမ္မာနိ သံကိလေသိကာနိ ပေါနောဗ္ဘဝိကာနိ [ပေါနောဘဝိကာနိ (သီ။ ပီ။)] သဒရာနိ [နိဿာရာနိ (သီ။ ပီ။ က။), ဒုက္ခုဒြယာနိ (သျာ။)] ဒုက္ခဝိပါကာနိ အာယတိံ ဇာတိဇရာမရဏိယာနိ တေသံ ဝိပါကော ‘‘မာ နိဗ္ဗတ္တီ’’တိ နတ္ထိ ကောစိ ပါဋိဘောဂေါ သမဏော ဝါ ဗြာဟ္မဏော ဝါ ဒေဝေါ ဝါ မာရော ဝါ ဗြဟ္မာ ဝါ ကောစိ ဝါ လောကသ္မိံ။ ဣမေသံ ခေါ, ဘိက္ခဝေ, စတုန္နံ ဓမ္မာနံ နတ္ထိ ကောစိ ပါဋိဘောဂေါ သမဏော ဝါ ဗြာဟ္မဏော ဝါ ဒေဝေါ ဝါ မာရော ဝါ ဗြဟ္မာ ဝါ ကောစိ ဝါ လောကသ္မိ’’န္တိ [အ။ နိ။ ၄။၁၈၂]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဣဒ္ဓိဗလေန သမန္နာဂတော ကပ္ပံ တိဋ္ဌေယျာ’’တိ။
ဣဒ္ဓိဗလကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၃) ၈။ သမာဓိကထာ
֍ ဋ္ဌ ၆၂၅။ စိတ္တသန္တတိ သမာဓီတိ? အာမန္တာ။ အတီတာ စိတ္တသန္တတိ သမာဓီတိ? န ဟေဝံ ဝတ္တဗ္ဗေ …ပေ… စိတ္တသန္တတိ သမာဓီတိ? အာမန္တာ။ အနာဂတာ စိတ္တသန္တတိ သမာဓီတိ? န ဟေဝံ ဝတ္တဗ္ဗေ…ပေ… စိတ္တသန္တတိ သမာဓီတိ? အာမန္တာ။ နနု အတီတံ နိရုဒ္ဓံ အနာဂတံ အဇာတန္တိ? အာမန္တာ။ ဟဉ္စိ အတီတံ နိရုဒ္ဓံ အနာဂတံ အဇာတံ, နော စ ဝတ ရေ ဝတ္တဗ္ဗေ – ‘‘စိတ္တသန္တတိ သမာဓီ’’တိ။
(အဘိ၊က၊၃၃၃။)֍ ဋ္ဌ ၆၂၆။ ဧကစိတ္တက္ခဏိကော သမာဓီတိ? အာမန္တာ။ စက္ခုဝိညာဏသမင်္ဂီ သမာပန္နောတိ? န ဟေဝံ ဝတ္တဗ္ဗေ…ပေ… သောတဝိညာဏသမင်္ဂီ…ပေ… ဃာနဝိညာဏသမင်္ဂီ… ဇိဝှါဝိညာဏသမင်္ဂီ… ကာယဝိညာဏသမင်္ဂီ…ပေ… အကုသလစိတ္တသမင်္ဂီ …ပေ… ရာဂသဟဂတစိတ္တသမင်္ဂီ…ပေ… ဒေါသသဟဂတစိတ္တသမင်္ဂီ…ပေ… မောဟသဟဂတစိတ္တသမင်္ဂီ…ပေ… အနောတ္တပ္ပသဟဂတစိတ္တသမင်္ဂီ သမာပန္နောတိ? န ဟေဝံ ဝတ္တဗ္ဗေ…ပေ…။
စိတ္တသန္တတိ သမာဓီတိ? အာမန္တာ။ အကုသလစိတ္တသန္တတိ သမာဓီတိ? န ဟေဝံ ဝတ္တဗ္ဗေ…ပေ… ရာဂသဟဂတာ…ပေ… ဒေါသသဟဂတာ…ပေ… မောဟသဟဂတာ…ပေ… အနောတ္တပ္ပသဟဂတာ စိတ္တသန္တတိ သမာဓီတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ – ‘‘စိတ္တသန္တတိ သမာဓီ’’တိ? အာမန္တာ။ နနု ဝုတ္တံ ဘဂဝတာ – ‘‘အဟံ ခေါ, အာဝုသော နိဂဏ္ဌာ, ပဟောမိ အနိဉ္ဇမာနော ကာယေန, အဘာသမာနော ဝါစံ, သတ္တ ရတ္တိန္ဒိဝါနိ [ရတ္တိဒိဝါနိ (က။)] ဧကန္တသုခံ ပဋိသံဝေဒီ ဝိဟရိတု’’န္တိ [မ။ နိ။ ၁။၁၈၀]! အတ္ထေဝ သုတ္တန္တောတိ? အာမန္တာ။ တေန ဟိ စိတ္တသန္တတိ သမာဓီတိ။
သမာဓိကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၄) ၉။ ဓမ္မဋ္ဌိတတာကထာ
֍ ဋ္ဌ ၆၂၇။ ဓမ္မဋ္ဌိတတာ ပရိနိပ္ဖန္နာတိ? အာမန္တာ။ တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ…ပေ… တာယ ဌိတတာ ပရိနိပ္ဖန္နာတိ? အာမန္တာ။ တာယ တာယေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
ရူပဿ ဌိတတာ ပရိနိပ္ဖန္နာတိ? အာမန္တာ။ တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ…ပေ… တာယ ဌိတတာ ပရိနိပ္ဖန္နာတိ? အာမန္တာ။ တာယ တာယေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၃၄။)ဝေဒနာယ ဌိတတာ…ပေ… သညာယ ဌိတတာ…ပေ… သင်္ခါရာနံ ဌိတတာ…ပေ… ဝိညာဏဿ ဌိတတာ ပရိနိပ္ဖန္နာတိ? အာမန္တာ။ တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ…ပေ… တာယ ဌိတတာ ပရိနိပ္ဖန္နာတိ? အာမန္တာ။ တာယ တာယေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
ဓမ္မဋ္ဌိတတာကထာ နိဋ္ဌိတာ။
၁၁။ ဧကာဒသမဝဂ္ဂ
(၁၁၅) ၁၀။ အနိစ္စတာကထာ
֍ ဋ္ဌ ၆၂၈။ အနိစ္စတာ ပရိနိပ္ဖန္နာတိ? အာမန္တာ။ တာယ အနိစ္စတာယ အနိစ္စတာ ပရိနိပ္ဖန္နာတိ? န ဟေဝံ ဝတ္တဗ္ဗေ…ပေ… တာယ အနိစ္စတာယ အနိစ္စတာ ပရိနိပ္ဖန္နာတိ? အာမန္တာ။ တာယ တာယေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ။
ဇရာ ပရိနိပ္ဖန္နာတိ? အာမန္တာ။ တာယ ဇရာယ ဇရာ ပရိနိပ္ဖန္နာတိ? န ဟေဝံ ဝတ္တဗ္ဗေ…ပေ… တာယ ဇရာယ ဇရာ ပရိနိပ္ဖန္နာတိ? အာမန္တာ။ တာယ တာယေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
မရဏံ ပရိနိပ္ဖန္နန္တိ? အာမန္တာ။ တဿ မရဏဿ မရဏံ ပရိနိပ္ဖန္နန္တိ? န ဟေဝံ ဝတ္တဗ္ဗေ။ တဿ မရဏဿ မရဏံ ပရိနိပ္ဖန္နန္တိ? အာမန္တာ။ တဿ တဿေဝ နတ္ထိ ဒုက္ခဿန္တကိရိယာ, နတ္ထိ ဝဋ္ဋုပစ္ဆေဒေါ, နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၂၉။ ရူပံ ပရိနိပ္ဖန္နံ, ရူပဿ အနိစ္စတာ အတ္ထီတိ? အာမန္တာ။ အနိစ္စတာ ပရိနိပ္ဖန္နာ, အနိစ္စတာယ အနိစ္စတာ အတ္ထီတိ? န ဟေဝံ ဝတ္တဗ္ဗေ…ပေ… ရူပံ ပရိနိပ္ဖန္နံ, ရူပဿ ဇရာ အတ္ထီတိ? အာမန္တာ။ ဇရာ ပရိနိပ္ဖန္နာ, ဇရာယ ဇရာ အတ္ထီတိ? န ဟေဝံ ဝတ္တဗ္ဗေ…ပေ…။
ရူပံ ပရိနိပ္ဖန္နံ, ရူပဿ ဘေဒေါ အတ္ထိ, အန္တရဓာနံ အတ္ထီတိ? အာမန္တာ။ မရဏံ ပရိနိပ္ဖန္နံ, မရဏဿ ဘေဒေါ အတ္ထိ, အန္တရဓာနံ အတ္ထီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၃၅။)ဝေဒနာ …ပေ… သညာ… သင်္ခါရာ…ပေ… ဝိညာဏံ ပရိနိပ္ဖန္နံ, ဝိညာဏဿ အနိစ္စတာ အတ္ထီတိ? အာမန္တာ။ အနိစ္စတာ ပရိနိပ္ဖန္နာ, အနိစ္စတာယ အနိစ္စတာ အတ္ထီတိ? န ဟေဝံ ဝတ္တဗ္ဗေ …ပေ… ဝိညာဏံ ပရိနိပ္ဖန္နံ, ဝိညာဏဿ ဇရာ အတ္ထီတိ? အာမန္တာ။ ဇရာ ပရိနိပ္ဖန္နာ, ဇရာယ ဇရာ အတ္ထီတိ? န ဟေဝံ ဝတ္တဗ္ဗေ…ပေ…။
ဝိညာဏံ ပရိနိပ္ဖန္နံ, ဝိညာဏဿ ဘေဒေါ အတ္ထိ, အန္တရဓာနံ အတ္ထီတိ? အာမန္တာ။ မရဏံ ပရိနိပ္ဖန္နံ, မရဏဿ ဘေဒေါ အတ္ထိ, အန္တရဓာနံ အတ္ထီတိ? န ဟေဝံ ဝတ္တဗ္ဗေ…ပေ…။
အနိစ္စတာကထာ နိဋ္ဌိတာ။
ဧကာဒသမဝဂ္ဂေါ။
တဿုဒ္ဒါနံ –
အနုသယာ အဗျာကတာ, အဟေတုကာ, စိတ္တဝိပ္ပယုတ္တာ, အညာဏေ ဝိဂတေ ဉာဏီ, ဉာဏံ စိတ္တဝိပ္ပယုတ္တံ, ယတ္ထ သဒ္ဒေ [ယတ္ထ သဒ္ဒေါ (သီ။), ယထာသဒ္ဒံ (?)] ဉာဏံ ပဝတ္တတိ, ဣဒ္ဓိဗလေန သမန္နာဂတော ကပ္ပံ တိဋ္ဌေယျ, စိတ္တသန္တတိ သမာဓိ, ဓမ္မဋ္ဌိတတာ, အနိစ္စတာတိ။
၁၂။ ဒွါဒသမဝဂ္ဂ
(၁၁၆) ၁။ သံဝရော ကမ္မန္တိကထာ
֍ ဋ္ဌ ၆၃၀။ သံဝရော ကမ္မန္တိ? အာမန္တာ။ စက္ခုန္ဒြိယသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… သောတိန္ဒြိယသံဝရော…ပေ… ဃာနိန္ဒြိယသံဝရော…ပေ… ဇိဝှိန္ဒြိယသံဝရော…ပေ… ကာယိန္ဒြိယသံဝရော ကာယကမ္မန္တိ? န ဟေဝံ ဝတ္တဗ္ဗေ…ပေ…။
ကာယိန္ဒြိယသံဝရော ကာယကမ္မန္တိ? အာမန္တာ။ စက္ခုန္ဒြိယသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… ကာယိန္ဒြိယသံဝရော ကာယကမ္မန္တိ? အာမန္တာ။ သောတိန္ဒြိယသံဝရော…ပေ… ဃာနိန္ဒြိယသံဝရော…ပေ… ဇိဝှိန္ဒြိယသံဝရော ဇိဝှါကမ္မန္တိ? န ဟေဝံ ဝတ္တဗ္ဗေ…ပေ… မနိန္ဒြိယသံဝရော မနောကမ္မန္တိ? န ဟေဝံ ဝတ္တဗ္ဗေ…ပေ…။
မနိန္ဒြိယသံဝရော မနောကမ္မန္တိ? အာမန္တာ။ စက္ခုန္ဒြိယသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… မနိန္ဒြိယသံဝရော မနောကမ္မန္တိ? အာမန္တာ။
(အဘိ၊က၊၃၃၆။)သောတိန္ဒြိယသံဝရော …ပေ… ဃာနိန္ဒြိယသံဝရော… ဇိဝှိန္ဒြိယသံဝရော…ပေ… ကာယိန္ဒြိယသံဝရော ကာယကမ္မန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၃၁။ အသံဝရော ကမ္မန္တိ? အာမန္တာ။ စက္ခုန္ဒြိယအသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… သောတိန္ဒြိယအသံဝရော…ပေ… ဃာနိန္ဒြိယအသံဝရော…ပေ… ဇိဝှိန္ဒြိယအသံဝရော… ကာယိန္ဒြိယအသံဝရော ကာယကမ္မန္တိ? န ဟေဝံ ဝတ္တဗ္ဗေ…ပေ…။
ကာယိန္ဒြိယအသံဝရော ကာယကမ္မန္တိ? အာမန္တာ။ စက္ခုန္ဒြိယအသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… ကာယိန္ဒြိယအသံဝရော ကာယကမ္မန္တိ? အာမန္တာ။ သောတိန္ဒြိယအသံဝရော…ပေ… ဃာနိန္ဒြိယအသံဝရော…ပေ… ဇိဝှိန္ဒြိယအသံဝရော ဇိဝှါကမ္မန္တိ? န ဟေဝံ ဝတ္တဗ္ဗေ…ပေ… မနိန္ဒြိယအသံဝရော မနောကမ္မန္တိ? န ဟေဝံ ဝတ္တဗ္ဗေ…ပေ…။
မနိန္ဒြိယအသံဝရော မနောကမ္မန္တိ? အာမန္တာ။ စက္ခုန္ဒြိယအသံဝရော စက္ခုကမ္မန္တိ? န ဟေဝံ ဝတ္တဗ္ဗေ…ပေ… မနိန္ဒြိယအသံဝရော မနောကမ္မန္တိ? အာမန္တာ။ သောတိန္ဒြိယအသံဝရော…ပေ… ဃာနိန္ဒြိယအသံဝရော…ပေ… ဇိဝှိန္ဒြိယအသံဝရော…ပေ… ကာယိန္ဒြိယအသံဝရော ကာယကမ္မန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၃၂။ န ဝတ္တဗ္ဗံ – ‘‘သံဝရောပိ အသံဝရောပိ ကမ္မ’’န္တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု စက္ခုနာ ရူပံ ဒိသွာ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတိ, သောတေန သဒ္ဒံ သုတွာ…ပေ… မနသာ ဓမ္မံ ဝိညာယ နိမိတ္တဂ္ဂါဟီ ဟောတိ…ပေ… န နိမိတ္တဂ္ဂါဟီ ဟောတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ သံဝရောပိ အသံဝရောပိ ကမ္မန္တိ။
သံဝရော ကမ္မန္တိကထာ နိဋ္ဌိတာ။
၁၂။ ဒွါဒသမဝဂ္ဂ
(၁၁၇) ၂။ ကမ္မကထာ
֍ ဋ္ဌ ၆၃၃။ သဗ္ဗံ ကမ္မံ သဝိပါကန္တိ? အာမန္တာ။ သဗ္ဗာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ… သဗ္ဗာ စေတနာ သဝိပါကာတိ? အာမန္တာ။ ဝိပါကာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ… သဗ္ဗာ စေတနာ
(အဘိ၊က၊၃၃၇။)သဝိပါကာတိ? အာမန္တာ။ ကိရိယာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ…။
သဗ္ဗာ စေတနာ သဝိပါကာတိ? အာမန္တာ။ ကာမာဝစရာ ဝိပါကာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ… သဗ္ဗာ စေတနာ သဝိပါကာတိ? အာမန္တာ။ ရူပါဝစရာ အရူပါဝစရာ အပရိယာပန္နာ ဝိပါကာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ…။
သဗ္ဗာ စေတနာ သဝိပါကာတိ? အာမန္တာ။ ကာမာဝစရာ ကိရိယာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ… သဗ္ဗာ စေတနာ သဝိပါကာတိ? အာမန္တာ။ ရူပါဝစရာ အရူပါဝစရာ ကိရိယာဗျာကတာ စေတနာ သဝိပါကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၃၄။ ဝိပါကာဗျာကတာ စေတနာ အဝိပါကာတိ? အာမန္တာ။ ဟဉ္စိ ဝိပါကာဗျာကတာ စေတနာ အဝိပါကာ, နော စ ဝတ ရေ ဝတ္တဗ္ဗေ – ‘‘သဗ္ဗာ စေတနာ သဝိပါကာ’’တိ။
ကိရိယာဗျာကတာ စေတနာ အဝိပါကာတိ? အာမန္တာ။ ဟဉ္စိ ကိရိယာဗျာကတာ စေတနာ အဝိပါကာ, နော စ ဝတ ရေ ဝတ္တဗ္ဗေ – ‘‘သဗ္ဗာ စေတနာ သဝိပါကာ’’တိ။
ကာမာဝစရာ ရူပါဝစရာ အရူပါဝစရာ အပရိယာပန္နာ ဝိပါကာဗျာကတာ စေတနာ အဝိပါကာတိ? အာမန္တာ။ ဟဉ္စိ အပရိယာပန္နာ ဝိပါကာဗျာကတာ စေတနာ အဝိပါကာ, နော စ ဝတ ရေ ဝတ္တဗ္ဗေ – ‘‘သဗ္ဗာ စေတနာ သဝိပါကာ’’တိ။
ကာမာဝစရာ ရူပါဝစရာ အရူပါဝစရာ ကိရိယာဗျာကတာ စေတနာ အဝိပါကာတိ? အာမန္တာ။ ဟဉ္စိ အရူပါဝစရာ ကိရိယာဗျာကတာ စေတနာ အဝိပါကာ, နော စ ဝတ ရေ ဝတ္တဗ္ဗေ – ‘‘သဗ္ဗာ စေတနာ သဝိပါကာ’’တိ။
֍ ဋ္ဌ ၆၃၅။ န ဝတ္တဗ္ဗံ – ‘‘သဗ္ဗံ ကမ္မံ သဝိပါက’’န္တိ? အာမန္တာ။ နနု ဝုတ္တံ ဘဂဝတာ – ‘‘နာဟံ, ဘိက္ခဝေ, သဉ္စေတနိကာနံ ကမ္မာနံ ကတာနံ ဥပစိတာနံ အပ္ပဋိသံဝိဒိတွာ ဗျန္တိဘာဝံ ဝဒါမိ, တဉ္စ ခေါ ဒိဋ္ဌေဝ ဓမ္မေ ဥပပဇ္ဇေ [ဥပပဇ္ဇံ (အ။ နိ။ ၁၀။၁၇)] ဝါ အပရေ ဝါ ပရိယာယေ’’တိ [အ။ နိ။ ၁၀။၂၁၇]! အတ္ထေဝ သုတ္တန္တောတိ? အာမန္တာ။ တေန ဟိ သဗ္ဗံ ကမ္မံ သဝိပါကန္တိ။
ကမ္မကထာ နိဋ္ဌိတာ။
(အဘိ၊က၊၃၃၈။)၁၂။ ဒွါဒသမဝဂ္ဂ
(၁၁၈) ၃။ သဒ္ဒေါ ဝိပါကောတိကထာ
֍ ဋ္ဌ ၆၃၆။ သဒ္ဒေါ ဝိပါကောတိ? အာမန္တာ။ သုခဝေဒနိယော ဒုက္ခဝေဒနိယော အဒုက္ခမသုခဝေဒနိယော, သုခါယ ဝေဒနာယ သမ္ပယုတ္တော, ဒုက္ခာယ ဝေဒနာယ သမ္ပယုတ္တော, အဒုက္ခမသုခါယ ဝေဒနာယ သမ္ပယုတ္တော, ဖဿေန သမ္ပယုတ္တော, ဝေဒနာယ သမ္ပယုတ္တော, သညာယ သမ္ပယုတ္တော, စေတနာယ သမ္ပယုတ္တော, စိတ္တေန သမ္ပယုတ္တော, သာရမ္မဏော၊ အတ္ထိ တဿ အာဝဋ္ဋနာ အာဘောဂေါ သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ…ပေ… နနု န သုခဝေဒနိယော န ဒုက္ခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ န သုခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘သဒ္ဒေါ ဝိပါကော’’တိ။
ဖဿော ဝိပါကော, ဖဿော သုခဝေဒနိယော…ပေ… သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ သဒ္ဒေါ ဝိပါကော, သဒ္ဒေါ သုခဝေဒနိယော…ပေ… သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
သဒ္ဒေါ ဝိပါကော, သဒ္ဒေါ န သုခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ဝိပါကော, ဖဿော န သုခဝေဒနိယော, န ဒုက္ခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၃၇။ န ဝတ္တဗ္ဗံ – ‘‘သဒ္ဒေါ ဝိပါကော’’တိ? အာမန္တာ။ နနု ဝုတ္တံ ဘဂဝတာ – ‘‘သော တဿ ကမ္မဿ ကတတ္တာ ဥပစိတတ္တာ ဥဿန္နတ္တာ ဝိပုလတ္တာ ဗြဟ္မဿရော ဟောတိ ကရဝိကဘာဏီ’’တိ [ဒီဃနိကာယေ]! အတ္ထေဝ သုတ္တန္တောတိ? အာမန္တာ။ တေန ဟိ သဒ္ဒေါ ဝိပါကောတိ။
သဒ္ဒေါ ဝိပါကောတိကထာ နိဋ္ဌိတာ။
(အဘိ၊က၊၃၃၉။)၁၂။ ဒွါဒသမဝဂ္ဂ
(၁၁၉) ၄။ သဠာယတနကထာ
֍ ဋ္ဌ ၆၃၈။ စက္ခာယတနံ ဝိပါကောတိ? အာမန္တာ။ သုခဝေဒနိယံ ဒုက္ခဝေဒနိယံ…ပေ… သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘စက္ခာယတနံ ဝိပါကော’’တိ…ပေ…။
ဖဿော ဝိပါကော, ဖဿော သုခဝေဒနိယော…ပေ… သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ စက္ခာယတနံ ဝိပါကော, စက္ခာယတနံ သုခဝေဒနိယံ…ပေ… သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
စက္ခာယတနံ ဝိပါကော, စက္ခာယတနံ န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ဝိပါကော, ဖဿော န သုခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၃၉။ သောတာယတနံ…ပေ… ဃာနာယတနံ…ပေ… ဇိဝှါယတနံ…ပေ… ကာယာယတနံ ဝိပါကောတိ? အာမန္တာ။ သုခဝေဒနိယံ…ပေ… သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ …ပေ… နနု န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ကာယာယတနံ ဝိပါကော’’တိ။
ဖဿော ဝိပါကော, ဖဿော သုခဝေဒနိယော…ပေ… သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ကာယာယတနံ ဝိပါကော, ကာယာယတနံ သုခဝေဒနိယံ…ပေ… သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ …ပေ… ကာယာယတနံ ဝိပါကော, ကာယာယတနံ န သုခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ဝိပါကော, ဖဿော န သုခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၄၀။)֍ ဋ္ဌ ၆၄၀။ န ဝတ္တဗ္ဗံ – ‘‘သဠာယတနံ ဝိပါကော’’တိ? အာမန္တာ။ နနု သဠာယတနံ ကမ္မဿ ကတတ္တာ ဥပ္ပန္နန္တိ? အာမန္တာ။ ဟဉ္စိ သဠာယတနံ ကမ္မဿ ကတတ္တာ ဥပ္ပန္နံ, တေန ဝတ ရေ ဝတ္တဗ္ဗေ – ‘‘သဠာယတနံ ဝိပါကော’’တိ။
သဠာယတနကထာ နိဋ္ဌိတာ။
၁၂။ ဒွါဒသမဝဂ္ဂ
(၁၂၀) ၅။ သတ္တက္ခတ္တုပရမကထာ
֍ ဋ္ဌ ၆၄၁။ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ မာတာ ဇီဝိတာ ဝေါရောပိတာ… ပိတာ ဇီဝိတာ ဝေါရောပိတော… အရဟာ ဇီဝိတာ ဝေါရောပိတော… ဒုဋ္ဌေန စိတ္တေန တထာဂတဿ လောဟိတံ ဥပ္ပါဒိတံ… သံဃော ဘိန္နောတိ? န ဟေဝံ ဝတ္တဗ္ဗေ…ပေ…။
သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ အဘဗ္ဗော အန္တရာ ဓမ္မံ အဘိသမေတုန္တိ? န ဟေဝံ ဝတ္တဗ္ဗေ…ပေ…။ အဘဗ္ဗော အန္တရာ ဓမ္မံ အဘိသမေတုန္တိ? အာမန္တာ။ မာတာ ဇီဝိတာ ဝေါရောပိတာ… ပိတာ ဇီဝိတာ ဝေါရောပိတော… အရဟာ ဇီဝိတာ ဝေါရောပိတော… ဒုဋ္ဌေန စိတ္တေန တထာဂတဿ လောဟိတံ ဥပ္ပါဒိတံ… သံဃော ဘိန္နောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၄၂။ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ အတ္ထိ သော နိယမော ယေန နိယမေန သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? န ဟေဝံ ဝတ္တဗ္ဗေ…ပေ… အတ္ထိ တေ သတိပဋ္ဌာနာ…ပေ… သမ္မပ္ပဓာနာ… ဣဒ္ဓိပါဒါ… ဣန္ဒြိယာ… ဗလာ… ဗောဇ္ဈင်္ဂါ ယေဟိ ဗောဇ္ဈင်္ဂေဟိ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၄၃။ နတ္ထိ သော နိယမော ယေန နိယမေန သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ ဟဉ္စိ နတ္ထိ သော နိယမော ယေန နိယမေန သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော, နော စ ဝတ ရေ ဝတ္တဗ္ဗေ – ‘‘သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော’’တိ။
(အဘိ၊က၊၃၄၁။)နတ္ထိ တေ သတိပဋ္ဌာနာ… ဗောဇ္ဈင်္ဂါ ယေဟိ ဗောဇ္ဈင်္ဂေဟိ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ ဟဉ္စိ နတ္ထိ တေ ဗောဇ္ဈင်္ဂါ ယေဟိ ဗောဇ္ဈင်္ဂေဟိ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော, နော စ ဝတ ရေ ဝတ္တဗ္ဗေ – ‘‘သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော’’တိ။
֍ ဋ္ဌ ၆၄၄။ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ သကဒါဂါမိနိယမေနာတိ? န ဟေဝံ ဝတ္တဗ္ဗေ…ပေ… အနာဂါမိနိယမေနာတိ? န ဟေဝံ ဝတ္တဗ္ဗေ…ပေ… အရဟတ္တနိယမေနာတိ? န ဟေဝံ ဝတ္တဗ္ဗေ…ပေ…။
ကတမေန နိယမေနာတိ? သောတာပတ္တိနိယမေနာတိ။ သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတောတိ? အာမန္တာ။ ယေ ကေစိ သောတာပတ္တိနိယာမံ ဩက္ကမန္တိ, သဗ္ဗေ တေ သတ္တက္ခတ္တုပရမတာနိယတာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၄၅။ န ဝတ္တဗ္ဗံ – ‘‘သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော’’တိ? အာမန္တာ။ နနု သော သတ္တက္ခတ္တုပရမောတိ? အာမန္တာ။ ဟဉ္စိ သော သတ္တက္ခတ္တုပရမော, တေန ဝတ ရေ ဝတ္တဗ္ဗေ – ‘‘သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော’’တိ။
သတ္တက္ခတ္တုပရမကထာ နိဋ္ဌိတာ။
၁၂။ ဒွါဒသမဝဂ္ဂ
(၁၂၁) ၆။ ကောလင်္ကောလကထာ
֍ ဋ္ဌ ၆၄၆။ န ဝတ္တဗ္ဗံ – ‘‘ကောလင်္ကောလော ပုဂ္ဂလော ကောလင်္ကောလတာနိယတော’’တိ? အာမန္တာ။ နနု သော ကောလင်္ကောလောတိ? အာမန္တာ။ ဟဉ္စိ သော ကောလင်္ကောလော, တေန ဝတ ရေ ဝတ္တဗ္ဗေ – ‘‘ကောလင်္ကောလော ပုဂ္ဂလော ကောလင်္ကောလတာနိယတော’’တိ။
ကောလင်္ကောလကထာ နိဋ္ဌိတာ။
(အဘိ၊က၊၃၄၂။)၁၂။ ဒွါဒသမဝဂ္ဂ
(၁၂၂) ၇။ ဧကဗီဇီကထာ
֍ ဋ္ဌ ၆၄၇။ န ဝတ္တဗ္ဗံ – ‘‘ဧကဗီဇီ ပုဂ္ဂလော ဧကဗီဇိတာနိယတော’’တိ? အာမန္တာ။ နနု သော ဧကဗီဇီတိ? အာမန္တာ။ ဟဉ္စိ သော ဧကဗီဇီ, တေန ဝတ ရေ ဝတ္တဗ္ဗေ – ‘‘ဧကဗီဇီ ပုဂ္ဂလော ဧကဗီဇိတာနိယတော’’တိ။
ဧကဗီဇီကထာ နိဋ္ဌိတာ။
၁၂။ ဒွါဒသမဝဂ္ဂ
(၁၂၃) ၈။ ဇီဝိတာ ဝေါရောပနကထာ
֍ ဋ္ဌ ၆၄၈။ ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာတိ? အာမန္တာ။ ဒိဋ္ဌိသမ္ပန္နော ပုဂ္ဂလော သဉ္စိစ္စ မာတရံ ဇီဝိတာ ဝေါရောပေယျ…ပေ… ပိတရံ ဇီဝိတာ ဝေါရောပေယျ …ပေ… အရဟန္တံ ဇီဝိတာ ဝေါရောပေယျ…ပေ… ဒုဋ္ဌေန စိတ္တေန တထာဂတဿ လောဟိတံ ဥပ္ပါဒေယျ…ပေ… သံဃံ ဘိန္ဒေယျာတိ? န ဟေဝံ ဝတ္တဗ္ဗေ…ပေ…။
ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာတိ? အာမန္တာ။ ဒိဋ္ဌိသမ္ပန္နော ပုဂ္ဂလော သတ္ထရိ အဂါရဝေါတိ? န ဟေဝံ ဝတ္တဗ္ဗေ…ပေ… ဓမ္မေ…ပေ… သံဃေ…ပေ… သိက္ခာယ အဂါရဝေါတိ? န ဟေဝံ ဝတ္တဗ္ဗေ…ပေ…။
နနု ဒိဋ္ဌိသမ္ပန္နော ပုဂ္ဂလော သတ္ထရိ သဂါရဝေါတိ? အာမန္တာ။ ဟဉ္စိ ဒိဋ္ဌိသမ္ပန္နော ပုဂ္ဂလော သတ္ထရိ သဂါရဝေါ, နော စ ဝတ ရေ ဝတ္တဗ္ဗေ – ‘‘ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာ’’တိ။ နနု ဒိဋ္ဌိသမ္ပန္နော ပုဂ္ဂလော ဓမ္မေ…ပေ… သံဃေ…ပေ… သိက္ခာယ သဂါရဝေါတိ? အာမန္တာ။ ဟဉ္စိ ဒိဋ္ဌိသမ္ပန္နော ပုဂ္ဂလော သိက္ခာယ သဂါရဝေါ, နော စ ဝတ ရေ ဝတ္တဗ္ဗေ – ‘‘ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာ’’တိ။
֍ ဋ္ဌ ၆၄၉။ ဒိဋ္ဌိသမ္ပန္နော ပုဂ္ဂလော သတ္ထရိ အဂါရဝေါတိ? အာမန္တာ။ ဒိဋ္ဌိသမ္ပန္နော ပုဂ္ဂလော ဗုဒ္ဓထူပေ ဩဟဒေယျ ဩမုတ္တေယျ နိဋ္ဌုဘေယျ ဗုဒ္ဓထူပေ အပဗျာမတော [အသဗျာကတော (သီ။ က။)] ကရေယျာတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၄၃။)ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာတိ? အာမန္တာ။ နနု ဝုတ္တံ ဘဂဝတာ – ‘‘သေယျထာပိ, ဘိက္ခဝေ, မဟာသမုဒ္ဒေါ ဌိတဓမ္မော ဝေလံ နာတိဝတ္တတိ၊ ဧဝမေဝ ခေါ, ဘိက္ခဝေ, ယံ မယာ သာဝကာနံ သိက္ခာပဒံ ပညတ္တံ တံ မမ သာဝကာ ဇီဝိတဟေတုပိ နာတိက္ကမန္တီ’’တိ [စူဠဝ။ ၃၈၅၊ အ။ နိ။ ၈။၂၀၊ ဥဒါ။ ၄၅]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျာ’’တိ။
ဇီဝိတာ ဝေါရောပနကထာ နိဋ္ဌိတာ။
၁၂။ ဒွါဒသမဝဂ္ဂ
(၁၂၄) ၉။ ဒုဂ္ဂတိကထာ
֍ ဋ္ဌ ၆၅၀။ ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီတိ? အာမန္တာ။ ဒိဋ္ဌိသမ္ပန္နော ပုဂ္ဂလော အာပါယိကေ ရူပေ ရဇ္ဇေယျာတိ? အာမန္တာ။ ဟဉ္စိ ဒိဋ္ဌိသမ္ပန္နော ပုဂ္ဂလော အာပါယိကေ ရူပေ ရဇ္ဇေယျ, နော စ ဝတ ရေ ဝတ္တဗ္ဗေ – ‘‘ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီ’’တိ။
ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီတိ? အာမန္တာ။ ဒိဋ္ဌိသမ္ပန္နော ပုဂ္ဂလော အာပါယိကေ သဒ္ဒေ…ပေ… ဂန္ဓေ… ရသေ… ဖောဋ္ဌဗ္ဗေ…ပေ… အမနုဿိတ္ထိယာ တိရစ္ဆာနဂတိတ္ထိယာ နာဂကညာယ မေထုနံ ဓမ္မံ ပဋိသေဝေယျ, အဇေဠကံ ပဋိဂ္ဂဏှေယျ, ကုက္ကုဋသူကရံ ပဋိဂ္ဂဏှေယျ, ဟတ္ထိဂဝဿဝဠဝံ ပဋိဂ္ဂဏှေယျ… တိတ္တိရဝဋ္ဋကမောရကပိဉ္ဇရံ [… ကပိဉ္ဇလံ (သျာ။ ကံ။ ပီ။)] ပဋိဂ္ဂဏှေယျာတိ? အာမန္တာ။ ဟဉ္စိ ဒိဋ္ဌိသမ္ပန္နော ပုဂ္ဂလော တိတ္တိရဝဋ္ဋကမောရကပိဉ္ဇရံ ပဋိဂ္ဂဏှေယျ, နော စ ဝတ ရေ ဝတ္တဗ္ဗေ – ‘‘ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီ’’တိ။
֍ ဋ္ဌ ၆၅၁။ ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတိ, ဒိဋ္ဌိသမ္ပန္နော ပုဂ္ဂလော အာပါယိကေ ရူပေ ရဇ္ဇေယျာတိ? အာမန္တာ။ အရဟတော ပဟီနာ ဒုဂ္ဂတိ, အရဟာ အာပါယိကေ ရူပေ ရဇ္ဇေယျာတိ? န ဟေဝံ ဝတ္တဗ္ဗေ…ပေ… ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတိ, ဒိဋ္ဌိသမ္ပန္နော ပုဂ္ဂလော အာပါယိကေ သဒ္ဒေ… ဂန္ဓေ… ရသေ… ဖောဋ္ဌဗ္ဗေ…ပေ… တိတ္တိရဝဋ္ဋကမောရကပိဉ္ဇရံ ပဋိဂ္ဂဏှေယျာတိ? အာမန္တာ။
(အဘိ၊က၊၃၄၄။)အရဟတော ပဟီနာ ဒုဂ္ဂတိ, အရဟာ တိတ္တိရဝဋ္ဋကမောရကပိဉ္ဇရံ ပဋိဂ္ဂဏှေယျာတိ? န ဟေဝံ ဝတ္တဗ္ဗေ…ပေ…။
အရဟတော ပဟီနာ ဒုဂ္ဂတိ, န စ အရဟာ အာပါယိကေ ရူပေ ရဇ္ဇေယျာတိ? အာမန္တာ။ ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတိ, န စ ဒိဋ္ဌိသမ္ပန္နော ပုဂ္ဂလော အာပါယိကေ ရူပေ ရဇ္ဇေယျာတိ? န ဟေဝံ ဝတ္တဗ္ဗေ…ပေ… အရဟတော ပဟီနာ ဒုဂ္ဂတိ, န စ အရဟာ အာပါယိကေ သဒ္ဒေ…ပေ… ဂန္ဓေ…ပေ… ရသေ…ပေ… ဖောဋ္ဌဗ္ဗေ…ပေ… အမနုဿိတ္ထိယာ တိရစ္ဆာနဂတိတ္ထိယာ နာဂကညာယ မေထုနံ ဓမ္မံ ပဋိသေဝေယျ, အဇေဠကံ ပဋိဂ္ဂဏှေယျ, ကုက္ကုဋသူကရံ ပဋိဂ္ဂဏှေယျ, ဟတ္ထိဂဝဿဝဠဝံ ပဋိဂ္ဂဏှေယျ…ပေ… တိတ္တိရဝဋ္ဋကမောရကပိဉ္ဇရံ ပဋိဂ္ဂဏှေယျာတိ? အာမန္တာ။ ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတိ, န စ ဒိဋ္ဌိသမ္ပန္နော ပုဂ္ဂလော တိတ္တိရဝဋ္ဋကမောရကပိဉ္ဇရံ ပဋိဂ္ဂဏှေယျာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၅၂။ [အဋ္ဌကထာနုလောမံ ပရဝါဒီပုစ္ဆာလက္ခဏံ။ တထာပါယံ ပုစ္ဆာ သကဝါဒိဿ, ပုရိမာယော စ ဣမိဿံ ဒုဂ္ဂတိကထာယံ ပရဝါဒိဿာတိ ဂဟေတဗ္ဗာ ဝိယ ဒိဿန္တိ] န ဝတ္တဗ္ဗံ – ‘‘ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီ’’တိ? အာမန္တာ။ ဒိဋ္ဌိသမ္ပန္နော ပုဂ္ဂလော နိရယံ ဥပပဇ္ဇေယျ…ပေ… တိရစ္ဆာနယောနိံ ဥပပဇ္ဇေယျ… ပေတ္တိဝိသယံ ဥပပဇ္ဇေယျာတိ? န ဟေဝံ ဝတ္တဗ္ဗေ။ တေန ဟိ ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတီတိ။
ဒုဂ္ဂတိကထာ နိဋ္ဌိတာ။
၁၂။ ဒွါဒသမဝဂ္ဂ
(၁၂၅) ၁၀။ သတ္တမဘဝိကကထာ
֍ ဋ္ဌ ၆၅၃။ န ဝတ္တဗ္ဗံ ‘‘သတ္တမဘဝိကဿ ပုဂ္ဂလဿ ပဟီနာ ဒုဂ္ဂတီ’’တိ? အာမန္တာ။ သတ္တမဘဝိကော ပုဂ္ဂလော နိရယံ ဥပပဇ္ဇေယျ, တိရစ္ဆာနယောနိံ ဥပပဇ္ဇေယျ, ပေတ္တိဝိသယံ ဥပပဇ္ဇေယျာတိ? န ဟေဝံ ဝတ္တဗ္ဗေ။ တေန ဟိ သတ္တမဘဝိကဿ ပုဂ္ဂလဿ ပဟီနာ ဒုဂ္ဂတီတိ။
သတ္တမဘဝိကကထာ နိဋ္ဌိတာ။
ဒွါဒသမဝဂ္ဂေါ။
(အဘိ၊က၊၃၄၅။)တဿုဒ္ဒါနံ –
သံဝရော ကမ္မံ တထေဝ အသံဝရော, သဗ္ဗကမ္မံ သဝိပါကံ, သဒ္ဒေါ ဝိပါကော, သဠာယတနံ ဝိပါကော, သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော, ကောလင်္ကောလပုဂ္ဂလော ကောလင်္ကောလတာနိယတော, ဧကဗီဇီ ပုဂ္ဂလော ဧကဗီဇိတာနိယတော, ဒိဋ္ဌိသမ္ပန္နော ပုဂ္ဂလော သဉ္စိစ္စ ပါဏံ ဇီဝိတာ ဝေါရောပေယျ, ဒိဋ္ဌိသမ္ပန္နဿ ပုဂ္ဂလဿ ပဟီနာ ဒုဂ္ဂတိ, တထေဝ သတ္တမဘဝိကဿာတိ။
၁၃။ တေရသမဝဂ္ဂ
(၁၂၆) ၁။ ကပ္ပဋ္ဌကထာ
֍ ဋ္ဌ ၆၅၄။ ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ကပ္ပေါ စ သဏ္ဌာတိ ဗုဒ္ဓေါ စ လောကေ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။ ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ကပ္ပေါ စ သဏ္ဌာတိ သံဃော စ ဘိဇ္ဇတီတိ? န ဟေဝံ ဝတ္တဗ္ဗေ…ပေ… ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ကပ္ပေါ စ သဏ္ဌာတိ ကပ္ပဋ္ဌော စ ကပ္ပဋ္ဌိယံ ကမ္မံ ကရောတီတိ? န ဟေဝံ ဝတ္တဗ္ဗေ…ပေ… ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ကပ္ပေါ စ သဏ္ဌာတိ ကပ္ပဋ္ဌော စ ပုဂ္ဂလော ကာလံ ကရောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၅၅။ ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ အတီတံ ကပ္ပံ တိဋ္ဌေယျ, အနာဂတံ ကပ္ပံ တိဋ္ဌေယျာတိ? န ဟေဝံ ဝတ္တဗ္ဗေ…ပေ… ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ဒွေ ကပ္ပေ တိဋ္ဌေယျ… တယော ကပ္ပေ တိဋ္ဌေယျ… စတ္တာရော ကပ္ပေ တိဋ္ဌေယျာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၅၆။ ကပ္ပဋ္ဌော ကပ္ပံ တိဋ္ဌေယျာတိ? အာမန္တာ။ ကပ္ပဋ္ဌော ကပ္ပေ ဍယှန္တေ ကတ္ထ ဂစ္ဆတီတိ? အညံ လောကဓာတုံ ဂစ္ဆတီတိ။ မတော ဂစ္ဆတိ, ဝေဟာသံ ဂစ္ဆတီတိ? မတော ဂစ္ဆတီတိ။ ကပ္ပဋ္ဌိယံ ကမ္မံ အပရာပရိယဝေပက္ကန္တိ? န ဟေဝံ ဝတ္တဗ္ဗေ…ပေ… [ဝေဟာသံ ဂစ္ဆတီတိ (?) အယံ ဟိ ပရဝါဒိဿ ပဋိညာယေဝ, ကထာ။ ၆၂၁-၆၂၃ နဝမပန္တိယံ ဝိယ] ဝေဟာသံ ဂစ္ဆတီတိ? အာမန္တာ [ဝေဟာသံ ဂစ္ဆတီတိ (?) အယံ ဟိ ပရဝါဒိဿ ပဋိညာယေဝ, ကထာ။ ၆၂၁-၆၂၃ နဝမပန္တိယံ ဝိယ]။ ကပ္ပဋ္ဌော ဣဒ္ဓိမာတိ? န ဟေဝံ ဝတ္တဗ္ဗေ…ပေ… ကပ္ပဋ္ဌော ဣဒ္ဓိမာတိ? အာမန္တာ။
(အဘိ၊က၊၃၄၆။)ကပ္ပဋ္ဌေန ဆန္ဒိဒ္ဓိပါဒေါ ဘာဝိတော ဝီရိယိဒ္ဓိပါဒေါ ဘာဝိတော စိတ္တိဒ္ဓိပါဒေါ ဘာဝိတော ဝီမံသိဒ္ဓိပါဒေါ ဘာဝိတောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၅၇။ န ဝတ္တဗ္ဗံ – ‘‘ကပ္ပဋ္ဌော ကပ္ပံ တိဋ္ဌေယျာ’’တိ? အာမန္တာ။ နနု ဝုတ္တံ ဘဂဝတာ –
‘‘အာပါယိကော နေရယိကော, ကပ္ပဋ္ဌော သံဃဘေဒကော၊
ဝဂ္ဂရတော အဓမ္မဋ္ဌော, ယောဂက္ခေမာ ပဓံသတိ၊
သံဃံ သမဂ္ဂံ ဘေတွာန [ဘိန္ဒိတွာ (သီ။ က။)], ကပ္ပံ နိရယမှိ ပစ္စတီ’’တိ [စူဠဝ။ ၃၅၄၊ အ။ နိ။ ၁၀။၃၉၊ ဣတိဝု။ ၁၈]။
အတ္ထေဝ သုတ္တန္တောတိ? အာမန္တာ။ တေန ဟိ ကပ္ပဋ္ဌော ကပ္ပံ တိဋ္ဌေယျာတိ။
ကပ္ပဋ္ဌကထာ နိဋ္ဌိတာ။
၁၃။ တေရသမဝဂ္ဂ
(၁၂၇) ၂။ ကုသလပဋိလာဘကထာ
֍ ဋ္ဌ ၆၅၈။ ကပ္ပဋ္ဌော ကုသလံ စိတ္တံ န ပဋိလဘေယျာတိ? အာမန္တာ။ ကပ္ပဋ္ဌော ဒါနံ ဒဒေယျာတိ? အာမန္တာ။ ဟဉ္စိ ကပ္ပဋ္ဌော ဒါနံ ဒဒေယျ, နော စ ဝတ ရေ ဝတ္တဗ္ဗေ – ‘‘ကပ္ပဋ္ဌော ကုသလံ စိတ္တံ န ပဋိလဘေယျာ’’တိ။
ကပ္ပဋ္ဌော ကုသလံ စိတ္တံ န ပဋိလဘေယျာတိ? အာမန္တာ။ ကပ္ပဋ္ဌော စီဝရံ ဒဒေယျ…ပေ… ပိဏ္ဍပါတံ ဒဒေယျ…ပေ… သေနာသနံ ဒဒေယျ…ပေ… ဂိလာနပစ္စယဘေသဇ္ဇပရိက္ခာရံ ဒဒေယျ … ခါဒနီယံ ဒဒေယျ… ဘောဇနီယံ ဒဒေယျ… ပါနီယံ ဒဒေယျ… စေတိယံ ဝန္ဒေယျ… စေတိယေ မာလံ အာရောပေယျ… ဂန္ဓံ အာရောပေယျ… ဝိလေပနံ အာရောပေယျ…ပေ… စေတိယံ အဘိဒက္ခိဏံ [ပဒက္ခိဏံ (ပီ။)] ကရေယျာတိ? အာမန္တာ။ ဟဉ္စိ ကပ္ပဋ္ဌော စေတိယံ အဘိဒက္ခိဏံ ကရေယျ, နော စ ဝတ ရေ ဝတ္တဗ္ဗေ – ‘‘ကပ္ပဋ္ဌော ကုသလံ စိတ္တံ န ပဋိလဘေယျာ’’တိ…ပေ…။
(အဘိ၊က၊၃၄၇။)֍ ဋ္ဌ ၆၅၉။ ကပ္ပဋ္ဌော ကုသလံ စိတ္တံ ပဋိလဘေယျာတိ? အာမန္တာ။ တတော ဝုဋ္ဌာနံ ကုသလံ စိတ္တံ ပဋိလဘေယျာတိ? အာမန္တာ။ ရူပါဝစရံ…ပေ… အရူပါဝစရံ…ပေ… လောကုတ္တရံ ကုသလံ စိတ္တံ ပဋိလဘေယျာတိ? န ဟေဝံ ဝတ္တဗ္ဗေ…ပေ…။
ကုသလပဋိလာဘကထာ နိဋ္ဌိတာ။
၁၃။ တေရသမဝဂ္ဂ
(၁၂၈) ၃။ အနန္တရာပယုတ္တကထာ
֍ ဋ္ဌ ၆၆၀။ အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျာတိ? အာမန္တာ။ မိစ္ဆတ္တနိယာမဉ္စ သမ္မတ္တနိယာမဉ္စ ဥဘော ဩက္ကမေယျာတိ? န ဟေဝံ ဝတ္တဗ္ဗေ…ပေ… အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျာတိ? အာမန္တာ။ နနု တံ ကမ္မံ ပယုတ္တံ ကုက္ကုစ္စံ ဥပ္ပါဒိတံ ဝိပ္ပဋိသာရိယံ ဇနိတန္တိ? အာမန္တာ။ ဟဉ္စိ တံ ကမ္မံ ပယုတ္တံ ကုက္ကုစ္စံ ဥပ္ပါဒိတံ ဝိပ္ပဋိသာရိယံ ဇနိတံ, နော စ ဝတ ရေ ဝတ္တဗ္ဗေ – ‘‘အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျာ’’တိ။
֍ ဋ္ဌ ၆၆၁။ အနန္တရာပယုတ္တော ပုဂ္ဂလော အဘဗ္ဗော သမ္မတ္တနိယာမံ ဩက္ကမိတုန္တိ? အာမန္တာ။ မာတာ ဇီဝိတာ ဝေါရောပိတာ… ပိတာ ဇီဝိတာ ဝေါရောပိတော… အရဟာ ဇီဝိတာ ဝေါရောပိတော… ဒုဋ္ဌေန စိတ္တေန တထာဂတဿ လောဟိတံ ဥပ္ပါဒိတံ… သံဃော ဘိန္နောတိ? န ဟေဝံ ဝတ္တဗ္ဗေ…ပေ…။
အနန္တရာပယုတ္တော ပုဂ္ဂလော တံ ကမ္မံ ပဋိသံဟရိတွာ ကုက္ကုစ္စံ ပဋိဝိနောဒေတွာ ဝိပ္ပဋိသာရိယံ ပဋိဝိနေတွာ [ပဋိဝိနောဒေတွာ (သီ။ ပီ။ က။)] အဘဗ္ဗော သမ္မတ္တနိယာမံ ဩက္ကမိတုန္တိ? အာမန္တာ။ မာတာ ဇီဝိတာ ဝေါရောပိတာ… ပိတာ ဇီဝိတာ ဝေါရောပိတော…ပေ… သံဃော ဘိန္နောတိ? န ဟေဝံ ဝတ္တဗ္ဗေ…ပေ…။
အနန္တရာပယုတ္တော ပုဂ္ဂလော တံ ကမ္မံ ပဋိသံဟရိတွာ ကုက္ကုစ္စံ ပဋိဝိနောဒေတွာ ဝိပ္ပဋိသာရိယံ ပဋိဝိနေတွာ အဘဗ္ဗော သမ္မတ္တနိယာမံ ဩက္ကမိတုန္တိ? အာမန္တာ။ နနု တံ ကမ္မံ ပဋိသံဟဋံ ကုက္ကုစ္စံ ပဋိဝိနောဒိတံ ဝိပ္ပဋိသာရိယံ ပဋိဝိနီတန္တိ? အာမန္တာ။ ဟဉ္စိ တံ ကမ္မံ ပဋိသံဟဋံ ကုက္ကုစ္စံ ပဋိဝိနောဒိတံ
(အဘိ၊က၊၃၄၈။)ဝိပ္ပဋိသာရိယံ ပဋိဝိနီတံ, နော စ ဝတ ရေ ဝတ္တဗ္ဗေ – ‘‘အနန္တရာပယုတ္တော ပုဂ္ဂလော တံ ကမ္မံ ပဋိသံဟရိတွာ ကုက္ကုစ္စံ ပဋိဝိနောဒေတွာ ဝိပ္ပဋိသာရိယံ ပဋိဝိနေတွာ အဘဗ္ဗော သမ္မတ္တနိယာမံ ဩက္ကမိတု’’န္တိ။
֍ ဋ္ဌ ၆၆၂။ အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျာတိ? အာမန္တာ။ နနု တံ ကမ္မံ ပယုတ္တော အာသီတိ? အာမန္တာ။ ဟဉ္စိ တံ ကမ္မံ ပယုတ္တော အာသိ, နော စ ဝတ ရေ ဝတ္တဗ္ဗေ – ‘‘အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျာ’’တိ။
အနန္တရာပယုတ္တကထာ နိဋ္ဌိတာ။
၁၃။ တေရသမဝဂ္ဂ
(၁၂၉) ၄။ နိယတဿ နိယာမကထာ
֍ ဋ္ဌ ၆၆၃။ နိယတော နိယာမံ ဩက္ကမတီတိ? အာမန္တာ။ မိစ္ဆတ္တနိယတော သမ္မတ္တနိယာမံ ဩက္ကမတိ, သမ္မတ္တနိယတော မိစ္ဆတ္တနိယာမံ ဩက္ကမတီတိ? န ဟေဝံ ဝတ္တဗ္ဗေ…ပေ…။
နိယတော နိယာမံ ဩက္ကမတီတိ? အာမန္တာ။ ပုဗ္ဗေ မဂ္ဂံ ဘာဝေတွာ ပစ္ဆာ နိယာမံ ဩက္ကမတီတိ? န ဟေဝံ ဝတ္တဗ္ဗေ…ပေ… ပုဗ္ဗေ သောတာပတ္တိမဂ္ဂံ ဘာဝေတွာ ပစ္ဆာ သောတာပတ္တိနိယာမံ ဩက္ကမတီတိ? န ဟေဝံ ဝတ္တဗ္ဗေ…ပေ… ပုဗ္ဗေ သကဒါဂါမိ…ပေ… အနာဂါမိ…ပေ… အရဟတ္တမဂ္ဂံ ဘာဝေတွာ ပစ္ဆာ အရဟတ္တနိယာမံ ဩက္ကမတီတိ? န ဟေဝံ ဝတ္တဗ္ဗေ…ပေ…။
ပုဗ္ဗေ သတိပဋ္ဌာနံ…ပေ… သမ္မပ္ပဓာနံ… ဣဒ္ဓိပါဒံ… ဣန္ဒြိယံ… ဗလံ… ဗောဇ္ဈင်္ဂံ ဘာဝေတွာ ပစ္ဆာ နိယာမံ ဩက္ကမတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၆၄။ န ဝတ္တဗ္ဗံ – ‘‘နိယတော နိယာမံ ဩက္ကမတီ’’တိ? အာမန္တာ။ ဘဗ္ဗော ဗောဓိသတ္တော တာယ ဇာတိယာ ဓမ္မံ နာဘိသမေတုန္တိ? န ဟေဝံ ဝတ္တဗ္ဗေ။ တေန ဟိ နိယတော နိယာမံ ဩက္ကမတီတိ။
နိယတဿ နိယာမကထာ နိဋ္ဌိတာ။
(အဘိ၊က၊၃၄၉။)၁၃။ တေရသမဝဂ္ဂ
(၁၃၀) ၅။ နိဝုတကထာ
֍ ဋ္ဌ ၆၆၅။ နိဝုတော နီဝရဏံ ဇဟတီတိ? အာမန္တာ။ ရတ္တော ရာဂံ ဇဟတိ, ဒုဋ္ဌော ဒေါသံ ဇဟတိ, မူဠှော မောဟံ ဇဟတိ, ကိလိဋ္ဌော ကိလေသေ ဇဟတီတိ? န ဟေဝံ ဝတ္တဗ္ဗေ…ပေ… ရာဂေန ရာဂံ ဇဟတိ, ဒေါသေန ဒေါသံ ဇဟတိ, မောဟေန မောဟံ ဇဟတိ, ကိလေသေဟိ ကိလေသေ ဇဟတီတိ? န ဟေဝံ ဝတ္တဗ္ဗေ…ပေ…။
ရာဂေါ စိတ္တသမ္ပယုတ္တော, မဂ္ဂေါ စိတ္တသမ္ပယုတ္တောတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… ရာဂေါ အကုသလော, မဂ္ဂေါ ကုသလောတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၆၆။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ…ပေ… သမ္မုခီဘာဝံ အာဂစ္ဆန္တီ’’တိ။
နိဝုတော နီဝရဏံ ဇဟတီတိ? အာမန္တာ။ နနု ဝုတ္တံ ဘဂဝတာ – ‘‘သော ဧဝံ သမာဟိတေ စိတ္တေ ပရိသုဒ္ဓေ ပရိယောဒါတေ အနင်္ဂဏေ ဝိဂတူပက္ကိလေသေ မုဒုဘူတေ ကမ္မနိယေ ဌိတေ အာနေဉ္ဇပ္ပတ္တေ အာသဝါနံ ခယဉာဏာယ စိတ္တံ အဘိနိန္နာမေတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘နိဝုတော နီဝရဏံ ဇဟတီ’’တိ…ပေ…။
֍ ဋ္ဌ ၆၆၇။ န ဝတ္တဗ္ဗံ – ‘‘နိဝုတော နီဝရဏံ ဇဟတီ’’တိ? အာမန္တာ။ နနု ဝုတ္တံ ဘဂဝတာ – ‘‘တဿ ဧဝံ ဇာနတော ဧဝံ ပဿတော ကာမာသဝါပိ စိတ္တံ ဝိမုစ္စတိ…ပေ… အဝိဇ္ဇာသဝါပိ စိတ္တံ ဝိမုစ္စတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ နိဝုတော နီဝရဏံ ဇဟတီတိ။
နိဝုတကထာ နိဋ္ဌိတာ။
(အဘိ၊က၊၃၅၀။)၁၃။ တေရသမဝဂ္ဂ
(၁၃၁) ၆။ သမ္မုခီဘူတကထာ
֍ ဋ္ဌ ၆၆၈။ သမ္မုခီဘူတော သံယောဇနံ ဇဟတီတိ? အာမန္တာ။ ရတ္တော ရာဂံ ဇဟတိ, ဒုဋ္ဌော ဒေါသံ ဇဟတိ, မူဠှော မောဟံ ဇဟတိ, ကိလိဋ္ဌော ကိလေသေ ဇဟတီတိ? န ဟေဝံ ဝတ္တဗ္ဗေ…ပေ… ရာဂေန ရာဂံ ဇဟတိ, ဒေါသေန ဒေါသံ ဇဟတိ, မောဟေန မောဟံ ဇဟတိ, ကိလေသေဟိ ကိလေသေ ဇဟတီတိ? န ဟေဝံ ဝတ္တဗ္ဗေ…ပေ…။
ရာဂေါ စိတ္တသမ္ပယုတ္တော, မဂ္ဂေါ စိတ္တသမ္ပယုတ္တောတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… ရာဂေါ အကုသလော, မဂ္ဂေါ ကုသလောတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၆၉။ ကုသလာကုသလာ…ပေ… သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ…ပေ… သမ္မုခီဘာဝံ အာဂစ္ဆန္တီ’’တိ။
သမ္မုခီဘူတော သံယောဇနံ ဇဟတီတိ? အာမန္တာ။ နနု ဝုတ္တံ ဘဂဝတာ – ‘‘သော ဧဝံ သမာဟိတေ စိတ္တေ…ပေ… အာသဝါနံ ခယဉာဏာယ စိတ္တံ အဘိနိန္နာမေတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘သမ္မုခီဘူတော သံယောဇနံ ဇဟတီ’’တိ။
֍ ဋ္ဌ ၆၇၀။ န ဝတ္တဗ္ဗံ – ‘‘သမ္မုခီဘူတော သံယောဇနံ ဇဟတီ’’တိ? အာမန္တာ။ နနု ဝုတ္တံ ဘဂဝတာ – ‘‘တဿ ဧဝံ ဇာနတော ဧဝံ ပဿတော ကာမာသဝါပိ စိတ္တံ ဝိမုစ္စတိ…ပေ… အဝိဇ္ဇာသဝါပိ စိတ္တံ ဝိမုစ္စတီ’’တိ! အတ္ထေဝ သုတ္တန္တောတိ? အာမန္တာ။ တေန ဟိ သမ္မုခီဘူတော သံယောဇနံ ဇဟတီတိ။
သမ္မုခီဘူတကထာ နိဋ္ဌိတာ။
(အဘိ၊က၊၃၅၁။)၁၃။ တေရသမဝဂ္ဂ
(၁၃၂) ၇။ သမာပန္နော အဿာဒေတိကထာ
֍ ဋ္ဌ ၆၇၁။ သမာပန္နော အဿာဒေတိ, ဈာနနိကန္တိ ဈာနာရမ္မဏာတိ? အာမန္တာ။ တံ ဈာနံ တဿ ဈာနဿ အာရမ္မဏန္တိ? န ဟေဝံ ဝတ္တဗ္ဗေ…ပေ… တံ ဈာနံ တဿ ဈာနဿ အာရမ္မဏန္တိ? အာမန္တာ။ တေန ဖဿေန တံ ဖဿံ ဖုသတိ, တာယ ဝေဒနာယ တံ ဝေဒနံ ဝေဒေတိ, တာယ သညာယ တံ သညံ သဉ္ဇာနာတိ, တာယ စေတနာယ တံ စေတနံ စေတေတိ, တေန စိတ္တေန တံ စိတ္တံ စိန္တေတိ, တေန ဝိတက္ကေန တံ ဝိတက္ကံ ဝိတက္ကေတိ, တေန ဝိစာရေန တံ ဝိစာရံ ဝိစာရေတိ, တာယ ပီတိယာ တံ ပီတိ ပိယာယတိ, တာယ သတိယာ တံ သတိံ သရတိ, တာယ ပညာယ တံ ပညံ ပဇာနာတီတိ? န ဟေဝံ ဝတ္တဗ္ဗေ…ပေ…။
ဈာနနိကန္တိ စိတ္တသမ္ပယုတ္တာ, ဈာနံ စိတ္တသမ္ပယုတ္တန္တိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ဈာနနိကန္တိ အကုသလံ, ဈာနံ ကုသလန္တိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၇၂။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီ’’တိ။
֍ ဋ္ဌ ၆၇၃။ န ဝတ္တဗ္ဗံ – ‘‘သမာပန္နော အဿာဒေတိ, ဈာနနိကန္တိ ဈာနာရမ္မဏာ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု ဝိဝိစ္စေဝ ကာမေဟိ ဝိဝိစ္စ အကုသလေဟိ ဓမ္မေဟိ ပဌမံ ဈာနံ ဥပသမ္ပဇ္ဇ ဝိဟရတိ, သော တံ အဿာဒေတိ တံ နိကာမေတိ တေန စ ဝိတ္တိံ အာပဇ္ဇတိ၊ ဝိတက္ကဝိစာရာနံ ဝူပသမာ…ပေ… ဒုတိယံ ဈာနံ…ပေ… တတိယံ ဈာနံ…ပေ… စတုတ္ထံ ဈာနံ ဥပသမ္ပဇ္ဇ
(အဘိ၊က၊၃၅၂။)ဝိဟရတိ, သော တံ အဿာဒေတိ တံ နိကာမေတိ တေန စ ဝိတ္တိံ အာပဇ္ဇတီ’’တိ [အ။ နိ။ ၄။၁၂၃]! အတ္ထေဝ သုတ္တန္တောတိ? အာမန္တာ။ တေန ဟိ သမာပန္နော အဿာဒေတိ, ဈာနနိကန္တိ ဈာနာရမ္မဏာတိ။
သမာပန္နော အဿာဒေတိကထာ နိဋ္ဌိတာ။
၁၃။ တေရသမဝဂ္ဂ
(၁၃၃) ၈။ အသာတရာဂကထာ
֍ ဋ္ဌ ၆၇၄။ အတ္ထိ အသာတရာဂေါတိ? အာမန္တာ။ ဒုက္ခာဘိနန္ဒိနော သတ္တာ, အတ္ထိ ကေစိ ဒုက္ခံ ပတ္ထေန္တိ ပိဟေန္တိ ဧသန္တိ ဂဝေသန္တိ ပရိယေသန္တိ, ဒုက္ခံ အဇ္ဈောသာယ တိဋ္ဌန္တီတိ? န ဟေဝံ ဝတ္တဗ္ဗေ…ပေ… နနု သုခါဘိနန္ဒိနော သတ္တာ, အတ္ထိ ကေစိ သုခံ ပတ္ထေန္တိ ပိဟေန္တိ ဧသန္တိ ဂဝေသန္တိ ပရိယေသန္တိ, သုခံ အဇ္ဈောသာယ တိဋ္ဌန္တီတိ? အာမန္တာ။ ဟဉ္စိ သုခါဘိနန္ဒိနော သတ္တာ, အတ္ထိ ကေစိ သုခံ ပတ္ထေန္တိ ပိဟေန္တိ ဧသန္တိ ဂဝေသန္တိ ပရိယေသန္တိ, သုခံ အဇ္ဈောသာယ တိဋ္ဌန္တိ, နော စ ဝတ ရေ ဝတ္တဗ္ဗေ – ‘‘အတ္ထိ အသာတရာဂေါ’’တိ။
အတ္ထိ အသာတရာဂေါတိ? အာမန္တာ။ ဒုက္ခာယ ဝေဒနာယ ရာဂါနုသယော အနုသေတိ, သုခါယ ဝေဒနာယ ပဋိဃာနုသယော အနုသေတီတိ? န ဟေဝံ ဝတ္တဗ္ဗေ…ပေ… နနု သုခါယ ဝေဒနာယ ရာဂါနုသယော အနုသေတိ, ဒုက္ခာယ ဝေဒနာယ ပဋိဃာနုသယော အနုသေတီတိ? အာမန္တာ။ ဟဉ္စိ သုခါယ ဝေဒနာယ ရာဂါနုသယော အနုသေတိ, ဒုက္ခာယ ဝေဒနာယ ပဋိဃာနုသယော အနုသေတိ, နော စ ဝတ ရေ ဝတ္တဗ္ဗေ – ‘‘အတ္ထိ အသာတရာဂေါ’’တိ။
֍ ဋ္ဌ ၆၇၅။ န ဝတ္တဗ္ဗံ – ‘‘အတ္ထိ အသာတရာဂေါ’’တိ? အာမန္တာ။ နနု ဝုတ္တံ ဘဂဝတာ – ‘‘သော ဧဝံ အနုရောဓဝိရောဓံ သမာပန္နော ယံ ကိဉ္စိ ဝေဒနံ ဝေဒယတိ သုခံ ဝါ ဒုက္ခံ ဝါ အဒုက္ခမသုခံ ဝါ, သော တံ ဝေဒနံ အဘိနန္ဒတိ အဘိဝဒတိ အဇ္ဈောသာယ တိဋ္ဌတီ’’တိ [မ။ နိ။ ၃။၄၀၉ မဟာတဏှာသင်္ခယေ]! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ အသာတရာဂေါတိ။
အသာတရာဂကထာ နိဋ္ဌိတာ။
(အဘိ၊က၊၃၅၃။)၁၃။ တေရသမဝဂ္ဂ
(၁၃၄) ၉။ ဓမ္မတဏှာ အဗျာကတာတိကထာ
֍ ဋ္ဌ ၆၇၆။ ဓမ္မတဏှာ အဗျာကတာတိ? အာမန္တာ။ ဝိပါကာဗျာကတာ ကိရိယာဗျာကတာ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…။
ဓမ္မတဏှာ အဗျာကတာတိ? အာမန္တာ။ ရူပတဏှာ အဗျာကတာတိ? န ဟေဝံ ဝတ္တဗ္ဗေ …ပေ… ဓမ္မတဏှာ အဗျာကတာတိ? အာမန္တာ။ သဒ္ဒတဏှာ…ပေ… ဂန္ဓတဏှာ…ပေ… ရသတဏှာ…ပေ… ဖောဋ္ဌဗ္ဗတဏှာ အဗျာကတာတိ? န ဟေဝံ ဝတ္တဗ္ဗေ…ပေ…။
ရူပတဏှာ အကုသလာတိ? အာမန္တာ။ ဓမ္မတဏှာ အကုသလာတိ? န ဟေဝံ ဝတ္တဗ္ဗေ…ပေ… သဒ္ဒတဏှာ…ပေ… ဖောဋ္ဌဗ္ဗတဏှာ အကုသလာတိ? အာမန္တာ။ ဓမ္မတဏှာ အကုသလာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၇၇။ ဓမ္မတဏှာ အဗျာကတာတိ? အာမန္တာ။ နနု တဏှာ အကုသလာ ဝုတ္တာ ဘဂဝတာတိ? အာမန္တာ။ ဟဉ္စိ တဏှာ အကုသလာ ဝုတ္တာ ဘဂဝတာ, နော စ ဝတ ရေ ဝတ္တဗ္ဗေ – ‘‘ဓမ္မတဏှာ အဗျာကတာ’’တိ။
ဓမ္မတဏှာ အဗျာကတာတိ? အာမန္တာ။ နနု လောဘော အကုသလော ဝုတ္တော ဘဂဝတာ, ဓမ္မတဏှာ လောဘောတိ? အာမန္တာ။ ဟဉ္စိ လောဘော အကုသလော ဝုတ္တော ဘဂဝတာ, ဓမ္မတဏှာ လောဘော, နော စ ဝတ ရေ ဝတ္တဗ္ဗေ – ‘‘ဓမ္မတဏှာ အဗျာကတာ’’တိ။
֍ ဋ္ဌ ၆၇၈။ ဓမ္မတဏှာ လောဘော အဗျာကတောတိ? အာမန္တာ။ ရူပတဏှာ လောဘော အဗျာကတောတိ? န ဟေဝံ ဝတ္တဗ္ဗေ…ပေ… ဓမ္မတဏှာ လောဘော အဗျာကတောတိ? အာမန္တာ။ သဒ္ဒတဏှာ…ပေ… ဖောဋ္ဌဗ္ဗတဏှာ လောဘော အဗျာကတောတိ? န ဟေဝံ ဝတ္တဗ္ဗေ…ပေ…။
ရူပတဏှာ လောဘော အကုသလောတိ? အာမန္တာ။ ဓမ္မတဏှာ လောဘော အကုသလောတိ? န ဟေဝံ ဝတ္တဗ္ဗေ…ပေ… သဒ္ဒတဏှာ…ပေ… ဖောဋ္ဌဗ္ဗတဏှာ လောဘော အကုသလောတိ? အာမန္တာ။ ဓမ္မတဏှာ လောဘော အကုသလောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၅၄။)֍ ဋ္ဌ ၆၇၉။ ဓမ္မတဏှာ အဗျာကတာတိ? အာမန္တာ။ နနု ဝုတ္တံ ဘဂဝတာ – ‘‘ယာယံ တဏှာ ပေါနောဗ္ဘဝိကာ နန္ဒီရာဂသဟဂတာ တတြတတြာဘိနန္ဒိနီ, သေယျထိဒံ – ကာမတဏှာ, ဘဝတဏှာ, ဝိဘဝတဏှာ’’တိ [မဟာဝ။ ၁၄၊ ဒီ။ နိ။ ၂။၄၀၀]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဓမ္မတဏှာ အဗျာကတာ’’တိ။
֍ ဋ္ဌ ၆၈၀။ န ဝတ္တဗ္ဗံ – ‘‘ဓမ္မတဏှာ အဗျာကတာ’’တိ? အာမန္တာ။ နနု သာ ဓမ္မတဏှာတိ? အာမန္တာ။ ဟဉ္စိ သာ ဓမ္မတဏှာ, တေန ဝတ ရေ ဝတ္တဗ္ဗေ – ‘‘ဓမ္မတဏှာ အဗျာကတာ’’တိ။
ဓမ္မတဏှာ အဗျာကတာတိကထာ နိဋ္ဌိတာ။
၁၃။ တေရသမဝဂ္ဂ
(၁၃၅) ၁၀။ ဓမ္မတဏှာ န ဒုက္ခသမုဒယောတိကထာ
֍ ဋ္ဌ ၆၈၁။ ဓမ္မတဏှာ န ဒုက္ခသမုဒယောတိ? အာမန္တာ။ ရူပတဏှာ န ဒုက္ခသမုဒယောတိ? န ဟေဝံ ဝတ္တဗ္ဗေ…ပေ… ဓမ္မတဏှာ န ဒုက္ခသမုဒယောတိ? အာမန္တာ။ သဒ္ဒတဏှာ…ပေ… ဂန္ဓတဏှာ…ပေ… ရသတဏှာ…ပေ… ဖောဋ္ဌဗ္ဗတဏှာ န ဒုက္ခသမုဒယောတိ? န ဟေဝံ ဝတ္တဗ္ဗေ…ပေ…။
ရူပတဏှာ ဒုက္ခသမုဒယောတိ? အာမန္တာ။ ဓမ္မတဏှာ ဒုက္ခသမုဒယောတိ? န ဟေဝံ ဝတ္တဗ္ဗေ…ပေ… သဒ္ဒတဏှာ…ပေ… ဂန္ဓတဏှာ…ပေ… ရသတဏှာ…ပေ… ဖောဋ္ဌဗ္ဗတဏှာ ဒုက္ခသမုဒယောတိ? အာမန္တာ။ ဓမ္မတဏှာ ဒုက္ခသမုဒယောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၈၂။ ဓမ္မတဏှာ န ဒုက္ခသမုဒယောတိ? အာမန္တာ။ နနု တဏှာ ဒုက္ခသမုဒယော ဝုတ္တော ဘဂဝတာတိ? အာမန္တာ။ ဟဉ္စိ တဏှာ ဒုက္ခသမုဒယော ဝုတ္တော ဘဂဝတာ, နော စ ဝတ ရေ ဝတ္တဗ္ဗေ – ‘‘ဓမ္မတဏှာ န ဒုက္ခသမုဒယော’’တိ။ ဓမ္မတဏှာ န ဒုက္ခသမုဒယောတိ? အာမန္တာ။ နနု လောဘော
(အဘိ၊က၊၃၅၅။)ဒုက္ခသမုဒယော ဝုတ္တော ဘဂဝတာ, ဓမ္မတဏှာ လောဘောတိ? အာမန္တာ။ ဟဉ္စိ လောဘော ဒုက္ခသမုဒယော ဝုတ္တော ဘဂဝတာ, ဓမ္မတဏှာ လောဘော, နော စ ဝတ ရေ ဝတ္တဗ္ဗေ – ‘‘ဓမ္မတဏှာ န ဒုက္ခသမုဒယော’’တိ။
֍ ဋ္ဌ ၆၈၃။ ဓမ္မတဏှာ လောဘော, န ဒုက္ခသမုဒယောတိ? အာမန္တာ။ ရူပတဏှာ လောဘော, န ဒုက္ခသမုဒယောတိ? န ဟေဝံ ဝတ္တဗ္ဗေ…ပေ… ဓမ္မတဏှာ လောဘော, န ဒုက္ခသမုဒယောတိ? အာမန္တာ။ သဒ္ဒတဏှာ…ပေ… ဂန္ဓတဏှာ…ပေ… ရသတဏှာ…ပေ… ဖောဋ္ဌဗ္ဗတဏှာ လောဘော, န ဒုက္ခသမုဒယောတိ? န ဟေဝံ ဝတ္တဗ္ဗေ…ပေ…။
ရူပတဏှာ လောဘော ဒုက္ခသမုဒယောတိ? အာမန္တာ။ ဓမ္မတဏှာ လောဘော ဒုက္ခသမုဒယောတိ? န ဟေဝံ ဝတ္တဗ္ဗေ…ပေ… သဒ္ဒတဏှာ…ပေ… ဖောဋ္ဌဗ္ဗတဏှာ လောဘော ဒုက္ခသမုဒယောတိ? အာမန္တာ။ ဓမ္မတဏှာ လောဘော ဒုက္ခသမုဒယောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၈၄။ ဓမ္မတဏှာ န ဒုက္ခသမုဒယောတိ? အာမန္တာ။ နနု ဝုတ္တံ ဘဂဝတာ – ‘‘ယာယံ တဏှာ ပေါနောဗ္ဘဝိကာ နန္ဒီရာဂသဟဂတာ တတြတတြာဘိနန္ဒိနီ, သေယျထိဒံ – ကာမတဏှာ, ဘဝတဏှာ, ဝိဘဝတဏှာ’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဓမ္မတဏှာ န ဒုက္ခသမုဒယော’’တိ။
֍ ဋ္ဌ ၆၈၅။ န ဝတ္တဗ္ဗံ – ‘‘ဓမ္မတဏှာ န ဒုက္ခသမုဒယော’’တိ? အာမန္တာ။ နနု သာ ဓမ္မတဏှာတိ? အာမန္တာ။ ဟဉ္စိ သာ ဓမ္မတဏှာ, တေန ဝတ ရေ ဝတ္တဗ္ဗေ – ‘‘ဓမ္မတဏှာ န ဒုက္ခသမုဒယော’’တိ။
ဓမ္မတဏှာ န ဒုက္ခသမုဒယောတိကထာ နိဋ္ဌိတာ။
တေရသမဝဂ္ဂေါ။
တဿုဒ္ဒါနံ –
ကပ္ပဋ္ဌော ကပ္ပံ တိဋ္ဌေယျ, ကပ္ပဋ္ဌော ကုသလံ စိတ္တံ န ပဋိလဘေယျ, အနန္တရာပယုတ္တော ပုဂ္ဂလော သမ္မတ္တနိယာမံ ဩက္ကမေယျ, နိယတော နိယာမံ ဩက္ကမတိ, နိဝုတော နီဝရဏံ ဇဟတိ, သမ္မုခီဘူတော သံယောဇနံ ဇဟတိ, ဈာနနိကန္တိ, အသာတရာဂေါ, ဓမ္မတဏှာ အဗျာကတာ, ဓမ္မတဏှာ န ဒုက္ခသမုဒယောတိ။
(အဘိ၊က၊၃၅၆။)၁၄။ စုဒ္ဒသမဝဂ္ဂ
(၁၃၆) ၁။ ကုသလာကုသလပဋိသန္ဒဟနကထာ
֍ ဋ္ဌ ၆၈၆။ အကုသလမူလံ ပဋိသန္ဒဟတိ ကုသလမူလန္တိ? အာမန္တာ။ ယာ အကုသလဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ကုသလဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အကုသလမူလံ ပဋိသန္ဒဟတိ ကုသလမူလံ, န ဝတ္တဗ္ဗံ – ‘‘ယာ အကုသလဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ကုသလဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ ကုသလံ အနာဝဋ္ဋေန္တဿ [အနာဝဋ္ဋန္တဿ (သီ။ ပီ။ က။), အနာဝဇ္ဇန္တဿ (သျာ။ ကံ။)] ဥပ္ပဇ္ဇတိ …ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု ကုသလံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။ ဟဉ္စိ ကုသလံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘အကုသလမူလံ ပဋိသန္ဒဟတိ ကုသလမူလ’’န္တိ။
֍ ဋ္ဌ ၆၈၇။ အကုသလမူလံ ပဋိသန္ဒဟတိ ကုသလမူလန္တိ? အာမန္တာ။ အကုသလမူလံ အယောနိသော မနသိကရောတော ဥပ္ပဇ္ဇတီတိ? အာမန္တာ။ ကုသလံ အယောနိသော မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု ကုသလံ ယောနိသော မနသိကရောတော ဥပ္ပဇ္ဇတီတိ? အာမန္တာ။ ဟဉ္စိ ကုသလံ ယောနိသော မနသိကရောတော ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘အကုသလမူလံ ပဋိသန္ဒဟတိ ကုသလမူလ’’န္တိ။
အကုသလမူလံ ပဋိသန္ဒဟတိ ကုသလမူလန္တိ? အာမန္တာ။ ကာမသညာယ အနန္တရာ နေက္ခမ္မသညာ ဥပ္ပဇ္ဇတိ, ဗျာပါဒသညာယ အနန္တရာ အဗျာပါဒသညာ ဥပ္ပဇ္ဇတိ, ဝိဟိံသာသညာယ အနန္တရာ အဝိဟိံသာသညာ ဥပ္ပဇ္ဇတိ, ဗျာပါဒဿ အနန္တရာ မေတ္တာ ဥပ္ပဇ္ဇတိ, ဝိဟိံသာယ အနန္တရာ ကရုဏာ ဥပ္ပဇ္ဇတိ, အရတိယာ အနန္တရာ မုဒိတာ ဥပ္ပဇ္ဇတိ, ပဋိဃဿ အနန္တရာ ဥပေက္ခာ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၈၈။ ကုသလမူလံ ပဋိသန္ဒဟတိ အကုသလမူလန္တိ? အာမန္တာ။ ယာ ကုသလဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ အကုသလဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၅၇။)ကုသလမူလံ ပဋိသန္ဒဟတိ အကုသလမူလံ, န ဝတ္တဗ္ဗံ – ‘‘ယာ ကုသလဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ အကုသလဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ အကုသလံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု အကုသလံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။ ဟဉ္စိ အကုသလံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘ကုသလမူလံ ပဋိသန္ဒဟတိ အကုသလမူလ’’န္တိ။
֍ ဋ္ဌ ၆၈၉။ ကုသလမူလံ ပဋိသန္ဒဟတိ အကုသလမူလန္တိ? အာမန္တာ။ ကုသလံ ယောနိသော မနသိကရောတော ဥပ္ပဇ္ဇတီတိ? အာမန္တာ။ အကုသလံ ယောနိသော မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု အကုသလံ အယောနိသော မနသိကရောတော ဥပ္ပဇ္ဇတီတိ? အာမန္တာ။ ဟဉ္စိ အကုသလံ အယောနိသော မနသိကရောတော ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘ကုသလမူလံ ပဋိသန္ဒဟတိ အကုသလမူလ’’န္တိ။
ကုသလမူလံ ပဋိသန္ဒဟတိ အကုသလမူလန္တိ? အာမန္တာ။ နေက္ခမ္မသညာယ အနန္တရာ ကာမသညာ ဥပ္ပဇ္ဇတိ, အဗျာပါဒသညာယ အနန္တရာ ဗျာပါဒသညာ ဥပ္ပဇ္ဇတိ, အဝိဟိံသာသညာယ အနန္တရာ ဝိဟိံသာသညာ ဥပ္ပဇ္ဇတိ, မေတ္တာယ အနန္တရာ ဗျာပါဒေါ ဥပ္ပဇ္ဇတိ, ကရုဏာယ အနန္တရာ ဝိဟိံသာ ဥပ္ပဇ္ဇတိ, မုဒိတာယ အနန္တရာ အရတိ ဥပ္ပဇ္ဇတိ, ဥပေက္ခာယ အနန္တရာ ပဋိဃံ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၉၀။ န ဝတ္တဗ္ဗံ – ‘‘အကုသလမူလံ ပဋိသန္ဒဟတိ ကုသလမူလံ, ကုသလမူလံ ပဋိသန္ဒဟတိ အကုသလမူလ’’န္တိ? အာမန္တာ။ နနု ယသ္မိံယေဝ ဝတ္ထုသ္မိံ ရဇ္ဇတိ တသ္မိညေဝ ဝတ္ထုသ္မိံ ဝိရဇ္ဇတိ, ယသ္မိံယေဝ ဝတ္ထုသ္မိံ ဝိရဇ္ဇတိ တသ္မိညေဝ ဝတ္ထုသ္မိံ ရဇ္ဇတီတိ? အာမန္တာ။ ဟဉ္စိ ယသ္မိညေဝ ဝတ္ထုသ္မိံ ရဇ္ဇတိ တသ္မိညေဝ ဝတ္ထုသ္မိံ ဝိရဇ္ဇတိ, ယသ္မိညေဝ ဝတ္ထုသ္မိံ ဝိရဇ္ဇတိ တသ္မိညေဝ ဝတ္ထုသ္မိံ ရဇ္ဇတိ, တေန ဝတ ရေ ဝတ္တဗ္ဗေ – ‘‘အကုသလမူလံ ပဋိသန္ဒဟတိ ကုသလမူလံ, ကုသလမူလံ ပဋိသန္ဒဟတိ အကုသလမူလ’’န္တိ။
ကုသလာကုသလပဋိသန္ဒဟနကထာ နိဋ္ဌိတာ။
(အဘိ၊က၊၃၅၈။)၁၄။ စုဒ္ဒသမဝဂ္ဂ
(၁၃၇) ၂။ သဠာယတနုပ္ပတ္တိကထာ
֍ ဋ္ဌ ၆၉၁။ သဠာယတနံ အပုဗ္ဗံ အစရိမံ မာတုကုစ္ဆိသ္မိံ သဏ္ဌာတီတိ? အာမန္တာ။ သဗ္ဗင်္ဂပစ္စင်္ဂီ အဟီနိန္ဒြိယော မာတုကုစ္ဆိသ္မိံ ဩက္ကမတီတိ? န ဟေဝံ ဝတ္တဗ္ဗေ…ပေ…။
ဥပပတ္တေသိယေန စိတ္တေန စက္ခာယတနံ သဏ္ဌာတီတိ? အာမန္တာ။ ဥပပတ္တေသိယေန စိတ္တေန ဟတ္ထာ သဏ္ဌန္တိ, ပါဒါ သဏ္ဌန္တိ, သီသံ သဏ္ဌာတိ, ကဏ္ဏော သဏ္ဌာတိ, နာသိကာ သဏ္ဌာတိ, မုခံ သဏ္ဌာတိ, ဒန္တာ သဏ္ဌန္တီတိ? န ဟေဝံ ဝတ္တဗ္ဗေ…ပေ…။
ဥပပတ္တေသိယေန စိတ္တေန သောတာယတနံ…ပေ… ဃာနာယတနံ…ပေ… ဇိဝှါယတနံ သဏ္ဌာတီတိ? အာမန္တာ။ ဥပပတ္တေသိယေန စိတ္တေန ဟတ္ထာ သဏ္ဌန္တိ, ပါဒါ သဏ္ဌန္တိ, သီသံ သဏ္ဌာတိ, ကဏ္ဏော သဏ္ဌာတိ, နာသိကာ သဏ္ဌာတိ, မုခံ သဏ္ဌာတိ, ဒန္တာ သဏ္ဌန္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၉၂။ မာတုကုစ္ဆိဂတဿ ပစ္ဆာ စက္ခာယတနံ ဥပ္ပဇ္ဇတီတိ? အာမန္တာ။ မာတုကုစ္ဆိသ္မိံ စက္ခုပဋိလာဘာယ ကမ္မံ ကရောတီတိ? န ဟေဝံ ဝတ္တဗ္ဗေ…ပေ… မာတုကုစ္ဆိဂတဿ ပစ္ဆာ သောတာယတနံ…ပေ… ဃာနာယတနံ…ပေ… ဇိဝှါယတနံ ဥပ္ပဇ္ဇတီတိ? အာမန္တာ။ မာတုကုစ္ဆိသ္မိံ ဇိဝှါပဋိလာဘာယ ကမ္မံ ကရောတီတိ? န ဟေဝံ ဝတ္တဗ္ဗေ…ပေ…။
မာတုကုစ္ဆိဂတဿ ပစ္ဆာ ကေသာ လောမာ နခါ ဒန္တာ အဋ္ဌီ ဥပ္ပဇ္ဇန္တီတိ? အာမန္တာ။ မာတုကုစ္ဆိသ္မိံ အဋ္ဌိပဋိလာဘာယ ကမ္မံ ကရောတီတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ – ‘‘မာတုကုစ္ဆိဂတဿ ပစ္ဆာ ကေသာ လောမာ နခါ ဒန္တာ အဋ္ဌီ ဥပ္ပဇ္ဇန္တီ’’တိ? အာမန္တာ။ နနု ဝုတ္တံ ဘဂဝတာ –
‘‘ပဌမံ ကလလံ ဟောတိ, ကလလာ ဟောတိ အဗ္ဗုဒံ၊
အဗ္ဗုဒါ ဇာယတေ ပေသိ [ပေသီ (သျာ။ ကံ။ ပီ။)], ပေသိ နိဗ္ဗတ္တတေ [နိဗ္ဗတ္တတီ (သီ။ သျာ။, သံ။ နိ။ ၁။၂၃၅), နိဗ္ဗတ္တတိ (ပီ။ က။)] ဃနော၊
ဃနာ ပသာခါ ဇာယန္တိ, ကေသာ လောမာ နခါပိ စ။
(အဘိ၊က၊၃၅၉။)‘‘ယဉ္စဿ ဘုဉ္ဇတိ မာတာ, အန္နံ ပါနဉ္စ ဘောဇနံ၊
တေန သော တတ္ထ ယာပေတိ, မာတုကုစ္ဆိဂတော နရော’’တိ [သံ။ နိ။ ၁။၂၃၅]။
အတ္ထေဝ သုတ္တန္တောတိ? အာမန္တာ။ တေန ဟိ မာတုကုစ္ဆိဂတဿ ပစ္ဆာ ကေသာ လောမာ နခါ ဒန္တာ အဋ္ဌီ ဥပ္ပဇ္ဇန္တီတိ။
သဠာယတနုပ္ပတ္တိကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၃၈) ၃။ အနန္တရပစ္စယကထာ
֍ ဋ္ဌ ၆၉၃။ စက္ခုဝိညာဏဿ အနန္တရာ သောတဝိညာဏံ ဥပ္ပဇ္ဇတီတိ? အာမန္တာ။ ယာ စက္ခုဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ သောတဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
စက္ခုဝိညာဏဿ အနန္တရာ သောတဝိညာဏံ ဥပ္ပဇ္ဇတိ, န ဝတ္တဗ္ဗံ – ‘‘ယာ စက္ခုဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ သောတဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓီတိ? အာမန္တာ။ သောတဝိညာဏံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။ နနု သောတဝိညာဏံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ, အာမန္တာ။ ဟဉ္စိ သောတဝိညာဏံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘စက္ခုဝိညာဏဿ အနန္တရာ သောတဝိညာဏံ ဥပ္ပဇ္ဇတီ’’တိ။
֍ ဋ္ဌ ၆၉၄။ စက္ခုဝိညာဏဿ အနန္တရာ သောတဝိညာဏံ ဥပ္ပဇ္ဇတီတိ? အာမန္တာ။ စက္ခုဝိညာဏံ ရူပနိမိတ္တံ မနသိကရောတော ဥပ္ပဇ္ဇတီတိ? အာမန္တာ။ သောတဝိညာဏံ ရူပနိမိတ္တံ မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
စက္ခုဝိညာဏံ ရူပါရမ္မဏညေဝ န အညာရမ္မဏန္တိ? အာမန္တာ။ သောတဝိညာဏံ ရူပါရမ္မဏညေဝ န အညာရမ္မဏန္တိ? န ဟေဝံ ဝတ္တဗ္ဗေ…ပေ…။
စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏန္တိ? အာမန္တာ။ စက္ခုဉ္စ ပဋိစ္စ ရူပေ စ ဥပ္ပဇ္ဇတိ သောတဝိညာဏန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၆၀။)စက္ခုဉ္စ ပဋိစ္စ ရူပေ စ ဥပ္ပဇ္ဇတိ သောတဝိညာဏန္တိ? အာမန္တာ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ သောတဝိညာဏ’’န္တိ – အတ္ထေဝ သုတ္တန္တောတိ? နတ္ထိ။ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ စက္ခုဝိညာဏ’’န္တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘စက္ခုဉ္စ ပဋိစ္စ ရူပေ စ ဥပ္ပဇ္ဇတိ သောတဝိညာဏ’’န္တိ။
စက္ခုဝိညာဏဿ အနန္တရာ သောတဝိညာဏံ ဥပ္ပဇ္ဇတီတိ? အာမန္တာ။ တညေဝ စက္ခုဝိညာဏံ တံ သောတဝိညာဏန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၉၅။ သောတဝိညာဏဿ အနန္တရာ ဃာနဝိညာဏံ ဥပ္ပဇ္ဇတိ…ပေ… ဃာနဝိညာဏဿ အနန္တရာ ဇိဝှါဝိညာဏံ ဥပ္ပဇ္ဇတိ…ပေ… ဇိဝှါဝိညာဏဿ အနန္တရာ ကာယဝိညာဏံ ဥပ္ပဇ္ဇတီတိ? အာမန္တာ။ ယာ ဇိဝှါဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ကာယဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ဇိဝှါဝိညာဏဿ အနန္တရာ ကာယဝိညာဏံ ဥပ္ပဇ္ဇတိ, န ဝတ္တဗ္ဗံ – ‘‘ယာ ဇိဝှါဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ကာယဝိညာဏဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ ကာယဝိညာဏံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု ကာယဝိညာဏံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။ ဟဉ္စိ ကာယဝိညာဏံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘ဇိဝှါဝိညာဏဿ အနန္တရာ ကာယဝိညာဏံ ဥပ္ပဇ္ဇတီ’’တိ။
֍ ဋ္ဌ ၆၉၆။ ဇိဝှါဝိညာဏဿ အနန္တရာ ကာယဝိညာဏံ ဥပ္ပဇ္ဇတီတိ? အာမန္တာ။ ဇိဝှါဝိညာဏံ ရသနိမိတ္တံ မနသိကရောတော ဥပ္ပဇ္ဇတီတိ? အာမန္တာ။ ကာယဝိညာဏံ ရသနိမိတ္တံ မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
ဇိဝှါဝိညာဏံ ရသာရမ္မဏညေဝ န အညာရမ္မဏန္တိ? အာမန္တာ။ ကာယဝိညာဏံ ရသာရမ္မဏညေဝ န အညာရမ္မဏန္တိ? န ဟေဝံ ဝတ္တဗ္ဗေ…ပေ…။
ဇိဝှဉ္စ ပဋိစ္စ ရသေ စ ဥပ္ပဇ္ဇတိ ဇိဝှါဝိညာဏန္တိ? အာမန္တာ။ ဇိဝှဉ္စ ပဋိစ္စ ရသေ စ ဥပ္ပဇ္ဇတိ ကာယဝိညာဏန္တိ? န ဟေဝံ ဝတ္တဗ္ဗေ…ပေ…။
ဇိဝှဉ္စ ပဋိစ္စ ရသေ စ ဥပ္ပဇ္ဇတိ ကာယဝိညာဏန္တိ? အာမန္တာ။ ‘‘ဇိဝှဉ္စ ပဋိစ္စ ရသေ စ ဥပ္ပဇ္ဇတိ ကာယဝိညာဏ’’န္တိ – အတ္ထေဝ သုတ္တန္တောတိ? နတ္ထိ။
(အဘိ၊က၊၃၆၁။)‘‘ဇိဝှဉ္စ ပဋိစ္စ ရသေ စ ဥပ္ပဇ္ဇတိ ဇိဝှါဝိညာဏ’’န္တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘ဇိဝှဉ္စ ပဋိစ္စ ရသေ စ ဥပ္ပဇ္ဇတိ ဇိဝှါဝိညာဏ’’န္တိ – အတ္ထေဝ သုတ္တန္တောတိ, နော စ ဝတ ရေ ဝတ္တဗ္ဗေ – ‘‘ဇိဝှဉ္စ ပဋိစ္စ ရသေ စ ဥပ္ပဇ္ဇတိ ကာယဝိညာဏ’’န္တိ။
ဇိဝှါဝိညာဏဿ အနန္တရာ ကာယဝိညာဏံ ဥပ္ပဇ္ဇတီတိ? အာမန္တာ။ တညေဝ ဇိဝှါဝိညာဏံ တံ ကာယဝိညာဏန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၉၇။ န ဝတ္တဗ္ဗံ – ‘‘ပဉ္စဝိညာဏာ အညမညဿ သမနန္တရာ ဥပ္ပဇ္ဇန္တီ’’တိ? အာမန္တာ။ နနု အတ္ထိ ကောစိ နစ္စတိ ဂါယတိ ဝါဒေတိ, ရူပဉ္စ ပဿတိ, သဒ္ဒဉ္စ သုဏာတိ, ဂန္ဓဉ္စ ဃာယတိ, ရသဉ္စ သာယတိ, ဖောဋ္ဌဗ္ဗဉ္စ ဖုသတီတိ? အာမန္တာ။ ဟဉ္စိ အတ္ထိ ကောစိ နစ္စတိ ဂါယတိ ဝါဒေတိ, ရူပဉ္စ ပဿတိ, သဒ္ဒဉ္စ သုဏာတိ, ဂန္ဓဉ္စ ဃာယတိ, ရသဉ္စ သာယတိ, ဖောဋ္ဌဗ္ဗဉ္စ ဖုသတိ, တေန ဝတ ရေ ဝတ္တဗ္ဗေ – ‘‘ပဉ္စဝိညာဏာ အညမညဿ သမနန္တရာ ဥပ္ပဇ္ဇန္တီ’’တိ။
အနန္တရပစ္စယကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၃၉) ၄။ အရိယရူပကထာ
֍ ဋ္ဌ ၆၉၈။ အရိယရူပံ မဟာဘူတာနံ ဥပါဒါယာတိ? အာမန္တာ။ အရိယရူပံ ကုသလန္တိ? အာမန္တာ။ မဟာဘူတာ ကုသလာတိ? န ဟေဝံ ဝတ္တဗ္ဗေ …ပေ… မဟာဘူတာ အဗျာကတာတိ? အာမန္တာ။ အရိယရူပံ အဗျာကတန္တိ? န ဟေဝံ ဝတ္တဗ္ဗေ…ပေ… အရိယရူပံ မဟာဘူတာနံ ဥပါဒါယာတိ? အာမန္တာ။ အရိယရူပံ အနာသဝံ အသံယောဇနိယံ အဂန္ထနိယံ အနောဃနိယံ အယောဂနိယံ အနီဝရဏိယံ အပရာမဋ္ဌံ အနုပါဒါနိယံ အသံကိလေသိယန္တိ? အာမန္တာ။ မဟာဘူတာ အနာသဝါ…ပေ… အသံကိလေသိယာတိ? န ဟေဝံ ဝတ္တဗ္ဗေ…ပေ… မဟာဘူတာ သာသဝါ သံယောဇနိယာ…ပေ… သံကိလေသိယာတိ? အာမန္တာ။ အရိယရူပံ သာသဝံ သံယောဇနိယံ…ပေ… သံကိလေသိယန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၆၉၉။ န ဝတ္တဗ္ဗံ – ‘‘အရိယရူပံ မဟာဘူတာနံ ဥပါဒါယာ’’တိ? အာမန္တာ။ နနု ဝုတ္တံ ဘဂဝတာ – ‘‘ယံ ကိဉ္စိ, ဘိက္ခဝေ, ရူပံ စတ္တာရိ မဟာဘူတာနိ စတုန္နဉ္စ
(အဘိ၊က၊၃၆၂။)မဟာဘူတာနံ ဥပါဒါယရူပ’’န္တိ [မ။ နိ။ ၁။၃၄၇၊ အ။ နိ။ ၁၁။၁၅]! အတ္ထေဝ သုတ္တန္တောတိ? အာမန္တာ။ တေန ဟိ အရိယရူပံ မဟာဘူတာနံ ဥပါဒါယာတိ။
အရိယရူပကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၄၀) ၅။ အညော အနုသယောတိကထာ
֍ ဋ္ဌ ၇၀၀။ အညော ကာမရာဂါနုသယော အညံ ကာမရာဂပရိယုဋ္ဌာနန္တိ? အာမန္တာ။ အညော ကာမရာဂေါ အညံ ကာမရာဂပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သွေဝ ကာမရာဂေါ တံ ကာမရာဂပရိယုဋ္ဌာနန္တိ? အာမန္တာ။ သွေဝ ကာမရာဂါနုသယော တံ ကာမရာဂပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
အညော ပဋိဃာနုသယော အညံ ပဋိဃပရိယုဋ္ဌာနန္တိ? အာမန္တာ။ အညံ ပဋိဃံ အညံ ပဋိဃပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… တညေဝ ပဋိဃံ တံ ပဋိဃပရိယုဋ္ဌာနန္တိ? အာမန္တာ။ သွေဝ ပဋိဃာနုသယော တံ ပဋိဃပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
အညော မာနာနုသယော အညံ မာနပရိယုဋ္ဌာနန္တိ? အာမန္တာ။ အညော မာနော အညံ မာနပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သွေဝ မာနော တံ မာနပရိယုဋ္ဌာနန္တိ? အာမန္တာ။ သွေဝ မာနာနုသယော တံ မာနပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
အညော ဒိဋ္ဌာနုသယော အညံ ဒိဋ္ဌိပရိယုဋ္ဌာနန္တိ? အာမန္တာ။ အညာ ဒိဋ္ဌိ အညံ ဒိဋ္ဌိပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သာဝ ဒိဋ္ဌိ တံ ဒိဋ္ဌိပရိယုဋ္ဌာနန္တိ? အာမန္တာ။ သွေဝ ဒိဋ္ဌာနုသယော တံ ဒိဋ္ဌိပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
အညော ဝိစိကိစ္ဆာနုသယော အညံ ဝိစိကိစ္ဆာပရိယုဋ္ဌာနန္တိ? အာမန္တာ။ အညာ ဝိစိကိစ္ဆာ အညံ ဝိစိကိစ္ဆာပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သာဝ ဝိစိကိစ္ဆာ တံ ဝိစိကိစ္ဆာပရိယုဋ္ဌာနန္တိ? အာမန္တာ။ သွေဝ ဝိစိကိစ္ဆာနုသယော တံ ဝိစိကိစ္ဆာပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၆၃။)အညော ဘဝရာဂါနုသယော အညံ ဘဝရာဂပရိယုဋ္ဌာနန္တိ? အာမန္တာ။ အညော ဘဝရာဂေါ အညံ ဘဝရာဂပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သွေဝ ဘဝရာဂေါ တံ ဘဝရာဂပရိယုဋ္ဌာနန္တိ? အာမန္တာ။ သွေဝ ဘဝရာဂါနုသယော တံ ဘဝရာဂပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
အညော အဝိဇ္ဇာနုသယော အညံ အဝိဇ္ဇာပရိယုဋ္ဌာနန္တိ? အာမန္တာ။ အညာ အဝိဇ္ဇာ အညံ အဝိဇ္ဇာပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ… သာဝ အဝိဇ္ဇာ တံ အဝိဇ္ဇာပရိယုဋ္ဌာနန္တိ? အာမန္တာ။ သွေဝ အဝိဇ္ဇာနုသယော တံ အဝိဇ္ဇာပရိယုဋ္ဌာနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၀၁။ န ဝတ္တဗ္ဗံ – ‘‘အညော အနုသယော အညံ ပရိယုဋ္ဌာန’’န္တိ? အာမန္တာ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သာနုသယော’’တိ ဝတ္တဗ္ဗောတိ? အာမန္တာ။ ‘‘ပရိယုဋ္ဌိတော’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။ တေန ဟိ အညော အနုသယော အညံ ပရိယုဋ္ဌာနန္တိ။ ပုထုဇ္ဇနော ကုသလာဗျာကတေ စိတ္တေ ဝတ္တမာနေ ‘‘သရာဂေါ’’တိ ဝတ္တဗ္ဗောတိ? အာမန္တာ။ ‘‘ပရိယုဋ္ဌိတော’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။ တေန ဟိ အညော ရာဂေါ အညံ ပရိယုဋ္ဌာနန္တိ။
အညော အနုသယောတိကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၄၁) ၆။ ပရိယုဋ္ဌာနံ စိတ္တဝိပ္ပယုတ္တန္တိကထာ
֍ ဋ္ဌ ၇၀၂။ ပရိယုဋ္ဌာနံ စိတ္တဝိပ္ပယုတ္တန္တိ? အာမန္တာ။ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ… ပရိယုဋ္ဌာနံ စိတ္တဝိပ္ပယုတ္တန္တိ? အာမန္တာ။ နတ္ထိ သရာဂံ စိတ္တံ သဒေါသံ စိတ္တံ သမောဟံ စိတ္တံ…ပေ… အကုသလံ စိတ္တံ သံကိလိဋ္ဌံ စိတ္တန္တိ? န ဟေဝံ ဝတ္တဗ္ဗေ…ပေ… နနု အတ္ထိ သရာဂံ စိတ္တံ သဒေါသံ စိတ္တံ သမောဟံ စိတ္တံ…ပေ… အကုသလံ စိတ္တံ သံကိလိဋ္ဌံ စိတ္တန္တိ? အာမန္တာ။ ဟဉ္စိ အတ္ထိ သရာဂံ စိတ္တံ သဒေါသံ စိတ္တံ သမောဟံ စိတ္တံ…ပေ… အကုသလံ စိတ္တံ သံကိလိဋ္ဌံ စိတ္တံ, နော စ ဝတ ရေ ဝတ္တဗ္ဗေ – ‘‘ပရိယုဋ္ဌာနံ စိတ္တဝိပ္ပယုတ္တ’’န္တိ။
ပရိယုဋ္ဌာနံ စိတ္တဝိပ္ပယုတ္တန္တိကထာ နိဋ္ဌိတာ။
(အဘိ၊က၊၃၆၄။)၁၄။ စုဒ္ဒသမဝဂ္ဂ
(၁၄၂) ၇။ ပရိယာပန္နကထာ
֍ ဋ္ဌ ၇၀၃။ ရူပရာဂေါ ရူပဓာတုံ အနုသေတိ, ရူပဓာတုပရိယာပန္နောတိ? အာမန္တာ။ သမာပတ္တေသိယော ဥပပတ္တေသိယော ဒိဋ္ဌဓမ္မသုခဝိဟာရော, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော ဧကဝတ္ထုကော ဧကာရမ္မဏောတိ? န ဟေဝံ ဝတ္တဗ္ဗေ…ပေ… နနု န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန န ဥပပတ္တေသိယေန စိတ္တေန န ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော ဧကဝတ္ထုကော ဧကာရမ္မဏောတိ? အာမန္တာ။ ဟဉ္စိ န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော…ပေ… ဧကာရမ္မဏော, နော စ ဝတ ရေ ဝတ္တဗ္ဗေ – ‘‘ရူပရာဂေါ ရူပဓာတုံ အနုသေတိ, ရူပဓာတုပရိယာပန္နော’’တိ…ပေ…။
ရူပရာဂေါ ရူပဓာတုံ အနုသေတိ, ရူပဓာတုပရိယာပန္နောတိ? အာမန္တာ။ သဒ္ဒရာဂေါ သဒ္ဒဓာတုံ အနုသေတိ, သဒ္ဒဓာတုပရိယာပန္နောတိ? န ဟေဝံ ဝတ္တဗ္ဗေ…ပေ… ရူပရာဂေါ ရူပဓာတုံ အနုသေတိ, ရူပဓာတုပရိယာပန္နောတိ? အာမန္တာ။ ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုံ အနုသေတိ, ဖောဋ္ဌဗ္ဗဓာတုပရိယာပန္နောတိ? န ဟေဝံ ဝတ္တဗ္ဗေ…ပေ…။
သဒ္ဒရာဂေါ သဒ္ဒဓာတုံ အနုသေတိ, န ဝတ္တဗ္ဗံ – ‘‘သဒ္ဒဓာတုပရိယာပန္နော’’တိ? အာမန္တာ။ ရူပရာဂေါ ရူပဓာတုံ အနုသေတိ, န ဝတ္တဗ္ဗံ – ‘‘ရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ… ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုံ အနုသေတိ, န ဝတ္တဗ္ဗံ – ‘‘ဖောဋ္ဌဗ္ဗဓာတုပရိယာပန္နော’’တိ? အာမန္တာ။ ရူပရာဂေါ ရူပဓာတုံ အနုသေတိ, န ဝတ္တဗ္ဗံ – ‘‘ရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၀၄။ အရူပရာဂေါ အရူပဓာတုံ အနုသေတိ, အရူပဓာတုပရိယာပန္နောတိ? အာမန္တာ။ သမာပတ္တေသိယော ဥပပတ္တေသိယော ဒိဋ္ဌဓမ္မသုခဝိဟာရော, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော
(အဘိ၊က၊၃၆၅။)ဧကဝတ္ထုကော ဧကာရမ္မဏောတိ? န ဟေဝံ ဝတ္တဗ္ဗေ…ပေ…။ နနု န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန…ပေ… ဧကာရမ္မဏောတိ? အာမန္တာ။ ဟဉ္စိ န သမာပတ္တေသိယော န ဥပပတ္တေသိယော…ပေ… ဧကာရမ္မဏော, နော စ ဝတ ရေ ဝတ္တဗ္ဗေ – ‘‘အရူပရာဂေါ အရူပဓာတုံ အနုသေတိ, အရူပဓာတုပရိယာပန္နော’’တိ။
အရူပရာဂေါ အရူပဓာတုံ အနုသေတိ, အရူပဓာတုပရိယာပန္နောတိ? အာမန္တာ။ သဒ္ဒရာဂေါ သဒ္ဒဓာတုံ အနုသေတိ, သဒ္ဒဓာတုပရိယာပန္နောတိ? န ဟေဝံ ဝတ္တဗ္ဗေ…ပေ… အရူပရာဂေါ အရူပဓာတုံ အနုသေတိ, အရူပဓာတုပရိယာပန္နောတိ? အာမန္တာ။ ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုံ အနုသေတိ, ဖောဋ္ဌဗ္ဗဓာတုပရိယာပန္နောတိ? န ဟေဝံ ဝတ္တဗ္ဗေ…ပေ…။
သဒ္ဒရာဂေါ သဒ္ဒဓာတုံ အနုသေတိ, န ဝတ္တဗ္ဗံ – ‘‘သဒ္ဒဓာတုပရိယာပန္နော’’တိ? အာမန္တာ။ အရူပရာဂေါ အရူပဓာတုံ အနုသေတိ, န ဝတ္တဗ္ဗံ – ‘‘အရူပဓာတုပရိယာပန္နော’’တိ, န ဟေဝံ ဝတ္တဗ္ဗေ…ပေ… ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုံ အနုသေတိ, န ဝတ္တဗ္ဗံ – ‘‘ဖောဋ္ဌဗ္ဗဓာတုပရိယာပန္နော’’တိ? အာမန္တာ။ အရူပရာဂေါ အရူပဓာတုံ အနုသေတိ, န ဝတ္တဗ္ဗံ – ‘‘အရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၀၅။ န ဝတ္တဗ္ဗံ – ‘‘ရူပရာဂေါ ရူပဓာတုံ အနုသေတိ ရူပဓာတုပရိယာပန္နော, အရူပရာဂေါ အရူပဓာတုံ အနုသေတိ အရူပဓာတုပရိယာပန္နော’’တိ? အာမန္တာ။ နနု ကာမရာဂေါ ကာမဓာတုံ အနုသေတိ, ကာမဓာတုပရိယာပန္နောတိ? အာမန္တာ။ ဟဉ္စိ ကာမရာဂေါ ကာမဓာတုံ အနုသေတိ ကာမဓာတုပရိယာပန္နော, တေန ဝတ ရေ ဝတ္တဗ္ဗေ – ‘‘ရူပရာဂေါ ရူပဓာတုံ အနုသေတိ ရူပဓာတုပရိယာပန္နော, အရူပရာဂေါ အရူပဓာတုံ အနုသေတိ အရူပဓာတုပရိယာပန္နော’’တိ။
ပရိယာပန္နကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၄၃) ၈။ အဗျာကတကထာ
֍ ဋ္ဌ ၇၀၆။ ဒိဋ္ဌိဂတံ အဗျာကတန္တိ? အာမန္တာ။ ဝိပါကာဗျာကတံ ကိရိယာဗျာကတံ ရူပံ နိဗ္ဗာနံ စက္ခာယတနံ…ပေ… ဖောဋ္ဌဗ္ဗာယတနန္တိ? န ဟေဝံ ဝတ္တဗ္ဗေ…ပေ…
(အဘိ၊က၊၃၆၆။)ဒိဋ္ဌိဂတံ အဗျာကတန္တိ? အာမန္တာ။ ဒိဋ္ဌိဂတသမ္ပယုတ္တော ဖဿော အဗျာကတောတိ? န ဟေဝံ ဝတ္တဗ္ဗေ…ပေ… ဒိဋ္ဌိဂတံ အဗျာကတန္တိ? အာမန္တာ။ ဒိဋ္ဌိဂတသမ္ပယုတ္တာ ဝေဒနာ…ပေ… သညာ…ပေ… စေတနာ…ပေ… စိတ္တံ အဗျာကတန္တိ? န ဟေဝံ ဝတ္တဗ္ဗေ…ပေ…။
ဒိဋ္ဌိဂတသမ္ပယုတ္တော ဖဿော အကုသလောတိ? အာမန္တာ။ ဒိဋ္ဌိဂတံ အကုသလန္တိ? န ဟေဝံ ဝတ္တဗ္ဗေ…ပေ… ဒိဋ္ဌိဂတသမ္ပယုတ္တာ ဝေဒနာ သညာ စေတနာ စိတ္တံ အကုသလန္တိ? အာမန္တာ။ ဒိဋ္ဌိဂတံ အကုသလန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၀၇။ ဒိဋ္ဌိဂတံ အဗျာကတန္တိ? အာမန္တာ။ အဖလံ အဝိပါကန္တိ? န ဟေဝံ ဝတ္တဗ္ဗေ…ပေ… နနု သဖလံ သဝိပါကန္တိ? အာမန္တာ။ ဟဉ္စိ သဖလံ သဝိပါကံ, နော စ ဝတ ရေ ဝတ္တဗ္ဗေ – ‘‘ဒိဋ္ဌိဂတံ အဗျာကတ’’န္တိ။
ဒိဋ္ဌိဂတံ အဗျာကတန္တိ? အာမန္တာ။ နနု မိစ္ဆာဒိဋ္ဌိပရမာနိ ဝဇ္ဇာနိ [အင်္ဂုတ္တရနိကာယေ] ဝုတ္တာနိ ဘဂဝတာတိ? အာမန္တာ။ ဟဉ္စိ မိစ္ဆာဒိဋ္ဌိပရမာနိ ဝဇ္ဇာနိ ဝုတ္တာနိ ဘဂဝတာ, နော စ ဝတ ရေ ဝတ္တဗ္ဗေ – ‘‘ဒိဋ္ဌိဂတံ အဗျာကတ’’န္တိ။
ဒိဋ္ဌိဂတံ အဗျာကတန္တိ? အာမန္တာ။ နနု ဝုတ္တံ ဘဂဝတာ – ‘‘မိစ္ဆာဒိဋ္ဌိ ခေါ, ဝစ္ဆ, အကုသလာ [အကုသလံ (မ။ နိ။ ၂။၁၉၄)], သမ္မာဒိဋ္ဌိ ကုသလာ’’ [ကုသလံ (မ။ နိ။ ၂။၁၀၄)] တိ [မ။ နိ။ ၂။၁၉၄]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒိဋ္ဌိဂတံ အဗျာကတ’’န္တိ။
ဒိဋ္ဌိဂတံ အဗျာကတန္တိ? အာမန္တာ။ နနု ဝုတ္တံ ဘဂဝတာ – ‘‘မိစ္ဆာဒိဋ္ဌိဿ ခေါ အဟံ, ပုဏ္ဏ, ဒွိန္နံ ဂတီနံ အညတရံ ဂတိံ ဝဒါမိ – နိရယံ ဝါ တိရစ္ဆာနယောနိံ ဝါ’’တိ [မ။ နိ။ ၂။၇၉]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒိဋ္ဌိဂတံ အဗျာကတ’’န္တိ။
֍ ဋ္ဌ ၇၀၈။ န ဝတ္တဗ္ဗံ – ‘‘ဒိဋ္ဌိဂတံ အဗျာကတ’’န္တိ? အာမန္တာ။ နနု ဝုတ္တံ ဘဂဝတာ – ‘‘‘သဿတော လောကော’တိ ခေါ, ဝစ္ဆ, အဗျာကတမေတံ, ‘အသဿတော လောကော’တိ ခေါ, ဝစ္ဆ, အဗျာကတမေတံ, ‘အန္တဝါ လောကော’တိ ခေါ, ဝစ္ဆ, အဗျာကတမေတံ, ‘အနန္တဝါ လောကော’တိ ခေါ, ဝစ္ဆ…ပေ… ‘တံ ဇီဝံ တံ သရီရ’န္တိ ခေါ, ဝစ္ဆ…ပေ… ‘အညံ ဇီဝံ အညံ သရီရ’န္တိ
(အဘိ၊က၊၃၆၇။)ခေါ, ဝစ္ဆ…ပေ… ‘ဟောတိ တထာဂတော ပရံ မရဏာ’တိ ခေါ, ဝစ္ဆ…ပေ… ‘န ဟောတိ တထာဂတော ပရံ မရဏာ’တိ ခေါ, ဝစ္ဆ…ပေ… ‘ဟောတိ စ န စ ဟောတိ တထာဂတော ပရံ မရဏာ’တိ ခေါ, ဝစ္ဆ…ပေ… ‘နေဝ ဟောတိ န န ဟောတိ တထာဂတော ပရံ မရဏာ’တိ ခေါ, ဝစ္ဆ, အဗျာကတမေတ’’န္တိ [သံ။ နိ။ ၄။၄၁၆, ထောကံ ပန ဝိသဒိသံ]! အတ္ထေဝ သုတ္တန္တောတိ? အာမန္တာ။ တေန ဟိ ဒိဋ္ဌိဂတံ အဗျာကတန္တိ။
ဒိဋ္ဌိဂတံ အဗျာကတန္တိ? အာမန္တာ။ နနု ဝုတ္တံ ဘဂဝတာ – ‘‘မိစ္ဆာဒိဋ္ဌိကဿ, ဘိက္ခဝေ, ပုရိသပုဂ္ဂလဿ ယဉ္စေဝ ကာယကမ္မံ ယထာဒိဋ္ဌိသမတ္တံ သမာဒိန္နံ, ယဉ္စ ဝစီကမ္မံ…ပေ… ယဉ္စ မနောကမ္မံ, ယာ စ စေတနာ, ယာ စ ပတ္ထနာ, ယော စ ပဏိဓိ, ယေ စ သင်္ခါရာ, သဗ္ဗေ တေ ဓမ္မာ အနိဋ္ဌာယ အကန္တာယ အမနာပါယ အဟိတာယ ဒုက္ခာယ သံဝတ္တန္တီ’’တိ [အ။ နိ။ ၁။၃၀၆]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒိဋ္ဌိဂတံ အဗျာကတ’’န္တိ။
အဗျာကတကထာ နိဋ္ဌိတာ။
၁၄။ စုဒ္ဒသမဝဂ္ဂ
(၁၄၄) ၉။ အပရိယာပန္နကထာ
֍ ဋ္ဌ ၇၀၉။ ဒိဋ္ဌိဂတံ အပရိယာပန္နန္တိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ, သကဒါဂါမိမဂ္ဂေါ သကဒါဂါမိဖလံ, အနာဂါမိမဂ္ဂေါ အနာဂါမိဖလံ, အရဟတ္တမဂ္ဂေါ အရဟတ္တဖလံ, သတိပဋ္ဌာနံ သမ္မပ္ပဓာနံ ဣဒ္ဓိပါဒေါ ဣန္ဒြိယံ ဗလံ ဗောဇ္ဈင်္ဂေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၁၀။ န ဝတ္တဗ္ဗံ – ‘‘ဒိဋ္ဌိဂတံ အပရိယာပန္န’’န္တိ? အာမန္တာ။ ပုထုဇ္ဇနော ‘‘ကာမေသု ဝီတရာဂေါ’’တိ ဝတ္တဗ္ဗောတိ? အာမန္တာ။ ‘‘ဝိဂတဒိဋ္ဌိယော’’တိ ဝတ္တဗ္ဗောတိ? န ဟေဝံ ဝတ္တဗ္ဗေ။ တေန ဟိ ဒိဋ္ဌိဂတံ အပရိယာပန္နန္တိ။
အပရိယာပန္နကထာ နိဋ္ဌိတာ။
စုဒ္ဒသမဝဂ္ဂေါ။
(အဘိ၊က၊၃၆၈။)တဿုဒ္ဒါနံ –
အကုသလမူလံ ပဋိသန္ဒဟတိ ကုသလမူလံ, ကုသလမူလံ ပဋိသန္ဒဟတိ အကုသလမူလံ, သဠာယတနံ ဆဝိညာဏကာယာ, အရိယရူပံ မဟာဘူတာနံ ဥပါဒါယ, သွေဝ အနုသယော တံ ပရိယုဋ္ဌာနံ, ပရိယုဋ္ဌာနံ စိတ္တဝိပ္ပယုတ္တံ, ယထာဓာတု တညေဝ အနုသေတိ, ဒိဋ္ဌိဂတံ အဗျာကတံ, ဒိဋ္ဌိဂတံ အပရိယာပန္နန္တိ။
၁၅။ ပန္နရသမဝဂ္ဂ
(၁၄၅) ၁။ ပစ္စယတာကထာ
֍ ဋ္ဌ ၇၁၁။ ပစ္စယတာ ဝဝတ္ထိတာတိ? အာမန္တာ။ နနု ဝီမံသာ ဟေတု, သော စ အဓိပတီတိ? အာမန္တာ။ ဟဉ္စိ ဝီမံသာ ဟေတု, သော စ အဓိပတိ, တေန ဝတ ရေ ဝတ္တဗ္ဗေ – ‘‘ဟေတုပစ္စယေန ပစ္စယော, အဓိပတိပစ္စယေန ပစ္စယော’’တိ။
နနု ဆန္ဒာဓိပတိ သဟဇာတာနံ ဓမ္မာနံ အဓိပတီတိ? အာမန္တာ။ ဟဉ္စိ ဆန္ဒာဓိပတိ သဟဇာတာနံ ဓမ္မာနံ အဓိပတိ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, သဟဇာတပစ္စယေန ပစ္စယော’’တိ။
֍ ဋ္ဌ ၇၁၂။ နနု ဝီရိယာဓိပတိ သဟဇာတာနံ ဓမ္မာနံ အဓိပတီတိ? အာမန္တာ။ ဟဉ္စိ ဝီရိယာဓိပတိ သဟဇာတာနံ ဓမ္မာနံ အဓိပတိ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, သဟဇာတပစ္စယေန ပစ္စယော’’တိ။
နနု ဝီရိယာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယန္တိ? အာမန္တာ။ ဟဉ္စိ ဝီရိယာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, ဣန္ဒြိယပစ္စယေန ပစ္စယော’’တိ။
နနု ဝီရိယာဓိပတိ သဟဇာတာနံ ဓမ္မာနံ အဓိပတိ, တဉ္စ မဂ္ဂင်္ဂန္တိ? အာမန္တာ။ ဟဉ္စိ ဝီရိယာဓိပတိ သဟဇာတာနံ ဓမ္မာနံ အဓိပတိ, တဉ္စ မဂ္ဂင်္ဂံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, မဂ္ဂပစ္စယေန ပစ္စယော’’တိ။
(အဘိ၊က၊၃၆၉။)֍ ဋ္ဌ ၇၁၃။ နနု စိတ္တာဓိပတိ သဟဇာတာနံ ဓမ္မာနံ အဓိပတီတိ? အာမန္တာ။ ဟဉ္စိ စိတ္တာဓိပတိ သဟဇာတာနံ ဓမ္မာနံ အဓိပတိ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, သဟဇာတပစ္စယေန ပစ္စယော’’တိ။
နနု စိတ္တာဓိပတိ သဟဇာတာနံ ဓမ္မာနံ အဓိပတိ, သော စ အာဟာရောတိ? အာမန္တာ။ ဟဉ္စိ စိတ္တာဓိပတိ သဟဇာတာနံ ဓမ္မာနံ အဓိပတိ, သော စ အာဟာရော, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, အာဟာရပစ္စယေန ပစ္စယော’’တိ။
နနု စိတ္တာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယန္တိ? အာမန္တာ။ ဟဉ္စိ စိတ္တာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, ဣန္ဒြိယပစ္စယေန ပစ္စယော’’တိ။
֍ ဋ္ဌ ၇၁၄။ နနု ဝီမံသာဓိပတိ သဟဇာတာနံ ဓမ္မာနံ အဓိပတီတိ? အာမန္တာ။ ဟဉ္စိ ဝီမံသာဓိပတိ သဟဇာတာနံ ဓမ္မာနံ အဓိပတိ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, သဟဇာတပစ္စယေန ပစ္စယော’’တိ။
နနု ဝီမံသာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယန္တိ? အာမန္တာ။ ဟဉ္စိ ဝီမံသာဓိပတိ သဟဇာတာနံ ဓမ္မာနံ အဓိပတိ, တဉ္စ ဣန္ဒြိယံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, ဣန္ဒြိယပစ္စယေန ပစ္စယော’’တိ။
နနု ဝီမံသာဓိပတိ သဟဇာတာနံ ဓမ္မာနံ အဓိပတိ, တဉ္စ မဂ္ဂင်္ဂန္တိ? အာမန္တာ။ ဟဉ္စိ ဝီမံသာဓိပတိ သဟဇာတာနံ ဓမ္မာနံ အဓိပတိ, တဉ္စ မဂ္ဂင်္ဂံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, မဂ္ဂပစ္စယေန ပစ္စယော’’တိ။
֍ ဋ္ဌ ၇၁၅။ နနု အရိယံ ဓမ္မံ ဂရုံ ကတွာ ဥပ္ပဇ္ဇတိ ပစ္စဝေက္ခဏာ, တဉ္စာရမ္မဏန္တိ? အာမန္တာ။ ဟဉ္စိ အရိယံ ဓမ္မံ ဂရုံ ကတွာ ဥပ္ပဇ္ဇတိ ပစ္စဝေက္ခဏာ, တဉ္စာရမ္မဏံ, တေန ဝတ ရေ ဝတ္တဗ္ဗေ – ‘‘အဓိပတိပစ္စယေန ပစ္စယော, အာရမ္မဏပစ္စယေန ပစ္စယော’’တိ။
֍ ဋ္ဌ ၇၁၆။ နနု ပုရိမာ ပုရိမာ ကုသလာ ဓမ္မာ ပစ္ဆိမာနံ ပစ္ဆိမာနံ ကုသလာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာတိ? အာမန္တာ။ ဟဉ္စိ
(အဘိ၊က၊၃၇၀။)ပုရိမာ ပုရိမာ ကုသလာ ဓမ္မာ ပစ္ဆိမာနံ ပစ္ဆိမာနံ ကုသလာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာ, တေန ဝတ ရေ ဝတ္တဗ္ဗေ – ‘‘အနန္တရပစ္စယေန ပစ္စယော, အာသေဝနပစ္စယေန ပစ္စယော’’တိ။
နနု ပုရိမာ ပုရိမာ အကုသလာ ဓမ္မာ ပစ္ဆိမာနံ ပစ္ဆိမာနံ အကုသလာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာတိ? အာမန္တာ။ ဟဉ္စိ ပုရိမာ ပုရိမာ အကုသလာ ဓမ္မာ ပစ္ဆိမာနံ ပစ္ဆိမာနံ အကုသလာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာ, တေန ဝတ ရေ ဝတ္တဗ္ဗေ – ‘‘အနန္တရပစ္စယေန ပစ္စယော, အာသေဝနပစ္စယေန ပစ္စယော’’တိ။
နနု ပုရိမာ ပုရိမာ ကိရိယာဗျာကတာ ဓမ္မာ ပစ္ဆိမာနံ ပစ္ဆိမာနံ ကိရိယာဗျာကတာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာတိ? အာမန္တာ။ ဟဉ္စိ ပုရိမာ ပုရိမာ ကိရိယာဗျာကတာ ဓမ္မာ ပစ္ဆိမာနံ ပစ္ဆိမာနံ ကိရိယာဗျာကတာနံ ဓမ္မာနံ အနန္တရပစ္စယေန ပစ္စယော, သာ စ အာသေဝနာ, တေန ဝတ ရေ ဝတ္တဗ္ဗေ – ‘‘အနန္တရပစ္စယေန ပစ္စယော, အာသေဝနပစ္စယေန ပစ္စယော’’တိ။
֍ ဋ္ဌ ၇၁၇။ န ဝတ္တဗ္ဗံ – ‘‘ပစ္စယတာ ဝဝတ္ထိတာ’’တိ? အာမန္တာ။ ဟေတုပစ္စယေန ပစ္စယော ဟောတိ, အာရမ္မဏပစ္စယေန ပစ္စယော ဟောတိ, အနန္တရပစ္စယေန ပစ္စယော ဟောတိ, သမနန္တရပစ္စယေန ပစ္စယော ဟောတီတိ? န ဟေဝံ ဝတ္တဗ္ဗေ။ တေန ဟိ ပစ္စယတာ ဝဝတ္ထိတာတိ။
ပစ္စယတာကထာ နိဋ္ဌိတာ။
၁၅။ ပန္နရသမဝဂ္ဂ
(၁၄၆) ၂။ အညမညပစ္စယကထာ
֍ ဋ္ဌ ၇၁၈။ အဝိဇ္ဇာပစ္စယာဝ သင်္ခါရာ, န ဝတ္တဗ္ဗံ – ‘‘သင်္ခါရပစ္စယာပိ အဝိဇ္ဇာ’’တိ? အာမန္တာ။ နနု အဝိဇ္ဇာ သင်္ခါရေန သဟဇာတာတိ? အာမန္တာ။ ဟဉ္စိ အဝိဇ္ဇာ သင်္ခါရေန သဟဇာတာ, တေန ဝတ ရေ ဝတ္တဗ္ဗေ – ‘‘အဝိဇ္ဇာပစ္စယာပိ သင်္ခါရာ, သင်္ခါရပစ္စယာပိ အဝိဇ္ဇာ’’တိ။
တဏှာပစ္စယာဝ ဥပါဒါနံ, န ဝတ္တဗ္ဗံ – ‘‘ဥပါဒါနပစ္စယာပိ တဏှာ’’တိ? အာမန္တာ။ နနု တဏှာ ဥပါဒါနေန သဟဇာတာတိ? အာမန္တာ။ ဟဉ္စိ တဏှာ
(အဘိ၊က၊၃၇၁။)ဥပါဒါနေန သဟဇာတာ, တေန ဝတ ရေ ဝတ္တဗ္ဗေ – ‘‘တဏှာပစ္စယာပိ ဥပါဒါနံ, ဥပါဒါနပစ္စယာပိ တဏှာ’’တိ။
֍ ဋ္ဌ ၇၁၉။ ‘‘ဇရာမရဏပစ္စယာ, ဘိက္ခဝေ, ဇာတိ, ဇာတိပစ္စယာ ဘဝေါ’’တိ – အတ္ထေဝ သုတ္တန္တောတိ? နတ္ထိ။ တေန ဟိ အဝိဇ္ဇာပစ္စယာဝ သင်္ခါရာ, န ဝတ္တဗ္ဗံ – ‘‘သင်္ခါရပစ္စယာပိ အဝိဇ္ဇာ’’တိ။ တဏှာပစ္စယာဝ ဥပါဒါနံ, န ဝတ္တဗ္ဗံ – ‘‘ဥပါဒါနပစ္စယာပိ တဏှာ’’တိ။
‘‘ဝိညာဏပစ္စယာ, ဘိက္ခဝေ, နာမရူပံ, နာမရူပပစ္စယာပိ ဝိညာဏ’’န္တိ [ဒီ။ နိ။ ၂။၅၈, ထောကံ ပန ဝိသဒိသံ] – အတ္ထေဝ သုတ္တန္တောတိ? အာမန္တာ။ တေန ဟိ အဝိဇ္ဇာပစ္စယာပိ သင်္ခါရာ, သင်္ခါရပစ္စယာပိ အဝိဇ္ဇာ၊ တဏှာပစ္စယာပိ ဥပါဒါနံ, ဥပါဒါနပစ္စယာပိ တဏှာတိ။
အညမညပစ္စယကထာ နိဋ္ဌိတာ။
၁၅။ ပန္နရသမဝဂ္ဂ
(၁၄၇) ၃။ အဒ္ဓါကထာ
֍ ဋ္ဌ ၇၂၀။ အဒ္ဓါ ပရိနိပ္ဖန္နောတိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏန္တိ? န ဟေဝံ ဝတ္တဗ္ဗေ…ပေ… အတီတော အဒ္ဓါ ပရိနိပ္ဖန္နောတိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏန္တိ? န ဟေဝံ ဝတ္တဗ္ဗေ…ပေ… အနာဂတော အဒ္ဓါ ပရိနိပ္ဖန္နောတိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏန္တိ? န ဟေဝံ ဝတ္တဗ္ဗေ…ပေ… ပစ္စုပ္ပန္နော အဒ္ဓါ ပရိနိပ္ဖန္နောတိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏန္တိ? န ဟေဝံ ဝတ္တဗ္ဗေ…ပေ…။
အတီတံ ရူပံ ဝေဒနာ သညာ သင်္ခါရာ ဝိညာဏံ အတီတော အဒ္ဓါတိ? အာမန္တာ။ အတီတာ ပဉ္စဒ္ဓါတိ? န ဟေဝံ ဝတ္တဗ္ဗေ…ပေ… အနာဂတံ ရူပံ ဝေဒနာ သညာ သင်္ခါရာ ဝိညာဏံ အနာဂတော အဒ္ဓါတိ? အာမန္တာ။ အနာဂတာ ပဉ္စဒ္ဓါတိ? န ဟေဝံ ဝတ္တဗ္ဗေ…ပေ… ပစ္စုပ္ပန္နံ ရူပံ ဝေဒနာ သညာ သင်္ခါရာ ဝိညာဏံ ပစ္စုပ္ပန္နော အဒ္ဓါတိ? အာမန္တာ။ ပစ္စုပ္ပန္နာ ပဉ္စဒ္ဓါတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၇၂။)အတီတာ ပဉ္စက္ခန္ဓာ အတီတော အဒ္ဓါ, အနာဂတာ ပဉ္စက္ခန္ဓာ အနာဂတော အဒ္ဓါ, ပစ္စုပ္ပန္နာ ပဉ္စက္ခန္ဓာ ပစ္စုပ္ပန္နော အဒ္ဓါတိ? အာမန္တာ။ ပန္နရသဒ္ဓါတိ? န ဟေဝံ ဝတ္တဗ္ဗေ…ပေ…။
အတီတာနိ ဒွါဒသာယတနာနိ အတီတော အဒ္ဓါ, အနာဂတာနိ ဒွါဒသာယတနာနိ အနာဂတော အဒ္ဓါ, ပစ္စုပ္ပန္နာနိ ဒွါဒသာယတနာနိ ပစ္စုပ္ပန္နော အဒ္ဓါတိ? အာမန္တာ။ ဆတ္တိံသ အဒ္ဓါတိ? န ဟေဝံ ဝတ္တဗ္ဗေ…ပေ…။
အတီတာ အဋ္ဌာရသ ဓာတုယော အတီတော အဒ္ဓါ, အနာဂတာ အဋ္ဌာရသ ဓာတုယော အနာဂတော အဒ္ဓါ, ပစ္စုပ္ပန္နာ အဋ္ဌာရသ ဓာတုယော ပစ္စုပ္ပန္နော အဒ္ဓါတိ? အာမန္တာ။ စတုပညာသ အဒ္ဓါတိ? န ဟေဝံ ဝတ္တဗ္ဗေ…ပေ…။
အတီတာနိ ဗာဝီသတိန္ဒြိယာနိ အတီတော အဒ္ဓါ, အနာဂတာနိ ဗာဝီသတိန္ဒြိယာနိ အနာဂတော အဒ္ဓါ, ပစ္စုပ္ပန္နာနိ ဗာဝီသတိန္ဒြိယာနိ ပစ္စုပ္ပန္နော အဒ္ဓါတိ? အာမန္တာ။ ဆသဋ္ဌိ အဒ္ဓါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၂၁။ န ဝတ္တဗ္ဗံ – ‘‘အဒ္ဓါ ပရိနိပ္ဖန္နောတိ? အာမန္တာ။ နနု ဝုတ္တံ ဘဂဝတာ – ‘‘တီဏိမာနိ, ဘိက္ခဝေ, ကထာဝတ္ထူနိ! ကတမာနိ တီဏိ? အတီတံ ဝါ, ဘိက္ခဝေ, အဒ္ဓါနံ အာရဗ္ဘ ကထံ ကထေယျ – ‘ဧဝံ အဟောသိ အတီတမဒ္ဓါန’န္တိ၊ အနာဂတံ ဝါ, ဘိက္ခဝေ, အဒ္ဓါနံ အာရဗ္ဘ ကထံ ကထေယျ – ‘ဧဝံ ဘဝိဿတိ အနာဂတမဒ္ဓါန’န္တိ၊ ဧတရဟိ ဝါ, ဘိက္ခဝေ, ပစ္စုပ္ပန္နံ အဒ္ဓါနံ အာရဗ္ဘ ကထံ ကထေယျ – ‘ဧဝံ ဟောတိ ဧတရဟိ ပစ္စုပ္ပန္န’န္တိ။ ဣမာနိ ခေါ, ဘိက္ခဝေ, တီဏိ ကထာဝတ္ထူနီ’’တိ [အ။ နိ။ ၃။၆၈၊ ဒီ။ နိ။ ၃။၃၀၅]။ အတ္ထေဝ သုတ္တန္တောတိ? အာမန္တာ။ တေန ဟိ အဒ္ဓါ ပရိနိပ္ဖန္နောတိ။
အဒ္ဓါကထာ နိဋ္ဌိတာ။
၁၅။ ပန္နရသမဝဂ္ဂ
(၁၄၈) ၄။ ခဏလယမုဟုတ္တကထာ
֍ ဋ္ဌ ၇၂၂။ ခဏော ပရိနိပ္ဖန္နော, လယော ပရိနိပ္ဖန္နော, မုဟုတ္တံ ပရိနိပ္ဖန္နန္တိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ… သညာ… သင်္ခါရာ… ဝိညာဏန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၇၃။)֍ ဋ္ဌ ၇၂၃။ န ဝတ္တဗ္ဗံ – ‘‘မုဟုတ္တံ ပရိနိပ္ဖန္နန္တိ? အာမန္တာ။ နနု ဝုတ္တံ ဘဂဝတာ – ‘‘တီဏိမာနိ, ဘိက္ခဝေ, ကထာဝတ္ထူနိ! ကတမာနိ တီဏိ? အတီတံ ဝါ, ဘိက္ခဝေ, အဒ္ဓါနံ အာရဗ္ဘ ကထံ ကထေယျ – ‘ဧဝံ အဟောသိ အတီတမဒ္ဓါန’န္တိ၊ အနာဂတံ ဝါ, ဘိက္ခဝေ, အဒ္ဓါနံ အာရဗ္ဘ ကထံ ကထေယျ – ‘ဧဝံ ဘဝိဿတိ အနာဂတမဒ္ဓါန’န္တိ၊ ဧတရဟိ ဝါ, ဘိက္ခဝေ, ပစ္စုပ္ပန္နံ အဒ္ဓါနံ အာရဗ္ဘ ကထံ ကထေယျ – ‘ဧဝံ ဟောတိ ဧတရဟိ ပစ္စုပ္ပန္န’န္တိ။ ဣမာနိ ခေါ, ဘိက္ခဝေ, တီဏိ ကထာဝတ္ထူနီ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ မုဟုတ္တံ ပရိနိပ္ဖန္နန္တိ။
ခဏလယမုဟုတ္တကထာ နိဋ္ဌိတာ။
၁၅။ ပန္နရသမဝဂ္ဂ
(၁၄၉) ၅။ အာသဝကထာ
֍ ဋ္ဌ ၇၂၄။ စတ္တာရော အာသဝါ အနာသဝါတိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ…ပေ… ဗောဇ္ဈင်္ဂေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၂၅။ န ဝတ္တဗ္ဗံ – ‘‘စတ္တာရော အာသဝါ အနာသဝါတိ? အာမန္တာ။ အတ္ထညေဝ အာသဝါ ယေဟိ အာသဝေဟိ တေ အာသဝါ သာသဝါ ဟောန္တီတိ? န ဟေဝံ ဝတ္တဗ္ဗေ။ တေန ဟိ စတ္တာရော အာသဝါ အနာသဝါတိ။
အာသဝကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၀) ၆။ ဇရာမရဏကထာ
֍ ဋ္ဌ ၇၂၆။ လောကုတ္တရာနံ ဓမ္မာနံ ဇရာမရဏံ လောကုတ္တရန္တိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ…ပေ… ဗောဇ္ဈင်္ဂေါတိ? န ဟေဝံ ဝတ္တဗ္ဗေ…ပေ… သောတာပတ္တိမဂ္ဂဿ ဇရာမရဏံ သောတာပတ္တိမဂ္ဂေါတိ? န ဟေဝံ ဝတ္တဗ္ဗေ…ပေ… သောတာပတ္တိမဂ္ဂဿ ဇရာမရဏံ သောတာပတ္တိမဂ္ဂေါတိ? အာမန္တာ။ သောတာပတ္တိဖလဿ ဇရာမရဏံ သောတာပတ္တိဖလန္တိ? န ဟေဝံ
(အဘိ၊က၊၃၇၄။)ဝတ္တဗ္ဗေ…ပေ… သကဒါဂါမိမဂ္ဂဿ…ပေ… သကဒါဂါမိဖလဿ…ပေ… အနာဂါမိမဂ္ဂဿ…ပေ… အနာဂါမိဖလဿ…ပေ… အရဟတ္တမဂ္ဂဿ ဇရာမရဏံ အရဟတ္တမဂ္ဂေါတိ? န ဟေဝံ ဝတ္တဗ္ဗေ…ပေ… အရဟတ္တမဂ္ဂဿ ဇရာမရဏံ အရဟတ္တမဂ္ဂေါတိ? အာမန္တာ။ အရဟတ္တဖလဿ ဇရာမရဏံ အရဟတ္တဖလန္တိ? န ဟေဝံ ဝတ္တဗ္ဗေ…ပေ… သတိပဋ္ဌာနာနံ… သမ္မပ္ပဓာနာနံ… ဣဒ္ဓိပါဒါနံ… ဣန္ဒြိယာနံ… ဗလာနံ… ဗောဇ္ဈင်္ဂါနံ ဇရာမရဏံ ဗောဇ္ဈင်္ဂေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၂၇။ န ဝတ္တဗ္ဗံ – ‘‘လောကုတ္တရာနံ ဓမ္မာနံ ဇရာမရဏံ လောကုတ္တရန္တိ? အာမန္တာ။ လောကိယန္တိ? န ဟေဝံ ဝတ္တဗ္ဗေ။ တေန ဟိ လောကုတ္တရန္တိ။
ဇရာမရဏကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၁) ၇။ သညာဝေဒယိတကထာ
֍ ဋ္ဌ ၇၂၈။ သညာဝေဒယိတနိရောဓသမာပတ္တိ လောကုတ္တရာတိ? အာမန္တာ။ မဂ္ဂေါ ဖလံ နိဗ္ဗာနံ, သောတာပတ္တိမဂ္ဂေါ သောတာပတ္တိဖလံ…ပေ… ဗောဇ္ဈင်္ဂေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၂၉။ န ဝတ္တဗ္ဗံ – ‘‘သညာဝေဒယိတနိရောဓသမာပတ္တိ လောကုတ္တရာတိ? အာမန္တာ။ လောကိယာတိ? န ဟေဝံ ဝတ္တဗ္ဗေ။ တေန ဟိ လောကုတ္တရာတိ။
သညာဝေဒယိတကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၂) ၈။ ဒုတိယသညာဝေဒယိတကထာ
֍ ဋ္ဌ ၇၃၀။ သညာဝေဒယိတနိရောဓသမာပတ္တိ လောကိယာတိ? အာမန္တာ။ ရူပန္တိ? န ဟေဝံ ဝတ္တဗ္ဗေ…ပေ… ဝေဒနာ… သညာ… သင်္ခါရာ… ဝိညာဏန္တိ? န ဟေဝံ ဝတ္တဗ္ဗေ…ပေ… ကာမာဝစရာတိ? န ဟေဝံ ဝတ္တဗ္ဗေ…ပေ… ရူပါဝစရာတိ? န ဟေဝံ ဝတ္တဗ္ဗေ…ပေ… အရူပါဝစရာတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၇၅။)֍ ဋ္ဌ ၇၃၁။ န ဝတ္တဗ္ဗံ – ‘‘သညာဝေဒယိတနိရောဓသမာပတ္တိ လောကိယာတိ? အာမန္တာ။ လောကုတ္တရာတိ? န ဟေဝံ ဝတ္တဗ္ဗေ။ တေန ဟိ လောကိယာတိ။
ဒုတိယသညာဝေဒယိတကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၃) ၉။ တတိယသညာဝေဒယိတကထာ
֍ ဋ္ဌ ၇၃၂။ သညာဝေဒယိတနိရောဓံ သမာပန္နော ကာလံ ကရေယျာတိ? အာမန္တာ။ အတ္ထိ သညာဝေဒယိတနိရောဓံ သမာပန္နဿ မာရဏန္တိယော ဖဿော, မာရဏန္တိယာ ဝေဒနာ, မာရဏန္တိယာ သညာ, မာရဏန္တိယာ စေတနာ, မာရဏန္တိယံ စိတ္တန္တိ? န ဟေဝံ ဝတ္တဗ္ဗေ…ပေ… နတ္ထိ သညာဝေဒယိတနိရောဓံ သမာပန္နဿ မာရဏန္တိယော ဖဿော, မာရဏန္တိယာ ဝေဒနာ, မာရဏန္တိယာ သညာ, မာရဏန္တိယာ စေတနာ, မာရဏန္တိယံ စိတ္တန္တိ? အာမန္တာ။ ဟဉ္စိ နတ္ထိ သညာဝေဒယိတနိရောဓံ သမာပန္နဿ မာရဏန္တိယော ဖဿော, မာရဏန္တိယာ ဝေဒနာ, မာရဏန္တိယာ သညာ, မာရဏန္တိယာ စေတနာ, မာရဏန္တိယံ စိတ္တံ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓံ သမာပန္နော ကာလံ ကရေယျာ’’တိ။
သညာဝေဒယိတနိရောဓံ သမာပန္နော ကာလံ ကရေယျာတိ? အာမန္တာ။ အတ္ထိ သညာဝေဒယိတနိရောဓံ သမာပန္နဿ ဖဿော ဝေဒနာ သညာ စေတနာ စိတ္တန္တိ? န ဟေဝံ ဝတ္တဗ္ဗေ…ပေ… နတ္ထိ သညာဝေဒယိတနိရောဓံ သမာပန္နဿ ဖဿော ဝေဒနာ သညာ စေတနာ စိတ္တန္တိ? အာမန္တာ။ အဖဿကဿ ကာလံ ကိရိယာ, အဝေဒနကဿ ကာလံ ကိရိယာ…ပေ… အစိတ္တကဿ ကာလံ ကိရိယာတိ? န ဟေဝံ ဝတ္တဗ္ဗေ…ပေ… နနု သဖဿကဿ ကာလံ ကိရိယာ…ပေ… သစိတ္တကဿ ကာလံ ကိရိယာတိ? အာမန္တာ။ ဟဉ္စိ သဖဿကဿ ကာလံ ကိရိယာ…ပေ… သစိတ္တကဿ ကာလံ ကိရိယာ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓံ သမာပန္နော ကာလံ ကရေယျာ’’တိ။
သညာဝေဒယိတနိရောဓံ သမာပန္နော ကာလံ ကရေယျာတိ? အာမန္တာ။ သညာဝေဒယိတနိရောဓံ သမာပန္နဿ ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? န ဟေဝံ ဝတ္တဗ္ဗေ…ပေ… သညာဝေဒယိတနိရောဓံ သမာပန္နဿ ကာယေ ဝိသံ န ကမေယျ, သတ္ထံ န ကမေယျ, အဂ္ဂိ န ကမေယျာတိ? အာမန္တာ။
(အဘိ၊က၊၃၇၆။)ဟဉ္စိ သညာဝေဒယိတနိရောဓံ သမာပန္နဿ ကာယေ ဝိသံ န ကမေယျ, သတ္ထံ န ကမေယျ, အဂ္ဂိ န ကမေယျ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓံ သမာပန္နော ကာလံ ကရေယျာ’’တိ။
သညာဝေဒယိတနိရောဓံ သမာပန္နော ကာလံ ကရေယျာတိ? အာမန္တာ။ သညာဝေဒယိတနိရောဓံ သမာပန္နဿ ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? အာမန္တာ။ န နိရောဓံ သမာပန္နောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၃၃။ သညာဝေဒယိတနိရောဓံ သမာပန္နော န ကာလံ ကရေယျာတိ? အာမန္တာ။ အတ္ထိ သော နိယာမော ယေန နိယာမေန နိယတော သညာဝေဒယိတနိရောဓံ သမာပန္နော န ကာလံ ကရေယျာတိ? နတ္ထိ။ ဟဉ္စိ နတ္ထိ သော နိယာမော ယေန နိယာမေန နိယတော သညာဝေဒယိတနိရောဓံ သမာပန္နော န ကာလံ ကရေယျ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓံ သမာပန္နော န ကာလံ ကရေယျာတိ။
֍ ဋ္ဌ ၇၃၄။ စက္ခုဝိညာဏသမင်္ဂီ န ကာလံ ကရေယျာတိ? အာမန္တာ။ အတ္ထိ သော နိယာမော ယေန နိယာမေန နိယတော စက္ခုဝိညာဏသမင်္ဂီ န ကာလံ ကရေယျာတိ? နတ္ထိ။ ဟဉ္စိ နတ္ထိ သော နိယာမော ယေန နိယာမေန နိယတော စက္ခုဝိညာဏသမင်္ဂီ န ကာလံ ကရေယျ, နော စ ဝတ ရေ ဝတ္တဗ္ဗေ – ‘‘စက္ခုဝိညာဏသမင်္ဂီ န ကာလံ ကရေယျာ’’တိ။
တတိယသညာဝေဒယိတကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၄) ၁၀။ အသညသတ္တုပိကကထာ
֍ ဋ္ဌ ၇၃၅။ သညာဝေဒယိတနိရောဓသမာပတ္တိ အသညသတ္တုပိကာတိ? အာမန္တာ။ အတ္ထိ သညာဝေဒယိတနိရောဓံ သမာပန္နဿ အလောဘော ကုသလမူလံ, အဒေါသော ကုသလမူလံ, အမောဟော ကုသလမူလံ, သဒ္ဓါ ဝီရိယံ သတိ သမာဓိ ပညာတိ? န ဟေဝံ ဝတ္တဗ္ဗေ…ပေ… နတ္ထိ သညာဝေဒယိတနိရောဓံ သမာပန္နဿ အလောဘော
(အဘိ၊က၊၃၇၇။)ကုသလမူလံ, အဒေါသော ကုသလမူလံ…ပေ… ပညာတိ? အာမန္တာ။ ဟဉ္စိ နတ္ထိ သညာဝေဒယိတနိရောဓံ သမာပန္နဿ အလောဘော ကုသလမူလံ, အဒေါသော ကုသလမူလံ, အမောဟော ကုသလမူလံ, သဒ္ဓါ ဝီရိယံ သတိ သမာဓိ ပညာ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓသမာပတ္တိ အသညသတ္တုပိကာ’’တိ။
သညာဝေဒယိတနိရောဓသမာပတ္တိ အသညသတ္တုပိကာတိ? အာမန္တာ။ အတ္ထိ သညာဝေဒယိတနိရောဓံ သမာပန္နဿ ဖဿော ဝေဒနာ သညာ စေတနာ စိတ္တန္တိ? န ဟေဝံ ဝတ္တဗ္ဗေ…ပေ… နတ္ထိ သညာဝေဒယိတနိရောဓံ သမာပန္နဿ ဖဿော ဝေဒနာ သညာ စေတနာ စိတ္တန္တိ? အာမန္တာ။ အဖဿကဿ မဂ္ဂဘာဝနာ…ပေ… အစိတ္တကဿ မဂ္ဂဘာဝနာတိ? န ဟေဝံ ဝတ္တဗ္ဗေ…ပေ… နနု သဖဿကဿ မဂ္ဂဘာဝနာ…ပေ… သစိတ္တကဿ မဂ္ဂဘာဝနာတိ? အာမန္တာ။ ဟဉ္စိ သဖဿကဿ မဂ္ဂဘာဝနာ…ပေ… သစိတ္တကဿ မဂ္ဂဘာဝနာ, နော စ ဝတ ရေ ဝတ္တဗ္ဗေ – ‘‘သညာဝေဒယိတနိရောဓသမာပတ္တိ အသညသတ္တုပိကာ’’တိ။
သညာဝေဒယိတနိရောဓသမာပတ္တိ အသညသတ္တုပိကာတိ? အာမန္တာ။ ယေ ကေစိ သညာဝေဒယိတနိရောဓံ သမာပဇ္ဇန္တိ, သဗ္ဗေ တေ အသညသတ္တုပိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၃၆။ န ဝတ္တဗ္ဗံ – ‘‘သညာဝေဒယိတနိရောဓသမာပတ္တိ အသညသတ္တုပိကာ’’တိ? အာမန္တာ။ နနု ဣဓာပိ အသညီ တတြာပိ အသညီတိ? အာမန္တာ။ ဟဉ္စိ ဣဓာပိ အသညီ တတြာပိ အသညီ, တေန ဝတ ရေ ဝတ္တဗ္ဗေ – ‘‘သညာဝေဒယိတနိရောဓသမာပတ္တိ အသညသတ္တုပိကာ’’တိ။
အသညသတ္တုပိကကထာ နိဋ္ဌိတာ။
၁၅။ ပန္နရသမဝဂ္ဂ
(၁၅၅) ၁၁။ ကမ္မူပစယကထာ
֍ ဋ္ဌ ၇၃၇။ အညံ ကမ္မံ အညော ကမ္မူပစယောတိ? အာမန္တာ။ အညော ဖဿော, အညော ဖဿူပစယော၊ အညာ ဝေဒနာ, အညော ဝေဒနူပစယော၊ အညာ သညာ, အညော သညူပစယော၊ အညာ စေတနာ, အညော စေတနူပစယော၊ အညံ စိတ္တံ, အညော စိတ္တူပစယော၊ အညာ သဒ္ဓါ, အညော သဒ္ဓူပစယော၊ အညံ ဝီရိယံ, အညော ဝီရိယူပစယော၊ အညာ သတိ, အညော
(အဘိ၊က၊၃၇၈။)သတူပစယော၊ အညော သမာဓိ, အညော သမာဓူပစယော၊ အညာ ပညာ, အညော ပညူပစယော၊ အညော ရာဂေါ, အညော ရာဂူပစယော…ပေ… အညံ အနောတ္တပ္ပံ, အညော အနောတ္တပ္ပူပစယောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၃၈။ အညံ ကမ္မံ, အညော ကမ္မူပစယောတိ? အာမန္တာ။ ကမ္မူပစယော ကမ္မေန သဟဇာတောတိ? န ဟေဝံ ဝတ္တဗ္ဗေ…ပေ…။
ကမ္မူပစယော ကမ္မေန သဟဇာတောတိ, အာမန္တာ။ ကုသလေန ကမ္မေန သဟဇာတော ကမ္မူပစယော ကုသလောတိ, န ဟေဝံ ဝတ္တဗ္ဗေ…ပေ…။
ကုသလေန ကမ္မေန သဟဇာတော ကမ္မူပစယော ကုသလောတိ? အာမန္တာ။ သုခါယ ဝေဒနာယ သမ္ပယုတ္တေန ကမ္မေန သဟဇာတော ကမ္မူပစယော သုခါယ ဝေဒနာယ သမ္ပယုတ္တောတိ? န ဟေဝံ ဝတ္တဗ္ဗေ…ပေ… ဒုက္ခာယ ဝေဒနာယ…ပေ… အဒုက္ခမသုခါယ ဝေဒနာယ သမ္ပယုတ္တေန ကမ္မေန သဟဇာတော ကမ္မူပစယော အဒုက္ခမသုခါယ ဝေဒနာယ သမ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၃၉။ ကမ္မူပစယော ကမ္မေန သဟဇာတောတိ? အာမန္တာ။ အကုသလေန ကမ္မေန သဟဇာတော ကမ္မူပစယော အကုသလောတိ? န ဟေဝံ ဝတ္တဗ္ဗေ…ပေ…။
အကုသလေန ကမ္မေန သဟဇာတော ကမ္မူပစယော အကုသလောတိ? အာမန္တာ။ သုခါယ ဝေဒနာယ သမ္ပယုတ္တေန ကမ္မေန သဟဇာတော ကမ္မူပစယော သုခါယ ဝေဒနာယ သမ္ပယုတ္တောတိ? န ဟေဝံ ဝတ္တဗ္ဗေ…ပေ… ဒုက္ခာယ ဝေဒနာယ…ပေ… အဒုက္ခမသုခါယ ဝေဒနာယ သမ္ပယုတ္တေန ကမ္မေန သဟဇာတော ကမ္မူပစယော အဒုက္ခမသုခါယ ဝေဒနာယ သမ္ပယုတ္တောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၄၀။ ကမ္မံ စိတ္တေန သဟဇာတံ, ကမ္မံ သာရမ္မဏန္တိ? အာမန္တာ။ ကမ္မူပစယော စိတ္တေန သဟဇာတော, ကမ္မူပစယော သာရမ္မဏောတိ? န ဟေဝံ ဝတ္တဗ္ဗေ…ပေ… ကမ္မူပစယော စိတ္တေန သဟဇာတော, ကမ္မူပစယော အနာရမ္မဏောတိ? အာမန္တာ။ ကမ္မံ စိတ္တေန သဟဇာတံ, ကမ္မံ အနာရမ္မဏန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၇၉။)ကမ္မံ စိတ္တေန သဟဇာတံ, စိတ္တံ ဘိဇ္ဇမာနံ ကမ္မံ ဘိဇ္ဇတီတိ? အာမန္တာ။ ကမ္မူပစယော စိတ္တေန သဟဇာတော, စိတ္တံ ဘိဇ္ဇမာနံ ကမ္မူပစယော ဘိဇ္ဇတီတိ? န ဟေဝံ ဝတ္တဗ္ဗေ…ပေ…။
ကမ္မူပစယော စိတ္တေန သဟဇာတော, စိတ္တံ ဘိဇ္ဇမာနံ ကမ္မူပစယော န ဘိဇ္ဇတီတိ? အာမန္တာ။ ကမ္မံ စိတ္တေန သဟဇာတံ, စိတ္တံ ဘိဇ္ဇမာနံ ကမ္မံ န ဘိဇ္ဇတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၄၁။ ကမ္မမှိ ကမ္မူပစယောတိ? အာမန္တာ။ တညေဝ ကမ္မံ သော ကမ္မူပစယောတိ? န ဟေဝံ ဝတ္တဗ္ဗေ…ပေ…။
ကမ္မမှိ ကမ္မူပစယော, ကမ္မူပစယတော ဝိပါကော နိဗ္ဗတ္တတီတိ? အာမန္တာ။ တညေဝ ကမ္မံ, သော ကမ္မူပစယော, သော ကမ္မဝိပါကောတိ? န ဟေဝံ ဝတ္တဗ္ဗေ…ပေ…။
ကမ္မမှိ ကမ္မူပစယော, ကမ္မူပစယတော ဝိပါကော နိဗ္ဗတ္တတိ, ဝိပါကော သာရမ္မဏောတိ? အာမန္တာ။ ကမ္မူပစယော သာရမ္မဏောတိ? န ဟေဝံ ဝတ္တဗ္ဗေ…ပေ… ကမ္မူပစယော အနာရမ္မဏောတိ? အာမန္တာ။ ဝိပါကော အနာရမ္မဏောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၄၂။ အညံ ကမ္မံ အညော ကမ္မူပစယောတိ, အာမန္တာ။ နနု ဝုတ္တံ ဘဂဝတာ – ‘‘ဣဓ, ပုဏ္ဏ, ဧကစ္စော သဗျာဗဇ္ဈမ္ပိ အဗျာဗဇ္ဈမ္ပိ [သဗျာပဇ္ဈမ္ပိ အဗျာပဇ္ဈမ္ပိ (က။) မ။ နိ။ ၂။၈၁ ပဿိတဗ္ဗံ] ကာယသင်္ခါရံ အဘိသင်္ခရောတိ, သဗျာဗဇ္ဈမ္ပိ အဗျာဗဇ္ဈမ္ပိ ဝစီသင်္ခါရံ…ပေ… မနောသင်္ခါရံ အဘိသင်္ခရောတိ, သော သဗျာဗဇ္ဈမ္ပိ အဗျာဗဇ္ဈမ္ပိ ကာယသင်္ခါရံ အဘိသင်္ခရိတွာ, သဗျာဗဇ္ဈမ္ပိ အဗျာဗဇ္ဈမ္ပိ ဝစီသင်္ခါရံ…ပေ… မနောသင်္ခါရံ အဘိသင်္ခရိတွာ သဗျာဗဇ္ဈမ္ပိ အဗျာဗဇ္ဈမ္ပိ လောကံ ဥပပဇ္ဇတိ။ တမေနံ သဗျာဗဇ္ဈမ္ပိ အဗျာဗဇ္ဈမ္ပိ လောကံ ဥပပန္နံ သမာနံ သဗျာဗဇ္ဈာပိ အဗျာဗဇ္ဈာပိ ဖဿာ ဖုသန္တိ။ သော သဗျာဗဇ္ဈေဟိပိ အဗျာဗဇ္ဈေဟိပိ ဖဿေဟိ ဖုဋ္ဌော သမာနော သဗျာဗဇ္ဈမ္ပိ အဗျာဗဇ္ဈမ္ပိ ဝေဒနံ ဝေဒေတိ ဝေါကိဏ္ဏသုခဒုက္ခံ, သေယျထာပိ မနုဿာ ဧကစ္စေ စ ဒေဝါ ဧကစ္စေ စ ဝိနိပါတိကာ။ ဣတိ ခေါ, ပုဏ္ဏ, ဘူတာ ဘူတဿ ဥပပတ္တိ ဟောတိ, ယံ ကရောတိ တေန ဥပပဇ္ဇတိ, ဥပပန္နမေတံ ဖဿာ ဖုသန္တိ။ ဧဝမ္ပာဟံ, ပုဏ္ဏ,
(အဘိ၊က၊၃၈၀။)‘ကမ္မဒါယာဒါ သတ္တာ’တိ ဝဒါမီ’’တိ [မ။ နိ။ ၂။၈၁]။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘အညံ ကမ္မံ, အညော ကမ္မူပစယော’’တိ။
ကမ္မူပစယကထာ နိဋ္ဌိတာ။
ပန္နရသမဝဂ္ဂေါ။
တဿုဒ္ဒါနံ –
ပစ္စယတာ ဝဝတ္ထိတာ, ပဋိစ္စသမုပ္ပါဒေါ, အဒ္ဓါ, ခဏော လယော မုဟုတ္တံ, စတ္တာရော အာသဝါ အနာသဝါ, လောကုတ္တရာနံ ဓမ္မာနံ ဇရာမရဏံ လောကုတ္တရာ, သညာဝေဒယိတနိရောဓသမာပတ္တိ လောကုတ္တရာ, သညာဝေဒယိတနိရောဓသမာပတ္တိ လောကိယာ, သညာဝေဒယိတနိရောဓံ သမာပန္နော ကာလံ ကရေယျ, သွေဝ မဂ္ဂေါ အသညသတ္တုပပတ္တိယာ, အညံ ကမ္မံ အညော ကမ္မူပစယောတိ။
တတိယော ပဏ္ဏာသကော။
တဿုဒ္ဒါနံ –
အနုသယာ, သံဝရော, ကပ္ပေါ, မူလဉ္စ ဝဝတ္ထိတာတိ။
၁၆။ သောဠသမဝဂ္ဂ
(၁၅၆) ၁။ နိဂ္ဂဟကထာ
֍ ဋ္ဌ ၇၄၃။ ပရော ပရဿ စိတ္တံ နိဂ္ဂဏှာတီတိ? အာမန္တာ။ ပရော ပရဿ စိတ္တံ ‘‘မာ ရဇ္ဇိ’’, ‘‘မာ ဒုဿိ’’, ‘‘မာ မုယှိ’’, ‘‘မာ ကိလိဿီ’’တိ နိဂ္ဂဏှာတီတိ? န ဟေဝံ ဝတ္တဗ္ဗေ…ပေ… ပရော ပရဿ စိတ္တံ နိဂ္ဂဏှာတီတိ? အာမန္တာ။ ပရော ပရဿ ဥပ္ပန္နော ဖဿော ‘‘မာ နိရုဇ္ဈီ’’တိ နိဂ္ဂဏှာတီတိ? န ဟေဝံ ဝတ္တဗ္ဗေ…ပေ… ပရော ပရဿ ဥပ္ပန္နာ ဝေဒနာ…ပေ… ဥပ္ပန္နာ သညာ… ဥပ္ပန္နာ စေတနာ… ဥပ္ပန္နံ စိတ္တံ… ဥပ္ပန္နာ သဒ္ဓါ… ဥပ္ပန္နံ ဝီရိယံ … ဥပ္ပန္နာ သတိ… ဥပ္ပန္နော သမာဓိ…ပေ… ဥပ္ပန္နာ ပညာ ‘‘မာ နိရုဇ္ဈီ’’တိ နိဂ္ဂဏှာတီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၈၁။)ပရော ပရဿ စိတ္တံ နိဂ္ဂဏှာတီတိ? အာမန္တာ။ ပရော ပရဿ အတ္ထာယ ရာဂံ ပဇဟတိ… ဒေါသံ ပဇဟတိ…ပေ… အနောတ္တပ္ပံ ပဇဟတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ နိဂ္ဂဏှာတီတိ? အာမန္တာ။ ပရော ပရဿ အတ္ထာယ မဂ္ဂံ ဘာဝေတိ… သတိပဋ္ဌာနံ ဘာဝေတိ…ပေ… ဗောဇ္ဈင်္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ နိဂ္ဂဏှာတီတိ? အာမန္တာ။ ပရော ပရဿ အတ္ထာယ ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ နိဂ္ဂဏှာတီတိ? အာမန္တာ။ အညော အညဿ ကာရကော, ပရင်္ကတံ သုခံ ဒုက္ခံ အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ နိဂ္ဂဏှာတီတိ? အာမန္တာ။ နနု ဝုတ္တံ ဘဂဝတာ –
‘‘အတ္တနာဝ ကတံ ပါပံ, အတ္တနာ သံကိလိဿတိ၊
အတ္တနာ အကတံ ပါပံ, အတ္တနာဝ ဝိသုဇ္ဈတိ၊
သုဒ္ဓိ အသုဒ္ဓိ ပစ္စတ္တံ, နာညော အညံ ဝိသောဓယေ’’တိ [ဓ။ ပ။ ၁၆၅]။
အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပရော ပရဿ စိတ္တံ နိဂ္ဂဏှာတီ’’တိ။
֍ ဋ္ဌ ၇၄၄။ န ဝတ္တဗ္ဗံ – ‘‘ပရော ပရဿ စိတ္တံ နိဂ္ဂဏှာတီ’’တိ? အာမန္တာ။ နနု အတ္ထိ ဗလပ္ပတ္တာ, အတ္ထိ ဝသီဘူတာတိ? အာမန္တာ။ ဟဉ္စိ အတ္ထိ ဗလပ္ပတ္တာ, အတ္ထိ ဝသီဘူတာ, တေန ဝတ ရေ ဝတ္တဗ္ဗေ – ‘‘ပရော ပရဿ စိတ္တံ နိဂ္ဂဏှာတီ’’တိ။
နိဂ္ဂဟကထာ နိဋ္ဌိတာ။
၁၆။ သောဠသမဝဂ္ဂ
(၁၅၇) ၂။ ပဂ္ဂဟကထာ
֍ ဋ္ဌ ၇၄၅။ ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ စိတ္တံ ‘‘မာ ရဇ္ဇိ,’’‘‘မာ ဒုဿိ,’’‘‘မာ မုယှိ,’’‘‘မာ ကိလိဿီ’’တိ ပဂ္ဂဏှာတီတိ? န ဟေဝံ ဝတ္တဗ္ဗေ…ပေ…
(အဘိ၊က၊၃၈၂။)ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ အလောဘံ ကုသလမူလံ ဇနေတိ… အဒေါသံ ကုသလမူလံ ဇနေတိ… အမောဟံ ကုသလမူလံ ဇနေတိ… သဒ္ဓံ ဇနေတိ… ဝီရိယံ ဇနေတိ… သတိံ ဇနေတိ… သမာဓိံ ဇနေတိ… ပညံ ဇနေတီတိ? န ဟေဝံ ဝတ္တဗ္ဗေ…ပေ… ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ ဥပ္ပန္နော ဖဿော ‘‘မာ နိရုဇ္ဈီ’’တိ ပဂ္ဂဏှာတီတိ? န ဟေဝံ ဝတ္တဗ္ဗေ…ပေ… ပရော ပရဿ ဥပ္ပန္နာ ဝေဒနာ…ပေ… ဥပ္ပန္နာ ပညာ ‘‘မာ နိရုဇ္ဈီ’’တိ ပဂ္ဂဏှာတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ အတ္ထာယ ရာဂံ ပဇဟတိ… ဒေါသံ ပဇဟတိ… မောဟံ ပဇဟတိ…ပေ… အနောတ္တပ္ပံ ပဇဟတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ အတ္ထာယ မဂ္ဂံ ဘာဝေတိ… သတိပဋ္ဌာနံ ဘာဝေတိ…ပေ… ဗောဇ္ဈင်္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ ပဂ္ဂဏှာတီတိ? အာမန္တာ။ ပရော ပရဿ အတ္ထာယ ဒုက္ခံ ပရိဇာနာတိ…ပေ… မဂ္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ ပဂ္ဂဏှာတီတိ? အာမန္တာ။ အညော အညဿ ကာရကော, ပရင်္ကတံ သုခံ ဒုက္ခံ အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ…ပေ…။
ပရော ပရဿ စိတ္တံ ပဂ္ဂဏှာတီတိ? အာမန္တာ။ နနု ဝုတ္တံ ဘဂဝတာ – ‘‘အတ္တနာဝ ကတံ ပါပံ…ပေ… နာညော အညံ ဝိသောဓယေ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ပရော ပရဿ စိတ္တံ ပဂ္ဂဏှာတီ’’တိ။
֍ ဋ္ဌ ၇၄၆။ န ဝတ္တဗ္ဗံ – ‘‘ပရော ပရဿ စိတ္တံ ပဂ္ဂဏှာတီ’’တိ? အာမန္တာ။ နနု အတ္ထိ ဗလပ္ပတ္တာ, အတ္ထိ ဝသီဘူတာတိ? အာမန္တာ။ ဟဉ္စိ အတ္ထိ ဗလပ္ပတ္တာ, အတ္ထိ ဝသီဘူတာ, တေန ဝတ ရေ ဝတ္တဗ္ဗေ – ‘‘ပရော ပရဿ စိတ္တံ ပဂ္ဂဏှာတီ’’တိ။
ပဂ္ဂဟကထာ နိဋ္ဌိတာ။
(အဘိ၊က၊၃၈၃။)၁၆။ သောဠသမဝဂ္ဂ
(၁၅၈) ၃။ သုခါနုပ္ပဒါနကထာ
֍ ဋ္ဌ ၇၄၇။ ပရော ပရဿ သုခံ အနုပ္ပဒေတီတိ? အာမန္တာ။ ပရော ပရဿ ဒုက္ခံ အနုပ္ပဒေတီတိ? န ဟေဝံ ဝတ္တဗ္ဗေ…ပေ… ပရော ပရဿ ဒုက္ခံ န အနုပ္ပဒေတီတိ? အာမန္တာ။ ပရော ပရဿ သုခံ န အနုပ္ပဒေတီတိ? န ဟေဝံ ဝတ္တဗ္ဗေ…ပေ… ပရော ပရဿ သုခံ အနုပ္ပဒေတီတိ? အာမန္တာ။ ပရော ပရဿ အတ္တနော သုခံ အနုပ္ပဒေတိ, အညေသံ သုခံ အနုပ္ပဒေတိ, တဿ သုခံ အနုပ္ပဒေတီတိ? န ဟေဝံ ဝတ္တဗ္ဗေ…ပေ… ပရော ပရဿ နေဝတ္တနော, န အညေသံ, န တဿ သုခံ အနုပ္ပဒေတီတိ? အာမန္တာ။ ဟဉ္စိ ပရော ပရဿ နေဝတ္တနော, န အညေသံ, န တဿ သုခံ အနုပ္ပဒေတိ, နော စ ဝတ ရေ ဝတ္တဗ္ဗေ – ‘‘ပရော ပရဿ သုခံ အနုပ္ပဒေတီ’’တိ။
ပရော ပရဿ သုခံ အနုပ္ပဒေတီတိ? အာမန္တာ။ အညော အညဿ ကာရကော, ပရင်္ကတံ သုခံ ဒုက္ခံ အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၄၈။ န ဝတ္တဗ္ဗံ – ‘‘ပရော ပရဿ သုခံ အနုပ္ပဒေတီ’’တိ? အာမန္တာ။ နနု အာယသ္မာ ဥဒါယီ ဧတဒဝေါစ – ‘‘ဗဟူနံ ဝတ နော ဘဂဝါ ဒုက္ခဓမ္မာနံ အပဟတ္တာ, ဗဟူနံ ဝတ နော ဘဂဝါ သုခဓမ္မာနံ ဥပဟတ္တာ, ဗဟူနံ ဝတ နော ဘဂဝါ အကုသလာနံ ဓမ္မာနံ အပဟတ္တာ, ဗဟူနံ ဝတ နော ဘဂဝါ ကုသလာနံ ဓမ္မာနံ ဥပဟတ္တာ’’တိ [မ။ နိ။ ၂။၁၄၈ လဋုကိကောပမေ]! အတ္ထေဝ သုတ္တန္တောတိ? အာမန္တာ။ တေန ဟိ ပရော ပရဿ သုခံ အနုပ္ပဒေတီတိ။
သုခါနုပ္ပဒါနကထာ နိဋ္ဌိတာ။
၁၆။ သောဠသမဝဂ္ဂ
(၁၅၉) ၄။ အဓိဂယှမနသိကာရကထာ
֍ ဋ္ဌ ၇၄၉။ အဓိဂယှ မနသိ ကရောတီတိ? အာမန္တာ။ တေန စိတ္တေန တံ စိတ္တံ ပဇာနာတီတိ? န ဟေဝံ ဝတ္တဗ္ဗေ…ပေ… တေန စိတ္တေန တံ စိတ္တံ ပဇာနာတီတိ?
(အဘိ၊က၊၃၈၄။)အာမန္တာ။ တေန စိတ္တေန တံ စိတ္တံ ‘‘စိတ္တ’’န္တိ ပဇာနာတီတိ? န ဟေဝံ ဝတ္တဗ္ဗေ…ပေ… တေန စိတ္တေန တံ စိတ္တံ ‘‘စိတ္တ’’န္တိ ပဇာနာတီတိ? အာမန္တာ။ တံ စိတ္တံ တဿ စိတ္တဿ အာရမ္မဏန္တိ? န ဟေဝံ ဝတ္တဗ္ဗေ…ပေ…။
တံ စိတ္တံ တဿ စိတ္တဿ အာရမ္မဏန္တိ? အာမန္တာ။ တေန ဖဿေန တံ ဖဿံ ဖုသတိ, တာယ ဝေဒနာယ…ပေ… တာယ သညာယ… တာယ စေတနာယ… တေန စိတ္တေန… တေန ဝိတက္ကေန… တေန ဝိစာရေန… တာယ ပီတိယာ… တာယ သတိယာ… တာယ ပညာယ တံ ပညံ ပဇာနာတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၀။ အတီတံ ‘‘အတီတ’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အတီတံ ‘‘အတီတ’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
အတီတံ ‘‘အတီတ’’န္တိ မနသိကရောန္တော, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အတီတံ ‘‘အတီတ’’န္တိ မနသိကရောန္တော, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
အတီတံ ‘‘အတီတ’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတိ, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အတီတံ ‘‘အတီတ’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတိ, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? အာမန္တာ။ တိဏ္ဏံ ဖဿာနံ…ပေ… တိဏ္ဏံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၁။ အနာဂတံ ‘‘အနာဂတ’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အနာဂတံ ‘‘အနာဂတ’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
အနာဂတံ ‘‘အနာဂတ’’န္တိ မနသိကရောန္တော, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အနာဂတံ ‘‘အနာဂတ’’န္တိ မနသိကရောန္တော, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၈၅။)အနာဂတံ ‘‘အနာဂတ’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတိ, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… အနာဂတံ ‘‘အနာဂတ’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတိ, ပစ္စုပ္ပန္နံ ‘‘ပစ္စုပ္ပန္န’’န္တိ မနသိ ကရောတီတိ? အာမန္တာ။ တိဏ္ဏံ ဖဿာနံ…ပေ… တိဏ္ဏံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၂။ ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အနာဂတံ ‘‘အနာဂတ’’န္တိ မနသိ ကရောတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတိ, အနာဂတံ ‘‘အနာဂတ’’န္တိ မနသိ ကရောတီတိ? န ဟေဝံ ဝတ္တဗ္ဗေ…ပေ… ပစ္စုပ္ပန္နံ ‘‘ပစ္စုပ္ပန္န’’န္တိ မနသိကရောန္တော, အတီတံ ‘‘အတီတ’’န္တိ မနသိ ကရောတိ, အနာဂတံ ‘‘အနာဂတ’’န္တိ မနသိ ကရောတီတိ? အာမန္တာ။ တိဏ္ဏံ ဖဿာနံ…ပေ… တိဏ္ဏံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၃။ န ဝတ္တဗ္ဗံ – ‘‘အဓိဂယှ မနသိ ကရောတီ’’တိ? အာမန္တာ။ နနု ဝုတ္တံ ဘဂဝတာ –
‘‘သဗ္ဗေ သင်္ခါရာ အနိစ္စာတိ, ယဒါ ပညာယ ပဿတိ၊
အထ နိဗ္ဗိန္ဒတိ ဒုက္ခေ, ဧသ မဂ္ဂေါ ဝိသုဒ္ဓိယာ။
‘‘သဗ္ဗေ သင်္ခါရာ ဒုက္ခာတိ, ယဒါ ပညာယ ပဿတိ၊
အထ နိဗ္ဗိန္ဒတိ ဒုက္ခေ, ဧသ မဂ္ဂေါ ဝိသုဒ္ဓိယာ။
‘‘သဗ္ဗေ ဓမ္မာ အနတ္တာတိ, ယဒါ ပညာယ ပဿတိ၊
အထ နိဗ္ဗိန္ဒတိ ဒုက္ခေ, ဧသ မဂ္ဂေါ ဝိသုဒ္ဓိယာ’’တိ [ဓ။ ပ။ ၂၇၇-၂၇၉]။
အတ္ထေဝ သုတ္တန္တောတိ? အာမန္တာ။ တေန ဟိ အဓိဂယှ မနသိ ကရောတီတိ။
အဓိဂယှမနသိကာရကထာ နိဋ္ဌိတာ။
(အဘိ၊က၊၃၈၆။)၁၆။ သောဠသမဝဂ္ဂ
(၁၆၀) ၅။ ရူပံ ဟေတူတိကထာ
֍ ဋ္ဌ ၇၅၄။ ရူပံ ဟေတူတိ? အာမန္တာ။ အလောဘော ဟေတူတိ? န ဟေဝံ ဝတ္တဗ္ဗေ…ပေ… အဒေါသော ဟေတု…ပေ… အမောဟော ဟေတု… လောဘော ဟေတု… ဒေါသော ဟေတု… မောဟော ဟေတူတိ? န ဟေဝံ ဝတ္တဗ္ဗေ…ပေ…။
ရူပံ ဟေတူတိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ ဟေတူ’’တိ။
֍ ဋ္ဌ ၇၅၅။ အလောဘော ဟေတု သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ ဟေတု သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အဒေါသော ဟေတု… အမောဟော ဟေတု… လောဘော ဟေတု… ဒေါသော ဟေတု… မောဟော ဟေတု သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ ဟေတု သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ ဟေတု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အလောဘော ဟေတု အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ရူပံ ဟေတု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အဒေါသော ဟေတု… အမောဟော ဟေတု… လောဘော ဟေတု… ဒေါသော ဟေတု… မောဟော ဟေတု အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၆။ န ဝတ္တဗ္ဗံ – ‘‘ရူပံ ဟေတူ’’တိ? အာမန္တာ။ နနု မဟာဘူတာ ဥပါဒါယရူပါနံ [ဥပါဒါရူပါနံ (သီ။ ပီ။ က။)] ဥပါဒါယဟေတူတိ? အာမန္တာ။ ဟဉ္စိ မဟာဘူတာ ဥပါဒါယရူပါနံ ဥပါဒါယဟေတု, တေန ဝတ ရေ ဝတ္တဗ္ဗေ – ‘‘ရူပံ ဟေတူ’’တိ။
ရူပံ ဟေတူတိကထာ နိဋ္ဌိတာ။
(အဘိ၊က၊၃၈၇။)၁၆။ သောဠသမဝဂ္ဂ
(၁၆၁) ၆။ ရူပံ သဟေတုကန္တိကထာ
֍ ဋ္ဌ ၇၅၇။ ရူပံ သဟေတုကန္တိ? အာမန္တာ။ အလောဘဟေတုနာတိ? န ဟေဝံ ဝတ္တဗ္ဗေ…ပေ… အဒေါသဟေတုနာတိ …ပေ… အမောဟဟေတုနာတိ…ပေ… လောဘဟေတုနာ…ပေ… ဒေါသဟေတုနာ…ပေ… မောဟဟေတုနာတိ? န ဟေဝံ ဝတ္တဗ္ဗေ…ပေ…။
ရူပံ သဟေတုကန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ သဟေတုက’’န္တိ။
֍ ဋ္ဌ ၇၅၈။ အလောဘော သဟေတုကော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ သဟေတုကံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… အဒေါသော သဟေတုကော…ပေ… အမောဟော… သဒ္ဓါ… ဝီရိယံ… သတိ… သမာဓိ… ပညာ… လောဘော… ဒေါသော… မောဟော… မာနော… ဒိဋ္ဌိ… ဝိစိကိစ္ဆာ… ထိနံ… ဥဒ္ဓစ္စံ… အဟိရိကံ… အနောတ္တပ္ပံ သဟေတုကံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ သဟေတုကံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ သဟေတုကံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အလောဘော သဟေတုကော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ရူပံ သဟေတုကံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အဒေါသော သဟေတုကော…ပေ… အနောတ္တပ္ပံ သဟေတုကံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၅၉။ န ဝတ္တဗ္ဗံ – ‘‘ရူပံ သဟေတုက’’န္တိ? အာမန္တာ။ နနု ရူပံ သပ္ပစ္စယန္တိ? အာမန္တာ။ ဟဉ္စိ ရူပံ သပ္ပစ္စယံ, တေန ဝတ ရေ ဝတ္တဗ္ဗေ – ‘‘ရူပံ သဟေတုက’’န္တိ။
ရူပံ သဟေတုကန္တိကထာ နိဋ္ဌိတာ။
(အဘိ၊က၊၃၈၈။)၁၆။ သောဠသမဝဂ္ဂ
(၁၆၂) ၇။ ရူပံ ကုသလာကုသလန္တိကထာ
֍ ဋ္ဌ ၇၆၀။ ရူပံ ကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ ကုသလ’’န္တိ။
֍ ဋ္ဌ ၇၆၁။ အလောဘော ကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
အဒေါသော ကုသလော…ပေ… အမောဟော ကုသလော…ပေ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ရူပံ ကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အလောဘော ကုသလော အနာရမ္မဏော, နတ္ထိ တဿ အာဝဋ္ဋနာ …ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ ကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ အဒေါသော ကုသလော…ပေ… ပညာ ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၆၂။ ရူပံ အကုသလန္တိ? အာမန္တာ။ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ အကုသလ’’န္တိ…ပေ…။
֍ ဋ္ဌ ၇၆၃။ လောဘော အကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ဒေါသော… မောဟော… မာနော…ပေ… အနောတ္တပ္ပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ…
(အဘိ၊က၊၃၈၉။)ပဏိဓီတိ? အာမန္တာ။ ရူပံ အကုသလံ သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ လောဘော အကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… ရူပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဒေါသော… မောဟော…ပေ… အနောတ္တပ္ပံ အကုသလံ အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၆၄။ န ဝတ္တဗ္ဗံ – ‘‘ရူပံ ကုသလမ္ပိ အကုသလမ္ပီ’’တိ? အာမန္တာ။ နနု ကာယကမ္မံ ဝစီကမ္မံ ကုသလမ္ပိ အကုသလမ္ပီတိ? အာမန္တာ။ ဟဉ္စိ ကာယကမ္မံ ဝစီကမ္မံ ကုသလမ္ပိ အကုသလမ္ပိ, တေန ဝတ ရေ ဝတ္တဗ္ဗေ – ‘‘ရူပံ ကုသလမ္ပိ အကုသလမ္ပီ’’တိ။
ရူပံ ကုသလာကုသလန္တိကထာ နိဋ္ဌိတာ။
၁၆။ သောဠသမဝဂ္ဂ
(၁၆၃) ၈။ ရူပံ ဝိပါကောတိကထာ
֍ ဋ္ဌ ၇၆၅။ ရူပံ ဝိပါကောတိ? အာမန္တာ။ ရူပံ သုခဝေဒနိယံ ဒုက္ခဝေဒနိယံ အဒုက္ခမသုခဝေဒနိယံ, သုခါယ ဝေဒနာယ သမ္ပယုတ္တံ, ဒုက္ခာယ ဝေဒနာယ သမ္ပယုတ္တံ, အဒုက္ခမသုခါယ ဝေဒနာယ သမ္ပယုတ္တံ, ဖဿေန သမ္ပယုတ္တံ…ပေ… စိတ္တေန သမ္ပယုတ္တံ, သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ရူပံ ဝိပါကော’’တိ။
֍ ဋ္ဌ ၇၆၆။ ဖဿော ဝိပါကော, ဖဿော သုခဝေဒနိယော ဒုက္ခဝေဒနိယော…ပေ… သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ရူပံ ဝိပါကော, ရူပံ သုခဝေဒနိယံ ဒုက္ခဝေဒနိယံ…ပေ… သာရမ္မဏံ, အတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၉၀။)ရူပံ ဝိပါကော, ရူပံ န သုခဝေဒနိယံ န ဒုက္ခဝေဒနိယံ…ပေ… အနာရမ္မဏံ, နတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ ဖဿော ဝိပါကော, ဖဿော န သုခဝေဒနိယော န ဒုက္ခဝေဒနိယော…ပေ… အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၆၇။ န ဝတ္တဗ္ဗံ – ‘‘ရူပံ ဝိပါကော’’တိ? အာမန္တာ။ နနု ကမ္မဿ ကတတ္တာ ဥပ္ပန္နာ စိတ္တစေတသိကာ ဓမ္မာ ဝိပါကောတိ? အာမန္တာ။ ဟဉ္စိ ကမ္မဿ ကတတ္တာ ဥပ္ပန္နာ စိတ္တစေတသိကာ ဓမ္မာ ဝိပါကော, တေန ဝတ ရေ ဝတ္တဗ္ဗေ – ‘‘ကမ္မဿ ကတတ္တာ ဥပ္ပန္နံ ရူပံ ဝိပါကော’’တိ။
ရူပံ ဝိပါကောတိကထာ နိဋ္ဌိတာ။
၁၆။ သောဠသမဝဂ္ဂ
(၁၆၄) ၉။ ရူပံ ရူပါဝစရာရူပါဝစရန္တိကထာ
֍ ဋ္ဌ ၇၆၈။ အတ္ထိ ရူပံ ရူပါဝစရန္တိ? အာမန္တာ။ သမာပတ္တေသိယံ ဥပပတ္တေသိယံ ဒိဋ္ဌဓမ္မသုခဝိဟာရံ, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတံ သဟဇာတံ သံသဋ္ဌံ သမ္ပယုတ္တံ ဧကုပ္ပါဒံ ဧကနိရောဓံ ဧကဝတ္ထုကံ ဧကာရမ္မဏန္တိ? န ဟေဝံ ဝတ္တဗ္ဗေ…ပေ… နနု န သမာပတ္တေသိယံ န ဥပပတ္တေသိယံ န ဒိဋ္ဌဓမ္မသုခဝိဟာရံ, န သမာပတ္တေသိယေန စိတ္တေန န ဥပပတ္တေသိယေန စိတ္တေန န ဒိဋ္ဌဓမ္မသုခဝိဟာရေန စိတ္တေန သဟဂတံ သဟဇာတံ သံသဋ္ဌံ သမ္ပယုတ္တံ ဧကုပ္ပါဒံ ဧကနိရောဓံ ဧကဝတ္ထုကံ ဧကာရမ္မဏန္တိ? အာမန္တာ။ ဟဉ္စိ န သမာပတ္တေသိယံ န ဥပပတ္တေသိယံ န ဒိဋ္ဌဓမ္မသုခဝိဟာရံ, န သမာပတ္တေသိယေန စိတ္တေန…ပေ… ဧကာရမ္မဏံ, နော စ ဝတ ရေ ဝတ္တဗ္ဗေ – ‘‘အတ္ထိ ရူပံ ရူပါဝစရ’’န္တိ။
֍ ဋ္ဌ ၇၆၉။ အတ္ထိ ရူပံ အရူပါဝစရန္တိ? အာမန္တာ။ သမာပတ္တေသိယံ ဥပပတ္တေသိယံ ဒိဋ္ဌဓမ္မသုခဝိဟာရံ, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတံ သဟဇာတံ သံသဋ္ဌံ သမ္ပယုတ္တံ ဧကုပ္ပါဒံ ဧကနိရောဓံ ဧကဝတ္ထုကံ ဧကာရမ္မဏန္တိ? န ဟေဝံ ဝတ္တဗ္ဗေ…ပေ… နနု န သမာပတ္တေသိယံ န ဥပပတ္တေသိယံ န ဒိဋ္ဌဓမ္မသုခဝိဟာရံ, န သမာပတ္တေသိယေန
(အဘိ၊က၊၃၉၁။)စိတ္တေန …ပေ… ဧကာရမ္မဏန္တိ? အာမန္တာ။ ဟဉ္စိ န သမာပတ္တေသိယံ န ဥပပတ္တေသိယံ…ပေ… ဧကဝတ္ထုကံ ဧကာရမ္မဏံ, နော စ ဝတ ရေ ဝတ္တဗ္ဗေ – ‘‘အတ္ထိ ရူပံ အရူပါဝစရ’’န္တိ။
֍ ဋ္ဌ ၇၇၀။ န ဝတ္တဗ္ဗံ – ‘‘အတ္ထိ ရူပံ ရူပါဝစရံ, အတ္ထိ ရူပံ အရူပါဝစရ’’န္တိ? အာမန္တာ။ နနု ကာမာဝစရကမ္မဿ ကတတ္တာ ရူပံ ကာမာဝစရန္တိ? အာမန္တာ။ ဟဉ္စိ ကာမာဝစရကမ္မဿ ကတတ္တာ ရူပံ ကာမာဝစရံ, တေန ဝတ ရေ ဝတ္တဗ္ဗေ – ‘‘ရူပါဝစရကမ္မဿ ကတတ္တာ ရူပံ ရူပါဝစရံ, အရူပါဝစရကမ္မဿ ကတတ္တာ ရူပံ အရူပါဝစရ’’န္တိ။
ရူပံ ရူပါဝစရာရူပါဝစရန္တိကထာ နိဋ္ဌိတာ။
၁၆။ သောဠသမဝဂ္ဂ
(၁၆၅) ၁၀။ ရူပါရူပဓာတုပရိယာပန္နကထာ
֍ ဋ္ဌ ၇၇၁။ ရူပရာဂေါ ရူပဓာတုပရိယာပန္နောတိ? အာမန္တာ။ သမာပတ္တေသိယော ဥပပတ္တေသိယော ဒိဋ္ဌဓမ္မသုခဝိဟာရော, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော ဧကဝတ္ထုကော ဧကာရမ္မဏောတိ? န ဟေဝံ ဝတ္တဗ္ဗေ…ပေ… နနု န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန…ပေ… ဧကဝတ္ထုကော ဧကာရမ္မဏောတိ? အာမန္တာ။ ဟဉ္စိ န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန…ပေ… ဧကဝတ္ထုကော ဧကာရမ္မဏော, နော စ ဝတ ရေ ဝတ္တဗ္ဗေ – ‘‘ရူပရာဂေါ ရူပဓာတုပရိယာပန္နော’’တိ။
֍ ဋ္ဌ ၇၇၂။ ရူပရာဂေါ ရူပဓာတုပရိယာပန္နောတိ? အာမန္တာ။ သဒ္ဒရာဂေါ သဒ္ဒဓာတုပရိယာပန္နောတိ? န ဟေဝံ ဝတ္တဗ္ဗေ …ပေ… ရူပရာဂေါ ရူပဓာတုပရိယာပန္နောတိ? အာမန္တာ။ ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုပရိယာပန္နောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၃၉၂။)သဒ္ဒရာဂေါ န ဝတ္တဗ္ဗံ – ‘‘သဒ္ဒဓာတုပရိယာပန္နော’’တိ? အာမန္တာ။ ရူပရာဂေါ န ဝတ္တဗ္ဗံ – ‘‘ရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ… ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ န ဝတ္တဗ္ဗံ – ‘‘ဖောဋ္ဌဗ္ဗဓာတုပရိယာပန္နော’’တိ? အာမန္တာ။ ရူပရာဂေါ န ဝတ္တဗ္ဗံ – ‘‘ရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၇၃။ အရူပရာဂေါ အရူပဓာတုပရိယာပန္နောတိ? အာမန္တာ။ အရူပရာဂေါ န ဝတ္တဗ္ဗံ – ‘‘အရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ… အရူပရာဂေါ အရူပဓာတုပရိယာပန္နောတိ? အာမန္တာ။ သမာပတ္တေသိယော ဥပပတ္တေသိယော ဒိဋ္ဌဓမ္မသုခဝိဟာရော, သမာပတ္တေသိယေန စိတ္တေန ဥပပတ္တေသိယေန စိတ္တေန ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော ဧကဝတ္ထုကော ဧကာရမ္မဏောတိ? န ဟေဝံ ဝတ္တဗ္ဗေ…ပေ… နနု န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန…ပေ… ဧကဝတ္ထုကော ဧကာရမ္မဏောတိ? အာမန္တာ။ ဟဉ္စိ န သမာပတ္တေသိယော န ဥပပတ္တေသိယော န ဒိဋ္ဌဓမ္မသုခဝိဟာရော, န သမာပတ္တေသိယေန စိတ္တေန န ဥပပတ္တေသိယေန စိတ္တေန န ဒိဋ္ဌဓမ္မသုခဝိဟာရေန စိတ္တေန သဟဂတော သဟဇာတော သံသဋ္ဌော သမ္ပယုတ္တော ဧကုပ္ပါဒေါ ဧကနိရောဓော ဧကဝတ္ထုကော ဧကာရမ္မဏော, နော စ ဝတ ရေ ဝတ္တဗ္ဗေ – ‘‘အရူပရာဂေါ အရူပဓာတုပရိယာပန္နော’’တိ။
֍ ဋ္ဌ ၇၇၄။ အရူပရာဂေါ အရူပဓာတုပရိယာပန္နောတိ? အာမန္တာ။ သဒ္ဒရာဂေါ သဒ္ဒဓာတုပရိယာပန္နောတိ? န ဟေဝံ ဝတ္တဗ္ဗေ…ပေ… အရူပရာဂေါ အရူပဓာတုပရိယာပန္နောတိ? အာမန္တာ။ ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ ဖောဋ္ဌဗ္ဗဓာတုပရိယာပန္နောတိ? န ဟေဝံ ဝတ္တဗ္ဗေ…ပေ…။
သဒ္ဒရာဂေါ န ဝတ္တဗ္ဗံ – ‘‘သဒ္ဒဓာတုပရိယာပန္နော’’တိ? အာမန္တာ။ အရူပရာဂေါ န ဝတ္တဗ္ဗံ – ‘‘အရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ… ဂန္ဓရာဂေါ…ပေ… ရသရာဂေါ…ပေ… ဖောဋ္ဌဗ္ဗရာဂေါ န ဝတ္တဗ္ဗံ – ‘‘ဖောဋ္ဌဗ္ဗဓာတုပရိယာပန္နော’’တိ? အာမန္တာ။ အရူပရာဂေါ န ဝတ္တဗ္ဗံ – ‘‘အရူပဓာတုပရိယာပန္နော’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၇၅။ န ဝတ္တဗ္ဗံ – ‘‘ရူပရာဂေါ ရူပဓာတုပရိယာပန္နော, အရူပရာဂေါ အရူပဓာတုပရိယာပန္နော’’တိ? အာမန္တာ။ နနု ကာမရာဂေါ ကာမဓာတု-
(အဘိ၊က၊၃၉၃။)ပရိယာပန္နောတိ? အာမန္တာ။ ဟဉ္စိ ကာမရာဂေါ ကာမဓာတုပရိယာပန္နော, တေန ဝတ ရေ ဝတ္တဗ္ဗေ – ‘‘ရူပရာဂေါ ရူပဓာတုပရိယာပန္နော, အရူပရာဂေါ အရူပဓာတုပရိယာပန္နော’’တိ။
ရူပရာဂေါ ရူပဓာတုပရိယာပန္နော အရူပရာဂေါ အရူပဓာတုပရိယာပန္နောတိကထာ နိဋ္ဌိတာ။
ရူပါရူပဓာတုပရိယာပန္နကထာ နိဋ္ဌိတာ။
သောဠသမဝဂ္ဂေါ။
တဿုဒ္ဒါနံ –
စိတ္တနိဂ္ဂဟော, စိတ္တပဂ္ဂဟော, သုခါနုပ္ပဒါနံ, အဓိဂယှ မနသိကာရော, ရူပံ ဟေတု, ရူပံ သဟေတုကံ, ရူပံ ကုသလမ္ပိ အကုသလမ္ပိ, ရူပံ ဝိပါကော, အတ္ထိ ရူပံ ရူပါဝစရံ အတ္ထိ ရူပံ အရူပါဝစရံ, သဗ္ဗေ ကိလေသာ ကာမဓာတုပရိယာပန္နာတိ။
၁၇။ သတ္တရသမဝဂ္ဂ
(၁၆၆) ၁။ အရဟတော ပုညူပစယကထာ
֍ ဋ္ဌ ၇၇၆။ အတ္ထိ အရဟတော ပုညူပစယောတိ? အာမန္တာ။ အတ္ထိ အရဟတော အပုညူပစယောတိ? န ဟေဝံ ဝတ္တဗ္ဗေ…ပေ… နတ္ထိ အရဟတော အပုညူပစယောတိ? အာမန္တာ။ နတ္ထိ အရဟတော ပုညူပစယောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၇၇။ အတ္ထိ အရဟတော ပုညူပစယောတိ? အာမန္တာ။ အရဟာ ပုညာဘိသင်္ခါရံ အဘိသင်္ခရောတိ, အာနေဉ္ဇာဘိသင်္ခါရံ အဘိသင်္ခရောတိ, ဂတိသံဝတ္တနိယံ ကမ္မံ ကရောတိ, ဘဝသံဝတ္တနိယံ ကမ္မံ ကရောတိ, ဣဿရိယသံဝတ္တနိယံ ကမ္မံ ကရောတိ, အဓိပစ္စသံဝတ္တနိယံ [အာဓိပစ္စသံဝတ္တနိကံ (?)] ကမ္မံ ကရောတိ, မဟာဘောဂသံဝတ္တနိယံ ကမ္မံ ကရောတိ, မဟာပရိဝါရသံဝတ္တနိယံ ကမ္မံ ကရောတိ, ဒေဝသောဘဂျသံဝတ္တနိယံ ကမ္မံ ကရောတိ, မနုဿသောဘဂျသံဝတ္တနိယံ ကမ္မံ ကရောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၇၈။ အတ္ထိ အရဟတော ပုညူပစယောတိ? အာမန္တာ။ အရဟာ အာစိနာတီတိ? န ဟေဝံ ဝတ္တဗ္ဗေ…ပေ… အရဟာ အပစိနာတီတိ? န ဟေဝံ
(အဘိ၊က၊၃၉၄။)ဝတ္တဗ္ဗေ …ပေ… အရဟာ ပဇဟတီတိ…ပေ… အရဟာ ဥပါဒိယတီတိ…ပေ… အရဟာ ဝိသိနေတီတိ…ပေ… အရဟာ ဥဿိနေတီတိ…ပေ… အရဟာ ဝိဓူပေတီတိ …ပေ… အရဟာ သန္ဓူပေတီတိ? န ဟေဝံ ဝတ္တဗ္ဗေ…ပေ… နနု အရဟာ နေဝါစိနာတိ န အပစိနာတိ အပစိနိတွာ ဌိတောတိ? အာမန္တာ။ ဟဉ္စိ အရဟာ နေဝါစိနာတိ နာပစိနာတိ အပစိနိတွာ ဌိတော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပုညူပစယော’’တိ။
နနု အရဟာ နေဝ ပဇဟတိ န ဥပါဒိယတိ ပဇဟိတွာ ဌိတော, နေဝ ဝိသိနေတိ န ဥဿိနေတိ ဝိသိနေတွာ ဌိတော, နေဝ ဝိဓူပေတိ န သန္ဓူပေတိ ဝိဓူပေတွာ ဌိတောတိ? အာမန္တာ။ ဟဉ္စိ အရဟာ နေဝ ဝိဓူပေတိ န သန္ဓူပေတိ ဝိဓူပေတွာ ဌိတော, နော စ ဝတ ရေ ဝတ္တဗ္ဗေ – ‘‘အတ္ထိ အရဟတော ပုညူပစယော’’တိ။
֍ ဋ္ဌ ၇၇၉။ နတ္ထိ အရဟတော ပုညူပစယောတိ? အာမန္တာ။ အရဟာ ဒါနံ ဒဒေယျာတိ? အာမန္တာ။ ဟဉ္စိ အရဟာ ဒါနံ ဒဒေယျ, နော စ ဝတ ရေ ဝတ္တဗ္ဗေ – ‘‘နတ္ထိ အရဟတော ပုညူပစယော’’တိ။
အရဟာ စီဝရံ ဒဒေယျ…ပေ… ပိဏ္ဍပါတံ ဒဒေယျ… သေနာသနံ ဒဒေယျ… ဂိလာနပစ္စယဘေသဇ္ဇပရိက္ခာရံ ဒဒေယျ… ခါဒနီယံ ဒဒေယျ… ဘောဇနီယံ ဒဒေယျ… ပါနီယံ ဒဒေယျ… စေတိယံ ဝန္ဒေယျ… စေတိယေ မာလံ အာရောပေယျ… ဂန္ဓံ အာရောပေယျ… ဝိလေပနံ အာရောပေယျ…ပေ… စေတိယံ အဘိဒက္ခိဏံ [ပဒက္ခိဏံ (?)] ကရေယျာတိ? အာမန္တာ။ ဟဉ္စိ အရဟာ စေတိယံ အဘိဒက္ခိဏံ ကရေယျ, နော စ ဝတ ရေ ဝတ္တဗ္ဗေ – ‘‘နတ္ထိ အရဟတော ပုညူပစယော’’တိ။
အတ္ထိ အရဟတော ပုညူပစယောတိကထာ နိဋ္ဌိတာ။
၁၇။ သတ္တရသမဝဂ္ဂ
(၁၆၇) ၂။ နတ္ထိ အရဟတော အကာလမစ္စူတိကထာ
֍ ဋ္ဌ ၇၈၀။ နတ္ထိ အရဟတော အကာလမစ္စူတိ? အာမန္တာ။ နတ္ထိ အရဟန္တဃာတကောတိ? န ဟေဝံ ဝတ္တဗ္ဗေ…ပေ… အတ္ထိ အရဟန္တဃာတကောတိ? အာမန္တာ။
(အဘိ၊က၊၃၉၅။)အတ္ထိ အရဟတော အကာလမစ္စူတိ? န ဟေဝံ ဝတ္တဗ္ဗေ…ပေ… နတ္ထိ အရဟတော အကာလမစ္စူတိ? အာမန္တာ။ ယော အရဟန္တံ ဇီဝိတာ ဝေါရောပေတိ, သတိ ဇီဝိတေ ဇီဝိတာဝသေသေ ဇီဝိတာ ဝေါရောပေတိ, အသတိ ဇီဝိတေ ဇီဝိတာဝသေသေ ဇီဝိတာ ဝေါရောပေတီတိ? သတိ ဇီဝိတေ ဇီဝိတာဝသေသေ ဇီဝိတာ ဝေါရောပေတီတိ။ ဟဉ္စိ သတိ ဇီဝိတေ ဇီဝိတာဝသေသေ ဇီဝိတာ ဝေါရောပေတိ, နော စ ဝတ ရေ ဝတ္တဗ္ဗေ – ‘‘နတ္ထိ အရဟတော အကာလမစ္စူ’’တိ။ အသတိ ဇီဝိတေ ဇီဝိတာဝသေသေ ဇီဝိတာ ဝေါရောပေတီတိ, နတ္ထိ အရဟန္တဃာတကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၈၁။ နတ္ထိ အရဟတော အကာလမစ္စူတိ? အာမန္တာ။ အရဟတော ကာယေ ဝိသံ န ကမေယျ, သတ္ထံ န ကမေယျ, အဂ္ဂိ န ကမေယျာတိ? န ဟေဝံ ဝတ္တဗ္ဗေ…ပေ… နနု အရဟတော ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျာတိ? အာမန္တာ။ ဟဉ္စိ အရဟတော ကာယေ ဝိသံ ကမေယျ, သတ္ထံ ကမေယျ, အဂ္ဂိ ကမေယျ, နော စ ဝတ ရေ ဝတ္တဗ္ဗေ – ‘‘နတ္ထိ အရဟတော အကာလမစ္စူ’’တိ။
အရဟတော ကာယေ ဝိသံ န ကမေယျ, သတ္ထံ န ကမေယျ, အဂ္ဂိ န ကမေယျာတိ? အာမန္တာ။ နတ္ထိ အရဟန္တဃာတကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၈၂။ အတ္ထိ အရဟတော အကာလမစ္စူတိ? အာမန္တာ။ နနု ဝုတ္တံ ဘဂဝတာ – ‘‘နာဟံ, ဘိက္ခဝေ, သဉ္စေတနိကာနံ ကမ္မာနံ ကတာနံ ဥပစိတာနံ အပ္ပဋိသံဝေဒိတွာ ဗျန္တီဘာဝံ ဝဒါမိ၊ တဉ္စ ခေါ ဒိဋ္ဌေဝ ဓမ္မေ ဥပပဇ္ဇံ ဝါ အပရေ ဝါ ပရိယာယေ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ နတ္ထိ အရဟတော အကာလမစ္စူတိ။
နတ္ထိ အရဟတော အကာလမစ္စူတိကထာ နိဋ္ဌိတာ။
၁၇။ သတ္တရသမဝဂ္ဂ
(၁၆၈) ၃။ သဗ္ဗမိဒံ ကမ္မတောတိကထာ
֍ ဋ္ဌ ၇၈၃။ သဗ္ဗမိဒံ ကမ္မတောတိ? အာမန္တာ။ ကမ္မမ္ပိ ကမ္မတောတိ? န ဟေဝံ ဝတ္တဗ္ဗေ…ပေ… သဗ္ဗမိဒံ ကမ္မတောတိ? အာမန္တာ။ သဗ္ဗမိဒံ ပုဗ္ဗေကတဟေတူတိ? န
(အဘိ၊က၊၃၉၆။)ဟေဝံ ဝတ္တဗ္ဗေ…ပေ… သဗ္ဗမိဒံ ကမ္မတောတိ? အာမန္တာ။ သဗ္ဗမိဒံ ကမ္မဝိပါကတောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၈၄။ သဗ္ဗမိဒံ ကမ္မဝိပါကတောတိ? အာမန္တာ။ ကမ္မဝိပါကေန ပါဏံ ဟနေယျာတိ? အာမန္တာ။ ပါဏာတိပါတော သဖလောတိ? အာမန္တာ။ ကမ္မဝိပါကော သဖလောတိ? န ဟေဝံ ဝတ္တဗ္ဗေ…ပေ… ကမ္မဝိပါကော အဖလောတိ? အာမန္တာ။ ပါဏာတိပါတော အဖလောတိ? န ဟေဝံ ဝတ္တဗ္ဗေ…ပေ…။
ကမ္မဝိပါကေန အဒိန္နံ အာဒိယေယျ…ပေ… မုသာ ဘဏေယျ… ပိသုဏံ ဘဏေယျ… ဖရုသံ ဘဏေယျ… သမ္ဖံ ပလပေယျ… သန္ဓိံ ဆိန္ဒေယျ… နိလ္လောပံ ဟရေယျ… ဧကာဂါရိကံ ကရေယျ… ပရိပန္ထေ တိဋ္ဌေယျ… ပရဒါရံ ဂစ္ဆေယျ… ဂါမဃာတကံ ကရေယျ… နိဂမဃာတကံ ကရေယျ… ကမ္မဝိပါကေန ဒါနံ ဒဒေယျ… စီဝရံ ဒဒေယျ … ပိဏ္ဍပါတံ ဒဒေယျ… သေနာသနံ ဒဒေယျ… ဂိလာနပစ္စယဘေသဇ္ဇပရိက္ခာရံ ဒဒေယျာတိ? အာမန္တာ။ ဂိလာနပစ္စယဘေသဇ္ဇပရိက္ခာရော သဖလောတိ? အာမန္တာ။ ကမ္မဝိပါကော သဖလောတိ? န ဟေဝံ ဝတ္တဗ္ဗေ…ပေ… ကမ္မဝိပါကော အဖလောတိ? အာမန္တာ။ ဂိလာနပစ္စယဘေသဇ္ဇပရိက္ခာရော အဖလောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၈၅။ န ဝတ္တဗ္ဗံ – ‘‘သဗ္ဗမိဒံ ကမ္မတော’’တိ? အာမန္တာ။ နနု ဝုတ္တံ ဘဂဝတာ –
‘‘ကမ္မုနာ ဝတ္တတီ [ဝတ္တတိ (ပီ။ က။, မ။ နိ။ ၂။၄၆၀), ဝတ္တတေ (?)] လောကော, ကမ္မုနာ ဝတ္တတီ [ဝတ္တတိ (ပီ။ က။, မ။ နိ။ ၂။၄၆၀), ဝတ္တတေ (?)] ပဇာ၊
ကမ္မနိဗန္ဓနာ သတ္တာ, ရထဿာဏီဝ ယာယတော [မ။ နိ။ ၂။၄၆၀၊ သု။ နိ။ ၆၅၉]။
‘‘ကမ္မေန ကိတ္တိံ လဘတေ ပသံသံ,
ကမ္မေန ဇာနိဉ္စ ဝဓဉ္စ ဗန္ဓံ၊
တံ ကမ္မံ နာနာကရဏံ ဝိဒိတွာ,
ကသ္မာ ဝဒေ နတ္ထိ ကမ္မန္တိ လောကေ’’တိ။
အတ္ထေဝ သုတ္တန္တောတိ? အာမန္တာ။ တေန ဟိ ‘‘သဗ္ဗမိဒံ ကမ္မတော’’တိ။
သဗ္ဗမိဒံ ကမ္မတောတိကထာ နိဋ္ဌိတာ။
(အဘိ၊က၊၃၉၇။)၁၇။ သတ္တရသမဝဂ္ဂ
(၁၆၉) ၄။ ဣန္ဒြိယဗဒ္ဓကထာ
֍ ဋ္ဌ ၇၈၆။ ဣန္ဒြိယဗဒ္ဓညေဝ ဒုက္ခန္တိ? အာမန္တာ။ ဣန္ဒြိယဗဒ္ဓညေဝ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? န ဟေဝံ ဝတ္တဗ္ဗေ…ပေ… နနု အနိန္ဒြိယဗဒ္ဓံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? အာမန္တာ။ ဟဉ္စိ အနိန္ဒြိယဗဒ္ဓံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘ဣန္ဒြိယဗဒ္ဓညေဝ ဒုက္ခ’’န္တိ။
အနိန္ဒြိယဗဒ္ဓံ အနိစ္စံ သင်္ခတံ ပဋိစ္စသမုပ္ပန္နံ…ပေ… ဝိပရိဏာမဓမ္မံ, တဉ္စ န ဒုက္ခန္တိ? အာမန္တာ။ ဣန္ဒြိယဗဒ္ဓံ အနိစ္စံ သင်္ခတံ…ပေ… ဝိပရိဏာမဓမ္မံ, တဉ္စ န ဒုက္ခန္တိ? န ဟေဝံ ဝတ္တဗ္ဗေ…ပေ…။
ဣန္ဒြိယဗဒ္ဓံ အနိစ္စံ သင်္ခတံ…ပေ… ဝိပရိဏာမဓမ္မံ, တဉ္စ ဒုက္ခန္တိ [ဣဒံ-ပုစ္ဆာဒွယေန ပုရိမပုစ္ဆာဒွယဿ ပုရတော ဘဝိတဗ္ဗံ]? အာမန္တာ။ အနိန္ဒြိယဗဒ္ဓံ အနိစ္စံ သင်္ခတံ…ပေ… ဝိပရိဏာမဓမ္မံ, တဉ္စ ဒုက္ခန္တိ [ဣဒံ-ပုစ္ဆာဒွယေန ပုရိမပုစ္ဆာဒွယဿ ပုရတော ဘဝိတဗ္ဗံ]? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၈၇။ ဣန္ဒြိယဗဒ္ဓညေဝ ဒုက္ခန္တိ? အာမန္တာ။ နနု ယဒနိစ္စံ တံ ဒုက္ခံ [သံ။ နိ။ ၃။၁၅] ဝုတ္တံ ဘဂဝတာ – ‘‘အနိန္ဒြိယဗဒ္ဓံ အနိစ္စ’’န္တိ? အာမန္တာ။ ဟဉ္စိ ယဒနိစ္စံ တံ ဒုက္ခံ [သံ။ နိ။ ၃။၁၅] ဝုတ္တံ ဘဂဝတာ – အနိန္ဒြိယဗဒ္ဓံ အနိစ္စံ, နော စ ဝတ ရေ ဝတ္တဗ္ဗေ – ‘‘ဣန္ဒြိယဗဒ္ဓညေဝ ဒုက္ခ’’န္တိ။
֍ ဋ္ဌ ၇၈၈။ န ဝတ္တဗ္ဗံ – ‘‘ဣန္ဒြိယဗဒ္ဓညေဝ ဒုက္ခ’’န္တိ? အာမန္တာ။ ယထာ ဣန္ဒြိယဗဒ္ဓဿ ဒုက္ခဿ ပရိညာယ ဘဂဝတိ ဗြဟ္မစရိယံ ဝုဿတိ, ဧဝမေဝံ အနိန္ဒြိယဗဒ္ဓဿ ဒုက္ခဿ ပရိညာယ ဘဂဝတိ ဗြဟ္မစရိယံ ဝုဿတီတိ? န ဟေဝံ ဝတ္တဗ္ဗေ…ပေ… ယထာ ဣန္ဒြိယဗဒ္ဓံ ဒုက္ခံ ပရိညာတံ န ပုန ဥပ္ပဇ္ဇတိ, ဧဝမေဝံ အနိန္ဒြိယဗဒ္ဓံ ဒုက္ခံ ပရိညာတံ န ပုန ဥပ္ပဇ္ဇတီတိ? န ဟေဝံ ဝတ္တဗ္ဗေ။ တေန ဟိ ဣန္ဒြိယဗဒ္ဓညေဝ ဒုက္ခန္တိ။
ဣန္ဒြိယဗဒ္ဓကထာ နိဋ္ဌိတာ။
(အဘိ၊က၊၃၉၈။)၁၇။ သတ္တရသမဝဂ္ဂ
(၁၇၀) ၅။ ဌပေတွာ အရိယမဂ္ဂန္တိကထာ
֍ ဋ္ဌ ၇၈၉။ ဌပေတွာ အရိယမဂ္ဂံ အဝသေသာ သင်္ခါရာ ဒုက္ခာတိ? အာမန္တာ။ ဒုက္ခသမုဒယောပိ ဒုက္ခောတိ? န ဟေဝံ ဝတ္တဗ္ဗေ…ပေ… ဒုက္ခသမုဒယောပိ ဒုက္ခောတိ? အာမန္တာ။ တီဏေဝ အရိယသစ္စာနီတိ? န ဟေဝံ ဝတ္တဗ္ဗေ…ပေ… တီဏေဝ အရိယသစ္စာနီတိ? အာမန္တာ။ နနု စတ္တာရိ အရိယသစ္စာနိ ဝုတ္တာနိ ဘဂဝတာ – ဒုက္ခံ, ဒုက္ခသမုဒယော, ဒုက္ခနိရောဓော, ဒုက္ခနိရောဓဂါမိနီ ပဋိပဒါတိ? အာမန္တာ။ ဟဉ္စိ စတ္တာရိ အရိယသစ္စာနိ ဝုတ္တာနိ ဘဂဝတာ – ဒုက္ခံ, ဒုက္ခသမုဒယော, ဒုက္ခနိရောဓော, ဒုက္ခနိရောဓဂါမိနီ ပဋိပဒါ၊ နော စ ဝတ ရေ ဝတ္တဗ္ဗေ – ‘‘တီဏေဝ အရိယသစ္စာနီ’’တိ။
ဒုက္ခသမုဒယောပိ ဒုက္ခောတိ? အာမန္တာ။ ကေနဋ္ဌေနာတိ? အနိစ္စဋ္ဌေန။ အရိယမဂ္ဂေါ အနိစ္စောတိ? အာမန္တာ။ အရိယမဂ္ဂေါ ဒုက္ခောတိ? န ဟေဝံ ဝတ္တဗ္ဗေ…ပေ…။
အရိယမဂ္ဂေါ အနိစ္စော, သော စ န ဒုက္ခောတိ? အာမန္တာ။ ဒုက္ခသမုဒယော အနိစ္စော, သော စ န ဒုက္ခောတိ? န ဟေဝံ ဝတ္တဗ္ဗေ…ပေ… ဒုက္ခသမုဒယော အနိစ္စော, သော စ ဒုက္ခောတိ? အာမန္တာ။ အရိယမဂ္ဂေါ အနိစ္စော, သော စ ဒုက္ခောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၇၉၀။ န ဝတ္တဗ္ဗံ – ‘‘ဌပေတွာ အရိယမဂ္ဂံ အဝသေသာ သင်္ခါရာ ဒုက္ခာ’’တိ? အာမန္တာ။ နနု သာ ဒုက္ခနိရောဓဂါမိနီ ပဋိပဒါတိ? အာမန္တာ။ ဟဉ္စိ သာ ဒုက္ခနိရောဓဂါမိနီ ပဋိပဒါ, တေန ဝတ ရေ ဝတ္တဗ္ဗေ – ‘‘ဌပေတွာ အရိယမဂ္ဂံ အဝသေသာ သင်္ခါရာ ဒုက္ခာ’’တိ။
ဌပေတွာ အရိယမဂ္ဂန္တိကထာ နိဋ္ဌိတာ။
၁၇။ သတ္တရသမဝဂ္ဂ
(၁၇၁) ၆။ န ဝတ္တဗ္ဗံ သံဃော ဒက္ခိဏံ ပဋိဂ္ဂဏှာတိကထာ
֍ ဋ္ဌ ၇၉၁။ န ဝတ္တဗ္ဗံ – ‘‘သံဃော ဒက္ခိဏံ ပဋိဂ္ဂဏှာတီ’’တိ? အာမန္တာ။ နနု သံဃော အာဟုနေယျော ပါဟုနေယျော ဒက္ခိဏေယျော အဉ္ဇလိကရဏီယော အနုတ္တရံ ပုညက္ခေတ္တံ လောကဿာတိ? အာမန္တာ။ ဟဉ္စိ သံဃော အာဟုနေယျော
(အဘိ၊က၊၃၉၉။)ပါဟုနေယျော ဒက္ခိဏေယျော အဉ္ဇလိကရဏီယော အနုတ္တရံ ပုညက္ခေတ္တံ လောကဿ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ပဋိဂ္ဂဏှာတီ’’တိ။
န ဝတ္တဗ္ဗံ – ‘‘သံဃော ဒက္ခိဏံ ပဋိဂ္ဂဏှာတီ’’တိ? အာမန္တာ။ နနု စတ္တာရော ပုရိသယုဂါ အဋ္ဌပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာတိ? အာမန္တာ။ ဟဉ္စိ စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ပဋိဂ္ဂဏှာတီ’’တိ။
န ဝတ္တဗ္ဗံ – ‘‘သံဃော ဒက္ခိဏံ ပဋိဂ္ဂဏှာတီ’’တိ? အာမန္တာ။ နနု အတ္ထိ ကေစိ သံဃဿ ဒါနံ ဒေန္တီတိ? အာမန္တာ။ ဟဉ္စိ အတ္ထိ ကေစိ သံဃဿ ဒါနံ ဒေန္တိ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ပဋိဂ္ဂဏှာတီ’’တိ။ နနု အတ္ထိ ကေစိ သံဃဿ စီဝရံ ဒေန္တိ…ပေ… ပိဏ္ဍပါတံ ဒေန္တိ… သေနာသနံ ဒေန္တိ… ဂိလာနပစ္စယဘေသဇ္ဇပရိက္ခာရံ ဒေန္တိ… ခါဒနီယံ ဒေန္တိ… ဘောဇနီယံ ဒေန္တိ…ပေ… ပါနီယံ ဒေန္တီတိ? အာမန္တာ။ ဟဉ္စိ အတ္ထိ ကေစိ သံဃဿ ပါနီယံ ဒေန္တိ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ပဋိဂ္ဂဏှာတီ’’တိ။
န ဝတ္တဗ္ဗံ – ‘‘သံဃော ဒက္ခိဏံ ပဋိဂ္ဂဏှာတီ’’တိ? အာမန္တာ။ နနု ဝုတ္တံ ဘဂဝတာ –
‘‘အာဟုတိံ ဇာတဝေဒေါဝ, မဟာမေဃံဝ မေဒနီ၊
သံဃော သမာဓိသမ္ပန္နော, ပဋိဂ္ဂဏှာတိ ဒက္ခိဏ’’န္တိ။
အတ္ထေဝ သုတ္တန္တောတိ? အာမန္တာ။ တေန ဟိ သံဃော ဒက္ခိဏံ ပဋိဂ္ဂဏှာတီတိ။
֍ ဋ္ဌ ၇၉၂။ သံဃော ဒက္ခိဏံ ပဋိဂ္ဂဏှာတီတိ? အာမန္တာ။ မဂ္ဂေါ ပဋိဂ္ဂဏှာတိ, ဖလံ ပဋိဂ္ဂဏှာတီတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ သံဃော ဒက္ခိဏံ ပဋိဂ္ဂဏှာတီတိကထာ နိဋ္ဌိတာ။
၁၇။ သတ္တရသမဝဂ္ဂ
(၁၇၂) ၇။ န ဝတ္တဗ္ဗံ သံဃော ဒက္ခိဏံ ဝိသောဓေတီတိကထာ
֍ ဋ္ဌ ၇၉၃။ န ဝတ္တဗ္ဗံ – ‘‘သံဃော ဒက္ခိဏံ ဝိသောဓေတီ’’တိ? အာမန္တာ။ နနု သံဃော အာဟုနေယျော ပါဟုနေယျော ဒက္ခိဏေယျော အဉ္ဇလိကရဏီယော
(အဘိ၊က၊၄၀၀။)အနုတ္တရံ ပုညက္ခေတ္တံ လောကဿာတိ? အာမန္တာ။ ဟဉ္စိ သံဃော အာဟုနေယျော…ပေ…အနုတ္တရံ ပုညက္ခေတ္တံ လောကဿ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ဝိသောဓေတီ’’တိ။
န ဝတ္တဗ္ဗံ – ‘‘သံဃော ဒက္ခိဏံ ဝိသောဓေတီ’’တိ? အာမန္တာ။ နနု စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာတိ? အာမန္တာ။ ဟဉ္စိ စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ဝိသောဓေတီ’’တိ။
န ဝတ္တဗ္ဗံ – ‘‘သံဃော ဒက္ခိဏံ ဝိသောဓေတီ’’တိ? အာမန္တာ။ နနု အတ္ထိ ကေစိ သံဃဿ ဒါနံ ဒတွာ ဒက္ခိဏံ အာရာဓေန္တီတိ? အာမန္တာ။ ဟဉ္စိ အတ္ထိ ကေစိ သံဃဿ ဒါနံ ဒတွာ ဒက္ခိဏံ အာရာဓေန္တိ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ဝိသောဓေတီ’’တိ။
နနု အတ္ထိ ကေစိ သံဃဿ စီဝရံ ဒတွာ…ပေ… ပိဏ္ဍပါတံ ဒတွာ…ပေ… သေနာသနံ ဒတွာ… ဂိလာနပစ္စယဘေသဇ္ဇပရိက္ခာရံ ဒတွာ… ခါဒနီယံ ဒတွာ… ဘောဇနီယံ ဒတွာ…ပေ… ပါနီယံ ဒတွာ ဒက္ခိဏံ အာရာဓေန္တီတိ? အာမန္တာ။ ဟဉ္စိ အတ္ထိ ကေစိ သံဃဿ ပါနီယံ ဒတွာ ဒက္ခိဏံ အာရာဓေန္တိ, တေန ဝတ ရေ ဝတ္တဗ္ဗေ – ‘‘သံဃော ဒက္ခိဏံ ဝိသောဓေတီ’’တိ။
֍ ဋ္ဌ ၇၉၄။ သံဃော ဒက္ခိဏံ ဝိသောဓေတီတိ? အာမန္တာ။ မဂ္ဂေါ ဝိသောဓေတိ, ဖလံ ဝိသောဓေတီတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ သံဃော ဒက္ခိဏံ ဝိသောဓေတီတိကထာ နိဋ္ဌိတာ။
၁၇။ သတ္တရသမဝဂ္ဂ
(၁၇၃) ၈။ န ဝတ္တဗ္ဗံ သံဃော ဘုဉ္ဇတီတိကထာ
֍ ဋ္ဌ ၇၉၅။ န ဝတ္တဗ္ဗံ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ? အာမန္တာ။ နနု အတ္ထိ ကေစိ သံဃဘတ္တာနိ ကရောန္တိ, ဥဒ္ဒေသဘတ္တာနိ ကရောန္တိ, ယာဂုပါနာနိ ကရောန္တီတိ? အာမန္တာ။ ဟဉ္စိ အတ္ထိ ကေစိ သံဃဘတ္တာနိ ကရောန္တိ, ဥဒ္ဒေသဘတ္တာနိ ကရောန္တိ, ယာဂုပါနာနိ ကရောန္တိ, တေန ဝတ ရေ ဝတ္တဗ္ဗေ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ။
(အဘိ၊က၊၄၀၁။)န ဝတ္တဗ္ဗံ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ? အာမန္တာ။ နနု ဝုတ္တံ ဘဂဝတာ – ‘‘ဂဏဘောဇနံ ပရမ္ပရဘောဇနံ အတိရိတ္တဘောဇနံ အနတိရိတ္တဘောဇန’’န္တိ? အာမန္တာ။ ဟဉ္စိ ဝုတ္တံ ဘဂဝတာ – ‘‘ဂဏဘောဇနံ ပရမ္ပရဘောဇနံ အတိရိတ္တဘောဇနံ အနတိရိတ္တဘောဇနံ’’, တေန ဝတ ရေ ဝတ္တဗ္ဗေ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ။
န ဝတ္တဗ္ဗံ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ? အာမန္တာ။ နနု အဋ္ဌ ပါနာနိ ဝုတ္တာနိ ဘဂဝတာ – အမ္ဗပါနံ, ဇမ္ဗုပါနံ, စောစပါနံ, မောစပါနံ, မဓုကပါနံ, [မဓုပါနံ (သီ။ သျာ။ ကံ။ ပီ။) မဟာဝ။ ၃၀၀ ပန ပဿိတဗ္ဗံ] မုဒ္ဒိကပါနံ, သာလုကပါနံ, ဖာရုသကပါနန္တိ? အာမန္တာ။ ဟဉ္စိ အဋ္ဌ ပါနာနိ ဝုတ္တာနိ ဘဂဝတာ – အမ္ဗပါနံ, ဇမ္ဗုပါနံ, စောစပါနံ, မောစပါနံ, မဓုကပါနံ, မုဒ္ဒိကပါနံ, သာလုကပါနံ, ဖာရုသကပါနံ, တေန ဝတ ရေ ဝတ္တဗ္ဗေ – ‘‘သံဃော ဘုဉ္ဇတိ ပိဝတိ ခါဒတိ သာယတီ’’တိ။
֍ ဋ္ဌ ၇၉၆။ သံဃော ဘုဉ္ဇတိ ပိဝတိ ခါဒတိ သာယတီတိ? အာမန္တာ။ မဂ္ဂေါ ဘုဉ္ဇတိ ပိဝတိ ခါဒတိ သာယတိ, ဖလံ ဘုဉ္ဇတိ ပိဝတိ ခါဒတိ သာယတီတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ သံဃော ဘုဉ္ဇတီတိကထာ နိဋ္ဌိတာ။
၁၇။ သတ္တရသမဝဂ္ဂ
(၁၇၄) ၉။ န ဝတ္တဗ္ဗံ သံဃဿဒိန္နံ မဟပ္ဖလန္တိကထာ
֍ ဋ္ဌ ၇၉၇။ န ဝတ္တဗ္ဗံ – ‘‘သံဃဿ ဒိန္နံ မဟပ္ဖလ’’န္တိ? အာမန္တာ။ နနု သံဃော အာဟုနေယျော ပါဟုနေယျော ဒက္ခိဏေယျော အဉ္ဇလိကရဏီယော အနုတ္တရံ ပုညက္ခေတ္တံ လောကဿာတိ? အာမန္တာ။ ဟဉ္စိ သံဃော အာဟုနေယျော…ပေ… အနုတ္တရံ ပုညက္ခေတ္တံ လောကဿ, တေန ဝတ ရေ ဝတ္တဗ္ဗေ – ‘‘သံဃဿ ဒိန္နံ မဟပ္ဖလ’’န္တိ။
န ဝတ္တဗ္ဗံ – ‘‘သံဃဿ ဒိန္နံ မဟပ္ဖလ’’န္တိ? အာမန္တာ။ နနု စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာတိ? အာမန္တာ။ ဟဉ္စိ စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာ, တေန ဝတ ရေ ဝတ္တဗ္ဗေ – ‘‘သံဃဿ ဒိန္နံ မဟပ္ဖလ’’န္တိ။
(အဘိ၊က၊၄၀၂။)֍ ဋ္ဌ ၇၉၈။ န ဝတ္တဗ္ဗံ – ‘‘သံဃဿ ဒိန္နံ မဟပ္ဖလ’’န္တိ? အာမန္တာ။ နနု ဝုတ္တံ ဘဂဝတာ – ‘‘သံဃေ, ဂေါတမိ, ဒေဟိ, သံဃေ တေ ဒိန္နေ အဟဉ္စေဝ ပူဇိတော ဘဝိဿာမိ သံဃော စာ’’တိ [မ။ နိ။ ၃။၃၇၆]။ အတ္ထေဝ သုတ္တန္တောတိ? အာမန္တာ။ တေန ဟိ သံဃဿ ဒိန္နံ မဟပ္ဖလန္တိ။
န ဝတ္တဗ္ဗံ – ‘‘သံဃဿ ဒိန္နံ မဟပ္ဖလ’’န္တိ? အာမန္တာ။ နနု သက္ကော ဒေဝါနမိန္ဒော ဘဂဝန္တံ ဧတဒဝေါစ –
‘‘ယဇမာနာနံ မနုဿာနံ, ပုညပေက္ခာန ပါဏိနံ၊
ကရောတံ ဩပဓိကံ ပုညံ, ကတ္ထ ဒိန္နံ မဟပ္ဖလန္တိ။
‘‘စတ္တာရော စ ပဋိပန္နာ, စတ္တာရော စ ဖလေ ဌိတာ၊
ဧသ သံဃော ဥဇုဘူတော, ပညာသီလသမာဟိတော။
‘‘ယဇမာနာနံ မနုဿာနံ, ပုညပေက္ခာန ပါဏိနံ၊
ကရောတံ ဩပဓိကံ ပုညံ, သံဃေ ဒိန္နံ မဟပ္ဖလ’’န္တိ [သံ။ နိ။ ၁။၂၆၂၊ ဝိ။ ဝ။ ၆၄၂, ၇၅၁]။
‘‘ဧသော ဟိ သံဃော ဝိပုလော မဟဂ္ဂတော,
ဧသပ္ပမေယျော ဥဒဓီဝ သာဂရော၊
ဧတေ ဟိ သေဋ္ဌာ နရဝီရသာဝကာ [နရသီဟသာဝကာ (က။)],
ပဘင်္ကရာ ဓမ္မမုဒီရယန္တိ။
‘‘တေသံ သုဒိန္နံ သုဟုတံ သုယိဋ္ဌံ,
ယေ သံဃမုဒ္ဒိဿ ဒဒန္တိ ဒါနံ၊
မဟပ္ဖလာ လောကဝိဒူန ဝဏ္ဏိတာ။
‘‘ဧတာဒိသံ ယညမနုဿရန္တာ,
ယေ ဝေဒဇာတာ ဝိစရန္တိ [ဝိဟရန္တိ (သီ။ က။)] လောကေ၊
ဝိနေယျ မစ္ဆေရမလံ သမူလံ,
အနိန္ဒိတာ သဂ္ဂမုပေန္တိ ဌာန’’န္တိ [ဝိ။ ဝ။ ၆၄၅, ၇၅၄]။
အတ္ထေဝ သုတ္တန္တောတိ? အာမန္တာ။ တေန ဟိ သံဃဿ ဒိန္နံ မဟပ္ဖလန္တိ။
န ဝတ္တဗ္ဗံ သံဃဿ ဒိန္နံ မဟပ္ဖလန္တိကထာ နိဋ္ဌိတာ။
(အဘိ၊က၊၄၀၃။)၁၇။ သတ္တရသမဝဂ္ဂ
(၁၇၅) ၁၀။ န ဝတ္တဗ္ဗံ ဗုဒ္ဓဿဒိန္နံ မဟပ္ဖလန္တိကထာ
֍ ဋ္ဌ ၇၉၉။ န ဝတ္တဗ္ဗံ – ‘‘ဗုဒ္ဓဿ ဒိန္နံ မဟပ္ဖလ’’န္တိ? အာမန္တာ။ နနု ဘဂဝါ ဒွိပဒါနံ အဂ္ဂေါ, ဒွိပဒါနံ သေဋ္ဌော, ဒွိပဒါနံ ပမောက္ခော, ဒွိပဒါနံ ဥတ္တမော, ဒွိပဒါနံ ပဝရော အသမော အသမသမော အပ္ပဋိသမော အပ္ပဋိဘာဂေါ အပ္ပဋိပုဂ္ဂလောတိ? အာမန္တာ။ ဟဉ္စိ ဘဂဝါ ဒွိပဒါနံ အဂ္ဂေါ, ဒွိပဒါနံ သေဋ္ဌော, ဒွိပဒါနံ ပမောက္ခော, ဒွိပဒါနံ ဥတ္တမော, ဒွိပဒါနံ ပဝရော အသမော အသမသမော အပ္ပဋိသမော အပ္ပဋိဘာဂေါ အပ္ပဋိပုဂ္ဂလော, တေန ဝတ ရေ ဝတ္တဗ္ဗေ – ‘‘ဗုဒ္ဓဿ ဒိန္နံ မဟပ္ဖလ’’န္တိ။
န ဝတ္တဗ္ဗံ – ‘‘ဗုဒ္ဓဿ ဒိန္နံ မဟပ္ဖလ’’န္တိ? အာမန္တာ။ အတ္ထိ ကောစိ ဗုဒ္ဓေန သမသမော – သီလေန သမာဓိနာ ပညာယာတိ? နတ္ထိ။ ဟဉ္စိ နတ္ထိ ကောစိ ဗုဒ္ဓေန သမသမော – သီလေန သမာဓိနာ ပညာယ, တေန ဝတ ရေ ဝတ္တဗ္ဗေ – ‘‘ဗုဒ္ဓဿ ဒိန္နံ မဟပ္ဖလ’’န္တိ။
န ဝတ္တဗ္ဗံ – ‘‘ဗုဒ္ဓဿ ဒိန္နံ မဟပ္ဖလ’’န္တိ? အာမန္တာ။ နနု ဝုတ္တံ ဘဂဝတာ –
‘‘နယိမသ္မိံ ဝါ လောကေ ပရသ္မိံ ဝါ ပန,
ဗုဒ္ဓေန သေဋ္ဌော စ သမော စ ဝိဇ္ဇတိ၊
ယမာဟုနေယျာနံ အဂ္ဂတံ ဂတော,
ပုညတ္ထိကာနံ ဝိပုလပ္ဖလေသိန’’န္တိ [ဝိ။ ဝ။ ၁၀၄၇]။
အတ္ထေဝ သုတ္တန္တောတိ? အာမန္တာ။ တေန ဟိ ဗုဒ္ဓဿ ဒိန္နံ မဟပ္ဖလန္တိ။
န ဝတ္တဗ္ဗံ ဗုဒ္ဓဿ ဒိန္နံ မဟပ္ဖလန္တိကထာ နိဋ္ဌိတာ။
၁၇။ သတ္တရသမဝဂ္ဂ
(၁၇၆) ၁၁။ ဒက္ခိဏာဝိသုဒ္ဓိကထာ
֍ ဋ္ဌ ၈၀၀။ ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတောတိ? အာမန္တာ။ နနု အတ္ထိ ကေစိ ပဋိဂ္ဂါဟကာ အာဟုနေယျာ ပါဟုနေယျာ ဒက္ခိဏေယျာ အဉ္ဇလိကရဏီယာ အနုတ္တရံ ပုညက္ခေတ္တံ လောကဿာတိ?
(အဘိ၊က၊၄၀၄။)အာမန္တာ။ ဟဉ္စိ အတ္ထိ ကေစိ ပဋိဂ္ဂါဟကာ အာဟုနေယျာ ပါဟုနေယျာ ဒက္ခိဏေယျာ အဉ္ဇလိကရဏီယာ အနုတ္တရံ ပုညက္ခေတ္တံ လောကဿ, နော စ ဝတ ရေ ဝတ္တဗ္ဗေ – ‘‘ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတော’’တိ။
ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတောတိ? အာမန္တာ။ နနု စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာတိ? အာမန္တာ။ ဟဉ္စိ စတ္တာရော ပုရိသယုဂါ အဋ္ဌ ပုရိသပုဂ္ဂလာ ဒက္ခိဏေယျာ ဝုတ္တာ ဘဂဝတာ, နော စ ဝတ ရေ ဝတ္တဗ္ဗေ – ‘‘ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတော’’တိ။
ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတောတိ? အာမန္တာ။ နနု အတ္ထိ ကေစိ သောတာပန္နေ ဒါနံ ဒတွာ ဒက္ခိဏံ အာရာဓေန္တီတိ? အာမန္တာ။ ဟဉ္စိ အတ္ထိ ကေစိ သောတာပန္နေ ဒါနံ ဒတွာ ဒက္ခိဏံ အာရာဓေန္တိ, နော စ ဝတ ရေ ဝတ္တဗ္ဗေ – ‘‘ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတော’’တိ။
နနု အတ္ထိ ကေစိ သကဒါဂါမိဿ…ပေ… အနာဂါမိဿ…ပေ… အရဟတော ဒါနံ ဒတွာ ဒက္ခိဏံ အာရာဓေန္တီတိ? အာမန္တာ။ ဟဉ္စိ အတ္ထိ ကေစိ အရဟတော ဒါနံ ဒတွာ ဒက္ခိဏံ အာရာဓေန္တိ, နော စ ဝတ ရေ ဝတ္တဗ္ဗေ – ‘‘ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတော’’တိ။
֍ ဋ္ဌ ၈၀၁။ ပဋိဂ္ဂါဟကတော ဒါနံ ဝိသုဇ္ဈတီတိ? အာမန္တာ။ အညော အညဿ ကာရကော, ပရကတံ သုခဒုက္ခံ, အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ…ပေ…။
ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတောတိ? အာမန္တာ။ နနု ဝုတ္တံ ဘဂဝတာ – ‘‘စတဿော ခေါ ဣမာ, အာနန္ဒ, ဒက္ခိဏာ ဝိသုဒ္ဓိယော! ကတမာ စတဿော? အတ္ထာနန္ဒ, ဒက္ခိဏာ ဒါယကတော ဝိသုဇ္ဈတိ, နော ပဋိဂ္ဂါဟကတော၊ အတ္ထာနန္ဒ, ဒက္ခိဏာ ပဋိဂ္ဂါဟကတော ဝိသုဇ္ဈတိ, နော ဒါယကတော၊ အတ္ထာနန္ဒ, ဒက္ခိဏာ ဒါယကတော စေဝ ဝိသုဇ္ဈတိ ပဋိဂ္ဂါဟကတော စ၊ အတ္ထာနန္ဒ, ဒက္ခိဏာ နေဝ ဒါယကတော ဝိသုဇ္ဈတိ, နော ပဋိဂ္ဂါဟကတော။ ဣမာ ခေါ, အာနန္ဒ, စတဿော ဒက္ခိဏာ ဝိသုဒ္ဓိယော’’တိ [မ။ နိ။ ၃။၃၈၁]။
(အဘိ၊က၊၄၀၅။)အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဒါယကတောဝ ဒါနံ ဝိသုဇ္ဈတိ, နော ပဋိဂ္ဂါဟကတော’’တိ။
ဒက္ခိဏာဝိသုဒ္ဓိကထာ နိဋ္ဌိတာ။
သတ္တရသမဝဂ္ဂေါ။
တဿုဒ္ဒါနံ –
အတ္ထိ အရဟတော ပုညူပစယော, နတ္ထိ အရဟတော အကာလမစ္စု, သဗ္ဗမိဒံ ကမ္မတော, ဣန္ဒြိယဗဒ္ဓညေဝ ဒုက္ခံ, ဌပေတွာ အရိယမဂ္ဂံ အဝသေသာ သင်္ခါရာ ဒုက္ခာ, သံဃော ဒက္ခိဏံ ပဋိဂ္ဂဏှာတိ, သံဃော ဒက္ခိဏံ ဝိသောဓေတိ, သံဃော ဘုဉ္ဇတိ ပိဝတိ ခါဒတိ သာယတိ, သံဃဿ ဒိန္နံ မဟပ္ဖလံ, အတ္ထိ ဒါနံ ဝိသုဒ္ဓိယာတိ [ဝိသုဇ္ဈတီတိ (သျာ။)]။
၁၈။ အဋ္ဌာရသမဝဂ္ဂ
(၁၇၇) ၁။ မနုဿလောကကထာ
֍ ဋ္ဌ ၈၀၂။ န ဝတ္တဗ္ဗံ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ? အာမန္တာ။ နနု အတ္ထိ ဗုဒ္ဓဝုတ္ထာနိ စေတိယာနိ အာရာမဝိဟာရဂါမနိဂမနဂရာနိ ရဋ္ဌာနိ ဇနပဒါနီတိ? အာမန္တာ။ ဟဉ္စိ အတ္ထိ ဗုဒ္ဓဝုတ္ထာနိ စေတိယာနိ အာရာမဝိဟာရဂါမနိဂမနဂရာနိ ရဋ္ဌာနိ ဇနပဒါနိ, တေန ဝတ ရေ ဝတ္တဗ္ဗေ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ။
န ဝတ္တဗ္ဗံ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ? အာမန္တာ။ နနု ဘဂဝါ လုမ္ဗိနိယာ ဇာတော, ဗောဓိယာ မူလေ အဘိသမ္ဗုဒ္ဓေါ, ဗာရာဏသိယံ ဘဂဝတာ ဓမ္မစက္ကံ ပဝတ္တိတံ, စာပါလေ စေတိယေ အာယုသင်္ခါရော ဩဿဋ္ဌော, ကုသိနာရာယံ ဘဂဝါ ပရိနိဗ္ဗုတောတိ? အာမန္တာ။ ဟဉ္စိ ဘဂဝါ လုမ္ဗိနိယာ ဇာတော…ပေ… ကုသိနာရာယံ ဘဂဝါ ပရိနိဗ္ဗုတော, တေန ဝတ ရေ ဝတ္တဗ္ဗေ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ။
န ဝတ္တဗ္ဗံ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ? အာမန္တာ။ နနု ဝုတ္တံ ဘဂဝတာ – ‘‘ဧကမိဒါဟံ, ဘိက္ခဝေ, သမယံ ဥက္ကဋ္ဌာယံ ဝိဟရာမိ သုဘဂဝနေ
(အဘိ၊က၊၄၀၆။)သာလရာဇမူလေ’’တိ [ဒီ။ နိ။ ၂။၉၁]၊ ‘‘ဧကမိဒါဟံ, ဘိက္ခဝေ, သမယံ ဥရုဝေလာယံ ဝိဟရာမိ အဇပါလနိဂြောဓေ ပဌမာဘိသမ္ဗုဒ္ဓေါ’’တိ [အ။ နိ။ ၄။၂၁]၊ ‘‘ဧကမိဒါဟံ, ဘိက္ခဝေ, သမယံ ရာဇဂဟေ ဝိဟရာမိ ဝေဠုဝနေ ကဠန္ဒကနိဝါပေ’’တိ [ဒီ။ နိ။ ၂။၁၈၀]၊ ‘‘ဧကမိဒါဟံ, ဘိက္ခဝေ, သမယံ သာဝတ္ထိယံ ဝိဟရာမိ ဇေတဝနေ အနာထပိဏ္ဍိကဿ အာရာမေ’’တိ၊ ‘‘ဧကမိဒါဟံ, ဘိက္ခဝေ, သမယံ ဝေသာလိယံ ဝိဟရာမိ မဟာဝနေ ကူဋာဂါရသာလာယ’’န္တိ [ဒီ။ နိ။ ၃။၁၁]! အတ္ထေဝ သုတ္တန္တောတိ? အာမန္တာ။ တေန ဟိ ဗုဒ္ဓေါ ဘဂဝါ မနုဿလောကေ အဋ္ဌာသီတိ။
֍ ဋ္ဌ ၈၀၃။ ဗုဒ္ဓေါ ဘဂဝါ မနုဿလောကေ အဋ္ဌာသီတိ? အာမန္တာ။ နနု ဘဂဝါ လောကေ ဇာတော, လောကေ သံဝဍ္ဎော, လောကံ အဘိဘုယျ ဝိဟရတိ အနုပလိတ္တော လောကေနာတိ [အ။ နိ။ ၄။၃၆]? အာမန္တာ။ ဟဉ္စိ ဘဂဝါ လောကေ ဇာတော, လောကေ သံဝဍ္ဎော, လောကံ အဘိဘုယျ ဝိဟရတိ အနုပလိတ္တော လောကေန, နော စ ဝတ ရေ ဝတ္တဗ္ဗေ – ‘‘ဗုဒ္ဓေါ ဘဂဝါ မနုဿလောကေ အဋ္ဌာသီ’’တိ။
မနုဿလောကကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၇၈) ၂။ ဓမ္မဒေသနာကထာ
֍ ဋ္ဌ ၈၀၄။ န ဝတ္တဗ္ဗံ – ‘‘ဗုဒ္ဓေန ဘဂဝတာ ဓမ္မော ဒေသိတော’’တိ? အာမန္တာ။ ကေန ဒေသိတောတိ? အဘိနိမ္မိတေန ဒေသိတောတိ။ အဘိနိမ္မိတော ဇိနော သတ္ထာ သမ္မာသမ္ဗုဒ္ဓေါ သဗ္ဗညူ သဗ္ဗဒဿာဝီ ဓမ္မဿာမီ ဓမ္မပ္ပဋိသရဏောတိ? န ဟေဝံ ဝတ္တဗ္ဗေ…ပေ…။
န ဝတ္တဗ္ဗံ – ‘‘ဗုဒ္ဓေန ဘဂဝတာ ဓမ္မော ဒေသိတော’’တိ? အာမန္တာ။ ကေန ဒေသိတောတိ? အာယသ္မတာ အာနန္ဒေန ဒေသိတောတိ။ အာယသ္မာ အာနန္ဒော ဇိနော သတ္ထာ သမ္မာသမ္ဗုဒ္ဓေါ သဗ္ဗညူ သဗ္ဗဒဿာဝီ ဓမ္မဿာမီ ဓမ္မပ္ပဋိသရဏောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၀၅။ န ဝတ္တဗ္ဗံ – ‘‘ဗုဒ္ဓေန ဘဂဝတာ ဓမ္မော ဒေသိတော’’တိ? အာမန္တာ။ နနု ဝုတ္တံ ဘဂဝတာ – ‘‘သံခိတ္တေနပိ ခေါ အဟံ, သာရိပုတ္တ, ဓမ္မံ ဒေသေယျံ၊
(အဘိ၊က၊၄၀၇။)ဝိတ္ထာရေနပိ ခေါ အဟံ, သာရိပုတ္တ, ဓမ္မံ ဒေသေယျံ၊ သံခိတ္တဝိတ္ထာရေနပိ ခေါ အဟံ, သာရိပုတ္တ, ဓမ္မံ ဒေသေယျံ၊ အညာတာရော စ ဒုလ္လဘာ’’တိ [အ။ နိ။ ၃။၃၃ သာရိပုတ္တသုတ္တေ]! အတ္ထေဝ သုတ္တန္တောတိ? အာမန္တာ။ တေန ဟိ ဗုဒ္ဓေန ဘဂဝတာ ဓမ္မော ဒေသိတောတိ။
֍ ဋ္ဌ ၈၀၆။ န ဝတ္တဗ္ဗံ – ‘‘ဗုဒ္ဓေန ဘဂဝတာ ဓမ္မော ဒေသိတော’’တိ? အာမန္တာ။ နနု ဝုတ္တံ ဘဂဝတာ – ‘‘‘အဘိညာယာဟံ, ဘိက္ခဝေ, ဓမ္မံ ဒေသေမိ, နော အနဘိညာယ၊ သနိဒါနာဟံ, ဘိက္ခဝေ, ဓမ္မံ ဒေသေမိ, နော အနိဒါနံ၊ သပ္ပါဋိဟာရိယာဟံ, ဘိက္ခဝေ, ဓမ္မံ ဒေသေမိ, နော အပ္ပါဋိဟာရိယံ၊ တဿ [ယဉ္စဿ (သီ။ ပီ။ က။)] မယှံ, ဘိက္ခဝေ, အဘိညာယ ဓမ္မံ ဒေသယတော နော အနဘိညာယ, သနိဒါနံ ဓမ္မံ ဒေသယတော နော အနိဒါနံ, သပ္ပါဋိဟာရိယံ ဓမ္မံ ဒေသယတော နော အပ္ပါဋိဟာရိယံ ကရဏီယော ဩဝါဒေါ ကရဏီယာ အနုသာသနီ၊ အလဉ္စ ပန ဝေါ, ဘိက္ခဝေ, တုဋ္ဌိယာ အလံ အတ္တမနတာယ အလံ သောမနဿာယ – သမ္မာသမ္ဗုဒ္ဓေါ ဘဂဝါ, သွာက္ခာတော ဓမ္မော, သုပ္ပဋိပန္နော သံဃော’တိ။ ဣမသ္မိဉ္စ ပန ဝေယျာကရဏသ္မိံ ဘညမာနေ ဒသသဟဿိလောကဓာတု အကမ္ပိတ္ထာ’’တိ [အ။ နိ။ ၃။၁၂၆]! အတ္ထေဝ သုတ္တန္တောတိ? အာမန္တာ။ တေန ဟိ ဗုဒ္ဓေန ဘဂဝတာ ဓမ္မော ဒေသိတောတိ။
ဓမ္မဒေသနာကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၇၉) ၃။ ကရုဏာကထာ
֍ ဋ္ဌ ၈၀၇။ နတ္ထိ ဗုဒ္ဓဿ ဘဂဝတော ကရုဏာတိ? အာမန္တာ။ နတ္ထိ ဗုဒ္ဓဿ ဘဂဝတော မေတ္တာတိ? န ဟေဝံ ဝတ္တဗ္ဗေ…ပေ… နတ္ထိ ဗုဒ္ဓဿ ဘဂဝတော ကရုဏာတိ? အာမန္တာ။ နတ္ထိ ဗုဒ္ဓဿ ဘဂဝတော မုဒိတာ…ပေ… ဥပေက္ခာတိ? န ဟေဝံ ဝတ္တဗ္ဗေ…ပေ…။
အတ္ထိ ဗုဒ္ဓဿ ဘဂဝတော မေတ္တာတိ? အာမန္တာ။ အတ္ထိ ဗုဒ္ဓဿ ဘဂဝတော ကရုဏာတိ? န ဟေဝံ ဝတ္တဗ္ဗေ…ပေ… အတ္ထိ ဗုဒ္ဓဿ ဘဂဝတော မုဒိတာ…ပေ… ဥပေက္ခာတိ? အာမန္တာ။ အတ္ထိ ဗုဒ္ဓဿ ဘဂဝတော ကရုဏာတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၀၈။)နတ္ထိ ဗုဒ္ဓဿ ဘဂဝတော ကရုဏာတိ? အာမန္တာ။ ဘဂဝါ အကာရုဏိကောတိ? န ဟေဝံ ဝတ္တဗ္ဗေ…ပေ… နနု ဘဂဝါ ကာရုဏိကော လောကဟိတော လောကာနုကမ္ပကော လောကတ္ထစရောတိ? အာမန္တာ။ ဟဉ္စိ ဘဂဝါ ကာရုဏိကော လောကဟိတော လောကာနုကမ္ပကော လောကတ္ထစရော, နော စ ဝတ ရေ ဝတ္တဗ္ဗေ – ‘‘နတ္ထိ ဗုဒ္ဓဿ ဘဂဝတော ကရုဏာ’’တိ…ပေ…။
နတ္ထိ ဗုဒ္ဓဿ ဘဂဝတော ကရုဏာတိ? အာမန္တာ။ နနု ဘဂဝါ မဟာကရုဏာသမာပတ္တိံ သမာပဇ္ဇီတိ? အာမန္တာ။ ဟဉ္စိ ဘဂဝါ မဟာကရုဏာသမာပတ္တိံ သမာပဇ္ဇိ, နော စ ဝတ ရေ ဝတ္တဗ္ဗေ – ‘‘နတ္ထိ ဗုဒ္ဓဿ ဘဂဝတော ကရုဏာ’’တိ။
֍ ဋ္ဌ ၈၀၈။ အတ္ထိ ဗုဒ္ဓဿ ဘဂဝတော ကရုဏာတိ? အာမန္တာ။ ဘဂဝါ သရာဂေါတိ? န ဟေဝံ ဝတ္တဗ္ဗေ။ တေန ဟိ နတ္ထိ ဗုဒ္ဓဿ ဘဂဝတော ကရုဏာတိ။
ကရုဏာကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၈၀) ၄။ ဂန္ဓဇာတိကထာ
֍ ဋ္ဌ ၈၀၉။ ဗုဒ္ဓဿ ဘဂဝတော ဥစ္စာရပဿာဝေါ အတိဝိယ အညေ ဂန္ဓဇာတေ အဓိဂ္ဂဏှာတီတိ? အာမန္တာ။ ဘဂဝါ ဂန္ဓဘောဇီတိ? န ဟေဝံ ဝတ္တဗ္ဗေ…ပေ… နနု ဘဂဝါ ဩဒနကုမ္မာသံ ဘုဉ္ဇတီတိ? အာမန္တာ။ ဟဉ္စိ ဘဂဝါ ဩဒနကုမ္မာသံ ဘုဉ္ဇတိ, နော စ ဝတ ရေ ဝတ္တဗ္ဗေ – ‘‘ဗုဒ္ဓဿ ဘဂဝတော ဥစ္စာရပဿာဝေါ အတိဝိယ အညေ ဂန္ဓဇာတေ အဓိဂ္ဂဏှာတီ’’တိ။
ဗုဒ္ဓဿ ဘဂဝတော ဥစ္စာရပဿာဝေါ အတိဝိယ အညေ ဂန္ဓဇာတေ အဓိဂ္ဂဏှာတီတိ? အာမန္တာ။ အတ္ထိ ကေစိ ဗုဒ္ဓဿ ဘဂဝတော ဥစ္စာရပဿာဝံ နှာယန္တိ ဝိလိမ္ပန္တိ ဥစ္ဆာဒေန္တိ [ဥစ္စာရေန္တိ (သီ။ ပီ။ က။)] ပေဠာယ ပဋိသာမေန္တိ ကရဏ္ဍာယ နိက္ခိပန္တိ အာပဏေ ပသာရေန္တိ, တေန စ ဂန္ဓေန ဂန္ဓကရဏီယံ ကရောန္တီတိ? န ဟေဝံ ဝတ္တဗ္ဗေ…ပေ…။
ဂန္ဓဇာတိကထာ နိဋ္ဌိတာ။
(အဘိ၊က၊၄၀၉။)၁၈။ အဋ္ဌာရသမဝဂ္ဂ
(၁၈၁) ၅။ ဧကမဂ္ဂကထာ
֍ ဋ္ဌ ၈၁၀။ ဧကေန အရိယမဂ္ဂေန စတ္တာရိ သာမညဖလာနိ သစ္ဆိကရောတီတိ? အာမန္တာ။ စတုန္နံ ဖဿာနံ…ပေ… စတုန္နံ သညာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ… ဧကေန အရိယမဂ္ဂေန စတ္တာရိ သာမညဖလာနိ သစ္ဆိကရောတီတိ? အာမန္တာ။ သောတာပတ္တိမဂ္ဂေနာတိ? န ဟေဝံ ဝတ္တဗ္ဗေ…ပေ… သကဒါဂါမိ…ပေ… အနာဂါမိမဂ္ဂေနာတိ? န ဟေဝံ ဝတ္တဗ္ဗေ…ပေ…။
ကတမေန မဂ္ဂေနာတိ? အရဟတ္တမဂ္ဂေနာတိ။ အရဟတ္တမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီတိ? န ဟေဝံ ဝတ္တဗ္ဗေ…ပေ… အရဟတ္တမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီတိ? အာမန္တာ။ နနု တိဏ္ဏံ သံယောဇနာနံ ပဟာနံ သောတာပတ္တိဖလံ ဝုတ္တံ ဘဂဝတာတိ? အာမန္တာ။ ဟဉ္စိ တိဏ္ဏံ သံယောဇနာနံ ပဟာနံ သောတာပတ္တိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန သက္ကာယဒိဋ္ဌိံ ဝိစိကိစ္ဆံ သီလဗ္ဗတပရာမာသံ ဇဟတီ’’တိ။
အရဟတ္တမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီတိ? န ဟေဝံ ဝတ္တဗ္ဗေ…ပေ… အရဟတ္တမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီတိ? အာမန္တာ။ နနု ကာမရာဂဗျာပါဒါနံ တနုဘာဝံ သကဒါဂါမိဖလံ ဝုတ္တံ ဘဂဝတာတိ? အာမန္တာ။ ဟဉ္စိ ကာမရာဂဗျာပါဒါနံ တနုဘာဝံ သကဒါဂါမိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန ဩဠာရိကံ ကာမရာဂံ ဩဠာရိကံ ဗျာပါဒံ ဇဟတီ’’တိ။
အရဟတ္တမဂ္ဂေန အဏုသဟဂတံ ကာမရာဂံ အဏုသဟဂတံ ဗျာပါဒံ ဇဟတီတိ? န ဟေဝံ ဝတ္တဗ္ဗေ…ပေ… အရဟတ္တမဂ္ဂေန အဏုသဟဂတံ ကာမရာဂံ အဏုသဟဂတံ ဗျာပါဒံ ဇဟတီတိ? အာမန္တာ။ နနု ကာမရာဂဗျာပါဒါနံ အနဝသေသပ္ပဟာနံ အနာဂါမိဖလံ ဝုတ္တံ ဘဂဝတာတိ? အာမန္တာ။ ဟဉ္စိ ကာမရာဂဗျာပါဒါနံ အနဝသေသပ္ပဟာနံ အနာဂါမိဖလံ ဝုတ္တံ ဘဂဝတာ, နော စ ဝတ ရေ ဝတ္တဗ္ဗေ – ‘‘အရဟတ္တမဂ္ဂေန အဏုသဟဂတံ ကာမရာဂံ အဏုသဟဂတံ ဗျာပါဒံ ဇဟတီ’’တိ။
֍ ဋ္ဌ ၈၁၁။ န ဝတ္တဗ္ဗံ – ‘‘ဧကေန အရိယမဂ္ဂေန စတ္တာရိ သာမညဖလာနိ သစ္ဆိကရောတီ’’တိ? အာမန္တာ။ ဘဂဝတာ သောတာပတ္တိမဂ္ဂေါ ဘာဝိတောတိ?
(အဘိ၊က၊၄၁၀။)အာမန္တာ။ ဘဂဝါ သောတာပန္နောတိ? န ဟေဝံ ဝတ္တဗ္ဗေ…ပေ… ဘဂဝတာ သကဒါဂါမိ…ပေ… အနာဂါမိမဂ္ဂေါ ဘာဝိတောတိ? အာမန္တာ။ ဘဂဝါ အနာဂါမီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၁၂။ ဘဂဝါ ဧကေန အရိယမဂ္ဂေန စတ္တာရိ သာမညဖလာနိ သစ္ဆိကရောတိ, သာဝကာ စတူဟိ အရိယမဂ္ဂေဟိ စတ္တာရိ သာမညဖလာနိ သစ္ဆိကရောန္တီတိ? အာမန္တာ။ သာဝကာ ဗုဒ္ဓဿ ဘဂဝတော အဒိဋ္ဌံ ဒက္ခန္တိ အနဓိဂတံ အဓိဂစ္ဆန္တိ အသစ္ဆိကတံ သစ္ဆိကရောန္တီတိ? န ဟေဝံ ဝတ္တဗ္ဗေ…ပေ…။
ဧကမဂ္ဂကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၈၂) ၆။ ဈာနသင်္ကန္တိကထာ
֍ ဋ္ဌ ၈၁၃။ ဈာနာ ဈာနံ သင်္ကမတီတိ? အာမန္တာ။ ပဌမာ ဈာနာ တတိယံ ဈာနံ သင်္ကမတီတိ? န ဟေဝံ ဝတ္တဗ္ဗေ…ပေ… ဈာနာ ဈာနံ သင်္ကမတီတိ? အာမန္တာ။ ဒုတိယာ ဈာနာ စတုတ္ထံ ဈာနံ သင်္ကမတီတိ? န ဟေဝံ ဝတ္တဗ္ဗေ…ပေ…။
ပဌမာ ဈာနာ ဒုတိယံ ဈာနံ သင်္ကမတီတိ? အာမန္တာ။ ယာ ပဌမဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ဒုတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ပဌမာ ဈာနာ ဒုတိယံ ဈာနံ သင်္ကမတိ, န ဝတ္တဗ္ဗံ – ‘‘ယာ ပဌမဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ ဒုတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ ဒုတိယံ ဈာနံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု ဒုတိယံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။ ဟဉ္စိ ဒုတိယံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘ပဌမာ ဈာနာ ဒုတိယံ ဈာနံ သင်္ကမတီ’’တိ…ပေ…။
ပဌမာ ဈာနာ ဒုတိယံ ဈာနံ သင်္ကမတီတိ? အာမန္တာ။ ပဌမံ ဈာနံ ကာမေ အာဒီနဝတော မနသိကရောတော ဥပ္ပဇ္ဇတီတိ? အာမန္တာ။ ဒုတိယံ ဈာနံ ကာမေ အာဒီနဝတော မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၁၁။)ပဌမံ ဈာနံ သဝိတက္ကံ သဝိစာရန္တိ? အာမန္တာ။ ဒုတိယံ ဈာနံ သဝိတက္ကံ သဝိစာရန္တိ? န ဟေဝံ ဝတ္တဗ္ဗေ…ပေ… ပဌမာ ဈာနာ ဒုတိယံ ဈာနံ သင်္ကမတီတိ? အာမန္တာ။ တညေဝ ပဌမံ ဈာနံ တံ ဒုတိယံ ဈာနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၁၄။ ဒုတိယာ ဈာနာ တတိယံ ဈာနံ သင်္ကမတီတိ? အာမန္တာ။ ယာ ဒုတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ တတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
ဒုတိယာ ဈာနာ တတိယံ ဈာနံ သင်္ကမတိ, န ဝတ္တဗ္ဗံ – ‘‘ယာ ဒုတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ တတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ တတိယံ ဈာနံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ …ပေ… နနု တတိယံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။ ဟဉ္စိ တတိယံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘ဒုတိယာ ဈာနာ တတိယံ ဈာနံ သင်္ကမတီ’’တိ။
ဒုတိယာ ဈာနာ တတိယံ ဈာနံ သင်္ကမတီတိ? အာမန္တာ။ ဒုတိယံ ဈာနံ ဝိတက္ကဝိစာရေ အာဒီနဝတော မနသိကရောတော ဥပ္ပဇ္ဇတီတိ? အာမန္တာ။ တတိယံ ဈာနံ ဝိတက္ကဝိစာရေ အာဒီနဝတော မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
ဒုတိယံ ဈာနံ သပ္ပီတိကန္တိ? အာမန္တာ။ တတိယံ ဈာနံ သပ္ပီတိကန္တိ? န ဟေဝံ ဝတ္တဗ္ဗေ…ပေ… ဒုတိယာ ဈာနာ တတိယံ ဈာနံ သင်္ကမတီတိ? အာမန္တာ။ တညေဝ ဒုတိယံ ဈာနံ တံ တတိယံ ဈာနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၁၅။ တတိယာ ဈာနာ စတုတ္ထံ ဈာနံ သင်္ကမတီတိ? အာမန္တာ။ ယာ တတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ စတုတ္ထဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
တတိယာ ဈာနာ စတုတ္ထံ ဈာနံ သင်္ကမတိ, န ဝတ္တဗ္ဗံ – ‘‘ယာ တတိယဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓိ, သာဝ စတုတ္ထဿ ဈာနဿ ဥပ္ပါဒါယ အာဝဋ္ဋနာ…ပေ… ပဏိဓီ’’တိ? အာမန္တာ။ စတုတ္ထံ ဈာနံ အနာဝဋ္ဋေန္တဿ ဥပ္ပဇ္ဇတိ…ပေ… အပ္ပဏိဒဟန္တဿ ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ… နနု စတုတ္ထံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတီတိ? အာမန္တာ။
(အဘိ၊က၊၄၁၂။)ဟဉ္စိ စတုတ္ထံ ဈာနံ အာဝဋ္ဋေန္တဿ ဥပ္ပဇ္ဇတိ…ပေ… ပဏိဒဟန္တဿ ဥပ္ပဇ္ဇတိ, နော စ ဝတ ရေ ဝတ္တဗ္ဗေ – ‘‘တတိယာ ဈာနာ စတုတ္ထံ ဈာနံ သင်္ကမတီ’’တိ။
တတိယာ ဈာနာ စတုတ္ထံ ဈာနံ သင်္ကမတီတိ? အာမန္တာ။ တတိယံ ဈာနံ ပီတိံ အာဒီနဝတော မနသိကရောတော ဥပ္ပဇ္ဇတီတိ? အာမန္တာ။ စတုတ္ထံ ဈာနံ ပီတိံ အာဒီနဝတော မနသိကရောတော ဥပ္ပဇ္ဇတီတိ? န ဟေဝံ ဝတ္တဗ္ဗေ…ပေ…။
တတိယံ ဈာနံ သုခသဟဂတန္တိ? အာမန္တာ။ စတုတ္ထံ ဈာနံ သုခသဟဂတန္တိ? န ဟေဝံ ဝတ္တဗ္ဗေ…ပေ… တတိယာ ဈာနာ စတုတ္ထံ ဈာနံ သင်္ကမတီတိ? အာမန္တာ။ တညေဝ တတိယံ ဈာနံ တံ စတုတ္ထံ ဈာနန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၁၆။ န ဝတ္တဗ္ဗံ – ‘‘ဈာနာ ဈာနံ သင်္ကမတီ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု ဝိဝိစ္စေဝ ကာမေဟိ…ပေ… စတုတ္ထံ ဈာနံ ဥပသမ္ပဇ္ဇ ဝိဟရတီ’’တိ [အ။ နိ။ ၂။၁၃၊ ၄။၁၆၃]! အတ္ထေဝ သုတ္တန္တောတိ? အာမန္တာ။ တေန ဟိ ဈာနာ ဈာနံ သင်္ကမတီတိ။
ဈာနသင်္ကန္တိကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၈၃) ၇။ ဈာနန္တရိကကထာ
֍ ဋ္ဌ ၈၁၇။ အတ္ထိ ဈာနန္တရိကာတိ? အာမန္တာ။ အတ္ထိ ဖဿန္တရိကာ…ပေ… အတ္ထိ သညန္တရိကာတိ? န ဟေဝံ ဝတ္တဗ္ဗေ…ပေ…။
အတ္ထိ ဈာနန္တရိကာတိ? အာမန္တာ။ ဒုတိယဿ စ ဈာနဿ တတိယဿ စ ဈာနဿ အန္တရေ အတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
အတ္ထိ ဈာနန္တရိကာတိ? အာမန္တာ။ တတိယဿ စ ဈာနဿ စတုတ္ထဿ စ ဈာနဿ အန္တရေ အတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
ဒုတိယဿ စ ဈာနဿ တတိယဿ စ ဈာနဿ အန္တရေ နတ္ထိ ဈာနန္တရိကာတိ? အာမန္တာ။ ဟဉ္စိ ဒုတိယဿ စ ဈာနဿ တတိယဿ စ ဈာနဿ အန္တရေ နတ္ထိ ဈာနန္တရိကာ, နော စ ဝတ ရေ ဝတ္တဗ္ဗေ – ‘‘အတ္ထိ ဈာနန္တရိကာ’’တိ။
(အဘိ၊က၊၄၁၃။)တတိယဿ စ ဈာနဿ စတုတ္ထဿ စ ဈာနဿ အန္တရေ နတ္ထိ ဈာနန္တရိကာတိ? အာမန္တာ။ ဟဉ္စိ တတိယဿ စ ဈာနဿ စတုတ္ထဿ စ ဈာနဿ အန္တရေ နတ္ထိ ဈာနန္တရိကာ, နော စ ဝတ ရေ ဝတ္တဗ္ဗေ – ‘‘အတ္ထိ ဈာနန္တရိကာ’’တိ။
֍ ဋ္ဌ ၈၁၈။ ပဌမဿ စ ဈာနဿ ဒုတိယဿ စ ဈာနဿ အန္တရေ အတ္ထိ ဈာနန္တရိကာတိ? အာမန္တာ။ ဒုတိယဿ စ ဈာနဿ တတိယဿ စ ဈာနဿ အန္တရေ အတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
ပဌမဿ စ ဈာနဿ ဒုတိယဿ စ ဈာနဿ အန္တရေ အတ္ထိ ဈာနန္တရိကာတိ? အာမန္တာ။ တတိယဿ စ ဈာနဿ စတုတ္ထဿ စ ဈာနဿ အန္တရေ အတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
ဒုတိယဿ စ ဈာနဿ တတိယဿ စ ဈာနဿ အန္တရေ နတ္ထိ ဈာနန္တရိကာတိ? အာမန္တာ။ ပဌမဿ စ ဈာနဿ ဒုတိယဿ စ ဈာနဿ အန္တရေ နတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
တတိယဿ စ ဈာနဿ စတုတ္ထဿ စ ဈာနဿ အန္တရေ နတ္ထိ ဈာနန္တရိကာတိ? အာမန္တာ။ ပဌမဿ စ ဈာနဿ ဒုတိယဿ စ ဈာနဿ အန္တရေ နတ္ထိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၁၉။ အဝိတက္ကော ဝိစာရမတ္တော သမာဓိ ဈာနန္တရိကာတိ? အာမန္တာ။ သဝိတက္ကော သဝိစာရော သမာဓိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
အဝိတက္ကော ဝိစာရမတ္တော သမာဓိ ဈာနန္တရိကာတိ? အာမန္တာ။ အဝိတက္ကော အဝိစာရော သမာဓိ ဈာနန္တရိကာတိ? န ဟေဝံ ဝတ္တဗ္ဗေ…ပေ…။
သဝိတက္ကော သဝိစာရော သမာဓိ န ဈာနန္တရိကာတိ? အာမန္တာ။ အဝိတက္ကော ဝိစာရမတ္တော သမာဓိ န ဈာနန္တရိကာတိ? န ဟေဝံ ဝတ္တဗ္ဗေ…ပေ…။
အဝိတက္ကော အဝိစာရော သမာဓိ န ဈာနန္တရိကာတိ? အာမန္တာ။ အဝိတက္ကော ဝိစာရမတ္တော သမာဓိ န ဈာနန္တရိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၂၀။ ဒွိန္နံ ဈာနာနံ ပဋုပ္ပန္နာနမန္တရေ အဝိတက္ကော ဝိစာရမတ္တော သမာဓီတိ? အာမန္တာ။ နနု အဝိတက္ကေ ဝိစာရမတ္တေ သမာဓိမှိ ဝတ္တမာနေ ပဌမံ ဈာနံ နိရုဒ္ဓံ ဒုတိယံ ဈာနံ ပဋုပ္ပန္နန္တိ? အာမန္တာ။ ဟဉ္စိ အဝိတက္ကေ
(အဘိ၊က၊၄၁၄။)ဝိစာရမတ္တေ သမာဓိမှိ ဝတ္တမာနေ ပဌမံ ဈာနံ နိရုဒ္ဓံ ဒုတိယံ ဈာနံ ပဋုပ္ပန္နံ, နော စ ဝတ ရေ ဝတ္တဗ္ဗေ – ‘‘ဒွိန္နံ ဈာနာနံ ပဋုပ္ပန္နာနမန္တရေ အဝိတက္ကော ဝိစာရမတ္တော သမာဓိ ဈာနန္တရိကာတိ။
֍ ဋ္ဌ ၈၂၁။ အဝိတက္ကော ဝိစာရမတ္တော သမာဓိ န ဈာနန္တရိကာတိ? အာမန္တာ။ အဝိတက္ကော ဝိစာရမတ္တော သမာဓိ ပဌမံ ဈာနံ…ပေ… ဒုတိယံ ဈာနံ…ပေ… တတိယံ ဈာနံ…ပေ… စတုတ္ထံ ဈာနန္တိ? န ဟေဝံ ဝတ္တဗ္ဗေ။ တေန ဟိ အဝိတက္ကော ဝိစာရမတ္တော သမာဓိ ဈာနန္တရိကာတိ။
֍ ဋ္ဌ ၈၂၂။ အဝိတက္ကော ဝိစာရမတ္တော သမာဓိ ဈာနန္တရိကာတိ? အာမန္တာ။ နနု တယော သမာဓီ ဝုတ္တာ ဘဂဝတာ – သဝိတက္ကော သဝိစာရော သမာဓိ, အဝိတက္ကော ဝိစာရမတ္တော သမာဓိ, အဝိတက္ကော အဝိစာရော သမာဓီတိ [ဒီ။ နိ။ ၃။၃၀၅, ၃၅၃]? အာမန္တာ။ ဟဉ္စိ တယော သမာဓီ ဝုတ္တာ ဘဂဝတာ – သဝိတက္ကော…ပေ… အဝိစာရော သမာဓိ, နော စ ဝတ ရေ ဝတ္တဗ္ဗေ – ‘‘အဝိတက္ကော ဝိစာရမတ္တော သမာဓိ ဈာနန္တရိကာ’’တိ။
ဈာနန္တရိကကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၈၄) ၈။ သဒ္ဒံ သုဏာတီတိကထာ
֍ ဋ္ဌ ၈၂၃။ သမာပန္နော သဒ္ဒံ သုဏာတီတိ? အာမန္တာ။ သမာပန္နော စက္ခုနာ ရူပံ ပဿတိ…ပေ… သောတေန…ပေ… ဃာနေန…ပေ… ဇိဝှါယ…ပေ… ကာယေန ဖောဋ္ဌဗ္ဗံ ဖုသတီတိ? န ဟေဝံ ဝတ္တဗ္ဗေ…ပေ…။
သမာပန္နော သဒ္ဒံ သုဏာတီတိ? အာမန္တာ။ သောတဝိညာဏသမင်္ဂီ သမာပန္နောတိ? န ဟေဝံ ဝတ္တဗ္ဗေ။ နနု သမာဓိ မနောဝိညာဏသမင်္ဂိဿာတိ? အာမန္တာ။ ဟဉ္စိ သမာဓိ မနောဝိညာဏသမင်္ဂိဿ, နော စ ဝတ ရေ ဝတ္တဗ္ဗေ – ‘‘သမာပန္နော သဒ္ဒံ သုဏာတီ’’တိ။
သမာဓိ မနောဝိညာဏသမင်္ဂိဿ, သောတဝိညာဏသမင်္ဂီ သဒ္ဒံ သုဏာတီတိ? အာမန္တာ။ ဟဉ္စိ သမာဓိ မနောဝိညာဏသမင်္ဂိဿ, သောတဝိညာဏသမင်္ဂီ သဒ္ဒံ သုဏာတိ, နော စ ဝတ ရေ ဝတ္တဗ္ဗေ – ‘‘သမာပန္နော သဒ္ဒံ
(အဘိ၊က၊၄၁၅။)သုဏာတီ’’တိ။ သမာဓိ မနောဝိညာဏသမင်္ဂိဿ, သောတဝိညာဏသမင်္ဂီ သဒ္ဒံ သုဏာတီတိ? အာမန္တာ။ ဒွိန္နံ ဖဿာနံ…ပေ… ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၂၄။ န ဝတ္တဗ္ဗံ – ‘‘သမာပန္နော သဒ္ဒံ သုဏာတီ’’တိ? အာမန္တာ။ နနု ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာတိ? အာမန္တာ။ ဟဉ္စိ ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာ, တေန ဝတ ရေ ဝတ္တဗ္ဗေ – ‘‘သမာပန္နော သဒ္ဒံ သုဏာတီ’’တိ။
֍ ဋ္ဌ ၈၂၅။ ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာတိ, သမာပန္နော သဒ္ဒံ သုဏာတီတိ? အာမန္တာ။ ဒုတိယဿ ဈာနဿ ဝိတက္ကော ဝိစာရော ကဏ္ဋကော ဝုတ္တော ဘဂဝတာ, အတ္ထိ တဿ ဝိတက္ကဝိစာရာတိ? န ဟေဝံ ဝတ္တဗ္ဗေ…ပေ…။
ပဌမဿ ဈာနဿ သဒ္ဒေါ ကဏ္ဋကော ဝုတ္တော ဘဂဝတာတိ, သမာပန္နော သဒ္ဒံ သုဏာတီတိ? အာမန္တာ။ တတိယဿ ဈာနဿ ပီတိ ကဏ္ဋကော…ပေ… စတုတ္ထဿ ဈာနဿ အဿာသပဿာသော ကဏ္ဋကော … အာကာသာနဉ္စာယတနံ သမာပန္နဿ ရူပသညာ ကဏ္ဋကော… ဝိညာဏဉ္စာယတနံ သမာပန္နဿ အာကာသာနဉ္စာယတနသညာ ကဏ္ဋကော… အာကိဉ္စညာယတနံ သမာပန္နဿ ဝိညာဏဉ္စာယတနသညာ ကဏ္ဋကော… နေဝသညာနာသညာယတနံ သမာပန္နဿ အာကိဉ္စညာယတနသညာ ကဏ္ဋကော… သညာဝေဒယိတနိရောဓံ သမာပန္နဿ သညာ စ ဝေဒနာ စ ကဏ္ဋကော ဝုတ္တော ဘဂဝတာ, အတ္ထိ တဿ သညာ စ ဝေဒနာ စာတိ? န ဟေဝံ ဝတ္တဗ္ဗေ…ပေ…။
သဒ္ဒံ သုဏာတီတိကထာ နိဋ္ဌိတာ။
၁၈။ အဋ္ဌာရသမဝဂ္ဂ
(၁၈၅) ၉။ စက္ခုနာ ရူပံ ပဿတီတိကထာ
֍ ဋ္ဌ ၈၂၆။ စက္ခုနာ ရူပံ ပဿတီတိ? အာမန္တာ။ ရူပေန ရူပံ ပဿတီတိ? န ဟေဝံ ဝတ္တဗ္ဗေ…ပေ… ရူပေန ရူပံ ပဿတီတိ? အာမန္တာ။ ရူပေန ရူပံ ပဋိဝိဇာနာတီတိ? န ဟေဝံ ဝတ္တဗ္ဗေ…ပေ… ရူပေန ရူပံ ပဋိဝိဇာနာတီတိ? အာမန္တာ။ ရူပံ
(အဘိ၊က၊၄၁၆။)မနောဝိညာဏန္တိ? န ဟေဝံ ဝတ္တဗ္ဗေ…ပေ… စက္ခုနာ ရူပံ ပဿတီတိ? အာမန္တာ။ အတ္ထိ စက္ခုဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု နတ္ထိ စက္ခုဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ နတ္ထိ စက္ခုဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘စက္ခုနာ ရူပံ ပဿတီ’’တိ။
သောတေန သဒ္ဒံ သုဏာတီတိ…ပေ… ဃာနေန ဂန္ဓံ ဃာယတီတိ…ပေ… ဇိဝှါယ ရသံ သာယတီတိ…ပေ… ကာယေန ဖောဋ္ဌဗ္ဗံ ဖုသတီတိ? အာမန္တာ။ ရူပေန ရူပံ ဖုသတီတိ? န ဟေဝံ ဝတ္တဗ္ဗေ…ပေ…။
ရူပေန ရူပံ ဖုသတီတိ? အာမန္တာ။ ရူပေန ရူပံ ပဋိဝိဇာနာတီတိ? န ဟေဝံ ဝတ္တဗ္ဗေ…ပေ… ရူပေန ရူပံ ပဋိဝိဇာနာတီတိ? အာမန္တာ။ ရူပံ မနောဝိညာဏန္တိ? န ဟေဝံ ဝတ္တဗ္ဗေ …ပေ… ကာယေန ဖောဋ္ဌဗ္ဗံ ဖုသတီတိ? အာမန္တာ။ အတ္ထိ ကာယဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု နတ္ထိ ကာယဿ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ နတ္ထိ ကာယဿ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘ကာယေန ဖောဋ္ဌဗ္ဗံ ဖုသတီ’’တိ…ပေ…။
֍ ဋ္ဌ ၈၂၇။ န ဝတ္တဗ္ဗံ – ‘‘စက္ခုနာ ရူပံ ပဿတီ’’တိ…ပေ… ‘‘ကာယေန ဖောဋ္ဌဗ္ဗံ ဖုသတီ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဘိက္ခု စက္ခုနာ ရူပံ ပဿတိ…ပေ… ကာယေန ဖောဋ္ဌဗ္ဗံ ဖုသတီ’’တိ [မ။ နိ။ ၁။၃၄၉၊ အ။ နိ။ ၄။၃၇ (အဋ္ဌကထာ ပဿိတဗ္ဗာ)]! အတ္ထေဝ သုတ္တန္တောတိ? အာမန္တာ။ တေန ဟိ စက္ခုနာ ရူပံ ပဿတိ…ပေ… ကာယေန ဖောဋ္ဌဗ္ဗံ ဖုသတီတိ။
စက္ခုနာ ရူပံ ပဿတီတိကထာ နိဋ္ဌိတာ။
အဋ္ဌာရသမဝဂ္ဂေါ။
တဿုဒ္ဒါနံ –
ဗုဒ္ဓေါ ဘဂဝါ မနုဿလောကေ အဋ္ဌာသိ, ဗုဒ္ဓေန ဘဂဝတာ ဓမ္မော ဒေသိတော, နတ္ထိ ဗုဒ္ဓဿ ဘဂဝတော ကရုဏာ, ဗုဒ္ဓဿ ဘဂဝတော ဥစ္စာရပဿာဝေါ အတိဝိယ အညေ ဂန္ဓဇာတေ အဓိဂ္ဂဏှာတိ, ဧကေန အရိယမဂ္ဂေန စတ္တာရိ သာမညဖလာနိ သစ္ဆိကရောတိ, ဈာနာ ဈာနံ သင်္ကမတိ, အတ္ထိ ဈာနန္တရိကာ, သမာပန္နော သဒ္ဒံ သုဏာတိ, စက္ခုနာ ရူပံ ပဿတိ ကာယေန ဖောဋ္ဌဗ္ဗံ ဖုသတိ။
(အဘိ၊က၊၄၁၇။)၁၉။ ဧကူနဝီသတိမဝဂ္ဂ
(၁၈၆) ၁။ ကိလေသဇဟနကထာ
֍ ဋ္ဌ ၈၂၈။ အတီတေ ကိလေသေ ဇဟတီတိ? အာမန္တာ။ နိရုဒ္ဓံ နိရောဓေတိ, ဝိဂတံ ဝိဂမေတိ, ခီဏံ ခေပေတိ, အတ္ထင်္ဂတံ အတ္ထင်္ဂမေတိ, အဗ္ဘတ္ထင်္ဂတံ အဗ္ဘတ္ထင်္ဂမေတီတိ? န ဟေဝံ ဝတ္တဗ္ဗေ…ပေ… အတီတေ ကိလေသေ ဇဟတီတိ? အာမန္တာ။ နနု အတီတံ နိရုဒ္ဓန္တိ? အာမန္တာ။ ဟဉ္စိ အတီတံ နိရုဒ္ဓံ, နော စ ဝတ ရေ ဝတ္တဗ္ဗေ – ‘‘အတီတေ ကိလေသေ ဇဟတီ’’တိ။ အတီတေ ကိလေသေ ဇဟတီတိ? အာမန္တာ။ နနု အတီတံ နတ္ထီတိ? အာမန္တာ။ ဟဉ္စိ အတီတံ နတ္ထိ, နော စ ဝတ ရေ ဝတ္တဗ္ဗေ – ‘‘အတီတေ ကိလေသေ ဇဟတီ’’တိ။
֍ ဋ္ဌ ၈၂၉။ အနာဂတေ ကိလေသေ ဇဟတီတိ? အာမန္တာ။ အဇာတံ အဇနေတိ, အသဉ္ဇာတံ အသဉ္ဇနေတိ, အနိဗ္ဗတ္တံ အနိဗ္ဗတ္တေတိ, အပါတုဘူတံ အပါတုဘာဝေတီတိ? န ဟေဝံ ဝတ္တဗ္ဗေ…ပေ… အနာဂတေ ကိလေသေ ဇဟတီတိ? အာမန္တာ။ နနု အနာဂတံ အဇာတန္တိ? အာမန္တာ။ ဟဉ္စိ အနာဂတံ အဇာတံ, နော စ ဝတ ရေ ဝတ္တဗ္ဗေ – ‘‘အနာဂတေ ကိလေသေ ဇဟတီ’’တိ။ အနာဂတေ ကိလေသေ ဇဟတီတိ? အာမန္တာ။ နနု အနာဂတံ နတ္ထီတိ? အာမန္တာ။ ဟဉ္စိ အနာဂတံ နတ္ထိ, နော စ ဝတ ရေ ဝတ္တဗ္ဗေ – ‘‘အနာဂတေ ကိလေသေ ဇဟတီ’’တိ။
֍ ဋ္ဌ ၈၃၀။ ပစ္စုပ္ပန္နေ ကိလေသေ ဇဟတီတိ? အာမန္တာ။ ရတ္တော ရာဂံ ဇဟတိ, ဒုဋ္ဌော ဒေါသံ ဇဟတိ, မူဠှော မောဟံ ဇဟတိ, ကိလိဋ္ဌော ကိလေသေ ဇဟတီတိ? န ဟေဝံ ဝတ္တဗ္ဗေ…ပေ… ရာဂေန ရာဂံ ဇဟတိ, ဒေါသေန ဒေါသံ ဇဟတိ, မောဟေန မောဟံ ဇဟတိ, ကိလေသေဟိ ကိလေသေ ဇဟတီတိ? န ဟေဝံ ဝတ္တဗ္ဗေ…ပေ…။
ရာဂေါ စိတ္တသမ္ပယုတ္တော, မဂ္ဂေါ စိတ္တသမ္ပယုတ္တောတိ? အာမန္တာ။ ဒွိန္နံ စိတ္တာနံ သမောဓာနံ ဟောတီတိ? န ဟေဝံ ဝတ္တဗ္ဗေ…ပေ…။
ရာဂေါ အကုသလော, မဂ္ဂေါ ကုသလောတိ? အာမန္တာ။ ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၁၈။)ကုသလာကုသလာ သာဝဇ္ဇာနဝဇ္ဇာ ဟီနပဏီတာ ကဏှသုက္ကသပ္ပဋိဘာဂါ ဓမ္မာ သမ္မုခီဘာဝံ အာဂစ္ဆန္တီတိ? အာမန္တာ။ နနု ဝုတ္တံ ဘဂဝတာ – ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ! ကတမာနိ စတ္တာရိ? နဘဉ္စ, ဘိက္ခဝေ, ပထဝီ စ – ဣဒံ ပဌမံ သုဝိဒူရဝိဒူရံ…ပေ… တသ္မာ သတံ ဓမ္မော အသဗ္ဘိ အာရကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကုသလာကုသလာ…ပေ… သမ္မုခီဘာဝံ အာဂစ္ဆန္တီ’’တိ။
֍ ဋ္ဌ ၈၃၁။ န ဝတ္တဗ္ဗံ – ‘‘အတီတေ ကိလေသေ ဇဟတိ, အနာဂတေ ကိလေသေ ဇဟတိ, ပစ္စုပ္ပန္နေ ကိလေသေ ဇဟတီ’’တိ? အာမန္တာ။ နတ္ထိ ကိလေသေ ဇဟတီတိ? န ဟေဝံ ဝတ္တဗ္ဗေ…ပေ… တေန ဟိ အတီတေ ကိလေသေ ဇဟတိ, အနာဂတေ ကိလေသေ ဇဟတိ, ပစ္စုပ္ပန္နေ ကိလေသေ ဇဟတီတိ။
ကိလေသဇဟနကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၈၇) ၂။ သုညတာကထာ
֍ ဋ္ဌ ၈၃၂။ သုညတာ သင်္ခါရက္ခန္ဓပရိယာပန္နာတိ? အာမန္တာ။ အနိမိတ္တံ သင်္ခါရက္ခန္ဓပရိယာပန္နန္တိ? န ဟေဝံ ဝတ္တဗ္ဗေ…ပေ… သုညတာ သင်္ခါရက္ခန္ဓပရိယာပန္နာတိ? အာမန္တာ။ အပ္ပဏိဟိတော သင်္ခါရက္ခန္ဓပရိယာပန္နောတိ? န ဟေဝံ ဝတ္တဗ္ဗေ…ပေ… အနိမိတ္တံ န ဝတ္တဗ္ဗံ – ‘‘သင်္ခါရက္ခန္ဓပရိယာပန္န’’န္တိ? အာမန္တာ။ သုညတာ န ဝတ္တဗ္ဗာ – ‘‘သင်္ခါရက္ခန္ဓပရိယာပန္နာ’’တိ? န ဟေဝံ ဝတ္တဗ္ဗေ…ပေ… အပ္ပဏိဟိတော န ဝတ္တဗ္ဗော – ‘‘သင်္ခါရက္ခန္ဓပရိယာပန္နော’’တိ? အာမန္တာ။ သုညတာ န ဝတ္တဗ္ဗာ – ‘‘သင်္ခါရက္ခန္ဓပရိယာပန္နာ’’တိ? န ဟေဝံ ဝတ္တဗ္ဗေ…ပေ…။
သုညတာ သင်္ခါရက္ခန္ဓပရိယာပန္နာတိ? အာမန္တာ။ သင်္ခါရက္ခန္ဓော န အနိစ္စော န သင်္ခတော န ပဋိစ္စသမုပ္ပန္နော န ခယဓမ္မော န ဝယဓမ္မော န ဝိရာဂဓမ္မော န နိရောဓဓမ္မော န ဝိပရိဏာမဓမ္မောတိ? န ဟေဝံ ဝတ္တဗ္ဗေ…ပေ… နနု သင်္ခါရက္ခန္ဓော အနိစ္စော သင်္ခတော ပဋိစ္စသမုပ္ပန္နော ခယဓမ္မော ဝယဓမ္မော ဝိရာဂဓမ္မော နိရောဓဓမ္မော ဝိပရိဏာမဓမ္မောတိ? အာမန္တာ။ ဟဉ္စိ သင်္ခါရက္ခန္ဓော အနိစ္စော…ပေ… ဝိပရိဏာမဓမ္မော, နော စ ဝတ ရေ ဝတ္တဗ္ဗေ – ‘‘သုညတာ သင်္ခါရက္ခန္ဓပရိယာပန္နာ’’တိ။
(အဘိ၊က၊၄၁၉။)֍ ဋ္ဌ ၈၃၃။ ရူပက္ခန္ဓဿ သုညတာ သင်္ခါရက္ခန္ဓပရိယာပန္နာတိ? အာမန္တာ။ သင်္ခါရက္ခန္ဓဿ သုညတာ ရူပက္ခန္ဓပရိယာပန္နာတိ? န ဟေဝံ ဝတ္တဗ္ဗေ…ပေ… ဝေဒနာက္ခန္ဓဿ…ပေ… သညာက္ခန္ဓဿ… ဝိညာဏက္ခန္ဓဿ သုညတာ သင်္ခါရက္ခန္ဓပရိယာပန္နာတိ? အာမန္တာ။ သင်္ခါရက္ခန္ဓဿ သုညတာ ဝိညာဏက္ခန္ဓပရိယာပန္နာတိ? န ဟေဝံ ဝတ္တဗ္ဗေ…ပေ…။
သင်္ခါရက္ခန္ဓဿ သုညတာ န ဝတ္တဗ္ဗာ – ‘‘ရူပက္ခန္ဓပရိယာပန္နာ’’တိ? အာမန္တာ။ ရူပက္ခန္ဓဿ သုညတာ န ဝတ္တဗ္ဗာ – ‘‘သင်္ခါရက္ခန္ဓပရိယာပန္နာ’’တိ? န ဟေဝံ ဝတ္တဗ္ဗေ…ပေ… သင်္ခါရက္ခန္ဓဿ သုညတာ န ဝတ္တဗ္ဗာ – ‘‘ဝေဒနာက္ခန္ဓပရိယာပန္နာ…ပေ… သညာက္ခန္ဓပရိယာပန္နာ… ဝိညာဏက္ခန္ဓပရိယာပန္နာ’’တိ? အာမန္တာ။ ဝိညာဏက္ခန္ဓဿ သုညတာ န ဝတ္တဗ္ဗာ – ‘‘သင်္ခါရက္ခန္ဓပရိယာပန္နာ’’တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၃၄။ န ဝတ္တဗ္ဗံ – သုညတာ သင်္ခါရက္ခန္ဓပရိယာပန္နာ’’တိ? အာမန္တာ။ နနု ဝုတ္တံ ဘဂဝတာ – ‘‘သုညမိဒံ, ဘိက္ခဝေ, သင်္ခါရာ အတ္တေန ဝါ အတ္တနိယေန ဝါ’’တိ [မ။ နိ။ ၃။၆၉ အာနေဉ္ဇသပ္ပါယေ]! အတ္ထေဝ သုတ္တန္တောတိ? အာမန္တာ။ တေန ဟိ သုညတာ သင်္ခါရက္ခန္ဓပရိယာပန္နာတိ။
သုညတာကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၈၈) ၃ သာမညဖလကထာ
֍ ဋ္ဌ ၈၃၅။ သာမညဖလံ အသင်္ခတန္တိ? အာမန္တာ။ နိဗ္ဗာနံ တာဏံ လေဏံ သရဏံ ပရာယဏံ အစ္စုတံ အမတန္တိ? န ဟေဝံ ဝတ္တဗ္ဗေ…ပေ… သာမညဖလံ အသင်္ခတံ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၃၆။ သာမညဖလံ အသင်္ခတန္တိ? အာမန္တာ။ သာမညံ အသင်္ခတန္တိ? န ဟေဝံ ဝတ္တဗ္ဗေ …ပေ… သာမညံ သင်္ခတန္တိ? အာမန္တာ။ သာမညဖလံ သင်္ခတန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၂၀။)သောတာပတ္တိဖလံ အသင်္ခတန္တိ? အာမန္တာ။ သောတာပတ္တိမဂ္ဂေါ အသင်္ခတောတိ? န ဟေဝံ ဝတ္တဗ္ဗေ…ပေ… သောတာပတ္တိမဂ္ဂေါ သင်္ခတောတိ? အာမန္တာ။ သောတာပတ္တိဖလံ သင်္ခတန္တိ? န ဟေဝံ ဝတ္တဗ္ဗေ…ပေ…။
သကဒါဂါမိဖလံ…ပေ… အနာဂါမိဖလံ…ပေ… အရဟတ္တဖလံ အသင်္ခတန္တိ? အာမန္တာ။ အရဟတ္တမဂ္ဂေါ အသင်္ခတောတိ? န ဟေဝံ ဝတ္တဗ္ဗေ…ပေ… အရဟတ္တမဂ္ဂေါ သင်္ခတောတိ? အာမန္တာ။ အရဟတ္တဖလံ သင်္ခတန္တိ? န ဟေဝံ ဝတ္တဗ္ဗေ…ပေ…။
သောတာပတ္တိဖလံ အသင်္ခတံ, သကဒါဂါမိဖလံ…ပေ… အနာဂါမိဖလံ …ပေ… အရဟတ္တဖလံ အသင်္ခတံ, နိဗ္ဗာနံ အသင်္ခတန္တိ? အာမန္တာ။ ပဉ္စ အသင်္ခတာနီတိ? န ဟေဝံ ဝတ္တဗ္ဗေ…ပေ… ပဉ္စ အသင်္ခတာနီတိ? အာမန္တာ။ ပဉ္စ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
သာမညဖလကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၈၉) ၄။ ပတ္တိကထာ
֍ ဋ္ဌ ၈၃၇။ ပတ္တိ အသင်္ခတာတိ? အာမန္တာ။ နိဗ္ဗာနံ တာဏံ လေဏံ သရဏံ ပရာယဏံ အစ္စုတံ အမတန္တိ? န ဟေဝံ ဝတ္တဗ္ဗေ…ပေ… ပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၃၈။ စီဝရဿ ပတ္တိ အသင်္ခတာတိ? အာမန္တာ။ နိဗ္ဗာနံ…ပေ… အမတန္တိ? န ဟေဝံ ဝတ္တဗ္ဗေ…ပေ… စီဝရဿ ပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ… ပိဏ္ဍပါတဿ…ပေ… သေနာသနဿ…ပေ… ဂိလာနပစ္စယဘေသဇ္ဇပရိက္ခာရဿ ပတ္တိ အသင်္ခတာတိ? အာမန္တာ။ နိဗ္ဗာနံ…ပေ… အစ္စုတံ အမတန္တိ? န ဟေဝံ ဝတ္တဗ္ဗေ…ပေ… ဂိလာနပစ္စယဘေသဇ္ဇပရိက္ခာရဿ ပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၂၁။)စီဝရဿ ပတ္တိ အသင်္ခတာ…ပေ… ပိဏ္ဍပါတဿ…ပေ… သေနာသနဿ…ပေ… ဂိလာနပစ္စယဘေသဇ္ဇပရိက္ခာရဿ ပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ပဉ္စ အသင်္ခတာနီတိ? န ဟေဝံ ဝတ္တဗ္ဗေ…ပေ… ပဉ္စ အသင်္ခတာနီတိ? အာမန္တာ။ ပဉ္စ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၃၉။ ပဌမဿ ဈာနဿ ပတ္တိ အသင်္ခတာ (ဧဝံ သဗ္ဗံ ဝိတ္ထာရေတဗ္ဗံ) ဒုတိယဿ ဈာနဿ… တတိယဿ ဈာနဿ… စတုတ္ထဿ ဈာနဿ… အာကာသာနဉ္စာယတနဿ… ဝိညာဏဉ္စာယတနဿ… အာကိဉ္စညာယတနဿ… နေဝသညာနာသညာယတနဿ… သောတာပတ္တိမဂ္ဂဿ… သောတာပတ္တိဖလဿ… သကဒါဂါမိမဂ္ဂဿ… သကဒါဂါမိဖလဿ… အနာဂါမိမဂ္ဂဿ… အနာဂါမိဖလဿ… အရဟတ္တမဂ္ဂဿ… အရဟတ္တဖလဿ ပတ္တိ အသင်္ခတာတိ? အာမန္တာ။ နိဗ္ဗာနံ…ပေ… အစ္စုတံ အမတန္တိ? န ဟေဝံ ဝတ္တဗ္ဗေ…ပေ… အရဟတ္တဖလဿ ပတ္တိ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
သောတာပတ္တိမဂ္ဂဿ ပတ္တိ အသင်္ခတာ… သောတာပတ္တိဖလဿ ပတ္တိ အသင်္ခတာ… အရဟတ္တမဂ္ဂဿ ပတ္တိ အသင်္ခတာ… အရဟတ္တဖလဿ ပတ္တိ အသင်္ခတာ… နိဗ္ဗာနံ အသင်္ခတန္တိ? အာမန္တာ။ နဝ အသင်္ခတာနီတိ? န ဟေဝံ ဝတ္တဗ္ဗေ…ပေ… နဝ အသင်္ခတာနီတိ? အာမန္တာ။ နဝ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၄၀။ န ဝတ္တဗ္ဗံ – ပတ္တိ အသင်္ခတာတိ? အာမန္တာ။ ပတ္တိ ရူပံ … ဝေဒနာ… သညာ… သင်္ခါရာ… ဝိညာဏန္တိ? န ဟေဝံ ဝတ္တဗ္ဗေ။ တေန ဟိ ပတ္တိ အသင်္ခတာတိ။
ပတ္တိကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၉၀) ၅။ တထတာကထာ
֍ ဋ္ဌ ၈၄၁။ သဗ္ဗဓမ္မာနံ တထတာ အသင်္ခတာတိ? အာမန္တာ။ နိဗ္ဗာနံ…ပေ… အမတန္တိ? န ဟေဝံ ဝတ္တဗ္ဗေ…ပေ… သဗ္ဗဓမ္မာနံ တထတာ အသင်္ခတာ, နိဗ္ဗာနံ
(အဘိ၊က၊၄၂၂။)အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၄၂။ ရူပဿ ရူပတာ, နနု ရူပတာ အသင်္ခတာတိ? အာမန္တာ။ နိဗ္ဗာနံ…ပေ… အမတန္တိ? န ဟေဝံ ဝတ္တဗ္ဗေ…ပေ… ရူပဿ ရူပတာ, နနု ရူပတာ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဒွေ အသင်္ခတာနီတိ? န ဟေဝံ ဝတ္တဗ္ဗေ…ပေ… ဒွေ အသင်္ခတာနီတိ? အာမန္တာ။ ဒွေ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
ဝေဒနာယ ဝေဒနတာ, နနု ဝေဒနတာ…ပေ… သညာယ သညတာ, နနု သညတာ…ပေ… သင်္ခါရာနံ သင်္ခါရတာ, နနု သင်္ခါရတာ…ပေ… ဝိညာဏဿ ဝိညာဏတာ, နနု ဝိညာဏတာ အသင်္ခတာတိ? အာမန္တာ။ နိဗ္ဗာနံ…ပေ… အမတန္တိ? န ဟေဝံ ဝတ္တဗ္ဗေ …ပေ…။
ရူပဿ ရူပတာ, နနု ရူပတာ…ပေ… ဝိညာဏဿ ဝိညာဏတာ, နနု ဝိညာဏတာ အသင်္ခတာ, နိဗ္ဗာနံ အသင်္ခတန္တိ? အာမန္တာ။ ဆ အသင်္ခတာနီတိ? န ဟေဝံ ဝတ္တဗ္ဗေ…ပေ… ဆ အသင်္ခတာနီတိ? အာမန္တာ။ ဆ တာဏာနိ…ပေ… အန္တရိကာ ဝါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၄၃။ န ဝတ္တဗ္ဗံ – ‘‘သဗ္ဗဓမ္မာနံ တထတာ အသင်္ခတာ’’တိ? အာမန္တာ။ သဗ္ဗဓမ္မာနံ တထတာ ရူပံ… ဝေဒနာ… သညာ… သင်္ခါရာ… ဝိညာဏန္တိ? န ဟေဝံ ဝတ္တဗ္ဗေ။ တေန ဟိ သဗ္ဗဓမ္မာနံ တထတာ အသင်္ခတာတိ။
တထတာကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၉၁) ၆။ ကုသလကထာ
֍ ဋ္ဌ ၈၄၄။ နိဗ္ဗာနဓာတု ကုသလာတိ? အာမန္တာ။ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နနု အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ ဟဉ္စိ အနာရမ္မဏာ, နတ္ထိ
(အဘိ၊က၊၄၂၃။)တာယ အာဝဋ္ဋနာ…ပေ… ပဏိဓိ, နော စ ဝတ ရေ ဝတ္တဗ္ဗေ – ‘‘နိဗ္ဗာနဓာတု ကုသလာ’’တိ။
֍ ဋ္ဌ ၈၄၅။ အလောဘော ကုသလော သာရမ္မဏော, အတ္ထိ တဿ အာဝဋ္ဋနာ…ပေ… ပဏိဓီတိ? အာမန္တာ။ နိဗ္ဗာနဓာတု ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ …ပေ… အဒေါသော ကုသလော…ပေ… အမောဟော ကုသလော…ပေ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ နိဗ္ဗာနဓာတု ကုသလာ သာရမ္မဏာ, အတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
နိဗ္ဗာနဓာတု ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ အလောဘော ကုသလော အနာရမ္မဏော, နတ္ထိ တဿ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ… နိဗ္ဗာနဓာတု ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? အာမန္တာ။ အဒေါသော ကုသလော…ပေ… အမောဟော ကုသလော…ပေ… သဒ္ဓါ… ဝီရိယံ… သတိ… သမာဓိ…ပေ… ပညာ ကုသလာ အနာရမ္မဏာ, နတ္ထိ တာယ အာဝဋ္ဋနာ…ပေ… ပဏိဓီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၄၆။ န ဝတ္တဗ္ဗံ – ‘‘နိဗ္ဗာနဓာတု ကုသလာ’’တိ? အာမန္တာ။ နနု နိဗ္ဗာနဓာတု အနဝဇ္ဇာတိ? အာမန္တာ။ ဟဉ္စိ နိဗ္ဗာနဓာတု အနဝဇ္ဇာ, တေန ဝတ ရေ ဝတ္တဗ္ဗေ – ‘‘နိဗ္ဗာနဓာတု ကုသလာ’’တိ။
ကုသလကထာ နိဋ္ဌိတာ။
၁၉။ ဧကူနဝီသတိမဝဂ္ဂ
(၁၉၂) ၇။ အစ္စန္တနိယာမကထာ
֍ ဋ္ဌ ၈၄၇။ အတ္ထိ ပုထုဇ္ဇနဿ အစ္စန္တနိယာမတာတိ? အာမန္တာ။ မာတုဃာတကော အစ္စန္တနိယတော, ပိတုဃာတကော…ပေ… အရဟန္တဃာတကော…ပေ… ရုဟိရုပ္ပါဒကော …ပေ… သံဃဘေဒကော အစ္စန္တနိယတောတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၂၄။)֍ ဋ္ဌ ၈၄၈။ အတ္ထိ ပုထုဇ္ဇနဿ အစ္စန္တနိယာမတာတိ? အာမန္တာ။ အစ္စန္တနိယတဿ ပုဂ္ဂလဿ ဝိစိကိစ္ဆာ ဥပ္ပဇ္ဇေယျာတိ? အာမန္တာ။ ဟဉ္စိ အစ္စန္တနိယတဿ ပုဂ္ဂလဿ ဝိစိကိစ္ဆာ ဥပ္ပဇ္ဇေယျ, နော စ ဝတ ရေ ဝတ္တဗ္ဗေ – ‘‘အတ္ထိ ပုထုဇ္ဇနဿ အစ္စန္တနိယာမတာ’’တိ။
အစ္စန္တနိယတဿ ပုဂ္ဂလဿ ဝိစိကိစ္ဆာ နုပ္ပဇ္ဇေယျာတိ? အာမန္တာ။ ပဟီနာတိ? န ဟေဝံ ဝတ္တဗ္ဗေ…ပေ… ပဟီနာတိ? အာမန္တာ။ သောတာပတ္တိမဂ္ဂေနာတိ? န ဟေဝံ ဝတ္တဗ္ဗေ…ပေ… သကဒါဂါမိမဂ္ဂေန …ပေ… အနာဂါမိမဂ္ဂေန…ပေ… အရဟတ္တမဂ္ဂေနာတိ? န ဟေဝံ ဝတ္တဗ္ဗေ…ပေ…။
ကတမေန မဂ္ဂေနာတိ? အကုသလေန မဂ္ဂေနာတိ။ အကုသလော မဂ္ဂေါ နိယျာနိကော ခယဂါမီ ဗောဓဂါမီ အနာသဝေါ…ပေ… အသံကိလေသိကောတိ? န ဟေဝံ ဝတ္တဗ္ဗေ…ပေ… နနု အကုသလော မဂ္ဂေါ အနိယျာနိကော…ပေ… သံကိလေသိကောတိ? အာမန္တာ။ ဟဉ္စိ အကုသလော မဂ္ဂေါ အနိယျာနိကော…ပေ… သံကိလေသိကော, နော စ ဝတ ရေ ဝတ္တဗ္ဗေ – ‘‘အစ္စန္တနိယတဿ ပုဂ္ဂလဿ ဝိစိကိစ္ဆာ အကုသလေန မဂ္ဂေန ပဟီနာ’’တိ။
֍ ဋ္ဌ ၈၄၉။ သဿတဒိဋ္ဌိယာ နိယတဿ ပုဂ္ဂလဿ ဥစ္ဆေဒဒိဋ္ဌိ ဥပ္ပဇ္ဇေယျာတိ? အာမန္တာ။ ဟဉ္စိ သဿတဒိဋ္ဌိယာ နိယတဿ ပုဂ္ဂလဿ ဥစ္ဆေဒဒိဋ္ဌိ ဥပ္ပဇ္ဇေယျ, နော စ ဝတ ရေ ဝတ္တဗ္ဗေ – ‘‘အတ္ထိ ပုထုဇ္ဇနဿ အစ္စန္တနိယာမတာ’’တိ။
သဿတဒိဋ္ဌိယာ နိယတဿ ပုဂ္ဂလဿ ဥစ္ဆေဒဒိဋ္ဌိ နုပ္ပဇ္ဇေယျာတိ? အာမန္တာ။ ပဟီနာတိ? န ဟေဝံ ဝတ္တဗ္ဗေ…ပေ… ပဟီနာတိ? အာမန္တာ။ သောတာပတ္တိမဂ္ဂေနာတိ? န ဟေဝံ ဝတ္တဗ္ဗေ…ပေ… သကဒါဂါမိမဂ္ဂေန…ပေ… အနာဂါမိမဂ္ဂေန…ပေ… အရဟတ္တမဂ္ဂေနာတိ? န ဟေဝံ ဝတ္တဗ္ဗေ…ပေ…။
ကတမေန မဂ္ဂေနာတိ? အကုသလေန မဂ္ဂေန။ အကုသလော မဂ္ဂေါ…ပေ… နော စ ဝတ ရေ ဝတ္တဗ္ဗေ – ‘‘သဿတဒိဋ္ဌိယာ နိယတဿ ပုဂ္ဂလဿ ဥစ္ဆေဒဒိဋ္ဌိ အကုသလေန မဂ္ဂေန ပဟီနာ’’တိ။
֍ ဋ္ဌ ၈၅၀။ ဥစ္ဆေဒဒိဋ္ဌိယာ နိယတဿ ပုဂ္ဂလဿ သဿတဒိဋ္ဌိ ဥပ္ပဇ္ဇေယျာတိ? အာမန္တာ။ ဟဉ္စိ ဥစ္ဆေဒဒိဋ္ဌိယာ နိယတဿ ပုဂ္ဂလဿ သဿတဒိဋ္ဌိ ဥပ္ပဇ္ဇေယျ, နော စ ဝတ ရေ ဝတ္တဗ္ဗေ – ‘‘အတ္ထိ ပုထုဇ္ဇနဿ အစ္စန္တနိယာမတာ’’တိ။
ဥစ္ဆေဒဒိဋ္ဌိယာ နိယတဿ ပုဂ္ဂလဿ သဿတဒိဋ္ဌိ နုပ္ပဇ္ဇေယျာတိ? အာမန္တာ။ ပဟီနာတိ? န ဟေဝံ ဝတ္တဗ္ဗေ…ပေ… ပဟီနာတိ? အာမန္တာ။
(အဘိ၊က၊၄၂၅။)သောတာပတ္တိမဂ္ဂေနာတိ? န ဟေဝံ ဝတ္တဗ္ဗေ …ပေ… သကဒါဂါမိမဂ္ဂေန…ပေ… အနာဂါမိမဂ္ဂေန…ပေ… အရဟတ္တမဂ္ဂေနာတိ? န ဟေဝံ ဝတ္တဗ္ဗေ…ပေ…။
ကတမေန မဂ္ဂေနာတိ? အကုသလေန မဂ္ဂေနာတိ။ အကုသလော မဂ္ဂေါ…ပေ… နော စ ဝတ ရေ ဝတ္တဗ္ဗေ – ‘‘ဥစ္ဆေဒဒိဋ္ဌိယာ နိယတဿ ပုဂ္ဂလဿ သဿတဒိဋ္ဌိ အကုသလေန မဂ္ဂေန ပဟီနာ’’တိ။
֍ ဋ္ဌ ၈၅၁။ န ဝတ္တဗ္ဗံ – ‘‘အတ္ထိ ပုထုဇ္ဇနဿ အစ္စန္တနိယာမတာ’’တိ? အာမန္တာ။ နနု ဝုတ္တံ ဘဂဝတာ – ‘‘ဣဓ, ဘိက္ခဝေ, ဧကစ္စော ပုဂ္ဂလော သမန္နာဂတော ဟောတိ ဧကန္တကာဠကေဟိ အကုသလေဟိ ဓမ္မေဟိ, သော [ဧဝံ ခေါ ဘိက္ခဝေ ပုဂ္ဂလော (အ။ နိ။ ၇။၁၅)] သကိံ နိမုဂ္ဂေါ နိမုဂ္ဂေါဝ ဟောတီ’’တိ [အ။ နိ။ ၇။၁၅]! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ပုထုဇ္ဇနဿ အစ္စန္တနိယာမတာတိ။
֍ ဋ္ဌ ၈၅၂။ ဝုတ္တံ ဘဂဝတာ – ‘‘ဣဓ, ဘိက္ခဝေ, ဧကစ္စော ပုဂ္ဂလော သမန္နာဂတော ဟောတိ ဧကန္တကာဠကေဟိ အကုသလေဟိ ဓမ္မေဟိ, သော သကိံ နိမုဂ္ဂေါ နိမုဂ္ဂေါဝ ဟောတီ’’တိ ကတွာ တေန စ ကာရဏေန အတ္ထိ ပုထုဇ္ဇနဿ အစ္စန္တနိယာမတာတိ? အာမန္တာ။ ဝုတ္တံ ဘဂဝတာ – ‘‘ဣဓ, ဘိက္ခဝေ, ဧကစ္စော ပုဂ္ဂလော ဥမ္မုဇ္ဇိတွာ နိမုဇ္ဇတီ’’တိ [အ။ နိ။ ၇။၁၅]! အတ္ထေဝ သုတ္တန္တောတိ? အာမန္တာ။ သဗ္ဗကာလံ ဥမ္မုဇ္ဇိတွာ နိမုဇ္ဇတီတိ? န ဟေဝံ ဝတ္တဗ္ဗေ…ပေ…။
ဝုတ္တံ ဘဂဝတာ – ‘‘ဣဓ, ဘိက္ခဝေ, ဧကစ္စော ပုဂ္ဂလော သမန္နာဂတော ဟောတိ ဧကန္တကာဠကေဟိ အကုသလေဟိ ဓမ္မေဟိ, သော သကိံ နိမုဂ္ဂေါ နိမုဂ္ဂေါဝ ဟောတီ’’တိ – ကတွာ တေန စ ကာရဏေန အတ္ထိ ပုထုဇ္ဇနဿ အစ္စန္တနိယာမတာတိ? အာမန္တာ။ ဝုတ္တံ ဘဂဝတာ – ‘‘ဣဓ, ဘိက္ခဝေ, ဧကစ္စော ပုဂ္ဂလော ဥမ္မုဇ္ဇိတွာ ဌိတော ဟောတိ, ဥမ္မုဇ္ဇိတွာ ဝိပဿတိ ဝိလောကေတိ, ဥမ္မုဇ္ဇိတွာ ပတရတိ, ဥမ္မုဇ္ဇိတွာ ပတိဂါဓပ္ပတ္တော ဟောတီ’’တိ [အ။ နိ။ ၇။၁၅]! အတ္ထေဝ သုတ္တန္တောတိ? အာမန္တာ။ သဗ္ဗကာလံ ဥမ္မုဇ္ဇိတွာ ပတိဂါဓပ္ပတ္တော ဟောတီတိ? န ဟေဝံ ဝတ္တဗ္ဗေ…ပေ…။
အစ္စန္တနိယာမကထာ နိဋ္ဌိတာ။
(အဘိ၊က၊၄၂၆။)၁၉။ ဧကူနဝီသတိမဝဂ္ဂ
(၁၉၃) ၈။ ဣန္ဒြိယကထာ
֍ ဋ္ဌ ၈၅၃။ နတ္ထိ လောကိယံ သဒ္ဓိန္ဒြိယန္တိ? အာမန္တာ။ နတ္ထိ လောကိယာ သဒ္ဓါတိ? န ဟေဝံ ဝတ္တဗ္ဗေ…ပေ… နတ္ထိ လောကိယံ ဝီရိယိန္ဒြိယံ…ပေ… သတိန္ဒြိယံ…ပေ… သမာဓိန္ဒြိယံ…ပေ… ပညိန္ဒြိယန္တိ? အာမန္တာ။ နတ္ထိ လောကိယာ ပညာတိ? န ဟေဝံ ဝတ္တဗ္ဗေ…ပေ…။
အတ္ထိ လောကိယာ သဒ္ဓါတိ? အာမန္တာ။ အတ္ထိ လောကိယံ သဒ္ဓိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယံ ဝီရိယံ…ပေ… သတိ…ပေ… သမာဓိ…ပေ… ပညာတိ? အာမန္တာ။ အတ္ထိ လောကိယံ ပညိန္ဒြိယန္တိ? န ဟေဝံ ဝတ္တဗ္ဗေ…ပေ…။
အတ္ထိ လောကိယော မနော, အတ္ထိ လောကိယံ မနိန္ဒြိယန္တိ? အာမန္တာ။ အတ္ထိ လောကိယာ သဒ္ဓါ, အတ္ထိ လောကိယံ သဒ္ဓိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယော မနော, အတ္ထိ လောကိယံ မနိန္ဒြိယန္တိ? အာမန္တာ။ အတ္ထိ လောကိယာ ပညာ, အတ္ထိ လောကိယံ ပညိန္ဒြိယန္တိ? န ဟေဝံ ဝတ္တဗ္ဗေ…ပေ…။
အတ္ထိ လောကိယံ သောမနဿံ, အတ္ထိ လောကိယံ သောမနဿိန္ဒြိယံ…ပေ… အတ္ထိ လောကိယံ ဇီဝိတံ, အတ္ထိ လောကိယံ ဇီဝိတိန္ဒြိယန္တိ? အာမန္တာ။ အတ္ထိ လောကိယာ သဒ္ဓါ, အတ္ထိ လောကိယံ သဒ္ဓိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယံ ဇီဝိတံ, အတ္ထိ လောကိယံ ဇီဝိတိန္ဒြိယန္တိ? အာမန္တာ။ အတ္ထိ လောကိယာ ပညာ, အတ္ထိ လောကိယံ ပညိန္ဒြိယန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၅၄။ အတ္ထိ လောကိယာ သဒ္ဓါ, နတ္ထိ လောကိယံ သဒ္ဓိန္ဒြိယန္တိ? အာမန္တာ။ အတ္ထိ လောကိယော မနော, နတ္ထိ လောကိယံ မနိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယာ ပညာ, နတ္ထိ လောကိယံ ပညိန္ဒြိယန္တိ? အာမန္တာ။ အတ္ထိ လောကိယော မနော, နတ္ထိ လောကိယံ မနိန္ဒြိယန္တိ? န ဟေဝံ ဝတ္တဗ္ဗေ…ပေ…။
အတ္ထိ လောကိယာ သဒ္ဓါ, နတ္ထိ လောကိယံ သဒ္ဓိန္ဒြိယန္တိ? အာမန္တာ။ အတ္ထိ လောကိယံ သောမနဿံ, နတ္ထိ လောကိယံ သောမနဿိန္ဒြိယန္တိ… အတ္ထိ လောကိယံ ဇီဝိတံ, နတ္ထိ လောကိယံ ဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယာ ပညာ, နတ္ထိ လောကိယံ ပညိန္ဒြိယန္တိ? အာမန္တာ။ အတ္ထိ လောကိယော မနော, နတ္ထိ လောကိယံ မနိန္ဒြိယန္တိ…ပေ… အတ္ထိ လောကိယံ ဇီဝိတံ, နတ္ထိ လောကိယံ ဇီဝိတိန္ဒြိယန္တိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၂၇။)֍ ဋ္ဌ ၈၅၅။ အတ္ထိ လောကုတ္တရာ သဒ္ဓါ, အတ္ထိ လောကုတ္တရံ သဒ္ဓိန္ဒြိယန္တိ? အာမန္တာ။ အတ္ထိ လောကိယာ သဒ္ဓါ, အတ္ထိ လောကိယံ သဒ္ဓိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကုတ္တရံ ဝီရိယံ…ပေ… အတ္ထိ လောကုတ္တရာ ပညာ, အတ္ထိ လောကုတ္တရံ ပညိန္ဒြိယန္တိ? အာမန္တာ။ အတ္ထိ လောကိယာ ပညာ, အတ္ထိ လောကိယံ ပညိန္ဒြိယန္တိ? န ဟေဝံ ဝတ္တဗ္ဗေ…ပေ…။
အတ္ထိ လောကိယာ သဒ္ဓါ, နတ္ထိ လောကိယံ သဒ္ဓိန္ဒြိယန္တိ? အာမန္တာ။ အတ္ထိ လောကုတ္တရာ သဒ္ဓါ, နတ္ထိ လောကုတ္တရံ သဒ္ဓိန္ဒြိယန္တိ? န ဟေဝံ ဝတ္တဗ္ဗေ…ပေ… အတ္ထိ လောကိယံ ဝီရိယံ…ပေ… အတ္ထိ လောကိယာ ပညာ, နတ္ထိ လောကိယံ ပညိန္ဒြိယန္တိ? အာမန္တာ။ အတ္ထိ လောကုတ္တရာ ပညာ, နတ္ထိ လောကုတ္တရံ ပညိန္ဒြိယန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၅၆။ နတ္ထိ လောကိယာနိ ပဉ္စိန္ဒြိယာနီတိ? အာမန္တာ။ နနု ဝုတ္တံ ဘဂဝတာ – ‘‘အဒ္ဒသံ ခေါ အဟံ, ဘိက္ခဝေ, ဗုဒ္ဓစက္ခုနာ လောကံ ဝေါလောကေန္တော သတ္တေ အပ္ပရဇက္ခေ မဟာရဇက္ခေ, တိက္ခိန္ဒြိယေ မုဒိန္ဒြိယေ, သွာကာရေ, သုဝိညာပယေ, အပ္ပေကစ္စေ ပရလောကဝဇ္ဇဘယဒဿာဝိနော ဝိဟရန္တေ’’တိ [မ။ နိ။ ၁။၂၈၃ တတ္ထ ‘‘ဒွါကာရေ ဒုဝိညာပယေ’’ ဣစ္စာဒီနိပိ ပဒါနိ ဒိဿန္တိ]! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ လောကိယာနိ ပဉ္စိန္ဒြိယာနီတိ။
ဣန္ဒြိယကထာ နိဋ္ဌိတာ။
ဧကူနဝီသတိမဝဂ္ဂေါ။
တဿုဒ္ဒါနံ –
အတီတေ ကိလေသေ ဇဟတိ အနာဂတေ ကိလေသေ ဇဟတိ ပစ္စုပ္ပန္နေ ကိလေသေ ဇဟတိ, သုညတာ သင်္ခါရက္ခန္ဓပရိယာပန္နာ, သာမညဖလံ အသင်္ခတံ, ပတ္တိ အသင်္ခတာ, သဗ္ဗဓမ္မာနံ တထတာ အသင်္ခတာ, နိဗ္ဗာနဓာတု ကုသလာ, အတ္ထိ ပုထုဇ္ဇနဿ အစ္စန္တနိယာမတာ, နတ္ထိ လောကိယာနိ ပဉ္စိန္ဒြိယာနီတိ။
၂၀။ ဝီသတိမဝဂ္ဂ
(၁၉၄) ၁။ အသဉ္စိစ္စကထာ
֍ ဋ္ဌ ၈၅၇။ အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီတိ? အာမန္တာ။ အသဉ္စိစ္စ ပါဏံ ဟန္တွာ ပါဏာတိပါတီ ဟောတီတိ? န
(အဘိ၊က၊၄၂၈။)ဟေဝံ ဝတ္တဗ္ဗေ…ပေ… အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီတိ? အာမန္တာ။ အသဉ္စိစ္စ အဒိန္နံ အာဒိယိတွာ…ပေ… မုသာ ဘဏိတွာ မုသာဝါဒီ ဟောတီတိ? န ဟေဝံ ဝတ္တဗ္ဗေ…ပေ…။
အသဉ္စိစ္စ ပါဏံ ဟန္တွာ ပါဏာတိပါတီ န ဟောတီတိ? အာမန္တာ။ အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော န ဟောတီတိ? န ဟေဝံ ဝတ္တဗ္ဗေ…ပေ… အသဉ္စိစ္စ အဒိန္နံ အာဒိယိတွာ…ပေ… မုသာ ဘဏိတွာ မုသာဝါဒီ န ဟောတီတိ? အာမန္တာ။ အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော န ဟောတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၅၈။ အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီတိ? အာမန္တာ။ ‘‘အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီ’’တိ – အတ္ထေဝ သုတ္တန္တောတိ? နတ္ထိ။ ‘‘သဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီ’’တိ – အတ္ထေဝ သုတ္တန္တောတိ? အာမန္တာ။ ဟဉ္စိ ‘‘သဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီ’’တိ – အတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘အသဉ္စိစ္စ မာတရံ ဇီဝိတာ ဝေါရောပေတွာ အာနန္တရိကော ဟောတီ’’တိ။
֍ ဋ္ဌ ၈၅၉။ န ဝတ္တဗ္ဗံ – ‘‘မာတုဃာတကော အာနန္တရိကော’’တိ? အာမန္တာ။ နနု မာတာ ဇီဝိတာ ဝေါရောပိတာတိ? အာမန္တာ။ ဟဉ္စိ မာတာ ဇီဝိတာ ဝေါရောပိတာ, တေန ဝတ ရေ ဝတ္တဗ္ဗေ – ‘‘မာတုဃာတကော အာနန္တရိကော’’တိ။
န ဝတ္တဗ္ဗံ – ‘‘ပိတုဃာတကော အာနန္တရိကော’’တိ? အာမန္တာ။ နနု ပိတာ ဇီဝိတာ ဝေါရောပိတောတိ? အာမန္တာ။ ဟဉ္စိ ပိတာ ဇီဝိတာ ဝေါရောပိတော, တေန ဝတ ရေ ဝတ္တဗ္ဗေ – ‘‘ပိတုဃာတကော အာနန္တရိကော’’တိ။
န ဝတ္တဗ္ဗံ – ‘‘အရဟန္တဃာတကော အာနန္တရိကော’’တိ? အာမန္တာ။ နနု အရဟာ ဇီဝိတာ ဝေါရောပိတောတိ? အာမန္တာ။ ဟဉ္စိ အရဟာ ဇီဝိတာ ဝေါရောပိတော, တေန ဝတ ရေ ဝတ္တဗ္ဗေ – ‘‘အရဟန္တဃာတကော အာနန္တရိကော’’တိ။
န ဝတ္တဗ္ဗံ – ‘‘ရုဟိရုပ္ပါဒကော အာနန္တရိကော’’တိ? အာမန္တာ။ နနု တထာဂတဿ လောဟိတံ ဥပ္ပါဒိတန္တိ? အာမန္တာ။ ဟဉ္စိ တထာဂတဿ လောဟိတံ ဥပ္ပါဒိတံ, တေန ဝတ ရေ ဝတ္တဗ္ဗေ – ‘‘ရုဟိရုပ္ပါဒကော အာနန္တရိကော’’တိ။
(အဘိ၊က၊၄၂၉။)֍ ဋ္ဌ ၈၆၀။ သံဃဘေဒကော အာနန္တရိကောတိ? အာမန္တာ။ သဗ္ဗေ သံဃဘေဒကာ အာနန္တရိကာတိ? န ဟေဝံ ဝတ္တဗ္ဗေ…ပေ… သဗ္ဗေ သံဃဘေဒကာ အာနန္တရိကာတိ? အာမန္တာ။ ဓမ္မသညီ သံဃဘေဒကော အာနန္တရိကောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၆၁။ ဓမ္မသညီ သံဃဘေဒကော အာနန္တရိကောတိ? အာမန္တာ။ နနု ဝုတ္တံ ဘဂဝတာ – ‘‘အတ္ထုပါလိ, သံဃဘေဒကော အာပါယိကော နေရယိကော ကပ္ပဋ္ဌော အတေကိစ္ဆော၊ အတ္ထုပါလိ, သံဃဘေဒကော န အာပါယိကော န နေရယိကော န ကပ္ပဋ္ဌော န အတေကိစ္ဆော’’တိ! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ဓမ္မသညီ သံဃဘေဒကော အာနန္တရိကော’’တိ။
֍ ဋ္ဌ ၈၆၂။ န ဝတ္တဗ္ဗံ – ‘‘ဓမ္မသညီ သံဃဘေဒကော အာနန္တရိကော’’တိ? အာမန္တာ။ နနု ဝုတ္တံ ဘဂဝတာ –
‘‘အာပါယိကော နေရယိကော, ကပ္ပဋ္ဌော သံဃဘေဒကော၊
ဝဂ္ဂရတော အဓမ္မဋ္ဌော, ယောဂက္ခေမာ ပဓံသတိ၊
သံဃံ သမဂ္ဂံ ဘေတွာန, ကပ္ပံ နိရယမှိ ပစ္စတီ’’တိ [စူဠဝ။ ၃၅၄၊ အ။ နိ။ ၁၀။၃၉၊ ဣတိဝု။ ၁၈]။
အတ္ထေဝ သုတ္တန္တောတိ? အာမန္တာ။ တေန ဟိ သံဃဘေဒကော အာနန္တရိကောတိ။
အသဉ္စိစ္စကထာ နိဋ္ဌိတာ။
၂၀။ ဝီသတိမဝဂ္ဂ
(၁၉၅) ၂။ ဉာဏကထာ
֍ ဋ္ဌ ၈၆၃။ နတ္ထိ ပုထုဇ္ဇနဿ ဉာဏန္တိ? အာမန္တာ။ နတ္ထိ ပုထုဇ္ဇနဿ ပညာ ပဇာနနာ ဝိစယော ပဝိစယော ဓမ္မဝိစယော သလ္လက္ခဏာ ဥပလက္ခဏာ ပစ္စုပလက္ခဏာတိ? န ဟေဝံ ဝတ္တဗ္ဗေ…ပေ… နနု အတ္ထိ ပုထုဇ္ဇနဿ ပညာ ပဇာနနာ ဝိစယော…ပေ… ပစ္စုပလက္ခဏာတိ? အာမန္တာ။ ဟဉ္စိ အတ္ထိ ပုထုဇ္ဇနဿ ပညာ ပဇာနနာ ဝိစယော…ပေ… ပစ္စုပလက္ခဏာ, နော စ ဝတ ရေ ဝတ္တဗ္ဗေ – ‘‘နတ္ထိ ပုထုဇ္ဇနဿ ဉာဏ’’န္တိ။
(အဘိ၊က၊၄၃၀။)֍ ဋ္ဌ ၈၆၄။ နတ္ထိ ပုထုဇ္ဇနဿ ဉာဏန္တိ? အာမန္တာ။ ပုထုဇ္ဇနော ပဌမံ ဈာနံ သမာပဇ္ဇေယျာတိ? အာမန္တာ။ ဟဉ္စိ ပုထုဇ္ဇနော ပဌမံ ဈာနံ သမာပဇ္ဇေယျ, နော စ ဝတ ရေ ဝတ္တဗ္ဗေ – ‘‘နတ္ထိ ပုထုဇ္ဇနဿ ဉာဏ’’န္တိ။
ပုထုဇ္ဇနော ဒုတိယံ ဈာနံ…ပေ… တတိယံ ဈာနံ…ပေ… စတုတ္ထံ ဈာနံ…ပေ… အာကာသာနဉ္စာယတနံ သမာပဇ္ဇေယျ, ဝိညာဏဉ္စာယတနံ အာကိဉ္စညာယတနံ နေဝသညာနာသညာယတနံ သမာပဇ္ဇေယျ, ပုထုဇ္ဇနော ဒါနံ ဒဒေယျ …ပေ… စီဝရံ ဒဒေယျ, ပိဏ္ဍပါတံ ဒဒေယျ, သေနာသနံ ဒဒေယျ, ဂိလာနပစ္စယဘေသဇ္ဇပရိက္ခာရံ ဒဒေယျာတိ? အာမန္တာ။ ဟဉ္စိ ပုထုဇ္ဇနော ဂိလာနပစ္စယဘေသဇ္ဇပရိက္ခာရံ ဒဒေယျ, နော စ ဝတ ရေ ဝတ္တဗ္ဗေ – နတ္ထိ ပုထုဇ္ဇနဿ ဉာဏ’’န္တိ။
֍ ဋ္ဌ ၈၆၅။ အတ္ထိ ပုထုဇ္ဇနဿ ဉာဏန္တိ? အာမန္တာ။ ပုထုဇ္ဇနော တေန ဉာဏေန ဒုက္ခံ ပရိဇာနာတိ, သမုဒယံ ပဇဟတိ, နိရောဓံ သစ္ဆိကရောတိ, မဂ္ဂံ ဘာဝေတီတိ? န ဟေဝံ ဝတ္တဗ္ဗေ…ပေ…။
ဉာဏကထာ နိဋ္ဌိတာ။
၂၀။ ဝီသတိမဝဂ္ဂ
(၁၉၆) ၃။ နိရယပါလကထာ
֍ ဋ္ဌ ၈၆၆။ နတ္ထိ နိရယေသု နိရယပါလာတိ? အာမန္တာ။ နတ္ထိ နိရယေသု ကမ္မကာရဏာတိ? န ဟေဝံ ဝတ္တဗ္ဗေ…ပေ… အတ္ထိ နိရယေသု ကမ္မကာရဏာတိ? အာမန္တာ။ အတ္ထိ နိရယေသု နိရယပါလာတိ? န ဟေဝံ ဝတ္တဗ္ဗေ…ပေ…။
အတ္ထိ မနုဿေသု ကမ္မကာရဏာ, အတ္ထိ စ ကာရဏိကာတိ? အာမန္တာ။ အတ္ထိ နိရယေသု ကမ္မကာရဏာ, အတ္ထိ စ ကာရဏိကာတိ? န ဟေဝံ ဝတ္တဗ္ဗေ…ပေ… အတ္ထိ နိရယေသု ကမ္မကာရဏာ, နတ္ထိ စ ကာရဏိကာတိ? အာမန္တာ။ အတ္ထိ မနုဿေသု ကမ္မကာရဏာ, နတ္ထိ စ ကာရဏိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၆၇။ အတ္ထိ နိရယေသု နိရယပါလာတိ? အာမန္တာ။ နနု ဝုတ္တံ ဘဂဝတာ –
(အဘိ၊က၊၄၃၁။)သောမော ယမော ဝေဿဝဏော စ ရာဇာ၊
သကာနိ ကမ္မာနိ ဟနန္တိ တတ္ထ, ဣတော ပဏုန္နံ [ပဏုဏ္ဏံ (သျာ။ က။), ပနုန္နံ (သီ။)] ပရလောကပတ္တ’’န္တိ။
အတ္ထေဝ သုတ္တန္တောတိ? အာမန္တာ။ တေန ဟိ နတ္ထိ နိရယေသု နိရယပါလာတိ။
֍ ဋ္ဌ ၈၆၈။ နတ္ထိ နိရယေသု နိရယပါလာတိ? အာမန္တာ။ နနု ဝုတ္တံ ဘဂဝတာ – ‘‘တမေနံ, ဘိက္ခဝေ, နိရယပါလာ ပဉ္စဝိဓဗန္ဓနံ နာမ ကာရဏံ ကာရေန္တိ [ကရောန္တိ (မ။ နိ။ ၃။၂၅၀၊ အ။ နိ။ ၃။၃၆)] – တတ္တံ အယောခီလံ ဟတ္ထေ ဂမေန္တိ, တတ္တံ အယောခီလံ ဒုတိယေ ဟတ္ထေ ဂမေန္တိ, တတ္တံ အယောခီလံ ပါဒေ ဂမေန္တိ, တတ္တံ အယောခီလံ ဒုတိယေ ပါဒေ ဂမေန္တိ, တတ္တံ အယောခီလံ မဇ္ဈေဥရသ္မိံ ဂမေန္တိ၊ သော တတ္ထ ဒုက္ခာ တိဗ္ဗာ ကဋုကာ ဝေဒနာ ဝေဒေတိ၊ န စ တာဝ ကာလံ ကရောတိ ယာဝ န တံ ပါပကမ္မံ ဗျန္တီဟောတီ’’တိ [မ။ နိ။ ၃။၂၅၀၊ အ။ နိ။ ၃။၃၆]! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ နိရယေသု နိရယပါလာတိ။
နတ္ထိ နိရယေသု နိရယပါလာတိ? အာမန္တာ။ နနု ဝုတ္တံ ဘဂဝတာ – ‘‘တမေနံ, ဘိက္ခဝေ, နိရယပါလာ သံဝေသေတွာ ကုဌာရီဟိ [ကုဓာရီဟိ (သဗ္ဗတ္ထ)] တစ္ဆန္တိ…ပေ… တမေနံ, ဘိက္ခဝေ, နိရယပါလာ ဥဒ္ဓမ္ပာဒံ အဓောသိရံ ဌပေတွာ ဝါသီဟိ တစ္ဆန္တိ…ပေ… တမေနံ, ဘိက္ခဝေ, နိရယပါလာ ရထေ ယောဇေတွာ အာဒိတ္တာယ ပထဝိယာ သမ္ပဇ္ဇလိတာယ သဇောတိဘူတာယ [သဉ္ဇောတိဘူတာယ (သျာ။)] သာရေန္တိပိ ပစ္စာသာရေန္တိပိ…ပေ… တမေနံ, ဘိက္ခဝေ, နိရယပါလာ မဟန္တံ အင်္ဂါရပဗ္ဗတံ အာဒိတ္တံ သမ္ပဇ္ဇလိတံ သဇောတိဘူတံ အာရောပေန္တိပိ ဩရောပေန္တိပိ…ပေ… တမေနံ, ဘိက္ခဝေ, နိရယပါလာ ဥဒ္ဓမ္ပာဒံ အဓောသိရံ ဂဟေတွာ တတ္တာယ လောဟကုမ္ဘိယာ ပက္ခိပန္တိ အာဒိတ္တာယ သမ္ပဇ္ဇလိတာယ သဇောတိဘူတာယ။ သော တတ္ထ ဖေဏုဒ္ဒေဟကံ ပစ္စတိ, သော တတ္ထ ဖေဏုဒ္ဒေဟကံ ပစ္စမာနော သကိမ္ပိ ဥဒ္ဓံ ဂစ္ဆတိ, သကိမ္ပိ အဓော ဂစ္ဆတိ, သကိမ္ပိ တိရိယံ ဂစ္ဆတိ။ သော တတ္ထ ဒုက္ခာ တိဗ္ဗာ ကဋုကာ ဝေဒနာ ဝေဒယတိ, န စ တာဝ ကာလံ ကရောတိ ယာဝ
(အဘိ၊က၊၄၃၂။)န တံ ပါပကမ္မံ ဗျန္တီဟောတိ။ တမေနံ, ဘိက္ခဝေ, နိရယပါလာ မဟာနိရယေ ပက္ခိပန္တိ! သော ခေါ ပန, ဘိက္ခဝေ, မဟာနိရယော –
‘‘စတုက္ကဏ္ဏော စတုဒွါရော, ဝိဘတ္တော ဘာဂသော မိတော၊
အယောပါကာရပရိယန္တော, အယသာ ပဋိကုဇ္ဇိတော။
‘‘တဿ အယောမယာ ဘူမိ, ဇလိတာ တေဇသာ ယုတာ၊
သမန္တာ ယောဇနသတံ, ဖရိတွာ တိဋ္ဌတိ သဗ္ဗဒါ’’တိ [မ။ နိ။ ၃။၂၅၀၊ အ။ နိ။ ၃။၃၆၊ ပေ။ ဝ။ ၇၁]။
အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ နိရယေသု နိရယပါလာတိ။
နိရယပါလကထာ နိဋ္ဌိတာ။
၂၀။ ဝီသတိမဝဂ္ဂ
(၁၉၇) ၄။ တိရစ္ဆာနကထာ
֍ ဋ္ဌ ၈၆၉။ အတ္ထိ ဒေဝေသု တိရစ္ဆာနဂတာတိ? အာမန္တာ။ အတ္ထိ တိရစ္ဆာနဂတေသု ဒေဝါတိ? န ဟေဝံ ဝတ္တဗ္ဗေ…ပေ… အတ္ထိ ဒေဝေသု တိရစ္ဆာနဂတာတိ? အာမန္တာ။ ဒေဝလောကော တိရစ္ဆာနယောနီတိ? န ဟေဝံ ဝတ္တဗ္ဗေ…ပေ… အတ္ထိ ဒေဝေသု တိရစ္ဆာနဂတာတိ? အာမန္တာ။ အတ္ထိ တတ္ထ ကီဋာ ပဋင်္ဂါ မကသာ မက္ခိကာ အဟီ ဝိစ္ဆိကာ သတပဒီ ဂဏ္ဍုပ္ပါဒါတိ [ဂဏ္ဍုပါဒါတိ (သျာ။ ကံ။ ပီ။)]? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၇၀။ နတ္ထိ ဒေဝေသု တိရစ္ဆာနဂတာတိ? အာမန္တာ။ နနု အတ္ထိ တတ္ထ ဧရာဝဏော နာမ ဟတ္ထိနာဂေါ သဟဿယုတ္တံ ဒိဗ္ဗံ ယာနန္တိ? အာမန္တာ။ ဟဉ္စိ အတ္ထိ တတ္ထ ဧရာဝဏော နာမ ဟတ္ထိနာဂေါ သဟဿယုတ္တံ ဒိဗ္ဗံ ယာနံ, တေန ဝတ ရေ ဝတ္တဗ္ဗေ – ‘‘အတ္ထိ ဒေဝေသု တိရစ္ဆာနဂတာ’’တိ။
֍ ဋ္ဌ ၈၇၁။ အတ္ထိ ဒေဝေသု တိရစ္ဆာနဂတာတိ? အာမန္တာ။ အတ္ထိ တတ္ထ ဟတ္ထိဗန္ဓာ အဿဗန္ဓာ [ဟတ္ထိဘဏ္ဍာ အဿဘဏ္ဍာ (?)] ယာဝသိကာ ကာရဏိကာ ဘတ္တကာရကာတိ? န ဟေဝံ ဝတ္တဗ္ဗေ။ တေန ဟိ နတ္ထိ ဒေဝေသု တိရစ္ဆာနဂတာတိ။
တိရစ္ဆာနကထာ နိဋ္ဌိတာ။
(အဘိ၊က၊၄၃၃။)၂၀။ ဝီသတိမဝဂ္ဂ
(၁၉၈) ၅။ မဂ္ဂကထာ
֍ ဋ္ဌ ၈၇၂။ ပဉ္စင်္ဂိကော မဂ္ဂေါတိ? အာမန္တာ။ နနု အဋ္ဌင်္ဂိကော မဂ္ဂေါ ဝုတ္တော ဘဂဝတာ, သေယျထိဒံ – သမ္မာဒိဋ္ဌိ…ပေ… သမ္မာသမာဓီတိ? အာမန္တာ။ ဟဉ္စိ အဋ္ဌင်္ဂိကော မဂ္ဂေါ ဝုတ္တော ဘဂဝတာ, သေယျထိဒံ – သမ္မာဒိဋ္ဌိ …ပေ… သမ္မာသမာဓိ, နော စ ဝတ ရေ ဝတ္တဗ္ဗေ – ‘‘ပဉ္စင်္ဂိကော မဂ္ဂေါ’’တိ။
ပဉ္စင်္ဂိကော မဂ္ဂေါတိ? အာမန္တာ။ နနု ဝုတ္တံ ဘဂဝတာ –
‘‘မဂ္ဂါနံ အဋ္ဌင်္ဂိကော သေဋ္ဌော, သစ္စာနံ စတုရော ပဒါ၊
ဝိရာဂေါ သေဋ္ဌော ဓမ္မာနံ, ဒွိပဒါနဉ္စ စက္ခုမာ’’တိ [ဓ။ ပ။ ၂၇၃ ဓမ္မပဒေ]။
အတ္ထေဝ သုတ္တန္တောတိ? အာမန္တာ။ တေန ဟိ အဋ္ဌင်္ဂိကော မဂ္ဂေါတိ။
֍ ဋ္ဌ ၈၇၃။ သမ္မာဝါစာ မဂ္ဂင်္ဂံ, သာ စ န မဂ္ဂေါတိ? အာမန္တာ။ သမ္မာဒိဋ္ဌိ မဂ္ဂင်္ဂံ, သာ စ န မဂ္ဂေါတိ? န ဟေဝံ ဝတ္တဗ္ဗေ…ပေ… သမ္မာဝါစာ မဂ္ဂင်္ဂံ, သာ စ န မဂ္ဂေါတိ? အာမန္တာ။ သမ္မာသင်္ကပ္ပေါ…ပေ… သမ္မာဝါယာမော…ပေ… သမ္မာသတိ…ပေ… သမ္မာသမာဓိ မဂ္ဂင်္ဂံ, သော စ န မဂ္ဂေါတိ? န ဟေဝံ ဝတ္တဗ္ဗေ…ပေ…။
သမ္မာကမ္မန္တော…ပေ… သမ္မာအာဇီဝေါ မဂ္ဂင်္ဂံ, သော စ န မဂ္ဂေါတိ? အာမန္တာ။ သမ္မာဒိဋ္ဌိ…ပေ… သမ္မာသမာဓိ မဂ္ဂင်္ဂံ, သော စ န မဂ္ဂေါတိ? န ဟေဝံ ဝတ္တဗ္ဗေ…ပေ…။
သမ္မာဒိဋ္ဌိ မဂ္ဂင်္ဂံ, သာ စ မဂ္ဂေါတိ? အာမန္တာ။ သမ္မာဝါစာ မဂ္ဂင်္ဂံ, သာ စ မဂ္ဂေါတိ? န ဟေဝံ ဝတ္တဗ္ဗေ…ပေ… သမ္မာဒိဋ္ဌိ မဂ္ဂင်္ဂံ, သာ စ မဂ္ဂေါတိ? အာမန္တာ။ သမ္မာကမ္မန္တော…ပေ… သမ္မာအာဇီဝေါ မဂ္ဂင်္ဂံ, သော စ မဂ္ဂေါတိ? န ဟေဝံ ဝတ္တဗ္ဗေ…ပေ…။
သမ္မာသင်္ကပ္ပေါ…ပေ… သမ္မာဝါယာမော…ပေ… သမ္မာသတိ…ပေ… သမ္မာသမာဓိ မဂ္ဂင်္ဂံ, သော စ မဂ္ဂေါတိ? အာမန္တာ။ သမ္မာဝါစာ…ပေ… သမ္မာကမ္မန္တော…ပေ… သမ္မာအာဇီဝေါ မဂ္ဂင်္ဂံ, သော စ မဂ္ဂေါတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၇၄။ အရိယော အဋ္ဌင်္ဂိကော မဂ္ဂေါတိ? အာမန္တာ။ နနု ဝုတ္တံ ဘဂဝတာ – ‘‘ပုဗ္ဗေဝ ခေါ ပနဿ ကာယကမ္မံ ဝစီကမ္မံ အာဇီဝေါ သုပရိသုဒ္ဓေါ ဟောတိ၊
(အဘိ၊က၊၄၃၄။)ဧဝမဿာယံ အရိယော အဋ္ဌင်္ဂိကော မဂ္ဂေါ ဘာဝနာပါရိပူရိံ ဂစ္ဆတီ’’တိ [မ။ နိ။ ၃။၄၃၁]! အတ္ထေဝ သုတ္တန္တောတိ? အာမန္တာ။ တေန ဟိ ပဉ္စင်္ဂိကော မဂ္ဂေါတိ။
֍ ဋ္ဌ ၈၇၅။ ပဉ္စင်္ဂိကော မဂ္ဂေါတိ? အာမန္တာ။ နနု ဝုတ္တံ ဘဂဝတာ – ‘‘ယသ္မိံ ခေါ, သုဘဒ္ဒ, ဓမ္မဝိနယေ အရိယော အဋ္ဌင်္ဂိကော မဂ္ဂေါ န ဥပလဗ္ဘတိ, သမဏောပိ တတ္ထ န ဥပလဗ္ဘတိ, ဒုတိယောပိ တတ္ထ သမဏော န ဥပလဗ္ဘတိ, တတိယောပိ တတ္ထ သမဏော န ဥပလဗ္ဘတိ, စတုတ္ထောပိ တတ္ထ သမဏော န ဥပလဗ္ဘတိ။ ယသ္မိဉ္စ ခေါ, သုဘဒ္ဒ, ဓမ္မဝိနယေ အရိယော အဋ္ဌင်္ဂိကော မဂ္ဂေါ ဥပလဗ္ဘတိ, သမဏောပိ တတ္ထ ဥပလဗ္ဘတိ, ဒုတိယောပိ…ပေ… တတိယောပိ…ပေ… စတုတ္ထောပိ တတ္ထ သမဏော ဥပလဗ္ဘတိ။ ဣမသ္မိံ ခေါ, သုဘဒ္ဒ, ဓမ္မဝိနယေ အရိယော အဋ္ဌင်္ဂိကော မဂ္ဂေါ ဥပလဗ္ဘတိ။ ဣဓေဝ, သုဘဒ္ဒ, သမဏော, ဣဓ ဒုတိယော သမဏော, ဣဓ တတိယော သမဏော, ဣဓ စတုတ္ထော သမဏော။ သုညာ ပရပ္ပဝါဒါ သမဏေဘိ အညေဟီ’’တိ [ဒီ။ နိ။ ၂။၂၁၄]! အတ္ထေဝ သုတ္တန္တောတိ? အာမန္တာ။ တေန ဟိ အဋ္ဌင်္ဂိကော မဂ္ဂေါတိ။
မဂ္ဂကထာ နိဋ္ဌိတာ။
၂၀။ ဝီသတိမဝဂ္ဂ
(၁၉၉) ၆။ ဉာဏကထာ
֍ ဋ္ဌ ၈၇၆။ ဒွါဒသဝတ္ထုကံ ဉာဏံ လောကုတ္တရန္တိ? အာမန္တာ။ ဒွါဒသ လောကုတ္တရဉာဏာနီတိ? န ဟေဝံ ဝတ္တဗ္ဗေ…ပေ… ဒွါဒသ လောကုတ္တရဉာဏာနီတိ? အာမန္တာ။ ဒွါဒသ သောတာပတ္တိမဂ္ဂါတိ? န ဟေဝံ ဝတ္တဗ္ဗေ…ပေ… ဒွါဒသ သောတာပတ္တိမဂ္ဂါတိ? အာမန္တာ။ ဒွါဒသ သောတာပတ္တိဖလာနီတိ? န ဟေဝံ ဝတ္တဗ္ဗေ…ပေ… ဒွါဒသ သကဒါဂါမိမဂ္ဂါ…ပေ… အနာဂါမိမဂ္ဂါ…ပေ… အရဟတ္တမဂ္ဂါတိ? န ဟေဝံ ဝတ္တဗ္ဗေ…ပေ… ဒွါဒသ အရဟတ္တမဂ္ဂါတိ? အာမန္တာ။ ဒွါဒသ အရဟတ္တဖလာနီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၇၇။ န ဝတ္တဗ္ဗံ – ‘‘ဒွါဒသဝတ္ထုကံ ဉာဏံ လောကုတ္တရ’’န္တိ? အာမန္တာ။ နနု ဝုတ္တံ ဘဂဝတာ – ‘‘ဣဒံ ဒုက္ခံ အရိယသစ္စ’’န္တိ မေ, ဘိက္ခဝေ, ပုဗ္ဗေ အနနုဿုတေသု
(အဘိ၊က၊၄၃၅။)ဓမ္မေသု စက္ခုံ ဥဒပါဒိ, ဉာဏံ ဥဒပါဒိ, ပညာ ဥဒပါဒိ, ဝိဇ္ဇာ ဥဒပါဒိ, အာလောကော ဥဒပါဒိ။ ‘တံ ခေါ ပနိဒံ ဒုက္ခံ အရိယသစ္စံ ပရိညေယျ’န္တိ မေ, ဘိက္ခဝေ…ပေ… ပရိညာတန္တိ မေ, ဘိက္ခဝေ…ပေ… ‘ဣဒံ ဒုက္ခသမုဒယံ [ဒုက္ခသမုဒယော (သျာ။ ကံ။ ပီ။)] အရိယသစ္စ’န္တိ မေ, ဘိက္ခဝေ…ပေ… ‘တံ ခေါ ပနိဒံ ဒုက္ခသမုဒယံ အရိယသစ္စံ ပဟာတဗ္ဗ’န္တိ မေ, ဘိက္ခဝေ…ပေ… ပဟီနန္တိ မေ, ဘိက္ခဝေ…ပေ… ‘ဣဒံ ဒုက္ခနိရောဓံ [ဒုက္ခနိရောဓာ (သျာ။ ကံ။ ပီ။)] အရိယသစ္စ’န္တိ မေ, ဘိက္ခဝေ…ပေ… ‘တံ ခေါ ပနိဒံ ဒုက္ခနိရောဓံ အရိယသစ္စံ သစ္ဆိကာတဗ္ဗ’န္တိ မေ, ဘိက္ခဝေ…ပေ… သစ္ဆိကတန္တိ မေ, ဘိက္ခဝေ…ပေ… ‘ဣဒံ ဒုက္ခနိရောဓဂါမိနီ ပဋိပဒါ အရိယသစ္စ’န္တိ မေ, ဘိက္ခဝေ…ပေ… ‘တံ ခေါ ပနိဒံ ဒုက္ခနိရောဓဂါမိနီ ပဋိပဒါ အရိယသစ္စံ ဘာဝေတဗ္ဗ’န္တိ မေ, ဘိက္ခဝေ…ပေ… ဘာဝိတန္တိ မေ, ဘိက္ခဝေ, ပုဗ္ဗေ အနနုဿုတေသု ဓမ္မေသု စက္ခုံ ဥဒပါဒိ…ပေ… အာလောကော ဥဒပါဒီ’’တိ [မဟာဝ။ ၁၅၊ သံ။ နိ။ ၅။၁၀၈၁၊ ပဋိ။ မ။ ၂။၃၀]! အတ္ထေဝ သုတ္တန္တောတိ? အာမန္တာ။ တေန ဟိ ဒွါဒသဝတ္ထုကံ ဉာဏံ လောကုတ္တရန္တိ။
ဉာဏကထာ နိဋ္ဌိတာ။
ဝီသတိမဝဂ္ဂေါ။
တဿုဒ္ဒါနံ –
မာတုဃာတကော အာနန္တရိကော ပိတုဃာတကော အာနန္တရိကော အရဟန္တဃာတကော အာနန္တရိကော ရုဟိရုပ္ပါဒကော အာနန္တရိကော သံဃဘေဒကော အာနန္တရိကော, နတ္ထိ ပုထုဇ္ဇနဿ ဉာဏံ, နတ္ထိ နိရယေသု နိရယပါလာ, အတ္ထိ ဒေဝေသု တိရစ္ဆာနဂတာ, ပဉ္စင်္ဂိကော မဂ္ဂေါ, ဒွါဒသဝတ္ထုကံ ဉာဏံ လောကုတ္တရန္တိ။
စတုတ္ထော ပဏ္ဏာသကော။
တဿုဒ္ဒါနံ –
နိဂ္ဂဟော, ပုညသဉ္စယော, အဋ္ဌာသိ, အတီတေန စ မာတုဃာတကော။
(အဘိ၊က၊၄၃၆။)၂၁။ ဧကဝီသတိမဝဂ္ဂ
(၂၀၀) ၁။ သာသနကထာ
֍ ဋ္ဌ ၈၇၈။ သာသနံ နဝံ ကတန္တိ? အာမန္တာ။ သတိပဋ္ဌာနာ နဝံ ကတာတိ? န ဟေဝံ ဝတ္တဗ္ဗေ…ပေ… သာသနံ နဝံ ကတန္တိ? အာမန္တာ။ သမ္မပ္ပဓာနာ…ပေ… ဣဒ္ဓိပါဒါ…ပေ… ဣန္ဒြိယာ…ပေ… ဗလာ…ပေ… ဗောဇ္ဈင်္ဂါ နဝံ ကတာတိ? န ဟေဝံ ဝတ္တဗ္ဗေ…ပေ… ပုဗ္ဗေ အကုသလံ ပစ္ဆာ ကုသလံ ကတန္တိ? န ဟေဝံ ဝတ္တဗ္ဗေ…ပေ… ပုဗ္ဗေ သာသဝံ…ပေ… သံယောဇနိယံ ဂန္ထနိယံ ဩဃနိယံ ယောဂနိယံ နီဝရဏိယံ ပရာမဋ္ဌံ ဥပါဒါနိယံ…ပေ… သံကိလေသိကံ ပစ္ဆာ အသံကိလေသိကံ ကတန္တိ? န ဟေဝံ ဝတ္တဗ္ဗေ…ပေ…။
အတ္ထိ ကောစိ တထာဂတဿ သာသနံ နဝံ ကရောတီတိ? အာမန္တာ။ အတ္ထိ ကောစိ သတိပဋ္ဌာနေ နဝံ ကရောတီတိ? န ဟေဝံ ဝတ္တဗ္ဗေ…ပေ… အတ္ထိ ကောစိ သမ္မပ္ပဓာနေ…ပေ… ဣဒ္ဓိပါဒေ…ပေ… ဣန္ဒြိယေ…ပေ… ဗလေ…ပေ… ဗောဇ္ဈင်္ဂေ နဝံ ကရောတီတိ? န ဟေဝံ ဝတ္တဗ္ဗေ…ပေ… အတ္ထိ ကောစိ ပုဗ္ဗေ အကုသလံ ပစ္ဆာ ကုသလံ ကရောတီတိ? န ဟေဝံ ဝတ္တဗ္ဗေ…ပေ… အတ္ထိ ကောစိ ပုဗ္ဗေ သာသဝံ…ပေ… သံကိလေသိကံ ပစ္ဆာ အသံကိလေသိယံ ကရောတီတိ? န ဟေဝံ ဝတ္တဗ္ဗေ…ပေ…။
လဗ္ဘာ တထာဂတဿ သာသနံ ပုန နဝံ ကာတုန္တိ? အာမန္တာ။ လဗ္ဘာ သတိပဋ္ဌာနာ ပုန နဝံ ကာတုန္တိ? န ဟေဝံ ဝတ္တဗ္ဗေ…ပေ… လဗ္ဘာ သမ္မပ္ပဓာနာ…ပေ… ဣဒ္ဓိပါဒါ…ပေ… ဣန္ဒြိယာ…ပေ… ဗလာ…ပေ… ဗောဇ္ဈင်္ဂါ ပုန နဝံ ကာတုန္တိ? န ဟေဝံ ဝတ္တဗ္ဗေ…ပေ… လဗ္ဘာ ပုဗ္ဗေ အကုသလံ ပစ္ဆာ ကုသလံ ကာတုန္တိ? န ဟေဝံ ဝတ္တဗ္ဗေ…ပေ… လဗ္ဘာ ပုဗ္ဗေ သာသဝံ…ပေ… သံကိလေသိယံ ပစ္ဆာ အသံကိလေသိယံ ကာတုန္တိ? န ဟေဝံ ဝတ္တဗ္ဗေ…ပေ…။
သာသနကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၁) ၂။ အဝိဝိတ္တကထာ
֍ ဋ္ဌ ၈၇၉။ ပုထုဇ္ဇနော တေဓာတုကေဟိ ဓမ္မေဟိ အဝိဝိတ္တောတိ? အာမန္တာ။ ပုထုဇ္ဇနော တေဓာတုကေဟိ ဖဿေဟိ…ပေ… တေဓာတုကာဟိ ဝေဒနာဟိ…
(အဘိ၊က၊၄၃၇။)သညာဟိ… စေတနာဟိ… စိတ္တေဟိ… သဒ္ဓါဟိ… ဝီရိယေဟိ… သတီဟိ… သမာဓီဟိ…ပေ… တေဓာတုကာဟိ ပညာဟိ အဝိဝိတ္တောတိ? န ဟေဝံ ဝတ္တဗ္ဗေ…ပေ…။
ပုထုဇ္ဇနော တေဓာတုကေဟိ ကမ္မေဟိ အဝိဝိတ္တောတိ? အာမန္တာ။ ယသ္မိံ ခဏေ ပုထုဇ္ဇနော စီဝရံ ဒေတိ, တသ္မိံ ခဏေ ပဌမံ ဈာနံ ဥပသမ္ပဇ္ဇ ဝိဟရတိ…ပေ… အာကာသာနဉ္စာယတနံ ဥပသမ္ပဇ္ဇ ဝိဟရတီတိ? န ဟေဝံ ဝတ္တဗ္ဗေ…ပေ… ယသ္မိံ ခဏေ ပုထုဇ္ဇနော ပိဏ္ဍပါတံ ဒေတိ…ပေ… သေနာသနံ ဒေတိ…ပေ… ဂိလာနပစ္စယဘေသဇ္ဇပရိက္ခာရံ ဒေတိ, တသ္မိံ ခဏေ စတုတ္ထံ ဈာနံ ဥပသမ္ပဇ္ဇ ဝိဟရတိ… နေဝသညာနာသညာယတနံ ဥပသမ္ပဇ္ဇ ဝိဟရတီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၈၀။ န ဝတ္တဗ္ဗံ – ‘‘ပုထုဇ္ဇနော တေဓာတုကေဟိ ကမ္မေဟိ အဝိဝိတ္တော’’တိ? အာမန္တာ။ ပုထုဇ္ဇနဿ ရူပဓာတုအရူပဓာတူပဂံ ကမ္မံ ပရိညာတန္တိ? န ဟေဝံ ဝတ္တဗ္ဗေ။ တေန ဟိ ပုထုဇ္ဇနော တေဓာတုကေဟိ ကမ္မေဟိ အဝိဝိတ္တောတိ…ပေ…။
အဝိဝိတ္တကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၂) ၃။ သံယောဇနကထာ
֍ ဋ္ဌ ၈၈၁။ အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တီတိ? အာမန္တာ။ အတ္ထိ ကိဉ္စိ သက္ကာယဒိဋ္ဌိံ အပ္ပဟာယ…ပေ… ဝိစိကိစ္ဆံ အပ္ပဟာယ…ပေ… သီလဗ္ဗတပရာမာသံ အပ္ပဟာယ… ရာဂံ အပ္ပဟာယ… ဒေါသံ အပ္ပဟာယ… မောဟံ အပ္ပဟာယ… အနောတ္တပ္ပံ အပ္ပဟာယ အရဟတ္တပ္ပတ္တီတိ? န ဟေဝံ ဝတ္တဗ္ဗေ…ပေ…။
အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တီတိ? အာမန္တာ။ အရဟာ သရာဂေါ သဒေါသော သမောဟော သမာနော သမက္ခော သပဠာသော သဥပါယာသော သကိလေသောတိ? န ဟေဝံ ဝတ္တဗ္ဗေ…ပေ… နနု အရဟာ နိရာဂေါ နိဒ္ဒေါသော နိမ္မောဟော နိမ္မာနော နိမ္မက္ခော နိပ္ပဠာသော နိရုပါယာသော နိက္ကိလေသောတိ? အာမန္တာ။ ဟဉ္စိ အရဟာ နိရာဂေါ…ပေ… နိက္ကိလေသော, နော စ ဝတ ရေ ဝတ္တဗ္ဗေ – ‘‘အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တီ’’တိ။
(အဘိ၊က၊၄၃၈။)֍ ဋ္ဌ ၈၈၂။ န ဝတ္တဗ္ဗံ – ‘‘အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တီ’’တိ? အာမန္တာ။ အရဟာ သဗ္ဗံ ဗုဒ္ဓဝိသယံ ဇာနာတီတိ? န ဟေဝံ ဝတ္တဗ္ဗေ။ တေန ဟိ အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တီတိ။
သံယောဇနကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၃) ၄။ ဣဒ္ဓိကထာ
֍ ဋ္ဌ ၈၈၃။ အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? အာမန္တာ။ ‘‘နိစ္စပဏ္ဏာ ရုက္ခာ ဟောန္တူ’’တိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ… နိစ္စပုပ္ဖါ ရုက္ခာ ဟောန္တု…ပေ… နိစ္စဖလိကာ ရုက္ခာ ဟောန္တု… နိစ္စံ ဇုဏှံ ဟောတု… နိစ္စံ ခေမံ ဟောတု… နိစ္စံ သုဘိက္ခံ ဟောတု… ‘‘နိစ္စံ သုဝတ္ထိ [သုဝုဋ္ဌိကံ (သျာ။)] ဟောတူ’’တိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ…။
အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? အာမန္တာ။ ‘‘ဥပ္ပန္နော ဖဿော မာ နိရုဇ္ဈီ’’တိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ…။
ဥပ္ပန္နာ ဝေဒနာ…ပေ… သညာ… စေတနာ… စိတ္တံ… သဒ္ဓါ… ဝီရိယံ… သတိ… သမာဓိ…ပေ… ပညာ မာ နိရုဇ္ဈီတိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ…။
အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? အာမန္တာ။ ‘‘ရူပံ နိစ္စံ ဟောတူ’’တိ – အတ္ထိ အဓိပ္ပါယဣဒ္ဓိ… ဝေဒနာ…ပေ… သညာ…ပေ… သင်္ခါရာ…ပေ… ‘‘ဝိညာဏံ နိစ္စံ ဟောတူ’’တိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ…။
အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? အာမန္တာ။ ‘‘ဇာတိဓမ္မာ သတ္တာ မာ ဇာယိံသူ’’တိ အတ္ထိ…ပေ… ‘‘ဇရာဓမ္မာ သတ္တာ မာ ဇီရိံသူ’’တိ…ပေ… ‘‘ဗျာဓိဓမ္မာ သတ္တာ မာ ဗျာဓိယိံသူ’’တိ…ပေ… ‘‘မရဏဓမ္မာ သတ္တာ မာ မီယိံသူ’’တိ – အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါတိ? န ဟေဝံ ဝတ္တဗ္ဗေ…ပေ…။
(အဘိ၊က၊၄၃၉။)֍ ဋ္ဌ ၈၈၄။ န ဝတ္တဗ္ဗံ – ‘‘အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါ’’တိ? အာမန္တာ။ နနု အာယသ္မာ ပိလိန္ဒဝစ္ဆော ရညော မာဂဓဿ သေနိယဿ ဗိမ္ဗိသာရဿ ပါသာဒံ ‘‘သုဝဏ္ဏ’’န္တေွဝ အဓိမုစ္စိ, သုဝဏ္ဏော စ ပန အာသီတိ [ပါရာ။ ၆၂၁၊ မဟာဝ။ ၂၇၁]? အာမန္တာ။ ဟဉ္စိ အာယသ္မာ ပိလိန္ဒဝစ္ဆော ရညော မာဂဓဿ သေနိယဿ ဗိမ္ဗိသာရဿ ပါသာဒံ သုဝဏ္ဏန္တေွဝ အဓိမုစ္စိ, သုဝဏ္ဏော စ ပန အာသိ, တေန ဝတ ရေ ဝတ္တဗ္ဗေ – ‘‘အတ္ထိ အဓိပ္ပါယဣဒ္ဓိ ဗုဒ္ဓါနံ ဝါ သာဝကာနံ ဝါ’’တိ။
ဣဒ္ဓိကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၄) ၅။ ဗုဒ္ဓကထာ
֍ ဋ္ဌ ၈၈၅။ အတ္ထိ ဗုဒ္ဓါနံ ဗုဒ္ဓေဟိ ဟီနာတိရေကတာတိ? အာမန္တာ။ သတိပဋ္ဌာနတောတိ? န ဟေဝံ ဝတ္တဗ္ဗေ …ပေ… သမ္မပ္ပဓာနတော…ပေ… ဣဒ္ဓိပါဒတော… ဣန္ဒြိယတော… ဗလတော… ဗောဇ္ဈင်္ဂတော… ဝသိဘာဝတော…ပေ… သဗ္ဗညုတဉာဏဒဿနတောတိ? န ဟေဝံ ဝတ္တဗ္ဗေ…ပေ…။
ဗုဒ္ဓကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၅) ၆။ သဗ္ဗဒိသာကထာ
֍ ဋ္ဌ ၈၈၆။ သဗ္ဗာ ဒိသာ ဗုဒ္ဓါ တိဋ္ဌန္တီတိ? အာမန္တာ။ ပုရတ္ထိမာယ ဒိသာယ ဗုဒ္ဓေါ တိဋ္ဌတီတိ? န ဟေဝံ ဝတ္တဗ္ဗေ…ပေ… ပုရတ္ထိမာယ ဒိသာယ ဗုဒ္ဓေါ တိဋ္ဌတီတိ? အာမန္တာ။ ကိန္နာမော သော ဘဂဝါ, ကိံဇစ္စော, ကိံဂေါတ္တော, ကိန္နာမာ တဿ ဘဂဝတော မာတာပိတရော, ကိန္နာမံ တဿ ဘဂဝတော သာဝကယုဂံ, ကောနာမော တဿ ဘဂဝတော ဥပဋ္ဌာကော, ကီဒိသံ စီဝရံ ဓာရေတိ, ကီဒိသံ ပတ္တံ ဓာရေတိ, ကတရသ္မိံ ဂါမေ ဝါ နိဂမေ ဝါ နဂရေ ဝါ ရဋ္ဌေ ဝါ ဇနပဒေ ဝါတိ? န ဟေဝံ ဝတ္တဗ္ဗေ…ပေ…။
ဒက္ခိဏာယ ဒိသာယ…ပေ… ပစ္ဆိမာယ ဒိသာယ…ပေ… ဥတ္တရာယ ဒိသာယ…ပေ… ဟေဋ္ဌိမာယ ဒိသာယ ဗုဒ္ဓေါ တိဋ္ဌတီတိ? န ဟေဝံ ဝတ္တဗ္ဗေ…ပေ… ဟေဋ္ဌိမာယ
(အဘိ၊က၊၄၄၀။)ဒိသာယ ဗုဒ္ဓေါ တိဋ္ဌတီတိ? အာမန္တာ။ ကိန္နာမော သော ဘဂဝါ…ပေ… ဇနပဒေ ဝါတိ? န ဟေဝံ ဝတ္တဗ္ဗေ…ပေ…။
ဥပရိမာယ ဒိသာယ ဗုဒ္ဓေါ တိဋ္ဌတီတိ? န ဟေဝံ ဝတ္တဗ္ဗေ…ပေ…။ ဥပရိမာယ ဒိသာယ ဗုဒ္ဓေါ တိဋ္ဌတီတိ? အာမန္တာ။ စာတုမဟာရာဇိကေ တိဋ္ဌတိ…ပေ… တာဝတိံသေ တိဋ္ဌတိ…ပေ… ယာမေ တိဋ္ဌတိ…ပေ… တုသိတေ တိဋ္ဌတိ…ပေ… နိမ္မာနရတိယာ တိဋ္ဌတိ…ပေ… ပရနိမ္မိတဝသဝတ္တိယာ တိဋ္ဌတိ…ပေ… ဗြဟ္မလောကေ တိဋ္ဌတီတိ? န ဟေဝံ ဝတ္တဗ္ဗေ…ပေ…။
သဗ္ဗဒိသာကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၆) ၇။ ဓမ္မကထာ
֍ ဋ္ဌ ၈၈၇။ သဗ္ဗေ ဓမ္မာ နိယတာတိ? အာမန္တာ။ မိစ္ဆတ္တနိယတာတိ? န ဟေဝံ ဝတ္တဗ္ဗေ…ပေ… သမ္မတ္တနိယတာတိ? န ဟေဝံ ဝတ္တဗ္ဗေ…ပေ… နတ္ထိ အနိယတော ရာသီတိ? န ဟေဝံ ဝတ္တဗ္ဗေ…ပေ… နနု အတ္ထိ အနိယတော ရာသီတိ? အာမန္တာ။ ဟဉ္စိ အတ္ထိ အနိယတော ရာသိ, နော စ ဝတ ရေ ဝတ္တဗ္ဗေ – ‘‘သဗ္ဗေ ဓမ္မာ နိယတာ’’တိ။
သဗ္ဗေ ဓမ္မာ နိယတာတိ? အာမန္တာ။ နနု တယော ရာသီ ဝုတ္တာ ဘဂဝတာ – မိစ္ဆတ္တနိယတော ရာသိ, သမ္မတ္တနိယတော ရာသိ, အနိယတော ရာသီတိ [ဓ။ သ။ တိကမာတိကာ ၁၅]? အာမန္တာ။ ဟဉ္စိ တယော ရာသီ ဝုတ္တာ ဘဂဝတာ – မိစ္ဆတ္တနိယတော ရာသိ, သမ္မတ္တနိယတော ရာသိ, အနိယတော ရာသိ, နော စ ဝတ ရေ ဝတ္တဗ္ဗေ – ‘‘သဗ္ဗေ ဓမ္မာ နိယတာ’’တိ။
ရူပံ ရူပဋ္ဌေန နိယတန္တိ? အာမန္တာ။ မိစ္ဆတ္တနိယတန္တိ? န ဟေဝံ ဝတ္တဗ္ဗေ…ပေ… သမ္မတ္တနိယတန္တိ? န ဟေဝံ ဝတ္တဗ္ဗေ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏံ ဝိညာဏဋ္ဌေန နိယတန္တိ? အာမန္တာ။ မိစ္ဆတ္တနိယတန္တိ? န ဟေဝံ ဝတ္တဗ္ဗေ…ပေ… သမ္မတ္တနိယတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၈၈။ န ဝတ္တဗ္ဗံ – ရူပံ ရူပဋ္ဌေန နိယတံ…ပေ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏံ ဝိညာဏဋ္ဌေန နိယတန္တိ? အာမန္တာ။ ရူပံ ဝေဒနာ
(အဘိ၊က၊၄၄၁။)ဟောတိ…ပေ… သညာ ဟောတိ… သင်္ခါရာ ဟောန္တိ… ဝိညာဏံ ဟောတိ… ဝေဒနာ…ပေ… သညာ…ပေ… သင်္ခါရာ…ပေ… ဝိညာဏံ ရူပံ ဟောတိ…ပေ… ဝေဒနာ ဟောတိ… သညာ ဟောတိ… သင်္ခါရာ ဟောန္တီတိ? န ဟေဝံ ဝတ္တဗ္ဗေ။ တေန ဟိ ရူပံ ရူပဋ္ဌေန နိယတံ, ဝေဒနာ…ပေ… သညာ…ပေ… သင်္ခါရာ…ပေ… ဝိညာဏံ ဝိညာဏဋ္ဌေန နိယတန္တိ။
ဓမ္မကထာ နိဋ္ဌိတာ။
၂၁။ ဧကဝီသတိမဝဂ္ဂ
(၂၀၇) ၈။ ကမ္မကထာ
֍ ဋ္ဌ ၈၈၉။ သဗ္ဗေ ကမ္မာ နိယတာတိ? အာမန္တာ။ မိစ္ဆတ္တနိယတာတိ? န ဟေဝံ ဝတ္တဗ္ဗေ…ပေ… သမ္မတ္တနိယတာတိ? န ဟေဝံ ဝတ္တဗ္ဗေ…ပေ… နတ္ထိ အနိယတော ရာသီတိ? န ဟေဝံ ဝတ္တဗ္ဗေ…ပေ… နနု အတ္ထိ အနိယတော ရာသီတိ? အာမန္တာ။ ဟဉ္စိ အတ္ထိ အနိယတော ရာသိ, နော စ ဝတ ရေ ဝတ္တဗ္ဗေ – ‘‘သဗ္ဗေ ကမ္မာ နိယတာ’’တိ။
သဗ္ဗေ ကမ္မာ နိယတာတိ? အာမန္တာ။ နနု တယော ရာသီ ဝုတ္တာ ဘဂဝတာ – မိစ္ဆတ္တနိယတော ရာသိ, သမ္မတ္တနိယတော ရာသိ, အနိယတော ရာသီတိ? အာမန္တာ။ ဟဉ္စိ တယော ရာသီ ဝုတ္တာ ဘဂဝတာ – မိစ္ဆတ္တနိယတော ရာသိ, သမ္မတ္တနိယတော ရာသိ, အနိယတော ရာသိ, နော စ ဝတ ရေ ဝတ္တဗ္ဗေ – ‘‘သဗ္ဗေ ကမ္မာ နိယတာ’’တိ။
֍ ဋ္ဌ ၈၉၀။ ဒိဋ္ဌဓမ္မဝေဒနီယံ ကမ္မံ ဒိဋ္ဌဓမ္မဝေဒနီယဋ္ဌေန နိယတန္တိ? အာမန္တာ။ မိစ္ဆတ္တနိယတန္တိ? န ဟေဝံ ဝတ္တဗ္ဗေ…ပေ… သမ္မတ္တနိယတန္တိ? န ဟေဝံ ဝတ္တဗ္ဗေ…ပေ…။ ဥပပဇ္ဇဝေဒနီယံ ကမ္မံ…ပေ… အပရာပရိယဝေဒနီယံ ကမ္မံ အပရာပရိယဝေဒနီယဋ္ဌေန နိယတန္တိ? အာမန္တာ။ မိစ္ဆတ္တနိယတန္တိ? န ဟေဝံ ဝတ္တဗ္ဗေ…ပေ… သမ္မတ္တနိယတန္တိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၉၁။ န ဝတ္တဗ္ဗံ – ဒိဋ္ဌဓမ္မဝေဒနီယံ ကမ္မံ ဒိဋ္ဌဓမ္မဝေဒနီယဋ္ဌေန နိယတံ, ဥပပဇ္ဇဝေဒနီယံ ကမ္မံ…ပေ… အပရာပရိယဝေဒနီယံ ကမ္မံ အပရာပရိယဝေဒနီယဋ္ဌေန နိယတန္တိ? အာမန္တာ။ ဒိဋ္ဌဓမ္မဝေဒနီယံ ကမ္မံ ဥပပဇ္ဇဝေဒနီယံ ဟောတိ, အပရာပရိယဝေဒနီယံ ဟောတိ…ပေ… ဥပပဇ္ဇဝေဒနီယံ ကမ္မံ ဒိဋ္ဌဓမ္မဝေဒနီယံ ဟောတိ,
(အဘိ၊က၊၄၄၂။)အပရာပရိယဝေဒနီယံ ဟောတိ…ပေ… အပရာပရိယဝေဒနီယံ ကမ္မံ ဒိဋ္ဌဓမ္မဝေဒနီယံ ဟောတိ, ဥပပဇ္ဇဝေဒနီယံ ဟောတီတိ? န ဟေဝံ ဝတ္တဗ္ဗေ။ တေန ဟိ ဒိဋ္ဌဓမ္မဝေဒနီယံ ကမ္မံ ဒိဋ္ဌဓမ္မဝေဒနီယဋ္ဌေန နိယတံ, ဥပပဇ္ဇဝေဒနီယံ ကမ္မံ…ပေ… အပရာပရိယဝေဒနီယံ ကမ္မံ အပရာပရိယဝေဒနီယဋ္ဌေန နိယတန္တိ။
ကမ္မကထာ နိဋ္ဌိတာ။
ဧကဝီသတိမဝဂ္ဂေါ။
တဿုဒ္ဒါနံ –
သာသနံ နဝံ ကတံ အတ္ထိ ကောစိ တထာဂတဿ သာသနံ နဝံ ကရောတိ လဗ္ဘာ တထာဂတဿ သာသနံ ပုန နဝံ ကာတုံ, ပုထုဇ္ဇနော တေဓာတုကေဟိ ဓမ္မေဟိ အဝိဝိတ္တော, အတ္ထိ ကိဉ္စိ သံယောဇနံ အပ္ပဟာယ အရဟတ္တပ္ပတ္တိ, အတ္ထိ အဓိပ္ပါယိဒ္ဓိ ဗုဒ္ဓါနံ ဝါ သာဝကာနံ ဝါ, အတ္ထိ ဗုဒ္ဓါနံ ဗုဒ္ဓေဟိ ဟီနာတိရေကတာ, သဗ္ဗာ ဒိသာ ဗုဒ္ဓါ တိဋ္ဌန္တိ, သဗ္ဗေ ဓမ္မာ နိယတာ, သဗ္ဗေ ကမ္မာ နိယတာတိ။
၂၂။ ဗာဝီသတိမဝဂ္ဂ
(၂၀၈) ၁။ ပရိနိဗ္ဗာနကထာ
֍ ဋ္ဌ ၈၉၂။ အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာနန္တိ? အာမန္တာ။ အတ္ထိ ကိဉ္စိ သက္ကာယဒိဋ္ဌိံ အပ္ပဟာယ…ပေ… အနောတ္တပ္ပံ အပ္ပဟာယ ပရိနိဗ္ဗာနန္တိ? န ဟေဝံ ဝတ္တဗ္ဗေ…ပေ…။
အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာနန္တိ? အာမန္တာ။ အရဟာ သရာဂေါ…ပေ… သကိလေသောတိ? န ဟေဝံ ဝတ္တဗ္ဗေ…ပေ… နနု အရဟာ နိရာဂေါ…ပေ… နိက္ကိလေသောတိ? အာမန္တာ။ ဟဉ္စိ အရဟာ နိရာဂေါ…ပေ… နိက္ကိလေသော, နော စ ဝတ ရေ ဝတ္တဗ္ဗေ – ‘‘အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာန’’န္တိ။
֍ ဋ္ဌ ၈၉၃။ န ဝတ္တဗ္ဗံ – ‘‘အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာန’’န္တိ? အာမန္တာ။ အရဟာ သဗ္ဗံ ဗုဒ္ဓဝိသယံ ဇာနာတီတိ? န ဟေဝံ ဝတ္တဗ္ဗေ။ တေန ဟိ အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာနန္တိ။
ပရိနိဗ္ဗာနကထာ နိဋ္ဌိတာ။
(အဘိ၊က၊၄၄၃။)၂၂။ ဗာဝီသတိမဝဂ္ဂ
(၂၀၉) ၂။ ကုသလစိတ္တကထာ
֍ ဋ္ဌ ၈၉၄။ အရဟာ ကုသလစိတ္တော ပရိနိဗ္ဗာယတီတိ? အာမန္တာ။ အရဟာ ပုညာဘိသင်္ခါရံ အဘိသင်္ခရောန္တော… အာနေဉ္ဇာဘိသင်္ခါရံ အဘိသင်္ခရောန္တော… ဂတိသံဝတ္တနိယံ ကမ္မံ ကရောန္တော… ဘဝသံဝတ္တနိယံ ကမ္မံ ကရောန္တော… ဣဿရိယသံဝတ္တနိယံ ကမ္မံ ကရောန္တော… အဓိပစ္စသံဝတ္တနိယံ ကမ္မံ ကရောန္တော… မဟာဘောဂသံဝတ္တနိယံ ကမ္မံ ကရောန္တော… မဟာပရိဝါရသံဝတ္တနိယံ ကမ္မံ ကရောန္တော… ဒေဝသောဘဂျသံဝတ္တနိယံ ကမ္မံ ကရောန္တော… မနုဿသောဘဂျသံဝတ္တနိယံ ကမ္မံ ကရောန္တော ပရိနိဗ္ဗာယတီတိ? န ဟေဝံ ဝတ္တဗ္ဗေ…ပေ…။
အရဟာ ကုသလစိတ္တော ပရိနိဗ္ဗာယတီတိ? အာမန္တာ။ အရဟာ အာစိနန္တော အပစိနန္တော ပဇဟန္တော ဥပါဒိယန္တော ဝိသိနေန္တော ဥဿိနေန္တော ဝိဓူပေန္တော သန္ဓူပေန္တော ပရိနိဗ္ဗာယတီတိ? န ဟေဝံ ဝတ္တဗ္ဗေ …ပေ… နနု အရဟာ နေဝါစိနာတိ န အပစိနာတိ အပစိနိတွာ ဌိတောတိ? အာမန္တာ။ ဟဉ္စိ အရဟာ နေဝါစိနာတိ န အပစိနာတိ အပစိနိတွာ ဌိတော, နော စ ဝတ ရေ ဝတ္တဗ္ဗေ – ‘‘အရဟာ ကုသလစိတ္တော ပရိနိဗ္ဗာယတီ’’တိ။ နနု အရဟာ နေဝ ပဇဟတိ န ဥပါဒိယတိ ပဇဟိတွာ ဌိတော, နေဝ ဝိသိနေတိ န ဥဿိနေတိ ဝိသိနေတွာ ဌိတော၊ နနု အရဟာ နေဝ ဝိဓူပေတိ န သန္ဓူပေတိ ဝိဓူပေတွာ ဌိတောတိ? အာမန္တာ။ ဟဉ္စိ အရဟာ နေဝ ဝိဓူပေတိ န သန္ဓူပေတိ ဝိဓူပေတွာ ဌိတော, နော စ ဝတ ရေ ဝတ္တဗ္ဗေ – ‘‘အရဟာ ကုသလစိတ္တော ပရိနိဗ္ဗာယတီ’’တိ။
֍ ဋ္ဌ ၈၉၅။ န ဝတ္တဗ္ဗံ – ‘‘အရဟာ ကုသလစိတ္တော ပရိနိဗ္ဗာယတီ’’တိ? အာမန္တာ။ နနု အရဟာ ဥပဋ္ဌိတဿတိ သတော သမ္ပဇာနော ပရိနိဗ္ဗာယတီတိ? အာမန္တာ။ ဟဉ္စိ အရဟာ ဥပဋ္ဌိတဿတိ သတော သမ္ပဇာနော ပရိနိဗ္ဗာယတိ, တေန ဝတ ရေ ဝတ္တဗ္ဗေ – ‘‘အရဟာ ကုသလစိတ္တော ပရိနိဗ္ဗာယတီ’’တိ။
ကုသလစိတ္တကထာ နိဋ္ဌိတာ။
(အဘိ၊က၊၄၄၄။)၂၂။ ဗာဝီသတိမဝဂ္ဂ
(၂၁၀) ၃။ အာနေဉ္ဇကထာ
֍ ဋ္ဌ ၈၉၆။ အရဟာ အာနေဉ္ဇေ ဌိတော ပရိနိဗ္ဗာယတီတိ? အာမန္တာ။ နနု အရဟာ ပကတိစိတ္တေ ဌိတော ပရိနိဗ္ဗာယတီတိ? အာမန္တာ။ ဟဉ္စိ အရဟာ ပကတိစိတ္တေ ဌိတော ပရိနိဗ္ဗာယတိ, နော စ ဝတ ရေ ဝတ္တဗ္ဗေ – ‘‘အရဟာ အာနေဉ္ဇေ ဌိတော ပရိနိဗ္ဗာယတီ’’တိ။
အရဟာ အာနေဉ္ဇေ ဌိတော ပရိနိဗ္ဗာယတီတိ? အာမန္တာ။ အရဟာ ကိရိယမယေ စိတ္တေ ဌိတော ပရိနိဗ္ဗာယတီတိ? န ဟေဝံ ဝတ္တဗ္ဗေ…ပေ… နနု အရဟာ ဝိပါကစိတ္တေ ဌိတော ပရိနိဗ္ဗာယတီတိ? အာမန္တာ။ ဟဉ္စိ အရဟာ ဝိပါကစိတ္တေ ဌိတော ပရိနိဗ္ဗာယတိ, နော စ ဝတ ရေ ဝတ္တဗ္ဗေ – ‘‘အရဟာ အာနေဉ္ဇေ ဌိတော ပရိနိဗ္ဗာယတီ’’တိ။
အရဟာ အာနေဉ္ဇေ ဌိတော ပရိနိဗ္ဗာယတီတိ? အာမန္တာ။ အရဟာ ကိရိယာဗျာကတေ စိတ္တေ ဌိတော ပရိနိဗ္ဗာယတီတိ? န ဟေဝံ ဝတ္တဗ္ဗေ…ပေ… နနု အရဟာ ဝိပါကာဗျာကတေ စိတ္တေ ဌိတော ပရိနိဗ္ဗာယတီတိ? အာမန္တာ။ ဟဉ္စိ အရဟာ ဝိပါကာဗျာကတေ စိတ္တေ ဌိတော ပရိနိဗ္ဗာယတိ, နော စ ဝတ ရေ ဝတ္တဗ္ဗေ – ‘‘အရဟာ အာနေဉ္ဇေ ဌိတော ပရိနိဗ္ဗာယတီ’’တိ။
အရဟာ အာနေဉ္ဇေ ဌိတော ပရိနိဗ္ဗာယတီတိ? အာမန္တာ။ နနု ဘဂဝါ စတုတ္ထဇ္ဈာနာ ဝုဋ္ဌဟိတွာ သမနန္တရာ ပရိနိဗ္ဗုတောတိ [ဒီ။ နိ။ ၂။၂၁၉]? အာမန္တာ။ ဟဉ္စိ ဘဂဝါ စတုတ္ထဇ္ဈာနာ ဝုဋ္ဌဟိတွာ သမနန္တရာ ပရိနိဗ္ဗုတော, နော စ ဝတ ရေ ဝတ္တဗ္ဗေ – ‘‘အရဟာ အာနေဉ္ဇေ ဌိတော ပရိနိဗ္ဗာယတီ’’တိ။
အာနေဉ္ဇကထာ နိဋ္ဌိတာ။
၂၂။ ဗာဝီသတိမဝဂ္ဂ
(၂၁၁) ၄။ ဓမ္မာဘိသမယကထာ
֍ ဋ္ဌ ၈၉၇။ အတ္ထိ ဂဗ္ဘသေယျာယ ဓမ္မာဘိသမယောတိ? အာမန္တာ။ အတ္ထိ ဂဗ္ဘသေယျာယ ဓမ္မဒေသနာ, ဓမ္မဿဝနံ, ဓမ္မသာကစ္ဆာ, ပရိပုစ္ဆာ, သီလသမာဒါနံ, ဣန္ဒြိယေသု ဂုတ္တဒွါရတာ, ဘောဇနေ မတ္တညုတာ, ပုဗ္ဗရတ္တာပရရတ္တံ
(အဘိ၊က၊၄၄၅။)ဇာဂရိယာနုယောဂေါတိ? န ဟေဝံ ဝတ္တဗ္ဗေ…ပေ… နတ္ထိ ဂဗ္ဘသေယျာယ ဓမ္မဒေသနာ, ဓမ္မဿဝနံ…ပေ… ပုဗ္ဗရတ္တာပရရတ္တံ ဇာဂရိယာနုယောဂေါတိ? အာမန္တာ။ ဟဉ္စိ နတ္ထိ ဂဗ္ဘသေယျာယ ဓမ္မဒေသနာ, ဓမ္မဿဝနံ…ပေ… ပုဗ္ဗရတ္တာပရရတ္တံ ဇာဂရိယာနုယောဂေါ, နော စ ဝတ ရေ ဝတ္တဗ္ဗေ – ‘‘အတ္ထိ ဂဗ္ဘသေယျာယ ဓမ္မာဘိသမယော’’တိ။
အတ္ထိ ဂဗ္ဘသေယျာယ ဓမ္မာဘိသမယောတိ? အာမန္တာ။ နနု ဒွေ ပစ္စယာ သမ္မာဒိဋ္ဌိယာ ဥပ္ပါဒါယ – ပရတော စ ဃောသော, ယောနိသော စ မနသိကာရောတိ? အာမန္တာ။ ဟဉ္စိ ဒွေ ပစ္စယာ သမ္မာဒိဋ္ဌိယာ ဥပ္ပါဒါယ – ပရတော စ ဃောသော, ယောနိသော စ မနသိကာရော, နော စ ဝတ ရေ ဝတ္တဗ္ဗေ – ‘‘အတ္ထိ ဂဗ္ဘသေယျာယ ဓမ္မာဘိသမယော’’တိ။
အတ္ထိ ဂဗ္ဘသေယျာယ ဓမ္မာဘိသမယောတိ? အာမန္တာ။ သုတ္တဿ ပမတ္တဿ မုဋ္ဌဿတိဿ အသမ္ပဇာနဿ ဓမ္မာဘိသမယောတိ? န ဟေဝံ ဝတ္တဗ္ဗေ…ပေ…။
ဓမ္မာဘိသမယကထာ နိဋ္ဌိတာ။
၂၂။ ဗာဝီသတိမဝဂ္ဂ
(၂၁၂-၄) ၅-၇။ တိဿောပိကထာ
֍ ဋ္ဌ ၈၉၈။ အတ္ထိ ဂဗ္ဘသေယျာယ အရဟတ္တပ္ပတ္တီတိ? အာမန္တာ။ သုတ္တဿ ပမတ္တဿ မုဋ္ဌဿတိဿ အသမ္ပဇာနဿ အရဟတ္တပ္ပတ္တီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၈၉၉။ အတ္ထိ သုပိနဂတဿ ဓမ္မာဘိသမယောတိ? အာမန္တာ။ သုတ္တဿ ပမတ္တဿ မုဋ္ဌဿတိဿ အသမ္ပဇာနဿ ဓမ္မာဘိသမယောတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၉၀၀။ အတ္ထိ သုပိနဂတဿ အရဟတ္တပ္ပတ္တီတိ? အာမန္တာ။ သုတ္တဿ ပမတ္တဿ မုဋ္ဌဿတိဿ အသမ္ပဇာနဿ အရဟတ္တပ္ပတ္တီတိ? န ဟေဝံ ဝတ္တဗ္ဗေ…ပေ…။
တိဿောပိကထာ နိဋ္ဌိတာ။
(အဘိ၊က၊၄၄၆။)၂၂။ ဗာဝီသတိမဝဂ္ဂ
(၂၁၅) ၈။ အဗျာကတကထာ
֍ ဋ္ဌ ၉၀၁။ သဗ္ဗံ သုပိနဂတဿ စိတ္တံ အဗျာကတန္တိ? အာမန္တာ။ သုပိနန္တေန ပါဏံ ဟနေယျာတိ? အာမန္တာ။ ဟဉ္စိ သုပိနန္တေန ပါဏံ ဟနေယျ, နော စ ဝတ ရေ ဝတ္တဗ္ဗေ – ‘‘သဗ္ဗံ သုပိနဂတဿ စိတ္တံ အဗျာကတ’’န္တိ။
သုပိနန္တေန အဒိန္နံ အာဒိယေယျ…ပေ… မုသာ ဘဏေယျ, ပိသုဏံ ဘဏေယျ, ဖရုသံ ဘဏေယျ, သမ္ဖံ ပလပေယျ, သန္ဓိံ ဆိန္ဒေယျ, နိလ္လောပံ ဟရေယျ, ဧကာဂါရိကံ ကရေယျ, ပရိပန္ထေ တိဋ္ဌေယျ, ပရဒါရံ ဂစ္ဆေယျ, ဂါမဃာတကံ ကရေယျ, နိဂမဃာတကံ ကရေယျ, သုပိနန္တေန မေထုနံ ဓမ္မံ ပဋိသေဝေယျ, သုပိနဂတဿ အသုစိ မုစ္စေယျ, သုပိနန္တေန ဒါနံ ဒဒေယျ, စီဝရံ ဒဒေယျ, ပိဏ္ဍပါတံ ဒဒေယျ, သေနာသနံ ဒဒေယျ, ဂိလာနပစ္စယဘေသဇ္ဇပရိက္ခာရံ ဒဒေယျ, ခါဒနီယံ ဒဒေယျ, ဘောဇနီယံ ဒဒေယျ, ပါနီယံ ဒဒေယျ, စေတိယံ ဝန္ဒေယျ, စေတိယေ မာလံ အာရောပေယျ, ဂန္ဓံ အာရောပေယျ, ဝိလေပနံ အာရောပေယျ…ပေ… စေတိယံ အဘိဒက္ခိဏံ ကရေယျာတိ? အာမန္တာ။ ဟဉ္စိ သုပိနန္တေန စေတိယံ အဘိဒက္ခိဏံ ကရေယျ, နော စ ဝတ ရေ ဝတ္တဗ္ဗေ – ‘‘သဗ္ဗံ သုပိနဂတဿ စိတ္တံ အဗျာကတ’’န္တိ။
֍ ဋ္ဌ ၉၀၂။ န ဝတ္တဗ္ဗံ – ‘‘သဗ္ဗံ သုပိနဂတဿ စိတ္တံ အဗျာကတ’’န္တိ? အာမန္တာ။ နနု သုပိနဂတဿ စိတ္တံ အဗ္ဗောဟာရိယံ ဝုတ္တံ ဘဂဝတာတိ? အာမန္တာ။ ဟဉ္စိ သုပိနဂတဿ စိတ္တံ အဗ္ဗောဟာရိယံ ဝုတ္တံ ဘဂဝတာ, တေန ဝတ ရေ ဝတ္တဗ္ဗေ – ‘‘သဗ္ဗံ သုပိနဂတဿ စိတ္တံ အဗျာကတ’’န္တိ။
အဗျာကတကထာ နိဋ္ဌိတာ။
၂၂။ ဗာဝီသတိမဝဂ္ဂ
(၂၁၆) ၉။ အာသေဝနပစ္စယကထာ
֍ ဋ္ဌ ၉၀၃။ နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘ပါဏာတိပါတော, ဘိက္ခဝေ, အာသေဝိတော ဘာဝိတော
(အဘိ၊က၊၄၄၇။)ဗဟုလီကတော နိရယသံဝတ္တနိကော တိရစ္ဆာနယောနိသံဝတ္တနိကော ပေတ္တိဝိသယသံဝတ္တနိကော, ယော သဗ္ဗလဟုသော ပါဏာတိပါတဿ ဝိပါကော မနုဿဘူတဿ အပ္ပါယုကသံဝတ္တနိကော ဟောတီ’’တိ [အ။ နိ။ ၈။၄၀]။ အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘အဒိန္နာဒါနံ, ဘိက္ခဝေ, အာသေဝိတံ ဘာဝိတံ ဗဟုလီကတံ နိရယသံဝတ္တနိကံ တိရစ္ဆာနယောနိသံဝတ္တနိကံ ပေတ္တိဝိသယသံဝတ္တနိကံ, ယော သဗ္ဗလဟုသော အဒိန္နာဒါနဿ ဝိပါကော မနုဿဘူတဿ ဘောဂဗျသနသံဝတ္တနိကော ဟောတိ…ပေ… ယော သဗ္ဗလဟုသော ကာမေသုမိစ္ဆာစာရဿ ဝိပါကော မနုဿဘူတဿ သပတ္တဝေရသံဝတ္တနိကော ဟောတိ…ပေ… ယော သဗ္ဗလဟုသော မုသာဝါဒဿ ဝိပါကော မနုဿဘူတဿ အဗ္ဘူတဗ္ဘက္ခာနသံဝတ္တနိကော ဟောတိ…ပေ… ယော သဗ္ဗလဟုသော ပိသုဏာယ ဝါစာယ ဝိပါကော မနုဿဘူတဿ မိတ္တေဟိ ဘေဒနသံဝတ္တနိကော ဟောတိ…ပေ… ယော သဗ္ဗလဟုသော ဖရုသာယ ဝါစာယ ဝိပါကော မနုဿဘူတဿ အမနာပသဒ္ဒသံဝတ္တနိကော ဟောတိ…ပေ… ယော သဗ္ဗလဟုသော သမ္ဖပ္ပလာပဿ ဝိပါကော မနုဿဘူတဿ အနာဒေယျဝါစာသံဝတ္တနိကော ဟောတိ, သုရာမေရယပါနံ, ဘိက္ခဝေ, အာသေဝိတံ…ပေ… ယော သဗ္ဗလဟုသော သုရာမေရယပါနဿ ဝိပါကော မနုဿဘူတဿ ဥမ္မတ္တကသံဝတ္တနိကော ဟောတီ’’တိ [အ။ နိ။ ၈။၄၀]! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
֍ ဋ္ဌ ၉၀၄။ နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘မိစ္ဆာဒိဋ္ဌိ, ဘိက္ခဝေ, အာသေဝိတာ ဘာဝိတာ ဗဟုလီကတာ နိရယသံဝတ္တနိကာ တိရစ္ဆာနယောနိသံဝတ္တနိကာ ပေတ္တိဝိသယသံဝတ္တနိကာ’’တိ။ အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘မိစ္ဆာသင်္ကပ္ပေါ…ပေ… မိစ္ဆာသမာဓိ, ဘိက္ခဝေ, အာသေဝိတော ဘာဝိတော…ပေ… ပေတ္တိဝိသယသံဝတ္တနိကော’’တိ! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
(အဘိ၊က၊၄၄၈။)֍ ဋ္ဌ ၉၀၅။ နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘သမ္မာဒိဋ္ဌိ, ဘိက္ခဝေ, အာသေဝိတာ ဘာဝိတာ ဗဟုလီကတာ အမတောဂဓာ ဟောတိ အမတပရာယနာ အမတပရိယောသာနာ’’တိ! အတ္ထေဝ သုတ္တန္တောတိ? အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
နတ္ထိ ကာစိ အာသေဝနပစ္စယတာတိ? အာမန္တာ။ နနု ဝုတ္တံ ဘဂဝတာ – ‘‘သမ္မာသင်္ကပ္ပေါ, ဘိက္ခဝေ, အာသေဝိတော ဘာဝိတော ဗဟုလီကတော…ပေ… သမ္မာသမာဓိ, ဘိက္ခဝေ, အာသေဝိတော ဘာဝိတော ဗဟုလီကတော အမတောဂဓော ဟောတိ အမတပရာယနော အမတပရိယောသာနော’’တိ အတ္ထေဝ သုတ္တန္တောတိ, အာမန္တာ။ တေန ဟိ အတ္ထိ ကာစိ အာသေဝနပစ္စယတာတိ။
အာသေဝနပစ္စယကထာ နိဋ္ဌိတာ။
၂၂။ ဗာဝီသတိမဝဂ္ဂ
(၂၁၇) ၁၀။ ခဏိကကထာ
֍ ဋ္ဌ ၉၀၆။ ဧကစိတ္တက္ခဏိကာ သဗ္ဗေ ဓမ္မာတိ? အာမန္တာ။ စိတ္တေ မဟာပထဝီ သဏ္ဌာတိ, မဟာသမုဒ္ဒေါ သဏ္ဌာတိ, သိနေရုပဗ္ဗတရာဇာ သဏ္ဌာတိ, အာပေါ သဏ္ဌာတိ, တေဇော သဏ္ဌာတိ, ဝါယော သဏ္ဌာတိ, တိဏကဋ္ဌဝနပ္ပတယော သဏ္ဌဟန္တီတိ? န ဟေဝံ ဝတ္တဗ္ဗေ…ပေ…။
ဧကစိတ္တက္ခဏိကာ သဗ္ဗေ ဓမ္မာတိ? အာမန္တာ။ စက္ခာယတနံ စက္ခုဝိညာဏေန သဟဇာတန္တိ? န ဟေဝံ ဝတ္တဗ္ဗေ…ပေ… စက္ခာယတနံ စက္ခုဝိညာဏေန သဟဇာတန္တိ? အာမန္တာ။ နနု အာယသ္မာ သာရိပုတ္တော ဧတဒဝေါစ – ‘‘အဇ္ဈတ္တိကဉ္စေဝ, အာဝုသော, စက္ခုံ အပရိဘိန္နံ ဟောတိ, ဗာဟိရာ စ ရူပါ န အာပါထံ အာဂစ္ဆန္တိ, နော စ တဇ္ဇော သမန္နာဟာရော ဟောတိ, နေဝ တာဝ တဇ္ဇဿ ဝိညာဏဘာဂဿ [ဝိညာဏဘာဝဿ (ဗဟူသု)] ပါတုဘာဝေါ ဟောတိ။ အဇ္ဈတ္တိကဉ္စေဝ, အာဝုသော, စက္ခုံ အပရိဘိန္နံ ဟောတိ, ဗာဟိရာ စ ရူပါ အာပါထံ အာဂစ္ဆန္တိ, နော စ တဇ္ဇော သမန္နာဟာရော ဟောတိ, နေဝ တာဝ တဇ္ဇဿ ဝိညာဏဘာဂဿ ပါတုဘာဝေါ ဟောတိ။ ယတော စ ခေါ, အာဝုသော, အဇ္ဈတ္တိကဉ္စေဝ စက္ခုံ အပရိဘိန္နံ
(အဘိ၊က၊၄၄၉။)ဟောတိ, ဗာဟိရာ စ ရူပါ အာပါထံ အာဂစ္ဆန္တိ, တဇ္ဇော စ သမန္နာဟာရော ဟောတိ, ဧဝံ တဇ္ဇဿ ဝိညာဏဘာဂဿ ပါတုဘာဝေါ ဟောတီ’’တိ [မ။ နိ။ ၁။၃၀၆]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘စက္ခာယတနံ စက္ခုဝိညာဏေန သဟဇာတ’’န္တိ။
သောတာယတနံ…ပေ… ဃာနာယတနံ…ပေ… ဇိဝှါယတနံ…ပေ… ကာယာယတနံ ကာယဝိညာဏေန သဟဇာတန္တိ? န ဟေဝံ ဝတ္တဗ္ဗေ…ပေ… ကာယာယတနံ ကာယဝိညာဏေန သဟဇာတန္တိ? အာမန္တာ။ နနု အာယသ္မာ သာရိပုတ္တော ဧတဒဝေါစ – ‘‘အဇ္ဈတ္တိကော စေဝ, အာဝုသော, ကာယော အပရိဘိန္နော ဟောတိ, ဗာဟိရာ စ ဖောဋ္ဌဗ္ဗာ န အာပါထံ အာဂစ္ဆန္တိ, နော စ…ပေ… အဇ္ဈတ္တိကော စေဝ, အာဝုသော, ကာယော အပရိဘိန္နော ဟောတိ, ဗာဟိရာ စ ဖောဋ္ဌဗ္ဗာ အာပါထံ အာဂစ္ဆန္တိ, နော စ…ပေ… ယတော စ ခေါ, အာဝုသော, အဇ္ဈတ္တိကော စေဝ ကာယော အပရိဘိန္နော ဟောတိ, ဗာဟိရာ စ ဖောဋ္ဌဗ္ဗာ အာပါထံ အာဂစ္ဆန္တိ, တဇ္ဇော စ သမန္နာဟာရော ဟောတိ, ဧဝံ တဇ္ဇဿ ဝိညာဏဘာဂဿ ပါတုဘာဝေါ ဟောတီ’’တိ [မ။ နိ။ ၁။၃၀၆]! အတ္ထေဝ သုတ္တန္တောတိ? အာမန္တာ။ တေန ဟိ န ဝတ္တဗ္ဗံ – ‘‘ကာယာယတနံ ကာယဝိညာဏေန သဟဇာတ’’န္တိ။
֍ ဋ္ဌ ၉၀၇။ န ဝတ္တဗ္ဗံ – ‘‘ဧကစိတ္တက္ခဏိကာ သဗ္ဗေ ဓမ္မာ’’တိ? အာမန္တာ။ သဗ္ဗေ ဓမ္မာ နိစ္စာ ဓုဝါ သဿတာ အဝိပရိဏာမဓမ္မာတိ? န ဟေဝံ ဝတ္တဗ္ဗေ။ တေန ဟိ ဧကစိတ္တက္ခဏိကာ သဗ္ဗေ ဓမ္မာတိ။
ခဏိကကထာ နိဋ္ဌိတာ။
ဗာဝီသတိမဝဂ္ဂေါ။
တဿုဒ္ဒါနံ –
အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာနံ, အရဟာ ကုသလစိတ္တော ပရိနိဗ္ဗာယတိ, အရဟာ အာနေဉ္ဇေ ဌိတော ပရိနိဗ္ဗာယတိ, အတ္ထိ ဂဗ္ဘသေယျာယ ဓမ္မာဘိသမယော, အတ္ထိ ဂဗ္ဘသေယျာယ အရဟတ္တပ္ပတ္တိ, အတ္ထိ သုပိနဂတဿ ဓမ္မာဘိသမယော, အတ္ထိ သုပိနဂတဿ အရဟတ္တပ္ပတ္တိ, သဗ္ဗံ သုပိနဂတဿ စိတ္တံ အဗျာကတံ, နတ္ထိ ကာစိ အာသေဝနပစ္စယတာ, ဧကစိတ္တက္ခဏိကာ သဗ္ဗေ ဓမ္မာတိ။
(အဘိ၊က၊၄၅၀။)၂၃။ တေဝီသတိမဝဂ္ဂ
(၂၁၈) ၁။ ဧကာဓိပ္ပါယကထာ
֍ ဋ္ဌ ၉၀၈။ ဧကာဓိပ္ပါယေန မေထုနော ဓမ္မော ပဋိသေဝိတဗ္ဗောတိ? အာမန္တာ။ ဧကာဓိပ္ပါယေန အဿမဏေန ဟောတဗ္ဗံ, အဘိက္ခုနာ ဟောတဗ္ဗံ, ဆိန္နမူလေန ဟောတဗ္ဗံ ပါရာဇိကေန ဟောတဗ္ဗန္တိ? န ဟေဝံ ဝတ္တဗ္ဗေ…ပေ… ဧကာဓိပ္ပါယေန မေထုနော ဓမ္မော ပဋိသေဝိတဗ္ဗောတိ? အာမန္တာ။ ဧကာဓိပ္ပါယေန ပါဏော ဟန္တဗ္ဗော, အဒိန္နံ အာဒိယိတဗ္ဗံ, မုသာ ဘဏိတဗ္ဗာ, ပိသုဏံ ဘဏိတဗ္ဗံ, ဖရုသံ ဘဏိတဗ္ဗံ, သမ္ဖံ ပလပိတဗ္ဗံ, သန္ဓိ ဆေဒိတဗ္ဗော, နိလ္လောပံ ဟာတဗ္ဗံ, ဧကာဂါရိကံ ကာတဗ္ဗံ, ပရိပန္ထေ ဌာတဗ္ဗံ, ပရဒါရော ဂန္တဗ္ဗော, ဂါမဃာတကော ကာတဗ္ဗော, နိဂမဃာတကော ကာတဗ္ဗောတိ? န ဟေဝံ ဝတ္တဗ္ဗေ…ပေ…။
ဧကာဓိပ္ပါယကထာ နိဋ္ဌိတာ။
၂၃။ တေဝီသတိမဝဂ္ဂ
(၂၁၉) ၂။ အရဟန္တဝဏ္ဏကထာ
֍ ဋ္ဌ ၉၀၉။ အရဟန္တာနံ ဝဏ္ဏေန အမနုဿာ မေထုနံ ဓမ္မံ ပဋိသေဝန္တီတိ? အာမန္တာ။ အရဟန္တာနံ ဝဏ္ဏေန အမနုဿာ ပါဏံ ဟနန္တိ…ပေ… အဒိန္နံ အာဒိယန္တိ, မုသာ ဘဏန္တိ, ပိသုဏံ ဘဏန္တိ, ဖရုသံ ဘဏန္တိ, သမ္ဖံ ပလပန္တိ, သန္ဓိံ ဆိန္ဒန္တိ, နိလ္လောပံ ဟရန္တိ, ဧကာဂါရိကံ ကရောန္တိ, ပရိပန္ထေ တိဋ္ဌန္တိ, ပရဒါရံ ဂစ္ဆန္တိ, ဂါမဃာတကံ ကရောန္တိ…ပေ… နိဂမဃာတကံ ကရောန္တီတိ? န ဟေဝံ ဝတ္တဗ္ဗေ…ပေ…။
အရဟန္တဝဏ္ဏကထာ နိဋ္ဌိတာ။
၂၃။ တေဝီသတိမဝဂ္ဂ
(၂၂၀-၄) ၃-၇။ ဣဿရိယကာမကာရိကာဒိကထာ
֍ ဋ္ဌ ၉၁၀။ ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတီတိ? အာမန္တာ။ ဗောဓိသတ္တော ဣဿရိယကာမကာရိကာဟေတု နိရယံ
(အဘိ၊က၊၄၅၁။)ဂစ္ဆတိ, သဉ္ဇီဝံ ဂစ္ဆတိ, ကာလသုတ္တံ ဂစ္ဆတိ, တာပနံ ဂစ္ဆတိ, မဟာတာပနံ [ပတာပနံ (သီ။ သျာ။ ကံ။ ပီ။)] ဂစ္ဆတိ, သံဃာတကံ ဂစ္ဆတိ, ရောရုဝံ ဂစ္ဆတိ…ပေ… အဝီစိံ ဂစ္ဆတီတိ? န ဟေဝံ ဝတ္တဗ္ဗေ…ပေ…။
ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတီတိ? အာမန္တာ။ ‘‘ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတီ’’တိ – အတ္ထေဝ သုတ္တန္တောတိ? နတ္ထိ။ ဟဉ္စိ ‘‘ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတီ’’တိ – နတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတီ’’တိ။
֍ ဋ္ဌ ၉၁၁။ ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီတိ? အာမန္တာ။ ဗောဓိသတ္တော ဣဿရိယကာမကာရိကာဟေတု နိရယံ ဥပပဇ္ဇေယျ, တိရစ္ဆာနယောနိံ ဥပပဇ္ဇေယျာတိ? န ဟေဝံ ဝတ္တဗ္ဗေ…ပေ…။
ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီတိ? အာမန္တာ။ ဗောဓိသတ္တော ဣဒ္ဓိမာတိ? န ဟေဝံ ဝတ္တဗ္ဗေ…ပေ… ဗောဓိသတ္တော ဣဒ္ဓိမာတိ? အာမန္တာ။ ဗောဓိသတ္တေန ဆန္ဒိဒ္ဓိပါဒေါ ဘာဝိတော…ပေ… ဝီရိယိဒ္ဓိပါဒေါ…ပေ… စိတ္တိဒ္ဓိပါဒေါ…ပေ… ဝီမံသိဒ္ဓိပါဒေါ ဘာဝိတောတိ? န ဟေဝံ ဝတ္တဗ္ဗေ…ပေ…။
ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီတိ? အာမန္တာ။ ‘‘ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီ’’တိ – အတ္ထေဝ သုတ္တန္တောတိ? နတ္ထိ။ ဟဉ္စိ ‘‘ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီ’’တိ – နတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘ဗောဓိသတ္တော ဣဿရိယကာမကာရိကာဟေတု ဂဗ္ဘသေယျံ ဩက္ကမတီ’’တိ။
֍ ဋ္ဌ ၉၁၂။ ဗောဓိသတ္တော ဣဿရိယကာမကာရိကာဟေတု ဒုက္ကရကာရိကံ အကာသီတိ? အာမန္တာ။ ဗောဓိသတ္တော ဣဿရိယကာမကာရိကာဟေတု ‘‘သဿတော လောကော’’တိ ပစ္စာဂစ္ဆိ, ‘‘အသဿတော လောကော’’တိ…ပေ… ‘‘အန္တဝါ လောကော’’တိ…ပေ… ‘‘အနန္တဝါ လောကော’’တိ… ‘‘တံ ဇီဝံ တံ
(အဘိ၊က၊၄၅၂။)သရီရ’’န္တိ… ‘‘အညံ ဇီဝံ အညံ သရီရ’’န္တိ… ‘‘ဟောတိ တထာဂတော ပရံ မရဏာ’’တိ… ‘‘န ဟောတိ တထာဂတော ပရံ မရဏာ’’တိ… ‘‘ဟောတိ စ န စ ဟောတိ တထာဂတော ပရံ မရဏာ’’တိ…ပေ… ‘‘နေဝ ဟောတိ န န ဟောတိ တထာဂတော ပရံ မရဏာ’’တိ ပစ္စာဂစ္ဆီတိ? န ဟေဝံ ဝတ္တဗ္ဗေ…ပေ…။
ဗောဓိသတ္တော ဣဿရိယကာမကာရိကာဟေတု ဒုက္ကရကာရိကံ အကာသီတိ? အာမန္တာ။ ‘‘ဗောဓိသတ္တော ဣဿရိယကာမကာရိကာဟေတု ဒုက္ကရကာရိကံ အကာသီ’’တိ – အတ္ထေဝ သုတ္တန္တောတိ? နတ္ထိ။ ဟဉ္စိ ‘‘ဗောဓိသတ္တော ဣဿရိယကာမကာရိကာဟေတု ဒုက္ကရကာရိကံ အကာသီ’’တိ – နတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘ဗောဓိသတ္တော ဣဿရိယကာမကာရိကာဟေတု ဒုက္ကရကာရိကံ အကာသီ’’တိ။
֍ ဋ္ဌ ၉၁၃။ ဗောဓိသတ္တော ဣဿရိယကာမကာရိကာဟေတု အပရန္တပံ [အမရံ တပံ (သံ။ နိ။ ၁။၁၃၇)] အကာသိ, အညံ သတ္ထာရံ ဥဒ္ဒိသီတိ? အာမန္တာ။ ဗောဓိသတ္တော ဣဿရိယကာမကာရိကာဟေတု ‘‘သဿတော လောကော’’တိ ပစ္စာဂစ္ဆိ…ပေ… ‘‘နေဝ ဟောတိ န န ဟောတိ တထာဂတော ပရံ မရဏာ’’တိ ပစ္စာဂစ္ဆီတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၉၁၄။ ဗောဓိသတ္တော ဣဿရိယကာမကာရိကာဟေတု အညံ သတ္ထာရံ ဥဒ္ဒိသီတိ? အာမန္တာ။ ‘‘ဗောဓိသတ္တော ဣဿရိယကာမကာရိကာဟေတု အညံ သတ္ထာရံ ဥဒ္ဒိသီ’’တိ – အတ္ထေဝ သုတ္တန္တောတိ? နတ္ထိ။ ဟဉ္စိ ‘‘ဗောဓိသတ္တော ဣဿရိယကာမကာရိကာဟေတု အညံ သတ္ထာရံ ဥဒ္ဒိသီ’’တိ – နတ္ထေဝ သုတ္တန္တော, နော စ ဝတ ရေ ဝတ္တဗ္ဗေ – ‘‘ဗောဓိသတ္တော ဣဿရိယကာမကာရိကာဟေတု အညံ သတ္ထာရံ ဥဒ္ဒိသီ’’တိ။
ဣဿရိယကာမကာရိကာကထာ နိဋ္ဌိတာ။
၂၃။ တေဝီသတိမဝဂ္ဂ
(၂၂၅) ၈။ ပတိရူပကထာ
֍ ဋ္ဌ ၉၁၅။ အတ္ထိ န ရာဂေါ ရာဂပတိရူပကောတိ? အာမန္တာ။ အတ္ထိ န ဖဿော ဖဿပတိရူပကော, အတ္ထိ န ဝေဒနာ ဝေဒနာပတိရူပိကာ, အတ္ထိ န သညာ
(အဘိ၊က၊၄၅၃။)သညာပတိရူပိကာ, အတ္ထိ န စေတနာ စေတနာပတိရူပိကာ, အတ္ထိ န စိတ္တံ စိတ္တပတိရူပကံ, အတ္ထိ န သဒ္ဓါ သဒ္ဓါပတိရူပိကာ, အတ္ထိ န ဝီရိယံ ဝီရိယပတိရူပကံ, အတ္ထိ န သတိ သတိပတိရူပိကာ, အတ္ထိ န သမာဓိ သမာဓိပတိရူပကော, အတ္ထိ န ပညာ ပညာပတိရူပိကာတိ? န ဟေဝံ ဝတ္တဗ္ဗေ…ပေ…။
֍ ဋ္ဌ ၉၁၆။ အတ္ထိ န ဒေါသော ဒေါသပတိရူပကော, အတ္ထိ န မောဟော မောဟပတိရူပကော, အတ္ထိ န ကိလေသော ကိလေသပတိရူပကောတိ? အာမန္တာ။ အတ္ထိ န ဖဿော ဖဿပတိရူပကော…ပေ… အတ္ထိ န ပညာ ပညာပတိရူပိကာတိ? န ဟေဝံ ဝတ္တဗ္ဗေ…ပေ…။
ပတိရူပကထာ နိဋ္ဌိတာ။
၂၃။ တေဝီသတိမဝဂ္ဂေါ
(၂၂၆) ၉။ အပရိနိပ္ဖန္နကထာ
֍ ဋ္ဌ ၉၁၇။ ရူပံ အပရိနိပ္ဖန္နန္တိ? အာမန္တာ။ ရူပံ န အနိစ္စံ န သင်္ခတံ န ပဋိစ္စသမုပ္ပန္နံ န ခယဓမ္မံ န ဝယဓမ္မံ န ဝိရာဂဓမ္မံ န နိရောဓဓမ္မံ န ဝိပရိဏာမဓမ္မန္တိ? န ဟေဝံ ဝတ္တဗ္ဗေ…ပေ… နနု ရူပံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မန္တိ? အာမန္တာ။ ဟဉ္စိ ရူပံ အနိစ္စံ သင်္ခတံ…ပေ… ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘ရူပံ အပရိနိပ္ဖန္န’’န္တိ။
ဒုက္ခညေဝ ပရိနိပ္ဖန္နန္တိ? အာမန္တာ။ နနု ယဒနိစ္စံ တံ ဒုက္ခံ [သံ။ နိ။ ၃။၁၅] ဝုတ္တံ ဘဂဝတာ – ‘‘ရူပံ အနိစ္စ’’န္တိ? အာမန္တာ။ ဟဉ္စိ ယဒနိစ္စံ တံ ဒုက္ခံ ဝုတ္တံ ဘဂဝတာ – ‘‘ရူပံ အနိစ္စံ’’, နော စ ဝတ ရေ ဝတ္တဗ္ဗေ – ‘‘ဒုက္ခညေဝ ပရိနိပ္ဖန္န’’န္တိ…ပေ…။
֍ ဋ္ဌ ၉၁၈။ ဝေဒနာ …ပေ… သညာ… သင်္ခါရာ… ဝိညာဏံ… စက္ခာယတနံ…ပေ… ဓမ္မာယတနံ… စက္ခုဓာတု… ဓမ္မဓာတု… စက္ခုန္ဒြိယံ…ပေ… အညာတာဝိန္ဒြိယံ အပရိနိပ္ဖန္နန္တိ? အာမန္တာ။ အညာတာဝိန္ဒြိယံ န အနိစ္စံ…ပေ… န ဝိပရိဏာမဓမ္မန္တိ? န ဟေဝံ ဝတ္တဗ္ဗေ…ပေ… နနု အညာတာဝိန္ဒြိယံ အနိစ္စံ သင်္ခတံ…ပေ… ဝိပရိဏာမဓမ္မန္တိ? အာမန္တာ။ ဟဉ္စိ အညာတာဝိန္ဒြိယံ အနိစ္စံ သင်္ခတံ ပဋိစ္စသမုပ္ပန္နံ ခယဓမ္မံ ဝယဓမ္မံ ဝိရာဂဓမ္မံ နိရောဓဓမ္မံ ဝိပရိဏာမဓမ္မံ, နော စ ဝတ ရေ ဝတ္တဗ္ဗေ – ‘‘အညာတာဝိန္ဒြိယံ အပရိနိပ္ဖန္န’’န္တိ။
(အဘိ၊က၊၄၅၄။)ဒုက္ခညေဝ ပရိနိပ္ဖန္နန္တိ? အာမန္တာ။ နနု ယဒနိစ္စံ တံ ဒုက္ခံ ဝုတ္တံ ဘဂဝတာ – ‘‘အညာတာဝိန္ဒြိယံ အနိစ္စ’’န္တိ? အာမန္တာ။ ဟဉ္စိ ယဒနိစ္စံ တံ ဒုက္ခံ ဝုတ္တံ ဘဂဝတာ – ‘‘အညာတာဝိန္ဒြိယံ အနိစ္စံ’’, နော စ ဝတ ရေ ဝတ္တဗ္ဗေ – ‘‘ဒုက္ခညေဝ ပရိနိပ္ဖန္န’’န္တိ။
အပရိနိပ္ဖန္နကထာ နိဋ္ဌိတာ။
တေဝီသတိမဝဂ္ဂေါ။
တဿုဒ္ဒါနံ –
ဧကာဓိပ္ပါယေန မေထုနော ဓမ္မော ပဋိသေဝိတဗ္ဗော, အရဟန္တာနံ ဝဏ္ဏေန အမနုဿာ မေထုနံ ဓမ္မံ ပဋိသေဝန္တိ, ဗောဓိသတ္တော ဣဿရိယကာမကာရိကာဟေတု ဝိနိပါတံ ဂစ္ဆတိ, ဂဗ္ဘသေယျံ ဩက္ကမတိ, ဒုက္ကရကာရိကံ အကာသိ, အပရန္တပံ အကာသိ, အညံ သတ္ထာရံ ဥဒ္ဒိသိ, အတ္ထိ န ရာဂေါ ရာဂပတိရူပကော အတ္ထိ န ဒေါသော ဒေါသပတိရူပကော အတ္ထိ န မောဟော မောဟပတိရူပကော အတ္ထိ န ကိလေသော ကိလေသပတိရူပကော, ရူပံ အပရိနိပ္ဖန္နံ အညာတာဝိန္ဒြိယံ အပရိနိပ္ဖန္နန္တိ။
ခုဒ္ဒကော အဍ္ဎပဏ္ဏာသကော။
တဿုဒ္ဒါနံ –
နဝံ, နိဗ္ဗုတိ, ဧကာဓိပ္ပါယောတိ။
ပဏ္ဏာသကုဒ္ဒါနံ –
မဟာနိယာမော, အနုသယာ, နိဂ္ဂဟော, ခုဒ္ဒကပဉ္စမော၊
ပရပ္ပဝါဒမဒ္ဒနာ, သုတ္တမူလသမာဟိတာ၊
ဥဇ္ဇောတနာ သတ္ထုသမယေ, ကထာဝတ္ထုပကရဏေတိ။
ပဉ္စတ္တိံသဘာဏဝါရံ
ကထာဝတ္ထုပကရဏံ နိဋ္ဌိတံ။
Comments
Post a Comment