အဘိဓမ္မပိဋက
ဓမ္မာနုလောမေ ဒုကပဋ္ဌာနံ
ဒုကပဋ္ဌာနပါဠိ (တတိယော ဘာဂေါ)
နမော တဿ ဘဂဝတော အရဟတော သမ္မာသမ္ဗုဒ္ဓဿ
၁။ ဟေတုဂေါစ္ဆကံ
၁။ ဟေတုဒုက
၁။ ပဋိစ္စဝါရ
၁။ ပစ္စယာနုလောမ
၁။ ဝိဘင်္ဂဝါရ
ဟေတုပစ္စယ
* ၁။ ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော, အဒေါသံ ပဋိစ္စ အလောဘော အမောဟော, အမောဟံ ပဋိစ္စ အလောဘော အဒေါသော, လောဘံ ပဋိစ္စ မောဟော, မောဟံ ပဋိစ္စ လောဘော, ဒေါသံ ပဋိစ္စ မောဟော, မောဟံ ပဋိစ္စ ဒေါသော၊ ပဋိသန္ဓိက္ခဏေ…ပေ…။ (၁)
ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – ဟေတုံ ဓမ္မံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ…။ (၂)
ဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ…။ (၃)
* ၂။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ…။ (၁)
နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ… ဝတ္ထုံ ပဋိစ္စ ဟေတူ။ (၂)
နဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – နဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဟေတု စ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုံ ပဋိစ္စ ဟေတူ သမ္ပယုတ္တကာ စ ခန္ဓာ။ (၃)
* ၃။ ဟေတုဉ္စ နဟေတုဉ္စ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော အမောဟော (စက္ကံ)။ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော, ဒေါသဉ္စ သမ္ပယုတ္တကေ စ ခန္ဓေ ပဋိစ္စ မောဟော…ပေ… ပဋိသန္ဓိက္ခဏေ…ပေ… အလောဘဉ္စ ဝတ္ထုဉ္စ ပဋိစ္စ အဒေါသော အမောဟော…ပေ…။ (၁)
ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ ဟေတုဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုဉ္စ ဟေတုဉ္စ ပဋိစ္စ သမ္ပယုတ္တကာ ခန္ဓာ။ (၂)
ဟေတုဉ္စ နဟေတုဉ္စ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – နဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ အလောဘဉ္စ ပဋိစ္စ ဒွေ ခန္ဓာ အဒေါသော အမောဟော စ စိတ္တသမုဋ္ဌာနဉ္စ ရူပံ (စက္ကံ)။ နဟေတုံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုဉ္စ အလောဘဉ္စ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ။ (၃)
အာရမ္မဏပစ္စယာဒိ
* ၄။ ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ အာရမ္မဏပစ္စယာ (ရူပံ ဆဍ္ဍေတွာ အရူပေယေဝ နဝ ပဉှာ)… အဓိပတိပစ္စယာ (ပဋိသန္ဓိ နတ္ထိ, ပရိပုဏ္ဏံ) ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ… (ဣမံ နာနံ) အနန္တရပစ္စယာ… သမနန္တရပစ္စယာ… သဟဇာတပစ္စယာ (သဗ္ဗေ မဟာဘူတာ ယာဝ အသညသတ္တာ)… အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ (ဒွီသုပိ ပဋိသန္ဓိ နတ္ထိ)… ကမ္မပစ္စယာ… ဝိပါကပစ္စယာ (သံခိတ္တံ)… အဝိဂတပစ္စယာ။
၁။ ပစ္စယာနုလောမ
၂။ သင်္ချာဝါရ
* ၅။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယ
၁။ ဝိဘင်္ဂဝါရ
နဟေတုပစ္စယ
* ၆။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နဟေတုံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။(၁)
နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
နအာရမ္မဏပစ္စယာဒိ
* ၇။ ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – ဟေတုံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… သဗ္ဗေ မဟာဘူတာ…ပေ…။ (၁)
ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – ဟေတုဉ္စ နဟေတုဉ္စ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… နအဓိပတိပစ္စယာ… (ပရိပုဏ္ဏံ) နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။
နပုရေဇာတပစ္စယော
* ၈။ ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော, မောဟံ ပဋိစ္စ လောဘော၊ ပဋိသန္ဓိက္ခဏေ…ပေ…။ (၁)
ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဟေတုံ ပဋိစ္စ သမ္ပယုတ္တကာ ခန္ဓာ, ဟေတုံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
ဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ (စက္ကံ)၊ ပဋိသန္ဓိက္ခဏေ…ပေ…။ (၃)
* ၉။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတုံ ဧကံ ခန္ဓံ ပဋိစ္စ တယော ခန္ဓာ…ပေ… နဟေတူ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဧကံ မဟာဘူတံ…ပေ…။ (၁)
နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ…။ (၂)
နဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၀။ ဟေတုဉ္စ နဟေတုဉ္စ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော
အမောဟော (စက္ကံ)။ အရူပေ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ…။ (၁)
ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နဟေတူ ခန္ဓေ စ ဟေတုဉ္စ ပဋိစ္စ စိတ္တသမုဋ္ဌာနံ ရူပံ, ဟေတုဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
ဟေတုဉ္စ နဟေတုဉ္စ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ…ပေ… ဒွေ ခန္ဓေ…ပေ… (စက္ကံ)။ နဟေတုံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ မောဟော စ (စက္ကံ)၊ ပဋိသန္ဓိက္ခဏေ…ပေ…။ (၃)
နပစ္ဆာဇာတပစ္စယာဒိ
* ၁၁။ ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ။
နကမ္မပစ္စယာဒိ
* ၁၂။ ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုံ ပဋိစ္စ သမ္ပယုတ္တကာ စေတနာ။ (၁)
နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – နဟေတူ ခန္ဓေ ပဋိစ္စ သမ္ပယုတ္တကာ စေတနာ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)
ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုဉ္စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ။ (၁)
ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နဝိပါကပစ္စယာ… နဝ။
နအာဟာရပစ္စယာဒိ
* ၁၃။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ…ပေ… နဣန္ဒြိယပစ္စယာ – ဗာဟိရံ…
အာဟာရသမုဋ္ဌာနံ… ဥတုသမုဋ္ဌာနံ…ပေ… အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ, နဈာနပစ္စယာ – ပဉ္စဝိညာဏံ …ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နမဂ္ဂပစ္စယာ – အဟေတုကံ နဟေတုံ ဧကံ ခန္ဓံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နသမ္ပယုတ္တပစ္စယာ… နဝိပ္ပယုတ္တပစ္စယာ… (နပုရေဇာတသဒိသံ, အရူပပဉှာယေဝ) နောနတ္ထိပစ္စယာ… နောဝိဂတပစ္စယာ။
၂။ ပစ္စယပစ္စနီယ
၂။ သင်္ချာဝါရ
သုဒ္ဓ
* ၁၄။ နဟေတုယာ ဒွေ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယ
ဟေတုဒုက
* ၁၅။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ…ပေ… နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
နဟေတုဒုက
၄။ ပစ္စယပစ္စနီယာနုလောမ
* ၁၆။ နဟေတုပစ္စယာ အာရမ္မဏေ ဒွေ, အနန္တရေ ဒွေ…ပေ… ကမ္မေ ဒွေ, ဝိပါကေ ဧကံ, အာဟာရေ ဒွေ, ဣန္ဒြိယေ ဒွေ, ဈာနေ ဒွေ, မဂ္ဂေ ဧကံ, သမ္ပယုတ္တေ ဒွေ…ပေ… အဝိဂတေ ဒွေ။
ပစ္စနီယာနုလောမံ။
၂-၆ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဟဇာတဝါရောပိ ပစ္စယဝါရောပိ နိဿယဝါရောပိ ပဋိစ္စဝါရသဒိသာယေဝ ပဉှာ။ မဟာဘူတေသု နိဋ္ဌိတေသု ‘‘ဝတ္ထုံ ပစ္စယာ’’တိ ကာတဗ္ဗာ။ ပဉ္စာယတနာနိ အနုလောမေပိ ပစ္စနီယေပိ ယထာ လဗ္ဘန္တိ တထာ ကာတဗ္ဗာ။ သံသဋ္ဌဝါရောပိ သမ္ပယုတ္တဝါရောပိ ပရိပုဏ္ဏော။ ရူပံ နတ္ထိ, အရူပမေဝ။)
၇။ ပဉှာဝါရ
၁။ ပစ္စယာနုလောမ
၁။ ဝိဘင်္ဂဝါရ
ဟေတုပစ္စယ
* ၁၇။ ဟေတု ဓမ္မော ဟေတုဿ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ ဟေတုပစ္စယေန ပစ္စယော (စက္ကံ)။ လောဘော မောဟဿ ဟေတုပစ္စယေန ပစ္စယော, ဒေါသော မောဟဿ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
ဟေတု ဓမ္မော နဟေတုဿ ဓမ္မဿ ဟေတုပစ္စယေန ပစ္စယော – ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ သမ္ပယုတ္တကာနဉ္စ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော (စက္ကံ)။ လောဘော မောဟဿ…ပေ… ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၈။ ဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ ဥပ္ပဇ္ဇန္တိ။ (၁)
ဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ နဟေတူ ခန္ဓာ ဥပ္ပဇ္ဇန္တိ။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၁၉။ နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ။ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ နဟေတူ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ, နဟေတူ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန နဟေတုစိတ္တသမင်္ဂိဿ စိတ္တံ ဇာနာတိ။ အာကာသာနဉ္စာယတနံ [အာကာသာနဉ္စာယတနကိရိယံ (သျာ။) ဧဝမုပရိပိ တီသု ဌာနေသု] ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ …ပေ… နဟေတူ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ (ပဌမဂမနံယေဝ, အာဝဇ္ဇနာ နတ္ထိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿာတိ ဣဒံ နတ္ထိ)။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ,
တံ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ (တတ္ထ တတ္ထ ဌိတေန ဣမံ ကာတဗ္ဗံ ဒုတိယဂမနသဒိသံ)။ (၃)
* ၂၀။ ဟေတု စ နဟေတု စ ဓမ္မာ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ ဥပ္ပဇ္ဇန္တိ။ (၁)
ဟေတု စ နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ နဟေတူ ခန္ဓာ ဥပ္ပဇ္ဇန္တိ။ (၂)
ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အဓိပတိပစ္စယော
* ၂၁။ ဟေတု ဓမ္မော ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၁)
ဟေတု ဓမ္မော နဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ နဟေတူ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၂၂။ နဟေတု ဓမ္မော နဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ (ဝိတ္ထာရေတဗ္ဗံ ယာဝ။ နဟေတူ ခန္ဓာ)။ သဟဇာတာဓိပတိ – နဟေတု အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ (သံခိတ္တံ။ ယာဝ ဝတ္ထု နဟေတူ စ ခန္ဓာ တာဝ ကာတဗ္ဗံ)။ သဟဇာတာဓိပတိ နဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, တံ ဂရုံ ကတွာ နဟေတူ ခန္ဓာ စ ဟေတူ စ ဥပ္ပဇ္ဇန္တိ, ပုဗ္ဗေ သုစိဏ္ဏာနိ (ယာဝ ဝတ္ထု နဟေတူ ခန္ဓာ, စ တာဝ ကာတဗ္ဗံ)။ သဟဇာတာဓိပတိ – နဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၂၃။ ဟေတု စ နဟေတု စ ဓမ္မာ ဟေတုဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ ဥပ္ပဇ္ဇန္တိ။ (၁)
ဟေတု စ နဟေတု စ ဓမ္မာ နဟေတုဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ နဟေတူ ခန္ဓာ ဥပ္ပဇ္ဇန္တိ။ (၂)
ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အနန္တရပစ္စယော
* ၂၄။ ဟေတု ဓမ္မော ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)
ဟေတု ဓမ္မော နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၅။ နဟေတု ဓမ္မော နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ ခန္ဓာ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ (သံခိတ္တံ) နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အနန္တရပစ္စယေန ပစ္စယော…ပေ…။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော (နဟေတုမူလကံ တီဏိပိ ဧကသဒိသံ)။ (၃)
* ၂၆။ ဟေတူ စ နဟေတူ စ ဓမ္မာ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)
ဟေတူ စ နဟေတူ စ ဓမ္မာ နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော။ (၂)
ဟေတူ စ နဟေတူ စ ဓမ္မာ ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၂၇။ ဟေတု ဓမ္မော ဟေတုဿ ဓမ္မဿ သမနန္တရပစ္စယေန ပစ္စယော (အနန္တရသဒိသံ။)… သဟဇာတပစ္စယေန ပစ္စယော… အညမညပစ္စယေန ပစ္စယော (ဣမေ ဒွေပိ ပဋိစ္စသဒိသာ။ နိဿယပစ္စယော ပစ္စယဝါရေ နိဿယပစ္စယသဒိသော။)
ဥပနိဿယပစ္စယော
* ၂၈။ ဟေတု ဓမ္မော ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ ဟေတူနံ ဥပနိဿယပစ္စယေန ပစ္စယော။ (၁)
ဟေတု ဓမ္မော နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ နဟေတူနံ ခန္ဓာနံ ဥပနိဿယပစ္စယေန ပစ္စယော။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
* ၂၉။ နဟေတု ဓမ္မော နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ… ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ…ပေ… ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ… ပကတူပနိဿယော – သဒ္ဓံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ… ပကတူပနိဿယော (ဒုတိယဥပနိဿယသဒိသံ)။ (၃)
* ၃၀။ ဟေတူ စ နဟေတူ စ ဓမ္မာ ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ ဟေတူနံ ဥပနိဿယပစ္စယေန ပစ္စယော။ (၁)
ဟေတူ စ နဟေတူ စ ဓမ္မာ နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ နဟေတူနံ ခန္ဓာနံ ဥပနိဿယပစ္စယေန ပစ္စယော။ (၂)
ဟေတူ စ နဟေတူ စ ဓမ္မာ ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော,
ပကတူပနိဿယော …ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ ဟေတူနဉ္စ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
* ၃၁။ နဟေတု ဓမ္မော နဟေတုဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ…ပေ… ကာယာယတနံ…ပေ… ဝတ္ထု နဟေတူနံ ခန္ဓာနံ ပုရေဇာတပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု ဟေတူနံ ပုရေဇာတပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယာဒိ
* ၃၂။ ဟေတု ဓမ္မော နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဟေတူ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
နဟေတု ဓမ္မော နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
ဟေတူ စ နဟေတူ စ ဓမ္မာ နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဟေတူ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
ဟေတု ဓမ္မော ဟေတုဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ)။
ကမ္မပစ္စယော
* ၃၃။ နဟေတု ဓမ္မော နဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ဟေတူနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ဟေတူနံ ကမ္မပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ခန္ဓာနံ ဟေတူနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
* ၃၄။ ဟေတု ဓမ္မော ဟေတုဿ ဓမ္မဿ ဝိပါကပစ္စယေန ပစ္စယော – ဝိပါကော အလောဘော အဒေါသဿ အမောဟဿ ဝိပါကပစ္စယေန ပစ္စယော (ပဋိစ္စဝါရသဒိသံ။ ဝိပါကဝိဘင်္ဂေ နဝ ပဉှာ)။
အာဟာရပစ္စယော
* ၃၅။ နဟေတု ဓမ္မော နဟေတုဿ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ဟေတူနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
ဣန္ဒြိယပစ္စယော
* ၃၆။ ဟေတု ဓမ္မော ဟေတုဿ ဓမ္မဿ ဣန္ဒြိယပစ္စယေန ပစ္စယော…ပေ… (ဟေတုမူလကေ တီဏိ)။
နဟေတု ဓမ္မော နဟေတုဿ ဓမ္မဿ ဣန္ဒြိယပစ္စယေန ပစ္စယော – နဟေတူ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော (ဧဝံ ဣန္ဒြိယပစ္စယာ ဝိတ္ထာရေတဗ္ဗာ။ နဝ)။
ဈာနပစ္စယာဒိ
* ၃၇။ နဟေတု ဓမ္မော နဟေတုဿ ဓမ္မဿ ဈာနပစ္စယေန ပစ္စယော… တီဏိ။
ဟေတု ဓမ္မော ဟေတုဿ ဓမ္မဿ မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော။ (ဣမေသု ဒွီသု နဝ။)
ဝိပ္ပယုတ္တပစ္စယော
* ၃၈။ ဟေတု ဓမ္မော နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဟေတူ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ဟေတူ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ဟေတူ ဝတ္ထုဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဟေတူ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နဟေတု ဓမ္မော နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – နဟေတူ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ နဟေတူ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ…ပေ… ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ, ဝတ္ထု နဟေတူနံ ခန္ဓာနံ ဝိပ္ပယုတ္တပစ္စယေန
ပစ္စယော။ ပစ္ဆာဇာတာ – နဟေတူ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ဟေတူနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဟေတူနံ ဝိပ္ပယုတ္တပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
ဟေတူ စ နဟေတူ စ ဓမ္မာ နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဟေတူ စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ဟေတူ စ သမ္ပယုတ္တကာ စ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဟေတူ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယာဒိ
* ၃၉။ ဟေတု ဓမ္မော ဟေတုဿ ဓမ္မဿ အတ္ထိပစ္စယေန ပစ္စယော – အလောဘော အဒေါသဿ အမောဟဿ အတ္ထိပစ္စယေန ပစ္စယော (စက္ကံ)။ လောဘော မောဟဿ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ…။ (၁)
ဟေတု ဓမ္မော နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – ဟေတူ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ အတ္ထိပစ္စယေန ပစ္စယော – အလောဘော အဒေါသဿ အမောဟဿ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)။ လောဘော မောဟဿ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ…။ (၃)
* ၄၀။ နဟေတု ဓမ္မော နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နဟေတု ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ နဟေတု ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ…ပေ… ခန္ဓာ ဝတ္ထုဿ အတ္ထိပစ္စယေန ပစ္စယော၊ ဝတ္ထု ခန္ဓာနံ အတ္ထိပစ္စယေန ပစ္စယော၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ ပုရေဇာတံ – စက္ခုံ…ပေ… ဝတ္ထုံ…ပေ… ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ, စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ, ဝတ္ထု နဟေတူနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နဟေတူ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နဟေတူ ခန္ဓာ သမ္ပယုတ္တကာနံ ဟေတူနံ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ… ဝတ္ထု ဟေတူနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ၊ ဝတ္ထု ဟေတူနံ အတ္ထိပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နဟေတု ဧကော ခန္ဓော တိဏ္ဏန္နံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ၊ ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ (၃)
* ၄၁။ ဟေတု စ နဟေတု စ ဓမ္မာ ဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – အလောဘော စ သမ္ပယုတ္တကာ စ ခန္ဓာ အဒေါသဿ အမောဟဿ အတ္ထိပစ္စယေန ပစ္စယော
(စက္ကံ)။ လောဘော စ သမ္ပယုတ္တကာ စ ခန္ဓာ မောဟဿ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ… အလောဘော စ ဝတ္ထု စ အဒေါသဿ အမောဟဿ အတ္ထိပစ္စယေန ပစ္စယော (စက္ကံ)။ (၁)
ဟေတု စ နဟေတု စ ဓမ္မာ နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နဟေတု ဧကော ခန္ဓော စ ဟေတူ စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ပဋိသန္ဓိက္ခဏေ ဟေတူ စ ဝတ္ထု စ နဟေတူနံ ခန္ဓာနံ အတ္ထိပစ္စယေန ပစ္စယော။ သဟဇာတာ – ဟေတူ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဟေတူ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဟေတူ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နဟေတု ဧကော ခန္ဓော စ အလောဘော စ တိဏ္ဏန္နံ ခန္ဓာနံ အဒေါသဿ အမောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)။ နဟေတု ဧကော ခန္ဓော စ လောဘော စ တိဏ္ဏန္နံ ခန္ဓာနံ မောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ နဟေတု ဧကော ခန္ဓော စ အလောဘော စ (စက္ကံ)။ ပဋိသန္ဓိက္ခဏေ…ပေ… အလောဘော စ ဝတ္ထု စ အဒေါသဿ အမောဟဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော, လောဘော စ ဝတ္ထု စ မောဟဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော…။
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။ (၃)
၁။ ပစ္စယာနုလောမ
၂။ သင်္ချာဝါရ
သုဒ္ဓံ
* ၄၂။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ နဝ, အာဟာရေ တီဏိ, ဣန္ဒြိယေ နဝ, ဈာနေ တီဏိ,
မဂ္ဂေ နဝ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ (ဧဝံ အနုမဇ္ဇန္တေန ဂဏေတဗ္ဗံ)။
အနုလောမံ။
ပစ္စနီယုဒ္ဓါရ
* ၄၃။ ဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၄၄။ နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
နဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၄၅။ ဟေတု စ နဟေတု စ ဓမ္မာ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဟေတု စ နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယ
၂။ သင်္ချာဝါရ
* ၄၆။ နဟေတုယာ နဝ, နအာရမ္မဏေ နဝ…ပေ… နောအဝိဂတေ နဝ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၄၇။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ…ပေ… နမဂ္ဂေ တီဏိ, နသမ္ပယုတ္တေ ဧကံ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၄၈။ နဟေတုပစ္စယာ အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ တီဏိ, အညမညေ တီဏိ, နိဿယေ တီဏိ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ တီဏိ, သမ္ပယုတ္တေ တီဏိ, ဝိပ္ပယုတ္တေ တီဏိ, အတ္ထိယာ တီဏိ, နတ္ထိယာ နဝ, ဝိဂတေ နဝ, အဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယာနုလောမံ။
ဟေတုဒုကံ နိဋ္ဌိတံ။
၂။ သဟေတုကဒုက
၁။ ပဋိစ္စဝါရ
၁။ ပစ္စယာနုလောမ
၁။ ဝိဘင်္ဂဝါရ
ဟေတုပစ္စယော
* ၄၉။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၅၀။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)
အဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၅၁။ သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
အာရမ္မဏပစ္စယော
* ၅၂။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၅၃။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ အဟေတုကာ ခန္ဓာ။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ
တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အဓိပတိပစ္စယော
* ၅၄။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၅၅။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
အနန္တရပစ္စယာဒိ
* ၅၆။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၅၇။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ (ဣမေ ပဉ္စ ပဉှာ ဟေတုသဒိသာ, နိန္နာနံ)။ (၂)
အညမညပစ္စယော
* ၅၈။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အညမညပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော၊ ပဋိသန္ဓိက္ခဏေ သဟေတုကေ ခန္ဓေ ပဋိစ္စ ဝတ္ထု။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ…ပေ…။ (၃)
* ၅၉။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အညမညပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ အဟေတုကံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ…ပေ… (သံခိတ္တံ, ယာဝ အသညသတ္တာ)။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ
ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
နိဿယပစ္စယာဒိ
* ၆၀။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ… ကမ္မပစ္စယာ… ဝိပါကပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… (ဈာနမ္ပိ မဂ္ဂမ္ပိ သဟဇာတပစ္စယသဒိသာ, ဗာဟိရာ မဟာဘူတာ နတ္ထိ ) သမ္ပယုတ္တပစ္စယာ… ဝိပ္ပယုတ္တပစ္စယာ… အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။
၁။ ပစ္စယာနုလောမ
၂။ သင်္ချာဝါရ
သုဒ္ဓံ
* ၆၁။ ဟေတုယာ နဝ, အာရမ္မဏေ ဆ, အဓိပတိယာ ပဉ္စ, အနန္တရေ ဆ, သမနန္တရေ ဆ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဆ, ပုရေဇာတေ ဆ, အာသေဝနေ ဆ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ ဆ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဆ, ဝိဂတေ ဆ, အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယ
၁။ ဝိဘင်္ဂဝါရ
နဟေတုပစ္စယ
* ၆၂။ သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁) (သဗ္ဗံ ယာဝ အသညသတ္တာ တာဝ ကာတဗ္ဗံ။)
နအာရမ္မဏပစ္စယာဒိ
* ၆၃။ သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဧကံ မဟာဘူတံ…ပေ… အသညသတ္တာနံ ဧကံ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နအဓိပတိပစ္စယာ… (အနုလောမသဟဇာတသဒိသာ) နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ… နပုရေဇာတပစ္စယာ – အရူပေ သဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။ (၁)
* ၆၄။ သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော, သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အဟေတုကံ ဧကံ ခန္ဓံ…ပေ… ဒွေ ခန္ဓေ…ပေ… အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ တာဝ ဝိတ္ထာရော)။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)
အဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၆၅။ သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
နပစ္ဆာဇာတပစ္စယာဒိ
* ၆၆။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ… နကမ္မပစ္စယာ – သဟေတုကေ ခန္ဓေ ပဋိစ္စ သဟေတုကာ စေတနာ။ (၁)
အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နကမ္မပစ္စယာ – အဟေတုကေ ခန္ဓေ ပဋိစ္စ အဟေတုကာ စေတနာ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ စေတနာ။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ… နဝိပါကပစ္စယာ (ပဋိသန္ဓိ နတ္ထိ)။
နအာဟာရပစ္စယာဒိ
* ၆၇။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာဟာရပစ္စယာ… နဣန္ဒြိယပစ္စယာ… နဈာနပစ္စယာ… နမဂ္ဂပစ္စယာ… နသမ္ပယုတ္တပစ္စယာ။
နဝိပ္ပယုတ္တပစ္စယာဒိ
* ၆၈။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ သဟေတုကံ ဧကံ ခန္ဓံ…ပေ…။ (၁)
သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဟေတုကံ ဧကံ ခန္ဓံ ပဋိစ္စ တယော ခန္ဓာ, ဒွေ ခန္ဓေ…ပေ…။ (၁)
အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နောနတ္ထိပစ္စယာ… နောဝိဂတပစ္စယာ။ (၁)
၂။ ပစ္စယပစ္စနီယ
၂။ သင်္ချာဝါရ
သုဒ္ဓံ
* ၆၉။ နဟေတုယာ ဒွေ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ
တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယ
ဟေတုဒုက
* ၇၀။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမ
နဟေတုဒုက
* ၇၁။ နဟေတုပစ္စယာ အာရမ္မဏေ ဒွေ, အနန္တရေ ဒွေ, သမနန္တရေ ဒွေ (သဗ္ဗတ္ထ ဒွေ), ဝိပါကေ ဧကံ, အာဟာရေ ဒွေ, ဣန္ဒြိယေ ဒွေ, ဈာနေ ဒွေ, မဂ္ဂေ ဧကံ, သမ္ပယုတ္တေ ဒွေ…ပေ… အဝိဂတေ ဒွေ (ဧဝံ ဂဏေတဗ္ဗံ)။
ပစ္စနီယာနုလောမံ။
(သဟဇာတဝါရော ပဋိစ္စဝါရသဒိသော။)
၂။ သဟဇာတဝါရ
၃။ ပစ္စယဝါရ
၁။ ပစ္စယာနုလောမ
၁။ ဝိဘင်္ဂဝါရ
ဟေတုပစ္စယာ
* ၇၂။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ (သဟေတုကမူလကံ ပဋိစ္စဝါရသဒိသံ)။
အဟေတုကံ ဓမ္မံ ပစ္စယာ အဟေတုကော ဓမ္မော…ပေ… (ပဋိစ္စဝါရသဒိသံယေဝ)။ (၁)
အဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ သဟေတုကာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပစ္စယာ သဟေတုကာ ခန္ဓာ။ (၂)
အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ သဟေတုကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ…ပေ…။ (၃)
* ၇၃။ သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ
မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ ကဋတ္တာရူပံ။ (၃)
အာရမ္မဏပစ္စယော
* ၇၄။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ ပစ္စယာ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၇၅။ အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပစ္စယာ ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ ခန္ဓာ။ (၁)
အဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ သဟေတုကာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)
အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟော စ။ (၃)
* ၇၆။ သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
အဓိပတိပစ္စယော
* ၇၇။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အဓိပတိပစ္စယာ (အဓိပတိယာ နဝ ပဉှာ ပဝတ္တေယေဝ)။
အနန္တရပစ္စယာဒိ
* ၇၈။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ… တီဏိ (ပဋိစ္စဝါရသဒိသာ)။
အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – အဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ ခန္ဓာ။ (၁)
အဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ သဟေတုကာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)
အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ပစ္စယာ သဟေတုကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ…ပေ…။ (၃)
* ၇၉။ သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ ကဋတ္တာရူပံ။ (၃)
အညမညပစ္စယာဒိ
* ၈၀။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အညမညပစ္စယာ…ပေ… အဝိဂတပစ္စယာ။
၁။ ပစ္စယာနုလောမ
၂။ သင်္ချာဝါရ
* ၈၁။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယ
၁။ ဝိဘင်္ဂဝါရ
နဟေတုပစ္စယော
* ၈၂။ သဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ ခန္ဓာ မောဟော စ။ (၁)
သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။ (၁)
၂။ ပစ္စယပစ္စနီယ
၂။ သင်္ချာဝါရ
သုဒ္ဓံ
* ၈၃။ နဟေတုယာ တီဏိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နနိဿယေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယ
ဟေတုဒုက
* ၈၄။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ,
နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမ
နဟေတုဒုက
* ၈၅။ နဟေတုပစ္စယာ အာရမ္မဏေ တီဏိ, အနန္တရေ တီဏိ…ပေ… မဂ္ဂေ တီဏိ, သမ္ပယုတ္တေ တီဏိ…ပေ… အဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယာနုလောမံ။
(နိဿယဝါရော ပစ္စယဝါရသဒိသော။)
၂။ သဟေတုကဒုက
၅။ သံသဋ္ဌဝါရ
၁။ ပစ္စယာနုလောမံ
၁။ ဝိဘင်္ဂဝါရ
ဟေတုပစ္စယော
* ၈၆။ သဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
အဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ သံသဋ္ဌာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ။ (၁)
သဟေတုကဉ္စ အဟေတုကဉ္စ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
အာရမ္မဏပစ္စယော
* ၈၇။ သဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
သဟေတုကံ ဓမ္မံ သံသဋ္ဌော သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ သံသဋ္ဌာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၈၈။ အဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
အဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ သံသဋ္ဌာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ။ (၂)
သဟေတုကဉ္စ အဟေတုကဉ္စ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
အဓိပတိပစ္စယော
* ၈၉။ သဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
အနန္တရပစ္စယာဒိ
* ၉၀။ သဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ…ပေ… ဝိပါကပစ္စယာ – ဝိပါကံ သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။
အဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ ဝိပါကပစ္စယာ – ဝိပါကံ အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဈာနပစ္စယာ…ပေ… အဝိဂတပစ္စယာ။
၁။ ပစ္စယာနုလောမံ
၂။ သင်္ချာဝါရ
သုဒ္ဓံ
* ၉၁။ ဟေတုယာ တီဏိ, အာရမ္မဏေ ဆ, အဓိပတိယာ ဧကံ, အနန္တရေ ဆ, သမနန္တရေ ဆ, သဟဇာတေ ဆ, အညမညေ ဆ, နိဿယေ ဆ, ဥပနိဿယေ ဆ, ပုရေဇာတေ ဆ…ပေ… ဝိပါကေ ဒွေ, အာဟာရေ ဆ, ဣန္ဒြိယေ ဆ, ဈာနေ ဆ, မဂ္ဂေ ပဉ္စ…ပေ… အဝိဂတေ ဆ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရ
နဟေတုပစ္စယော
* ၉၂။ သဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရ
သုဒ္ဓံ
* ၉၃။ နဟေတုယာ ဒွေ, နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဆ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၉၄။ ဟေတုပစ္စယာ နအဓိပတိယာ တီဏိ, နပုရေဇာတေ တီဏိ, နပစ္ဆာဇာတေ တီဏိ, နအာသေဝနေ တီဏိ, နကမ္မေ တီဏိ, နဝိပါကေ တီဏိ, နဝိပ္ပယုတ္တေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၉၅။ နဟေတုပစ္စယာ အာရမ္မဏေ ဒွေ, အနန္တရေ ဒွေ…ပေ… ကမ္မေ ဒွေ, ဝိပါကေ ဧကံ, အာဟာရေ ဒွေ…ပေ… မဂ္ဂေ ဧကံ…ပေ… အဝိဂတေ ဒွေ (ဧဝံ ဂဏေတဗ္ဗံ)။
ပစ္စနီယာနုလောမံ။
(သမ္ပယုတ္တဝါရော သံသဋ္ဌဝါရသဒိသော။)
၂။ သဟေတုကဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၆။ သဟေတုကော ဓမ္မော သဟေတုကဿ ဓမ္မဿ ဟေတုပစ္စယေန ပစ္စယော – သဟေတုကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
သဟေတုကော ဓမ္မော အဟေတုကဿ ဓမ္မဿ ဟေတုပစ္စယေန ပစ္စယော – သဟေတုကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဟေတုပစ္စယေန ပစ္စယော – သဟေတုကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
* ၉၇။ အဟေတုကော ဓမ္မော အဟေတုကဿ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၉၈။ သဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ ပစ္စဝေက္ခတိ။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ။ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… သဟေတုကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ စေတောပရိယဉာဏေန သဟေတုကစိတ္တသမင်္ဂိဿ စိတ္တံ ဇာနန္တိ။ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဟေတုကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ အာရမ္မဏပစ္စယေန ပစ္စယော၊ သဟေတုကေ ခန္ဓေ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၁)
သဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော – သဟေတုကေ ခန္ဓေ အနိစ္စတော …ပေ… ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ, သဟေတုကေ ခန္ဓေ အာရဗ္ဘ အဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – သဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၉၉။ အဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… အဟေတုကေ ခန္ဓေ စ မောဟဉ္စ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အဟေတုကေ ခန္ဓေ စ မောဟဉ္စ အာရဗ္ဘ အဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၁)
အဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အာရမ္မဏပစ္စယေန ပစ္စယော။ အရိယာ အဟေတုကေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ…ပေ… အဟေတုကေ ခန္ဓေ စ မောဟဉ္စ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန အဟေတုကစိတ္တသမင်္ဂိဿ စိတ္တံ ဇာနန္တိ၊ အဟေတုကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ အာရမ္မဏပစ္စယေန ပစ္စယော၊ အဟေတုကေ ခန္ဓေ စ မောဟဉ္စ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ၊ သောတံ …ပေ… ဝတ္ထုံ… အဟေတုကေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၁၀၀။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ အဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၂)
သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
အဓိပတိပစ္စယော
* ၁၀၁။ သဟေတုကော ဓမ္မော သဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ…ပေ… သဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သဟေတုကော ဓမ္မော အဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အဟေတုကော ဓမ္မော သဟေတုကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ… အဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနန္တရပစ္စယော
* ၁၀၂။ သဟေတုကော ဓမ္မော သဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ ခန္ဓာ ပစ္ဆိမာနံ ပစ္ဆိမာနံ သဟေတုကာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ… မဂ္ဂေါ ဖလဿ… ဖလံ ဖလဿ… အနုလောမံ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
သဟေတုကော ဓမ္မော အဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ သဟေတုကံ စုတိစိတ္တံ အဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ သဟေတုကံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော၊ သဟေတုကံ ဘဝင်္ဂံ အဟေတုကဿ ဘဝင်္ဂဿ အနန္တရပစ္စယေန ပစ္စယော၊ သဟေတုကာ ခန္ဓာ အဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၁၀၃။ အဟေတုကော ဓမ္မော အဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ပုရိမာ ပုရိမာ အဟေတုကာ ခန္ဓာ ပစ္ဆိမာနံ ပစ္ဆိမာနံ အဟေတုကာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန
ပစ္စယော၊ အဟေတုကံ စုတိစိတ္တံ သဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ အဟေတုကံ ဘဝင်္ဂံ သဟေတုကဿ ဘဝင်္ဂဿ အနန္တရပစ္စယေန ပစ္စယော၊ အာဝဇ္ဇနာ သဟေတုကာနံ ခန္ဓာနံ အနန္တရပစ္စယေန ပစ္စယော၊ အဟေတုကာ ခန္ဓာ သဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော၊ အာဝဇ္ဇနာ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၁၀၄။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)
သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
သဟဇာတပစ္စယာဒိ
* ၁၀၅။ သဟေတုကော ဓမ္မော သဟေတုကဿ ဓမ္မဿ သဟဇာတပစ္စယေန ပစ္စယော (ပဋိစ္စဝါရေ သဟဇာတသဒိသံ, ဣဟ ဃဋနာ နတ္ထိ)…
အညမညပစ္စယေန ပစ္စယော (ပဋိစ္စဝါရသဒိသံ)… နိဿယပစ္စယေန ပစ္စယော (ပဋိစ္စဝါရေ နိဿယပစ္စယသဒိသံ, ဣဟ ဃဋနာ နတ္ထိ)။
ဥပနိဿယပစ္စယော
* ၁၀၆။ သဟေတုကော ဓမ္မော သဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ သဟေတုကာနံ ခန္ဓာနံ ဥပနိဿယပစ္စယေန ပစ္စယော။ (၁)
သဟေတုကော ဓမ္မော အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ အဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၁၀၇။ အဟေတုကော ဓမ္မော အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ကာယိကဿ သုခဿ, ကာယိကဿ ဒုက္ခဿ, မောဟဿ စ ဥပနိဿယပစ္စယေန ပစ္စယော၊ ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ, ကာယိကဿ ဒုက္ခဿ, မောဟဿ စ ဥပနိဿယပစ္စယေန ပစ္စယော၊ မောဟော ကာယိကဿ သုခဿ, ကာယိကဿ ဒုက္ခဿ, မောဟဿ စ ဥပနိဿယပစ္စယေန ပစ္စယော၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ, သေနာသနံ, မောဟော စ ကာယိကဿ သုခဿ, ကာယိကဿ ဒုက္ခဿ, မောဟဿ စ ဥပနိဿယပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ကာယိကံ ဒုက္ခံ… ဥတုံ… ဘောဇနံ… သေနာသနံ… မောဟံ
ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ကာယိကံ သုခံ…ပေ… မောဟော စ သဒ္ဓါယ…ပေ… ပညာယ ရာဂဿ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ မောဟော စ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၁၀၈။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ သဟေတုကာနံ ခန္ဓာနံ ဥပနိဿယပစ္စယေန ပစ္စယော။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
* ၁၀၉။ အဟေတုကော ဓမ္မော အဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ …ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန
ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ပုရေဇာတံ ဝတ္ထု အဟေတုကာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု သဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယာဒိ
* ၁၁၀။ သဟေတုကော ဓမ္မော အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အဟေတုကော ဓမ္မော အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သဟေတုကော ဓမ္မော သဟေတုကဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ။ အာဝဇ္ဇနမ္ပိ ဘဝင်္ဂမ္ပိ နတ္ထိ, အာသေဝနပစ္စယေ ဝဇ္ဇေတဗ္ဗာ နဝပိ )။
ကမ္မပစ္စယော
* ၁၁၁။ သဟေတုကော ဓမ္မော သဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေတနာ ဝိပါကာနံ သဟေတုကာနံ ခန္ဓာနံ ကမ္မပစ္စယေန ပစ္စယော။ (၁)
သဟေတုကော ဓမ္မော အဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေတနာ ဝိပါကာနံ အဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သဟေတုကာ စေတနာ ဝိပါကာနံ သဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
အဟေတုကော ဓမ္မော အဟေတုကဿ ဓမ္မဿ ကမ္မပစ္စယေန ပစ္စယော – အဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
ဝိပါကပစ္စယော
* ၁၁၂။ သဟေတုကော ဓမ္မော သဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကော သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)
သဟေတုကော ဓမ္မော အဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကာ သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဝိပါကပစ္စယေန ပစ္စယော – ဝိပါကော သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၃)
အဟေတုကော ဓမ္မော အဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကော အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)
အာဟာရပစ္စယော
* ၁၁၃။ သဟေတုကော ဓမ္မော သဟေတုကဿ ဓမ္မဿ အာဟာရပစ္စယေန ပစ္စယော… တီဏိ။
အဟေတုကော ဓမ္မော အဟေတုကဿ ဓမ္မဿ အာဟာရပစ္စယေန ပစ္စယော – အဟေတုကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
ဣန္ဒြိယပစ္စယာဒိ
* ၁၁၄။ သဟေတုကော ဓမ္မော သဟေတုကဿ ဓမ္မဿ ဣန္ဒြိယပစ္စယေန ပစ္စယော… တီဏိ။
အဟေတုကော ဓမ္မော အဟေတုကဿ ဓမ္မဿ ဣန္ဒြိယပစ္စယေန ပစ္စယော – အဟေတုကာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
သဟေတုကော ဓမ္မော သဟေတုကဿ ဓမ္မဿ ဈာနပစ္စယေန ပစ္စယော… တီဏိ။
အဟေတုကော ဓမ္မော အဟေတုကဿ ဓမ္မဿ ဈာနပစ္စယေန ပစ္စယော – အဟေတုကာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ…။ (၁)
သဟေတုကော ဓမ္မော သဟေတုကဿ ဓမ္မဿ မဂ္ဂပစ္စယေန ပစ္စယော… တီဏိ။
သဟေတုကော ဓမ္မော သဟေတုကဿ ဓမ္မဿ သမ္ပယုတ္တပစ္စယေန ပစ္စယော (ပဋိစ္စဝါရေ သမ္ပယုတ္တသဒိသာ ဆ ပဉှာ)။
ဝိပ္ပယုတ္တပစ္စယော
* ၁၁၅။ သဟေတုကော ဓမ္မော အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ သဟေတုကာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – သဟေတုကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အဟေတုကော ဓမ္မော အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – အဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အဟေတုကာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ဝတ္ထု အဟေတုကာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၃)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၁၁၆။ သဟေတုကော ဓမ္မော သဟေတုကဿ ဓမ္မဿ အတ္ထိပစ္စယေန ပစ္စယော – သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)
သဟေတုကော ဓမ္မော အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – သဟေတုကာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – သဟေတုကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော တိဏ္ဏန္နံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ သဟေတုကော…ပေ…။ (၃)
* ၁၁၇။ အဟေတုကော ဓမ္မော အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… (ယာဝ အသညသတ္တာ ကာတဗ္ဗံ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ အတ္ထိပစ္စယေန ပစ္စယော၊ ဝတ္ထု အဟေတုကာနံ ခန္ဓာနံ မောဟဿ စ အတ္ထိပစ္စယေန ပစ္စယော။ ပစ္ဆာဇာတာ – အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော၊ ကဗဠီကာရော
အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော၊ ပဋိသန္ဓိက္ခဏေ ဝတ္ထု သဟေတုကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ဝတ္ထု သဟေတုကာနံ ခန္ဓာနံ အတ္ထိပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ, ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၃)
* ၁၁၈။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – သဟေတုကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ သဟေတုကာ ခန္ဓာ စ မဟာဘူတာ စ ကဋတ္တာရူပါနံ
အတ္ထိပစ္စယေန ပစ္စယော။ သဟဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သဟေတုကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သဟေတုကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၃)
၁။ ပစ္စယာနုလောမံ
၂။ သင်္ချာဝါရ
သုဒ္ဓံ
* ၁၁၉။ ဟေတုယာ ဆ, အာရမ္မဏေ နဝ, အဓိပတိယာ စတ္တာရိ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ စတ္တာရိ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ တီဏိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စနီယုဒ္ဓါရ
* ၁၂၀။ သဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
သဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)
* ၁၂၁။ အဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၁၂၂။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရ
* ၁၂၃။ နဟေတုယာ နဝ…ပေ… (သဗ္ဗတ္ထ နဝ) နောအဝိဂတေ နဝ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၂၄။ ဟေတုပစ္စယာ နအာရမ္မဏေ ဆ, နအဓိပတိယာ ဆ, နအနန္တရေ ဆ, နသမနန္တရေ ဆ, နအညမညေ ဒွေ, နဥပနိဿယေ ဆ…ပေ… နမဂ္ဂေ ဆ, နသမ္ပယုတ္တေ ဒွေ, နဝိပ္ပယုတ္တေ ဒွေ, နောနတ္ထိယာ ဆ, နောဝိဂတေ ဆ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၂၅။ နဟေတုပစ္စယာ အာရမ္မဏေ နဝ, အဓိပတိယာ စတ္တာရိ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ စတ္တာရိ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ တီဏိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ (ဧဝံ ဂဏေတဗ္ဗံ)။
ပစ္စနီယာနုလောမံ။
သဟေတုကဒုကံ နိဋ္ဌိတံ။
၃။ ဟေတုသမ္ပယုတ္တဒုကံ
၁။ ပဋိစ္စဝါရ
ဟေတုပစ္စယော
* ၁၂၆။ ဟေတုသမ္ပယုတ္တံ ဓမ္မံ ပဋိစ္စ ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
ဟေတုသမ္ပယုတ္တံ ဓမ္မံ ပဋိစ္စ ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
(ဣမိနာ ကာရဏေန ဝိတ္ထာရေတဗ္ဗံ ယထာ သဟေတုကဒုကံ နိန္နာနာကရဏံ။)
ဟေတုသမ္ပယုတ္တဒုကံ နိဋ္ဌိတံ။
၄။ ဟေတုသဟေတုကဒုကံ
၁။ ပဋိစ္စဝါရ
၁။ ပစ္စယာနုလောမံ
၁။ ဝိဘင်္ဂဝါရ
ဟေတုပစ္စယော
* ၁၂၇။ ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော (စက္ကံ)၊ ပဋိသန္ဓိက္ခဏေ အလောဘံ ပဋိစ္စ အဒေါသော အမောဟော (စက္ကံ)။ (၁)
ဟေတုဉ္စေဝ သဟေတုကဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ – ဟေတုံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)
ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ (စက္ကံ)၊ ပဋိသန္ဓိက္ခဏေ…ပေ…။ (၃)
* ၁၂၈။ သဟေတုကဉ္စေဝ န စ ဟေတုံ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။(၁)
သဟေတုကဉ္စေဝ န စ ဟေတုံ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ စေဝ န စ ဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ…။ (၂)
သဟေတုကဉ္စေဝ န စ ဟေတုံ ဓမ္မံ ပဋိစ္စ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၂၉။ ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော အမောဟော (စက္ကံ)။ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ…။ (၁)
ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၂)
ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
(သံခိတ္တံ။ ဧဝံ ဝိတ္ထာရေတဗ္ဗံ။)
၁။ ပစ္စယာနုလောမံ
၂။ သင်္ချာဝါရ
သုဒ္ဓံ
* ၁၃၀။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ…ပေ… (သဗ္ဗတ္ထ နဝ), အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရ
နအဓိပတိပစ္စယာဒိ
* ၁၃၁။ ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ နအဓိပတိပစ္စယာ – အလောဘံ ပဋိစ္စ အဒေါသော အမောဟော (စက္ကံ)၊ ပဋိသန္ဓိက္ခဏေ…ပေ… (ပရိပုဏ္ဏံ နဝ), နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ။
နကမ္မပစ္စယာဒိ
* ၁၃၂။ ဟေတုဉ္စေဝ သဟေတုကဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုံ ပဋိစ္စ သမ္ပယုတ္တကာ စေတနာ။ (၁)
သဟေတုကဉ္စေဝ န စ ဟေတုံ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – သဟေတုကေ စေဝ န စ ဟေတူ ခန္ဓေ ပဋိစ္စ သမ္ပယုတ္တကာ စေတနာ၊ ပဋိသန္ဓိက္ခဏေ…ပေ…။
ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုဉ္စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ… နဝိပါကပစ္စယာ… နဝိပ္ပယုတ္တပစ္စယာ။
၂။ ပစ္စယပစ္စနီယံ
၂။ သင်္ချာဝါရ
သုဒ္ဓံ
* ၁၃၃။ နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ (ဧဝံ ဂဏေတဗ္ဗံ)။
ပစ္စနီယံ။
ဟေတုဒုကံ
၃။ ပစ္စယာနုလောမပစ္စနီယံ
* ၁၃၄။ ဟေတုပစ္စယာ နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နအဓိပတိဒုကံ
* ၁၃၅။ နအဓိပတိပစ္စယာ ဟေတုယာ နဝ, အာရမ္မဏေ နဝ, အနန္တရေ နဝ…ပေ… အဝိဂတေ နဝ (ဧဝံ ဂဏေတဗ္ဗံ)။
ပစ္စနီယာနုလောမံ။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)
၄။ ဟေတုသဟေတုကဒုက
၇။ ပဉှာဝါရ
၁။ ပစ္စယာနုလောမံ
၁။ ဝိဘင်္ဂဝါရ
ဟေတုပစ္စယော
* ၁၃၆။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ ဟေတုပစ္စယေန ပစ္စယော (ယထာ ပဋိစ္စဝါရသဒိသံ)။ (၁)
ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ ဟေတုပစ္စယေန ပစ္စယော – ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ သမ္ပယုတ္တကာနဉ္စ ခန္ဓာနံ ဟေတုပစ္စယေန ပစ္စယော (ဝိတ္ထာရေတဗ္ဗံ)။ (၃)
အာရမ္မဏပစ္စယော
* ၁၃၇။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ ဥပ္ပဇ္ဇန္တိ။ (၁)
ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ။ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ။ ပဟီနေ ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ။ သဟေတုကေ စေဝ န စ ဟေတူ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ။ စေတောပရိယဉာဏေန သဟေတုကာ စေဝ န စ ဟေတုစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဟေတုကာ စေဝ န စ ဟေတူ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ အာရမ္မဏပစ္စယေန ပစ္စယော။ (၁)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ… (ယထာ ပဌမဂမနံ ဧဝံ နိန္နာနံ)။ (၂)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ… (ယထာ ပဌမဂမနံ ဧဝံ နိန္နာနံ)။ (၃)
* ၁၃၈။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ ဥပ္ပဇ္ဇန္တိ။ (၁)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အဓိပတိပစ္စယော
* ၁၃၉။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၁)
ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၂)
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ
ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ခန္ဓာနံ ဟေတူနဉ္စ အဓိပတိပစ္စယေန ပစ္စယော။ (၃)
* ၁၄၀။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ, သဟေတုကေ စေဝ န စ ဟေတူ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သဟေတုကော စေဝ န စ ဟေတု အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ… (ပဌမဂမနံယေဝ)။ သဟဇာတာဓိပတိ – သဟေတုကော စေဝ န စ ဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၂)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ… (ပဌမဂမနံယေဝ)။ သဟဇာတာဓိပတိ – သဟေတုကော စေဝ န စ ဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ အဓိပတိပစ္စယေန ပစ္စယော။ (၃)
* ၁၄၁။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတူ စ သမ္ပယုတ္တကေ စ ခန္ဓေ ဂရုံ ကတွာ ဟေတူ ဥပ္ပဇ္ဇန္တိ။ (၁)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော။
အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အနန္တရပစ္စယော
* ၁၄၂။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)
ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော။ (၂)
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၁၄၃။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ…ပေ… နိရောဓာ ဝုဋ္ဌဟန္တဿ, နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… (သံခိတ္တံ)။ (၂)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ…။ (၃)
(သဟေတုကော စေဝ န စ ဟေတုမူလကံ တီဏိပိ ဧကသဒိသာ။)
* ၁၄၄။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော။(၂)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သဟဇာတပစ္စယာဒိ
* ၁၄၅။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော (တီဏိပိ ပစ္စယာ ပဋိစ္စဝါရေ ဟေတုသဒိသာ)။
ဥပနိဿယပစ္စယော
* ၁၄၆။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ ဟေတူနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဟေတူ
သဟေတုကာနဉ္စေဝ န စ ဟေတူနံ ခန္ဓာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဟေတူ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော (ဣမေသံ ဒွိန္နမ္ပိ ပဉှာနံ မူလာနိ ပုစ္ဆိတဗ္ဗာနိ)။
သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ, သီလံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… ပတ္ထနာ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)
(သဟေတုကော စေဝ န စ ဟေတုမူလကေ ဣမိနာကာရေန ဝိတ္ထာရေတဗ္ဗာ အဝသေသာ ဒွေ ပဉှာ။)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ ဟေတူနံ ဥပနိဿယပစ္စယေန ပစ္စယော။ (ဒွေ မူလာနိ ပုစ္ဆိတဗ္ဗာနိ) ဟေတူ စ သမ္ပယုတ္တကာ စ ခန္ဓာ သဟေတုကာနဉ္စေဝ န စ ဟေတူနံ ခန္ဓာနံ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ) ဟေတူ စ သမ္ပယုတ္တကာ စ ခန္ဓာ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၁)
အာသေဝနပစ္စယော
* ၁၄၇။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာသေဝနပစ္စယေန ပစ္စယော (အနန္တရသဒိသံ)။
ကမ္မပစ္စယော
* ၁၄၈။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။
နာနာက္ခဏိကာ – သဟေတုကာ စေဝ န စ ဟေတူ စေတနာ ဝိပါကာနံ သဟေတုကာနဉ္စေဝ န စ ဟေတူနံ ခန္ဓာနံ ကမ္မပစ္စယေန ပစ္စယော။ (၁)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ဟေတူနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေဝ န စ ဟေတူ စေတနာ ဝိပါကာနံ ဟေတူနံ ကမ္မပစ္စယေန ပစ္စယော။ (၂)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ခန္ဓာနံ ဟေတူနဉ္စ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေဝ န စ ဟေတူ စေတနာ ဝိပါကာနံ ခန္ဓာနံ ဟေတူနဉ္စ ကမ္မပစ္စယေန ပစ္စယော။ (၃)
ဝိပါကပစ္စယော
* ၁၄၉။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဝိပါကပစ္စယေန ပစ္စယော – ဝိပါကော အလောဘော အဒေါသဿ အမောဟဿ စ ဝိပါကပစ္စယေန ပစ္စယော (စက္ကံ)၊ ပဋိသန္ဓိက္ခဏေ အလောဘော (ယထာ ဟေတုပစ္စယာ ဧဝံ ဝိတ္ထာရေတဗ္ဗံ, နဝပိ ဝိပါကန္တိ နိယာမေတဗ္ဗံ)။
အာဟာရပစ္စယာဒိ
* ၁၅၀။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အာဟာရပစ္စယေန ပစ္စယော… တီဏိ။
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဣန္ဒြိယပစ္စယေန ပစ္စယော (ဣန္ဒြိယန္တိ နိယာမေတဗ္ဗံ, နဝပိ ပရိပုဏ္ဏံ)။
သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ ဈာနပစ္စယေန ပစ္စယော… တီဏိ။
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ မဂ္ဂပစ္စယေန ပစ္စယော … သမ္ပယုတ္တပစ္စယေန ပစ္စယော… အတ္ထိပစ္စယေန ပစ္စယော… နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရ
သုဒ္ဓံ
* ၁၅၁။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, ဝိပါကေ နဝ, အာဟာရေ တီဏိ, ဣန္ဒြိယေ နဝ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စနီယုဒ္ဓါရ
* ၁၅၂။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၁၅၃။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)
သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)
* ၁၅၄။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရ
* ၁၅၅။ နဟေတုယာ နဝ (သံခိတ္တံ။ သဗ္ဗတ္ထ နဝ, ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၅၆။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နဥပနိဿယေ တီဏိ (သံခိတ္တံ။ သဗ္ဗတ္ထ
တီဏိ), နမဂ္ဂေ တီဏိ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၅၇။ နဟေတုပစ္စယာ အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ တီဏိ, အညမညေ တီဏိ, နိဿယေ တီဏိ, ဥပနိဿယေ နဝ, အာသေဝနေ နဝ, ကမ္မေ တီဏိ, ဝိပါကေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ တီဏိ, သမ္ပယုတ္တေ တီဏိ, အတ္ထိယာ တီဏိ, နတ္ထိယာ နဝ, ဝိဂတေ နဝ, အဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယာနုလောမံ။
ဟေတုသဟေတုကဒုကံ နိဋ္ဌိတံ။
၅။ ဟေတုဟေတုသမ္ပယုတ္တဒုကံ
၁။ ပဋိစ္စဝါရ
* ၁၅၈။ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ…
(ယထာ ဟေတုသဟေတုကဒုကံ ဧဝံ ဝိတ္ထာရေတဗ္ဗံ, နိန္နာနာကရဏံ)။
ဟေတုဟေတုသမ္ပယုတ္တဒုကံ နိဋ္ဌိတံ။
၆။ နဟေတုသဟေတုကဒုကံ
၁။ ပဋိစ္စဝါရ
၁။ ပစ္စယာနုလောမံ
၁။ ဝိဘင်္ဂဝါရ
ဟေတုပစ္စယော
* ၁၅၉။ နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
နဟေတုံ သဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတူ သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၆၀။ နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ …ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ။ (၂)
နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၁၆၁။ နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတူ သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နဟေတူ သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
အာရမ္မဏပစ္စယော
* ၁၆၂။ နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နဟေတုံ အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၂)
နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ။ (၃)
နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ။ ဧဝံ ဝိဘဇိတဗ္ဗံ)။
၁။ ပစ္စယာနုလောမံ
၂။ သင်္ချာဝါရ
သုဒ္ဓံ
* ၁၆၃။ ဟေတုယာ နဝ, အာရမ္မဏေ စတ္တာရိ, အဓိပတိယာ ပဉ္စ, အနန္တရေ စတ္တာရိ, သမနန္တရေ စတ္တာရိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ စတ္တာရိ, ပုရေဇာတေ ဒွေ, အာသေဝနေ ဒွေ, ကမ္မေ နဝ, ဝိပါကေ နဝ, အာဟာရေ နဝ (သံခိတ္တံ။ သဗ္ဗတ္ထ နဝ), သမ္ပယုတ္တေ စတ္တာရိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရ
နဟေတုပစ္စယော
* ၁၆၄။ နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နဟေတုပစ္စယာ – နဟေတုံ အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ (ယာဝ အသညသတ္တာ မောဟော နတ္ထိ)။ (၁)
နအာရမ္မဏပစ္စယော
* ၁၆၅။ နဟေတုံ သဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရ
သုဒ္ဓံ
* ၁၆၆။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၆၇။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဧကံ, နဝိပါကေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၆၈။ နဟေတုပစ္စယာ အာရမ္မဏေ ဧကံ…ပေ… အာဟာရေ ဧကံ…ပေ… ဈာနေ ဧကံ, သမ္ပယုတ္တေ ဧကံ, ဝိပ္ပယုတ္တေ ဧကံ…ပေ… ဝိဂတေ ဧကံ, အဝိဂတေ ဧကံ (ဧဝံ ဂဏေတဗ္ဗံ)။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရေပိ ဧဝံ ဂဏေတဗ္ဗံ။)
၆။ နဟေတုသဟေတုကဒုက
၃။ ပစ္စယဝါရော
၁-၄။ ပစ္စယာနုလောမာဒိ
* ၁၆၉။ နဟေတုံ သဟေတုကံ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ။
နဟေတုံ အဟေတုကံ ဓမ္မံ ပစ္စယာ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ ပစ္စယာ တယော မဟာဘူတာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ။ (၁)
နဟေတုံ အဟေတုကံ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ နဟေတူ သဟေတုကာ ခန္ဓာ၊ ပဋိသန္ဓိက္ခဏေ…ပေ… (၂)
နဟေတုံ အဟေတုကံ ဓမ္မံ ပစ္စယာ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ နဟေတူ သဟေတုကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…(၃)
နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ (ဃဋနာ တီဏိ, ပဝတ္တိပဋိသန္ဓိ ပရိပုဏ္ဏံ။ သံခိတ္တံ)။
* ၁၇၀။ ဟေတုယာ နဝ, အာရမ္မဏေ စတ္တာရိ…ပေ… အညမညေ ဆ…ပေ… ပုရေဇာတေ အာသေဝနေ စတ္တာရိ…ပေ… အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
* ၁၇၁။ နဟေတုယာ ဧကံ, နအာရမ္မဏေ တီဏိ…ပေ… နောဝိဂတေ တီဏိ။
ပစ္စနီယံ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၆။ နဟေတုသဟေတုကဒုက
၅။ သံသဋ္ဌဝါရော
၁။ ပစ္စယာနုလောမာဒိ
* ၁၇၂။ နဟေတုံ သဟေတုကံ ဓမ္မံ သံသဋ္ဌော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ သဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။
* ၁၇၃။ ဟေတုယာ ဧကံ, အာရမ္မဏေ ဒွေ, အဓိပတိယာ ဧကံ, အနန္တရေ ဒွေ (သဗ္ဗတ္ထ ဒွေ), မဂ္ဂေ ဧကံ…ပေ… အဝိဂတေ ဒွေ။
အနုလောမံ။
* ၁၇၄။ နဟေတုံ အဟေတုကံ ဓမ္မံ သံသဋ္ဌော နဟေတု အဟေတုကော ဓမ္မော ဥပ္ပဇ္ဇတိ နဟေတုပစ္စယာ – နဟေတုံ အဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။
* ၁၇၅။ နဟေတုယာ ဧကံ, နအဓိပတိယာ ဒွေ, နပုရေဇာတေ ဒွေ, နပစ္ဆာဇာတေ ဒွေ, နအာသေဝနေ ဒွေ, နကမ္မေ ဒွေ, နဝိပါကေ ဒွေ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဒွေ။
ပစ္စနီယံ။
(ဧဝံ အဝသေသာပိ ဒွေ ဂဏနာ ဂဏေတဗ္ဗာ။)
၆။ သမ္ပယုတ္တဝါရော
(သမ္ပယုတ္တဝါရော သံသဋ္ဌဝါရသဒိသော)
၆။ နဟေတုသဟေတုကဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
အာရမ္မဏပစ္စယော
* ၁၇၆။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ၊ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… နဟေတူ သဟေတုကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ စေတောပရိယဉာဏေန နဟေတုသဟေတုကစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ…ပေ… နဟေတူ သဟေတုကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာရမ္မဏပစ္စယေန ပစ္စယော၊ နဟေတူ သဟေတုကေ ခန္ဓေ အာရဗ္ဘ နဟေတူ သဟေတုကာ ခန္ဓာ ဥပ္ပဇ္ဇန္တိ။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော – နဟေတူ သဟေတုကေ ခန္ဓေ အနိစ္စတော…ပေ…
ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ, နဟေတူ သဟေတုကေ ခန္ဓေ အာရဗ္ဘ နဟေတူ အဟေတုကာ ခန္ဓာ ဥပ္ပဇ္ဇန္တိ။ (၂)
* ၁၇၇။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နဟေတူ အဟေတုကေ ခန္ဓေ အာရဗ္ဘ နဟေတူ အဟေတုကာ ခန္ဓာ ဥပ္ပဇ္ဇန္တိ။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ အနိစ္စတော …ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နဟေတုအဟေတုကစိတ္တသမင်္ဂိဿ စိတ္တံ ဇာနာတိ။ နဟေတူ အဟေတုကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာရမ္မဏပစ္စယေန ပစ္စယော၊ နဟေတူ အဟေတုကေ ခန္ဓေ အာရဗ္ဘ နဟေတူ သဟေတုကာ ခန္ဓာ ဥပ္ပဇ္ဇန္တိ။ (၂)
အဓိပတိပစ္စယော
* ၁၇၈။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ, ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ။ နဟေတူ သဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ –
နဟေတုသဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နဟေတု သဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နဟေတု သဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနန္တရပစ္စယော
* ၁၇၉။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ သဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုသဟေတုကာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ အနန္တရပစ္စယေန ပစ္စယော – နဟေတု သဟေတုကံ စုတိစိတ္တံ နဟေတုအဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ နဟေတု သဟေတုကံ ဘဝင်္ဂံ အာဝဇ္ဇနာယ, နဟေတု သဟေတုကံ ဘဝင်္ဂံ နဟေတုအဟေတုကဿ ဘဝင်္ဂဿ, နဟေတူ သဟေတုကာ ခန္ဓာ နဟေတုအဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ အဟေတုကာ ခန္ဓာ ပစ္ဆိမာနံ
ပစ္ဆိမာနံ နဟေတုအဟေတုကာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ အနန္တရပစ္စယေန ပစ္စယော – နဟေတု အဟေတုကံ စုတိစိတ္တံ နဟေတုသဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ အာဝဇ္ဇနာ နဟေတုသဟေတုကာနံ ခန္ဓာနံ အနန္တရပစ္စယေန ပစ္စယော၊ နဟေတူ အဟေတုကာ ခန္ဓာ နဟေတုသဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)
သမနန္တရပစ္စယာဒိ
* ၁၈၀။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော (ဣဟ ဃဋနာ နတ္ထိ, သတ္တ ပဉှာ)… အညမညပစ္စယေန ပစ္စယော (ဆ ပဉှာ)… နိဿယပစ္စယေန ပစ္စယော (ပဝတ္တိပဋိသန္ဓိ သတ္တ ပဉှာ, ဣဟ ဃဋနာ နတ္ထိ)။
ဥပနိဿယပစ္စယော
* ၁၈၁။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… ပတ္ထနာ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓါ ကာယိကဿ သုခဿ, ကာယိကဿ ဒုက္ခဿ ဥပနိဿယပစ္စယေန ပစ္စယော၊ သီလံ…ပေ… ပတ္ထနာ ကာယိကဿ သုခဿ, ကာယိကဿ ဒုက္ခဿ ဥပနိဿယပစ္စယေန ပစ္စယော၊ သဒ္ဓါ…ပေ… ပတ္ထနာ ကာယိကဿ သုခဿ, ကာယိကဿ ဒုက္ခဿ ဥပနိဿယပစ္စယေန ပစ္စယော။ (၂)
* ၁၈၂။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ကာယိကဿ သုခဿ, ကာယိကဿ
ဒုက္ခဿ ဥပနိဿယပစ္စယေန ပစ္စယော၊ ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ, ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ, ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ကာယိကံ သုခံ …ပေ… သေနာသနံ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၁၈၃။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ဝတ္ထု နဟေတုအဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု နဟေတုသဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတပစ္စယော
* ၁၈၄။ နဟေတု သဟေတုကော ဓမ္မော နဟေတုအဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ သဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ အဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၁၈၅။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ နဟေတူ သဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုသဟေတုကာနံ ခန္ဓာနံ အာသေဝနပစ္စယေန ပစ္စယော… အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ နဟေတူ အဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုအဟေတုကာနံ ခန္ဓာနံ အာသေဝနပစ္စယေန ပစ္စယော။ (၁)
ကမ္မပစ္စယော
* ၁၈၆။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု သဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု သဟေတုကာ စေတနာ ဝိပါကာနံ နဟေတုသဟေတုကာနံ ခန္ဓာနံ ကမ္မပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု သဟေတုကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု သဟေတုကာ စေတနာ ဝိပါကာနံ နဟေတုအဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နဟေတု သဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု သဟေတုကာ စေတနာ ဝိပါကာနံ နဟေတုသဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ ကမ္မပစ္စယေန ပစ္စယော။ သဟဇာတာ – နဟေတု အဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ နဟေတု အဟေတုကာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဝိပါကပစ္စယော
* ၁၈၇။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဝိပါကပစ္စယေန ပစ္စယော… တီဏိ။
နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဝိပါကပစ္စယေန ပစ္စယော… ဧကံ။
အာဟာရပစ္စယော
* ၁၈၈။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာဟာရပစ္စယေန ပစ္စယော… တီဏိ။
နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာဟာရပစ္စယေန ပစ္စယော – နဟေတု အဟေတုကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
ဣန္ဒြိယပစ္စယော
* ၁၈၉။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဣန္ဒြိယပစ္စယေန ပစ္စယော… တီဏိ။
နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဣန္ဒြိယပစ္စယေန ပစ္စယော – နဟေတု အဟေတုကာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။
ဈာနပစ္စယာဒိ
* ၁၉၀။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဈာနပစ္စယေန ပစ္စယော…ပေ… (စတ္တာရိပိ ကာတဗ္ဗာနိ), မဂ္ဂပစ္စယေန ပစ္စယော… တီဏိ။
သမ္ပယုတ္တပစ္စယော
* ၁၉၁။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ သမ္ပယုတ္တပစ္စယေန ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ သမ္ပယုတ္တပစ္စယေန ပစ္စယော – နဟေတု အဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၂)
ဝိပ္ပယုတ္တပစ္စယော
* ၁၉၂။ နဟေတု သဟေတုကော ဓမ္မော နဟေတုအဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နဟေတူ သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နဟေတူ သဟေတုကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – နဟေတူ အဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နဟေတူ
အဟေတုကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
အတ္ထိပစ္စယော
* ၁၉၃။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ…ပေ…။ (၂)
နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ အတ္ထိပစ္စယေန ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ပဋိသန္ဓိက္ခဏေ…ပေ…။ (၃)
နဟေတု အဟေတုကော ဓမ္မော နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နဟေတု အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… (ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ…ပေ… ကာယာယတနံ…ပေ… ဝတ္ထု နဟေတုအဟေတုကာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နဟေတူ အဟေတုကာ ခန္ဓာ ပုရေဇာတဿ…ပေ… ကဗဠီကာရော အာဟာရော ဣမဿ ကာယဿ…ပေ… ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ
ဝတ္ထု နဟေတုသဟေတုကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု နဟေတုသဟေတုကာနံ ခန္ဓာနံ အတ္ထိပစ္စယေန ပစ္စယော။ (၂)
* ၁၉၄။ နဟေတု သဟေတုကော စ နဟေတု အဟေတုကော စ ဓမ္မာ နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နဟေတု သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ… နဟေတု သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ…။ (၁)
နဟေတု သဟေတုကော စ နဟေတု အဟေတုကော စ ဓမ္မာ နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – နဟေတူ သဟေတုကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နဟေတူ သဟေတုကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နဟေတူ သဟေတုကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော…ပေ…။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၉၅။ အာရမ္မဏေ စတ္တာရိ, အဓိပတိယာ စတ္တာရိ, အနန္တရေ စတ္တာရိ, သမနန္တရေ စတ္တာရိ, သဟဇာတေ သတ္တ, အညမညေ ဆ, နိဿယေ သတ္တ, ဥပနိဿယေ စတ္တာရိ, ပုရေဇာတေ ဒွေ, ပစ္ဆာဇာတေ ဒွေ, အာသေဝနေ ဒွေ, ကမ္မေ စတ္တာရိ, ဝိပါကေ စတ္တာရိ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ တီဏိ, သမ္ပယုတ္တေ ဒွေ, ဝိပ္ပယုတ္တေ တီဏိ, အတ္ထိယာ သတ္တ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ သတ္တ (ဧဝံ ဂဏေတဗ္ဗံ)
အနုလောမံ။
ပစ္စနီယုဒ္ဓါရော
* ၁၉၆။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
နဟေတု သဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၁၉၇။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော … အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နဟေတု အဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
* ၁၉၈။ နဟေတု သဟေတုကော စ နဟေတု အဟေတုကော စ ဓမ္မာ နဟေတုသဟေတုကဿ ဓမ္မဿ သဟဇာတံ… ပုရေဇာတံ။ (၁)
နဟေတု သဟေတုကော စ နဟေတု အဟေတုကော စ ဓမ္မာ နဟေတုအဟေတုကဿ ဓမ္မဿ သဟဇာတံ… ပစ္ဆာဇာတံ… အာဟာရံ… ဣန္ဒြိယံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၉၉။ နဟေတုယာ သတ္တ, နအာရမ္မဏေ သတ္တ (သံခိတ္တံ။ သဗ္ဗတ္ထ သတ္တ), နသဟဇာတေ ဆ, နအညမညေ ဆ, နနိဿယေ ဆ (သဗ္ဗတ္ထ သတ္တ),
နသမ္ပယုတ္တေ ဆ, နဝိပ္ပယုတ္တေ ပဉ္စ, နောအတ္ထိယာ ပဉ္စ, နောနတ္ထိယာ သတ္တ, နောဝိဂတေ သတ္တ, နောအဝိဂတေ ပဉ္စ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
အာရမ္မဏဒုကံ
* ၂၀၀။ အာရမ္မဏပစ္စယာ နဟေတုယာ စတ္တာရိ, နအဓိပတိယာ စတ္တာရိ, နအနန္တရေ စတ္တာရိ (သဗ္ဗတ္ထ စတ္တာရိ), နောနတ္ထိယာ စတ္တာရိ, နောဝိဂတေ စတ္တာရိ, နောအဝိဂတေ စတ္တာရိ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၂၀၁။ နဟေတုပစ္စယာ အာရမ္မဏေ စတ္တာရိ, အာဓိပတိယာ စတ္တာရိ…ပေ… အဝိဂတေ သတ္တ။
ပစ္စနီယာနုလောမံ။
နဟေတုသဟေတုကဒုကံ နိဋ္ဌိတံ။
ဟေတုဂေါစ္ဆကံ နိဋ္ဌိတံ။
၂။ စူဠန္တရဒုကံ
၇။ သပ္ပစ္စယဒုကံ
၁။ ပဋိစ္စဝါရော
၁-၄။ ပစ္စယာနုလောမာဒိ
* ၁။ သပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ – သပ္ပစ္စယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။
သပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ…ပေ… အဝိဂတပစ္စယာ။
* ၂။ ဟေတုယာ ဧကံ, အာရမ္မဏေ ဧကံ…ပေ… အဝိဂတေ ဧကံ။
အနုလောမံ။
* ၃။ သပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သပ္ပစ္စယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ …ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
* ၄။ နဟေတုယာ ဧကံ, နအာရမ္မဏေ ဧကံ, နအဓိပတိယာ ဧကံ…ပေ… နောဝိဂတေ ဧကံ။
ပစ္စနီယံ။
* ၅။ ဟေတုပစ္စယာ နအာရမ္မဏေ ဧကံ, နအဓိပတိယာ ဧကံ…ပေ… နောဝိဂတေ ဧကံ။
အနုလောမပစ္စနီယံ။
* ၆။ နဟေတုပစ္စယာ အာရမ္မဏေ ဧကံ အနန္တရေ ဧကံ…ပေ… အဝိဂတေ ဧကံ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၇။ သပ္ပစ္စယဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
* ၇။ သပ္ပစ္စယံ ဓမ္မံ ပစ္စယာ သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ – သပ္ပစ္စယံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… ဝတ္ထုံ ပစ္စယာ သပ္ပစ္စယာ ခန္ဓာ။
သပ္ပစ္စယံ ဓမ္မံ ပစ္စယာ သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ)။
၄-၆။ နိဿယ-သံသဋ္ဌ-သမ္ပယုတ္တဝါရော
(ဧဝံ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ဝိတ္ထာရေတဗ္ဗော, သဗ္ဗတ္ထ ဧကာယေဝ ပဉှာ။)
၇။ သပ္ပစ္စယဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၈။ သပ္ပစ္စယော ဓမ္မော သပ္ပစ္စယဿ ဓမ္မဿ ဟေတုပစ္စယေန ပစ္စယော – သပ္ပစ္စယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။
အာရမ္မဏပစ္စယော
* ၉။ သပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ, သီလံ သမာဒိယိတွာ, ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ၊ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ… သပ္ပစ္စယေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန
သပ္ပစ္စယစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… သပ္ပစ္စယာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၁၀။ သပ္ပစ္စယော ဓမ္မော သပ္ပစ္စယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ…ပေ… စက္ခုံ…ပေ… ဝတ္ထုံ… သပ္ပစ္စယေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သပ္ပစ္စယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အပ္ပစ္စယော ဓမ္မော သပ္ပစ္စယဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော။ (၁)
အနန္တရပစ္စယာဒိ
* ၁၁။ သပ္ပစ္စယော ဓမ္မော သပ္ပစ္စယဿ ဓမ္မဿ အနန္တရပစ္စယေန ပစ္စယော…ပေ… ဥပနိဿယပစ္စယေန ပစ္စယော…ပေ… (ဒွေ ပဉှာ ဥပနိဿယမူလံ) ပုရေဇာတပစ္စယေန ပစ္စယော…ပေ… အဝိဂတပစ္စယေန ပစ္စယော (သဗ္ဗတ္ထ ဧကာယေဝ ပဉှာ)။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၂။ ဟေတုယာ ဧကံ, အာရမ္မဏေ ဒွေ, အဓိပတိယာ ဒွေ, အနန္တရေ ဧကံ, သမနန္တရေ ဧကံ, သဟဇာတေ ဧကံ, အညမညေ ဧကံ, နိဿယေ ဧကံ, ဥပနိဿယေ ဒွေ, ပုရေဇာတေ ဧကံ (သဗ္ဗတ္ထ ဧကံ), အဝိဂတေ ဧကံ (ဧဝံ ဂဏေတဗ္ဗံ)။
အနုလောမံ။
ပစ္စနီယုဒ္ဓါရော
* ၁၃။ သပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
၂။ ပစ္စယပစ္စနီယံ
၂။ သင်္ချာဝါရော
* ၁၄။ နဟေတုယာ ဒွေ, နအာရမ္မဏေ ဧကံ, နအဓိပတိယာ ဒွေ, နအနန္တရေ ဒွေ, နသမနန္တရေ ဒွေ…ပေ… နဥပနိဿယေ ဒွေ, နပုရေဇာတေ ဒွေ…ပေ… နောဝိဂတေ ဒွေ, နောအဝိဂတေ ဒွေ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၅။ ဟေတုပစ္စယာ နအာရမ္မဏေ ဧကံ, နအဓိပတိယာ ဧကံ, နအနန္တရေ ဧကံ, နသမနန္တရေ ဧကံ, နအညမညေ ဧကံ, နဥပနိဿယေ ဧကံ…ပေ… နသမ္ပယုတ္တေ ဧကံ, နဝိပ္ပယုတ္တေ ဧကံ, နောနတ္ထိယာ ဧကံ, နောဝိဂတေ ဧကံ (ဧဝံ ဂဏေတဗ္ဗံ)။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၆။ နဟေတုပစ္စယာ အာရမ္မဏေ ဒွေ, အဓိပတိယာ ဒွေ, အနန္တရေ ဧကံ…ပေ… ဥပနိဿယေ ဒွေ, ပုရေဇာတေ ဧကံ…ပေ… အဝိဂတေ ဧကံ (ဧဝံ ဂဏေတဗ္ဗံ)။
ပစ္စနီယာနုလောမံ။
သပ္ပစ္စယဒုကံ နိဋ္ဌိတံ။
၈။ သင်္ခတဒုကံ
၁။ ပဋိစ္စဝါရော
ဟေတုပစ္စယော
* ၁၇။ သင်္ခတံ ဓမ္မံ ပဋိစ္စ သင်္ခတော ဓမ္မော ဥပ္ပဇ္ဇတိ ဟေတုပစ္စယာ – သင်္ခတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။
(ဣမံ ဒုကံ ယထာ သပ္ပစ္စယဒုကံ, ဧဝံ ဂဏေတဗ္ဗံ, နိန္နာနာကရဏံ။)
သင်္ခတဒုကံ နိဋ္ဌိတံ။
၉။ သနိဒဿနဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၈။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… မဟာဘူတေ ပဋိစ္စ သနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ သနိဒဿနဉ္စ အနိဒဿနဉ္စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… မဟာဘူတေ ပဋိစ္စ သနိဒဿနဉ္စ အနိဒဿနဉ္စ စိတ္တသမုဋ္ဌာနဉ္စ ရူပံ ကဋတ္တာရူပံ ဥပါဒါရူပံ။ (၃)
အာရမ္မဏပစ္စယော
* ၁၉။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
အဓိပတိပစ္စယော
* ၂၀။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ဥပါဒါရူပံ။ (၁)
အနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ, မဟာဘူတေ ပဋိစ္စ သနိဒဿနံ စိတ္တသမုဋ္ဌာနံ ရူပံ။ (၂)
အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ အဓိပတိပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ သနိဒဿနဉ္စ အနိဒဿနဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… မဟာဘူတေ ပဋိစ္စ သနိဒဿနဉ္စ အနိဒဿနဉ္စ စိတ္တသမုဋ္ဌာနံ ရူပံ ဥပါဒါရူပံ။ (၃) (သံခိတ္တံ, သဗ္ဗေ ကာတဗ္ဗာ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၂၁။ ဟေတုယာ တီဏိ, အာရမ္မဏေ ဧကံ, အဓိပတိယာ တီဏိ, အနန္တရေ ဧကံ, သမနန္တရေ ဧကံ, သဟဇာတေ တီဏိ, အညမညေ ဧကံ, နိဿယေ တီဏိ, ဥပနိဿယေ ဧကံ, ပုရေဇာတေ ဧကံ, အာသေဝနေ ဧကံ, ကမ္မေ တီဏိ, ဝိပါကေ တီဏိ (သဗ္ဗတ္ထ တီဏိ), မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ တီဏိ, အတ္ထိယာ တီဏိ, နတ္ထိယာ ဧကံ, ဝိဂတေ ဧကံ, အဝိဂတေ တီဏိ (ဧဝံ ဂဏေတဗ္ဗံ)။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၂၂။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… မဟာဘူတေ ပဋိစ္စ သနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ… ဗာဟိရေ… အာဟာရသမုဋ္ဌာနေ… ဥတုသမုဋ္ဌာနေ… အသညသတ္တာနံ မဟာဘူတေ ပဋိစ္စ သနိဒဿနံ ကဋတ္တာရူပံ ဥပါဒါရူပံ။ (၂)
အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပဋိစ္စ တယော ခန္ဓာ
သနိဒဿနဉ္စ အနိဒဿနဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… မဟာဘူတေ ပဋိစ္စ…ပေ… ဗာဟိရေ… အာဟာရသမုဋ္ဌာနေ… ဥတုသမုဋ္ဌာနေ… အသညသတ္တာနံ မဟာဘူတေ ပဋိစ္စ သနိဒဿနဉ္စ အနိဒဿနဉ္စ ကဋတ္တာရူပံ, ဥပါဒါရူပံ။ (၃) (ဧဝံ သဗ္ဗေ ကာတဗ္ဗာ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၃။ နဟေတုယာ တီဏိ, နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ တီဏိ, နပစ္ဆာဇာတေ တီဏိ, နအာသေဝနေ တီဏိ, နကမ္မေ တီဏိ, နဝိပါကေ တီဏိ, နအာဟာရေ တီဏိ, နဣန္ဒြိယေ တီဏိ, နဈာနေ တီဏိ, နမဂ္ဂေ တီဏိ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၂၄။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ (သဗ္ဗတ္ထ တီဏိ), နကမ္မေ ဧကံ, နဝိပါကေ တီဏိ, နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၂၅။ နဟေတုပစ္စယာ အာရမ္မဏေ ဧကံ, အနန္တရေ ဧကံ, သမနန္တရေ ဧကံ, သဟဇာတေ တီဏိ, အညမညေ ဧကံ, နိဿယေ တီဏိ, ဥပနိဿယေ
ဧကံ, ပုရေဇာတေ ဧကံ, အာသေဝနေ ဧကံ, ကမ္မေ တီဏိ…ပေ… ဈာနေ တီဏိ, မဂ္ဂေ ဧကံ, သမ္ပယုတ္တေ ဧကံ, ဝိပ္ပယုတ္တေ တီဏိ, အတ္ထိယာ တီဏိ, နတ္ထိယာ ဧကံ, ဝိဂတေ ဧကံ, အဝိဂတေ တီဏိ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၉။ သနိဒဿနဒုက
၃။ ပစ္စယဝါရော
၁။ ပစ္စယာနုလောမံ
ဟေတုပစ္စယော
* ၂၆။ အနိဒဿနံ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနံ ဧကံ ခန္ဓံ ပစ္စယာ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ၊ ဧကံ မဟာဘူတံ ပစ္စယာ…ပေ… မဟာဘူတေ ပစ္စယာ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ, ဝတ္ထုံ ပစ္စယာ အနိဒဿနာ ခန္ဓာ (ဣတရေပိ ဒွေ ပဉှာ ကာတဗ္ဗာ)။
အာရမ္မဏပစ္စယော
* ၂၇။ အနိဒဿနံ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ – အနိဒဿနံ ဧကံ ခန္ဓံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အနိဒဿနာ ခန္ဓာ (သံခိတ္တံ)။
* ၂၈။ ဟေတုယာ တီဏိ, အာရမ္မဏေ ဧကံ, အဓိပတိယာ တီဏိ…ပေ… အဝိဂတေ တီဏိ။
အနုလောမံ။
၂။ ပစ္စယပစ္စနီယံ
နဟေတုပစ္စယော
* ၂၉။ အနိဒဿနံ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပစ္စယာ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ အနိဒဿနာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (ဣတရေပိ ဒွေ ကာတဗ္ဗာ။ သံခိတ္တံ)။
* ၃၀။ နဟေတုယာ တီဏိ, နအာရမ္မဏေ တီဏိ…ပေ… နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
* ၃၁။ ဟေတုပစ္စယာ နအာရမ္မဏေ တီဏိ…ပေ… နကမ္မေ ဧကံ…ပေ… နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
* ၃၂။ နဟေတုပစ္စယာ အာရမ္မဏေ ဧကံ…ပေ… မဂ္ဂေ ဧကံ…ပေ… အဝိဂတေ တီဏိ။
ပစ္စနီယာနုလောမံ။
၄။ နိဿယဝါရော
(နိဿယဝါရောပိ ဧဝံ ကာတဗ္ဗော။)
၉။ သနိဒဿနဒုက
၅။ သံသဋ္ဌဝါရော
၁။ ပစ္စယာနုလောမံ
* ၃၃။ အနိဒဿနံ ဓမ္မံ သံသဋ္ဌော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။
အနိဒဿနံ ဓမ္မံ သံသဋ္ဌော အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ (ဧဝံ သဗ္ဗံ သပ္ပစ္စယဂဏနာဟိ သဒ္ဓိံ ကာတဗ္ဗံ)။
၆။ သမ္ပယုတ္တဝါရော
(သမ္ပယုတ္တဝါရောပိ သံသဋ္ဌဝါရသဒိသော)။
၉။ သနိဒဿနဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၄။ အနိဒဿနော ဓမ္မော အနိဒဿနဿ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သမ္ပယုတ္တကာနံ ခန္ဓာနံ အနိဒဿနာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အနိဒဿနော ဓမ္မော သနိဒဿနဿ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သနိဒဿနာနံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သမ္ပယုတ္တကာနံ ခန္ဓာနံ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၃၅။ သနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော၊ သနိဒဿနာ ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ,
ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ကာယံ… သဒ္ဒေ…ပေ… ဝတ္ထုံ အနိဒဿနေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန အနိဒဿနစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အနိဒဿနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၃၆။ သနိဒဿနော ဓမ္မော အနိဒဿနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သနိဒဿနံ ရူပံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနိဒဿနော ဓမ္မော အနိဒဿနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ အနိဒဿနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အနိဒဿနာဓိပတိ သမ္ပယုတ္တကာနံ ခန္ဓာနံ အနိဒဿနာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အနိဒဿနာဓိပတိ သနိဒဿနာနံ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အနိဒဿနာဓိပတိ သမ္ပယုတ္တကာနံ
ခန္ဓာနံ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
* ၃၇။ အနိဒဿနော ဓမ္မော အနိဒဿနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနိဒဿနာ ခန္ဓာ ပစ္ဆိမာနံ ပစ္ဆိမာနံ အနိဒဿနာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဂေါတြဘု မဂ္ဂဿ…ပေ… နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
သမနန္တရပစ္စယာဒိ
* ၃၈။ အနိဒဿနော ဓမ္မော အနိဒဿနဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… တီဏိ… အညမညပစ္စယေန ပစ္စယော… ဧကံ… နိဿယပစ္စယေန ပစ္စယော… တီဏိ။
ဥပနိဿယပစ္စယော
* ၃၉။ သနိဒဿနော ဓမ္မော အနိဒဿနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – ဝဏ္ဏသမ္ပဒံ ပတ္ထယမာနော ဒါနံ…ပေ… သီလံ…ပေ… ဥပေါသထကမ္မံ ကရောတိ, ဝဏ္ဏသမ္ပဒါ သဒ္ဓါယ…ပေ… ပတ္ထနာယ… ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
အနိဒဿနော ဓမ္မော အနိဒဿနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၄၀။ သနိဒဿနော ဓမ္မော အနိဒဿနဿ ဓမ္မဿ ပုရေဇာတပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန
စက္ခုနာ ရူပံ ပဿတိ, ရူပါယတနံ စက္ခုဝိညာဏဿ ပုရေဇာတပစ္စယေန ပစ္စယော။ (၁)
အနိဒဿနော ဓမ္မော အနိဒဿနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ဒိဗ္ဗာယ သောတဓာတုယာ သဒ္ဒံ သုဏာတိ, သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ ပုရေဇာတပစ္စယေန ပစ္စယော။ (၁)
သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ ရူပါယတနဉ္စ ဝတ္ထု စ အနိဒဿနာနံ ခန္ဓာနံ ပုရေဇာတပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ ပုရေဇာတပစ္စယေန ပစ္စယော။ (၁)
ပစ္ဆာဇာတပစ္စယော
* ၄၁။ အနိဒဿနော ဓမ္မော အနိဒဿနဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ ပစ္ဆာဇာတပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ ပစ္ဆာဇာတပစ္စယေန ပစ္စယော။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ သနိဒဿနဿ စ အနိဒဿနဿ စ ကာယဿ ပစ္ဆာဇာတပစ္စယေန ပစ္စယော။ (၃)
အာသေဝနပစ္စယော
* ၄၂။ အနိဒဿနော ဓမ္မော အနိဒဿနဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အနိဒဿနာ ခန္ဓာ ပစ္ဆိမာနံ ပစ္ဆိမာနံ အနိဒဿနာနံ ခန္ဓာနံ…ပေ… အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)
ကမ္မပစ္စယော
* ၄၃။ အနိဒဿနော ဓမ္မော အနိဒဿနဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အနိဒဿနာ စေတနာ သမ္ပယုတ္တကာနံ ခန္ဓာနံ အနိဒဿနာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အနိဒဿနာ စေတနာ ဝိပါကာနံ ခန္ဓာနံ အနိဒဿနာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ (ဝိတ္ထာရေတဗ္ဗံ)။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ (ဝိတ္ထာရေတဗ္ဗံ)။ (၃)
ဝိပါကပစ္စယာဒိ
* ၄၄။ အနိဒဿနော ဓမ္မော အနိဒဿနဿ ဓမ္မဿ ဝိပါကပစ္စယေန ပစ္စယော… တီဏိ… အာဟာရပစ္စယေန ပစ္စယော… တီဏိ (တီသုပိ ကဗဠီကာရော အာဟာရော ကာတဗ္ဗော)… ဣန္ဒြိယပစ္စယေန ပစ္စယော… တီဏိ (တီသုပိ ရူပဇီဝိတိန္ဒြိယံ)… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၄၅။ အနိဒဿနော ဓမ္မော အနိဒဿနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – အနိဒဿနာ ခန္ဓာ အနိဒဿနာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အနိဒဿနာ ခန္ဓာ အနိဒဿနာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော, ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ ဝိပ္ပယုတ္တပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အနိဒဿနာ ခန္ဓာ သနိဒဿနာနံ
စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ ဝိပ္ပယုတ္တပစ္စယေန ပစ္စယော။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အနိဒဿနာ ခန္ဓာ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ စ အနိဒဿနဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယာဒိ
* ၄၆။ သနိဒဿနော ဓမ္မော အနိဒဿနဿ ဓမ္မဿ အတ္ထိပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ, ဒိဗ္ဗေန စက္ခုနာ ရူပံ ပဿတိ, ရူပါယတနံ စက္ခုဝိညာဏဿ အတ္ထိပစ္စယေန ပစ္စယော။ (၁)
အနိဒဿနော ဓမ္မော အနိဒဿနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – အနိဒဿနော ဧကော ခန္ဓော တိဏ္ဏန္နံ ခန္ဓာနံ အနိဒဿနာနဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓေ…ပေ… (သံခိတ္တံ။ ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ဒိဗ္ဗာယ သောတဓာတုယာ သဒ္ဒံ သုဏာတိ, သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ အနိဒဿနဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ အနိဒဿနာနံ ကဋတ္တာရူပါနံ အတ္ထိပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – အနိဒဿနာ ခန္ဓာ သနိဒဿနာနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… မဟာဘူတာ သနိဒဿနာနံ စိတ္တသမုဋ္ဌာနာနံ ရူပါနံ
ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော…ပေ… ဗာဟိရာ… အာဟာရသမုဋ္ဌာနာ… ဥတုသမုဋ္ဌာနာ… အသညသတ္တာနံ မဟာဘူတာ သနိဒဿနာနံ ကဋတ္တာရူပါနံ, ဥပါဒါရူပါနံ အတ္ထိပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သနိဒဿနဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သနိဒဿနာနံ ကဋတ္တာရူပါနံ အတ္ထိပစ္စယေန ပစ္စယော။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – အနိဒဿနော ဧကော ခန္ဓော တိဏ္ဏန္နံ ခန္ဓာနံ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… မဟာဘူတာ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ, ကဋတ္တာရူပါနံ, ဥပါဒါရူပါနံ အတ္ထိပစ္စယေန ပစ္စယော၊ ဗာဟိရာ… အာဟာရသမုဋ္ဌာနာ… ဥတုသမုဋ္ဌာနာ… အသညသတ္တာနံ မဟာဘူတာ သနိဒဿနာနဉ္စ အနိဒဿနာနဉ္စ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ (၃)
* ၄၇။ သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ရူပါယတနဉ္စ ဝတ္ထု စ အနိဒဿနာနံ ခန္ဓာနံ အတ္ထိပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော။
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၈။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ တီဏိ, အညမညေ ဧကံ, နိဿယေ တီဏိ, ဥပနိဿယေ ဒွေ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ တီဏိ,
ဣန္ဒြိယေ တီဏိ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ တီဏိ, အတ္ထိယာ ပဉ္စ, နတ္ထိယာ ဧကံ, ဝိဂတေ ဧကံ, အဝိဂတေ ပဉ္စ (ဧဝံ ဂဏေတဗ္ဗံ)။
အနုလောမံ။
ပစ္စနီယုဒ္ဓါရော
* ၄၉။ သနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အနိဒဿနော ဓမ္မော သနိဒဿနဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)
အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)
သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ ပုရေဇာတပစ္စယေန ပစ္စယော။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၀။ နဟေတုယာ ပဉ္စ, နအာရမ္မဏေ စတ္တာရိ, နအဓိပတိယာ ပဉ္စ, နအနန္တရေ ပဉ္စ, နသမနန္တရေ ပဉ္စ, နသဟဇာတေ ပဉ္စ, နအညမညေ ပဉ္စ, နနိဿယေ စတ္တာရိ, နဥပနိဿယေ ပဉ္စ, နပုရေဇာတေ စတ္တာရိ, နပစ္ဆာဇာတေ ပဉ္စ (သဗ္ဗတ္ထ ပဉ္စ), နသမ္ပယုတ္တေ ပဉ္စ, နဝိပ္ပယုတ္တေ စတ္တာရိ, နောအတ္ထိယာ စတ္တာရိ, နောနတ္ထိယာ ပဉ္စ, နောဝိဂတေ ပဉ္စ, နောအဝိဂတေ စတ္တာရိ။
ပစ္စနီယံ။
ဟေတုဒုကံ
၃။ ပစ္စယာနုလောမပစ္စနီယံ
* ၅၁။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ…ပေ… နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၅၂။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ တီဏိ, အညမညေ ဧကံ, နိဿယေ တီဏိ, ဥပနိဿယေ ဒွေ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ ဧကံ, ကမ္မေ တီဏိ…ပေ… မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ တီဏိ, အတ္ထိယာ ပဉ္စ, နတ္ထိယာ ဧကံ, ဝိဂတေ ဧကံ, အဝိဂတေ ပဉ္စ။
ပစ္စနီယာနုလောမံ။
သနိဒဿနဒုကံ နိဋ္ဌိတံ။
၁၀။ သပ္ပဋိဃဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၃။ သပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ, ဒွေ မဟာဘူတေ ပဋိစ္စ ဧကံ
မဟာဘူတံ, သပ္ပဋိဃေ မဟာဘူတေ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနံ ပဋိစ္စ စက္ခာယတနံ…ပေ… ရသာယတနံ။ (၁)
သပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – သပ္ပဋိဃေ မဟာဘူတေ ပဋိစ္စ အာပေါဓာတု, သပ္ပဋိဃေ မဟာဘူတေ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနံ ပဋိစ္စ အာပေါဓာတု ဣတ္ထိန္ဒြိယံ…ပေ… ကဗဠီကာရော အာဟာရော။ (၂)
သပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓာတု စ, ဒွေ မဟာဘူတေ…ပေ… သပ္ပဋိဃေ မဟာဘူတေ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနံ ပဋိစ္စ စက္ခာယတနံ…ပေ… ရသာယတနံ အာပေါဓာတု ဣတ္ထိန္ဒြိယံ…ပေ… ကဗဠီကာရော အာဟာရော။ (၃)
* ၅၄။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, အာပေါဓာတုံ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, အာပေါဓာတုံ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော။ (၁)
အပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… အာပေါဓာတုံ ပဋိစ္စ သပ္ပဋိဃာ မဟာဘူတာ, အာပေါဓာတုံ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, အာပေါဓာတုံ ပဋိစ္စ စက္ခာယတနံ…ပေ… ဖောဋ္ဌဗ္ဗာယတနံ။ (၂)
အပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… အာပေါဓာတုံ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, အာပေါဓာတုံ ပဋိစ္စ စက္ခာယတနံ…ပေ… ဖောဋ္ဌဗ္ဗာယတနံ, ဣတ္ထိန္ဒြိယံ…ပေ… ကဗဠီကာရော အာဟာရော။ (၃)
* ၅၅။ သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… သပ္ပဋိဃံ ဧကံ မဟာဘူတဉ္စ အာပေါဓာတုဉ္စ ပဋိစ္စ ဒွေ မဟာဘူတာ…ပေ… သပ္ပဋိဃေ မဟာဘူတေ စ အာပေါဓာတုဉ္စ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ စက္ခာယတနံ…ပေ…။ (၁)
သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ စ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ အပ္ပဋိဃေ ခန္ဓေ စ မဟာဘူတေ စ ပဋိစ္စ အပ္ပဋိဃံ ကဋတ္တာရူပံ, ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော။ (၂)
သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃဉ္စ အပ္ပဋိဃဉ္စ ကဋတ္တာရူပံ, ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ စက္ခာယတနံ…ပေ… ရသာယတနံ, ဣတ္ထိန္ဒြိယံ…ပေ… ကဗဠီကာရော အာဟာရော။ (၃)
အာရမ္မဏပစ္စယော
* ၅၆။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။
အဓိပတိပစ္စယာဒိ
* ၅၇။ သပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အဓိပတိပစ္စယာ (ပဋိသန္ဓိ ဝဇ္ဇေတဗ္ဗာ, ကဋတ္တာရူပါ စ)… အနန္တရပစ္စယာ… သမနန္တရပစ္စယာ… သဟဇာတပစ္စယာ (သဗ္ဗေ မဟာဘူတာ ကာတဗ္ဗာ)… အညမညပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ, ဒွေ မဟာဘူတေ…ပေ…။ (၁)
သပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – သပ္ပဋိဃေ မဟာဘူတေ ပဋိစ္စ အာပေါဓာတု…ပေ…။ (၂)
သပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ အညမညပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓာတု စ, ဒွေ မဟာဘူတေ…ပေ…။ (၃)
* ၅၈။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ။ (၁)
အပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အာပေါဓာတုံ ပဋိစ္စ သပ္ပဋိဃာ မဟာဘူတာ (ဣမေ အဇ္ဈတ္တိကဗာဟိရာ မဟာဘူတာ ကာတဗ္ဗာ)။ (၂)
သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – သပ္ပဋိဃံ ဧကံ မဟာဘူတဉ္စ အာပေါဓာတုဉ္စ ပဋိစ္စ ဒွေ မဟာဘူတာ…ပေ… နိဿယပစ္စယာ…ပေ… အဝိဂတပစ္စယာ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၉။ ဟေတုယာ နဝ, အာရမ္မဏေ ဧကံ, အဓိပတိယာ နဝ, အနန္တရေ ဧကံ, သမနန္တရေ ဧကံ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဧကံ, ပုရေဇာတေ ဧကံ, အာသေဝနေ ဧကံ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ ဧကံ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဧကံ, ဝိဂတေ ဧကံ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆၀။ သပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ… တီဏိ။
အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, အာပေါဓာတုံ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, အာပေါဓာတုံ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ… အာပေါဓာတုံ ပဋိစ္စ အပ္ပဋိဃံ ကဋတ္တာရူပံ ဥပါဒါရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
(အပ္ပဋိဃမူလကံ ဣတရေပိ ဒွေ ပဉှာ ကာတဗ္ဗာ။ ဃဋနေပိ တီဏိ ပဉှာ ကာတဗ္ဗာ။ အဇ္ဈတ္တိကာ ဗာဟိရာ မဟာဘူတာ သဗ္ဗေ ဇာနိတွာ ကာတဗ္ဗာ။)
နအာရမ္မဏပစ္စယာဒိ
* ၆၁။ သပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ (သဗ္ဗံ သံခိတ္တံ)… နောဝိဂတပစ္စယာ။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆၂။ နဟေတုယာ နဝ, နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ နဝ, နဝိပါကေ နဝ, နအာဟာရေ နဝ, နဣန္ဒြိယေ နဝ, နဈာနေ နဝ, နမဂ္ဂေ နဝ, နသမ္ပယုတ္တေ နဝ, နဝိပ္ပယုတ္တေ နဝ, နောနတ္ထိယာ နဝ, နောဝိဂတေ နဝ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၆၃။ ဟေတုပစ္စယာ နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဧကံ, နဝိပါကေ နဝ, နသမ္ပယုတ္တေ နဝ, နဝိပ္ပယုတ္တေ ဧကံ, နောနတ္ထိယာ နဝ, နောဝိဂတေ နဝ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၆၄။ နဟေတုပစ္စယာ အာရမ္မဏေ ဧကံ, အနန္တရေ ဧကံ, သမနန္တရေ ဧကံ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဧကံ, ပုရေဇာတေ ဧကံ, အာသေဝနေ ဧကံ, ကမ္မေ နဝ…ပေ… မဂ္ဂေ ဧကံ, သမ္ပယုတ္တေ ဧကံ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဧကံ, ဝိဂတေ ဧကံ, အဝိဂတေ နဝ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၁၀။ သပ္ပဋိဃဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၅။ သပ္ပဋိဃံ ဓမ္မံ ပစ္စယာ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… တီဏိ။
အပ္ပဋိဃံ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃံ ဧကံ ခန္ဓံ ပစ္စယာ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ …ပေ… အာပေါဓာတုံ ပစ္စယာ အပ္ပဋိဃံ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, အာပေါဓာတုံ ပစ္စယာ ဣတ္ထိန္ဒြိယံ…ပေ… ကဗဠီကာရော အာဟာရော, ဝတ္ထုံ ပစ္စယာ အပ္ပဋိဃာ ခန္ဓာ။ (၁)
(အဝသေသာ ပဉ္စ ပဉှာ ပဋိစ္စဝါရသဒိသာ။)
အာရမ္မဏပစ္စယာဒိ
* ၆၆။ သပ္ပဋိဃံ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၁)
အပ္ပဋိဃံ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – အပ္ပဋိဃံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ အပ္ပဋိဃာ ခန္ဓာ။ (၁)
သပ္ပဋိဃဉ္စ အပ္ပဋိဃဉ္စ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ကာယဝိညာဏသဟဂတံ ဧကံ ခန္ဓဉ္စ ကာယာယတနဉ္စ ပစ္စယာ တယော ခန္ဓာ…ပေ… အဓိပတိပစ္စယာ… (သံခိတ္တံ) အဝိဂတပစ္စယာ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၆၇။ ဟေတုယာ နဝ, အာရမ္မဏေ တီဏိ, အဓိပတိယာ နဝ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ တီဏိ, အာသေဝနေ ဧကံ, ကမ္မေ နဝ…ပေ… အဝိဂတေ နဝ (ဧဝံ ပစ္စနီယဂဏနာပိ ကာတဗ္ဗာ)။
၄။ နိဿယဝါရော
(နိဿယဝါရောပိ ပစ္စယဝါရသဒိသော။)
၅။ သံသဋ္ဌဝါရော
(သံသဋ္ဌဝါရေပိ သဗ္ဗတ္ထ ဧကံ, သံခိတ္တံ။ အဝိဂတပစ္စယာ, ဧကာယေဝ ပဉှာ။ ဒွေပိ ဝါရာ ကာတဗ္ဗာ။)
၁၀။ သပ္ပဋိဃဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၈။ အပ္ပဋိဃော ဓမ္မော အပ္ပဋိဃဿ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သပ္ပဋိဃာနံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၆၉။ သပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… သပ္ပဋိဃာ ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ, ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန အပ္ပဋိဃစိတ္တသမင်္ဂိဿ စိတ္တံ ဇာနာတိ,
အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… အပ္ပဋိဃာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၇၀။ သပ္ပဋိဃော ဓမ္မော အပ္ပဋိဃဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ဖောဋ္ဌဗ္ဗေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ, ကဗဠီကာရံ အာဟာရံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အပ္ပဋိဃာဓိပတိ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပဋိဃာဓိပတိ သပ္ပဋိဃာနံ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပဋိဃာဓိပတိ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
* ၇၁။ အပ္ပဋိဃော ဓမ္မော အပ္ပဋိဃဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အပ္ပဋိဃာ ခန္ဓာ…ပေ… ဖလသမာပတ္တိယာ အနန္တရပစ္စယေန ပစ္စယော။
သမနန္တရပစ္စယော
* ၇၂။ အပ္ပဋိဃော ဓမ္မော အပ္ပဋိဃဿ ဓမ္မဿ သမနန္တရပစ္စယေန ပစ္စယော…ပေ…။
သဟဇာတပစ္စယာဒိ
* ၇၃။ သပ္ပဋိဃော ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… ဆ… နိဿယပစ္စယေန ပစ္စယော… နဝ။
ဥပနိဿယပစ္စယော
* ၇၄။ သပ္ပဋိဃော ဓမ္မော အပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – ဥတုံ, သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတု, သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… ဒိဋ္ဌိံ ဂဏှာတိ၊ သီလံ…ပေ… ကာယိကံ သုခံ, ကာယိကံ ဒုက္ခံ, ဘောဇနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… ဘောဇနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၇၅။ သပ္ပဋိဃော ဓမ္မော အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ပုရေဇာတပစ္စယေန ပစ္စယော။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – ဝတ္ထုံ…ပေ… ဣတ္ထိန္ဒြိယံ, ပုရိသိန္ဒြိယံ, ဇီဝိတိန္ဒြိယံ, အာပေါဓာတုံ, ကဗဠီကာရံ အာဟာရံ
အနိစ္စတော…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု အပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)
သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စက္ခာယတနဉ္စ ဝတ္ထု စ…ပေ… ဖောဋ္ဌဗ္ဗာယတနဉ္စ ဝတ္ထု စ အပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)
ပစ္ဆာဇာတပစ္စယော
* ၇၆။ အပ္ပဋိဃော ဓမ္မော အပ္ပဋိဃဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ စ အပ္ပဋိဃဿ စ ကာယဿ ပစ္ဆာဇာတပစ္စယေန ပစ္စယော (ဒွိန္နမ္ပိ မူလာ ကာတဗ္ဗာ)။ (၃)
အာသေဝနပစ္စယော
* ၇၇။ အပ္ပဋိဃော ဓမ္မော အပ္ပဋိဃဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အပ္ပဋိဃာ ခန္ဓာ…ပေ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)
ကမ္မပစ္စယော
* ၇၈။ အပ္ပဋိဃော ဓမ္မော အပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အပ္ပဋိဃာ စေတနာ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ ဝိပါကာနံ ခန္ဓာနံ အပ္ပဋိဃာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အပ္ပဋိဃာ စေတနာ သပ္ပဋိဃာနံ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ သပ္ပဋိဃာနံ ကဋတ္တာရူပါနံ ကမ္မပစ္စယေန ပစ္စယော။ (၂)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အပ္ပဋိဃာ စေတနာ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ ဝိပါကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
* ၇၉။ အပ္ပဋိဃော ဓမ္မော အပ္ပဋိဃဿ ဓမ္မဿ ဝိပါကပစ္စယေန ပစ္စယော – ဝိပါကော အပ္ပဋိဃော…ပေ… တီဏိ။
အာဟာရပစ္စယော
* ၈၀။ အပ္ပဋိဃော ဓမ္မော အပ္ပဋိဃဿ ဓမ္မဿ အာဟာရပစ္စယေန ပစ္စယော – အပ္ပဋိဃာ အာဟာရာ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ အပ္ပဋိဃဿ ကာယဿ အာဟာရပစ္စယေန ပစ္စယော (အဝသေသာ ဒွေပိ ပဉှာ ကာတဗ္ဗာ, ပဋိသန္ဓိ ကဗဠီကာရော အာဟာရော ဒွီသုပိ ကာတဗ္ဗော အဂ္ဂေ)။ (၃)
ဣန္ဒြိယပစ္စယာဒိ
* ၈၁။ သပ္ပဋိဃော ဓမ္မော အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော… တီဏိ (တီသုပိ ဇီဝိတိန္ဒြိယံ အဂ္ဂေ ကာတဗ္ဗံ)။ (၃)
သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ ကာယဝိညာဏဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၈၂။ သပ္ပဋိဃော ဓမ္မော အပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ (၁)
အပ္ပဋိဃော ဓမ္မော အပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – အပ္ပဋိဃာ ခန္ဓာ အပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော, ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အပ္ပဋိဃာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အပ္ပဋိဃာ ခန္ဓာ သပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၂)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အပ္ပဋိဃာ ခန္ဓာ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ …ပေ…။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ စ အပ္ပဋိဃဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယော
* ၈၃။ သပ္ပဋိဃော ဓမ္မော သပ္ပဋိဃဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသာ ပဌမပဉှာ)။ (၁)
သပ္ပဋိဃော ဓမ္မော အပ္ပဋိဃဿ ဓမ္မဿ အတ္ထိပစ္စယေန ပစ္စယော သဟဇာတံ, ပုရေဇာတံ။ သဟဇာတာ – သပ္ပဋိဃာ မဟာဘူတာ အာပေါဓာတုယာ အတ္ထိပစ္စယေန ပစ္စယော, သပ္ပဋိဃာ မဟာဘူတာ အပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော၊ ဖောဋ္ဌဗ္ဗာယတနံ ဣတ္ထိန္ဒြိယဿ…ပေ… ကဗဠီကာရဿ အာဟာရဿ အတ္ထိပစ္စယေန
ပစ္စယော၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ ပုရေဇာတံ – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော။ (၂)
သပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော – သပ္ပဋိဃံ ဧကံ မဟာဘူတံ ဒွိန္နံ မဟာဘူတာနံ အာပေါဓာတုယာ စ အတ္ထိပစ္စယေန ပစ္စယော…ပေ… (ပဋိစ္စသဒိသံ ယာဝ အသညသတ္တာ)။ (၃)
* ၈၄။ အပ္ပဋိဃော ဓမ္မော အပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – အပ္ပဋိဃော ဧကော ခန္ဓော တိဏ္ဏန္နံ ခန္ဓာနံ…ပေ… (ယာဝ အသညသတ္တာ)။ ပုရေဇာတံ – ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဝတ္ထု အပ္ပဋိဃာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ အပ္ပဋိဃဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ အပ္ပဋိဃာနံ ကဋတ္တာရူပါနံ အတ္ထိပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – အပ္ပဋိဃာ ခန္ဓာ သပ္ပဋိဃာနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… အာပေါဓာတု သပ္ပဋိဃာနံ မဟာဘူတာနံ အတ္ထိပစ္စယေန ပစ္စယော၊ အာပေါဓာတု သပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော၊ အာပေါဓာတု စက္ခာယတနဿ…ပေ… ဖောဋ္ဌဗ္ဗာယတနဿ အတ္ထိပစ္စယေန ပစ္စယော၊ ဗာဟိရံ, အာဟာရသမုဋ္ဌာနံ, ဥတုသမုဋ္ဌာနံ, အသညသတ္တာနံ…ပေ…။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သပ္ပဋိဃဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သပ္ပဋိဃာနံ ကဋတ္တာရူပါနံ အတ္ထိပစ္စယေန ပစ္စယော။ (၂)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော –
အပ္ပဋိဃော ဧကော ခန္ဓော တိဏ္ဏန္နံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ…ပေ… (ပဋိစ္စသဒိသံ ယာဝ အသညသတ္တာ)။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ စ အပ္ပဋိဃဿ စ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သပ္ပဋိဃဿ စ အပ္ပဋိဃဿ စ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သပ္ပဋိဃာနဉ္စ အပ္ပဋိဃာနဉ္စ ကဋတ္တာရူပါနံ အတ္ထိပစ္စယေန ပစ္စယော။ (၃)
* ၈၅။ သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ ယာဝ အသညသတ္တာ)။ (၁)
သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – အပ္ပဋိဃာ ခန္ဓာ စ မဟာဘူတာ စ အပ္ပဋိဃာနံ စိတ္တသမုဋ္ဌာနာနံ ရူပါနံ…ပေ… (ပဋိစ္စသဒိသံ ယာဝ အသညသတ္တာ)။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ…ပေ… ကာယဝိညာဏသဟဂတော ဧကော ခန္ဓော စ ကာယာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၂)
သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၈၆။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဒွေ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ တီဏိ, ဣန္ဒြိယေ ပဉ္စ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ စတ္တာရိ, အတ္ထိယာ နဝ, နတ္ထိယာ ဧကံ, ဝိဂတေ ဧကံ, အဝိဂတေ နဝ (ဧဝံ ဂဏေတဗ္ဗံ)။
အနုလောမံ။
၂။ ပစ္စနီယုဒ္ဓါရော
* ၈၇။ သပ္ပဋိဃော ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)
သပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော, သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
သပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၃)
* ၈၈။ အပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အပ္ပဋိဃော ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော … ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)
အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)
* ၈၉။ သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)
သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ သဟဇာတံ, ပုရေဇာတံ။ (၂)
သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၉၀။ နဟေတုယာ နဝ…ပေ… နအနန္တရေ နဝ, နသမနန္တရေ နဝ, နသဟဇာတေ စတ္တာရိ, နအညမညေ နဝ, နနိဿယေ စတ္တာရိ, နဥပနိဿယေ နဝ, နပုရေဇာတေ နဝ…ပေ… နသမ္ပယုတ္တေ နဝ, နဝိပ္ပယုတ္တေ နဝ, နောအတ္ထိယာ စတ္တာရိ, နောနတ္ထိယာ နဝ, နောဝိဂတေ နဝ, နောအဝိဂတေ စတ္တာရိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၉၁။ ဟေတုပစ္စယာ နအာရမ္မဏေ တီဏိ…ပေ… နအနန္တရေ တီဏိ, နအညမညေ တီဏိ, နဥပနိဿယေ တီဏိ…ပေ… နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၉၂။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ (အနုလောမမာတိကာ ဂဏေတဗ္ဗာ), အဝိဂတေ နဝ။
ပစ္စနီယာနုလောမံ။
သပ္ပဋိဃဒုကံ နိဋ္ဌိတံ။
၁၁။ ရူပီဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၃။ ရူပိံ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ အရူပိနော ခန္ဓာ။ (၂)
ရူပိံ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ အရူပိနော ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၉၄။ အရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
အရူပိံ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိနော ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
အရူပိံ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – အရူပိံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၉၅။ ရူပိဉ္စ အရူပိဉ္စ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိနော ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
ရူပိဉ္စ အရူပိဉ္စ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ အရူပိံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၂)
ရူပိဉ္စ အရူပိဉ္စ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ အရူပိံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အရူပိနော ခန္ဓေ စ မဟာဘူတေ စ ပဋိစ္စ ကဋတ္တာရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၉၆။ ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၉၇။ ရူပိံ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ နဟေတုပစ္စယာ… တီဏိ။
အရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အရူပိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (နဟေတုပစ္စယာ နဝ ပဉှာ, အဟေတုကန္တိ နိယာမေတဗ္ဗံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၉၈။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဒွေ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၉၉။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဧကံ, နဝိပါကေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၀၀။ နဟေတုပစ္စယာ အာရမ္မဏေ တီဏိ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ ဧကံ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော)။
၁၁။ ရူပီဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၁။ ရူပိံ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ…ပေ… (ပဋိစ္စသဒိသံ)။ (၁)
ရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ အရူပိနော ခန္ဓာ၊ ပဋိသန္ဓိက္ခဏေ…ပေ…။ (၂)
ရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ အရူပိနော ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ဧဝံ အဝသေသာ ပဉှာ, ပဝတ္တိပဋိသန္ဓိ ဝိဘဇိတဗ္ဗာ)။ (၃)
အာရမ္မဏပစ္စယော
* ၁၀၂။ ရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အရူပိနော ခန္ဓာ၊ ပဋိသန္ဓိက္ခဏေ…ပေ…။ (၁)
အရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – အရူပိံ ဧကံ ခန္ဓံ…ပေ… ဒွေ ခန္ဓေ…ပေ…။ (၂)
ရူပိဉ္စ အရူပိဉ္စ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ …ပေ… ကာယဝိညာဏသဟဂတံ…ပေ… အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၀၃။ ဟေတုယာ နဝ, အာရမ္မဏေ တီဏိ, အဓိပတိယာ နဝ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ တီဏိ, အာသေဝနေ တီဏိ, ကမ္မေ နဝ…ပေ… မဂ္ဂေ နဝ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၀၄။ ရူပိံ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ (၁)
ရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ အရူပိနော ခန္ဓာ၊ အဟေတုကပဋိသန္ဓိက္ခဏေ…ပေ… ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
ရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ (ပဝတ္တိပဋိသန္ဓိ ကာတဗ္ဗာ)။ (၃)
* ၁၀၅။ အရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အရူပိံ ဧကံ ခန္ဓံ…ပေ… ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အရူပိံ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အရူပိနော ခန္ဓေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
အရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ အရူပိံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၀၆။ ရူပိဉ္စ အရူပိဉ္စ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အရူပိနော ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
ရူပိဉ္စ အရူပိဉ္စ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ကာယဝိညာဏသဟဂတံ…ပေ… အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
ရူပိဉ္စ အရူပိဉ္စ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… အရူပိနော ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀၇။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ စတ္တာရိ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၀၈။ ဟေတုပစ္စယာ နအာရမ္မဏေ တီဏိ (သံခိတ္တံ, သဗ္ဗေ ကာတဗ္ဗာ), နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၀၉။ နဟေတုပစ္စယာ အာရမ္မဏေ တီဏိ (သဗ္ဗေ ကာတဗ္ဗာ)…ပေ… ဈာနေ နဝ, မဂ္ဂေ တီဏိ…ပေ… အဝိဂတေ နဝ။
ပစ္စနီယာနုလောမံ။
၄။ နိဿယဝါရော
(နိဿယဝါရောပိ ပစ္စယဝါရသဒိသော)။
၁၁။ ရူပီဒုကံ
၅။ သံသဋ္ဌဝါရော
၁။ ပစ္စယာနုလောမာဒိ
* ၁၁၀။ အရူပိံ ဓမ္မံ သံသဋ္ဌော အရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။
ဟေတုယာ ဧကံ…ပေ… အဝိဂတေ ဧကံ။ (ဧဝံ ပစ္စနီယာဒီနိ ဂဏနာပိ သမ္ပယုတ္တဝါရေပိ သဗ္ဗေ ကာတဗ္ဗာ။ ဧကောယေဝ ပဉှော)။
၁၁။ ရူပီဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁၁။ အရူပီ ဓမ္မော အရူပိဿ ဓမ္မဿ ဟေတုပစ္စယေန ပစ္စယော – အရူပီ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အရူပီ ဓမ္မော ရူပိဿ ဓမ္မဿ ဟေတုပစ္စယေန ပစ္စယော – အရူပီ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
အရူပီ ဓမ္မော ရူပိဿ စ အရူပိဿ စ ဓမ္မဿ ဟေတုပစ္စယေန ပစ္စယော – အရူပီ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၁၂။ ရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ, ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော၊ ရူပိနော ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
* ၁၁၃။ အရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… အရူပိနော ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ, စေတောပရိယဉာဏေန အရူပိစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… နေဝသညာနာသညာယတနဿ…ပေ… အရူပိနော ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၁၁၄။ ရူပီ ဓမ္မော အရူပိဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ကဗဠီကာရံ အာဟာရံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အရူပီ ဓမ္မော အရူပိဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… (သံခိတ္တံ) နိဗ္ဗာနံ မဂ္ဂဿ, ဖလဿ အဓိပတိပစ္စယေန ပစ္စယော၊ အရူပိနော ခန္ဓေ ဂရုံ ကတွာ အဿာဒေတိ…ပေ… ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အရူပီ အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
အရူပီ ဓမ္မော ရူပိဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အရူပီ အဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
အရူပီ ဓမ္မော ရူပိဿ စ အရူပိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အရူပီ အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယာဒိ
* ၁၁၅။ အရူပီ ဓမ္မော အရူပိဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အရူပိနော ခန္ဓာ ပစ္ဆိမာနံ ပစ္ဆိမာနံ အရူပီနံ ခန္ဓာနံ…ပေ… ဖလသမာပတ္တိယာ အနန္တရပစ္စယေန ပစ္စယော, သမနန္တရပစ္စယေန ပစ္စယော။
(သဟဇာတပစ္စယေ သတ္တ, ဣဟ ဃဋနာ နတ္ထိ။ အညမညပစ္စယေ ဆ, နိဿယပစ္စယေ သတ္တ ပဉှာ, ဣဟ ဃဋနာ နတ္ထိ)။
ဥပနိဿယပစ္စယော
* ၁၁၆။ ရူပီ ဓမ္မော အရူပိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ, ဥတု… ဘောဇနံ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
အရူပီ ဓမ္မော အရူပိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ, သီလံ…ပေ… ကာယိကံ ဒုက္ခံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ, သဒ္ဓါ…ပေ… ကာယိကံ ဒုက္ခံ… သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၁၁၇။ ရူပီ ဓမ္မော အရူပိဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ…ပေ… ကဗဠီကာရံ အာဟာရံ အနိစ္စတော …ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ ပုရေဇာတပစ္စယေန ပစ္စယော။ (၁)
ပစ္ဆာဇာတပစ္စယော
* ၁၁၈။ အရူပီ ဓမ္မော ရူပိဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အရူပိနော ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၁၁၉။ အရူပီ ဓမ္မော အရူပိဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အရူပိနော ခန္ဓာ ပစ္ဆိမာနံ ပစ္ဆိမာနံ အရူပီနံ ခန္ဓာနံ အာသေဝနပစ္စယေန ပစ္စယော။
ကမ္မပစ္စယော
* ၁၂၀။ အရူပီ ဓမ္မော အရူပိဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အရူပီ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
အရူပီ ဓမ္မော ရူပိဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အရူပီ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ကဋတ္တာရူပါနံ ကမ္မပစ္စယေန ပစ္စယော။ (၂)
အရူပီ ဓမ္မော ရူပိဿ စ အရူပိဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အရူပီ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကာဟာရပစ္စယာ
* ၁၂၁။ အရူပီ ဓမ္မော အရူပိဿ ဓမ္မဿ ဝိပါကပစ္စယေန ပစ္စယော… တီဏိ။
ရူပီ ဓမ္မော ရူပိဿ ဓမ္မဿ အာဟာရပစ္စယေန ပစ္စယော – ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
အရူပီ ဓမ္မော အရူပိဿ ဓမ္မဿ အာဟာရပစ္စယေန ပစ္စယော… တီဏိ။
ဣန္ဒြိယပစ္စယော
* ၁၂၂။ ရူပီ ဓမ္မော ရူပိဿ ဓမ္မဿ ဣန္ဒြိယပစ္စယေန ပစ္စယော – ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
ရူပီ ဓမ္မော အရူပိဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၂)
အရူပီ ဓမ္မော အရူပိဿ ဓမ္မဿ ဣန္ဒြိယပစ္စယေန ပစ္စယော… တီဏိ။
ရူပီ စ အရူပီ စ ဓမ္မာ အရူပိဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ…ပေ…။
ဈာနပစ္စယာဒိ
* ၁၂၃။ အရူပီ ဓမ္မော အရူပိဿ ဓမ္မဿ ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၁၂၄။ ရူပီ ဓမ္မော အရူပိဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အရူပီနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
အရူပီ ဓမ္မော ရူပိဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အရူပိနော ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အရူပိနော ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ အရူပိနော ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အရူပိနော ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယာဒိ
* ၁၂၅။ ရူပီ ဓမ္မော ရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ, အာဟာရံ, ဣန္ဒြိယံ။ သဟဇာတံ – ဧကံ မဟာဘူတံ…ပေ… (ယာဝ အသညသတ္တာ), ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
ရူပီ ဓမ္မော အရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အရူပီနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ …ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ အတ္ထိပစ္စယေန ပစ္စယော။ (၂)
* ၁၂၆။ အရူပီ ဓမ္မော အရူပိဿ ဓမ္မဿ အတ္ထိပစ္စယေန ပစ္စယော – အရူပီ ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)
အရူပီ ဓမ္မော ရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အရူပိနော ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… ပစ္ဆာဇာတာ – အရူပိနော ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
အရူပီ ဓမ္မော ရူပိဿ စ အရူပိဿ စ ဓမ္မဿ အတ္ထိပစ္စယေန ပစ္စယော – အရူပီ ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၃)
* ၁၂၇။ ရူပီ စ အရူပီ စ ဓမ္မာ ရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – အရူပီ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အရူပိနော ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အရူပိနော ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ရူပီ စ အရူပီ စ ဓမ္မာ အရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ကာယဝိညာဏသဟဂတော…ပေ… အရူပီ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ အရူပီ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ…ပေ…။ (၂)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၂၈။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ သတ္တ, အညမညေ ဆ, နိဿယေ သတ္တ, ဥပနိဿယေ ဒွေ, ပုရေဇာတေ ဧကံ, ပစ္ဆာဇာတေ ဧကံ အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ စတ္တာရိ, ဣန္ဒြိယေ ဆ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ ဒွေ, အတ္ထိယာ သတ္တ, နတ္ထိယာ ဧကံ, ဝိဂတေ ဧကံ, အဝိဂတေ သတ္တ။
အနုလောမံ။
ပစ္စနီယုဒ္ဓါရော
* ၁၂၉။ ရူပီ ဓမ္မော ရူပိဿ ဓမ္မဿ သဟဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
အရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
အရူပီ ဓမ္မော ရူပိဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
အရူပီ ဓမ္မော ရူပိဿ စ အရူပိဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
ရူပီ စ အရူပီ စ ဓမ္မာ ရူပိဿ ဓမ္မဿ သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ (၁)
ရူပီ စ အရူပီ စ ဓမ္မာ အရူပိဿ ဓမ္မဿ သဟဇာတံ, ပုရေဇာတံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၃၀။ နဟေတုယာ သတ္တ, နအာရမ္မဏေ သတ္တ, နအဓိပတိယာ သတ္တ, နအနန္တရေ သတ္တ, နသမနန္တရေ သတ္တ, နသဟဇာတေ ဆ, နအညမညေ ဆ, နနိဿယေ ဆ, နဥပနိဿယေ သတ္တ, နပုရေဇာတေ သတ္တ …ပေ… နမဂ္ဂေ သတ္တ, နသမ္ပယုတ္တေ ဆ, နဝိပ္ပယုတ္တေ ပဉ္စ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၃၁။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ ဧကံ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၃၂။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ (အနုလောမမာတိကာ ကာတဗ္ဗာ), အဝိဂတေ သတ္တ။
ပစ္စနီယာနုလောမံ။
ရူပီဒုကံ နိဋ္ဌိတံ။
၁၂။ လောကိယဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၃၃။ လောကိယံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ။ (၁)
* ၁၃၄။ လောကုတ္တရံ ဓမ္မံ ပဋိစ္စ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
လောကုတ္တရံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
လောကုတ္တရံ ဓမ္မံ ပဋိစ္စ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – လောကုတ္တရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
လောကိယဉ္စ လောကုတ္တရဉ္စ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၃၅။ ဟေတုယာ ပဉ္စ, အာရမ္မဏေ ဒွေ, အဓိပတိယာ ပဉ္စ, အနန္တရေ ဒွေ, သမနန္တရေ ဒွေ, သဟဇာတေ ပဉ္စ, အညမညေ ဒွေ, နိဿယေ ပဉ္စ, ဥပနိဿယေ ဒွေ, ပုရေဇာတေ ဒွေ, အာသေဝနေ ဒွေ, ကမ္မေ ပဉ္စ, ဝိပါကေ ပဉ္စ, အာဟာရေ ပဉ္စ, ဣန္ဒြိယေ ပဉ္စ, ဈာနေ ပဉ္စ, မဂ္ဂေ ပဉ္စ, သမ္ပယုတ္တေ ဒွေ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ ဒွေ, ဝိဂတေ ဒွေ, အဝိဂတေ ပဉ္စ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၃၆။ လောကိယံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ လောကိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၃၇။ နဟေတုယာ ဧကံ, နအာရမ္မဏေ တီဏိ, နအဓိပတိယာ ဒွေ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ (နအာသေဝနမူလကေ လောကုတ္တရေ သုဒ္ဓကေ ဝိပါကောတိ နိယာမေတဗ္ဗံ, အဝသေသာ ပကတိကာယေဝ), နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၃၈။ ဟေတုပစ္စယာ နအာရမ္မဏေ တီဏိ, နအဓိပတိယာ ဒွေ (နအနန္တရပဒါဒီ ပစ္စနီယသဒိသာ)…ပေ… နဝိပါကေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၃၉။ နဟေတုပစ္စယာ အာရမ္မဏေ ဧကံ, အနန္တရေ ဧကံ…ပေ… အဝိဂတေ ဧကံ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော)။
၁၂။ လောကိယဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၄၀။ လောကိယံ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ ပစ္စယာ…ပေ… ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဝတ္ထုံ ပစ္စယာ လောကိယာ ခန္ဓာ။ (၁)
လောကိယံ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ လောကုတ္တရာ ခန္ဓာ။ (၂)
လောကိယံ ဓမ္မံ ပစ္စယာ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ လောကုတ္တရာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ။ (၃)
* ၁၄၁။ လောကုတ္တရံ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ… တီဏိ။
လောကိယဉ္စ လောကုတ္တရဉ္စ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)
လောကိယဉ္စ လောကုတ္တရဉ္စ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၂)
လောကိယဉ္စ လောကုတ္တရဉ္စ ဓမ္မံ ပစ္စယာ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – လောကုတ္တရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… လောကုတ္တရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၄၂။ ဟေတုယာ နဝ, အာရမ္မဏေ စတ္တာရိ, အဓိပတိယာ နဝ, အနန္တရေ စတ္တာရိ, သမနန္တရေ စတ္တာရိ, သဟဇာတေ နဝ, အညမညေ စတ္တာရိ, နိဿယေ နဝ, ဥပနိဿယေ စတ္တာရိ, ပုရေဇာတေ စတ္တာရိ, အာသေဝနေ စတ္တာရိ, ကမ္မေ နဝ, ဝိပါကေ နဝ…ပေ… မဂ္ဂေ နဝ, သမ္ပယုတ္တေ စတ္တာရိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၄၃။ လောကိယံ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ လောကိယံ ဧကံ ခန္ဓံ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ လောကိယာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၄၄။ နဟေတုယာ ဧကံ, နအာရမ္မဏေ တီဏိ, နအဓိပတိယာ စတ္တာရိ, နအနန္တရေ တီဏိ…ပေ… နဥပနိဿယေ တီဏိ, နပုရေဇာတေ စတ္တာရိ, နပစ္ဆာဇာတေ နဝ, နအာသေဝနေ နဝ (လောကုတ္တရေ အရူပေ ဝိပါကန္တိ နိယာမေတဗ္ဗံ), နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၄၅။ ဟေတုပစ္စယာ နအာရမ္မဏေ တီဏိ, နအဓိပတိယာ စတ္တာရိ, နအနန္တရေ တီဏိ (နသမနန္တရပဒါဒီ ပစ္စနီယသဒိသာ), နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၄၆။ နဟေတုပစ္စယာ အာရမ္မဏေ ဧကံ, အနန္တရေ ဧကံ…ပေ… အဝိဂတေ ဧကံ။
ပစ္စနီယာနုလောမံ။
၄။ နိဿယဝါရော
(နိဿယဝါရော ပစ္စယဝါရသဒိသော)။
၁၂။ လောကိယဒုက
၅။ သံသဋ္ဌဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၄၇။ လောကိယံ ဓမ္မံ သံသဋ္ဌော လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
လောကုတ္တရံ ဓမ္မံ သံသဋ္ဌော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
(သံသဋ္ဌဝါရော ဧဝံ ဝိတ္ထာရေတဗ္ဗော, သဟ ဂဏနာဟိ ဒွေ ပဉှာ)။
၆။ သမ္ပယုတ္တဝါရော
(သမ္ပယုတ္တဝါရော သံသဋ္ဌဝါရသဒိသော)။
၁၂။ လောကိယဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၄၈။ လောကိယော ဓမ္မော လောကိယဿ ဓမ္မဿ ဟေတုပစ္စယေန ပစ္စယော – လောကိယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
လောကုတ္တရော ဓမ္မော လောကုတ္တရဿ ဓမ္မဿ ဟေတုပစ္စယေန ပစ္စယော… တီဏိ။
အာရမ္မဏပစ္စယော
* ၁၄၉။ လောကိယော ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ…ပေ… အရိယာ ဂေါတြဘုံ ပစ္စဝေက္ခန္တိ, ဝေါဒါနံ ပစ္စဝေက္ခန္တိ, ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ…ပေ… ဝတ္ထုံ လောကိယေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန လောကိယစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ, လောကိယာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
* ၁၅၀။ လောကုတ္တရော ဓမ္မော လောကုတ္တရဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ မဂ္ဂဿ, ဖလဿ အာရမ္မဏပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ စေတောပရိယဉာဏေန လောကုတ္တရစိတ္တသမင်္ဂိဿ စိတ္တံ ဇာနန္တိ, လောကုတ္တရာ ခန္ဓာ စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
အဓိပတိပစ္စယော
* ၁၅၁။ လောကိယော ဓမ္မော လောကိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ …ပေ… ပုဗ္ဗေ…ပေ… ဈာနာ…ပေ… သေက္ခာ ဂေါတြဘုံ ဂရုံ ကတွာ ပစ္စဝေက္ခန္တိ, ဝေါဒါနံ ဂရုံ ကတွာ ပစ္စဝေက္ခန္တိ၊ စက္ခုံ…ပေ…
ဝတ္ထုံ လောကိယေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – လောကိယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
* ၁၅၂။ လောကုတ္တရော ဓမ္မော လောကုတ္တရဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – နိဗ္ဗာနံ မဂ္ဂဿ, ဖလဿ အဓိပတိပစ္စယေန ပစ္စယော။ သဟဇာတာဓိပတိ – လောကုတ္တရာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ အဓိပတိပစ္စယေန ပစ္စယော။ သဟဇာတာဓိပတိ – လောကုတ္တရာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – လောကုတ္တရာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
* ၁၅၃။ လောကိယော ဓမ္မော လောကိယဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ လောကိယာ ခန္ဓာ ပစ္ဆိမာနံ ပစ္ဆိမာနံ လောကိယာနံ ခန္ဓာနံ…ပေ… အနုလောမံ ဂေါတြဘုဿ… အနုလောမံ ဝေါဒါနဿ အနန္တရပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ အနန္တရပစ္စယေန ပစ္စယော – ဂေါတြဘု မဂ္ဂဿ… ဝေါဒါနံ မဂ္ဂဿ… အနုလောမံ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၂)
* ၁၅၄။ လောကုတ္တရော ဓမ္မော လောကုတ္တရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ လောကုတ္တရာ ခန္ဓာ ပစ္ဆိမာနံ ပစ္ဆိမာနံ လောကုတ္တရာနံ
ခန္ဓာနံ အနန္တရပစ္စယေန ပစ္စယော၊ မဂ္ဂေါ ဖလဿ, ဖလံ ဖလဿ အနန္တရပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ အနန္တရပစ္စယေန ပစ္စယော – ဖလံ ဝုဋ္ဌာနဿ အနန္တရပစ္စယေန ပစ္စယော။ (၂)
သမနန္တရပစ္စယာဒိ
* ၁၅၅။ လောကိယော ဓမ္မော လောကိယဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော (ပဉ္စ ပဉှာ, ဃဋနာ နတ္ထိ) အညမညပစ္စယေန ပစ္စယော… ဒွေ… နိဿယပစ္စယေန ပစ္စယော။
ဥပနိဿယပစ္စယော
* ၁၅၆။ လောကိယော ဓမ္မော လောကိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – လောကိယံ သဒ္ဓံ ဥပနိဿာယ ဒါနံ ဒေတိ…ပေ… ဝိပဿနံ ဥပ္ပါဒေတိ, အဘိညံ ဥပ္ပါဒေတိ, သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ လောကိယံ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ လောကိယာ သဒ္ဓါ…ပေ… သေနာသနံ လောကိယာယ သဒ္ဓါယ…ပေ… ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကုသလာကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ (၁)
လောကိယော ဓမ္မော လောကုတ္တရသ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ပဌမဿ မဂ္ဂဿ ပရိကမ္မံ ပဌမဿ မဂ္ဂဿ ဥပနိဿယပစ္စယေန ပစ္စယော…ပေ… စတုတ္ထဿ မဂ္ဂဿ ပရိကမ္မံ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၂)
* ၁၅၇။ လောကုတ္တရော ဓမ္မော လောကုတ္တရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ ဥပနိဿယပစ္စယေန ပစ္စယော…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – အရိယာ မဂ္ဂံ ဥပနိဿာယ အနုပ္ပန္နံ သမာပတ္တိံ ဥပ္ပါဒေန္တိ, ဥပ္ပန္နံ သမာပဇ္ဇန္တိ, သင်္ခါရေ အနိစ္စတော ဒုက္ခတော အနတ္တတော ဝိပဿန္တိ, အရိယာနံ မဂ္ဂေါ…ပေ… ဌာနာဌာနကောသလ္လဿ ဥပနိဿယပစ္စယေန ပစ္စယော၊ ဖလသမာပတ္တိ ကာယိကဿ သုခဿ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၁၅၈။ လောကိယော ဓမ္မော လောကိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော ဒုက္ခတော အနတ္တတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု လောကိယာနံ ခန္ဓာနံ ပုရေဇာတပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – ဝတ္ထု လောကုတ္တရာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတပစ္စယော
* ၁၅၉။ လောကိယော ဓမ္မော လောကိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ လောကိယာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ လောကုတ္တရာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၁၆၀။ လောကိယော ဓမ္မော လောကိယဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ လောကိယာ ခန္ဓာ ပစ္ဆိမာနံ ပစ္ဆိမာနံ လောကိယာနံ ခန္ဓာနံ အာသေဝနပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ အာသေဝနပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ အာသေဝနပစ္စယေန ပစ္စယော – ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၂)
ကမ္မပစ္စယော
* ၁၆၁။ လောကိယော ဓမ္မော လောကိယဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – လောကိယာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – လောကိယာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
လောကုတ္တရော ဓမ္မော လောကုတ္တရဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – လောကုတ္တရာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – လောကုတ္တရာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ ကမ္မပစ္စယေန ပစ္စယော – လောကုတ္တရာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)
လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ ကမ္မပစ္စယေန ပစ္စယော – လောကုတ္တရာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
* ၁၆၂။ လောကိယော ဓမ္မော လောကိယဿ ဓမ္မဿ ဝိပါကပစ္စယေန ပစ္စယော – ဝိပါကော လောကိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)
လောကုတ္တရော ဓမ္မော လောကုတ္တရဿ ဓမ္မဿ ဝိပါကပစ္စယေန ပစ္စယော… တီဏိ။
အာဟာရပစ္စယော
* ၁၆၃။ လောကိယော ဓမ္မော လောကိယဿ ဓမ္မဿ အာဟာရပစ္စယေန ပစ္စယော – လောကိယာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
လောကုတ္တရော ဓမ္မော လောကုတ္တရဿ ဓမ္မဿ အာဟာရပစ္စယေန ပစ္စယော… တီဏိ။
ဣန္ဒြိယပစ္စယော
* ၁၆၄။ လောကိယော ဓမ္မော လောကိယဿ ဓမ္မဿ ဣန္ဒြိယပစ္စယေန ပစ္စယော (ပဋိသန္ဓိ ကာတဗ္ဗာ)၊ စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
လောကုတ္တရော ဓမ္မော လောကုတ္တရဿ ဓမ္မဿ ဣန္ဒြိယပစ္စယေန ပစ္စယော… တီဏိ။
ဈာနပစ္စယာဒိ
* ၁၆၅။ လောကိယော ဓမ္မော လောကိယဿ ဓမ္မဿ ဈာနပစ္စယေန ပစ္စယော… ဧကံ, လောကုတ္တရော ဓမ္မော…ပေ… တီဏိ… မဂ္ဂပစ္စယေန ပစ္စယော, လောကိယေ ဧကံ, လောကုတ္တရေ တီဏိ။
လောကိယော ဓမ္မော လောကိယဿ ဓမ္မဿ သမ္ပယုတ္တပစ္စယေန ပစ္စယော… ဧကံ, လောကုတ္တရော ဓမ္မော…ပေ… ဧကံ။
ဝိပ္ပယုတ္တပစ္စယော
* ၁၆၆။ လောကိယော ဓမ္မော လောကိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – လောကိယာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ…
ကာယာယတနံ ကာယဝိညာဏဿ…ပေ… ဝတ္ထု လောကိယာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – လောကိယာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု လောကုတ္တရာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
လောကုတ္တရော ဓမ္မော လောကိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – လောကုတ္တရာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယာဒိ
* ၁၆၇။ လောကိယော ဓမ္မော လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – လောကိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… (ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ …ပေ… (ပုရေဇာတသဒိသံ)။ ဝတ္ထု လောကိယာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – လောကိယာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ဝတ္ထု လောကုတ္တရာနံ ခန္ဓာနံ အတ္ထိပစ္စယေန ပစ္စယော။ (၂)
* ၁၆၈။ လောကုတ္တရော ဓမ္မော လောကုတ္တရဿ ဓမ္မဿ အတ္ထိပစ္စယေန ပစ္စယော – လောကုတ္တရော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၁)
လောကုတ္တရော ဓမ္မော လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – လောကုတ္တရာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ အတ္ထိပစ္စယေန ပစ္စယော – လောကုတ္တရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၃)
* ၁၆၉။ လောကိယော စ လောကုတ္တရော စ ဓမ္မာ လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – လောကုတ္တရာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
လောကိယော စ လောကုတ္တရော စ ဓမ္မာ လောကုတ္တရဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – လောကုတ္တရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၂)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၇၀။ ဟေတုယာ စတ္တာရိ, အာရမ္မဏေ တီဏိ, အဓိပတိယာ စတ္တာရိ, အနန္တရေ စတ္တာရိ, သမနန္တရေ စတ္တာရိ, သဟဇာတေ ပဉ္စ, အညမညေ ဒွေ, နိဿယေ သတ္တ, ဥပနိဿယေ စတ္တာရိ, ပုရေဇာတေ ဒွေ, ပစ္ဆာဇာတေ ဒွေ, အာသေဝနေ ဒွေ, ကမ္မေ စတ္တာရိ, ဝိပါကေ စတ္တာရိ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဒွေ, ဝိပ္ပယုတ္တေ တီဏိ, အတ္ထိယာ သတ္တ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ သတ္တ။
အနုလောမံ။
ပစ္စနီယုဒ္ဓါရော
* ၁၇၁။ လောကိယော ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော…
ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
လောကိယော ဓမ္မော လောကုတ္တရဿ ဓမ္မဿ ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
* ၁၇၂။ လောကုတ္တရော ဓမ္မော လောကုတ္တရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
လောကုတ္တရော ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ သဟဇာတပစ္စယေန ပစ္စယော။ (၃)
လောကိယော စ လောကုတ္တရော စ ဓမ္မာ လောကိယဿ ဓမ္မဿ သဟဇာတံ… ပစ္ဆာဇာတံ… အာဟာရံ… ဣန္ဒြိယံ။ (၁)
လောကိယော စ လောကုတ္တရော စ ဓမ္မာ လောကုတ္တရဿ ဓမ္မဿ သဟဇာတံ… ပုရေဇာတံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၇၃။ နဟေတုယာ သတ္တ…ပေ… နသမနန္တရေ သတ္တ, နသဟဇာတေ ပဉ္စ, နအညမညေ ပဉ္စ, နနိဿယေ ပဉ္စ, နဥပနိဿယေ သတ္တ, နပုရေဇာတေ ဆ, နပစ္ဆာဇာတေ သတ္တ…ပေ… နမဂ္ဂေ သတ္တ, နသမ္ပယုတ္တေ ပဉ္စ, နဝိပ္ပယုတ္တေ စတ္တာရိ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၁၇၄။ ဟေတုပစ္စယာ နအာရမ္မဏေ စတ္တာရိ…ပေ… နသမနန္တရေ စတ္တာရိ, နအညမညေ ဒွေ, နဥပနိဿယေ စတ္တာရိ…ပေ… နမဂ္ဂေ စတ္တာရိ, နသမ္ပယုတ္တေ ဒွေ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၁၇၅။ နဟေတုပစ္စယာ အာရမ္မဏေ တီဏိ, အဓိပတိယာ စတ္တာရိ (အနုလောမမာတိကာ ကာတဗ္ဗာ), အဝိဂတေ သတ္တ။
ပစ္စနီယာနုလောမံ။
လောကိယဒုကံ နိဋ္ဌိတံ။
၁၃။ ကေနစိဝိညေယျဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၇၆။ ကေနစိ ဝိညေယျံ ဓမ္မံ ပဋိစ္စ ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ ဝိညေယျံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ကေနစိ ဝိညေယျံ ဓမ္မံ ပဋိစ္စ ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ ဝိညေယျံ ဧကံ ခန္ဓံ ပဋိစ္စ ကေနစိ နဝိညေယျာ
တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
ကေနစိ ဝိညေယျံ ဓမ္မံ ပဋိစ္စ ကေနစိ ဝိညေယျော စ ကေနစိ နဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ – ကေနစိ ဝိညေယျံ ဧကံ ခန္ဓံ ပဋိစ္စ ကေနစိ ဝိညေယျာ စ ကေနစိ နဝိညေယျာ စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၃)
* ၁၇၇။ ကေနစိ နဝိညေယျံ ဓမ္မံ ပဋိစ္စ ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ နဝိညေယျံ ဧကံ ခန္ဓံ ပဋိစ္စ ကေနစိ နဝိညေယျာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ကေနစိ နဝိညေယျံ ဓမ္မံ ပဋိစ္စ ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ နဝိညေယျံ ဧကံ ခန္ဓံ ပဋိစ္စ ကေနစိ ဝိညေယျာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
ကေနစိ နဝိညေယျံ ဓမ္မံ ပဋိစ္စ ကေနစိ ဝိညေယျော စ ကေနစိ နဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ – ကေနစိ နဝိညေယျံ ဧကံ ခန္ဓံ ပဋိစ္စ ကေနစိ ဝိညေယျာ စ ကေနစိ နဝိညေယျာ စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၃)
* ၁၇၈။ ကေနစိ ဝိညေယျဉ္စ ကေနစိ နဝိညေယျဉ္စ ဓမ္မံ ပဋိစ္စ ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ ဝိညေယျဉ္စ ကေနစိ နဝိညေယျဉ္စ ဧကံ ခန္ဓံ ပဋိစ္စ ကေနစိ ဝိညေယျာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ
ခန္ဓာ, ဧကံ မဟာဘူတံ …ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ကေနစိ ဝိညေယျဉ္စ ကေနစိ နဝိညေယျဉ္စ ဓမ္မံ ပဋိစ္စ ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ – ကေနစိ ဝိညေယျဉ္စ ကေနစိ နဝိညေယျဉ္စ ဧကံ ခန္ဓံ ပဋိစ္စ ကေနစိ နဝိညေယျာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
ကေနစိ ဝိညေယျဉ္စ ကေနစိ နဝိညေယျဉ္စ ဓမ္မံ ပဋိစ္စ ကေနစိ ဝိညေယျော စ ကေနစိ နဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ – ကေနစိ ဝိညေယျဉ္စ ကေနစိ နဝိညေယျဉ္စ ဧကံ ခန္ဓံ ပဋိစ္စ ကေနစိ ဝိညေယျာ စ ကေနစိ နဝိညေယျာ စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၁၇၉။ ဟေတုယာ နဝ, အာရမ္မဏေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၂။ သင်္ချာဝါရော
* ၁၈၀။ နဟေတုယာ နဝ, နအာရမ္မဏေ နဝ…ပေ… နောဝိဂတေ နဝ (ဧဝံ စတ္တာရိပိ ဂဏနာ ပရိပုဏ္ဏာ)။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ဧဝံ ဝိတ္ထာရေတဗ္ဗာ။ ပစ္စယဝါရေ ဝတ္ထု စ ပဉ္စာယတနာနိ စ ဒဿေတဗ္ဗာနိ။ ယထာ ယထာ လဗ္ဘတိ တံ တံ ကာတဗ္ဗံ)။
၁၃။ ကေနစိဝိညေယျဒုက
၇။ ပဉှာဝါရော
၁။ ပစ္စယာနုလောမာဒိ
* ၁၈၁။ ကေနစိ ဝိညေယျော ဓမ္မော ကေနစိ ဝိညေယျဿ ဓမ္မဿ ဟေတုပစ္စယေန ပစ္စယော – ကေနစိ ဝိညေယျာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ… (သံခိတ္တံ)။
ဟေတုယာ နဝ, အာရမ္မဏေ နဝ…ပေ… အဝိဂတေ နဝ။
အနုလောမံ။
နဟေတုယာ နဝ…ပေ… နောဝိဂတေ နဝ (ဧဝံ စတ္တာရိပိ ဂဏနာ ပရိပုဏ္ဏာ)။
ပစ္စနီယံ။
ကေနစိဝိညေယျဒုကံ နိဋ္ဌိတံ။
စူဠန္တရဒုကံ နိဋ္ဌိတံ။
၃။ အာသဝဂေါစ္ဆကံ
၁၄။ အာသဝဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ အာသဝံ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ, ဒိဋ္ဌာသဝံ ပဋိစ္စ ကာမာသဝေါ အဝိဇ္ဇာသဝေါ, အဝိဇ္ဇာသဝံ ပဋိစ္စ ကာမာသဝေါ ဒိဋ္ဌာသဝေါ, ဘဝါသဝံ ပဋိစ္စ အဝိဇ္ဇာသဝေါ, ဒိဋ္ဌာသဝံ ပဋိစ္စ အဝိဇ္ဇာသဝေါ (ဧကေကမ္ပိ စက္ကံ ကာတဗ္ဗံ)။ (၁)
အာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝံ ပဋိစ္စ အာသဝသမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
အာသဝံ ဓမ္မံ ပဋိစ္စ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ (၃)
* ၂။ နောအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောအာသဝံ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝေ ခန္ဓေ ပဋိစ္စ အာသဝါ။ (၂)
နောအာသဝံ ဓမ္မံ ပဋိစ္စ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – နောအာသဝံ ဧကံ ခန္ဓံ ပဋိစ္စ တယော ခန္ဓာ အာသဝါ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၃။ အာသဝဉ္စ နောအာသဝဉ္စ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌာသဝေါ အဝိဇ္ဇာသဝေါ (စက္ကံ ဗန္ဓိတဗ္ဗံ)။ (၁)
အာသဝဉ္စ နောအာသဝဉ္စ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝံ ဧကံ ခန္ဓဉ္စ အာသဝေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၂)
အာသဝဉ္စ နောအာသဝဉ္စ ဓမ္မံ ပဋိစ္စ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – နောအာသဝံ ဧကံ ခန္ဓဉ္စ ကာမာသဝဉ္စ ပဋိစ္စ တယော ခန္ဓာ ဒိဋ္ဌာသဝေါ အဝိဇ္ဇာသဝေါ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (စက္ကံ။ သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၄။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅။ နောအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောအာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… (ယာဝ အသညသတ္တာ)။ (၁)
နောအာသဝံ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
နအာရမ္မဏပစ္စယော
* ၆။ အာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ နအာရမ္မဏပစ္စယာ – အာသဝေ ပဋိစ္စ စိတ္တသမုဋ္ဌာနံ ရူပံ။ (၁)
နောအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ နအာရမ္မဏပစ္စယာ – နောအာသဝေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
အာသဝဉ္စ နောအာသဝဉ္စ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ နအာရမ္မဏပစ္စယာ – အာသဝေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၇။ နဟေတုယာ ဒွေ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၈။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၉။ နဟေတုပစ္စယာ အာရမ္မဏေ ဒွေ, အနန္တရေ ဒွေ…ပေ… ဝိပါကေ ဧကံ…ပေ… မဂ္ဂေ ဧကံ…ပေ… အဝိဂတေ ဒွေ။
ပစ္စနီယာနုလောမံ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၁၄။ အာသဝဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀။ အာသဝံ ဓမ္မံ ပစ္စယာ အာသဝေါ ဓမ္မော ဥပ္ပဇ္ဇတိ ဟေတုပစ္စယာ (အာသဝမူလကံ တီဏိ, ပဋိစ္စသဒိသာ)။
နောအာသဝံ ဓမ္မံ ပစ္စယာ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ, ဝတ္ထုံ ပစ္စယာ နောအာသဝါ ခန္ဓာ။ (၁)
နောအာသဝံ ဓမ္မံ ပစ္စယာ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝေ ခန္ဓေ ပစ္စယာ အာသဝါ, ဝတ္ထုံ ပစ္စယာ အာသဝါ။ (၂)
နောအာသဝံ ဓမ္မံ ပစ္စယာ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – နောအာသဝံ ဧကံ ခန္ဓံ ပစ္စယာ တယော ခန္ဓာ အာသဝါ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ အာသဝါ သမ္ပယုတ္တကာ စ ခန္ဓာ။ (၃)
* ၁၁။ အာသဝဉ္စ နောအာသဝဉ္စ ဓမ္မံ ပစ္စယာ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝဉ္စ သမ္ပယုတ္တကေ စ ခန္ဓေ ပစ္စယာ ဒိဋ္ဌာသဝေါ
အဝိဇ္ဇာသဝေါ (စက္ကံ)။ ကာမာသဝဉ္စ ဝတ္ထုဉ္စ ပစ္စယာ ဒိဋ္ဌာသဝေါ အဝိဇ္ဇာသဝေါ (စက္ကံ)။ (၁)
အာသဝဉ္စ နောအာသဝဉ္စ ဓမ္မံ ပစ္စယာ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ – နောအာသဝံ ဧကံ ခန္ဓဉ္စ အာသဝေ စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အာသဝဉ္စ ဝတ္ထုဉ္စ ပစ္စယာ နောအာသဝါ ခန္ဓာ။ (၂)
အာသဝဉ္စ နောအာသဝဉ္စ ဓမ္မံ ပစ္စယာ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – နောအာသဝံ ဧကံ ခန္ဓဉ္စ ကာမာသဝဉ္စ ပစ္စယာ တယော ခန္ဓာ ဒိဋ္ဌာသဝေါ အဝိဇ္ဇာသဝေါ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… (စက္ကံ)။ ကာမာသဝဉ္စ ဝတ္ထုဉ္စ ပစ္စယာ ဒိဋ္ဌာသဝေါ အဝိဇ္ဇာသဝေါ သမ္ပယုတ္တကာ စ ခန္ဓာ (စက္ကံ။ သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၁၂။ ဟေတုယာ နဝ, အာရမ္မဏေ နဝ, အဓိပတိယာ နဝ…ပေ… ဝိပါကေ ဧကံ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၃။ နောအာသဝံ ဓမ္မံ ပစ္စယာ နောအာသဝေါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောအာသဝံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ… ဝတ္ထုံ ပစ္စယာ အဟေတုကာ နောအာသဝါ ခန္ဓာ။ (၁)
နောအာသဝံ ဓမ္မံ ပစ္စယာ အာသဝေါ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
၂။ သင်္ချာဝါရော
၂။ ပစ္စယပစ္စနီယံ
* ၁၄။ နဟေတုယာ ဒွေ, နအာရမ္မဏေ တီဏိ, နအဓိပတိယာ နဝ…ပေ… နကမ္မေ တီဏိ…ပေ… နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ (ဧဝံ သဗ္ဗေ ဂဏနာ ဂဏေတဗ္ဗာ)။
၄။ နိဿယဝါရော
(နိဿယဝါရော ပစ္စယဝါရသဒိသော။)
၁၄။ အာသဝဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၁၅။ အာသဝံ ဓမ္မံ သံသဋ္ဌော အာသဝေါ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝံ သံသဋ္ဌော ဒိဋ္ဌာသဝေါ အဝိဇ္ဇာသဝေါ (စက္ကံ။ သံခိတ္တံ)။
ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
နဟေတုယာ ဒွေ, နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ နဝ။
၆။ သမ္ပယုတ္တဝါရော
(ဂဏနာပိ သမ္ပယုတ္တဝါရောပိ သံသဋ္ဌဝါရသဒိသော။)
၁၄။ အာသဝဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၆။ အာသဝေါ ဓမ္မော အာသဝဿ ဓမ္မဿ ဟေတုပစ္စယေန ပစ္စယော – ကာမာသဝေါ ဒိဋ္ဌာသဝဿ အဝိဇ္ဇာသဝဿ ဟေတုပစ္စယေန ပစ္စယော၊ ဘဝါသဝေါ အဝိဇ္ဇာသဝဿ ဟေတုပစ္စယေန ပစ္စယော (စက္ကံ)။ (၁)
အာသဝေါ ဓမ္မော နောအာသဝဿ ဓမ္မဿ ဟေတုပစ္စယေန ပစ္စယော – အာသဝါ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
အာသဝေါ ဓမ္မော အာသဝဿ စ နောအာသဝဿ စ ဓမ္မဿ ဟေတုပစ္စယေန ပစ္စယော – ကာမာသဝေါ ဒိဋ္ဌာသဝဿ အဝိဇ္ဇာသဝဿ သမ္ပယုတ္တကာနဉ္စ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၁၇။ နောအာသဝေါ ဓမ္မော နောအာသဝဿ ဓမ္မဿ ဟေတုပစ္စယေန ပစ္စယော – နောအာသဝါ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောအာသဝေါ ဓမ္မော အာသဝဿ ဓမ္မဿ ဟေတုပစ္စယေန ပစ္စယော – နောအာသဝါ ဟေတူ သမ္ပယုတ္တကာနံ အာသဝါနံ ဟေတုပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ ဟေတုပစ္စယေန ပစ္စယော – နောအာသဝါ ဟေတူ သမ္ပယုတ္တကာနံ ခန္ဓာနံ အာသဝါနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ ဟေတုပစ္စယေန ပစ္စယော – အာသဝါ စ နောအာသဝါ စ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၁)
အာရမ္မဏပစ္စယော
* ၁၈။ အာသဝေါ ဓမ္မော အာသဝဿ ဓမ္မဿ အာရမ္မဏပစ္စယေန ပစ္စယော – အာသဝေ အာရဗ္ဘ အာသဝါ ဥပ္ပဇ္ဇန္တိ။ (၁)
အာသဝေါ ဓမ္မော နောအာသဝဿ ဓမ္မဿ အာရမ္မဏပစ္စယေန ပစ္စယော – အာသဝေ အာရဗ္ဘ နောအာသဝါ ခန္ဓာ ဥပ္ပဇ္ဇန္တိ။ (၂)
အာသဝေါ ဓမ္မော အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော – အာသဝေ အာရဗ္ဘ အာသဝါ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၁၉။ နောအာသဝေါ ဓမ္မော နောအာသဝဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောအာသဝေ ပဟီနေ ကိလေသေ…ပေ…
ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ နောအာသဝေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန နောအာသဝစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောအာသဝါ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ…ပေ… တံ အဿာဒေတိ အဘိနန္ဒတိ, တံ အာရဗ္ဘ အာသဝါ ဥပ္ပဇ္ဇန္တိ, သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောအာသဝေ ခန္ဓေ အဿာဒေတိ အဘိနန္ဒတိ, တံ အာရဗ္ဘ အာသဝါ ဥပ္ပဇ္ဇန္တိ။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ…ပေ… (ဒုတိယဂမနံ) နောအာသဝေ ခန္ဓေ အဿာဒေတိ အဘိနန္ဒတိ, တံ အာရဗ္ဘ အာသဝါ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၂၀။ အာသဝေါ စ နောအာသဝေါ စ ဓမ္မာ အာသဝဿ ဓမ္မဿ အာရမ္မဏပစ္စယေန ပစ္စယော – အာသဝေ စ သမ္ပယုတ္တကေ စ ခန္ဓေ အာရဗ္ဘ အာသဝါ ဥပ္ပဇ္ဇန္တိ။ (၁)
အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ အာရမ္မဏပစ္စယေန ပစ္စယော – အာသဝေ စ သမ္ပယုတ္တကေ စ ခန္ဓေ အာရဗ္ဘ နောအာသဝါ ခန္ဓာ ဥပ္ပဇ္ဇန္တိ။ (၂)
အာသဝေါ စ နောအာသဝေါ စ ဓမ္မာ အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော – အာသဝေ စ သမ္ပယုတ္တကေ စ ခန္ဓေ အာရဗ္ဘ အာသဝါ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အဓိပတိပစ္စယော
* ၂၁။ အာသဝေါ ဓမ္မော အာသဝဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အာသဝေ ဂရုံ ကတွာ အာသဝါ ဥပ္ပဇ္ဇန္တိ (တီဏိ အာရမ္မဏသဒိသာ, ဂရုကာရမ္မဏာ ကာတဗ္ဗာ)။
နောအာသဝေါ ဓမ္မော နောအာသဝဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… အရိယာ မဂ္ဂါ…ပေ… ဖလံ…ပေ… နိဗ္ဗာနံ ဂရုံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောအာသဝေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောအာသဝါ အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… နောအာသဝေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ အာသဝါ ဥပ္ပဇ္ဇန္တိ။ သဟဇာတာဓိပတိ – နောအာသဝါ အဓိပတိ သမ္ပယုတ္တကာနံ အာသဝါနံ အဓိပတိပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… နောအာသဝေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောအာသဝါ အဓိပတိ သမ္ပယုတ္တကာနံ ခန္ဓာနံ အာသဝါနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အာသဝေါ စ နောအာသဝေါ စ ဓမ္မာ အာသဝဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အာသဝေ စ သမ္ပယုတ္တကေ စ ခန္ဓေ ဂရုံ ကတွာ အဿာဒေတိ…ပေ… အာသဝါ ဥပ္ပဇ္ဇန္တိ (တီဏိ, ဂရုကာရမ္မဏာ)။
အနန္တရပစ္စယော
* ၂၂။ အာသဝေါ ဓမ္မော အာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ အာသဝါနံ အနန္တရပစ္စယေန ပစ္စယော။ (၁)
အာသဝေါ ဓမ္မော နောအာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ နောအာသဝါနံ ခန္ဓာနံ အနန္တရပစ္စယေန ပစ္စယော၊ အာသဝါ ဝုဋ္ဌာနဿ အနန္တရပစ္စယေန ပစ္စယော။ (၂)
အာသဝေါ ဓမ္မော အာသဝဿ စ နောအာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၃။ နောအာသဝေါ ဓမ္မော နောအာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောအာသဝါ ခန္ဓာ ပစ္ဆိမာနံ ပစ္ဆိမာနံ နောအာသဝါနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောအာသဝါ ခန္ဓာ ပစ္ဆိမာနံ ပစ္ဆိမာနံ အာသဝါနံ အနန္တရပစ္စယေန ပစ္စယော၊ အာဝဇ္ဇနာ အာသဝါနံ အနန္တရပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောအာသဝါ ခန္ဓာ ပစ္ဆိမာနံ ပစ္ဆိမာနံ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၄။ အာသဝေါ စ နောအာသဝေါ စ ဓမ္မာ အာသဝဿ ဓမ္မဿ အနန္တရပစ္စယေန ပစ္စယော… တီဏိ။
သမနန္တရပစ္စယာဒိ
* ၂၅။ အာသဝေါ ဓမ္မော အာသဝဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ… နိဿယပစ္စယေန ပစ္စယော… နဝ (ဝတ္ထု စ ဒဿေတဗ္ဗံ)။
ဥပနိဿယပစ္စယော
* ၂၆။ အာသဝေါ ဓမ္မော အာသဝဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – အာသဝါ အာသဝါနံ ဥပနိဿယပစ္စယေန ပစ္စယော (တီဏိ)။
* ၂၇။ နောအာသဝေါ ဓမ္မော နောအာသဝဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သံဃံ ဘိန္ဒတိ, သဒ္ဓါ…ပေ… သေနာသနံ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ…ပေ… ပါဏံ ဟနတိ…ပေ… သံဃံ ဘိန္ဒတိ, သဒ္ဓါ…ပေ… သေနာသနံ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၃)
အာသဝေါ စ နောအာသဝေါ စ ဓမ္မာ အာသဝဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော… တီဏိ။
ပုရေဇာတပစ္စယော
* ၂၈။ နောအာသဝေါ ဓမ္မော နောအာသဝဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ –
စက္ခုံ…ပေ… ဝတ္ထုံ (ဧဝံ ဝိတ္ထာရေတဗ္ဗံ), ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ, ဝတ္ထု နောအာသဝါနံ ခန္ဓာနံ ပုရေဇာတပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ အာသဝါ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု အာသဝါနံ ပုရေဇာတပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ အာသဝါ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု အာသဝါနဉ္စ အာသဝသမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
* ၂၉။ အာသဝေါ ဓမ္မော နောအာသဝဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အာသဝါ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
နောအာသဝေါ ဓမ္မော နောအာသဝဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နောအာသဝါ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အာသဝါ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၃၀။ အာသဝေါ ဓမ္မော အာသဝဿ ဓမ္မဿ အာသေဝနပစ္စယေန ပစ္စယော… နဝ။
ကမ္မပစ္စယော
* ၃၁။ နောအာသဝေါ ဓမ္မော နောအာသဝဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောအာသဝါ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောအာသဝါ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ ကမ္မပစ္စယေန ပစ္စယော – နောအာသဝါ စေတနာ သမ္ပယုတ္တကာနံ အာသဝါနံ ကမ္မပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ ကမ္မပစ္စယေန ပစ္စယော – နောအာသဝါ စေတနာ သမ္ပယုတ္တကာနံ ခန္ဓာနံ အာသဝါနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကာဟာရပစ္စယာ
* ၃၂။ နောအာသဝေါ ဓမ္မော နောအာသဝဿ ဓမ္မဿ ဝိပါကပစ္စယေန ပစ္စယော… ဧကံ, အာဟာရပစ္စယေန ပစ္စယော – နောအာသဝါ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အာဟာရပစ္စယေန ပစ္စယော – နောအာသဝါ အာဟာရာ သမ္ပယုတ္တကာနံ အာသဝါနံ အာဟာရပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အာဟာရပစ္စယေန ပစ္စယော – နောအာသဝါ အာဟာရာ သမ္ပယုတ္တကာနံ ခန္ဓာနံ အာသဝါနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၃)
ဣန္ဒြိယပစ္စယာဒိ
* ၃၃။ နောအာသဝေါ ဓမ္မော နောအာသဝဿ ဓမ္မဿ ဣန္ဒြိယပစ္စယေန ပစ္စယော – နောအာသဝါ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ
ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… နဝ… သမ္ပယုတ္တပစ္စယေန ပစ္စယော… နဝ။
ဝိပ္ပယုတ္တပစ္စယော
* ၃၄။ အာသဝေါ ဓမ္မော နောအာသဝဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အာသဝါ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အာသဝါ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
* ၃၅။ နောအာသဝေါ ဓမ္မော နောအာသဝဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – နောအာသဝါ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော, ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောအာသဝါနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နောအာသဝါ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အာသဝါနံ ဝိပ္ပယုတ္တပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အာသဝါနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
* ၃၆။ အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အာသဝါ စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အာသဝါ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၃၇။ အာသဝေါ ဓမ္မော အာသဝဿ ဓမ္မဿ အတ္ထိပစ္စယေန ပစ္စယော – ကာမာသဝေါ ဒိဋ္ဌာသဝဿ အဝိဇ္ဇာသဝဿ အတ္ထိပစ္စယေန ပစ္စယော (စက္ကံ)။ (၁)
အာသဝေါ ဓမ္မော နောအာသဝဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အာသဝါ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အာသဝါ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
အာသဝေါ ဓမ္မော အာသဝဿ စ နောအာသဝဿ စ ဓမ္မဿ အတ္ထိပစ္စယေန ပစ္စယော – ကာမာသဝေါ ဒိဋ္ဌာသဝဿ အဝိဇ္ဇာသဝဿ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)။ (၃)
* ၃၈။ နောအာသဝေါ ဓမ္မော နောအာသဝဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောအာသဝေါ ဧကော ခန္ဓော တိဏ္ဏန္နံ ခန္ဓာနံ…ပေ… (ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောအာသဝါနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နောအာသဝါ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နောအာသဝါ ခန္ဓာ အာသဝါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ အာသဝါ ဥပ္ပဇ္ဇန္တိ, ဝတ္ထု အာသဝါနံ အတ္ထိပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောအာသဝေါ ဧကော ခန္ဓော တိဏ္ဏန္နံ ခန္ဓာနံ အာသဝါနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… (စက္ကံ)။ (၃)
* ၃၉။ အာသဝေါ စ နောအာသဝေါ စ ဓမ္မာ အာသဝဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ကာမာသဝေါ စ သမ္ပယုတ္တကာ စ ခန္ဓာ ဒိဋ္ဌာသဝဿ အဝိဇ္ဇာသဝဿ အတ္ထိပစ္စယေန ပစ္စယော (စက္ကံ)။ ကာမာသဝေါ စ ဝတ္ထု စ ဒိဋ္ဌာသဝဿ အဝိဇ္ဇာသဝဿ အတ္ထိပစ္စယေန ပစ္စယော (စက္ကံ)။ (၁)
အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောအာသဝေါ ဧကော ခန္ဓော စ အာသဝါ စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ သဟဇာတာ – အာသဝါ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ အာသဝါ စ ဝတ္ထု စ နောအာသဝါနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အာသဝါ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အာသဝါ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
အာသဝေါ စ နောအာသဝေါ စ ဓမ္မာ အာသဝဿ စ နောအာသဝဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောအာသဝေါ ဧကော ခန္ဓော စ ကာမာသဝေါ စ တိဏ္ဏန္နံ ခန္ဓာနံ ဒိဋ္ဌာသဝဿ အဝိဇ္ဇာသဝဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… (စက္ကံ)။ သဟဇာတော – ကာမာသဝေါ စ ဝတ္ထု စ ဒိဋ္ဌာသဝဿ အဝိဇ္ဇာသဝဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၀။ ဟေတုယာ သတ္တ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ,
ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ…ပေ… မဂ္ဂေ နဝ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
ပစ္စနီယုဒ္ဓါရော
* ၄၁။ အာသဝေါ ဓမ္မော အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝေါ ဓမ္မော နောအာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
အာသဝေါ ဓမ္မော အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၄၂။ နောအာသဝေါ ဓမ္မော နောအာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောအာသဝေါ ဓမ္မော အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောအာသဝေါ ဓမ္မော အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၄၃။ အာသဝေါ စ နောအာသဝေါ စ ဓမ္မာ အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝေါ စ နောအာသဝေါ စ ဓမ္မာ နောအာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
အာသဝေါ စ နောအာသဝေါ စ ဓမ္မာ အာသဝဿ စ နောအာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၄၄။ နဟေတုယာ နဝ, နအာရမ္မဏေ နဝ, နအဓိပတိယာ နဝ (သဗ္ဗတ္ထ နဝ), နောအဝိဂတေ နဝ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၄၅။ ဟေတုပစ္စယာ နအာရမ္မဏေ သတ္တ, နအဓိပတိယာ သတ္တ, နအနန္တရေ သတ္တ, နသမနန္တရေ သတ္တ, နအညမညေ တီဏိ, နဥပနိဿယေ သတ္တ (သဗ္ဗတ္ထ သတ္တ), နမဂ္ဂေ သတ္တ, နသမ္ပယုတ္တေ တီဏိ, နဝိပ္ပယုတ္တေ သတ္တ, နောနတ္ထိယာ သတ္တ, နောဝိဂတေ သတ္တ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၄၆။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမပဒါ ပရိပုဏ္ဏာ), အဝိဂတေ နဝ။
ပစ္စနီယာနုလောမံ။
အာသဝဒုကံ နိဋ္ဌိတံ။
၁၅။ သာသဝဒုကံ
၁။ ပဋိစ္စဝါရော
ဟေတုပစ္စယော
* ၄၇။ သာသဝံ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ – သာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အနာသဝံ ဓမ္မံ ပဋိစ္စ အနာသဝေါ ဓမ္မော ဥပ္ပဇ္ဇတိ ဟေတုပစ္စယာ – အနာသဝံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အနာသဝံ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ – အနာသဝေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အနာသဝံ ဓမ္မံ ပဋိစ္စ သာသဝေါ စ အနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – အနာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
သာသဝဉ္စ အနာသဝဉ္စ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ – အနာသဝေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
(ယထာ စူဠန္တရဒုကေ လောကိယဒုကံ ဧဝံ ကာတဗ္ဗံ နိန္နာနာကရဏံ။)
သာသဝဒုကံ နိဋ္ဌိတံ။
၁၆။ အာသဝသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၈။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ခန္ဓေ ပဋိစ္စ မောဟော စိတ္တသမုဋ္ဌာနဉ္စ ရူပံ။ (၂)
အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – အာသဝသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၉။ အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ ပဋိစ္စ တယော မဟာဘူတာ, တယော မဟာဘူတေ ပဋိစ္စ ဧကံ မဟာဘူတံ, ဒွေ မဟာဘူတေ ပဋိစ္စ ဒွေ မဟာဘူတာ, မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၅၀။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ…။ (၃)
အာရမ္မဏပစ္စယော
* ၅၁။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အာသဝသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ မောဟော။ (၂)
အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၅၂။ အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အာသဝဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁) အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အဓိပတိပစ္စယော
* ၅၃။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ… တီဏိ။
အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – အာသဝဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – ဒေါမနဿသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဒေါမနဿသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၅၄။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – ဒေါမနဿသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – အာသဝသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဒေါမနဿသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
(ဧဝံ သဗ္ဗေ ပစ္စယာ ဝိတ္ထာရေတဗ္ဗာ။ သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၅။ ဟေတုယာ နဝ, အာရမ္မဏေ ဆ, အဓိပတိယာ နဝ, အနန္တရေ ဆ, သမနန္တရေ ဆ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဆ, ပုရေဇာတေ ဆ, အာသေဝနေ ဆ, ကမ္မေ နဝ, ဝိပါကေ
ဧကံ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ ဆ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဆ, ဝိဂတေ ဆ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၆။ အာသဝသမ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အာသဝဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အာသညသတ္တာ)။ (၁)
နအာရမ္မဏပစ္စယော
* ၅၇။ အာသဝသမ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – အာသဝသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – အာသဝဝိပ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – အာသဝသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၁)
နအဓိပတိပစ္စယော
* ၅၈။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ)။
နပုရေဇာတပစ္စယာဒိ
* ၅၉။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အာသဝသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော, အာသဝသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၆၀။ အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အာသဝဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အာသဝဝိပ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
* ၆၁။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အာသဝသမ္ပယုတ္တေ ခန္ဓေ စ မဟာဘူတေ
စ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)
(နပစ္ဆာဇာတပစ္စယာ နဝ, နအာသေဝနပစ္စယာ နဝ။)
နကမ္မပစ္စယာဒိ
* ၆၂။ အာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – အာသဝသမ္ပယုတ္တေ ခန္ဓေ ပဋိစ္စ သမ္ပယုတ္တကာ စေတနာ။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝဝိပ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – အာသဝဝိပ္ပယုတ္တေ ခန္ဓေ ပဋိစ္စ ဝိပ္ပယုတ္တကာ စေတနာ။ (၁)
အာသဝဝိပ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ စေတနာ။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ… နဝိပါကပစ္စယာ… နအာဟာရပစ္စယာ… နဣန္ဒြိယပစ္စယာ… နဈာနပစ္စယာ… နမဂ္ဂပစ္စယာ… နသမ္ပယုတ္တပစ္စယာ… နဝိပ္ပယုတ္တပစ္စယာ… နောနတ္ထိပစ္စယာ… နောဝိဂတပစ္စယာ။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆၃။ နဟေတုယာ ဒွေ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၆၄။ ဟေတုပစ္စယာ နအာရမ္မဏေ တီဏိ…ပေ… နပုရေဇာတေ ဆ…ပေ… နဝိပါကေ နဝ…ပေ… နသမ္ပယုတ္တေ တီဏိ, နဝိပ္ပယုတ္တေ စတ္တာရိ, နောနတ္ထိယာ တီဏိ, နောဝိဂတေ တီဏိ။
အနုလောမပစ္စနီယံ။
၄။ ပစ္စယပစ္စနီယာနုလောမံ
နဟေတုဒုကံ
* ၆၅။ နဟေတုပစ္စယာ အာရမ္မဏေ ဒွေ, အနန္တရေ ဒွေ, သမနန္တရေ ဒွေ…ပေ… ကမ္မေ ဒွေ, ဝိပါကေ ဧကံ, အာဟာရေ ဒွေ…ပေ… မဂ္ဂေ ဧကံ, သမ္ပယုတ္တေ ဒွေ, ဝိပ္ပယုတ္တေ ဒွေ…ပေ… အဝိဂတေ ဒွေ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၁၆။ အာသဝသမ္ပယုတ္တဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၆။ အာသဝသမ္ပယုတ္တံ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စဝါရသဒိသော)။
အာသဝဝိပ္ပယုတ္တံ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ
ရူပံ, ကဋတ္တာရူပံ, ဥပါဒါရူပံ။ ဝတ္ထုံ ပစ္စယာ အာသဝဝိပ္ပယုတ္တာ ခန္ဓာ, ဝတ္ထုံ ပစ္စယာ ဒေါမနဿသဟဂတော မောဟော။ (၁)
အာသဝဝိပ္ပယုတ္တံ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ အာသဝသမ္ပယုတ္တကာ ခန္ဓာ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
အာသဝဝိပ္ပယုတ္တံ ဓမ္မံ ပစ္စယာ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ အာသဝသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ ဒေါမနဿသဟဂတာ ခန္ဓာ စ မောဟော စ။ (၃)
* ၆၇။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ, ဒေါမနဿသဟဂတေ ခန္ဓေ စ ဝတ္ထုဉ္စ ပစ္စယာ ဒေါမနဿသဟဂတော မောဟော။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – အာသဝသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… အာသဝသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
အာရမ္မဏပစ္စယာဒိ
* ၆၈။ အာသဝသမ္ပယုတ္တံ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စဝါရသဒိသာ)။
အာသဝဝိပ္ပယုတ္တံ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အာသဝဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အာသဝဝိပ္ပယုတ္တာ ခန္ဓာ, ဝတ္ထုံ ပစ္စယာ ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အာသဝဝိပ္ပယုတ္တံ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ အာသဝသမ္ပယုတ္တကာ ခန္ဓာ, ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
အာသဝဝိပ္ပယုတ္တံ ဓမ္မံ ပစ္စယာ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟော စ။ (၃)
* ၆၉။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အာသဝသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဒေါမနဿသဟဂတံ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ… အဓိပတိပစ္စယာ… အနန္တရပစ္စယာ…ပေ… အဝိဂတပစ္စယာ။ (၃)
၁။ ပစ္စယာနုလောမံ
၂။ သင်္ချာဝါရော
* ၇၀။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ကမ္မေ နဝ, ဝိပါကေ ဧကံ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၇၁။ အာသဝသမ္ပယုတ္တံ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အာသဝဝိပ္ပယုတ္တံ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အာသဝဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ အာသဝဝိပ္ပယုတ္တာ ခန္ဓာ, ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပစ္စယာ အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁) (သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၇၂။ နဟေတုယာ တီဏိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ
စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ (ဧဝံ ဣတရေပိ ဒွေ ဂဏနာ ကာတဗ္ဗာ)။
၄။ နိဿယဝါရော
(နိဿယဝါရောပိ ပစ္စယဝါရသဒိသော။)
၁၆။ အာသဝသမ္ပယုတ္တဒုက
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၇၃။ အာသဝသမ္ပယုတ္တံ ဓမ္မံ သံသဋ္ဌော အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဆ, အာရမ္မဏေ ဆ, အဓိပတိယာ ဆ (သဗ္ဗတ္ထ ဆ), ဝိပါကေ ဧကံ…ပေ… အဝိဂတေ ဆ။
အာသဝသမ္ပယုတ္တံ ဓမ္မံ သံသဋ္ဌော အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အာသဝဝိပ္ပယုတ္တံ ဓမ္မံ သံသဋ္ဌော အာသဝဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ…ပေ…။
နဟေတုယာ ဒွေ, နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဆ (ဧဝံ ဣတရေပိ ဒွေ ဂဏနာ ကာတဗ္ဗာ)။
၆။ သမ္ပယုတ္တဝါရော
(သမ္ပယုတ္တဝါရောပိ သံသဋ္ဌဝါရသဒိသော။)
၁၆။ အာသဝသမ္ပယုတ္တဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၇၄။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဟေတုပစ္စယေန ပစ္စယော – အာသဝသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – အာသဝသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ဒေါသော မောဟဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – အာသဝသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒေါသော သမ္ပယုတ္တကာနံ ခန္ဓာနံ မောဟဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၇၅။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – အာသဝဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၇၆။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဒေါသော စ မောဟော စ အာသဝသမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဒေါသော စ မောဟော စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဒေါသော စ
မောဟော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၇၇။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ ခန္ဓေ အာရဗ္ဘ အာသဝသမ္ပယုတ္တကာ ခန္ဓာ ဥပ္ပဇ္ဇန္တိ။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ ခန္ဓေ အာရဗ္ဘ အာသဝဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ ခန္ဓေ အာရဗ္ဘ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၇၈။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂံ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ အာသဝဝိပ္ပယုတ္တေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ အာသဝဝိပ္ပယုတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ။ (ဣဓ အဿာဒနာ နတ္ထိ) ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန အာသဝဝိပ္ပယုတ္တစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အာသဝဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ မောဟဿ အာရမ္မဏပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ အာသဝဝိပ္ပယုတ္တေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဒိဋ္ဌိ… ဒေါမနဿံ… ဝိစိကိစ္ဆာ… ဥဒ္ဓစ္စံ ဥပ္ပဇ္ဇတိ။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ အာသဝဝိပ္ပယုတ္တေ ခန္ဓေ အာရဗ္ဘ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၇၉။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ အာသဝသမ္ပယုတ္တာ ခန္ဓာ ဥပ္ပဇ္ဇန္တိ။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ အာသဝဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – ဒေါမနဿသဟဂတေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
အဓိပတိပစ္စယော
* ၈၀။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အာသဝသမ္ပယုတ္တေ ခန္ဓေ ဂရုံ ကတွာ အာသဝသမ္ပယုတ္တကာ ခန္ဓာ ဥပ္ပဇ္ဇန္တိ။ သဟဇာတာဓိပတိ – အာသဝသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အာသဝသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော၊ ဒေါမနဿသဟဂတာဓိပတိ မောဟဿ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အာသဝသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော၊ ဒေါမနဿသဟဂတာဓိပတိ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၈၁။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ, သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ…ပေ… ဖလံ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော။ သဟဇာတာဓိပတိ – အာသဝဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ အာသဝဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
အနန္တရပစ္စယော
* ၈၂။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝသမ္ပယုတ္တကာ ခန္ဓာ ပစ္ဆိမာနံ ပစ္ဆိမာနံ အာသဝသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒေါမနဿသဟဂတာ ဝိစိကိစ္ဆာသဟဂတာ
ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ ဒေါမနဿသဟဂတဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ အာသဝသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၈၃။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမဿ ပစ္ဆိမဿ ဒေါမနဿသဟဂတဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ပုရိမာ ပုရိမာ အာသဝဝိပ္ပယုတ္တာ ခန္ဓာ ပစ္ဆိမာနံ ပစ္ဆိမာနံ အာသဝဝိပ္ပယုတ္တာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ အာသဝသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော၊ အာဝဇ္ဇနာ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၈၄။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဒေါမနဿသဟဂတဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဝုဋ္ဌာနဿ အနန္တရပစ္စယေန ပစ္စယော။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၈၅။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… ဆ… နိဿယပစ္စယေန ပစ္စယော… နဝ။
ဥပနိဿယပစ္စယော
* ၈၆။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – အာသဝသမ္ပယုတ္တာ ခန္ဓာ အာသဝသမ္ပယုတ္တာနံ ခန္ဓာနံ ဥပနိဿယပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။
ပကတူပနိဿယော – အာသဝသမ္ပယုတ္တာ ခန္ဓာ အာသဝဝိပ္ပယုတ္တာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – အာသဝသမ္ပယုတ္တကာ ခန္ဓာ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၈၇။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သီလံ…ပေ… ပညံ… ကာယိကံ သုခံ…ပေ… သေနာသနံ… မောဟံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ သဒ္ဓါ…ပေ… ပညာ… ကာယိကံ သုခံ… ကာယိကံ ဒုက္ခံ… မောဟော စ သဒ္ဓါယ…ပေ… မောဟဿ စ ဥပနိဿယပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ… မောဟံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… မောဟော စ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓါ… သီလံ…ပေ… မောဟော ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၈၈။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော,
ပကတူပနိဿယော …ပေ…။ ပကတူပနိဿယော – ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အာသဝသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (ပုစ္ဆိတဗ္ဗံ မူလံ) ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အာသဝသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၈၉။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အာသဝဝိပ္ပယုတ္တာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု အာသဝသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ
ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
* ၉၀။ အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အာသဝသမ္ပယုတ္တကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အာသဝဝိပ္ပယုတ္တာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၉၁။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာသေဝနပစ္စယေန ပစ္စယော… နဝ (အာဝဇ္ဇနာပိ ဝုဋ္ဌာနမ္ပိ နတ္ထိ )။
ကမ္မပစ္စယော
* ၉၂။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ကမ္မပစ္စယေန ပစ္စယော – အာသဝသမ္ပယုတ္တကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အာသဝသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ စေတနာ မောဟဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – အာသဝသမ္ပယုတ္တကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – အာသဝသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ စေတနာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – အာသဝဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ အာသဝဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဝိပါကပစ္စယော
* ၉၃။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဝိပါကပစ္စယေန ပစ္စယော… ဧကံ။
အာဟာရပစ္စယော
* ၉၄။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာဟာရပစ္စယေန ပစ္စယော – အာသဝသမ္ပယုတ္တာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာဟာရပစ္စယေန ပစ္စယော – အာသဝသမ္ပယုတ္တာ အာဟာရာ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ အာဟာရာ မောဟဿ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာဟာရပစ္စယေန ပစ္စယော – အာသဝသမ္ပယုတ္တာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ အာဟာရာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၃)
* ၉၅။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာဟာရပစ္စယေန ပစ္စယော – အာသဝဝိပ္ပယုတ္တာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
ဣန္ဒြိယပစ္စယာဒိ
* ၉၆။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဣန္ဒြိယပစ္စယေန ပစ္စယော… စတ္တာရိ… ဈာနပစ္စယေန ပစ္စယော… စတ္တာရိ… မဂ္ဂပစ္စယေန ပစ္စယော… စတ္တာရိ… သမ္ပယုတ္တပစ္စယေန ပစ္စယော… ဆ။
ဝိပ္ပယုတ္တပစ္စယော
* ၉၇။ အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အာသဝသမ္ပယုတ္တာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အာသဝသမ္ပယုတ္တာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ။ ဝိတ္ထာရေတဗ္ဗံ)။ (၁)
* ၉၈။ အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အာသဝသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဒေါမနဿသဟဂတာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ
ခန္ဓာ စ မောဟော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၉၉။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အတ္ထိပစ္စယေန ပစ္စယော… ဧကံ။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အာသဝသမ္ပယုတ္တာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အာသဝသမ္ပယုတ္တာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော (သဟဇာတသဒိသံ)။ (၃)
* ၁၀၀။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ, ဝိတ္ထာရေတဗ္ဗံ)။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဝိစိကိစ္ဆာ ဥပ္ပဇ္ဇတိ, ဥဒ္ဓစ္စံ ဥပ္ပဇ္ဇတိ, ဒေါမနဿံ ဥပ္ပဇ္ဇတိ, ဝတ္ထု အာသဝသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော –
ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အာရဗ္ဘ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၁၀၁။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – အာသဝသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော၊ ဒွေ ခန္ဓာ စ…ပေ…။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – အာသဝသမ္ပယုတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဒေါမနဿသဟဂတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – အာသဝသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အာသဝသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒေါမနဿသဟဂတော ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ…ပေ… ဒွေ ခန္ဓာ စ…ပေ…။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၀၂။ ဟေတုယာ နဝ, အာရမ္မဏေ နဝ, အဓိပတိယာ ပဉ္စ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
ပစ္စနီယုဒ္ဓါရော
* ၁၀၃။ အာသဝသမ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝသမ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
အာသဝသမ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၁၀၄။ အာသဝဝိပ္ပယုတ္တော ဓမ္မော အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
အာသဝဝိပ္ပယုတ္တော ဓမ္မော အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၁၀၅။ အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
အာသဝသမ္ပယုတ္တော စ အာသဝဝိပ္ပယုတ္တော စ ဓမ္မာ အာသဝသမ္ပယုတ္တဿ စ အာသဝဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀၆။ နဟေတုယာ နဝ, နအာရမ္မဏေ နဝ, နအဓိပတိယာ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၁၀၇။ ဟေတုပစ္စယာ နအာရမ္မဏေ နဝ, နအဓိပတိယာ နဝ…ပေ… နသမနန္တရေ နဝ, နအညမညေ တီဏိ, နဥပနိဿယေ နဝ…ပေ… နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
နဟေတုဒုကံ
* ၁၀၈။ နဟေတုပစ္စယာ အာရမ္မဏေ နဝ, အဓိပတိယာ ပဉ္စ…ပေ… အဝိဂတေ နဝ။
ပစ္စနီယာနုလောမံ။
အာသဝသမ္ပယုတ္တဒုကံ နိဋ္ဌိတံ။
၁၇။ အာသဝသာသဝဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၉။ အာသဝဉ္စေဝ သာသဝဉ္စ ဓမ္မံ ပဋိစ္စ အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ (စက္ကံ ဗန္ဓိတဗ္ဗံ) ဘဝါသဝံ ပဋိစ္စ အဝိဇ္ဇာသဝေါ (စက္ကံ ဗန္ဓိတဗ္ဗံ) ဒိဋ္ဌာသဝံ ပဋိစ္စ အဝိဇ္ဇာသဝေါ။ (၁)
အာသဝဉ္စေဝ သာသဝဉ္စ ဓမ္မံ ပဋိစ္စ သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
အာသဝဉ္စေဝ သာသဝဉ္စ ဓမ္မံ ပဋိစ္စ အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဘဝါသဝံ (စက္ကံ ဗန္ဓိတဗ္ဗံ)။ (၃)
* ၁၁၀။ သာသဝဉ္စေဝ နော စ အာသဝံ ဓမ္မံ ပဋိစ္စ သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – သာသဝဉ္စေဝ နော စ အာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။ (၁)
သာသဝဉ္စေဝ နော စ အာသဝံ ဓမ္မံ ပဋိစ္စ အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ – သာသဝေ စေဝ နော စ အာသဝေ ခန္ဓေ ပဋိစ္စ အာသဝါ။ (၂)
သာသဝဉ္စေဝ နော စ အာသဝံ ဓမ္မံ ပဋိစ္စ အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – သာသဝဉ္စေဝ နော စ အာသဝံ ဧကံ ခန္ဓံ ပဋိစ္စ တယော ခန္ဓာ အာသဝါ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၁၁၁။ အာသဝဉ္စေဝ သာသဝဉ္စ သာသဝဉ္စေဝ နော စ အာသဝဉ္စ ဓမ္မံ ပဋိစ္စ အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌာသဝေါ အဝိဇ္ဇာသဝေါ (ဧဝံ စက္ကံ ဗန္ဓိတဗ္ဗံ)။ (၁)
အာသဝဉ္စေဝ သာသဝဉ္စ သာသဝဉ္စေဝ နော စ အာသဝဉ္စ ဓမ္မံ ပဋိစ္စ သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – သာသဝဉ္စေဝ နော စ အာသဝံ ဧကံ ခန္ဓဉ္စ အာသဝေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ…။ (၂)
အာသဝဉ္စေဝ သာသဝဉ္စ သာသဝဉ္စေဝ နော စ အာသဝဉ္စ ဓမ္မံ ပဋိစ္စ အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – သာသဝဉ္စေဝ နော စ အာသဝံ ဧကံ ခန္ဓဉ္စ ကာမာသဝဉ္စ ပဋိစ္စ တယော ခန္ဓာ ဒိဋ္ဌာသဝေါ အဝိဇ္ဇာသဝေါ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (စက္ကံ။ သံခိတ္တံ)။ (၃)
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ဧဝံ ပဋိစ္စဝါရောပိ သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ယထာ အာသဝဒုကံ ဧဝံ ကာတဗ္ဗံ, နိန္နာနံ။)
၁၇။ အာသဝသာသဝဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
(ပဉှာဝါရေ ဟေတုပစ္စယေပိ အာရမ္မဏပစ္စယေပိ လောကုတ္တရံ န ကာတဗ္ဗံ, သေခါ ဂေါတြဘုံ ပစ္စဝေက္ခန္တိ, ဝေါဒါနံ ပစ္စဝေက္ခန္တီတိ ကာတဗ္ဗာ။ အဓိပတိပစ္စယမ္ပိ သဗ္ဗံ ဇာနိတွာ ကာတဗ္ဗံ။)
အနန္တရပစ္စယော
* ၁၁၂။ အာသဝေါ စေဝ သာသဝေါ စ ဓမ္မော အာသဝဿ စေဝ သာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ အာသဝါနံ အနန္တရပစ္စယေန ပစ္စယော။ (၁)
အာသဝေါ စေဝ သာသဝေါ စ ဓမ္မော သာသဝဿ စေဝ နော စ အာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ သာသဝဉ္စေဝ နော စ အာသဝါနံ ခန္ဓာနံ အနန္တရပစ္စယေန ပစ္စယော၊ အာသဝါ ဝုဋ္ဌာနဿ အနန္တရပစ္စယေန ပစ္စယော။ (၂)
အာသဝေါ စေဝ သာသဝေါ စ ဓမ္မော အာသဝဿ စေဝ သာသဝဿ စ သာသဝဿ စေဝ နော စ အာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ ပစ္ဆိမာနံ ပစ္ဆိမာနံ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၁၁၃။ သာသဝေါ စေဝ နော စ အာသဝေါ ဓမ္မော သာသဝဿ စေဝ နော စ အာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သာသဝါ စေဝ နော စ အာသဝါ ခန္ဓာ ပစ္ဆိမာနံ ပစ္ဆိမာနံ သာသဝါနဉ္စေဝ နော စ အာသဝါနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ, အနုလောမံ ဝေါဒါနဿ, အာဝဇ္ဇနာ သာသဝါနဉ္စေဝ နော စ အာသဝါနံ ခန္ဓာနံ အနန္တရပစ္စယေန ပစ္စယော။ (၁)
သာသဝေါ စေဝ နော စ အာသဝေါ ဓမ္မော အာသဝဿ စေဝ သာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သာသဝါ စေဝ နော စ အာသဝါ ခန္ဓာ ပစ္ဆိမာနံ ပစ္ဆိမာနံ အာသဝါနံ အနန္တရပစ္စယေန ပစ္စယော၊ အာဝဇ္ဇနာ အာသဝါနံ အနန္တရပစ္စယေန ပစ္စယော။ (၂)
သာသဝေါ စေဝ နော စ အာသဝေါ ဓမ္မော အာသဝဿ စေဝ သာသဝဿ စ သာသဝဿ စေဝ နော စ အာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သာသဝါ စေဝ နော စ အာသဝါ ခန္ဓာ ပစ္ဆိမာနံ ပစ္ဆိမာနံ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၁၁၄။ အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ အာသဝဿ စေဝ သာသဝဿ စ ဓမ္မဿ အနန္တရပစ္စယေန
ပစ္စယော – ပုရိမာ ပုရိမာ အာသဝါ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ အာသဝါနံ အနန္တရပစ္စယေန ပစ္စယော။ (၁)
အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ သာသဝဿ စေဝ နော စ အာသဝဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ သာသဝါနဉ္စေဝ နော စ အာသဝါနံ ခန္ဓာနံ အနန္တရပစ္စယေန ပစ္စယော၊ အာသဝါ စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
အာသဝေါ စေဝ သာသဝေါ စ သာသဝေါ စေဝ နော စ အာသဝေါ စ ဓမ္မာ အာသဝဿ စေဝ သာသဝဿ စ သာသဝဿ စေဝ နော စ အာသဝဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အာသဝါ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ အာသဝါနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော (ဧဝံ သဗ္ဗံ ဝိတ္ထာရေတဗ္ဗံ)။ (၃)
(အာသဝဒုကေပိ အနန္တရံ ဣမိနာ သဒိသံ ကာတဗ္ဗံ။ အာဝဇ္ဇနာပိ ဝုဋ္ဌာနမ္ပိ ဧဝံ သမုဒ္ဒိဋ္ဌံ သံခိတ္တံ။ သဗ္ဗံ ပရိပုဏ္ဏံ။ အာသဝဒုကသဒိသံ ကာတဗ္ဗံ, နိန္နာနံ။)
အာသဝသာသဝဒုကံ နိဋ္ဌိတံ။
၁၈။ အာသဝအာသဝသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁၅။ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ (စက္ကံ ဗန္ဓိတဗ္ဗံ)။ ဘဝါသဝံ ပဋိစ္စ အဝိဇ္ဇာသဝေါ (စက္ကံ ဗန္ဓိတဗ္ဗံ)။ ဒိဋ္ဌာသဝံ ပဋိစ္စ အဝိဇ္ဇာသဝေါ။ (၁)
အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝေ ပဋိစ္စ သမ္ပယုတ္တကာ ခန္ဓာ။ (၂)
အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – အာသဝသမ္ပယုတ္တံ ကာမာသဝံ ပဋိစ္စ ဒိဋ္ဌာသဝေါ အဝိဇ္ဇာသဝေါ သမ္ပယုတ္တကာ စ ခန္ဓာ (သဗ္ဗံ စက္ကံ)။ (၃)
* ၁၁၆။ အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တဉ္စေဝ နော စ အာသဝံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တဉ္စေဝ နော စ အာသဝေ ခန္ဓေ ပဋိစ္စ အာသဝါ။ (၂)
အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – အာသဝသမ္ပယုတ္တဉ္စေဝ နော စ အာသဝံ ဧကံ ခန္ဓံ ပဋိစ္စ တယော ခန္ဓာ အာသဝါ စ…ပေ… ဒွေ ခန္ဓေ…ပေ…။ (၃)
* ၁၁၇။ အာသဝဉ္စေဝ အာသဝသမ္ပယုတ္တဉ္စ အာသဝသမ္ပယုတ္တဉ္စေဝ နော စ အာသဝဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမာသဝဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌာသဝေါ အဝိဇ္ဇာသဝေါ (သဗ္ဗံ စက္ကံ)။ (၁)
အာသဝဉ္စေဝ အာသဝသမ္ပယုတ္တဉ္စ အာသဝသမ္ပယုတ္တဉ္စေဝ နော စ အာသဝဉ္စ ဓမ္မံ ပဋိစ္စ အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝသမ္ပယုတ္တဉ္စေဝ နော စ အာသဝံ ဧကံ ခန္ဓဉ္စ အာသဝေ စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၂)
အာသဝဉ္စေဝ အာသဝသမ္ပယုတ္တဉ္စ အာသဝသမ္ပယုတ္တဉ္စေဝ နော စ အာသဝဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ – အာသဝသမ္ပယုတ္တဉ္စေဝ နော စ အာသဝံ ဧကံ ခန္ဓဉ္စ ကာမာသဝဉ္စ ပဋိစ္စ တယော ခန္ဓာ ဒိဋ္ဌာသဝေါ အဝိဇ္ဇာသဝေါ…ပေ… ဒွေ ခန္ဓေ…ပေ…။ (၃)
(စက္ကံ။ ဧဝံ သဗ္ဗေ ပစ္စယာ ကာတဗ္ဗာ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၁၈။ ဟေတုယာ နဝ, အာရမ္မဏေ နဝ, အဓိပတိယာ နဝ ( သဗ္ဗတ္ထ နဝ, သံခိတ္တံ), ကမ္မေ နဝ (ဝိပါကံ နတ္ထိ), အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နအဓိပတိပစ္စယာဒိ
* ၁၁၉။ အာသဝဉ္စေဝ အာသဝသမ္ပယုတ္တံ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ နအဓိပတိပစ္စယာ (နဟေတုမူလကံ နတ္ထိ), နပုရေဇာတပစ္စယာ, နပစ္ဆာဇာတပစ္စယာ (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၂၀။ နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ။
(ဧဝံ ဣတရေ ဒွေ ဂဏနာပိ သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပရိပုဏ္ဏံ ပဋိစ္စသဒိသာ။)
၁၈။ အာသဝအာသဝသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၂၁။ အာသဝေါ စေဝ အာသဝသမ္ပယုတ္တော စ ဓမ္မော အာသဝဿ စေဝ အာသဝသမ္ပယုတ္တဿ စ ဓမ္မဿ ဟေတုပစ္စယေန ပစ္စယော… တီဏိ။
အာသဝသမ္ပယုတ္တော စေဝ နော စ အာသဝေါ ဓမ္မော အာသဝသမ္ပယုတ္တဿ စေဝ နော စ အာသဝဿ ဓမ္မဿ ဟေတုပစ္စယေန ပစ္စယော – အာသဝသမ္ပယုတ္တာ စေဝ နော စ အာသဝါ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
အာရမ္မဏပစ္စယာဒိ
* ၁၂၂။ အာသဝေါ စေဝ အာသဝသမ္ပယုတ္တော စ ဓမ္မော အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… တီဏိ။
အာသဝသမ္ပယုတ္တော စေဝ နော စ အာသဝေါ ဓမ္မော အာသဝသမ္ပယုတ္တဿ စေဝ နော စ အာသဝဿ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ စေဝ နော စ အာသဝေ ခန္ဓေ အာရဗ္ဘ အာသဝသမ္ပယုတ္တာ စေဝ နော စ အာသဝါ ခန္ဓာ ဥပ္ပဇ္ဇန္တိ။ (၁)
အာသဝသမ္ပယုတ္တော စေဝ နော စ အာသဝေါ ဓမ္မော အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ စေဝ နော စ အာသဝေ ခန္ဓေ အာရဗ္ဘ အာသဝါ ဥပ္ပဇ္ဇန္တိ။ (၂)
အာသဝသမ္ပယုတ္တော စေဝ နော စ အာသဝေါ ဓမ္မော အာသဝဿ စေဝ အာသဝသမ္ပယုတ္တဿ စ အာသဝသမ္ပယုတ္တဿ စေဝ နော စ အာသဝဿ စ ဓမ္မဿ အာရမ္မဏပစ္စယေန ပစ္စယော – အာသဝသမ္ပယုတ္တေ စေဝ နော စ အာသဝေ ခန္ဓေ အာရဗ္ဘ အာသဝါ စ အာသဝသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော … တီဏိ။
အဓိပတိပစ္စယာ… (အာရမ္မဏသဒိသာ, ဂရုကာရမ္မဏာ) အနန္တရပစ္စယာ… (အာရမ္မဏသဒိသာယေဝ, ပုရိမာ ပုရိမာတိ ကာတဗ္ဗာ။) သမနန္တရပစ္စယာ… သဟဇာတပစ္စယာ… အညမညပစ္စယာ… နိဿယပစ္စယာ… ဥပနိဿယပစ္စယာ (အာရမ္မဏသဒိသံယေဝ, ဝိဘဇနာ နတ္ထိ… တီဏိ။ ဥပနိဿယံ သဗ္ဗံ ကာတဗ္ဗံ)။
ကမ္မပစ္စယာဒိ
* ၁၂၃။ အာသဝသမ္ပယုတ္တော စေဝ နော စ အာသဝေါ ဓမ္မော အာသဝသမ္ပယုတ္တဿ စေဝ နော စ အာသဝဿ ဓမ္မဿ ကမ္မပစ္စယေန ပစ္စယော… တီဏိ… အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… နဝ… သမ္ပယုတ္တပစ္စယေန ပစ္စယော… နဝ… အတ္ထိပစ္စယေန ပစ္စယော… နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော… နဝ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၂၄။ ဟေတုယာ စတ္တာရိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
ပစ္စနီယုဒ္ဓါရော
* ၁၂၅။ အာသဝေါ စေဝ အာသဝသမ္ပယုတ္တော စ ဓမ္မော အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝေါ စေဝ အာသဝသမ္ပယုတ္တော စ ဓမ္မော အာသဝသမ္ပယုတ္တဿ စေဝ နော စ အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
အာသဝေါ စေဝ အာသဝသမ္ပယုတ္တော စ ဓမ္မော အာသဝဿ စေဝ အာသဝသမ္ပယုတ္တဿ စ အာသဝသမ္ပယုတ္တဿ စေဝ နော စ အာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၁၂၆။ အာသဝသမ္ပယုတ္တော စေဝ နော စ အာသဝေါ ဓမ္မော အာသဝသမ္ပယုတ္တဿ စေဝ နော စ အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝသမ္ပယုတ္တော စေဝ နော စ အာသဝေါ ဓမ္မော အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
အာသဝသမ္ပယုတ္တော စေဝ နော စ အာသဝေါ ဓမ္မော အာသဝဿ စေဝ အာသဝသမ္ပယုတ္တဿ စ အာသဝသမ္ပယုတ္တဿ စေဝ နော စ အာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၁၂၇။ အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ အာသဝဿ စေဝ အာသဝသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ အာသဝသမ္ပယုတ္တဿ စေဝ နော စ အာသဝဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
အာသဝေါ စေဝ အာသဝသမ္ပယုတ္တော စ အာသဝသမ္ပယုတ္တော စေဝ နော စ အာသဝေါ စ ဓမ္မာ အာသဝဿ စေဝ အာသဝသမ္ပယုတ္တဿ စ အာသဝသမ္ပယုတ္တဿ စေဝ နော စ အာသဝဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၂၈။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၁၂၉။ ဟေတုပစ္စယာ နအာရမ္မဏေ စတ္တာရိ…ပေ… နသမနန္တရေ စတ္တာရိ, နဥပနိဿယေ စတ္တာရိ…ပေ… နမဂ္ဂေ စတ္တာရိ…ပေ… နဝိပ္ပယုတ္တေ စတ္တာရိ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၁၃၀။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမပဒါနိ ဂဏိတဗ္ဗာနိ)…ပေ… အဝိဂတေ နဝ။
အာသဝအာသဝသမ္ပယုတ္တဒုကံ နိဋ္ဌိတံ။
၁၉။ အာသဝဝိပ္ပယုတ္တသာသဝဒုကံ
၁။ ပဋိစ္စဝါရော
ဟေတုပစ္စယော
* ၁၃၁။ အာသဝဝိပ္ပယုတ္တံ သာသဝံ ဓမ္မံ ပဋိစ္စ အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ – အာသဝဝိပ္ပယုတ္တံ သာသဝံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ …ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။ (၁)
အာသဝဝိပ္ပယုတ္တံ အနာသဝံ ဓမ္မံ ပဋိစ္စ အာသဝဝိပ္ပယုတ္တော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ… တီဏိ။
(ယထာ စူဠန္တရဒုကေ လောကိယဒုကံ ဧဝံ ဝိတ္ထာရေတဗ္ဗံ နိန္နာနာကရဏံ, သံခိတ္တံ။)
အာသဝဝိပ္ပယုတ္တသာသဝဒုကံ နိဋ္ဌိတံ။
အာသဝဂေါစ္ဆကံ နိဋ္ဌိတံ။
၄။ သညောဇနဂေါစ္ဆကံ
၂၀။ သညောဇနဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ သညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ, ကာမရာဂသညောဇနံ ပဋိစ္စ သီလဗ္ဗတပရာမာသသညောဇနံ အဝိဇ္ဇာသညောဇနံ, ကာမရာဂသညောဇနံ ပဋိစ္စ မာနသညောဇနံ အဝိဇ္ဇာသညောဇနံ, ကာမရာဂသညောဇနံ ပဋိစ္စ အဝိဇ္ဇာသညောဇနံ, ပဋိဃသညောဇနံ ပဋိစ္စ ဣဿာသညောဇနံ အဝိဇ္ဇာသညောဇနံ, ပဋိဃသညောဇနံ ပဋိစ္စ မစ္ဆရိယသညောဇနံ အဝိဇ္ဇာသညောဇနံ, ပဋိဃသညောဇနံ ပဋိစ္စ အဝိဇ္ဇာသညောဇနံ, မာနသညောဇနံ ပဋိစ္စ ဘဝရာဂသညောဇနံ အဝိဇ္ဇာသညောဇနံ, ဘဝရာဂသညောဇနံ ပဋိစ္စ အဝိဇ္ဇာသညောဇနံ, ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
သညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
သညောဇနံ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ ဗန္ဓိတဗ္ဗံ)။ (၃)
* ၂။ နောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောသညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနေ ခန္ဓေ ပဋိစ္စ သညောဇနာ။ (၂)
နောသညောဇနံ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၃။ သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ ဗန္ဓိတဗ္ဗံ)။ (၁)
သညောဇနဉ္စ နောသညောဇနဉ္စ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ…။ (၂)
သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ…ပေ… (စက္ကံ ဗန္ဓိတဗ္ဗံ)။ (၃)
(အာရမ္မဏပစ္စယေ ရူပံ နတ္ထိ။ အဓိပတိပစ္စယော ဟေတုသဒိသော, ဝိစိကိစ္ဆာသညောဇနံ နတ္ထိ။) အနန္တရပစ္စယာ…ပေ… အဝိဂတပစ္စယာ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅။ သညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
နောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောသညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… (ယာဝ အသညသတ္တာ)။ (၁)
နောသညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာသညောဇနံ။ (၂)
သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာသညောဇနံ။ (၃)
(သံခိတ္တံ။ အာသဝဂေါစ္ဆကသဒိသံ။ နအာရမ္မဏာပိ သဗ္ဗေ ဥဒ္ဓရိတဗ္ဗာ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆။ နဟေတုယာ စတ္တာရိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၇။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (ဧဝံ သဗ္ဗံ ဂဏေတဗ္ဗံ)။
နဟေတုဒုကံ
၄။ ပစ္စယပစ္စနီယာနုလောမံ
* ၈။ နဟေတုပစ္စယာ အာရမ္မဏေ စတ္တာရိ (သဗ္ဗတ္ထ စတ္တာရိ) ဝိပါကေ ဧကံ, အာဟာရေ စတ္တာရိ…ပေ… မဂ္ဂေ တီဏိ, သမ္ပယုတ္တေ စတ္တာရိ…ပေ… အဝိဂတေ စတ္တာရိ။
ပစ္စနီယာနုလောမံ။
၂၀။ သညောဇနဒုက
၂။ သဟဇာတဝါရော
* ၉။ သညောဇနံ ဓမ္မံ သဟဇာတော သညောဇနော ဓမ္မော ဥပ္ပဇ္ဇတိ ဟေတုပစ္စယာ (ပဋိစ္စဝါရသဒိသံ)။
၂၀။ သညောဇနဒုက
၃။ ပစ္စယဝါရော
၁။ ပစ္စယာနုလောမာဒိ
ဟေတုပစ္စယော
* ၁၀။ သညောဇနံ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသံ)။
နောသညောဇနံ ဓမ္မံ ပစ္စယာ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ, ကဋတ္တာရူပံ, ဥပါဒါရူပံ, ဝတ္ထုံ ပစ္စယာ နောသညောဇနာ ခန္ဓာ။ (၁)
နောသညောဇနံ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနေ ခန္ဓေ ပစ္စယာ သညောဇနာ, ဝတ္ထုံ ပစ္စယာ သညောဇနာ။ (၂)
နောသညောဇနံ ဓမ္မံ ပစ္စယာ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓံ ပစ္စယာ တယော ခန္ဓာ သညောဇနဉ္စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ သညောဇနာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ သညောဇနာ သမ္ပယုတ္တကာ စ ခန္ဓာ။ (၃)
* ၁၁။ သညောဇနဉ္စ နောသညောဇနဉ္စ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ, ကာမရာဂသညောဇနဉ္စ ဝတ္ထုဉ္စ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ (စက္ကံ) (၁)
သညောဇနဉ္စ နောသညောဇနဉ္စ ဓမ္မံ ပစ္စယာ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓဉ္စ သညောဇနေ စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… (စက္ကံ)။ သညောဇနေ စ ဝတ္ထုဉ္စ ပစ္စယာ နောသညောဇနာ ခန္ဓာ။ (၂)
သညောဇနဉ္စ နောသညောဇနဉ္စ ဓမ္မံ ပစ္စယာ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓဉ္စ ကာမရာဂသညောဇနဉ္စ ပစ္စယာ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… (စက္ကံ)။ ကာမရာဂသညောဇနဉ္စ ဝတ္ထုဉ္စ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ (စက္ကံ။ သံခိတ္တံ)။ (၃)
* ၁၂။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
* ၁၃။ နဟေတုယာ စတ္တာရိ (ယတ္ထ ယတ္ထ ဝတ္ထု လဗ္ဘတိ, တတ္ထ တတ္ထ နိန္နေတဗ္ဗံ), နအာရမ္မဏေ တီဏိ…ပေ… နောဝိဂတေ တီဏိ။
၄။ နိဿယဝါရော
(ဧဝံ ဣတရေပိ ဒွေ ဂဏနာ စ နိဿယဝါရော စ ကာတဗ္ဗော။)
၂၀။ သညောဇနဒုက
၅။ သံသဋ္ဌဝါရော
၁။ ပစ္စယာနုလောမံ
ဟေတုပစ္စယော
* ၁၄။ သညောဇနံ ဓမ္မံ သံသဋ္ဌော သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ သံသဋ္ဌံ ဒိဋ္ဌိသညောဇနံ အဝိဇ္ဇာသညောဇနံ (ဧဝံ နဝ ပဉှာ။ အရူပါယေဝ ကာတဗ္ဗာ)။
၆။ သမ္ပယုတ္တဝါရော
(သံသဋ္ဌဝါရောပိ သမ္ပယုတ္တဝါရောပိ ဧဝံ ကာတဗ္ဗာ။)
၂၀။ သညောဇနဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၅။ သညောဇနော ဓမ္မော သညောဇနဿ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ သညောဇနာနံ ဟေတုပစ္စယေန ပစ္စယော။ (၁)
သညောဇနော ဓမ္မော နောသညောဇနဿ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ ခန္ဓာနံ သညောဇနာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၁၆။ နောသညောဇနော ဓမ္မော နောသညောဇနဿ ဓမ္မဿ ဟေတုပစ္စယေန ပစ္စယော – နောသညောဇနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၁၇။ သညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော – သညောဇနေ အာရဗ္ဘ သညောဇနာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ နောသညောဇနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၁၈။ နောသညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောသညောဇနေ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ…
စက္ခုံ…ပေ… ဝတ္ထုံ နောသညောဇနေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန နောသညောဇနစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောသညောဇနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောသညောဇနေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောသညောဇနေ ခန္ဓေ အဿာဒေတိ အဘိနန္ဒတိ, တံ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘယေဝ ကာတဗ္ဗာ)။
အဓိပတိပစ္စယော
* ၁၉။ သညောဇနော ဓမ္မော သညောဇနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သညောဇနံ ဂရုံ ကတွာ…ပေ… တီဏိ (ဂရုကာရမ္မဏာ)။
နောသညောဇနော ဓမ္မော နောသညောဇနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… တီဏိ (တိဏ္ဏမ္ပိ အာရမ္မဏာဓိပတိ, သဟဇာတာဓိပတိပိ ကာတဗ္ဗာ, ဝိဘဇိတဗ္ဗာ တီဏိပိ)။
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သညောဇနေ စ သမ္ပယုတ္တကေ စ ခန္ဓေ ဂရုံ ကတွာ…ပေ… တီဏိ။
အနန္တရပစ္စယော
* ၂၀။ သညောဇနော ဓမ္မော သညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သညောဇနာ ပစ္ဆိမာနံ ပစ္ဆိမာနံ သညောဇနာနံ အနန္တရပစ္စယေန ပစ္စယော… တီဏိ။
နောသညောဇနော ဓမ္မော နောသညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောသညောဇနာ ခန္ဓာ ပစ္ဆိမာနံ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောသညောဇနာ ခန္ဓာ ပစ္ဆိမာနံ ပစ္ဆိမာနံ သညောဇနာနံ အနန္တရပစ္စယေန ပစ္စယော၊ အာဝဇ္ဇနာ သညောဇနာနံ အနန္တရပစ္စယေန ပစ္စယော (ဧဝံ ဒွေပိ ကာတဗ္ဗာ)။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အနန္တရပစ္စယေန ပစ္စယော… တီဏိ။
သမနန္တရပစ္စယာဒိ
* ၂၁။ သညောဇနော ဓမ္မော သညောဇနဿ ဓမ္မဿ သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ… နိဿယပစ္စယေန ပစ္စယော… နဝ။
ဥပနိဿယပစ္စယော
* ၂၂။ သညောဇနော ဓမ္မော သညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သညောဇနာ သညောဇနာနံ ဥပနိဿယပစ္စယေန ပစ္စယော (ဧဝံ တီဏိပိ)။
* ၂၃။ နောသညောဇနော ဓမ္မော နောသညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ, ရာဂံ…ပေ… ပတ္ထနံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သညောဇနာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၂၄။ နောသညောဇနော ဓမ္မော နောသညောဇနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောသညောဇနာနံ ခန္ဓာနံ ပုရေဇာတပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သညောဇနာနံ ပုရေဇာတပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ, အဘိနန္ဒတိ, တံ အာရဗ္ဘ သညောဇနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု သညောဇနာနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
* ၂၅။ သညောဇနော ဓမ္မော နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော… ဧကံ။
နောသညောဇနော ဓမ္မော နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော…ပေ…။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော…ပေ…။ (၁)
အာသေဝနပစ္စယော
* ၂၆။ သညောဇနော ဓမ္မော သညောဇနဿ ဓမ္မဿ အာသေဝနပစ္စယေန ပစ္စယော… နဝ။
ကမ္မပစ္စယာဒိ
* ၂၇။ နောသညောဇနော ဓမ္မော နောသညောဇနဿ ဓမ္မဿ ကမ္မပစ္စယေန ပစ္စယော… တီဏိ… ဝိပါကပစ္စယေန ပစ္စယော… ဧကံ… အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… နဝ… သမ္ပယုတ္တပစ္စယေန ပစ္စယော… နဝ။
ဝိပ္ပယုတ္တပစ္စယော
* ၂၈။ သညောဇနော ဓမ္မော နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (ဝိဘဇိတဗ္ဗံ)။ (၁)
နောသညောဇနော ဓမ္မော နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (ဝိဘဇိတဗ္ဗံ)။ (၁)
နောသညောဇနော ဓမ္မော သညောဇနဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနာနံ ဝိပ္ပယုတ္တပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနာနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (ဝိဘဇိတဗ္ဗံ)။ (၁)
အတ္ထိပစ္စယော
* ၂၉။ သညောဇနော ဓမ္မော သညောဇနဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၁)
သညောဇနော ဓမ္မော နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
* ၃၀။ နောသညောဇနော ဓမ္မော နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောသညောဇနော ဓမ္မော သညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နောသညောဇနာ ခန္ဓာ သမ္ပယုတ္တကာနံ သညောဇနာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ, ဝတ္ထု သညောဇနာနံ အတ္ထိပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောသညောဇနော…ပေ… (သံခိတ္တံ, အာသဝသဒိသံ)။ (၃)
* ၃၁။ သညောဇနော စ နောသညောဇနော စ ဓမ္မာ သညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (အာသဝသဒိသံ)။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (ဝိဘဇိတဗ္ဗံ အာသဝသဒိသံ)။ (၂)
သညောဇနော စ နောသညောဇနော စ ဓမ္မာ သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (ဝိဘဇိတဗ္ဗံ အာသဝသဒိသံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၂။ ဟေတုယာ စတ္တာရိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
ပစ္စနီယုဒ္ဓါရော
* ၃၃။ သညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
သညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၃၄။ နောသညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော … သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၃၅။ သညောဇနော စ နောသညောဇနော စ ဓမ္မာ သညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
သညောဇနော စ နောသညောဇနော စ ဓမ္မာ သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၃၆။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၃၇။ ဟေတုပစ္စယာ နအာရမ္မဏေ စတ္တာရိ…ပေ… နသမနန္တရေ စတ္တာရိ, နအညမညေ ဒွေ, နဥပနိဿယေ စတ္တာရိ…ပေ… နမဂ္ဂေ စတ္တာရိ, နသမ္ပယုတ္တေ ဒွေ, နဝိပ္ပယုတ္တေ စတ္တာရိ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
နဟေတုဒုကံ
* ၃၈။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ), အဝိဂတေ နဝ။
သညောဇနဒုကံ နိဋ္ဌိတံ။
၂၁။ သညောဇနိယဒုကံ
၁-၇။ ပဋိစ္စဝါရာဒိ
* ၃၉။ သညောဇနိယံ ဓမ္မံ ပဋိစ္စ သညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။
(စူဠန္တရဒုကေ လောကိယဒုကသဒိသံ, နိန္နာနာကရဏံ။)
သညောဇနိယဒုကံ နိဋ္ဌိတံ။
၂၂။ သညောဇနသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၀။ သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၁။ သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ …ပေ… ဒွေ ခန္ဓေ…ပေ… ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဧကံ မဟာဘူတံ…ပေ…။ (၁)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၄၂။ သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
အာရမ္မဏပစ္စယော
* ၄၃။ သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနသမ္ပယုတ္တံ ဧကံ ခန္ဓံ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၂)
သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
* ၄၄။ သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အဓိပတိပစ္စယော
* ၄၅။ သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ… တီဏိ။
သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ… ဧကံ။
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – သညောဇနသမ္ပယုတ္တကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁) (သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၆။ ဟေတုယာ နဝ, အာရမ္မဏေ ဆ, အဓိပတိယာ ပဉ္စ, အနန္တရေ ဆ, သမနန္တရေ ဆ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဆ, ပုရေဇာတေ ဆ, အာသေဝနေ ဆ, ကမ္မေ နဝ, ဝိပါကေ ဧကံ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ ဆ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဆ, ဝိဂတေ ဆ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၄၇။ သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၂)
သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သညောဇနဝိပ္ပယုတ္တံ ဧကံ ခန္ဓံ…ပေ… (ယာဝ အသညသတ္တာ, သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၈။ နဟေတုယာ တီဏိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ
စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၄၉။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နဥပနိဿယေ တီဏိ, နပုရေဇာတေ ဆ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ စတ္တာရိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
နဟေတုဒုကံ
* ၅၀။ နဟေတုပစ္စယာ အာရမ္မဏေ တီဏိ…ပေ… ဝိပါကေ ဧကံ, အာဟာရေ တီဏိ…ပေ… မဂ္ဂေ ဒွေ…ပေ… အဝိဂတေ တီဏိ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၂၂။ သညောဇနသမ္ပယုတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၁။ သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသံ)။
သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (ယာဝ ပဋိသန္ဓိ), ဧကံ မဟာဘူတံ…ပေ… ဝတ္ထုံ ပစ္စယာ သညောဇနဝိပ္ပယုတ္တာ ခန္ဓာ, ဝတ္ထုံ ပစ္စယာ ဥဒ္ဓစ္စသဟဂတော မောဟော။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ, ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၅၂။ သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ …ပေ… ဒွေ ခန္ဓေ…ပေ… ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သညောဇနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
အာရမ္မဏပစ္စယော
* ၅၃။ သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စသဒိသာ)။
သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ (ယာဝ ပဋိသန္ဓိ), ဝတ္ထုံ ပစ္စယာ သညောဇနဝိပ္ပယုတ္တာ
ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ သညောဇနဝိပ္ပယုတ္တာ ခန္ဓာ, ဝတ္ထုံ ပစ္စယာ ဥဒ္ဓစ္စသဟဂတော မောဟော။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ, ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၃)
* ၅၄။ သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)
အဓိပတိပစ္စယာဒိ
* ၅၅။ သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ…ပေ… အဝိဂတပစ္စယာ…ပေ…။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၆။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၇။ သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပစ္စယာ ဥဒ္ဓစ္စသဟဂတော မောဟော။ (၂)
* ၅၈။ သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သညောဇနဝိပ္ပယုတ္တံ ဧကံ ခန္ဓံ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ သညောဇနဝိပ္ပယုတ္တာ ခန္ဓာ စ ဥဒ္ဓစ္စသဟဂတော မောဟော စ။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတော မောဟော။ (၂)
* ၅၉။ သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော (သံခိတ္တံ)။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆၀။ နဟေတုယာ ဆ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ,
နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
ဟေတုဒုကံ
* ၆၁။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ, ဧဝံ ကာတဗ္ဗံ)။
၄။ ပစ္စယပစ္စနီယာနုလောမံ
နဟေတုဒုကံ
* ၆၂။ နဟေတုပစ္စယာ အာရမ္မဏေ ဆ (သဗ္ဗတ္ထ ဆ), ဝိပါကေ ဧကံ, အာဟာရေ ဆ…ပေ… မဂ္ဂေ ဆ…ပေ… အဝိဂတေ ဆ။
၄။ နိဿယဝါရော
(နိဿယဝါရောပိ ပစ္စယဝါရသဒိသော။)
၂၂။ သညောဇနသမ္ပယုတ္တဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၆၃။ သညောဇနသမ္ပယုတ္တံ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။(၁)
သညောဇနဝိပ္ပယုတ္တံ ဓမ္မံ သံသဋ္ဌော သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သညောဇနဝိပ္ပယုတ္တံ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁) (သံခိတ္တံ။)
* ၆၄။ ဟေတုယာ စတ္တာရိ, အာရမ္မဏေ ဆ, အဓိပတိယာ ဒွေ, အနန္တရေ ဆ, သမနန္တရေ ဆ…ပေ… အဝိဂတေ ဆ။
* ၆၅။ နဟေတုယာ တီဏိ, နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဆ။
၆။ သမ္ပယုတ္တဝါရော
(ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၂၂။ သညောဇနသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၆။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၆၇။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော, ဥဒ္ဓစ္စသဟဂတော
မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၆၈။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ ခန္ဓေ အာရဗ္ဘ သညောဇနသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနသမ္ပယုတ္တေ ခန္ဓေ အာရဗ္ဘ သညောဇနဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (မူလံ ကာတဗ္ဗံ) သညောဇနသမ္ပယုတ္တေ ခန္ဓေ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၆၉။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ သညောဇနဝိပ္ပယုတ္တေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အနိစ္စတော…ပေ… ဝိပဿတိ…ပေ… ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန သညောဇနဝိပ္ပယုတ္တစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… ရူပါယတနံ…ပေ… ဖောဋ္ဌဗ္ဗာယတနံ…ပေ… သညောဇနဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ,
အနာဂတံသဉာဏဿ, အာဝဇ္ဇနာယ မောဟဿ စ အာရမ္မဏပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
* ၇၀။ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သညောဇနသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သညောဇနဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (မူလံ ကာတဗ္ဗံ) ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
အဓိပတိပစ္စယော
* ၇၁။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ရာဂံ…ပေ… ဒိဋ္ဌိံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သညောဇနသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၇၂။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ သညောဇနဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
အနန္တရပစ္စယော
* ၇၃။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သညောဇနသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ သညောဇနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ သညောဇနသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ
ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၇၄။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ပုရိမာ ပုရိမာ သညောဇနဝိပ္ပယုတ္တာ ခန္ဓာ ပစ္ဆိမာနံ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ သညောဇနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော၊ အာဝဇ္ဇနာ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
* ၇၅။ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ဥဒ္ဓစ္စသဟဂတာ ခန္ဓာ စ မောဟော စ ဝုဋ္ဌာနဿ အနန္တရပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ
ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၇၆။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ သမနန္တရပစ္စယေန ပစ္စယော … နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… ဆ… နိဿယပစ္စယေန ပစ္စယော… နဝ။
ဥပနိဿယပစ္စယော
* ၇၇။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သညောဇနသမ္ပယုတ္တာ ခန္ဓာ သညောဇနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သညောဇနသမ္ပယုတ္တာ ခန္ဓာ သညောဇနဝိပ္ပယုတ္တာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သညောဇနသမ္ပယုတ္တာ ခန္ဓာ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၇၈။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ သီလံ…ပေ… ပညံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ မောဟံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ သဒ္ဓါ…ပေ… သေနာသနံ မောဟော စ သဒ္ဓါယ…ပေ… ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ မောဟံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ မောဟော ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓါ…ပေ… ပညာ… ကာယိကံ သုခံ…ပေ… သေနာသနံ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
* ၇၉။ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ သညောဇနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ သညောဇနဝိပ္ပယုတ္တာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
* ၈၀။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော …ပေ… ဝိပဿတိ, ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု သညောဇနဝိပ္ပယုတ္တာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သညောဇနသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
* ၈၁။ သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သညောဇနသမ္ပယုတ္တာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သညောဇနဝိပ္ပယုတ္တာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၈၂။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာသေဝနပစ္စယေန ပစ္စယော… နဝ (အာဝဇ္ဇနာပိ ဝုဋ္ဌာနမ္ပိ နတ္ထိ )။
ကမ္မပစ္စယော
* ၈၃။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ကမ္မပစ္စယေန ပစ္စယော – သညောဇနသမ္ပယုတ္တာ စေတနာ သညောဇနသမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သညောဇနသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ဥဒ္ဓစ္စသဟဂတာ စေတနာ မောဟဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သညောဇနသမ္ပယုတ္တကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – သညောဇနသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဥဒ္ဓစ္စသဟဂတာ စေတနာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သညောဇနဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သညောဇနဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။
ဝိပါကပစ္စယော
* ၈၄။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပါကပစ္စယေန ပစ္စယော… ဧကံ။
အာဟာရပစ္စယာဒိ
* ၈၅။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာဟာရပစ္စယေန ပစ္စယော… စတ္တာရိ… ဣန္ဒြိယပစ္စယေန ပစ္စယော… စတ္တာရိ… ဈာနပစ္စယေန ပစ္စယော… စတ္တာရိ… မဂ္ဂပစ္စယေန ပစ္စယော… စတ္တာရိ… သမ္ပယုတ္တပစ္စယေန ပစ္စယော… ဆ။
ဝိပ္ပယုတ္တပစ္စယော
* ၈၆။ သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၃)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အတ္ထိပစ္စယာဒိ
* ၈၇။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စဝါရသဒိသံ)။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – သညောဇနသမ္ပယုတ္တာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဥဒ္ဓစ္စသဟဂတာ ခန္ဓာ မောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သညောဇနသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ဥဒ္ဓစ္စသဟဂတော ဧကော ခန္ဓော တိဏ္ဏန္နံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ (၃)
* ၈၈။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ။ ဝိတ္ထာရေတဗ္ဗံ)။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ, ဝတ္ထု သညောဇနသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ …ပေ… ဝတ္ထုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ, ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၃)
* ၈၉။ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – သညောဇနသမ္ပယုတ္တော ဧကော ခန္ဓော စ
ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – သညောဇနသမ္ပယုတ္တာ ခန္ဓာ စ မောဟော စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဥဒ္ဓစ္စသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဥဒ္ဓစ္စသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၃)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၉၀။ ဟေတုယာ ဆ, အာရမ္မဏေ နဝ, အဓိပတိယာ ပဉ္စ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ,
မဂ္ဂေ စတ္တာရိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
ပစ္စနီယုဒ္ဓါရော
* ၉၁။ သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၉၂။ သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော, သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော … ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၉၃။ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၉၄။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောဝိဂတေ နဝ, နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၉၅။ ဟေတုပစ္စယာ နအာရမ္မဏေ ဆ…ပေ… နသမနန္တရေ ဆ, နအညမညေ ဒွေ, နဥပနိဿယေ ဆ…ပေ… နမဂ္ဂေ ဆ, နသမ္ပယုတ္တေ ဒွေ, နဝိပ္ပယုတ္တေ တီဏိ, နောနတ္ထိယာ ဆ, နောဝိဂတေ ဆ။
၄။ ပစ္စယပစ္စနီယာနုလောမံ
* ၉၆။ နဟေတုပစ္စယာ အာရမ္မဏေ နဝ, အဓိပတိယာ ပဉ္စ (အနုလောမပဒါနိ ဂဏိတဗ္ဗာနိ), အဝိဂတေ နဝ။
သညောဇနသမ္ပယုတ္တဒုကံ နိဋ္ဌိတံ။
၂၃။ သညောဇနသညောဇနိယဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၇။ သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ (၃)
* ၉၈။ သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ မဟာဘူတာ)။ (၁)
သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မော ဥပ္ပဇ္ဇတိ ဟေတုပစ္စယာ – သညောဇနိယေ စေဝ နော စ သညောဇနေ ခန္ဓေ ပဋိစ္စ သညောဇနာ။ (၂)
သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၉၉။ သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၂)
သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော
စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (စက္ကံ ဗန္ဓိတဗ္ဗံ)။ (၃)
(သညောဇနဂေါစ္ဆကေ ပဌမဒုကသဒိသံ။)
(ဧဝံ ဣမမ္ပိ ဒုကံ ဝိတ္ထာရေတဗ္ဗံ, နိန္နာနာကရဏံ ဌပေတွာ လောကုတ္တရံ)။
သညောဇနသညောဇနိယဒုကံ နိဋ္ဌိတံ။
၂၄။ သညောဇနသညောဇနသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၀။ သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ။ (၂)
သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ (စက္ကံ)။ (၃)
* ၁၀၁။ သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ စေဝ နော စ သညောဇနေ ခန္ဓေ ပဋိစ္စ သညောဇနာ (၂)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ…ပေ… ဒွေ ခန္ဓေ…ပေ…။ (၃)
* ၁၀၂။ သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၂)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ…ပေ… ဒွေ ခန္ဓေ စ…ပေ… (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၀၃။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ကမ္မေ နဝ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၀၄။ သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာသညောဇနံ။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀၅။ နဟေတုယာ တီဏိ, နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သဟဇာတဝါရောပိ ကာတဗ္ဗော။ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)
၂၄။ သညောဇနသညောဇနသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၆။ သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ ဟေတုပစ္စယေန ပစ္စယော –
ကာမရာဂသညောဇနော ဒိဋ္ဌိသညောဇနဿ အဝိဇ္ဇာသညောဇနဿ ဟေတုပစ္စယေန ပစ္စယော (စက္ကံ)။ (၁)
သညောဇနော စေဝ သညောဇနသမ္ပယုတ္တော စ ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ ဟေတုပစ္စယေန ပစ္စယော – သညောဇနာ စေဝ သညောဇနသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ သညောဇနသမ္ပယုတ္တဿ စေဝ နော စ သညောဇနဿ စ ဓမ္မဿ ဟေတုပစ္စယေန ပစ္စယော – ကာမရာဂသညောဇနော ဒိဋ္ဌိသညောဇနဿ အဝိဇ္ဇာသညောဇနဿ သမ္ပယုတ္တကာနဉ္စ ခန္ဓာနံ ဟေတုပစ္စယေန ပစ္စယော (စက္ကံ)။ (၃)
အာရမ္မဏပစ္စယော
* ၁၀၇။ သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – သညောဇနေ အာရဗ္ဘ သညောဇနာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနသမ္ပယုတ္တာ စေဝ နော စ သညောဇနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၁)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ စေဝ နော စ သညောဇနေ ခန္ဓေ အာရဗ္ဘ သညောဇနသမ္ပယုတ္တာ စေဝ နော စ သညောဇနာ ခန္ဓာ ဥပ္ပဇ္ဇန္တိ။ (၁)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ စေဝ နော စ သညောဇနေ ခန္ဓေ အာရဗ္ဘ သညောဇနာ ဥပ္ပဇ္ဇန္တိ။ (၂)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနဿ စေဝ သညောဇနသမ္ပယုတ္တဿ စ သညောဇနသမ္ပယုတ္တဿ စေဝ နော စ သညောဇနဿ စ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ
စေဝ နော စ သညောဇနေ ခန္ဓေ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… တီဏိ။
အဓိပတိပစ္စယော
* ၁၀၈။ သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ။
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ… တီဏိ (ဣမာသု တီသုပိ ပဉှာသု အာရမ္မဏာဓိပတိပိ သဟဇာတာဓိပတိပိ ကာတဗ္ဗာ)။
သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ သညောဇနဿ စေဝ သညောဇနသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ။
အနန္တရပစ္စယာဒိ
* ၁၀၉။ သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အနန္တရပစ္စယေန ပစ္စယော… နဝ (နိန္နာနာကရဏံ, ဝိဘဇနာ နတ္ထိ။ အာရမ္မဏသဒိသာ)… သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ… နိဿယပစ္စယေန ပစ္စယော… နဝ… ဥပနိဿယပစ္စယေန ပစ္စယော… နဝ (အာရမ္မဏနယေန ကာတဗ္ဗာ)… အာသေဝနပစ္စယေန ပစ္စယော… နဝ။
ကမ္မပစ္စယာဒိ
* ၁၁၀။ သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ ကမ္မပစ္စယေန ပစ္စယော… တီဏိ… အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော…
နဝ… သမ္ပယုတ္တပစ္စယေန ပစ္စယော… နဝ… အတ္ထိပစ္စယေန ပစ္စယော … နဝ… နတ္ထိပစ္စယေန ပစ္စယော… နဝ… ဝိဂတပစ္စယေန ပစ္စယော… နဝ… အဝိဂတပစ္စယေန ပစ္စယော… နဝ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၁၁။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
ပစ္စနီယုဒ္ဓါရော
* ၁၁၂။ သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော…။ (သံခိတ္တံ။ ဧဝံ နဝ ပဉှာ ကာတဗ္ဗာ။ တီသုယေဝ ပဒေသု ပရိဝတ္တေတဗ္ဗာ, နာနာက္ခဏိကာ နတ္ထိ။)
၂။ ပစ္စယပစ္စနီယံ
၂။ သင်္ချာဝါရော
* ၁၁၃။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၁၁၄။ ဟေတုပစ္စယာ နအာရမ္မဏေ တီဏိ…ပေ… နသမနန္တရေ တီဏိ, နဥပနိဿယေ တီဏိ, နပုရေဇာတေ တီဏိ…ပေ… နမဂ္ဂေ တီဏိ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၁၅။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမပဒါနိ ကာတဗ္ဗာနိ)…ပေ… အဝိဂတေ နဝ။
သညောဇနသညောဇနသမ္ပယုတ္တဒုကံ နိဋ္ဌိတံ။
၂၅။ သညောဇနဝိပ္ပယုတ္တသညောဇနိယဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
* ၁၁၆။ သညောဇနဝိပ္ပယုတ္တံ သညောဇနိယံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ သညောဇနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ, မဟာဘူတာ)။
သညောဇနဝိပ္ပယုတ္တံ အသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော အသညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ အသညောဇနိယံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။
သညောဇနဝိပ္ပယုတ္တံ အသညောဇနိယံ ဓမ္မံ…ပေ… (ဒွေ ပဉှာ ကာတဗ္ဗာ)။
(ဣမံ ဒုကံ စူဠန္တရဒုကေ လောကိယဒုကသဒိသံ နိန္နာနာကရဏံ။)
သညောဇနဝိပ္ပယုတ္တသညောဇနိယဒုကံ နိဋ္ဌိတံ။
သညောဇနဂေါစ္ဆကံ နိဋ္ဌိတံ။
၅။ ဂန္ထဂေါစ္ဆကံ
၂၆။ ဂန္ထဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ ဂန္ထံ ဓမ္မံ ပဋိစ္စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – သီလဗ္ဗတပရာမာသံ ကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ သီလဗ္ဗတပရာမာသော ကာယဂန္ထော, ဣဒံသစ္စာဘိနိဝေသံ ကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ ဣဒံသစ္စာဘိနိဝေသော ကာယဂန္ထော။ (၁)
ဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ – ဂန္ထေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
ဂန္ထံ ဓမ္မံ ပဋိစ္စ ဂန္ထော စ နောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – သီလဗ္ဗတပရာမာသံ ကာယဂန္ထံ ပဋိစ္စ အဘိဇ္ဈာကာယဂန္ထော သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ (၃)
* ၂။ နောဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။ (၁)
နောဂန္ထံ ဓမ္မံ ပဋိစ္စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထေ ခန္ဓေ ပဋိစ္စ ဂန္ထာ။ (၂)
နောဂန္ထံ ဓမ္မံ ပဋိစ္စ ဂန္ထော စ နောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဂန္ထံ ဧကံ ခန္ဓံ ပဋိစ္စ တယော ခန္ဓာ ဂန္ထာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၃။ ဂန္ထဉ္စ နောဂန္ထဉ္စ ဓမ္မံ ပဋိစ္စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – သီလဗ္ဗတပရာမာသံ ကာယဂန္ထဉ္စ သမ္ပယုတ္တကေ စ ခန္ဓေ ပဋိစ္စ အဘိဇ္ဈာကာယဂန္ထော (စက္ကံ)။ (၁)
ဂန္ထဉ္စ နောဂန္ထဉ္စ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထံ ဧကံ ခန္ဓဉ္စ ဂန္ထေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… ဂန္ထေ စ သမ္ပယုတ္တကေ ခန္ဓေ စ ပဋိစ္စ စိတ္တသမုဋ္ဌာနံ ရူပံ။ (၂)
ဂန္ထဉ္စ နောဂန္ထဉ္စ ဓမ္မံ ပဋိစ္စ ဂန္ထော စ နောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဂန္ထံ ဧကံ ခန္ဓဉ္စ သီလဗ္ဗတပရာမာသကာယဂန္ထဉ္စ ပဋိစ္စ တယော ခန္ဓာ အဘိဇ္ဈာကာယဂန္ထော စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ…။ (စက္ကံ။ သံခိတ္တံ။) (၃)
အာရမ္မဏပစ္စယာ…ပေ… အဝိဂတပစ္စယာ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅။ နောဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဂန္ထံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ (ယာဝ အသညသတ္တာ), ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယာဒိ
* ၆။ ဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ နအာရမ္မဏပစ္စယာ – ဂန္ထေ ပဋိစ္စ စိတ္တသမုဋ္ဌာနံ ရူပံ။ (၁)
နောဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ နအာရမ္မဏပစ္စယာ – နောဂန္ထေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
ဂန္ထဉ္စ နောဂန္ထဉ္စ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ နအာရမ္မဏပစ္စယာ – ဂန္ထေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။
နအဓိပတိပစ္စယာ… နဝ, နအနန္တရပစ္စယာ… တီဏိ, နသမနန္တရပစ္စယာ… တီဏိ, နအညမညပစ္စယာ… တီဏိ, နဥပနိဿယပစ္စယာ… တီဏိ။
နပုရေဇာတပစ္စယာဒိ
* ၇။ ဂန္ထံ ဓမ္မံ ပဋိစ္စ ဂန္ထော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဣဒံသစ္စာဘိနိဝေသံ ကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ ဣဒံသစ္စာဘိနိဝေသော ကာယဂန္ထော (အရူပေ သီလဗ္ဗတပရာမာသော နတ္ထိ, ဧဝံ နဝ ပဉှာ ကာတဗ္ဗာ), နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၈။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၉။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ, ဧဝံ ဂဏေတဗ္ဗံ)။
၄။ ပစ္စယပစ္စနီယာနုလောမံ
* ၁၀။ နဟေတုပစ္စယာ အာရမ္မဏေ ဧကံ…ပေ… အနန္တရေ ဧကံ…ပေ… အဝိဂတေ ဧကံ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော)။
၂၆။ ဂန္ထဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁။ ဂန္ထံ ဓမ္မံ ပစ္စယာ ဂန္ထော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စဝါရသဒိသော)။
နောဂန္ထံ ဓမ္မံ ပစ္စယာ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ။ ဧကံ မဟာဘူတံ…ပေ… ဝတ္ထုံ ပစ္စယာ နောဂန္ထာ ခန္ဓာ။ (၁)
နောဂန္ထံ ဓမ္မံ ပစ္စယာ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထေ ခန္ဓေ ပစ္စယာ ဂန္ထာ, ဝတ္ထုံ ပစ္စယာ ဂန္ထာ။ (၂)
နောဂန္ထံ ဓမ္မံ ပစ္စယာ ဂန္ထော စ နောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဂန္ထံ ဧကံ ခန္ဓံ ပစ္စယာ တယော ခန္ဓာ ဂန္ထာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ ဂန္ထာ သမ္ပယုတ္တကာ စ ခန္ဓာ။ (၃)
* ၁၂။ ဂန္ထဉ္စ နောဂန္ထဉ္စ ဓမ္မံ ပစ္စယာ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – သီလဗ္ဗတပရာမာသံ ကာယဂန္ထဉ္စ သမ္ပယုတ္တကေ စ ခန္ဓေ ပစ္စယာ အဘိဇ္ဈာကာယဂန္ထော (စက္ကံ)။ သီလဗ္ဗတပရာမာသံ ကာယဂန္ထဉ္စ ဝတ္ထုဉ္စ ပစ္စယာ အဘိဇ္ဈာကာယဂန္ထော (စက္ကံ)။ (၁)
ဂန္ထဉ္စ နောဂန္ထဉ္စ ဓမ္မံ ပစ္စယာ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ – နောဂန္ထံ ဧကံ ခန္ဓဉ္စ ဂန္ထေ စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဂန္ထေ စ ဝတ္ထုဉ္စ ပစ္စယာ နောဂန္ထာ ခန္ဓာ။ (၂)
ဂန္ထဉ္စ နောဂန္ထဉ္စ ဓမ္မံ ပစ္စယာ ဂန္ထော စ နောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဂန္ထံ ဧကံ ခန္ဓဉ္စ သီလဗ္ဗတပရာမာသံ ကာယဂန္ထဉ္စ ပစ္စယာ တယော ခန္ဓာ အဘိဇ္ဈာကာယဂန္ထော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… (စက္ကံ)။ သီလဗ္ဗတပရာမာသံ ကာယဂန္ထဉ္စ ဝတ္ထုဉ္စ ပစ္စယာ အဘိဇ္ဈာကာယဂန္ထော စ သမ္ပယုတ္တကာ စ ခန္ဓာ (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၁၃။ ဟေတုယာ နဝ, အာရမ္မဏေ နဝ, အဓိပတိယာ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၄။ နောဂန္ထံ ဓမ္မံ ပစ္စယာ နောဂန္ထော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဂန္ထံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ ဝတ္ထုံ ပစ္စယာ အဟေတုကာ နောဂန္ထာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
* ၁၅။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ (ဧဝံ ဂဏေတဗ္ဗံ)။
၃။ ပစ္စယာနုလောမပစ္စနီယံ
* ၁၆။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၇။ နဟေတုပစ္စယာ အာရမ္မဏေ ဧကံ…ပေ… အဝိဂတေ ဧကံ။
၄-၆။ နိဿယ-သံသဋ္ဌ-သမ္ပယုတ္တဝါရော
(နိဿယဝါရော ပစ္စယဝါရသဒိသောဝ။ သံသဋ္ဌဝါရောပိ သမ္ပယုတ္တဝါရောပိ နဝ ပဉှာ ကာတဗ္ဗာ, ရူပံ နတ္ထိ။)
၂၆။ ဂန္ထဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၈။ ဂန္ထော ဓမ္မော ဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၁)
ဂန္ထော ဓမ္မော နောဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
ဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ဟေတုပစ္စယေန ပစ္စယော – ဂန္ထာ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၁၉။ နောဂန္ထော ဓမ္မော နောဂန္ထဿ ဓမ္မဿ ဟေတုပစ္စယေန ပစ္စယော – နောဂန္ထာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောဂန္ထော ဓမ္မော ဂန္ထဿ ဓမ္မဿ ဟေတုပစ္စယေန ပစ္စယော – နောဂန္ထာ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ဟေတုပစ္စယေန ပစ္စယော – နောဂန္ထာ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၂၀။ ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ စ နောဂန္ထာ စ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၁)
ဂန္ထော စ နောဂန္ထော စ ဓမ္မာ နောဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ စ နောဂန္ထာ စ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
ဂန္ထော စ နောဂန္ထော စ ဓမ္မာ ဂန္ထဿ စ နောဂန္ထဿ စ ဓမ္မဿ ဟေတုပစ္စယေန ပစ္စယော – ဂန္ထာ စ နောဂန္ထာ စ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၂၁။ ဂန္ထော ဓမ္မော ဂန္ထဿ ဓမ္မဿ အာရမ္မဏပစ္စယေန ပစ္စယော – ဂန္ထေ အာရဗ္ဘ ဂန္ထာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထေ အာရဗ္ဘ နောဂန္ထာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထေ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၂၂။ နောဂန္ထော ဓမ္မော နောဂန္ထဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောဂန္ထေ ပဟီနေ ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ…ပေ… စက္ခုံ…ပေ… ဝတ္ထုံ နောဂန္ထေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောဂန္ထစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောဂန္ထာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နောဂန္ထေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ
အဿာဒေတိ အဘိနန္ဒတိ, တံ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ, ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နောဂန္ထေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘ ကာတဗ္ဗာ)။
အဓိပတိပစ္စယော
* ၂၃။ ဂန္ထော ဓမ္မော ဂန္ထဿ ဓမ္မဿ အဓိပတိပစ္စယေန ပစ္စယော… တီဏိ (အာရမ္မဏသဒိသာ, ဂရုကာရမ္မဏာ ကာတဗ္ဗာ)။
နောဂန္ထော ဓမ္မော နောဂန္ထဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… အရိယာ မဂ္ဂါ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောဂန္ထေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောဂန္ထာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ …ပေ… ဈာနာ…ပေ… စက္ခုံ…ပေ… ဝတ္ထုံ နောဂန္ထေ ခန္ဓေ ဂရုံ ကတွာ တံ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောဂန္ထာဓိပတိ ဂန္ထာနံ အဓိပတိပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… နောဂန္ထေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – နောဂန္ထာဓိပတိ သမ္ပယုတ္တကာနံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၂၄။ ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ။
အနန္တရပစ္စယော
* ၂၅။ ဂန္ထော ဓမ္မော ဂန္ထဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဂန္ထာ ပစ္ဆိမာနံ ပစ္ဆိမာနံ ဂန္ထာနံ အနန္တရပစ္စယေန ပစ္စယော။ (၁)
ဂန္ထော ဓမ္မော နောဂန္ထဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဂန္ထာ ပစ္ဆိမာနံ ပစ္ဆိမာနံ နောဂန္ထာနံ ခန္ဓာနံ အနန္တရပစ္စယေန ပစ္စယော၊ ဂန္ထာ ဝုဋ္ဌာနဿ အနန္တရပစ္စယေန ပစ္စယော။ (၂)
ဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဂန္ထာ ပစ္ဆိမာနံ ပစ္ဆိမာနံ ဂန္ထာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၆။ နောဂန္ထော ဓမ္မော နောဂန္ထဿ ဓမ္မဿ အနန္တရပစ္စယေန ပစ္စယော… တီဏိ (ဒွေ အာဝဇ္ဇနာ ကာတဗ္ဗာ, ပဌမော နတ္ထိ)။
ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ အနန္တရပစ္စယေန ပစ္စယော… တီဏိ (ဧကမ္ပိ ဝုဋ္ဌာနံ ကာတဗ္ဗံ, မဇ္ဈေ)။
သမနန္တရပစ္စယာဒိ
* ၂၇။ ဂန္ထော ဓမ္မော ဂန္ထဿ ဓမ္မဿ သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ, နိဿယပစ္စယေန ပစ္စယော… နဝ။
ဥပနိဿယပစ္စယော
* ၂၈။ ဂန္ထော ဓမ္မော ဂန္ထဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဂန္ထာ ဂန္ထာနံ ဥပနိဿယပစ္စယေန ပစ္စယော… တီဏိ။
* ၂၉။ နောဂန္ထော ဓမ္မော နောဂန္ထဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပ-
နိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ, သီလံ…ပေ… သေနာသနံ ဥပနိဿာယ ပါဏံ ဟနတိ …ပေ… သံဃံ ဘိန္ဒတိ, သဒ္ဓါ…ပေ… သေနာသနံ ဂန္ထာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော… တီဏိ (အာရမ္မဏနယေန ကာတဗ္ဗာ)။
ပုရေဇာတပစ္စယာဒိ
* ၃၀။ နောဂန္ထော ဓမ္မော နောဂန္ထဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ, ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောဂန္ထာနံ ခန္ဓာနံ ပုရေဇာတပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ,
ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဂန္ထာနံ ပုရေဇာတပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဂန္ထာနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယေန ပစ္စယော… တီဏိ, အာသေဝနပစ္စယေန ပစ္စယော… နဝ။
ကမ္မပစ္စယော
* ၃၁။ နောဂန္ထော ဓမ္မော နောဂန္ထဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောဂန္ထာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောဂန္ထာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ ကမ္မပစ္စယေန ပစ္စယော – နောဂန္ထာ စေတနာ သမ္ပယုတ္တကာနံ ဂန္ထာနံ ကမ္မပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ကမ္မပစ္စယေန ပစ္စယော – နောဂန္ထာ စေတနာ သမ္ပယုတ္တကာနံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၃၂။ နောဂန္ထော ဓမ္မော နောဂန္ထဿ ဓမ္မဿ ဝိပါကပစ္စယေန ပစ္စယော… ဧကံ… အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… နဝ… သမ္ပယုတ္တပစ္စယေန ပစ္စယော… နဝ။
ဝိပ္ပယုတ္တပစ္စယော
* ၃၃။ ဂန္ထော ဓမ္မော နောဂန္ထဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နောဂန္ထော ဓမ္မော နောဂန္ထဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
နောဂန္ထော ဓမ္မော ဂန္ထဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဂန္ထာနံ ဝိပ္ပယုတ္တပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဂန္ထာနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
ဂန္ထော စ နောဂန္ထော စ ဓမ္မာ နောဂန္ထဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အတ္ထိပစ္စယော
* ၃၄။ ဂန္ထော ဓမ္မော ဂန္ထဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။
ဂန္ထော ဓမ္မော နောဂန္ထဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဂန္ထာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဂန္ထာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
ဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၃)
* ၃၅။ နောဂန္ထော ဓမ္မော နောဂန္ထဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောဂန္ထော ဓမ္မော ဂန္ထဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နောဂန္ထာ ခန္ဓာ ဂန္ထာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဒေါမနဿံ ဥပ္ပဇ္ဇတိ, ဝတ္ထု ဂန္ထာနံ အတ္ထိပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောဂန္ထော ဧကော ခန္ဓော တိဏ္ဏန္နံ ခန္ဓာနံ ဂန္ထာနဉ္စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ၊ ဝတ္ထု ဂန္ထာနံ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ (၃)
* ၃၆။ ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – သီလဗ္ဗတပရာမာသော ကာယဂန္ထော စ သမ္ပယုတ္တကာ စ ခန္ဓာ အဘိဇ္ဈာကာယဂန္ထဿ အတ္ထိပစ္စယေန ပစ္စယော (စက္ကံ)။ သဟဇာတော – သီလဗ္ဗတပရာမာသော ကာယဂန္ထော စ ဝတ္ထု စ အဘိဇ္ဈာကာယဂန္ထဿ အတ္ထိပစ္စယေန ပစ္စယော။ (စက္ကံ)။ (၁)
ဂန္ထော စ နောဂန္ထော စ ဓမ္မာ နောဂန္ထဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောဂန္ထော ဧကော ခန္ဓော စ ဂန္ထော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတာ – ဂန္ထာ စ ဝတ္ထု စ နောဂန္ထာနံ ခန္ဓာနံ အတ္ထိပစ္စယေန ပစ္စယော။ သဟဇာတာ – ဂန္ထာ စ မဟာဘူတာ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဂန္ထာ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဂန္ထာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဂန္ထာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
ဂန္ထော စ နောဂန္ထော စ ဓမ္မာ ဂန္ထဿ စ နောဂန္ထဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောဂန္ထော ဧကော ခန္ဓော စ သီလဗ္ဗတပရာမာသော ကာယဂန္ထော စ တိဏ္ဏန္နံ ခန္ဓာနံ အဘိဇ္ဈာကာယဂန္ထဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ သဟဇာတော – သီလဗ္ဗတပရာမာသော ကာယဂန္ထော စ ဝတ္ထု စ အဘိဇ္ဈာကာယဂန္ထဿ စ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၇။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၃၈။ ဂန္ထော ဓမ္မော ဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဂန္ထော ဓမ္မော နောဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၃၉။ နောဂန္ထော ဓမ္မော နောဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောဂန္ထော ဓမ္မော ဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောဂန္ထော ဓမ္မော ဂန္ထဿ စ နောဂန္ထဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၄၀။ ဂန္ထော စ နောဂန္ထော စ ဓမ္မာ ဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဂန္ထော စ နောဂန္ထော စ ဓမ္မာ နောဂန္ထဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဂန္ထော စ နောဂန္ထော စ ဓမ္မာ ဂန္ထဿ စ နောဂန္ထဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၄၁။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၄၂။ ဟေတုပစ္စယာ နအာရမ္မဏေ နဝ…ပေ… နသမနန္တရေ နဝ, နအညမညေ တီဏိ, နဥပနိဿယေ နဝ (သဗ္ဗတ္ထ နဝ), နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
* ၄၃။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမပဒါနိ ပရိပုဏ္ဏာနိ ကာတဗ္ဗာနိ), အဝိဂတေ နဝ။
ဂန္ထဒုကံ နိဋ္ဌိတံ။
၂၇။ ဂန္ထနိယဒုကံ
၁-၇။ ဝါရသတ္တကံ
* ၄၄။ ဂန္ထနိယံ ဓမ္မံ ပဋိစ္စ ဂန္ထနိယော ဓမ္မော ဥပ္ပဇ္ဇတိ ဟေတုပစ္စယာ – ဂန္ထနိယံ ဧကံ ခန္ဓံ (သံခိတ္တံ)။
(ယထာ စူဠန္တရဒုကေ လောကိယဒုကံ ဧဝံ ဝိဘဇိတဗ္ဗံ နိန္နာနာကရဏံ။)
ဂန္ထနိယဒုကံ နိဋ္ဌိတံ။
၂၈။ ဂန္ထသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၅။ ဂန္ထသမ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တံ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ ပဋိစ္စ လောဘော စိတ္တသမုဋ္ဌာနဉ္စ ရူပံ, ဒေါမနဿသဟဂတေ ခန္ဓေ ပဋိစ္စ ပဋိဃံ စိတ္တသမုဋ္ဌာနဉ္စ ရူပံ။ (၂)
ဂန္ထသမ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဂန္ထသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ ပဋိစ္စ တယော ခန္ဓာ လောဘော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓံ ပဋိစ္စ တယော ခန္ဓာ ပဋိဃဉ္စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၆။ ဂန္ထဝိပ္ပယုတ္တံ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တံ လောဘံ ပဋိစ္စ စိတ္တသမုဋ္ဌာနံ ရူပံ, ပဋိဃံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ (သံခိတ္တံ)။ (၁)
ဂန္ထဝိပ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ, ပဋိဃံ ပဋိစ္စ သမ္ပယုတ္တကာ ခန္ဓာ။ (၂)
ဂန္ထဝိပ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ပဋိဃံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၄၇။ ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ
လောဘဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ပဋိဃဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပဋိစ္စ စိတ္တသမုဋ္ဌာနံ ရူပံ, ဒေါမနဿသဟဂတေ ခန္ဓေ စ ပဋိဃဉ္စ ပဋိစ္စ စိတ္တသမုဋ္ဌာနံ ရူပံ။ (၂)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပဋိစ္စ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ပဋိဃဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
အာရမ္မဏပစ္စယော
* ၄၈။ ဂန္ထသမ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဂန္ထသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တံ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ ပဋိစ္စ လောဘော, ဒေါမနဿသဟဂတေ ခန္ဓေ ပဋိစ္စ ပဋိဃံ။ (၂)
ဂန္ထသမ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ ပဋိစ္စ တယော ခန္ဓာ လောဘော စ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓံ ပဋိစ္စ တယော ခန္ဓာ ပဋိဃဉ္စ…ပေ… ဒွေ ခန္ဓေ…ပေ…။ (၃)
* ၄၉။ ဂန္ထဝိပ္ပယုတ္တံ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဂန္ထဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
ဂန္ထဝိပ္ပယုတ္တံ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ, ပဋိဃံ ပဋိစ္စ သမ္ပယုတ္တကာ ခန္ဓာ။ (၂)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပဋိစ္စ ဂန္ထသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ပဋိဃဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၀။ ဟေတုယာ နဝ, အာရမ္မဏေ ဆ, အဓိပတိယာ နဝ, အနန္တရေ ဆ, သမနန္တရေ ဆ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဆ, ပုရေဇာတေ ဆ, အာသေဝနေ ဆ, ကမ္မေ နဝ, ဝိပါကေ ဧကံ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ ဆ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဆ, ဝိဂတေ ဆ, အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၁။ ဂန္ထဝိပ္ပယုတ္တံ ဓမ္မံ ပဋိစ္စ ဂန္ထဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဂန္ထဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၂။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ (နပုရေဇာတေ ဝိဘဇန္တေန အရူပံ ပဌမံ
ကာတဗ္ဗံ, ရူပံ ယတ္ထ လဗ္ဘတိ ပစ္ဆာ ကာတဗ္ဗံ, ပဋိဃဉ္စ အရူပေ နတ္ထိ), နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၅၃။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (ဧဝံ ဂဏေတဗ္ဗံ, သံခိတ္တံ), နောဝိဂတေ တီဏိ။
၄။ ပစ္စယပစ္စနီယာနုလောမံ
* ၅၄။ နဟေတုပစ္စယာ အာရမ္မဏေ ဧကံ…ပေ… အဝိဂတေ ဧကံ။
၂။ သဟဇာတဝါရော
(သဟဇာတဝါရောပိ ဧဝံ ကာတဗ္ဗော။)
၂၈။ ဂန္ထသမ္ပယုတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၅။ ဂန္ထသမ္ပယုတ္တံ ဓမ္မံ ပစ္စယာ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
ဂန္ထဝိပ္ပယုတ္တံ ဓမ္မံ ပစ္စယာ ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထဝိပ္ပယုတ္တံ ဧကံ ခန္ဓံ ပစ္စယာ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… ဝတ္ထုံ ပစ္စယာ ဂန္ထဝိပ္ပယုတ္တာ ခန္ဓာ။ (၁)
ဂန္ထဝိပ္ပယုတ္တံ ဓမ္မံ ပစ္စယာ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဂန္ထသမ္ပယုတ္တကာ ခန္ဓာ, ဒိဋ္ဌိဂတဝိပ္ပယုတ္တံ လောဘံ ပစ္စယာ သမ္ပယုတ္တကာ ခန္ဓာ, ပဋိဃံ ပစ္စယာ သမ္ပယုတ္တကာ ခန္ဓာ။ (၂)
ဂန္ထဝိပ္ပယုတ္တံ ဓမ္မံ ပစ္စယာ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဂန္ထသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တံ လောဘံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ပဋိဃံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ, ဝတ္ထုံ ပစ္စယာ ဒေါမနဿသဟဂတာ ခန္ဓာ စ ပဋိဃဉ္စ။ (၃)
* ၅၆။ ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပစ္စယာ ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ ဝတ္ထုဉ္စ လောဘဉ္စ ပစ္စယာ တယော ခန္ဓာ …ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ဝတ္ထုဉ္စ ပဋိဃဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပစ္စယာ ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပစ္စယာ စိတ္တသမုဋ္ဌာနံ ရူပံ, ဒေါမနဿသဟဂတေ ခန္ဓေ စ ပဋိဃဉ္စ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ ဝတ္ထုဉ္စ ပစ္စယာ လောဘော, ဒေါမနဿသဟဂတေ ခန္ဓေ စ ဝတ္ထုဉ္စ ပစ္စယာ ပဋိဃံ။ (၂)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ ပစ္စယာ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဂန္ထသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဂန္ထသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ပဋိဃဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ လောဘော စ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ ပဋိဃဉ္စ…ပေ… ဒွေ ခန္ဓေ…ပေ… (သံခိတ္တံ)။ (၃)
သုဒ္ဓံ
၂။ သင်္ချာဝါရော
၁။ ပစ္စယာနုလောမံ
* ၅၇။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၈။ ဂန္ထဝိပ္ပယုတ္တံ ဓမ္မံ ပစ္စယာ ဂန္ထဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဂန္ထဝိပ္ပယုတ္တံ…ပေ… အဟေတုကပဋိသန္ဓိက္ခဏေ (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ ဂန္ထဝိပ္ပယုတ္တာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၉။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ…ပေ… နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၆၀။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (ဧဝံ ဂဏေတဗ္ဗံ)။
၄။ ပစ္စယပစ္စနီယာနုလောမံ
* ၆၁။ နဟေတုပစ္စယာ အာရမ္မဏေ ဧကံ…ပေ… အဝိဂတေ ဧကံ။
၄။ နိဿယဝါရော
(နိဿယဝါရော ပစ္စယဝါရသဒိသော)။
၂၈။ ဂန္ထသမ္ပယုတ္တဒုကံ
၅။ သံသဋ္ဌဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၂။ ဂန္ထသမ္ပယုတ္တံ ဓမ္မံ သံသဋ္ဌော ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တံ ဓမ္မံ သံသဋ္ဌော ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ သံသဋ္ဌော လောဘော, ဒေါမနဿသဟဂတေ ခန္ဓေ သံသဋ္ဌံ ပဋိဃံ။ (၂)
ဂန္ထသမ္ပယုတ္တံ ဓမ္မံ သံသဋ္ဌော ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ သံသဋ္ဌာ တယော ခန္ဓာ လောဘော စ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓံ သံသဋ္ဌာ တယော ခန္ဓာ ပဋိဃဉ္စ…ပေ… ဒွေ ခန္ဓေ…ပေ…။ (၃)
* ၆၃။ ဂန္ထဝိပ္ပယုတ္တံ ဓမ္မံ သံသဋ္ဌော ဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဂန္ထဝိပ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
ဂန္ထဝိပ္ပယုတ္တံ ဓမ္မံ သံသဋ္ဌော ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘံ သံသဋ္ဌာ သမ္ပယုတ္တကာ ခန္ဓာ, ပဋိဃံ သံသဋ္ဌာ သမ္ပယုတ္တကာ ခန္ဓာ။ (၂)
ဂန္ထသမ္ပယုတ္တဉ္စ ဂန္ထဝိပ္ပယုတ္တဉ္စ ဓမ္မံ သံသဋ္ဌော ဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘသဟဂတံ ဧကံ ခန္ဓဉ္စ
လောဘဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ဒေါမနဿသဟဂတံ ဧကံ ခန္ဓဉ္စ ပဋိဃဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
* ၆၄။ ဟေတုယာ ဆ, အာရမ္မဏေ ဆ, အဓိပတိယာ ဆ (သဗ္ဗတ္ထ ဆ), ဝိပါကေ ဧကံ, အာဟာရေ ဆ…ပေ… အဝိဂတေ ဆ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆၅။ ဂန္ထဝိပ္ပယုတ္တံ ဓမ္မံ သံသဋ္ဌော ဂန္ထဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဂန္ထဝိပ္ပယုတ္တံ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
* ၆၆။ နဟေတုယာ ဧကံ, နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဆ။
၃။ ပစ္စယာနုလောမပစ္စနီယံ
* ၆၇။ ဟေတုပစ္စယာ နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဝိပ္ပယုတ္တေ ဆ။
၄။ ပစ္စယပစ္စနီယာနုလောမံ
* ၆၈။ နဟေတုပစ္စယာ အာရမ္မဏေ ဧကံ, အနန္တရေ ဧကံ…ပေ… အဝိဂတေ ဧကံ။
၆။ သမ္ပယုတ္တဝါရော
(သမ္ပယုတ္တဝါရော သံသဋ္ဌဝါရသဒိသော)။
၂၈။ ဂန္ထသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၉။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဂန္ထသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဂန္ထသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတော ဟေတု လောဘဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒေါမနဿသဟဂတော ဟေတု ပဋိဃဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဂန္ထသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတော ဟေတု သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒေါမနဿသဟဂတော ဟေတု သမ္ပယုတ္တကာနံ ခန္ဓာနံ ပဋိဃဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၇၀။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဂန္ထဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ
ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တော လောဘော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိဃံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တော လောဘော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိဃံ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တော လောဘော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိဃံ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၇၁။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတော ဟေတု စ လောဘော စ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ဒေါမနဿသဟဂတော ဟေတု စ ပဋိဃဉ္စ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတော ဟေတု စ လောဘော စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ဒေါမနဿသဟဂတော ဟေတု စ ပဋိဃဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတော ဟေတု စ လောဘော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒေါမနဿသဟဂတော ဟေတု စ ပဋိဃဉ္စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၇၂။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဂန္ထသမ္ပယုတ္တေ ခန္ဓေ အာရဗ္ဘ ဂန္ထသမ္ပယုတ္တကာ ခန္ဓာ
ဥပ္ပဇ္ဇန္တိ။ (တီသုပိ မူလာ ပုစ္ဆိတဗ္ဗာ) ဂန္ထသမ္ပယုတ္တေ ခန္ဓေ အာရဗ္ဘ ဂန္ထဝိပ္ပယုတ္တာ ခန္ဓာ ဥပ္ပဇ္ဇန္တိ, ဂန္ထသမ္ပယုတ္တေ ခန္ဓေ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ, ဒေါမနဿသဟဂတာ ခန္ဓာ စ ပဋိဃဉ္စ ဥပ္ပဇ္ဇန္တိ။ (၃)
* ၇၃။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ဂန္ထဝိပ္ပယုတ္တေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ ဂန္ထဝိပ္ပယုတ္တေ ခန္ဓေ စ လောဘဉ္စ ပဋိဃဉ္စ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ဂန္ထဝိပ္ပယုတ္တော ရာဂေါ ဥပ္ပဇ္ဇတိ, ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ, ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ, စေတောပရိယဉာဏေန ဂန္ထဝိပ္ပယုတ္တစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… ဂန္ထဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… တံ အဿာဒေတိ အဘိနန္ဒတိ, တံ အာရဗ္ဘ ဂန္ထသမ္ပယုတ္တော ရာဂေါ ဥပ္ပဇ္ဇတိ… ဒိဋ္ဌိ ဥပ္ပဇ္ဇတိ… ဒေါမနဿံ ဥပ္ပဇ္ဇတိ (သံခိတ္တံ)။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ ဂန္ထဝိပ္ပယုတ္တေ ခန္ဓေ စ လောဘဉ္စ ပဋိဃဉ္စ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဥပ္ပဇ္ဇန္တိ။ (၃)
* ၇၄။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဒေါမနဿသဟဂတေ ခန္ဓေ စ ပဋိဃဉ္စ အာရဗ္ဘ ဂန္ထသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဒေါမနဿသဟဂတေ ခန္ဓေ စ ပဋိဃဉ္စ အာရဗ္ဘ ဂန္ထဝိပ္ပယုတ္တာ ခန္ဓာ ဥပ္ပဇ္ဇန္တိ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဒေါမနဿသဟဂတေ ခန္ဓေ စ ပဋိဃဉ္စ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဥပ္ပဇ္ဇန္တိ။ (၃)
အဓိပတိပစ္စယော
* ၇၅။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဂန္ထသမ္ပယုတ္တေ ခန္ဓေ ဂရုံ ကတွာ ဂန္ထသမ္ပယုတ္တကာ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဂန္ထသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဂန္ထသမ္ပယုတ္တေ ခန္ဓေ ဂရုံ ကတွာ ဒိဋ္ဌိဂတဝိပ္ပယုတ္တော လောဘော ဥပ္ပဇ္ဇတိ။ သဟဇာတာဓိပတိ – ဂန္ထသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာဓိပတိ လောဘဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော၊ ဒေါမနဿသဟဂတာဓိပတိ ပဋိဃဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဂန္ထသမ္ပယုတ္တေ ခန္ဓေ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ သဟဇာတာဓိပတိ – ဒိဋ္ဌိဂတဝိပ္ပယုတ္တလောဘသဟဂတာဓိပတိ သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော၊ ဒေါမနဿသဟဂတာဓိပတိ သမ္ပယုတ္တကာနံ ခန္ဓာနံ ပဋိဃဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။(၃)
* ၇၆။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ ဂန္ထဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဂန္ထဝိပ္ပယုတ္တော ရာဂေါ ဥပ္ပဇ္ဇတိ။ သဟဇာတာဓိပတိ – ဂန္ထဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ ဂန္ထဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဂန္ထသမ္ပယုတ္တော ရာဂေါ ဥပ္ပဇ္ဇတိ… ဒိဋ္ဌိ ဥပ္ပဇ္ဇတိ။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ဝတ္ထုံ ဂန္ထဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
* ၇၇။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဂန္ထသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလာ ပုစ္ဆိတဗ္ဗာ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တော လောဘော ဥပ္ပဇ္ဇတိ။ (မူလာ ပုစ္ဆိတဗ္ဗာ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
အနန္တရပစ္စယော
* ၇၈။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဂန္ထသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ ဂန္ထသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (မူလာ ပုစ္ဆိတဗ္ဗာ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ပုရိမာ ပုရိမာ ဒေါမနဿသဟဂတာ ခန္ဓာ ပစ္ဆိမဿ ပစ္ဆိမဿ ပဋိဃဿ အနန္တရပစ္စယေန ပစ္စယော၊ ဂန္ထသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလာ ပုစ္ဆိတဗ္ဗာ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော၊ ပုရိမာ ပုရိမာ ဒေါမနဿသဟဂတာ ခန္ဓာ ပစ္ဆိမာနံ ပစ္ဆိမာနံ ဒေါမနဿသဟဂတာနံ ခန္ဓာနံ ပဋိဃဿ စ အနန္တရပစ္စယေန ပစ္စယော။ (၃)
* ၇၉။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ပုရိမံ ပုရိမံ ပဋိဃံ ပစ္ဆိမဿ ပစ္ဆိမဿ ပဋိဃဿ အနန္တရပစ္စယေန ပစ္စယော၊ ပုရိမာ ပုရိမာ ဂန္ထဝိပ္ပယုတ္တာ ခန္ဓာ ပစ္ဆိမာနံ ပစ္ဆိမာနံ ဂန္ထဝိပ္ပယုတ္တာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ အနန္တရပစ္စယေန ပစ္စယော၊ ပုရိမံ ပုရိမံ ပဋိဃံ ပစ္ဆိမာနံ ပစ္ဆိမာနံ ဒေါမနဿသဟဂတာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ဂန္ထသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ
အနန္တရပစ္စယေန ပစ္စယော၊ ပုရိမံ ပုရိမံ ပဋိဃံ ပစ္ဆိမာနံ ပစ္ဆိမာနံ ဒေါမနဿသဟဂတာနံ ခန္ဓာနံ ပဋိဃဿ စ အနန္တရပစ္စယေန ပစ္စယော၊ အာဝဇ္ဇနာ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ အနန္တရပစ္စယေန ပစ္စယော။ (၃)
* ၈၀။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ အနန္တရပစ္စယေန ပစ္စယော၊ ပုရိမာ ပုရိမာ ဒေါမနဿသဟဂတာ ခန္ဓာ စ ပဋိဃဉ္စ ပစ္ဆိမာနံ ပစ္ဆိမာနံ ဒေါမနဿသဟဂတာနံ ခန္ဓာနံ အနန္တရပစ္စယေန ပစ္စယော။ (မူလာ ပုစ္ဆိတဗ္ဗာ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ပုရိမာ ပုရိမာ ဒေါမနဿသဟဂတာ ခန္ဓာ စ ပဋိဃဉ္စ ပစ္ဆိမဿ ပစ္ဆိမဿ ပဋိဃဿ အနန္တရပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဝုဋ္ဌာနဿ အနန္တရပစ္စယေန ပစ္စယော။ (မူလာ ပုစ္ဆိတဗ္ဗာ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော၊ ပုရိမာ ပုရိမာ ဒေါမနဿသဟဂတာ ခန္ဓာ စ ပဋိဃဉ္စ ပစ္ဆိမာနံ ပစ္ဆိမာနံ ဒေါမနဿသဟဂတာနံ ခန္ဓာနံ ပဋိဃဿ စ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၈၁။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော။
ဥပနိဿယပစ္စယော
* ၈၂။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဂန္ထသမ္ပယုတ္တာ ခန္ဓာ ဂန္ထသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ,
တီဏိပိ ဥပနိဿယာ) ဂန္ထသမ္ပယုတ္တာ ခန္ဓာ ဂန္ထဝိပ္ပယုတ္တာနံ ခန္ဓာနံ ဥပနိဿယပစ္စယေန ပစ္စယော။ (မူလံ, တီဏိပိ ဥပနိဿယာ) ဂန္ထသမ္ပယုတ္တာ ခန္ဓာ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဥပနိဿယပစ္စယေန ပစ္စယော၊ ဒေါမနဿသဟဂတာနံ ခန္ဓာနံ ပဋိဃဿ စ ဥပနိဿယပစ္စယေန ပစ္စယော။ (၃)
* ၈၃။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ… မာနံ ဇပ္ပေတိ… သီလံ…ပေ… ပညံ … ရာဂံ… ဒေါသံ… မောဟံ… မာနံ… ပတ္ထနံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ… ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… ပညာ, ရာဂေါ…ပေ… ပတ္ထနာ…ပေ… သေနာသနံ သဒ္ဓါယ…ပေ… ပညာယ… ရာဂဿ… ဒေါသဿ… မောဟဿ… မာနဿ… ပတ္ထနာယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ… ရာဂံ…ပေ… မာနံ… ပတ္ထနံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ ရာဂဿ… ဒေါသဿ … မောဟဿ… မာနဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော (တီဏိ ဥပနိဿယာ)၊ သဒ္ဓံ ဥပနိဿာယ မာနံ ဇပ္ပေတိ၊ သီလံ…ပေ… ပညံ… ရာဂံ… ဒေါသံ… မောဟံ… မာနံ… ပတ္ထနံ… ကာယိကံ သုခံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… ပညာ… ရာဂေါ… ဒေါသော… မောဟော… မာနော… ပတ္ထနာ…ပေ… သေနာသနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ ဥပနိဿယပစ္စယေန ပစ္စယော။ (၃)
* ၈၄။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော,
ပကတူပနိဿယော…ပေ…။ ပကတူပနိဿယော – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဂန္ထသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဂန္ထဝိပ္ပယုတ္တာနံ ခန္ဓာနံ ဒိဋ္ဌိဂတဝိပ္ပယုတ္တလောဘဿ စ ပဋိဃဿ စ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
* ၈၅။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ဂန္ထဝိပ္ပယုတ္တော ရာဂေါ ဥပ္ပဇ္ဇတိ, ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု ဂန္ထဝိပ္ပယုတ္တာနံ ခန္ဓာနံ ဒိဋ္ဌိဂတဝိပ္ပယုတ္တဿ လောဘဿ စ ပဋိဃဿ စ ပုရေဇာတပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဂန္ထသမ္ပယုတ္တော ရာဂေါ ဥပ္ပဇ္ဇတိ, ဒိဋ္ဌိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဂန္ထသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဒိဋ္ဌိဂတဝိပ္ပယုတ္တလောဘသဟဂတာနံ
ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
* ၈၆။ ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော… ဧကံ။
ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော… ဧကံ။
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
* ၈၇။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ, အာဝဇ္ဇနာပိ ဝုဋ္ဌာနမ္ပိ နတ္ထိ)။
ကမ္မပစ္စယော
* ၈၈။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ကမ္မပစ္စယေန ပစ္စယော – ဂန္ထသမ္ပယုတ္တာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဂန္ထသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ စေတနာ လောဘဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဒေါမနဿသဟဂတာ စေတနာ ပဋိဃဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – ဂန္ထသမ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – ဂန္ထသမ္ပယုတ္တာ စေတနာ သမ္ပယုတ္တကာနံ ခန္ဓာနံ
စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ စေတနာ သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဒေါမနဿသဟဂတာ စေတနာ သမ္ပယုတ္တကာနံ ခန္ဓာနံ ပဋိဃဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
* ၈၉။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဂန္ထဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ဂန္ထဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဝိပါကပစ္စယာဒိ
* ၉၀။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဝိပါကပစ္စယေန ပစ္စယော… ဧကံ။
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာဟာရပစ္စယေန ပစ္စယော… စတ္တာရိ… ဣန္ဒြိယပစ္စယေန ပစ္စယော… စတ္တာရိ… ဈာနပစ္စယေန ပစ္စယော… စတ္တာရိ… မဂ္ဂပစ္စယေန ပစ္စယော … စတ္တာရိ… သမ္ပယုတ္တပစ္စယေန ပစ္စယော… ဆ။
ဝိပ္ပယုတ္တပစ္စယော
* ၉၁။ ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ, ဝိဘဇိတဗ္ဗံ)။ (၁)
ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဂန္ထသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ ဝိပ္ပယုတ္တပစ္စယေန ပစ္စယော။ (၃)
* ၉၂။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ဒေါမနဿသဟဂတာ ခန္ဓာ စ ပဋိဃဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၉၃။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၁)
ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ, ဝိဘဇိတဗ္ဗံ)။ (၂)
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၃)
* ၉၄။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ, ဝိဘဇိတဗ္ဗံ)။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒိဋ္ဌိဂတဝိပ္ပယုတ္တော လောဘော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော၊ ဒေါမနဿသဟဂတံ ပဋိဃံ သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဂန္ထသမ္ပယုတ္တော ရာဂေါ…ပေ… ဒိဋ္ဌိ…ပေ… ဒေါမနဿံ ဥပ္ပဇ္ဇတိ, ဝတ္ထု ဂန္ထသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒိဋ္ဌိဂတဝိပ္ပယုတ္တော လောဘော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိဃံ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ
ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ဥပ္ပဇ္ဇန္တိ, ဝတ္ထု ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဒေါမနဿသဟဂတာနံ ခန္ဓာနံ ပဋိဃဿ စ အတ္ထိပစ္စယေန ပစ္စယော။ (၃)
* ၉၅။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဂန္ထသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ လောဘော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ဒေါမနဿသဟဂတော ဧကော ခန္ဓော စ ပဋိဃဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – ဂန္ထသမ္ပယုတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဒေါမနဿသဟဂတာ ခန္ဓာ စ ပဋိဃဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ ဝတ္ထု စ လောဘဿ အတ္ထိပစ္စယေန ပစ္စယော၊ ဒေါမနဿသဟဂတာ ခန္ဓာ စ ဝတ္ထု စ ပဋိဃဿ အတ္ထိပစ္စယေန ပစ္စယော။ ပစ္ဆာဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒေါမနဿသဟဂတာ ခန္ဓာ စ ပဋိဃဉ္စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဂန္ထသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဂန္ထသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ
လောဘော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒေါမနဿသဟဂတော ဧကော ခန္ဓော စ ပဋိဃဉ္စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ လောဘဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒေါမနဿသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ပဋိဃဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၉၆။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၉၇။ ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဂန္ထသမ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
ဂန္ထသမ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၉၈။ ဂန္ထဝိပ္ပယုတ္တော ဓမ္မော ဂန္ထဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
ဂန္ထဝိပ္ပယုတ္တော ဓမ္မော ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၉၉။ ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဂန္ထသမ္ပယုတ္တော စ ဂန္ထဝိပ္ပယုတ္တော စ ဓမ္မာ ဂန္ထသမ္ပယုတ္တဿ စ ဂန္ထဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၁၀၀။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
ဟေတုဒုကံ
* ၁၀၁။ ဟေတုပစ္စယာ နအာရမ္မဏေ နဝ, နအဓိပတိယာ နဝ…ပေ… နသမနန္တရေ နဝ, နအညမညေ တီဏိ, နဥပနိဿယေ နဝ…ပေ… နမဂ္ဂေ
နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
နဟေတုဒုကံ
* ၁၀၂။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ဝိတ္ထာရေတဗ္ဗာ)…ပေ… အဝိဂတေ နဝ။
ဂန္ထသမ္ပယုတ္တဒုကံ နိဋ္ဌိတံ။
၂၉။ ဂန္ထဂန္ထနိယဒုကံ
၁။ ပဋိစ္စဝါရော
ဟေတုပစ္စယော
* ၁၀၃။ ဂန္ထဉ္စေဝ ဂန္ထနိယဉ္စ ဓမ္မံ ပဋိစ္စ ဂန္ထော စေဝ ဂန္ထနိယော စ ဓမ္မော ဥပ္ပဇ္ဇတိ ဟေတုပစ္စယာ – သီလဗ္ဗတပရာမာသံ ကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ သီလဗ္ဗတပရာမာသော ကာယဂန္ထော, ဣဒံသစ္စာဘိနိဝေသကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ ဣဒံသစ္စာဘိနိဝေသကာယဂန္ထော။ (၁)
ဂန္ထဉ္စေဝ ဂန္ထနိယဉ္စ ဓမ္မံ ပဋိစ္စ ဂန္ထနိယော စေဝ နော စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – ဂန္ထေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
ဂန္ထဉ္စေဝ ဂန္ထနိယဉ္စ ဓမ္မံ ပဋိစ္စ ဂန္ထော စေဝ ဂန္ထနိယော စ ဂန္ထနိယော စေဝ နော စ ဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၁)
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ပဋိစ္စဝါရမ္ပိ သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ဂန္ထဒုကသဒိသံ နိန္နာနာကရဏံ။)
၂၉။ ဂန္ထဂန္ထနိယဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၄။ ဂန္ထော စေဝ ဂန္ထနိယော စ ဓမ္မော ဂန္ထဿ စေဝ ဂန္ထနိယဿ စ ဓမ္မဿ ဟေတုပစ္စယေန ပစ္စယော – ဂန္ထာ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော (ဧဝံ နဝ ပဉှာ ဝိတ္ထာရေတဗ္ဗာ)။
အာရမ္မဏပစ္စယော
* ၁၀၅။ ဂန္ထော စေဝ ဂန္ထနိယော စ ဓမ္မော ဂန္ထဿ စေဝ ဂန္ထနိယဿ စ ဓမ္မဿ အာရမ္မဏပစ္စယေန ပစ္စယော – ဂန္ထေ အာရဗ္ဘ ဂန္ထာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) ဂန္ထေ အာရဗ္ဘ ဂန္ထနိယာ စေဝ နော စ ဂန္ထာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) ဂန္ထေ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၁၀၆။ ဂန္ထနိယော စေဝ နော စ ဂန္ထော ဓမ္မော ဂန္ထနိယဿ စေဝ နော စ ဂန္ထဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ ဂေါတြဘုံ ပစ္စဝေက္ခန္တိ, ဝေါဒါနံ ပစ္စဝေက္ခန္တိ, ပဟီနေ ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ ဂန္ထနိယေ စေဝ နော စ ဂန္ထေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ (သဗ္ဗံ ဝိတ္ထာရေတဗ္ဗံ) အာဝဇ္ဇနာယ အာရမ္မဏပစ္စယေန ပစ္စယော။ (၁)
ဂန္ထနိယော စေဝ နော စ ဂန္ထော ဓမ္မော ဂန္ထဿ စေဝ ဂန္ထနိယဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ ဂန္ထနိယေ စေဝ နော စ ဂန္ထေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဒေါမနဿံ ဥပ္ပဇ္ဇတိ။ (၂)
ဂန္ထနိယော စေဝ နော စ ဂန္ထော ဓမ္မော ဂန္ထဿ စေဝ ဂန္ထနိယဿ စ ဂန္ထနိယဿ စေဝ နော စ ဂန္ထဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ ဂန္ထနိယေ စေဝ နော စ ဂန္ထေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ဂန္ထာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ (ဧဝံ ဣတရေပိ တီဏိ ဝိတ္ထာရေတဗ္ဗာ)။ (၃)
(အာရဗ္ဘ ကာတဗ္ဗာ။ ဣမသ္မိံ ဒုကေ လောကုတ္တရံ နတ္ထိ, ဂန္ထဒုကသဒိသံ, နိန္နာနာကရဏံ။ ‘‘ဂန္ထနိယ’’န္တိ နိယာမေတဗ္ဗံ, မဂ္ဂေ နဝ ပဉှာ ကာတဗ္ဗာ။)
ဂန္ထဂန္ထနိယဒုကံ နိဋ္ဌိတံ။
၃၀။ ဂန္ထဂန္ထသမ္ပယုတ္တဒုကံ
၁။ ပဋိစ္စဝါရော
၁-၄။ ပစ္စယစတုက္ကံ
ဟေတုပစ္စယော
* ၁၀၇။ ဂန္ထဉ္စေဝ ဂန္ထသမ္ပယုတ္တဉ္စ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – သီလဗ္ဗတပရာမာသံ ကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ သီလဗ္ဗတပရာမာသော ကာယဂန္ထော, ဣဒံသစ္စာဘိနိဝေသကာယဂန္ထံ ပဋိစ္စ အဘိဇ္ဈာကာယဂန္ထော, အဘိဇ္ဈာကာယဂန္ထံ ပဋိစ္စ ဣဒံသစ္စာဘိနိဝေသော ကာယဂန္ထော။ (၁)
ဂန္ထဉ္စေဝ ဂန္ထသမ္ပယုတ္တဉ္စ ဓမ္မံ ပဋိစ္စ ဂန္ထသမ္ပယုတ္တော စေဝ နော စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – ဂန္ထေ ပဋိစ္စ သမ္ပယုတ္တကာ ခန္ဓာ။ (၂)
ဂန္ထဉ္စေဝ ဂန္ထသမ္ပယုတ္တဉ္စ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – သီလဗ္ဗတပရာမာသံ ကာယဂန္ထံ ပဋိစ္စ အဘိဇ္ဈာကာယဂန္ထော သမ္ပယုတ္တကာ စ ခန္ဓာ (စက္ကံ)။ (၃)
* ၁၀၈။ ဂန္ထသမ္ပယုတ္တဉ္စေဝ နော စ ဂန္ထံ ဓမ္မံ ပဋိစ္စ ဂန္ထသမ္ပယုတ္တော စေဝ နော စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တဉ္စေဝ နော စ ဂန္ထံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဂန္ထသမ္ပယုတ္တဉ္စေဝ နော စ ဂန္ထံ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တေ စေဝ နော စ ဂန္ထေ ခန္ဓေ ပဋိစ္စ ဂန္ထာ။ (၂)
ဂန္ထသမ္ပယုတ္တဉ္စေဝ နော စ ဂန္ထံ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – ဂန္ထသမ္ပယုတ္တဉ္စေဝ နော စ ဂန္ထံ ဧကံ ခန္ဓံ ပဋိစ္စ တယော ခန္ဓာ ဂန္ထာ စ…ပေ… ဒွေ ခန္ဓေ…ပေ…။ (၃)
* ၁၀၉။ ဂန္ထဉ္စေဝ ဂန္ထသမ္ပယုတ္တဉ္စ ဂန္ထသမ္ပယုတ္တဉ္စေဝ နော စ ဂန္ထဉ္စ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ဂန္ထေ စ သမ္ပယုတ္တကေ စ ခန္ဓေ ပဋိစ္စ ဂန္ထာ။ (၁)
ဂန္ထဉ္စေဝ ဂန္ထသမ္ပယုတ္တဉ္စ ဂန္ထသမ္ပယုတ္တဉ္စေဝ နော စ ဂန္ထဉ္စ ဓမ္မံ ပဋိစ္စ ဂန္ထသမ္ပယုတ္တော စေဝ နော စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ – ဂန္ထသမ္ပယုတ္တဉ္စေဝ နော စ ဂန္ထံ ဧကံ ခန္ဓဉ္စ ဂန္ထေ စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၂)
ဂန္ထဉ္စေဝ ဂန္ထသမ္ပယုတ္တဉ္စ ဂန္ထသမ္ပယုတ္တဉ္စေဝ နော စ ဂန္ထဉ္စ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ – ဂန္ထသမ္ပယုတ္တဉ္စေဝ နော စ ဂန္ထံ ဧကံ ခန္ဓဉ္စ သီလဗ္ဗတပရာမာသံ ကာယဂန္ထဉ္စ ပဋိစ္စ တယော ခန္ဓာ အဘိဇ္ဈာကာယဂန္ထော စ…ပေ… ဒွေ ခန္ဓေ စ…ပေ… (စက္ကံ ဗန္ဓိတဗ္ဗံ။ သံခိတ္တံ)။ (၃)
* ၁၁၀။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ကမ္မေ နဝ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
* ၁၁၁။ ဂန္ထဉ္စေဝ ဂန္ထသမ္ပယုတ္တဉ္စ ဓမ္မံ ပဋိစ္စ ဂန္ထော စေဝ ဂန္ထသမ္ပယုတ္တော စ ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ)။
(ဣဓ နဟေတုပစ္စယော နတ္ထိ) နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)
၃၀။ ဂန္ထဂန္ထသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁၂။ ဂန္ထော စေဝ ဂန္ထသမ္ပယုတ္တော စ ဓမ္မော ဂန္ထဿ စေဝ ဂန္ထသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၁)
ဂန္ထော စေဝ ဂန္ထသမ္ပယုတ္တော စ ဓမ္မော ဂန္ထသမ္ပယုတ္တဿ စေဝ နော စ ဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
ဂန္ထော စေဝ ဂန္ထသမ္ပယုတ္တော စ ဓမ္မော ဂန္ထဿ စေဝ ဂန္ထသမ္ပယုတ္တဿ စ ဂန္ထသမ္ပယုတ္တဿ စေဝ နော စ ဂန္ထဿ စ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ ဟေတုပစ္စယေန ပစ္စယော။ (၃)
* ၁၁၃။ ဂန္ထသမ္ပယုတ္တော စေဝ နော စ ဂန္ထော ဓမ္မော ဂန္ထသမ္ပယုတ္တဿ စေဝ နော စ ဂန္ထဿ ဓမ္မဿ ဟေတုပစ္စယေန ပစ္စယော – ဂန္ထသမ္ပယုတ္တာ စေဝ နော စ ဂန္ထာ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၁)
ဂန္ထသမ္ပယုတ္တော စေဝ နော စ ဂန္ထော ဓမ္မော ဂန္ထဿ စေဝ ဂန္ထသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဂန္ထသမ္ပယုတ္တာ စေဝ နော စ ဂန္ထာ ဟေတူ သမ္ပယုတ္တကာနံ ဂန္ထာနံ ဟေတုပစ္စယေန ပစ္စယော။ (၂)
ဂန္ထသမ္ပယုတ္တော စေဝ နော စ ဂန္ထော ဓမ္မော ဂန္ထဿ စေဝ ဂန္ထသမ္ပယုတ္တဿ စ ဂန္ထသမ္ပယုတ္တဿ စေဝ နော စ ဂန္ထဿ စ ဓမ္မဿ
ဟေတုပစ္စယေန ပစ္စယော – ဂန္ထသမ္ပယုတ္တာ စေဝ နော စ ဂန္ထာ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ ဟေတုပစ္စယေန ပစ္စယော။ (၃)
* ၁၁၄။ ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဂန္ထဿ စေဝ ဂန္ထသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဂန္ထသမ္ပယုတ္တာ စေဝ နော စ ဂန္ထာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဂန္ထသမ္ပယုတ္တဿ စေဝ နော စ ဂန္ထဿ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဂန္ထသမ္ပယုတ္တာ စေဝ နော စ ဂန္ထာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
ဂန္ထော စေဝ ဂန္ထသမ္ပယုတ္တော စ ဂန္ထသမ္ပယုတ္တော စေဝ နော စ ဂန္ထော စ ဓမ္မာ ဂန္ထဿ စေဝ ဂန္ထသမ္ပယုတ္တဿ စ ဂန္ထသမ္ပယုတ္တဿ စေဝ နော စ ဂန္ထဿ စ ဓမ္မဿ ဟေတုပစ္စယေန ပစ္စယော – ဂန္ထာ စေဝ ဂန္ထသမ္ပယုတ္တာ စ ဂန္ထသမ္ပယုတ္တာ စေဝ နော စ ဂန္ထာ စ ဟေတူ သမ္ပယုတ္တကာနံ ခန္ဓာနံ ဂန္ထာနဉ္စ ဟေတုပစ္စယေန ပစ္စယော။ (၃)
အာရမ္မဏပစ္စယာဒိ
* ၁၁၅။ ဂန္ထော စေဝ ဂန္ထသမ္ပယုတ္တော စ ဓမ္မော ဂန္ထဿ စေဝ ဂန္ထသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – ဂန္ထေ အာရဗ္ဘ ဂန္ထာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထေ အာရဗ္ဘ ဂန္ထသမ္ပယုတ္တာ စေဝ နော စ ဂန္ထာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထေ အာရဗ္ဘ ဂန္ထာ စ ဂန္ထသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဂန္ထသမ္ပယုတ္တော စေဝ နော စ ဂန္ထော ဓမ္မော ဂန္ထသမ္ပယုတ္တဿ စေဝ နော စ ဂန္ထဿ ဓမ္မဿ အာရမ္မဏပစ္စယေန ပစ္စယော – ဂန္ထသမ္ပယုတ္တေ စေဝ နော စ ဂန္ထေ ခန္ဓေ အာရဗ္ဘ ဂန္ထသမ္ပယုတ္တာ စေဝ နော စ ဂန္ထာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထသမ္ပယုတ္တေ စေဝ နော စ ဂန္ထေ ခန္ဓေ အာရဗ္ဘ ဂန္ထာ ဥပ္ပဇ္ဇန္တိ။ (မူလံ ကာတဗ္ဗံ) ဂန္ထသမ္ပယုတ္တေ စေဝ နော စ ဂန္ထေ ခန္ဓေ အာရဗ္ဘ ဂန္ထာ စ ဂန္ထသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
(ဧဝံ ဣတရေပိ တီဏိ ပဉှာ ကာတဗ္ဗာ အာရမ္မဏသဒိသံယေဝ။ အဓိပတိယာပိ အနန္တရေပိ ဥပနိဿယေပိ ဝိဘာဂေါ နတ္ထိ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၁၆။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
(အရူပံယေဝ ပစ္စယံ, ဧကေကဿ တီဏိ တီဏိ ကာတဗ္ဗာ။ အာရမ္မဏဉ္စ သဟဇာတဉ္စ ဥပနိဿယဉ္စ နဝသုပိ ပရိဝတ္တေတဗ္ဗံ။ ဧဝံ ပဉှာဝါရေပိ သဗ္ဗံ ကာတဗ္ဗံ။)
ဂန္ထဂန္ထသမ္ပယုတ္တဒုကံ နိဋ္ဌိတံ။
၃၁။ ဂန္ထဝိပ္ပယုတ္တဂန္ထနိယဒုကံ
၁။ ပဋိစ္စဝါရော
ဟေတုပစ္စယော
* ၁၁၇။ ဂန္ထဝိပ္ပယုတ္တဂန္ထနိယံ ဓမ္မံ ပဋိစ္စ ဂန္ထဝိပ္ပယုတ္တဂန္ထနိယော ဓမ္မော ဥပ္ပဇ္ဇတိ ဟေတုပစ္စယာ – ဂန္ထဝိပ္ပယုတ္တံ ဂန္ထနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဧကံ မဟာဘူတံ…ပေ… (ယထာ စူဠန္တရဒုကေ လောကိယဒုကံ ဧဝံ ဝိတ္ထာရေတဗ္ဗံ နိန္နာနာကရဏံ)။
ဂန္ထဝိပ္ပယုတ္တဂန္ထနိယဒုကံ နိဋ္ဌိတံ။
ဂန္ထဂေါစ္ဆကံ နိဋ္ဌိတံ။
၆-၇။ ဩဃယောဂဂေါစ္ဆကံ
၃၂-၄၃။ ဩဃာဒိဒုကာနိ
* ၁။ ဩဃံ ဓမ္မံ ပဋိစ္စ ဩဃော ဓမ္မော ဥပ္ပဇ္ဇတိ ဟေတုပစ္စယာ…ပေ…။
* ၂။ ယောဂံ ဓမ္မံ ပဋိစ္စ ယောဂေါ ဓမ္မော ဥပ္ပဇ္ဇတိ ဟေတုပစ္စယာ…ပေ… (ဒွေပိ ဂေါစ္ဆကာ အာသဝဂေါစ္ဆကသဒိသာ နိန္နာနာကရဏာ)။
ဩဃယောဂဂေါစ္ဆကံ နိဋ္ဌိတံ။
၈။ နီဝရဏဂေါစ္ဆကံ
၄၄။ နီဝရဏဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ နီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ [ထီနမိဒ္ဓနီဝရဏံ (သျာ။)] ဥဒ္ဓစ္စနီဝရဏံ အဝိဇ္ဇာနီဝရဏံ, ကာမစ္ဆန္ဒနီဝရဏံ ပဋိစ္စ ဥဒ္ဓစ္စနီဝရဏံ အဝိဇ္ဇာနီဝရဏံ, ဗျာပါဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ, ဗျာပါဒနီဝရဏံ ပဋိစ္စ ဥဒ္ဓစ္စနီဝရဏံ အဝိဇ္ဇာနီဝရဏံ, ဗျာပါဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ ကုက္ကုစ္စနီဝရဏံ အဝိဇ္ဇာနီဝရဏံ, ဗျာပါဒနီဝရဏံ ပဋိစ္စ ဥဒ္ဓစ္စနီဝရဏံ ကုက္ကုစ္စနီဝရဏံ အဝိဇ္ဇာနီဝရဏံ, ဝိစိကိစ္ဆာနီဝရဏံ ပဋိစ္စ ဥဒ္ဓစ္စနီဝရဏံ, ဥဒ္ဓစ္စနီဝရဏံ ပဋိစ္စ အဝိဇ္ဇာနီဝရဏံ။ (၁)
နီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ – နီဝရဏေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
နီဝရဏံ ဓမ္မံ ပဋိစ္စ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ (၃)
* ၂။ နောနီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
နောနီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏေ ခန္ဓေ ပဋိစ္စ နီဝရဏာ။ (၂)
နောနီဝရဏံ ဓမ္မံ ပဋိစ္စ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နောနီဝရဏံ ဧကံ ခန္ဓံ ပဋိစ္စ တယော ခန္ဓာ နီဝရဏာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၃။ နီဝရဏဉ္စ နောနီဝရဏဉ္စ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏဉ္စ သမ္ပယုတ္တကေ စ ခန္ဓေ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ)။ (၁)
နီဝရဏဉ္စ နောနီဝရဏဉ္စ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏံ ဧကံ ခန္ဓဉ္စ နီဝရဏဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… နီဝရဏေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၂)
နီဝရဏဉ္စ နောနီဝရဏဉ္စ ဓမ္မံ ပဋိစ္စ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နောနီဝရဏံ ဧကံ ခန္ဓဉ္စ ကာမစ္ဆန္ဒနီဝရဏဉ္စ ပဋိစ္စ တယော ခန္ဓာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ…ပေ… ဒွေ ခန္ဓေ စ…ပေ… (စက္ကံ။ သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ (သဗ္ဗတ္ထ နဝ), ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅။ နီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏံ ပဋိစ္စ အဝိဇ္ဇာနီဝရဏံ, ဥဒ္ဓစ္စနီဝရဏံ ပဋိစ္စ အဝိဇ္ဇာနီဝရဏံ။ (၁)
နောနီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောနီဝရဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
နောနီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာနီဝရဏံ။ (၂)
* ၆။ နီဝရဏဉ္စ နောနီဝရဏဉ္စ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာနီဝရဏံ, ဥဒ္ဓစ္စနီဝရဏဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာနီဝရဏံ။ (၁)
နအာရမ္မဏပစ္စယာဒိ
* ၇။ နီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နအာရမ္မဏပစ္စယာ – နီဝရဏေ ပဋိစ္စ စိတ္တသမုဋ္ဌာနံ ရူပံ။ (၁)
နောနီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နအာရမ္မဏပစ္စယာ – နောနီဝရဏေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
နီဝရဏဉ္စ နောနီဝရဏဉ္စ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နအာရမ္မဏပစ္စယာ – နီဝရဏေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ (သံခိတ္တံ)… နအဓိပတိပစ္စယာ… နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။
နပုရေဇာတပစ္စယော
* ၈။ နီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ, အရူပေ ကာမစ္ဆန္ဒနီဝရဏံ ပဋိစ္စ ဥဒ္ဓစ္စနီဝရဏံ အဝိဇ္ဇာနီဝရဏံ, အရူပေ ဝိစိကိစ္ဆာနီဝရဏံ ပဋိစ္စ ဥဒ္ဓစ္စနီဝရဏံ အဝိဇ္ဇာနီဝရဏံ, အရူပေ ဥဒ္ဓစ္စနီဝရဏံ ပဋိစ္စ အဝိဇ္ဇာနီဝရဏံ။ (၁)
နီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နီဝရဏေ ပဋိစ္စ သမ္ပယုတ္တကာ ခန္ဓာ, နီဝရဏေ ပဋိစ္စ စိတ္တသမုဋ္ဌာနံ ရူပံ။ (အဝသေသာ ပဉှာ သဗ္ဗေ ဝိတ္ထာရေတဗ္ဗာ။ အရူပံ ပဌမံ ကာတဗ္ဗံ, ရူပံ ပစ္ဆာ ယထာ လဘတိ။)
* ၉။ နီဝရဏဉ္စ နောနီဝရဏဉ္စ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နောနီဝရဏေ ခန္ဓေ စ ကာမစ္ဆန္ဒနီဝရဏဉ္စ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ (စက္ကံ)။ (၁)
နီဝရဏဉ္စ နောနီဝရဏဉ္စ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နောနီဝရဏံ ဧကံ ခန္ဓဉ္စ နီဝရဏေ စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… နီဝရဏေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ, နီဝရဏေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၂)
နီဝရဏဉ္စ နောနီဝရဏဉ္စ ဓမ္မံ ပဋိစ္စ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နောနီဝရဏံ ဧကံ ခန္ဓဉ္စ ကာမစ္ဆန္ဒနီဝရဏဉ္စ ပဋိစ္စ တယော ခန္ဓာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ။ သံခိတ္တံ)။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀။ နဟေတုယာ စတ္တာရိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၁။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ)။
၄။ ပစ္စယပစ္စနီယာနုလောမံ
* ၁၂။ နဟေတုပစ္စယာ အာရမ္မဏေ စတ္တာရိ…ပေ… မဂ္ဂေ တီဏိ…ပေ… အဝိဂတေ စတ္တာရိ။
၂။ သဟဇာတဝါရော
(သဟဇာတဝါရောပိ ဧဝံ ဝိတ္ထာရေတဗ္ဗော)။
ဟေတုပစ္စယော
၁။ ဝိဘင်္ဂဝါရော
၁။ ပစ္စယာနုလောမံ
၃။ ပစ္စယဝါရော
* ၁၃။ နီဝရဏံ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ ဟေတုပစ္စယာ… တီဏိ။
နောနီဝရဏံ ဓမ္မံ ပစ္စယာ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… (ယာဝ အဇ္ဈတ္တိကာ မဟာဘူတာ), ဝတ္ထုံ ပစ္စယာ နောနီဝရဏာ ခန္ဓာ။ (၁)
နောနီဝရဏံ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏေ ခန္ဓေ ပစ္စယာ နီဝရဏာ, ဝတ္ထုံ ပစ္စယာ နီဝရဏာ။ (၂)
နောနီဝရဏံ ဓမ္မံ ပစ္စယာ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နောနီဝရဏံ ဧကံ ခန္ဓံ ပစ္စယာ တယော ခန္ဓာ နီဝရဏာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ နီဝရဏာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ နီဝရဏာ စ သမ္ပယုတ္တကာ စ ခန္ဓာ။ (၃)
* ၁၄။ နီဝရဏဉ္စ နောနီဝရဏဉ္စ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏဉ္စ သမ္ပယုတ္တကေ စ ခန္ဓေ ပစ္စယာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ)။ ကာမစ္ဆန္ဒနီဝရဏဉ္စ ဝတ္ထုဉ္စ ပစ္စယာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ)။ (၁)
နီဝရဏဉ္စ နောနီဝရဏဉ္စ ဓမ္မံ ပစ္စယာ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ – နောနီဝရဏံ ဧကံ ခန္ဓဉ္စ နီဝရဏဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… နီဝရဏဉ္စ ဝတ္ထုဉ္စ ပစ္စယာ သမ္ပယုတ္တကာ ခန္ဓာ, နီဝရဏဉ္စ သမ္ပယုတ္တကေ စ ခန္ဓေ ပစ္စယာ စိတ္တသမုဋ္ဌာနံ ရူပံ, နီဝရဏေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)
နီဝရဏဉ္စ နောနီဝရဏဉ္စ ဓမ္မံ ပစ္စယာ နီဝရဏော စ နောနီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နောနီဝရဏံ ဧကံ ခန္ဓဉ္စ ကာမစ္ဆန္ဒနီဝရဏဉ္စ ပစ္စယာ တယော ခန္ဓာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ…ပေ… ဒွေ
ခန္ဓေ…ပေ… (စက္ကံ)။ ကာမစ္ဆန္ဒနီဝရဏဉ္စ ဝတ္ထုဉ္စ ပစ္စယာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ သမ္ပယုတ္တကာ စ ခန္ဓာ (စက္ကံ။ သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၁၅။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၆။ နီဝရဏံ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏံ ပစ္စယာ အဝိဇ္ဇာနီဝရဏံ, ဥဒ္ဓစ္စနီဝရဏံ ပစ္စယာ အဝိဇ္ဇာနီဝရဏံ။ (၁)
နောနီဝရဏံ ဓမ္မံ ပစ္စယာ နောနီဝရဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောနီဝရဏံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ နောနီဝရဏာ ခန္ဓာ။ (၁)
နောနီဝရဏံ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ အဝိဇ္ဇာနီဝရဏံ, ဝတ္ထုံ ပစ္စယာ အဝိဇ္ဇာနီဝရဏံ။ (၂)
* ၁၇။ နီဝရဏဉ္စ နောနီဝရဏဉ္စ ဓမ္မံ ပစ္စယာ နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏဉ္စ သမ္ပယုတ္တကေ စ ခန္ဓေ ပစ္စယာ အဝိဇ္ဇာနီဝရဏံ, ဥဒ္ဓစ္စနီဝရဏဉ္စ သမ္ပယုတ္တကေ စ ခန္ဓေ ပစ္စယာ အဝိဇ္ဇာနီဝရဏံ, ဝိစိကိစ္ဆာနီဝရဏဉ္စ ဝတ္ထုဉ္စ ပစ္စယာ အဝိဇ္ဇာနီဝရဏံ, ဥဒ္ဓစ္စနီဝရဏဉ္စ ဝတ္ထုဉ္စ ပစ္စယာ အဝိဇ္ဇာနီဝရဏံ (သံခိတ္တံ)။ (၁)
သုဒ္ဓံ
၂။ သင်္ချာဝါရော
၂။ ပစ္စယပစ္စနီယံ
* ၁၈။ နဟေတုယာ စတ္တာရိ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၉။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ)။
၄။ ပစ္စယပစ္စနီယာနုလောမံ
* ၂၀။ နဟေတုပစ္စယာ အာရမ္မဏေ စတ္တာရိ, အနန္တရေ စတ္တာရိ, သမနန္တရေ စတ္တာရိ…ပေ… မဂ္ဂေ တီဏိ, အဝိဂတေ စတ္တာရိ။
၅။ သံသဋ္ဌဝါရော
၁-၄။ ပစ္စယစတုက္ကံ
* ၂၁။ နီဝရဏံ ဓမ္မံ သံသဋ္ဌော နီဝရဏော ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏံ သံသဋ္ဌံ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ။ သဗ္ဗံ နီဝရဏံ ဝိတ္ထာရေတဗ္ဗံ)။
* ၂၂။ ဟေတုယာ နဝ, အာရမ္မဏေ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
အနုလောမံ။
* ၂၃။ နီဝရဏံ ဓမ္မံ သံသဋ္ဌော နီဝရဏော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏံ သံသဋ္ဌံ အဝိဇ္ဇာနီဝရဏံ, ဥဒ္ဓစ္စနီဝရဏံ သံသဋ္ဌံ အဝိဇ္ဇာနီဝရဏံ (သံခိတ္တံ)။
* ၂၄။ နဟေတုယာ စတ္တာရိ, နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ နဝ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၄၄။ နီဝရဏဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၅။ နီဝရဏော ဓမ္မော နီဝရဏဿ ဓမ္မဿ ဟေတုပစ္စယေန ပစ္စယော – နီဝရဏာ ဟေတူ သမ္ပယုတ္တကာနံ နီဝရဏာနံ ဟေတုပစ္စယေန ပစ္စယော။ (၁)
နီဝရဏော ဓမ္မော နောနီဝရဏဿ ဓမ္မဿ ဟေတုပစ္စယေန ပစ္စယော – နီဝရဏာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
နီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ ဟေတုပစ္စယေန ပစ္စယော – နီဝရဏာ ဟေတူ သမ္ပယုတ္တကာနံ ခန္ဓာနံ နီဝရဏာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
နောနီဝရဏော ဓမ္မော နောနီဝရဏဿ ဓမ္မဿ ဟေတုပစ္စယေန ပစ္စယော – နောနီဝရဏာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၂၆။ နီဝရဏော ဓမ္မော နီဝရဏဿ ဓမ္မဿ အာရမ္မဏပစ္စယေန ပစ္စယော – နီဝရဏေ အာရဗ္ဘ နီဝရဏာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) နီဝရဏေ အာရဗ္ဘ နောနီဝရဏာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) နီဝရဏေ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၂၇။ နောနီဝရဏော ဓမ္မော နောနီဝရဏဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောနီဝရဏေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ…ပေ… စက္ခုံ…ပေ… ဝတ္ထုံ နောနီဝရဏေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောနီဝရဏစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောနီဝရဏာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောနီဝရဏော ဓမ္မော နီဝရဏဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နောနီဝရဏေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ …ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ။ (၂)
နောနီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နောနီဝရဏေ ခန္ဓေ အဿာဒေတိ အဘိနန္ဒတိ, တံ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘ ကာတဗ္ဗာ)။
အဓိပတိပစ္စယော
* ၂၈။ နီဝရဏော ဓမ္မော နီဝရဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – နီဝရဏေ ဂရုံ ကတွာ နီဝရဏာ ဥပ္ပဇ္ဇန္တိ… တီဏိ (အာရမ္မဏသဒိသံ)။ (၃)
* ၂၉။ နောနီဝရဏော ဓမ္မော နောနီဝရဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောနီဝရဏေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောနီဝရဏာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောနီဝရဏော ဓမ္မော နီဝရဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောနီဝရဏေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောနီဝရဏာဓိပတိ သမ္ပယုတ္တကာနံ နီဝရဏာနံ အဓိပတိပစ္စယေန ပစ္စယော။ (၂)
နောနီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောနီဝရဏေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – နောနီဝရဏာဓိပတိ သမ္ပယုတ္တကာနံ ခန္ဓာနံ နီဝရဏာနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ (အာရမ္မဏာဓိပတိယေဝ)။
အနန္တရပစ္စယော
* ၃၀။ နီဝရဏော ဓမ္မော နီဝရဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နီဝရဏာ ပစ္ဆိမာနံ ပစ္ဆိမာနံ နီဝရဏာနံ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ နီဝရဏာ ပစ္ဆိမာနံ ပစ္ဆိမာနံ နောနီဝရဏာနံ ခန္ဓာနံ အနန္တရပစ္စယေန ပစ္စယော၊ နီဝရဏာ ဝုဋ္ဌာနဿ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ နီဝရဏာ ပစ္ဆိမာနံ ပစ္ဆိမာနံ နီဝရဏာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၃၁။ နောနီဝရဏော ဓမ္မော နောနီဝရဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောနီဝရဏာ ခန္ဓာ ပစ္ဆိမာနံ ပစ္ဆိမာနံ နောနီဝရဏာနံ ခန္ဓာနံ အနန္တရပစ္စယေန ပစ္စယော…ပေ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ ) ပုရိမာ ပုရိမာ နောနီဝရဏာ ခန္ဓာ ပစ္ဆိမာနံ ပစ္ဆိမာနံ နီဝရဏာနံ အနန္တရပစ္စယေန ပစ္စယော၊ အာဝဇ္ဇနာ နီဝရဏာနံ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ နောနီဝရဏာ ခန္ဓာ ပစ္ဆိမာနံ ပစ္ဆိမာနံ နီဝရဏာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ နီဝရဏာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၃၂။ နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နီဝရဏာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နီဝရဏာနံ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ နီဝရဏာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နောနီဝရဏာနံ ခန္ဓာနံ အနန္တရပစ္စယေန ပစ္စယော၊ နီဝရဏာ စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ နီဝရဏာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နီဝရဏာနဉ္စ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၃၃။ နီဝရဏော ဓမ္မော နီဝရဏဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော။
ဥပနိဿယပစ္စယော
* ၃၄။ နီဝရဏော ဓမ္မော နီဝရဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – နီဝရဏာနိ နီဝရဏာနံ ဥပနိဿယပစ္စယေန ပစ္စယော… တီဏိ။
* ၃၅။ နောနီဝရဏော ဓမ္မော နောနီဝရဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သီလံ…ပေ… ဥပေါသထကမ္မံ…ပေ… ဈာနံ ဥပ္ပါဒေတိ, ဝိပဿနံ…ပေ… မဂ္ဂံ…ပေ… အဘိညံ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ…ပေ… မာနံ… ဒိဋ္ဌိံ… ပတ္ထနံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ …ပေ… သေနာသနံ သဒ္ဓါယ…ပေ… ပညာယ, ရာဂဿ…ပေ… ပတ္ထနာယ, ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောနီဝရဏော ဓမ္မော နီဝရဏဿ ဓမ္မဿ ဥပနိဿယပစ္စယေန ပစ္စယော (တီဏိ ဥပနိဿယာ)။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
နောနီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ နီဝရဏာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – နီဝရဏာ စ သမ္ပယုတ္တကာ စ ခန္ဓာ နီဝရဏာနံ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၃၆။ နောနီဝရဏော ဓမ္မော နောနီဝရဏဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ…ပေ… တီဏိ (ပုရေဇာတံ အာရမ္မဏသဒိသံ ကုသလာကုသလဿ ဝိဘဇိတဗ္ဗံ)။
ပစ္ဆာဇာတ-အာသေဝနပစ္စယာ
* ၃၇။ နီဝရဏော ဓမ္မော နောနီဝရဏဿ ဓမ္မဿ ပစ္ဆာဇာတပစ္စယေန ပစ္စယော… တီဏိ… အာသေဝနပစ္စယေန ပစ္စယော… နဝ။
ကမ္မပစ္စယော
* ၃၈။ နောနီဝရဏော ဓမ္မော နောနီဝရဏဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောနီဝရဏာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောနီဝရဏာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (မူလံ ပုစ္ဆိတဗ္ဗံ) နောနီဝရဏာ စေတနာ သမ္ပယုတ္တကာနံ နီဝရဏာနံ ကမ္မပစ္စယေန ပစ္စယော။ (မူလံ ပုစ္ဆိတဗ္ဗံ) နောနီဝရဏာ စေတနာ သမ္ပယုတ္တကာနံ ခန္ဓာနံ နီဝရဏာနဉ္စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၃၉။ နောနီဝရဏော ဓမ္မော နောနီဝရဏဿ ဓမ္မဿ ဝိပါကပစ္စယေန ပစ္စယော… ဧကံ… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော။
ဝိပ္ပယုတ္တပစ္စယော
* ၄၀။ နီဝရဏော ဓမ္မော နောနီဝရဏဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (ဧဝံ အဝသေသာ စတ္တာရိ ပဉှာ ကာတဗ္ဗာ)။
အတ္ထိပစ္စယော
* ၄၁။ နီဝရဏော ဓမ္မော နီဝရဏဿ ဓမ္မဿ အတ္ထိပစ္စယေန ပစ္စယော – ကာမစ္ဆန္ဒနီဝရဏံ ထိနမိဒ္ဓနီဝရဏဿ ဥဒ္ဓစ္စနီဝရဏဿ အဝိဇ္ဇာနီဝရဏဿ အတ္ထိပစ္စယေန ပစ္စယော (စက္ကံ)။ (၁)
နီဝရဏော ဓမ္မော နောနီဝရဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (ဧဝံ နီဝရဏမူလေ တီဏိ )။ (၃)
* ၄၂။ နောနီဝရဏော ဓမ္မော နောနီဝရဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောနီဝရဏော ဓမ္မော နီဝရဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ)။ (၂)
နောနီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ) (၃)
* ၄၃။ နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ကာမစ္ဆန္ဒနီဝရဏဉ္စ သမ္ပယုတ္တကာ စ ခန္ဓာ ထိနမိဒ္ဓနီဝရဏဿ ဥဒ္ဓစ္စနီဝရဏဿ အဝိဇ္ဇာနီဝရဏဿ အတ္ထိပစ္စယေန ပစ္စယော၊ ကာမစ္ဆန္ဒနီဝရဏဉ္စ ဝတ္ထု စ ထိနမိဒ္ဓနီဝရဏဿ ဥဒ္ဓစ္စနီဝရဏဿ အဝိဇ္ဇာနီဝရဏဿ အတ္ထိပစ္စယေန ပစ္စယော။ (၁)
နီဝရဏော စ နောနီဝရဏော စ ဓမ္မာ နောနီဝရဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောနီဝရဏော ဧကော ခန္ဓော စ နီဝရဏာ စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… နီဝရဏာ စ ဝတ္ထု စ နောနီဝရဏာနံ ခန္ဓာနံ အတ္ထိပစ္စယေန ပစ္စယော၊ နီဝရဏာ စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန
ပစ္စယော၊ နီဝရဏာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – နီဝရဏာ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နီဝရဏာ စ သမ္ပယုတ္တကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နီဝရဏာ စ သမ္ပယုတ္တကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
နီဝရဏော စ နောနီဝရဏော စ ဓမ္မာ နီဝရဏဿ စ နောနီဝရဏဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောနီဝရဏော ဧကော ခန္ဓော စ ကာမစ္ဆန္ဒနီဝရဏဉ္စ တိဏ္ဏန္နံ ခန္ဓာနံ ထိနမိဒ္ဓနီဝရဏဿ ဥဒ္ဓစ္စနီဝရဏဿ အဝိဇ္ဇာနီဝရဏဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ဒွေ ခန္ဓာ စ…ပေ… ကာမစ္ဆန္ဒနီဝရဏဉ္စ ဝတ္ထု စ ထိနမိဒ္ဓနီဝရဏဿ ဥဒ္ဓစ္စနီဝရဏဿ အဝိဇ္ဇာနီဝရဏဿ စ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၄။ ဟေတုယာ စတ္တာရိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ တီဏိ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၄၅။ နီဝရဏော ဓမ္မော နီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
နီဝရဏော ဓမ္မော နောနီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
နီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၄၆။ နောနီဝရဏော ဓမ္မော နောနီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောနီဝရဏော ဓမ္မော နီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောနီဝရဏော ဓမ္မော နီဝရဏဿ စ နောနီဝရဏဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၄၇။ နီဝရဏော စ နောနီဝရဏော စ ဓမ္မာ နီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
နီဝရဏော စ နောနီဝရဏော စ ဓမ္မာ နောနီဝရဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
နီဝရဏော စ နောနီဝရဏော စ ဓမ္မာ နီဝရဏဿ စ နောနီဝရဏဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၄၈။ နဟေတုယာ နဝ, နအာရမ္မဏေ နဝ, နအဓိပတိယာ နဝ (သဗ္ဗတ္ထ နဝ), နောဝိဂတေ နဝ, နောအဝိဂတေ နဝ။
ဟေတုဒုကံ
၃။ ပစ္စယာနုလောမပစ္စနီယံ
* ၄၉။ ဟေတုပစ္စယာ နအာရမ္မဏေ စတ္တာရိ…ပေ… နသမနန္တရေ စတ္တာရိ, နအညမညေ ဒွေ, နဥပနိဿယေ စတ္တာရိ…ပေ… နမဂ္ဂေ စတ္တာရိ, နသမ္ပယုတ္တေ ဒွေ, နဝိပ္ပယုတ္တေ စတ္တာရိ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၅၀။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ)…ပေ… အဝိဂတေ နဝ။
နီဝရဏဒုကံ နိဋ္ဌိတံ။
၄၅။ နီဝရဏိယဒုကံ
၁။ ပဋိစ္စဝါရော
* ၅၁။ နီဝရဏိယံ ဓမ္မံ ပဋိစ္စ နီဝရဏိယော ဓမ္မော ဥပ္ပဇ္ဇတိ ဟေတုပစ္စယာ…ပေ… (နီဝရဏိယဒုကံ ယထာ လောကိယဒုကံ ဧဝံ ကာတဗ္ဗံ နိန္နာနာကရဏံ)။
ဒွိက္ခတ္တုံ ကာမစ္ဆန္ဒေန, စတုက္ခတ္တုံ ပဋိဃေန စ၊
ဥဒ္ဓစ္စံ ဝိစိကိစ္ဆာ စ, ဥဘောပေတေ သကိံ သကိံ၊
နီဝရဏာနံ နီဝရဏေဟိ, အဋ္ဌဝိဓံ ပယောဇနံ။
(နီဝရဏဒုကဿ မာတိကာ ဣဓ ကတာ။)
နီဝရဏိယဒုကံ နိဋ္ဌိတံ။
၄၆။ နီဝရဏသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၂။ နီဝရဏသမ္ပယုတ္တံ ဓမ္မံ ပဋိစ္စ နီဝရဏသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
နီဝရဏသမ္ပယုတ္တံ ဓမ္မံ ပဋိစ္စ နီဝရဏဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
နီဝရဏသမ္ပယုတ္တံ ဓမ္မံ ပဋိစ္စ နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – နီဝရဏသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၅၃။ နီဝရဏဝိပ္ပယုတ္တံ ဓမ္မံ ပဋိစ္စ နီဝရဏဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ)။ (၁)
နီဝရဏသမ္ပယုတ္တဉ္စ နီဝရဏဝိပ္ပယုတ္တဉ္စ ဓမ္မံ ပဋိစ္စ နီဝရဏဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
* ၅၄။ ဟေတုယာ ပဉ္စ, အာရမ္မဏေ ဒွေ, အဓိပတိယာ ပဉ္စ…ပေ… နတ္ထိယာ ဒွေ…ပေ… အဝိဂတေ ပဉ္စ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၅။ နီဝရဏသမ္ပယုတ္တံ ဓမ္မံ ပဋိစ္စ နီဝရဏသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာနီဝရဏံ။ (၁)
နီဝရဏဝိပ္ပယုတ္တံ ဓမ္မံ ပဋိစ္စ နီဝရဏဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နီဝရဏဝိပ္ပယုတ္တံ…ပေ… (ယာဝ အသညသတ္တာ။ သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၆။ နဟေတုယာ ဒွေ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ နသမနန္တရေ နအညမညေ နဥပနိဿယေ တီဏိ, နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
ဟေတုဒုကံ
* ၅၇။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ, နပုရေဇာတေ စတ္တာရိ…ပေ… နကမ္မေ ဒွေ, နဝိပါကေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၅၈။ နဟေတုပစ္စယာ အာရမ္မဏေ ဒွေ…ပေ… မဂ္ဂေ ဧကံ…ပေ… အဝိဂတေ ဒွေ။
၂။ သဟဇာတဝါရော
(သဟဇာတဝါရောပိ ဧဝံ ကာတဗ္ဗော။)
၄၆။ နီဝရဏသမ္ပယုတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၉။ နီဝရဏသမ္ပယုတ္တံ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ။
နီဝရဏဝိပ္ပယုတ္တံ ဓမ္မံ ပစ္စယာ နီဝရဏဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ
ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဧကံ မဟာဘူတံ…ပေ… ဝတ္ထုံ ပစ္စယာ နီဝရဏဝိပ္ပယုတ္တာ ခန္ဓာ။ (၁)
နီဝရဏဝိပ္ပယုတ္တံ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ နီဝရဏသမ္ပယုတ္တာ ခန္ဓာ။ (၂)
နီဝရဏဝိပ္ပယုတ္တံ ဓမ္မံ ပစ္စယာ နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ နီဝရဏသမ္ပယုတ္တာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ။ (၃)
* ၆၀။ နီဝရဏသမ္ပယုတ္တဉ္စ နီဝရဏဝိပ္ပယုတ္တဉ္စ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
နီဝရဏသမ္ပယုတ္တဉ္စ နီဝရဏဝိပ္ပယုတ္တဉ္စ ဓမ္မံ ပစ္စယာ နီဝရဏဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)
နီဝရဏသမ္ပယုတ္တဉ္စ နီဝရဏဝိပ္ပယုတ္တဉ္စ ဓမ္မံ ပစ္စယာ နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – နီဝရဏသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… နီဝရဏသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၆၁။ ဟေတုယာ နဝ, အာရမ္မဏေ စတ္တာရိ, အဓိပတိယာ နဝ, အနန္တရေ စတ္တာရိ…ပေ… ဝိပါကေ ဧကံ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆၂။ နီဝရဏသမ္ပယုတ္တံ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ အဝိဇ္ဇာနီဝရဏံ။ (၁)
နီဝရဏဝိပ္ပယုတ္တံ ဓမ္မံ ပစ္စယာ နီဝရဏဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နီဝရဏဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ နီဝရဏဝိပ္ပယုတ္တာ ခန္ဓာ။ (၁)
နီဝရဏဝိပ္ပယုတ္တံ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
နီဝရဏသမ္ပယုတ္တဉ္စ နီဝရဏဝိပ္ပယုတ္တဉ္စ ဓမ္မံ ပစ္စယာ နီဝရဏသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆၃။ နဟေတုယာ စတ္တာရိ, နအာရမ္မဏေ တီဏိ…ပေ… နပုရေဇာတေ စတ္တာရိ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ…ပေ… နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၄၆။ နီဝရဏသမ္ပယုတ္တဒုကံ
၅။ သံသဋ္ဌဝါရော
၁-၄။ ပစ္စယစတုက္ကံ
* ၆၄။ နီဝရဏသမ္ပယုတ္တံ ဓမ္မံ သံသဋ္ဌော နီဝရဏသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ…ပေ…။
ဟေတုယာ ဒွေ, အာရမ္မဏေ ဒွေ (သဗ္ဗတ္ထ ဒွေ), ဝိပါကေ ဧကံ…ပေ… အဝိဂတေ ဒွေ။
အနုလောမံ။
* ၆၅။ နီဝရဏသမ္ပယုတ္တံ ဓမ္မံ သံသဋ္ဌော နီဝရဏသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။
နီဝရဏဝိပ္ပယုတ္တံ ဓမ္မံ သံသဋ္ဌော… (သံခိတ္တံ)။
နဟေတုယာ ဒွေ, နအဓိပတိယာ ဒွေ, နပုရေဇာတေ ဒွေ, နကမ္မေ ဒွေ, နဝိပါကေ ဒွေ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဒွေ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၄၆။ နီဝရဏသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၆။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ဟေတုပစ္စယေန ပစ္စယော – နီဝရဏသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) နီဝရဏသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ)
နီဝရဏသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – နီဝရဏဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၆၇။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ရာဂံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဒိဋ္ဌိံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဝိစိကိစ္ဆံ အာရဗ္ဘ ဝိစိကိစ္ဆာ…ပေ… ဒိဋ္ဌိ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဥဒ္ဓစ္စံ အာရဗ္ဘ ဥဒ္ဓစ္စံ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ, ဒေါမနဿံ ဥပ္ပဇ္ဇတိ၊ ဒေါမနဿံ အာရဗ္ဘ ဒေါမနဿံ ဥပ္ပဇ္ဇတိ၊ ဒိဋ္ဌိ …ပေ… ဝိစိကိစ္ဆာ…ပေ… ဥဒ္ဓစ္စံ ဥပ္ပဇ္ဇတိ။ (၁)
နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – အရိယာ နီဝရဏသမ္ပယုတ္တေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ နီဝရဏသမ္ပယုတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ, စေတောပရိယဉာဏေန နီဝရဏသမ္ပယုတ္တစိတ္တသမင်္ဂိဿ စိတ္တံ ဇာနာတိ၊ နီဝရဏသမ္ပယုတ္တာ ခန္ဓာ စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
* ၆၈။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ နီဝရဏဝိပ္ပယုတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ, ဒိဗ္ဗေန စက္ခုနာ ရူပံ ပဿတိ (ယာဝ အာဝဇ္ဇနာယ)။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နီဝရဏဝိပ္ပယုတ္တေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ။ (၂)
အဓိပတိပစ္စယော
* ၆၉။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ရာဂံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ၊ ဒိဋ္ဌိံ ဂရုံ ကတွာ အဿာဒေတိ…ပေ…။ သဟဇာတာဓိပတိ – နီဝရဏသမ္ပယုတ္တာဓိပတိ နီဝရဏသမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နီဝရဏသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (မူလံ ပုစ္ဆိတဗ္ဗံ) နီဝရဏသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၇၀။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော။ သဟဇာတာဓိပတိ – နီဝရဏဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ…ပေ… သီလံ…ပေ… ပုဗ္ဗေ…ပေ… ဈာနံ…ပေ… စက္ခုံ…ပေ… ဝတ္ထုံ နီဝရဏဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
အနန္တရပစ္စယော
* ၇၁။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နီဝရဏသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ နီဝရဏသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) နီဝရဏသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော (ဣဓ ပုရိမာ ပုရိမာတိ နတ္ထိ)။ (၂)
(မူလံ ပုစ္ဆိတဗ္ဗံ) ပုရိမာ ပုရိမာ နီဝရဏဝိပ္ပယုတ္တာ ခန္ဓာ ပစ္ဆိမာနံ ပစ္ဆိမာနံ နီဝရဏဝိပ္ပယုတ္တာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ နီဝရဏသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၂)
သမနန္တရပစ္စယာဒိ
* ၇၂။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော။
ဥပနိဿယပစ္စယော
* ၇၃။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ရာဂံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ ဒေါသံ… မောဟံ… မာနံ… ဒိဋ္ဌိံ… ပတ္ထနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ ရာဂေါ…ပေ… ပတ္ထနာ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၁)
နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ရာဂံ ဥပနိဿာယ ဒါနံ ဒေတိ…ပေ… သီလံ…ပေ… ဥပေါသထကမ္မံ…ပေ… ဈာနံ…ပေ… ဝိပဿနံ… မဂ္ဂံ… အဘိညံ… သမာပတ္တိံ ဥပ္ပါဒေတိ၊ ဒေါသံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ ရာဂေါ…ပေ… ပတ္ထနာ
သဒ္ဓါယ …ပေ… ပညာယ… ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၂)
* ၇၄။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ, သီလံ…ပေ… မဂ္ဂံ…ပေ… အဘိညံ…ပေ… သမာပတ္တိံ ဥပ္ပါဒေတိ, သီလံ…ပေ… ပညံ…ပေ… သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ သဒ္ဓါ…ပေ… သေနာသနံ သဒ္ဓါယ…ပေ… ပညာယ…ပေ… မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ, ကာယိကံ သုခံ…ပေ… သေနာသနံ ဥပနိဿာယ ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ ရာဂဿ… ဒေါသဿ… မောဟဿ… မာနဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၇၅။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နီဝရဏဝိပ္ပယုတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ… ဒေါသော… မောဟော…။ ဝတ္ထုပုရေဇာတံ – ဝတ္ထု နီဝရဏသမ္ပယုတ္တာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတာသေဝနပစ္စယာ
* ၇၆။ နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော… ဒွေ, အာသေဝနပစ္စယေန ပစ္စယော… ဒွေ။
ကမ္မပစ္စယာဒိ
* ၇၇။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ကမ္မပစ္စယေန ပစ္စယော – နီဝရဏသမ္ပယုတ္တာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (မူလံ ကာတဗ္ဗံ) သဟဇာတာ, နာနာက္ခဏိကာ။ သဟဇာတာ – နီဝရဏသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ နာနာက္ခဏိကာ – နီဝရဏသမ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (မူလံ ကာတဗ္ဗံ) နီဝရဏသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ (သံခိတ္တံ)။ ဝိပါကပစ္စယာ… ဧကံ။
အာဟာရပစ္စယာဒိ
* ၇၈။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော… ဒွေ။
ဝိပ္ပယုတ္တပစ္စယော
* ၇၉။ နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု နီဝရဏသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
အတ္ထိပစ္စယော
* ၈၀။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အတ္ထိပစ္စယေန ပစ္စယော – နီဝရဏသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ…။ (၁)
နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နီဝရဏသမ္ပယုတ္တာ ခန္ဓာ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – နီဝရဏသမ္ပယုတ္တာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ စ နီဝရဏဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – နီဝရဏသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ (၃)
* ၈၁။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဒိဋ္ဌိ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဝတ္ထု နီဝရဏသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
* ၈၂။ နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ နီဝရဏသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နီဝရဏသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ (၁)
နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ နီဝရဏဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – နီဝရဏသမ္ပယုတ္တာ ခန္ဓာ စ မဟာဘူတာ စ
စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – နီဝရဏသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နီဝရဏသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၈၃။ ဟေတုယာ စတ္တာရိ, အာရမ္မဏေ စတ္တာရိ, အဓိပတိယာ ပဉ္စ, အနန္တရေ စတ္တာရိ, သမနန္တရေ စတ္တာရိ, သဟဇာတေ ပဉ္စ, အညမညေ ဒွေ, နိဿယေ သတ္တ, ဥပနိဿယေ စတ္တာရိ, ပုရေဇာတေ ဒွေ, ပစ္ဆာဇာတေ ဒွေ, အာသေဝနေ ဒွေ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဒွေ, ဝိပ္ပယုတ္တေ တီဏိ, အတ္ထိယာ သတ္တ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ သတ္တ။
အနုလောမံ။
၂။ ပစ္စနီယုဒ္ဓါရော
* ၈၄။ နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
နီဝရဏသမ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော … ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
နီဝရဏသမ္ပယုတ္တော ဓမ္မော နီဝရဏသမ္ပယုတ္တဿ စ နီဝရဏဝိပ္ပယုတ္တဿ စ ဓမ္မဿ သဟဇာတပစ္စယေန ပစ္စယော။ (၃)
* ၈၅။ နီဝရဏဝိပ္ပယုတ္တော ဓမ္မော နီဝရဏဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော … ပစ္ဆာဇာတပစ္စယေန ပစ္စယော…
ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နီဝရဏဝိပ္ပယုတ္တော ဓမ္မော နီဝရဏသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ နီဝရဏသမ္ပယုတ္တဿ ဓမ္မဿ သဟဇာတံ, ပုရေဇာတံ။ (၁)
နီဝရဏသမ္ပယုတ္တော စ နီဝရဏဝိပ္ပယုတ္တော စ ဓမ္မာ နီဝရဏဝိပ္ပယုတ္တဿ ဓမ္မဿ သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၈၆။ နဟေတုယာ သတ္တ, နအာရမ္မဏေ သတ္တ, နအဓိပတိယာ သတ္တ, နအနန္တရေ သတ္တ, နသမနန္တရေ သတ္တ, နသဟဇာတေ ပဉ္စ, နအညမညေ ပဉ္စ, နနိဿယေ ပဉ္စ, နဥပနိဿယေ သတ္တ, နပုရေဇာတေ ဆ…ပေ… နမဂ္ဂေ သတ္တ, နသမ္ပယုတ္တေ ပဉ္စ, နဝိပ္ပယုတ္တေ စတ္တာရိ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
ပစ္စနီယံ။
၃။ ပစ္စယာနုလောမပစ္စနီယံ
ဟေတုဒုကံ
* ၈၇။ ဟေတုပစ္စယာ နအာရမ္မဏေ စတ္တာရိ, နအဓိပတိယာ စတ္တာရိ, နအနန္တရေ စတ္တာရိ, နသမနန္တရေ စတ္တာရိ, နအညမညေ ဒွေ, နဥပနိဿယေ စတ္တာရိ…ပေ… နမဂ္ဂေ စတ္တာရိ, နသမ္ပယုတ္တေ ဒွေ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၈၈။ နဟေတုပစ္စယာ အာရမ္မဏေ စတ္တာရိ, အဓိပတိယာ ပဉ္စ (အနုလောမဂဏနာ)…ပေ… အဝိဂတေ သတ္တ။
နီဝရဏသမ္ပယုတ္တဒုကံ နိဋ္ဌိတံ။
၄၇။ နီဝရဏနီဝရဏိယဒုကံ
၁။ ပဋိစ္စဝါရော
၁-၄။ ပစ္စယာနုလောမာဒိ
* ၈၉။ နီဝရဏဉ္စေဝ နီဝရဏိယဉ္စ ဓမ္မံ ပဋိစ္စ နီဝရဏော စေဝ နီဝရဏိယော စ ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ။ (ဧဝံ သဗ္ဗေ ဂဏနာ ဝိဘဇိတဗ္ဗာ, နီဝရဏဒုကသဒိသံ နိန္နာနာကရဏံ။)
၄၇။ နီဝရဏနီဝရဏိယဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၀။ နီဝရဏော စေဝ နီဝရဏိယော စ ဓမ္မော နီဝရဏဿ စေဝ နီဝရဏိယဿ စ ဓမ္မဿ ဟေတုပစ္စယေန ပစ္စယော – နီဝရဏာ စေဝ နီဝရဏိယာ စ ဟေတူ သမ္ပယုတ္တကာနံ နီဝရဏာနံ ဟေတုပစ္စယေန ပစ္စယော။ (၁)
နီဝရဏော စေဝ နီဝရဏိယော စ ဓမ္မော နီဝရဏိယဿ စေဝ နော စ နီဝရဏဿ ဓမ္မဿ ဟေတုပစ္စယေန ပစ္စယော – နီဝရဏာ စေဝ နီဝရဏိယာ စ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
နီဝရဏော စေဝ နီဝရဏိယော စ ဓမ္မော နီဝရဏဿ စေဝ နီဝရဏိယဿ စ နီဝရဏိယဿ စေဝ နော စ နီဝရဏဿ စ ဓမ္မဿ ဟေတုပစ္စယေန ပစ္စယော –
နီဝရဏာ စေဝ နီဝရဏိယာ စ ဟေတူ သမ္ပယုတ္တကာနံ ခန္ဓာနံ နီဝရဏာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
နီဝရဏိယော စေဝ နော စ နီဝရဏော ဓမ္မော နီဝရဏိယဿ စေဝ နော စ နီဝရဏဿ ဓမ္မဿ ဟေတုပစ္စယေန ပစ္စယော – နီဝရဏိယာ စေဝ နော စ နီဝရဏာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၉၁။ နီဝရဏော စေဝ နီဝရဏိယော စ ဓမ္မော နီဝရဏဿ စေဝ နီဝရဏိယဿ စ ဓမ္မဿ အာရမ္မဏပစ္စယေန ပစ္စယော – နီဝရဏေ အာရဗ္ဘ နီဝရဏာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) နီဝရဏေ အာရဗ္ဘ နီဝရဏိယာ စေဝ နော စ နီဝရဏာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) နီဝရဏေ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
နီဝရဏိယော စေဝ နော စ နီဝရဏော ဓမ္မော နီဝရဏိယဿ စေဝ နော စ နီဝရဏဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ… ဝိစိကိစ္ဆာ… ဥဒ္ဓစ္စံ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ ဂေါတြဘုံ ပစ္စဝေက္ခန္တိ, ဝေါဒါနံ…ပေ… ပဟီနေ ကိလေသေ …ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ…ပေ… စက္ခုံ…ပေ… ဝတ္ထုံ နီဝရဏိယေ စေဝ နော စ နီဝရဏေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ…ပေ… (ယာဝ အာဝဇ္ဇနာ တာဝ ကာတဗ္ဗာ)။ (၁)
နီဝရဏိယော စေဝ နော စ နီဝရဏော ဓမ္မော နီဝရဏဿ စေဝ နီဝရဏိယဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နီဝရဏိယေ စေဝ နော စ နီဝရဏေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဒိဋ္ဌိ… ဝိစိကိစ္ဆာ… ဥဒ္ဓစ္စံ… ဒေါမနဿံ ဥပ္ပဇ္ဇတိ။ (၂)
နီဝရဏိယော စေဝ နော စ နီဝရဏော ဓမ္မော နီဝရဏဿ စေဝ နီဝရဏိယဿ စ နီဝရဏိယဿ စေဝ နော စ နီဝရဏဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ…
ဈာနာ…ပေ… စက္ခုံ…ပေ… ဝတ္ထုံ နီဝရဏိယေ စေဝ နော စ နီဝရဏေ ခန္ဓေ အဿာဒေတိ အဘိနန္ဒတိ, တံ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ (ဧဝံ ဣတရေပိ တီဏိ ကာတဗ္ဗာ)။ (၃)
(အာရမ္မဏသဒိသာ အဓိပတိပစ္စယာ, ပုရေဇာတမ္ပိ အာရမ္မဏသဒိသံ။ ဥပနိဿယေပိ လောကုတ္တရံ န ကာတဗ္ဗံ။ သံခိတ္တံ, ဧဝံ ဝိတ္ထာရေတဗ္ဗံ ယထာ နီဝရဏဒုကံ, ဧဝံ ပစ္စဝေက္ခိတွာ ကာတဗ္ဗံ။)
နီဝရဏနီဝရဏိယဒုကံ နိဋ္ဌိတံ။
၄၈။ နီဝရဏနီဝရဏသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၂။ နီဝရဏဉ္စေဝ နီဝရဏသမ္ပယုတ္တဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ။ သဗ္ဗေပိ နီဝရဏာ ကာတဗ္ဗာ)။ (၁)
နီဝရဏဉ္စေဝ နီဝရဏသမ္ပယုတ္တဉ္စ ဓမ္မံ ပဋိစ္စ နီဝရဏသမ္ပယုတ္တော စေဝ နော စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – နီဝရဏေ ပဋိစ္စ သမ္ပယုတ္တကာ ခန္ဓာ။ (၂)
နီဝရဏဉ္စေဝ နီဝရဏသမ္ပယုတ္တဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ နီဝရဏသမ္ပယုတ္တော စေဝ နော စ နီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမစ္ဆန္ဒနီဝရဏံ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ သမ္ပယုတ္တကာ စ ခန္ဓာ (စက္ကံ)။ (၃)
* ၉၃။ နီဝရဏသမ္ပယုတ္တဉ္စေဝ နော စ နီဝရဏံ ဓမ္မံ ပဋိစ္စ နီဝရဏသမ္ပယုတ္တော စေဝ နော စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တဉ္စေဝ နော စ နီဝရဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
နီဝရဏသမ္ပယုတ္တဉ္စေဝ နော စ နီဝရဏံ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တေ စေဝ နော စ နီဝရဏေ ခန္ဓေ ပဋိစ္စ နီဝရဏာ။ (၂)
နီဝရဏသမ္ပယုတ္တဉ္စေဝ နော စ နီဝရဏံ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ နီဝရဏသမ္ပယုတ္တော စေဝ နော စ နီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နီဝရဏသမ္ပယုတ္တဉ္စေဝ နော စ နီဝရဏံ ဧကံ ခန္ဓံ ပဋိစ္စ တယော ခန္ဓာ နီဝရဏာ စ…ပေ… ဒွေ ခန္ဓေ…ပေ…။ (၃)
* ၉၄။ နီဝရဏဉ္စေဝ နီဝရဏသမ္ပယုတ္တဉ္စ နီဝရဏသမ္ပယုတ္တဉ္စေဝ နော စ နီဝရဏဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမစ္ဆန္ဒနီဝရဏဉ္စ သမ္ပယုတ္တကေ စ ခန္ဓေ ပဋိစ္စ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ (စက္ကံ)။ (၁)
နီဝရဏဉ္စေဝ နီဝရဏသမ္ပယုတ္တဉ္စ နီဝရဏသမ္ပယုတ္တဉ္စေဝ နော စ နီဝရဏဉ္စ ဓမ္မံ ပဋိစ္စ နီဝရဏသမ္ပယုတ္တော စေဝ နော စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ – နီဝရဏသမ္ပယုတ္တဉ္စေဝ နော စ နီဝရဏံ ဧကံ ခန္ဓဉ္စ နီဝရဏဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၂)
နီဝရဏဉ္စေဝ နီဝရဏသမ္ပယုတ္တဉ္စ နီဝရဏသမ္ပယုတ္တဉ္စေဝ နော စ နီဝရဏဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ နီဝရဏသမ္ပယုတ္တော စေဝ နော စ နီဝရဏော စ ဓမ္မာ ဥပ္ပဇ္ဇန္တိ ဟေတုပစ္စယာ – နီဝရဏသမ္ပယုတ္တဉ္စေဝ နော စ နီဝရဏံ ဧကံ ခန္ဓဉ္စ ကာမစ္ဆန္ဒနီဝရဏဉ္စ ပဋိစ္စ တယော ခန္ဓာ ထိနမိဒ္ဓနီဝရဏံ ဥဒ္ဓစ္စနီဝရဏံ အဝိဇ္ဇာနီဝရဏံ…ပေ… ဒွေ ခန္ဓေ စ…ပေ… (စက္ကံ။ သံခိတ္တံ။)။ (၃)
၁။ ပစ္စယာနုလောမံ
၂။ သင်္ချာဝါရော
* ၉၅။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ကမ္မေ နဝ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၉၆။ နီဝရဏဉ္စေဝ နီဝရဏသမ္ပယုတ္တဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏံ ပဋိစ္စ အဝိဇ္ဇာနီဝရဏံ, ဥဒ္ဓစ္စနီဝရဏံ ပဋိစ္စ အဝိဇ္ဇာနီဝရဏံ။ (၁)
နီဝရဏသမ္ပယုတ္တဉ္စေဝ နော စ နီဝရဏံ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာနီဝရဏံ။ (၁)
နီဝရဏဉ္စေဝ နီဝရဏသမ္ပယုတ္တဉ္စ နီဝရဏသမ္ပယုတ္တဉ္စေဝ နော စ နီဝရဏဉ္စ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာနီဝရဏံ, ဥဒ္ဓစ္စနီဝရဏဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာနီဝရဏံ (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၉၇။ နဟေတုယာ တီဏိ, နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဝိပ္ပယုတ္တေ နဝ။
၃။ ပစ္စယာနုလောမပစ္စနီယံ
* ၉၈။ ဟေတုပစ္စယာ နအဓိပတိယာ နဝ…ပေ… နဝိပ္ပယုတ္တေ နဝ။
၄။ ပစ္စယပစ္စနီယာနုလောမံ
* ၉၉။ နဟေတုပစ္စယာ အာရမ္မဏေ တီဏိ, အနန္တရေ တီဏိ, သမနန္တရေ တီဏိ (သဗ္ဗတ္ထ တီဏိ), မဂ္ဂေ တီဏိ…ပေ… အဝိဂတေ တီဏိ။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ဧဝံ သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ နိန္နာနာကရဏာ။)
၄၈။ နီဝရဏနီဝရဏသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၀။ နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏဿ စေဝ နီဝရဏသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – နီဝရဏာ စေဝ နီဝရဏသမ္ပယုတ္တာ စ ဟေတူ သမ္ပယုတ္တကာနံ နီဝရဏာနံ ဟေတုပစ္စယေန ပစ္စယော။ (၁)
နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏသမ္ပယုတ္တဿ စေဝ နော စ နီဝရဏဿ ဓမ္မဿ ဟေတုပစ္စယေန ပစ္စယော – နီဝရဏာ စေဝ နီဝရဏသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏဿ စေဝ နီဝရဏသမ္ပယုတ္တဿ စ နီဝရဏသမ္ပယုတ္တဿ စေဝ နော စ နီဝရဏဿ စ ဓမ္မဿ ဟေတုပစ္စယေန ပစ္စယော – နီဝရဏာ စေဝ နီဝရဏသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ နီဝရဏာနဉ္စ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၁၀၁။ နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏဿ စေဝ နီဝရဏသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – နီဝရဏေ အာရဗ္ဘ နီဝရဏာ ဥပ္ပဇ္ဇန္တိ။ (မူလံ ကာတဗ္ဗံ) နီဝရဏေ အာရဗ္ဘ နီဝရဏသမ္ပယုတ္တာ စေဝ နော စ နီဝရဏာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) နီဝရဏေ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
နီဝရဏသမ္ပယုတ္တော စေဝ နော စ နီဝရဏော ဓမ္မော နီဝရဏသမ္ပယုတ္တဿ စေဝ နော စ နီဝရဏဿ ဓမ္မဿ အာရမ္မဏပစ္စယေန ပစ္စယော – နီဝရဏသမ္ပယုတ္တေ စေဝ နော စ နီဝရဏေ ခန္ဓေ အာရဗ္ဘ နီဝရဏသမ္ပယုတ္တာ စေဝ နော စ နီဝရဏာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) နီဝရဏသမ္ပယုတ္တေ စေဝ နော စ နီဝရဏေ ခန္ဓေ အာရဗ္ဘ နီဝရဏာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) နီဝရဏသမ္ပယုတ္တေ စေဝ နော စ နီဝရဏေ ခန္ဓေ အာရဗ္ဘ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
နီဝရဏော စေဝ နီဝရဏသမ္ပယုတ္တော စ နီဝရဏသမ္ပယုတ္တော စေဝ နော စ နီဝရဏော စ ဓမ္မာ နီဝရဏဿ စေဝ နီဝရဏသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… တီဏိ။ (၃)
အဓိပတိပစ္စယာဒိ
* ၁၀၂။ နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏဿ စေဝ နီဝရဏသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ (ဂရုကာရမ္မဏာယေဝ)။
နီဝရဏသမ္ပယုတ္တော စေဝ နော စ နီဝရဏော ဓမ္မော နီဝရဏသမ္ပယုတ္တဿ စေဝ နော စ နီဝရဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ နီဝရဏသမ္ပယုတ္တေ စေဝ နော စ နီဝရဏေ ခန္ဓေ ဂရုံ ကတွာ နီဝရဏသမ္ပယုတ္တာ စေဝ နော စ နီဝရဏာ ခန္ဓာ ဥပ္ပဇ္ဇန္တိ။ သဟဇာတာဓိပတိ – နီဝရဏသမ္ပယုတ္တာ စေဝ နော စ နီဝရဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (မူလံ ကာတဗ္ဗံ) အာရမ္မဏာဓိပတိ – နီဝရဏသမ္ပယုတ္တေ စေဝ နော စ နီဝရဏေ ခန္ဓေ ဂရုံ ကတွာ နီဝရဏာ ဥပ္ပဇ္ဇန္တိ။ သဟဇာတာဓိပတိ – နီဝရဏသမ္ပယုတ္တာ စေဝ နော စ နီဝရဏာဓိပတိ သမ္ပယုတ္တကာနံ နီဝရဏာနံ အဓိပတိပစ္စယေန ပစ္စယော။ (မူလံ ကာတဗ္ဗံ) အာရမ္မဏာဓိပတိ – နီဝရဏသမ္ပယုတ္တေ စေဝ နော စ နီဝရဏေ ခန္ဓေ ဂရုံ ကတွာ နီဝရဏာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – နီဝရဏသမ္ပယုတ္တာ စေဝ နော စ နီဝရဏာဓိပတိ သမ္ပယုတ္တကာနံ ခန္ဓာနံ နီဝရဏာနဉ္စ အဓိပတိပစ္စယေန ပစ္စယော။ (၃)
* ၁၀၃။ နီဝရဏော စေဝ နီဝရဏသမ္ပယုတ္တော စ နီဝရဏသမ္ပယုတ္တော စေဝ နော စ နီဝရဏော စ ဓမ္မာ နီဝရဏဿ စေဝ နီဝရဏသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ။ (၃)
အနန္တရပစ္စယေန ပစ္စယော (အာဝဇ္ဇနာပိ ဝုဋ္ဌာနမ္ပိ နတ္ထိ, သဗ္ဗတ္ထ ပုရိမာ ပုရိမာ ကာတဗ္ဗာ)… သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ… နိဿယပစ္စယေန ပစ္စယော… နဝ… ဥပနိဿယပစ္စယေန ပစ္စယော… နဝ (အာရမ္မဏသဒိသံ, ဝိပါကော နတ္ထိ)… အာသေဝနပစ္စယေန ပစ္စယော… ပဉ္စ။
ကမ္မပစ္စယော
* ၁၀၄။ နီဝရဏသမ္ပယုတ္တော စေဝ နော စ နီဝရဏော ဓမ္မော နီဝရဏသမ္ပယုတ္တဿ စေဝ နော စ နီဝရဏဿ ဓမ္မဿ ကမ္မပစ္စယေန ပစ္စယော – နီဝရဏသမ္ပယုတ္တာ စေဝ နော စ နီဝရဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (မူလံ ကာတဗ္ဗံ) နီဝရဏသမ္ပယုတ္တာ စေဝ နော စ နီဝရဏာ စေတနာ သမ္ပယုတ္တကာနံ နီဝရဏာနံ ကမ္မပစ္စယေန ပစ္စယော။ (မူလံ ကာတဗ္ဗံ) နီဝရဏသမ္ပယုတ္တာ စေဝ နော စ နီဝရဏာ စေတနာ သမ္ပယုတ္တကာနံ ခန္ဓာနံ နီဝရဏာနဉ္စ ကမ္မပစ္စယေန ပစ္စယော။ (၃)
အာဟာရပစ္စယာဒိ
* ၁၀၅။ နီဝရဏသမ္ပယုတ္တော စေဝ နော စ နီဝရဏော ဓမ္မော နီဝရဏသမ္ပယုတ္တဿ စေဝ နော စ နီဝရဏဿ ဓမ္မဿ အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… နဝ… အတ္ထိပစ္စယေန ပစ္စယော… နဝ… နတ္ထိပစ္စယေန ပစ္စယော… နဝ… ဝိဂတပစ္စယေန ပစ္စယော… နဝ… အဝိဂတပစ္စယေန ပစ္စယော … နဝ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၀၆။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ တီဏိ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
၂။ ပစ္စနီယုဒ္ဓါရော
* ၁၀၇။ နီဝရဏော စေဝ နီဝရဏသမ္ပယုတ္တော စ ဓမ္မော နီဝရဏဿ စေဝ နီဝရဏသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော (ဧဝံ နဝပိ တီသု ပဒေသု ပရိဝတ္တေတဗ္ဗာ)။
၂။ သင်္ချာဝါရော
၂။ ပစ္စယပစ္စနီယံ
* ၁၀၈။ နဟေတုယာ နဝ, နအာရမ္မဏေ နဝ…ပေ… နောအဝိဂတေ နဝ။
၃။ ပစ္စယာနုလောမပစ္စနီယံ
* ၁၀၉။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နဥပနိဿယေ တီဏိ…ပေ… နမဂ္ဂေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၁၀။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ)…ပေ… အဝိဂတေ နဝ။
နီဝရဏနီဝရဏသမ္ပယုတ္တဒုကံ နိဋ္ဌိတံ။
၄၉။ နီဝရဏဝိပ္ပယုတ္တနီဝရဏိယဒုကံ
၁။ ပဋိစ္စဝါရော
၁-၄။ ပစ္စယာနုလောမာဒိ
* ၁၁၁။ နီဝရဏဝိပ္ပယုတ္တံ နီဝရဏိယံ ဓမ္မံ ပဋိစ္စ နီဝရဏဝိပ္ပယုတ္တော နီဝရဏိယော ဓမ္မော ဥပ္ပဇ္ဇတိ ဟေတုပစ္စယာ – နီဝရဏဝိပ္ပယုတ္တံ နီဝရဏိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (သံခိတ္တံ)။
(ယထာ စူဠန္တရဒုကေ လောကိယဒုကံ ဧဝံ ကာတဗ္ဗံ နိန္နာနာကရဏံ။)
နီဝရဏဝိပ္ပယုတ္တနီဝရဏိယဒုကံ နိဋ္ဌိတံ။
နီဝရဏဂေါစ္ဆကံ နိဋ္ဌိတံ။
၉။ ပရာမာသဂေါစ္ဆကံ
၅၀။ ပရာမာသဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ ပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – ပရာမာသံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၁)
* ၂။ နောပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ မဟာဘူတာ)။ (၁)
နောပရာမာသံ ဓမ္မံ ပဋိစ္စ ပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသေ ခန္ဓေ ပဋိစ္စ ပရာမာသော။ (၂)
နောပရာမာသံ ဓမ္မံ ပဋိစ္စ ပရာမာသော စ နောပရာမာသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောပရာမာသံ ဧကံ ခန္ဓံ ပဋိစ္စ တယော ခန္ဓာ ပရာမာသော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၃။ ပရာမာသဉ္စ နောပရာမာသဉ္စ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသံ ဧကံ ခန္ဓဉ္စ ပရာမာသဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… ပရာမာသေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
၁။ ပစ္စယာနုလောမံ
၂။ သင်္ချာဝါရော
* ၄။ ဟေတုယာ ပဉ္စ, အာရမ္မဏေ ပဉ္စ (သဗ္ဗတ္ထ ပဉ္စ), ဝိပါကေ ဧကံ…ပေ… အဝိဂတေ ပဉ္စ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅။ နောပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောပရာမာသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
* ၆။ ပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသံ ပဋိစ္စ စိတ္တသမုဋ္ဌာနံ ရူပံ။ (၁)
နောပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – နောပရာမာသေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
ပရာမာသဉ္စ နောပရာမာသဉ္စ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသဉ္စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၇။ နဟေတုယာ ဧကံ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ပဉ္စ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
ဟေတုဒုကံ
* ၈။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ…ပေ… နဝိပါကေ ပဉ္စ…ပေ… နသမ္ပယုတ္တေ တီဏိ, နဝိပ္ပယုတ္တေ ပဉ္စ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
နဟေတုဒုကံ
* ၉။ နဟေတုပစ္စယာ အာရမ္မဏေ ဧကံ, အနန္တရေ ဧကံ (သဗ္ဗတ္ထ ဧကံ), အဝိဂတေ ဧကံ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၅၀။ ပရာမာသဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀။ ပရာမာသံ ဓမ္မံ ပစ္စယာ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – ပရာမာသံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၁)
နောပရာမာသံ ဓမ္မံ ပစ္စယာ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ), ဝတ္ထုံ ပစ္စယာ နောပရာမာသာ ခန္ဓာ။ (၁)
နောပရာမာသံ ဓမ္မံ ပစ္စယာ ပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသေ ခန္ဓေ ပစ္စယာ ပရာမာသော, ဝတ္ထုံ ပစ္စယာ ပရာမာသော။ (၂)
နောပရာမာသံ ဓမ္မံ ပစ္စယာ ပရာမာသော စ နောပရာမာသော စ ဓမ္မာ ဥပ္ပဇ္ဇန္တိ ဟေတုပစ္စယာ – နောပရာမာသံ ဧကံ ခန္ဓံ ပစ္စယာ တယော ခန္ဓာ
ပရာမာသော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ ပရာမာသော, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ ပရာမာသော စ သမ္ပယုတ္တကာ စ ခန္ဓာ။ (၃)
* ၁၁။ ပရာမာသဉ္စ နောပရာမာသဉ္စ ဓမ္မံ ပစ္စယာ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – နောပရာမာသံ ဧကံ ခန္ဓဉ္စ ပရာမာသဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… ပရာမာသဉ္စ သမ္ပယုတ္တကေ စ ခန္ဓေ ပစ္စယာ စိတ္တသမုဋ္ဌာနံ ရူပံ, ပရာမာသဉ္စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ပရာမာသဉ္စ ဝတ္ထုဉ္စ ပစ္စယာ နောပရာမာသာ ခန္ဓာ (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
* ၁၂။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), ဝိပါကေ ဧကံ…ပေ… အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၃။ နောပရာမာသံ ဓမ္မံ ပစ္စယာ နောပရာမာသော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောပရာမာသံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ နောပရာမာသာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၄။ နဟေတုယာ ဧကံ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ…ပေ… နဥပနိဿယေ တီဏိ, နပုရေဇာတေ ပဉ္စ, နပစ္ဆာဇာတေ
ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ပဉ္စ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၅။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ (ဧဝံ သဗ္ဗတ္ထ ကာတဗ္ဗံ)။
၄။ ပစ္စယပစ္စနီယာနုလောမံ
* ၁၆။ နဟေတုပစ္စယာ အာရမ္မဏေ ဧကံ…ပေ… အဝိဂတေ ဧကံ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅။ သံသဋ္ဌဝါရော
ပရာမာသံ ဓမ္မံ သံသဋ္ဌော နောပရာမာသော ဓမ္မော ဥပ္ပဇ္ဇတိ ဟေတုပစ္စယာ – ပရာမာသံ သံသဋ္ဌာ သမ္ပယုတ္တကာ ခန္ဓာ (ဧဝံ ပဉ္စ ပဉှာ ကာတဗ္ဗာ အရူပေယေဝ, သံသဋ္ဌဝါရောပိ သမ္ပယုတ္တဝါရောပိ ဧဝံ ကာတဗ္ဗာ)။
၅၀။ ပရာမာသဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၇။ နောပရာမာသော ဓမ္မော နောပရာမာသဿ ဓမ္မဿ ဟေတုပစ္စယေန ပစ္စယော – နောပရာမာသာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောပရာမာသော ဓမ္မော ပရာမာသဿ ဓမ္မဿ ဟေတုပစ္စယေန ပစ္စယော – နောပရာမာသာ ဟေတူ ပရာမာသဿ ဟေတုပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ ဟေတုပစ္စယေန ပစ္စယော – နောပရာမာသာ ဟေတူ သမ္ပယုတ္တကာနံ ခန္ဓာနံ ပရာမာသဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၁၈။ ပရာမာသော ဓမ္မော ပရာမာသဿ ဓမ္မဿ အာရမ္မဏပစ္စယေန ပစ္စယော – ပရာမာသံ အာရဗ္ဘ ပရာမာသော ဥပ္ပဇ္ဇတိ။ (မူလံ ကာတဗ္ဗံ) ပရာမာသံ အာရဗ္ဘ နောပရာမာသာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ပရာမာသံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၁၉။ နောပရာမာသော ဓမ္မော နောပရာမာသဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဝိစိကိစ္ဆာ… ဥဒ္ဓစ္စံ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ …ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောပရာမာသေ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ နောပရာမာသေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဝိစိကိစ္ဆာ… ဥဒ္ဓစ္စံ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောပရာမာသစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောပရာမာသာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောပရာမာသော ဓမ္မော ပရာမာသဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… တံ အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောပရာမာသေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိ ဥပ္ပဇ္ဇတိ။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… တံ အဿာဒေတိ အဘိနန္ဒတိ, တံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ, ပုဗ္ဗေ…ပေ… ဈာနာ …ပေ… စက္ခုံ…ပေ… ဝတ္ထုံ နောပရာမာသေ ခန္ဓေ
အဿာဒေတိ အဘိနန္ဒတိ, တံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၂၀။ ပရာမာသော စ နောပရာမာသော စ ဓမ္မာ ပရာမာသဿ ဓမ္မဿ အာရမ္မဏပစ္စယေန ပစ္စယော – ပရာမာသဉ္စ သမ္ပယုတ္တကေ စ ခန္ဓေ အာရဗ္ဘ ပရာမာသော ဥပ္ပဇ္ဇတိ… တီဏိ။
အဓိပတိပစ္စယော
* ၂၁။ ပရာမာသော ဓမ္မော ပရာမာသဿ ဓမ္မဿ အဓိပတိပစ္စယေန ပစ္စယော – ပရာမာသံ ဂရုံ ကတွာ ပရာမာသော ဥပ္ပဇ္ဇတိ… တီဏိ (အာရမ္မဏာဓိပတိယေဝ ကာတဗ္ဗာ)။
* ၂၂။ နောပရာမာသော ဓမ္မော နောပရာမာသဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… တံ ဂရုံ ကတွာ ပစ္စဝေက္ခတိ, အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ ဂရုံ ကတွာ…ပေ… နိဗ္ဗာနံ ဂရုံ ကတွာ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောပရာမာသေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ။ သဟဇာတာဓိပတိ – နောပရာမာသာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောပရာမာသော ဓမ္မော ပရာမာသဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောပရာမာသေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောပရာမာသာဓိပတိ ပရာမာသဿ အဓိပတိပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ…
ဈာနာ…ပေ… စက္ခုံ…ပေ… ဝတ္ထုံ နောပရာမာသေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – နောပရာမာသာဓိပတိ သမ္ပယုတ္တကာနံ ခန္ဓာနံ ပရာမာသဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
ပရာမာသော စ နောပရာမာသော စ ဓမ္မာ ပရာမာသဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ပရာမာသဉ္စ သမ္ပယုတ္တကေ စ ခန္ဓေ ဂရုံ ကတွာ ပရာမာသော… တီဏိ။
အနန္တရပစ္စယော
* ၂၃။ ပရာမာသော ဓမ္မော ပရာမာသဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ပရာမာသော ပစ္ဆိမဿ ပစ္ဆိမဿ ပရာမာသဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမော ပုရိမော ပရာမာသော ပစ္ဆိမာနံ ပစ္ဆိမာနံ နောပရာမာသာနံ ခန္ဓာနံ အနန္တရပစ္စယေန ပစ္စယော၊ ပရာမာသော ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမော ပုရိမော ပရာမာသော ပစ္ဆိမဿ ပစ္ဆိမဿ ပရာမာသဿ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၄။ နောပရာမာသော ဓမ္မော နောပရာမာသဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောပရာမာသာ ခန္ဓာ ပစ္ဆိမာနံ ပစ္ဆိမာနံ နောပရာမာသာနံ ခန္ဓာနံ အနန္တရပစ္စယေန ပစ္စယော…ပေ… အနုလောမံ ဖလသမာပတ္တိယာ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ နောပရာမာသာ ခန္ဓာ ပစ္ဆိမဿ ပစ္ဆိမဿ ပရာမာသဿ အနန္တရပစ္စယေန ပစ္စယော၊ အာဝဇ္ဇနာ ပရာမာသဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ နောပရာမာသာ ခန္ဓာ ပစ္ဆိမဿ ပစ္ဆိမဿ ပရာမာသဿ စ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ပရာမာသဿ စ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၅။ ပရာမာသော စ နောပရာမာသော စ ဓမ္မာ ပရာမာသဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ပရာမာသော စ သမ္ပယုတ္တကာ စ ခန္ဓာ ပစ္ဆိမဿ ပစ္ဆိမဿ ပရာမာသဿ အနန္တရပစ္စယေန ပစ္စယော။ (မူလံ
ကာတဗ္ဗံ) ပုရိမော ပုရိမော ပရာမာသော စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နောပရာမာသာနံ ခန္ဓာနံ အနန္တရပစ္စယေန ပစ္စယော၊ ပရာမာသော စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမော ပုရိမော ပရာမာသော စ သမ္ပယုတ္တကာ စ ခန္ဓာ ပစ္ဆိမဿ ပစ္ဆိမဿ ပရာမာသဿ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၂၆။ ပရာမာသော ဓမ္မော ပရာမာသဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော… ပဉ္စ။
ဥပနိဿယပစ္စယော
* ၂၇။ ပရာမာသော ဓမ္မော ပရာမာသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ပရာမာသော ပရာမာသဿ ဥပနိဿယပစ္စယေန ပစ္စယော… တီဏိ။
* ၂၈။ နောပရာမာသော ဓမ္မော နောပရာမာသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ… မာနံ ဇပ္ပေတိ… သီလံ…ပေ… ပညံ… ရာဂံ… ဒေါသံ… မောဟံ… မာနံ… ပတ္ထနံ… ကာယိကံ သုခံ…ပေ… သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ… ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ, သဒ္ဓါယ…ပေ… ပညာယ, ရာဂဿ…ပေ… ပတ္ထနာယ… ကာယိကဿ သုခဿ…ပေ… မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောပရာမာသော ဓမ္မော ပရာမာသဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ, သီလံ…ပေ… ပညံ, ရာဂံ…ပေ… ပတ္ထနံ, ကာယိကံ သုခံ…ပေ… သေနာသနံ ဥပနိဿာယ ဒိဋ္ဌိံ ဂဏှာတိ၊ သဒ္ဓါ…ပေ… သေနာသနံ ပရာမာသဿ ဥပနိဿယပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ, သီလံ…ပေ… သေနာသနံ ဥပနိဿာယ ဒိဋ္ဌိံ ဂဏှာတိ၊ သဒ္ဓါ…ပေ… သေနာသနံ ပရာမာသဿ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
* ၂၉။ ပရာမာသော စ နောပရာမာသော စ ဓမ္မာ ပရာမာသဿ ဓမ္မဿ ဥပနိဿယပစ္စယေန ပစ္စယော – တီဏိ ဥပနိဿယာ ပရာမာသော စ သမ္ပယုတ္တကာ စ ခန္ဓာ ပရာမာသဿ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၃၀။ နောပရာမာသော ဓမ္မော နောပရာမာသဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောပရာမာသာနံ ခန္ဓာနံ ပုရေဇာတပစ္စယေန ပစ္စယော။ (၁)
နောပရာမာသော ဓမ္မော ပရာမာသဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ပရာမာသဿ ပုရေဇာတပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ပရာမာသဿ စ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတာသေဝနပစ္စယာ
* ၃၁။ ပရာမာသော ဓမ္မော နောပရာမာသဿ ဓမ္မဿ ပစ္ဆာဇာတပစ္စယေန ပစ္စယော… တီဏိ (ပစ္ဆာဇာတာ ကာတဗ္ဗာ)… အာသေဝနပစ္စယေန ပစ္စယော… နဝ။
ကမ္မပစ္စယော
* ၃၂။ နောပရာမာသော ဓမ္မော နောပရာမာသဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောပရာမာသာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောပရာမာသာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (မူလံ ကာတဗ္ဗံ) နောပရာမာသာ စေတနာ ပရာမာသဿ ကမ္မပစ္စယေန ပစ္စယော။ (မူလံ ကာတဗ္ဗံ) နောပရာမာသာ စေတနာ ပရာမာသဿ စ သမ္ပယုတ္တကာနဉ္စ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၃၃။ နောပရာမာသော ဓမ္မော နောပရာမာသဿ ဓမ္မဿ ဝိပါကပစ္စယေန ပစ္စယော… ဧကံ… အာဟာရပစ္စယေန ပစ္စယော… တီဏိ, ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ။
ပရာမာသော ဓမ္မော နောပရာမာသဿ ဓမ္မဿ မဂ္ဂပစ္စယေန ပစ္စယော – ပရာမာသာနိ မဂ္ဂင်္ဂါနိ…ပေ… (ဧဝံ ပဉ္စ ပဉှာ ကာတဗ္ဗာ) သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၃၄။ ပရာမာသော ဓမ္မော နောပရာမာသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နောပရာမာသော ဓမ္မော နောပရာမာသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
နောပရာမာသော ဓမ္မော ပရာမာသဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ပရာမာသဿ ဝိပ္ပယုတ္တပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ပရာမာသဿ စ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
ပရာမာသော စ နောပရာမာသော စ ဓမ္မာ နောပရာမာသဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အတ္ထိပစ္စယော
* ၃၅။ ပရာမာသော ဓမ္မော နောပရာမာသဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတော – ပရာမာသော သမ္ပယုတ္တကာနဉ္စ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတော – ပရာမာသော ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၁)
* ၃၆။ နောပရာမာသော ဓမ္မော နောပရာမာသဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောပရာမာသော ဓမ္မော ပရာမာသဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နောပရာမာသာ ခန္ဓာ ပရာမာသဿ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိ ဥပ္ပဇ္ဇတိ, ဝတ္ထု ပရာမာသဿ အတ္ထိပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောပရာမာသော ဧကော ခန္ဓော တိဏ္ဏန္နံ ခန္ဓာနံ ပရာမာသဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ, ဝတ္ထု ပရာမာသဿ စ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ (၃)
* ၃၇။ ပရာမာသော စ နောပရာမာသော စ ဓမ္မာ နောပရာမာသဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ,
အာဟာရံ, ဣန္ဒြိယံ။ သဟဇာတော – နောပရာမာသော ဧကော ခန္ဓော စ ပရာမာသော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပရာမာသော စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပရာမာသော စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပရာမာသော စ ဝတ္ထု စ နောပရာမာသာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတော – ပရာမာသော စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတော – ပရာမာသော စ သမ္ပယုတ္တကာ စ ခန္ဓာ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတော – ပရာမာသော စ သမ္ပယုတ္တကာ စ ခန္ဓာ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၈။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ ပဉ္စ, သမ္ပယုတ္တေ ပဉ္စ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ နဝ, ဝိဂတေ နဝ, အဝိဂတေ ပဉ္စ။
အနုလောမံ။
ပစ္စနီယုဒ္ဓါရော
* ၃၉။ ပရာမာသော ဓမ္မော ပရာမာသဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ပရာမာသော ဓမ္မော နောပရာမာသဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၄၀။ နောပရာမာသော ဓမ္မော နောပရာမာသဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော … ဣန္ဒြိယပစ္စယေန ပစ္စယော။ (၁)
နောပရာမာသော ဓမ္မော ပရာမာသဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောပရာမာသော ဓမ္မော ပရာမာသဿ စ နောပရာမာသဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၄၁။ ပရာမာသော စ နောပရာမာသော စ ဓမ္မာ ပရာမာသဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ပရာမာသော စ နောပရာမာသော စ ဓမ္မာ နောပရာမာသဿ ဓမ္မဿ အာရမ္မဏပစ္စယေန ပစ္စယော … သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ပရာမာသော စ နောပရာမာသော စ ဓမ္မာ ပရာမာသဿ စ နောပရာမာသဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၄၂။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၄၃။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ…ပေ… နမဂ္ဂေ တီဏိ, နသမ္ပယုတ္တေ ဧကံ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၄၄။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ) …ပေ… အဝိဂတေ ပဉ္စ။
ပရာမာသဒုကံ နိဋ္ဌိတံ။
၅၁။ ပရာမဋ္ဌဒုကံ
၁-၇။ ပဋိစ္စဝါရာဒိ
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၅။ ပရာမဋ္ဌံ ဓမ္မံ ပဋိစ္စ ပရာမဋ္ဌော ဓမ္မော ဥပ္ပဇ္ဇတိ ဟေတုပစ္စယာ – ပရာမဋ္ဌံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ)။
ပရာမဋ္ဌံ ဓမ္မံ ပဋိစ္စ…ပေ… (ပရာမဋ္ဌဒုကံ ယထာ စူဠန္တရဒုကေ လောကိယဒုကံ ဧဝံ ကာတဗ္ဗံ နိန္နာနာကရဏံ)။
ပရာမဋ္ဌဒုကံ နိဋ္ဌိတံ။
၅၂။ ပရာမာသသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၆။ ပရာမာသသမ္ပယုတ္တံ ဓမ္မံ ပဋိစ္စ ပရာမာသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ပရာမာသသမ္ပယုတ္တံ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ပရာမာသသမ္ပယုတ္တံ ဓမ္မံ ပဋိစ္စ ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပရာမာသသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၇။ ပရာမာသဝိပ္ပယုတ္တံ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ …ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။ (၁)
ပရာမာသသမ္ပယုတ္တဉ္စ ပရာမာသဝိပ္ပယုတ္တဉ္စ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၈။ ဟေတုယာ ပဉ္စ, အာရမ္မဏေ ဒွေ, အဓိပတိယာ ပဉ္စ, အနန္တရေ ဒွေ, သမနန္တရေ ဒွေ, သဟဇာတေ ပဉ္စ, အညမညေ ဒွေ, နိဿယေ ပဉ္စ, ဥပနိဿယေ ဒွေ, ပုရေဇာတေ ဒွေ, အာသေဝနေ ဒွေ, ကမ္မေ ပဉ္စ, ဝိပါကေ ဧကံ, အာဟာရေ ပဉ္စ…ပေ… မဂ္ဂေ ပဉ္စ, သမ္ပယုတ္တေ ဒွေ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ ဒွေ, ဝိဂတေ ဒွေ, အဝိဂတေ ပဉ္စ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၄၉။ ပရာမာသဝိပ္ပယုတ္တံ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရာမာသဝိပ္ပယုတ္တံ ဧကံ ခန္ဓံ ပဋိစ္စ တယော
ခန္ဓာ စိတ္တသမုဋ္ဌာနဉ္စ ရူပံ …ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
* ၅၀။ ပရာမာသသမ္ပယုတ္တံ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
ပရာမာသဝိပ္ပယုတ္တံ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသဝိပ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ (ယာဝ အသညသတ္တာ)။ (၁)
ပရာမာသသမ္ပယုတ္တဉ္စ ပရာမာသဝိပ္ပယုတ္တဉ္စ ဓမ္မံ ပဋိစ္စ ပရာမာသဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၁။ နဟေတုယာ ဧကံ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၅၂။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ (ဧဝံ ဂဏေတဗ္ဗံ)။
၄။ ပစ္စယပစ္စနီယာနုလောမံ
* ၅၃။ နဟေတုပစ္စယာ အာရမ္မဏေ ဧကံ (သံခိတ္တံ), အဝိဂတေ ဧကံ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၅၂။ ပရာမာသသမ္ပယုတ္တဒုက
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၄။ ပရာမာသသမ္ပယုတ္တံ ဓမ္မံ ပစ္စယာ ပရာမာသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စဝါရသဒိသော)။
ပရာမာသဝိပ္ပယုတ္တံ ဓမ္မံ ပစ္စယာ ပရာမာသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ ပရာမာသဝိပ္ပယုတ္တာ ခန္ဓာ။ (၁)
ပရာမာသဝိပ္ပယုတ္တံ ဓမ္မံ ပစ္စယာ ပရာမာသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ပရာမာသသမ္ပယုတ္တကာ ခန္ဓာ။ (၂)
ပရာမာသဝိပ္ပယုတ္တံ ဓမ္မံ ပစ္စယာ ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ပရာမာသသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ။ (၃)
* ၅၅။ ပရာမာသသမ္ပယုတ္တဉ္စ ပရာမာသဝိပ္ပယုတ္တဉ္စ ဓမ္မံ ပစ္စယာ ပရာမာသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
ပရာမာသသမ္ပယုတ္တဉ္စ ပရာမာသဝိပ္ပယုတ္တဉ္စ ဓမ္မံ ပစ္စယာ ပရာမာသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပရာမာသသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)
ပရာမာသသမ္ပယုတ္တဉ္စ ပရာမာသဝိပ္ပယုတ္တဉ္စ ဓမ္မံ ပစ္စယာ ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပရာမာသသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပရာမာသသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၆။ ဟေတုယာ နဝ, အာရမ္မဏေ စတ္တာရိ, အဓိပတိယာ နဝ, အနန္တရေ စတ္တာရိ, သမနန္တရေ စတ္တာရိ, သဟဇာတေ နဝ, အညမညေ စတ္တာရိ, နိဿယေ နဝ, ဥပနိဿယေ စတ္တာရိ, ပုရေဇာတေ စတ္တာရိ, အာသေဝနေ စတ္တာရိ, ကမ္မေ နဝ, ဝိပါကေ ဧကံ, အာဟာရေ နဝ…ပေ… အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
* ၅၇။ ပရာမာသဝိပ္ပယုတ္တံ ဓမ္မံ ပစ္စယာ ပရာမာသဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရာမာသဝိပ္ပယုတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကပရာမာသဝိပ္ပယုတ္တာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၈။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ စတ္တာရိ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၅၉။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (ဧဝံ ဂဏေတဗ္ဗံ)။
၄။ ပစ္စယပစ္စနီယာနုလောမံ
* ၆၀။ နဟေတုပစ္စယာ အာရမ္မဏေ ဧကံ…ပေ… အဝိဂတေ ဧကံ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅၂။ ပရာမာသသမ္ပယုတ္တဒုက
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၆၁။ ပရာမာသသမ္ပယုတ္တံ ဓမ္မံ သံသဋ္ဌော ပရာမာသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
သုဒ္ဓံ
* ၆၂။ ဟေတုယာ ဒွေ (သဗ္ဗတ္ထ ဒွေ), ဝိပါကေ ဧကံ…ပေ… အဝိဂတေ ဒွေ။ နဟေတုယာ ဧကံ, နအဓိပတိယာ ဒွေ, နပုရေဇာတေ ဒွေ, နပစ္ဆာဇာတေ ဒွေ, နအာသေဝနေ ဒွေ, နကမ္မေ ဒွေ, နဝိပါကေ ဒွေ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဒွေ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရာပိ ကာတဗ္ဗာ။)
၅၂။ ပရာမာသသမ္ပယုတ္တဒုက
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၃။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ဟေတုပစ္စယေန ပစ္စယော – ပရာမာသသမ္ပယုတ္တာ ဟေတူ သမ္ပယုတ္တကာနံ
ခန္ဓာနံ ဟေတုပစ္စယေန ပစ္စယော။ (မူလံ ကာတဗ္ဗံ) ပရာမာသသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (မူလံ ကာတဗ္ဗံ) ပရာမာသသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ပရာမာသဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၆၄။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ရာဂံ အဿာဒေတိ အဘိနန္ဒတိ, တံ အာရဗ္ဘ ပရာမာသသမ္ပယုတ္တော ရာဂေါ ဥပ္ပဇ္ဇတိ၊ ပရာမာသသမ္ပယုတ္တေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ပရာမာသသမ္ပယုတ္တော ရာဂေါ ဥပ္ပဇ္ဇတိ။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – အရိယာ ပရာမာသသမ္ပယုတ္တေ ပဟီနေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, ပရာမာသသမ္ပယုတ္တေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ပရာမာသဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန ပရာမာသသမ္ပယုတ္တစိတ္တသမင်္ဂိဿ စိတ္တံ ဇာနာတိ, ပရာမာသသမ္ပယုတ္တာ ခန္ဓာ စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
* ၆၅။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ပရာမာသဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပရာမာသဝိပ္ပယုတ္တေ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ ပရာမာသဝိပ္ပယုတ္တေ
ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ပရာမာသဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန ပရာမာသဝိပ္ပယုတ္တစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… ပရာမာသဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ ပရာမာသဝိပ္ပယုတ္တေ ခန္ဓေ အဿာဒေတိ အဘိနန္ဒတိ။ တံ အာရဗ္ဘ ပရာမာသသမ္ပယုတ္တော ရာဂေါ ဥပ္ပဇ္ဇတိ။ (၂)
အဓိပတိပစ္စယော
* ၆၆။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ရာဂံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသသမ္ပယုတ္တော ရာဂေါ ဥပ္ပဇ္ဇတိ, ပရာမာသသမ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသသမ္ပယုတ္တော ရာဂေါ ဥပ္ပဇ္ဇတိ။ သဟဇာတာဓိပတိ – ပရာမာသသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ပရာမာသသမ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသဝိပ္ပယုတ္တော ရာဂေါ ဥပ္ပဇ္ဇတိ။ သဟဇာတာဓိပတိ – ပရာမာသသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ စ ပရာမာသဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ –
ပရာမာသသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၆၇။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ, အဿာဒေတိ အဘိနန္ဒတိ, တံ ဂရုံ ကတွာ ပရာမာသဝိပ္ပယုတ္တော ရာဂေါ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ ပရာမာသဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသဝိပ္ပယုတ္တော ရာဂေါ ဥပ္ပဇ္ဇတိ။ သဟဇာတာဓိပတိ – ပရာမာသဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသသမ္ပယုတ္တော ရာဂေါ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ ပရာမာသဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ပရာမာသသမ္ပယုတ္တော ရာဂေါ ဥပ္ပဇ္ဇတိ။ (၂)
အနန္တရ-သမနန္တရပစ္စယာ
* ၆၈။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပရာမာသသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ ပရာမာသသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပရာမာသသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
* ၆၉။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပရာမာသဝိပ္ပယုတ္တာ ခန္ဓာ
ပစ္ဆိမာနံ ပစ္ဆိမာနံ ပရာမာသဝိပ္ပယုတ္တာနံ ခန္ဓာနံ အနန္တရပစ္စယေန ပစ္စယော၊ အနုလောမံ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ ပရာမာသသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော… သမနန္တရပစ္စယေန ပစ္စယော။ (၂)
သဟဇာတပစ္စယာဒိ
* ၇၀။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ သဟဇာတပစ္စယေန ပစ္စယော… ပဉ္စ… အညမညပစ္စယေန ပစ္စယော… ဒွေ… နိဿယပစ္စယေန ပစ္စယော… သတ္တ။
ဥပနိဿယပစ္စယော
* ၇၁။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ပရာမာသသမ္ပယုတ္တော ရာဂေါ… မောဟော… ပတ္ထနာ ပရာမာသသမ္ပယုတ္တဿ ရာဂဿ… မောဟဿ… ပတ္ထနာယ ဥပနိဿယပစ္စယေန ပစ္စယော။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ပရာမာသသမ္ပယုတ္တံ ရာဂံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ၊ ပရာမာသသမ္ပယုတ္တံ မောဟံ… ပတ္ထနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ပါဏံ ဟနတိ…ပေ… သံဃံ ဘိန္ဒတိ၊ ပရာမာသသမ္ပယုတ္တော ရာဂေါ… မောဟော… ပတ္ထနာ သဒ္ဓါယ …ပေ… ပညာယ, ရာဂဿ… ဒေါသဿ… မောဟဿ… မာနဿ… ပတ္ထနာယ… ကာယိကဿ သုခဿ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၂)
* ၇၂။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ
ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ၊ သီလံ…ပေ… ပညံ, ရာဂံ…ပေ… မာနံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, ပါဏံ ဟနတိ…ပေ… သံဃံ ဘိန္ဒတိ၊ ကာယိကံ သုခံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… ပညာ, ရာဂေါ…ပေ… မာနော… ပတ္ထနာ… ကာယိကံ သုခံ…ပေ… သေနာသနံ သဒ္ဓါယ…ပေ… ပညာယ, ရာဂဿ…ပေ… မာနဿ… ပတ္ထနာယ… ကာယိကဿ သုခဿ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ပရာမာသသမ္ပယုတ္တော ရာဂေါ ဥပ္ပဇ္ဇတိ၊ သီလံ…ပေ… သေနာသနံ ဥပနိဿာယ ပရာမာသသမ္ပယုတ္တော ရာဂေါ ဥပ္ပဇ္ဇတိ၊ သဒ္ဓါ…ပေ… သေနာသနံ ပရာမာသသမ္ပယုတ္တဿ ရာဂဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၇၃။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ပရာမာသဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ …ပေ… ကာယာယတနံ ကာယဝိညာဏဿ…ပေ… ဝတ္ထု ပရာမာသဝိပ္ပယုတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ပရာမာသသမ္ပယုတ္တော ရာဂေါ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ပရာမာသသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတာသေဝနပစ္စယာ
* ၇၄။ ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အာသေဝနပစ္စယေန ပစ္စယော… ဒွေ။
ကမ္မပစ္စယာဒိ
* ၇၅။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ကမ္မပစ္စယေန ပစ္စယော – ပရာမာသသမ္ပယုတ္တာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ပရာမာသသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ နာနာက္ခဏိကာ – ပရာမာသသမ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (မူလံ ကာတဗ္ဗံ) ပရာမာသသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ပရာမာသဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ပရာမာသဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဝိပါကပစ္စယေန ပစ္စယော… ဧကံ, အာဟာရပစ္စယေန ပစ္စယော… စတ္တာရိ, ဣန္ဒြိယပစ္စယေန ပစ္စယော… စတ္တာရိ, ဈာနပစ္စယေန ပစ္စယော… စတ္တာရိ, မဂ္ဂပစ္စယေန ပစ္စယော… စတ္တာရိ, သမ္ပယုတ္တပစ္စယေန ပစ္စယော… ဒွေ။
ဝိပ္ပယုတ္တပစ္စယော
* ၇၆။ ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ပရာမာသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၇၇။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အတ္ထိပစ္စယေန ပစ္စယော – ပရာမာသသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – ပရာမာသသမ္ပယုတ္တာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ (မူလံ ကာတဗ္ဗံ။) (၂)
ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ စ ပရာမာသဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – ပရာမာသသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၃)
* ၇၈။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ပရာမာသသမ္ပယုတ္တော ရာဂေါ ဥပ္ပဇ္ဇတိ, ဝတ္ထု ပရာမာသသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
* ၇၉။ ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ပရာမာသသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ပရာမာသသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)
ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ပရာမာသဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – ပရာမာသသမ္ပယုတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ပရာမာသသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ပရာမာသသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၈၀။ ဟေတုယာ စတ္တာရိ, အာရမ္မဏေ စတ္တာရိ, အဓိပတိယာ ပဉ္စ, အနန္တရေ စတ္တာရိ, သမနန္တရေ စတ္တာရိ, သဟဇာတေ ပဉ္စ, အညမညေ ဒွေ, နိဿယေ သတ္တ, ဥပနိဿယေ စတ္တာရိ, ပုရေဇာတေ ဒွေ, ပစ္ဆာဇာတေ ဒွေ, အာသေဝနေ ဒွေ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဒွေ, ဝိပ္ပယုတ္တေ တီဏိ, အတ္ထိယာ သတ္တ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ သတ္တ။
အနုလောမံ။
၂။ ပစ္စနီယုဒ္ဓါရော
* ၈၁။ ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ပရာမာသသမ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
ပရာမာသသမ္ပယုတ္တော ဓမ္မော ပရာမာသသမ္ပယုတ္တဿ စ ပရာမာသဝိပ္ပယုတ္တဿ စ ဓမ္မဿ သဟဇာတပစ္စယေန ပစ္စယော။ (၃)
* ၈၂။ ပရာမာသဝိပ္ပယုတ္တော ဓမ္မော ပရာမာသဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ပရာမာသဝိပ္ပယုတ္တော ဓမ္မော ပရာမာသသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ပရာမာသသမ္ပယုတ္တဿ ဓမ္မဿ သဟဇာတံ, ပုရေဇာတံ။ (၁)
ပရာမာသသမ္ပယုတ္တော စ ပရာမာသဝိပ္ပယုတ္တော စ ဓမ္မာ ပရာမာသဝိပ္ပယုတ္တဿ ဓမ္မဿ သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၈၃။ နဟေတုယာ သတ္တ, နအာရမ္မဏေ သတ္တ, နအဓိပတိယာ သတ္တ, နအနန္တရေ သတ္တ, နသမနန္တရေ သတ္တ, နသဟဇာတေ ပဉ္စ, နအညမညေ ပဉ္စ, နနိဿယေ ပဉ္စ, နဥပနိဿယေ သတ္တ, နပုရေဇာတေ ဆ, နပစ္ဆာဇာတေ သတ္တ (သဗ္ဗတ္ထ သတ္တ), နမဂ္ဂေ သတ္တ, နသမ္ပယုတ္တေ ပဉ္စ, နဝိပ္ပယုတ္တေ စတ္တာရိ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
၃။ ပစ္စယာနုလောမပစ္စနီယံ
ဟေတုဒုကံ
* ၈၄။ ဟေတုပစ္စယာ နအာရမ္မဏေ စတ္တာရိ, နအဓိပတိယာ စတ္တာရိ, နအနန္တရေ စတ္တာရိ, နသမနန္တရေ စတ္တာရိ, နအညမညေ ဒွေ, နဥပနိဿယေ
စတ္တာရိ (သဗ္ဗတ္ထ စတ္တာရိ), နမဂ္ဂေ စတ္တာရိ, နသမ္ပယုတ္တေ ဒွေ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၈၅။ နဟေတုပစ္စယာ အာရမ္မဏေ စတ္တာရိ, အဓိပတိယာ ပဉ္စ (အနုလောမမာတိကာ ကာတဗ္ဗာ)…ပေ… အဝိဂတေ သတ္တ။
ပရာမာသသမ္ပယုတ္တဒုကံ နိဋ္ဌိတံ။
၅၃။ ပရာမာသပရာမဋ္ဌဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၈၆။ ပရာမာသဉ္စေဝ ပရာမဋ္ဌဉ္စ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော ဓမ္မော ဥပ္ပဇ္ဇတိ ဟေတုပစ္စယာ – ပရာမာသံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၁)
ပရာမဋ္ဌဉ္စေဝ နော စ ပရာမာသံ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော ဓမ္မော ဥပ္ပဇ္ဇတိ ဟေတုပစ္စယာ – ပရာမဋ္ဌဉ္စေဝ နော စ ပရာမာသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ)။ (၁)
ပရာမဋ္ဌဉ္စေဝ နော စ ပရာမာသံ ဓမ္မံ ပဋိစ္စ ပရာမာသော စေဝ ပရာမဋ္ဌော စ ဓမ္မော ဥပ္ပဇ္ဇတိ ဟေတုပစ္စယာ – ပရာမဋ္ဌေ စေဝ နော စ ပရာမာသေ ခန္ဓေ ပဋိစ္စ ပရာမာသော။ (၂)
ပရာမဋ္ဌဉ္စေဝ နော စ ပရာမာသံ ဓမ္မံ ပဋိစ္စ ပရာမာသော စေဝ ပရာမဋ္ဌော စ ပရာမဋ္ဌော စေဝ နော စ ပရာမာသော စ ဓမ္မာ ဥပ္ပဇ္ဇန္တိ ဟေတုပစ္စယာ – ပရာမဋ္ဌဉ္စေဝ နော စ ပရာမာသံ ဧကံ ခန္ဓံ ပဋိစ္စ တယော ခန္ဓာ ပရာမာသော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
ပရာမာသဉ္စေဝ ပရာမဋ္ဌဉ္စ ပရာမဋ္ဌဉ္စေဝ နော စ ပရာမာသဉ္စ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော ဓမ္မော ဥပ္ပဇ္ဇတိ ဟေတုပစ္စယာ –
ပရာမဋ္ဌဉ္စေဝ နော စ ပရာမာသံ ဧကံ ခန္ဓဉ္စ ပရာမာသဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (သံခိတ္တံ)။
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဗ္ဗေ ဝါရာ ယထာ ပရာမာသဒုကံ ဧဝံ ကာတဗ္ဗံ နိန္နာနာကရဏံ။)
၅၃။ ပရာမာသပရာမဋ္ဌဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၈၇။ ပရာမဋ္ဌော စေဝ နော စ ပရာမာသော ဓမ္မော ပရာမဋ္ဌဿ စေဝ နော စ ပရာမာသဿ ဓမ္မဿ ဟေတုပစ္စယေန ပစ္စယော – ပရာမဋ္ဌာ စေဝ နော စ ပရာမာသာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
ပရာမဋ္ဌော စေဝ နော စ ပရာမာသော ဓမ္မော ပရာမာသဿ စေဝ ပရာမဋ္ဌဿ စ ဓမ္မဿ ဟေတုပစ္စယေန ပစ္စယော – ပရာမဋ္ဌာ စေဝ နော စ ပရာမာသာ ဟေတူ ပရာမာသဿ ဟေတုပစ္စယေန ပစ္စယော။ (၂)
ပရာမဋ္ဌော စေဝ နော စ ပရာမာသော ဓမ္မော ပရာမာသဿ စေဝ ပရာမဋ္ဌဿ စ ပရာမဋ္ဌဿ စေဝ နော စ ပရာမာသဿ စ ဓမ္မဿ ဟေတုပစ္စယေန ပစ္စယော – ပရာမဋ္ဌာ စေဝ နော စ ပရာမာသာ ဟေတူ သမ္ပယုတ္တကာနံ ခန္ဓာနံ ပရာမာသဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၈၈။ ပရာမာသော စေဝ ပရာမဋ္ဌော စ ဓမ္မော ပရာမာသဿ စေဝ ပရာမဋ္ဌဿ စ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘ ကာတဗ္ဗာနိ ပရာမာသဒုကသဒိသံ)။
* ၈၉။ ပရာမဋ္ဌော စေဝ နော စ ပရာမာသော ဓမ္မော ပရာမဋ္ဌဿ စေဝ နော စ ပရာမာသဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဝိစိကိစ္ဆာ, ဥဒ္ဓစ္စံ, ဒေါမနဿံ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… အရိယာ ဂေါတြဘုံ ပစ္စဝေက္ခန္တိ, ဝေါဒါနံ ပစ္စဝေက္ခန္တိ, ပဟီနေ ကိလေသေ…ပေ…
ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ ပရာမဋ္ဌေ စေဝ နော စ ပရာမာသေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ (ယာဝ အာဝဇ္ဇနာ သဗ္ဗံ ကာတဗ္ဗံ)။ (၁)
ပရာမဋ္ဌော စေဝ နော စ ပရာမာသော ဓမ္မော ပရာမာသဿ စေဝ ပရာမဋ္ဌဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ ပရာမဋ္ဌေ စေဝ နော စ ပရာမာသေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိ ဥပ္ပဇ္ဇတိ။ (၂)
ပရာမဋ္ဌော စေဝ နော စ ပရာမာသော ဓမ္မော ပရာမာသဿ စေဝ ပရာမဋ္ဌဿ စ ပရာမဋ္ဌဿ စေဝ နော စ ပရာမာသဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ ပရာမဋ္ဌေ စေဝ နော စ ပရာမာသေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ပရာမာသော စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
(ဧဝံ ဣတရေပိ တီဏိ အာရဗ္ဘ ကာတဗ္ဗာနိ။ ဣမံ ဒုကံ ပရာမာသဒုကသဒိသံ။ လောကုတ္တရံ ယဟိံ န လဗ္ဘတိ တဟိံ န ကာတဗ္ဗံ။)
ပရာမာသပရာမဋ္ဌဒုကံ နိဋ္ဌိတံ။
၅၄။ ပရာမာသဝိပ္ပယုတ္တပရာမဋ္ဌဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၀။ ပရာမာသဝိပ္ပယုတ္တံ ပရာမဋ္ဌံ ဓမ္မံ ပဋိစ္စ ပရာမာသဝိပ္ပယုတ္တော ပရာမဋ္ဌော ဓမ္မော ဥပ္ပဇ္ဇတိ ဟေတုပစ္စယာ – ပရာမာသဝိပ္ပယုတ္တံ ပရာမဋ္ဌံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။
ပရာမာသဝိပ္ပယုတ္တံ အပရာမဋ္ဌံ ဓမ္မံ ပဋိစ္စ ပရာမာသဝိပ္ပယုတ္တော အပရာမဋ္ဌော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
(ယထာ စူဠန္တရဒုကေ လောကိယဒုကံ ဧဝံ ကာတဗ္ဗံ နိန္နာနာကရဏံ။)
ပရာမာသဝိပ္ပယုတ္တပရာမဋ္ဌဒုကံ နိဋ္ဌိတံ။
ပရာမာသဂေါစ္ဆကံ နိဋ္ဌိတံ။
၁၀။ မဟန္တရဒုကံ
၅၅။ သာရမ္မဏဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ သာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
သာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ – သာရမ္မဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၂။ အနာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အနာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သာရမ္မဏာ ခန္ဓာ။ (၂)
အနာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မော ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သာရမ္မဏာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၃။ သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ သာရမ္မဏံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ သာရမ္မဏံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… သာရမ္မဏေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
အာရမ္မဏပစ္စယော
* ၄။ သာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – သာရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။
အနာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သာရမ္မဏာ ခန္ဓာ။
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ သာရမ္မဏံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅။ ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆။ သာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သာရမ္မဏံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
သာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သာရမ္မဏေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ…ပေ…။ (၂)
သာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သာရမ္မဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ…။ (၃)
* ၇။ အနာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ (၁)
အနာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ သာရမ္မဏာ ခန္ဓာ။ (၂)
အနာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ သာရမ္မဏာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၈။ သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ သာရမ္မဏံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သာရမ္မဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ…ပေ…။ (၂)
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သာရမ္မဏံ ဧကံ
ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… သာရမ္မဏေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
နအာရမ္မဏပစ္စယော
* ၉။ သာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နအာရမ္မဏပစ္စယာ – သာရမ္မဏေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
အနာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နအာရမ္မဏပစ္စယာ (ယာဝ အသညသတ္တာ)။ (၁)
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ နအာရမ္မဏပစ္စယာ – သာရမ္မဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဒွေ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၁။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နကမ္မေ ဧကံ…ပေ… နဝိပ္ပယုတ္တေ ဧကံ (သံခိတ္တံ)။
၄။ ပစ္စယပစ္စနီယာနုလောမံ
* ၁၂။ နဟေတုပစ္စယာ အာရမ္မဏေ တီဏိ…ပေ… သဟဇာတေ နဝ…ပေ… မဂ္ဂေ ဧကံ…ပေ… အဝိဂတေ နဝ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၅၅။ သာရမ္မဏဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၃။ သာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
* ၁၄။ အနာရမ္မဏံ ဓမ္မံ ပစ္စယာ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အနာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ သာရမ္မဏာ ခန္ဓာ၊ ပဋိသန္ဓိက္ခဏေ ဝတ္ထုံ ပစ္စယာ သာရမ္မဏာ ခန္ဓာ။ (၂)
အနာရမ္မဏံ ဓမ္မံ ပစ္စယာ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ သာရမ္မဏာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ …ပေ…။ (၃)
* ၁၅။ သာရမ္မဏဉ္စ အနာရမ္မဏဉ္စ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ပဋိသန္ဓိက္ခဏေ…ပေ…။ (၁)
သာရမ္မဏဉ္စ အနာရမ္မဏဉ္စ ဓမ္မံ ပစ္စယာ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သာရမ္မဏဉ္စ အနာရမ္မဏဉ္စ ဓမ္မံ ပစ္စယာ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ – သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… သာရမ္မဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၆။ သာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – သာရမ္မဏံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
အနာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ သာရမ္မဏာ ခန္ဓာ၊ ပဋိသန္ဓိက္ခဏေ…ပေ…။ (၁)
သာရမ္မဏဉ္စ အနာရမ္မဏဉ္စ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ကာယဝိညာဏသဟဂတံ…ပေ… သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၇။ ဟေတုယာ နဝ, အာရမ္မဏေ တီဏိ, အဓိပတိယာ နဝ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ တီဏိ, အာသေဝနေ တီဏိ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၈။ သာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ… တီဏိ (ပဋိစ္စဝါရသဒိသံ)။
အနာရမ္မဏံ ဓမ္မံ ပစ္စယာ အနာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ (၁)
အနာရမ္မဏံ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ သာရမ္မဏာ ခန္ဓာ၊ ပဋိသန္ဓိက္ခဏေ…ပေ… ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
အနာရမ္မဏံ ဓမ္မံ ပစ္စယာ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ နဟေတုပစ္စယာ – ဝတ္ထုံ ပစ္စယာ အဟေတုကာ သာရမ္မဏာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
* ၁၉။ သာရမ္မဏဉ္စ အနာရမ္မဏဉ္စ ဓမ္မံ ပစ္စယာ သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ကာယဝိညာဏသဟဂတံ…ပေ… အဟေတုကံ သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
သာရမ္မဏဉ္စ အနာရမ္မဏဉ္စ ဓမ္မံ ပစ္စယာ အနာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သာရမ္မဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
သာရမ္မဏဉ္စ အနာရမ္မဏဉ္စ ဓမ္မံ ပစ္စယာ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… အဟေတုကေ သာရမ္မဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ အဟေတုကံ သာရမ္မဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… အဟေတုကေ သာရမ္မဏေ ခန္ဓေ စ မဟာဘူတေ စ ပစ္စယာ ကဋတ္တာရူပံ…ပေ… (သံခိတ္တံ)။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၀။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ စတ္တာရိ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၂၁။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နကမ္မေ ဧကံ…ပေ… နဝိပ္ပယုတ္တေ ဧကံ (သံခိတ္တံ)။
၄။ ပစ္စယပစ္စနီယာနုလောမံ
* ၂၂။ နဟေတုပစ္စယာ အာရမ္မဏေ တီဏိ, အနန္တရေ တီဏိ, သမနန္တရေ တီဏိ, သဟဇာတေ နဝ…ပေ… မဂ္ဂေ တီဏိ…ပေ… အဝိဂတေ နဝ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅၅။ သာရမ္မဏဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၂၃။ သာရမ္မဏံ ဓမ္မံ သံသဋ္ဌော သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – သာရမ္မဏံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ သံသဋ္ဌာ ဒွေ ခန္ဓာ၊ ပဋိသန္ဓိက္ခဏေ…ပေ…။
* ၂၄။ ဟေတုယာ ဧကံ, အာရမ္မဏေ ဧကံ, အဓိပတိယာ ဧကံ (သဗ္ဗတ္ထ ဧကံ), အဝိဂတေ ဧကံ။
အနုလောမံ။
* ၂၅။ သာရမ္မဏံ ဓမ္မံ သံသဋ္ဌော သာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သာရမ္မဏံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
* ၂၆။ နဟေတုယာ ဧကံ, နအဓိပတိယာ ဧကံ, နပုရေဇာတေ ဧကံ, နပစ္ဆာဇာတေ ဧကံ, နအာသေဝနေ ဧကံ, နကမ္မေ ဧကံ, နဝိပါကေ ဧကံ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဧကံ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရာပိ ကာတဗ္ဗာ။)
၅၅။ သာရမ္မဏဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၇။ သာရမ္မဏော ဓမ္မော သာရမ္မဏဿ ဓမ္မဿ ဟေတုပစ္စယေန ပစ္စယော – သာရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
သာရမ္မဏော ဓမ္မော အနာရမ္မဏဿ ဓမ္မဿ ဟေတုပစ္စယေန ပစ္စယော – သာရမ္မဏာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
သာရမ္မဏော ဓမ္မော သာရမ္မဏဿ စ အနာရမ္မဏဿ စ ဓမ္မဿ ဟေတုပစ္စယေန ပစ္စယော – သာရမ္မဏာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၂၈။ သာရမ္မဏော ဓမ္မော သာရမ္မဏဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ, သာရမ္မဏေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန သာရမ္မဏစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သာရမ္မဏာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
* ၂၉။ အနာရမ္မဏော ဓမ္မော သာရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ,
မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အနာရမ္မဏာ ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၃၀။ သာရမ္မဏော ဓမ္မော သာရမ္မဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ…ပေ… ဖလံ ဂရုံ…ပေ… သာရမ္မဏေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သာရမ္မဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သာရမ္မဏော ဓမ္မော အနာရမ္မဏဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သာရမ္မဏာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
သာရမ္မဏော ဓမ္မော သာရမ္မဏဿ စ အနာရမ္မဏဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သာရမ္မဏာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၃၁။ အနာရမ္မဏော ဓမ္မော သာရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနန္တရပစ္စယာဒိ
* ၃၂။ သာရမ္မဏော ဓမ္မော သာရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သာရမ္မဏာ…ပေ… ဖလသမာပတ္တိယာ အနန္တရပစ္စယေန ပစ္စယော… သမနန္တရပစ္စယေန ပစ္စယော… ဧကံ… သဟဇာတပစ္စယေန ပစ္စယော… သတ္တ (ပဋိစ္စဝါရေ သဟဇာတသဒိသာ)… အညမညပစ္စယေန ပစ္စယော… ဆ (ပဋိစ္စဝါရေ အညမညသဒိသံ)… နိဿယပစ္စယေန ပစ္စယော… သတ္တ (ပစ္စယဝါရေ နိဿယသဒိသော)။
ဥပနိဿယပစ္စယော
* ၃၃။ သာရမ္မဏော ဓမ္မော သာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ။ သီလံ…ပေ… ပညံ, ရာဂံ…ပေ… ပတ္ထနံ, ကာယိကံ သုခံ… ကာယိကံ ဒုက္ခံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, ပါဏံ ဟနတိ…ပေ… သံဃံ ဘိန္ဒတိ။ သဒ္ဓါ…ပေ… ပညာ, ရာဂေါ…ပေ… ပတ္ထနာ, ကာယိကံ သုခံ… ကာယိကံ ဒုက္ခံ သဒ္ဓါယ…ပေ… ပညာယ, ရာဂဿ…ပေ… ပတ္ထနာယ, ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
အနာရမ္မဏော ဓမ္မော သာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – ဥတုံ, ဘောဇနံ, သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, ပါဏံ ဟနတိ…ပေ… သံဃံ ဘိန္ဒတိ။ ဥတု… ဘောဇနံ… သေနာသနံ သဒ္ဓါယ…ပေ… ပတ္ထနာယ, ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၃၄။ အနာရမ္မဏော ဓမ္မော သာရမ္မဏဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ
ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု သာရမ္မဏာနံ ခန္ဓာနံ ပုရေဇာတပစ္စယေန ပစ္စယော။ (၁)
ပစ္ဆာဇာတာသေဝနပစ္စယာ
* ၃၅။ သာရမ္မဏော ဓမ္မော အနာရမ္မဏဿ ဓမ္မဿ ပစ္ဆာဇာတပစ္စယေန ပစ္စယော… ဧကံ။
သာရမ္မဏော ဓမ္မော သာရမ္မဏဿ ဓမ္မဿ အာသေဝနပစ္စယေန ပစ္စယော… ဧကံ။
ကမ္မပစ္စယော
* ၃၆။ သာရမ္မဏော ဓမ္မော သာရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သာရမ္မဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သာရမ္မဏာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
သာရမ္မဏော ဓမ္မော အနာရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သာရမ္မဏာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သာရမ္မဏာ စေတနာ ကဋတ္တာရူပါနံ ကမ္မပစ္စယေန ပစ္စယော။ (၂)
သာရမ္မဏော ဓမ္မော သာရမ္မဏဿ စ အနာရမ္မဏဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – သာရမ္မဏာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သာရမ္မဏာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါက-အာဟာရပစ္စယာ
* ၃၇။ သာရမ္မဏော ဓမ္မော သာရမ္မဏဿ ဓမ္မဿ ဝိပါကပစ္စယေန ပစ္စယော… တီဏိ။
သာရမ္မဏော ဓမ္မော သာရမ္မဏဿ ဓမ္မဿ အာဟာရပစ္စယေန ပစ္စယော… တီဏိ။
အနာရမ္မဏော ဓမ္မော အနာရမ္မဏဿ ဓမ္မဿ အာဟာရပစ္စယေန ပစ္စယော – ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
ဣန္ဒြိယပစ္စယော
* ၃၈။ သာရမ္မဏော ဓမ္မော သာရမ္မဏဿ ဓမ္မဿ ဣန္ဒြိယပစ္စယေန ပစ္စယော… တီဏိ။
အနာရမ္မဏော ဓမ္မော အနာရမ္မဏဿ ဓမ္မဿ ဣန္ဒြိယပစ္စယေန ပစ္စယော – ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
အနာရမ္မဏော ဓမ္မော သာရမ္မဏဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၁)
သာရမ္မဏော စ အနာရမ္မဏော စ ဓမ္မာ သာရမ္မဏဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ ကာယဝိညာဏဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (၁)
ဈာနပစ္စယာဒိ
* ၃၉။ သာရမ္မဏော ဓမ္မော သာရမ္မဏဿ ဓမ္မဿ ဈာနပစ္စယေန ပစ္စယော… တီဏိ, မဂ္ဂပစ္စယေန ပစ္စယော… တီဏိ, သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၄၀။ သာရမ္မဏော ဓမ္မော အနာရမ္မဏဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အနာရမ္မဏော ဓမ္မော သာရမ္မဏဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သာရမ္မဏာနံ
ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော၊ ဝတ္ထု သာရမ္မဏာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၄၁။ သာရမ္မဏော ဓမ္မော သာရမ္မဏဿ ဓမ္မဿ အတ္ထိပစ္စယေန ပစ္စယော – သာရမ္မဏော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)
သာရမ္မဏော ဓမ္မော အနာရမ္မဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
သာရမ္မဏော ဓမ္မော သာရမ္မဏဿ စ အနာရမ္မဏဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
* ၄၂။ အနာရမ္မဏော ဓမ္မော အနာရမ္မဏဿ ဓမ္မဿ အတ္ထိပစ္စယေန ပစ္စယော – သဟဇာတံ, အာဟာရံ, ဣန္ဒြိယံ။ သဟဇာတံ – ဧကံ မဟာဘူတံ…ပေ… (ယာဝ အသညသတ္တာ)။ (၁)
အနာရမ္မဏော ဓမ္မော သာရမ္မဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သာရမ္မဏာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု သာရမ္မဏာနံ ခန္ဓာနံ အတ္ထိပစ္စယေန ပစ္စယော။ (၂)
* ၄၃။ သာရမ္မဏော စ အနာရမ္မဏော စ ဓမ္မာ သာရမ္မဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ကာယဝိညာဏသဟဂတော ဧကော ခန္ဓော စ ကာယာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… သာရမ္မဏော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ…ပေ…။ (၁)
သာရမ္မဏော စ အနာရမ္မဏော စ ဓမ္မာ အနာရမ္မဏဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – သာရမ္မဏာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – သာရမ္မဏာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သာရမ္မဏာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၄။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ သတ္တ, အညမညေ ဆ, နိဿယေ သတ္တ, ဥပနိဿယေ ဒွေ, ပုရေဇာတေ ဧကံ, ပစ္ဆာဇာတေ ဧကံ, အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ စတ္တာရိ, ဣန္ဒြိယေ ဆ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ ဒွေ, အတ္ထိယာ သတ္တ, နတ္ထိယာ ဧကံ, ဝိဂတေ ဧကံ, အဝိဂတေ သတ္တ။
၂။ ပစ္စနီယုဒ္ဓါရော
* ၄၅။ သာရမ္မဏော ဓမ္မော သာရမ္မဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
သာရမ္မဏော ဓမ္မော အနာရမ္မဏဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
သာရမ္မဏော ဓမ္မော သာရမ္မဏဿ စ အနာရမ္မဏဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၄၆။ အနာရမ္မဏော ဓမ္မော အနာရမ္မဏဿ ဓမ္မဿ သဟဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အနာရမ္မဏော ဓမ္မော သာရမ္မဏဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
သာရမ္မဏော စ အနာရမ္မဏော စ ဓမ္မာ သာရမ္မဏဿ ဓမ္မဿ သဟဇာတံ, ပုရေဇာတံ။ (၁)
သာရမ္မဏော စ အနာရမ္မဏော စ ဓမ္မာ အနာရမ္မဏဿ ဓမ္မဿ သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၇။ နဟေတုယာ သတ္တ, နအာရမ္မဏေ သတ္တ…ပေ… နသမနန္တရေ သတ္တ, နသဟဇာတေ ဆ, န အညမညေ ဆ, နနိဿယေ ဆ, နဥပနိဿယေ သတ္တ, နပုရေဇာတေ သတ္တ, နပစ္ဆာဇာတေ သတ္တ…ပေ… နမဂ္ဂေ သတ္တ, နသမ္ပယုတ္တေ ဆ, နဝိပ္ပယုတ္တေ ပဉ္စ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၄၈။ ဟေတုပစ္စယာ နအာရမ္မဏေ တီဏိ, နအဓိပတိယာ…ပေ… နသမနန္တရေ တီဏိ, နအညမညေ ဧကံ, နဥပနိဿယေ တီဏိ…ပေ… နမဂ္ဂေ တီဏိ, နသမ္ပယုတ္တေ ဧကံ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၄၉။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ (အနုလောမမာတိကာ ကာတဗ္ဗာ)…ပေ… အဝိဂတေ သတ္တ။
သာရမ္မဏဒုကံ နိဋ္ဌိတံ။
၅၆။ စိတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၀။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ ပဋိစ္စ ဧကော ခန္ဓော စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ ပဋိစ္စ…ပေ…။ (၁)
နောစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ နောစိတ္တေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၂)
နောစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ ကဋတ္တာ စ ရူပံ, ဒွေ ခန္ဓေ ပဋိစ္စ ဧကော ခန္ဓော စိတ္တဉ္စ ကဋတ္တာ စ ရူပံ၊ ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ နောစိတ္တာ ခန္ဓာ၊ ပဋိသန္ဓိက္ခဏေ စိတ္တဉ္စ မဟာဘူတေ စ ပဋိစ္စ ကဋတ္တာရူပံ။ (၁)
အာရမ္မဏပစ္စယော
* ၅၁။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုံ ပဋိစ္စ ခန္ဓာ။ (၁)
နောစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ နောစိတ္တေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၂)
နောစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ ပဋိစ္စ…ပေ… ပဋိသန္ဓိက္ခဏေ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… ပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ နောစိတ္တာ ခန္ဓာ။ (၁) (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၂။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ, အနန္တရေ ပဉ္စ, သမနန္တရေ ပဉ္စ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ ပဉ္စ, ပုရေဇာတေ ပဉ္စ, အာသေဝနေ ပဉ္စ, ကမ္မေ ပဉ္စ, ဝိပါကေ ပဉ္စ, အာဟာရေ ပဉ္စ, ဣန္ဒြိယေ ပဉ္စ, ဈာနေ ပဉ္စ, မဂ္ဂေ ပဉ္စ, သမ္ပယုတ္တေ ပဉ္စ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ ပဉ္စ, ဝိဂတေ ပဉ္စ, အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၃။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စိတ္တံ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ …ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နောစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ နောစိတ္တေ ခန္ဓေ ပဋိစ္စ စိတ္တံ၊ အဟေတုကပဋိသန္ဓိက္ခဏေ နောစိတ္တေ ခန္ဓေ ပဋိစ္စ စိတ္တံ၊ အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၂)
နောစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… အဟေတုကပဋိသန္ဓိက္ခဏေ နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ စ…ပေ… အဟေတုကပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ နောစိတ္တာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တဉ္စ သမ္ပယုတ္တကေ စ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
* ၅၄။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – နောစိတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၂)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တဉ္စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ, စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ ကဋတ္တာရူပံ, စိတ္တဉ္စ မဟာဘူတေ စ ပဋိစ္စ ကဋတ္တာရူပံ။ (၁)
နအဓိပတိပစ္စယာဒိ
* ၅၅။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နအဓိပတိပစ္စယာ … ပဉ္စ… နအနန္တရပစ္စယာ…ပေ… နဥပနိဿယပစ္စယာ… တီဏိ။
နပုရေဇာတပစ္စယာဒိ
* ၅၆။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ စိတ္တံ ပဋိစ္စ သမ္ပယုတ္တကာ ခန္ဓာ, စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… နောစိတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
နောစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နောစိတ္တေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ… ဝတ္ထုံ ပဋိစ္စ စိတ္တံ။ (၂)
နောစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နောစိတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နောစိတ္တံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… နောစိတ္တေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ နောစိတ္တာ ခန္ဓာ၊ ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ ကဋတ္တာရူပံ, စိတ္တဉ္စ မဟာဘူတေ စ ပဋိစ္စ ကဋတ္တာရူပံ။ (၁)
နပစ္ဆာဇာတပစ္စယာ… နအာသေဝနပစ္စယာ…။
နကမ္မပစ္စယော
* ၅၇။ စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နကမ္မပစ္စယာ – စိတ္တံ ပဋိစ္စ သမ္ပယုတ္တကာ စေတနာ။ (၁)
နောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နကမ္မပစ္စယာ – နောစိတ္တေ ခန္ဓေ ပဋိစ္စ သမ္ပယုတ္တကာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ နကမ္မပစ္စယာ – နောစိတ္တေ ခန္ဓေ စ စိတ္တဉ္စ ပဋိစ္စ သမ္ပယုတ္တကာ စေတနာ (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၈။ နဟေတုယာ ပဉ္စ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ပဉ္စ, နမဂ္ဂေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ပဉ္စ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၅၉။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ (သံခိတ္တံ)။
၄။ ပစ္စယပစ္စနီယာနုလောမံ
* ၆၀။ နဟေတုပစ္စယာ အာရမ္မဏေ ပဉ္စ, အနန္တရေ ပဉ္စ (သဗ္ဗတ္ထ ပဉ္စ), မဂ္ဂေ တီဏိ…ပေ… အဝိဂတေ ပဉ္စ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၅၆။ စိတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၁။ စိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ…။ (၁)
နောစိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ မဟာဘူတာ), ဝတ္ထုံ ပစ္စယာ နောစိတ္တာ ခန္ဓာ။ (၁)
နောစိတ္တံ ဓမ္မံ ပစ္စယာ စိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တေ ခန္ဓေ ပစ္စယာ စိတ္တံ, ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ နောစိတ္တေ ခန္ဓေ ပစ္စယာ စိတ္တံ, ပဋိသန္ဓိက္ခဏေ ဝတ္ထုံ ပစ္စယာ စိတ္တံ။ (၂)
နောစိတ္တံ ဓမ္မံ ပစ္စယာ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ၊ ပဋိသန္ဓိက္ခဏေ နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တဉ္စ ကဋတ္တာ စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စိတ္တဉ္စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ, ပဋိသန္ဓိက္ခဏေ နောစိတ္တံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တဉ္စ မဟာဘူတေ စ ပစ္စယာ ကဋတ္တာရူပံ၊ ပဋိသန္ဓိက္ခဏေ စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ။ (၁)
အာရမ္မဏပစ္စယော
* ၆၂။ စိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ… ဧကံ (ပဋိစ္စဝါရသဒိသံ)။
နောစိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တံ ဧကံ ခန္ဓံ ပစ္စယာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုံ ပစ္စယာ ခန္ဓာ, စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ ပစ္စယာ ကာယဝိညာဏသဟဂတာ ခန္ဓာ, ဝတ္ထုံ ပစ္စယာ နောစိတ္တာ ခန္ဓာ။ (၁)
နောစိတ္တံ ဓမ္မံ ပစ္စယာ စိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တေ ခန္ဓေ ပစ္စယာ စိတ္တံ, ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ
နောစိတ္တေ ခန္ဓေ ပစ္စယာ စိတ္တံ, ပဋိသန္ဓိက္ခဏေ ဝတ္ထုံ ပစ္စယာ စိတ္တံ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၂)
နောစိတ္တံ ဓမ္မံ ပစ္စယာ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ, စက္ခာယတနံ ပစ္စယာ စက္ခုဝိညာဏံ သမ္ပယုတ္တကာ စ ခန္ဓာ…ပေ… ကာယာယတနံ ပစ္စယာ ကာယဝိညာဏံ သမ္ပယုတ္တကာ စ ခန္ဓာ။ (၃)
စိတ္တဉ္စ နောစိတ္တဉ္စ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – နောစိတ္တံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ, ပဋိသန္ဓိက္ခဏေ…ပေ… ပဋိသန္ဓိက္ခဏေ စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ, စက္ခာယတနဉ္စ စက္ခုဝိညာဏဉ္စ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ စ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
* ၆၃။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆၄။ စိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
* ၆၅။ နောစိတ္တံ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ), စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ ပစ္စယာ ကာယဝိညာဏသဟဂတာ ခန္ဓာ, ဝတ္ထုံ ပစ္စယာ အဟေတုကာ
နောစိတ္တေ ခန္ဓာ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နောစိတ္တံ ဓမ္မံ ပစ္စယာ စိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ နောစိတ္တေ ခန္ဓေ ပစ္စယာ စိတ္တံ, ဝတ္ထုံ ပစ္စယာ စိတ္တံ၊ အဟေတုကပဋိသန္ဓိက္ခဏေ…ပေ… အဟေတုကပဋိသန္ဓိက္ခဏေ ဝတ္ထုံ ပစ္စယာ စိတ္တံ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၂)
နောစိတ္တံ ဓမ္မံ ပစ္စယာ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ နောစိတ္တံ ဧကံ ခန္ဓံ ပစ္စယာ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ၊ အဟေတုကပဋိသန္ဓိက္ခဏေ…ပေ… အဟေတုကပဋိသန္ဓိက္ခဏေ ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၃)
စိတ္တဉ္စ နောစိတ္တဉ္စ ဓမ္မံ ပစ္စယာ နောစိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောစိတ္တံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ၊ အဟေတုကပဋိသန္ဓိက္ခဏေ…ပေ… အဟေတုကပဋိသန္ဓိက္ခဏေ စိတ္တဉ္စ ဝတ္ထုဉ္စ ပစ္စယာ နောစိတ္တာ ခန္ဓာ, စက္ခာယတနဉ္စ စက္ခုဝိညာဏဉ္စ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ စ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ စိတ္တဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁) (သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၆၆။ နဟေတုယာ ပဉ္စ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ပဉ္စ, နမဂ္ဂေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ပဉ္စ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၆၇။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ (သံခိတ္တံ)။
၄။ ပစ္စယပစ္စနီယာနုလောမံ
* ၆၈။ နဟေတုပစ္စယာ အာရမ္မဏေ ပဉ္စ, အနန္တရေ ပဉ္စ (သဗ္ဗတ္ထ ပဉ္စ), မဂ္ဂေ တီဏိ…ပေ… အဝိဂတေ ပဉ္စ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅၆။ စိတ္တဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
ဟေတုပစ္စယော
* ၆၉။ စိတ္တံ ဓမ္မံ သံသဋ္ဌော နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
နောစိတ္တံ ဓမ္မံ သံသဋ္ဌော နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ သံသဋ္ဌော ဧကော ခန္ဓော၊ ပဋိသန္ဓိက္ခဏေ…ပေ…။ (၁)
နောစိတ္တံ ဓမ္မံ သံသဋ္ဌော စိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တေ ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ (၂)
နောစိတ္တံ ဓမ္မံ သံသဋ္ဌော စိတ္တော စ နောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – နောစိတ္တံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
စိတ္တဉ္စ နောစိတ္တဉ္စ ဓမ္မံ သံသဋ္ဌော နောစိတ္တော ဓမ္မော ဥပ္ပဇ္ဇတိ ဟေတုပစ္စယာ – နောစိတ္တံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (သံခိတ္တံ)။
ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ (သံခိတ္တံ)။
နဟေတုယာ ပဉ္စ, နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ သဗ္ဗေ ကာတဗ္ဗာ။)
၅၆။ စိတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၇၀။ နောစိတ္တော ဓမ္မော နောစိတ္တဿ ဓမ္မဿ ဟေတုပစ္စယေန ပစ္စယော – နောစိတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောစိတ္တော ဓမ္မော စိတ္တဿ ဓမ္မဿ ဟေတုပစ္စယေန ပစ္စယော – နောစိတ္တာ ဟေတူ စိတ္တဿ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ ဟေတုပစ္စယေန ပစ္စယော – နောစိတ္တာ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၇၁။ စိတ္တော ဓမ္မော စိတ္တဿ ဓမ္မဿ အာရမ္မဏပစ္စယေန ပစ္စယော – စိတ္တံ အာရဗ္ဘ စိတ္တံ ဥပ္ပဇ္ဇတိ။ (မူလံ ကာတဗ္ဗံ) စိတ္တံ အာရဗ္ဘ နောစိတ္တာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) စိတ္တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၇၂။ နောစိတ္တော ဓမ္မော နောစိတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ, ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ
ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နောစိတ္တေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ ကိလေသေ ဇာနန္တိ, စက္ခုံ…ပေ… ဝတ္ထုံ နောစိတ္တေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ…ပေ… ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ ကာယဝိညာဏသဟဂတာနံ ခန္ဓာနံ…ပေ… နောစိတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ…ပေ… (ပဌမဂမနသဒိသံ နိန္နာနာကရဏံ, ဣမံ နာနံ) ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောစိတ္တာ ခန္ဓာ ဣဒ္ဓိဝိဓဉာဏဿ…ပေ… အာဝဇ္ဇနာယ အာရမ္မဏပစ္စယေန ပစ္စယော။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ…ပေ… (ပဌမဂမနသဒိသံ နိန္နာနာကရဏံ, ဣမံ နာနံ), ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ…ပေ… နောစိတ္တာ ခန္ဓာ ဣဒ္ဓိဝိဓဉာဏဿ…ပေ… အာဝဇ္ဇနာယ အာရမ္မဏပစ္စယေန ပစ္စယော။ (၃)
စိတ္တော စ နောစိတ္တော စ ဓမ္မာ စိတ္တဿ ဓမ္မဿ အာရမ္မဏပစ္စယေန ပစ္စယော – စိတ္တဉ္စ သမ္ပယုတ္တကေ စ ခန္ဓေ အာရဗ္ဘ စိတ္တံ ဥပ္ပဇ္ဇတိ… တီဏိ။
အဓိပတိပစ္စယော
* ၇၃။ စိတ္တော ဓမ္မော စိတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စိတ္တံ ဂရုံ ကတွာ စိတ္တံ ဥပ္ပဇ္ဇတိ။ (၁)
စိတ္တော ဓမ္မော နောစိတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – စိတ္တံ ဂရုံ
ကတွာ နောစိတ္တာ ခန္ဓာ ဥပ္ပဇ္ဇန္တိ။ သဟဇာတာဓိပတိ – စိတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)
စိတ္တော ဓမ္မော စိတ္တဿ စ နောစိတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စိတ္တံ ဂရုံ ကတွာ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
* ၇၄။ နောစိတ္တော ဓမ္မော နောစိတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ။ ဖလံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောစိတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောစိတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ အဓိပတိပစ္စယေန ပစ္စယော (ဒွေပိ ဂမနာ ပဌမဂမနသဒိသံ နိန္နာနာကရဏံ။ အာရမ္မဏာဓိပတိ သဟဇာတာဓိပတိ ကာတဗ္ဗာ)။ (၂)
စိတ္တော စ နောစိတ္တော စ ဓမ္မာ စိတ္တဿ ဓမ္မဿ အဓိပတိပစ္စယေန ပစ္စယော… အာရမ္မဏာဓိပတိ (တီဏိပိ ဂရုကာရမ္မဏာ ကာတဗ္ဗာ, အာရမ္မဏာဓိပတိယေဝ)။
အနန္တရပစ္စယာဒိ
* ၇၅။ စိတ္တော ဓမ္မော စိတ္တဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမဿ ပစ္ဆိမဿ စိတ္တဿ အနန္တရပစ္စယေန ပစ္စယော။ (၁)
စိတ္တော ဓမ္မော နောစိတ္တဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမာနံ ပစ္ဆိမာနံ နောစိတ္တာနံ ခန္ဓာနံ အနန္တရပစ္စယေန ပစ္စယော၊ စိတ္တံ ဝုဋ္ဌာနဿ အနန္တရပစ္စယေန ပစ္စယော။ (၂)
စိတ္တော ဓမ္မော စိတ္တဿ စ နောစိတ္တဿ စ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမဿ ပစ္ဆိမဿ စိတ္တဿ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၇၆။ နောစိတ္တော ဓမ္မော နောစိတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောစိတ္တာ ခန္ဓာ…ပေ… ဖလသမာပတ္တိယာ အနန္တရပစ္စယေန ပစ္စယော (ဣမေ ဒွေ ပူရေတုကာမေန ကာတဗ္ဗာ, ပုရိမဂမနသဒိသံ)။
စိတ္တော စ နောစိတ္တော စ ဓမ္မာ စိတ္တဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တဉ္စ သမ္ပယုတ္တကာ စ ခန္ဓာ ပစ္ဆိမဿ ပစ္ဆိမဿ စိတ္တဿ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမံ ပုရိမံ စိတ္တဉ္စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နောစိတ္တာနံ ခန္ဓာနံ အနန္တရပစ္စယေန ပစ္စယော – စိတ္တဉ္စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမံ ပုရိမံ စိတ္တဉ္စ သမ္ပယုတ္တကာ စ ခန္ဓာ ပစ္ဆိမဿ ပစ္ဆိမဿ စိတ္တဿ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သမနန္တရပစ္စယေန ပစ္စယော… သဟဇာတပစ္စယေန ပစ္စယော… အညမညပစ္စယေန ပစ္စယော (ပဋိစ္စဝါရသဒိသာ)… နိဿယပစ္စယေန ပစ္စယော… ပဉ္စ (ပစ္စယဝါရသဒိသာ)။
ဥပနိဿယပစ္စယော
* ၇၇။ စိတ္တော ဓမ္မော စိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – စိတ္တံ စိတ္တဿ ဥပနိဿယပစ္စယေန ပစ္စယော… တီဏိ။
နောစိတ္တော ဓမ္မော နောစိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ …ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ ဥပနိဿယပစ္စယေန ပစ္စယော (ဣမေ ဒွေပိ ပူရေတုကာမေန သဗ္ဗတ္ထ ကာတဗ္ဗာ, ပဌမဂမနသဒိသံ နိန္နာနာကရဏံ)။
စိတ္တော စ နောစိတ္တော စ ဓမ္မာ စိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – စိတ္တဉ္စ သမ္ပယုတ္တကာ စ ခန္ဓာ စိတ္တဿ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၇၈။ နောစိတ္တော ဓမ္မော နောစိတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ ကာယဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ…ပေ… ဝတ္ထု နောစိတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ …ပေ… ကာယာယတနံ ကာယဝိညာဏဿ…ပေ… ဝတ္ထု စိတ္တဿ ပုရေဇာတပစ္စယေန ပစ္စယော။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ စ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… ကာယာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဝတ္ထု စိတ္တဿ စ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတာသေဝနပစ္စယာ
* ၇၉။ စိတ္တော ဓမ္မော နောစိတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
နောစိတ္တော ဓမ္မော နောစိတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
စိတ္တော စ နောစိတ္တော စ ဓမ္မာ နောစိတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
စိတ္တော ဓမ္မော စိတ္တဿ ဓမ္မဿ အာသေဝနပစ္စယေန ပစ္စယော… နဝ။
ကမ္မပစ္စယော
* ၈၀။ နောစိတ္တော ဓမ္မော နောစိတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောစိတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောစိတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောစိတ္တာ စေတနာ စိတ္တဿ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောစိတ္တာ စေတနာ ဝိပါကဿ စိတ္တဿ ကမ္မပစ္စယေန ပစ္စယော။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောစိတ္တာ စေတနာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောစိတ္တာ စေတနာ ဝိပါကာနံ ခန္ဓာနံ စိတ္တဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၈၁။ စိတ္တော ဓမ္မော နောစိတ္တဿ ဓမ္မဿ ဝိပါကပစ္စယေန ပစ္စယော… ပဉ္စ… အာဟာရပစ္စယေန ပစ္စယော… ပဉ္စ… ဣန္ဒြိယပစ္စယေန ပစ္စယော… ပဉ္စ။ နောစိတ္တော ဓမ္မော နောစိတ္တဿ ဓမ္မဿ ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၈၂။ စိတ္တော ဓမ္မော နောစိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နောစိတ္တော ဓမ္မော နောစိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – နောစိတ္တာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ နောစိတ္တာ ခန္ဓာ ကဋတ္တာရူပါနံ…ပေ… နောစိတ္တာ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ ကာယဝိညာဏသဟဂတာနံ ခန္ဓာနံ…ပေ… ဝတ္ထု နောစိတ္တာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နောစိတ္တာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဝတ္ထု စိတ္တဿ စ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
စိတ္တော စ နောစိတ္တော စ ဓမ္မာ နောစိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အတ္ထိပစ္စယော
* ၈၃။ စိတ္တော ဓမ္မော နောစိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နောစိတ္တော ဓမ္မော နောစိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောစိတ္တော ဓမ္မော စိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတာ – နောစိတ္တာ ခန္ဓာ စိတ္တဿ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထု စိတ္တဿ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… (ပုရေဇာတသဒိသံ, သံခိတ္တံ)။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောစိတ္တော ဧကော ခန္ဓော ဒွိန္နံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ နောစိတ္တော ဧကော ခန္ဓော…ပေ… ပဋိသန္ဓိက္ခဏေ ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ…ပေ… (ပုရေဇာတသဒိသံ, သံခိတ္တံ)။ (၃)
* ၈၄။ စိတ္တော စ နောစိတ္တော စ ဓမ္မာ နောစိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောစိတ္တော ဧကော ခန္ဓော စ စိတ္တဉ္စ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ဒွေ ခန္ဓာ စ…ပေ…။ သဟဇာတံ – စိတ္တဉ္စ ဝတ္ထုဉ္စ နောစိတ္တာနံ ခန္ဓာနံ အတ္ထိပစ္စယေန ပစ္စယော (ပဋိသန္ဓိက္ခဏေပိ ဒွေ)။ သဟဇာတံ – စိတ္တဉ္စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတံ – စိတ္တဉ္စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော (ပဋိသန္ဓိက္ခဏေပိ ဒွေ)။ ပစ္ဆာဇာတံ – စိတ္တဉ္စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတံ – စိတ္တဉ္စ သမ္ပယုတ္တကာ စ ခန္ဓာ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတံ – စိတ္တဉ္စ သမ္ပယုတ္တကာ စ ခန္ဓာ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၈၅။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ
နဝ, ကမ္မေ တီဏိ, ဝိပါကေ ပဉ္စ, အာဟာရေ ပဉ္စ, ဣန္ဒြိယေ ပဉ္စ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ နဝ, ဝိဂတေ နဝ, အဝိဂတေ ပဉ္စ။
၂။ ပစ္စနီယုဒ္ဓါရော
* ၈၆။ စိတ္တော ဓမ္မော စိတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
စိတ္တော ဓမ္မော နောစိတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
စိတ္တော ဓမ္မော စိတ္တဿ စ နောစိတ္တဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၈၇။ နောစိတ္တော ဓမ္မော နောစိတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောစိတ္တော ဓမ္မော စိတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
နောစိတ္တော ဓမ္မော စိတ္တဿ စ နောစိတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၈၈။ စိတ္တော စ နောစိတ္တော စ ဓမ္မာ စိတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)
စိတ္တော စ နောစိတ္တော စ ဓမ္မာ နောစိတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
စိတ္တော စ နောစိတ္တော စ ဓမ္မာ စိတ္တဿ စ နောစိတ္တဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၈၉။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၉၀။ ဟေတုပစ္စယာ နအာရမ္မဏေ တီဏိ…ပေ… နသမနန္တရေ တီဏိ, နအညမညေ ဧကံ, နဥပနိဿယေ တီဏိ (သဗ္ဗတ္ထ တီဏိ), နမဂ္ဂေ တီဏိ, နသမ္ပယုတ္တေ ဧကံ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၉၁။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ကာတဗ္ဗာ)။
စိတ္တဒုကံ နိဋ္ဌိတံ။
၅၇။ စေတသိကဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၂။ စေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ…ပေ…။ (၁)
စေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကေ ခန္ဓေ ပဋိစ္စ စိတ္တဉ္စ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စေတသိကေ ခန္ဓေ ပဋိစ္စ စိတ္တဉ္စ ကဋတ္တာ စ ရူပံ။ (၂)
စေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စေတသိကံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၉၃။ အစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
အစေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ…ပေ… ပဋိသန္ဓိက္ခဏေ ဝတ္ထုံ ပဋိစ္စ စေတသိကာ ခန္ဓာ။ (၂)
အစေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ…ပေ… ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
* ၉၄။ စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ…။ (၁)
စေတသိကဉ္စ အစေတသိကဉ္စ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စေတသိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စေတသိကေ ခန္ဓေ စ စိတ္တဉ္စ ပဋိစ္စ ကဋတ္တာရူပံ, ပဋိသန္ဓိက္ခဏေ စေတသိကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, ပဋိသန္ဓိက္ခဏေ စေတသိကေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ
ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ စ ဝတ္ထုဉ္စ ပဋိစ္စ ဧကော ခန္ဓော စိတ္တဉ္စ။ (၃)
အာရမ္မဏပစ္စယော
* ၉၅။ စေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စေတသိကံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စေတသိကေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ…ပေ…။ (၂)
စေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စေတသိကံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၉၆။ အစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၁)
အစေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, ပဋိသန္ဓိက္ခဏေ ဝတ္ထုံ ပဋိစ္စ စေတသိကာ ခန္ဓာ။ (၂)
အစေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ…။ (၁)
စေတသိကဉ္စ အစေတသိကဉ္စ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ စေတသိကေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ…။ (၃)
အဓိပတိပစ္စယော
* ၉၇။ စေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ အဓိပတိပစ္စယာ (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၉၈။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ (သဗ္ဗတ္ထ နဝ), အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၉၉။ စေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စေတသိကံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ စေတသိကေ ခန္ဓေ ပဋိစ္စ စိတ္တဉ္စ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ…ပေ…။ (၂)
စေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စေတသိကံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ …ပေ…။ (၃)
* ၁၀၀။ အစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ (၁)
အစေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ၊ အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စေတသိကာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
အစေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ။ (၃)
* ၁၀၁။ စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… အဟေတုကပဋိသန္ဓိက္ခဏေ စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… အဟေတုကပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ စိတ္တဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စေတသိကဉ္စ အစေတသိကဉ္စ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ စေတသိကေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, အဟေတုကေ စေတသိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ စေတသိကေ ခန္ဓေ စ စိတ္တဉ္စ ပဋိစ္စ ကဋတ္တာရူပံ, အဟေတုကပဋိသန္ဓိက္ခဏေ စေတသိကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, အဟေတုကပဋိသန္ဓိက္ခဏေ စေတသိကေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စေတသိကဉ္စ အစေတသိကဉ္စ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စေတသိကံ ဧကံ ခန္ဓဉ္စ စိတ္တဉ္စ
ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စေတသိကံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, အဟေတုကပဋိသန္ဓိက္ခဏေ စေတသိကံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ…။ (၃)
နအာရမ္မဏပစ္စယော
* ၁၀၂။ စေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နအာရမ္မဏပစ္စယာ – စေတသိကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
အစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ …ပေ… (ယာဝ အသညသတ္တာ)။ (၁)
စေတသိကဉ္စ အစေတသိကဉ္စ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ နအာရမ္မဏပစ္စယာ – စေတသိကေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စေတသိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (ပဋိသန္ဓိက္ခဏေ ဒွေပိ ကာတဗ္ဗာ, သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၀၃။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဆ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၀၄။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ)။
၄။ ပစ္စယပစ္စနီယာနုလောမံ
* ၁၀၅။ နဟေတုပစ္စယာ အာရမ္မဏေ နဝ, အနန္တရေ နဝ…ပေ… ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ (သဗ္ဗတ္ထ နဝ), မဂ္ဂေ တီဏိ…ပေ… အဝိဂတေ နဝ။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၅၇။ စေတသိကဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၆။ စေတသိကံ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
အစေတသိကံ ဓမ္မံ ပစ္စယာ အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ စိတ္တံ ပစ္စယာ ကဋတ္တာရူပံ, စိတ္တံ ပစ္စယာ ဝတ္ထု, ဝတ္ထုံ ပစ္စယာ စိတ္တံ, ဧကံ မဟာဘူတံ…ပေ…။ (၁)
အစေတသိကံ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ, ဝတ္ထုံ ပစ္စယာ စေတသိကာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၂)
အစေတသိကံ ဓမ္မံ ပစ္စယာ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၃)
* ၁၀၇။ စေတသိကဉ္စ အစေတသိကဉ္စ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စေတသိကံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၁)
စေတသိကဉ္စ အစေတသိကဉ္စ ဓမ္မံ ပစ္စယာ အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကေ ခန္ဓေ စ စိတ္တဉ္စ ပစ္စယာ စိတ္တသမုဋ္ဌာနံ ရူပံ, စေတသိကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, စေတသိကေ ခန္ဓေ စ ဝတ္ထုဉ္စ ပစ္စယာ စိတ္တံ (ပဋိသန္ဓိက္ခဏေ တီဏိပိ ကာတဗ္ဗာ)။ (၂)
စေတသိကဉ္စ အစေတသိကဉ္စ ဓမ္မံ ပစ္စယာ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စေတသိကံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စေတသိကံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၃)
အာရမ္မဏပစ္စယော
* ၁၀၈။ စေတသိကံ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စသဒိသာ)။
အစေတသိကံ ဓမ္မံ ပစ္စယာ အစေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ…ပေ…။ (၁)
အစေတသိကံ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ ပစ္စယာ…ပေ… စိတ္တံ ပစ္စယာ သမ္ပယုတ္တကာ ခန္ဓာ, ဝတ္ထုံ ပစ္စယာ စေတသိကာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၂)
အစေတသိကံ ဓမ္မံ ပစ္စယာ စေတသိကော စ အစေတသိကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ သမ္ပယုတ္တကာ စ ခန္ဓာ…ပေ… ကာယာယတနံ ပစ္စယာ…ပေ… ဝတ္ထုံ ပစ္စယာ စိတ္တံ သမ္ပယုတ္တကာ စ ခန္ဓာ (ပဋိသန္ဓိက္ခဏေ ဧကံ)။ (၃)
* ၁၀၉။ စေတသိကဉ္စ အစေတသိကဉ္စ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခုဝိညာဏဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ကာယဝိညာဏသဟဂတံ…ပေ… စေတသိကံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စေတသိကံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… (ပဋိသန္ဓိက္ခဏေ ဒွေ)။ (၁)
စေတသိကဉ္စ အစေတသိကဉ္စ ဓမ္မံ ပစ္စယာ အစေတသိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတေ ခန္ဓေ စ စက္ခာယတနဉ္စ ပစ္စယာ စက္ခုဝိညာဏံ…ပေ… ကာယဝိညာဏသဟဂတေ…ပေ… စေတသိကေ ခန္ဓေ စ ဝတ္ထုဉ္စ ပစ္စယာ စိတ္တံ (ပဋိသန္ဓိက္ခဏေ ဧကံ)။ (၂)
စေတသိကဉ္စ အစေတသိကဉ္စ ဓမ္မံ ပစ္စယာ စေတသိကော စ အစေတသိကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ စက္ခုဝိညာဏဉ္စ, ဒွေ ခန္ဓေ စ…ပေ… စေတသိကံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ… (ပဋိသန္ဓိက္ခဏေ ဧကံ, သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၁၁၀။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ပုရေဇာတေ နဝ, အာသေဝနေ နဝ…ပေ… အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၁၁။ စေတသိကံ ဓမ္မံ ပစ္စယာ စေတသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စေတသိကံ (သံခိတ္တံ)။
(နဝ ပဉှာ ပဉ္စဝိညာဏမ္ပိ ယထာ အာရမ္မဏပစ္စယာ ဧဝံ ကာတဗ္ဗံ, တီသုယေဝ မောဟော။ သဗ္ဗေ ပဉှာ ပဝတ္တိပဋိသန္ဓိယာ ကာတဗ္ဗာ အသမ္မောဟန္တေန။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၁၂။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ
စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ နဝ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၁၃။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ (သံခိတ္တံ)။
၄။ ပစ္စယပစ္စနီယာနုလောမံ
* ၁၁၄။ နဟေတုပစ္စယာ အာရမ္မဏေ နဝ, အနန္တရေ နဝ (သဗ္ဗတ္ထ နဝ), မဂ္ဂေ တီဏိ…ပေ… အဝိဂတေ နဝ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅၇။ စေတသိကဒုကံ
၅။ သံသဋ္ဌဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁၅။ စေတသိကံ ဓမ္မံ သံသဋ္ဌော စေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စေတသိကံ ဓမ္မံ သံသဋ္ဌော အစေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကော ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ (၂)
စေတသိကံ ဓမ္မံ သံသဋ္ဌော စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – စေတသိကံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
အစေတသိကံ ဓမ္မံ သံသဋ္ဌော စေတသိကော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
စေတသိကဉ္စ အစေတသိကဉ္စ ဓမ္မံ သံသဋ္ဌော စေတသိကော ဓမ္မော ဥပ္ပဇ္ဇတိ ဟေတုပစ္စယာ – စေတသိကံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ…။ (၁) (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
* ၁၁၆။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
* ၁၁၇။ စေတသိကံ ဓမ္မံ သံသဋ္ဌော စေတသိကော ဓမ္မော ဥပ္ပဇ္ဇတိ နဟေတုပစ္စယာ (ဧဝံ ပဉ္စပိ ပဉှာ ကာတဗ္ဗာ, တီဏိယေဝ မောဟော။ သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
* ၁၁၈။ နဟေတုယာ ပဉ္စ, နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၅၇။ စေတသိကဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၁၉။ စေတသိကော ဓမ္မော စေတသိကဿ ဓမ္မဿ ဟေတုပစ္စယေန ပစ္စယော – စေတသိကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
စေတသိကော ဓမ္မော အစေတသိကဿ ဓမ္မဿ ဟေတုပစ္စယေန ပစ္စယော – စေတသိကာ ဟေတူ စိတ္တဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
စေတသိကော ဓမ္မော စေတသိကဿ စ အစေတသိကဿ စ ဓမ္မဿ ဟေတုပစ္စယေန ပစ္စယော – စေတသိကာ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၂၀။ စေတသိကော ဓမ္မော စေတသိကဿ ဓမ္မဿ အာရမ္မဏပစ္စယေန ပစ္စယော – စေတသိကေ ခန္ဓေ အာရဗ္ဘ စေတသိကာ ခန္ဓာ ဥပ္ပဇန္တိ။ (မူလံ ပုစ္ဆိတဗ္ဗံ) စေတသိကေ ခန္ဓေ အာရဗ္ဘ စိတ္တံ ဥပ္ပဇ္ဇတိ။ (မူလံ ပုစ္ဆိတဗ္ဗံ) စေတသိကေ ခန္ဓေ အာရဗ္ဘ စေတသိကာ ခန္ဓာ စ စိတ္တဉ္စ ဥပ္ပဇ္ဇန္တိ။ (၃)
* ၁၂၁။ အစေတသိကော ဓမ္မော အစေတသိကဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ…ပေ… ဖလံ ပစ္စဝေက္ခန္တိ, နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ အစေတသိကေ ခန္ဓေ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန အစေတသိကစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အစေတသိကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ…ပေ… နိဗ္ဗာနံ ပစ္စဝေက္ခန္တိ (ပဌမဂမနသဒိသံ)၊ စက္ခုံ…ပေ… ဝတ္ထုံ အစေတသိကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန အစေတသိကစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ ကာယဝိညာဏသဟဂတာနံ ခန္ဓာနံ…ပေ… အစေတသိကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ…ပေ… နိဗ္ဗာနံ ပစ္စဝေက္ခန္တိ (ပဌမဂမနသဒိသံ)၊ စက္ခုံ…ပေ… ဝတ္ထုံ အစေတသိကေ ခန္ဓေ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ…ပေ… ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ အာရမ္မဏပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ…ပေ… အစေတသိကာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၃)
* ၁၂၂။ စေတသိကော စ အစေတသိကော စ ဓမ္မာ စေတသိကဿ ဓမ္မဿ အာရမ္မဏပစ္စယေန ပစ္စယော – စေတသိကေ ခန္ဓေ စ စိတ္တဉ္စ အာရဗ္ဘ စေတသိကာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) စေတသိကေ ခန္ဓေ စ စိတ္တဉ္စ အာရဗ္ဘ စိတ္တံ ဥပ္ပဇ္ဇတိ။ (မူလံ ပုစ္ဆိတဗ္ဗံ) စေတသိကေ ခန္ဓေ စ စိတ္တဉ္စ အာရဗ္ဘ စေတသိကာ ခန္ဓာ စ စိတ္တဉ္စ ဥပ္ပဇ္ဇန္တိ။ (၃)
အဓိပတိပစ္စယော
* ၁၂၃။ စေတသိကော ဓမ္မော စေတသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – စေတသိကေ ခန္ဓေ ဂရုံ ကတွာ စေတသိကာ ခန္ဓာ ဥပ္ပဇ္ဇန္တိ။ သဟဇာတာဓိပတိ – စေတသိကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (မူလံ ပုစ္ဆိတဗ္ဗံ) အာရမ္မဏာဓိပတိ – စေတသိကေ ခန္ဓေ ဂရုံ ကတွာ စိတ္တံ ဥပ္ပဇ္ဇတိ။ သဟဇာတာဓိပတိ – စေတသိကာဓိပတိ စိတ္တဿ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (မူလံ ပုစ္ဆိတဗ္ဗံ ) အာရမ္မဏာဓိပတိ – စေတသိကေ ခန္ဓေ ဂရုံ ကတွာ စေတသိကာ ခန္ဓာ စ စိတ္တဉ္စ ဥပ္ပဇ္ဇန္တိ။ သဟဇာတာဓိပတိ – စေတသိကာဓိပတိ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၁၂၄။ အစေတသိကော ဓမ္မော အစေတသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ, နိဗ္ဗာနံ ဂေါတြဘုဿ, ဝေါဒါနဿ။ မဂ္ဂဿ, ဖလဿ အဓိပတိပစ္စယေန ပစ္စယော၊
စက္ခုံ…ပေ… ဝတ္ထုံ အစေတသိကေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ စိတ္တံ ဥပ္ပဇ္ဇတိ။ သဟဇာတာဓိပတိ – အစေတသိကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ…ပေ… နိဗ္ဗာနံ ဂရုံ ကတွာ…ပေ… (ပဌမဂမနသဒိသံ)၊ စက္ခုံ…ပေ… ဝတ္ထုံ အစေတသိကေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အစေတသိကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ…ပေ… နိဗ္ဗာနံ…ပေ… (ပဌမဂမနံ) အစေတသိကေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ စေတသိကာ ခန္ဓာ စ စိတ္တဉ္စ ဥပ္ပဇ္ဇန္တိ။ သဟဇာတာဓိပတိ – အစေတသိကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
စေတသိကော စ အစေတသိကော စ ဓမ္မာ စေတသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ (အာရမ္မဏာဓိပတိယေဝ)။
အနန္တရပစ္စယာဒိ
* ၁၂၅။ စေတသိကော ဓမ္မော စေတသိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ စေတသိကာ ခန္ဓာ ပစ္ဆိမာနံ ပစ္ဆိမာနံ စေတသိကာနံ ခန္ဓာနံ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ စေတသိကာ ခန္ဓာ ပစ္ဆိမဿ ပစ္ဆိမဿ စိတ္တဿ အနန္တရပစ္စယေန ပစ္စယော။ (မူလံ ပုစ္ဆိတဗ္ဗံ) ပုရိမာ ပုရိမာ စေတသိကာ ခန္ဓာ ပစ္ဆိမာနံ ပစ္ဆိမာနံ စေတသိကာနံ ခန္ဓာနံ စိတ္တဿ စ အနန္တရပစ္စယေန ပစ္စယော။ (၃)
* ၁၂၆။ အစေတသိကော ဓမ္မော အစေတသိကဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမဿ ပစ္ဆိမဿ စိတ္တဿ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ အနန္တရပစ္စယေန ပစ္စယော (ဧဝံ တီဏိ ကာတဗ္ဗာနိ, ပဌမဂမနသဒိသံ။ ပူရိတွာ ကာတဗ္ဗံ, နိန္နာနာကရဏံ)။
စေတသိကော စ အစေတသိကော စ ဓမ္မာ စေတသိကဿ ဓမ္မဿ အနန္တရပစ္စယေန ပစ္စယော… တီဏိ (အာဝဇ္ဇနာပိ ဝုဋ္ဌာနမ္ပိ နတ္ထိ)။
သမနန္တရပစ္စယေန ပစ္စယော… နဝ, သဟဇာတပစ္စယေန ပစ္စယော… နဝ (ပဋိစ္စဝါရသဒိသံ), အညမညပစ္စယေန ပစ္စယော… နဝ (ပဋိစ္စဝါရသဒိသံ), နိဿယပစ္စယေန ပစ္စယော… နဝ (ပစ္စယဝါရသဒိသံ)။
ဥပနိဿယပစ္စယော
* ၁၂၇။ စေတသိကော ဓမ္မော စေတသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – စေတသိကာ ခန္ဓာ စေတသိကာနံ ခန္ဓာနံ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ, တီဏိ ဥပနိဿယာ) စေတသိကာ ခန္ဓာ စိတ္တဿ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ, တီဏိ ဥပနိဿယာ) စေတသိကာ ခန္ဓာ စေတသိကာနံ ခန္ဓာနံ စိတ္တဿ စ ဥပနိဿယပစ္စယေန ပစ္စယော။ (၃)
* ၁၂၈။ အစေတသိကော ဓမ္မော အစေတသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ စိတ္တံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတုံ… ဘောဇနံ… သေနာသနံ စိတ္တံ သဒ္ဓါယ…ပေ… ပညာယ… ရာဂဿ…ပေ… ပတ္ထနာယ ကာယိကဿ သုခဿ, ကာယိကဿ ဒုက္ခဿ, မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ စိတ္တံ ဥပနိဿာယ ဒါနံ ဒေတိ…ပေ… (တီဏိ, ပဌမဂမနသဒိသံ နိန္နာနာကရဏံ)။
စေတသိကော စ အစေတသိကော စ ဓမ္မာ စေတသိကဿ ဓမ္မဿ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၁၂၉။ အစေတသိကော ဓမ္မော အစေတသိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု စိတ္တဿ ပုရေဇာတပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ ကာယဝိညာဏသဟဂတာနံ ခန္ဓာနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ…ပေ… ဝတ္ထု စေတသိကာနံ ခန္ဓာနံ ပုရေဇာတပစ္စယေန ပစ္စယော။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယာယတနံ…ပေ… ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတာသေဝနပစ္စယာ
* ၁၃၀။ စေတသိကော ဓမ္မော အစေတသိကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။
အစေတသိကော ဓမ္မော အစေတသိကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။
စေတသိကော စ အစေတသိကော စ ဓမ္မာ အစေတသိကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။
စေတသိကော ဓမ္မော စေတသိကဿ ဓမ္မဿ အာသေဝနပစ္စယေန ပစ္စယော (သံခိတ္တံ)။
ကမ္မပစ္စယော
* ၁၃၁။ စေတသိကော ဓမ္မော စေတသိကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စေတသိကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စေတသိကာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
စေတသိကော ဓမ္မော အစေတသိကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စေတသိကာ စေတနာ စိတ္တဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စေတသိကာ စေတနာ ဝိပါကဿ စိတ္တဿ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
စေတသိကော ဓမ္မော စေတသိကဿ စ အစေတသိကဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စေတသိကာ စေတနာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စေတသိကာ စေတနာ ဝိပါကာနံ ခန္ဓာနံ စိတ္တဿ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၁၃၂။ စေတသိကော ဓမ္မော စေတသိကဿ ဓမ္မဿ ဝိပါကပစ္စယေန ပစ္စယော… နဝ… အာဟာရပစ္စယေန ပစ္စယော… နဝ… ဣန္ဒြိယပစ္စယေန ပစ္စယော… နဝ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၁၃၃။ စေတသိကော ဓမ္မော အစေတသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
အစေတသိကော ဓမ္မော အစေတသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – စိတ္တံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ စိတ္တံ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ စိတ္တံ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ ဝိပ္ပယုတ္တပစ္စယေန ပစ္စယော…ပေ… ကာယာယတနံ ကာယဝိညာဏဿ…ပေ… ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပစ္ဆာဇာတံ – စိတ္တံ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စေတသိကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ ကာယဝိညာဏသဟဂတာနံ ခန္ဓာနံ…ပေ… ဝတ္ထု စေတသိကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စေတသိကာနံ ခန္ဓာနံ စိတ္တဿ စ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
စေတသိကော စ အစေတသိကော စ ဓမ္မာ အစေတသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။
အတ္ထိပစ္စယော
* ၁၃၄။ စေတသိကော ဓမ္မော စေတသိကဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စဝါရသဒိသံ)။
စေတသိကော ဓမ္မော အစေတသိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
စေတသိကော ဓမ္မော စေတသိကဿ စ အစေတသိကဿ စ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စဝါရသဒိသံ)။ (၃)
* ၁၃၅။ အစေတသိကော ဓမ္မော အစေတသိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
အစေတသိကော ဓမ္မော စေတသိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ စေတသိကာနံ ခန္ဓာနံ အတ္ထိပစ္စယေန ပစ္စယော၊ ပဋိသန္ဓိက္ခဏေ စိတ္တံ…ပေ… ပဋိသန္ဓိက္ခဏေ ဝတ္ထု စေတသိကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… (ပုရေဇာတသဒိသံ နိန္နာနာကရဏံ)။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ စိတ္တံ…ပေ… ပဋိသန္ဓိက္ခဏေ ဝတ္ထု စေတသိကာနံ ခန္ဓာနံ စိတ္တဿ စ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… (ပုရေဇာတသဒိသံ နိန္နာနံ)။ (၃)
* ၁၃၆။ စေတသိကော စ အစေတသိကော စ ဓမ္မာ စေတသိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ…ပေ… ကာယဝိညာဏသဟဂတော…ပေ… စေတသိကော ဧကော ခန္ဓော စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော၊ ဒွေ ခန္ဓာ စ…ပေ…။ သဟဇာတော – စေတသိကော ဧကော ခန္ဓော စ စိတ္တဉ္စ ဒွိန္နံ ခန္ဓာနံ အတ္ထိပစ္စယေန ပစ္စယော၊ ဒွေ ခန္ဓာ စ…ပေ… (ပဋိသန္ဓိက္ခဏေ) ဒွေပိ ကာတဗ္ဗာ။ (၁)
စေတသိကော စ အစေတသိကော စ ဓမ္မာ အစေတသိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စက္ခုဝိညာဏသဟဂတာ ခန္ဓာ စ စက္ခာယတနဉ္စ စက္ခုဝိညာဏဿ…ပေ… ကာယဝိညာဏဿ…ပေ… စေတသိကာ ခန္ဓာ စ စိတ္တဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ စေတသိကာ ခန္ဓာ စ စိတ္တဉ္စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။
သဟဇာတာ – စေတသိကာ ခန္ဓာ စ ဝတ္ထု စ စိတ္တဿ အတ္ထိပစ္စယေန ပစ္စယော (ပဋိသန္ဓိက္ခဏေ တီဏိပိ ကာတဗ္ဗာ)။ ပစ္ဆာဇာတာ – စေတသိကာ ခန္ဓာ စ စိတ္တဉ္စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စေတသိကာ ခန္ဓာ စ စိတ္တဉ္စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စေတသိကာ ခန္ဓာ စ စိတ္တဉ္စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
စေတသိကော စ အစေတသိကော စ ဓမ္မာ စေတသိကဿ စ အစေတသိကဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ စက္ခုဝိညာဏဿ စ အတ္ထိပစ္စယေန ပစ္စယော…ပေ… ကာယဝိညာဏသဟဂတော ဧကော ခန္ဓော စ ကာယာယတနဉ္စ ဒွိန္နံ ခန္ဓာနံ ကာယဝိညာဏဿ စ အတ္ထိပစ္စယေန ပစ္စယော၊ ဒွေ ခန္ဓာ စ…ပေ…။ သဟဇာတော – စေတသိကော ဧကော ခန္ဓော စ ဝတ္ထု စ ဒွိန္နံ ခန္ဓာနံ စိတ္တဿ စ အတ္ထိပစ္စယေန ပစ္စယော၊ ဒွေ ခန္ဓာ စ…ပေ… (ပဋိသန္ဓိယာ ဒွေ ကာတဗ္ဗာ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၃၇။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၁၃၈။ စေတသိကော ဓမ္မော စေတသိကဿ ဓမ္မဿ အာရမ္မဏပစ္စယေန ပစ္စယော … သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
စေတသိကော ဓမ္မော အစေတသိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
စေတသိကော ဓမ္မော စေတသိကဿ စ အစေတသိကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)
* ၁၃၉။ အစေတသိကော ဓမ္မော အစေတသိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
အစေတသိကော ဓမ္မော စေတသိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
အစေတသိကော ဓမ္မော စေတသိကဿ စ အစေတသိကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၁၄၀။ စေတသိကော စ အစေတသိကော စ ဓမ္မာ စေတသိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
စေတသိကော စ အစေတသိကော စ ဓမ္မာ အစေတသိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
စေတသိကော စ အစေတသိကော စ ဓမ္မာ စေတသိကဿ စ အစေတသိကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၁၄၁။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၁၄၂။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ (သဗ္ဗတ္ထ တီဏိ), နမဂ္ဂေ တီဏိ, နသမ္ပယုတ္တေ ဧကံ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၄၃။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ကာတဗ္ဗာ)…ပေ… အဝိဂတေ နဝ။
စေတသိကဒုကံ နိဋ္ဌိတံ။
၅၈။ စိတ္တသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၄၄။ စိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ…ပေ…။ (၁)
စိတ္တသမ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
စိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၄၅။ စိတ္တဝိပ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ…ပေ… ပဋိသန္ဓိက္ခဏေ…ပေ… ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
စိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တသမ္ပယုတ္တကာ ခန္ဓာ။ (၂)
စိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တသမ္ပယုတ္တကာ ခန္ဓာ, မဟာဘူတေ ပဋိစ္စ ကဋတ္တာရူပံ။ (၃)
* ၁၄၆။ စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ…။ (၁)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တသမ္ပယုတ္တေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၂)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… စိတ္တသမ္ပယုတ္တေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
အာရမ္မဏပစ္စယော
* ၁၄၇။ စိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တသမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တသမ္ပယုတ္တကာ ခန္ဓာ။ (၁)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၄၈။ ဟေတုယာ နဝ, အာရမ္မဏေ တီဏိ, အဓိပတိယာ ပဉ္စ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ တီဏိ, ဝိပ္ပယုတ္တေ နဝ, အတ္ထိယာ နဝ, နတ္ထိယာ တီဏိ, ဝိဂတေ တီဏိ, အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၄၉။ စိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
(ဧဝံ နဝပိ ပဉှာ ကာတဗ္ဗာ။ အဟေတုကန္တိ သဗ္ဗတ္ထ နိယာမေတဗ္ဗံ, ဧကံယေဝ မောဟံ မူလပဒေ။)
နအာရမ္မဏပစ္စယော
* ၁၅၀။ စိတ္တသမ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
စိတ္တဝိပ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ဧကံ မဟာဘူတံ…ပေ… (ယာဝ အသညသတ္တာ)။ (၁)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ ဧကံ (သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၅၁။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ ဒွေ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဒွေ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၅၂။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နကမ္မေ ဧကံ, နဝိပါကေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၅၃။ နဟေတုပစ္စယာ အာရမ္မဏေ တီဏိ, အနန္တရေ တီဏိ, သမနန္တရေ တီဏိ…ပေ… အညမညေ ဆ…ပေ… ပုရေဇာတေ ဧကံ, အာသေဝနေ ဧကံ, ကမ္မေ နဝ…ပေ… မဂ္ဂေ ဧကံ…ပေ… အဝိဂတေ နဝ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၅၈။ စိတ္တသမ္ပယုတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၅၄။ စိတ္တသမ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
စိတ္တဝိပ္ပယုတ္တံ ဓမ္မံ ပစ္စယာ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… ဧကံ (ပဋိစ္စသဒိသံ)။ (၁)
စိတ္တဝိပ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ စိတ္တသမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)
စိတ္တဝိပ္ပယုတ္တံ ဓမ္မံ ပစ္စယာ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ စိတ္တသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
* ၁၅၅။ စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ…။ (၁)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပစ္စယာ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပစ္စယာ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စိတ္တသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၅၆။ စိတ္တသမ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ… ဧကံ (ပဋိစ္စသဒိသံ)။ (၁)
စိတ္တဝိပ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ ပစ္စယာ ကာယဝိညာဏသဟဂတာ ခန္ဓာ…ပေ… ဝတ္ထုံ ပစ္စယာ စိတ္တသမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ကာယဝိညာဏသဟဂတံ ဧကံ ခန္ဓဉ္စ ကာယာယတနဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၅၇။ ဟေတုယာ နဝ, အာရမ္မဏေ တီဏိ, အဓိပတိယာ နဝ, အနန္တရေ တီဏိ, သမနန္တရေ တီဏိ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ တီဏိ, ပုရေဇာတေ တီဏိ, အာသေဝနေ တီဏိ, ကမ္မေ နဝ…ပေ… အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၅၈။ စိတ္တသမ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ… တီဏိ (ပဋိစ္စသဒိသာ)။
စိတ္တဝိပ္ပယုတ္တံ ဓမ္မံ ပစ္စယာ စိတ္တဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဧကံ မဟာဘူတံ…ပေ… (ယာဝ အသညသတ္တာ)။ (၁)
စိတ္တဝိပ္ပယုတ္တံ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ…ပေ… ဝတ္ထုံ ပစ္စယာ အဟေတုကာ စိတ္တသမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ… ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
စိတ္တဝိပ္ပယုတ္တံ ဓမ္မံ ပစ္စယာ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ နဟေတုပစ္စယာ – ဝတ္ထုံ ပစ္စယာ အဟေတုကာ စိတ္တသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
စိတ္တသမ္ပယုတ္တဉ္စ စိတ္တဝိပ္ပယုတ္တဉ္စ ဓမ္မံ ပစ္စယာ စိတ္တသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ကာယဝိညာဏသဟဂတံ ဧကံ ခန္ဓဉ္စ ကာယာယတနဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… အဟေတုကံ စိတ္တသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (ဧဝံ ဒွေ ပဉှာ ပဝတ္တိပဋိသန္ဓိ ကာတဗ္ဗာ။ သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၅၉။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ စတ္တာရိ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၆၀။ ဟေတုပစ္စယာ နအာရမ္မဏေ တီဏိ…ပေ… နကမ္မေ တီဏိ…ပေ… နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၆၁။ နဟေတုပစ္စယာ အာရမ္မဏေ တီဏိ…ပေ… မဂ္ဂေ တီဏိ…ပေ… အဝိဂတေ နဝ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၁၆၂။ စိတ္တသမ္ပယုတ္တံ ဓမ္မံ သံသဋ္ဌော စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမ္ပယုတ္တံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။
ဟေတုယာ ဧကံ, အာရမ္မဏေ ဧကံ, အဓိပတိယာ ဧကံ (သဗ္ဗတ္ထ ဧကံ), အဝိဂတေ ဧကံ။
နဟေတုယာ ဧကံ, နအဓိပတိယာ ဧကံ, နပုရေဇာတေ ဧကံ, နပစ္ဆာဇာတေ ဧကံ, နအာသေဝနေ ဧကံ, နကမ္မေ ဧကံ, နဝိပါကေ ဧကံ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဧကံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၅၈။ စိတ္တသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၆၃။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဟေတုပစ္စယေန ပစ္စယော – စိတ္တသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – စိတ္တသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
စိတ္တသမ္ပယုတ္တော ဓမ္မော စိတ္တသမ္ပယုတ္တဿ စ စိတ္တဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – စိတ္တသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၁၆၄။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ ပစ္စဝေက္ခန္တိ။ ပဟီနေ ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ။ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ စိတ္တသမ္ပယုတ္တေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ။ စေတောပရိယဉာဏေန စိတ္တသမ္ပယုတ္တသမင်္ဂိဿ စိတ္တံ ဇာနန္တိ။ အာကာသာနဉ္စာယတနံ ဝိညာဏဉ္စာယတနဿ…ပေ…
အာကိဉ္စညာယတနံ နေဝသညာနာသညာယတနဿ…ပေ… စိတ္တသမ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
* ၁၆၅။ စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ စိတ္တဝိပ္ပယုတ္တေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ…ပေ… စိတ္တဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၁၆၆။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ ဂရုံ ကတွာ ပစ္စဝေက္ခန္တိ, စိတ္တသမ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – စိတ္တသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – စိတ္တသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
စိတ္တသမ္ပယုတ္တော ဓမ္မော စိတ္တသမ္ပယုတ္တဿ စ စိတ္တဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – စိတ္တသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၁၆၇။ စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ စိတ္တဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနန္တရပစ္စယာဒိ
* ၁၆၈။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ စိတ္တသမ္ပယုတ္တာ ခန္ဓာ…ပေ… ဖလသမာပတ္တိယာ အနန္တရပစ္စယေန ပစ္စယော… သမနန္တရပစ္စယေန ပစ္စယော… သဟဇာတပစ္စယေန ပစ္စယော… သတ္တ (ပဋိစ္စသဒိသာ, ပဉှာဃဋနာ နတ္ထိ)… အညမညပစ္စယေန ပစ္စယော… ဆ (ပဋိစ္စသဒိသာ)… နိဿယပစ္စယေန ပစ္စယော… သတ္တ (ပစ္စယဝါရသဒိသာ, ပဉှာဃဋနာ နတ္ထိ)။
ဥပနိဿယပစ္စယော
* ၁၆၉။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော …ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပတ္ထနံ ကာယိကံ သုခံ… ကာယိကံ ဒုက္ခံ ဥပနိဿာယ ဒါနံ ဒေတိ…ပေ… ပါဏံ ဟနတိ…ပေ… သံဃံ ဘိန္ဒတိ၊ သဒ္ဓါ…ပေ… ကာယိကံ ဒုက္ခံ သဒ္ဓါယ…ပေ… မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတု… ဘောဇနံ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၁၇၀။ စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန
စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ…ပေ… ဝတ္ထု စိတ္တသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၁)
ပစ္ဆာဇာတာသေဝနပစ္စယာ
* ၁၇၁။ စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ) ဧကံ, အာသေဝနပစ္စယေန ပစ္စယော … ဧကံ။
ကမ္မပစ္စယော
* ၁၇၂။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမ္ပယုတ္တာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမ္ပယုတ္တာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမ္ပယုတ္တာ စေတနာ ကဋတ္တာရူပါနံ ကမ္မပစ္စယေန ပစ္စယော။ (၂)
စိတ္တသမ္ပယုတ္တော ဓမ္မော စိတ္တသမ္ပယုတ္တဿ စ စိတ္တဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကာဟာရပစ္စယာ
* ၁၇၃။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဝိပါကပစ္စယေန ပစ္စယော… တီဏိ။
စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အာဟာရပစ္စယေန ပစ္စယော… တီဏိ။
စိတ္တဝိပ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ အာဟာရပစ္စယေန ပစ္စယော – ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)
ဣန္ဒြိယပစ္စယာဒိ
* ၁၇၄။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဣန္ဒြိယပစ္စယေန ပစ္စယော… တီဏိ။
စိတ္တဝိပ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ ဣန္ဒြိယပစ္စယေန ပစ္စယော – ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယံ…ပေ…။ (၂)
စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ စိတ္တသမ္ပယုတ္တဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော …ပေ… ကာယိန္ဒြိယဉ္စ သုခိန္ဒြိယဉ္စ…ပေ… ကာယိန္ဒြိယဉ္စ ဒုက္ခိန္ဒြိယဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (၁)
ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၁၇၅။ စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ …ပေ… ဝတ္ထု စိတ္တသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၁၇၆။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၁)
စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
စိတ္တသမ္ပယုတ္တော ဓမ္မော စိတ္တသမ္ပယုတ္တဿ စ စိတ္တဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
* ၁၇၇။ စိတ္တဝိပ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, အာဟာရံ, ဣန္ဒြိယံ (သံခိတ္တံ)။ (၁)
စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… (ပုရေဇာတသဒိသံ)။ (၂)
* ၁၇၈။ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ စိတ္တသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ…ပေ… ကာယဝိညာဏသဟဂတော ဧကော ခန္ဓော စ ကာယာယတနဉ္စ ဒွိန္နံ ခန္ဓာနံ…ပေ… စိတ္တသမ္ပယုတ္တော ဧကော ခန္ဓော စ ဝတ္ထု စ ဒွိန္နံ ခန္ဓာနံ…ပေ… ဒွေ ခန္ဓာ စ…ပေ… ပဋိသန္ဓိက္ခဏေ…ပေ…။ (၁)
စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ စိတ္တဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စိတ္တသမ္ပယုတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – စိတ္တသမ္ပယုတ္တကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသမ္ပယုတ္တကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၇၉။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ သတ္တ, အညမညေ ဆ, နိဿယေ သတ္တ, ဥပနိဿယေ ဒွေ, ပုရေဇာတေ ဧကံ, ပစ္ဆာဇာတေ ဧကံ, အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ စတ္တာရိ, ဣန္ဒြိယေ ဆ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ ဒွေ, အတ္ထိယာ သတ္တ, နတ္ထိယာ ဧကံ, ဝိဂတေ ဧကံ, အဝိဂတေ သတ္တ။
အနုလောမံ။
၂။ ပစ္စနီယုဒ္ဓါရော
* ၁၈၀။ စိတ္တသမ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
စိတ္တသမ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
စိတ္တသမ္ပယုတ္တော ဓမ္မော စိတ္တသမ္ပယုတ္တဿ စ စိတ္တဝိပ္ပယုတ္တဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၁၈၁။ စိတ္တဝိပ္ပယုတ္တော ဓမ္မော စိတ္တဝိပ္ပယုတ္တဿ ဓမ္မဿ သဟဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
စိတ္တဝိပ္ပယုတ္တော ဓမ္မော စိတ္တသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ စိတ္တသမ္ပယုတ္တဿ ဓမ္မဿ သဟဇာတံ, ပုရေဇာတံ။ (၁)
စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ စိတ္တဝိပ္ပယုတ္တဿ သဟဇာတံ, ပစ္ဆာဇာတံ, အာဟာရံ, ဣန္ဒြိယံ။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၈၂။ နဟေတုယာ သတ္တ, နအာရမ္မဏေ သတ္တ, နအဓိပတိယာ သတ္တ, နအနန္တရေ သတ္တ, နသမနန္တရေ သတ္တ, နသဟဇာတေ ဆ, နအညမညေ ဆ, နနိဿယေ ဆ, နဥပနိဿယေ သတ္တ, နပုရေဇာတေ သတ္တ (သဗ္ဗတ္ထ သတ္တ), နသမ္ပယုတ္တေ ဆ, နဝိပ္ပယုတ္တေ ပဉ္စ, နောအတ္ထိယာ စတ္တာရိ, နောနတ္ထိယာ သတ္တ, နောဝိဂတေ သတ္တ, နောအဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၁၈၃။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ ဧကံ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၈၄။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ (အနုလောမမာတိကာ ကာတဗ္ဗာ)…ပေ… အဝိဂတေ သတ္တ။
စိတ္တသမ္ပယုတ္တဒုကံ နိဋ္ဌိတံ။
၅၉။ စိတ္တသံသဋ္ဌဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
* ၁၈၅။ စိတ္တသံသဋ္ဌံ ဓမ္မံ ပဋိစ္စ စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တသံသဋ္ဌံ ဓမ္မံ ပဋိစ္စ စိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)
(စိတ္တသံသဋ္ဌဒုကံ ယထာ စိတ္တသမ္ပယုတ္တဒုကံ ဧဝံ ကာတဗ္ဗံ, နိန္နာနာကရဏံ။)
စိတ္တသံသဋ္ဌဒုကံ နိဋ္ဌိတံ။
၆၀။ စိတ္တသမုဋ္ဌာနဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၈၆။ စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
စိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ စိတ္တသမုဋ္ဌာနေ ခန္ဓေ ပဋိစ္စ စိတ္တံ ကဋတ္တာ စ ရူပံ။ (၂)
စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ ကဋတ္တာ စ ရူပံ, ဒွေ ခန္ဓေ…ပေ…။ (၃)
* ၁၈၇။ နောစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ၊ စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, ပဋိသန္ဓိက္ခဏေ ဝတ္ထုံ ပဋိစ္စ စိတ္တသမုဋ္ဌာနာ ခန္ဓာ။ (၂)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ၊ ပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၁၈၈။ စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ…။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ စိတ္တဉ္စ ပဋိစ္စ ကဋတ္တာရူပံ၊ ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ…။ (၃)
အာရမ္မဏပစ္စယော
* ၁၈၉။ စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တသမုဋ္ဌာနေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ…ပေ…။ (၂)
စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၁၉၀။ နောစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၁)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ စိတ္တသမုဋ္ဌာနာ ခန္ဓာ။ (၂)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၁၉၁။ စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ…။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ…။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၉၂။ ဟေတုယာ နဝ, အာရမ္မဏေ နဝ, အဓိပတိယာ ပဉ္စ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ နဝ, မဂ္ဂေ နဝ, သမ္ပယုတ္တေ နဝ (သဗ္ဗတ္ထ နဝ), အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၁၉၃။ စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… စိတ္တသမုဋ္ဌာနံ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – အဟေတုကေ စိတ္တသမုဋ္ဌာနေ ခန္ဓေ ပဋိစ္စ စိတ္တံ၊ အဟေတုကပဋိသန္ဓိက္ခဏေ စိတ္တသမုဋ္ဌာနေ ခန္ဓေ ပဋိစ္စ စိတ္တံ ကဋတ္တာ စ ရူပံ။ (၂)
စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စိတ္တသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ…။ (၃)
* ၁၉၄။ နောစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… (ယာဝ အသညသတ္တာ ကာတဗ္ဗာ)။ (၁)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စိတ္တံ…ပေ… အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တသမုဋ္ဌာနာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ၊ အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ ခန္ဓာ စ။ (၃)
* ၁၉၅။ စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… အဟေတုကပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ စိတ္တဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ စိတ္တဉ္စ ပဋိစ္စ ကဋတ္တာရူပံ၊ အဟေတုကပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, အဟေတုကပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ…။ (၃)
နအာရမ္မဏပစ္စယော
* ၁၉၆။ စိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသမုဋ္ဌာနေ ခန္ဓေ ပဋိစ္စ စိတ္တသမုဋ္ဌာနံ ရူပံ, စိတ္တသမုဋ္ဌာနံ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ, ဥပါဒါရူပံ။ (၁)
စိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ စိတ္တသမုဋ္ဌာနေ ခန္ဓေ ပဋိစ္စ ကဋတ္တာရူပံ။ (၂)
* ၁၉၇။ နောစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
နောစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသမုဋ္ဌာနေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ စိတ္တဉ္စ ပဋိစ္စ ကဋတ္တာရူပံ၊ ပဋိသန္ဓိက္ခဏေ စိတ္တသမုဋ္ဌာနေ ခန္ဓေ စ မဟာဘူတေ စ ပဋိစ္စ ကဋတ္တာရူပံ (သံခိတ္တံ)။ (၂)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၁၉၈။ နဟေတုယာ နဝ, နအာရမ္မဏေ ဆ, နအဓိပတိယာ နဝ, နအနန္တရေ ဆ, နသမနန္တရေ ဆ, နအညမညေ ဆ, နဥပနိဿယေ ဆ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ဆ, နမဂ္ဂေ နဝ, နသမ္ပယုတ္တေ ဆ, နဝိပ္ပယုတ္တေ ဆ, နောနတ္ထိယာ ဆ, နောဝိဂတေ ဆ။
၃။ ပစ္စယာနုလောမပစ္စနီယံ
* ၁၉၉။ ဟေတုပစ္စယာ နအာရမ္မဏေ ဆ, နအဓိပတိယာ နဝ…ပေ… နကမ္မေ တီဏိ, နဝိပါကေ ပဉ္စ, နသမ္ပယုတ္တေ ဆ, နဝိပ္ပယုတ္တေ ပဉ္စ, နောနတ္ထိယာ ဆ, နောဝိဂတေ ဆ။
၄။ ပစ္စယပစ္စနီယာနုလောမံ
* ၂၀၀။ နဟေတုပစ္စယာ အာရမ္မဏေ နဝ, အနန္တရေ နဝ, သမနန္တရေ နဝ…ပေ… ပုရေဇာတေ ပဉ္စ, အာသေဝနေ ပဉ္စ…ပေ… ဈာနေ နဝ, မဂ္ဂေ တီဏိ…ပေ… အဝိဂတေ နဝ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၆၀။ စိတ္တသမုဋ္ဌာနဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၀၁။ စိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စဝါရသဒိသံ)။
နောစိတ္တသမုဋ္ဌာနံ ဓမ္မံ ပစ္စယာ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ…ပေ… (ပဋိစ္စဝါရသဒိသာ)။ (၁)
နောစိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ စိတ္တသမုဋ္ဌာနာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၁)
နောစိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ စိတ္တံ သမ္ပယုတ္တကာ စ ခန္ဓာ၊ ပဋိသန္ဓိက္ခဏေ ဒွေ (ပဋိစ္စဝါရသဒိသံ)။ (၃)
* ၂၀၂။ စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… (ပဋိသန္ဓိက္ခဏေ ဒွေပိ ပဋိစ္စဝါရသဒိသာ)။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနေ ခန္ဓေ စ ဝတ္ထုဉ္စ ပစ္စယာ စိတ္တံ (ပဋိသန္ဓိက္ခဏေ တီဏိပိ ကာတဗ္ဗာ ပဋိစ္စဝါရသဒိသာ)။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… (ပဋိသန္ဓိက္ခဏေ ဒွေပိ ကာတဗ္ဗာ ပဋိစ္စဝါရသဒိသာ)။ (၃)
အာရမ္မဏပစ္စယော
* ၂၀၃။ စိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စဝါရသဒိသာ)။
နောစိတ္တသမုဋ္ဌာနံ ဓမ္မံ ပစ္စယာ နောစိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ…ပေ… ဝတ္ထုံ ပစ္စယာ စိတ္တံ။ (၁)
နောစိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ ပစ္စယာ ကာယဝိညာဏသဟဂတာ ခန္ဓာ, စိတ္တံ ပစ္စယာ သမ္ပယုတ္တကာ ခန္ဓာ, ဝတ္ထုံ ပစ္စယာ စိတ္တသမုဋ္ဌာနာ ခန္ဓာ (ပဋိသန္ဓိက္ခဏေ ဒွေပိ)။ (၂)
နောစိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ သမ္ပယုတ္တကာ စ ခန္ဓာ…ပေ… ကာယာယတနံ…ပေ… ဝတ္ထုံ ပစ္စယာ စိတ္တံ သမ္ပယုတ္တကာ စ ခန္ဓာ၊ ပဋိသန္ဓိက္ခဏေ…ပေ…။ (၃)
* ၂၀၄။ စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ …ပေ… စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ နောစိတ္တသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတေ ခန္ဓေ စ စက္ခာယတနဉ္စ ပစ္စယာ စက္ခုဝိညာဏံ…ပေ… ကာယဝိညာဏသဟဂတေ…ပေ… စိတ္တသမုဋ္ဌာနေ ခန္ဓေ စ ဝတ္ထုဉ္စ ပစ္စယာ စိတ္တံ၊ ပဋိသန္ဓိက္ခဏေ…ပေ…။ (၂)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ ပစ္စယာ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ စက္ခုဝိညာဏဉ္စ, ဒွေ ခန္ဓေ…ပေ… ကာယဝိညာဏသဟဂတံ…ပေ… စိတ္တသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃) (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
* ၂၀၅။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၂၀၆။ စိတ္တသမုဋ္ဌာနံ ဓမ္မံ ပစ္စယာ စိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ။ (သဗ္ဗေ နဝပိ ပဉှာ ကာတဗ္ဗာ, ပဋိစ္စဝါရသဒိသာ။ ပဉ္စဝိညာဏမ္ပိ ကာတဗ္ဗံ။ တီဏိယေဝ မောဟော။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၀၇။ နဟေတုယာ နဝ, နအာရမ္မဏေ ဆ, နအဓိပတိယာ နဝ, နအနန္တရေ ဆ, နသမနန္တရေ ဆ, နအညမညေ ဆ, နဥပနိဿယေ ဆ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ နဝ, နမဂ္ဂေ နဝ, နသမ္ပယုတ္တေ ဆ, နဝိပ္ပယုတ္တေ ဆ, နောနတ္ထိယာ ဆ, နောဝိဂတေ ဆ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၆၀။ စိတ္တသမုဋ္ဌာနဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၂၀၈။ စိတ္တသမုဋ္ဌာနံ ဓမ္မံ သံသဋ္ဌော စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တသမုဋ္ဌာနံ ဓမ္မံ သံသဋ္ဌော နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနေ ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ (၂)
စိတ္တသမုဋ္ဌာနံ ဓမ္မံ သံသဋ္ဌော စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၂၀၉။ နောစိတ္တသမုဋ္ဌာနံ ဓမ္မံ သံသဋ္ဌော စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
စိတ္တသမုဋ္ဌာနဉ္စ နောစိတ္တသမုဋ္ဌာနဉ္စ ဓမ္မံ သံသဋ္ဌော စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသမုဋ္ဌာနံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)
ဟေတုယာ ပဉ္စ, အာရမ္မဏေ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ။
စိတ္တသမုဋ္ဌာနံ ဓမ္မံ သံသဋ္ဌော စိတ္တသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ (ပဉ္စ ပဉှာ ကာတဗ္ဗာ။ တီဏိ။ မောဟော)။
နဟေတုယာ ပဉ္စ, နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၆၀။ စိတ္တသမုဋ္ဌာနဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၁၀။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဟေတုပစ္စယေန ပစ္စယော – စိတ္တသမုဋ္ဌာနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ဟေတုပစ္စယေန ပစ္စယော – စိတ္တသမုဋ္ဌာနာ ဟေတူ စိတ္တဿ ဟေတုပစ္စယေန ပစ္စယော၊ ပဋိသန္ဓိက္ခဏေ စိတ္တသမုဋ္ဌာနာ ဟေတူ စိတ္တဿ ကဋတ္တာ စ ရူပါနံ ဟေတုပစ္စယေန ပစ္စယော။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ဟေတုပစ္စယေန ပစ္စယော – စိတ္တသမုဋ္ဌာနာ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၂၁၁။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော – စိတ္တသမုဋ္ဌာနေ ခန္ဓေ အာရဗ္ဘ စိတ္တသမုဋ္ဌာနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) စိတ္တသမုဋ္ဌာနေ ခန္ဓေ အာရဗ္ဘ စိတ္တံ ဥပ္ပဇ္ဇတိ။ (မူလံ ကာတဗ္ဗံ) စိတ္တသမုဋ္ဌာနေ ခန္ဓေ အာရဗ္ဘ စိတ္တသမုဋ္ဌာနာ ခန္ဓာ စ စိတ္တဉ္စ ဥပ္ပဇ္ဇန္တိ။ (၃)
* ၂၁၂။ နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ နောစိတ္တသမုဋ္ဌာနေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောစိတ္တသမုဋ္ဌာနစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ…ပေ… နောစိတ္တသမုဋ္ဌာနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ…ပေ… နိဗ္ဗာနံ ပစ္စဝေက္ခန္တိ (ပဌမဂမနသဒိသံ)၊ စက္ခုံ…ပေ… ဝတ္ထုံ နောစိတ္တသမုဋ္ဌာနေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ…ပေ… ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ…ပေ… နောစိတ္တသမုဋ္ဌာနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ…ပေ… နိဗ္ဗာနံ ပစ္စဝေက္ခန္တိ (ပဌမဂမနသဒိသံ), နောစိတ္တသမုဋ္ဌာနေ ခန္ဓေ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ…ပေ…
နောစိတ္တသမုဋ္ဌာနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၃)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘ ကာတဗ္ဗာ)။
အဓိပတိပစ္စယော
* ၂၁၃။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – စိတ္တသမုဋ္ဌာနေ ခန္ဓေ ဂရုံ ကတွာ စိတ္တသမုဋ္ဌာနာ ခန္ဓာ ဥပ္ပဇ္ဇန္တိ။ သဟဇာတာဓိပတိ – စိတ္တသမုဋ္ဌာနာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော (တီဏိပိ အာရမ္မဏာဓိပတိ, သဟဇာတာဓိပတိပိ ကာတဗ္ဗာ)။ (၃)
နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ – အရိယာ မဂ္ဂါ…ပေ… နိဗ္ဗာနံ ဂရုံ ကတွာ…ပေ… နောစိတ္တသမုဋ္ဌာနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ စိတ္တံ ဥပ္ပဇ္ဇတိ။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ…ပေ… နောစိတ္တသမုဋ္ဌာနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောစိတ္တသမုဋ္ဌာနာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ မဂ္ဂါ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ…ပေ… နောစိတ္တသမုဋ္ဌာနေ ခန္ဓေ ဂရုံ ကတွာ…ပေ… စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ… တီဏိ (အာရမ္မဏာဓိပတိယေဝ)။
အနန္တရ-သမနန္တရပစ္စယာ
* ၂၁၄။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အနန္တရပစ္စယေန ပစ္စယော… တီဏိ (ဝုဋ္ဌာနံ နတ္ထိ)။
နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမဿ ပစ္ဆိမဿ…ပေ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော (ဣတရေ ဒွေ ဂဏနာ, ဣမဿ သဒိသာယေဝ ကာတဗ္ဗာ)။
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အနန္တရပစ္စယေန ပစ္စယော (တီဏိ ကာတဗ္ဗာ, ဝုဋ္ဌာနံ နတ္ထိ)… သမနန္တရပစ္စယေန ပစ္စယော။
သဟဇာတပစ္စယာဒိ
* ၂၁၅။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ သဟဇာတပစ္စယေန ပစ္စယော (ပဋိစ္စဝါရသဒိသံ)… အညမညပစ္စယေန ပစ္စယော (ပဋိစ္စဝါရသဒိသံ)… နိဿယပစ္စယေန ပစ္စယော (ပစ္စယဝါရသဒိသံ)။
ဥပနိဿယပစ္စယော
* ၂၁၆။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – (တီဏိ ပဉှာ ကာတဗ္ဗာ)။ (၃)
နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ စိတ္တံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတု… ဘောဇနံ… သေနာသနံ စိတ္တံ စိတ္တဿ ဥပနိဿယပစ္စယေန ပစ္စယော။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ စိတ္တံ
ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတု… ဘောဇနံ… သေနာသနံ စိတ္တံ သဒ္ဓါယ…ပေ… မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ စိတ္တံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ဥတု… ဘောဇနံ… သေနာသနံ စိတ္တံ စိတ္တသမုဋ္ဌာနာနံ ခန္ဓာနံ စိတ္တဿ စ ဥပနိဿယပစ္စယေန ပစ္စယော။ (၃)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော… တီဏိ။
ပုရေဇာတပစ္စယော
* ၂၁၇။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – စိတ္တသမုဋ္ဌာနေ ရူပေ…ပေ… ဖောဋ္ဌဗ္ဗေ အနိစ္စတော…ပေ… ဝိပဿတိ…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – စိတ္တသမုဋ္ဌာနေ ရူပေ…ပေ… ဖောဋ္ဌဗ္ဗေ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – စိတ္တသမုဋ္ဌာနေ ရူပေ…ပေ… ဖောဋ္ဌဗ္ဗေ အနိစ္စတော…ပေ… ဝိပဿတိ အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ,
ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနံ…ပေ…။ (၃)
* ၂၁၈။ နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ကာယံ, ရူပေ…ပေ… ဖောဋ္ဌဗ္ဗေ ဝတ္ထုံ အနိစ္စတော…ပေ… တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ …ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ…ပေ… ဝတ္ထု စိတ္တဿ ပုရေဇာတပစ္စယေန ပစ္စယော။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏသဟဂတာနံ ခန္ဓာနံ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ…ပေ… ဝတ္ထု စိတ္တသမုဋ္ဌာနာနံ ခန္ဓာနံ ပုရေဇာတပစ္စယေန ပစ္စယော။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယာယတနံ…ပေ… ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
* ၂၁၉။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စိတ္တသမုဋ္ဌာနံ ရူပါယတနဉ္စ စက္ခာယတနဉ္စ စက္ခုဝိညာဏသဟဂတာနံ
ခန္ဓာနံ…ပေ… စိတ္တသမုဋ္ဌာနံ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော၊ စိတ္တသမုဋ္ဌာနံ ရူပါယတနဉ္စ ဝတ္ထု စ စိတ္တသမုဋ္ဌာနာနံ ခန္ဓာနံ ပုရေဇာတပစ္စယေန ပစ္စယော…ပေ… စိတ္တသမုဋ္ဌာနံ ဖောဋ္ဌဗ္ဗာယတနဉ္စ ဝတ္ထု စ…ပေ…။ (၁)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ နောစိတ္တသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စိတ္တသမုဋ္ဌာနံ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… စိတ္တသမုဋ္ဌာနံ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ ပုရေဇာတပစ္စယေန ပစ္စယော၊ စိတ္တသမုဋ္ဌာနံ ရူပါယတနဉ္စ ဝတ္ထု စ စိတ္တဿ ပုရေဇာတပစ္စယေန ပစ္စယော…ပေ… စိတ္တသမုဋ္ဌာနံ ဖောဋ္ဌဗ္ဗာယတနဉ္စ ဝတ္ထု စ…ပေ…။ (၂)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စိတ္တသမုဋ္ဌာနံ ရူပါယတနဉ္စ စက္ခာယတနဉ္စ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… စိတ္တသမုဋ္ဌာနံ ဖောဋ္ဌဗ္ဗာယတနံ စ…ပေ… စိတ္တသမုဋ္ဌာနံ ရူပါယတနဉ္စ ဝတ္ထု စ စိတ္တဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… စိတ္တသမုဋ္ဌာနံ ဖောဋ္ဌဗ္ဗာယတနဉ္စ ဝတ္ထု စ…ပေ…။ (၃)
ပစ္ဆာဇာတာသေဝနပစ္စယာ
* ၂၂၀။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ စိတ္တသမုဋ္ဌာနာ ခန္ဓာ ပုရေဇာတဿ ဣမဿ စိတ္တသမုဋ္ဌာနဿ ကာယဿ ပစ္ဆာဇာတပစ္စယေန ပစ္စယော (ဣမိနာကာရေနေဝ ပစ္ဆာဇာတော ဝိတ္ထာရေတဗ္ဗော)… အာသေဝနပစ္စယေန ပစ္စယော… နဝ။
ကမ္မ-ဝိပါကပစ္စယာ
* ၂၂၁။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမုဋ္ဌာနာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမုဋ္ဌာနာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမုဋ္ဌာနာ စေတနာ စိတ္တဿ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမုဋ္ဌာနာ စေတနာ ဝိပါကဿ စိတ္တဿ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသမုဋ္ဌာနာ စေတနာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသမုဋ္ဌာနာ စေတနာ ဝိပါကာနံ ခန္ဓာနံ စိတ္တဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဝိပါကပစ္စယေန ပစ္စယော… နဝ။
အာဟာရပစ္စယော
* ၂၂၂။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အာဟာရပစ္စယေန ပစ္စယော – စိတ္တသမုဋ္ဌာနာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) စိတ္တသမုဋ္ဌာနာ အာဟာရာ စိတ္တဿ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… စိတ္တသမုဋ္ဌာနော ကဗဠီကာရော အာဟာရော ဣမဿ နောစိတ္တသမုဋ္ဌာနဿ ကာယဿ အာဟာရပစ္စယေန ပစ္စယော။ (မူလံ ကာတဗ္ဗံ) စိတ္တသမုဋ္ဌာနာ အာဟာရာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
* ၂၂၃။ နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အာဟာရပစ္စယေန ပစ္စယော – ပဋိသန္ဓိက္ခဏေ နောစိတ္တသမုဋ္ဌာနာ အာဟာရာ ကဋတ္တာရူပါနံ အာဟာရပစ္စယေန ပစ္စယော၊ နောစိတ္တသမုဋ္ဌာနော ကဗဠီကာရော အာဟာရော ဣမဿ နောစိတ္တသမုဋ္ဌာနဿ ကာယဿ အာဟာရပစ္စယေန ပစ္စယော။ (မူလံ ကာတဗ္ဗံ) နောစိတ္တသမုဋ္ဌာနာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) ပဋိသန္ဓိက္ခဏေ နောစိတ္တသမုဋ္ဌာနာ
အာဟာရာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ အာဟာရပစ္စယေန ပစ္စယော။ (၃)
* ၂၂၄။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အာဟာရပစ္စယေန ပစ္စယော – စိတ္တသမုဋ္ဌာနာ စ နောစိတ္တသမုဋ္ဌာနာ စ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) ပဋိသန္ဓိက္ခဏေ စိတ္တသမုဋ္ဌာနာ စ နောစိတ္တသမုဋ္ဌာနာ စ အာဟာရာ ကဋတ္တာရူပါနံ အာဟာရပစ္စယေန ပစ္စယော၊ စိတ္တသမုဋ္ဌာနော စ နောစိတ္တသမုဋ္ဌာနော စ ကဗဠီကာရော အာဟာရော ဣမဿ နောစိတ္တသမုဋ္ဌာနဿ ကာယဿ အာဟာရပစ္စယေန ပစ္စယော။ (မူလံ ကာတဗ္ဗံ) ပဋိသန္ဓိက္ခဏေ စိတ္တသမုဋ္ဌာနာ စ နောစိတ္တသမုဋ္ဌာနာ စ အာဟာရာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ အာဟာရပစ္စယေန ပစ္စယော။ (၃)
ဣန္ဒြိယပစ္စယာဒိ
* ၂၂၅။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဣန္ဒြိယပစ္စယေန ပစ္စယော… တီဏိ။
နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ဣန္ဒြိယပစ္စယေန ပစ္စယော – ပဋိသန္ဓိက္ခဏေ နောစိတ္တသမုဋ္ဌာနာ ဣန္ဒြိယာ ကဋတ္တာရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (မူလံ ကာတဗ္ဗံ) နောစိတ္တသမုဋ္ဌာနာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏသဟဂတာနံ ခန္ဓာနံ…ပေ… ကာယိန္ဒြိယံ…ပေ…။ (မူလံ ကာတဗ္ဗံ) ပဋိသန္ဓိက္ခဏေ နောစိတ္တသမုဋ္ဌာနာ ဣန္ဒြိယာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဣန္ဒြိယပစ္စယေန ပစ္စယော၊ စက္ခုန္ဒြိယံ စက္ခုဝိညာဏဿ စက္ခုဝိညာဏသဟဂတာနဉ္စ ခန္ဓာနံ…ပေ… ကာယိန္ဒြိယံ…ပေ…။ (၃)
* ၂၂၆။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ ဣန္ဒြိယပစ္စယေန ပစ္စယော – စိတ္တသမုဋ္ဌာနာ စ နောစိတ္တသမုဋ္ဌာနာ စ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန
ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏသဟဂတာနံ ခန္ဓာနံ…ပေ… ကာယိန္ဒြိယဉ္စ သုခိန္ဒြိယဉ္စ…ပေ… ကာယိန္ဒြိယဉ္စ ဒုက္ခိန္ဒြိယဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (မူလံ ကာတဗ္ဗံ) ပဋိသန္ဓိက္ခဏေ စိတ္တသမုဋ္ဌာနာ စ နောစိတ္တသမုဋ္ဌာနာ စ ဣန္ဒြိယာ ကဋတ္တာရူပါနံ ဣန္ဒြိယပစ္စယေန ပစ္စယော၊ စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏဿ …ပေ… ကာယိန္ဒြိယဉ္စ…ပေ…။ (မူလံ ကာတဗ္ဗံ) ပဋိသန္ဓိက္ခဏေ စိတ္တသမုဋ္ဌာနာ စ နောစိတ္တသမုဋ္ဌာနာ စ ဣန္ဒြိယာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဣန္ဒြိယပစ္စယေန ပစ္စယော၊ စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ဣန္ဒြိယပစ္စယေန ပစ္စယော၊ ကာယိန္ဒြိယံ စ…ပေ…။ (၃)
ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ…ပေ…။
ဝိပ္ပယုတ္တပစ္စယော
* ၂၂၇။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတံ – ပဋိသန္ဓိက္ခဏေ (သံခိတ္တံ)။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ဝိပ္ပယုတ္တပစ္စယေန ပစ္စယော… ပစ္ဆာဇာတံ (သံခိတ္တံ)။ (၃)
* ၂၂၈။ နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – ပဋိသန္ဓိက္ခဏေ စိတ္တံ ကဋတ္တာ ရူပါနံ ဝိပ္ပယုတ္တပစ္စယေန ပစ္စယော, စိတ္တံ ဝတ္ထုဿ ဝိပ္ပယုတ္တပစ္စယေန ပစ္စယော, ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နောစိတ္တသမုဋ္ဌာနာ ခန္ဓာ ပုရေဇာတဿ ဣမဿ နောစိတ္တသမုဋ္ဌာနဿ ကာယဿ ဝိပ္ပယုတ္တပစ္စယေန ပစ္စယော။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၃)
* ၂၂၉။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ နောစိတ္တသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ ဝိပ္ပယုတ္တပစ္စယေန ပစ္စယော… ပစ္ဆာဇာတံ (သံခိတ္တံ)။ (၃)
အတ္ထိပစ္စယာဒိ
* ၂၃၀။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ (သံခိတ္တံ)။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၃)
နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ (သံခိတ္တံ)။ (၃)
* ၂၃၁။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော…ပေ… (သံခိတ္တံ)။ (၁)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ နောစိတ္တသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စက္ခုဝိညာဏသဟဂတာ ခန္ဓာ စ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော…ပေ… ကာယဝိညာဏသဟဂတာ…ပေ…။ သဟဇာတာ – စိတ္တသမုဋ္ဌာနာ…ပေ… (ပစ္စယဝါရသဒိသံ ပဋိသန္ဓိပိ ပဝတ္တိပိ ကာတဗ္ဗာ သဗ္ဗေသမ္ပိ ပဉှာနံ။) ပစ္ဆာဇာတာ – စိတ္တသမုဋ္ဌာနာ ခန္ဓာ စ စိတ္တဉ္စ ပုရေဇာတဿ ဣမဿ နောစိတ္တသမုဋ္ဌာနဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသမုဋ္ဌာနာ ခန္ဓာ စ စိတ္တဉ္စ ကဗဠီကာရော အာဟာရော စ ဣမဿ နောစိတ္တသမုဋ္ဌာနဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသမုဋ္ဌာနာ ခန္ဓာ စ စိတ္တဉ္စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတော – စက္ခုဝိညာဏသဟဂတော…ပေ… (သံခိတ္တံ)။ (၃)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၂၃၂။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ နဝ, ပစ္ဆာဇာတေ နဝ, အာသေဝနေ နဝ, ကမ္မေ တီဏိ, ဝိပါကေ နဝ (သဗ္ဗတ္ထ နဝ), ဣန္ဒြိယေ နဝ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ နဝ…ပေ… အဝိဂတေ နဝ။
အနုလောမံ။
ပစ္စနီယုဒ္ဓါရော
* ၂၃၃။ စိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၁)
စိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော။ (၂)
စိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၂၃၄။ နောစိတ္တသမုဋ္ဌာနော ဓမ္မော နောစိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
နောစိတ္တသမုဋ္ဌာနော ဓမ္မော စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)
* ၂၃၅။ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၁)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ နောစိတ္တသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော။ (၂)
စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ စိတ္တသမုဋ္ဌာနဿ စ နောစိတ္တသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၂၃၆။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၂၃၇။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ ဒွေ, နဥပနိဿယေ တီဏိ…ပေ… နမဂ္ဂေ တီဏိ, နသမ္ပယုတ္တေ ဒွေ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၂၃၈။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမဂဏနာ ကာတဗ္ဗာ)…ပေ… အဝိဂတေ နဝ။
စိတ္တသမုဋ္ဌာနဒုကံ နိဋ္ဌိတံ။
၆၁။ စိတ္တသဟဘူဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၃၉။ စိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘုံ ဧကံ ခန္ဓံ ပဋိစ္စ ဒွေ ခန္ဓာ စိတ္တသဟဘု စိတ္တသမုဋ္ဌာနဉ္စ
ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသဟဘုံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ…။ (၁)
စိတ္တသဟဘုံ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘူ ခန္ဓေ ပဋိစ္စ စိတ္တံ နောစိတ္တသဟဘု စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တသဟဘူ ခန္ဓေ ပဋိစ္စ စိတ္တံ ကဋတ္တာ စ ရူပံ။ (၂)
စိတ္တသဟဘုံ ဓမ္မံ ပဋိစ္စ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသဟဘုံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသဟဘုံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ ကဋတ္တာ စ ရူပံ, ဒွေ ခန္ဓေ…ပေ…။ (၃)
* ၂၄၀။ နောစိတ္တသဟဘုံ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ နောစိတ္တသဟဘု စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… မဟာဘူတေ ပဋိစ္စ နောစိတ္တသဟဘု စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောစိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသဟဘု စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, ပဋိသန္ဓိက္ခဏေ ဝတ္ထုံ ပဋိစ္စ စိတ္တသဟဘူ ခန္ဓာ, မဟာဘူတေ ပဋိစ္စ စိတ္တသဟဘု စိတ္တသမုဋ္ဌာနံ ရူပံ ဥပါဒါရူပံ။ (၂)
နောစိတ္တသဟဘုံ ဓမ္မံ ပဋိစ္စ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ, ပဋိသန္ဓိက္ခဏေ ဝတ္ထုံ ပဋိစ္စ စိတ္တဉ္စ သမ္ပယုတ္တကာ စ ခန္ဓာ, မဟာဘူတေ ပဋိစ္စ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ ဥပါဒါရူပံ။ (၃)
* ၂၄၁။ စိတ္တသဟဘုဉ္စ နောစိတ္တသဟဘုဉ္စ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘုံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသဟဘု စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသဟဘုံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသဟဘုံ
ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… စိတ္တသဟဘူ ခန္ဓေ စ မဟာဘူတေ စ ပဋိစ္စ စိတ္တသဟဘု စိတ္တသမုဋ္ဌာနံ ရူပံ ဥပါဒါရူပံ။ (၁)
စိတ္တသဟဘုဉ္စ နောစိတ္တသဟဘုဉ္စ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘူ ခန္ဓေ စ စိတ္တဉ္စ ပဋိစ္စ နောစိတ္တသဟဘု စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တသဟဘူ ခန္ဓေ စ စိတ္တဉ္စ ပဋိစ္စ ကဋတ္တာရူပံ, ပဋိသန္ဓိက္ခဏေ စိတ္တသဟဘူ ခန္ဓေ စ ဝတ္ထုဉ္စ ပဋိစ္စ စိတ္တံ, စိတ္တသဟဘူ ခန္ဓေ စ မဟာဘူတေ စ ပဋိစ္စ နောစိတ္တသဟဘု စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
စိတ္တသဟဘုဉ္စ နောစိတ္တသဟဘုဉ္စ ဓမ္မံ ပဋိစ္စ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသဟဘုံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသဟဘုံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ စ…ပေ… ပဋိသန္ဓိက္ခဏေ စိတ္တသဟဘုံ ဧက ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ… စိတ္တသဟဘူ ခန္ဓေ စ မဟာဘူတေ စ ပဋိစ္စ ကဋတ္တာရူပံ ဥပါဒါရူပံ (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၂၄၂။ ဟေတုယာ နဝ, အာရမ္မဏေ နဝ (အရူပံ သဗ္ဗံ ဥဒ္ဓရိတဗ္ဗံ။ စိတ္တသမုဋ္ဌာနဒုကသဒိသံ။) အဓိပတိယာ နဝ (မဟာဘူတာ ဆသုပိ ပဉှေသု ကာတဗ္ဗာ, အဓိပတိယာ တီသု နတ္ထိ။) အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ (သဗ္ဗတ္ထ နဝ), အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၂၄၃။ စိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသဟဘုံ ဧကံ ခန္ဓံ ပဋိစ္စ ဒွေ ခန္ဓာ စိတ္တသဟဘု စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ
ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (ဧဝံ နဝပိ ပဉှာ ကာတဗ္ဗာ။ ‘‘အဟေတုက’’န္တိ နိယာမေတဗ္ဗံ။ ယထာ အနုလောမေ လဗ္ဘတိ ဧဝံ ကာတဗ္ဗံ။ တီဏိ မောဟော ယထာ စိတ္တသမုဋ္ဌာနဒုကေ ဧဝမေဝ ကာတဗ္ဗာ။)
နကမ္မပစ္စယော
* ၂၄၄။ စိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ နကမ္မပစ္စယာ – စိတ္တသဟဘူ ခန္ဓေ ပဋိစ္စ စိတ္တသဟဘူ စေတနာ။
နောစိတ္တသဟဘုံ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ နကမ္မပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။
နောစိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ နကမ္မပစ္စယာ – စိတ္တံ ပဋိစ္စ သမ္ပယုတ္တကာ စေတနာ။
စိတ္တသဟဘုဉ္စ နောစိတ္တသဟဘုဉ္စ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ နကမ္မပစ္စယာ – စိတ္တသဟဘူ ခန္ဓေ စ စိတ္တဉ္စ ပဋိစ္စ သမ္ပယုတ္တကာ စေတနာ။
နဈာနပစ္စယော
* ၂၄၅။ စိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ…ပေ…။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၄၆။ နဟေတုယာ နဝ, နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဆ, နမဂ္ဂေ နဝ, နသမ္ပယုတ္တေ နဝ, နဝိပ္ပယုတ္တေ ဆ, နောနတ္ထိယာ နဝ, နောဝိဂတေ နဝ (ဧဝံ ဣတရေ ဒွေပိ ဂဏနာ ကာတဗ္ဗာ)။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၆၁။ စိတ္တသဟဘူဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၄၇။ စိတ္တသဟဘုံ ဓမ္မံ ပစ္စယာ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
နောစိတ္တသဟဘုံ ဓမ္မံ ပစ္စယာ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ စိတ္တံ, စိတ္တံ ပစ္စယာ နောစိတ္တသဟဘု စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ပဋိစ္စဝါရသဒိသံ, သဗ္ဗေ မဟာဘူတာ)။ (၁)
နောစိတ္တသဟဘုံ ဓမ္မံ ပစ္စယာ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ စိတ္တသဟဘု စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ စိတ္တသဟဘူ ခန္ဓာ၊ ပဋိသန္ဓိက္ခဏေ…ပေ… (သဗ္ဗေ မဟာဘူတာ ပဋိစ္စသဒိသံ)။ (၂)
နောစိတ္တသဟဘုံ ဓမ္မံ ပစ္စယာ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ, ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ၊ ပဋိသန္ဓိက္ခဏေ…ပေ… (ပဋိစ္စသဒိသံ, သဗ္ဗေ မဟာဘူတာ)။ (၃)
* ၂၄၈။ စိတ္တသဟဘုဉ္စ နောစိတ္တသဟဘုဉ္စ ဓမ္မံ ပစ္စယာ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘုံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသဟဘု စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စိတ္တသဟဘုံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (ပဋိစ္စသဒိသံ, သဗ္ဗေ မဟာဘူတာ)။ (၁)
စိတ္တသဟဘုဉ္စ နောစိတ္တသဟဘုဉ္စ ဓမ္မံ ပစ္စယာ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘူ ခန္ဓေ စ စိတ္တဉ္စ ပစ္စယာ နောစိတ္တသဟဘု စိတ္တသမုဋ္ဌာနံ ရူပံ, စိတ္တသဟဘူ ခန္ဓေ စ ဝတ္ထုဉ္စ ပစ္စယာ စိတ္တံ။ စိတ္တသဟဘူ ခန္ဓေ စ မဟာဘူတေ စ ပစ္စယာ နောစိတ္တသဟဘု စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ပဋိစ္စသဒိသံ, သဗ္ဗေ မဟာဘူတာ)။ (၂)
စိတ္တသဟဘုဉ္စ နောစိတ္တသဟဘုဉ္စ ဓမ္မံ ပစ္စယာ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသဟဘုံ ဧကံ ခန္ဓဉ္စ စိတ္တဉ္စ
ပစ္စယာ ဒွေ ခန္ဓာ စိတ္တသဟဘု စ နောစိတ္တသဟဘု စ စိတ္တသမုဋ္ဌာနံ ရူပံ, စိတ္တသဟဘုံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (ပဋိစ္စသဒိသံ, သဗ္ဗေ မဟာဘူတာ)။ (၃)
အာရမ္မဏပစ္စယော
* ၂၄၉။ စိတ္တသဟဘုံ ဓမ္မံ ပစ္စယာ စိတ္တသဟဘူ ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စသဒိသံ)။
နောစိတ္တသဟဘုံ ဓမ္မံ ပစ္စယာ နောစိတ္တသဟဘူ ဓမ္မော ဥပ္ပဇ္ဇတိ အာရမ္မဏပစ္စယာ…ပေ… စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ…ပေ…။ (ဣမံ စိတ္တသမုဋ္ဌာနဒုကံ ပစ္စယဝါရေ အာရမ္မဏသဒိသံ။ ဆန္နမ္ပိ ဣမေသံ ပဉ္စဝိညာဏမူလာ ကာတဗ္ဗာ။ သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
* ၂၅၀။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၂၅၁။ စိတ္တသဟဘုံ ဓမ္မံ ပစ္စယာ စိတ္တသဟဘူ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသဟဘုံ ဧကံ ခန္ဓံ…ပေ…။ (သံခိတ္တံ။ သဗ္ဗံ ကာတဗ္ဗံ။ ပစ္စယဝါရဿ ပဉ္စဝိညာဏံ ဆန္နမ္ပိ မူလာ ကာတဗ္ဗာ။ သဗ္ဗေ မဟာဘူတေ တီဏိယေဝ မောဟော။ သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၅၂။ နဟေတုယာ နဝ, နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ နဝ, နပုရေဇာတေ
နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ နဝ, နမဂ္ဂေ နဝ, နသမ္ပယုတ္တေ နဝ, နဝိပ္ပယုတ္တေ ဆ, နောနတ္ထိယာ နဝ, နောဝိဂတေ နဝ။
၃။ ပစ္စယာနုလောမပစ္စနီယံ
* ၂၅၃။ ဟေတုပစ္စယာ နအာရမ္မဏေ နဝ (သဗ္ဗတ္ထ နဝ), နကမ္မေ တီဏိ, နဝိပါကေ နဝ, နသမ္ပယုတ္တေ နဝ, နဝိပ္ပယုတ္တေ ပဉ္စ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
* ၂၅၄။ နဟေတုပစ္စယာ အာရမ္မဏေ နဝ, အနန္တရေ နဝ (သဗ္ဗတ္ထ နဝ), မဂ္ဂေ တီဏိ…ပေ… အဝိဂတေ နဝ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၆၁။ စိတ္တသဟဘူဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၂၅၅။ စိတ္တသဟဘုံ ဓမ္မံ သံသဋ္ဌော စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘုံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တသဟဘုံ ဓမ္မံ သံသဋ္ဌော နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘူ ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ (၂)
စိတ္တသဟဘုံ ဓမ္မံ သံသဋ္ဌော စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသဟဘုံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၂၅၆။ နောစိတ္တသဟဘုံ ဓမ္မံ သံသဋ္ဌော စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
စိတ္တသဟဘုဉ္စ နောစိတ္တသဟဘုဉ္စ ဓမ္မံ သံသဋ္ဌော စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသဟဘုံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (သံခိတ္တံ)။ (၂)
ဟေတုယာ ပဉ္စ, အာရမ္မဏေ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ။
အနုလောမံ။
နဟေတုယာ ပဉ္စ (တီဏိ, မောဟော), နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ။
၆။ သမ္ပယုတ္တဝါရော
(ဣတရေ ဒွေ ဂဏနာပိ သမ္ပယုတ္တဝါရောပိ သဗ္ဗံ ကာတဗ္ဗံ။)
၆၁။ စိတ္တသဟဘူဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၅၇။ စိတ္တသဟဘူ ဓမ္မော စိတ္တသဟဘုဿ ဓမ္မဿ ဟေတုပစ္စယေန ပစ္စယော – စိတ္တသဟဘူ ဟေတူ သမ္ပယုတ္တကာနံ ခန္ဓာနံ စိတ္တသဟဘူနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
စိတ္တသဟဘူ ဓမ္မော နောစိတ္တသဟဘုဿ ဓမ္မဿ ဟေတုပစ္စယေန ပစ္စယော – စိတ္တသဟဘူ ဟေတူ စိတ္တဿ နောစိတ္တသဟဘူနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ စိတ္တသဟဘူ ဟေတူ စိတ္တဿ ကဋတ္တာ စ ရူပါနံ ဟေတုပစ္စယေန ပစ္စယော။ (၂)
စိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ ဟေတုပစ္စယေန ပစ္စယော၊ စိတ္တသဟဘူ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသဟဘူနဉ္စ နောစိတ္တသဟဘူနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၂၅၈။ စိတ္တသဟဘူ ဓမ္မော စိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… နဝ (စိတ္တသမုဋ္ဌာနဒုကသဒိသံ, နိန္နာနာကရဏံ)။
အဓိပတိပစ္စယော
* ၂၅၉။ စိတ္တသဟဘူ ဓမ္မော စိတ္တသဟဘုဿ ဓမ္မဿ အဓိပတိပစ္စယေန ပစ္စယော… တီဏိ (အာရမ္မဏာဓိပတိပိ သဟဇာတာဓိပတိပိ ကာတဗ္ဗာ)။
နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ အဓိပတိပစ္စယေန ပစ္စယော… တီဏိ (အာရမ္မဏာဓိပတိပိ သဟဇာတာဓိပတိပိ ဣမေသမ္ပိ တိဏ္ဏံ ကာတဗ္ဗာ။ နဝပိ ပဉှာ စိတ္တသမုဋ္ဌာနဒုကသဒိသာ။ အန္တေ တီဏိ အာရမ္မဏာဓိပတိယေဝ)။
အနန္တရပစ္စယာဒိ
* ၂၆၀။ စိတ္တသဟဘူ ဓမ္မော စိတ္တသဟဘုဿ ဓမ္မဿ အနန္တရပစ္စယေန ပစ္စယော… နဝ (စိတ္တသမုဋ္ဌာနဒုကသဒိသံ, နိန္နာနာကရဏံ)… သမနန္တရပစ္စယေန ပစ္စယော… နဝ (ပဋိစ္စသဒိသာ) … သဟဇာတပစ္စယေန ပစ္စယော… နဝ (ပဋိစ္စသဒိသာ)… အညမညပစ္စယေန ပစ္စယော… နဝ (ပဋိစ္စသဒိသာ)… နိဿယပစ္စယေန ပစ္စယော… နဝ (ပစ္စယဝါရသဒိသာ)… ဥပနိဿယပစ္စယေန ပစ္စယော… နဝ (စိတ္တသမုဋ္ဌာနဒုကသဒိသာ)။
ပုရေဇာတပစ္စယော
* ၂၆၁။ နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ… တီဏိ (နောစိတ္တသဟဘူ မူလံယေဝ လဗ္ဘတိ, စိတ္တသမုဋ္ဌာနဒုကသဒိသာ။ တီဏိပိ နိန္နာနာကရဏံ)။
ပစ္ဆာဇာတာသေဝနပစ္စယာ
* ၂၆၂။ စိတ္တသဟဘူ ဓမ္မော နောစိတ္တသဟဘုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ စိတ္တသဟဘူ ခန္ဓာ ပုရေဇာတဿ ဣမဿ နောစိတ္တသဟဘုဿ ကာယဿ ပစ္ဆာဇာတပစ္စယေန ပစ္စယော။ (၁)
နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ ပစ္ဆာဇာတပစ္စယေန ပစ္စယော…ပေ…။ (၁)
စိတ္တသဟဘူ စ နောစိတ္တသဟဘူ စ ဓမ္မာ နောစိတ္တသဟဘုဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)… အာသေဝနပစ္စယေန ပစ္စယော… နဝ။
ကမ္မပစ္စယော
* ၂၆၃။ စိတ္တသဟဘူ ဓမ္မော စိတ္တသဟဘုဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသဟဘူ စေတနာ သမ္ပယုတ္တကာနံ ခန္ဓာနံ စိတ္တသဟဘူနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသဟဘူ စေတနာ ဝိပါကာနံ စိတ္တသဟဘူနံ ခန္ဓာနံ ကမ္မပစ္စယေန ပစ္စယော။ (၁)
စိတ္တသဟဘူ ဓမ္မော နောစိတ္တသဟဘုဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသဟဘူ စေတနာ စိတ္တဿ နောစိတ္တသဟဘူနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသဟဘူ စေတနာ ဝိပါကဿ စိတ္တဿ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
စိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – စိတ္တသဟဘူ စေတနာ သမ္ပယုတ္တကာနံ ခန္ဓာနံ စိတ္တဿ စ စိတ္တသဟဘူနဉ္စ နောစိတ္တသဟဘူနဉ္စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – စိတ္တသဟဘူ စေတနာ ဝိပါကာနံ ခန္ဓာနံ စိတ္တဿ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၂၆၄။ စိတ္တသဟဘူ ဓမ္မော စိတ္တသဟဘုဿ ဓမ္မဿ ဝိပါကပစ္စယေန ပစ္စယော (စိတ္တသမုဋ္ဌာနဒုကသဒိသံ)… အာဟာရပစ္စယေန ပစ္စယော… နဝ (စိတ္တသမုဋ္ဌာနဒုကသဒိသာ။ ဣမမ္ပိ ဧကံ ကဗဠီကာရအာဟာရသဒိသံ)။ စိတ္တသဟဘူ ဓမ္မော စိတ္တသဟဘုဿ ဓမ္မဿ ဣန္ဒြိယပစ္စယေန ပစ္စယော… နဝ (စိတ္တသမုဋ္ဌာနဒုကသဒိသံ, နိန္နာနာကရဏံ)… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၂၆၅။ စိတ္တသဟဘူ ဓမ္မော စိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော။ သဟဇာတာ – စိတ္တသဟဘူ ခန္ဓာ စိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ (၁)
စိတ္တသဟဘူ ဓမ္မော နောစိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – စိတ္တသဟဘူ ခန္ဓာ နောစိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – စိတ္တသဟဘူ ခန္ဓာ ပုရေဇာတဿ ဣမဿ နောစိတ္တသဟဘုဿ ကာယဿ ဝိပ္ပယုတ္တပစ္စယေန ပစ္စယော။ (၂)
စိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ ဝိပ္ပယုတ္တပစ္စယေန ပစ္စယော။ သဟဇာတာ – စိတ္တသဟဘူ ခန္ဓာ စိတ္တသဟဘူနဉ္စ နောစိတ္တသဟဘူနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ (၃)
* ၂၆၆။ နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – စိတ္တံ နောစိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ စိတ္တံ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ စိတ္တံ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ ဝိပ္ပယုတ္တပစ္စယေန ပစ္စယော…ပေ… ကာယာယတနံ…ပေ… ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပစ္ဆာဇာတံ – စိတ္တံ ပုရေဇာတဿ ဣမဿ နောစိတ္တသဟဘုဿ ကာယဿ ဝိပ္ပယုတ္တပစ္စယေန ပစ္စယော။ (၁)
နောစိတ္တသဟဘူ ဓမ္မော စိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ စိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ…ပေ… ဝတ္ထု စိတ္တသဟဘူနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
နောစိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ စိတ္တသဟဘူနဉ္စ နောစိတ္တသဟဘူနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ရူပါနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ…ပေ… ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
* ၂၆၇။ စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော။ သဟဇာတာ – စိတ္တသဟဘူ ခန္ဓာ စ စိတ္တဉ္စ စိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ (၁)
စိတ္တသဟဘူ စ နောစိတ္တသဟဘူ စ ဓမ္မာ နောစိတ္တသဟဘုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – စိတ္တသဟဘူ ခန္ဓာ စ စိတ္တဉ္စ နောစိတ္တသဟဘူနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ …ပေ…။ ပစ္ဆာဇာတာ – စိတ္တသဟဘူ ခန္ဓာ စ စိတ္တဉ္စ ပုရေဇာတဿ ဣမဿ နောစိတ္တသဟဘုဿ ကာယဿ ဝိပ္ပယုတ္တပစ္စယေန ပစ္စယော။ (၂)
စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ စ နောစိတ္တသဟဘုဿ စ ဓမ္မဿ ဝိပ္ပယုတ္တပစ္စယေန ပစ္စယော – စိတ္တသဟဘူ ခန္ဓာ စ စိတ္တဉ္စ စိတ္တသဟဘူနဉ္စ နောစိတ္တသဟဘူနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယော
* ၂၆၈။ စိတ္တသဟဘူ ဓမ္မော စိတ္တသဟဘုဿ ဓမ္မဿ အတ္ထိပစ္စယေန ပစ္စယော – စိတ္တသဟဘူ ဧကော ခန္ဓော…ပေ… (ပဋိစ္စသဒိသံ)။ (၁)
စိတ္တသဟဘူ ဓမ္မော နောစိတ္တသဟဘုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
စိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ အတ္ထိပစ္စယေန ပစ္စယော – စိတ္တသဟဘူ ဧကော ခန္ဓော…ပေ… (ပဋိစ္စသဒိသံ)။ (၃)
နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
နောစိတ္တသဟဘူ ဓမ္မော စိတ္တသဟဘုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ။ (၂)
နောစိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ)။ (၃)
* ၂၆၉။ စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ စက္ခုဝိညာဏဉ္စ ဒွိန္နံ ခန္ဓာနံ…ပေ… ဒွေ ခန္ဓာ စ…ပေ… (သဗ္ဗံ ပဋိသန္ဓိယံ ကာတဗ္ဗံ, သဟဇာတံ ပုရေဇာတမ္ပိ)။ (၁)
စိတ္တသဟဘူ စ နောစိတ္တသဟဘူ စ ဓမ္မာ နောစိတ္တသဟဘုဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စက္ခုဝိညာဏသဟဂတာ ခန္ဓာ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော…ပေ… ကာယဝိညာဏသဟဂတာ…ပေ… စိတ္တသဟဘူ ခန္ဓာ စ စိတ္တဉ္စ နောစိတ္တသဟဘူနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – စိတ္တသဟဘူ ခန္ဓာ စ ဝတ္ထု စ စိတ္တဿ အတ္ထိပစ္စယေန ပစ္စယော။ သဟဇာတာ – စိတ္တသဟဘူ ခန္ဓာ စ မဟာဘူတာ စ နောစိတ္တသဟဘူနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော (ပဋိသန္ဓိက္ခဏေ တီဏိပိ ကာတဗ္ဗာ)။ ပစ္ဆာဇာတာ – စိတ္တသဟဘူ ခန္ဓာ စ စိတ္တဉ္စ ပုရေဇာတဿ ဣမဿ နောစိတ္တသဟဘုဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသဟဘူ ခန္ဓာ စ ကဗဠီကာရော အာဟာရော စ ဣမဿ နောစိတ္တသဟဘုဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသဟဘူ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ စ နောစိတ္တသဟဘုဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနံ စ…ပေ… (ပစ္စယဝါရသဒိသံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၂၇၀။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ,
ကမ္မေ တီဏိ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
ပစ္စနီယုဒ္ဓါရော
* ၂၇၁။ စိတ္တသဟဘူ ဓမ္မော စိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
စိတ္တသဟဘူ ဓမ္မော နောစိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
စိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)
* ၂၇၂။ နောစိတ္တသဟဘူ ဓမ္မော နောစိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောစိတ္တသဟဘူ ဓမ္မော စိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောစိတ္တသဟဘူ ဓမ္မော စိတ္တသဟဘုဿ စ နောစိတ္တသဟဘုဿ စ ဓမ္မဿ အာရမ္မဏပစ္စယေန ပစ္စယော … သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၂၇၃။ စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
စိတ္တသဟဘူ စ နောစိတ္တသဟဘူ စ ဓမ္မာ နောစိတ္တသဟဘုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
စိတ္တသဟဘူ စ နောစိတ္တသဟဘူ စ ဓမ္မာ စိတ္တသဟဘုဿ စ နောစိတ္တသဟဘုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၂၇၄။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၂၇၅။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၂၇၆။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ကာတဗ္ဗာ)။
စိတ္တသဟဘူဒုကံ နိဋ္ဌိတံ။
၆၂။ စိတ္တာနုပရိဝတ္တိဒုကံ
၁။ ပဋိစ္စဝါရော
* ၂၇၇။ စိတ္တာနုပရိဝတ္တိံ ဓမ္မံ ပဋိစ္စ စိတ္တာနုပရိဝတ္တိ ဓမ္မော ဥပ္ပဇ္ဇတိ ဟေတုပစ္စယာ – စိတ္တာနုပရိဝတ္တိံ ဧကံ ခန္ဓံ ပဋိစ္စ ဒွေ ခန္ဓာ စိတ္တာနုပရိဝတ္တိံ
စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယထာ စိတ္တသဟဘူဒုကံ ဧဝံ ဣမံ ဒုကံ ကာတဗ္ဗံ, နိန္နာနာကရဏံ)။
စိတ္တာနုပရိဝတ္တိဒုကံ နိဋ္ဌိတံ။
၆၃။ စိတ္တသံသဋ္ဌသမုဋ္ဌာနဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၇၈။ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ…ပေ…။ (၁)
စိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနေ ခန္ဓေ ပဋိစ္စ စိတ္တံ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ ပဋိစ္စ စိတ္တံ ကဋတ္တာ စ ရူပံ။ (၂)
စိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
* ၂၇၉။ နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, ပဋိသန္ဓိက္ခဏေ ဝတ္ထုံ ပဋိစ္စ စိတ္တသံသဋ္ဌသမုဋ္ဌာနာ ခန္ဓာ။ (၂)
နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ, ပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၂၈၀။ စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ…။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ စိတ္တဉ္စ ပဋိစ္စ ကဋတ္တာရူပံ, ပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, ပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ကဋတ္တာ စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၂၈၁။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ, ဝိပါကေ နဝ (သဗ္ဗတ္ထ နဝ), အဝိဂတေ နဝ။
အနုလောမံ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၂၈၂။ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသံသဋ္ဌသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ စိတ္တသံသဋ္ဌသမုဋ္ဌာနေ ခန္ဓေ ပဋိစ္စ စိတ္တံ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ…ပေ…။ (၂)
စိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စိတ္တသံသဋ္ဌသမုဋ္ဌာနံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ…။ (၃)
* ၂၈၃။ နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဝတ္ထုံ ပဋိစ္စ စိတ္တံ, ဧကံ မဟာဘူတံ…ပေ… (ယာဝ အသညသတ္တာ)။ (၁)
နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ၊ အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တသံသဋ္ဌသမုဋ္ဌာနာ ခန္ဓာ, ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၂၈၄။ စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… အဟေတုကပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတဉ္စ…ပေ… အဟေတုကပဋိသန္ဓိက္ခဏေ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ စိတ္တဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ စိတ္တသံသဋ္ဌသမုဋ္ဌာနေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, အဟေတုကေ စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ စိတ္တဉ္စ ပဋိစ္စ ကဋတ္တာရူပံ, အဟေတုကပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပဋိစ္စ ကဋတ္တာရူပံ, အဟေတုကပဋိသန္ဓိက္ခဏေ စိတ္တသံသဋ္ဌသမုဋ္ဌာနေ ခန္ဓေ စ ဝတ္ထုဉ္စ ပဋိစ္စ စိတ္တံ။ (၂)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… (အဟေတုကပဋိသန္ဓိက္ခဏေ ဒွေပိ ကာတဗ္ဗာ)။ (၃)
နအာရမ္မဏပစ္စယော
* ၂၈၅။ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသံသဋ္ဌသမုဋ္ဌာနေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)
နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ ကဋတ္တာရူပံ, စိတ္တံ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တသံသဋ္ဌသမုဋ္ဌာနေ
ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (ပဋိသန္ဓိက္ခဏေ ဒွေ, သံခိတ္တံ)။ (၁)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၈၆။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဆ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၂၈၇။ ဟေတုပစ္စယာ နအာရမ္မဏေ တီဏိ (သံခိတ္တံ)။
၄။ ပစ္စယပစ္စနီယာနုလောမံ
* ၂၈၈။ နဟေတုပစ္စယာ အာရမ္မဏေ နဝ, အနန္တရေ နဝ (သံခိတ္တံ)။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၆၃။ စိတ္တသံသဋ္ဌသမုဋ္ဌာနဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၈၉။ စိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ) တီဏိ (ပဋိစ္စဝါရသဒိသာ)။
နောစိတ္တသံသဋ္ဌသမုဋ္ဌာနံ ဓမ္မံ ပစ္စယာ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ…ပေ… (ယာဝ မဟာဘူတာ)။ (၁)
နောစိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပစ္စယာ သမ္ပယုတ္တကာ ခန္ဓာ, ဝတ္ထုံ ပစ္စယာ စိတ္တသံသဋ္ဌသမုဋ္ဌာနာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ) တီဏိ။ (၃)
* ၂၉၀။ စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ စ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနေ ခန္ဓေ စ စိတ္တဉ္စ ပစ္စယာ နောစိတ္တသံသဋ္ဌသမုဋ္ဌာနံ ရူပံ, စိတ္တသံသဋ္ဌသမုဋ္ဌာနေ ခန္ဓေ စ မဟာဘူတေ စ ပစ္စယာ နောစိတ္တသံသဋ္ဌသမုဋ္ဌာနံ ရူပံ, စိတ္တသံသဋ္ဌသမုဋ္ဌာနေ ခန္ဓေ စ ဝတ္ထုဉ္စ ပစ္စယာ စိတ္တံ (ပဋိသန္ဓိက္ခဏေ တီဏိပိ ကာတဗ္ဗာ)။ (၂)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသံသဋ္ဌသမုဋ္ဌာနဉ္စ ရူပံ, ဒွေ ခန္ဓေ…ပေ… စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၃)
အာရမ္မဏပစ္စယော
* ၂၉၁။ စိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စသဒိသာ)။
နောစိတ္တသံသဋ္ဌသမုဋ္ဌာနံ ဓမ္မံ ပစ္စယာ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ…ပေ… ဝတ္ထုံ ပစ္စယာ စိတ္တံ၊ ပဋိသန္ဓိက္ခဏေ…ပေ…။ (၁)
နောစိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနံ…ပေ… စိတ္တံ ပစ္စယာ သမ္ပယုတ္တကာ ခန္ဓာ, ဝတ္ထုံ ပစ္စယာ စိတ္တသံသဋ္ဌသမုဋ္ဌာနာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၂)
နောစိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ သမ္ပယုတ္တကာ စ ခန္ဓာ…ပေ… ကာယာယတနံ…ပေ… ဝတ္ထုံ ပစ္စယာ စိတ္တံ သမ္ပယုတ္တကာ စ ခန္ဓာ (ပဋိသန္ဓိက္ခဏေ ဧကံ ကာတဗ္ဗံ)။ (၃)
* ၂၉၂။ စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ စက္ခုဝိညာဏဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… ကာယဝိညာဏသဟဂတံ…ပေ… စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… (ပဋိသန္ဓိက္ခဏေ ဒွေ ကာတဗ္ဗာ)။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတေ ခန္ဓေ စ စက္ခာယတနဉ္စ ပစ္စယာ စက္ခုဝိညာဏံ …ပေ… ကာယဝိညာဏသဟဂတေ…ပေ… စိတ္တသံသဋ္ဌသမုဋ္ဌာနေ ခန္ဓေ စ ဝတ္ထုဉ္စ ပစ္စယာ စိတ္တံ (ပဋိသန္ဓိက္ခဏေ ဧကံ ကာတဗ္ဗံ)။ (၂)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ ပစ္စယာ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ ဝတ္ထုဉ္စ ပစ္စယာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… (ပဋိသန္ဓိက္ခဏေ ဧကံ ကာတဗ္ဗံ, သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၂၉၃။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), အဝိဂတေ နဝ။
၁။ ဝိဘင်္ဂဝါရော
၂။ ပစ္စယပစ္စနီယံ
* ၂၉၄။ စိတ္တသံသဋ္ဌသမုဋ္ဌာနံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ (ဧဝံ နဝ ပဉှာ ကာတဗ္ဗာ။ ပစ္စယဝါရေ ပဉ္စဝိညာဏမ္ပိ ကာတဗ္ဗံ, တီဏိယေဝ မောဟော)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၉၅။ နဟေတုယာ နဝ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ နဝ, နမဂ္ဂေ နဝ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၆၃။ စိတ္တသံသဋ္ဌသမုဋ္ဌာနဒုကံ
၅။ သံသဋ္ဌဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၂၉၆။ စိတ္တသံသဋ္ဌသမုဋ္ဌာနံ ဓမ္မံ သံသဋ္ဌော စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
စိတ္တသံသဋ္ဌသမုဋ္ဌာနံ ဓမ္မံ သံသဋ္ဌော နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနေ ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ (၂)
စိတ္တသံသဋ္ဌသမုဋ္ဌာနံ ဓမ္မံ သံသဋ္ဌော စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
နောစိတ္တသံသဋ္ဌသမုဋ္ဌာနံ ဓမ္မံ သံသဋ္ဌော စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၁)
စိတ္တသံသဋ္ဌသမုဋ္ဌာနဉ္စ နောစိတ္တသံသဋ္ဌသမုဋ္ဌာနဉ္စ ဓမ္မံ သံသဋ္ဌော စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁) (သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
* ၂၉၇။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
* ၂၉၈။ စိတ္တသံသဋ္ဌသမုဋ္ဌာနံ ဓမ္မံ သံသဋ္ဌော စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ။ တီဏိယေဝ မောဟော)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၂၉၉။ နဟေတုယာ ပဉ္စ, နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၆၃။ စိတ္တသံသဋ္ဌသမုဋ္ဌာနဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၀၀။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ ဟေတုပစ္စယေန ပစ္စယော – စိတ္တသံသဋ္ဌသမုဋ္ဌာနာ ဟေတူ သမ္ပယုတ္တကာနံ
ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) စိတ္တသံသဋ္ဌသမုဋ္ဌာနာ ဟေတူ စိတ္တဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) စိတ္တသံသဋ္ဌသမုဋ္ဌာနာ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၃၀၁။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော – စိတ္တသံသဋ္ဌသမုဋ္ဌာနေ ခန္ဓေ အာရဗ္ဘ စိတ္တသံသဋ္ဌသမုဋ္ဌာနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) စိတ္တသံသဋ္ဌသမုဋ္ဌာနေ ခန္ဓေ အာရဗ္ဘ စိတ္တံ ဥပ္ပဇ္ဇတိ။ (မူလံ ကာတဗ္ဗံ) စိတ္တသံသဋ္ဌသမုဋ္ဌာနေ ခန္ဓေ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ…ပေ… နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ…ပေ…။ (သံခိတ္တံ။ ယထာ စိတ္တသဟဘူဒုကေ အာရမ္မဏံ ဧဝံ ကာတဗ္ဗံ, နိန္နာနာကရဏံ။ နဝပိ ပဉှာ။)
အဓိပတိပစ္စယော
* ၃၀၂။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ… တီဏိ (ဒွေပိ အဓိပတီ ကာတဗ္ဗာ)။ (၃)
နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ… တီဏိ (ဒွေပိ အဓိပတိ ကာတဗ္ဗာ)။ (၃)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ စိတ္တသံသဋ္ဌသမုဋ္ဌာနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ (ဧကာယေဝ အဓိပတိ ကာတဗ္ဗာ, နဝပိ ပဉှာ။ ယထာ စိတ္တသဟဘူဒုကံ, ဧဝံ ကာတဗ္ဗံ, နိန္နာနာကရဏံ)။
အနန္တရပစ္စယာဒိ
* ၃၀၃။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အနန္တရပစ္စယေန ပစ္စယော (နဝပိ ပဉှာ စိတ္တသဟဘူဒုကသဒိသာ)… သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ (ပဋိစ္စသဒိသာ)… အညမညပစ္စယေန ပစ္စယော… နဝ (ပဋိစ္စသဒိသာ)… နိဿယပစ္စယေန ပစ္စယော… နဝ (ပစ္စယသဒိသာ)… ဥပနိဿယပစ္စယေန ပစ္စယော (နဝပိ ပဉှာ စိတ္တသဟဘူဒုကသဒိသာ, နိန္နာနာကရဏံ)။
ပုရေဇာတပစ္စယာဒိ
* ၃၀၄။ နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ… တီဏိ (စိတ္တသဟဘူဒုကသဒိသာ, နိန္နာနာကရဏံ)။
စိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ ပစ္ဆာဇာတပစ္စယေန ပစ္စယော (စိတ္တသဟဘူဒုကသဒိသာ, နိန္နာနာကရဏံ။ တီဏိပိ ပစ္ဆာဇာတာ။ ဒွေ။ ဧကမူလာနံ ဧကာ ဃဋနာ)… အာသေဝနပစ္စယေန ပစ္စယော… နဝ။
ကမ္မပစ္စယာဒိ
* ၃၀၅။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ ကမ္မပစ္စယေန ပစ္စယော… တီဏိ (စိတ္တသဟဘူဒုကသဒိသာ နိန္နာနာကရဏာ။ တီဏိပိ သဟဇာတာ, နာနာက္ခဏိကာ)… ဝိပါကပစ္စယေန ပစ္စယော… နဝ… အာဟာရပစ္စယေန ပစ္စယော… နဝ (စိတ္တသဟဘူဂမနသဒိသာ, ဧကံယေဝ ကဗဠီကာရံ အာဟာရံ)… ဣန္ဒြိယပစ္စယေန ပစ္စယော… နဝ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၃၀၆။ စိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တသံသဋ္ဌသမုဋ္ဌာနာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ…ပေ… ဝတ္ထု စိတ္တသံသဋ္ဌသမုဋ္ဌာနာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော…ပေ… ကာယာယတနံ…ပေ… ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ နောစိတ္တသံသဋ္ဌသမုဋ္ဌာနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။
အတ္ထိပစ္စယော
* ၃၀၇။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော (ပဋိစ္စသဒိသာ)။ စိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသာ)။ (၃)
နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (ပုရေဇာတသဒိသံ ပုရေဇာတံ ကာတဗ္ဗံ။ သဗ္ဗံ သံခိတ္တံ။ ဝိတ္ထာရေတဗ္ဗံ)။ (၁)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော၊ ပဋိသန္ဓိက္ခဏေ စိတ္တံ သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော, ပဋိသန္ဓိက္ခဏေ ဝတ္ထု စိတ္တသံသဋ္ဌသမုဋ္ဌာနာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ (ပုရေဇာတသဒိသံ, နိန္နာနာကရဏံ)။ (၂)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – စိတ္တံ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ စိတ္တံ သမ္ပယုတ္တကာနံ ခန္ဓာနံ ကဋတ္တာ စ ရူပါနံ အတ္ထိပစ္စယေန ပစ္စယော, ပဋိသန္ဓိက္ခဏေ ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ ပုရေဇာတံ (ပုရေဇာတသဒိသံ)။ (၃)
* ၃၀၈။ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ စိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခုဝိညာဏဉ္စ ဒွိန္နံ ခန္ဓာနံ…ပေ… ဒွေ ခန္ဓာ စ…ပေ… စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ…ပေ… ဒွေ ခန္ဓာ စ…ပေ… ကာယဝိညာဏသဟဂတော…ပေ… စိတ္တသံသဋ္ဌသမုဋ္ဌာနော ဧကော ခန္ဓော စ စိတ္တဉ္စ ဒွိန္နံ ခန္ဓာနံ အတ္ထိပစ္စယေန ပစ္စယော, ဒွေ ခန္ဓာ စ…ပေ… စိတ္တသံသဋ္ဌသမုဋ္ဌာနော ဧကော ခန္ဓော စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၁)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ နောစိတ္တသံသဋ္ဌသမုဋ္ဌာနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စက္ခုဝိညာဏသဟဂတာ ခန္ဓာ စ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော…ပေ… ကာယဝိညာဏသဟဂတာ…ပေ… စိတ္တသံသဋ္ဌသမုဋ္ဌာနာ ခန္ဓာ စ စိတ္တဉ္စ စိတ္တသံသဋ္ဌသမုဋ္ဌာနာနံ ရူပါနံ အတ္ထိပစ္စယေန ပစ္စယော, စိတ္တသံသဋ္ဌသမုဋ္ဌာနာ ခန္ဓာ စ မဟာဘူတာ စ စိတ္တသံသဋ္ဌသမုဋ္ဌာနာနံ ရူပါနံ အတ္ထိပစ္စယေန ပစ္စယော, စိတ္တသံသဋ္ဌသမုဋ္ဌာနာ ခန္ဓာ စ ဝတ္ထု စ စိတ္တဿ အတ္ထိပစ္စယေန ပစ္စယော။
(ပဋိသန္ဓိက္ခဏေ တီဏိ ကာတဗ္ဗာ)။ ပစ္ဆာဇာတာ – စိတ္တသံသဋ္ဌသမုဋ္ဌာနာ ခန္ဓာ စ စိတ္တဉ္စ ပုရေဇာတဿ ဣမဿ နောစိတ္တသံသဋ္ဌသမုဋ္ဌာနဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသံသဋ္ဌသမုဋ္ဌာနာ ခန္ဓာ စ စိတ္တဉ္စ ကဗဠီကာရော အာဟာရော စ ဣမဿ နောစိတ္တသံသဋ္ဌသမုဋ္ဌာနဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – စိတ္တသံသဋ္ဌသမုဋ္ဌာနာ ခန္ဓာ စ စိတ္တဉ္စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ စက္ခုဝိညာဏဿ စ အတ္ထိပစ္စယေန ပစ္စယော, ဒွေ ခန္ဓာ စ…ပေ… ကာယဝိညာဏသဟဂတော…ပေ…။ သဟဇာတော – စိတ္တသံသဋ္ဌသမုဋ္ဌာနော ဧကော ခန္ဓော စ စိတ္တဉ္စ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော, ဒွေ ခန္ဓာ စ…ပေ… စိတ္တသံသဋ္ဌသမုဋ္ဌာနော ဧကော ခန္ဓော စ ဝတ္ထု စ ဒွိန္နံ ခန္ဓာနံ စိတ္တဿ စ အတ္ထိပစ္စယေန ပစ္စယော, ဒွေ ခန္ဓာ စ…ပေ… (ပဋိသန္ဓိက္ခဏေ ဒွေပိ ကာတဗ္ဗာ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၀၉။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၃၁၀။ စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)
စိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
စိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)
* ၃၁၁။ နောစိတ္တသံသဋ္ဌသမုဋ္ဌာနော ဓမ္မော နောစိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောစိတ္တသံသဋ္ဌသမုဋ္ဌာနော ဓမ္မော စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၃၁၂။ စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ စိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ နောစိတ္တသံသဋ္ဌသမုဋ္ဌာနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
စိတ္တသံသဋ္ဌသမုဋ္ဌာနော စ နောစိတ္တသံသဋ္ဌသမုဋ္ဌာနော စ ဓမ္မာ စိတ္တသံသဋ္ဌသမုဋ္ဌာနဿ စ နောစိတ္တသံသဋ္ဌသမုဋ္ဌာနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ သင်္ချာဝါရော
၂။ ပစ္စယပစ္စနီယံ
* ၃၁၃။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၃၁၄။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ ဧကံ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ ဧကံ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၃၁၅။ နဟေတုပစ္စယာ အာရမ္မဏေ နဝ, အဓိပတိယာ နဝ (သဗ္ဗတ္ထ နဝ, အနုလောမမာတိကာ)။
စိတ္တသံသဋ္ဌသမုဋ္ဌာနဒုကံ နိဋ္ဌိတံ။
၆၄။ စိတ္တသံသဋ္ဌသမုဋ္ဌာနသဟဘူဒုကံ
၁။ ပဋိစ္စဝါရော
ဟေတုပစ္စယော
* ၃၁၆။ စိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ စိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနသဟဘုံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယထာ စိတ္တသံသဋ္ဌသမုဋ္ဌာနဒုကံ, ဧဝံ ဣမမ္ပိ ဒုကံ, နိန္နာနာကရဏံ)။
စိတ္တသံသဋ္ဌသမုဋ္ဌာနသဟဘူဒုကံ နိဋ္ဌိတံ။
၆၅။ စိတ္တသံသဋ္ဌသမုဋ္ဌာနာနုပရိဝတ္တိဒုကံ
၁။ ပဋိစ္စဝါရော
ဟေတုပစ္စယော
* ၃၁၇။ စိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တိ ဓမ္မော ဥပ္ပဇ္ဇတိ ဟေတုပစ္စယာ – စိတ္တသံသဋ္ဌသမုဋ္ဌာနာနုပရိဝတ္တိံ
ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယထာ စိတ္တသံသဋ္ဌသမုဋ္ဌာနဒုကသဒိသံ, နိန္နာနာကရဏံ)။
စိတ္တသံသဋ္ဌသမုဋ္ဌာနာနုပရိဝတ္တိဒုကံ နိဋ္ဌိတံ။
၆၆။ အဇ္ဈတ္တိကဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၁၈။ အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တံ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ဗာဟိရံ ကဋတ္တာ စ ရူပံ။ (၂)
အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ အဇ္ဈတ္တိကဉ္စ ဗာဟိရဉ္စ ကဋတ္တာရူပံ။ (၃)
* ၃၁၉။ ဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ ဗာဟိရံ ကဋတ္တာ စ ရူပံ, ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ဗာဟိရံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ ဗာဟိရေ ခန္ဓေ ပဋိစ္စ စိတ္တံ အဇ္ဈတ္တိကံ ကဋတ္တာ စ ရူပံ, ပဋိသန္ဓိက္ခဏေ ဗာဟိရံ ဝတ္ထုံ ပဋိစ္စ စိတ္တံ။ (၂)
ဗာဟိရံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ပဋိသန္ဓိက္ခဏေ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ အဇ္ဈတ္တိကဉ္စ ဗာဟိရဉ္စ
ကဋတ္တာရူပံ, ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၃၂၀။ အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ဗာဟိရံ ကဋတ္တာ စ ရူပံ, ဒွေ ခန္ဓေ စ…ပေ… စိတ္တဉ္စ မဟာဘူတေ စ ပဋိစ္စ ဗာဟိရံ ကဋတ္တာရူပံ, ပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ ဗာဟိရာ ခန္ဓာ။ (၂)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ အဇ္ဈတ္တိကဉ္စ ဗာဟိရဉ္စ ကဋတ္တာရူပံ, ဒွေ ခန္ဓေ စ…ပေ…။ (၃)
အာရမ္မဏပစ္စယော
* ၃၂၁။ အဇ္ဈတ္တိကံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ – စိတ္တံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ။ (၁)
ဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ – ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
ဗာဟိရံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ အာရမ္မဏပစ္စယာ – ဗာဟိရေ ခန္ဓေ ပဋိစ္စ စိတ္တံ၊ ပဋိသန္ဓိက္ခဏေ ဗာဟိရေ ခန္ဓေ ပဋိစ္စ စိတ္တံ, ပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၂)
ဗာဟိရံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ – ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ ဗာဟိရံ ဧကံ ခန္ဓံ စိတ္တဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… ပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ဝတ္ထုဉ္စ ပဋိစ္စ ဒွေ ခန္ဓာ, ဒွေ ခန္ဓေ စ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၂၂။ ဟေတုယာ နဝ, အာရမ္မဏေ ပဉ္စ, အဓိပတိယာ ပဉ္စ, အနန္တရေ ပဉ္စ, သမနန္တရေ ပဉ္စ, သဟဇာတေ နဝ, အညမညေ ပဉ္စ, နိဿယေ နဝ, ဥပနိဿယေ ပဉ္စ, ပုရေဇာတေ ပဉ္စ, အာသေဝနေ ပဉ္စ, ကမ္မေ နဝ, ဝိပါကေ နဝ (သဗ္ဗတ္ထ နဝ), သမ္ပယုတ္တေ ပဉ္စ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ပဉ္စ, ဝိဂတေ ပဉ္စ, အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၃၂၃။ အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ စိတ္တံ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ စိတ္တံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ ဗာဟိရံ ကဋတ္တာ စ ရူပံ, ဝိစိကိစ္ဆာသဟဂတံ ဥဒ္ဓစ္စသဟဂတံ စိတ္တံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ စိတ္တံ ပဋိစ္စ သမ္ပယုတ္တကာ ခန္ဓာ အဇ္ဈတ္တိကဉ္စ ဗာဟိရဉ္စ ကဋတ္တာရူပံ။ (၃)
* ၃၂၄။ ဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ…
အဟေတုကပဋိသန္ဓိက္ခဏေ …ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
ဗာဟိရံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဗာဟိရေ ခန္ဓေ ပဋိစ္စ စိတ္တံ၊ အဟေတုကပဋိသန္ဓိက္ခဏေ ဗာဟိရေ ခန္ဓေ ပဋိစ္စ စိတ္တံ အဇ္ဈတ္တိကံ ကဋတ္တာ စ ရူပံ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တံ။ (၂)
ဗာဟိရံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ …ပေ… အဟေတုကပဋိသန္ဓိက္ခဏေ ဗာဟိရံ ဧကံ ခန္ဓံ ပဋိစ္စ ဒွေ ခန္ဓာ စိတ္တဉ္စ အဇ္ဈတ္တိကဉ္စ ဗာဟိရဉ္စ ကဋတ္တာရူပံ, အဟေတုကပဋိသန္ဓိက္ခဏေ ဝတ္ထုံ ပဋိစ္စ စိတ္တံ သမ္ပယုတ္တကာ စ ခန္ဓာ။ (၃)
* ၃၂၅။ အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… အဟေတုကံ စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ ဗာဟိရံ ကဋတ္တာ စ ရူပံ၊ အဟေတုကပဋိသန္ဓိက္ခဏေ စိတ္တဉ္စ မဟာဘူတေ စ ပဋိစ္စ ဗာဟိရံ ကဋတ္တာရူပံ, အဟေတုကပဋိသန္ဓိက္ခဏေ စိတ္တဉ္စ ဝတ္ထုဉ္စ ပဋိစ္စ ဗာဟိရာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ စိတ္တဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ပဋိစ္စ ဒွေ ခန္ဓာ အဇ္ဈတ္တိကဉ္စ ဗာဟိရဉ္စ ကဋတ္တာရူပံ, ဒွေ ခန္ဓေ စ…ပေ…။ (၃)
နအာရမ္မဏပစ္စယော
* ၃၂၆။ အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ စိတ္တံ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နအာရမ္မဏပစ္စယာ – စိတ္တံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ စိတ္တံ ပဋိစ္စ ဗာဟိရံ ကဋတ္တာရူပံ။ (၂)
အဇ္ဈတ္တိကံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ၊ ပဋိသန္ဓိက္ခဏေ စိတ္တံ ပဋိစ္စ အဇ္ဈတ္တိကဉ္စ ဗာဟိရဉ္စ ကဋတ္တာရူပံ။ (၃)
ဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နအာရမ္မဏပစ္စယာ – ဗာဟိရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ ဗာဟိရေ ခန္ဓေ ပဋိစ္စ ဗာဟိရံ ကဋတ္တာရူပံ, ဗာဟိရေ ခန္ဓေ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
ဗာဟိရံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ ဗာဟိရေ ခန္ဓေ ပဋိစ္စ အဇ္ဈတ္တိကံ ကဋတ္တာရူပံ။ (၂)
ဗာဟိရံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ – ပဋိသန္ဓိက္ခဏေ ဗာဟိရေ ခန္ဓေ ပဋိစ္စ အဇ္ဈတ္တိကဉ္စ ဗာဟိရဉ္စ ကဋတ္တာရူပံ။ (၃)
* ၃၂၇။ အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ အဇ္ဈတ္တိကံ ကဋတ္တာရူပံ။ (၁)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နအာရမ္မဏပစ္စယာ – ဗာဟိရေ ခန္ဓေ စ စိတ္တဉ္စ ပဋိစ္စ စိတ္တသမုဋ္ဌာနံ ရူပံ, စိတ္တဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (ပဋိသန္ဓိက္ခဏေ ဒွေ ကာတဗ္ဗာ)။
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ – ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပဋိစ္စ အဇ္ဈတ္တိကဉ္စ ဗာဟိရဉ္စ ကဋတ္တာရူပံ (သံခိတ္တံ)။ (၃)
နဈာနပစ္စယော
* ၃၂၈။ အဇ္ဈတ္တိကံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဈာနပစ္စယာ – စက္ခုဝိညာဏံ ပဋိစ္စ သမ္ပယုတ္တကာ ခန္ဓာ…ပေ… ကာယဝိညာဏံ…ပေ…။
ဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဈာနပစ္စယာ – စက္ခုဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ, ဒွေ ခန္ဓေ…ပေ… ကာယဝိညာဏသဟဂတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ ဗာဟိရံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ နဈာနပစ္စယာ – စက္ခုဝိညာဏသဟဂတေ ခန္ဓေ ပဋိစ္စ စက္ခုဝိညာဏံ…ပေ… ကာယဝိညာဏသဟဂတေ ခန္ဓေ ပဋိစ္စ ကာယဝိညာဏံ။ ဗာဟိရံ ဓမ္မံ ပဋိစ္စ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ နဈာနပစ္စယာ – စက္ခုဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ စက္ခုဝိညာဏဉ္စ, ဒွေ ခန္ဓေ…ပေ… ကာယဝိညာဏသဟဂတံ ဧကံ ခန္ဓံ…ပေ…။ (၃)
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ နဈာနပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခုဝိညာဏဉ္စ ပဋိစ္စ ဒွေ ခန္ဓာ, ဒွေ ခန္ဓေ…ပေ… ကာယဝိညာဏံ (စက္ကံ)။
၂။ ပစ္စယပစ္စနီယံ
၂။ သင်္ချာဝါရော
* ၃၂၉။ နဟေတုယာ နဝ, နအာရမ္မဏေ နဝ, နအဓိပတိယာ နဝ, နအနန္တရေ နဝ (သဗ္ဗတ္ထ နဝ), နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ ပဉ္စ, နမဂ္ဂေ နဝ, နသမ္ပယုတ္တေ နဝ, နဝိပ္ပယုတ္တေ ပဉ္စ, နောနတ္ထိယာ နဝ, နောဝိဂတေ နဝ။
၃။ ပစ္စယာနုလောမပစ္စနီယံ
* ၃၃၀။ ဟေတုပစ္စယာ နအာရမ္မဏေ နဝ, နအဓိပတိယာ နဝ (သံခိတ္တံ)။
၄။ ပစ္စယပစ္စနီယာနုလောမံ
* ၃၃၁။ နဟေတုပစ္စယာ အာရမ္မဏေ ပဉ္စ, အနန္တရေ ပဉ္စ, သမနန္တရေ ပဉ္စ, သဟဇာတေ နဝ…ပေ… မဂ္ဂေ တီဏိ (သံခိတ္တံ)။
၂။ သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၆၆။ အဇ္ဈတ္တိကဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၃၂။ အဇ္ဈတ္တိကံ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသာ)။
ဗာဟိရံ ဓမ္မံ ပစ္စယာ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓံ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… (ပဋိသန္ဓိက္ခဏေ ဒွေပိ ကာတဗ္ဗာ, ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ ဗာဟိရာ ခန္ဓာ။ ဗာဟိရံ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရေ ခန္ဓေ ပစ္စယာ စိတ္တံ, ဝတ္ထုံ ပစ္စယာ စိတ္တံ (ပဋိသန္ဓိက္ခဏေ ဒွေပိ ကာတဗ္ဗာ)။ ဗာဟိရံ ဓမ္မံ ပစ္စယာ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဗာဟိရံ ဧကံ ခန္ဓံ ပစ္စယာ ဒွေ ခန္ဓာ စိတ္တဉ္စ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… ဝတ္ထုံ ပစ္စယာ စိတ္တံ သမ္ပယုတ္တကာ စ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ (၃)
* ၃၃၃။ အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ စိတ္တဉ္စ သမ္ပယုတ္တကေ စ ခန္ဓေ ပစ္စယာ အဇ္ဈတ္တိကံ ကဋတ္တာရူပံ။ အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ…ပေ… စိတ္တဉ္စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, စိတ္တဉ္စ ဝတ္ထုဉ္စ ပစ္စယာ ဗာဟိရာ ခန္ဓာ (ပဋိသန္ဓိက္ခဏေ တီဏိပိ ကာတဗ္ဗာ)။ အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဗာဟိရံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ အဇ္ဈတ္တိကဉ္စ ဗာဟိရဉ္စ ကဋတ္တာရူပံ, ဒွေ ခန္ဓေ…ပေ…။ (၃)
အာရမ္မဏပစ္စယော
* ၃၃၄။ အဇ္ဈတ္တိကံ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ …ပေ…။ အဇ္ဈတ္တိကံ ဓမ္မံ ပစ္စယာ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ –
စက္ခာယတနဉ္စ စက္ခုဝိညာဏဉ္စ ပစ္စယာ စက္ခုဝိညာဏသဟဂတာ ခန္ဓာ…ပေ… ကာယာယတနဉ္စ…ပေ… စိတ္တံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ အဇ္ဈတ္တိကံ ဓမ္မံ ပစ္စယာ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ သမ္ပယုတ္တကာ စ ခန္ဓာ…ပေ… ကာယာယတနံ…ပေ…။ (၃)
ဗာဟိရံ ဓမ္မံ ပစ္စယာ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ – ဗာဟိရံ ဧကံ ခန္ဓံ ပစ္စယာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ ဗာဟိရာ ခန္ဓာ။ ဗာဟိရံ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ အာရမ္မဏပစ္စယာ – ဗာဟိရေ ခန္ဓေ ပစ္စယာ စိတ္တံ, ဝတ္ထုံ ပစ္စယာ စိတ္တံ (ပဋိသန္ဓိက္ခဏေ ဒွေပိ ကာတဗ္ဗာ)။ ဗာဟိရံ ဓမ္မံ ပစ္စယာ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ စိတ္တဉ္စ သမ္ပယုတ္တကာ စ ခန္ဓာ (ပဋိသန္ဓိက္ခဏေ ဧကံ ကာတဗ္ဗံ)။ (၃)
* ၃၃၅။ အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတေ ခန္ဓေ စ စက္ခာယတနဉ္စ ပစ္စယာ စက္ခုဝိညာဏံ…ပေ… ကာယဝိညာဏသဟဂတေ…ပေ…။
အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ ဗာဟိရော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ စက္ခုဝိညာဏဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… ကာယဝိညာဏသဟဂတံ…ပေ… ဗာဟိရံ ဧကံ ခန္ဓဉ္စ စိတ္တဉ္စ ပစ္စယာ ဒွေ ခန္ဓာ, ဒွေ ခန္ဓေ…ပေ… စိတ္တဉ္စ ဝတ္ထုဉ္စ ပစ္စယာ ဗာဟိရာ ခန္ဓာ (ပဋိသန္ဓိက္ခဏေ ဒွေပိ ကာတဗ္ဗာ)။ အဇ္ဈတ္တိကဉ္စ ဗာဟိရဉ္စ ဓမ္မံ ပစ္စယာ အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ ဒွေ ခန္ဓာ စက္ခုဝိညာဏဉ္စ, ဒွေ ခန္ဓေ…ပေ… (သံခိတ္တံ)။ (၃)
၁။ ပစ္စယာနုလောမံ
၂။ သင်္ချာဝါရော
* ၃၃၆။ ဟေတုယာ နဝ, အာရမ္မဏေ နဝ, အဓိပတိယာ ပဉ္စ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ နဝ, အာသေဝနေ နဝ, ကမ္မေ နဝ (သဗ္ဗတ္ထ နဝ), အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၃၃၇။ အဇ္ဈတ္တိကံ ဓမ္မံ ပစ္စယာ အဇ္ဈတ္တိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ စိတ္တံ ပစ္စယာ အဇ္ဈတ္တိကံ ကဋတ္တာရူပံ, စက္ခာယတနံ ပစ္စယာ စက္ခုဝိညာဏံ။ (သံခိတ္တံ။ ဧဝံ နဝပိ ပဉှာ ကာတဗ္ဗာ။ ပဉ္စဝိညာဏမ္ပိ ပဝေသေတွာ တီဏိယေဝ မောဟော။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၃၃၈။ နဟေတုယာ နဝ, နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ နဝ, နဥပနိဿယေ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ ပဉ္စ, နအာဟာရေ ဧကံ, နဣန္ဒြိယေ ဧကံ, နဈာနေ နဝ, နမဂ္ဂေ နဝ, နသမ္ပယုတ္တေ နဝ, နဝိပ္ပယုတ္တေ ပဉ္စ, နောနတ္ထိယာ နဝ, နောဝိဂတေ နဝ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၆၆။ အဇ္ဈတ္တိကဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၃၃၉။ အဇ္ဈတ္တိကံ ဓမ္မံ သံသဋ္ဌော ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – စိတ္တံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ စိတ္တံ သံသဋ္ဌာ သမ္ပယုတ္တကာ ခန္ဓာ။ (၁)
ဗာဟိရံ ဓမ္မံ သံသဋ္ဌော ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓံ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ ဗာဟိရံ ဓမ္မံ သံသဋ္ဌော အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရေ ခန္ဓေ သံသဋ္ဌံ စိတ္တံ၊ ပဋိသန္ဓိက္ခဏေ…ပေ…။ ဗာဟိရံ ဓမ္မံ သံသဋ္ဌော အဇ္ဈတ္တိကော စ ဗာဟိရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဗာဟိရံ ဧကံ ခန္ဓံ သံသဋ္ဌာ ဒွေ ခန္ဓာ စိတ္တဉ္စ, ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
အဇ္ဈတ္တိကဉ္စ ဗာဟိရဉ္စ ဓမ္မံ သံသဋ္ဌော ဗာဟိရော ဓမ္မော ဥပ္ပဇ္ဇတိ ဟေတုပစ္စယာ – ဗာဟိရံ ဧကံ ခန္ဓဉ္စ စိတ္တဉ္စ သံသဋ္ဌာ ဒွေ ခန္ဓာ, ဒွေ ခန္ဓေ…ပေ… ပဋိသန္ဓိက္ခဏေ…ပေ… (သံခိတ္တံ)။ ဟေတုယာ ပဉ္စ, အာရမ္မဏေ ပဉ္စ, အဓိပတိယာ ပဉ္စ (သဗ္ဗတ္ထ ပဉ္စ), အဝိဂတေ ပဉ္စ (အနုလောမံ)။
အဇ္ဈတ္တိကံ ဓမ္မံ သံသဋ္ဌော ဗာဟိရော ဓမ္မော ဥပ္ပဇ္ဇတိ နဟေတုပစ္စယာ (ဧဝံ ပဉ္စ ကာတဗ္ဗာ, တီဏိယေဝ မောဟော)။
နဟေတုယာ ပဉ္စ, နအဓိပတိယာ ပဉ္စ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ ပဉ္စ, နဈာနေ ပဉ္စ, နမဂ္ဂေ ပဉ္စ, နဝိပ္ပယုတ္တေ ပဉ္စ (ပစ္စနီယံ)။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၆၆။ အဇ္ဈတ္တိကဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၄၀။ ဗာဟိရော ဓမ္မော ဗာဟိရဿ ဓမ္မဿ ဟေတုပစ္စယေန ပစ္စယော – ဗာဟိရာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော – ပဋိသန္ဓိက္ခဏေ ဗာဟိရာ ဟေတူ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ ဟေတုပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ ဟေတုပစ္စယေန ပစ္စယော – ဗာဟိရာ ဟေတူ စိတ္တဿ ဟေတုပစ္စယေန ပစ္စယော၊ ပဋိသန္ဓိက္ခဏေ ဗာဟိရာ ဟေတူ စိတ္တဿ အဇ္ဈတ္တိကာနဉ္စ ကဋတ္တာရူပါနံ ဟေတုပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ဟေတုပစ္စယေန ပစ္စယော – ဗာဟိရာ ဟေတူ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ ဗာဟိရာ ဟေတူ သမ္ပယုတ္တကာနံ ခန္ဓာနံ စိတ္တဿ စ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၃၄၁။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော – စိတ္တံ အာရဗ္ဘ စိတ္တံ ဥပ္ပဇ္ဇတိ။ (မူလံ ပုစ္ဆိတဗ္ဗံ) စိတ္တံ အာရဗ္ဘ ဗာဟိရာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) စိတ္တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဗာဟိရော ဓမ္မော ဗာဟိရဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ ပစ္စဝေက္ခတိ, ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ…ပေ… ဖလံ…ပေ… နိဗ္ဗာနံ ပစ္စဝေက္ခန္တိ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ ဗာဟိရေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ, ရူပေ…ပေ… ဝတ္ထုံ ဗာဟိရေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန ဗာဟိရစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏသဟဂတာနံ ခန္ဓာနံ အာရမ္မဏပစ္စယေန ပစ္စယော…ပေ… ဖောဋ္ဌဗ္ဗာယတနံ…ပေ… ဗာဟိရာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ပုဗ္ဗေ သုစိဏ္ဏာနိ…ပေ… ဈာနံ…ပေ… (သံခိတ္တံ, သဗ္ဗံ ကာတဗ္ဗံ) ပုဗ္ဗေ သမုဒါစိဏ္ဏေ…ပေ… ရူပေ…ပေ… ဝတ္ထုံ ဗာဟိရေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ…ပေ… ဗာဟိရာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၃)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ (သံခိတ္တံ, သဗ္ဗံ ကာတဗ္ဗံ)။ ဗာဟိရေ ခန္ဓေ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ…ပေ… ရူပါယတနံ စက္ခုဝိညာဏဿ စ သမ္ပယုတ္တကာနဉ္စ ခန္ဓာနံ…ပေ… ဖောဋ္ဌဗ္ဗာယတနံ…ပေ… ဗာဟိရာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၃)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော… တီဏိ။
အဓိပတိပစ္စယော
* ၃၄၂။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စိတ္တံ ဂရုံ ကတွာ စိတ္တံ ဥပ္ပဇ္ဇတိ။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – စိတ္တံ ဂရုံ ကတွာ ဗာဟိရာ ခန္ဓာ ဥပ္ပဇ္ဇန္တိ။ သဟဇာတာဓိပတိ – စိတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (မူလံ) အာရမ္မဏာဓိပတိ – အဇ္ဈတ္တိကံ စိတ္တံ ဂရုံ ကတွာ စိတ္တဉ္စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဗာဟိရော ဓမ္မော ဗာဟိရဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ…ပေ… တီဏိ (ဒွေ အဓိပတီ တိဏ္ဏမ္ပိ ကာတဗ္ဗာ)။ (၃)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အဓိပတိပစ္စယေန ပစ္စယော… တီဏိ (တိဏ္ဏမ္ပိ ဧကာယေဝ အဓိပတိ)။
အနန္တရပစ္စယာဒိ
* ၃၄၃။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အနန္တရပစ္စယေန ပစ္စယော – ပုရိမံ ပုရိမံ စိတ္တံ ပစ္ဆိမဿ ပစ္ဆိမဿ စိတ္တဿ အနန္တရပစ္စယေန ပစ္စယော… တီဏိ။
ဗာဟိရော ဓမ္မော ဗာဟိရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဗာဟိရာ ခန္ဓာ ပစ္ဆိမာနံ ပစ္ဆိမာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… တီဏိ (တိဏ္ဏမ္ပိ ဧကသဒိသာ)။
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အနန္တရပစ္စယေန ပစ္စယော… တီဏိ, သမနန္တရပစ္စယေန ပစ္စယော… နဝ, သဟဇာတပစ္စယေန ပစ္စယော… နဝ (ပဋိစ္စသဒိသာ), အညမညပစ္စယေန ပစ္စယော… ပဉ္စ (ပဋိစ္စသဒိသာ), နိဿယပစ္စယေန ပစ္စယော… နဝ, (ပစ္စယဝါရသဒိသာ)။
ဥပနိဿယပစ္စယော
* ၃၄၄။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – စိတ္တံ စိတ္တဿ ဥပနိဿယပစ္စယေန ပစ္စယော… တီဏိ။
ဗာဟိရော ဓမ္မော ဗာဟိရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော, (တီဏိပိ ပူရေတွာ ကာတဗ္ဗာ, စိတ္တဿာတိ ကာတဗ္ဗာ, သမ္ပယုတ္တကာနဉ္စာတိ ကာတဗ္ဗာ)။
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ ဥပနိဿယပစ္စယေန ပစ္စယော… တီဏိ။
ပုရေဇာတပစ္စယော
* ၃၄၅။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ –
စက္ခုံ…ပေ… ကာယံ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ စိတ္တံ ဥပ္ပဇ္ဇတိ။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ပုရေဇာတပစ္စယေန ပစ္စယော။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ကာယံ အနိစ္စတော…ပေ… ဝိပဿတိ, အဿာဒေတိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ ကာယဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော။ (၂)
အဇ္ဈတ္တိကော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ကာယံ အနိစ္စတော…ပေ… ဝိပဿတိ, တံ အာရဗ္ဘ စိတ္တဉ္စ သမ္ပယုတ္တကာ ခန္ဓာ စ ဥပ္ပဇ္ဇန္တိ။ ဝတ္ထုပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယာယတနံ ကာယဝိညာဏဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
* ၃၄၆။ ဗာဟိရော ဓမ္မော ဗာဟိရဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – ရူပေ…ပေ… ဖောဋ္ဌဗ္ဗေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု ဗာဟိရာနံ ခန္ဓာနံ ပုရေဇာတပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – ရူပေ…ပေ… ဖောဋ္ဌဗ္ဗေ… ဝတ္ထုံ အနိစ္စတော…ပေ… တံ အာရဗ္ဘ စိတ္တံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု စိတ္တဿ ပုရေဇာတပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – ရူပေ…ပေ… ဖောဋ္ဌဗ္ဗေ… ဝတ္ထုံ အနိစ္စတော…ပေ… တံ အာရဗ္ဘ စိတ္တဉ္စ သမ္ပယုတ္တကာ ခန္ဓာ စ ဥပ္ပဇ္ဇန္တိ။ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ
သဒ္ဒံ သုဏာတိ။ ဝတ္ထုပုရေဇာတံ – ဝတ္ထု စိတ္တဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
* ၃၄၇။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စက္ခာယတနဉ္စ ဝတ္ထု စ စိတ္တဿ…ပေ… ကာယာယတနဉ္စ ဝတ္ထု စ စိတ္တဿ ပုရေဇာတပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ ပုရေဇာတပစ္စယေန ပစ္စယော။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စက္ခာယတနဉ္စ ဝတ္ထု စ ဗာဟိရာနံ ခန္ဓာနံ ပုရေဇာတပစ္စယေန ပစ္စယော…ပေ… ကာယာယတနဉ္စ ဝတ္ထု စ ဗာဟိရာနံ ခန္ဓာနံ ပုရေဇာတပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏသဟဂတာနံ ခန္ဓာနံ ပုရေဇာတပစ္စယေန ပစ္စယော။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ စက္ခာယတနဉ္စ ဝတ္ထု စ စိတ္တဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… ကာယာယတနဉ္စ ဝတ္ထု စ…ပေ… ရူပါယတနဉ္စ စက္ခာယတနဉ္စ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနဉ္စ…ပေ…။ (၃)
ပစ္ဆာဇာတာသေဝနပစ္စယာ
* ၃၄၈။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဇ္ဈတ္တိကာ ခန္ဓာ ပုရေဇာတဿ ဣမဿ အဇ္ဈတ္တိကဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အဇ္ဈတ္တိကာ ခန္ဓာ ပုရေဇာတဿ ဣမဿ ဗာဟိရဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အဇ္ဈတ္တိကာ ခန္ဓာ ပုရေဇာတဿ ဣမဿ အဇ္ဈတ္တိကဿ စ ဗာဟိရဿ စ
ကာယဿ ပစ္ဆာဇာတပစ္စယေန ပစ္စယော (ဧဝံ နဝပိ ပဉှာ ကာတဗ္ဗာ), အာသေဝနပစ္စယေန ပစ္စယော (နဝ ပဉှာ ကာတဗ္ဗာ)။
ကမ္မ-ဝိပါကပစ္စယာ
* ၃၄၉။ ဗာဟိရော ဓမ္မော ဗာဟိရဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဗာဟိရာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ဗာဟိရာ စေတနာ ဝိပါကာနံ ဗာဟိရာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဗာဟိရာ စေတနာ စိတ္တဿ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ဗာဟိရာ စေတနာ ဝိပါကဿ စိတ္တဿ အဇ္ဈတ္တိကာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဗာဟိရာ စေတနာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ဗာဟိရာ စေတနာ ဝိပါကာနံ ခန္ဓာနံ စိတ္တဿ စ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၃) ဝိပါကပစ္စယေန ပစ္စယော… နဝ။
အာဟာရပစ္စယော
* ၃၅၀။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အာဟာရပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ အာဟာရာ အဇ္ဈတ္တိကာနံ ကဋတ္တာရူပါနံ အာဟာရပစ္စယေန ပစ္စယော။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ အာဟာရပစ္စယေန ပစ္စယော – အဇ္ဈတ္တိကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ အဇ္ဈတ္တိကာ အာဟာရာ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ အာဟာရပစ္စယေန ပစ္စယော။ (မူလံ ကာတဗ္ဗံ) ပဋိသန္ဓိက္ခဏေ အဇ္ဈတ္တိကာ အာဟာရာ
သမ္ပယုတ္တကာနံ ခန္ဓာနံ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ အာဟာရပစ္စယေန ပစ္စယော။ (၃)
* ၃၅၁။ ဗာဟိရော ဓမ္မော ဗာဟိရဿ ဓမ္မဿ အာဟာရပစ္စယေန ပစ္စယော – ဗာဟိရာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ဗာဟိရော ကဗဠီကာရော အာဟာရော ဗာဟိရဿ ကာယဿ အာဟာရပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ အာဟာရပစ္စယေန ပစ္စယော – ဗာဟိရာ အာဟာရာ စိတ္တဿ အာဟာရပစ္စယေန ပစ္စယော၊ ပဋိသန္ဓိက္ခဏေ ဗာဟိရာ အာဟာရာ စိတ္တဿ အဇ္ဈတ္တိကာနဉ္စ ကဋတ္တာရူပါနံ အာဟာရပစ္စယေန ပစ္စယော၊ ဗာဟိရော ကဗဠီကာရော အာဟာရော အဇ္ဈတ္တိကဿ ကာယဿ အာဟာရပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အာဟာရပစ္စယေန ပစ္စယော – ဗာဟိရာ အာဟာရာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ ဗာဟိရာ အာဟာရာ သမ္ပယုတ္တကာနံ ခန္ဓာနံ စိတ္တဿ စ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ အာဟာရပစ္စယေန ပစ္စယော၊ ဗာဟိရော ကဗဠီကာရော အာဟာရော အဇ္ဈတ္တိကဿ စ ဗာဟိရဿ စ ကာယဿ အာဟာရပစ္စယေန ပစ္စယော။ (၃)
* ၃၅၂။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အာဟာရပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ အာဟာရာ အဇ္ဈတ္တိကာနံ ကဋတ္တာရူပါနံ အာဟာရပစ္စယေန ပစ္စယော။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ အာဟာရပစ္စယေန ပစ္စယော – အဇ္ဈတ္တိကာ စ ဗာဟိရာ စ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ အာဟာရာ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ အာဟာရပစ္စယေန ပစ္စယော။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ အာဟာရပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ
အာဟာရာ သမ္ပယုတ္တကာနံ ခန္ဓာနံ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ အာဟာရပစ္စယေန ပစ္စယော။ (၃)
ဣန္ဒြိယပစ္စယော
* ၃၅၃။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ ဣန္ဒြိယပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ ဣန္ဒြိယာ အဇ္ဈတ္တိကာနံ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ ဣန္ဒြိယပစ္စယေန ပစ္စယော – အဇ္ဈတ္တိကာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ အဇ္ဈတ္တိကာ ဣန္ဒြိယာ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယံ စက္ခုဝိညာဏသဟဂတာနံ ခန္ဓာနံ…ပေ… ကာယိန္ဒြိယံ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (၂)
အဇ္ဈတ္တိကော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ဣန္ဒြိယပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ ဣန္ဒြိယာ သမ္ပယုတ္တကာနံ ခန္ဓာနံ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယိန္ဒြိယံ ကာယဝိညာဏဿ သမ္ပယုတ္တကာနဉ္စ ခန္ဓာနံ ဣန္ဒြိယပစ္စယေန ပစ္စယော။ (၃)
* ၃၅၄။ ဗာဟိရော ဓမ္မော ဗာဟိရဿ ဓမ္မဿ ဣန္ဒြိယပစ္စယေန ပစ္စယော – ဗာဟိရာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ ဗာဟိရာ ဣန္ဒြိယာ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, ရူပဇီဝိတိန္ဒြိယံ ဗာဟိရာနံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ ဣန္ဒြိယပစ္စယေန ပစ္စယော – ဗာဟိရာ ဣန္ဒြိယာ စိတ္တဿ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ ဗာဟိရာ ဣန္ဒြိယာ စိတ္တဿ အဇ္ဈတ္တိကာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, ရူပဇီဝိတိန္ဒြိယံ အဇ္ဈတ္တိကာနံ ကဋတ္တာရူပါနံ ဣန္ဒြိယပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ဣန္ဒြိယပစ္စယေန ပစ္စယော – ဗာဟိရာ ဣန္ဒြိယာ သမ္ပယုတ္တကာနံ ခန္ဓာနံ စိတ္တဿ စ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ ဗာဟိရာ ဣန္ဒြိယာ သမ္ပယုတ္တကာနံ ခန္ဓာနံ စိတ္တဿ စ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, ရူပဇီဝိတိန္ဒြိယံ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော။ (၃)
* ၃၅၅။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ ဣန္ဒြိယပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ဣန္ဒြိယာ အဇ္ဈတ္တိကာနံ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏဿ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ သုခိန္ဒြိယံ စ…ပေ… ကာယိန္ဒြိယဉ္စ ဒုက္ခိန္ဒြိယဉ္စ ကာယဝိညာဏဿ ဣန္ဒြိယပစ္စယေန ပစ္စယော။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ ဣန္ဒြိယပစ္စယေန ပစ္စယော – အဇ္ဈတ္တိကာ စ ဗာဟိရာ စ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ဣန္ဒြိယာ သမ္ပယုတ္တကာနံ ခန္ဓာနံ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ သုခိန္ဒြိယဉ္စ…ပေ… ကာယိန္ဒြိယဉ္စ ဒုက္ခိန္ဒြိယဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ ဣန္ဒြိယပစ္စယေန ပစ္စယော – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ဣန္ဒြိယာ သမ္ပယုတ္တကာနံ ခန္ဓာနံ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော, စက္ခုန္ဒြိယဉ္စ ဥပေက္ခိန္ဒြိယဉ္စ စက္ခုဝိညာဏဿ သမ္ပယုတ္တကာနဉ္စ ခန္ဓာနံ ဣန္ဒြိယပစ္စယေန ပစ္စယော… ကာယိန္ဒြိယဉ္စ…ပေ…။ (၃)
ဈာနပစ္စယာဒိ
* ၃၅၆။ ဗာဟိရော ဓမ္မော ဗာဟိရဿ ဓမ္မဿ ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ပဉ္စ။
ဝိပ္ပယုတ္တပစ္စယော
* ၃၅၇။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – ပဋိသန္ဓိက္ခဏေ စိတ္တံ အဇ္ဈတ္တိကာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ ခန္ဓာ ပုရေဇာတဿ ဣမဿ အဇ္ဈတ္တိကဿ ကာယဿ ဝိပ္ပယုတ္တပစ္စယေန ပစ္စယော။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – အဇ္ဈတ္တိကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပုရေဇာတံ – စက္ခာယတနံ စက္ခုဝိညာဏသဟဂတာနံ ခန္ဓာနံ…ပေ… ကာယာယတနံ ကာယဝိညာဏသဟဂတာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ ခန္ဓာ ပုရေဇာတဿ ဣမဿ ဗာဟိရဿ ကာယဿ ဝိပ္ပယုတ္တပစ္စယေန ပစ္စယော။ (၂)
အဇ္ဈတ္တိကော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – ပဋိသန္ဓိက္ခဏေ အဇ္ဈတ္တိကာ ခန္ဓာ အဇ္ဈတ္တိကာနဉ္စ ဗာဟိရာနဉ္စ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ သမ္ပယုတ္တကာနဉ္စ ခန္ဓာနံ…ပေ… ကာယာယတနံ ကာယဝိညာဏဿ သမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ ခန္ဓာ ပုရေဇာတဿ ဣမဿ အဇ္ဈတ္တိကဿ စ ဗာဟိရဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
* ၃၅၈။ ဗာဟိရော ဓမ္မော ဗာဟိရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – ဗာဟိရာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဗာဟိရာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဗာဟိရာ ခန္ဓာ ပုရေဇာတဿ ဣမဿ ဗာဟိရဿ ကာယဿ ဝိပ္ပယုတ္တပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – ပဋိသန္ဓိက္ခဏေ ဗာဟိရာ ခန္ဓာ အဇ္ဈတ္တိကာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု စိတ္တဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဗာဟိရာ ခန္ဓာ ပုရေဇာတဿ ဣမဿ အဇ္ဈတ္တိကဿ ကာယဿ ဝိပ္ပယုတ္တပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၃)
* ၃၅၉။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ခန္ဓာ အဇ္ဈတ္တိကာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတံ – ပစ္ဆာဇာတာ…ပေ… (သံခိတ္တံ)။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ခန္ဓာ…ပေ… (သံခိတ္တံ)။ (၃)
အတ္ထိပစ္စယာဒိ
* ၃၆၀။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – ပဋိသန္ဓိက္ခဏေ စိတ္တံ အဇ္ဈတ္တိကာနံ ကဋတ္တာရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ကာယံ အနိစ္စတော…ပေ… (ပုရေဇာတသဒိသံ, နိန္နာနာကရဏံ)။ ပစ္ဆာဇာတံ (ပစ္ဆာဇာတသဒိသံ ကာတဗ္ဗံ)။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – သဟဇာတာ အဇ္ဈတ္တိကာ ခန္ဓာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (သံခိတ္တံ)။ (၂)
(ဣဓ အတ္ထိ သဗ္ဗဋ္ဌာနေ သဟဇာတံ ပစ္စယဝါရသဒိသံ။ ပုရေဇာတံ ပုရေဇာတသဒိသံ။ ပစ္ဆာဇာတံ ပစ္ဆာဇာတသဒိသံ ကာတဗ္ဗံ, နိန္နာနာကရဏံ)။
အဇ္ဈတ္တိကော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၃)
* ၃၆၁။ ဗာဟိရော ဓမ္မော ဗာဟိရဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သဗ္ဗံ ဝိတ္ထာရေတဗ္ဗံ)။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၃)
* ၃၆၂။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – စက္ခုဝိညာဏသဟဂတာ ခန္ဓာ စ စက္ခာယတနဉ္စ စက္ခုဝိညာဏသဟဂတာ ခန္ဓာ စ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော…ပေ… ကာယဝိညာဏသဟဂတာ ခန္ဓာ စ…ပေ… ပဋိသန္ဓိက္ခဏေ အဇ္ဈတ္တိကာ စ ဗာဟိရာ စ ခန္ဓာ အဇ္ဈတ္တိကာနံ ကဋတ္တာရူပါနံ အတ္ထိပစ္စယေန ပစ္စယော။ ပုရေဇာတံ – စက္ခာယတနဉ္စ ဝတ္ထု စ စိတ္တဿ အတ္ထိပစ္စယေန ပစ္စယော…ပေ… ကာယာယတနဉ္စ ဝတ္ထု စ စိတ္တဿ အတ္ထိပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ စ ဗာဟိရာ စ ခန္ဓာ ပုရေဇာတဿ ဣမဿ အဇ္ဈတ္တိကဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ စ ဗာဟိရာ စ ခန္ဓာ ကဗဠီကာရော အာဟာရော စ ဣမဿ အဇ္ဈတ္တိကဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အဇ္ဈတ္တိကာ စ ဗာဟိရာ စ ခန္ဓာ ရူပဇီဝိတိန္ဒြိယဉ္စ အဇ္ဈတ္တိကာနံ ကဋတ္တာရူပါနံ အတ္ထိပစ္စယေန ပစ္စယော။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။
သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ စက္ခုဝိညာဏဉ္စ ဒွိန္နံ ခန္ဓာနံ အတ္ထိပစ္စယေန ပစ္စယော…ပေ… (သဟဇာတပစ္စယဝါရသဒိသံ နိန္နာနာကရဏံ, ပဌမဂမနသဒိသံယေဝ။ သဗ္ဗေ ပဒါ ပဌမဃဋနာနယေန ဝိဘဇိတဗ္ဗာ)။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ ဒွိန္နံ ခန္ဓာနံ စက္ခုဝိညာဏဿ စ အတ္ထိပစ္စယေန ပစ္စယော (သံခိတ္တံ။ သဗ္ဗေ ပဒါ ဝိဘဇိတဗ္ဗာ ပဌမဃဋနာနယေန)။ (၃)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၆၃။ ဟေတုယာ တီဏိ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ပဉ္စ, နိဿယေ နဝ, ဥပနိဿယေ နဝ, ပုရေဇာတေ နဝ, ပစ္ဆာဇာတေ နဝ, အာသေဝနေ နဝ, ကမ္မေ တီဏိ, ဝိပါကေ နဝ, အာဟာရေ နဝ, ဣန္ဒြိယေ နဝ, ဈာနေ တီဏိ, မဂ္ဂေ တီဏိ, သမ္ပယုတ္တေ ပဉ္စ, ဝိပ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၃၆၄။ အဇ္ဈတ္တိကော ဓမ္မော အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၁)
အဇ္ဈတ္တိကော ဓမ္မော ဗာဟိရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
အဇ္ဈတ္တိကော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)
* ၃၆၅။ ဗာဟိရော ဓမ္မော ဗာဟိရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ဗာဟိရော ဓမ္မော အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)
ဗာဟိရော ဓမ္မော အဇ္ဈတ္တိကဿ စ ဗာဟိရဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
* ၃၆၆။ အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော … သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၁)
အဇ္ဈတ္တိကော စ ဗာဟိရော စ ဓမ္မာ ဗာဟိရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
အဇ္ဈတ္တိကော စ ဗာဟိရော စ ဓမ္မာ အဇ္ဈတ္တိကဿ စ ဗာဟိရဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၃၆၇။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၃၆၈။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၃၆၉။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ကာတဗ္ဗာ)…ပေ… အဝိဂတေ နဝ။
အဇ္ဈတ္တိကဒုကံ နိဋ္ဌိတံ။
၆၇။ ဥပါဒါဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၇၀။ ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နောဥပါဒါ ခန္ဓာ။ (၁)
နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ နောဥပါဒါ ဧကံ ခန္ဓံ ပဋိစ္စ တယော ခန္ဓာ နောဥပါဒါ စ ကဋတ္တာရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါ ခန္ဓေ ပဋိစ္စ ဥပါဒါ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… မဟာဘူတေ ပဋိစ္စ ဥပါဒါ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ ဟေတုပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ ဥပါဒါ စ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)
ဥပါဒါ စ နောဥပါဒါ စ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ နောဥပါဒါ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ, ဒွေ ခန္ဓေ စ…ပေ…။ (၁)
အာရမ္မဏပစ္စယော
* ၃၇၁။ ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နောဥပါဒါ ခန္ဓာ။ (၁)
နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)
ဥပါဒါ စ နောဥပါဒါ စ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ နောဥပါဒါ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
အဓိပတိပစ္စယာဒိ
* ၃၇၂။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အဓိပတိပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ…။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ အဓိပတိပစ္စယာ – နောဥပါဒါ ခန္ဓေ ပဋိစ္စ ဥပါဒါ စိတ္တသမုဋ္ဌာနံ ရူပံ, မဟာဘူတေ ပဋိစ္စ ဥပါဒါ စိတ္တသမုဋ္ဌာနံ ရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ အဓိပတိပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ ဥပါဒါ စ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ…။ (၃)
အနန္တရပစ္စယာ တီဏိ, သမနန္တရပစ္စယာ တီဏိ, သဟဇာတပစ္စယာ ပဉ္စ။
အညမညပစ္စယော
* ၃၇၃။ ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အညမညပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နောဥပါဒါ ခန္ဓာ။ (၁)
နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အညမညပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…
ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ ပဋိစ္စ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ အညမညပစ္စယာ – ပဋိသန္ဓိက္ခဏေ နောဥပါဒါ ခန္ဓေ ပဋိစ္စ ဝတ္ထု။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ အညမညပစ္စယာ – ပဋိသန္ဓိက္ခဏေ နောဥပါဒါ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ…ပေ…။ (၃)
ဥပါဒါ စ နောဥပါဒါ စ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ အညမညပစ္စယာ – ပဋိသန္ဓိက္ခဏေ နောဥပါဒါ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၇၄။ ဟေတုယာ ပဉ္စ, အာရမ္မဏေ တီဏိ, အဓိပတိယာ တီဏိ, အနန္တရေ တီဏိ, သမနန္တရေ တီဏိ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ, ကမ္မေ ပဉ္စ, ဝိပါကေ ပဉ္စ (သဗ္ဗတ္ထ ပဉ္စ), သမ္ပယုတ္တေ တီဏိ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ တီဏိ, ဝိဂတေ တီဏိ, အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၃၇၅။ ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ နောဥပါဒါ ခန္ဓာ။ (၁)
နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါ ဧကံ ခန္ဓံ ပဋိစ္စ တယော ခန္ဓာ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ ပဋိစ္စ ဒွေ မဟာဘူတာ, ဝိစိကိစ္ဆာသဟဂတေ
ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ နောဥပါဒါ ခန္ဓေ ပဋိစ္စ ဥပါဒါ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ…ပေ… မဟာဘူတေ ပဋိစ္စ ဥပါဒါ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ…ပေ… (ယာဝ အသညသတ္တာ)။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ နောဥပါဒါ ဧကံ ခန္ဓံ ပဋိစ္စ တယော ခန္ဓာ ဥပါဒါ စ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ…။ (၃)
ဥပါဒါ စ နောဥပါဒါ စ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ နောဥပါဒါ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
နအာရမ္မဏပစ္စယာဒိ
* ၃၇၆။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နအာရမ္မဏပစ္စယာ – နောဥပါဒါ ခန္ဓေ ပဋိစ္စ နောဥပါဒါ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဧကံ မဟာဘူတံ…ပေ… (ယာဝ အသညသတ္တာ) ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နအာရမ္မဏပစ္စယာ – နောဥပါဒါ ခန္ဓေ ပဋိစ္စ ဥပါဒါ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… မဟာဘူတေ ပဋိစ္စ ဥပါဒါ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ (ယာဝ အသညသတ္တာ)။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နအာရမ္မဏပစ္စယာ – နောဥပါဒါ ခန္ဓေ ပဋိစ္စ ဥပါဒါ စ နောဥပါဒါ စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)
နအဓိပတိပစ္စယာ ပဉ္စ, နအနန္တရပစ္စယာ တီဏိ…ပေ… နဥပနိဿယပစ္စယာ ပဉ္စ, နပုရေဇာတပစ္စယာ ပဉ္စ, နပစ္ဆာဇာတပစ္စယာ ပဉ္စ, နအာသေဝနပစ္စယာ ပဉ္စ။
နကမ္မပစ္စယော
* ၃၇၇။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နကမ္မပစ္စယာ – နောဥပါဒါ ခန္ဓေ ပဋိစ္စ သမ္ပယုတ္တကာ စေတနာ၊ ဗာဟိရံ အာဟာရသမုဋ္ဌာနံ ဥတုသမုဋ္ဌာနံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နကမ္မပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ မဟာဘူတေ ပဋိစ္စ ဥပါဒါရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နကမ္မပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ ဧကံ မဟာဘူတံ ပဋိစ္စ တယော မဟာဘူတာ ဥပါဒါ စ ရူပံ…ပေ… ဒွေ မဟာဘူတေ…ပေ…။ (၃)
နဝိပါကပစ္စယော
* ၃၇၈။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဝိပါကပစ္စယာ – နောဥပါဒါ ဧကံ ခန္ဓံ ပဋိစ္စ တယော ခန္ဓာ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… (ယာဝ အသညသတ္တာ, ဧဝံ တီဏိ နောဥပါဒါမူလကေ)။
နအာဟာရပစ္စယော
* ၃၇၉။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ ဥတုသမုဋ္ဌာနံ အသညသတ္တာနံ ဧကံ မဟာဘူတံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ ဥတုသမုဋ္ဌာနံ အသညသတ္တာနံ မဟာဘူတေ ပဋိစ္စ ဥပါဒါရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နအာဟာရပစ္စယာ – ဗာဟိရံ ဥတုသမုဋ္ဌာနံ အသညသတ္တာနံ ဧကံ မဟာဘူတံ ပဋိစ္စ တယော မဟာဘူတာ ဥပါဒါ စ ရူပံ…ပေ… ဒွေ မဟာဘူတေ…ပေ…။ (၃)
နဣန္ဒြိယပစ္စယော
* ၃၈၀။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ ဧကံ မဟာဘူတံ…ပေ…။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ။
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နဣန္ဒြိယပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ ဧကံ မဟာဘူတံ…ပေ…။ (၃)
နဈာနပစ္စယာဒိ
* ၃၈၁။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ အာဟာရသမုဋ္ဌာနံ ဥတုသမုဋ္ဌာနံ အသညသတ္တာနံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နဈာနပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ အသညသတ္တာနံ မဟာဘူတေ ပဋိစ္စ ဥပါဒါ ကဋတ္တာရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နဈာနပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ အသညသတ္တာနံ ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ…ပေ… မဟာဘူတေ ပဋိစ္စ ဥပါဒါ ကဋတ္တာရူပံ ဥပါဒါရူပံ။ (၃)
ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နမဂ္ဂပစ္စယာ ပဉ္စ… နသမ္ပယုတ္တပစ္စယာ… တီဏိ။
နဝိပ္ပယုတ္တပစ္စယာဒိ
* ၃၈၂။ နောဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ နောဥပါဒါ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ အာဟာရသမုဋ္ဌာနံ ဥတုသမုဋ္ဌာနံ အသညသတ္တာနံ ဧကံ မဟာဘူတံ…ပေ…။ (၁)
နောဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ အသညသတ္တာနံ မဟာဘူတေ ပဋိစ္စ ဥပါဒါ ကဋတ္တာရူပံ, ဥပါဒါရူပံ။ (၂)
နောဥပါဒါ ဓမ္မံ ပဋိစ္စ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ ဧကံ မဟာဘူတံ ပဋိစ္စ တယော မဟာဘူတာ ဥပါဒါ စ ရူပံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ ဥပါဒါ စ ရူပံ, အသညသတ္တာနံ ဧကံ မဟာဘူတံ ပဋိစ္စ တယော မဟာဘူတာ ကဋတ္တာ စ ရူပံ ဥပါဒါရူပံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ ကဋတ္တာ စ ရူပံ ဥပါဒါရူပံ… နောနတ္ထိပစ္စယာ… နောဝိဂတပစ္စယာ။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၃၈၃။ နဟေတုယာ ပဉ္စ, နအာရမ္မဏေ တီဏိ, နအဓိပတိယာ ပဉ္စ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ ပဉ္စ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ တီဏိ, နအာဟာရေ တီဏိ, နဣန္ဒြိယေ တီဏိ, နဈာနေ တီဏိ, နမဂ္ဂေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၃၈၄။ ဟေတုပစ္စယာ နအာရမ္မဏေ တီဏိ, နအဓိပတိယာ ပဉ္စ…ပေ… နကမ္မေ ဧကံ, နဝိပါကေ တီဏိ…ပေ… နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၃၈၅။ နဟေတုပစ္စယာ အာရမ္မဏေ တီဏိ, အနန္တရေ တီဏိ, သမနန္တရေ တီဏိ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ တီဏိ, ပုရေဇာတေ ဧကံ, အာသေဝနေ ဧကံ…ပေ… မဂ္ဂေ ဧကံ…ပေ… အဝိဂတေ ပဉ္စ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၆၇။ ဥပါဒါဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၈၆။ ဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ နောဥပါဒါ ခန္ဓာ၊ ပဋိသန္ဓိက္ခဏေ…ပေ…။ (၁)
နောဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ… တီဏိ (နောဥပါဒါမူလကေ တီဏိပိ ပဋိစ္စသဒိသာ, နိန္နာနာကရဏာ)။ (၃)
ဥပါဒါ စ နောဥပါဒါ စ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ပဋိသန္ဓိက္ခဏေ…ပေ…။ (၁)
အာရမ္မဏပစ္စယော
* ၃၈၇။ ဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ နောဥပါဒါ ခန္ဓာ၊ ပဋိသန္ဓိက္ခဏေ…ပေ…။ (၁)
နောဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ… ဧကံ (ပဋိစ္စသဒိသံ)။ (၁)
ဥပါဒါ ဓမ္မဉ္စ နောဥပါဒါ ဓမ္မဉ္စ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ကာယဝိညာဏသဟဂတံ…ပေ… နောဥပါဒါ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၈၈။ ဟေတုယာ ပဉ္စ, အာရမ္မဏေ တီဏိ, အဓိပတိယာ ပဉ္စ, အနန္တရေ တီဏိ, သမနန္တရေ တီဏိ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ တီဏိ, ပုရေဇာတေ တီဏိ, အာသေဝနေ တီဏိ, ကမ္မေ ပဉ္စ…ပေ… အဝိဂတေ ပဉ္စ (ဧဝံ ဂဏေတဗ္ဗံ)။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယာဒိ
* ၃၈၉။ ဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ နောဥပါဒါ ခန္ဓာ၊ အဟေတုကပဋိသန္ဓိက္ခဏေ…ပေ… ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နောဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါ ဧကံ ခန္ဓံ ပစ္စယာ တယော ခန္ဓာ နောဥပါဒါ စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဧကံ မဟာဘူတံ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (တီဏိပိ ပဋိစ္စသဒိသာ, နိန္နာနာကရဏာ)။ (၃)
ဥပါဒါ စ နောဥပါဒါ စ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ကာယဝိညာဏသဟဂတံ…ပေ… အဟေတုကံ နောဥပါဒါ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယာ တီဏိ, နအာသေဝနပစ္စယာ ပဉ္စ။
နကမ္မပစ္စယာဒိ
* ၃၉၀။ ဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ နောဥပါဒါ စေတနာ။ (၁)
နောဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နကမ္မပစ္စယာ – နောဥပါဒါ ခန္ဓေ ပစ္စယာ သမ္ပယုတ္တကာ စေတနာ၊ ဗာဟိရံ အာဟာရသမုဋ္ဌာနံ ဥတုသမုဋ္ဌာနံ…ပေ… ဒွေ မဟာဘူတေ ပစ္စယာ ဒွေ မဟာဘူတာ။ (၁)
နောဥပါဒါ ဓမ္မံ ပစ္စယာ ဥပါဒါ ဓမ္မော ဥပ္ပဇ္ဇတိ နကမ္မပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ မဟာဘူတေ ပစ္စယာ ဥပါဒါရူပံ။ (၂)
နောဥပါဒါ ဓမ္မံ ပစ္စယာ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နကမ္မပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ ဧကံ မဟာဘူတံ ပစ္စယာ တယော မဟာဘူတာ ဥပါဒါ စ ရူပံ…ပေ… ဒွေ မဟာဘူတေ…ပေ…။ (၃)
ဥပါဒါ စ နောဥပါဒါ စ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နကမ္မပစ္စယာ – နောဥပါဒါ ခန္ဓေ စ ဝတ္ထုဉ္စ ပစ္စယာ နောဥပါဒါ စေတနာ။ (၁)
နဝိပါကပစ္စယာ ပဉ္စ, နအာဟာရပစ္စယာ တီဏိ, နဣန္ဒြိယပစ္စယာ တီဏိ။
နဈာနပစ္စယာဒိ
* ၃၉၁။ ဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဈာနပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၁)
နောဥပါဒါ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ အာဟာရသမုဋ္ဌာနံ ဥတုသမုဋ္ဌာနံ အသညသတ္တာနံ…ပေ… ဒွေ မဟာဘူတေ ပစ္စယာ ဒွေ မဟာဘူတာ။ (၁)
နောဥပါဒါ ဓမ္မံ ပစ္စယာ ဥပါဒါ ဓမ္မော ဥပ္ပဇ္ဇတိ နဈာနပစ္စယာ – ဗာဟိရေ အာဟာရသမုဋ္ဌာနေ ဥတုသမုဋ္ဌာနေ အသညသတ္တာနံ မဟာဘူတေ ပစ္စယာ ဥပါဒါ ကဋတ္တာရူပံ။ (၂)
နောဥပါဒါ ဓမ္မံ ပစ္စယာ ဥပါဒါ စ နောဥပါဒါ စ ဓမ္မာ ဥပ္ပဇ္ဇန္တိ နဈာနပစ္စယာ – ဗာဟိရံ အာဟာရသမုဋ္ဌာနံ ဥတုသမုဋ္ဌာနံ အသညသတ္တာနံ ဧကံ မဟာဘူတံ ပစ္စယာ တယော မဟာဘူတာ ဥပါဒါ စ ကဋတ္တာရူပံ…ပေ… ဒွေ…ပေ…။ (၃)
ဥပါဒါ စ နောဥပါဒါ စ ဓမ္မံ ပစ္စယာ နောဥပါဒါ ဓမ္မော ဥပ္ပဇ္ဇတိ နဈာနပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)
နမဂ္ဂပစ္စယာ ပဉ္စ, နသမ္ပယုတ္တပစ္စယာ တီဏိ, နဝိပ္ပယုတ္တပစ္စယာ တီဏိ, နောနတ္ထိပစ္စယာ တီဏိ, နောဝိဂတပစ္စယာ တီဏိ။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၃၉၂။ နဟေတုယာ ပဉ္စ, နအာရမ္မဏေ တီဏိ, နအဓိပတိယာ ပဉ္စ…ပေ… နကမ္မေ ပဉ္စ, နဝိပါကေ ပဉ္စ, နအာဟာရေ တီဏိ, နဣန္ဒြိယေ တီဏိ, နဈာနေ ပဉ္စ, နမဂ္ဂေ ပဉ္စ, နသမ္ပယုတ္တေ တီဏိ, နဝိပ္ပယုတ္တေ တီဏိ, နောနတ္ထိယာ တီဏိ, နောဝိဂတေ တီဏိ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၆၇။ ဥပါဒါဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၃၉၃။ နောဥပါဒါ ဓမ္မံ သံသဋ္ဌော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ သံသဋ္ဌာ ဒွေ ခန္ဓာ၊ ပဋိသန္ဓိက္ခဏေ…ပေ… (သံခိတ္တံ)။
ဟေတုယာ ဧကံ, အာရမ္မဏေ ဧကံ, အဓိပတိယာ ဧကံ (သဗ္ဗတ္ထ ဧကံ), အဝိဂတေ ဧကံ။
အနုလောမံ။
နောဥပါဒါ ဓမ္မံ သံသဋ္ဌော နောဥပါဒါ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
နဟေတုယာ ဧကံ, နအဓိပတိယာ ဧကံ, နပုရေဇာတေ ဧကံ, နပစ္ဆာဇာတေ ဧကံ, နအာသေဝနေ ဧကံ, နကမ္မေ ဧကံ, နဝိပါကေ ဧကံ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဧကံ။
ပစ္စနီယံ။
၆။ သမ္ပယုတ္တဝါရော
(ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၆၇။ ဥပါဒါဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၃၉၄။ နောဥပါဒါ ဓမ္မော နောဥပါဒါ ဓမ္မဿ ဟေတုပစ္စယေန ပစ္စယော – နောဥပါဒါ ဟေတူ သမ္ပယုတ္တကာနံ ခန္ဓာနံ နောဥပါဒါ စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောဥပါဒါ ဓမ္မော ဥပါဒါ ဓမ္မဿ ဟေတုပစ္စယေန ပစ္စယော – နောဥပါဒါ ဟေတူ ဥပါဒါ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)
နောဥပါဒါ ဓမ္မော ဥပါဒါ စ နောဥပါဒါ စ ဓမ္မဿ ဟေတုပစ္စယေန ပစ္စယော – နောဥပါဒါ ဟေတူ သမ္ပယုတ္တကာနံ ခန္ဓာနံ ဥပါဒါ စ နောဥပါဒါ စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)
အာရမ္မဏပစ္စယော
* ၃၉၅။ ဥပါဒါ ဓမ္မော နောဥပါဒါ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ကာယံ… ရူပေ…ပေ… ရသေ ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ရသာယတနံ ဇိဝှါဝိညာဏဿ အာရမ္မဏပစ္စယေန ပစ္စယော, ဥပါဒါ ခန္ဓာ ဣဒ္ဓိဝိဓဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောဥပါဒါ ဓမ္မော နောဥပါဒါ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ …ပေ… ဥပေါသထကမ္မံ ကတွာ တံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… ဖောဋ္ဌဗ္ဗေ နောဥပါဒါ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန နောဥပါဒါစိတ္တသမင်္ဂိဿ စိတ္တံ
ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော၊ နောဥပါဒါ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
* ၃၉၆။ ဥပါဒါ ဓမ္မော နောဥပါဒါ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ကာယံ… ရူပေ…ပေ… ရသေ ဝတ္ထုံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
နောဥပါဒါ ဓမ္မော နောဥပါဒါ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ အဓိပတိပစ္စယေန ပစ္စယော၊ ဖောဋ္ဌဗ္ဗေ နောဥပါဒါ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောဥပါဒါဓိပတိ သမ္ပယုတ္တကာနံ ခန္ဓာနံ နောဥပါဒါ စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)
နောဥပါဒါ ဓမ္မော ဥပါဒါ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နောဥပါဒါဓိပတိ ဥပါဒါ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
နောဥပါဒါ ဓမ္မော ဥပါဒါ စ နောဥပါဒါ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နောဥပါဒါဓိပတိ သမ္ပယုတ္တကာနံ ခန္ဓာနံ ဥပါဒါ စ နောဥပါဒါ စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယာဒိ
* ၃၉၇။ နောဥပါဒါ ဓမ္မော နောဥပါဒါ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောဥပါဒါ ခန္ဓာ ပစ္ဆိမာနံ ပစ္ဆိမာနံ နောဥပါဒါ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
သမနန္တရပစ္စယေန ပစ္စယော… သဟဇာတပစ္စယေန ပစ္စယော (ပဋိစ္စသဒိသံ)… အညမညပစ္စယေန ပစ္စယော (ပဋိစ္စသဒိသံ)… နိဿယပစ္စယေန ပစ္စယော (ပစ္စယဝါရေ နိဿယသဒိသံ)။
ဥပနိဿယပစ္စယော
* ၃၉၈။ ဥပါဒါ ဓမ္မော နောဥပါဒါ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, ပကတူပနိဿယော…ပေ…။ ပကတူပနိဿယော – စက္ခုသမ္ပဒံ…ပေ… ကာယသမ္ပဒံ… ဝဏ္ဏသမ္ပဒံ… သဒ္ဒသမ္ပဒံ… ဂန္ဓသမ္ပဒံ… ရသသမ္ပဒံ… ဘောဇနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ, စက္ခုသမ္ပဒါ…ပေ… ကာယသမ္ပဒါ… ဝဏ္ဏသမ္ပဒါ… သဒ္ဒသမ္ပဒါ… ဂန္ဓသမ္ပဒါ… ရသသမ္ပဒါ… ဘောဇနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောဥပါဒါ ဓမ္မော နောဥပါဒါ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ… ရာဂံ …ပေ… ပတ္ထနံ… ကာယိကံ သုခံ… ကာယိကံ ဒုက္ခံ… ဥတုံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
* ၃၉၉။ ဥပါဒါ ဓမ္မော နောဥပါဒါ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ…
ရသာယတနံ ဇိဝှါဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ…ပေ… ဝတ္ထု နောဥပါဒါ ခန္ဓာနံ ပုရေဇာတပစ္စယေန ပစ္စယော။ (၁)
နောဥပါဒါ ဓမ္မော နောဥပါဒါ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ (၁)
ဥပါဒါ စ နောဥပါဒါ စ ဓမ္မာ နောဥပါဒါ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ ပုရေဇာတပစ္စယေန ပစ္စယော၊ ဖောဋ္ဌဗ္ဗာယတနဉ္စ ဝတ္ထု စ နောဥပါဒါ ခန္ဓာနံ ပုရေဇာတပစ္စယေန ပစ္စယော။ (၁)
ပစ္ဆာဇာတာသေဝနပစ္စယာ
* ၄၀၀။ နောဥပါဒါ ဓမ္မော နောဥပါဒါ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နောဥပါဒါ ခန္ဓာ ပုရေဇာတဿ ဣမဿ နောဥပါဒါ ကာယဿ ပစ္ဆာဇာတပစ္စယေန ပစ္စယော။ (မူလံ ပုစ္ဆိတဗ္ဗံ) ပစ္ဆာဇာတာ နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ ပစ္ဆာဇာတပစ္စယေန ပစ္စယော။ (မူလံ ပုစ္ဆိတဗ္ဗံ) ပစ္ဆာဇာတာ နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ စ နောဥပါဒါ ကာယဿ စ ပစ္ဆာဇာတပစ္စယေန ပစ္စယော။ (၃)
အာသေဝနပစ္စယေန ပစ္စယော… ဧကံ။
ကမ္မပစ္စယော
* ၄၀၁။ နောဥပါဒါ ဓမ္မော နောဥပါဒါ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောဥပါဒါ စေတနာ သမ္ပယုတ္တကာနံ ခန္ဓာနံ နောဥပါဒါ စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောဥပါဒါ စေတနာ ဝိပါကာနံ ခန္ဓာနံ နောဥပါဒါ စ ကဋတ္တာရူပါနံ ကမ္မပစ္စယေန ပစ္စယော။ (၁)
နောဥပါဒါ ဓမ္မော ဥပါဒါ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောဥပါဒါ စေတနာ ဥပါဒါ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောဥပါဒါ စေတနာ ဥပါဒါ ကဋတ္တာရူပါနံ ကမ္မပစ္စယေန ပစ္စယော။ (၂)
နောဥပါဒါ ဓမ္မော ဥပါဒါ စ နောဥပါဒါ စ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောဥပါဒါ စေတနာ သမ္ပယုတ္တကာနံ ခန္ဓာနံ ဥပါဒါ စ နောဥပါဒါ စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောဥပါဒါ စေတနာ ဝိပါကာနံ ခန္ဓာနံ ဥပါဒါ စ နောဥပါဒါ စ ကဋတ္တာရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
* ၄၀၂။ နောဥပါဒါ ဓမ္မော နောဥပါဒါ ဓမ္မဿ ဝိပါကပစ္စယေန ပစ္စယော – ဝိပါကော နောဥပါဒါ ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… တီဏိ။
အာဟာရပစ္စယော
* ၄၀၃။ ဥပါဒါ ဓမ္မော ဥပါဒါ ဓမ္မဿ အာဟာရပစ္စယေန ပစ္စယော – ကဗဠီကာရော အာဟာရော ဣမဿ ဥပါဒါ ကာယဿ အာဟာရပစ္စယေန ပစ္စယော။ (မူလံ ပုစ္ဆိတဗ္ဗံ) ကဗဠီကာရော အာဟာရော ဣမဿ နောဥပါဒါ ကာယဿ အာဟာရပစ္စယေန ပစ္စယော။ (မူလံ ပုစ္ဆိတဗ္ဗံ) ကဗဠီကာရော အာဟာရော ဣမဿ ဥပါဒါ ကာယဿ စ နောဥပါဒါ ကာယဿ စ အာဟာရပစ္စယေန ပစ္စယော။ (၃)
နောဥပါဒါ ဓမ္မော နောဥပါဒါ ဓမ္မဿ အာဟာရပစ္စယေန ပစ္စယော – နောဥပါဒါ အာဟာရာ သမ္ပယုတ္တကာနံ ခန္ဓာနံ နောဥပါဒါ စ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… (နောဥပါဒါမူလကေ တီဏိ, ပဋိသန္ဓိက္ခဏေ တီဏိပိ ကာတဗ္ဗာ)။ (၃)
ဣန္ဒြိယပစ္စယော
* ၄၀၄။ ဥပါဒါ ဓမ္မော ဥပါဒါ ဓမ္မဿ ဣန္ဒြိယပစ္စယေန ပစ္စယော – ရူပဇီဝိတိန္ဒြိယံ ဥပါဒါ ကဋတ္တာရူပါနံ ဣန္ဒြိယပစ္စယေန ပစ္စယော။ (မူလံ ကာတဗ္ဗံ) စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ရူပဇီဝိတိန္ဒြိယံ နောဥပါဒါ ကဋတ္တာရူပါနံ ဣန္ဒြိယပစ္စယေန ပစ္စယော။ (မူလံ ကာတဗ္ဗံ) ရူပဇီဝိတိန္ဒြိယံ ဥပါဒါ စ နောဥပါဒါ စ ကဋတ္တာရူပါနံ ဣန္ဒြိယပစ္စယေန ပစ္စယော။ (၃)
နောဥပါဒါ ဓမ္မော နောဥပါဒါ ဓမ္မဿ ဣန္ဒြိယပစ္စယေန ပစ္စယော… တီဏိ၊ ပဋိသန္ဓိက္ခဏေ…ပေ…။
ဥပါဒါ စ နောဥပါဒါ စ ဓမ္မာ နောဥပါဒါ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ…ပေ…။
ဈာနပစ္စယာဒိ
* ၄၀၅။ နော ဥပါဒါ ဓမ္မော နောဥပါဒါ ဓမ္မဿ ဈာနပစ္စယေန ပစ္စယော… တီဏိ, မဂ္ဂပစ္စယေန ပစ္စယော… တီဏိ၊ ပဋိသန္ဓိက္ခဏေ…ပေ… သမ္ပယုတ္တပစ္စယေန ပစ္စယော… ဧကံ။
ဝိပ္ပယုတ္တပစ္စယော
* ၄၀၆။ ဥပါဒါ ဓမ္မော နောဥပါဒါ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု နောဥပါဒါ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ…ပေ… ဝတ္ထု နောဥပါဒါ ခန္ဓာနံ ဝိပ္ပယုတ္တပစ္စယေန ပစ္စယော။ (၁)
နောဥပါဒါ ဓမ္မော နောဥပါဒါ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နောဥပါဒါ ခန္ဓာ နောဥပါဒါ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ နောဥပါဒါ ခန္ဓာ နောဥပါဒါ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ နောဥပါဒါ ကာယဿ ဝိပ္ပယုတ္တပစ္စယေန ပစ္စယော။ (၁)
နောဥပါဒါ ဓမ္မော ဥပါဒါ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နောဥပါဒါ ခန္ဓာ ဥပါဒါ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ ဝိပ္ပယုတ္တပစ္စယေန ပစ္စယော။ (၂)
နောဥပါဒါ ဓမ္မော ဥပါဒါ ဓမ္မဿ စ နောဥပါဒါ ဓမ္မဿ စ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နောဥပါဒါ ခန္ဓာ
ဥပါဒါ စ နောဥပါဒါ စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ စ နောဥပါဒါ ကာယဿ စ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယော
* ၄၀၇။ ဥပါဒါ ဓမ္မော ဥပါဒါ ဓမ္မဿ အတ္ထိပစ္စယေန ပစ္စယော – အာဟာရံ, ဣန္ဒြိယံ။ ကဗဠီကာရော အာဟာရော ဣမဿ ဥပါဒါ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ဥပါဒါ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒါ ဓမ္မော နောဥပါဒါ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, အာဟာရံ, ဣန္ဒြိယံ။ သဟဇာတံ – ပဋိသန္ဓိက္ခဏေ ဝတ္ထု နောဥပါဒါ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ အနိစ္စတော…ပေ… (သံခိတ္တံ။ ပုရေဇာတသဒိသံ နိန္နာနာကရဏံ)။ ကဗဠီကာရော အာဟာရော ဣမဿ နောဥပါဒါ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ နောဥပါဒါ ကဋတ္တာရူပါနံ အတ္ထိပစ္စယေန ပစ္စယော။ (၂)
ဥပါဒါ ဓမ္မော ဥပါဒါ ဓမ္မဿ စ နောဥပါဒါ ဓမ္မဿ စ အတ္ထိပစ္စယေန ပစ္စယော – အာဟာရံ, ဣန္ဒြိယံ။ ကဗဠီကာရော အာဟာရော ဣမဿ ဥပါဒါ ကာယဿ စ နောဥပါဒါ ကာယဿ စ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ဥပါဒါ စ နောဥပါဒါ စ ကဋတ္တာရူပါနံ အတ္ထိပစ္စယေန ပစ္စယော။ (၃)
* ၄၀၈။ နောဥပါဒါ ဓမ္မော နောဥပါဒါ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတော – နောဥပါဒါ ဧကော ခန္ဓော တိဏ္ဏန္နံ ခန္ဓာနံ နောဥပါဒါ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ဧကံ မဟာဘူတံ တိဏ္ဏန္နံ မဟာဘူတာနံ အတ္ထိပစ္စယေန ပစ္စယော …ပေ… ဒွေ မဟာဘူတာ ဒွိန္နံ မဟာဘူတာနံ အတ္ထိပစ္စယေန ပစ္စယော (ယာဝ အသညသတ္တာ)။ ပုရေဇာတံ – ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ။ ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ နောဥပါဒါ ကာယဿ အတ္ထိပစ္စယေန ပစ္စယော။ (၁)
နောဥပါဒါ ဓမ္မော ဥပါဒါ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – နောဥပါဒါ ခန္ဓာ ဥပါဒါ စိတ္တသမုဋ္ဌာနာနံ
ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ အတ္ထိပစ္စယေန ပစ္စယော။ (၂)
နောဥပါဒါ ဓမ္မော ဥပါဒါ စ နောဥပါဒါ စ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတော – နောဥပါဒါ ဧကော ခန္ဓော တိဏ္ဏန္နံ ခန္ဓာနံ ဥပါဒါ စ နောဥပါဒါ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဒွေ ခန္ဓာ…ပေ… ပဋိသန္ဓိက္ခဏေ…ပေ…။ ပစ္ဆာဇာတာ – နောဥပါဒါ ခန္ဓာ ပုရေဇာတဿ ဣမဿ ဥပါဒါ ကာယဿ စ နောဥပါဒါ ကာယဿ စ အတ္ထိပစ္စယေန ပစ္စယော။ (၃)
* ၄၀၉။ ဥပါဒါ စ နောဥပါဒါ စ ဓမ္မာ ဥပါဒါ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ, အာဟာရံ, ဣန္ဒြိယံ။ ပစ္ဆာဇာတာ – နောဥပါဒါ ခန္ဓာ စ ကဗဠီကာရော အာဟာရော စ ဣမဿ ဥပါဒါ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နောဥပါဒါ ခန္ဓာ စ ရူပဇီဝိတိန္ဒြိယဉ္စ ဥပါဒါ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒါ စ နောဥပါဒါ စ ဓမ္မာ နောဥပါဒါ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… နောဥပါဒါ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ နောဥပါဒါ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ ပုရေဇာတံ – ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော။ ဖောဋ္ဌဗ္ဗာယတနဉ္စ ဝတ္ထု စ နောဥပါဒါ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နောဥပါဒါ ခန္ဓာ စ ကဗဠီကာရော အာဟာရော စ ဣမဿ နောဥပါဒါ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နောဥပါဒါ ခန္ဓာ စ ရူပဇီဝိတိန္ဒြိယဉ္စ နောဥပါဒါ ကဋတ္တာရူပါနံ အတ္ထိပစ္စယေန ပစ္စယော။ (၂)
ဥပါဒါ စ နောဥပါဒါ စ ဓမ္မာ ဥပါဒါ ဓမ္မဿ စ နောဥပါဒါ ဓမ္မဿ စ အတ္ထိပစ္စယေန ပစ္စယော – ပစ္ဆာဇာတံ, အာဟာရံ, ဣန္ဒြိယံ။ ပစ္ဆာဇာတာ – နောဥပါဒါ ခန္ဓာ စ ကဗဠီကာရော အာဟာရော စ ဣမဿ ဥပါဒါ ကာယဿ စ နောဥပါဒါ ကာယဿ စ အတ္ထိပစ္စယေန ပစ္စယော။
ပစ္ဆာဇာတာ – နောဥပါဒါ ခန္ဓာ စ ရူပဇီဝိတိန္ဒြိယဉ္စ ဥပါဒါ စ နောဥပါဒါ စ ကဋတ္တာရူပါနံ အတ္ထိပစ္စယေန ပစ္စယော။ (၃)
၂။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၁၀။ ဟေတုယာ တီဏိ, အာရမ္မဏေ ဒွေ, အဓိပတိယာ စတ္တာရိ, အနန္တရေ ဧကံ, သမနန္တရေ ဧကံ, သဟဇာတေ ပဉ္စ, အညမညေ ပဉ္စ, နိဿယေ ပဉ္စ, ဥပနိဿယေ ဒွေ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ ဧကံ, ကမ္မေ တီဏိ, ဝိပါကေ တီဏိ, အာဟာရေ ဆ, ဣန္ဒြိယေ သတ္တ, ဈာနေ တီဏိ, မဂ္ဂေ တီဏိ, သမ္ပယုတ္တေ ဧကံ, ဝိပ္ပယုတ္တေ စတ္တာရိ, အတ္ထိယာ နဝ, နတ္ထိယာ ဧကံ, ဝိဂတေ ဧကံ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၄၁၁။ ဥပါဒါ ဓမ္မော ဥပါဒါ ဓမ္မဿ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ဥပါဒါ ဓမ္မော နောဥပါဒါ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)
ဥပါဒါ ဓမ္မော ဥပါဒါ ဓမ္မဿ စ နောဥပါဒါ ဓမ္မဿ စ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)
* ၄၁၂။ နောဥပါဒါ ဓမ္မော နောဥပါဒါ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၁)
နောဥပါဒါ ဓမ္မော ဥပါဒါ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
နောဥပါဒါ ဓမ္မော ဥပါဒါ ဓမ္မဿ စ နောဥပါဒါ ဓမ္မဿ စ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၃)
ဥပါဒါ စ နောဥပါဒါ စ ဓမ္မာ ဥပါဒါ ဓမ္မဿ ပစ္ဆာဇာတံ, အာဟာရံ, ဣန္ဒြိယံ။ (၁)
ဥပါဒါ စ နောဥပါဒါ စ ဓမ္မာ နောဥပါဒါ ဓမ္မဿ သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ (၂)
ဥပါဒါ စ နောဥပါဒါ စ ဓမ္မာ ဥပါဒါ ဓမ္မဿ စ နောဥပါဒါ ဓမ္မဿ စ ပစ္ဆာဇာတံ, အာဟာရံ, ဣန္ဒြိယံ။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၁၃။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နသမ္ပယုတ္တေ နဝ, နဝိပ္ပယုတ္တေ ဆ, နောအတ္ထိယာ စတ္တာရိ, နောနတ္ထိယာ နဝ, နောဝိဂတေ နဝ, နောအဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၄၁၄။ ဟေတုပစ္စယာ နအာရမ္မဏေ တီဏိ, နအဓိပတိယာ တီဏိ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ (သဗ္ဗတ္ထ တီဏိ), နသမ္ပယုတ္တေ တီဏိ, နဝိပ္ပယုတ္တေ ဧကံ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၄၁၅။ နဟေတုပစ္စယာ အာရမ္မဏေ ဒွေ, အဓိပတိယာ စတ္တာရိ…ပေ… (အနုလောမမာတိကာ ဝိတ္ထာရေတဗ္ဗာ)…ပေ… အဝိဂတေ နဝ။
ဥပါဒါဒုကံ နိဋ္ဌိတံ။
၆၈။ ဥပါဒိန္နဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၁၆။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
ဥပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒိန္နံ ဓမ္မံ ပဋိစ္စ ဥပါဒိန္နော စ အနုပါဒိန္နော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
အာရမ္မဏပစ္စယော
* ၄၁၇။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
အဓိပတိပစ္စယော
* ၄၁၈။ အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ (သံခိတ္တံ)။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၁၉။ ဟေတုယာ ပဉ္စ, အာရမ္မဏေ ဒွေ, အဓိပတိယာ ဧကံ, အနန္တရေ ဒွေ, သမနန္တရေ ဒွေ, သဟဇာတေ ပဉ္စ, အညမညေ ဒွေ, နိဿယေ ပဉ္စ, ဥပနိဿယေ ဒွေ, ပုရေဇာတေ ဒွေ, အာသေဝနေ ဧကံ, ကမ္မေ ပဉ္စ, ဝိပါကေ ပဉ္စ, အာဟာရေ ပဉ္စ, ဣန္ဒြိယေ ပဉ္စ, ဈာနေ ပဉ္စ, မဂ္ဂေ ပဉ္စ, သမ္ပယုတ္တေ ဒွေ, ဝိပ္ပယုတ္တေ ပဉ္စ, အတ္ထိယာ ပဉ္စ, နတ္ထိယာ ဒွေ, ဝိဂတေ ဒွေ, အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၄၂၀။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ, အသညသတ္တာနံ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
ဥပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒိန္နံ ဓမ္မံ ပဋိစ္စ ဥပါဒိန္နော စ အနုပါဒိန္နော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၂၁။ အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ ဧကံ မဟာဘူတံ…ပေ… မဟာဘူတေ ပဋိစ္စ ဥပါဒါရူပံ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအာရမ္မဏပစ္စယော
* ၄၂၂။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ ဥပါဒိန္နေ ခန္ဓေ ပဋိစ္စ ကဋတ္တာရူပံ, ခန္ဓေ ပဋိစ္စ ဝတ္ထု, ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ အသညသတ္တာနံ ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
ဥပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နအာရမ္မဏပစ္စယာ – အနုပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ ဧကံ မဟာဘူတံ…ပေ… မဟာဘူတေ ပဋိစ္စ ဥပါဒါရူပံ။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒိန္နေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအဓိပတိပစ္စယာဒိ
* ၄၂၃။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နအဓိပတိပစ္စယာ… နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။
နပုရေဇာတပစ္စယာဒိ
* ၄၂၄။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…
ပဋိသန္ဓိက္ခဏေ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… (ယာဝ အသညသတ္တာ)။ (၁)
ဥပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နပုရေဇာတပစ္စယာ – ဥပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အနုပါဒိန္နေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဧကံ မဟာဘူတံ…ပေ… (ယာဝ အသညသတ္တာ)။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နပုရေဇာတပစ္စယာ – ဥပါဒိန္နေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ… နပစ္ဆာဇာတပစ္စယာ… နအာသေဝနပစ္စယာ။ (၁)
နကမ္မပစ္စယော
* ၄၂၅။ အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နကမ္မပစ္စယာ – အနုပါဒိန္နေ ခန္ဓေ ပဋိစ္စ အနုပါဒိန္နာ စေတနာ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ… မဟာဘူတေ ပဋိစ္စ ဥပါဒါရူပံ။ (၁)
နဝိပါကပစ္စယော
* ၄၂၆။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နဝိပါကပစ္စယာ – အသညသတ္တာနံ ဧကံ မဟာဘူတံ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဝိပါကပစ္စယာ – အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… (ယာဝ ဥတုသမုဋ္ဌာနံ)။
နအာဟာရပစ္စယော
* ၄၂၇။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နအာဟာရပစ္စယာ – အသညသတ္တာနံ ဧကံ မဟာဘူတံ…ပေ…။ (၁)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ…ပေ…။ (၁)
နဣန္ဒြိယပစ္စယော
* ၄၂၈။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နဣန္ဒြိယပစ္စယာ – အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ။ (၁)
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)
နဈာနပစ္စယာဒိ
* ၄၂၉။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အသညသတ္တာနံ…ပေ…။
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဈာနပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။
ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နမဂ္ဂပစ္စယာ (နဟေတုသဒိသံ, မောဟော နတ္ထိ)… နသမ္ပယုတ္တပစ္စယာ။
နဝိပ္ပယုတ္တပစ္စယာဒိ
* ၄၃၀။ ဥပါဒိန္နံ ဓမ္မံ ပဋိစ္စ ဥပါဒိန္နော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အသညသတ္တာနံ ဧကံ မဟာဘူတံ ပဋိစ္စ…ပေ…။
အနုပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အနုပါဒိန္နံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ … အာဟာရသမုဋ္ဌာနံ… ဥတုသမုဋ္ဌာနံ…ပေ… နောနတ္ထိပစ္စယာ… နောဝိဂတပစ္စယာ။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၃၁။ နဟေတုယာ ပဉ္စ, နအာရမ္မဏေ စတ္တာရိ, နအဓိပတိယာ ပဉ္စ, နအနန္တရေ စတ္တာရိ, နသမနန္တရေ စတ္တာရိ, နအညမညေ စတ္တာရိ, နဥပနိဿယေ စတ္တာရိ, နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ,
နကမ္မေ ဧကံ, နဝိပါကေ ဒွေ, နအာဟာရေ ဒွေ, နဣန္ဒြိယေ ဒွေ, နဈာနေ ဒွေ, နမဂ္ဂေ ပဉ္စ, နသမ္ပယုတ္တေ စတ္တာရိ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၄၃၂။ ဟေတုပစ္စယာ နအာရမ္မဏေ စတ္တာရိ, နအဓိပတိယာ ပဉ္စ…ပေ… နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ ဧကံ, နဝိပါကေ ဧကံ…ပေ… နသမ္ပယုတ္တေ စတ္တာရိ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၄၃၃။ နဟေတုပစ္စယာ အာရမ္မဏေ ဒွေ, အနန္တရေ ဒွေ, သမနန္တရေ ဒွေ, သဟဇာတေ ပဉ္စ, အညမညေ ဒွေ, နိဿယေ ပဉ္စ, ဥပနိဿယေ ဒွေ, ပုရေဇာတေ ဒွေ, အာသေဝနေ ဧကံ, ကမ္မေ ပဉ္စ, ဝိပါကေ ပဉ္စ…ပေ… မဂ္ဂေ ဧကံ, သမ္ပယုတ္တေ ဒွေ…ပေ… အဝိဂတေ ပဉ္စ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော။)
၆၈။ ဥပါဒိန္နဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၃၄။ ဥပါဒိန္နံ ဓမ္မံ ပစ္စယာ ဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဥပါဒိန္နံ ဧကံ ခန္ဓံ ပစ္စယာ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… မဟာဘူတေ ပစ္စယာ ကဋတ္တာရူပံ ဥပါဒါရူပံ, ဝတ္ထုံ ပစ္စယာ ဥပါဒိန္နာ ခန္ဓာ။ (၁)
ဥပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နေ ခန္ဓေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ အနုပါဒိန္နာ ခန္ဓာ။ (၂)
ဥပါဒိန္နံ ဓမ္မံ ပစ္စယာ ဥပါဒိန္နော စ အနုပါဒိန္နော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒိန္နံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
အနုပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ ဥပါဒါရူပံ။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, အနုပါဒိန္နံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)
အာရမ္မဏပစ္စယော
* ၄၃၅။ ဥပါဒိန္နံ ဓမ္မံ ပစ္စယာ ဥပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒိန္နံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ ခန္ဓာ, စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ…ပေ… ဝတ္ထုံ ပစ္စယာ ဥပါဒိန္နာ ခန္ဓာ။ (၁)
ဥပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ အနုပါဒိန္နာ ခန္ဓာ။ (၂)
အနုပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)
အဓိပတိပစ္စယော
* ၄၃၆။ ဥပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ အနုပါဒိန္နာ ခန္ဓာ။ (၁)
အနုပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ ဥပါဒါရူပံ။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁) (သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၃၇။ ဟေတုယာ ပဉ္စ, အာရမ္မဏေ စတ္တာရိ, အဓိပတိယာ တီဏိ, အနန္တရေ စတ္တာရိ, သမနန္တရေ စတ္တာရိ, သဟဇာတေ ပဉ္စ, အညမညေ စတ္တာရိ, နိဿယေ ပဉ္စ, ဥပနိဿယေ စတ္တာရိ, ပုရေဇာတေ စတ္တာရိ, အာသေဝနေ တီဏိ, ကမ္မေ ပဉ္စ, ဝိပါကေ ပဉ္စ…ပေ… အဝိဂတေ ပဉ္စ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၄၃၈။ ဥပါဒိန္နံ ဓမ္မံ ပစ္စယာ ဥပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု, ဝတ္ထုံ ပစ္စယာ ခန္ဓာ, ဧကံ မဟာဘူတံ…ပေ… မဟာဘူတေ ပစ္စယာ ကဋတ္တာရူပံ ဥပါဒါရူပံ, အသညသတ္တာနံ ဧကံ မဟာဘူတံ…ပေ… စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ…ပေ… ဝတ္ထုံ ပစ္စယာ အဟေတုကာ ဥပါဒိန္နာ ခန္ဓာ။ (၁)
ဥပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နေ ခန္ဓေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ အဟေတုကာ အနုပါဒိန္နာ ခန္ဓာ, ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
ဥပါဒိန္နံ ဓမ္မံ ပစ္စယာ ဥပါဒိန္နော စ အနုပါဒိန္နော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဥပါဒိန္နံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၃၉။ အနုပါဒိန္နံ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ…
ဒွေ ခန္ဓေ…ပေ… ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပစ္စယာ အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, အဟေတုကံ အနုပါဒိန္နံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁) (သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၄၀။ နဟေတုယာ ပဉ္စ, နအာရမ္မဏေ စတ္တာရိ, နအဓိပတိယာ ပဉ္စ, နအနန္တရေ စတ္တာရိ, နသမနန္တရေ စတ္တာရိ, နအညမညေ စတ္တာရိ, နဥပနိဿယေ စတ္တာရိ, နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ စတ္တာရိ, နအာဟာရေ ဒွေ, နဣန္ဒြိယေ ဒွေ, နဈာနေ ဒွေ, နမဂ္ဂေ ပဉ္စ, နသမ္ပယုတ္တေ စတ္တာရိ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၄၄၁။ ဟေတုပစ္စယာ နအာရမ္မဏေ စတ္တာရိ, နအဓိပတိယာ ပဉ္စ…ပေ… နပုရေဇာတေ စတ္တာရိ, နပစ္ဆာဇာတေ ပဉ္စ, နအာသေဝနေ ပဉ္စ, နကမ္မေ တီဏိ, နဝိပါကေ တီဏိ…ပေ… နသမ္ပယုတ္တေ စတ္တာရိ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၄၄၂။ နဟေတုပစ္စယာ အာရမ္မဏေ စတ္တာရိ, အနန္တရေ စတ္တာရိ…ပေ… မဂ္ဂေ တီဏိ…ပေ… အဝိဂတေ ပဉ္စ။
၄။ နိဿယဝါရော
(နိဿယဝါရော ပစ္စယဝါရသဒိသော။)
၆၈။ ဥပါဒိန္နဒုကံ
၁-၄။ ပစ္စယာနုလောမာဒိ
၅။ သံသဋ္ဌဝါရော
* ၄၄၃။ ဥပါဒိန္နံ ဓမ္မံ သံသဋ္ဌော ဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။
အနုပါဒိန္နံ ဓမ္မံ သံသဋ္ဌော အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)
ဟေတုယာ ဒွေ, အာရမ္မဏေ ဒွေ, အဓိပတိယာ ဧကံ, အနန္တရေ ဒွေ, သမနန္တရေ ဒွေ, သဟဇာတေ ဒွေ, အညမညေ ဒွေ, နိဿယေ ဒွေ, ဥပနိဿယေ ဒွေ, ပုရေဇာတေ ဒွေ, အာသေဝနေ ဧကံ, ကမ္မေ ဒွေ, ဝိပါကေ ဒွေ…ပေ… အဝိဂတေ ဒွေ။
အနုလောမံ။
* ၄၄၄။ ဥပါဒိန္နံ ဓမ္မံ သံသဋ္ဌော ဥပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ…။ (၁)
အနုပါဒိန္နံ ဓမ္မံ သံသဋ္ဌော အနုပါဒိန္နော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နဟေတုယာ ဒွေ, နအဓိပတိယာ ဒွေ, နပုရေဇာတေ ဒွေ, နပစ္ဆာဇာတေ ဒွေ, နအာသေဝနေ ဒွေ, နကမ္မေ ဧကံ, နဝိပါကေ ဧကံ, နဈာနေ ဧကံ, နမဂ္ဂေ ဒွေ, နဝိပ္ပယုတ္တေ ဒွေ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗာ။)
၆၈။ ဥပါဒိန္နဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၄၅။ ဥပါဒိန္နော ဓမ္မော ဥပါဒိန္နဿ ဓမ္မဿ ဟေတုပစ္စယေန ပစ္စယော – ဥပါဒိန္နာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ ဥပါဒိန္နာ ဟေတူ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ဟေတုပစ္စယေန ပစ္စယော – ဥပါဒိန္နာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ဟေတုပစ္စယေန ပစ္စယော – ဥပါဒိန္နာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အနုပါဒိန္နော ဓမ္မော အနုပါဒိန္နဿ ဓမ္မဿ ဟေတုပစ္စယေန ပစ္စယော – အနုပါဒိန္နာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၁)
အာရမ္မဏပစ္စယော
* ၄၄၆။ ဥပါဒိန္နော ဓမ္မော ဥပါဒိန္နဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ကာယံ ဥပါဒိန္နေ ရူပေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ ဥပါဒိန္နေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ, ဥပါဒိန္နံ ရူပါယတနံ စက္ခုဝိညာဏဿ…ပေ… ဥပါဒိန္နံ ဂန္ဓာယတနံ ဃာနဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ကာယံ ဥပါဒိန္နေ ရူပေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ ဥပါဒိန္နေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ဥပါဒိန္နံ ရူပံ ပဿတိ။ စေတောပရိယဉာဏေန ဥပါဒိန္နစိတ္တသမင်္ဂိဿ စိတ္တံ ဇာနာတိ,
ဥပါဒိန္နာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၂)
* ၄၄၇။ အနုပါဒိန္နော ဓမ္မော အနုပါဒိန္နဿ ဓမ္မဿ အာရမ္မဏပစ္စယေန ပစ္စယော – ဒါနံ …ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနုပါဒိန္နေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ အနုပါဒိန္နံ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန အနုပါဒိန္နစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ…ပေ… အာကိဉ္စညာယတနံ…ပေ… အနုပါဒိန္နာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ အာရမ္မဏပစ္စယေန ပစ္စယော – အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနုပါဒိန္နေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ, အာကာသာနဉ္စာယတနကုသလံ ဝိညာဏဉ္စာယတနဝိပါကဿ…ပေ… အာကိဉ္စညာယတနကုသလံ…ပေ… အနုပါဒိန္နံ ရူပါယတနံ စက္ခုဝိညာဏဿ…ပေ… သဒ္ဒါယတနံ…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ (၂)
အဓိပတိပစ္စယော
* ၄၄၈။ ဥပါဒိန္နော ဓမ္မော အနုပါဒိန္နဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ကာယံ ဥပါဒိန္နေ ရူပေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ ဥပါဒိန္နေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၁)
အနုပါဒိန္နော ဓမ္မော အနုပါဒိန္နဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ, ဖလံ…ပေ… နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အဓိပတိပစ္စယေန ပစ္စယော၊ အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနုပါဒိန္နေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အနုပါဒိန္နာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အနန္တရပစ္စယော
* ၄၄၉။ ဥပါဒိန္နော ဓမ္မော ဥပါဒိန္နဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒိန္နာ ခန္ဓာ ပစ္ဆိမာနံ ပစ္ဆိမာနံ ဥပါဒိန္နာနံ ခန္ဓာနံ အနန္တရပစ္စယေန ပစ္စယော။ ပဉ္စဝိညာဏံ ဝိပါကမနောဓာတုယာ အနန္တရပစ္စယေန ပစ္စယော။ ဝိပါကမနောဓာတု ဝိပါကမနောဝိညာဏဓာတုယာ အနန္တရပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ အနန္တရပစ္စယေန ပစ္စယော – ဘဝင်္ဂံ အာဝဇ္ဇနာယ, ဝိပါကမနောဝိညာဏဓာတု ကိရိယမနောဝိညာဏဓာတုယာ အနန္တရပစ္စယေန ပစ္စယော။ (၂)
* ၄၅၀။ အနုပါဒိန္နော ဓမ္မော အနုပါဒိန္နဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနုပါဒိန္နာ ခန္ဓာ ပစ္ဆိမာနံ ပစ္ဆိမာနံ အနုပါဒိန္နာနံ ခန္ဓာနံ အနန္တရပစ္စယေန ပစ္စယော, အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ ပဉ္စန္နံ ဝိညာဏာနံ…ပေ… အနုပါဒိန္နာ ခန္ဓာ ဝုဋ္ဌာနဿ အနန္တရပစ္စယေန ပစ္စယော… သမနန္တရပစ္စယေန ပစ္စယော… သဟဇာတပစ္စယေန ပစ္စယော… ပဉ္စ (ပဋိစ္စသဒိသာ)… အညမညပစ္စယေန ပစ္စယော… ဒွေ (ပဋိစ္စသဒိသာ)… နိဿယပစ္စယေန ပစ္စယော (ပစ္စယဝါရေ နိဿယသဒိသာ) ပဉ္စ။
ဥပနိဿယပစ္စယော
* ၄၅၁။ ဥပါဒိန္နော ဓမ္မော ဥပါဒိန္နဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ကာယိကဿ သုခဿ… ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကာယိကံ ဒုက္ခံ… ဥပါဒိန္နံ ဥတု… ဘောဇနံ ကာယိကဿ သုခဿ… ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ… ကာယိကဿ သုခဿ… ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ ကာယိကံ ဒုက္ခံ… ဥပါဒိန္နံ ဥတုံ… ဘောဇနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ၊ ပါဏံ ဟနတိ…ပေ… သံဃံ ဘိန္ဒတိ၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ သဒ္ဓါယ…ပေ… ပတ္ထနာယ မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၂)
* ၄၅၂။ အနုပါဒိန္နော ဓမ္မော အနုပါဒိန္နဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပတ္ထနံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… ပတ္ထနာ… ဥတု… ဘောဇနံ… သေနာသနံ သဒ္ဓါယ…ပေ… ပတ္ထနာယ မဂ္ဂဿ, ဖလသမာပတ္တိယာ ဥပနိဿယပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ အတ္တာနံ အာတာပေတိ ပရိတာပေတိ, ပရိယိဋ္ဌိမူလကံ ဒုက္ခံ ပစ္စနုဘောတိ၊ သီလံ…ပေ… ပတ္ထနံ… ဥတုံ… ဘောဇနံ… သေနာသနံ ဥပနိဿာယ အတ္တာနံ အာတာပေတိ ပရိတာပေတိ, ပရိယိဋ္ဌိမူလကံ ဒုက္ခံ ပစ္စနုဘောတိ၊ သဒ္ဓါ…ပေ… သေနာသနံ ကာယိကဿ သုခဿ… ကာယိကဿ ဒုက္ခဿ ဥပနိဿယပစ္စယေန ပစ္စယော။ ကုသလာကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
* ၄၅၃။ ဥပါဒိန္နော ဓမ္မော ဥပါဒိန္နဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ကာယံ ဥပါဒိန္နေ ရူပေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ, ဥပါဒိန္နံ ရူပါယတနံ စက္ခုဝိညာဏဿ…ပေ… ဂန္ဓာယတနံ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု ဥပါဒိန္နာနံ ခန္ဓာနံ ပုရေဇာတပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ကာယံ, ဥပါဒိန္နေ ရူပေ… ဂန္ဓေ… ရသေ… ဖောဋ္ဌဗ္ဗေ ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ဥပါဒိန္နံ ရူပံ ပဿတိ။ ဝတ္ထုပုရေဇာတံ – ဝတ္ထု အနုပါဒိန္နာနံ ခန္ဓာနံ ပုရေဇာတပစ္စယေန ပစ္စယော။ (၂)
* ၄၅၄။ အနုပါဒိန္နော ဓမ္မော အနုပါဒိန္နဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ အနုပါဒိန္နံ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ, အနုပါဒိန္နံ ရူပါယတနံ စက္ခုဝိညာဏဿ…ပေ… သဒ္ဒါယတနံ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ (၂)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အနုပါဒိန္နံ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… သဒ္ဒါယတနဉ္စ သောတာယတနဉ္စ…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ ပုရေဇာတပစ္စယေန ပစ္စယော၊ အနုပါဒိန္နံ ရူပါယတနဉ္စ ဝတ္ထု စ…ပေ… ဖောဋ္ဌဗ္ဗာယတနဉ္စ ဝတ္ထု စ ဥပါဒိန္နာနံ ခန္ဓာနံ ပုရေဇာတပစ္စယေန ပစ္စယော။ (၁)
ဥပါဒိန္နော စ အနုပါဒိန္နော စ ဓမ္မာ အနုပါဒိန္နဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အနုပါဒိန္နံ ရူပါယတနဉ္စ ဝတ္ထု စ…ပေ… ဖောဋ္ဌဗ္ဗာယတနဉ္စ ဝတ္ထု စ အနုပါဒိန္နာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတာသေဝနပစ္စယာ
* ၄၅၅။ ဥပါဒိန္နော ဓမ္မော ဥပါဒိန္နဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ ကာယဿ ပစ္ဆာဇာတပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥပါဒိန္နာ ခန္ဓာ ပုရေဇာတဿ ဣမဿ အနုပါဒိန္နဿ ကာယဿ ပစ္ဆာဇာတပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၃)
အနုပါဒိန္နော ဓမ္မော အနုပါဒိန္နဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၂)
အနုပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၃)
* ၄၅၆။ အနုပါဒိန္နော ဓမ္မော အနုပါဒိန္နဿ ဓမ္မဿ အာသေဝနပစ္စယေန ပစ္စယော… ဧကံ (သံခိတ္တံ)။
ကမ္မပစ္စယော
* ၄၅၇။ ဥပါဒိန္နော ဓမ္မော ဥပါဒိန္နဿ ဓမ္မဿ ကမ္မပစ္စယေန ပစ္စယော – ဥပါဒိန္နာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ ဥပါဒိန္နာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ကမ္မပစ္စယေန ပစ္စယော – ဥပါဒိန္နာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ကမ္မပစ္စယေန ပစ္စယော – ဥပါဒိန္နာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
အနုပါဒိန္နော ဓမ္မော အနုပါဒိန္နဿ ဓမ္မဿ ကမ္မပစ္စယေန ပစ္စယော – အနုပါဒိန္နာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – အနုပါဒိန္နာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
ဝိပါကပစ္စယော
* ၄၅၈။ ဥပါဒိန္နော ဓမ္မော ဥပါဒိန္နဿ ဓမ္မဿ ဝိပါကပစ္စယေန ပစ္စယော – ဥပါဒိန္နော ဧကော ခန္ဓော (သံခိတ္တံ။ ဥပါဒိန္နမူလကေ တီဏိ။ )။
အနုပါဒိန္နော ဓမ္မော အနုပါဒိန္နဿ ဓမ္မဿ ဝိပါကပစ္စယေန ပစ္စယော – ဝိပါကော အနုပါဒိန္နော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ဒွေ ခန္ဓာ…ပေ…။ (၁)
အာဟာရပစ္စယော
* ၄၅၉။ ဥပါဒိန္နော ဓမ္မော ဥပါဒိန္နဿ ဓမ္မဿ အာဟာရပစ္စယေန ပစ္စယော – ဥပါဒိန္နာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ဥပါဒိန္နော ကဗဠီကာရော အာဟာရော ဣမဿ ဥပါဒိန္နဿ ကာယဿ အာဟာရပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ အာဟာရပစ္စယေန ပစ္စယော – ဥပါဒိန္နာ အာဟာရာ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော၊ ဥပါဒိန္နော ကဗဠီကာရော အာဟာရော ဣမဿ အနုပါဒိန္နဿ ကာယဿ အာဟာရပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ အာဟာရပစ္စယေန ပစ္စယော – ဥပါဒိန္နာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ဥပါဒိန္နော ကဗဠီကာရော အာဟာရော ဣမဿ ဥပါဒိန္နဿ စ အနုပါဒိန္နဿ စ ကာယဿ အာဟာရပစ္စယေန ပစ္စယော။ (၃)
* ၄၆၀။ အနုပါဒိန္နော ဓမ္မော အနုပါဒိန္နဿ ဓမ္မဿ အာဟာရပစ္စယေန ပစ္စယော – အနုပါဒိန္နာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ အနုပါဒိန္နော ကဗဠီကာရော အာဟာရော ဣမဿ အနုပါဒိန္နဿ ကာယဿ အာဟာရပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ အာဟာရပစ္စယေန ပစ္စယော – အနုပါဒိန္နော ကဗဠီကာရော အာဟာရော ဣမဿ ဥပါဒိန္နဿ ကာယဿ အာဟာရပစ္စယေန ပစ္စယော။ (၂)
အနုပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ အာဟာရပစ္စယေန ပစ္စယော – အနုပါဒိန္နော ကဗဠီကာရော အာဟာရော ဣမဿ ဥပါဒိန္နဿ စ အနုပါဒိန္နဿ စ ကာယဿ အာဟာရပစ္စယေန ပစ္စယော။ (၃)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ ဓမ္မဿ အာဟာရပစ္စယေန ပစ္စယော – ဥပါဒိန္နော စ အနုပါဒိန္နော စ ကဗဠီကာရော အာဟာရော ဣမဿ ဥပါဒိန္နဿ ကာယဿ အာဟာရပစ္စယေန ပစ္စယော။ (၁)
ဥပါဒိန္နော စ အနုပါဒိန္နော စ ဓမ္မာ အနုပါဒိန္နဿ ဓမ္မဿ အာဟာရပစ္စယေန ပစ္စယော – ဥပါဒိန္နော စ အနုပါဒိန္နော စ ကဗဠီကာရော အာဟာရော ဣမဿ အနုပါဒိန္နဿ ကာယဿ အာဟာရပစ္စယေန ပစ္စယော။ (၂)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ စ အနုပါဒိန္နဿ စ ဓမ္မဿ အာဟာရပစ္စယေန ပစ္စယော – ဥပါဒိန္နော စ အနုပါဒိန္နော စ ကဗဠီကာရော အာဟာရော ဣမဿ ဥပါဒိန္နဿ စ အနုပါဒိန္နဿ စ ကာယဿ အာဟာရပစ္စယေန ပစ္စယော။ (၃)
ဣန္ဒြိယပစ္စယာဒိ
* ၄၆၁။ ဥပါဒိန္နော ဓမ္မော ဥပါဒိန္နဿ ဓမ္မဿ ဣန္ဒြိယပစ္စယေန ပစ္စယော – ဥပါဒိန္နာ ဣန္ဒြိယာ သမ္ပယုတ္တကာနံ ခန္ဓာနံ ဣန္ဒြိယပစ္စယေန ပစ္စယော။ (၁)
ပဋိသန္ဓိက္ခဏေ ဥပါဒိန္နာ ဣန္ဒြိယာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဣန္ဒြိယပစ္စယေန ပစ္စယော၊ စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၂)
ဥပါဒိန္နော ဓမ္မော အနုပါဒိန္နဿ ဓမ္မဿ…ပေ… (ဥပါဒိန္နမူလကေ တီဏိ, ပဌမဿေဝ ရူပဇီဝိတိန္ဒြိယံ, ဣတရေသု နတ္ထိ)။ (၃)
အနုပါဒိန္နော ဓမ္မော အနုပါဒိန္နဿ ဓမ္မဿ ဣန္ဒြိယပစ္စယေန ပစ္စယော – အနုပါဒိန္နာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ (၁)
ဥပါဒိန္နော ဓမ္မော ဥပါဒိန္နဿ ဓမ္မဿ ဈာနပစ္စယေန ပစ္စယော… စတ္တာရိ, မဂ္ဂပစ္စယေန ပစ္စယော… စတ္တာရိ, သမ္ပယုတ္တပစ္စယေန ပစ္စယော… ဒွေ။
ဝိပ္ပယုတ္တပစ္စယော
* ၄၆၂။ ဥပါဒိန္နော ဓမ္မော ဥပါဒိန္နဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတံ – ပဋိသန္ဓိက္ခဏေ ဥပါဒိန္နာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော, ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော, ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု ဥပါဒိန္နာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ ကာယဿ ဝိပ္ပယုတ္တပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ။ သဟဇာတာ – ဥပါဒိန္နာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အနုပါဒိန္နာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နာ ခန္ဓာ ပုရေဇာတဿ ဣမဿ အနုပါဒိန္နဿ ကာယဿ ဝိပ္ပယုတ္တပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ စ အနုပါဒိန္နဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
* ၄၆၃။ အနုပါဒိန္နော ဓမ္မော အနုပါဒိန္နဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – အနုပါဒိန္နာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နာ ခန္ဓာ ပုရေဇာတဿ ဣမဿ အနုပါဒိန္နဿ ကာယဿ ဝိပ္ပယုတ္တပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ ကာယဿ ဝိပ္ပယုတ္တပစ္စယေန ပစ္စယော။ (၂)
အနုပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ စ အနုပါဒိန္နဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယာဒိ
* ၄၆၄။ ဥပါဒိန္နော ဓမ္မော ဥပါဒိန္နဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ။ ယထာ နိက္ခိတ္တပဒါနိ ဝိဘဇိတဗ္ဗာနိ ပရိပုဏ္ဏာနိ)။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ (သံခိတ္တံ, ယထာ နိက္ခိတ္တပဒါနိ ဝိတ္ထာရေတဗ္ဗာနိ။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ, အာဟာရံ (သံခိတ္တံ, ယထာ နိက္ခိတ္တပဒါနိ ဝိတ္ထာရေတဗ္ဗာနိ)။ (၃)
အနုပါဒိန္နော ဓမ္မော အနုပါဒိန္နဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ (သံခိတ္တံ, ယထာ နိက္ခိတ္တပဒါနိ ဝိဘဇိတဗ္ဗာနိ)။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ အတ္ထိပစ္စယေန ပစ္စယော – ပုရေဇာတံ, ပစ္ဆာဇာတံ, အာဟာရံ။ ပုရေဇာတံ – အနုပါဒိန္နေ ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ, အနုပါဒိန္နံ
ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ပစ္ဆာဇာတာ – အနုပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ ကာယဿ အတ္ထိပစ္စယေန ပစ္စယော၊ အနုပါဒိန္နော ကဗဠီကာရော အာဟာရော ဣမဿ ဥပါဒိန္နဿ ကာယဿ အတ္ထိပစ္စယေန ပစ္စယော။ (၂)
အနုပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ, အာဟာရံ။ ပစ္ဆာဇာတာ – အနုပါဒိန္နာ ခန္ဓာ ပုရေဇာတဿ ဣမဿ ဥပါဒိန္နဿ စ အနုပါဒိန္နဿ စ ကာယဿ အတ္ထိပစ္စယေန ပစ္စယော၊ အနုပါဒိန္နော ကဗဠီကာရော အာဟာရော ဣမဿ ဥပါဒိန္နဿ စ အနုပါဒိန္နဿ စ ကာယဿ အတ္ထိပစ္စယေန ပစ္စယော။ (၃)
* ၄၆၅။ ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ ဓမ္မဿ အတ္ထိပစ္စယေန ပစ္စယော – ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ ပုရေဇာတံ – အနုပါဒိန္နံ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… အနုပါဒိန္နံ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော၊ အနုပါဒိန္နံ ရူပါယတနဉ္စ ဝတ္ထု စ…ပေ… ဖောဋ္ဌဗ္ဗာယတနဉ္စ ဝတ္ထု စ ဥပါဒိန္နာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နာ ခန္ဓာ စ အနုပါဒိန္နော ကဗဠီကာရော အာဟာရော စ ဣမဿ ဥပါဒိန္နဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒိန္နော စ အနုပါဒိန္နော စ ဓမ္မာ အနုပါဒိန္နဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ။ သဟဇာတာ – ဥပါဒိန္နာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတော – အနုပါဒိန္နော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ ပုရေဇာတံ – အနုပါဒိန္နံ ရူပါယတနဉ္စ ဝတ္ထု စ အနုပါဒိန္နာနံ ခန္ဓာနံ အတ္ထိပစ္စယေန ပစ္စယော…ပေ… ဖောဋ္ဌဗ္ဗာယတနဉ္စ ဝတ္ထု စ အနုပါဒိန္နာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နာ ခန္ဓာ စ အနုပါဒိန္နော ကဗဠီကာရော အာဟာရော စ ဣမဿ အနုပါဒိန္နဿ ကာယဿ အတ္ထိပစ္စယေန ပစ္စယော။ (၂)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ စ အနုပါဒိန္နဿ စ ဓမ္မဿ အတ္ထိပစ္စယေန ပစ္စယော။ အာဟာရံ – ဥပါဒိန္နော စ အနုပါဒိန္နော စ
ကဗဠီကာရော အာဟာရော ဣမဿ ဥပါဒိန္နဿ စ အနုပါဒိန္နဿ စ ကာယဿ အတ္ထိပစ္စယေန ပစ္စယော။ (၃)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၄၆၆။ ဟေတုယာ စတ္တာရိ, အာရမ္မဏေ စတ္တာရိ, အဓိပတိယာ ဒွေ, အနန္တရေ စတ္တာရိ, သမနန္တရေ စတ္တာရိ, သဟဇာတေ ပဉ္စ, အညမညေ ဒွေ, နိဿယေ ပဉ္စ, ဥပနိဿယေ စတ္တာရိ, ပုရေဇာတေ ဆ, ပစ္ဆာဇာတေ ဆ, အာသေဝနေ ဧကံ, ကမ္မေ ပဉ္စ, ဝိပါကေ စတ္တာရိ, အာဟာရေ နဝ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဒွေ, ဝိပ္ပယုတ္တေ ဆ, အတ္ထိယာ နဝ, နတ္ထိယာ စတ္တာရိ, ဝိဂတေ စတ္တာရိ, အဝိဂတေ နဝ။
၂။ ပစ္စနီယုဒ္ဓါရော
* ၄၆၇။ ဥပါဒိန္နော ဓမ္မော ဥပါဒိန္နဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ဥပါဒိန္နော ဓမ္မော အနုပါဒိန္နဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော။ (၂)
ဥပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော။ (၃)
* ၄၆၈။ အနုပါဒိန္နော ဓမ္မော အနုပါဒိန္နဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော။ (၁)
အနုပါဒိန္နော ဓမ္မော ဥပါဒိန္နဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော။ (၂)
အနုပါဒိန္နော ဓမ္မော ဥပါဒိန္နဿ စ အနုပါဒိန္နဿ စ ဓမ္မဿ ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော။ (၃)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ ဓမ္မဿ ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ (၁)
ဥပါဒိန္နော စ အနုပါဒိန္နော စ ဓမ္မာ အနုပါဒိန္နဿ ဓမ္မဿ သဟဇာတံ, ပုရေဇာတံ, ပစ္ဆာဇာတံ, အာဟာရံ။ (၂)
ဥပါဒိန္နော စ အနုပါဒိန္နော စ ဓမ္မာ ဥပါဒိန္နဿ စ အနုပါဒိန္နဿ စ ဓမ္မဿ အာဟာရပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၄၆၉။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နအာဟာရေ အဋ္ဌ…ပေ… နသမ္ပယုတ္တေ နဝ, နဝိပ္ပယုတ္တေ နဝ, နောအတ္ထိယာ စတ္တာရိ, နောနတ္ထိယာ နဝ, နောဝိဂတေ နဝ, နောအဝိဂတေ စတ္တာရိ။
၃။ ပစ္စယာနုလောမပစ္စနီယံ
* ၄၇၀။ ဟေတုပစ္စယာ နအာရမ္မဏေ စတ္တာရိ…ပေ… နအညမညေ တီဏိ, နဥပနိဿယေ စတ္တာရိ, နသမ္ပယုတ္တေ တီဏိ, နဝိပ္ပယုတ္တေ ဒွေ, နောနတ္ထိယာ စတ္တာရိ, နောဝိဂတေ စတ္တာရိ။
၄။ ပစ္စယပစ္စနီယာနုလောမံ
* ၄၇၁။ နဟေတုပစ္စယာ အာရမ္မဏေ စတ္တာရိ, အဓိပတိယာ ဒွေ (အနုလောမမာတိကာ ကာတဗ္ဗာ)…ပေ… အဝိဂတေ နဝ။
ဥပါဒိန္နဒုကံ နိဋ္ဌိတံ။
မဟန္တရဒုကံ နိဋ္ဌိတံ။
၁၁။ ဥပါဒါနဂေါစ္ဆကံ
၆၉။ ဥပါဒါနဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁။ ဥပါဒါနံ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ, ကာမုပါဒါနံ ပဋိစ္စ ဒိဋ္ဌုပါဒါနံ, သီလဗ္ဗတုပါဒါနံ ပဋိစ္စ ကာမုပါဒါနံ, ကာမုပါဒါနံ ပဋိစ္စ သီလဗ္ဗတုပါဒါနံ, အတ္တဝါဒုပါဒါနံ ပဋိစ္စ ကာမုပါဒါနံ, ကာမုပါဒါနံ ပဋိစ္စ အတ္တဝါဒုပါဒါနံ။ (၁)
ဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
ဥပါဒါနံ ဓမ္မံ ပဋိစ္စ ဥပါဒါနော စ နောဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ, ကာမုပါဒါနံ…ပေ… (သဗ္ဗံ စက္ကံ ကာတဗ္ဗံ)။ (၃)
* ၂။ နောဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ နောဥပါဒါနံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောဥပါဒါနံ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနေ ခန္ဓေ ပဋိစ္စ ဥပါဒါနာ။ (၂)
နောဥပါဒါနံ ဓမ္မံ ပဋိစ္စ ဥပါဒါနော စ နောဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဥပါဒါနံ ဧကံ ခန္ဓံ ပဋိစ္စ တယော ခန္ဓာ ဥပါဒါနာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဥပါဒါနာ စ စိတ္တသမုဋ္ဌာနဉ္စ ရူပံ။ (၃)
* ၃။ ဥပါဒါနဉ္စ နောဥပါဒါနဉ္စ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနဉ္စ သမ္ပယုတ္တကေ စ ခန္ဓေ ပဋိစ္စ ကာမုပါဒါနံ (သဗ္ဗေ စက္ကာ ကာတဗ္ဗာ)။ (၁)
ဥပါဒါနဉ္စ နောဥပါဒါနဉ္စ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနံ ဧကံ ခန္ဓဉ္စ ဥပါဒါနဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ, ဒွေ ခန္ဓေ စ…ပေ… ဥပါဒါနဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒါနဉ္စ နောဥပါဒါနဉ္စ ဓမ္မံ ပဋိစ္စ ဥပါဒါနော စ နောဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဥပါဒါနံ ဧကံ ခန္ဓဉ္စ ဒိဋ္ဌုပါဒါနဉ္စ ပဋိစ္စ တယော ခန္ဓာ ကာမုပါဒါနဉ္စ စိတ္တသမုဋ္ဌာနံ ရူပံ, ဒွေ ခန္ဓေ စ…ပေ… (စက္ကံ ကာတဗ္ဗံ)။ (၃)
အာရမ္မဏပစ္စယော
* ၄။ ဥပါဒါနံ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ အာရမ္မဏပစ္စယာ (နဝပိ ပဉှာ ကာတဗ္ဗာ, ရူပံ ဆဍ္ဍေတဗ္ဗံ)။
၁။ ပစ္စယာနုလောမံ
၂။ သင်္ချာဝါရော
* ၅။ ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆။ နောဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယာဒိ
* ၇။ ဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒါနေ ပဋိစ္စ စိတ္တသမုဋ္ဌာနံ ရူပံ။ (၁)
နောဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ နအာရမ္မဏပစ္စယာ – နောဥပါဒါနေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ နောဥပါဒါနေ ခန္ဓေ ပဋိစ္စ ကဋတ္တာရူပံ, ခန္ဓေ ပဋိစ္စ ဝတ္ထု, ဧကံ မဟာဘူတံ…ပေ… (ယာဝ အသညသတ္တာ)။ (၁)
ဥပါဒါနဉ္စ နောဥပါဒါနံ စ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒါနေ စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ, ဥပါဒါနေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအဓိပတိပစ္စယာ… နအနန္တရပစ္စယာ…ပေ… နဥပနိဿယပစ္စယာ။
နပုရေဇာတပစ္စယော
* ၈။ ဥပါဒါနံ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အတ္တဝါဒုပါဒါနံ ပဋိစ္စ ကာမုပါဒါနံ, ကာမုပါဒါနံ ပဋိစ္စ အတ္တဝါဒုပါဒါနံ။ (၁)
ဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥပါဒါနေ ပဋိစ္စ သမ္ပယုတ္တကာ ခန္ဓာ, ဥပါဒါနေ ပဋိစ္စ စိတ္တသမုဋ္ဌာနံ ရူပံ (သံခိတ္တံ, နဝပိ ပဉှာ အရူပေ ဒွေ ဥပါဒါနာ)။
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၉။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ…ပေ… နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၃။ ပစ္စယာနုလောမပစ္စနီယံ
* ၁၀။ ဟေတုပစ္စယာ နအာရမ္မဏေ တီဏိ, နအဓိပတိယာ နဝ…ပေ… နဥပနိဿယေ တီဏိ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ တီဏိ, နောဝိဂတေ တီဏိ။
၄။ ပစ္စယပစ္စနီယာနုလောမံ
* ၁၁။ နဟေတုပစ္စယာ အာရမ္မဏေ ဧကံ (သဗ္ဗတ္ထ ဧကံ), မဂ္ဂေ ဧကံ…ပေ… အဝိဂတေ ဧကံ။
၂။ သဟဇာတဝါရော
(သဟဇာတဝါရော ပဋိစ္စဝါရသဒိသော ဝိဘဇန္တေန ဒိဋ္ဌုပါဒါနံ ‘‘သဟဇာတံ ကာမုပါဒါန’’န္တိ ကာတဗ္ဗံ။)
၆၉။ ဥပါဒါနဒုကံ
၃။ ပစ္စယဝါရော
၁-၄။ ပစ္စယာနုလောမာဒိ
ဟေတုပစ္စယော
* ၁၂။ ဥပါဒါနံ ဓမ္မံ ပစ္စယာ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ ပစ္စယာ ကာမုပါဒါနံ… တီဏိ (ပဋိစ္စသဒိသာ)။
နောဥပါဒါနံ ဓမ္မံ ပစ္စယာ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု…ပေ… (ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ နောဥပါဒါနာ ခန္ဓာ။ (၁)
နောဥပါဒါနံ ဓမ္မံ ပစ္စယာ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနေ ခန္ဓေ ပစ္စယာ ဥပါဒါနာ, ဝတ္ထုံ ပစ္စယာ ဥပါဒါနာ။ (၂)
နောဥပါဒါနံ ဓမ္မံ ပစ္စယာ ဥပါဒါနော စ နောဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဥပါဒါနံ ဧကံ ခန္ဓံ ပစ္စယာ တယော ခန္ဓာ ဥပါဒါနာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝတ္ထုံ ပစ္စယာ ဥပါဒါနာ, မဟာဘူတေ ပစ္စယာ စိတ္တသမုဋ္ဌာနံ ရူပံ, ဝတ္ထုံ ပစ္စယာ ဥပါဒါနာ သမ္ပယုတ္တကာ စ ခန္ဓာ။ (၃)
* ၁၃။ ဥပါဒါနဉ္စ နောဥပါဒါနဉ္စ ဓမ္မံ ပစ္စယာ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနဉ္စ သမ္ပယုတ္တကေ စ ခန္ဓေ ပစ္စယာ ကာမုပါဒါနံ, ကာမုပါဒါနဉ္စ သမ္ပယုတ္တကေ စ ခန္ဓေ ပစ္စယာ ဒိဋ္ဌုပါဒါနံ (စက္ကံ ကာတဗ္ဗံ)။ ဒိဋ္ဌုပါဒါနဉ္စ ဝတ္ထုဉ္စ ပစ္စယာ ကာမုပါဒါနံ (စက္ကံ ကာတဗ္ဗံ)။ (၁)
ဥပါဒါနဉ္စ နောဥပါဒါနဉ္စ ဓမ္မံ ပစ္စယာ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – နောဥပါဒါနံ ဧကံ ခန္ဓဉ္စ ဥပါဒါနဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (စက္ကံ ကာတဗ္ဗံ)။ ဥပါဒါနေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဥပါဒါနဉ္စ ဝတ္ထုဉ္စ ပစ္စယာ နောဥပါဒါနာ ခန္ဓာ။ (၂)
ဥပါဒါနဉ္စ နောဥပါဒါနဉ္စ ဓမ္မံ ပစ္စယာ ဥပါဒါနော စ နောဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောဥပါဒါနံ ဧကံ ခန္ဓဉ္စ ဒိဋ္ဌုပါဒါနဉ္စ ပစ္စယာ တယော ခန္ဓာ ကာမုပါဒါနံ စိတ္တသမုဋ္ဌာနဉ္စ ရူပံ…ပေ… (စက္ကံ)။ ဒိဋ္ဌုပါဒါနဉ္စ ဝတ္ထုဉ္စ ပစ္စယာ ကာမုပါဒါနံ သမ္ပယုတ္တကာ စ ခန္ဓာ…ပေ… (စက္ကံ)။ (၃)
အာရမ္မဏပစ္စယာ… (အာရမ္မဏေ နောဥပါဒါနမူလကေ ပဉ္စာယတနဉ္စ ဝတ္ထုဉ္စ ကာတဗ္ဗာ)။
ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
အနုလောမံ။
* ၁၄။ နောဥပါဒါနံ ဓမ္မံ ပစ္စယာ နောဥပါဒါနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါနံ ဧကံ ခန္ဓံ ပစ္စယာ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ, ဝတ္ထုံ ပစ္စယာ အဟေတုကာ နောဥပါဒါနာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။
နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ…ပေ… နပုရေဇာတေ နဝ…ပေ… နကမ္မေ တီဏိ, နဝိပါကေ နဝ (ပဋိစ္စသဒိသံ)…ပေ… နောဝိဂတေ တီဏိ။
ပစ္စနီယံ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၆၉။ ဥပါဒါနဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
ဟေတုပစ္စယော
* ၁၅။ ဥပါဒါနံ ဓမ္မံ သံသဋ္ဌော ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ သံသဋ္ဌံ ကာမုပါဒါနံ, ကာမုပါဒါနံ သံသဋ္ဌံ ဒိဋ္ဌုပါဒါနံ (စက္ကံ။ ဧဝံ နဝပိ ပဉှာ ကာတဗ္ဗာ)။
ဟေတုယာ နဝ, အာရမ္မဏေ နဝ, အဓိပတိယာ နဝ (သဗ္ဗတ္ထ နဝ), ဝိပါကေ ဧကံ…ပေ… ဝိဂတေ နဝ, အဝိဂတေ နဝ။
အနုလောမံ။
* ၁၆။ နောဥပါဒါနံ ဓမ္မံ သံသဋ္ဌော နောဥပါဒါနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောဥပါဒါနံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။
နဟေတုယာ ဧကံ, နအဓိပတိယာ နဝ, နပုရေဇာတေ နဝ, နပစ္ဆာဇာတေ နဝ, နအာသေဝနေ နဝ, နကမ္မေ တီဏိ, နဝိပါကေ နဝ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ နဝ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၆၉။ ဥပါဒါနဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၇။ ဥပါဒါနော ဓမ္မော ဥပါဒါနဿ ဓမ္မဿ ဟေတုပစ္စယေန ပစ္စယော – ဥပါဒါနာ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ကာတဗ္ဗံ) ဥပါဒါနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ
ရူပါနံ ဟေတုပစ္စယေန ပစ္စယော။ (မူလံ ကာတဗ္ဗံ) ဥပါဒါနာ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၃)
* ၁၈။ နောဥပါဒါနော ဓမ္မော နောဥပါဒါနဿ ဓမ္မဿ ဟေတုပစ္စယေန ပစ္စယော – နောဥပါဒါနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)
နောဥပါဒါနော ဓမ္မော ဥပါဒါနဿ ဓမ္မဿ ဟေတုပစ္စယေန ပစ္စယော – နောဥပါဒါနာ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ကာတဗ္ဗံ) နောဥပါဒါနာ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၃)
* ၁၉။ ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ ဟေတုပစ္စယေန ပစ္စယော – ဥပါဒါနာ စ နောဥပါဒါနာ စ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ကာတဗ္ဗံ) ဥပါဒါနာ စ နောဥပါဒါနာ စ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (မူလံ ကာတဗ္ဗံ) ဥပါဒါနာ စ နောဥပါဒါနာ စ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၂၀။ ဥပါဒါနော ဓမ္မော ဥပါဒါနဿ ဓမ္မဿ အာရမ္မဏပစ္စယေန ပစ္စယော – ဥပါဒါနေ အာရဗ္ဘ ဥပါဒါနာ ဥပ္ပဇ္ဇန္တိ… တီဏိ (အာရဗ္ဘ ကာတဗ္ဗာ)။
နောဥပါဒါနော ဓမ္မော နောဥပါဒါနဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ ပစ္စဝေက္ခတိ, အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ နောဥပါဒါနေ ပဟီနေ
ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒါစိဏ္ဏေ…ပေ… စက္ခုံ…ပေ… ဝတ္ထုံ နောဥပါဒါနေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နောဥပါဒါနစိတ္တသမင်္ဂိဿ စိတ္တံ ဇာနာတိ, အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နောဥပါဒါနာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ၊ ပုဗ္ဗေ သုစိဏ္ဏာနိ…ပေ… ဈာနာ…ပေ… စက္ခုံ…ပေ… ဝတ္ထုံ နောဥပါဒါနေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ…ပေ… ပုဗ္ဗေ သုစိဏ္ဏာနိ …ပေ… ဈာနာ ဝုဋ္ဌဟိတွာ ဈာနံ…ပေ… စက္ခုံ…ပေ… ဝတ္ထုံ နောဥပါဒါနေ ခန္ဓေ အဿာဒေတိ အဘိနန္ဒတိ, တံ အာရဗ္ဘ ဥပါဒါနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ အာရမ္မဏပစ္စယေန ပစ္စယော… တီဏိ (အာရဗ္ဘ ကာတဗ္ဗာ)။
အဓိပတိပစ္စယော
* ၂၁။ ဥပါဒါနော ဓမ္မော ဥပါဒါနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဥပါဒါနေ ဂရုံ ကတွာ ဥပါဒါနာ ဥပ္ပဇ္ဇန္တိ… တီဏိ (အာရမ္မဏာဓိပတိယေဝ)။
* ၂၂။ နောဥပါဒါနော ဓမ္မော နောဥပါဒါနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အဿာဒေတိ အဘိနန္ဒတိ, အရိယာ မဂ္ဂါ
ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ…ပေ… ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ နောဥပါဒါနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောဥပါဒါနာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ၊ ပုဗ္ဗေ…ပေ… ဈာနာ…ပေ… စက္ခုံ…ပေ… ဝတ္ထုံ နောဥပါဒါနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နောဥပါဒါနာဓိပတိ သမ္ပယုတ္တကာနံ ဥပါဒါနာနံ အဓိပတိပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ…ပေ… ဈာနံ…ပေ… စက္ခုံ…ပေ… ဝတ္ထုံ နောဥပါဒါနေ ခန္ဓေ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဥပါဒါနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – နောဥပါဒါနာဓိပတိ သမ္ပယုတ္တကာနံ ခန္ဓာနံ ဥပါဒါနာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)
ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ အဓိပတိပစ္စယေန ပစ္စယော… တီဏိ… အာရမ္မဏာဓိပတိ… တီဏိ (အာရဗ္ဘ ကာတဗ္ဗာ, အာရမ္မဏာဓိပတိယေဝ)။
အနန္တရပစ္စယာဒိ
* ၂၃။ ဥပါဒါနော ဓမ္မော ဥပါဒါနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒါနာ ပစ္ဆိမာနံ ပစ္ဆိမာနံ ဥပါဒါနာနံ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဥပါဒါနာ ပစ္ဆိမာနံ ပစ္ဆိမာနံ နောဥပါဒါနာနံ ခန္ဓာနံ အနန္တရပစ္စယေန ပစ္စယော၊ ဥပါဒါနံ ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဥပါဒါနာ ပစ္ဆိမာနံ ပစ္ဆိမာနံ ဥပါဒါနာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၄။ နောဥပါဒါနော ဓမ္မော နောဥပါဒါနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောဥပါဒါနာ ခန္ဓာ ပစ္ဆိမာနံ ပစ္ဆိမာနံ နောဥပါဒါနာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောဥပါဒါနာ ခန္ဓာ ပစ္ဆိမာနံ ပစ္ဆိမာနံ ဥပါဒါနာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ဥပါဒါနာနံ အနန္တရပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောဥပါဒါနာ ခန္ဓာ ပစ္ဆိမာနံ ပစ္ဆိမာနံ ဥပါဒါနာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ဥပါဒါနာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
* ၂၅။ ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒါနာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဥပါဒါနာနံ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဥပါဒါနာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နောဥပါဒါနာနံ ခန္ဓာနံ အနန္တရပစ္စယေန ပစ္စယော၊ ဥပါဒါနာ စ သမ္ပယုတ္တကာ စ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဥပါဒါနာ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဥပါဒါနာနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)
သမနန္တရပစ္စယေန ပစ္စယော… သဟဇာတပစ္စယေန ပစ္စယော (ပဋိစ္စသဒိသံ)… အညမညပစ္စယေန ပစ္စယော (ပဋိစ္စသဒိသံ)… နိဿယပစ္စယေန ပစ္စယော (ပစ္စယသဒိသံ)။
ဥပနိဿယပစ္စယော
* ၂၆။ ဥပါဒါနော ဓမ္မော ဥပါဒါနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော …ပေ…။ ပကတူပနိဿယော – ဥပါဒါနာ ဥပါဒါနာနံ ဥပနိဿယပစ္စယေန ပစ္စယော… တီဏိ။
* ၂၇။ နောဥပါဒါနော ဓမ္မော နောဥပါဒါနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… ပညံ… ရာဂံ…ပေ… ပတ္ထနံ… ကာယိကံ သုခံ…ပေ… သေနာသနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, ဒိဋ္ဌိံ ဂဏှာတိ၊ ပါဏံ ဟနတိ…ပေ… သံဃံ ဘိန္ဒတိ, သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ အဒိန္နံ…ပေ… မုသာ…ပေ… ပိသုဏံ…ပေ… သမ္ဖံ…ပေ… သန္ဓိံ…ပေ… နိလ္လောပံ…ပေ… ဧကာဂါရိကံ…ပေ… ပရိပန္ထေ…ပေ… ပရဒါရံ…ပေ… ဂါမဃာတံ…ပေ… နိဂမဃာတံ ကရောတိ၊ သဒ္ဓါ…ပေ… သေနာသနံ ဥပါဒါနာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ အဒိန္နံ အာဒိယတိ, မုသာ…ပေ… ပိသုဏံ…ပေ… သမ္ဖံ…ပေ… သန္ဓိံ…ပေ… နိလ္လောပံ…ပေ… ဧကာဂါရိကံ…ပေ… ပရိပန္ထေ…ပေ… ပရဒါရံ…ပေ… ဂါမဃာတံ…ပေ… နိဂမဃာတံ ကရောတိ၊ သဒ္ဓါ…ပေ… သေနာသနံ ဥပါဒါနာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော… တီဏိ။
ပုရေဇာတပစ္စယော
* ၂၈။ နောဥပါဒါနော ဓမ္မော နောဥပါဒါနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နောဥပါဒါနာနံ ခန္ဓာနံ ပုရေဇာတပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဥပါဒါနာနံ ပုရေဇာတပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ဥပါဒါနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဥပါဒါနာနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတာသေဝနပစ္စယာ
* ၂၉။ ဥပါဒါနော ဓမ္မော နောဥပါဒါနဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
နောဥပါဒါနော ဓမ္မော နောဥပါဒါနဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
ဥပါဒါနော စ နောဥပါဒါနော စ ဓမ္မာ နောဥပါဒါနဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁) …အာသေဝနပစ္စယေန ပစ္စယော။
ကမ္မပစ္စယော
* ၃၀။ နောဥပါဒါနော ဓမ္မော နောဥပါဒါနဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – နောဥပါဒါနာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နောဥပါဒါနာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ ကမ္မပစ္စယေန ပစ္စယော – နောဥပါဒါနာ စေတနာ သမ္ပယုတ္တကာနံ ဥပါဒါနာနံ ကမ္မပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ ကမ္မပစ္စယေန ပစ္စယော – နောဥပါဒါနာ စေတနာ သမ္ပယုတ္တကာနံ ခန္ဓာနံ ဥပါဒါနာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယာဒိ
* ၃၁။ နောဥပါဒါနော ဓမ္မော နောဥပါဒါနဿ ဓမ္မဿ ဝိပါကပစ္စယေန ပစ္စယော – ဝိပါကော နောဥပါဒါနော ဧကော ခန္ဓော…ပေ… ဧကံ။
နောဥပါဒါနော ဓမ္မော နောဥပါဒါနဿ ဓမ္မဿ အာဟာရပစ္စယေန ပစ္စယော… တီဏိ (ဧကောယေဝ ကဗဠီကာရော အာဟာရော)… ဣန္ဒြိယပစ္စယေန ပစ္စယော… တီဏိ (ရူပဇီဝိတိန္ဒြိယံ ဧကံယေဝ)… ဈာနပစ္စယေန ပစ္စယော… တီဏိ။
ဥပါဒါနော ဓမ္မော ဥပါဒါနဿ ဓမ္မဿ မဂ္ဂပစ္စယေန ပစ္စယော – ဥပါဒါနာနိ မဂ္ဂင်္ဂါနိ သမ္ပယုတ္တကာနံ ဥပါဒါနာနံ မဂ္ဂပစ္စယေန ပစ္စယော (ဣမိနာ ကာရဏေန နဝ ပဉှာ ကာတဗ္ဗာ)… သမ္ပယုတ္တပစ္စယေန ပစ္စယော… နဝ။
ဝိပ္ပယုတ္တပစ္စယော
* ၃၂။ ဥပါဒါနော ဓမ္မော နောဥပါဒါနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဥပါဒါနာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတံ – ပစ္ဆာဇာတာ ဥပါဒါနာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
နောဥပါဒါနော ဓမ္မော နောဥပါဒါနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
နောဥပါဒါနော ဓမ္မော ဥပါဒါနဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥပါဒါနာနံ ဝိပ္ပယုတ္တပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥပါဒါနာနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
* ၃၃။ ဥပါဒါနော စ နောဥပါဒါနော စ ဓမ္မာ နောဥပါဒါနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဥပါဒါနာ စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒါနာ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
* ၃၄။ ဥပါဒါနော ဓမ္မော ဥပါဒါနဿ ဓမ္မဿ အတ္ထိပစ္စယေန ပစ္စယော – ဒိဋ္ဌုပါဒါနံ ကာမုပါဒါနဿ အတ္ထိပစ္စယေန ပစ္စယော (စက္ကံ)။ (၁)
ဥပါဒါနော ဓမ္မော နောဥပါဒါနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဥပါဒါနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒါနာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
ဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အတ္ထိပစ္စယေန ပစ္စယော (သံခိတ္တံ, ပဋိစ္စသဒိသံ)။ (၃)
* ၃၅။ နောဥပါဒါနော ဓမ္မော နောဥပါဒါနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ, ဝိတ္ထာရေတဗ္ဗံ)။ (၁)
နောဥပါဒါနော ဓမ္မော ဥပါဒါနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ (သဟဇာတသဒိသံ)။ ပုရေဇာတံ (ပုရေဇာတသဒိသံ)။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ, သဟဇာတသဒိသံ သဟဇာတံ ဝိဘဇိတဗ္ဗံ, ပုရေဇာတသဒိသံ ပုရေဇာတံ)။ (၃)
* ၃၆။ ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတံ – ဒိဋ္ဌုပါဒါနဉ္စ သမ္ပယုတ္တကာ စ ခန္ဓာ ကာမုပါဒါနဿ အတ္ထိပစ္စယေန ပစ္စယော (စက္ကံ)။ သဟဇာတံ – ဒိဋ္ဌုပါဒါနဉ္စ ဝတ္ထု စ ကာမုပါဒါနဿ အတ္ထိပစ္စယေန ပစ္စယော (စက္ကံ)။ (၁)
ဥပါဒါနော စ နောဥပါဒါနော စ ဓမ္မာ နောဥပါဒါနဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတော – နောဥပါဒါနော ဧကော ခန္ဓော စ ဥပါဒါနာ စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတာ – ဥပါဒါနာ စ မဟာဘူတာ စ စိတ္တသမုဋ္ဌာနာနံ
ရူပါနံ အတ္ထိပစ္စယေန ပစ္စယော။ သဟဇာတာ – ဥပါဒါနာ စ ဝတ္ထု စ နောဥပါဒါနာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒါနာ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဥပါဒါနာ စ သမ္ပယုတ္တကာ စ ခန္ဓာ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဥပါဒါနာ စ သမ္ပယုတ္တကာ စ ခန္ဓာ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
ဥပါဒါနော စ နောဥပါဒါနော စ ဓမ္မာ ဥပါဒါနဿ စ နောဥပါဒါနဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – နောဥပါဒါနော ဧကော ခန္ဓော စ ဒိဋ္ဌုပါဒါနဉ္စ တိဏ္ဏန္နံ ခန္ဓာနံ ကာမုပါဒါနဿ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… (စက္ကံ)။ သဟဇာတံ – ဒိဋ္ဌုပါဒါနဉ္စ ဝတ္ထု စ ကာမုပါဒါနဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော (စက္ကံ)။ (၃)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၃၇။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ တီဏိ, ဝိပါကေ ဧကံ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
အနုလောမံ။
၂။ ပစ္စနီယုဒ္ဓါရော
* ၃၈။ ဥပါဒါနော ဓမ္မော ဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဥပါဒါနော ဓမ္မော နောဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၃၉။ နောဥပါဒါနော ဓမ္မော နောဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
နောဥပါဒါနော ဓမ္မော ဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
နောဥပါဒါနော ဓမ္မော ဥပါဒါနဿ စ နောဥပါဒါနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၄၀။ ဥပါဒါနော စ နောဥပါဒါနော စ ဓမ္မာ ဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဥပါဒါနော စ နောဥပါဒါနော စ ဓမ္မာ နောဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဥပါဒါနော စ နောဥပါဒါနော စ ဓမ္မာ ဥပါဒါနဿ စ နောဥပါဒါနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၄၁။ နဟေတုယာ နဝ, နအာရမ္မဏေ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၄၂။ ဟေတုပစ္စယာ နအာရမ္မဏေ နဝ, နအဓိပတိယာ နဝ…ပေ… နအညမညေ တီဏိ, နဥပနိဿယေ နဝ (သဗ္ဗတ္ထ နဝ), နသမ္ပယုတ္တေ တီဏိ, နဝိပ္ပယုတ္တေ နဝ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
* ၄၃။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ ကာတဗ္ဗာ)…ပေ… အဝိဂတေ နဝ။
ဥပါဒါနဒုကံ နိဋ္ဌိတံ။
၇၀။ ဥပါဒါနိယဒုကံ
၁-၇။ ပဋိစ္စဝါရာဒိ
* ၄၄။ ဥပါဒါနိယံ ဓမ္မံ ပဋိစ္စ ဥပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ… (ယထာ လောကိယဒုကံ, ဧဝံ ကာတဗ္ဗံ။ နိန္နာနာကရဏံ)။
ဥပါဒါနိယဒုကံ နိဋ္ဌိတံ။
၇၁။ ဥပါဒါနသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၄၅။ ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ ပဋိစ္စ လောဘော စိတ္တသမုဋ္ဌာနဉ္စ ရူပံ။ (၂)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒါနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ ပဋိစ္စ တယော ခန္ဓာ လောဘော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၄၆။ ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဒိဋ္ဌိဂတဝိပ္ပယုတ္တံ လောဘံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ ဥပါဒါနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု, ဝတ္ထုံ ပဋိစ္စ ခန္ဓာ, ဧကံ မဟာဘူတံ…ပေ…။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ။ (၂)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
* ၄၇။ ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ…။ (၃)
အာရမ္မဏပစ္စယော
* ၄၈။ ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒါနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ ပဋိစ္စ လောဘော။ (၂)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ ပဋိစ္စ တယော ခန္ဓာ လောဘော စ…ပေ… ဒွေ ခန္ဓေ…ပေ…။ (၃)
* ၄၉။ ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒါနဝိပ္ပယုတ္တံ ဧကံ ခန္ဓံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ။ (၂)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၃) (သံခိတ္တံ။)
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၅၀။ ဟေတုယာ နဝ, အာရမ္မဏေ ဆ, အဓိပတိယာ နဝ, အနန္တရေ ဆ, သမနန္တရေ ဆ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ ဆ, ပုရေဇာတေ ဆ, အာသေဝနေ ဆ, ကမ္မေ နဝ, ဝိပါကေ ဧကံ, အာဟာရေ နဝ (သဗ္ဗတ္ထ နဝ), မဂ္ဂေ နဝ, သမ္ပယုတ္တေ ဆ, ဝိပ္ပယုတ္တေ နဝ, အတ္ထိယာ နဝ, နတ္ထိယာ ဆ, ဝိဂတေ ဆ, အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၅၁။ ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒါနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယာဒိ
* ၅၂။ ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒါနသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒါနဝိပ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တံ လောဘံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒါနသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပဋိစ္စ စိတ္တသမုဋ္ဌာနံ ရူပံ။ (၁)
နအဓိပတိပစ္စယာ… နအနန္တရပစ္စယာ… နသမနန္တရပစ္စယာ… နဥပနိဿယပစ္စယာ။
နပုရေဇာတပစ္စယာဒိ
* ၅၃။ ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥပါဒါနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ ပဋိစ္စ လောဘော, ဥပါဒါနသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓံ ပဋိစ္စ တယော ခန္ဓာ လောဘော စ…ပေ… ဒွေ ခန္ဓေ…ပေ…။ (၃)
* ၅၄။ ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥပါဒါနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဥပါဒါနဝိပ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တံ လောဘံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ ခန္ဓာ။ (၂)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – ဥပါဒါနသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပဋိစ္စ စိတ္တသမုဋ္ဌာနံ ရူပံ။ (၂)
နပစ္ဆာဇာတပစ္စယာ… နအာသေဝနပစ္စယာ။
နကမ္မပစ္စယော
* ၅၅။ ဥပါဒါနသမ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဥပါဒါနသမ္ပယုတ္တေ ခန္ဓေ ပဋိစ္စ သမ္ပယုတ္တကာ စေတနာ။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဥပါဒါနဝိပ္ပယုတ္တေ ခန္ဓေ ပဋိစ္စ သမ္ပယုတ္တကာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)
ဥပါဒါနဝိပ္ပယုတ္တံ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဒိဋ္ဌိဂတဝိပ္ပယုတ္တံ လောဘံ ပဋိစ္စ သမ္ပယုတ္တကာ စေတနာ။ (၂)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပဋိစ္စ သမ္ပယုတ္တကာ စေတနာ။ (၁) (သံခိတ္တံ။)
၂။ ပစ္စယပစ္စနီယံ
၂။ သင်္ချာဝါရော
သုဒ္ဓံ
* ၅၆။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၂။ သဟဇာတဝါရော
(ဣတရေ ဒွေ ဂဏနာပိ ကာတဗ္ဗာ။ သဟဇာတဝါရော ပဋိစ္စဝါရသဒိသော။)
၇၁။ ဥပါဒါနသမ္ပယုတ္တဒုကံ
၃။ ပစ္စယဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၅၇။ ဥပါဒါနသမ္ပယုတ္တံ ဓမ္မံ ပစ္စယာ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စသဒိသံ)။
ဥပါဒါနဝိပ္ပယုတ္တံ ဓမ္မံ ပစ္စယာ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တံ ဧကံ ခန္ဓံ ပစ္စယာ…ပေ… (ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ ဥပါဒါနဝိပ္ပယုတ္တာ ခန္ဓာ, ဝတ္ထုံ ပစ္စယာ ဒိဋ္ဌိဂတဝိပ္ပယုတ္တော လောဘော။ (၁)
ဥပါဒါနဝိပ္ပယုတ္တံ ဓမ္မံ ပစ္စယာ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဥပါဒါနသမ္ပယုတ္တာ ခန္ဓာ, ဒိဋ္ဌိဂတဝိပ္ပယုတ္တံ လောဘံ ပစ္စယာ သမ္ပယုတ္တကာ ခန္ဓာ။ (၂)
ဥပါဒါနဝိပ္ပယုတ္တံ ဓမ္မံ ပစ္စယာ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဥပါဒါနသမ္ပယုတ္တကာ ခန္ဓာ, မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဒိဋ္ဌိဂတဝိပ္ပယုတ္တံ လောဘံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ, ဝတ္ထုံ ပစ္စယာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ။ (၃)
* ၅၈။ ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပစ္စယာ ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ လောဘဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပစ္စယာ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ပစ္စယာ စိတ္တသမုဋ္ဌာနံ ရူပံ, ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ ဝတ္ထုဉ္စ ပစ္စယာ လောဘော။ (၂)
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ ပစ္စယာ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒါနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဥပါဒါနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဒိဋ္ဌိဂတဝိပ္ပယုတ္တလောဘသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ လောဘော စ…ပေ… ဒွေ ခန္ဓေ စ…ပေ…။ (၃) (သံခိတ္တံ။ အာရမ္မဏပစ္စယမှိ ပဉ္စ ဝိညာဏာ ကာတဗ္ဗာ။)
၁။ ပစ္စယာနုလောမံ
၂။ သင်္ချာဝါရော
* ၅၉။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ (သဗ္ဗတ္ထ နဝ), ဝိပါကေ ဧကံ…ပေ… အဝိဂတေ နဝ။
၂။ ပစ္စယပစ္စနီယံ
၁။ ဝိဘင်္ဂဝါရော
နဟေတုပစ္စယော
* ၆၀။ ဥပါဒါနဝိပ္ပယုတ္တံ ဓမ္မံ ပစ္စယာ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒါနဝိပ္ပယုတ္တံ ဧကံ ခန္ဓံ ပစ္စယာ…ပေ… (ယာဝ
အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ…ပေ… ဝတ္ထုံ ပစ္စယာ အဟေတုကာ ဥပါဒါနဝိပ္ပယုတ္တာ ခန္ဓာ, ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။
၂။ ပစ္စယပစ္စနီယံ
၂။ သင်္ချာဝါရော
* ၆၁။ နဟေတုယာ ဧကံ, နအာရမ္မဏေ တီဏိ, နအဓိပတိယာ နဝ, နအနန္တရေ တီဏိ, နသမနန္တရေ တီဏိ, နအညမညေ တီဏိ, နဥပနိဿယေ တီဏိ, နပုရေဇာတေ သတ္တ, နပစ္ဆာဇာတေ နဝ, နအာသေဝနေ နဝ, နကမ္မေ စတ္တာရိ, နဝိပါကေ နဝ, နအာဟာရေ ဧကံ, နဣန္ဒြိယေ ဧကံ, နဈာနေ ဧကံ, နမဂ္ဂေ ဧကံ, နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ တီဏိ, နောဝိဂတေ တီဏိ။
၄။ နိဿယဝါရော
(ဧဝံ ဣတရေ ဒွေ ဂဏနာပိ နိဿယဝါရောပိ ကာတဗ္ဗော။)
၇၁။ ဥပါဒါနသမ္ပယုတ္တဒုကံ
၅။ သံသဋ္ဌဝါရော
၁-၄။ ပစ္စယာနုလောမာဒိ
* ၆၂။ ဥပါဒါနသမ္ပယုတ္တံ ဓမ္မံ သံသဋ္ဌော ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနသမ္ပယုတ္တံ ဧကံ ခန္ဓံ သံသဋ္ဌာ… တီဏိ။
ဥပါဒါနဝိပ္ပယုတ္တံ ဓမ္မံ သံသဋ္ဌော ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (ပဋိစ္စသဒိသံ, အရူပံယေဝ ကာတဗ္ဗံ)။
ဥပါဒါနဝိပ္ပယုတ္တံ ဓမ္မံ သံသဋ္ဌော ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (ပဋိစ္စသဒိသံ, အရူပံယေဝ ကာတဗ္ဗံ)။
ဥပါဒါနသမ္ပယုတ္တဉ္စ ဥပါဒါနဝိပ္ပယုတ္တဉ္စ ဓမ္မံ သံသဋ္ဌော ဥပါဒါနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (ပဋိစ္စသဒိသံ, အရူပံယေဝ ကာတဗ္ဗံ)။
ဟေတုယာ ဆ, အာရမ္မဏေ ဆ, အဓိပတိယာ ဆ (သဗ္ဗတ္ထ ဆ), ဝိပါကေ ဧကံ…ပေ… အဝိဂတေ ဆ။
အနုလောမံ။
ဥပါဒါနဝိပ္ပယုတ္တံ ဓမ္မံ သံသဋ္ဌော ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ)။
နဟေတုယာ ဧကံ, နအဓိပတိယာ ဆ, နပုရေဇာတေ ဆ, နပစ္ဆာဇာတေ ဆ, နအာသေဝနေ ဆ, နကမ္မေ စတ္တာရိ, နဝိပါကေ ဆ, နဈာနေ ဧကံ, နမဂ္ဂေ ဧကံ, နဝိပ္ပယုတ္တေ ဆ။
ပစ္စနီယံ။
၆။ သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၇၁။ ဥပါဒါနသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၆၃။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဥပါဒါနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဥပါဒါနသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ ဟေတူ ဒိဋ္ဌိဂတဝိပ္ပယုတ္တလောဘဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (မူလံ ကာတဗ္ဗံ) ဥပါဒါနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ ဟေတူ သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၆၄။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – ဥပါဒါနဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဒိဋ္ဌိဂတဝိပ္ပယုတ္တော လောဘော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တော လောဘော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တော
လောဘော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
* ၆၅။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတော မောဟော စ လောဘော စ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတော မောဟော စ လောဘော စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတော မောဟော စ လောဘော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၆၆။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဥပါဒါနသမ္ပယုတ္တေ ခန္ဓေ အာရဗ္ဘ ဥပါဒါနသမ္ပယုတ္တာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဥပါဒါနသမ္ပယုတ္တေ ခန္ဓေ အာရဗ္ဘ ဥပါဒါနဝိပ္ပယုတ္တာ ခန္ဓာ စ လောဘော စ ဥပ္ပဇ္ဇန္တိ။ (မူလံ ကာတဗ္ဗံ) ဥပါဒါနသမ္ပယုတ္တေ ခန္ဓေ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
* ၆၇။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ…ပေ… ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိဂတဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ ဥပ္ပဇ္ဇတိ, ဈာနေ ပရိဟီနေ ဝိပ္ပဋိသာရိဿ ဒေါမနဿံ ဥပ္ပဇ္ဇတိ။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ, ဖလံ…ပေ… နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ, ဝေါဒါနဿ, မဂ္ဂဿ, ဖလဿ, အာဝဇ္ဇနာယ အာရမ္မဏပစ္စယေန ပစ္စယော။ အရိယာ ဥပါဒါနဝိပ္ပယုတ္တေ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ…ပေ… စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ
ခန္ဓေ စ လောဘဉ္စ အနိစ္စတော…ပေ… ဝိပဿတိ, အဿာဒေတိ အဘိနန္ဒတိ, တံ အာရဗ္ဘ ဒိဋ္ဌိဂတဝိပ္ပယုတ္တော ရာဂေါ…ပေ… ဝိစိကိစ္ဆာ…ပေ… ဥဒ္ဓစ္စံ…ပေ… ဒေါမနဿံ ဥပ္ပဇ္ဇတိ…ပေ… (သဗ္ဗံ ပရိပုဏ္ဏံ), ဒိဗ္ဗေန စက္ခုနာ… (ယာဝ ကာယဝိညာဏံ), ဥပါဒါနဝိပ္ပယုတ္တာ ခန္ဓာ ဣဒ္ဓိဝိဓဉာဏဿ, စေတောပရိယဉာဏဿ, ပုဗ္ဗေနိဝါသာနုဿတိဉာဏဿ, ယထာကမ္မူပဂဉာဏဿ, အနာဂတံသဉာဏဿ, အာဝဇ္ဇနာယ အာရမ္မဏပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ …ပေ… ဈာနံ…ပေ… စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ ခန္ဓေ စ လောဘဉ္စ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ ခန္ဓေ စ လောဘဉ္စ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
* ၆၈။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ အာရဗ္ဘ ဥပါဒါနသမ္ပယုတ္တာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ အာရဗ္ဘ ဥပါဒါနဝိပ္ပယုတ္တာ ခန္ဓာ စ လောဘော စ ဥပ္ပဇ္ဇန္တိ။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
အဓိပတိပစ္စယော
* ၆၉။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဥပါဒါနသမ္ပယုတ္တေ ခန္ဓေ ဂရုံ ကတွာ ဥပါဒါနသမ္ပယုတ္တာ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဥပါဒါနသမ္ပယုတ္တာဓိပတိ သမ္ပယုတ္တကာနံ ခန္ဓာနံ
အဓိပတိပစ္စယေန ပစ္စယော။ (မူလံ ကာတဗ္ဗံ) အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဥပါဒါနသမ္ပယုတ္တေ ခန္ဓေ ဂရုံ ကတွာ ဒိဋ္ဌိဂတဝိပ္ပယုတ္တော လောဘော ဥပ္ပဇ္ဇတိ။ သဟဇာတာဓိပတိ – ဥပါဒါနသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာဓိပတိ လောဘဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (မူလံ ကာတဗ္ဗံ) အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဥပါဒါနသမ္ပယုတ္တေ ခန္ဓေ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ သဟဇာတာဓိပတိ – ဥပါဒါနသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာဓိပတိ သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
* ၇၀။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အဿာဒေတိ အဘိနန္ဒတိ, တံ ဂရုံ ကတွာ ဒိဋ္ဌိဂတဝိပ္ပယုတ္တော ရာဂေါ ဥပ္ပဇ္ဇတိ…ပေ… အရိယာ မဂ္ဂါ ဝုဋ္ဌဟိတွာ…ပေ… ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ဒိဋ္ဌိဂတဝိပ္ပယုတ္တော ရာဂေါ ဥပ္ပဇ္ဇတိ။ သဟဇာတာဓိပတိ – ဥပါဒါနဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ…ပေ… ဈာနံ…ပေ… စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ဝတ္ထုံ ဥပါဒါနဝိပ္ပယုတ္တေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
* ၇၁။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဥပါဒါနသမ္ပယုတ္တာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တော လောဘော ဥပ္ပဇ္ဇတိ။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတေ ခန္ဓေ စ လောဘဉ္စ ဂရုံ ကတွာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ (၃)
အနန္တရပစ္စယော
* ၇၂။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒါနသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ ဥပါဒါနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ဥပါဒါနသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော။ (၃)
* ၇၃။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ပုရိမာ ပုရိမာ ဥပါဒါနဝိပ္ပယုတ္တာ ခန္ဓာ ပစ္ဆိမာနံ ပစ္ဆိမာနံ ဥပါဒါနဝိပ္ပယုတ္တာနံ ခန္ဓာနံ အနန္တရပစ္စယေန ပစ္စယော၊ ဒိဋ္ဌိဂတဝိပ္ပယုတ္တော လောဘော ဝုဋ္ဌာနဿ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဖလသမာပတ္တိယာ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ အနန္တရပစ္စယေန ပစ္စယော။ အာဝဇ္ဇနာ ဥပါဒါနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမော ပုရိမော ဒိဋ္ဌိဂတဝိပ္ပယုတ္တော လောဘော ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော၊
အာဝဇ္ဇနာ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော။ (၃)
* ၇၄။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမဿ ပစ္ဆိမဿ ဒိဋ္ဌိဂတဝိပ္ပယုတ္တဿ လောဘဿ အနန္တရပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဝုဋ္ဌာနဿ အနန္တရပစ္စယေန ပစ္စယော။ (မူလံ ကာတဗ္ဗံ) ပုရိမာ ပုရိမာ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပစ္ဆိမာနံ ပစ္ဆိမာနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ အနန္တရပစ္စယေန ပစ္စယော။ (၃)
သမနန္တရပစ္စယာဒိ
* ၇၅။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… (ပဋိစ္စသဒိသံ) နဝ… အညမညပစ္စယေန ပစ္စယော… (ပဋိစ္စသဒိသံ) ဆ… နိဿယပစ္စယေန ပစ္စယော… (ပစ္စယဝါရသဒိသံ) နဝ။
ဥပနိဿယပစ္စယော
* ၇၆။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥပါဒါနသမ္ပယုတ္တာ ခန္ဓာ ဥပါဒါနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဥပါဒါနသမ္ပယုတ္တာ ခန္ဓာ ဥပါဒါနဝိပ္ပယုတ္တကာနံ ခန္ဓာနံ လောဘဿ စ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဥပါဒါနသမ္ပယုတ္တာ ခန္ဓာ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဥပနိဿယပစ္စယေန ပစ္စယော။ (၃)
* ၇၇။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပါဒေတိ, မာနံ ဇပ္ပေတိ, သီလံ…ပေ… ပညံ… ဥပါဒါနဝိပ္ပယုတ္တံ ရာဂံ… မာနံ… ပတ္ထနံ…ပေ… သေနာသနံ ဥပနိဿာယ ဒါနံ ဒေတိ…ပေ… သံဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ပညာယ ဥပါဒါနဝိပ္ပယုတ္တဿ ရာဂဿ… မာနဿ… ပတ္ထနာယ… ကာယိကဿ သုခဿ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – (တီဏိ ဥပနိဿယာ) သဒ္ဓံ ဥပနိဿာယ မာနံ ဇပ္ပေတိ, ဒိဋ္ဌိံ ဂဏှာတိ, သီလံ…ပေ… ပညံ… ဥပါဒါနဝိပ္ပယုတ္တံ ရာဂံ… မာနံ… ပတ္ထနံ… သေနာသနံ ဥပနိဿာယ အဒိန္နံ…ပေ… မုသာ…ပေ… ပိသုဏံ…ပေ… သမ္ဖံ…ပေ… သန္ဓိံ…ပေ… နိလ္လောပံ…ပေ… ဧကာဂါရိကံ…ပေ… ပရိပန္ထေ…ပေ… ပရဒါရံ…ပေ… ဂါမဃာတံ…ပေ… နိဂမဃာတံ ကရောတိ။ သဒ္ဓါ…ပေ… သေနာသနံ ဥပါဒါနသမ္ပယုတ္တဿ ရာဂဿ… မောဟဿ… မာနဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ, သီလံ…ပေ… ပညံ… ဥပါဒါနဝိပ္ပယုတ္တံ ရာဂံ…ပေ… သေနာသနံ ဥပနိဿာယ အဒိန္နံ အာဒိယတိ…ပေ… ဂါမဃာတံ ကရောတိ… နိဂမဃာတံ ကရောတိ…။ သဒ္ဓါ…ပေ… သေနာသနံ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဥပနိဿယပစ္စယေန ပစ္စယော။ (၃)
* ၇၈။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပါဒါနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပါဒါနဝိပ္ပယုတ္တကာနံ ခန္ဓာနံ လောဘဿ စ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
* ၇၉။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ, ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ…ပေ… ဝတ္ထု ဥပါဒါနဝိပ္ပယုတ္တကာနံ ခန္ဓာနံ လောဘဿ စ ပုရေဇာတပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဥပါဒါနသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ, ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတာသေဝနပစ္စယာ
* ၈၀။ ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ (၁)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော။ (သံခိတ္တံ။) (၁) …အာသေဝနပစ္စယေန ပစ္စယော။
ကမ္မ-ဝိပါကပစ္စယာ
* ၈၁။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ကမ္မပစ္စယေန ပစ္စယော – ဥပါဒါနသမ္ပယုတ္တာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဥပါဒါနသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ စေတနာ လောဘဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – ဥပါဒါနသမ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – ဥပါဒါနသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ဒိဋ္ဌိဂတဝိပ္ပယုတ္တလောဘသဟဂတာ စေတနာ သမ္ပယုတ္တကာနံ ခန္ဓာနံ လောဘဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
* ၈၂။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ဥပါဒါနဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – ဥပါဒါနဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဝိပါကပစ္စယေန ပစ္စယော – ဝိပါကော ဥပါဒါနဝိပ္ပယုတ္တော ဧကော…ပေ… ဧကံ။
အာဟာရပစ္စယာဒိ
* ၈၃။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… မဂ္ဂပစ္စယေန ပစ္စယော (ဣမေသု စတူသုပိ ယထာ ကမ္မပစ္စယေ ဒိဋ္ဌိဂတဝိပ္ပယုတ္တော လောဘော ဒဿိတော ဧဝံ ဒဿေတဗ္ဗော။ စတ္တာရိ စတ္တာရိ ပဉှာ)… သမ္ပယုတ္တပစ္စယေန ပစ္စယော… ဆ။
ဝိပ္ပယုတ္တပစ္စယော
* ၈၄။ ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၁)
ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ (သံခိတ္တံ)။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥပါဒါနသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဒိဋ္ဌိဂတဝိပ္ပယုတ္တလောဘသဟဂတာနံ ခန္ဓာနံ လောဘဿ စ ဝိပ္ပယုတ္တပစ္စယေန ပစ္စယော။ (၃)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ, ပစ္ဆာဇာတံ။ သဟဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ…ပေ…။
အတ္ထိပစ္စယာဒိ
* ၈၅။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသံ)။ (၁)
ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပစ္ဆာဇာတံ (သံခိတ္တံ)။ (၂)
ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
* ၈၆။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ (သံခိတ္တံ)။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (သံခိတ္တံ)။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ (ဣမေသု သဟဇာတံ သဟဇာတသဒိသံ, ပုရေဇာတံ ပုရေဇာတသဒိသံ)။ (၃)
* ၈၇။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဥပါဒါနသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ လောဘော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ, ပစ္ဆာဇာတံ, အာဟာရံ, ဣန္ဒြိယံ။ သဟဇာတာ – ဥပါဒါနသမ္ပယုတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ ဝတ္ထု စ လောဘဿ အတ္ထိပစ္စယေန ပစ္စယော။ ပစ္ဆာဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဒိဋ္ဌိဂတဝိပ္ပယုတ္တလောဘသဟဂတာ ခန္ဓာ စ လောဘော စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ, ပုရေဇာတံ။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ လောဘော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – ဒိဋ္ဌိဂတဝိပ္ပယုတ္တလောဘသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ လောဘဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၃)
နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၈၈။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ ဆ, နိဿယေ နဝ, ဥပနိဿယေ နဝ, ပုရေဇာတေ တီဏိ, ပစ္ဆာဇာတေ တီဏိ, အာသေဝနေ နဝ, ကမ္မေ စတ္တာရိ, ဝိပါကေ ဧကံ, အာဟာရေ စတ္တာရိ, ဣန္ဒြိယေ စတ္တာရိ, ဈာနေ စတ္တာရိ, မဂ္ဂေ စတ္တာရိ, သမ္ပယုတ္တေ ဆ, ဝိပ္ပယုတ္တေ ပဉ္စ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
ပစ္စနီယုဒ္ဓါရော
* ၈၉။ ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဥပါဒါနသမ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)
ဥပါဒါနသမ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
* ၉၀။ ဥပါဒါနဝိပ္ပယုတ္တော ဓမ္မော ဥပါဒါနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော … ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)
ဥပါဒါနဝိပ္ပယုတ္တော ဓမ္မော ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)
* ၉၁။ ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)
ဥပါဒါနသမ္ပယုတ္တော စ ဥပါဒါနဝိပ္ပယုတ္တော စ ဓမ္မာ ဥပါဒါနသမ္ပယုတ္တဿ စ ဥပါဒါနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)
၂။ ပစ္စယပစ္စနီယံ
၂။ သင်္ချာဝါရော
* ၉၂။ နဟေတုယာ နဝ, နအာရမ္မဏေ နဝ, နအဓိပတိယာ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၉၃။ ဟေတုပစ္စယာ နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နအညမညေ တီဏိ, နဥပနိဿယေ နဝ (သဗ္ဗတ္ထ နဝ), နသမ္ပယုတ္တေ တီဏိ, နဝိပ္ပယုတ္တေ ဆ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
* ၉၄။ နဟေတုပစ္စယာ အာရမ္မဏေ နဝ, အဓိပတိယာ နဝ (အနုလောမမာတိကာ)…ပေ… အဝိဂတေ နဝ။
ဥပါဒါနသမ္ပယုတ္တဒုကံ နိဋ္ဌိတံ။
၇၂။ ဥပါဒါနဥပါဒါနိယဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၅။ ဥပါဒါနဉ္စေဝ ဥပါဒါနိယဉ္စ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ, ကာမုပါဒါနံ ပဋိစ္စ ဒိဋ္ဌုပါဒါနံ (စက္ကံ)။ (၁)
ဥပါဒါနဉ္စေဝ ဥပါဒါနိယဉ္စ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၁)
ဥပါဒါနဉ္စေဝ ဥပါဒါနိယဉ္စ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဥပါဒါနိယော စေဝ နော စ ဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ သမ္ပယုတ္တကာ စ ခန္ဓာ စိတ္တသမုဋ္ဌာနာနဉ္စ ရူပံ (စက္ကံ)။ (၃)
* ၉၆။ ဥပါဒါနိယဉ္စေဝ နော စ ဥပါဒါနံ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနိယဉ္စေဝ နော စ ဥပါဒါနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အဇ္ဈတ္တိကာ မဟာဘူတာ)။ (၁)
ဥပါဒါနိယဉ္စေဝ နော စ ဥပါဒါနံ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနိယေ စေဝ နော စ ဥပါဒါနေ ခန္ဓေ ပဋိစ္စ ဥပါဒါနာ။ (၂)
ဥပါဒါနိယဉ္စေဝ နော စ ဥပါဒါနံ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဥပါဒါနိယော စေဝ နော စ ဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒါနိယဉ္စေဝ နော စ ဥပါဒါနံ ဧကံ ခန္ဓံ ပဋိစ္စ တယော ခန္ဓာ ဥပါဒါနာ စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
* ၉၇။ ဥပါဒါနဉ္စေဝ ဥပါဒါနိယဉ္စ ဥပါဒါနိယဉ္စေဝ နော စ ဥပါဒါနဉ္စ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနဉ္စ သမ္ပယုတ္တကေ စ ခန္ဓေ ပဋိစ္စ ကာမုပါဒါနံ (စက္ကံ)။ (၁)
ဥပါဒါနဉ္စေဝ ဥပါဒါနိယဉ္စ ဥပါဒါနိယဉ္စေဝ နော စ ဥပါဒါနဉ္စ ဓမ္မံ ပဋိစ္စ ဥပါဒါနိယော စေဝ နော စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနိယဉ္စေဝ နော စ ဥပါဒါနံ ဧကံ ခန္ဓဉ္စ ဥပါဒါနေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… ဥပါဒါနေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒါနဉ္စေဝ ဥပါဒါနိယဉ္စ ဥပါဒါနိယဉ္စေဝ နော စ ဥပါဒါနဉ္စ ဓမ္မံ ပဋိစ္စ ဥပါဒါနော စေဝ ဥပါဒါနိယော စ ဥပါဒါနိယော စေဝ နော စ ဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒါနိယဉ္စေဝ နော စ ဥပါဒါနံ ဧကံ ခန္ဓဉ္စ ဒိဋ္ဌုပါဒါနဉ္စ ပဋိစ္စ တယော ခန္ဓာ ကာမုပါဒါနဉ္စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… (စက္ကံ)။ (၃)
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ယထာ ဥပါဒါနဒုကံ ဧဝံ ပဋိစ္စဝါရောပိ သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ကာတဗ္ဗာ, နိန္နာနာကရဏာ, အာမသနံ နာနာကရဏံ။)
၇၂။ ဥပါဒါနဥပါဒါနိယဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၉၈။ ဥပါဒါနော စေဝ ဥပါဒါနိယော စ ဓမ္မော ဥပါဒါနဿ စေဝ ဥပါဒါနိယဿ စ ဓမ္မဿ ဟေတုပစ္စယေန ပစ္စယော – ဥပါဒါနာ စေဝ ဥပါဒါနိယာ စ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (၁)
ဥပါဒါနော စေဝ ဥပါဒါနိယော စ ဓမ္မော ဥပါဒါနိယဿ စေဝ နော စ ဥပါဒါနဿ ဓမ္မဿ ဟေတုပစ္စယေန ပစ္စယော – ဥပါဒါနာ စေဝ ဥပါဒါနိယာ စ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော (ဥပါဒါနဒုကသဒိသာ နိန္နာနာ, နဝ ပဉှာ)။
အာရမ္မဏပစ္စယော
* ၉၉။ ဥပါဒါနော စေဝ ဥပါဒါနိယော စ ဓမ္မော ဥပါဒါနဿ စေဝ ဥပါဒါနိယဿ စ ဓမ္မဿ အာရမ္မဏပစ္စယေန ပစ္စယော – ဥပါဒါနေ အာရဗ္ဘ ဥပါဒါနာ ဥပ္ပဇ္ဇန္တိ… တီဏိ။
ဥပါဒါနိယော စေဝ နော စ ဥပါဒါနော ဓမ္မော ဥပါဒါနိယဿ စေဝ နော စ ဥပါဒါနဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… ဈာနာ ဝုဋ္ဌဟိတွာ ဈာနံ ပစ္စဝေက္ခတိ, အဿာဒေတိ အဘိနန္ဒတိ, တံ အာရဗ္ဘ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဝိစိကိစ္ဆာ ဥဒ္ဓစ္စံ ဒေါမနဿံ ဥပ္ပဇ္ဇတိ၊ အရိယာ ဂေါတြဘုံ ပစ္စဝေက္ခန္တိ, ဝေါဒါနံ ပစ္စဝေက္ခန္တိ, ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ…ပေ… စက္ခုံ…ပေ… ဝတ္ထုံ…ပေ… (သံခိတ္တံ) အနာဂတံသဉာဏဿ အာဝဇ္ဇနာယ အာရမ္မဏပစ္စယေန ပစ္စယော။ (၁)
ဥပါဒါနိယော စေဝ နော စ ဥပါဒါနော ဓမ္မော ဥပါဒါနဿ စေဝ ဥပါဒါနိယဿ စ ဓမ္မဿ အာရမ္မဏပစ္စယေန ပစ္စယော (သံခိတ္တံ, ဣတရေ ဒွေ ဥပါဒါနဒုကသဒိသာ)။ (၃)
ဥပါဒါနော စေဝ ဥပါဒါနိယော စ ဥပါဒါနိယော စေဝ နော စ ဥပါဒါနော စ ဓမ္မာ ဥပါဒါနဿ စေဝ ဥပါဒါနိယဿ စ ဓမ္မဿ အာရမ္မဏပစ္စယေန ပစ္စယော… တီဏိ (ဟေဋ္ဌာ အဓိပတိ တီဏိ, ဥပါဒါနဒုကသဒိသာ)။
အဓိပတိပစ္စယော
* ၁၀၀။ ဥပါဒါနိယော စေဝ နော စ ဥပါဒါနော ဓမ္မော ဥပါဒါနိယဿ စေဝ နော စ ဥပါဒါနဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ဒါနံ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ, အဿာဒေတိ အဘိနန္ဒတိ, တံ ဂရုံ ကတွာ ရာဂေါ ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ၊ သေက္ခာ ဂေါတြဘုံ ဂရုံ ကတွာ…ပေ… ဝေါဒါနံ…ပေ… စက္ခုံ…ပေ… ဝတ္ထုံ ဥပါဒါနိယေ စေဝ နော စ ဥပါဒါနေ ခန္ဓေ ဂရုံ ကတွာ ဥပါဒါနိယာ စေဝ နော စ ဥပါဒါနာ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဥပါဒါနိယာ စေဝ နော စ ဥပါဒါနာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော (အဝသေသာ ဒွေပိ အာရမ္မဏာဓိပတိ သဟဇာတာဓိပတိပိ ဥပါဒါနဒုကသဒိသာ)။ (၃)
(ဃဋနာ အဓိပတိ တီဏိ, ဥပါဒါနဒုကသဒိသာ။ သဗ္ဗေ ပစ္စယာ ဥပါဒါနဒုကသဒိသာ။ ဥပါဒါနိယေ လောကုတ္တရံ နတ္ထိ, ပစ္စနီယမ္ပိ ဣတရေ ဒွေ ဂဏနာပိ ဥပါဒါနဒုကသဒိသံ။)
ဥပါဒါနဥပါဒါနိယဒုကံ နိဋ္ဌိတံ။
၇၃။ ဥပါဒါနဥပါဒါနသမ္ပယုတ္တဒုကံ
၁။ ပဋိစ္စဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၁။ ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ (စက္ကံ ကာတဗ္ဗံ)။ (၁)
ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနေ ပဋိစ္စ သမ္ပယုတ္တကာ ခန္ဓာ။ (၂)
ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ ဥပါဒါနသမ္ပယုတ္တော စေဝ နော စ ဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ သမ္ပယုတ္တကာ စ ခန္ဓာ (စက္ကံ)။ (၃)
၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
ဥပါဒါနသမ္ပယုတ္တဉ္စေဝ နော စ ဥပါဒါနံ ဓမ္မံ ပဋိစ္စ…ပေ…။ (သံခိတ္တံ။ အာမသနံ နာနာကရဏံ ဥပါဒါနဒုကသဒိသံ နဝ ပဉှာ။ ရူပံ နတ္ထိ။ ဧဝံ သဗ္ဗေပိ ဝါရာ ဝိတ္ထာရေတဗ္ဗာ။ အရူပံယေဝ။)
၇၃။ ဥပါဒါနဥပါဒါနသမ္ပယုတ္တဒုကံ
၇။ ပဉှာဝါရော
၁။ ပစ္စယာနုလောမံ
၁။ ဝိဘင်္ဂဝါရော
ဟေတုပစ္စယော
* ၁၀၂။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဥပါဒါနာ စေဝ
ဥပါဒါနသမ္ပယုတ္တာ စ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနာ စေဝ ဥပါဒါနသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနာ စေဝ ဥပါဒါနသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ ဟေတုပစ္စယေန ပစ္စယော။ (၃)
* ၁၀၃။ ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ ဟေတုပစ္စယေန ပစ္စယော – ဥပါဒါနသမ္ပယုတ္တာ စေဝ နော စ ဥပါဒါနာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနသမ္ပယုတ္တာ စေဝ နော စ ဥပါဒါနာ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနသမ္ပယုတ္တာ စေဝ နော စ ဥပါဒါနာ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ ဟေတုပစ္စယေန ပစ္စယော။ (၃)
* ၁၀၄။ ဥပါဒါနော စေဝ ဥပါဒါနသမ္ပယုတ္တော စ ဥပါဒါနသမ္ပယုတ္တော စေဝ နော စ ဥပါဒါနော စ ဓမ္မာ ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဥပါဒါနာ စေဝ ဥပါဒါနသမ္ပယုတ္တာ စ ဥပါဒါနသမ္ပယုတ္တာ စေဝ နော စ ဥပါဒါနာ စ ဟေတူ သမ္ပယုတ္တကာနံ ဥပါဒါနာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနာ စေဝ ဥပါဒါနသမ္ပယုတ္တာ စ ဥပါဒါနသမ္ပယုတ္တာ စေဝ နော စ ဥပါဒါနာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (မူလံ ပုစ္ဆိတဗ္ဗံ) ဥပါဒါနာ စေဝ ဥပါဒါနသမ္ပယုတ္တာ စ ဥပါဒါနသမ္ပယုတ္တာ စေဝ နော စ ဥပါဒါနာ စ ဟေတူ သမ္ပယုတ္တကာနံ ခန္ဓာနံ ဥပါဒါနာနဉ္စ ဟေတုပစ္စယေန ပစ္စယော။ (၃)
အာရမ္မဏပစ္စယော
* ၁၀၅။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – ဥပါဒါနေ အာရဗ္ဘ ဥပါဒါနာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) ဥပါဒါနေ အာရဗ္ဘ ဥပါဒါနသမ္ပယုတ္တာ စေဝ နော စ ဥပါဒါနာ ခန္ဓာ ဥပ္ပဇ္ဇန္တိ။ (မူလံ ပုစ္ဆိတဗ္ဗံ) ဥပါဒါနေ အာရဗ္ဘ ဥပါဒါနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ အာရမ္မဏပစ္စယေန ပစ္စယော – ဥပါဒါနသမ္ပယုတ္တေ စေဝ နော စ ဥပါဒါနေ ခန္ဓေ အာရဗ္ဘ ဥပါဒါနသမ္ပယုတ္တာ စေဝ နော စ ဥပါဒါနာ ခန္ဓာ ဥပ္ပဇ္ဇန္တိ (တီဏိပိ ကာတဗ္ဗာ, ဃဋနေ တီဏိပိ ကာတဗ္ဗာ)။
အဓိပတိပစ္စယော
* ၁၀၆။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော… တီဏိ။ (၃)
ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ (တီဏိပိ, တီသုပိ ဒွေပိ အဓိပတိ ကာတဗ္ဗာ, ဃဋနာဓိပတိပိ တီဏိ)။
အနန္တရပစ္စယော
* ၁၀၇။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒါနာ စေဝ ဥပါဒါနသမ္ပယုတ္တာ စ ခန္ဓာ ပစ္ဆိမာနံ ပစ္ဆိမာနံ ဥပါဒါနာနံ အနန္တရပစ္စယေန ပစ္စယော (ဧဝံ နဝပိ ပဉှာ ကာတဗ္ဗာ, အာဝဇ္ဇနာပိ ဝုဋ္ဌာနမ္ပိ နတ္ထိ)။
သမနန္တရပစ္စယာဒိ
* ၁၀၈။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ သမနန္တရပစ္စယေန ပစ္စယော… နဝ… သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… နဝ… နိဿယပစ္စယေန ပစ္စယော… နဝ။
ဥပနိဿယပစ္စယော
* ၁၀၉။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော…ပေ… တီဏိ။
ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော, အနန္တရူပနိဿယော, ပကတူပနိဿယော…ပေ…။ ပကတူပနိဿယော – ဥပါဒါနသမ္ပယုတ္တာ စေဝ နော စ ဥပါဒါနာ ခန္ဓာ ဥပါဒါနသမ္ပယုတ္တကာနဉ္စေဝ နော စ ဥပါဒါနာနံ ခန္ဓာနံ ဥပနိဿယပစ္စယေန ပစ္စယော (တီဏိ ဃဋနုပနိဿယေပိ တီဏိ)… အာသေဝနပစ္စယေန ပစ္စယော… နဝ။
ကမ္မပစ္စယာဒိ
* ၁၁၀။ ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ ကမ္မပစ္စယေန ပစ္စယော… တီဏိ… အာဟာရပစ္စယေန ပစ္စယော… တီဏိ… ဣန္ဒြိယပစ္စယေန ပစ္စယော… တီဏိ… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… နဝ… သမ္ပယုတ္တပစ္စယေန ပစ္စယော… နဝ… အတ္ထိပစ္စယေန ပစ္စယော… နဝ… နတ္ထိပစ္စယေန ပစ္စယော… နဝ… ဝိဂတပစ္စယေန ပစ္စယော… နဝ… အဝိဂတပစ္စယေန ပစ္စယော… နဝ။
၁။ ပစ္စယာနုလောမံ
၂။ သင်္ချာဝါရော
သုဒ္ဓံ
* ၁၁၁။ ဟေတုယာ နဝ, အာရမ္မဏေ နဝ, အဓိပတိယာ နဝ, အနန္တရေ နဝ, သမနန္တရေ နဝ, သဟဇာတေ နဝ, အညမညေ နဝ, နိဿယေ နဝ, ဥပနိဿယေ နဝ, အာသေဝနေ နဝ, ကမ္မေ တီဏိ, အာဟာရေ တီဏိ, ဣန္ဒြိယေ တီဏိ, ဈာနေ တီဏိ, မဂ္ဂေ နဝ, သမ္ပယုတ္တေ နဝ, အတ္ထိယာ နဝ, နတ္ထိယာ နဝ, ဝိဂတေ နဝ, အဝိဂတေ နဝ။
ပစ္စနီယုဒ္ဓါရော
* ၁၁၂။ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)
ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနသမ္ပယုတ္တဿ စေဝ နော စ ဥပါဒါနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)
ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပါဒါနဿ စေဝ ဥပါဒါနသမ္ပယုတ္တဿ စ ဥပါဒါနသမ္ပယုတ္တဿ စေဝ နော စ ဥပါဒါနဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော (ဧဝံ နဝပိ ကာတဗ္ဗာ, ဧကေကဿ မူလေ တီဏိ တီဏိ ပဉှာ)။
၂။ ပစ္စယပစ္စနီယံ
၂။ သင်္ချာဝါရော
* ၁၁၃။ နဟေတုယာ နဝ, နအာရမ္မဏေ နဝ, နအဓိပတိယာ နဝ (သဗ္ဗတ္ထ နဝ), နောအဝိဂတေ နဝ။
၃။ ပစ္စယာနုလောမပစ္စနီယံ
* ၁၁၄။ ဟေတုပစ္စယာ နအာရမ္မဏေ နဝ, နအဓိပတိယာ နဝ, နအနန္တရေ နဝ, နသမနန္တရေ နဝ, နဥပနိဿယေ နဝ (သဗ္ဗတ္ထ နဝ), နမဂ္ဂေ နဝ, နသမ္ပယုတ္တေ နဝ, နောနတ္ထိယာ နဝ, နောဝိဂတေ နဝ။
၄။ ပစ္စယပစ္စနီယာနုလောမံ
* ၁၁၅။ နဟေတုပစ္စယာ အာရမ္မဏေ နဝ, အဓိပတိယာ နဝ…ပေ… (အနုလောမမာတိကာ ကာတဗ္ဗာ)။
ဥပါဒါနဥပါဒါနသမ္ပယုတ္တဒုကံ နိဋ္ဌိတံ။
၇၄။ ဥပါဒါနဝိပ္ပယုတ္တဥပါဒါနိယဒုကံ
၁။ ပဋိစ္စဝါရော
၁-၄။ ပစ္စယာနုလောမာဒိ
ဟေတုပစ္စယော
* ၁၁၆။ ဥပါဒါနဝိပ္ပယုတ္တံ ဥပါဒါနိယံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တံ ဥပါဒါနိယံ
ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
ဥပါဒါနဝိပ္ပယုတ္တံ အနုပါဒါနိယံ ဓမ္မံ ပဋိစ္စ ဥပါဒါနဝိပ္ပယုတ္တော အနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တံ အနုပါဒါနိယံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)
ဥပါဒါနဝိပ္ပယုတ္တံ အနုပါဒါနိယံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တေ အနုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒါနဝိပ္ပယုတ္တံ အနုပါဒါနိယံ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော စ ဥပါဒါနဝိပ္ပယုတ္တော အနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒါနဝိပ္ပယုတ္တံ အနုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)
ဥပါဒါနဝိပ္ပယုတ္တံ ဥပါဒါနိယဉ္စ ဥပါဒါနဝိပ္ပယုတ္တံ အနုပါဒါနိယဉ္စ ဓမ္မံ ပဋိစ္စ ဥပါဒါနဝိပ္ပယုတ္တော ဥပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနဝိပ္ပယုတ္တေ အနုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ဟေတုယာ ပဉ္စ, အာရမ္မဏေ ဒွေ…ပေ… အဝိဂတေ ပဉ္စ။
(ဣမံ ဒုကံ စူဠန္တရဒုကေ လောကိယဒုကသဒိသံ, နိန္နာနာကရဏံ။)
ဥပါဒါနဝိပ္ပယုတ္တဥပါဒါနိယဒုကံ နိဋ္ဌိတံ။
ဥပါဒါနဂေါစ္ဆကံ နိဋ္ဌိတံ။
တတိယော ဘာဂေါ နိဋ္ဌိတော။
- Get link
- X
- Other Apps
Labels
အဘိဓမ္မပိဋက (ပါဠိ)- Get link
- X
- Other Apps
Comments
Post a Comment