။ နမော တဿ ဘဂဝတော အရဟတော သမ္မာသမ္ဗုဒ္ဓဿ။
ကစ္စာယနဗျာကရဏံဓိ
၁. သန္ဓိ
֍ ♦ ၂, ၂. အက္ခရာပါဒယော ဧကစတ္တာလိသံ။
֍ ♦ ၃, ၃ တတ္ထောဒန္တာ သရာ အဋ္ဌ။
֍ ♦ ၇, ၉. ဝဂ္ဂါ ပဉ္စပဉ္စသော မန္တာ။
֍ ♦ ၁၀, ၁၂. ပုဗ္ဗမဓောဌိတမဿရံ သရေန ဝိယောဇယေ။
ဣတိ သန္ဓိကပ္ပေ ပဌမော ကဏ္ဍော။
(ကစ္စည်း၊၂။)֍ ♦ ၁၄, ၁၆. ကွစာသဝဏ္ဏံ လုတ္တေ။
֍ ♦ ၂၂, ၂၈. ဧဝါဒိဿ ရိ ပုဗ္ဗော စ ရဿော။
ဣတိ သန္ဓိကပ္ပေ ဒုတိယော ကဏ္ဍော။
֍ ♦ ၂၇, ၃၉. လောပဉ္စ တတြာကာရော။
֍ ♦ ၂၉, ၄၂. ဝဂ္ဂေ ဃောသာဃောသာနံ တတိယပဌမာ။
ဣတိ သန္ဓိကပ္ပေ တတိယော ကဏ္ဍော။
(ကစ္စည်း၊၃။)֍ ♦ ၃၀, ၅၈. အံ ဗျဉ္ဇနေ နိဂ္ဂဟိတံ။
֍ ♦ ၃၁, ၄၉. ဝဂ္ဂန္တံ ဝါ ဝဂ္ဂေ။
֍ ♦ ၃၅, ၃၄. ယ ဝ မ ဒ န တ ရ လာ စာဂမာ။
֍ ♦ ၄၁, ၅၆. ဗျဉ္ဇနော စ ဝိသညောဂေါ။
ဣတိ သန္ဓိကပ္ပေ စတုတ္ထော ကဏ္ဍော။
֍ ♦ ၄၂, ၃၂. ဂေါသရေ ပုထဿာဂမော ကွစိ။
(ကစ္စည်း၊၄။)֍ ♦ ၅၁, ၅၉. အနုပဒိဋ္ဌာနံ ဝုတ္တယောဂတော။
ဣတိ သန္ဓိကပ္ပေ ပဉ္စမော ကဏ္ဍော။
သန္ဓိသုတ္တံ နိဋ္ဌိတံ။
၂. နာမ
֍ ♦ ၅၃, ၆၁. လိင်္ဂဉ္စ နိပ္ပဇ္ဇတေ။
֍ ♦ ၅၄, ၆၂. တတော စ ဝိဘတ္တိယော။
֍ ♦ ၅၅, ၆၃. သိ ယော အံ ယော နာ ဟိ သ နံ သ္မာ ဟိ သနံ သ္မိံ သု။
֍ ♦ ၆၂, ၂၀၆. သံသာသွေကဝစနေသု စ။
(ကစ္စည်း၊၅။)֍ ♦ ၆၇, ၂၂၉. နော စ ဒွါဒိတော နံမှိ။
֍ ♦ ၆၈, ၁၈၄. အမာ ပတော သ္မိံသ္မာနံ ဝါ။
֍ ♦ ၇၀, ၃၀. ဈလာနမိယုဝါ သရေ ဝါ။
֍ ♦ ၇၇, ၁၇၅, တတော နမံ ပတိမှာလုတ္တေ စ သမာသေ။
֍ ♦ ၇၉, ၄၆. တဗ္ဗိပရီတူပပဒေ ဗျဉ္ဇနေ စ။
(ကစ္စည်း၊၆။)֍ ♦ ၈၂, ၁၄၉. အံမော နိဂ္ဂဟိတံ ဈလပေဟိ။
֍ ♦ ၈၃, ၆၇. သရလောပေါ မာဒေသပစ္စယာဒိမှိ သရလောပေ တု ပကတိ။
֍ ♦ ၈၄, ၁၄၄. အဃော ရဿမေကဝစနယောသွပိ စ။
֍ ♦ ၈၅, ၁၅၀. န သိသ္မိမနပုံသကာနိ။
֍ ♦ ၈၆, ၂၂၇. ဥဘာဒိတော နမိန္နံ။
֍ ♦ ၈၇, ၂၃၁. ဣဏ္ဏမိဏ္ဏန္နံ တီဟိ သင်္ချာဟိ။
֍ ♦ ၈၈, ၁၄၇. ယာသု ကတနိကာရလောပေသု ဒီဃံ။
֍ ♦ ၉၂, ၁၀၀. န္တုဿန္တော ယောသု စ။
֍ ♦ ၉၈, ၁၈၉. မာတုလာဒီနမာနတ္တမီကာရေ။
֍ ♦ ၉၉, ၈၁. သ္မာဟိသ္မိံနံ မှာဘိမှိ ဝါ။
֍ ♦ ၁၀၀, ၂၁၄. န တိမေဟိ ကတာကာရေဟိ။
(ကစ္စည်း၊၇။)֍ ♦ ၁၀၂, ၂၀၂. သဗ္ဗနာမာနံ နံမှိ စ။
֍ ♦ ၁၀၉, ၂၉၅. အာယ စတုတ္ထေကဝစနဿ တု။
֍ ♦ ၁၁၀, ၂၀၁. တယော နေဝ စ သဗ္ဗနာမေဟိ။
֍ ♦ ၁၁၆, ၁၅၇. အကတရဿာ လတော ယွာလပနဿဝေဝေါ။
֍ ♦ ၁၁၇, ၁၂၄. ဈလတော သဿ နော ဝါ။
֍ ♦ ၁၁၈, ၁၄၆. ဃပတော စ ယောနံ လောပေါ။
֍ ♦ ၁၁၉, ၁၁၅. လတော ဝေါကာရော စ။
ဣတိ နာမကပ္ပေ ပဌမော ကဏ္ဍော။
(ကစ္စည်း၊၈။)֍ ♦ ၁၂၀, ၂၄၃. အမှဿ မမံ သဝိဘတ္တိဿ သေ။
֍ ♦ ၁၂၁, ၂၃၃. မယံ ယောမှိ ပဌမေ။
֍ ♦ ၁၂၇, ၁၀၂. တော တိတာ သသ္မိံနာသု။
֍ ♦ ၁၂၉, ၂၂၂. ဣမဿိဒမံသိသု နပုံသကေ။
֍ ♦ ၁၃၁, ၀. ဣတ္ထိပုမနပုံသကသင်္ချံ။
֍ ♦ ၁၃၂, ၂၂၈. ယောသု ဒွိန္နံ ဒွေ စ။
֍ ♦ ၁၃၃, ၂၃၀. တိစတုန္နံ တိဿော စတဿော တယောစတ္တာရော တီဏိ စတ္တာရိ။
֍ ♦ ၁၃၅, ၁၁၈. ရာဇဿာ ရညော ရာဇိနော သေ။
֍ ♦ ၁၃၈, ၁၂၁. သ္မိံမှိ ရညေ ရာဇိနိ။
(ကစ္စည်း၊၉။)֍ ♦ ၁၃၉, ၂၄၅. တုမှမှာကံ တယိ မယိ။
֍ ♦ ၁၄၆, ၂၃၆. တုမှဿ တုဝံတွမမှိ။
֍ ♦ ၁၄၇, ၂၄၆. ပဒတော ဒုတိယာစတုတ္ထီဆဋ္ဌီသု ဝေါ နော။
֍ ♦ ၁၅၁, ၂၅၀. ဗဟုဝစနေသု ဝေါ နော။
֍ ♦ ၁၅၆, ၁၄၂. အာနေ သ္မိံမှိ ဝါ။
(ကစ္စည်း၊၁၀။)ဣတိ နာမကပ္ပေ ဒုတိယော ကဏ္ဍော။
֍ ♦ ၁၆၁, ၂၄၄. တုမှမှေဟိ နမာကံ။
֍ ♦ ၁၆၄, ၂၀၀. သဗ္ဗနာမကာရတေ ပဌမော။
֍ ♦ ၁၆၆, ၂၀၉. နာညံ သဗ္ဗနာမိကံ။
֍ ♦ ၁၆၈, ၂၀၃. သဗ္ဗတော နံ သံသာနံ။
֍ ♦ ၁၆၉, ၁၁၇. ရာဇဿ ရာဇု သုနံ ဟိသု စ။
֍ ♦ ၁၇၂, ၂၁၈. အနပုံသကဿာ ယံ သ္မိမှိ။
֍ ♦ ၁၇၅, ၂၁၂. တဿ ဝါ နတ္တံ သဗ္ဗတ္ထ။
(ကစ္စည်း၊၁၀။)֍ ♦ ၁၇၆, ၂၁၃. သသ္မာသ္မိံသံသာသွတ္တံ ၀.၀၀၁၁။
֍ ♦ ၁၇၉, ၂၀၄. ဃပတော သ္မိံ သာနံ သံသာ။
֍ ♦ ၁၈၀, ၂၀၇. နေတာဟိ သ္မိမာယယာ။
֍ ♦ ၁၈၁, ၉၅. မနောဂဏာဒိတော သ္မိံနာနမိအာ။
֍ ♦ ၁၈၅, ၁၁၂. သန္တသဒ္ဒဿာ သော ဘေ ဗော စန္တေ။
֍ ♦ ၁၈၆, ၁၀၇. သိမှိ ဂစ္ဆန္တာဒီနံ န္တသဒ္ဒေါ အံ။
֍ ♦ ၁၈၈, ၁၅၅. ဗြဟ္မတ္တ သခ ရာဇာဒိတော အမာနံ။
֍ ♦ ၁၉၁, ၁၃၀. သခတော စာယော နော။
֍ ♦ ၁၉၄, ၁၃၁. သခန္တဿိ နောနာနံသေသု။
(ကစ္စည်း၊၁၂။)֍ ♦ ၁၉၇, ၁၂၅. ဗြဟ္မတော တု သ္မိံနိ။
֍ ♦ ၁၉၉, ၁၅၈. သတ္ထုပိတာဒီနမာ သိသ္မိံ သိလောပေါ စ။
֍ ♦ ၂၀၃, ၁၆၂. ဥ သသ္မိံ သလောပေါ စ။
֍ ♦ ၂၀၄, ၁၆၇. သက္ကမန္ဓာတာဒီနဉ္စ။
֍ ♦ ၂၀၅, ၁၆၀. တတော ယောနမော တု။
֍ ♦ ၂၁၀, ၂၃၉. တယာတယိနံ တကာရော တွတ္တံ ဝါ။
ဣတိ နာမကပ္ပေ တတိယော ကဏ္ဍော။
֍ ♦ ၂၁၁, ၁၂၆. အတ္တန္တော ဟိသ္မိမနတ္တံ။
(ကစ္စည်း၊၁၃။)֍ ♦ ၂၁၆, ၁၈၀. ဃပတော သ္မိံယံ ဝါ။
֍ ♦ ၂၁၇, ၁၉၉. ယောနံ နိ နပုံသကေဟိ။
֍ ♦ ၂၂၀, ၇၄. သေသတော လောပံ ဂသိပိ။
֍ ♦ ၂၂၁, ၂၈၂. သဗ္ဗာသမာဝုသောပသဂ္ဂနိပါတာဒီဟိ စ။
֍ ♦ ၂၂၂, ၃၂၇. ပုမဿ လိင်္ဂါဒီသု သမာသေသု။
֍ ♦ ၂၂၃, ၁၈၈. အံ ယမီတော ပသညတော။
֍ ♦ ၂၃၁, ၂၆၃. သဗ္ဗဿေတဿာကာရော ဝါ။
(ကစ္စည်း၊၁၄။)֍ ♦ ၂၃၄, ၂၆၅. ဣမဿိ ထံ ဒါနိ ဟ တော ဓေသု စ။
֍ ♦ ၂၃၇, ၁၇၆. ဣတ္ထိယမတော အာပစ္စယော။
֍ ♦ ၂၃၉, ၁၉၀. ဏဝ ဏိက ဏေယျ ဏန္တုဟိ။
֍ ♦ ၂၄၀, ၁၉၃. ပတိဘိက္ခုရာဇီကာရန္တေဟိ ဣနီ။
֍ ♦ ၂၄၄, ၇၂. အကာရပိတာဒျန္တာနမာ။
ဣတိ နာမကပ္ပေ စတုတ္ထော ကဏ္ဍော။
֍ ♦ ၂၄၇, ၂၆၁. တွာဒယော ဝိဘတ္တိသညာယော။
֍ ♦ ၂၄၈, ၂၆၀. ကွစိ တော ပဉ္စမျတ္ထေ။
֍ ♦ ၂၄၉, ၂၆၆. တြထ သတ္တမိယာ သဗ္ဗနာမေဟိ။
(ကစ္စည်း၊၁၅။)֍ ♦ ၂၅၇, ၂၇၆. ကိံသဗ္ဗညေကယကုဟိ ဒါဒါစနံ။
֍ ♦ ၂၅၉, ၂၇၉. ဣမသ္မာ ရဟိဓုနာဒါနိ စ။
֍ ♦ ၂၆၀, ၂၇၇. သဗ္ဗဿ သော ဒါမှိ ဝါ။
֍ ♦ ၂၆၁, ၃၆၉. အဝဏ္ဏော ယေ လောပဉ္စ။
֍ ♦ ၂၆၂, ၃၉၁. ဝုဍ္ဎဿ ဇော ဣယိဋ္ဌေသု။
֍ ♦ ၂၆၈, ၃၉၇. ဝန္တုမန္တုဝီနဉ္စ လောပေါ။
֍ ♦ ၂၆၉, ၄၁. ယဝတံ တလဏဒကာရာနံ ဗျဉ္ဇနာနိ စလဉဇကာရတ္တံ။
֍ ♦ ၂၇၀, ၁၂၀. အမှ တုမှ န္တု ရာဇ ဗြဟ္မတ္တ သခ သတ္ထု– ပိတာဒီဟိ သ္မာ နာဝ။
ဣတိ နာမကပ္ပေ ပဉ္စမော ကဏ္ဍော။
နာမသုတ္တံ နိဋ္ဌိတံ။
(ကစ္စည်း၊၁၆။)၃. ကာရက
֍ ♦ ၂၇၁, ၈၈. ယသ္မာ ဒပေတိံ ဘယမာဒတ္တေ ဝါ တဒပါဒါနံ။ (၃၀၈)
֍ ♦ ၂၇၂, ၃၀၉. ဓာတုနာမာနမုပသဂ္ဂယောဂါဒီသွပိ စ။
֍ ♦ ၂၇၃, ၃၁၀. ရက္ခဏတ္ထာနမိစ္ဆိတံ။
֍ ♦ ၂၇၅, ၃၁၂. ဒူရန္တိကဒ္ဓကာလ နိမ္မာန တွာလောပ ဒိသာ ယောဂ ဝိဘတ္တာရပ္ပယောဂ သုဒ္ဓပ္ပမောစနဟေတု ဝိဝိတ္တပ္ပမာဏပုဗ္ဗယောဂ ဗန္ဓနဂုဏဝစန ပဉှကထန ထောကာတတ္တူသု စ။
֍ ♦ ၂၇၆, ၃၀၂. ယဿ ဒါတုကာမော ရောစတေ ဓာရယတေ ပါ တံ သမ္ပဒါနံ။
֍ ♦ ၂၇၇, ၃၀၃. သိလာဃ ဟနု ဌာ သပ ဓာရ ပိဟ ကုဓ ဒုဟိဿော ဿူယ ရာဓိက္ခ ပစ္စာသုဏ အနုပတိဂိဏ ပုဗ္ဗကတ္တာရောစနတ္ထ တဒတ္ထ တုမတ္ထာလမတ္ထ မညာနာဒရပ္ပာဏိနိ ဂတျတ္ထကမ္မနိအာသိသတ္ထသမ္မုတိဘိယျသတ္တမျတ္ထေသု စ။
֍ ♦ ၂၇၈, ၃၂၀. ယောဓာရော တမောကာသံ။
֍ ♦ ၂၇၉, ၂၉၂. ယေန ဝါ ကယိရတေ တံ ကရဏံ။
֍ ♦ ၂၈၀, ၂၈၅, ယံ ကရောတိ တံ ကမ္မံ။
֍ ♦ ၂၈၁, ၂၉၄. ယော ကရောတိ သ ကတ္တာ။
֍ ♦ ၂၈၂, ၂၉၅. ယော ကာရေဟိ သ ဟေတု။
(ကစ္စည်း၊၁၇။)֍ ♦ ၂၈၃, ၃၁၆. ယဿ ဝါ ပရိဂ္ဂဟော တံ သာမီ။
֍ ♦ ၂၈၄, ၂၈၃. လိင်္ဂတ္ထေ ပဌမာ။
֍ ♦ ၂၉၃, ၃၀၁. သမ္ပဒါနေ စတုတ္ထီ။
֍ ♦ ၂၉၄, ၃၀၅. နမောယောဂါဒီသွပိ စ။
֍ ♦ ၂၉၇, ၂၈၄. ကမ္မတ္ထေ ဒုတိယာ။
֍ ♦ ၂၉၈, ၂၈၇. ကာလဒ္ဓါနမစ္စန္တသံယောဂေ။
֍ ♦ ၂၉၉, ၂၈၈. ကမ္မပ္ပဝစနီယယုတ္တေ။
֍ ♦ ၃၀၀, ၂၈၆. ဂတိ ဗုဒ္ဓိ ဘုဇ ပဌ ဟရ ကရ သယာဒီနံကာ ရိတေ ဝါ။
(ကစ္စည်း၊၁၈။)֍ ♦ ၃၀၃, ၃၂၁. သာမိဿရာဓိပတိ ဒါယာဒ သက္ခီ ပထိဘူ ပသုတ ကုသလေဟိ စ။
֍ ♦ ၃၀၆, ၂၈၉. ကွစိ ဒုတိယာ ဆဋ္ဌီနမတ္ထေ။
֍ ♦ ၃၀၇, ၂၉၀. တတိယာသတ္တမီနဉ္စ။
֍ ♦ ၃၀၉, ၃၁၈. ဒုတိယာပဉ္စမီနဉ္စ။
֍ ♦ ၃၁၀, ၃၂၄. ကမ္မကရဏနိမိတ္တတ္ထေသု သတ္တမီ။
֍ ♦ ၃၁၄, ၃၂၈. ဥပ’ဓျာဓိကိဿရဝစနေ။
֍ ♦ ၃၁၅, ၃၂၉. မဏ္ဍိတုဿုက္ကေသု တတိယာ စ။
ဣတိ နာမကပ္ပေ ကာရကကပ္ပော ဆဋ္ဌော ကဏ္ဍော။
ကာရကသုတ္တံ နိဋ္ဌိတံ။
၄. သမာသ
֍ ♦ ၃၁၆, ၃၃၁. နာမာန သမာသော ယုတ္တတ္ထော။
֍ ♦ ၃၁၇, ၃၃၂. တေသံ ဝိဘတ္တိယော လောပါ စ။
(ကစ္စည်း၊၁၉။)֍ ♦ ၃၁၉, ၃၃၀. ဥပသဂ္ဂနိပါတပုဗ္ဗကော အဗျယီဘာဝေါ။
֍ ♦ ၃၂၀, ၃၃၅. သော နပုံသကလိင်္ဂေါ။
֍ ♦ ၃၂၂, ၃၅၉. တထာ ဒွန္ဒေ ပါဏိ တူရိယေ ယောဂ္ဂ သေနင်္ဂ ခုဒ္ဒဇန္တုက ဝိဝိဓ ဝိရုဒ္ဓ ဝိသဘာဂတ္ထာဒီနဉ္စ။
֍ ♦ ၃၂၃, ၃၆၀. ဝိဘာသာ ရုက္ခ တိဏ ပသု ဓန ဓည ဇနပဒါ ဒီနဉ္စ။
֍ ♦ ၃၂၄, ၃၃၉. ဒွိပဒေ တုလျာဓိကရဏေ ကမ္မဓာရယော။
֍ ♦ ၃၂၅, ၃၄၈. သင်္ချာပုဗ္ဗော ဒိဂု။
֍ ♦ ၃၂၇, ၃၅၁. အမာဒယော ပရပဒေဘိ။
֍ ♦ ၃၂၈, ၃၅၂. အညပဒတ္ထေသု ဗဟုဗ္ဗီဟိ။
֍ ♦ ၃၂၉, ၃၅၇. နာမာနံ သမုစ္စယော ဒွန္ဒော။
֍ ♦ ၃၃၀, ၃၄၀. မဟတံ မဟာ တုလျာဓိကရဏေ ပဒေ။
֍ ♦ ၃၃၁, ၃၅၃. ဣတ္ထိယံ ဘာသိတပုမိတ္ထီ ပုမာဝ စေ။
֍ ♦ ၃၃၃, ၃၄၄. အတ္တံ နဿ တပ္ပုရိသေ။
(ကစ္စည်း၊၂၀။)֍ ♦ ၃၃၇, ၃၅၀. ကွစိ သမာသန္တ ဂတာနမကာရန္တော။
֍ ♦ ၃၃၉, ၃၅၈. ဇာယာယ တုဒံ ဇာနိ ပတိမှိ။
֍ ♦ ၃၄၁, ၃၃၆. အံဝိဘတ္တီနမကာရန္တာ အဗျာယိတာဝါ။
֍ ♦ ၃၄၂, ၃၃၇. သရော ရဿော နပုံသကေ။
֍ ♦ ၃၄၃, ၃၃၈. အညသ္မာ လောပေါ စ။
ဣတိ နာမကပ္ပေ သမာသကပ္ပော သတ္တမော ကဏ္ဍော။
သမာသသုတ္ထံ နိဋ္ဌိတံ။
၅. တဒ္ဓိတ
֍ ♦ ၃၄၅, ၃၆၆. ဏာယန ဏာန ဝစ္ဆာဒိတော။
֍ ♦ ၃၄၆, ၃၆၇. ဏေယျော ကတ္တိယာဒီဟိ။
֍ ♦ ၃၅၀, ၃၇၃. ယေန ဝါ သံသဋ္ဌံ တရတိ စရတိ ဝဟတိ ဏိကော။
֍ ♦ ၃၅၁, ၃၇၄. တမဓီတေ တေနကတာဓိ သန္နိဓာနနိယောဂ သိပ္ပ ဘဏ္ဍ ဇီဝိကတ္ထေသု စ။
(ကစ္စည်း၊၂၁။)֍ ♦ ၃၅၂, ၃၇၆. ဏ ရာဂါ တဿေဒမညတ္ထေသု စ။
֍ ♦ ၃၅၃, ၃၇၈. ဇာတာဒီနမိမိယာ စ။
֍ ♦ ၃၅၅, ၃၈၀. ဂါမ ဇန ဗန္ဓု သဟာယာဒီဟိ တာ။
֍ ♦ ၃၅၈, ၃၈၃. တန္နိဿိတတ္ထေ လော။
֍ ♦ ၃၆၀, ၃၈၇. ဏုတ္တတာ ဘာဝေ တု။
֍ ♦ ၃၆၃, ၃၉၀. ဝိသေသေ တရတမိသိကိယိဋ္ဌာ။
֍ ♦ ၃၆၆, ၄၀၀. ဒဏ္ဍာဒိတော ဣက ဤ။
֍ ♦ ၃၆၈, ၄၀၂. ဂုဏာဒိတော ဝန္တု။
֍ ♦ ၃၇၁, ၄၀၄. အာယုဿုကာရာသ မန္တုမှိ။
(ကစ္စည်း၊၂၂။)֍ ♦ ၃၇၂, ၃၈၅. တပ္ပကတိဝစနေ မယော။
֍ ♦ ၃၇၃, ၄၀၆. သင်္ချာပူရဏေ မော။
֍ ♦ ၃၇၆, ၂၅၇. ဒသေ သော နိစ္စဉ္စ။
֍ ♦ ၃၇၇, ၀. အန္တေ နိဂ္ဂဟိတဉ္စ။
֍ ♦ ၃၈၀, ၂၅၅. ဝီသတိ ဒသေသု ဗာ ဒွိဿ တု။
֍ ♦ ၃၈၁, ၂၅၄. ဧကာဒိတော ဒဿ ရ သင်္ချာနေ။
֍ ♦ ၃၈၃, ၃၅၃. ဒွေကဋ္ဌာနမာကာရော ဝါ။
֍ ♦ ၃၈၄, ၄၀၇. စတုစ္ဆေ ဟိ ထ ဌာ။
֍ ♦ ၃၈၇, ၄၁၁. တေသမဍ္ဎူပပဒေန အဍ္ဎုဍ္ဎဒိဝဍ္ဎ ဒိယဍ္ဎ’ ဍ္ဎတိယာ။
֍ ♦ ၃၈၈, ၆၈. သရူပါန မေကသေသွသကိံ။
֍ ♦ ၃၈၉, ၄၁၃. ဂဏနေဒသဿ ဒွိ တိ စတု ပဉ္စ ဆ သတ္တ အဋ္ဌနဝကာနံ ဝီ တိ စတ္တာရ ပညာ ဆ သတ္တာသနဝါ ယောသု ယောနဉ္စီသမာသံဌိရိတီတုတိ။
(ကစ္စည်း၊၂၃။)֍ ♦ ၃၉၀, ၂၅၆. စတူပပဒဿ လောပေါ တု’တ္တရပဒါဒိစဿ စု စောပိ နဝါ။
֍ ♦ ၃၉၁, ၄၂၃. ယဒနုပပန္နာ နိပါတနာ သိဇ္ဈန္တိ။
֍ ♦ ၃၉၂, ၄၁၈. ဒွါဒိတော ကော’နေကတ္ထေ စ။
֍ ♦ ၃၉၃, ၄၁၅. ဒသဒသကံ သတံ ဒသကာနံ သတံ သဟဿဉ္စ ယောမှိ။
֍ ♦ ၃၉၄, ၄၁၆. ယာဝ တဒုတ္တရိ ဒသဂုဏိတဉ္စ။
֍ ♦ ၃၉၈, ၄၂၁. သဗ္ဗနာမေဟိ ပကာရဝစနေ တု ထာ။
֍ ♦ ၄၀၀, ၃၆၄. ဝုဒ္ဓါဒိသရဿ ဝါ’သံယောဂန္တဿ သဏေ စ။
֍ ♦ ၄၀၁, ၃၇၅. မာယူနမာဂမော ဌာနေ။
֍ ♦ ၄၀၃, ၃၅၄. ကွစာဒိမဇ္ဈုတ္တရာနံ ဒီဃရဿ ပစ္စယေသု စ။
֍ ♦ ၄၀၄, ၃၇၀. တေသု ဝုဒ္ဓိ လောပါဂမ ဝိကာရ ဝိပရိတာဒေသာ စ။
֍ ♦ ၄၀၅, ၃၆၅. အယုဝဏ္ဏာနဉ္စာယော ဝုဒ္ဓိ။
ဣတိ နာမကပ္ပေ တဒ္ဓိတကပ္ပော အဋ္ဌမော ကဏ္ဍော။
တဒ္ဓိတသုတ္တံ နိဋ္ဌိတံ။
(ကစ္စည်း၊၂၄။)၆. အာချာတိ
֍ ♦ ၄၀၆, ၄၂၉. အထ ပုဗ္ဗာနိ-ဝိဘတ္တီနံ ဆ ပရဿပဒါနိ။
֍ ♦ ၄၀၇, ၄၃၉. ပရာဏုတ္တနောပဒါနိ။
֍ ♦ ၄၀၈, ၄၃၀. ဒွေ ဒွေ ပဌမမဇ္ဈိမုတ္တမပုရိသာ။
֍ ♦ ၄၀၉, ၄၄၁. သဗ္ဗေသမေကာဘိဓာနေ ပရော ပုရိသော။
֍ ♦ ၄၁၀, ၄၃၂. နာမမှိ ပယုဇ္ဇမာနေပိ တုလျာဓိကရဏေ ပဌမော။
֍ ♦ ၄၁၄, ၄၂၈. ဝတ္တမာနာ ပစ္စုပ္ပန္နေ။
֍ ♦ ၄၁၅, ၄၅၁. အာဏာတျာသိဋ္ဌေ’နုတ္တကာလေ ပဉ္စမီ။
֍ ♦ ၄၁၆, ၄၅၄. အနုမတိပရိကပ္ပေတ္ထေသု သတ္တမီ။
֍ ♦ ၄၁၇, ၄၆၀. အပစ္စက္ခေ ပရောက္ခာ’တီတေ။
֍ ♦ ၄၁၈, ၄၅၆. ဟိယျောပဘုတိ ပစ္စက္ခေ ဟိယျတ္တနီ။
֍ ♦ ၄၂၀, ၄၇၁. မာယောဂေ သဗ္ဗကာလေ စ။
֍ ♦ ၄၂၁, ၄၇၃. အနာဂတေ ဘဝိဿန္တီ။
֍ ♦ ၄၂၂, ၄၇၅. ကြိယာတိပန္နေ’တီတေ ကာလာတိပတ္တိ။
֍ ♦ ၄၂၃, ၄၂၆. ဝတ္တမာနာ တီ အန္တိ, သိ ထ, မိ မ တေ အန္တေ, သေဝှေ, ဧ မှေ။
(ကစ္စည်း၊၂၅။)֍ ♦ ၄၂၄, ၄၅၀. ပဉ္စမီ တု အန္တု, ဟိ ထ, မိ မ, တံ အန္တံ, ဿု ဝှော, ဧ အာမသေ။
֍ ♦ ၄၂၅, ၄၅၃. သတ္တမီ ဧယျ ဧယျုံ, ဧယျာသိ ဧယျာထ, ဧယျာမိ ဧယျာမ, ဧထ ဧရံ, ဧထော ဧယျာဝှော, ဧယျံ ဧယျာမှေ။
֍ ♦ ၄၂၆, ၄၅၉. ပရောက္ခာ အ ဥ, ဧ တ္ထ, အံ မှ, တ္ထ ရေ, တ္ထော ဝှော, ဣံ မှေ။
֍ ♦ ၄၂၇, ၄၅၅. ဟိယျတ္တနီ အာ ဦ, ဩ တ္ထ, အံ မှာ, တ္ထ တ္ထုံ, သေဝှံ, ဣံ မှသေ။
֍ ♦ ၄၂၇, ၄၆၈. အဇ္ဇတနီ ဤဉံ ဩတ္ထ, ဣံ မှာ, အာ ဦ, သေ ဝှံ, အံ မှေ။
֍ ♦ ၄၂၉, ၄၇၂. ဿဝိဿန္တီ ဿတိ ဿန္တိ, ဿသိ ဿထ, ဿာမိ ဿာမ, ဿတေ ဿန္တေ, ဿသေ ဿဝှေ, ဿံ ဿာမှေ။
֍ ♦ ၄၃၀, ၄၇၄. ကာလာတိပတ္တိ ဿာ ဿံသု, ဿေ ဿထ, ဿံ ဿာမာ, ဿထ ဿိသု, ဿသေ ဿဝှေ, ဿိံ ဿာမှသေ။
֍ ♦ ၄၃၁, ၄၂၈. ဟိယျတ္တနီ သတ္တမီ ပဉ္စမီ ဝတ္တမာနာ သဗ္ဗဓာတုကံ။
ဣတိ အာချာတကပ္ပေ ပဌမော ကဏ္ဍော။
֍ ♦ ၄၃၂, ၃၆၂. ဓာတုလိင်္ဂေဟိ ပရာ ပစ္စယာ။
֍ ♦ ၄၃၃, ၅၂၈. တိဇဂုပကိတမာနေဟိ ခဆသာ ဝါ။
֍ ♦ ၄၃၄, ၅၃၄. ဘုဇဃသဟရသုပါဒီဟိတုမိစ္ဆတ္ထေသု။
(ကစ္စည်း၊၂၆။)֍ ♦ ၄၃၅, ၅၃၆. အာယ နာမတော ကတ္တူပမာနာဒါစာရေ။
֍ ♦ ၄၃၇, ၅၃၈. နာမမှာ’တ္တိစ္ဆတ္ထေ။
֍ ♦ ၄၃၈, ၅၄၀. ဓာတူဟိ ဏေ ဏယ ဏာပေ ဏာပယာ ကာရိတာနိ ဟေတွတ္ထေ။
֍ ♦ ၄၃၉, ၅၃၉. ဓာတုရူပေ နာမသ္မာ ဏ ယော စ။
֍ ♦ ၄၄၁, ၄၄၇. တဿ စဝဂ္ဂယကာရဝကာရတ္တံ သဓာတွန္တဿ။
֍ ♦ ၄၄၆, ၅၀၉. ရုဓာဒိတော နိဂ္ဂဟိတပုဗ္ဗဉ္စ။
֍ ♦ ၄၄၈, ၅၁၂. သွာဒိတော ဏုဏာ ဥဏာ စ။
֍ ♦ ၄၅၀, ၅၁၇. ဂဟာဒိတော ပ္ပဏှာ။
֍ ♦ ၄၅၂, ၅၂၅. စုရာဒိတော ဏေ ဏယာ။
֍ ♦ ၄၅၃, ၄၄၄. အတ္တနောပဒါနိ ဘာဝေ စ ကမ္မနိ။
(ကစ္စည်း၊၂၇။)֍ ♦ ၄၅၅, ၅၃၀. ဓာတုပ္ပစ္စယေဟိ ဝိဘတ္တိယော။
֍ ♦ ၄၅၇, ၄၂၄. ဘူဝါဒယော ဓာတဝေါ။
ဣတိ အာချာတကပ္ပေ ဒုတိယော ကဏ္ဍော။
֍ ♦ ၄၅၈, ၄၆၁. ကွစာဒိဝဏ္ဏာနမေကဿရာနံ ဒွေဘာဝေါ။
֍ ♦ ၄၅၉, ၄၆၂. ပုဗ္ဗော’ ဗ္ဘာသော။
֍ ♦ ၄၆၁, ၄၆၄. ဒုတိယစတုတ္ထာနံ ပဌမတတိယာ။
֍ ♦ ၄၆၃, ၅၃၂. မာနကိတာနံ ဝ တတ္တံ ဝါ။
֍ ♦ ၄၆၅, ၄၆၃. အန္တဿိဝဏ္ဏာကာရော ဝါ။
֍ ♦ ၄၆၇, ၅၃၃. တတော ပါမာနာနံ ဝါမံ သေသု။
֍ ♦ ၄၇၁, ၄၈၃. ဒိသဿ ပဿ ဒိဿ ဒက္ခာ ဝါ။
֍ ♦ ၄၇၂, ၅၃၁. ဗျဉ္ဇနန္တဿ စော ဆပ္ပစ္စယေသု စ။
(ကစ္စည်း၊၂၈။)֍ ♦ ၄၇၅, ၄၆၅. ဗြူဘူနမာဟဘူဝါ ပရောက္ခာယံ။
֍ ♦ ၄၇၆, ၄၄၂. ဂမိဿန္တော စ္ဆော ဝါ သဗ္ဗာသု။
֍ ♦ ၄၇၇, ၄၇၉. ဝစဿ’ဇ္ဇတနိမှိ မကာရာ ဩ။
֍ ♦ ၄၇၈, ၄၃၈. အကာရော ဒီဃံ ဟိမိမေသု။
֍ ♦ ၄၈၀, ၄၉၀. ဟောတိဿရေ’ ဟော’ဟေ ဘဝိဿန္တိမှိ သဿ စ။
֍ ♦ ၄၈၁, ၅၂၄. ကရဿ သပ္ပစ္စယဿ ကာဟော။
ဣတိ အာချာတကပ္ပေ တတိယော ကဏ္ဍော။
֍ ♦ ၄၈၂, ၅၀၈. ဒါဒန္တဿံ မိမေသု။
֍ ♦ ၄၈၃, ၅၂၇. အသံယောဂန္တဿ ဝုဒ္ဓိ ကာရိတေ။
֍ ♦ ၄၈၇, ၄၇၈. ဝစ ဝသ ဝဟာဒီနမုကာရော ဝဿယေ။
֍ ♦ ၄၈၈, ၄၈၁. ဟ ဝိပရိယယော လော ဝါ။
֍ ♦ ၄၉၁, ၅၂၃. ကရဿ ကာသတ္တမဇ္ဇတနိမှိ။
֍ ♦ ၄၉၂, ၄၉၉. အသသ္မာ မိမာနံ မိမှာ’န္တလောပေါ စ။
(ကစ္စည်း၊၂၉။)֍ ♦ ၄၉၄, ၄၉၅. တိဿ တိဿ တ္ထိတ္ထံ။
֍ ♦ ၄၉၇, ၄၇၇. လဘသ္မာ ဤအံနံ တ္ထတ္တံ။
֍ ♦ ၄၉၈, ၄၈၀. ကုသသ္မာ ဒီ စ္ဆိ။
֍ ♦ ၅၀၂, ၄၉၃. ယမှိ ဒါ ဓာ မာ ဌာ ဟာ ပါ မဟ မထာဒီနမီ။
֍ ♦ ၅၀၄, ၄၇၀. သဗ္ဗတော ဥံ ဣံသု။
֍ ♦ ၅၀၅, ၄၈၂. ဇရမရာနံ ဇီရ ဇီယျ မီယျာ ဝါ။
֍ ♦ ၅၀၆, ၄၉၆. သဗ္ဗတ္ထာ’သဿာဒိလောပေါ စ။
֍ ♦ ၅၀၈, ၅၁၅. ယျေဿ ဉာတော ဣယာ ဉာ။
֍ ♦ ၅၀၉, ၅၁၆. နာဿ လောပေါ ယကာရတ္တံ။
֍ ♦ ၅၁၀, ၄၈၇. လောပဉ္စေတ္တမကာရော။
(ကစ္စည်း၊၃၀။)֍ ♦ ၅၁၅, ၅၄၁. တေ အာဝါယာ ကာရိတေ။
֍ ♦ ၅၁၆, ၄၆၆. ဣကာရာဂမော အသဗ္ဗဓာတုကမှိ။
֍ ♦ ၅၁၇, ၄၈၈. ကွစိ ဓာတုဝိဘတ္တိပ္ပစ္စယာနံ ဒီဃဝိပရီတာဒေသ လောပါဂမာ စ။
֍ ♦ ၅၁၈, ၄၄၆. အတ္တနောပဒါနိ ပရဿပဒတ္တံ။
֍ ♦ ၅၁၉, ၄၅၇. အကာရာဂမော ဟိယျတ္ထနီအဇ္ဇတနီကာလာတိပတ္တီသု။
֍ ♦ ၅၂၁, ၄၂၅. ဓာတုဿန္တော လောပေါ’ နေကသရဿ။
֍ ♦ ၅၂၂, ၄၇၆. ဣသုယမူနမန္တော စ္ဆော ဝါ။
֍ ♦ ၅၂၃, ၅၂၆. ကာရိတာနံ ဏော လောပံ။
ဣတိ အာချာတကပ္ပေ စတုတ္ထော ကဏ္ဍော။
အာချာတသုတ္တံ နိဋ္ဌိတံ။
၇. ကိဗ္ဗိဓာန
֍ ♦ ၅၂၄, ၅၆၁. ဓာတုယာ ကမ္မာဒိမှိ ဏော။
֍ ♦ ၅၂၇, ၅၆၈. သဗ္ဗတော ဏွုတွာ’ဝီ ဝါ။
֍ ♦ ၅၂၈, ၅၇၇. ဝိသ ရုဇ ပဒါဒိတော ဏ။
(ကစ္စည်း၊၃၁။)֍ ♦ ၅၃၂, ၅၉၀. တဿီလာဒီသု ဏီ တွာ ဝီ စ။
֍ ♦ ၅၃၃, ၅၉၁. သဒ္ဒ ကုဓ စလ မဏ္ဍတ္ထ ရုစာဒီဟိ ယု။
֍ ♦ ၅၃၄, ၅၉၂. ပါရာဒိဂမိမှာ ရူ။
֍ ♦ ၅၃၆, ၅၉၄. ဟနတျာဒီနံ ဏုကော။
֍ ♦ ၅၃၇, ၅၆၆. နု နိဂ္ဂဟိတံ ပဒန္တေ။
֍ ♦ ၅၃၈, ၅၉၅. သံဟနာ’ညာယ ဝါ ရော ဃော။
֍ ♦ ၅၃၉, ၅၅၈. ရမှိ ရန္တော ရာဒိနော။
֍ ♦ ၅၄၀, ၅၄၅. ဘာဝကမ္မေသု တဗ္ဗာ’နီယာ။
֍ ♦ ၅၄၄, ၅၅၆. ဝဒ မဒ ဂမု ယုဇ ဂရဟာကာရာဒီဟိ ဇ္ဇ မ္မဂ္ဂယှေယျာဝါရော ဝါ။
֍ ♦ ၅၄၈, ၅၉၇. ကတ္တုကရဏပဒေသေသု စ။
ဣတိ ကိဗ္ဗိဓာနကပ္ပေ ပဌမော ကဏ္ဍော။
(ကစ္စည်း၊၃၂။)֍ ♦ ၅၅၀, ၅၄၉. ဏာဒယော တေကာလိကာ။
֍ ♦ ၅၅၁, ၅၉၈. သညာယံ ဒါဓာတော ဣ။
֍ ♦ ၅၅၂, ၆၀၉. တိ ကိစ္စာ’သိဋ္ဌေ။
֍ ♦ ၅၅၃, ၅၉၉. ဣတ္ထိယမတိယဝေါ ဝါ။
֍ ♦ ၅၅၅, ၆၁၂. အတီတေ တ တဝန္တု တာဝီ။
֍ ♦ ၅၅၇, ၆၀၆. ဗုဓဂမာဒိတ္ထေ ကတ္တရိ။
֍ ♦ ၅၅၈, ၆၀၂. ဇိတော ဣန သဗ္ဗတ္ထ။
֍ ♦ ၅၆၁, ၆၃၆. ဣစ္ဆတ္ထေသု သမာနကတ္တုကေသု တဝေ တုံ ဝါ။
֍ ♦ ၅၆၃, ၆၃၉. ပတ္တဝစနေ အလမတ္ထေသု စ။
֍ ♦ ၅၆၄, ၆၄၀. ပုဗ္ဗကာလေ’ကကတ္တုကာနံ တုန တွာန တွာ ဝါ။
֍ ♦ ၅၆၅, ၆၄၆. ဝတ္တမာနေ မာန’န္တာ။
(ကစ္စည်း၊၃၃။)ဣတိ ကိဗ္ဗိဓာနကပ္ပေ ဒုတိယော ကဏ္ဍော။
֍ ♦ ၅၇၁, ၆၂၄. ပစ္စယာဒနိဋ္ဌာ နိပါတနာ သိဇ္ဈန္တိ။
֍ ♦ ၅၇၂, ၆၂၅. သာသဒိသတော တဿ ရိဋ္ဌော စ။
֍ ♦ ၅၇၃, ၆၂၆. သာဒိသန္တ ပုစ္ဆ ဘန္ဇ ဟန္တာဒီဟိ ဋ္ဌော။
֍ ♦ ၅၇၆, ၆၀၇. ဓ ဎ ဘ ဟေ ဟိ ဓဍ္ဎာ စ။
֍ ♦ ၅၇၇, ၆၂၈. ဘန္ဇတော ဂ္ဂေါ စ။
֍ ♦ ၅၇၈, ၅၆၀. ဘုဇာဒီနမန္တော နော ဒွိ စ။
֍ ♦ ၅၈၂, ၆၃၁. ဘိဒါဒိတော ဣန္န အန္န ဤဏာ ဝါ။
֍ ♦ ၅၈၃, ၆၁၇. သုသ ပစ သကတော က္ခ က္ကာ စ။
֍ ♦ ၅၈၄, ၆၁၈. ပက္ကမာဒီဟိ န္တော စ။
֍ ♦ ၅၈၅, ၆၁၉. ဇနာဒီန မာ တိမှိ စ။
֍ ♦ ၅၈၆, ၆၀၀. ဂမ ခန ဟန ရမာဒီနမန္တော။
(ကစ္စည်း၊၃၄။)֍ ♦ ၅၈၉, ၆၂၁. ဟန္တေဟိ ဟော ဟဿ ဠော ဝါ အဒဟနဟာနံ။
ဣတိ ကိဗ္ဗိဓာနကပ္ပေ တတိယော ကဏ္ဍော။
֍ ♦ ၅၉၀, ၅၇၉. ဏမှိ ရန္ဇဿ ဇော ဘာဝကရဏေသု။
֍ ♦ ၅၉၂, ၅၀၃. ဝဓော ဝါ သဗ္ဗတ္ထ။
֍ ♦ ၅၉၃, ၅၆၄. အာကာရန္တာနမာယော။
֍ ♦ ၅၉၄, ၅၈၂. ပုရသမုပပရီဟိ ကရောတိဿ ခ ခရာ ဝါ တပ္ပစ္စယေသု စ။
֍ ♦ ၅၉၆, ၅၅၁. ဂမခနဟနာဒီနံ တုံတဗ္ဗာဒီသု န။
֍ ♦ ၅၉၇, ၆၄၁. သဗ္ဗေဟိ တုနာဒီနံ ယော။
֍ ♦ ၅၉၉, ၆၄၄. ဒိသာ သွာနသွန္တလောပေါ စ။
֍ ♦ ၆၀၀, ၆၄၅. မဟဒဘေဟိ မ္မ ယှ ဇ္ဇ ဗ္ဘ ဒ္ဓါ စ။
֍ ♦ ၆၀၁, ၃၃၄. တဒ္ဓိတသမာသကိတကာ နာမံ ဝါ’တဝေတုနာဒီသု စ။
(ကစ္စည်း၊၃၅။)֍ ♦ ၆၀၆, ၆၄၂. ဒဓန္တတော ယော ကွစိ။
ဣတိ ကိဗ္ဗိဓာနကပ္ပေ စတုတ္ထော ကဏ္ဍော။
֍ ♦ ၆၀၇, ၅၇၈. နိဂ္ဂဟိတ သံယောဂါဒိ နော။
֍ ♦ ၆၁၁, ၆၀၈. ဟစတုတ္ထာနမန္တာနံ ဒေါ ဓေ။
֍ ♦ ၆၁၅, ၅၈၆. ဓာတွန္တဿ လောပေါ ကွိမှိ။
֍ ♦ ၆၁၇, ၆၃၃. န မ က ရာနမန္တာနံ နိယုတ္တတမှိ။
֍ ♦ ၆၁၈, ၅၇၁. န က ဝတ္ထံ စ ဇာ ဏွုမှိ။
֍ ♦ ၆၁၉, ၅၇၃. ကရဿ စ တတ္တံ ထုသ္မိံ။
֍ ♦ ၆၂၀, ၅၄၉. တုံတုနတဗ္ဗေသု ဝါ။
(ကစ္စည်း၊၃၆။)֍ ♦ ၆၂၁, ၅၅၃. ကာရိတံ ဝိယ ဏာနုဗန္ဓော။
ဣတိ ကိဗ္ဗိဓာနကပ္ပေ ပဉ္စမော ကဏ္ဍော။
ကိဗ္ဗိဓာနသုတ္တံ နိဋ္ဌိတံ။
၈. ဥဏာဒိကပ္ပ
֍ ♦ ၆၂၅, ၆၀၅. ဘာဝကမ္မေသု ကိစ္စတ္တက္ခတ္ထာ။
֍ ♦ ၆၂၆, ၆၃၄. ကမ္မနိ ဒုတိယာယ တ္တော။
֍ ♦ ၆၂၇, ၆၅၂. ချာဒီဟိ မန မ စ တော ဝါ။
֍ ♦ ၆၃၀, ၆၅၄. မသုဿ သုဿ စ္ဆရစ္ဆေရာ။
֍ ♦ ၆၃၂, ၆၅၆. အလ ကလ သလေဟိ လ ယာ။
֍ ♦ ၆၃၅, ၅၅၉. ပေသာတိသဂ္ဂပတ္တကာလေသု ကိစ္စာ။
֍ ♦ ၆၃၆, ၆၅၉. အဝဿကာဓမိဏေသု ဏီ စ။
֍ ♦ ၆၃၈, ၆၆၈. ဝဇာဒီဟိ ပဗ္ဗဇ္ဇာဒယော နိပ္ပဇ္ဇန္တေ။
(ကစ္စည်း၊၃၇။)֍ ♦ ၆၄၀, ၀. သစဇာနံ က ဂါ ဏာနုဗန္ဓေ။
֍ ♦ ၆၄၁, ၅၇၂. နုဒါဒီဟိ ယု ဏွူန မနာ န နာ ကာ န န ကာ သကာရိတေဟိ စ။
֍ ♦ ၆၄၂, ၅၈၈. ဣ ယ တ မ ကိံ ဧသာနမန္တဿရော ဒီဃံ ကွစိ ဒုသဿ ဂုဏံ ဒေါရံ သ က္ခီ စ။
֍ ♦ ၆၄၃, ၆၃၅. ဘျာဒီဟိ မတိ ဗုဓိ ပူဇာဒီဟိ စ တ္တော။
֍ ♦ ၆၄၄, ၆၆၁. ဝေပု သီ ဒဝ ဝမု ကု ဒါ ဘူတွာဒီဟိ ထုတ္တိမ ဏိမာ နိဗ္ဗတ္တေ။
֍ ♦ ၆၄၅, ၆၆၂. အက္ကောသေ နမှာနိ။
֍ ♦ ၆၄၆, ၄၁၉. ဧကာဒိတော သကိဿ က္ခတ္တုံ။
֍ ♦ ၆၄၇, ၆၆၃. သုနဿုနဿော ဏ ဝါနုဝါနူနနခုနာနာ။
֍ ♦ ၆၄၉, ၆၆၅. ယုဝဿုဝဿုဝုဝါနနူနာ။
֍ ♦ ၆၅၀, ၆၅၁. ကာလေ ဝတ္တမာနာတီတေ ဏွာဒယော။
֍ ♦ ၆၅၁, ၆၄၇. ဘဝိဿတိ ဂမာဒီဟိ ဏီ ဃိဏ။
֍ ♦ ၆၅၂, ၆၄၈. ကြိယာယံ ဏွု တဝေါ။
֍ ♦ ၆၅၃, ၃၀၇. ဘာဝဝါစိမှိ စတုတ္ထီ။
֍ ♦ ၆၅၅, ၆၅၀. သေသေ ဿံ န္တု မာနာနာ။
֍ ♦ ၆၅၇, ၆၆၇. ဝဒါဒီဟိ ဏိတ္တော ဂဏေ။
֍ ♦ ၆၅၈, ၆၆၈. မိဒါဒီဟိ တ္တိ တိယော။
(ကစ္စည်း၊၃၈။)֍ ♦ ၆၅၉, ၆၆၉. ဥသုရန္ဇဒသာနံ ဒံသဿ ဒဍ္ဎော ဎဌာ စ။
֍ ♦ ၆၆၀, ၆၇၀. သူဝုသာနမူဝုသာနမတော ထော စ။
֍ ♦ ၆၆၁, ၆၇၁. ရန္ဇုဒါဒီဟိ ဓဒိဒ္ဒကိရာ ကွစိ ဇဒလောပေါ စ။
֍ ♦ ၆၆၂, ၆၇၂. ပဋိတော ဟိဿ ဟေရဏ ဟီရဏ။
֍ ♦ ၆၆၄, ၆၇၄. ခါဒါမဂမာနံ ခန္ဓန္ဓဂန္ဓာ။
֍ ♦ ၆၆၆, ၆၇၆. ပုထဿ ပုထု ပထာ မော ဝါ။
֍ ♦ ၆၆၇, ၆၇၇. သသွာဒီဟိ တု ဒဝေါ။
֍ ♦ ၆၇၁, ၆၈၁. ဟနာဒီဟိ နု ဏု တဝေါ။
֍ ♦ ၆၇၃, ၆၈၃. မနုပူရသုဏာဒီဟိ ဥဿနုသိသာ။
ဣတိ ကိဗ္ဗိဓာနကပ္ပေ ဥဏာဒိကပ္ပော ဆဋ္ဌော ကဏ္ဍော။
ဥဏာဒိသုတ္တံ နိဋ္ဌိတံ။
(ကစ္စည်း၊၃၉။)မဟာကစ္စာယနသဒ္ဒါပါဌ
၁. သန္ဓိကပ္ပ
ပဌမကဏ္ဍ
(က)
သေဋ္ဌံ တိလောကမဟိတံ အဘိဝန္ဒိယဂ္ဂံ၊
ဗုဒ္ဓဉ္စ ဓမ္မမမလံ ဂဏမုတ္တမဉ္စ။
သတ္ထုဿ တဿ ဝစနတ္ထဝရံ သုဗုဒ္ဓုံ၊
ဝက္ခာမိ သုတ္တဟိတမေတ္ထ သုသန္ဓိကပ္ပံ။
(ခ)
သေယျံ ဇိနေရိတနယေန ဗုဓာ လဘန္တိ၊
တဉ္စာပိ တဿ ဝစနတ္ထသုဗောဓနေန။
အတ္ထဉ္စ အက္ခရပဒေသု အမောဟဘာဝါ၊
သေယျတ္ထိကော ပဒမတော ဝိဝိဓံ သုဏေယျံ။
֍ ♦ ၁, * ၁. အတ္ထော အက္ခရသညာတော။
သဗ္ဗဝစနာနမတ္ထော အက္ခရေဟေဝ သညာယတေ။ အက္ခရဝိပတ္တိယံ ဟိ အတ္ထဿ ဒုန္နယထာ ဟောတိ, တသ္မာ အက္ခရကောသလ္လံ ဗဟူပကာရံ သုတ္တန္တေသု။
(ကစ္စည်း၊၄၀။)֍ ♦ ၂, * ၂. အက္ခရာပါဒယော ဧကစတ္တာလီသံ။
တေ စ ခေါ အက္ခရာ အပိ အကာရာဒယော ဧကစတ္တာ လီသ သုတ္တန္တေသု သောပကာရာ။
တံ ယထာ? အ အာ ဣ ဤ ဥ ဦ ဧ ဩ, က ခ ဂ ဃ င, စ ဆ ဇ ဈ ဉ, ဋ ဌ ဍ ဎ ဏ, တ ထ ဒ ဓ န, ပ ဖ ဗ ဘ မ, ယ ရ လ ဝ သ ဟ ဠ အံ, ဣတိ အက္ခရာ နာမ။
တေန ကွတ္ထော? အတ္ထော အက္ခရသညာတော။
֍ ♦ ၃, * ၃. တတ္ထောဒန္တာ သရာ အဋ္ဌ။
တတ္ထ အက္ခရေသု အကာရာဒီသု ဩဒန္တာ အဋ္ဌ အက္ခရာ သရာ နာမ ဟောန္တိ။
တံ ယထာ? အ အာ ဣ ဤ ဥ ဦ ဧ ဩ, ဣတိ သရာ နာမ။
တေန ကွတ္ထော? သရာ သရေ လောပံ။
֍ ♦ ၄, * ၄. လဟုမတ္တာ တယော ရဿာ။
တတ္ထ အဋ္ဌသု သရေသု လဟုမတ္တာ တယော သရာ ရဿာ နာမ ဟောန္တိ။
တံ ယထာ? အ ဣ ဥ, ဣတိ ရဿာ နာမ။
တေန ကွတ္ထော? ရဿံ။
(ကစ္စည်း၊၄၁။)တတ္ထ အဋ္ဌသု သရေသု ရဿေဟိ အညေ ပဉ္စ သရာ ဒီဃာ နာမ ဟောန္တိ။
တံ ယထာ? အာ ဤ ဦ ဧ ဩ, ဣတိ ဒီဃာ နာမ။
တေန ကွတ္ထော? ဒီဃံ။
ဌပေတွာ အဋ္ဌ သရေ သေသာ အက္ခရာ ကကာရာဒယော နိဂ္ဂဟိတန္တာ ဗျဉ္ဇနာ နာမ ဟောန္တိ။
တံ ယထာ? က ခ ဂ ဃ င, စ ဆ ဇ ဈ ဉ, ဋ ဌ ဍ ဎ ဏ, တ ထ ဒ ဓ န, ပ ဖ ဗ ဘ မ, ယ ရ လ ဝ သ ဟ ဠ အံ, ဣတိ ဗျဉ္ဇနာ နာမ။
တေန ကွတ္ထော? သရာ ပကတိ ဗျဉ္ဇနေ။
֍ ♦ ၇, * ၉. ဝဂ္ဂါ ပဉ္စပဉ္စသော မန္တာ။
တေသံ ခေါ ဗျဉ္ဇနာနံ ကကာရာဒယော မကာရန္တာ ပဉ္စပဉ္စသော အက္ခရဝန္တော ဝဂ္ဂါ နာမ ဟောန္တိ။
တံ ယထာ? က ခ ဂ ဃ င, စ ဆ ဇ ဈ ဉ, ဋ ဌ ဍ ဎ ဏ, တ ထ ဒ ဓ န, ပ ဖ ဗ ဘ မ, ဣတိ ဝဂ္ဂါ နာမ။
တေန ကွတ္ထော? ဝဂ္ဂန္တံ ဝါ ဝဂ္ဂေ။
(ကစ္စည်း၊၄၂။)֍ ♦ ၈, * ၁၀. အံ ဣတိ နိဂ္ဂဟိတံ။
အံ ဣတိ နိဂ္ဂဟိတံ နာမ ဟောတိ။
တေန ကွတ္ထော? အံ ဗျဉ္ဇနေ နိဂ္ဂဟိတံ။
ယာ စ ပန ပရေသု သက္ကတဂန္ထေသု သမညာ ဃောသာတိ ဝါ အဃောသာတိ ဝါ, တာ ပယောဂေ သတိ ဧတ္ထာပိ ယုဇ္ဇန္တေ။
တတ္ထ ဃောသာ နာမ-ဂ ဃ င, ဇ ဈ ဉ, ဍ ဎ ဏ, ဒ ဓ န, ဗ ဘ မ, ယ ရ လ ဝ ဟ ဠ, ဣတိ ဃောသာ နာမ။ အဃောသာ နာမ-က ခ, စ ဆ, ဋ ဌ, တ ထ, ပ ဖ, သ, ဣတိ အဃောသာ နာမ။
တေန ကွတ္ထော? ဝဂ္ဂေ ဃောသာဃောသာနံ တတိယပဌမာ။
֍ ♦ ၁၀, * ၁၂. ပုဗ္ဗမဓောဌိတ မဿရံ သရေန ဝိယောဇယေ။
တတ္ထ သန္ဓိံ ကတ္တုကာမော ပုဗ္ဗဗျဉ္ဇနံ အဓောဌိတံ အဿရံ ကတွာ သရဉ္စ ဥပရိ ကတွာ သရေန ဝိယောဇယေ။
တတြာယမာဒိ။
(ကစ္စည်း၊၄၃။)အဿရံ ခေါ ဗျဉ္ဇနံ အဓောဌတံ ပရက္ခရံ နယေ ယုတ္တေ။ တတြာဘိရတိမိစ္ဆေယျ။
ယုတ္တေတိကသ္မာ? အက္ကောစ္ဆိ မံ အဝဓိ မံ, အဇိနိ မံ အဟာသိ မေ။ ဧတ္ထ ပန ယုတ္တံ န ဟောတိ။
ဣတိ သန္ဓိကပ္ပေ ပဌမော ကဏ္ဍော။
ဒုတိယကဏ္ဍ
သရာ ခေါ သရေ ပရေ လောပံ ပပ္ပောန္တိ။
ယဿိန္ဒြိယာနိ သမထင်္ဂတာနိ။ နော ဟေတံ ဘန္တေ သမေတာယသ္မာ သံဃေန။
သရမှာ အသရူပါ ပရော သရော လောပံ ပပ္ပောတိ ဝါ။
စတ္တာရော’မေ ဘိက္ခဝေ ဓမ္မာ, ကိန္နု’ မာဝသမဏိယော။ ဝါတိ ကသ္မာ? ပဉ္စိန္ဒြိယာနိ, တယဿု ဓမ္မာ ဇဟိတာ ဘဝန္တိ။
(ကစ္စည်း၊၄၄။)֍ ♦ ၁၄, * ၁၆. ကွစာသစဏ္ဏံ လုတ္တေ။
သရော ခေါ ပရော ပုဗ္ဗသရေ လုတ္တေ ကွစိ အသဝဏ္ဏံ ပပ္ပောတိ။
သင်္ချံ နောပေတိ ဝေဒဂူ, ဗန္ဓုဿေဝ သမာဂမော။
ကွစီတိ ကသ္မာ? ယဿိန္ဒြိယာနိ, တထူပမံ ဓမ္မဝရံ အဒေသယိ။
သရော ခေါ ပရော ပုဗ္ဗသရေ လုတ္တေ ကွစိ ဒီဃံ ပပ္ပောတိ။ သဒ္ဓီဓ ဝိတ္တံ ပုရိသဿ သေဋ္ဌံ, အနာဂါရေဟိ စူဘယံ။
ကွစီတိ ကသ္မာ? ပဉ္စဟုပါလိ အင်္ဂေဟိ သမန္နာဂတော။ နတ္ထညံ ကိဉ္စိ။
ပုဗ္ဗော စ သရော ပရသရလောပေ ကတေ ကွစိ ဒီဃံ ပပ္ပောတိ။
ကိံသူဓ ဝိတ္တံ ပုရိသဿ သေဋ္ဌံ, သာဓူတိ ပဋိဿုဏိတွာ, ကွစီတိ ကသ္မာ? ဣတိဿ မုဟုတ္တမ္ပိ။
(ကစ္စည်း၊၄၅။)ဧကာရဿ အန္တဘူတဿ သရေ ပရေ ကွစိ ယကာရာဒေသော ဟောတိ။
အဓိဂတော ခေါ မျာယံ ဓမ္မော, တျာဟံ ဧဝံ ဝဒေယျံ, တျာဿ ပဟီနာ ဟောန္တိ။
ကွစီတိ ကသ္မာ? နေ’နာဂတာ, ဣတိ နေတ္ထ။
ဩကာရုကာရာနံ အန္တဘူတာနံ သရေ ပရေ ကွစိ ဝကာရာဒေသော ဟောတိ။
အထ ခွဿ, သွဿ ဟောတိ, ဗဟွာဗာဓော, ဝတ္ထွေတ္ထ ဝိဟိတံ နိစ္စံ စက္ခာပါထမာဂစ္ဆတိ။
ကွစီတိကသ္မာ? စတ္တာရော’မေ ဘိက္ခဝေ ဓမ္မာ, ကိန္နုမာဝ သမဏိယော။
သဗ္ဗော ဣစ္စေသော တိသဒ္ဒေါ ဗျဉ္ဇနော သရေ ပရေ ကွစိ စကာရံ ပပ္ပောတိ။
(ကစ္စည်း၊၄၆။)ဣစ္စေတံ ကုသလံ, ဣစ္စဿ ဝစနီယံ, ပစ္စုတ္တရိတွာ, ပစ္စာဟရတိ။
ကွစီတိ ကသ္မာ? ဣတိဿ မုဟုတ္တမ္ပိ။
ဓဣစ္စေတဿ သရေ ပရေ ကွစိ ဒကာရာဒေသော ဟောတိ။
ဧကမိဒါဟံ ဘိက္ခဝေ သမယံ။
ကွစီတိ ကသ္မာ? ဣဓေဝ မရဏံ ဘဝိဿတိ။
ဝဂ္ဂဟဏေန ဓကာရဿ ဟကာရာဒေသော ဟောတိ သာဟု ဒဿန မရိယာနံ။
သုတ္တဝိဘာဂေန ဗဟုဓာ သိယာ-
တော ဒဿ, ယထာ? သုဂတော။
ဋော တဿ, ယထာ? ဒုက္ကဋံ။
ဓော တဿ, ယထာ? ဂန္ဓဗ္ဗော။
တြော တ္တဿ, ယထာ? အတြဇော။
ကော ဂဿ, ယထာ? ကုလူပကော။
(ကစ္စည်း၊၄၇။)ဇော ယဿ, ယထာ? ဂဝဇော။
ဗ္ဗော ဝိဿ, ယထာ? ကုဗ္ဗတော။
ကော ယဿ, ယထာ? သကေ။
ယော ဇဿ, ယထာ? နိယံပုတ္တံ။
ကော တဿ, ယထာ? နိယကော။
စ္စော တ္တဿ, ယထာ ဘစ္စော။
ဖော ပဿ, ယထာ? နိပ္ဖတ္တိ။
ခေါ ကဿ, ယထာ? နိက္ခမတိ။ ဣစ္စေဝမာဒီ ယောဇေတဗ္ဗာ။
ပုဗ္ဗော ဣဝဏ္ဏော သရေ ပရေ ယကာရံ ပပ္ပောတိ နဝါ။ ပဋိသုန္ထာရဝုတျဿ, သဗ္ဗာ ဝိတျာနုဘူယတေ။
နဝါတိ ကသ္မာ? ပဉ္စဟင်္ဂေဟိ သမန္နာဂတော, မုတ္တစာဂီ အနုဒ္ဓတော။
֍ ♦ ၂၂, * ၂၈. ဧဝါဒိဿ ရိ ပုဗ္ဗော စ ရဿော။
သရမှာ ပရဿ ဧဝဿ ဧကာရဿ အာဒိဿ ရိကာရော ဟောတိ, ပုဗ္ဗော စ သရော ရဿော ဟောတိ နဝါ။
(ကစ္စည်း၊၄၈။)ယထရိဝ ဝသုဓာတလဉ္စ သဗ္ဗံ, တထရိဝ ဂုဏဝါ သုပူဇနိယော။
နဝါတိ ကသ္မာ? ယထာ ဧဝ, တထာ ဧဝ။
ဣတိ သန္ဓိကပ္ပေ ဒုတိယော ကဏ္ဍော။
တတိယကဏ္ဍ
֍ ♦ ၂၃, * ၂၆. သရာ ပကတိ ဗျဉ္ဇနေ။
သရာ ခေါ ဗျဉ္ဇနေ ပရေ ပကတိရူပါနိ ဟောန္တိ။
မနောပုဗ္ဗင်္ဂမာ ဓမ္မာ, ပမာဒေါ မစ္စုနော ပဒံ, တိဏ္ဏော ပါရင်္ဂတော အဟု။
သရာ ခေါ သရေ ပရေ ကွစိ ပကတိရူပါနိ ဟောန္တိ။
ကော ဣမံ ပထဝိံ ဝိစေဿတိ။
ကွစီတိ ကသ္မာ? အပ္ပဿုတာယံ ပုရိသော။
သရာ ခေါ ဗျဉ္ဇနေ ပရေ ကွစိ ဒီဃံ ပပ္ပောန္တိ။
(ကစ္စည်း၊၄၉။)သမ္မာ ဓမ္မံ ဝိပဿတော, ဧဝံ ဂါမေ မုနီ စရေ, ခန္တီ ပရမံ တပေါ တိတိက္ခာ။
ကွစီတိ ကသ္မာ? ဣဓ မောဒတိ ပေစ္စ မောဒတိ, ပတိလီယတိ, ပဋိဟညတိ။
သရာ ခေါ ဗျဉ္ဇနေ ပရေ ကွစိ ရဿံ ပပ္ပောန္တိ။
ဘောဝါဒိနာမ သော ဟောတိ, ယထာဘာဝိ ဂုဏေန သော။
ကွစီတိ ကသ္မာ? သမ္မာသမာဓိ, သာဝိတ္တီ ဆန္ဒသော မုခံ, ဥပနီယတိ ဇီဝိတမပ္ပမာယု။
֍ ♦ ၂၇, * ၃၉. လောပဉ္စ တတြာကာရော။
သရာ ခေါ ဗျဉ္ဇနေ ပရေ ကွစိ လောပံ ပပ္ပောန္တိ။ တတြ စ လောပေ ကတေ အကာရာဂမော ဟောတိ။
သ သီလဝါ။ သ ပညဝါ ဧသ ဓမ္မော သနန္တနော, သ ဝေ ကသာဝမရဟတိ, သ မာနကာမောပိ ဘဝေယျ, သ ဝေ မုနိ ဇာတိဘယံ အဒဿိ။
(ကစ္စည်း၊၅၀။)ကွစီတိ ကသ္မာ? သော မုနိ, ဧသော ဓမ္မော ပဒိဿတိ, န သော ကာသာဝမရဟတိ။
֍ ♦ ၂၈, * ၄၀. ပရ ဒွေဘာဝေါ ဌာနေ။
သရမှာ ပရဿ ဗျဉ္ဇနဿ ဒွေဘာဝေါ ဟောတိ ဌာနေ။
ဣဓပ္ပမာဒေါ, ပုရိသဿ ဇန္တုနော, ပဗ္ဗဇ္ဇံ ကိတ္တယိဿာမိ, စာတုဒ္ဒသိ, ပဉ္စဒ္ဒသိ, အဘိက္ကန္တတရော စန္ဒော။
ဌာနေတိ ကသ္မာ? ဣဓ မောဒတိ ပေစ္စ မောဒတိ။
֍ ♦ ၂၉, * ၄၂. ဝဂ္ဂေ ဃောသာဃောသာနံ တတိယပဌမာ။
ဝဂ္ဂေ ခေါ ပုဗ္ဗေသံ ဗျဉ္ဇနာနံ ဃောသာဃောသဘူတာနံ သရမှာ ယထာသင်္ချံ တတိယပဌမက္ခရာ ဒွေဘာဝံ ဂစ္ဆန္တိ ဌာနေ။
ဧသေဝ စဇ္ဈာနပ္ဖလော, ယတြဋ္ဌိတံ နပ္ပသဟေယျ မစ္စု, သေလေ ယထာ ပဗ္ဗတမုဒ္ဓနိဋ္ဌိတော, စတ္တာရိဋ္ဌာနာနိ နရော ပမတ္တော။
ဌာနေတိ ကသ္မာ? ဣဓ စေတသော ဒဠှံ ဂဏှာတိ ထာမသာ။
ဣတိ သန္ဓိကပ္ပေ တတိယော ကဏ္ဍော။
(ကစ္စည်း၊၅၁။)စတုတ္ထကဏ္ဍ
֍ ♦ ၃၀, * ၅၈. အံ ဗျဉ္ဇနေ နိဂ္ဂဟိတံ။
နိဂ္ဂဟိတံ ခေါ ဗျဉ္ဇနေ ပရေ အံ ဣတိ ဟောတိ။
ဧဝံ ဝုတ္တေ, တံ သာဓူတိ ပဋိဿုဏိတွာ။
֍ ♦ ၃၁, * ၄၉. ဝဂ္ဂန္တံ ဝါ ဝဂ္ဂေ။
ဝဂ္ဂဘူတေ ဗျဉ္ဇနေ ပရေ နိဂ္ဂဟိတံ ခေါ ဝဂ္ဂန္တံ ဝါ ပပ္ပောတိ။
တန္နိစ္စုတံ, ဓမ္မဉ္စရေ သုစရိတံ, စိရပ္ပဝါသိံ ပုရိသံ။ သန္တန္တဿ မနံ ဟောတိ, တင်္ကာရုဏိကံ, ဧဝင်္ခေါ ဘိက္ခဝေ သိက္ခိတဗ္ဗံ။
ဝါဂ္ဂဟဏေနနိဂ္ဂဟိတံ ခေါ လကာရာဒေသော ဟောတိ။ ပုဂ္ဂလံ။
ဝါတိ ကသ္မာ? န တံ ကမ္မံ ကတံ သာဓု။
ဧကာရဟကာရေ ပရေ နိဂ္ဂဟိတံ ခေါ ဉကာရံ ပပ္ပောတိ ဝါ။
ပစ္စတ္တညေဝ ပရိနိဗ္ဗာယိဿာမိ, တညေဝေတ္ထ ပဋိပုစ္ဆိဿာမိ, ဧဝဉှိ ဝေါ ဘိက္ခဝေ သိက္ခိတဗ္ဗံ။ တဉှိ တဿ မုသာ ဟောတိ။
(ကစ္စည်း၊၅၂။)ဝါတိ ကသ္မာ? ဧဝမေတံ အဘိညာယ, ဧဝံ ဟောတိ သုဘာသိတံ။
နိဂ္ဂဟိတံ ခေါ ယကာရေ ပရေ သဟ ယကာရေန ဉကာရံ ပပ္ပောတိ ဝါ။
သညောဂေါ, သညုတ္တံ။
ဝါတိ ကသ္မာ? သံယောဂေါ, သံယုတ္တံ။
နိဂ္ဂဟိတဿ ခေါ သရေ ပရေ မကာရဒကာရာဒေသာ ဟောန္တိ ဝါ။
တမဟံ ဗြူမိ ဗြာဟ္မဏံ, ဧတဒဝေါစ သတ္ထာ။
ဝါတိ ကသ္မာ? အက္ကောစ္ဆိ မံ အဝဓိ မံ, အဇိနိ မံ အဟာသိ မေ။
֍ ♦ ၃၅, * ၃၄. ယ ဝ မ ဒ န တ ရ လာ စာဂမာ။
သရေ ပရေ ယကာရော ဝကာရော မကာရော ဒကာရော နကာရော တကာရော ရကာရော လကာရော ဣမေ အာဂမာ ဟောန္တိ ဝါ။
(ကစ္စည်း၊၅၃။)နယိမဿ ဝိဇ္ဇာ, ယထယိဒံ စိတ္တံ။ မိဂီ ဘန္တာ ဝုဒိက္ခတိ, သိတ္တာ တေ လဟု မေဿတိ, အသိတ္တာ တေ ဂရု မေဿတိ။ အဿော ဘဒြော ကသာမိဝ, သမ္မဒညာ ဝိမုတ္တာနံ။ မနသာဒညာ ဝိမုတ္တာနံ, အတ္တဒတ္ထမဘိညာယ။ စိရံနာယတိ, ဣတော နာယတိ။ ယသ္မာတိဟ ဘိက္ခဝေ, တသ္မာတိဟ ဘိက္ခဝေ, အဇ္ဇတဂ္ဂေ ပါဏုပေတံ။ သဗ္ဘိရေဝ သမာသေထ, အာရဂ္ဂေရိဝ သာသပေါ, သာသပေါရိဝ အာရဂ္ဂါ။ ဆဠဘိညာ, သဠာယတနံ။
ဝါတိ ကသ္မာ? ဧဝံ မဟိဒ္ဓိယာ ဧသာ, အက္ကောစ္ဆိ မံ အဝဓိ မံ, အဇိနိ မံ အဟာသိ မေ, အဇေယျော အနုဂါမိကော။
စဂ္ဂဟဏေန ဣဓေဝ မကာရဿ ပကာရော ဟောတိ။ စိရပ္ပဝါသိံ ပုရိသံ။
ကကာရဿ စ ဒကာရော ဟောတိ။ သဒတ္ထပသုတော သိယာ။
ဒကာရဿ စ တကာရော ဟောတိ, သုဂတော။
ဗျဉ္ဇနေ ပရေ ကွစိ ဩကာရာဂမော ဟောတိ။
အတိပ္ပဂေါ ခေါ တာဝ သာဝတ္ထိယံ ပိဏ္ဍာယ စရိတုံ။ ပရောသဟဿံ။
(ကစ္စည်း၊၅၄။)ကွစီကိ ကသ္မာ? ဧထ ပဿထိမံ လောကံ, အန္ဓီဘူတော အယံ လောကော။
နိဂ္ဂဟိတဉ္စာဂမော ဟောတိ သရေ ဝါ ဗျဉ္ဇနေ ဝါ ပရေ ကွစိ။
စက္ခုံဥဒပါဒိ, အဝံသိရော, ယာဝဉ္စိဓ ဘိက္ခဝေ ပုရိမံ ဇာတိံ သရာမိ, အဏုံထူလာနိ သဗ္ဗသော, မနောပုဗ္ဗင်္ဂမာ ဓမ္မာ။
ကွစီတိ ကသ္မာ? ဣဓေဝ နံ ပသံသန္တိ, ပေစ္စ သဂ္ဂေ ပမောဒတိ, န ဟိ ဧတေဟိ ယာနေဟိ, ဂစ္ဆေယျ အဂတံ ဒိသံ။
စဂ္ဂဟဏေန ဝိသဒ္ဒဿ စ ပကာရော ဟောတိ။ ပစေဿတိ, ဝိစေဿတိ ဝါ။
နိဂ္ဂဟိတံ ခေါ သရေ ပရေ ကွစိ လောပံ ပပ္ပောတိ။
တာသာဟံ သန္တိကေ, ဝိဒူနဂ္ဂမိတိ။
ကွစီတိ ကသ္မာ? အဟမေဝ နူန ဗာလော ဧတမတ္ထံ ဝိဒိတွာန။
(ကစ္စည်း၊၅၅။)နိဂ္ဂဟိတံ ခေါ ဗျဉ္ဇနေ ပရေ ကွစိ လောပံ ပပ္ပောတိ။
အရိယသစ္စာနဒဿနံ, ဧတံ ဗုဒ္ဓါနသာသနံ။
ကွစီတိ ကသ္မာ? ဧတံ မင်္ဂလမုတ္တမံ, တံ ဝေါ ဝဒါမိ ဘဒ္ဒန္တေ။
နိဂ္ဂဟိတမှာ ပရော သရော လောပံ ပပ္ပောတိ ဝါ။
ဘာသိတံ အဘိနန္ဒုန္တိ, ဥတ္တတ္တံဝ, ယထာဗီဇံဝ, ယထာဓညံဝ။
ဝါတိ ကသ္မာ? အဟမေဝ နူန ဗာလော, ဧတဒဟောသိ။
֍ ♦ ၄၁, * ၅၆. ဗျဉ္ဇနော စ ဝိသညောဂေါ။
နိဂ္ဂဟိတမှာ ပရသ္မိံ သရေ လုတ္တေ ယဒိ ဗျဉ္ဇနော သသညောဂေါ ဝိသညောဂေါ ဟောတိ။
ဧဝံသ တေ အာသဝေါ, ပုပ္ဖံသာ ဥပ္ပဇ္ဇိ။
လုတ္တေတိ ကသ္မာ? ဧဝမဿ ဝိဒူနဂ္ဂမိတိ။
(ကစ္စည်း၊၅၆။)စဂ္ဂဟဏေန တိဏ္ဏံ ဗျဉ္ဇနာနမန္တရေ ယေ သရူပါ, တေသမ္ပိ လောပေါ ဟောတိ။ အဂျာဂါရံ, ပဋိသန္ထာရဝုတျဿ။
ဣတိ သန္ဓိကပ္ပေ စတုတ္ထော ကဏ္ဍော။
ပဉ္စမကဏ္ဍ
֍ ♦ ၄၂, * ၃၂. ဂေါသရေ ပုထဿာဂမော ကွစိ။
ပုထဣစ္စေတဿ အန္တေ သရေ ပရေ ကွစိ ဂကာရာဂမော ဟောတိ။
ပုထဂေ ဝ။
֍ ♦ ၄၃, * ၃၃. ပါဿ စန္တော ရဿော။
ပါဣစ္စေတဿ အန္တေ သရေ ပရေ ကွစိ ဂကာရာဂမော ဟောတိ, အန္တော စ သရော ရဿော ဟောတိ။
ပဂေဝ ဝုတျဿ။
ကွစီတိ ကသ္မာ? ပါ ဧဝ ဝုတျဿ။
အဘိဣစ္စေတဿ သရေ ပရေ အဗ္ဘာဒေသော ဟောတိ။ အဗ္ဘုဒီရိတံ, အဗ္ဘုဂ္ဂစ္ဆတိ။
(ကစ္စည်း၊၅၇။)အဓိဣစ္စေတဿ သရေ ပရေ အဇ္ဈာဒေသော ဟောတိ။
အဇ္ဈောကာသေ, အဇ္ဈာဂမာ။
တေ စ ခေါ အဘိအဓိဣစ္စေတေ ဣဝဏ္ဏေ ပရေ အဗ္ဘော အဇ္ဈောဣတိဝုတ္တရူပါ နံ ဟောန္တိ ဝါ။
အဘိစ္ဆိတံ, အဓီရိတံ။
ဝါတိ ကသ္မာ? အဗ္ဘီရိတံ, အဇ္ဈိဏမုတ္တော။
အတိဣစ္စေတဿ အန္တဘူတဿ တိသဒ္ဒဿ ဣဝဏ္ဏေ ပရေ ‘‘သဗ္ဗော စံ တီ’’တိ ဝုတ္တရူပံ န ဟောတိ။
အတီသိဂဏော, အတီရိတံ။
ဣဝဏ္ဏေတိ ကသ္မာ? အစ္စန္တံ။
ပတိဣစ္စေတဿ သရေ ဝါ ဗျဉ္ဇနေ ဝါ ပရေ ကွစိ ပဋိအာဒေသော ဟောတိ။
ပဋဂ္ဂိ ဒါတဗ္ဗော, ပဋိဟညတိ။
(ကစ္စည်း၊၅၈။)ကွစီတိ ကသ္မာ? ပစ္စန္တိမေသု ဇနပဒေသု, ပတိလီယတိ, ပတိရူပဒေသဝါသော စ။
ပုထဣစ္စေတဿ အန္တော သရော ဗျဉ္ဇနေ ပရေ ဥကာရော ဟောတိ။
ပုထုဇ္ဇနော, ပုထုဘူတံ။
အန္တဂ္ဂဟဏေန အပုထဿာပိ သရေ ပရေ အန္တဿ ဥကာရော ဟောတိ, မနုညံ။
အဝဣစ္စေတဿ ဗျဉ္ဇနေ ပရေ ကွစိ ဩကာရော ဟောတိ။
အန္ဓကာရေန ဩနဒ္ဓါ။
ကွစီတိ ကသ္မာ? အဝသုဿတု မေ သရီရေ မံသလောဟိတံ။
֍ ♦ ၅၁, * ၅၉. အနုပဒိဋ္ဌာနံ ဝုတ္တယောဂတော။
အနုပဒိဋ္ဌာနံ ဥပသဂ္ဂနိပါတာနံ သရသန္ဓီဟိ ဗျဉ္ဇနသန္ဓီဟိ ဝုတ္တသန္ဓီဟိ စ ယထာယောဂံ ယောဇေတဗ္ဗံ။
(ကစ္စည်း၊၅၉။)ပါပနံ, ပရာယဏံ, ဥပါယနံ, ဥပါဟနံ, နျာယောဂေါ, နိဂုပဓိ, အနုဗောဓော, ဒုဝူပသန္တံ, သုဝူပသန္တံ, ဒွါလယော, သွာလယော, ဒုရာချာတံ, သွာချာတော, ဥဒီရိတံ, သမုဒ္ဒိဋ္ဌံ, ဝိယဂ္ဂံ, ဝိဇ္ဈဂ္ဂံ, ဗျဂ္ဂံ, အဝယာဂမနံ, အနွေတိ, အနုပဃာတော, အနစ္ဆရိယံ, ပရိယေသနာ, ပရာမာသော, ဧဝံ သရေ စ ဟောန္တိ။
ပရိဂ္ဂဟော, ပဂ္ဂဟော, ပက္ကမော, ပရက္ကမော, နိက္ကမော, နိက္ကသာဝေါ, နိလ္လယနံ, ဒုလ္လယနံ, ဒုမ္ဘိက္ခံ, ဒုဗ္ဗုတ္တံ, သန္ဒိဋ္ဌံ, ဒုဂ္ဂဟော, ဝိဂ္ဂဟော, နိဂ္ဂတော, အဘိက္ကမော, ပဋိက္ကမော, ဧဝံ ဗျဉ္ဇနေ စ။ သေသာ သဗ္ဗေ ယောဇေတဗ္ဗာ။
ဣတိ သန္ဓိကပ္ပေ ပဉ္စမော ကဏ္ဍော။
သန္ဓိကပ္ပော နိဋ္ဌိတော။
(ကစ္စည်း၊၆၀။)၂. နာမကပ္ပ
ပဌမကဏ္ဍ
֍ ♦ ၅၂, * ၆၀. ဇိနဝစနယုတ္တံ ဟိ။
‘‘ဇိနဝစနယုတ္တံ ဟိ’’ ဣစ္စေတံ အဓိကာရတ္ထံ ဝေဒိတဗ္ဗံ။
֍ ♦ ၅၃, * ၆၁. လိင်္ဂဉ္စ နိပ္ပဇ္ဇတေ။
ယထာ ယထာ ဇိနဝစနယုတ္တံ ဟိ လိင်္ဂံ, တထာ တထာ ဣဓ လိင်္ဂဉ္စ နိပ္ပဇ္ဇတေ။
တံ ယထာ? ဧသော နော သတ္ထာ, ဗြဟ္မာ အတ္တာ, သခါ, ရာဇာ။
֍ ♦ ၅၄, * ၆၂. တတော စ ဝိဘတ္တိယော။
တတော ဇိနဝစနယုတ္တေဟိ လိင်္ဂေဟိ ဝိဘတ္တိယော ပရာ ဟောန္တိ။
֍ ♦ ၅၅, * ၆၃. သိ ယော, အံ ယော, နာ ဟိ, သ နံ, သ္မာ ဟိ, သ နံ, သ္မိံ သု။
ကာ စ ပန တာယော ဝိဘတ္တိယော? သိ, ယော ဣတိ ပဌမာ, အံ, ယောဣတိ ဒုတိယာ, နာ ဟိ ဣတိ တတိယာ, သ, နံဣတိ စတုတ္ထီ, သ္မာ, ဟိ ဣတိ ပဉ္စမီ, သ, နံ ဣတိ ဆဋ္ဌီ, သ္မိံ, သု ဣတိ သတ္တမီ။
(ကစ္စည်း၊၆၁။)ဝိဘတ္တိဣစ္စနေန ကွတ္ထော? အမှဿ မမံ သဝိဘတ္တိဿ သေ။
ယထာ ယထာ တေသံ ဇိနဝစနာနံ အနုပရောဓော။ တထာ တထာ ဣဓ လိင်္ဂဉ္စ နိပ္ပဇ္ဇတေ။
֍ ♦ ၅၇, * ၇၁. အာလပနေ သိ ဂ သညော။
အာလပနတ္ထေ သိ ဂသညော ဟောတိ။
ဘောတိ အယျေ, ဘောတိ ကညေ, ဘောတိ ခရာဒိယေ။
အာလပနေတိ ကိမတ္ထံ? သာ အယျာ။
သီတိ ကိမတ္ထံ? ဘောတိယော အယျာယော။
ဂဣစ္စနေန ကွတ္ထော? ဃတေ စ။
֍ ♦ ၅၈, * ၂၉. ဣဝဏ္ဏုဝဏ္ဏာ ဈလာ။
ဣဝဏ္ဏုဝဏ္ဏာဣစ္စေတေ ဈလသညာ ဟောန္တိ ယထာသင်္ချံ။
(ကစ္စည်း၊၆၂။)ဣသိနော, အဂ္ဂိနော, ဂဟပတိနော, ဒဏ္ဍိနော။ သေတုနော, ကေတုနော, ဘိက္ခုနော။ သယမ္ဘုနော, အဘိဘုနော။
ဈလဣစ္စနေန ကွတ္ထော? ဈလတော သဿ နော ဝါ။
֍ ♦ ၅၉, * ၁၈၂. တေ ဣတ္ထိချာ ပေါ။
တေ ဣဝဏ္ဏုဝဏ္ဏာ ယဒါ ဣတ္ထိချာ, တဒါ ပသညာ ဟောန္တိ။
ရတ္တိယာ, ဣတ္ထိယာ, ဓေနုယာ, ဝဓုယာ။
ဣတ္ထိချာတိ ကိမတ္ထံ? ဣသိနာ, ဘိက္ခုနာ။
(ကစ္စည်း၊၆၃။)အာကာရော ယဒါ ဣတ္ထိချော, တဒါ ဃသညော ဟောတိ။
သဒ္ဓါယ, ကညာယ, ဝီဏာယ, ဂင်္ဂါယ, ဒိသာယ သာလာယ, မာလာယ, တုလာယ, ဒေါလာယ, ပဘာယ, သောဘာယ, ပညာယ, ကရုဏာယ နာဝါယ, ကပါလိကာယ။
အာတိ ကိမတ္ထံ? ရတ္တိယာ, ဣတ္ထိယာ။
ဣတ္ထိချောတိ ကိမတ္ထံ? သတ္ထာရာ ဒေသိတော အယံ ဓမ္မော။
ဃဣစ္စနေန ကွတ္ထော? ဃတော နာဒီနံ။
သကာရာဂမော ဟောတိ သေ ဝိဘတ္တိမှိ။
ပုရိသဿ, အဂ္ဂိဿ, ဣသိဿ, ဒဏ္ဍိဿ, ဘိက္ခုဿ, သယမ္ဘုဿ, အဘိဘုဿ။
သေတိ ကိမတ္တံ? ပုရိသသ္မိံ။
֍ ♦ ၆၂, * ၂၀၆. သံသာသွေကဝစနေသု စ။
သံသာသု ဧကဝစနေသု ဝိဘတ္တာဒေသေသု သကာရာဂမော ဟောတိ။
ဧတိဿံ, ဧတိဿာ ဣမိဿံ, ဣမိဿာ, တိဿံ, တိဿာ,
တဿံ တဿာ, ယဿံ, ယဿာ, အမုဿံ, အမုဿာ။
သံသာသွီတိ ကိမတ္ထံ? အဂ္ဂိနာ, ပါဏိနာ။
ဧကဝစနေသွီတိ ကိမတ္ထံ? တာသံ, သဗ္ဗာသံ။
ဝိဘတ္တာဒေသေသွီတိ ကိမတ္ထံ? မနသာ, ဝစသာ, ထာမသာ။
ဧတာဣမာဣစ္စေတေသမန္တော သရော ဣကာရော ဟောတိ သံသာသု ဧကဝစနေသု ဝိဘတ္တာဒေသေသု။
ဧတိဿံ, ဧတိဿာ, ဣမိဿံ, ဣမိဿာ။
(ကစ္စည်း၊၆၄။)သံသာသွီတိ ကိမတ္ထံ? ဧတာယ, ဣမာယ။
ဧကဝစနေသွီတိ ကိမတ္ထံ? ဧတာသံ, ဣမာသံ။
တဿာ ဣတ္ထိယံ ဝတ္တမာနဿ အန္တဿ အာကာရဿ ဣကာရော ဟောတိ ဝါ သံသာသု ဧကဝစနေသု ဝိဘတ္တာဒေသေသု။
တိဿံ, တိဿာ, တဿံ, တဿာ။
တတော တာ ဧတာ ဣမာတော သဿ ဝိဘတ္တိဿ ဿာယာဒေသော ဟောတိ ဝါ။
တိဿာယ, ဧတိဿာယ, ဣမိဿာယ။
ဝါတိ ကိမတ္ထံ? တိဿာ, ဧတိဿာ, ဣမိဿာ။
ဃော ရဿမာပဇ္ဇတေ သံသာသု ဧကဝစနေသု ဝိဘတ္တာဒေသေသု။
တဿံ, တဿာ, ယဿံ, ယဿာ, သဗ္ဗဿံ, သဗ္ဗဿာ။
သံသာသွီတိ ကိမတ္ထံ? တာယ, သဗ္ဗာယ။
ဧကဝစနေသွီတိ ကိမတ္ထံ? တာသံ, သဗ္ဗာသံ။
(ကစ္စည်း၊၆၅။)֍ ♦ ၆၇, * ၂၂၉. နော စ ဒွါဒိတော နံမှိ။
ဒွိဣစ္စေဝမာဒိတော သင်္ချာတော နကာရာဂမော ဟောတိ နံမှိ ဝိဘတ္တိမှိ။
ဒွိန္နံ, တိန္နံ, စတုန္နံ, ပဉ္စန္နံ, ဆန္နံ, သတ္တန္နံ, အဋ္ဌန္နံ, နဝန္နံ, ဒသန္နံ။
ဒွါဒိတောတိ ကိမတ္ထံ? သဟဿာနံ။
နံမှီတိ ကိမတ္ထံ? ဒွီသု, တီသု။
စဂ္ဂဟဏေနဿဉ္စာဂမော ဟောတိ။ စတဿန္နံ ဣတ္ထီနံ တိဿန္နံ ဝေဒနာနံ။
֍ ♦ ၆၈, * ၁၈၄. အမာ ပတော သ္မိံသ္မာနံ ဝါ။
ပဣစ္စေတသ္မာ သ္မိံသ္မာဣစ္စေတေသံ အံအာအာဒေသာ ဟောန္တိ ဝါ ယထာသင်္ချံ။
မတျံ, မတိယံ, မတျာ, မတိယာ, နိကတျံ။ နိကတိယံ, နိကတျာ, နိကတိယာ, ဝိကတျံ, ဝိကတိယံ, ဝိကတျာ, ဝိကတိယာ, ဝိရတျံ, ဝိရတိယံ, ဝိရတျာ, ဝိရတိယာ, ရတျံ, ရတိယံ, ရတျာ, ရတိယာ, ပုထဗျံ, ပုထဝိယံ, ပုထဗျာ, ပုထဝိယာ, ပဝတျံ, ပဝတျာ, ပဝတ္တိယံ, ပဝတ္တိယာ။
အာဒိဣစ္စေတသ္မာ သ္မိံဝစနဿ အံဩအာဒေသာ ဟောန္တိ ဝါ။
(ကစ္စည်း၊၆၆။)ဝါတိ ကိမတ္ထံ? အာဒိသ္မိံ, အာဒိမှိ နာထံ နမဿိတွာန,
စဂ္ဂဟဏေန အညသ္မာပိ သ္မိံ ဝစနဿ အာ ဩ အံအာဒေသာ ဟောန္တိ။ ဒိဝါ စ ရတ္တော စ ဟရန္တိ ယေ ဗလိ။ ဗာရာဏသိံ အဟု ရာဇာ။
֍ ♦ ၇၀, * ၃၀. ဈလာနမိယုဝါ သရေ ဝါ။
ဈလဣစ္စေတေသံ ဣယ ဥဝဣစ္စေတေ အာဒေသာ ဟောန္တိ ဝါ သရေ ပရေ ယထာသင်္ချံ။
တိယန္တံ ပစ္ဆိယာဂါရေ, အဂ္ဂိယာဂါရေ, ဘိက္ခုဝါသနေ နိသီဒတိ, ဝုထုဝါသနေ နိသီဒတိ။
သရေတိ ကိမတ္ထံ? တိမလံ, တိဖလံ, တိစတုက္ကံ, တိဒဏ္ဍံ, တိလောကံ, တိနယနံ, တိပါသံ, တိဟံသံ, တိဘဝံ, တိခန္ဓံ, တိပိဋကံ, တိဝေဒနံ, စတုဒ္ဒိသံ, ပုထုဘူတံ။
ဝါတိ ကိမတ္ထံ? ပဉ္စဟင်္ဂေဟိ တီဟာကာရေဟိ။ စက္ခာယတနံ။
ဝါတိ ဝိကပ္ပနတ္ထံ, ဣကာရဿ အယာဒေသော ဟောတိ, ဝတ္ထုတ္တယံ။
ဈလာနံ ယကာရ ဝကာရာဒေသာ ဟောန္တိ သရေ ပရေ ယထာသင်္ချံ။
(ကစ္စည်း၊၆၇။)အဂျာဂါရံ, ပက္ခာယတနံ, သွာဂတံ, တေ မဟာဝီရ။
စဂ္ဂဟဏံ သမ္ပိဏ္ဍနတ္ထံ။
ပသညဿ စ ဣဝဏ္ဏဿ ဝိဘတ္တာဒေသေ သရေ ပရေ ယကာရာဒေသော ဟောတိ။
ပုထဗျာ, ရတျာ, မတျာ။
သရေတိ ကိမတ္ထံ? ပုထဝိယံ။
ဂေါဣစ္စေတဿ ဩကာရဿ အာဝါဒေသော ဟောတိ သေ ဝိဘတ္တိမှိ။
ဂါဝဿ။
ဂေါဣစ္စေတဿ ဩကာရဿ အာဝါဒေသော ဟောတိ ယောဣစ္စေတေသု ပရေသု။
ဂါဝေါ ဂစ္ဆန္တိ, ဂါဝေါ ပဿန္တိ, ဂါဝီ ဂစ္ဆန္တိ, ဂါဝီ ပဿန္တိ။
စဂ္ဂဟဏံ ကိမတ္ထံ? နာသ္မာသ္မိံသု ဝစနေသု အာဝါ ဒေသော ဟောတိ။
ဂါဝေန, ဂါဝါ, ဂါဝေ, ဂါဝေသု။
(ကစ္စည်း၊၆၈။)ဂေါဣစ္စေတဿ ဩကာရဿ အာဝအဝဣစ္စေတေ အာဒေသာ ဟောန္တိ အံမှိ ဝိဘတ္တိမှိ။
ဂါဝံ, ဂဝံ။
စဂ္ဂဟဏေန သာဒိသေသေသု ပုဗ္ဗုတ္တဝစနေသု ဂေါဣစ္စေတဿ ဩကာရဿ အဝါဒေသော ဟောတိ။
ဂဝဿ, ဂဝေါ, ဂဝေန, ဂဝါ, ဂဝေ, ဂဝေသု။
အာဝဣစ္စေတဿ ဂါဝါဒေသဿ အန္တ သရဿ ဥကာရာဒေသော ဟောတိ ဝါ အံမှိ ဝိဘတ္တိမှိ။
ဂါဝုံ, ဂါဝံ။
အာဝဿေတိ ကိမတ္ထံ? ဂါဝေါ တိဋ္ဌန္တိ။
֍ ♦ ၇၇, * ၁၇၅. တတော နမံ ပတိမှာ လုတ္တေ စ သမာသေ။
တတော ဂေါသဒ္ဒတော နံဝစနဿ အံအာဒေသော ဟောတိ, ဂေါဣစ္စေတဿ ဩကာရဿ အဝါဒေသော ဟောတိ ပတိမှိ ပရေ အလုတ္တေ စ သမာသေ။
ဂဝပတိ။
(ကစ္စည်း၊၆၉။)စဂ္ဂဟဏေန အသမာသေပိ နံဝစနဿ အံအာဒေသော ဟောတိ, ဂေါဣစ္စေတဿ ဩကာရဿ အဝါဒေသော ဟောတိ။
ဂဝံ။
ဂေါဣစ္စေတဿ ဩကာရဿ အဝါဒေသော ဟောတိ သမာသေ စ သရေ ပရေ။
ဂဝဿကံ, ဂဝေဠကံ, ဂဝါဇိနံ။
စဂ္ဂဟဏေန ဥဝဏ္ဏဣစ္စေဝမန္တာနံ လိင်္ဂါနံ ဥဝအဝဥရာဒေသာ ဟောန္တိ သ္မိံယောဣစ္စေတေသု ကွစိ။
ဘုဝိ, ပသဝေါ, ဂုရဝေါ, စတုရော။
သရေတိ ကိမတ္ထံ? ဂေါဓနော, ဂေါဝိန္ဒော။
֍ ♦ ၇၉, * ၄၆. တဗ္ဗိပရီတူပပဒေ ဗျဉ္ဇနေ စ။
တဿ အဝသဒ္ဒဿ ယဒါ ဥပပဒေ တိဋ္ဌမာနဿ တဿ ဩကာရဿ ဝိပရီတော ဟောတိ ဗျဉ္ဇနေ ပရေ။
ဥဂ္ဂတေ သူရိယေ, ဥဂ္ဂစ္ဆတိ, ဥဂ္ဂဟေတွာ။
စဂ္ဂဟဏမဝဓာရဏတ္ထံ။ အဝသာနေ, အဝကိရဏေ, အဝကိရတိ။
(ကစ္စည်း၊၇၀။)သဗ္ဗဿေဝ ဂေါသဒ္ဒဿ ဂေါဏာဒေသော ဟောတိ ဝါ နံမှိ ဝိဘတ္တိမှိ။
ဂေါဏာနံ သတ္တန္နံ။
ဝါတိ ကိမတ္ထံ?
ဂေါနဉ္စေ တရမာနာနံ, ဥဇုံ ဂစ္ဆတိ ပုင်္ဂဝေါ။
သဗ္ဗာ ဂါဝီ ဥဇုံ ယန္တိ, နေတ္တေ ဥဇုံ ဂတေ သတိ။
ယောဂဝိဘာဂေန အညတြာပိ ဂေါဏာဒေသော ဟောတိ။ ဂေါဏဘူတာနံ။
သုဟိနာဣစ္စေတေသု သဗ္ဗဿ ဂေါသဒ္ဒဿ ဂေါဏာဒေသော ဟောတိ ဝါ။
ဂေါဏေသု, ဂေါဏေဟိ, ဂေါဏေဘိ, ဂေါဏေန။
ဝါတိ ကိမတ္ထံ? ဂေါသု, ဂေါဟိ, ဂေါဘိ, ဂဝေန။
စဂ္ဂဟဏေန သျာဒိသေသေသု ပုဗ္ဗုတ္တရဝစနေသုပိ ဂေါဏ ဂု ဂဝယာဒေသာ ဟောန္တိ။ ဂေါဏော, ဂေါဏာ, ဂေါဏံ, ဂေါဏေ, ဂေါဏဿ, ဂေါဏမှာ။ ဂေါဏမှိ, ဂုန္နံ, ဂဝယေဟိ, ဂဝယေဘိ။
(ကစ္စည်း၊၇၁။)֍ ♦ ၈၂, * ၁၄၉. အံမော နိဂ္ဂဟိတံ ဈလပေဟိ။
အံဝစနဿ မကာရဿ စ ဈလပဣစ္စေတေဟိ နိဂ္ဂဟိတံ ဟောတိ
အဂ္ဂိံ, ဣသိံ, ဂဟပတိံ, ဒဏ္ဍိံ, မဟေသိံ, ဘိက္ခုံ, ပဋုံ, သယမ္ဘုံ, အဘိဘုံ, ရတ္တိံ, ဣတ္ထိံ, ဝဓုံ, ပုလ္လိင်္ဂံ, ပုမ္ဘာဝေါ, ပုင်္ကောကိလော။
အံမောတိ ကိမတ္ထံ? အဂ္ဂိနာ, ပါဏိနာ, ဘိက္ခုနာ, ရတ္တိယာ, ဣတ္ထိယာ, ဝဓုယာ။
ဈလပေဟီတိ ကိမတ္ထံ? သုခံ, ဒုက္ခံ။
ပုနာရမ္ဘ ဟဏံ ဝိဘာသာနိဝတ္တနတ္ထံ။ အဂ္ဂိံ, ပဋုံ, ဗုဒ္ဓိံ, ဝဓုံ။
֍ ♦ ၈၃, * ၆၇. သရလောပေါ’ မာဒေသ ပစ္စယာဒိမှိ သရလောပေ တု ပကတိ။
သရလောပေါ ဟောတိ အမာဒေသပစ္စယာဒိမှိ သရ လောပေ တု ပကတိ ဟောတိ။
ပုရိသံ, ပုရိသေ, ပါပံ, ပါပေ, ပါပိယော, ပါပိဋ္ဌော။
အမာဒေသပစ္စယာဒိမှီတိ ကိ တ္ထံ? အပ္ပမာဒေါ အမတံ ပဒံ။
သရလောပေတိ ကိမတ္ထံ? ပုရိသဿ, ဒဏ္ဍိနံ။
တုဂ္ဂဟဏမဝဓာရဏတ္ထံ။ ဘိက္ခုနီ, ဂဟပတာနီ။
(ကစ္စည်း၊၇၂။)ပကတိဂ္ဂဟဏသာမတ္ထေန ပုန သန္ဓိဘာဝေါ စ ဟောတိ။ သေယျော, သေဋ္ဌော, ဇေယျော, ဇေဋ္ဌော။
֍ ♦ ၈၄, * ၁၄၄. အဃောရဿမေကဝစနယောသွပိ စ။
အဃော သရော ရဿမာပဇ္ဇတေ ဧကဝစနယောဣစ္စေတေသု။
ဣတ္ထိံ, ဣတ္ထိယော, ဣတ္ထိယာ။ ဝဓုံ, ဝဓုယော, ဝဓုယာ။ ဒဏ္ဍိံ, ဒဏ္ဍိနော, ဒဏ္ဍိနာ။ သယမ္ဘုံ, သယမ္ဘုဝေါ, သယမ္ဘုနာ။
အဃောတိ ကိမတ္ထံ? ကညံ, ကညာယော, ကညာယ။
ဧကဝစနယောသွီတိ ကိမတ္ထံ? ဣတ္ထီဟိ, သယမ္ဘူဟိ။
စဂ္ဂဟဏမဝဓာရဏတ္ထံ။ နဒိံ, နဒိယော, နဒိယာ။
အပိဂ္ဂဟဏေန န ရဿမာပဇ္ဇတေ။ ဣတ္ထီ, ဘိက္ခုနီ။
֍ ♦ ၈၅, * ၁၅၀. န သိသ္မိမနပုံသကာနိ။
သိသ္မိံ အနပုံသကာနိ လိင်္ဂါနိ န ရဿမာပဇ္ဇန္တေ။ ဣတ္ထီ, ဘိက္ခုနီ, ဝဓူ, ဒဏ္ဍီ, သယမ္ဘူ။
သိသ္မိံန္တိ ကိမတ္ထံ? ဘောတိ ဣတ္ထိ, ဘောတိ ဝဓု, ဘော ဒဏ္ဍိ, ဘော သယမ္ဘု။
(ကစ္စည်း၊၇၃။)အနပုံသကာနီတိ ကိမတ္ထံ? သုခကာရိ ဒါနံ, သုခကာရိ သီလံ, သီဃယာယိ စိတ္တံ။
֍ ♦ ၈၆, * ၂၂၇. ဥဘာဒိတော နမိန္နံ။
ဥဘဣစ္စေဝမာဒိတော သင်္ချာတော နံဝစနဿ ဣန္နံ ဟောတိ။
ဥဘိန္နံ, ဒုဝိန္နံ။
ဥဘာဒိတောတိ ကိမတ္ထံ? ဥဘယေသံ။
֍ ♦ ၈၇, * ၂၃၁. ဣဏ္ဏမိဏ္ဏန္နံ တီဟိ သင်္ချာဟိ။
နံဝစနဿ ဣဏ္ဏံ ဣဏ္ဏန္နံ ဣစ္စေတေ အာဒေသာ ဟောန္တိ တီဟိ သင်္ချာဟိ။
တိဏ္ဏံ, တိဏ္ဏန္နံ။
တီဟီတိ ကိမတ္ထံ? ဒွိန္နံ။
֍ ♦ ၈၈, * ၁၄၇. ယောသု ကတနိကာရလောပေသု ဒီဃံ။
သဗ္ဗေ သရာ ယောသု ကတနိကာရလောပေသု ဒီဃမာပဇ္ဇန္တေ။
အဂ္ဂီ, ဘိက္ခူ, ရတ္တီ, ယာဂူ, အဋ္ဌီ, အဋ္ဌီနိ, အာယူ, အာယူနိ, သဗ္ဗာနိ, ယာနိ, တာနိ, ကာနိ, ကတမာနိ, ဧတာနိ, အပူနိ, ဣမာနိ။
(ကစ္စည်း၊၇၄။)ယောသွီတိ ကိမတ္ထံ? အဂ္ဂိ, ဘိက္ခု, ရတ္တိ, ယာဂု, သဗ္ဗော, ယော, သော, ကော, အမုကော။
ကတနိကာရလောပေသွီတိ ကိမတ္ထံ? ဣတ္ထိယော, ဝဓုယော, သယမ္ဘုဝေါ။
ပုနာရမ္ဘဂ္ဂဟဏံ ကိမတ္ထံ? နိစ္စဒီပနတ္ထံ။ အဂ္ဂီ, ဘိက္ခူ, ရတ္တီ, ယာနိ, တာနိ, ကတမာနိ။
သုနံဟိဣစ္စေတေသု သဗ္ဗေ သရာ ဒီဃမာပဇ္ဇန္တေ။
အဂ္ဂီသု, အဂ္ဂီနံ, အဂ္ဂီဟိ, ရတ္တီသု, ရတ္တီနံ, ရတ္တီဟိ။ ဘိက္ခူသု, ဘိက္ခူနံ, ဘိက္ခူဟိ။ ပုရိသာနံ။
ဧတေသွီတီ ကိမတ္ထံ? အဂ္ဂိနာ, ပါဏိနာ, ဒဏ္ဍိနာ။
စဂ္ဂဟဏမဝဓာရဏတ္ထံ။ သုခေတ္တေသု ဗြဟ္မစာရိသု, ဓမ္မမက္ခာသိ ဘဂဝါ ဘိက္ခုနံ ဒတွာ သကေဟိ ပါဏိဘိ။
ပဉ္စာဒီနံ သင်္ချာနံ အန္တော အတ္တမာပဇ္ဇတေ သုနံဟိဣစ္စေတေသု။
ပဉ္စသု, ပဉ္စန္နံ, ပဉ္စဟိ, ဆသု, ဆန္နံ, ဆဟိ, သတ္တသု, သတ္တန္နံ, သတ္တဟိ, အဋ္ဌသု, အဋ္ဌန္နံ, အဋ္ဌဟိ, နဝသု, နဝန္နံ, နဝဟိ, ဒသသု, ဒသန္နံ, ဒသဟိ။
ပဉ္စာဒီနမီတိ ကိမတ္ထံ? ဒွီသု, ဒွိန္နံ, ဒွီဟိ။
(ကစ္စည်း၊၇၅။)အတ္တမိတိဘာဝနိဒ္ဒေသော ဥဘယဿာဂမနတ္ထံ, အန္တော ဥကာရော အတ္တမာပဇ္ဇတေ။ စတဿန္နံ ဣတ္ထီနံ။ တိဿန္နံ ဝေဒနာနံ။
ပတိဿန္တော အတ္တမာပဇ္ဇတေ ဣနီမှိ ပစ္စယေ ပရေ။
ဂဟပတာနီ။
ဣနီမှီတိ ကိမတ္ထံ? ဂဟပတိ။
֍ ♦ ၉၂, * ၁၀၀. န္တုဿန္တော ယောသုစ။
န္တုပစ္စယဿ အန္တော အတ္တမာပဇ္ဇတေ သုနံဟိယောဣစ္စေတေသု ပရေသု။
ဂုဏဝန္တေသု, ဂုဏဝန္တာနံ, ဂုဏဝန္တေဟိ, ဂုဏဝန္တာ, ဂုဏဝန္တေ။
န္တုဿေတိ ကိမတ္ထံ? ဣသီနံ။
ဧတေသွီတိ ကိမတ္ထံ? ဂုဏဝါ။
စဂ္ဂဟဏေန အညေသု ဝစနေသု အတ္တဉ္စ ဟောတိ။ ဂုဏဝန္တသ္မိံ, ဂုဏဝန္တေန။
အန္တဂ္ဂဟဏေန န္တုပစ္စယဿ အန္တော အတ္တမာပဇ္ဇတေ, ယောနဉ္စ ဣကာရော ဟောတိ။ ဂုဏဝန္တိ။
(ကစ္စည်း၊၇၆။)֍ ♦ ၉၃, * ၁၀၆. သဗ္ဗဿ ဝါ အံသေသု။
သဗ္ဗဿေဝ န္တုပစ္စယဿ အတ္တံ ဟောတိ ဝါ အံသဣစ္စေတေသု။
သတိမံ ဘိက္ခု, သတိမန္တံ ဘိက္ခုံ ဝါ, ဗန္ဓုမံ ရာဇာနံ, ဗန္ဓုမန္တံ ရာဇာနံ ဝါ, သတိမဿ ဘိက္ခုနော, သတိမတော ဘိက္ခုနော ဝါ, ဗန္ဓုမဿ ရညော သုင်္ကံ, ဗန္ဓုမတော ရညော ဝါ သုင်္ကံ ဒေတိ။
ဧတေသွီတိ ကိမတ္ထံ? သတိမာ ဘိက္ခု, ဗန္ဓုမာ ရာဇာ။
န္တုပစ္စယဿ အန္တဿ အတ္တံ ဟောတိ ဝါ သိမှိ ဝိဘတ္တိမှိ။
ဟိမဝန္တော ပဗ္ဗတော။
ဝါတိ ကိမတ္ထံ? ဟိမဝါ ပဗ္ဗတော။
(ကစ္စည်း၊၇၇။)အဂ္ဂိဿန္တဿ ဣနိ ဟောတိ ဝါ သိမှိ ဝိဘတ္တိမှိ။
ပုရတော အဂ္ဂိနိ, ပစ္ဆတော အဂ္ဂိနိ, ဒက္ခိဏတော အဂ္ဂိနိ, ဝါမတော အဂ္ဂိနိ။
ဝါတိ ကိမတ္ထံ? အဂ္ဂိ။
֍ ♦ ၉၆, * ၁၄၈. ယောသွကတရဿော ဈော။
ယောသု အကတရဿော ဈော အတ္တမာပဇ္ဇတေ။
အဂ္ဂယော မုနယော, ဣသယော, ဂဟပတယော။
ယောသွီတိ ကိမတ္ထံ? အဂ္ဂီသု။
အကတရဿောတိ ကိမတ္ထံ? ဒဏ္ဍိနော။
ဈောတိ ကိမတ္ထံ? ရတ္တိယော။
ဝေဝေါဣစ္စေတေသု အကတရဿော လော အတ္တမာပဇ္ဇတေ။
ဘိက္ခဝေ, ဘိက္ခဝေါ, ဟေတဝေ, ဟေတဝေါ။
အကတရဿောတိ ကိမတ္ထံ? သယမ္ဘုဝေါ, ဝေဿဘုဝေါ, ပရာဘိဘုဝေါ။
ဝေဝေါသွီတိ ကိမတ္ထံ? ဟေတုနာ, ကေတုနာ, သေတုနာ။
စဂ္ဂဟဏမနုကဍ္ဎနတ္ထံ။
֍ ♦ ၉၈, * ၁၈၆. မာတုလာဒီနမာနတ္တမီကာရေ။
မာတုလဣစ္စေဝမာဒီနံ အန္တော အာနတ္တမာပဇ္ဇတေ ဤကာရေ ပစ္စယေ ပရေ။
(ကစ္စည်း၊၇၈။)ဤကာရေတိ ကိမတ္ထံ? ဘိက္ခုနီ, ရာဇိနီ, ဇာလိနီ, ဂဟပတာနီ။
အာနတ္တဂ္ဂဟဏေန နဒီဣစ္စေတဿ ဒီသဒ္ဒဿ ဇ္ဇောဇ္ဇာ အာဒေသာ ဟောန္တိ သဟ ဝိဘတ္တိယာ ယောနာသဣစ္စေတေသု။ နဇ္ဇော သန္ဒန္တိ, နဇ္ဇာ ကတံ တရင်္ဂံ, နဇ္ဇာ နေရဉ္ဇရာယ တီရေ။
֍ ♦ ၉၉, * ၈၁. သ္မာဟိသ္မိံနံမှာဘိမှိဝါ။
သဗ္ဗတော လိင်္ဂတော သ္မာဟိသ္မိံ ဣစ္စေတေသံ မှာဘိမှိဣစ္စေတေ အာဒေသာ ဟောန္တိ ဝါ ယထာသင်္ချံ။
ပုရိသမှာ, ပုရိသသ္မာ, ပုရိသေဘိ, ပုရိသေဟိ, ပုရိသမှိ, ပုရိသသ္မိံ။
သ္မာဟိသ္မိံနမိတိ ကိမတ္ထံ? ဝဏ္ဏဝန္တံ အဂန္ဓကံ ဝိရုဠှပုပ္ဖံ, မဟန္တံ ဆတ္တံ မဟာဆတ္တံ, မဟန္တံ ဓဇံ မဟာဓဇံ။
֍ ♦ ၁၀၀, * ၂၁၄. န တိမေဟိ ကတာကာရေဟိ။
တ ဣမဣစ္စေတေဟိ ကတာကာရေဟိ သ္မာသ္မိံ နံမှာမှိဣစ္စေတေ အာဒေသာ နေဝ ဟောန္တိ။
အသ္မာ ဌာနာ ဘယံ ဥပ္ပဇ္ဇတိ, အသ္မိံ ဌာနေ ဘယံ တိဋ္ဌတိ, အသ္မာ, အသ္မိံ။
(ကစ္စည်း၊၇၉။)ကတာကာရေဟီတိ ကိမတ္ထံ? တမှာ, တမှိ, ဣမမှာ, ဣမမှိ။
သုဟိဣစ္စေတေသု အကာရော ဧတ္တမာပဇ္ဇတေ။
သဗ္ဗေသု, ယေသု, တေသု, ကေသု, ပုရိသေသု, ဣမေသု, ကုသလေသု, တုမှေသု, အမှေသု, သဗ္ဗေဟိ, ယေဟိ, တေဟိ, ကေဟိ, ပုရိသေဟိ, ဣမေဟိ, ကုသလေဟိ, တုမှေဟိ, အမှေဟိ။
֍ ♦ ၁၀၂, * ၂၀၂. သဗ္ဗနာမာနံ နံမှိ စ။
သဗ္ဗေသံ သဗ္ဗနာမာနံ အန္တော အကာရော ဧတ္တမာပဇ္ဇတေ နံမှိ ဝိဘတ္တိမှိ။
သဗ္ဗေသံ, သဗ္ဗေသာနံ, ယေသံ, ယေသာနံ, တေသံ, တေသာနံ, ဣမေသံ, ဣမေသာနံ, ကေသံ, ကေသာနံ, ဣတရေသံ, ဣတရေသာနံ, ကတမေသံ, ကတမေသာနံ။ သဗ္ဗနာမာနမိတိ ကိမတ္ထံ? ဗုဒ္ဓါနံ ဘဂဝန္တာနံ အာစိဏ္ဏသမာစိဏ္ဏော။
အကာရောတိ ကိမတ္ထံ? အမူသံ, အမူသာနံ။
နံမှီတိ ကိမတ္ထံ? သဗ္ဗေ, ဣမေ။
စဂ္ဂဟဏ မနုကဍ္ဎနတ္ထံ။
(ကစ္စည်း၊၈၀။)တသ္မာ အကာရတော နာဝစနဿ ဧနာဒေသော ဟောတိ။
သဗ္ဗေန, ယေန, တေန, ကေန, အနေန, ပုရိသေန, ရူပေန။
အတောတိ ကိမတ္ထံ? မုနိနာ, အမုနာ, ဘိက္ခုနာ။
နာတိ ကိမတ္ထံ? တသ္မာ။
တသ္မာ အကာရတော သိဝစနဿ ဩကာရာဒေသော ဟောတိ။
သဗ္ဗော, ယော, သော, ကော, အမုကော, ပုရိသော။
သီတိ ကိမတ္ထံ? ပုရိသာနံ။
အတောတိ ကိမတ္ထံ? သယမ္ဘူ။
တသ္မာ အကာရတော နာဝစနဿ သောအာဒေသော ဟောတိ ဝါ။
အတ္ထသော ဓမ္မံ ဇာနာတိ, ဗျဉ္ဇနသော အတ္ထံ ဇာနာတိ, အက္ခရသော, သုတ္တသော, ပဒသော, ယသသော။ ဥပါယသော, သဗ္ဗသော, ထာမသော, ဌာနသော။
(ကစ္စည်း၊၈၁။)ဝါတိ ကိမတ္ထံ? ပါဒေန ဝါ ပါဒါရဟေန ဝါ အတိရေကပါဒေန ဝါ ယော ဘိက္ခု ထေယျစိတ္တေန ပရဿ ဘဏ္ဍံ ဂဏှာတိ, သော ဘိက္ခု ပါရာဇိကော ဟောတိ အသံဝါသော။
ဒီဃဩရဣစ္စေတေဟိ သ္မာဝစနဿ သောအာဒေသော ဟောတိ ဝါ။
ဒီဃသော, ဩရသော, ဒီဃမှာ, ဩရမှာ။
ဒီဃောရေဟိတိ ကိမတ္ထံ? သရမှာ, ဝစနမှာ။
တသ္မာ အကာရတော သဗ္ဗေသံ ယောနီနံအာဧ အာဒေသာ ဟောန္တိ ဝါ ယထာသင်္ချံ။
ပုရိသာ, ပုရိသေ, ရူပါ, ရူပေ။
ဝါတိ ကိမတ္ထံ? အဂ္ဂယော, မုနယော, ဣသယော။
ယောနီနန္တိ ကိမတ္ထံ? ပုရိသဿ, ရူပဿ။
အကာရတောတိ ကိမတ္ထံ? ဒဏ္ဍိနော, အဋ္ဌီနိ, အဂ္ဂီ ပဇ္ဇလန္တိ, မုနီ စရန္တိ။
တသ္မာ အကာရတော သဗ္ဗေသံ သ္မာသ္မိံဣစ္စေတေသံ အာ ဧ အာဒေသာ ဟောန္တိ ဝါ ယထာသင်္ချံ။
(ကစ္စည်း၊၈၂။)ပုရိသာ, ပုရိသသ္မာ, ပုရိသေ, ပုရိသသ္မိံ။
အကာရတောတိ ကိမတ္ထံ? ဒဏ္ဍိနာ, ဒဏ္ဍိသ္မိံ, ဘိက္ခုနာ, ဘိက္ခုသ္မိံ။
֍ ♦ ၁၀၉, * ၃၀၄. အာယ စတုတ္ထေကဝစနဿတု။
တသ္မာ အကာရတော စတုတ္ထေကဝစနဿ အာယာဒေသော ဟောတိ ဝါ။
အတ္ထာယ ဟိတာယ သုခါယ ဒေဝမနုဿာနံ ဗုဒ္ဓါ လောကေ ဥပ္ပဇ္ဇတိ။
အတောတိ ကိမတ္ထံ? ဣသိဿ။
စတုတ္ထီတိ ကိမတ္ထံ? ပုရိသဿ မုခံ။
ဧကဝစနဿေတိ ကိမတ္ထံ? ပုရိသာနံ ဒဒါတိ။
ဝါတိ ကိမတ္ထံ? ဒါတာ ဟောတိ သမဏဿ ဝါ ဗြာဟ္မဏဿ ဝါ။
တုဂ္ဂဟဏေနတ္ထဉ္စ ဟောတိ။ အတ္ထတ္ထံ, ဟိတတ္ထံ, သုခတ္ထံ။
֍ ♦ ၁၁၀, * ၂၀၁. တယော နေဝ စ သဗ္ဗနာမေဟိ။
တေဟိ သဗ္ဗနာမေဟိ အကာရန္တေဟိ သ္မာသ္မိံ သဣစ္စေတေသံ တယော အာ ဧ အာယာဒေသာ နေဝ ဟောန္တိ။
(ကစ္စည်း၊၈၃။)သဗ္ဗသ္မာ, သဗ္ဗသ္မိံ, သဗ္ဗဿ။ ယသ္မာ, ယသ္မိံ, ယဿ။ တသ္မာ, တသ္မိံ, တဿ။ ကသ္မာ, ကသ္မိံ, ကဿ။ ဣမသ္မာ, ဣမသ္မိံ, ဣမဿ။
သဗ္ဗနာမေဟီတိ ကိမတ္ထံ? ပါပါ, ပါပေ, ပါပါယ။
စဂ္ဂဟဏမနုကဍ္ဎနတ္ထံ။
တသ္မာ ဃတော နာဒီနမေကဝစနာနံ ဝိဘတ္တိဂဏာနံ အာယာဒေသော ဟောတိ။
ကညာယ ကတံ ကမ္မံ, ကညာယ ဒီယတေ, ကညာယ နိဿဋံ ဝတ္ထံ။ ကညာယ ပရိဂ္ဂဟော, ကညာယ ပတိဋ္ဌိတံ သီလံ။
ဃတောတိ ကိမတ္ထံ? ရတ္တိယာ, ဣတ္ထိယာ, ဓေနုယာ, ဝဓုယာ။
နာဒီနမိတိ ကိမတ္ထံ? ကညံ ပဿတိ, ဝိဇ္ဇံ, ဝီဏံ, ဂင်္ဂံ။
ဧကဝစနာနမိတိ ကိမတ္ထံ? သဗ္ဗာသု, ယာသု, တာသု, ကာသု, ဣမာသု, ပဘာသု။
တသ္မာ ပတော နာဒီနမေကဝစနာနံ ဝိဘတ္တိဂဏာနံ ယာအာဒေသော ဟောတိ။
(ကစ္စည်း၊၈၄။)ရတ္တိယာ, ဣတ္ထိယာ, ဒေဝိယာ, ဓေနုယာ, ယာဂုယာ, ဝဓုယာ။
နာဒီနမိတိ ကိမတ္ထံ? ရတ္တီ, ရတ္တိံ, ဣတ္ထီ, ဣတ္ထိံ။
ပတောတိ ကိမတ္ထံ? ကညာယ, ဝီဏာယ, ဂင်္ဂါယ, ပဘာယ, သောဘာယ။
ဧကဝစနာနမိတိ ကိမတ္ထံ? ရတ္တီနံ, ဣတ္ထီနံ။
တသ္မာ သခတော ဂဿ အကာရ အာကာရ ဣကာရ ဤကာရ ဧကာရာဒေသာ ဟောန္တိ ဝါ။
ဘော သခ, ဘော သခါ, ဘော သခိ, ဘော သခီ, ဘော သခေ။
တသ္မာ ဃတော ဂဿ ဧကာရာဒေသော ဟောတိ။
ဘောတိ အယျေ, ဘောတိ ကညေ, ဘောတိ ခရာဒိယေ။
စဂ္ဂဟဏမဝဓာရဏတ္ထံ, သန္နိဋ္ဌာနံ။
တတော အမ္မာဒိတော ဂဿ ဧကာရတ္တံ န ဟောတိ။
(ကစ္စည်း၊၈၅။)ဘောတိ အမ္မာ, ဘောတိ အန္နာ, ဘောတိ အမ္ဗာ, ဘောတိ တာတာ။
အမ္မာဒိတောတိ ကိမတ္ထံ? ဘောတိ ကညေ။
֍ ♦ ၁၁၆, * ၁၅၇. အကတရဿာ လတော ယွာလပနဿ ဝေဝေါ။
တသ္မာ အကတရဿာ လတော ယွာလပနဿ ဝေဝေါအာဒေသာ ဟောန္တိ။
ဘိက္ခဝေ, ဘိက္ခဝေါ, ဟေတဝေ, ဟေတဝေါ။
အကတရဿာတိ ကိမတ္ထံ? သယမ္ဘုဝေါ။
လတောတိ ကိမတ္ထံ? နာဂိယော, ဓေနုယော, ယာဂုယော။
အာလပနဿေတိ ကိမတ္ထံ? တေ ဟေတဝေါ, တေ ဘိက္ခဝေါ။
֍ ♦ ၁၁၇, * ၁၂၄. ဈလတော သဿနော ဝါ။
တသ္မာ ဈလတော သဿ ဝိဘတ္တိဿ နော အာဒေသော ဟောတိ ဝါ။
အဂ္ဂိနော, အဂ္ဂိဿ, သခိနော, သခိဿ, ဒဏ္ဍိနော, ဒဏ္ဍိဿ, ဘိက္ခုနော, ဘိက္ခုဿ, သယမ္ဘုနော, သယမ္ဘုဿ။
သဿေတိ ကိမတ္ထံ? ဣသိနာ, ဘိက္ခုနာ။
ဈလတောတိ ကိမတ္ထံ? ပုရိသဿ။
(ကစ္စည်း၊၈၆။)֍ ♦ ၁၁၈, * ၁၄၆. ဃပတော စ ယောနံ လောပေါ။
တေဟိ ဃပဈလဣစ္စေတေဟိ ယောနံ လောပေါ ဟောတိ ဝါ။
ကညာ, ကညာယော။ ရတ္တီ, ရတ္တိယော, ဣတ္ထီ, ဣတ္ထိယော, ယာဂူ, ယာဂုယော, ဝဓူ, ဝဓုယော။ အဂ္ဂီ, အဂ္ဂယော။ ဘိက္ခူ, ဘိက္ခဝေါ။ သယမ္ဘူ, သယမ္ဘုဝေါ။ အဋ္ဌီ, အဋ္ဌီနိ, အာယူ, အာယူနိ။
စဂ္ဂဟဏမနုကဍ္ဎနတ္ထံ။
֍ ♦ ၁၁၉, * ၁၅၅. လတော ဝေါကာရော စ။
တသ္မာ လတော ယောနံ ဝေါကာရော ဟောတိ ဝါ။
ဘိက္ခဝေါ, ဘိက္ခူ, သယမ္ဘုဝေါ, သယမ္ဘူ။
ကာရဂ္ဂဟဏံ ကိမတ္ထံ? ယောနံ နော စ ဟောတိ။ ဇန္တုနော။
စဂ္ဂဟဏမဝဓာရဏတ္ထံ, အမူ ပုရိသာ တိဋ္ဌန္တိ, အမူ ပုရိသေ ပဿထ။
ဣတိ နာမကပ္ပေ ပဌမော ကဏ္ဍော။
ဒုတိယကဏ္ဍ
֍ ♦ ၁၂၀, * ၂၄၃. အမှဿ မမံ သပိဘတ္တိဿ သေ။
သဗ္ဗဿေဝ အမှသဒ္ဒဿ သဝိဘတ္တိဿ မမံ အာဒေသော ဟောတိ သေ ဝိဘတ္တိမှိ။
(ကစ္စည်း၊၈၇။)မမံ ဒီယတေ ပုရိသေန, မမံ ပရိဂ္ဂဟော။
֍ ♦ ၁၂၁, * ၂၃၃. မယံ ယောမှိ ပဌမေ။
သဗ္ဗဿေဝ အမှသဒ္ဒဿ သဝိဘတ္တိဿ မယံအာဒေသော ဟောတိ ယောမှိ ပဌမေ။
မယံ ဂစ္ဆာမ, မယံ ဒေမ။
အမှဿေတိ ကိမတ္ထံ? ပုရိသာ တိဋ္ဌန္တိ။
ယောမှီတိ ကိမတ္ထံ? အဟံ ဂစ္ဆာမိ။
ပဌမေတိ ကိမတ္ထံ? အမှာကံ ပဿသိ တွံ။
သဗ္ဗဿေဝ န္တုပစ္စယဿ သဝိဘတ္တိဿ န္တောအာဒေသော ဟောတိ ယောမှိ ပဌမေ။
ဂုဏဝန္တော တိဋ္ဌန္တိ။
န္တုဿေတိ ကိမတ္ထံ? သဗ္ဗေ သတ္တာ ဂစ္ဆန္တိ။
ပဌမေတိ ကိမတ္ထံ? ဂုဏဝန္တေ ပဿန္တိ ဇနာ။
သဗ္ဗဿေဝ န္တုပစ္စယဿ သဝိဘတ္တိဿ န္တဿာဒေသော ဟောတိ ဝါ သေ ဝိဘတ္တိမှိ။
သီလဝန္တဿ ဈာယိနော, သီလဝတော ဈာယိနော ဝါ။
သေတိ ကိမတ္ထံ? သီလဝါ တိဋ္ဌတိ။
(ကစ္စည်း၊၈၈။)သဗ္ဗဿေဝန္တုပစ္စယဿ သဝိဘတ္တိဿ အာအာဒေသော ဟောတိ သိမှိ ဝိဘတ္တိမှိ။
ဂုဏဝါ, ပညဝါ, သီလဝါ, ဗလဝါ, ဓနဝါ, မတိမာ, သတိမာ, ဓိတိမာ။
န္တုဿေတိ ကိမတ္ထံ? ပုရိသော တိဋ္ဌတိ။
သိမှီတိ ကိမတ္ထံ? သီလဝန္တော တိဋ္ဌန္တိ။
သဗ္ဗဿေဝ န္တုပစ္စယဿ သဝိဘတ္တိဿ အံအာဒေသော ဟောတိ သိမှိ ဝိဘတ္တိမှိ နပုံသကေ ဝတ္တမာနဿ။
ဂုဏဝံ စိတ္တံ တိဋ္ဌတိ, ရုစိမံ ပုပ္ဖံ ဝိရောစတိ။
သိမှီတိ ကိမတ္ထံ? ဝဏ္ဏဝန္တံ အဂန္ဓကံ ဝိရူဠှပုပ္ဖံ ပဿသိ တွံ။
သဗ္ဗဿေဝ န္တုပစ္စယဿ သဝိဘတ္တိဿ အံ အဝဏ္ဏာ စ ဟောန္တိ ဂေ ပရေ။
ဘော ဂုဏဝံ, ဘော ဂုဏဝ, ဘော ဂုဏဝါ။
စဂ္ဂဟဏမနုကဍ္ဎနတ္ထံ။
(ကစ္စည်း၊၈၉။)֍ ♦ ၁၂၇, * ၁၀၂. တော တိ တာ သ သ္မိံ နာသု။
သဗ္ဗဿေဝ န္တုပစ္စယဿ သဝိဘတ္တိဿ တောတိတာအာဒေသာ ဟောန္တိ ဝါ သသ္မိံ နာဣစ္စေတေသု ယထာသင်္ချံ။
ဂုဏဝတော, ဂုဏဝန္တဿ, ဂုဏဝတိ, ဂုဏဝန္တသ္မိံ, ဂုဏဝတာ, ဂုဏဝန္တေန, သတိမတော, သတိမန္တဿ, သတိမတိ, သတိမန္တသ္မိံ, သတိမတာ, သတိမန္တေန။
ဧတေသွီတိ ကိမတ္ထံ? ဂုဏဝါ။ သတိမာ။
သဗ္ဗဿေဝ န္တုပစ္စယဿ သဝိဘတ္တိဿ တံအာဒေသော ဟောတိ ဝါ နံမှိ ဝိဘတ္တိမှိ။
ဂုဏဝတံ, ဂုဏဝန္တာနံ, သတိမတံ, သတိမန္တာနံ။
နံမှီတိ ကိမတ္ထံ? ဂုဏဝန္တော တိဋ္ဌန္တိ, သတိမန္တော တိဋ္ဌန္တိ။
֍ ♦ ၁၂၉, * ၂၂၂. ဣမဿိဒမံသိသု နပုံသကေ။
သဗ္ဗဿေဝ ဣမသဒ္ဒဿ သဝိဘတ္တိဿ ဣဒံအာဒေသော ဟောတိ ဝါ အံသိသု နပုံသကေ ဝတ္တမာနဿ။
ဣဒံ စိတ္တံ ပဿသိ, ဣဒံ စိတ္တံ တိဋ္ဌတိ, ဣမံ စိတ္တံ ပဿသိ။ ဣမံ စိတ္တံ တိဋ္ဌတိ။
(ကစ္စည်း၊၉၀။)နထုံသကေတိ ကိမတ္ထံ? ဣမံ ပုရိသံ ပဿသိ။ အယံ ပုရိသော တိဋ္ဌတိ။
သဗ္ဗဿေဝ အမုသဒ္ဒဿ သဝိဘတ္တိဿ အဒုံအာဒေသော ဟောတိ အံသိသု နပုံသကေ ဝတ္တမာနဿ။
အဒုံ ပုပ္ဖံ ပဿသိ, အဒုံ ပုပ္ဖံ ဝိရောစတိ။
နပုံသကေတိ ကိမတ္ထံ? အမုံ ရာဇာနံ ပဿသိ, အသု ရာဇာ တိဋ္ဌတိ။
֍ ♦ ၁၃၁, ၀. ဣတ္ထိပုမနပုံသကသင်္ချံ။
‘‘ဣတ္ထိပုမနပုံသကသင်္ချံ’’ ဣစ္စေတံ အဓိကာရတ္ထံ ဝေဒိတဗ္ဗံ။
֍ ♦ ၁၃၂, * ၂၂၈. ယောသု ဒွိန္နံ ဒွေ စ။
ဒွိန္နံ သင်္ချာနံ ဣတ္ထိပုမနပုံသကေ ဝတ္တမာနာနံ သဝိဘတ္တီနံ ဒွေ ဟောတိ ယောဣစ္စေတေသု။
ဒွေ ဣတ္ထိယော, ဒွေ ဓမ္မာ။ ဒွေ ရူပါနိ။
ယောသွီတိ ကိမတ္ထံ? ဒွီသု။
(ကစ္စည်း၊၉၁။)စဂ္ဂဟဏေန ဒုဝေ ဒွယ ဥဘ ဥဘယ ဒုဝိ စ ဟောန္တိ ယောနာအနမိစ္စေတေသု။ ဒုဝေ သမဏာ။ ဒုဝေ ဗြာဟ္မဏာ, ဒုဝေ ဇနာ, ဒွယေန, ဒွယံ, ဥဘိန္နံ, ဥဘယေသံ ဒုဝိန္နံ။
֍ ♦ ၁၃၃, * ၂၃၀. တိ စတုန္နံ တိဿော စတဿော တယော စတ္တာရော တီဏိ စတ္တာရိ။
တိစတုန္နံ သင်္ချာနံ ဣတ္ထိပုမနပုံသကေ ဝတ္တမာနာနံ သဝိဘတ္တီနံ တိဿော စတဿော တယော စတ္တာရော တီဏိ စတ္တာရိဣစ္စေတေ အာဒေသာ ဟောန္တိ ယထာသင်္ချံ ယောဣစ္စေတေသု။
တိဿော ဝေဒနာ စတဿော ဒိသာ, တယော ဇနာ, ဇနေ, စတ္တာရော ပုရိသာ, ပုရိသေ, တီဏိ အာယတနာနိ, စတ္တာရိ အရိယသစ္စာနိ။
ယောသွီတိ ကိမတ္ထံ? တီသု, စတူသု။
֍ ♦ ၁၃၄, * ၂၅၁. ပဉ္စာဒီနမကာရော။
ပဉ္စာဒီနံ သင်္ချာနံ ဣတ္ထိပုမနပုံသကေ ဝတ္တမာနာနံ သဝိဘတ္တိဿ အန္တဿ သရဿ အကာရော ဟောတိ ယောဣစ္စေတေသု။
ပဉ္စ, ပဉ္စ, ဆ, ဆ, သတ္တ, သတ္တ, အဋ္ဌ, အဋ္ဌ, နဝ, နဝ, ဒသ, ဒသ။
ပဉ္စာဒီနမိတိ ကိမတ္ထံ? ဒွေ, တယော။
(ကစ္စည်း၊၉၂။)֍ ♦ ၁၃၅, * ၁၁၈. ရာဇဿ ရညော ရာဇိနော သေ။
သဗ္ဗဿေဝ ရာဇသဒ္ဒဿ သဝိဘတ္တိဿ ရညော ရာဇိနောဣစ္စေတေ အာဒေသာ ဟောန္တိ သေ ဝိဘတ္တိမှိ။
ရညော, ရာဇိနော။
သေတိ ကိမတ္ထံ? ရညာ။
သဗ္ဗဿေဝ ရာဇသဒ္ဒဿ သဝိဘတ္တိဿ ရညံအာဒေသော ဟောတိ ဝါ နံမှိ ဝိဘတ္တိမှိ။
ရညံ, ရာဇူနံ ဣဒံ ရဋ္ဌံ။
သဗ္ဗဿေဝ ရာဇသဒ္ဒဿ သဝိဘတ္တိဿ ရညာအာဒေသော ဟောတိ ဝါ နာမှိ ဝိဘတ္တိမှိ။
တေန ရညာ ကတံ။ ရာဇေန ဝါ ကတံ။
နာမှီတိ ကိမတ္ထံ? ရညော သန္တကံ။
֍ ♦ ၁၃၈, * ၁၂၁. သ္မိံမှိ ရညေ ရာဇိနိ။
သဗ္ဗဿေဝ ရာဇသဒ္ဒဿ သဝိဘတ္တိဿ ရညေရာဇိနိဣစ္စေတေ အာဒေသာ ဟောန္တိ သ္မိံမှိဝိဘတ္တိမှိ။
ရညေ, ရာဇိနိ သီလံ တိဋ္ဌတိ။
(ကစ္စည်း၊၉၃။)֍ ♦ ၁၃၉, * ၂၄၅. တုမှာကံ တယိမယိ။
သဗ္ဗေသံ တုမှ အမှ သဒ္ဒါနံ သဝိဘတ္တီနံ တယိ မယိဣစ္စေတေ အာဒေသော ဟောန္တိ ယထာသင်္ချံ သ္မိံမှိ ဝိဘတ္တိမှိ။
တယိ, မယိ။
သ္မိံမှီတိ ကိမတ္ထံ? တွံ ဘဝသိ, အဟံ ဘဝါမိ။
֍ ♦ ၁၄၀, * ၂၃၂. တွမဟံ သိမှိ စ။
သဗ္ဗေသံ တုမှ အမှသဒ္ဒါနံ သဝိဘတ္တီနံ တွံ အဟံဣစ္စေတေ အာဒေသာ ဟောန္တိ ယထာသင်္ချံ သိမှိ ဝိဘတ္တိမှိ။
တွံ, အဟံ။
သိမှီတိ ကိမတ္ထံ? တယိ, မယိ။
စဂ္ဂဟဏေန တုဝံ စ ဟောတိ။ တုဝံ သတ္ထာ။
သဗ္ဗေသံ တုမှ အမှသဒ္ဒါနံ သဝိဘတ္တီနံ တဝမမဣစ္စေတေ အာဒေသာ ဟောန္တိ ယထာသင်္ချံ သေ ဝိဘတ္တိမှိ။
တဝ, မမ။
သေတိ ကိမတ္ထံ? တယိ, မယိ။
(ကစ္စည်း၊၉၄။)သဗ္ဗေသံ တုမှ အမှသဒ္ဒါနံ သဝိဘတ္တီနံ တုယှံ မယှံဣစ္စေတေ အာဒေသာ ဟောန္တိ ယထာသင်္ချံ သေ ဝိဘတ္တိမှိ။
တုယှံ, မယှံ ဓနံ ဒီယတေ။
သေတိ ကိမတ္ထံ? တယာ, မယာ။
သဗ္ဗေသံ တုမှ အမှသဒ္ဒါနံ သဝိဘတ္တီနံ တံ မဣစ္စေတေ အာဒေသာ ဟောန္တိ ယထာသင်္ချံ အံမှိ ဝိဘတ္တိမှိ။
တံ, မံ။
အံမှီတိ ကိမတ္ထံ? တယာ မယာ။
֍ ♦ ၁၄၄, * ၂၃၄. တဝံ မမဉ္စ နဝါ။
သဗ္ဗေသံ တုမှ အမှသဒ္ဒါနံ သဝိဘတ္တီနံ တဝံ မမံဣစ္စေတေ အာဒေသာ ဟောန္တိ နဝါ ယထာသင်္ချံ အံမှိ ဝိဘတ္တိမှိ။
တဝံ, မမံ ပဿတိ။
နဝါတိ ကိမတ္ထံ? တံ, မံ ပဿတိ။
စဂ္ဂဟဏမနုကဍ္ဎနတ္ထံ။
֍ ♦ ၁၄၅, * ၂၃၈. နာမှီ တယာ မယာ။
သဗ္ဗေသံ တုမှ အမှသဒ္ဒါနံ သဝိဘတ္တီနံ တယာ မယာဣစ္စေတေ အာဒေသာ ဟောန္တိ ယထာသင်္ချံ နာမှိ ဝိဘတ္တိမှိ။
(ကစ္စည်း၊၉၅။)နာမှိတိ ကိမတ္ထံ? တုမှေဟိ, အမှေဟိ။
֍ ♦ ၁၄၆, * ၂၃၆. တုမှဿ တုဝံ တွမံမှိ။
သဗ္ဗဿ တုမှသဒ္ဒဿ သဝိဘတ္တိဿ တုဝံ တွံ ဣစ္စေတေ အာဒေသာ ဟောန္တိ အံမှိ ဝိဘတ္တိမှိ။
ကလိင်္ဂရဿ တုဝံ မညေ, ကဋ္ဌဿ တွံ မညေ။
֍ ♦ ၁၄၇, * ၂၄၆. ပဒတော ဒုတိယာ စတုတ္ထီ ဆဋ္ဌီသု ဝေါနော။
သဗ္ဗေသံ တုမှအမှသဒ္ဒါနံ သဝိဘတ္တီနံ ယဒါ ပဒသ္မာ ပရေသံ ဝေါ နောအာဒေသာ ဟောန္တိ နဝါ ယထာသင်္ချံ ဒုတိယာ စတုတ္ထီဆဋ္ဌီဣစ္စေတေသု ဗဟုဝစနေသု။
ပဟာယ ဝေါ ဘိက္ခဝေ ဂမိဿာမိ, မာ နော အဇ္ဇ ဝိကန္တိံသု, ရညော သူဒါ မဟာနသေ, ဧဝံ ဒုတိယတ္ထေ။
ဓမ္မံ ဝေါ ဘိက္ခဝေ ဒေသေဿာမိ, သံဝိဘဇေထ နော ရဇ္ဇေန, ဧဝံ စတုတ္ထျတ္ထေ။
တုဋ္ဌောသ္မိ ဝေါ ဘိက္ခဝေ ပကတိယာ, သတ္ထာ နော ဘဂဝါ အနုပ္ပတ္တော, ဧဝံ ဆဋ္ဌျတ္ထေ။
(ကစ္စည်း၊၉၆။)နဝါတိ ကိမတ္ထံ? ဧသော အမှာကံ သတ္ထာ။
တုမှမှာကမိတိ ကိမတ္ထံ? ဧတေ ဣသယော ပဿသိ။
ပဒတောတိ ကိမတ္ထံ? တုမှာကံ သတ္ထာ။
ဧတေသွီတိ ကိမတ္ထံ? ဂစ္ဆထ တုမှေ။
֍ ♦ ၁၄၈, * ၂၄၇. တေမေကဝစနေသု စ။
သဗ္ဗေသံ တုမှ အမှသဒ္ဒါနံ သဝိဘတ္တီနံ ယဒါ ပဒသ္မာ ပရေသံ တေ မေ အာဒေသာ ဟောန္တိ ယထာသင်္ချံ စတုတ္ထီဆဋ္ဌီဣစ္စေတေသု ဧကဝစနေသု။
ဒဒါမိ တေ ဂါမဝရာနိ ပဉ္စ, ဒဒါဟိ မေ ဂါမဝရံ, ဣဒံ တေ ရဋ္ဌံ, အယံ မေ ပုတ္တော။
ပဒတောတိ ကိမတ္ထံ? တဝ ဉာတိ, မမ ဉာတိ။
သဗ္ဗေသံ တုမှ အမှသဒ္ဒါနံ သဝိဘတ္တီနံ ယဒါ ပဒသ္မာ ပရေသံ တေ မေအာဒေသာ န ဟောန္တိ အံမှိ ဝိဘတ္တိမှိ။
ပဿေယျ တံ ဝဿသတံ အရောဂံ, သော မံ ဗြဝီတိ။
(ကစ္စည်း၊၉၇။)သဗ္ဗေသံ တုမှအမှသဒ္ဒါနံ သဝိဘတ္တီနံ ယဒါ ပဒသ္မာ ပရေသံ တေမေအာဒေသာ ဟောန္တိ ဝါ ယထာသင်္ချံ တတိယေကဝစနေ ပရေ။
ကတံ တေ ပါပံ, ကတံ မေ ပါပံ, ကတံ တယာ ပါပံ, ကတံ မယာ ပါပံ။
ပဒတောတိ ကိမတ္ထံ? တယာ ကတံ, မယာ ကတံ။
֍ ♦ ၁၅၁, * ၂၅၀. ဗဟုဝစနေသု ဝေါနော။
သဗ္ဗေသံ တုမှအမှသဒ္ဒါနံ သဝိဘတ္တီနံ ယဒါ ပဒသ္မာ ပရေသံ ဝေါနောအာဒေသာ ဟောန္တိ ယထာသင်္ချံ တတိယာဗဟုဝစနေသု ပရေသု။
ကတံ ဝေါ ကမ္မံ, ကတံ နော ကမ္မံ။
ပဒတောတိ ကိမတ္ထံ? တုမှေဟိ ကတံ, အမှေဟိ ကတံ။
ဗဟုဝစနဂ္ဂဟဏေန ယောမှိ ပဌမေ ဝေါ နောအာဒေသာ ဟောန္တိ။ ဂါမံ ဝေါ ဂစ္ဆေယျာထ, ဂါမံ နော ဂစ္ဆေယျာမ။
֍ ♦ ၁၅၂, * ၂၃၆. ပုမန္တဿာ သိမှိ။
ပုမဣစ္စေဝမန္တဿ သဝိဘတ္တိဿ အာအာဒေသော ဟောတိ သိမှိ ဝိဘတ္တိမှိ။
(ကစ္စည်း၊၉၈။)သိမှီတိ ကိမတ္ထံ? ပုမာနော တိဋ္ဌန္တိ။
အန္တဂ္ဂဟဏေန မဃဝ ယုဝဣစ္စေဝမာဒီနမန္တဿသဝိဘတ္တိဿ အာအာဒေသော ဟောတိ။ မဃဝါ, ယုဝါ။
ပုမဣစ္စေဝမန္တဿ သဝိဘတ္တိဿ အံအာဒေသော ဟောတိ အာလပနေကဝစနေ ပရေ။
ဟေ ပုမံ။
အာလပနေတိ ကိမတ္ထံ? ပုမာ။
ဧကဝစနေတိ ကိမတ္ထံ? ဟေ ပုမာနော။
ပုမဣစ္စေဝမန္တဿ သမာသေ စ အံအာဒေသော ဟောတိ ဝိဘာသာ သမာသေ ကတေ။
ဣတ္ထီ စ ပုမာ စ နပုံသကံ စ ဣတ္ထိပုမနပုံသကာနိ။ ဣတ္ထိပုမနပုံသကာနံ သမူဟော ဣတ္ထိပုမနပုံသကသမူဟော။
ဝိဘာသာတိ ကိမတ္ထံ? ဣတ္ထိပုမနပုံသကာနိ။
(ကစ္စည်း၊၉၉။)ပုမဣစ္စေဝမန္တဿ သဝိဘတ္တိဿ အာနောအာဒေသော ဟောတိ ယောသု ဝိဘတ္တီသု။
ပုမာနော, ဟေ ပုမာနော။
ယောသွီတိ ကိမတ္ထံ? ပုမာ။
֍ ♦ ၁၅၆, * ၁၄၂. အာနေ သ္မိံမှိ ဝါ။
ပုမဣစ္စေဝမန္တဿ သဝိဘတ္တိဿ အာနေ အာဒေသော ဟောတိ ဝါ သ္မိံမှိ ဝိဘတ္တိမှိ။
ပုမာနေ, ပုမေ ဝါ။
֍ ♦ ၁၅၇, * ၁၄၀. ဟိဝိဘတ္တိမှိ စ။
ပုမဣစ္စေဝမန္တဿ ဟိဝိဘတ္တိမှိ စ အာနေအာဒေသော ဟောတိ။
ပုမာနေဟိ, ပုမာနေဘိ။
ပုန ဝိဘတ္တိဂ္ဂဟဏံ ကိမတ္ထံ? သဝိဘတ္တိဂ္ဂဟဏနိဝတ္တနတ္ထံ။ ပုမာနေဟိ။
(ကစ္စည်း၊၁၀၀။)စဂ္ဂဟဏေန မဃဝ ယုဝဣစ္စေဝမာဒီနမန္တဿ အာနအာဒေသော ဟောတိ သိ ယော အံယော ဣစ္စေတေသု ဝိဘတ္တီသု, ပုမကမ္မထာမန္တဿ စုကာရော ဟောတိ သသ္မာ သု ဝိဘတ္တီသု။ မဃဝါနော, မဃဝါနာ။ မဃဝါနံ, မဃဝါနေ။ ယုဝါနော, ယုဝါနာ, ယုဝါနံ, ယုဝါနေ, ပုမုနော, ပုမုနာ။ ကမ္မုနော, ကမ္မုနာ, ထာမုနော, ထာမုနာ။
ပုမဣစ္စေဝမန္တဿ သုဣစ္စေတသ္မိံဝိဘတ္တိမှိ အာအာဒေသော ဟောတိ ဝါ။
ပုမာသု, ပုမေသု ဝါ။
ပုမဣစ္စေဝမန္တဿ အာဥအာဒေသာ ဟောန္တိ ဝါ နာမှိ ဝိဘတ္တိမှိ။
ပုမာနာ, ပုမုနာ, ပုမေန ဝါ။
စဂ္ဂဟဏမနုကဍ္ဎနတ္ထံ။
ကမ္မဣစ္စေဝမန္တဿ စ ဥအ အာဒေသာ ဟောန္တိ ဝါ နာမှိ ဝိဘတ္တိမှိ။
ကမ္မုနာ, ကမ္မနာ, ကမ္မေန ဝါ။
စဂ္ဂဟဏေန မဃဝယုဝဣစ္စေဝမန္တဿ အာအာဒေ သော ဟောတိ ကွစိ နာသုဣစ္စေတေသု ဝိဘတ္တီသု။ မဃဝါနာ, မဃဝါသု, မဃဝေသု, မဃဝေန ဝါ။ ယုဝါနာ, ယုဝါသု, ယုဝေသု, ယုဝေန ဝါ။
ဣတိ နာမကပ္ပေ ဒုတိယော ကဏ္ဍော။
(ကစ္စည်း၊၁၀၁။)တတိယကဏ္ဍ
֍ ♦ ၁၆၁, * ၂၄၄. တုမှ’မှေဟိ နမာကံ။
တေဟိ တုမှအမှေဟိ နံဝစနဿ အာကံ ဟောတိ။
တုမှာကံ, အမှာကံ။
နမိတိ ကိမတ္ထံ? တုမှေဟိ, အမှေဟိ။
တေဟိ တုမှအမှေဟိ ယော အပ္ပဌမော အာကံဟောတိ ဝါ။
တုမှာကံ ပဿာမိ, တုမှေ ပဿာမိ ဝါ။ အမှာကံ ပဿသိ, အမှေ ပဿသိ ဝါ။
ယောတိ ကိမတ္ထံ? တုမှေဟိ, အမှေဟိ။
အပ္ပဌမောတိ ကိမတ္ထံ? ဂစ္ဆထ တုမှေ, ဂစ္ဆာမ မယံ။
ဝါတိဝိကပ္ပနတ္ထေန ယောနံ အံ အာနံ ဟောန္တိ။ တုမှံ တုမှာနံ။ အမှံ, အမှာနံ။
တေဟိ ဟုမှအမှေဟိ သဿ ဝိဘတ္တိဿ အံ အာဒေသော ဟောတိ ဝါ။
တုမှံ ဒီယတေ, တဝ ဒီယတေ။ တုမှံ ပရိဂ္ဂဟော, တဝ ပရိဂ္ဂဟော။ အမှံ ဒီယတေ, မမ ဒီယတေ။ အမှံ ပရိဂ္ဂဟော, မမ ပရိဂ္ဂဟော။
(ကစ္စည်း၊၁၀၂။)သဿေတိ ကိမတ္ထံ? တုမှေသု, အမှေသု။
֍ ♦ ၁၆၄, * ၂၀၀. သဗ္ဗနာမ’ကာရတေ ပဌမော။
သဗ္ဗေသံ သဗ္ဗနာမာနံ အကာရတော ယော ပဌမော ဧတ္တမာပဇ္ဇတေ။
သဗ္ဗေ, ယေ, တေ, ကေ, တုမှေ, အမှေ, ဣမေ။
သဗ္ဗနာမာတိ ကိမတ္ထံ? ဒေဝါ, အသုရာ, နာဂါ, ဂန္ဓဗ္ဗာ, မနုဿာ။
အကာရတောတိ ကိမတ္ထံ? အမူ ပုရိသာ တိဋ္ဌန္တိ။
ယောတိ ကိမတ္ထံ? သဗ္ဗော, ယော, သော, ကော, အယံ။
ပဌမဂ္ဂဟဏံ ဥတ္တရသုတ္တတ္ထံ။
တသ္မာ သဗ္ဗနာမ’ကာရတော ဒွန္ဒဋ္ဌာ ယော ပဌမော ဧတ္တမာပဇ္ဇတေ ဝါ။
ကတရကတမေ, ကတရကတမာ ဝါ။
သဗ္ဗနာမာတိ ကိမတ္ထံ? ဒေဝါသုရနာဂ ဂန္ဓဗ္ဗမနုဿာ။
ဒွန္ဒဋ္ဌာတိ ကိမတ္ထံ တေ, သဗ္ဗေ။
(ကစ္စည်း၊၁၀၃။)֍ ♦ ၁၆၆, * ၂၀၉. နာညံ သဗ္ဗနာမိကံ။
သဗ္ဗနာမိကာနံ ဒွန္ဒဋ္ဌေ နာညံ ကာရိယံ ဟောတိ,
ပုဗ္ဗာပရာနံ, ပုဗ္ဗုတ္တရာနံ, အဓရုတ္တရာနံ။
֍ ♦ ၁၆၇, * ၂၁၀. ဗဟုဗ္ဗီဟိမှိ စ။
ဗဟုဗ္ဗီဟိမှိ စ သမာသေ သဗ္ဗနာမဝိဓာနဉ္စ နာညံ ကာရိယံ ဟောတိ။
ပိယပုဗ္ဗာယ, ပိယပုဗ္ဗာနံ, ပိယပုဗ္ဗေ, ပိယပုဗ္ဗဿ။
စေတိ ကိမတ္ထံ? သဗ္ဗနာမဝိဓာနံ ဟောတိ, ဒက္ခိဏ ပုဗ္ဗဿံ, ဒက္ခိဏပုဗ္ဗဿာ, ဥတ္တရပုဗ္ဗဿံ, ဥတ္တရပုဗ္ဗဿာ။
֍ ♦ ၁၆၈, * ၂၀၃. သဗ္ဗတော နံ သံ သာနံ။
သဗ္ဗတော သဗ္ဗနာမတော နံဝစနဿ သံသာနံဣစ္စေတေ အာဒေသာ ဟောန္တိ။
သဗ္ဗေသံ, သဗ္ဗေသာနံ, သဗ္ဗာသံ, သဗ္ဗာသာနံ။ ယေသံ, ယေသာနံ, ယာသံ, ယာသာနံ။ တေသံ, တေသာနံ, တာသံ, တာသာနံ။ ကေသံ, ကေသာနံ, ကာသံ, ကာသာနံ။ ဣမေသံ, ဣမေသာနံ, ဣမာသံ, ဣမာသာနံ။ အမူသံ, အမူသာနံ။
နမိတိ ကိမတ္ထံ? သဗ္ဗဿ, ယဿ, တဿ, ကဿ။ ဧဝံ သဗ္ဗတ္ထ။
(ကစ္စည်း၊၁၀၄။)֍ ♦ ၁၆၉, * ၁၁၇. ရာဇဿ ရာဇု သုနံဟိသု စ။
သဗ္ဗဿေဝ ရာဇသဒ္ဒဿ ရာဇုအာဒေသော ဟောတိ သုနံဟိဣစ္စေတေသု။
ရာဇူသု, ရာဇူနံ, ရာဇူဟိ, ရာဇူဘိ။
သုနံဟိသူတိ ကိမတ္ထံ? ရာဇာ။
စဂ္ဂဟဏမဝဓာရဏတ္ထံ။ ရာဇေသု, ရာဇာနံ, ရာဇေဟိ ရာဇေဘိ။
သဗ္ဗဿေဝ ဣမသဒ္ဒဿ ဧကာရော ဟောတိ ဝါ သုနံဟိဣစ္စေတေသု။
ဧသု, ဣမေသု, ဧသံ, ဣမေသံ, ဧဟိ, ဧဘိ, ဣမေဟိ, ဣမေဘိ။
ဣမဿေတိ ကိမတ္ထံ? ဧတေသု, ဧတေသံ, ဧတေဟိ, ဧတေဘိ။
֍ ♦ ၁၇၁, * ၂၁၉. အနိမိ နာမှိ စ။
ဣမသဒ္ဒဿ သဗ္ဗဿေဝ အန ဣမိဣစ္စေတေ အာဒေသာ ဟောန္တိ နာမှိ ဝိဘတ္တိမှိ။
အနေန ဓမ္မဒါနေန။ သုခိတာ ဟောတု သာ ပဇာ။
ဣမိနာ ဗုဒ္ဓပူဇေန, ပတွာန အမတံ ပဒံ။
နာမှီတိ ကိမတ္ထံ? ဣမေသု, ဣမေသံ, ဣမေဟိ, ဣမေဘိ။
(ကစ္စည်း၊၁၀၅။)֍ ♦ ၁၇၂, * ၂၁၈. အနပုံသကဿာ ယံ သိမှီ။
ဣမသဒ္ဒဿ သဗ္ဗဿေဝ အနပုံသကဿ အယံအာဒေသော ဟောတိ သိမှိ ဝိဘတ္တိမှိ။
အယံ ပုရိသော, အယံ ဣတ္ထီ။
အနပုံသကဿေတိ ကိမတ္ထံ? ဣဒံ စိတ္တံ တိဋ္ဌတိ။
သိမှီတိ ကိမတ္ထံ? ဣမံ ပုရိသံ ပဿသိ တွံ။
အမုသဒ္ဒဿ အနပုံသကဿ မကာရော သကာရမာပဇ္ဇတေ ဝါ သိမှိ ဝိဘတ္တိမှိ။
အသု ရာဇာ, အသု ဣတ္ထီ, အမုကော ရာဇာ, အမုကာ ဣတ္ထီ။
အနပုံသကဿေတိ ကိမတ္ထံ? အဒုံ ပုပ္ဖံ ဝိရောစတိ။
အမုဿေတိ ကိမတ္ထံ? အယံ ပုရိသော တိဋ္ဌတိ။
သိမှီတိ ကိမတ္ထံ? အမှံ ပုရိသံ ပဿသိ။
ဧတ တဣစ္စေတေသံ အနပုံသကာနံ တကာရော သကာရမာပဇ္ဇတေ သိမှိ ဝိဘတ္တိမှိ။
ဧသော ပုရိသော, ဧသာ ဣတ္ထီ, သော ပုရိသော, သာ ဣတ္ထီ။
(ကစ္စည်း၊၁၀၆။)ဧတတေသမိတိ ကိမတ္ထံ? ဣတရော ပုရိသော, ဣတရာ ဣတ္ထီ။
အနပုံသကာနမိတိ ကိမတ္ထံ? ဧတံ စိတ္တံ, ဧတံ ရူပံ။ တံ စိတ္တံ, တံ ရူပံ။
֍ ♦ ၁၅၇, * ၂၁၂. တဿ ဝါ နတ္တံ သဗ္ဗတ္ထ။
တဿ သဗ္ဗနာမဿ တကာရဿ နတ္တံ ဟောတိ ဝါ သဗ္ဗတ္ထ လိင်္ဂေသု။
နာယ, တာယ, နံ, တံ, နေ, တေ, နေသု, တေသု, နမှိ, တမှိ, နာဟိ, တာဟိ, နာဘိ, တာဘိ။
֍ ♦ ၁၇၆, * ၂၁၃. သသ္မာသ္မိံသံသာသွတ္တံ။
တဿ သဗ္ဗနာမဿ တကာရဿ သဗ္ဗဿေဝ အတ္တံ ဟောတိ ဝါ သသ္မာသ္မိံ သံသာဣစ္စေတေသု သဗ္ဗတ္ထ လိင်္ဂေသု။
အဿ, တဿ, အသ္မာ, တသ္မာ, အသ္မိံ, တသ္မိံ, အဿံ, တဿံ, အဿာ, တဿာ။
တကာရဿေတိ ကိမတ္ထံ? အမုဿံ, အမုဿာ။
ဧတေသွီတိ ကိမတ္ထံ? နေသု, တေသု။
ဣမသဒ္ဒဿ စ သဗ္ဗဿေဝ အတ္တံ ဟောတိ ဝါ သသ္မာသ္မိံ သံ သာဣစ္စေတေသု သဗ္ဗတ္ထ လိင်္ဂေသု။
(ကစ္စည်း၊၁၀၇။)အဿ, ဣမဿ, အသ္မာ, ဣမသ္မာ, အသ္မိံ, ဣမသ္မိံ, အဿံ, ဣမိဿံ, အဿာ, ဣမိဿာ။
ဣမသဒ္ဒဿေတိ ကိမတ္ထံ? ဧတိဿံ, ဧတိဿာ။
သဗ္ဗတော သဗ္ဗနာမတော ကကာရာဂမော ဟောတိ ဝါ သိမှိ ဝိဘတ္တိမှိ။
သဗ္ဗကော, ယကော, သကော, အမုကော, အသုကော။
ဝါတိ ကိမတ္ထံ? သဗ္ဗော, ယော, သော, ကော။
သဗ္ဗနာမတောတိ ကိမတ္ထံ? ပုရိသော။
ပုန သဗ္ဗတောဂ္ဂဟဏေန အညသ္မာပိ ကကာရာဂမော ဟောတိ, ဟီနကော, ပေါတကော။
֍ ♦ ၁၇၉, * ၂၀၄. ယပတော သ္မိံသာနံ သံသာ။
သဗ္ဗတော သဗ္ဗနာမတော ဃပသညတော သ္မိံသဣစ္စေတေသံ သံသာ အာဒေသာ ဟောန္တိ ဝါ ယထာသင်္ချံ။
သဗ္ဗဿံ, သဗ္ဗဿာ, သဗ္ဗာယံ, သဗ္ဗာယ, ဣမိဿံ, ဣမိဿာ, ဣမာယံ, ဣမာယ, အမုဿံ, အမုဿာ, အမုယံ, အမုယာ။
သဗ္ဗနာမတောတိ ကိမတ္ထံ? ဣတ္ထိယံ, ဣတ္ထိယာ။
သ္မိံသာနမိတိ ကိမတ္ထံ? အမုယော။
(ကစ္စည်း၊၁၀၈။)֍ ♦ ၁၈၀, * ၂၀၇. နေတာဟိ သ္မိမာယ ယာ။
ဧတေဟိ သဗ္ဗနာမေဟိ ဃပသညေဟိ သ္မိံဝစနဿ နေဝ အာယ ယာအာဒေသာ ဟောန္တိ။
ဧတိဿံ, ဧတာယံ, ဣမိဿံ, ဣမာယံ, အမုဿံ, အမုယံ။
သ္မိံန္တိ ကိမတ္ထံ? တာယ ဣတ္ထိယာ မုခံ။
ဧတာဟီတိ ကိမတ္ထံ? ကညာယ, ဝီဏာယ, ဂင်္ဂါယ, ကပါလိကာယ။
֍ ♦ ၁၈၁, * ၉၅. မနောဂဏာဒိတော သ္မိံနာနမိအာ။
တသ္မာ မနောဂဏာဒိတော သ္မိံနာဣစ္စေတေသံ ဣကာရအာကာရာဒေသာ ဟောန္တိ ဝါ ယထာသင်္ချံ။
မနသိ, မနုသ္မိံ, သိရသိ, သိရသ္မိံ, မနသာ, မနေန, ဝစသာ, ဝစေန, သိရသာ, သိရေန, သရသာ, သရေန, တပသာ, တပေန, ဝယသာ, ဝယေန, ယသသာ, ယသေန, တေဇသာ, တေဇေန, ဥရသာ, ဥရေန, ထာမသာ, ထာမေန။
သ္မိံနာနမိတိ ကိမတ္ထံ? မနော, သိရော, တမော, တပေါ, တေဇော။
အာဒိဂ္ဂဟဏေန အညာသ္မာပိ သ္မိံနာနံ ဣကာရအာကာရာဒေသာ ဟောန္တိ, ဗိလသိ, ဗိလသာ, ပဒသိ, ပဒသာ။
(ကစ္စည်း၊၁၀၉။)တသ္မာ မနောဂဏာဒိတော သဿ စ ဩကာရော ဟောတိ။
မနသော, ထာမသော, တပသော။
ဧတေသံ မနောဂဏာဒီနံ အန္တော ဩတ္တမာပဇ္ဇတေ ဝိဘတ္တိလောပေ ကတေ။
မနောမယံ, အယောမယံ, တေဇောသမေန, တပေါဂုဏေန, သိရောရုဟေန။
အာဒိဂ္ဂဟဏံကိမတ္ထံ? အညေသမန္တော ဩတ္တမာပဇ္ဇတေ။ အာပေါသမေန, ဝါယောသမေန။
လောပေတိ ကိမတ္ထံ? ပဒယာ, တပသာ, ယသသာ, ဝစသာ, မနသာ, ဧဝမညေပိ ယောဇေတဗ္ဗာ။
ဧတေဟေဝ မနောဂဏာဒီဟိ ဝိဘတ္တာဒေသေ သရေ ပရေ သကာရာဂမော ဟောတိ ဝါ။
မနသာ, ဝစသာ, မနသိ, ဝစသိ။
ဝါတိ ကိမတ္ထံ? မနေန, တေဇေန, ဝသေန,
(ကစ္စည်း၊၁၁၀။)သရေတိ ကိမတ္ထံ? မနော, တေဇော, ယသော။
ပုန အာဒိဂ္ဂဟဏေန အညသ္မိမ္ပိ ပစ္စယေ ပရေ သကာရာဂမော ဟောတိ။ မာနသိကံ, ဝါစသိကံ။
֍ ♦ ၁၈၅, * ၁၁၂. သန္တသဒ္ဒဿ သော တေ ဗော စန္တေ။
သဗ္ဗဿ သန္တသဒ္ဒဿ သကာရာဒေသော ဟောတိ ဘကာရေ ပရေ, အန္တေ စ ဗကာရာဂမော ဟောတိ။
သဗ္ဘိရေဝ သမာသေထ,
သဗ္ဘိကုဗ္ဗေထ သန္ထဝံ။
သတံ သဒ္ဓမ္မမညာယ,
သေယျော ဟောတိ န ပါပိယော။
ဇီရန္တိ ဝေ ရာဇရထာ သုစိတ္တာ။
အထော သရီရမ္ပိ ဇရံ ဥပေတိ။
သတဉ္စ ဓမ္မော န ဇရံ ဥပေတိ,
သန္တော ဟဝေ သဗ္ဘိ ပဝေဒယန္တိ။
သဗ္ဘူတော, သဗ္ဘာဝေါ။
ဘေတိ ကိမတ္ထံ? သန္တေဟိ ပူဇိတော ဘဂဝါ။
စဂ္ဂဟဏံ ကွစိ သကာရဿေဝ ပသိဒ္ဓတ္ထံ။ သက္ကာရော, သက္ကတော။
(ကစ္စည်း၊၁၁၁။)֍ ♦ ၁၉၆, * ၁၀၇. သိမှိဂစ္ဆန္တာဒီနံ န္တသဒ္ဒေါ အံ။
သိမှိ ဂစ္ဆန္တာဒီနံ န္တသဒ္ဒေါ အမာပဇ္ဇတေ ဝါ။
ဂစ္ဆံ, ဂစ္ဆန္တော, မဟံ, မဟန္တော, စရံ, စရန္တော, ခါဒံ, ခါဒန္တော။
ဂစ္ဆန္တာဒီနမိတိ ကိမတ္ထံ? အန္တော, ဒန္တော, ဝန္တော, သန္တော။
ဂစ္ဆန္တာဒီနံန္တသဒ္ဒေါန္တုပ္ပစ္စယောဝ ဒဋ္ဌဗ္ဗော သေသေသု ဝိဘတ္တိပ္ပစ္စယေသု။
ဂစ္ဆတော, မဟတော, ဂစ္ဆတိ, မဟတိ, ဂစ္ဆတာ, မဟတာ။
သေသေသူတိ ကိမတ္ထံ? ဂစ္ဆံ, မဟံ, စရံ, ခါဒံ။
֍ ♦ ၁၈၈, * ၁၁၅. ဗြဟ္မတ္တ သခ ရာဇာဒိတော အမာနံ။
ဗြဟ္မ အတ္တ သခ ရာဇဣစ္စေဝမာဒိတော အံဝစနဿ အာနံ ဟောတိ ဝါ။
ဗြဟ္မာနံ, ဗြဟ္မံ, အတ္တာနံ, အတ္တံ, သခါနံ, သခံ, ရာဇာနံ, ရာဇံ။
အမိတိ ကိမတ္ထံ? ရာဇာ။
(ကစ္စည်း၊၁၁၂။)ဗြဟ္မ အတ္တ သခ ရာဇဣစ္စေဝမာဒိတော သိဝစနဿ အာ စ ဟောတိ။
ဗြဟ္မာ, အတ္တာ, သခါ, ရာဇာ, အာတုမာ။
ဗြဟ္မအတ္တ သခ ရာဇဣစ္စေဝမာဒိတော ယောနံ အာနောအာဒေသော ဟောတိ။
ဗြဟ္မာနော, အတ္တာနော, သခါနော, ရာဇာနော, အာတုမာနော။
֍ ♦ ၁၉၁, * ၁၃၀. သခတော စာယော နော။
တသ္မာ သခတော စ ယောနံ အာယော နော အာဒေသာ ဟောန္တိ။
သခါယော, သခိနော။
ယောနမိတိ ကိမတ္ထံ? သခါ။
တသ္မာ သခတော သ္မိံဝစနဿ ဧကာရော ဟောတိ။ သခေ။
(ကစ္စည်း၊၁၁၃။)֍ ♦ ၁၉၃, * ၁၂၂. ဗြဟ္မတော ဂဿ စ။
တသ္မာ ဗြဟ္မတော ဂဿ စ ဧကာရော ဟောတိ။ ဟေ ဗြဟ္မေ။
֍ ♦ ၁၉၄, * ၁၃၁. သခန္တဿိ နော နာ နံ သေသု။
တဿ သခန္တဿ ဣကာရော ဟောတိ နောနာနံသဣစ္စေတေသု။
သခိနော, သခိနာ, သခီနံ, သခိဿ။
ဧတေသွီတိ ကိမတ္ထံ? သခါရေဟိ။
֍ ♦ ၁၉၅, * ၁၃၄. အာရော ဟိမှိ ဝါ။
တဿ သခန္တဿ အာရော ဟောတိ ဝါ ဟိမှိ ဝိဘတ္တိမှိ။ သခါရေဟိ, သခေဟိ။
တဿ သခန္တဿ အာရော ဟောတိ ဝါ သုနံ အံဣစ္စေတေသု။
သခါရေသု, သခေသု, သခါရာနံ, သခီနံ, သခါရံ, သခံ။
֍ ♦ ၁၉၇, * ၁၂၅. ဗြဟ္မတော တု သ္မိံ နိ။
တသ္မာ ဗြဟ္မတော သ္မိံဝစနဿ နိအာဒေသော ဟောတိ။ ဗြဟ္မနိ။
(ကစ္စည်း၊၁၁၄။)တုဂ္ဂဟဏေန အဗြဟ္မတောပိ သ္မိံ ဝစနဿ နိ ဟောတိ။ ကမ္မနိ, စမ္မနိ, မုဒ္ဓနိ။
တဿ ဗြဟ္မသဒ္ဒဿ အန္တော ဥတ္တမာပဇ္ဇတေ သနာဣစ္စေတေသု။
ဗြဟ္မုနော, ဗြဟ္မုနာ။
သနာသူတိ ကိမတ္ထံ? ဗြဟ္မာ။
֍ ♦ ၁၉၉, * ၁၅၈. သတ္ထုပိတာဒီနမာ သိသ္မိံသိလောပေါစ။
သတ္ထုပိတုအာဒီနမန္တော အတ္တမာပဇ္ဇတေ သိသ္မိံ, သိလောပေါ စ ဟောတိ။
သတ္ထာ, ပိတာ, မာတာ, ဘာတာ, ကတ္တာ။
သိသ္မိန္တိ ကိမတ္ထံ? သတ္ထုဿ, ပိတုဿ, မာတုဿ, ဘာတုဿ, ကတ္တုဿ။
သတ္ထုပိတုအာဒီနမန္တော အညေသု ဝစနေသု အာရတ္တမာပဇ္ဇတေ။
သတ္ထာရံ, ပိတရံ, မာတရံ, ဘာတရံ, ကတ္တာရံ, သတ္ထာရေဟိ, ပိတရေဟိ, မာတရေဟိ, ဘာတရေဟိ, ကတ္တာရေဟိ။
(ကစ္စည်း၊၁၁၅။)အညေသွီတိ ကိမတ္ထံ? သတ္ထာ, ပိတာ, မာတာ, ဘာတာ, ကတ္တာ။
သတ္ထုပိတုအာဒီနမန္တော အာရတ္တမာပဇ္ဇတေ ဝါ နံမှိ ဝိဘတ္တိမှိ။
သတ္ထာရာနံ, ပိတရာနံ, မာတရာနံ, ဘာတရာနံ။
ဝါတိ ကိမတ္ထံ? သတ္ထာနံ, ပိတူနံ, မာတူနံ, ဘာတူနံ။
တဿ သတ္ထုသဒ္ဒဿ အန္တော အတ္တမာပဇ္ဇတေ ဝါ နံမှိ ဝိဘတ္တိမှိ။
သတ္ထာနံ, ပိတာနံ, မာတာနံ, ဘာတာနံ, ကတ္တာနံ။
ဝါတိ ကိမတ္ထံ? သတ္ထာရာနံ, ပိတရာနံ, မာတရာနံ, ဘာတရာနံ, ဓီတရာနံ။
စဂ္ဂဟဏံ အညေသမ္ပိ သင်္ဂဟဏတ္ထံ။
֍ ♦ ၂၀၃, * ၁၆၂. ဥသသ္မိံ သလောပေါ စ။
သတ္ထုပိတုဣစ္စေဝမာဒီနမန္တဿ ဥတ္တံ ဟောတိ ဝါ သသ္မိံ, သလောပေါ စ။
(ကစ္စည်း၊၁၁၆။)သတ္ထု, သတ္ထုဿ, သတ္ထုနော ဒီယတေ, ပရိဂ္ဂဟော ဝါ။ ပိတု, ပိတုဿ, ပိတုနော ဒီယတေ, ပရိဂ္ဂဟော ဝါ။ ဘာတု, ဘာတုဿ, ဘာတုနော ဒီယတေ, ပရိဂ္ဂဟော ဝါ။
စဂ္ဂဟဏံ ဒုတိယသမ္ပိဏ္ဍနတ္ထံ။
֍ ♦ ၂၀၄, * ၁၆၇. သက္ကမန္ဓာတာဒီနဉ္စ။
သက္ကမန္ဓာတုဣစ္စေဝမာဒီနမန္တော ဥတ္တမာပဇ္ဇတေ သသ္မိံ, သလောပေါ စ ဟောတိ။
သက္ကမန္ဓာတု ဣဝ အဿ ရာဇိနော ဝိဘဝေါ။ ဧဝံ ကတ္တု, ဂန္တု, ဒါတု ဣစ္စေဝမာဒီ။
ပုနာရမ္ဘဂ္ဂဟဏံ ကိမတ္ထံ? နိစ္စဒီပနတ္ထံ။ သက္ကမန္ဓာတု။
စဂ္ဂဟဏံ ဒုတိယသမ္ပိဏ္ဍနတ္ထံ။
֍ ♦ ၂၀၅, * ၁၆၀. တတော ယောနမော တု။
တတော အာရာဒေသတော သဗ္ဗေသံ ယော နံ ဩကာရာဒေသော ဟောတိ။
သတ္ထာရော, ပိတရော, မာတရော, ဘာတရော, ကတ္တာရော, ဝတ္တာရော။
တုဂ္ဂဟဏေန အညသ္မာပိ ယောနံ ဩကာရော ဟောတိ။ စတုရော ဇနာ, ဂါဝေါ, ဥဘော ပုရိသာ။
(ကစ္စည်း၊၁၁၇။)တတော အာရာဒေသတော သ္မိံဝစနဿ ဣကာရာဒေသော ဟောတိ။
သတ္ထရိ, ပိတရိ, မာတရိ, ဓီတရိ, ဘာတရိ, ကတ္တရိ, ဝတ္တရိ။
ပုန တတောဂဟဏေန အညသ္မာပိ သ္မိံဝစနဿ ဣကာရော ဟောတိ။ ဘုဝိ။
တတော အာရာဒေသတော နာဝစနဿ အာအာဒေသော ဟောတိ။
သတ္ထာရာ, ပိတရာ, မာတရာ, ဘာတရာ, ဓီတရာ, ကတ္တာရာ, ဝတ္တာရာ။
֍ ♦ ၂၀၈, * ၁၆၆. အာရော ရဿမိကာရေ။
အာရာဒေသော ရဿမာပဇ္ဇတေ ဣကာရေ ပရေ။
သတ္ထရိ, ပိတရိ, မာတရိ, ဓီတရိ, ကတ္တရိ, ဝတ္တရိ။
֍ ♦ ၂၀၉, * ၁၆၈. ပိတာဒီနမသိမှိ။
ပိတာဒီန မာရာဒေသော ရဿမာပဇ္ဇတေ အသိမှိ ဝိဘတ္တိမှိ။
ပိတရာ, မာတရာ, ဘာတရာ, မီတရာ ပိတရော, မာတရော, ဘာတရော, ဓီတရော။
(ကစ္စည်း၊၁၁၈။)အသိမှိဂ္ဂဟဏံ တောမှိ ပရေ ဣကာရာဒေသဉာပနတ္ထံ။ မာတိတော, ပိတိတော, ဘာတိတော, ဒုဟိတိတော။
֍ ♦ ၂၁၀, * ၂၃၉. တယာတယီနံ တကာရော တွတ္တံ ဝါ။
တယာတယိ ဣစ္စေတေသံ တကာရော တွတ္တမာပဇ္ဇတေ ဝါ။
တွယာ, တယာ, တွယိ, တယိ။
ဧတေသမိတိ ကိမတ္ထံ? တုဝံ, တဝံ။
ဣတိ နာဓကပ္ပေ တတိယော ကဏ္ဍော။
စတုတ္ထကဏ္ဍ
֍ ♦ ၂၁၁, * ၁၂၆. အတ္တန္တော ဟိသ္မိ’မနတ္တံ။
တဿ အတ္တနော အန္တော အနတ္တမာပဇ္ဇတေ ဟိမှိ ဝိဘတ္တိမှိ။
အတ္တနေဟိ, အတ္တနေဘိ။
အတ္တန္တောတိ ကိမတ္ထံ? ရာဇေဟိ, ရာဇေဘိ။
ဟိသ္မိန္တိ ကိမတ္ထံ? အတ္တနော။
အနတ္တမိတိဘာဝနိဒ္ဒေသေန အတ္တသဒ္ဒဿ သကာဒေသော ဟောတိ သဗ္ဗာသု ဝိဘတ္တီသု။ သကော, သကာ, သကံ, သကေ။
(ကစ္စည်း၊၁၁၉။)တတော အတ္တတော သ္မိံဝစနဿ နိ ဟောတိ။ အတ္တနိ။
တတောအတ္တတော သဿ ဝိဘတ္တိဿ နော ဟောတိ, အတ္တနော။
တတော အတ္တတော သ္မာ ဝစနဿ နာ ဟောတိ။ အတ္တနာ။
ပုန တတောဂဟဏေန တဿ အတ္တနော တကာရဿေဝ ရကာရော ဟောတိ သဗ္ဗေသု ဝစနေသု။ အတြဇော, အတြဇံ။
ဈလဣစ္စေတေဟိ သ္မာဝစနဿ နာ ဟောတိ။
အဂ္ဂိနာ, ဒဏ္ဍိနာ, ဘိက္ခုနာ, သယမ္ဘုနာ။
သ္မာတိ ကိမတ္ထံ? အဂ္ဂယော, မုနယော, ဣသယော။
֍ ♦ ၂၁၆, * ၁၈၀. ဃပတော သ္မိံ ယံ ဝါ။
တသ္မာ ဃပတော သ္မိံ ဝစနဿ ယံ ဟောတိ ဝါ။
(ကစ္စည်း၊၁၂၀။)ကညာယံ, ကညာယ။ ရတ္တိယံ, ရတ္တိယာ။ ဣတ္ထိယံ, ဣတ္ထိယာ။ ယာဂုယံ, ယာဂုယာ။ ဝခုယံ, ဝဓုယာ။
֍ ♦ ၂၁၇, * ၁၉၉. ယောနံ နိ နပုံသကေဟိ။
သဗ္ဗေသံ ယောနံ နိ ဟောတိ ဝါ နပုံသကေဟိ လိင်္ဂေဟိ။
အဋ္ဌီနိ, အဋ္ဌီ, အာယူနိ, အာယူ။
နပုံသကေဟီတိ ကိမတ္ထံ? ဣတ္ထိယော။
အကာရန္တေဟိ နပုံသကလိင်္ဂေဟိ ယောနံ နိ ဟောတိ နိစ္စံ။
ယာနိ, ယာနိ။ တာနိ, တာနိ။ ကာနိ, ကာနိ။ ဘယာနိ, ဘယာနိ။ ရူပါနိ, ရူပါနိ။
အကာရန္တေဟိ နပုံသကလိင်္ဂေဟိ သိဝစနဿ အံ ဟောတိ နိစ္စံ။
သဗ္ဗံ, ယံ, တံ, ကံ, ရူပံ။
֍ ♦ ၂၂၀, * ၇၄. သေသတော လောပံ ပသိပိ။
တတော နိဒ္ဒိဋ္ဌေဟိ လိဂေဟိ သေသခတာ ဂသိဣစ္စေတေ လောပမာပဇ္ဇန္တေ။
(ကစ္စည်း၊၁၂၁။)ဘောတိ ဣတ္ထိ, သာ ဣတ္ထီ။ ဘော ဒဏ္ဍိ, သော ဒဏ္ဍီ။ ဘော သတ္ထ, သော သတ္ထာ။ ဘော ရာဇ, သော ရာဇာ။ သေသတောတိ ကိမတ္ထံ? ပုရိသော ဂစ္ဆတိ။
ဂသီတိ ကိမတ္ထံ? ဣတ္ထိယာ, သတ္ထုဿ။
֍ ♦ ၂၂၁, * ၂၈၂. သဗ္ဗာသမာဝုသော ပသဂ္ဂနိပါတာဒီဟိ စ။
သဗ္ဗာသံ ဝိဘတ္တီနံ ဧကဝစနဗဟုဝစနာနံ ပဌမာ ဒုတိယာတတိယာ စတုတ္ထီ ပဉ္စမီ ဆဋ္ဌီ သတ္တမီနံ လောပေါ ဟောတိ, အာဝုသော ဥပသဂ္ဂ နိပါတဣစ္စေဝမာဒီဟိ စ,
တွံ ပနာဝုသော, တုမှေ ပနာဝုသော, ပဒသော ဓမ္မံ ဝါစေယျ, ဝိဟာရံ သွေ ဥပဂစ္ဆေယျ။
ပ, ပရာ, နိ, နီ, ဥ, ဒု, သံ, ဝိ, အဝ, အနု, ပရိ, အဓိ, အဘိ, ပတိ, သု, အာ, အတိ, အပိ, အပ, ဥပ, ပဟာရော, ပရာဘဝေါ, နိဟာရော, နီဟာရော, ဥဟာရော, ဒုဟာရော, သံဟာရော, ဝိဟာရော, အဝဟာရော, အနုဟာရော, ပရိဟာရော, အဓိဟာရော, အဘိဟာရော, ပတိဟာရော, သုဟာရော, အာဟာရော, အတိဟာရော, အပိဟာရော, အပဟာရော, ဥပဟာရော, ဧဝံ ဝီသတိ ဥပသဂ္ဂေဟိ စ။
(ကစ္စည်း၊၁၂၂။)ယထာ, တထာ, ဧဝံ, ခလု, ခေါ, တတြ, အထော, အထ, ဟိ, တု စ, ဝါ, ဝေါ, ဟံ, အဘံ, အလံ, ဧဝ, ဟော အဟော, ဟေ, အဟေ, ရေ, အရေ, ဧဝမာဒီဟိ နိပါတေဟိ စ ယောဇေတဗ္ဗာနိ။
စဂ္ဂဟဏမ ဝဓာရဏတ္ထံ။
֍ ♦ ၂၂၂, * ၃၄၂. ပုမဿ လိင်္ဂါဒီသု သမာသေသု။
ပုမဣစ္စေတဿ အန္တော လောပမာပဇ္ဇတေ လိင်္ဂါဒီသု ပရပဒေသု သမာသေသု။
ပုလ္လိင်္ဂံ, ပုမ္ဘာဝေါ, ပုင်္ကောကိလော။
ပုမဿေတိ ကိမတ္ထံ? ဣတ္ထိလိင်္ဂံ, နပုံသကလိင်္ဂံ။
လိင်္ဂါဒီသူတိ ကိမတ္ထံ? ပုမိတ္ထီ။
သမာသေသူတိ ကိမတ္ထံ? ပုမဿ လိင်္ဂံ။
֍ ♦ ၂၂၃, * ၁၈၈. အံ ယမီတော ပသညတော။
အံ ဝစနဿ ယံ ဟောတိ ဝါ ဤတော ပသညတော။
ဣတ္ထိယံ, ဣတ္ထိံ။
ပသညတောတိ ကိမတ္ထံ? ဒဏ္ဍိနံ, ဘောဂိနံ။
အမိတိ ကိမတ္ထံ? ဣတ္ထီဟိ။
֍ ♦ ၂၂၄, * ၁၅၃. နံ ဈတော ကတရဿာ။
တသ္မာ ဈတော ကတရဿာ အံ ဝစနဿ နံ ဟောတိ။
(ကစ္စည်း၊၁၂၃။)ဈတောတိ ကိမတ္ထံ? ဝေဿဘုံ။
ကတရဿာတိ ကိမတ္ထံ? ကုစ္ဆိံ။
သဗ္ဗေသံ ယောနံ ဈတော ကတရဿာ နော ဟောတိ။
ဒဏ္ဍိနော ဘောဂိနော, ဟေ ဒဏ္ဍိနော, ဟေ ဘောဂိနော။
ကတရဿာတိ ကိမတ္ထံ? အဂ္ဂယော, မုနယော, ဣသယော။
ဈတောတိ ကိမတ္ထံ? သယမ္ဘုနော။
ယောနန္တိ ကိမတ္ထံ? ဒဏ္ဍိနာ, ဘောဂိနာ။
တသ္မာ ဈတော ကတရဿာ သ္မိံဝစနဿ နိအာဒေ သော ဟောတိ။
ဒဏ္ဍိနိ, ဘောဂိနိ။
ကတရဿာတိ ကိမတ္ထံ? ဗျာဓိမှိ။
ကိမိစ္စေတဿ ကော စ ဟောတိ ဝပစ္စယေ ပရေ။
(ကစ္စည်း၊၁၂၄။)စဂ္ဂဟဏေန အဝပစ္စယေ ပရေပိ ကော စ ဟောတိ။ ကော တံနိန္ဒိတု မရဟတိ, ကထံ ဗောဓယိတုံ ဓမ္မံ။
ဝေတိ ကိမတ္ထံ? ကုတော အာဂတောသိ တွံ။
֍ ♦ ၂၂၈, * ၂၇၂. ကုဟိံ ဟံ သု စ။
ကိမိစ္စေတဿ ကု ဟောတိ ဟိံ ဟံဣစ္စေတေသု စ။ ကုဟိံ ဂစ္ဆသိ, ကုလံ ဂစ္ဆသိ။
စဂ္ဂဟဏေန ဟိဉ္စနံဒါစနံ ပစ္စယေသု ပရေသု အညတ္ထာပိ ကု ဟောတိ။ ကုဟိဉ္စနံ, ကုဒါစနံ။
ကိမိစ္စေတဿ ကော ဟောတိ သေသေသု ဝိဘတ္တိပစ္စယေသု ပရေသု။
ကော ပကာရော ကထံ, ကံ ပကာရံ ကထံ။
စဂ္ဂဟဏမနုကဍ္ဎနတ္ထံ။
ကိမိစ္စေတဿ ကု ဟောတိ တြတောထ ဣစ္စေတေသု စ။
ကုတြ, ကုတော, ကုတ္ထ။
စဂ္ဂဟဏမနုကဍ္ဎနတ္ထံ,
(ကစ္စည်း၊၁၂၅။)֍ ♦ ၂၃၁, * ၂၆၃. သဗ္ဗဿေတဿ, ကာရော ဝါ။
သဗ္ဗဿ ဧတသဒ္ဒဿ အကာရော ဟောတိ ဝါ တောထဣစ္စေတေသု။
အတော, အတ္ထ, ဧတ္တော, ဧတ္ထ။
သဗ္ဗဿ ဧတသဒ္ဒဿ အကာရော ဟောတိ နိစ္စံ တြပစ္စယေ ပရေ။
အတြ။
သဗ္ဗဿ ဧတသဒ္ဒဿ ဧကာရော ဟောတိ ဝါ တောထဣစ္စေတေသု။
ဧတ္တော, အတော, ဧတ္ထ, အတ္ထ။
֍ ♦ ၂၃၄, * ၂၆၅. ဣမဿိ ထံ ဒါနိ ဟ တော ဓေသု စ။
ဣမသဒ္ဒဿ သဗ္ဗဿေဝ ဣကာရော ဟောတိ ထံ ဒါနိဟတော ဓဣစ္စေတေသု။
ဣတ္ထံ, ဣဒါနိ, ဣဟ, ဣတော, ဣဓ။
(ကစ္စည်း၊၁၂၆။)ဣမသဒ္ဒဿ သဗ္ဗဿေဝ အကာရော ဟောတိ ဓုနာမှိ ပစ္စယေ ပရေ။
အဓုနာ။
စဂ္ဂဟဏမဝဓာရဏတ္ထံ။
သဗ္ဗဿေဝ ဣမသဒ္ဒဿ ဧတာဒေသော ဟောတိ ရဟိမှိ ပစ္စယေ ပရေ။
ဧတရဟိ။
֍ ♦ ၂၃၇, * ၁၇၆. ဣတ္ထီယတော အာပစ္စယော။
ဣတ္ထိယံ ဝတ္တမာနာယ အကာရတော အာပစ္စယော ဟောတိ။
သဗ္ဗာ, ယာ, သာ, ကာ။ ကတရာ။
֍ ♦ ၂၃၈, * ၁၈၇. နဒါဒိတော ဝါ ဤ။
နဒါဒိတော ဝါအနဒါဒိတောဝါ ဣတ္ထိယံ ဝတ္တမာနာယ ဤပစ္စယော ဟောတိ။
နဒီ, မဟီ, ကုမာရီ, တရုဏီ, သခီ, ဣတ္ထီ။
(ကစ္စည်း၊၁၂၇။)֍ ♦ ၂၃၉, * ၁၉၀. ဏဝ ဏိက ဏေယျ ဏ န္တုဟိ။
ဏဝ ဏိက ဏေယျ ဏ န္တုဣစ္စေတေဟိ ဣတ္ထိယံ ဝတ္တမာနေဟိ ဤပစ္စယော ဟောတိ။
မာဏဝီ, ပဏ္ဍဝီ, နာဝိကီ, ဝေနတေယျီ, ကုန္တေယျီ, ဂေါတမီ, ဂုဏဝတီ, သာမာဝတီ။
֍ ♦ ၂၄၀, * ၁၉၃. ပတိ ဘိက္ခုရာဇီကာရန္တေဟိ ဣနီ။
ပတိ ဘိက္ခု ရာဇီကာရန္တေဟိ ဣတ္ထိယံ ဝတ္တမာနေဟိ ဣနီပစ္စယော ဟောတိ။
ဂဟပတာနီ, ဘိက္ခုနီ, ရာဇိနီ, ဟတ္ထိနီ, ဒဏ္ဍိနီ, မေဓာဝိနီ, တပဿိနီ။
֍ ♦ ၂၄၁, * ၁၉၁. န္တုဿ တမီကာရေ။
သဗ္ဗဿေဝ န္တုပစ္စယဿ တကာရော ဟောတိ ဝါ ဤကာရေ ပရေ။
ဂုဏဝတီ, ဂုဏဝန္တီ, ကုလဝတီ, ကုလဝန္တီ, သတိမတီ။ သတိမန္တီ, မဟတီ, မဟန္တီ, ဂေါတ္တမတီ, ဂေါတ္တမန္တီ။
သဗ္ဗဿေဝ ဘဝန္တသဒ္ဒဿ ဘောတာဒေသော ဟောတိ ဤကာရေ ဣတ္ထိဂတေ ပရေ။
ဘောတိ အယျေ, ဘောတိ ကညေ, ဘောတိ ခရာဒိယေ။
(ကစ္စည်း၊၁၂၈။)သဗ္ဗဿေဝ ဘဝန္တသဒ္ဒဿ ဘောအာဒေသော ဟောတိ ဂေ ပရေ။
ဘော ပုရိသ, ဘော အဂ္ဂိ, ဘော ရာဇ, ဘော သတ္ထ, ဘော ဒဏ္ဍိ, ဘော သယမ္ဘု။
ဂေတိ ကိမတ္ထံ? ဘဝတာ, ဘဝံ။
တုဂ္ဂဟဏေန အညသ္မိမ္ပိ ဝစနေ သဗ္ဗဿ ဘဝန္တသဒ္ဒဿ ဘောန္တ ဘန္တေ ဘောန္တော ဘဒ္ဒေ ဘောတာ ဘော တောဣစ္စေတေ အာဒေသာ ဟောန္တိ။
ဘောန္တ, ဘန္တေ, ဘောန္တော, ဘဒ္ဒေ, ဘောတာ, ဘောတော။
֍ ♦ ၂၄၄, * ၇၂. အကာရပိတာဒျန္တာနမာ။
အကာရော စ ပိတာဒီနမန္တော စ အတ္တမာပဇ္ဇတေ ဂေ ပရေ။
ဘော ပုရိသာ, ဘော ရာဇာ, ဘော ပိတာ, ဘော မာတာ, ဘော သတ္ထာ။
ဈလပဣစ္စေတေ ရဿမာပဇ္ဇန္တေ ဂေ ပရေ။
ဘော ဒဏ္ဍိ, ဘော သယမ္ဘု, ဘောတိ ဣတ္ထိ, ဘောတိဝဓု,
(ကစ္စည်း၊၁၂၉။)အာကာရော ရဿမာပဇ္ဇတေ ဝါ ဂေ ပရေ။
ဘော ရာဇ, ဘော ရာဇာ, ဘော အတ္တ, ဘော အတ္တာ, ဘော သခ, ဘော သခါ, ဘော သတ္ထ, ဘော သတ္ထာ။
ဣတိ နာမကပ္ပေ စတုတ္ထော ကဏ္ဍော။
ပဉ္စမကဏ္ဍ
֍ ♦ ၂၄၇, * ၂၆၁. တွာဒယော ဝိဘတ္တိသညာယော။
တောအာဒိ ယေသံ ပစ္စယာနံ, တေ ဟောန္တိ တွာဒယော။ တေ ပစ္စယာ တွာဒယော ဝိဘတ္တိသညာဝ ဒဋ္ဌဗ္ဗာ။
သဗ္ဗတော, ယတော, တတော, ကုတော, အတော, ဣတော, သဗ္ဗဒါ, ယဒါ, တဒါ, ကဒါ, ဣဓ, ဣဒါနိ။
֍ ♦ ၂၄၈, * ၂၆၀. ကွစိ တော ပဉ္စမျတ္ထေ။
ကွစိ တောပစ္စယော ဟောတိ ပဉ္စမျတ္ထေ။
သဗ္ဗတော, ယတော, တတော, ကုတော, အတော, ဣတော။
ကွစီတိ ကိမတ္ထံ? သဗ္ဗသ္မာ, ဣမသ္မာ။
(ကစ္စည်း၊၁၃၀။)֍ ♦ ၂၄၉, * ၂၆၆. တြ ထ သတ္တမိယာ သဗ္ဗနာမေဟိ။
တြထဣစ္စေတေ ပစ္စယာ ဟောန္တိ သတ္တမျတ္ထေ သဗ္ဗ နာမေဟိ။
သဗ္ဗတြ, သဗ္ဗတ္ထ, ယတြ, ယတ္ထ, တတြ, တတ္ထ။
သဗ္ဗဣစ္စေတသ္မာ ဓိပစ္စယော ဟောတိ ကွစိ သတ္တမျတ္ထေ။ သဗ္ဗဓိ, သဗ္ဗသ္မိံ။
ကိမိစ္စေတသ္မာ ဝပစ္စယော ဟောတိ သတ္တမျတ္ထေ။
ကွ ဂတောသိ တွ ဒေဝါနံပိယတိဿ။
֍ ♦ ၂၅၂, * ၂၇၁. ဟိံ ဟံ ဟိဉ္စနံ။
ကိမိစ္စေတသ္မာ ဟိံဟံဟိဉ္စနံဣစ္စေတေ ပစ္စယာ ဟောန္တိ သတ္တမျတ္ထေ။
ကုဟိံ, ကုလံ, ကုဟိဉ္စနံ။
တမှာ စ ဟိ ဟံဣစ္စေတေ ပစ္စယာ ဟောန္တိ သတ္တမျတ္ထေ။ တဟိံ, တဟံ။
(ကစ္စည်း၊၁၃၁။)စဂ္ဂဟဏံ ဟိဉ္စနဂ္ဂဟဏနိဝတ္တနတ္ထံ။
֍ ♦ ၂၅၄, * ၂၇၄. ဣမသ္မာ ဟ ဓာ စ။
ဣမသ္မာ ဟဓဣစ္စေတေ ပစ္စယာ ဟောန္တိ သတ္တမျတ္ထေ။ ဣဟ, ဣဓ။
စဂ္ဂဟဏမဝဓာရဏတ္ထံ။
တသ္မာ ယတော ဟိံပစ္စယော ဟောတိ သတ္တမျတ္ထေ။ ယဟိံ။
‘‘ကာလေ’’ဣစ္စေတံ အဓိကာရတ္ထံ ဝေဒိတဗ္ဗံ။
֍ ♦ ၂၅၇, * ၂၇၉. ကိံသဗ္ဗညေကယကုဟိဒါဒါစနံ။
ကိံ သဗ္ဗအည ဧက ယ ကုဣစ္စေတေဟိ ဒါ ဒါစနံဣစ္စေတေ ပစ္စယာ ဟောန္တိ ကာလေ သတ္တမျတ္ထေ။
ကဒါ, သဗ္ဗဒါ, အညဒါ, ဧကဒါ, ယဒါ, ကုဒါစနံ။
တဣစ္စေတသ္မာ ဒါနိ ဒါဣစ္စေတေ ပစ္စယာ ဟောန္တိ, ကာလေ သတ္တမျတ္ထေ။
(ကစ္စည်း၊၁၃၂။)စဂ္ဂဟဏမနုကဍ္ဎနတ္ထံ။
֍ ♦ ၂၅၉, * ၂၇၉. ဣမသ္မာ ရဟိ ဓုနာ ဒါနိ စ။
ဣမသ္မာ ရဟိ ဓုနာ ဒါနိဣစ္စေတေ ပစ္စယာ ဟောန္တိ ကာလေ သတ္တမျတ္ထေ။
တေရဟိ, အဓုနာ, ဣဒါနိ။
စဂ္ဂဟဏမနုကဍ္ဎနတ္ထံ။
֍ ♦ ၂၆၀, * ၂၇၇. သဗ္ဗဿ သော ဒါမှိ ဝါ။
သဗ္ဗဣစ္စေတဿ သကာရာဒေသော ဟောတိ ဝါ ဒါမှိ ပစ္စယေ ပရေ။
သဒါ, သဗ္ဗဒါ။
֍ ♦ ၂၆၁, * ၃၆၉. အဝဏ္ဏော ယေ လောပဉ္စ။
အဝဏ္ဏော ယေ ပစ္စယေ ပရေ လောပမာပဇ္ဇတေ။
ဗာဟုဿစ္စံ, ပဏ္ဍိစ္စံ, ဝေပုလ္လံ, ကာရုညံ, ကောသလ္လံ, သာမညံ, သောဟဇ္ဇံ။
֍ ♦ ၂၆၂, * ၃၉၁. ဝုဍ္ဎဿ ဇော ဣယိဋ္ဌေသု။
သဗ္ဗဿေဝ ဝုဍ္ဎသဒ္ဒဿ ဇောအာဒေသော ဟောတိ ဣယ ဣဋ္ဌဣစ္စေတေသု ပစ္စယေသု။
(ကစ္စည်း၊၁၃၃။)သဗ္ဗဿေဝ ပသတ္ထသဒ္ဒဿ သောအာဒေသော ဟောတိ, ဇာဒေသော စ ဣယဣဋ္ဌဣစ္စေတေသု ပစ္စယေသု။
သေယျော, သေဋ္ဌော, ဇေယျော, ဇေဋ္ဌော။
֍ ♦ ၂၆၄, * ၃၉၃. အန္တိကဿ နေဒေါ။
သဗ္ဗဿ အန္တိကသဒ္ဒဿ နေဒါဒေသော ဟောတိ ဣယ ဣဋ္ဌဣစ္စေတေသု ပစ္စယေသု။
နေဒိယော, နေဒိဋ္ဌော။
သဗ္ဗဿ ဗာဠှသဒ္ဒဿ သာဓာဒေသော ဟောတိ ဣယ ဣဋ္ဌဣစ္စေတေသု ပစ္စယေသု။
သာဓိယော, သာဓိဋ္ဌော။
သဗ္ဗဿ အပ္ပသဒ္ဒဿ ကဏ အာဒေသော ဟောတိ ဣယ ဣဋ္ဌဣစ္စေတေသု ပစ္စယေသု။
ကဏိယော, ကဏိဋ္ဌော။
(ကစ္စည်း၊၁၃၄။)သဗ္ဗဿ ယုဝသဒ္ဒဿ ကဏ အာဒေသော ဟောတိ ဣယ ဣဋ္ဌဣစ္စေတေသု ပစ္စယေသု။
ကနိယော, ကနိဋ္ဌော။
စဂ္ဂဟဏမနုကဍ္ဎနတ္ထံ။
֍ ♦ ၂၆၈, * ၃၉၇. ဝန္တုမန္တု ဝီနဉ္စ လောပေါ။
ဝန္တုမန္တုဝီဣစ္စေတေသံ ပစ္စယာနံ လောပေါ ဟောတိ ဣယဣဋ္ဌဣစ္စေတေသု ပစ္စယေသု။
ဂုဏိယော, ဂုဏိဋ္ဌော, သတိယော, သတိဋ္ဌော, မေဓိယော, မေဓိဋ္ဌော။
֍ ♦ ၂၆၉, * ၄၀၁. ယဝတံ တ လ ဏ ဒကာရာနံ ဗျဉ္ဇနာနိ စ လ ဉ ဇကာရတ္တံ။
ယကာရဝန္တာနံ တ လ ဏ ဒကာရာနံ ဗျဉ္ဇနာနိ စ လ ဉ ဇကာရတ္တမာပဇ္ဇန္တေ ယထာသင်္ချံ။
ဗာဟုဿစ္စံ, ပဏ္ဍိစ္စံ, ဝေပုလ္လံ, ကာရုညံ, ကောသလ္လံ, နေပုညံ, သာမညံ, သောဟဇ္ဇံ။
ယ ဝ တမိတိ ကိမတ္ထံ? တိဏဒလံ။
တ လ ဏ ဒကာရာနမိတိ ကိမတ္ထံ? အာလသျံ, အာရောဂျံ။
(ကစ္စည်း၊၁၃၅။)ဗျဉ္ဇနာနမိတိ ကိမတ္ထံ? မစ္စုနာ။
ကာရဂ္ဂဟဏံ ကိမတ္ထံ? ယကာရဿ မကာရာဒေသဉာပနတ္ထံ။ ဩပမ္မံ။
֍ ♦ ၂၇၀, * ၁၂၀. အမှ တုမှန္တုရာဇ ဗြဟ္မတ္တ သခသတ္ထု ပိတာဒီဟိသ္မာ နာဝ။
အမှ တုမှန္တုရာဇ ဗြဟ္မ အတ္တ သခ သတ္ထု ပိတုဣစ္စေဝမာဒီဟိ သ္မာဝစနံ နာဝ ဒဋ္ဌဗ္ဗံ။
မယာ, တယာ, ဂုဏဝတာ, ရညာ, ဗြဟ္မုနာ, အတ္တနာ, သခိနာ, သတ္ထာရာ, ပိတရာ, မာတရာ, ဘာတရာ, ဓီတရာ, ကတ္တာရာ, ဝတ္တာရာ။
ဧတေဟီတိ ကိမတ္ထံ? ပုရိသာ။
ဣတိ နာမကပ္ပေ ပဉ္စမော ကဏ္ဍော
နာမကပ္ပော နိဋ္ဌိတော။
(ကစ္စည်း၊၁၃၆။)၃. ကာရကကပ္ပ
ဆဋ္ဌကဏ္ဍ
֍ ♦ ၂၇၁, ၈၈, ၃၀၈. ယသ္မာ ဒပေတိ ဘယမာဒတ္တေ ဝါ တဒပါဒါနံ။
ယသ္မာ ဝါ အပေတိ, ယသ္မာ ဝါ ဘယံ ဇာယတေ, ယသ္မာ ဝါ အာဒတ္တေ, တံ ကာရကံ အပါဒါနသညံ ဟောတိ။
တံ ယထာ? ဂါမာ အပေန္တိ မုနယော, နဂရာ နိဂ္ဂတော ရာဇာ, စောရာ ဘယံ ဇာယတေ, အာစရိယုပဇ္ဈာယေဟိ သိက္ခံ ဂဏှာတိ သိဿော။
အပါဒါနမိစ္စနေန ကွတ္ထော? အပါဒါနေ ပဉ္စမီ။
֍ ♦ ၂၇၂, * ၃၀၉. ဓာတုနာ မာနမုပသဂ္ဂယောဂါဒွီသွပိ စ။
ဓာတုနာမာနံ ပယောဂေ စ ဥပသဂ္ဂယောဂါဒီသွပိ စ တံ ကာရကံ အပါဒါနသညံ ဟောတိ။
ဓာတူနံ ပယောဂေ တာဝ ဇိဣစ္စေတဿ ဓာတုဿ ပရာပုဗ္ဗဿ ပယောဂေ ယော အသဟော, သော အပါဒါနသညော ဟောတိ။
တံ ယထာ? ဗုဒ္ဓသ္မာ ပရာဇေန္တိ အညတိတ္ထိယာ။
(ကစ္စည်း၊၁၃၇။)ဘူဣစ္စေတဿ ဓာတုဿ ပပုဗ္ဗဿ ပယောဂေ ယတော အစ္ဆိန္နပ္ပဘဝေါ, သော အပါဒါနသညော ဟောတိ။
တံ ယထာ? ဟိမဝတာ ပဘဝန္တိ ပဉ္စ မဟာနဒိယော, အနဝတတ္တမှာ ပဘဝန္တိ မဟာသရာ, အစိရဝတိယာ ပဘဝန္တိ ကုန္နဒိယော။
နာမပ္ပယောဂေပိ တံ ကာရကံ အပါဒါနသညံ ဟောတိ။
တံ ယထာ? ဥရသ္မာ ဇာတော ပုတ္တော, ဘူမိတော နိဂ္ဂတော ရသော, ဥဘတော သုဇာတော ပုတ္တော မာတိတော စ ပိတိတော စ။
ဥပသဂ္ဂယောဂေ တံ ကာရကံ အပါဒါနသညံ ဟောတိ။
တံ ယထာ? အပသာလာယ အာယန္တိ ဝါဏိဇာ, အာဗြဟ္မလောကာ သဒ္ဒေါ အဗ္ဘုဂ္ဂစ္ဆတိ ဥပရိ ပဗ္ဗတာ ဒေဝေါ ဝဿတိ, ဗုဒ္ဓသ္မာ ပတိ သာရိပုတ္တော ဓမ္မဒေသနာယ ဘိက္ခူ အာလပတိ တေမာသံ, ဃတမဿ တေလသ္မာ ပတိ ဒဒါတိ, ဥပ္ပလမဿ ပဒုမသ္မာ ပတိ ဒဒါတိ, ကနကမဿ ဟိရညသ္မာ ပတိ ဒဒါတိ။
အာဒိဂ္ဂဟဏေန ကာရကမဇ္ဈေပိ ပဉ္စမီဝိဘတ္တိ ဟောတိ။ ဣတော ပက္ခသ္မာ ဝိဇ္ဈတိ မိဂံ လုဒ္ဒကော, ကောသာ ဝိဇ္ဈတိ ကုဉ္ဇရံ, မာသသ္မာ ဘုဉ္ဇတိ ဘောဇနံ။
(ကစ္စည်း၊၁၃၈။)အပိဂ္ဂဟဏေန နိပါတပယောဂေပိ ပဉ္စမီဝိဘတ္တိ ဟောတိ ဒုတိယာ စ တတိယာ စ။ ရဟိတာ မာတုဇာ ပုညံ ကတွာ ဒါနံ ဒေတိ, ရဟိတာ မာတုဇံ, ရဟိတာ မာတုဇေန ဝါ။ ရိတေ သဒ္ဓမ္မာ ကုတော သုခံ လဘတိ, ရိတေ သဒ္ဓမ္မံ, ရိတေ သဒ္ဓမ္မေန ဝါ။ တေ ဘိက္ခူ နာနာ ကုလာ ပဗ္ဗဇိတာ, ဝိနာ သဒ္ဓမ္မာ နတ္ထညော ကောစိ နာထော လောကေ ဝိဇ္ဇတိ, ဝိနာ သဒ္ဓမ္မံ, ဝိနာ သဒ္ဓမ္မေန ဝါ။ ဝိနာ ဗုဒ္ဓသ္မာ, ဝိနာ ဗုဒ္ဓံ, ဝိနာ ဗုဒ္ဓေန ဝါ။
စဂ္ဂဟဏေန အညတ္ထာပိ ပဉ္စမီဝိဘတ္တိ ဟောတိ။ ယတောဟံ ဘဂိနိ အရိယာယ ဇာတိယာ ဇာတော။ ယတော သရာမိ အတ္တာနံ, ယတော ပတ္တောသ္မိ ဝိညုတံ, ယတွာဓိကရဏမေနံ စက္ခုန္ဒြိယံ အသံဝုတံ ဝိဟရန္တံ အဘိဇ္ဈာဒေါမနဿာ ပါပကာ အကုသလာ ဓမ္မာ အနွာသဝေယျုံ။
֍ ♦ ၂၇၃, * ၃၁၀. ရက္ခဏတ္ထာနမိစ္ဆိတံ။
ရက္ခဏတ္ထာနံ ဓာတူနံ ပယောဂေ ယံ ဣစ္ဆိတံ, တံ ကာရကံ အပါဒါနသညံ ဟောတိ။
ကာကေ ရက္ခန္တိ တဏ္ဍုလာ, ယဝါ ပဋိသေဓေန္တိ ဂါဝေါ။
ယေန ဝါ အဒဿနမိစ္ဆိတံ, တံ ကာရကံ အပါဒါနသညံ ဟောတိ။
ဥပဇ္ဈာယာ အန္တရဓာယတိ သိဿော, မာတရာ စ ပိတရာ စ အန္တရဓာယတိ ပုတ္တော။
(ကစ္စည်း၊၁၃၉။)ဝါတိ ကိမတ္ထံ? သတ္တမီဝိဘတျတ္တံ။ ဇေတဝနေ အန္တရဓာယတိ ဘဂဝါ။
֍ ♦ ၂၇၅, * ၃၁၂. ဒူရန္တိ ကဒ္ဓ ကာလ နိမ္မာန တွာလောပ ဒိသာယောဂဝိဘတ္တာရပ္ပယောဂ သုဒ္ဓပ္ပမောစန ဟေတု ဝိဝိတ္တပ္ပမာဏ ပုဗ္ဗယောဂဗန္ဓန ဂုဏဝစန ပဉှ ကထန ထောကာကတ္တူသု စ။
ဒူရတ္ထေ, အန္တိကတ္ထေ, အဒ္ဓနိမ္မာနေ, ကာလနိမ္မာနေ, တွာလောပေ, ဒိသာယောဂေ, ဝိဘတ္တေ, အာရပ္ပယောဂေ, သုဒ္ဓေ, ပမောစနေ, ဟေတွတ္ထေ, ဝိဝိတ္တတ္ထေ, ပမာဏေ, ပုဗ္ဗယောဂေ, ဗန္ဓနတ္ထေ, ဂုဏဝစနေ, ပဉှေ, ကထနေ, ထောကေ, အကတ္တရိ စ ဣစ္စေတေသွတ္ထေသု, ပယောဂေသု စ, တံ ကာရကံ အပါဒါနသညံ ဟောတိ။
ဒူရတ္ထေတာဝ – ကီဝ ဒူရော ဣတော နဠကာရဂါမော, ဒူရတော ဝါ ဂမ္မ, အာရကာ တေ မောဃပုရိသာ ဣမသ္မာ ဓမ္မဝိနယာ။ ဒုတိယာ စ တတိယာ စ, ဒူရံ ဂါမံ အာဝတော, ဒူရေန ဂါမေန ဝါ အာဂတော။ အာရကာ ဣမံ ဓမ္မဝိနယံ, အနေန ဓမ္မဝိနယေန ဝါ ဣစ္စေဝမာဒိ။
အန္တိကတ္ထေ – အန္တိကံ ဂါမာ, အာသန္နံ ဂါမာ, သမီပံ ဂါမာ, သမီပံ သဒ္ဓမ္မာ။ ဒုတိယာ စ တတိယာ စ, အန္တိကံ ဂါမံ, အန္တိကံ ဂါမေန ဝါ။ အာသန္နံ ဂါမံ, အာသန္နံ ဂါမေန ဝါ။ သမီပံ ဂါမံ။ သမီပံ ဂါမေန ဝါ။ သမီပံ သဒ္ဓမ္မံ, သမီပံ သဒ္ဓမ္မေန ဝါ ဣစ္စေဝမာဒိ။
(ကစ္စည်း၊၁၄၀။)အဒ္ဓနိမ္မာနေ – ဣတော မထုရာယ စတူသု ယောဇနေသု သင်္ကဿံ နာမ နဂရံ အတ္ထိ, တတ္ထ ဗဟူ ဇနာ ဝသန္တိ ဣစ္စေဝမာဒိ။
ကာလနိမ္မာနေ – ဣတော ဘိက္ခဝေ ဧကနဝုတိကပ္ပေ ဝိပဿီ နာမ ဘဂဝါ လောကေ ဥဒပါဒိ, ဣတော တိဏ္ဏံ မာသာနံ အစ္စယေန ပရိနိဗ္ဗာယိဿတိ ဣစ္စေဝမာဒိ။
တွာလောပေ ကမ္မာဓိကရဏေသု – ပါသာဒါ သင်္ကမေယျ, ပါသာဒံ အဘိရုဟိတွာ ဝါ။ ပဗ္ဗတာ သင်္ကမေယျ, ပဗ္ဗတံ အဘိရုဟိတွာ ဝါ။ ဟတ္ထိက္ခန္ဓာ သင်္ကမေယျ, ဟတ္ထိက္ခန္ဓံ အဘိရုဟိတွာ ဝါ။ အာသနာ ဝုဋ္ဌဟေယျ။ အာသနေ နိသီဒိတွာ ဝါ ဣစ္စေဝမာဒိ။
ဒိသာယောဂေ – အဝိစိတော ယာဝ ဥပရိဘဝဂ္ဂမန္တရေ ဗဟူ သတ္တနိကာယာ ဝသန္တိ, ယတော ခေမံ တတော ဘယံ, ပုရတ္ထိမတော, ဒက္ခိဏတော, ပစ္ဆိမတော, ဥတ္တရတော အဂ္ဂီ ပဇ္ဇလန္တိ, ယတော အဿောသုံ ဘဂဝန္တံ, ဥဒ္ဓံ ပါဒတလာ အဓော ကေသမတ္ထကာ ဣစ္စေဝမာဒိ။
ဝိဘတ္တေ – ယတော ပဏီတတရော ဝါ ဝိသိဋ္ဌတရော ဝါ နတ္ထိ။ ဆဋ္ဌီ စ, ဆန္နဝုတီနံ ပါသဏ္ဍာနံ, ဓမ္မာနံ ပဝရံ ယဒိဒံ သုဂတဝိနယော ဣစ္စေဝမာဒိ။
(ကစ္စည်း၊၁၄၁။)အာရပ္ပယောဂေ – ဂါမဓမ္မာ ဝသလဓမ္မာ အသဒ္ဓမ္မာ အာရတိ ဝိရတိ ပဋိဝိရတိ, ပါဏာတိပါတာ ဝေရမဏီ ဣစ္စေဝမာဒိ။
သုဒ္ဓေ – လောဘနိယေဟိ ဓမ္မေဟိ သုဒ္ဓါ အသံသဋ္ဌော, မာတိတော စ ပိတိတော စ သုဒ္ဓါ အသံသဋ္ဌော အနုပကုဒ္ဓါ အဂရဟိတော ဣစ္စေဝမာဒိ။
ပမောစနေ – ပရိမုတ္တော ဒုက္ခသ္မာတိ ဝဒါမိ, မုတ္တောသ္မိ မာရဗန္ဓနာ, န တေ မုစ္စန္တိ မစ္စုနာ ဣစ္စေဝမာဒိ။
ဟေတွတ္ထေ – ကသ္မာ ဟေတုနာ, ကေန ဟေတုနာ, ကိဿ ဟေတုနာ, ကသ္မာ နု တုမှံ ဒဟရာ န မီယရေ, ကသ္မာ ဣဓေဝ မရဏံ ဘဝိဿတိ ဣစ္စေဝမာဒိ။
ဝိဝိတ္တတ္ထေ – ဝိဝိတ္တော ပါပကာ ဓမ္မာ, ဝိဝိစ္စေဝ ကာမေဟိ ဝိဝိစ္စ အကုသလေဟိ ဓမ္မေဟိ ဣစ္စေဝမာဒိ။
ပမာဏေ – ဒီဃသော နဝဝိဒတ္ထိယော သုဂတဝိဒတ္ထိယာ ပမာဏိကာ ကာရေတဗ္ဗာ, မဇ္ဈိမဿ ပုရိသဿ အဍ္ဎ တေဠသဟတ္ထာ ဣစ္စေဝမာဒိ။
ပုဗ္ဗယောဂေ – ပုဗ္ဗေဝ သမ္မောဓာ ဣစ္စေဝမာဒိ။
ဗန္ဓနတ္ထေ – သတသ္မာ ဗန္ဓော နရော။ တတိယာ စ, သတေန ဗန္ဓော နရော ရညာ ဣဏတ္ထေန ဣစ္စေဝမာဒိ။
(ကစ္စည်း၊၁၄၂။)ဂုဏဝစနေ – ပုညာယ သုဂတိံ ယန္တိ, စာဂါယ ဝိပုလံ ဓနံ, ပညာယ ဝိမုတ္တိမနော, ဣဿရိယာယ ဇနံ ရက္ခတိ ရာဇာ ဣစ္စေဝမာဒိ။
ပဉှေ တွာလောပေ ကမ္မာဓိကရဏေသု – အဘိဓမ္မာ ပုစ္ဆန္တိ, အဘိဓမ္မံ သုတွာ, အဘိဓမ္မေ ဌတွာ ဝါ။ ဝိနယာ ပုစ္ဆန္တိ, ဝိနယံ သုတွာ, ဝိနယေ ဌတွာ ဝါ။ ဒုတိယာ စ တတိယာ စ, အဘိဓမ္မံ, အဘိဓမ္မေန ဝါ။ ဝိနယံ, ဝိနယေန ဝါ။ ဧဝ သုတ္တာ, ဂေယျာ, ဂါထာယ, ဝေယျာကရဏာ, ဥဒါနာ, ဣတိဝုတ္တကာ, ဇာတကာ, အဗ္ဘုတဓမ္မာ, ဝေဒလ္လာ ဣစ္စေဝမာဒိ။
ကထနေ တွာလောပေ ကမ္မာဓိကရဏေသု – အဘိဓမ္မာ ကထယန္တိ, အဘိဓမ္မံ သုတွာ, အဘိဓမ္မေ ဌတွာ ဝါ။ ဝိနယာ ကထယန္တိ, ဝိနယံ သုတွာ, ဝိနယေ ဌတွာ ဝါ။ ဒုတိယာ စ တတိယာ စ, အဘိဓမ္မံ, အဘိဓမ္မေန ဝါ။ ဝိနယံ ဝိနယေန ဝါ။ ဧဝံ သုတ္တာ, ဂေယျာ, ဂါထာယ, ဝေယျာကရဏာ, ဥဒါနာ, ဣတိဝုတ္တကာ, ဇာတကာ, အဗ္ဘုတဓမ္မာ, ဝေဒလ္လာ ဣစ္စေဝမာဒိ။
ထောကေ – ထောကာ မုစ္စန္တိ။ အပ္ပမတ္တကာ မုစ္စန္တိ, ကိစ္ဆာ မုစ္စန္တိ။ တတိယာ စ။ ထောကေန, အပ္ပမတ္တကေန, ကိစ္ဆေန ဝါ ဣစ္စေဝမာဒိ။
အကတ္တရိစ – ကမ္မဿ ကတတ္တာ ဥပစိတတ္တာ ဥဿန္နတ္တာ ဝိပုလတ္တာ စက္ခုဝိညာဏံ ဥပ္ပန္နံ ဟောတိ ဣစ္စေဝမာဒိ။
(ကစ္စည်း၊၁၄၃။)စဂ္ဂဟဏေန သေသေသုပိ ယေ မယာ နောပဒိဋ္ဌာ အပါဒါနပယောဂိကာ, တေ ပယောဂဝိစက္ခဏေဟိ ယထာယောဂံ ယောဇေတဗ္ဗာ။
֍ ♦ ၂၇၆, * ၃၀၂. ယဿ ဒါတုကာမော ရောစတေ ဓာရယတေ ဝါ တံ သမ္ပဒါနံ။
ယဿ ဝါ ဒါတုကာမော ယဿ ဝါရောစတေ, ယဿ ဝါ ဓာရယတေ, တံ ကာရကံ သမ္ပဒါနသညံ ဟောတိ။
သမဏဿ စီဝရံ ဒဒါတိ, သမဏဿ ရောစတေ သစ္စံ, ဒေဝဒတ္တဿ သုဝဏ္ဏစ္ဆတ္တံ ဓာရယတေ ယညဒတ္တော။
သမ္ပဒါနမိစ္စနေန ကွတ္ထော? သမ္ပဒါနေ စတုတ္ထီ။
ဝါတိ ဝိကပ္ပနတ္ထံ, ဓာတုနာမာနံ ပယောဂေ ဝါ ဥပသဂ္ဂပ္ပယောဂေ ဝါ နိပါတပ္ပယောဂေ ဝါ သတိ အတ္ထဝိကပ္ပနတ္ထံ ဝါတိ ပဒံ ပယုဇ္ဇတိ။
֍ ♦ ၂၇၇, * ၃၀၃. သိလာဃ ဟနု ဌာ သပ ဓာရ ပိဟ ကုဓ ဒုဟိဿောသူယ ရာဓိက္ခ ပစ္စာသုဏ အနုပတိဂိဏ ပုဗ္ဗကတ္တာရောစနတ္ထ တဒတ္ထ တုမတ္ထာလမတ္ထ မညာနာဒရပ္ပာဏိနိ, ဂတျတ္ထကမ္မနိ, အာသီသတ္ထ သမ္မုတိ ဘိယျ သတ္တမျတ္ထေသု စ။
(ကစ္စည်း၊၁၄၄။)သိလာဃ ဟနု ဌာ သပ ဓာရ ပိဟ ကုဓ ဒုဟ ဣဿဣစ္စေတေသံ ဓာတူနံ ပယောဂေ, ဥသူယတ္ထာနဉ္စ ပယောဂေ, ရာဓိက္ခပ္ပယောဂေ, ပစ္စာသုဏအနုပတိဂိဏာနံ ပုဗ္ဗကတ္တရိ, အာရောစနတ္ထေ, တဒတ္ထေ, တုမတ္ထေ, အလမတ္ထေ, မညတိပ္ပယောဂေ အနာဒရေ အပ္ပာဏိနိ, ဂတျတ္ထာနံ ဓာတူနံ ကမ္မနိ, အာသီသတ္ထေ စ သမ္မုတိ ဘိယျ သတ္တမျတ္ထေသု စ, တံ ကာရကံ သမ္ပဒါနသညံ ဟောတိ။
သိလာဃပ္ပယောဂေ တာဝ – ဗုဒ္ဓဿ သိလာဃတေ, ဓမ္မဿ သိလာဃတေ, သံဃဿ သိလာဃတေ, သကံဥပဇ္ဈာယဿ သိလာဃတေ, တဝ သိလာဃတေ မမ သိလာဃတေ ဣစ္စေဝမာဒိ။
ဟနုပ္ပယောဂေ – ဟနုတေ တုယှမေဝ, ဟနုတေ မယှမေဝ ဣစ္စေဝမာဒိ။
ဌာပယောဂေ – ဥပတိဋ္ဌေယျ သကျပုတ္တာနံ ဝဍ္ဎကီ, ဘိက္ခုဿ ဘုဉ္ဇန္တဿ ပါနီယေန ဝါ ဝိဓူပနေန ဝါ ဥပတိဋ္ဌေယျ ဘိက္ခုနီ ဣစ္စေဝမာဒိ။
သပပ္ပယောဂေ – တုယှံ သပတေ, မယှံ သပတေ ဣစ္စေဝမာဒိ။
ဓာရပ္ပယောဂေ – သုဝဏ္ဏံ တေ ဓာရယတေ ဣစ္စေဝမာဒိ။
ပိဟပ္ပယောဂေ – ဗုဒ္ဓဿ အညတိတ္ထိယာ ပိဟယန္တိ, ဒေဝါ ဒဿနကာမာ တေ, ယတော ဣစ္ဆာမိ ဘဒ္ဒန္တဿ, သမိဒ္ဓါနံ ပိဟယန္တိ ဒလိဒ္ဒါ ဣစ္စေဝမာဒိ။
(ကစ္စည်း၊၁၄၅။)ကုဓဒုဟဣဿဥသူယပ္ပယောဂေ – ကောဓယတိ ဒေဝ ဒတ္တဿ, တဿ ကုဇ္ဈ မဟာဝီရ, မာ ရဋ္ဌံ ဝိနဿ ဣဒံ။ ဒုဟယတိ ဒိသာနံ မေဃော, တိတ္ထိယာ သမဏာနံ ဣဿယန္တိ ဂုဏဂိဒ္ဓေန, တိတ္ထိယာ သမဏာနံ ဣဿယန္တိ လာဘဂိဒ္ဓေန, ဒုဇ္ဇနာ ဂုဏဝန္တာနံ ဥသူယန္တိ ဂုဏဂိဒ္ဓေန, ကာ ဥသူယာ ဝိဇာနတံ ဣစ္စေဝမာဒိ။
ရာဓ ဣက္ခ ဣစ္စေတေသံ ဓာတူနံ ပယောဂေ ယဿ အကထိတဿ ပုစ္ဆနံ ကမ္မဝိက္ချာပနတ္ထဉ္စ, တံ ကာရကံ သမ္ပဒါနသညံ ဟောတိ, ဒုတိယာ စ။
အာရာဓောဟံ ရညော, အာရာဓောဟံ ရာဇာနံ, ကျာဟံ အယျာနံ အပရဇ္ဈာမိ, ကျာဟံ အယျေ အပရဇ္ဈာမိ, စက္ခုံ ဇနဿ ဒဿနာယ တံ ဝိယ မညေ, အာယသ္မတော ဥပါလိတ္ထေရဿ ဥပသမ္ပဒါပေက္ခော ဥပတိဿော, အာယသ္မန္တံ ဝါ ဣစ္စေဝမာဒိ။
ပစ္စာသုဏ အနုပတိဂိဏာနံ ပုဗ္ဗကတ္တရိ သုဏောတိဿ ပစ္စာယောဂေ ယဿ ကမ္မုနော ပုဗ္ဗဿ ယော ကတ္တာ, သော သမ္ပဒါနသညော ဟောတိ။
တံ ယထာ? ဘဂဝါ ဘိက္ခူ ဧတဒဝေါစ။
(ကစ္စည်း၊၁၄၆။)ဘိက္ခူတိ အကထီတ ကမ္မံ, ဧတန္တိ ကထိတကမ္မံ။ ယဿ ကမ္မုနော ပုဗ္ဗဿ ယော ကတ္တာ, သော‘ဘဂဝါ’တိ ‘‘ယော ကရောတိ သ ကတ္တာ’’တိ သုတ္တဝစနေန ကတ္တုသညော။ ဧဝံ ယဿ ကမ္မုနော ပုဗ္ဗဿ ယော ကတ္တာ, သော သမ္ပဒါနသညော ဟောတိ။
တံ ယထာ? တေ ဘိက္ခူ ဘဂဝတော ပစ္စဿောသုံ, အာသုဏန္တိ ဗုဒ္ဓဿ ဘိက္ခူ။
ဂိဏဿ အနုပတိယောဂေ ယဿ ကမ္မုနော ပုဗ္ဗဿ ယော ကတ္တာ, သော သမ္ပဒါနသညော ဟောတိ။
တံ ယထာ? ဘိက္ခု ဇနံ ဓမ္မံ သာဝေတိ, တဿ ဘိက္ခုနော ဇနော အနုဂိဏာတိ, တဿ ဘိက္ခုနော ဇနော ပတိဂိဏာတိ။
ယော ဝဒေတိ သ‘ကတ္တာ’တိ၊
ဝုတ္တံ ‘ကမ္မ’န္တိ ဝုစ္စတိ။
ယော ပဋိဂ္ဂါဟကော တဿ၊
‘သမ္ပဒါနံ’ ဝိဇာနိယာ။
ဣစ္စေဝမာဒိ။
အာရောစနတ္ထေ – အာရောစယာမိ ဝေါ ဘိက္ခဝေ, အာမန္တယာမိ ဝေါ ဘိက္ခဝေ, ပဋိဝေဒယာမိ ဝေါ ဘိက္ခဝေ, အာရောစယာမိ တေ မဟာရာဇ, အာမန္တယာမိ တေ မဟာရာဇ, ပဋိဝေဒယာမိ တေ မဟာရာဇ ဣစ္စေဝမာဒိ။
တဒတ္ထေ – ဦနဿ ပါရိပူရိယာ တံ စီဝရံ နိက္ခိပိတဗ္ဗံ။ ဗုဒ္ဓဿ အတ္ထာယ, ဓမ္မဿ အတ္ထာယ, သံဃဿ အတ္ထာယ, ဇီဝိတံ ပရိစ္စဇာမိ ဣစ္စေဝမာဒိ။
(ကစ္စည်း၊၁၄၇။)တုမတ္ထေ -လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဗုဒ္ဓါ လောကေ ဥပ္ပဇ္ဇတိ။ ဘိက္ခူနံ ဖာသုဝိဟာရာယ ဝိနယော ပညတ္တော ဣစ္စေဝမာဒိ။
အလမတ္ထပ္ပယောဂေ-အလမိတိ အရဟတိ ပဋိက္ခိတ္တေသု။ အလံ မေ ဗုဒ္ဓါ, အလံ မေ ရဇ္ဇံ, အလံ ဘိက္ခု ပတ္တဿ, အလံ မလ္လော မလ္လဿ, အရဟတိ မလ္လော မလ္လဿ။ ပဋိက္ခိတ္တေ အလံ တေ ရူပံ ကရဏီယံ, အလံ မေ ဟိရညသုဝဏ္ဏေန ဣစ္စေဝမာဒိ။
မညတိပ္ပယောဂေ အနာဒရေ အပ္ပာဏိနိ-ကဋ္ဌဿ တုဝံ မညေ, ကလိင်္ဂရဿ တုဝံ မညေ။
အနာဒရေတိ ကိမတ္ထံ? သုဝဏ္ဏံ ဝိယ တံ မညေ။
အပ္ပာဏိနီတိ ကိမတ္ထံ? ဂဒြဘံ တုဝံ မညေ ဣစ္စေဝမာဒိ။
ဂတျတ္ထကမ္မနိ-ဂါမဿ ပါဒေန ဂတော, နဂရဿ ပါဒေန ဂတော, အပ္ပော သဂ္ဂါယ ဂစ္ဆတိ, သဂ္ဂဿ ဂမနေန ဝါ, မူလာယ ပဋိကဿေယျ သံဃော။ ဒုတိယာ စ, ဂါမံ ပါဒေန ဂတော, နဂရံ ပါဒေန ဂတော, အပ္ပော သဂ္ဂံ ဂစ္ဆတိ, သဂ္ဂံ ဂမနေန ဝါ, မူလံ ပဋိကဿေယျ သံဃော ဣစ္စေဝမာဒိ။
(ကစ္စည်း၊၁၄၈။)အာသီသတ္ထေ-အာယသ္မတော ဒီဃာယုကော ဟောတု, ဘဒ္ဒံ ဘဝတော ဟောတု, ကုသလံ ဘဝတော ဟောတု, အနာမယံ ဘဝတော ဟောတု, သုခံ ဘဝတော ဟောတု, သွာဂတံ ဘဝတော ဟောတု, အတ္ထော ဘဝတော ဟောတု, ဟိတံ ဘဝတော ဟောတု ဣစ္စေဝမာဒိ။
သမ္မုတိပ္ပယောဂေ– အညတြ သံဃသမ္မုတိယာ ဘိက္ခုဿ ဝိပ္ပဝတ္ထုံ န ဝဋ္ဋတိ, သာဓု သမ္မုတိ မေ တဿ ဘဂဝတော ဒဿနာယ ဣစ္စေဝမာဒိ။
ဘိယျပ္ပယောဂေ – ဘိယျောသော မတ္တာယံ ဣစ္စေဝမာဒိ။
သတ္တမျတ္ထေ – တုယှဉ္စဿ အာဝိ ကရောမိ, တဿ မေ သက္ကော ပါတုရဟောသိ ဣစ္စေဝမာဒိ။
အတ္ထဂ္ဂဟဏေန ဗဟူသု အက္ခရပ္ပယောဂေသု ဒိဿတိ။
တံ ယထာ? ဥပမံ မတ ကရိဿာမိ, ဓမ္မံ ဝေါ ဒေသေဿာမိ။
(ကစ္စည်း၊၁၄၉။)သာရတ္ထေ စ – ဒေသေတု ဘန္တေ ဘဂဝါ ဓမ္မံ ဘိက္ခူနံ။ တဿ ဖာသု ဝိဟာရာယ ဟောတိ, ဧတဿ ပဟိဏေယျ, ယထာ နော ဘဂဝါ ဗျာကရေယျ, တထာပိ တေသံ ဗျာကရိဿာမ, ကပ္ပတိ သမဏာနံ အာယောဂေါ, အမှာကံ မဏိနာ အတ္ထော, ကိမတ္ထော မေ ဗုဒ္ဓေန, သေယျော မေ အတ္ထော, ဗဟူပကာရာ ဘန္တေ မဟာပဇာ ပတိဂေါတမီ ဘဂဝတော, ဗဟူပကာရာ ဘိက္ခဝေ မာတာပိတရော ပုတ္တာနံ ဣစ္စေဝမာဒိ။
သေသေသု အက္ခရပ္ပယောဂေသုပိ အညေပိ ပယောဂါ ပယောဂဝိစက္ခဏေဟိ ယောဇေတဗ္ဗာ။
စဂ္ဂဟဏံ ဝိကပ္ပနတ္ထဝါဂ္ဂဟဏာနုကဍ္ဎနတ္ထံ။ ယေ ကေစိ သဒ္ဒါ သမ္ပဒါနပ္ပယောဂိကာ မယာ နောပဒိဋ္ဌာ, တေသံ ဂဟဏတ္ထံ ဣဓ ဝိကပ္ပီယတိ ဝါသဒ္ဒေါ။
တံ ယထာ? ဘိက္ခုသံဃဿ ပဘူ အယံ ဘဂဝါ, ဒေသဿ ပဘူ အယံ ရာဇာ။ ခေတ္တဿ ပဘူ အယံ ဂဟပတိ, အရညဿ ပဘူ အယံ လုဒ္ဒကော ဣစ္စေဝမာဒိ။ ကွစိ ဒုတိယာ တတိယာ ပဉ္စမီ ဆဋ္ဌီ သတ္တမျတ္ထေသု စ။
֍ ♦ ၁၇၈, * ၃၂၀. ယောဓာရော တမောကာသံ။
ယော အာဓာရော, တံ ဩကာသသညံ ဟောတိ။ သွာဓာရော စတုဗ္ဗိဓော ဗျာပိကော, ဩပသိလေသိကော, ဝေသယိကော သာမီပိကော စာတိ။
(ကစ္စည်း၊၁၅၀။)တတ္ထ ဗျာပိကော တာဝ–ဇလေသု ခီရံ တိဋ္ဌတိ, တိလေသု တေလံ, ဥစ္ဆူသု ရသော။
ဩပသိလေသိကော–ပရိယင်္ကေ ရာဇာ သေတိ, အာသနေ ဥပဝိဋ္ဌော သံဃော။
ဝေသယိကော–ဘူမီသု မနုဿာ စရန္တိ, အန္တလိက္ခေ ဝါယူ ဝါယန္တိ။ အာကာသေ သကုဏာ ပက္ခန္ဒန္တိ။
သာမီပိကော–ဝနေ ဟတ္ထိနော စရန္တိ, ဂင်္ဂါယံ ဃောသော တိဋ္ဌတိ, ဝဇေ ဂါဝေါ ဒုဟန္တိ, သာဝတ္ထိယံ ဝိဟရတိ ဇေတဝနေ။
ဩကာသမိစ္စနေန ကွတ္ထော? ဩကာသေ သတ္တမီ။
֍ ♦ ၂၇၉, * ၂၉၂. ယေန ဝါ ကယိရတေ တံ ကရဏံ။
ယေန ဝါ ကယိရတေ, ယေန ဝါ ပဿတိ, ယေန ဝါ သုဏာတိ, တံ ကာရကံ ကရဏသညံ ဟောတိ။
ဒတ္တေန ဝိဟိံ လုနာတိ, ဝါသိယာ ကဋ္ဌံ တစ္ဆတိ, ဖရသုနာ ရုက္ခံ ဆိန္ဒတိ, ကုဒါလေန ပထဝိံ ခဏတိ, သတ္ထေန ကမ္မံ ကရောတိ။ စက္ခုနာ ရူပံ ပဿတိ။
ကရဏမိစ္စနေန ကွတ္ထော? ကရဏေ တတိယာ။
(ကစ္စည်း၊၁၅၁။)֍ ♦ ၂၈၀, * ၂၈၅. ယံ ကရောတိ တံ ကမ္မံ။
ယံ ဝါ ကရောတိ, ယံ ဝါ ပဿတိ, ယံ ဝါ သုဏာတိ, တံ ကာရကံ ကမ္မသညံ ဟောတိ။
ဆတ္တံ ကရောတိ, ရထံ ကရောတိ, ရူပံ ပဿတိ, သဒ္ဒံ သုဏာတိ, ကဏ္ဋကံ မဒ္ဒတိ, ဝိသံ ဂိလတိ။
ကမ္မမိစ္စနေန ကွတ္ထော? ကမ္မတ္ထေ ဒုတိယာ။
֍ ♦ ၂၈၁, * ၂၉၄. ယော ကရောတိ သ ကတ္တာ။
ယော ကရောတိ, သော ကတ္တုသညော ဟောတိ။
အဟိနာ ဒဋ္ဌော နရော, ဂရုဠေန ဟတော နာဂေါ။ ဗုဒ္ဓေန ဇိတော မာရော, ဥပဂုတ္တေန မာရော ဗန္ဓော။
ကတ္တုဣစ္စနေန ကွတ္ထော? ကတ္တရိ စ။
֍ ♦ ၂၈၂, * ၂၉၅. ယော ကာရေတိ သ ဟေတု။
ယော ကတ္တာရံ ကာရေတိ, သော ဟေတုသညော ဟောတိ, ကတ္တာ စ။
သော ပုရိသော တံ ပုရိသံ ကမ္မံ ကာရေတိ သော ပုရိသော တေန ပုရိသေန ကမ္မံ ကာရေတိ, သော ပုရိသော တဿ ပုရိသဿ ကမ္မံ ကာရေတိ။ ဧဝံ ဟာရေတိ ပါဌေတိ ပါစေတိ, ဓာရေတိ။
ဟေတုဣစ္စနေန ကွတ္ထော? ဓာတူဟိ ဏေ ဏယ ဏာပေ ဏာပယာ ကာရိတာနိ ဟေတွတ္ထေ။
(ကစ္စည်း၊၁၅၂။)֍ ♦ ၂၈၃, * ၃၁၆. ယဿ ဝါ ပရိဂ္ဂဟော တံ သာမီ။
ယဿ ဝါ ပရိဂ္ဂဟော, တံ သာမီသညံ ဟောတိ။
တဿ ဘိက္ခုနော ပဋိဝီသော, တဿ ဘိက္ခုနော ပတ္တော, တဿ ဘိက္ခုနော စီဝရံ, အတ္တနော မုခံ။
သာမီဣစ္စနေန ကွတ္ထော? သာမိသ္မိံ ဆဋ္ဌီ။
֍ ♦ ၂၈၄, * ၂၈၃. လိင်္ဂတ္ထေ ပဌမာ။
လိင်္ဂတ္ထာဘိဓာနမတ္တေ ပဌမာဝိဘတ္တိ ဟောတိ။
ပုရိသော, ပုရိသာ, ဧကော, ဒွေ, စ, ဝါ, ဟေ, အဟေ, ရေ, အရေ။
အာလပနတ္ထာ ဓိကေ လိင်္ဂတ္ထာဘိဓာနမတ္တေ စ ပဌမာဝိဘတ္တိ ဟောတိ။
ဘော ပုရိသ, ဘဝန္တော ပုရိသာ, ဘော ရာဇ, ဘဝန္တော ရာဇာနော, ဟေ သခေ, ဟေ သခိနော။
ကရဏကာရကေ တတိယာဝိဘတ္တိ ဟောတိ။
အဂ္ဂိနာ ကုဋိံ ဈာပေတိ, မနသာ စေ ပဒုဋ္ဌေန, မနသာ စေ ပသန္နေန, ကာယေန ကမ္မံ ကရောတိ။
(ကစ္စည်း၊၁၅၃။)သဟာဒိယောဂတ္ထေ စ တတိယာဝိဘတ္တိ ဟောတိ။
သဟာပိ ဂဂ္ဂေန သံဃော ဥပေါသထံ ကရေယျ, ဝိနာပိ ဂဂ္ဂေန, မဟတာ ဘိက္ခုသံဃေန သဒ္ဓိံ, သဟဿေန သမံ မိတာ။
ကတ္တရိ စ တတိယာဝိဘတ္တိ ဟောတိ။
ရညာ ဟတော ပေါသော, ယက္ခေန ဒိန္နော ဝရော, အဟိနာ ဒဋ္ဌော နရော။
ဟေတွတ္ထေ စ တတိယာဝိဘတ္တိ ဟောတိ။
အန္နေန ဝသတိ, ဓမ္မေန ဝသတိ, ဝိဇ္ဇာယ ဝသတိ, သက္ကာရေန ဝသတိ။
သတ္တမျတ္ထေ စ တတိယာဝိဘတ္တိ ဟောတိ။
(ကစ္စည်း၊၁၅၄။)တေန ကာလေန, တေန သမယေန။ (ယေန ကာလေန, ယေန သမယေန,) တေန ခေါ ပန သမယေန။
֍ ♦ ၂၉၁, * ၂၉၉. ယေနင်္ဂဝိကာရော။
ယေန ဗျာဓိမတာ အင်္ဂေန အင်္ဂိနော ဝိကာရော လက္ခီယတေ။ တတ္ထ တတိယာဝိဘတ္တိ ဟောတိ။
အက္ခိနာ ကာဏော, ဟတ္ထေန ကုဏီ, ကာဏံ ပဿတိ နေတ္တေန, ပါဒေန ခဉ္ဇော, ပိဋ္ဌိယာ ခုဇ္ဇော။
ဝိသေသနတ္ထေ စ တတိယာဝိဘတ္တိ ဟောတိ။
ဂေါတ္တေန ဂေါတမော နာထော, သုဝဏ္ဏေန အဘိရူပေါ, တပသာ ဥတ္တမော။
֍ ♦ ၂၉၃, * ၃၀၁. သမ္ပဒါနေ စတုတ္ထီ။
သမ္ပဒါနကာရကေ စတုတ္ထီဝိဘတ္တိ ဟောတိ။
ဗုဒ္ဓဿ ဝါ ဓမ္မဿ ဝါ သံဃဿ ဝါ ဒါနံ ဒေတိ, ဒါတာ ဟောတိ သမဏဿ ဝါ ဗြာဟ္မဏဿ ဝါ။
֍ ♦ ၂၉၄, * ၃၀၅. နမောယောဂါဒီသွပိ စ။
နမောယောဂါဒီသွပိ စ စတုတ္ထီဝိဘတ္တိ ဟောတိ။
(ကစ္စည်း၊၁၅၅။)နမော တေ ဗုဒ္ဓ ဝီရတ္ထု, သောတ္ထိ ပဇာနံ, နမော ကရောဟိ နာဂဿ, သွာဂတံ တေ မဟာရာဇ။
֍ ♦ ၂၉၅, * ၃၀၇. အပါဒါနေ ပဉ္စမီ။
အပါဒါနကာရကေ ပဉ္စမီဝိဘတ္တိ ဟောတိ။
ပါပါ စိတ္တံ နိဝါရယေ, အဗ္ဘာ မုတ္တောဝ စန္ဒိမာ, ဘယာ မုစ္စတိ သော နရော။
ကာရဏတ္ထေ စ ပဉ္စမီဝိဘတ္တိ ဟောတိ။
အနနုဗောဓာ အပ္ပဋိဝေဓာ စတုန္နံ အရိယသစ္စာနံ ယထာဘူတံ အဒဿနာ။
֍ ♦ ၂၉၇, * ၂၈၄. ကမ္မတ္ထေ ဒုတိယာ။
ကမ္မတ္ထေ ဒုတိယာဝိဘတ္တိ ဟောတိ။
ဂါဝံ ဟနတိ, ဝီဟယော လုနာတိ, သတ္ထံ ကရောတိ, ဃဋံ ကရောတိ, ရထံ ကရောတိ, ဓမ္မံ သုဏာတိ, ဗုဒ္ဓံ ပူဇေတိ, ဝါစံ ဘာသတီ, တဏ္ဍုလံ ဝစတိ, စောရံ ဃာတေတိ။
֍ ♦ ၂၉၈, * ၂၈၇. ကာလဒ္ဓါနမစ္စန္တသံယောဂေ။
ကာလဒ္ဓါနံ အစ္စန္တသံယောဂေ ဒုတိယာဝိဘတ္တိ ဟောတိ။
(ကစ္စည်း၊၁၅၆။)မာသံ မံသောဒနံ ဘုဉ္ဇတိ, သရဒံ ရမဏီယာ နဒီ, မာသံ သဇ္ဈာယတိ, ယောဇနံ ဝနရာဇိ, ယောဇနံ ဒီဃော ပဗ္ဗတော, ကောသံ သဇ္ဈာယတိ။
အစ္စန္တသံယောဂေတိ ကိမတ္ထံ? သံဝစ္ဆရေ ဘောဇနံ ဘုဉ္ဇတိ။
֍ ♦ ၂၉၉, * ၂၈၈. ကမ္မပ္ပဝဓနီယယုတ္တေ။
ကမ္မပ္ပဝစနီယယုတ္တေ ဒုတိယာဝိဘတ္တိ ဟောတိ။
တံ ခေါ ပန ဘဝန္တံ ဂေါတမံ ဧဝံ ကလျာဏော ကိတ္တိသဒ္ဒေါ အဗ္ဘုဂ္ဂတော, ပဗ္ဗဇိတမနုပဗ္ဗဇိံသု။
֍ ♦ ၃၀၀, * ၂၈၆. ဂတိ ဗုဒ္ဓိ ဘုဇ ပဌ ဟရ ကရ သယာဒီနံ ကာရိတေ ဝါ။
ဂတိ ဗုဒ္ဓိ ဘုဇ ပဌ ဟရ ကရ သယာဒီနံ ပယောဂေ ကာရိတေ ဒုတိယာဝိဘတ္တိ ဟောတိ ဝါ။
ပုရိသော ပုရိသံ (ဂါမံ) ဂါမယတိ, ပုရိသော ပုရိသေန ဝါ, ပုရိသော ပုရိသဿ ဝါ။ ဧဝံ ဗောဓယတိ, ဘောဇယတိ, ပါဌယတိ, ဟာရယတိ, ကာရယတိ, သယာပယတိ။ ဧဝံ သဗ္ဗတ္ထ ကာရိတေ။
֍ ♦ ၃၀၁, * ၂၁၅. သာမိသ္မိံ ဆဋ္ဌီ။
သာမိသ္မိံ ဆဋ္ဌီဝိဘတ္တိ ဟောတိ။
(ကစ္စည်း၊၁၅၇။)တဿ ဘိက္ခုနော ပဋိဝီသော, တဿ ဘိက္ခုနော ပတ္တော, တဿ ဘိက္ခုနော စီဝရံ, အတ္တနော မုခံ။
ဩကာသကာရကေ သတ္တမီဝိဘတ္တိ ဟောတိ။
ဂမ္ဘီရေ ဩဒကန္တိကေ, ပါပသ္မိံ ရမတိ မနော, ဘဂဝတိ ဗြဟ္မစရိယံ ဝုဿတိ ကုလပုတ္တော။
֍ ♦ ၃၀၃, * ၃၂၁. သာမိဿရာဓိပတိ ဒါယာဒ သက္ခီပတိဘူ ပသုတကုသလေဟိ စ။
သာမီ ဣဿရ အဓိပတိ ဒါယာဒ သက္ခီပတိဘူ ပသုတကုသလ ဣစ္စေတေဟိ ပယောဂေ ဆဋ္ဌီဝိဘတ္တိ ဟောတိ, သတ္တမီ စ။
ဂေါဏာနံ သာမီ, ဂေါဏေသု သာမီ, ဂေါဏာနံ ဣဿရော, ဂေါဏေသု ဣဿရော။ ဂေါဏာနံ အဓိပတိ, ဂေါဏေသု အဓိပတိ။ ဂေါဏာနံ ဒါယာဒေါ, ဂေါဏေသု ဒါယာဒေါ။ ဂေါဏာနံ သက္ခီ, ဂေါဏေသု သက္ခီ, ဂေါဏာနံ ပတိဘူ, ဂေါဏေသု ပတိဘူ။ ဂေါဏာနံ ပသုတော, ဂေါဏေသု ပသုတော။ ဂေါဏာနံ ကုသလော, ဂေါဏေသု ကုသလော။
နိဒ္ဓါရဏတ္ထေ စ ဆဋ္ဌီဝိဘတ္တိ ဟောတိ, သတ္တမီ စ။
(ကစ္စည်း၊၁၅၈။)ကဏှာ ဂါဝီနံ သမ္ပန္နခီရတမာ, ကဏှာ ဂါဝီသု သမ္ပန္နခီရတမာ။ သာမာ နာရီနံ ဒဿနီယတမာ, သာမာ နာရီသု ဒဿနီယတမာ။ မနုဿာနံ ခတ္တိယော သူရတမော, မနုဿေသု ခတ္တိယော သူရတမော။ ပထိကာနံ ဓာဝန္တော သီဃတမော, ပထိကေသု ဓာဝန္တော သီဃတမော။
အနာဒရေ ဆဋ္ဌီဝိဘတ္တိ ဟောတိ, သတ္တမီ စ။
ရုဒတော ဒါရကဿ ပဗ္ဗဇိ, ရုဒန္တသ္မိံ ဒါရကေ ပဗ္ဗဇိ။
֍ ♦ ၃၀၆, * ၂၈၉. ကွစိ ဒုတိယာ ဆဋ္ဌီနမတ္ထေ။
ဆဋ္ဌီနမတ္ထေ ကွစိ ဒုတိယာဝိဘတ္တိ ဟောတိ။
အပိဿု မံ အဂ္ဂိဝေဿန တိဿော ဥပမာ ပဋိဘံသု။
֍ ♦ ၃၀၇, * ၂၉၀. တတိယာသတ္တမီနဉ္စ။
တတိယာသတ္တမီနံ အတ္ထေ စ ကွစိ ဒုတိယာဝိဘတ္တိ ဟောတိ။
သစေ မံ သမဏော ဂေါတမော အာလပိဿတိ, တွဉ္စ မံ နာဘိဘာသသိ။ ဧဝံ တတိယတ္ထေ။
ပုဗ္ဗဏှသမယံ နိဝါသေတွာ, ဧကံ သမယံ ဘဂဝါ။ ဧဝံ သတ္တမျတ္ထေ။
(ကစ္စည်း၊၁၅၉။)တတိယာသတ္တမီနံ အတ္ထေ စ ကွစိ ဆဋ္ဌီဝိဘတ္တိ ဟောတိ။
ကတော မေ ကလျာဏော, ကတံ မေ ပါပံ။ ဧဝံ တတိယတ္ထေ။
ကုသလာ နစ္စဂီတဿ သိက္ခိတာ စာတုရိတ္ထိယော, ကုသလော တွံ ရထဿ အင်္ဂပစ္စင်္ဂါနံ။ ဧဝံ သတ္တမျတ္ထေ။
ကွစီတိ ကိမတ္ထံ? ယော ဝေါ အာနန္ဒ မယာ ဓမ္မော စ ဝိနယော စ ဒေသိတော ပညတ္တော, အာနန္ဒော အတ္ထေသု ဝိစက္ခဏော။
֍ ♦ ၃၀၉, * ၃၁၈. ဒုတိယာပဉ္စမီနဉ္စ။
ဒုတိယာပဉ္စမီနဉ္စ အတ္ထေ ကွစိ ဆဋ္ဌီဝိဘတ္တိ ဟောတိ။
တဿ ဘဝန္တိ ဝတ္တာရော, သဟသာ ကမ္မဿ ကတ္တာရော, ဧဝံ ဒုတိယတ္ထေ။
အဿဝနတာ ဓမ္မဿ ပရိဟာယန္တိ, ကိန္နု ခေါ အဟံ တဿ သုခဿ ဘာယာမိ, သဗ္ဗေ တသန္တိ ဒဏ္ဍဿ, သဗ္ဗေ ဘာယန္တိ မစ္စုနော, ဘီတော စတုန္နံ အာသီဝိသာနံ ဃောရဝိသာနံ, ဘာယာမိ ဃောရဝိသဿ နာဂဿ။ ဧဝံ ပဉ္စမျတ္ထေ။
(ကစ္စည်း၊၁၆၀။)֍ ♦ ၃၁၀, * ၃၂၄. ကမ္မ ကရဏ နိမိတ္တတ္ထေသု သတ္တမီ။
ကမ္မကရဏနိမိတ္တတ္ထေသု သတ္တမီဝိဘတ္တိ ဟောတိ။
သုန္ဒရာဝုသော ဣမေ အာဇီဝကာ ဘိက္ခူသု အဘိဝါဒေန္တိ။ ဧဝံ ကမ္မတ္ထေ။
ဟတ္ထေသု ပိဏ္ဍာယ စရန္တိ, ပတ္တေသု ပိဏ္ဍာယ စရန္တိ, ပထေသု ဂစ္ဆန္တိ။ ဧဝံ ကရဏတ္ထေ။
ဒီပိ စမ္မေသု ဟညတေ, ကုဉ္ဇရော ဒန္တေသု ဟညတေ, ဧဝံ နိမိတ္တတ္ထေ။
သမ္ပဒါနေ စ သတ္တမီဝိဘတ္တိ ဟောတိ။
သံဃေ ဒိန္နံ မဟပ္ဖလ, သံဃေ ဂေါတမီ ဒေဟိ, သံဃေ တေ ဒိန္နေ အဟဉ္စေဝ ပူဇိတော ဘဝိဿာမိ။
ပဉ္စမျတ္ထေ စ သတ္တမီဝိဘတ္တိ ဟောတိ။
ကဒလီသု ဂဇေ ရက္ခန္တိ။
ကာလဘာဝေသု စ ကတ္တရိ ပယုဇ္ဇမာနေ သတ္တမီဝိဘတ္တိ ဟောတိ။
(ကစ္စည်း၊၁၆၁။)ပုဗ္ဗဏှသမယေ ဂတော, သာယနှသမယေ အာဂတော။ ဘိက္ခူသု ဘောဇီယမာနေသု ဂတော, ဘုတ္တေသု အာဂတော။ ဂေါသုဒုယှမာနေသု ဂတော, ဒုဒ္ဓါသု အာဂတော။
֍ ♦ ၃၁၄, * ၃၂၈. ဥပ’ဈာဓိကိဿရဝစနေ။
ဥပအဓိဣစ္စေတေသံ ပယောဂေ အဓိကဣဿရဝစနေ သတ္တမီဝိဘတ္တိ ဟောတိ။
ဥပ ခါရိယံ ဒေါဏော, ဥပ နိက္ခေ ကဟာပဏံ။ အဓိ ဗြဟ္မဒတ္တေ ပဉ္စာလာ, အဓိ နစ္စေသု ဂေါတမီ, အဓိ ဒေဝေသု ဗုဒ္ဓါ။
֍ ♦ ၃၁၅, * ၃၂၉. မဏ္ဍိတု’ဿုက္ကေသု တတိယာ။
မဏ္ဍိတဥဿုက္ကဣစ္စေတေသွတ္ထေသု တတိယာဝိဘတ္တိ ဟောတိ, သတ္တမီ စ။
ဉာဏေန ပသီဒိတော, ဉာဏသ္မိံ ဝါ ပသီဒိတော, ဉာဏေန ဥဿုက္ကော, ဉာဏသ္မိံ ဝါ ဥဿုက္ကော တထာဂတော ဝါ တထာဂတဂေါတ္တော ဝါ။
ဣတိ နာမကပ္ပေ ကာရကကပ္ပော ဆဋ္ဌော ကဏ္ဍော။
ကာရကကပ္ပော နိဋ္ဌိတော။
၄. သမာသကပ္ပ
(ကစ္စည်း၊၁၆၂။)သတ္တမကဏ္ဍ
֍ ♦ ၃၁၆, * ၃၃၁. နာမာနံ သမာသော ယုတ္တတ္ထော။
တေသံ နာမာနံ ပယုဇ္ဇမာနပဒတ္ထာနံ ယော ယုတ္တတ္ထော, သော သမာသသညော ဟောတိ။
ကထိနဒုဿံ, အာဂန္တုကဘတ္တံ, ဇီဝိတိန္ဒြိယံ, သမဏဗြာဟ္မဏာ, သာရိပုတ္တမောဂ္ဂလ္လာနာ, ဗြာဟ္မဏ ဂဟပတိကာ။
နာမာနမိတိ ကိမတ္ထံ? ဒေဝဒတ္တော ပစတိ, ယညဒတ္တော ပစတိ။
ယုတ္တတ္ထောတိ ကိမတ္ထံ? ဘတော ရညော ပုတ္တော ဒေဝဒတ္တဿ။
သမာသဣစ္စနေန ကွတ္ထော? ကွစိ သမာသန္တဂတာနမကာရန္တော။
֍ ♦ ၃၁၇, * ၃၃၂. တေသံ ဝိဘတ္တိယော လောပါ စ။
တေသံ ယုတ္တတ္ထာနံ သမာသာနံ ဝိဘတ္တိယော လောပါ စ ဟောန္တိ။
(ကစ္စည်း၊၁၆၃။)တေသံဂဟဏေန သမာသတဒ္ဓိတာချာတကိတကာနံ ဝိဘတ္တိပစ္စယပဒက္ခရာဂမာ စ လောပါ ဟောန္တိ။ ဝါသိဋ္ဌော, ဝေနတေယျော။
စဂ္ဂဟဏ မဝဓာရဏတ္ထံ, ပဘင်္ကရော, အမတဒ္ဒဒေါ, မေဓင်္ကရော, ဒီပင်္ကရော။
֍ ♦ ၃၁၈, * ၃၃၃. ပကတိ စဿ သရန္တဿ။
လုတ္တာသု ဝိဘတ္တီသု အဿ သရန္တဿ လိင်္ဂဿ ပကတိရူပါနိ ဟောန္တိ။
စက္ခုသောတံ, မုခနာသိကံ, ရာဇပုတ္တော, ရာဇပုရိသော။
֍ ♦ ၃၁၉, * ၃၃၀. ဥပသဂ္ဂနိပါတပုဗ္ဗကော အဗျယီဘာဝေါ။
ဥပသဂ္ဂနိပါတပုဗ္ဗကော သမာသော အဗျယီဘာဝသညော ဟောတိ။
(ကစ္စည်း၊၁၆၄။)နဂရဿ သမီပေ ပဝတ္တတိ ကထာ ဣတိ ဥပနဂရံ, ဒရထာနံ အဘာဝေါ နိဒ္ဒရထံ, မကသာနံ အဘာဝေါ နိမ္မကသံ, ဝုဍ္ဎာနံ ပဋိပါဋိ ယထာဝုဍ္ဎံ, ယေ ယေ ဝုဍ္ဎာ ဝါ ယထာဝုဍ္ဎံ, ဇီဝဿ ယတ္တကော ပရိစ္ဆေဒေါ ယာဝဇီဝံ, စိတ္တမဓိကိစ္စ ပဝတ္တန္တိ တေ ဓမ္မာတိ အဓိစိတ္တံ, ပဗ္ဗတဿ တိရော တိရောပဗ္ဗတံ, သောတဿ ပတိ ပဝတ္တတိ နာဝါ ဣတိ ပတိသောတံ, ပါသာဒဿ အန္တော အန္တောပါသာဒံ။
အဗျယီဘာဝမိစ္စနေန ကွတ္ထော? အံဝိဘတ္တီန မကာရန္တာ အဗျယီဘာဝါ။
֍ ♦ ၃၂၀, * ၃၃၅. သော နပုံသကလိင်္ဂေါ။
သော အဗျယီဘာဝသမာသော နပုံသကလိင်္ဂေါဝ ဒဋ္ဌဗ္ဗော။
ကုမာရီသု အဓိကိစ္စ ပဝတ္တတိ ကထာ ဣတိ အဓိကုမာရိ, ဝဓုယာ သမီပေ ပဝတ္တတိ ကထာ ဣတိ ဥပဝဓု, ဂင်္ဂါယ သမီပေ ပဝတ္တတိ ကထာ ဣတိ ဥပဂင်္ဂံ, မဏိကာယ သမီပေ ပဝတ္တတိ ကထာ ဣတိ ဥပမဏိကံ။
ဒိဂုဿ သမာသဿ ဧကတ္တံ ဟောတိ, နပုံသကလိင်္ဂတ္တဉ္စ။
(ကစ္စည်း၊၁၆၅။)တယော လောကာ တိလောကံ, တယော ဒဏ္ဍာ တိဒဏ္ဍံ, တီဏိ နယနာနိ တိနယနံ, တယော သိင်္ဂါ တိသိင်္ဂံ။ စတဿော ဒိသာ စတုဒ္ဒိသံ, ပဉ္စ ဣန္ဒြိယာနိ ပဉ္စိန္ဒြိယံ။
֍ ♦ ၃၂၂, * ၃၅၉. တထာ ဒွန္ဒေ ပါဏိ တူရိယ ယောဂ္ဂသေနင်္ဂခုဒ္ဒဇန္တုက ဝိဝိဓဝိရုဒ္ဓ ဝိသဘာဂတ္ထာဒီနဉ္စ။
တထာ ဒွန္ဒေ သမာသေ ပါဏိ တူရိယ ယောဂ္ဂ သေနင်္ဂခုဒ္ဒဇန္တုက ဝိဝိဓဝိရုဒ္ဓ ဝိသဘာဂတ္ထဣစ္စေဝမာဒီနံ ဧကတ္တံ ဟောတိ, နပုံသကလိင်္ဂတ္တဉ္စ။
တံ ယထာ? စက္ခု စ သောတဉ္စ စက္ခုသောတံ, မုခဉ္စ နာသိကာ စ မုခနာသိကံ, ဆဝိ စ မံသဉ္စ လောဟိတဉ္စ ဆဝိမံသလောဟိတံ။ ဧဝံ ပါဏျင်္ဂတ္ထေ။
သင်္ခေါ စ ပဏဝေါ စ သင်္ခပဏဝံ, ဂီတဉ္စ ဝါဒိတဉ္စ ဂီတဝါဒိတံ, ဒဒ္ဒရိ စ ဍိဏ္ဍိမော စ ဒဒ္ဒရိဍိဏ္ဍိမံ။ ဧဝံ တူရိယင်္ဂတ္ထေ။
ဖာလော စ ပါစနဉ္စ ဖာလပါစနံ, ယုဂဉ္စ နင်္ဂလဉ္စ ယုဂနင်္ဂလံ။ ဧဝံ ယောဂ္ဂင်္ဂတ္ထေ။
အသိ စ စမ္မဉ္စ အသိစမ္မံ, ဓနု စ ကလာပေါ စ ဓနုကလာပံ, ဟတ္ထီ စ အဿော စ ဟတ္ထိအဿံ, ရထော စ ပတ္တိကော စ ရထပတ္တိကံ။ ဧဝံ သေနင်္ဂတ္ထေ။
(ကစ္စည်း၊၁၆၆။)ဍံသာ စ မကသာ စ ဍံသမကသံ, ကုန္ထော စ ကိပိလ္လိကော စ ကုန္ထကိပိလ္လိကံ, ကီဋော စ သရီသပေါ စ ကီဋသရီသပံ။ ဧဝံ ခုဒ္ဒဇန္တုကတ္ထေ။
အဟိ စ နကုလော စ အဟိနကုလံ, ဗိဠာရော စ မူသိကော စ ဗိဠာရမူသိကံ, ကာကော စ ဥလူကော စ ကာကောလူကံ။ ဧဝံ ဝိဝိဓဝိရုဒ္ဓတ္ထေ။
သီလဉ္စ ပညာဏဉ္စ သီလပညာဏံ, သမထော စ ဝိပဿနာ စ သမထဝိပဿနံ, ဝိဇ္ဇာ စ စရဏဉ္စ ဝိဇ္ဇာစရဏံ။ ဧဝံ ဝိသဘာဂတ္ထေ။
အာဒိဂ္ဂဟဏံ ကိမတ္ထံ? ဒါသီ စ ဒါသော စ ဒါသိဒါသံ, ဣတ္ထီ စ ပုမာ စ ဣတ္ထိပုမံ, ပတ္တော စ စီဝရဉ္စ ပတ္တစီဝရံ, ဆတ္တဉ္စ ဥပါဟနာ စ ဆတ္တုပါဟနံ, တိကဉ္စ စတုက္ကဉ္စ တိကစတုက္ကံ, ဝေနော စ ရထကာရော စ ဝေနရထကာရံ, သာကုဏိကော စ မာဂဝိကော စ သဝကုဏိကမာဂဝိကံ, ဒီဃော စ မဇ္ဈိမော စ ဒီဃမဇ္ဈိမံ ဣစ္စေဝမာဒိ။
֍ ♦ ၃၂၃, * ၃၆၀. ဝိဘာသာ ရုက္ခ တိဏ ပသုခ န ဓည ဇနပဒါဒီနဉ္စ။
(ကစ္စည်း၊၁၆၇။)ရုက္ခတိဏ ပသု ဓန ဓည ဇနပဒဣစ္စေဝမာဒီနံ ဝိဘာသာ ဧကတ္တံ ဟောတိ, နပုံသကလိင်္ဂတ္တဉ္စ ဒွန္ဒေ သမာသေ။ အဿတ္ထော စ ကပီတနော စ အဿတ္ထကပီတနံ, အဿတ္ထကပီတနာ ဝါ။ ဥသီရဉ္စ ဗီရဏဉ္စ ဥသီရဗီရဏံ, ဥသီရဗီရဏာ ဝါ။ အဇော စ ဧဠကော စ အဇေဠကံ, အဇေဠကာ ဝါ။ ဟိရညဉ္စ သုဝဏ္ဏဉ္စ ဟိရညသုဝဏ္ဏံ, ဟိရညသုဝဏ္ဏာ ဝါ။ သာလိ စ ယဝေါ စ သာလိယဝံ, သာလိယဝါ ဝါ။ ကာသီ စ ကောသလာ စ ကာသိကောသလံ, ကာသိကောသလာ ဝါ။
အာဒိဂ္ဂဟဏံ ကိမတ္ထံ? သာဝဇ္ဇဉ္စ အနဝဇ္ဇဉ္စ သာဝဇ္ဇာနဝဇ္ဇံ, သာဝဇ္ဇာ နဝဇ္ဇာ ဝါ။ ဟီနဉ္စ ပဏီတဉ္စ ဟီနပဏီတံ။ ဟီနပဏီတာ ဝါ။ ကဏှော စ သုက္ကော စ ကဏှသုက္ကံ, ကဏှသုက္ကာ ဝါ။
֍ ♦ ၃၂၄, * ၃၃၉. ဒွိပဒေ တုလျာဓိကရဏေ ကမ္မဓာရယော။
ဒွေ ပဒါနိ တုလျာဓိကရဏာနိ ယဒါ သမသျန္တေ, တဒါ သော သမာသော ကမ္မဓာရယသညော ဟောတိ။
(ကစ္စည်း၊၁၆၈။)မဟန္တော စ သော ပုရိသော စာတိ မဟာပုရိသော, ကဏှော စ သော သပ္ပော စာတိ ကဏှသပ္ပော, နီလဉ္စ တံ ဥပ္ပလဉ္စာတိ နီလုပ္ပလံ, လောဟိတဉ္စ တံ စန္ဒနဉ္စာတိ လောဟိတစန္ဒနံ, ဗြာဟ္မဏီ စ သာ ဒါရိကာ စာတိ ဗြာဟ္မဏဒါရိကာ, ခတ္တိယာ စ သာ ကညာ စာတိ ခတ္တိယကညာ။
ကမ္မဓာရယဣစ္စနေန ကွတ္ထော? ကမ္မဓာရယသညေ စ။
֍ ♦ ၃၂၅, * ၃၄၈. သင်္ချာပုဗ္ဗော ဒိဂု။
သင်္ချာပုဗ္ဗော ကမ္မဓာရယသမာသော ဒိဂုသညော ဟောတိ။
တီဏိ မလာနိ တိမလံ, တီဏိ ဖလာနိ တိဖလံ, တယော လောကာ တိလောကံ, တယော ဒဏ္ဍာ တိဒဏ္ဍံ, စတဿော ဒိသာ စတုဒ္ဒိသံ, ပဉ္စ ဣန္ဒြိယာနိ ပဉ္စိန္ဒြိယံ, သတ္တ ဂေါဒါဝရိယော သတ္တဂေါဒါဝရံ။
ဒိဂုဣစ္စနေန ကွတ္ထော? ဒိဂုဿေ ကတ္တံ။
֍ ♦ ၃၂၆, * ၃၄၁. ဥဘေ တပ္ပုရိသာ။
ဥဘေ ဒိဂုကမ္မဓာရယသမာသာ တပ္ပုရိသသညာ ဟောန္တိ။
(ကစ္စည်း၊၁၆၉။)န ဗြာဟ္မဏော အဗြာဟ္မဏော, န ဝသလော အဝသလော, န ဘိက္ခု အဘိက္ခု, န ပဉ္စဝဿံ အပဉ္စဝဿံ, န ပဉ္စပူလီ အပဉ္စပူလီ, န သတ္တဂေါဒါဝရံအသတ္တဂေါဒါဝရံ, န ဒသဂဝံ အဒသဂဝံ, န ပဉ္စဂဝံ အပဉ္စဂဝံ။
တပ္ပုရိသဣစ္စနေန ကွတ္ထော? အတ္တံ နဿ တပ္ပုရိသေ။
֍ ♦ ၃၂၇, * ၃၅၁. အမာဒယော ပရပဒေဘိ။
တာ အမာဒယော နာမေဟိ ပရပဒေဘိ ယဒါ သမသျန္တေ, တဒါ သော သမာသော တပ္ပုရိသသညော ဟောတိ။
ဘူမိံ ဂတော ဘူမိဂတော, သဗ္ဗရတ္တိံ သောဘဏော သဗ္ဗရတ္တိသောဘဏော။ အပါယံ ဂတော အပါယဂတော, ဣဿရေန ကတံ ဣဿရကတံ, သလ္လေန ဝိဒ္ဓါ သလ္လဝိဒ္ဓါ, ကထိနဿ ဒုဿံ ကထိနဒုဿံ, အာဂန္တုကဿ ဘတ္တံ အာဂန္တုကဘတ္တံ, မေထုနာ အပေတော မေထုနာပေတော, စောရာ ဘယံ စောရဘယံ, ရညော ပုတ္တော ရာဇပုတ္တော, ဓညာနံ ရာသိ ဓညရာသိ, ရူပေ သညာ ရူပသညာ, သံသာရေ ဒုက္ခံ သံသာရဒုက္ခံ။
֍ ♦ ၃၂၈, * ၃၅၂. အညပဒတ္ထေသု ဗဟုဗ္ဗီဟိ။
အညေသံ ပဒါနံ အတ္ထေသု ဒွေ နာမာနိ ဗဟူနိ နာမာနိ ယဒါ သမသျန္တေ, တဒါ သော သမာသော ဗဟုဗ္ဗီဟိ သညော ဟောတိ။
(ကစ္စည်း၊၁၇၀။)အာဂတာ သမဏာ ဣမံ သံဃာရာမံ သောယံ အာဂတသမဏော, သံဃာရာမော။ ဇိတာနိ ဣန္ဒြိယာနိ အနေန သမဏေန သောယံ ဇိတိန္ဒြိယော, သမဏော။ ဒိန္နော သုင်္ကော ယဿ ရညော သောယံ ဒိန္နသုင်္ကော, ရာဇာ။ နိဂ္ဂတာ ဇနာ အသ္မာ ဂါမာ သောယံ နိဂ္ဂတဇနော, ဂါမော။ ဆိန္နော ဟတ္တော ယဿ ပုရိသဿ သောယံ ဆိန္နဟတ္ထော, ပုရိသော။ သမ္ပန္နာနိ သဿာနိ ယသ္မိံ ဇနပဒေ သောယံ သမ္ပန္နသဿော, ဇနပဒေါ။
နိဂြောဓဿ ပရိမဏ္ဍလော နိဂြောဓပရိမဏ္ဍလော, နိဂြောဓပရိမဏ္ဍလော ဣဝ ပရိမဏ္ဍလော ယော ရာဇကုမာရော သောယံ နိဂြောဓပရိမဏ္ဍလော။ အထ ဝါ နိဂြောဓပရိမဏ္ဍလော ဣဝ ပရိမဏ္ဍလော ယဿ ရာဇကုမာရဿ သောယံ နိဂြောဓပရိမဏ္ဍလော, ရာဇကုမာရော။
စက္ခုနော ဘူတော စက္ခုဘူတော, စက္ခုဘူတော ဣဝ ဘူတော ယော ဘဂဝါ သောယံ စက္ခုဘူတော, ဘဂဝါ။
သုဝဏ္ဏဿ ဝဏ္ဏော သုဝဏ္ဏဝဏ္ဏော, သုဝဏ္ဏဝဏ္ဏော ဝိယ ဝဏ္ဏော ယဿ ဘဂဝတော သောယံ သုဝဏ္ဏဝဏ္ဏော, ဘဂဝါ။
ဗြဟ္မုနော သရော ဗြဟ္မဿရော, ဗြဟ္မဿရော ဝိယ သရော ယဿ ဘဂဝတော သောယံ ဗြဟ္မဿရော, ဘဂဝါ။
(ကစ္စည်း၊၁၇၁။)သယံ ပတိတ ပဏ္ဏ ပုပ္ဖဖလဝါယုတောယာဟာရာတိ ပဏ္ဏဉ္စ ပုပ္ဖဉ္စ ဖလဉ္စ ပဏ္ဏပုပ္ဖဖလာနိ, သယမေဝ ပတိတာနိ သယံပတိတာနိ, သယံပတိတာနိ စ တာနိ ပဏ္ဏပုပ္ဖဖလာနိ စေတိ သယံပတိတပဏ္ဏပုပ္ဖဖလာနိ ဝါယု စ တောယဉ္စ ဝါယုတောယာနိ, သယံပတိတပဏ္ဏပုပ္ဖဖလာနိ စ ဝါယုတောယာနိ စ သယံပတိတပဏ္ဏပုပ္ဖဖလဝါယုတောယာနိ။ သယံပတိတပဏ္ဏပုပ္ဖဖလဝါယုတောယာနိ အာဟာရာ ယေသံ တေ သယံပတိတပဏ္ဏပုပ္ဖဖလဝါယုတောယာဟာရာ, ဣသယော။ ယမေတ္ထ ဝတ္တဗ္ဗံ, တံ ဟေဋ္ဌာ ဝုတ္တမေဝ။ အယံ ပန ဒွန္ဒကမ္မဓာရယဂဗ္ဘော တုလျာဓိကရဏပဟုဗ္ဗီဟိ။
အထ ဝါ – သယံပတိတပဏ္ဏပုပ္ဖဖလဝါယုတောယေဟိ အာဟာရာ ယေသံ တေ သယံပတိတပဏ္ဏပုပ္ဖဖလဝါယုတောယာဟာရာ။ အယံ ပန ဘိန္နာဓိကရဏဗဟုဗ္ဗီဟိ။
နာနာ ဒုမပတိတ ပုပ္ဖဝါသိတ သာနူတိ နာနာပကာရာ ဒုမာ နာနာဒုမာ, နာနာဒုမေဟိ ပတိတာနိ နာနာဒုမပတိ တာနိ, နာနာဒုမပတိတာနိ စ တာနိ ပုပ္ဖာနိ စေတိ နာနာဒုမပတိတပုပ္ဖာနိ, နာနာဒုမပတိတပုပ္ဖေဟိ ဝါသိတာ နာနာဒုမပတိတပုပ္ဖဝါသိတာ, နာနာဒုမပတိတပုပ္ဖဝါသိတာ သာနူ ယဿ ပဗ္ဗတရာဇဿ သောယံ နာနာဒုမပတိတပုပ္ဖဝါသိတသာနု, ပဗ္ဗတရာဇာ။ အယံ ပန ကမ္မဓာရယတပ္ပုရိသဂဗ္ဘော တုလျာဓိကရဏဗဟုဗ္ဗီဟိ။
(ကစ္စည်း၊၁၇၂။)အထ ဝါ – ဝါသိတာ သာနူ ဝါသိတသာနု, သာပေက္ခတ္တေ သတိပိ ဂမကတ္တာ သမာသော။ နာနာဒုမပတိတပုပ္ဖေဟိ ဝါသိတသာနူ ယဿ ပဗ္ဗတရာဇဿ သောယံ နာနာဒုမပတိတပုပ္ဖဝါသိတသာနု, ပဗ္ဗတရာဇာ။ အယံ ပန ဘိန္နာဓိကရဏဗဟုဗ္ဗီဟိ။
ဗျာလမ္ဗမ္ဗုဓရဗိန္ဒုစုမ္ဗိတကူဋောတိ အမ္ဗုံ ဓာရေတီတိ အမ္ဗုဓရော, ကော သော? ပဇ္ဇုန္နော။ ဝိဝိဓာ အာလမ္ဗော ဗျာလမ္ဗော, ဗျာလမ္ဗော စ သော အမ္ဗုဓရော စာတိ ဗျာလမ္ဗမ္ဗုဓရော, ဗျာလမ္ဗမ္ဗုဓရဿ ဗိန္ဒူ ဗျာလမ္ဗမ္ဗုဓရဗိန္ဒူ, ဗျာလမ္ဗမ္ဗုဓရဗိန္ဒူဟိ စုမ္ဗိတော ဗျာလမ္ဗမ္ဗုဓရဗိန္ဒုစုမ္ဗိတော, ဗျာလမ္ဗမ္ဗုရေဗိန္ဒုစုမ္ဗိတော ကူဋော ယဿ ပဗ္ဗတရာဇဿ သောယံ ဗျာလမ္ဗမ္ဗုဓရဗိန္ဒုစုမ္ဗိတကူဋော။ အယံ ပန ကမ္မဓာရယတပ္ပုရိသဂဗ္ဘော တုလျာဓိကရဏဗဟုဗ္ဗီဟိ။
အထ ဝါ – စုမ္ဗိတော ကူဋော စုမ္ဗိတကူဋော, သာပေက္ခတ္တေ သတိပိ ဂမကတ္တာ သမာသော။ ဗျာလမ္ဗမ္ဗုဓရဗိန္ဒူဟိ စုမ္ဗိတကူဋော ယဿ ပဗ္ဗတရာဇဿ သောယံ ဗျာလမ္ဗမ္ဗုဓရဗိန္ဒုစုမ္ဗိတကူဋော။ အယံ ပန ဘိန္နာဓိကရဏဗဟုဗ္ဗီဟိ။
အမိတ ဗလ ပရက္ကမဇုတီတိ န မိတာ အမိတာ, ဗလဉ္စ ပရက္ကမော စ ဇုတိ စ ဗလပရက္ကမဇုတိယော, အမိတာ ဗလပရက္ကမဇုတိယော ယဿ သောယံ အမိတဗလပရက္ကမဇုတိ, အယံ ပန ကမ္မဓာရယဒွန္ဒဂဗ္ဘော တုလျာဓိကရဏဗဟုဗ္ဗီဟိ။
(ကစ္စည်း၊၁၇၃။)ပီဏောရက္ခံသ ဗာဟူတိ ဥရော စ အက္ခဉ္စ အံသော စ ဗာဟု စ ဥရက္ခံသဗာဟဝေါ, ပီဏာ ဥရက္ခံသဗာဟဝေါ ယဿ ဘဂဝတော သောယံ ပီဏောရက္ခံသဗာဟု။ အယံ ပန ဒွန္ဒဝဗ္ဘော တုလျာဓိကရဏဗဟုဗ္ဗီဟိ။
ပီဏ ဂဏ္ဍ ဝဒန ထနူရုဇဃနာတိ ဂဏ္ဍော စ ဝဒနဉ္စ ထနော စ ဦရု စ ဇဃနဉ္စ ဂဏ္ဍဝဒနထနူရုဇဃနာ, ပီဏာ ဂဏ္ဍဝဒနထနူရုဇဃနာ ယဿာ သာယံ ပီဏဂဏ္ဍဝဒနထနူရုဇဃနာ။ အယမ္ပိ ဒွန္ဒဂဗ္ဘော တုလျာဓိကရဏဗဟုဗ္ဗီဟိ။
(ကစ္စည်း၊၁၇၄။)ဝဝရ သုရာသုရ ဂရုဍ မနုဇ ဘုဇဂ ဂန္ဓဗ္ဗ မကုဋ ကူဋ စုမ္ဗိတ သေလသံဃဋ္ဋိတ စရဏောတိ သုရာ စ အသုရာ စ ဂရုဍာ စ မနုဇာ စ ဘုဇဂါ စ ဂန္ဓဗ္ဗာ စ သုရာသုရဂရုဍမနုဇဘုဇဂဂန္ဓဗ္ဗာ, ပဝရာ စ တေ သုရာသုရဂရုဍမနုဇဘုဇဂ ဂန္ဓဗ္ဗာ စေတိ ပဝရသုရာသုရဂရုဍမနုဇဘုဇဂဂန္ဓဗ္ဗာ, ပဝရသုရာသုရဂရုဍမနုဇဘုဇဂဂန္ဓဗ္ဗာနံ မကုဋာနိ ပဝရသုရာသုရဂရုဍမနုဇဘုဇဂဂန္ဓဗ္ဗမကုဋာနိ, ပဝရသုရာသုရဂရုဍမနုဇဘုဇဂဂန္ဓဗ္ဗမကုဋာနံ ကူဋာနိ ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋာနိ, ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋေသု စုမ္ဗိတာ ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတာ, ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတာ စ တေ သေလာ စာတိ ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတသေလာ, ပဝရသုရာသုရ ဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတသေလေဟိ သံဃဋ္ဋိတာ ပဝရသုရာသုရ ဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတသေလသံဃဋ္ဋိတာ, ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတသေလသံဃဋ္ဋိတာ စရဏာ ယဿ တထာဂတဿ သောယံ ပဝရသုရာသုရဂရုဍမနုဇဘုဇဂဂန္ဓဗ္ဗမကုဋကူဋစုမ္ဗိတသေလသံဃဋ္ဋိတစရဏော, တထာဂတော, အယံ ပန ဒွန္ဒကမ္မဓာရယတပ္ပုရိသဂဗ္ဘော တုလျာဓိကရဏဗဟုဗ္ဗီဟိ။
အထ ဝါ–သံဃဋ္ဋိတာ စရဏာ သံဃဋ္ဋိတစရဏာ, သာပေက္ခတ္တေ သတိပိ ဂမကတ္တာ သမာသော။ ပဝရသုရာသုရ ဂရုဍမနုဇဘုဇဂ ဂန္ဓဗ္ဗမကုဋကူဋစုမ္ဗိတသေလေဟိ သံဃဋ္ဋိတစရဏာ ယဿ တထာဂတဿ သောယံ ပဝရသုရာသုရဂရုဍ မနုဇဘုဇဂ ဂန္ဓဗ္ဗမကုဋကူဋစုမ္ဗိတသေလသံဃဋ္ဋိတ စရဏော။ အယံ ပန ဘိန္နာဓိကရဏဗဟုဗ္ဗီဟိ။
စတုဒ္ဒိသောတိ စတဿော ဒိသာ ယဿ သောယံ စတုဒ္ဒိသော, ဘဂဝါ။
ပဉ္စစက္ခူတိ ပဉ္စ စက္ခူနိ ယဿ တထာဂတဿ သောယံ ပဉ္စစက္ခု, တထာဂတော။
ဒသဗလောတိ ဒသ ဗလာနိ ယဿ သောယံ ဒသဗလော, ဘဂဝါ။
အနန္တဉာဏောတိ နဿ အန္တော အနန္တံ, အနန္တံ ဉာဏံ ယဿ တထာဂတဿ သောယံ အနန္တဉာဏော, တထာဂတော။
အမိတ ဃန သရီရောတိ န မိတံ အမိတံ, ဃနံ ဧဝ သရီရံ ဃနသရီရံ, အမိတံ ဃနသရီရံ ယဿ တထာဂတဿ သောယံ အမိတဃနသရီရော, တထာဂတော။
(ကစ္စည်း၊၁၇၅။)အမိတ ဗလ ပရက္ကမ ပတ္တောတိ န မိတာ အမိတာ, ဗလဉ္စ ပရက္ကမော စ ဗလပရက္ကမာ, အမိတာ ဧဝ ဗလပရက္ကမာ အမိတဗလပရက္ကမာ, အမိတဗလပရက္ကမာ ပတ္တာ ယေန သောယံ အမိတဗလပရက္ကမပတ္တော, ဘဂဝါ။ အယံ ပန ကမ္မဓာရယဒွန္ဒဂဗ္ဘော တုလျာဓိကရဏဗဟုဗ္ဗီဟိ။
မတ္တ ဘမရ ဂဏ စုမ္ဗိတ ဝိကသိတပုပ္ဖဝလ္လိနာဂရုက္ခော ပသောဘိတ ကန္ဒရောတိ မတ္တာ ဧဝ ဘမရာ မတ္တဘမရာ, မတ္တဘမရာနံ ဂဏာ မတ္တဘမရဂဏာ, မတ္တဘမရဂဏေဟိ စုမ္ဗိတာနိ မတ္တဘမရဏစုမ္ဗိတာနိ, ဝိကသိတာနိ ဧဝ ပုပ္ဖာနိ ဝိကသိတပုပ္ဖာနိ, မတ္တဘမရဂဏစုမ္ဗိတာနိ ဝိကသိတပုပ္ဖာနိ ယေသံ တေဟိ မတ္တဘမရဂဏစုမ္ဗိတဝိကသိတပုပ္ဖာ, ဝလ္လိ စ နာဂရုက္ခော စ မလ္လိနာဂရုက္ခာ, မတ္တဘမရဂဏစုမ္ဗိတဝိကသိတပုပ္ဖာ စ တေ ဝလ္လိနာဂရုက္ခာ စေတိ မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခာ, မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခေဟိ ဥပသောဘိတာနိ မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခော ပသောဘိတာနိ, မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခော ပသောဘိတာနိ ကန္ဒရာနိ ယဿ ပဗ္ဗတရာဇဿ သောယံ မတ္တဘမရဂဏစုမ္ဗိတဝိကသိတပုပ္ဖ ဝလ္လိနာဂရုက္ခော ပသော ဘိတကန္ဒရော, ပဗ္ဗတရာဇာ။ အယံ ပန ဒွန္ဒကမ္မဓာရယတပ္ပုရိသဂဗ္ဘော တုလျာဓိကရဏဗဟုဗ္ဗီဟိ။
အထ ဝါ–ဥပသောဘိတာနိ ကန္ဒရာနိ ဥပသောဘိတကန္ဒရာနိ, သာပေက္ခတ္တေ သတိပိ ဂမကတ္တာ သမာသော။ မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခေဟိ ဥပသောဘိတကန္ဒရာနိ ယဿ ပဗ္ဗတရာဇဿ သောယံ မတ္တဘမရဂဏစုမ္ဗိတဝိကသိတပုပ္ဖဝလ္လိနာဂရုက္ခော ပသောဘိတကန္ဒရော, ပဗ္ဗတရာဇာ။ အယံ ပန ဘိန္နာဓိကရဏဗဟုဗ္ဗီဟိ။
(ကစ္စည်း၊၁၇၆။)နာနာ ရုက္ခ တိဏ ပတိတ ပုပ္ဖောပသောဘိတ ကန္ဒရောတိ ရုက္ခော စ တိဏဉ္စ ရုက္ခတိဏာနိ, နာနာ ပကာရာနိ ဧဝ ရုက္ခတိဏာနိ နာနာရုက္ခတိဏာနိ, နာနာရုက္ခတိဏေဟိ ပတိတာနိ နာနာရုက္ခတိဏပတိတာနိ, နာနာရုက္ခတိဏပတိတာနိ စ တာနိ ပုပ္ဖာနိ စေတိ နာနာရုက္ခတိဏပတိတပုပ္ဖာနိ, နာနာရုက္ခတိဏပတိတပုပ္ဖေဟိ ဥပသောဘိတာနိ နာနာရုက္ခတိဏပတိတ ပုပ္ဖောပသောဘိတာနိ, နာနာရုက္ခတိဏပတိတပုပ္ဖောပသောဘိတာနိ ကန္ဒရာနိ ယဿ ပဗ္ဗတရာဇဿ သောယံ နာနာရုက္ခတိဏပတိတပုပ္ဖောပသောဘိတကန္ဒရော, ပဗ္ဗတရာဇာ။ အယံ ပန ဒွန္ဒကမ္မဓာရယတပ္ပုရိသဂဗ္ဘော တုလျာဓိကရဏဗဟုဗ္ဗီဟိ။
အထ ဝါ–ဥပသောဘိတာနိ ဧဝ ကန္ဒရာနိ ဥပသောဘိတကန္ဒရာနိ, (သာပေက္ခတ္တေ သတိပိ ဂမကတ္တာ သမာသော။) နာနာရုက္ခတိဏပတိတပုပ္ဖေဟိ ဥပသောဘိတကန္ဒရာနိ ယဿ ပဗ္ဗတရာဇဿ သောယံ နာနာရုက္ခတိဏပတိတပုပ္ဖောပသောဘိတကန္ဒရော, ပဗ္ဗတရာဇာ။ အယံ ပန ဘိန္နာဓိကရဏဗဟုဗ္ဗီဟိ။
(ကစ္စည်း၊၁၇၇။)နာနာ မုသလ ဖာလ ပဗ္ဗတ တရု ကလိင်္ဂရ သရ ဓနုဂဒါသိ တောမရဟတ္ထာတိ မုသလော စ ဖာလော စ ပဗ္ဗတော စ တရု စ ကလိင်္ဂရော စ သရော စ ဓနု စ ဂဒါ စအသိ စ တောမရော, စ မုသလဖာလပဗ္ဗတတရုကလိင်္ဂရသရဓနုဂဒါသိတောမရာ, နာနာ ပကာရာ ဧဝ မုသလဖာလပဗ္ဗတတရုကလိင်္ဂရသရဓနုဂဒါသိတောမရာ နာနာမုသလဖာလပဗ္ဗတတရုကလိင်္ဂရသရဓနုဂဒါသိတောမရာ, နာနာမုသလဖာလပဗ္ဗတတရုကလိင်္ဂရသရဓနုဂဒါသိတောမရာ ဟတ္ထေသု ယေသံ တေ နာနာမုသလဖာလပဗ္ဗတတရုကလိင်္ဂရ သရဓနုဂဒါသိတောမရဟတ္ထာ။ အယံ ပန ဒွန္ဒကမ္မဓာရယဂဗ္ဘော ဘိန္နာဓိကရဏဗဟုဗ္ဗီဟိ။
ဗဟုဗ္ဗီဟိ ဣစ္စနေန ကွတ္ထော? ဗဟုဗ္ဗီဟိမှိ စ။
֍ ♦ ၃၂၉, * ၃၅၇. နာမာနံ သမုစ္စယော ဒွန္ဒော။
နာမာနံ ဧကဝိဘတ္တိကာနံ ယော သမုစ္စယော, သော ဒွန္ဒသညော ဟောတိ။
စန္ဒိမာ စ သူရိယော စ စန္ဒိမသူရိယာ, သမဏော စ ဗြာဟ္မဏော စ သမဏဗြာဟ္မဏာ, သာရိပုတ္တော စ မောဂ္ဂလ္လာနော စ သာရိပုတ္တမောဂ္ဂလ္လာနာ, ဗြာဟ္မဏော စ ဂဟပတိကော စ ဗြာဟ္မဏဂဟပတိကာ, ယမော စ ဝရုဏော စ ယမဝရုဏာ, ကုဝေရော စ ဝါသဝေါ စ ကုဝေရဝါသဝါ။
ဒွန္ဒဣစ္စနေန ကွတ္ထော? ဒွန္ဒဋ္ဌာ ဝါ။
֍ ♦ ၃၃၀, * ၃၄၀. မဟတံ မဟာ တုလျာဓိကရဏေ ပဒေ။
တေသံ မဟန္တသဒ္ဒါနံ မဟာအာဒေသော ဟောတိ တုလျာဓိကရဏေ ပဒေ။
(ကစ္စည်း၊၁၇၈။)မဟန္တော စ သော ပုရိသော စာတိ မဟာပုရိသော, မဟန္တီ စ သာ ဒေဝီ စာတိ မဟာဒေဝီ, မဟန္တဉ္စ တံ ဗလဉ္စာတိ မဟာဗလံ, မဟန္တော စ သော နာဂေါ စာတိ မဟာနာဂေါ, မဟန္တော စ သော ယသော စာတိ မဟာယသော, မဟန္တဉ္စ တံ ပဒုမဝနဉ္စာတိ မဟာပဒုမဝနံ, မဟန္တီ စ သာ နဒီ စာတိ မဟာနဒီ, မဟန္တော စ သော မဏိ စာတိ မဟာမဏိ, မဟန္တော စ သော ဂဟပတိကော စာတိ မဟာဂဟပတိကော, မဟန္တဉ္စ တံ ဓနဉ္စာတိ မဟာဓနံ, မဟန္တော စ သော ပုညော စာတိ မဟာပုညော။
ဗဟုဝစနဂ္ဂဟဏေန ကွစိ မဟန္တ သဒ္ဒဿ မဟာဒေသော ဟောတိ။ မဟန္တဉ္စ တံ ဖလဉ္စာတိ မဟပ္ဖလံ, မဟဗ္ဗလံ, ဧဝံ မဟဒ္ဓနံ, မဟဗ္ဘယံ။
֍ ♦ ၃၃၁, * ၃၅၃. ဣတ္ထိယံ ဘာသိတပုမိတ္ထီ ပုမာဝ စေ။
ဣတ္ထိယံ တုလျာဓိကရဏေ ပဒေ စေ ဘာသိတပုမိတ္ထီ ပုမာဝ ဒဋ္ဌဗ္ဗာ။
ဒီဃာ ဇင်္ဃာ ယဿ သောယံ ဒီဃဇင်္ဃော, ကလျာဏဘရိယော, ပဟူတပညော။
(ကစ္စည်း၊၁၇၉။)ဘာသိတပုပေတိ ကိမတ္ထံ? ဗြာဟ္မဏဗန္ဓု စ သာ ဘရိယာ စာတိဗြာဟ္မဏဗန္ဓုဘရိယာ။
֍ ♦ ၃၃၂, * ၃၄၃. ကမ္မဓာရယသညေ စ။
ကမ္မဓာရယသညေ စ သမာသေ ဣတ္ထိယံ တုလျာဓိကရဏေ ပဒေ ပုဗ္ဗေ ဘာသိတပုမိတ္ထီ စေ, ပုမာဝ ဒဋ္ဌဗ္ဗာ။ ဗြာဟ္မဏဒါရိကာ, ခတ္တိယကညာ, ခတ္တိယကုမာရိကာ။
ဘာသိတပုမေတိ ကိမတ္ထံ? ခတ္တိယဗန္ဓုဒါရိကာ, ဗြာဟ္မဏဗန္ဓုဒါရိကာ။
֍ ♦ ၃၃၃, * ၃၄၄. အတ္တံ နဿ တပ္ပုရိသေ။
နဿ ပဒဿ တပ္ပုရိသေ ဥတ္တရပဒေ အတ္တံ ဟောတိ။
နဗြာဟ္မဏော အဗြာဟ္မဏော, အဝသလော, အဘိက္ခု, အပဉ္စဝဿံ, အပဉ္စဂဝံ။
နဿ ပဒဿ တပ္ပုရိသေ အန အာဒေသော ဟောတိ သရေ ပရေ။
န အဿော အနဿော, အနိဿရော, အနရိယော။
(ကစ္စည်း၊၁၈၀။)ကုဣစ္စေတဿ ကဒ ဟောတိ သရေ ပရေ။
ကုစ္ဆိတံ အန္နံ ကဒန္နံ, ကုစ္ဆိတံ အသနံ ကဒဿနံ။
သရေတိ ကိမတ္ထံ? ကုစ္ဆိတာ ဒါရာ ယေသံ (အပုညကာရာနံ) တေ ဟောန္တီတိ ကုဒါရာ, ကုဇနာ။ ဧဝံ ကုပုတ္တာ, ကုဂေဟာ, ကုဝတ္ထာ, ကုဒါသာ။
֍ ♦ ၃၃၆, * ၃၄၇. ကာ’ပ္ပတ္ထေသု စ။
ကုဣစ္စေတဿ ကာ ဟောတိ အပ္ပတ္ထေသု စ။
ကာလဝဏံ, ကာပုပ္ဖံ။
ဗဟုဝစနဂ္ဂဟဏံ ကိမတ္ထံ? ကုဣစ္စေတဿ အနပ္ပတတ္ထေသုပိ ကွစိ ကာ ဟောတိ, ကာပုရိသာ။
֍ ♦ ၃၃၇, * ၃၅၀. ကွစိ သမာသန္တဂတာနမကာရန္တော။
သမာသန္တဂတာနံ နာမာနမန္တော သရော ကွစိ အကာရော ဟောတိ။
ဒေဝါနံ ရာဇာ ဒေဝရာဇော, ဒေဝရာဇာ, ဒေဝါနံ သခါ ဒေဝသခေါ, ဒေဝသခါ, ပဉ္စ အဟာနိ ပဉ္စာဟံ, သတ္တာဟံ, ပဉ္စဂဝံ, ဆတ္တုပါဟနံ, ဥပသရဒံ, ဝိသာလက္ခော, ဝိမုခေါ။
(ကစ္စည်း၊၁၈၁။)ကာရဂ္ဂဟဏံ ကိမတ္ထံ? အာကာရန္တ ဣကာရန္တာ စ ဟောန္တိ, ပစ္စက္ခာ ဓမ္မာ ယဿ သောယန္တိ ပစ္စက္ခဓမ္မာ, သုရဘိနော ဂန္ဓော သုရဘိဂန္ဓိ, သုန္ဒရော ဂန္ဓော သုဂန္ဓိ, ပူတိနော ဂန္ဓော ပူတိဂန္ဓိ, ကုစ္ဆိတော ဂန္ဓော ကုဂန္ဓိ, ဒုဋ္ဌု ဂန္ဓော ယဿ သောယန္တိ ဒုဂန္ဓိ, ပူတိ ဧဝ ဂန္ဓော ပူတိဂန္ဓိ။
နဒီအန္တာ စ ကတ္တုအန္တာ စ ကပစ္စယော ဟောတိ သမာသန္တေ။
ဗဟူ နဒိယော ယသ္မိံ သောယံ ဗဟုနဒိကော, ဇနပဒေါ။ ဗဟဝေါ ကတ္တာရော ယဿ သောယံ ဗဟုကတ္တုကော, ပုရိသော။
နဒိမှာ စ ကပစ္စယော ဟောတိ သမာသန္တေ။
ဗဟူ နဒိယော ယသ္မိံ သောယန္တိ ဗဟုနဒိကော။ ဗဟူ ကန္တိယော ယဿ သောယန္တိ ဗဟုကန္တိကော။ ဗဟုနာရိကော။
֍ ♦ ၃၃၉, * ၃၅၈. ဇာယာယ တုဒံ ဇာနိ ပတိမှိ။
ဇာယာဣစ္စေတာယ တုဒံ ဇာနိဣစ္စေတေ အာဒေသာ ဟောန္တိ ပတိမှိ ပရေ။
တုဒံပတီ, ဇာနိပတီ။
ဓနုမှာ စ အာပစ္စယော ဟောတိ သမာသန္တေ။
(ကစ္စည်း၊၁၈၂။)ဂါဏ္ဍီဝေါ ဓနု ယဿ သောယံ ဂါဏ္ဍီဝဓနွာ။
֍ ♦ ၃၄၁, * ၃၃၆. အံ ဝိဘတ္တီနမကာရန္တာ အဗျယီဘာဝါ။
တသ္မာ အကာရန္တာ အဗျယီဘာဝသမာသာ ပရာသံ ဝိဘတ္တီနံ ကွစိ အံ ဟောတိ။
အဓိစိတ္တံ, ယထာဝုဍ္ဎံ, ဥပကုမ္ဘံ, ယာဝဇီဝံ, တိရောပဗ္ဗတံ, တိရောပါကာရံ, တိရောကုဋ္ဋံ, အန္တောပါသာဒံ။
ကွစီတိ ကိမတ္ထံ? အဓိစိတ္တဿ ဘိက္ခုနော။
֍ ♦ ၃၄၂, * ၃၃၇. သရော ရဿော နပုံသကေ။
နပုံသကေ ဝတ္တမာနဿ အဗျယီဘာဝသမာသဿ လိင်္ဂဿ သရော ရဿော ဟောတိ။
ကုမာရီသု အဓိကိစ္စ ပဝတ္တတိ ကထာ ဣတိ အဓိကုမာရိ။ ဥပဝဓု, ဥပဂင်္ဂံ, ဥပမဏိကံ။
֍ ♦ ၃၄၃, * ၃၃၈. အညသ္မာ လောပေါ စ။
အညသ္မာ အဗျယီဘာဝသမာသာ အနကာရန္တာ ပရာသံ ဝိဘတ္တီနံ လောပေါ စ ဟောတိ။
အဓိတ္ထိ, အဓိကုမာရိ, ဥပဝဓု။
ဣတိ နာမကပ္ပေ သမာသကပ္ပော သတ္တမော ကဏ္ဍော။
သမာသကပ္ပော နိဋ္ဌိတော။
(ကစ္စည်း၊၁၈၃။)၅. တဒ္ဓိတကပ္ပ
အဋ္ဌမကဏ္ဍ
ဏပစ္စယော ဟောတိ ဝါ ‘‘တဿာပစ္စ’’ မိစ္စေတသ္မိံ အတ္ထေ။
ဝသိဋ္ဌဿ အပစ္စံ ဝါသိဋ္ဌော, ဝသိဋ္ဌဿ အပစ္စံ ဝါ, ဝသိဋ္ဌဿ အပစ္စံ ဝါသိဋ္ဌီ, ဝသိဋ္ဌဿ အပစ္စံ ဝါသိဋ္ဌံ။ ဧဝံ ဘာရဒွါဇော, ဘာရဒွါဇီ, ဘာရဒွါဇံ။ ဂေါတမော, ဂေါတမီ, ဂေါတမံ။ ဝါသုဒေဝေါ, ဝါသုဒေဝီ, ဝါသုဒေဝံ။ ဗာလဒေဝေါ, ဗာလဒေဝီ, ဗာလဒေဝံ။ ဝေသာမိတ္တော, ဝေသာမိတ္တီ ဝေသာမိတ္တံ။
֍ ♦ ၃၄၅, * ၃၆၆. ဏာယန ဏာန ဝစ္ဆာဒိတော။
တသ္မာ ဝစ္ဆာဒိတော ဂေါတ္တဂဏတော ဏာယနဏာနပစ္စယာ ဟောန္တိ ဝါ ‘‘တဿာပစ္စ’’မိစ္စေတသ္မိံ အတ္ထေ။
(ကစ္စည်း၊၁၈၄။)ဝစ္ဆဿ အပစ္စံဝစ္ဆာယနော, ဝစ္ဆာနော, ဝစ္ဆဿ အပစ္စံ ဝါ, ဝစ္ဆဿ အပစ္စံ ဝစ္ဆာယနီ, ဝစ္ဆာနီ, ဝစ္ဆဿ အပစ္စံ ဝစ္ဆာယနံ, ဝစ္ဆာနံ။ သကဋဿ အပစ္စံ သာကဋာယနော, သာကဋာနော, သကဋဿ အပစ္စံ ဝါ, သာကဋာယနီ, သာ ကဋာနီ, သာကဋာယနံ, သာကဋာနံ။ ဧဝံ ကဏှာယနော, ကဏှာနော, ကဏှဿ အပစ္စံ ဝါ။ ကဏှာယနီ, ကဏှာနီ, ကဏှာယနံ, ကဏှာနံ။ အဂ္ဂိဝေဿာယနော, အဂ္ဂိဝေဿာနော, အဂ္ဂိဝေဿာယနီ, အဂ္ဂိဝေဿာနီ, အဂ္ဂိဝေဿာယနံ, အဂ္ဂိဝေဿာနံ။ ဂစ္ဆာယနော, ဂစ္ဆာနော, ဂစ္ဆာယနီ, ဂစ္ဆာနီ, ဂစ္ဆာယနံ, ဂစ္ဆာနံ။ ကပ္ပာယနော, ကပ္ပာနော, ကပ္ပာယနီ, ကပ္ပာနီ, ကပ္ပာယနံ, ကပ္ပာနံ။ မောဂ္ဂလ္လာယနော, မောဂ္ဂလ္လာနော, မောဂ္ဂလ္လာယနီ, မောဂ္ဂလ္လာနီ, မောဂ္ဂလ္လာယနံ, မောဂ္ဂလ္လာနံ။ မုဉ္စာယနော, မုဉ္စာနော, မုဉ္စာယနီ, မုဉ္စာနီ, မုဉ္စာယနံ, မုဉ္စာနံ။ သံဃာယနော, သံဃာနော, သံဃာယနီ, သံဃာနီ, သံဃာယနံ, သံဃာနံ။ လောမာယနော, လောမာနော, လောမာယနီ, လောမာနီ, လောမာယနံ, လောမာနံ, သာကမာယနော, သာကမာနော, သာကမာယနီ, သာကမာနီ, သာကမာယနံ, သာကမာနံ။ နာရာယနော, နာရာနော, နာရာယနီ, နာရာနီ, နာရာယနံ, နာရာနံ။ စောရာယနောစောရာနော, စောရာယနီ, စောရာနီ, စောရာယနံ, စောရာနံ, အာဝသာလာယနော, အာဝသာလာနော, အာဝသာလာယနီ, အာဝသာလာနီ, အာဝသာလာယနံ, အာဝသာလာနံ။ ဒွေပါယနော, ဒွေပါနော, ဒွေပါယနီ, ဒွေပါနီ, ဒွေပါယနံ, ဒွေပါနံ။ ကုဉ္စာယနော, ကုဉ္စာနော, ကုဉ္စာယနီ, ကုဉ္စာနီ, ကုဉ္စာယနံ, ကုဉ္စာနံ။ ကစ္စာယနော, ကစ္စာနော, ကစ္စာယနီ, ကစ္စာနီ, ကစ္စာယနံ, ကစ္စာနံ။
(ကစ္စည်း၊၁၈၅။)֍ ♦ ၃၄၆, * ၃၆၇. ဏေယျော ကတ္တိကာဒီဟိ။
တေဟိ ဂေါတ္တဂဏေဟိ ကတ္တိကာဒီဟိ ဏေယျပစ္စယော ဟောတိ ဝါ ‘‘တဿာပစ္စ’’မိစ္စေတသ္မိံ အတ္ထေ။
ကတ္တိကာယ အပစ္စံ ကတ္တိကေယျော, ကတ္တိကာယ အပစ္စံ ဝါ။ ဧဝံ ဝေနတေယျော, ရောဟိဏေယျော, ဂင်္ဂေယျော, ကဒ္ဒမေယျော, နာဒေယျော, အာလေယျော, အာဟေယော, ကာမေယျော, သုစိယာ အပစ္စံ သောစေယျော, သာလေယျော, ဗာလေယျော, မာလေယျော, ကာလေယျော။
တသ္မာ အကာရတော ဏိပစ္စယော ဟောတိ ဝါ ‘‘တဿာပစ္စ’’မိစ္စေတသ္မိံ အတ္ထေ။
ဒက္ခဿ အပစ္စံ ဒက္ခိ, ဒက္ခဿ အပစ္စံ ဝါ။ ဒုဏဿ အပစ္စံ ဒေါဏိ, ဒုဏဿ အပစ္စံ ဝါ, ဧဝံ ဝါသဝိ, သကျပုတ္တိ, နာဋပုတ္တိ, ဒါသပုတ္တိ, ဒါသဝိ, ဝါရုဏိ, ဂဏ္ဍိ, ဗာလဒေဝိ, ပါဝကိ, ဇေနဒတ္တိ, ဗုဒ္ဓိ, ဓမ္မိ, သံဃိ, ကပ္ပိ, အနုရုဒ္ဓိ။
ဝါတိ ဝိကပ္ပနတ္ထေန ဏိကပစ္စယော ဟောတိ ‘‘တဿာပစ္စ’’မိစ္စေတသ္မိံ အတ္ထေ။ သကျပုတ္တဿ အပစ္စံ သကျပုတ္တိကော။ ဧဝံ နာဋပုတ္တိကော, ဇေနဒတ္တိကော။
(ကစ္စည်း၊၁၈၆။)֍ ♦ ၁၄၈, * ၃၇၁. ဏဝေါ’ ပကွာဒီဟိ။
ဥပကုဣစ္စေဝမာဒီဟိ ဏဝပစ္စယော ဟောတိ ဝါ ‘‘တဿာပစ္စ’’မိစ္စေတသ္မိံ အတ္ထေ။
ဥပကုဿ အပစ္စံ ဩပကဝေါ, ဥပကုဿ အပစ္စံ ဝါ။ မနုနော အပစ္စံ မာနဝေါ, မနုနော အပစ္စံ ဝါ။ ဘဂ္ဂုဿ အပစ္စံ ဘဂ္ဂဝေါ, ဘဂ္ဂုဿ အပစ္စံ ဝါ, ပဏ္ဍုဿ အပစ္စံ ပဏ္ဍဝေါ, ပဏ္ဍုဿ အပစ္စံ ဝါ, ဗဟုဿ အပစ္စံ ဗာဟဝေါ, ဗဟုဿ အပစ္စံ ဝါ။
֍ ♦ ၃၄၉, * ၃၇၂. ဏေရ ဝိဓဝါဒိတော။
တသ္မာ ဝိဓဝါဒိတော ဏေရပစ္စယော ဟောတိ ဝါ ‘‘တဿာပစ္စ’’မိစ္စေတသ္မိံ အတ္ထေ။
ဝိဓဝါယ အပစ္စံ ဝေဓဝေရော, ဝိဓဝါယ အပစ္စံ ဝါ။ ဗန္ဓုကိယာ အပစ္စံ ဗန္ဓုကေရော, ဗန္ဓုကိယာ အပစ္စံ ဝါ။ သမဏဿ အပစ္စံ သာမဏေရော, သမဏဿ အပစ္စံ ဝါ။ ဧဝံ သာမဏေရီ, သာမဏေရံ, နာဠိကေရော, နာဠိကေရီ, နာဠိကေရံ။
֍ ♦ ၃၅၀, * ၃၇၃. ယေန ဝါ သံသဋ္ဌံ တရတိ စရတိ ဝဟတိ ဏိကော။
ယေန ဝါ သံသဋ္ဌံ, ယေန ဝါ တရတိ, ယေန ဝါ စရတိ, ယေန ဝါ ဝဟတိ ဣစ္စေတေသွတ္ထေသု ဏိကပစ္စယော ဟောတိ ဝါ။
(ကစ္စည်း၊၁၈၇။)တိလေန သံသဋ္ဌံ ဘောဇနံ တေလိကံ, တိလေန သံသဋ္ဌံ ဝါ။ ဧဝံ ဂေါဠိကံ, ဃာတိကံ။
နာဝါယ တရတီတိ နာဝိကော, နာဝါယ တရတိ ဝါ။ ဧဝံ ဩဠုမ္ပိကော။
သကဋေန စရတီတိ သာကဋိကော, သကဋေန စရတိ ဝါ။ ဧဝံ ပတ္တိကော, ဒဏ္ဍိကော, ဓမ္မိကော, ပါဒိကော။
သီသေန ဝဟတီတိ သီသိကော, သီသေန ဝဟတိ ဝါ။ အံသေန ဝဟတီတိ အံသိကော, အံသေန ဝဟတိ ဝါ။ ဧဝံ ခန္ဓိကော, အင်္ဂုလိကော။
ဝါတိ ဝိကပ္ပနတ္ထေန အညေသုပိ ဏိကပစ္စယော ဟောတိ။ ရာဇဂဟေ ဝသတီတိ ရာဇဂဟိကော, ရာဇဂဟေ ဝသတိ ဝါ။ ရာဇဂဟေ ဇာတော ရာဇဂဟိကော, ရာဇဂဟေ ဇာတော ဝါ။ ဧဝံ မာဂဓိကော, သာဝတ္ထိကော, ကာပိလ ဝတ္ထိကော, ပါဋလိပုတ္တိကော, ဝေသာလိကော။
֍ ♦ ၃၅၁, * ၃၇၄. တမဓီတေ တေနကတာဒိ သန္နိဓာန နိယောဂ သိပ္ပ ဘဏ္ဍ ဇီဝိကတ္ထေသု စ။
တမဓီတေ, တေနကတာဒိအတ္ထေ, တမှိ သန္နိဓာနာ, တတ္ထ နိယုတ္တော, တမဿ သိပ္ပံ, တမဿ ဘဏ္ဍံ, တမဿ ဇီဝိကံ ဣစ္စေတေသွတ္ထေသု စ ဏိကပစ္စယော ဟောတိ ဝါ။
(ကစ္စည်း၊၁၈၈။)ဝိနယမဓီတေ ဝေနယိကော, ဝိနယမဓီတေ ဝါ။ ဧဝံ သုတ္တန္တိကော, အာဘိဓမ္မိကော, ဝေယျာကရဏိကော။
ကာယေန ကတံ ကမ္မံ ကာယိကံ, ကာယေန ကတံ ကမ္မံ ဝါ။ ဧဝံ ဝါစသိကံ, မာနသိကံ။
သရီရေ သန္နိဓာနာ ဝေဒနာ သာရီရိကာ, သရီရေ သန္နိဓာနာ ဝါ, ဧဝံ မာနသိကာ။
ဒွါရေ နိယုတ္တော ဒေါဝါရိကော, ဒွါရေ နိယုတ္တော ဝါ။ ဧဝံ ဘဏ္ဍာဂါရိကော, နာဂရိကော, နာဝကမ္မိကော။
ဝီဏာ အဿ သိပ္ပံ ဝေဏိကော, ဝီဏာ အဿ သိပ္ပံ ဝါ။ ဧဝံ ပါဏဝိကော, မောဒိင်္ဂိကော, ဝံသိကော။
ဂန္ဓော အဿ ဘဏ္ဍံ ဂန္ဓိကော, ဂန္ဓော အဿ ဘဏ္ဍံ ဝါ။ ဧဝံ တေလိကော, ဂေါဠိကော။
ဥရဗ္ဘံ ဟန္တွာ ဇီဝတီတိ ဩရဗ္ဘိကော, ဥရဗ္ဘံ ဟန္တွာ ဇီဝတိ ဝါ။ မဂံ ဟန္တွာ ဇီဝတီတိ မာဂဝိကော, မဂံ ဟန္တွာ ဇီဝတိ ဝါ။ ဧဝံ သောကရိကော, သာကုဏိကော။
အာဒိဂ္ဂဟဏေန အညတ္ထာပိ ဏိက ပစ္စယော ယောဇေတဗ္ဗော။ ဇာလေန ဟတော ဇာလိကော, ဇာလေန ဟတော ဝါ။
သုတ္တေန ဗန္ဓော သုတ္တိကော, သုတ္တေန ဗန္ဓော ဝါ။
(ကစ္စည်း၊၁၈၉။)စာပေါ အဿ အာဝုဓော စာပိကော, စာပေါ အဿ အာဝုဓော ဝါ။ ဧဝံ တောမရိကော, မုဂ္ဂရိကော, မောသလိကော။
ဝါတော အဿ အာဗာဓော ဝါတိကော, ဝါတော အဿ အာဗာဓော ဝါ။ ဧဝံ သေမှိကော, ပိတ္တိကော။
ဗုဒ္ဓေ ပသန္နော ဗုဒ္ဓိကော, ဗုဒ္ဓေ ပသန္နော ဝါ။ ဧဝံ ဓမ္မိကော, သံဃိကော။
ဗုဒ္ဓဿ သန္တကံ ဗုဒ္ဓိကံ, ဗုဒ္ဓဿ သန္တကံ ဝါ။ ဧဝံ ဓမ္မိကံ, သံဃိကံ။
ဝတ္ထေန ကီတံ ဘဏ္ဍံ ဝတ္ထိကံ, ဝတ္ထေန ကီတံ ဘဏ္ဍံ ဝါ။ ဧဝံ ကုမ္ဘိကံ, ဖာလိကံ, ကိံ ကဏိကံ, သောဝဏ္ဏိကံ။
ကုမ္ဘော အဿ ပရိမာဏံ ကုမ္ဘိကံ, ကုမ္ဘော အဿ ပရိမာဏံ ဝါ။
ကုမ္ဘဿ ရာသိ ကုမ္ဘိကံ, ကုမ္ဘဿ ရာသိ ဝါ။
ကုမ္ဘံ အရဟတီတိ ကုမ္ဘိကော, ကုမ္ဘံ အရဟတိ ဝါ။
အက္ခေန ဒိဗ္ဗတီတိ အက္ခိကော, အက္ခေန ဒိဗ္ဗတိ ဝါ။ ဧဝံ သာလာကိကော, တိန္ဒုကိကော, အမ္ဗဖလိကော။ ကပိဋ္ဌဖလိကော, နာဠိကေရိကော ဣစ္စေဝမာဒိ။
֍ ♦ ၃၅၂, * ၃၇၆. ဏ ရာဂါ တဿေ ဒမညတ္ထေသု စ။
ဏပစ္စယော ဟောတိ ဝါ ရာဂမှာ ‘‘တေန ရတ္တံ’’ ဣစ္စေတသ္မိံ အတ္ထေ, ‘‘တဿေဒံ’’ အညတ္ထေသု စ။
(ကစ္စည်း၊၁၉၀။)ကသာဝေန ရတ္တံ ဝတ္ထံ ကာသာဝံ, ကသာဝေန ရတ္တံ ဝတ္ထံ ဝါ။ ဧဝံ ကောသုမ္ဘံ, ဟာလိဒ္ဒံ, ပါဋင်္ဂံ, ရတ္တင်္ဂ, မဉ္ဇိဋ္ဌံ, ကုင်္ကုမံ။
သူကရဿ ဣဒံ မံသံ သောကရံ, သူကရဿ ဣဒံ မံသံ ဝါ။ ဧဝံ မာဟိသံ။
ဥဒုမ္ဗရဿ အဝိဒူရေ ပဝတ္တံ ဝိမာနံ ဩဒုမ္ဗရံ, ဥဒုမ္ဗရဿ အဝိဒူရေ ပဝတ္တံ ဝိမာနံ ဝါ။
ဝိဒိသာယ အဝိဒူရေ နိဝါသော ဝေဒိသော, ဝိဒိသာယ အဝိဒူရေ နိဝါသော ဝါ။
မထုရာယ ဇာတော မာထုရော, မထုရာယ ဇာတော ဝါ။
မထုရာယ အာဂတော မာထုရော, မထုရာယ အာဂတော ဝါ။
ကတ္တိကာယ နိယုတ္တော မာသော ကတ္တိကော, ကတ္တိကာယ နိယုတ္တော မာသော ဝါ။ ဧဝံ မာဂသိရော, ဖုဿော, မာဃော, ဖဂ္ဂုနော, စိတ္တော, ဝေသာခေါ, ဇေဋ္ဌော, အာသဠှော, သာဝဏော, ဘဒ္ဒေါ, အဿယုဇော။
န ဝုဒ္ဓိ နီလပီတာဒေါ, ပစ္စယေ သဏကာရကေ။
ဖကာရော ဖုဿသဒ္ဒဿ, ‘‘သိရော’’တိ သိရသံ ဝဒေ။
(ကစ္စည်း၊၁၉၁။)သိက္ခာနံ သမူဟော သိက္ခော, ဘိက္ခာနံ သမူဟော ဘိက္ခော။ ဧဝံ ကာပေါတော, မာယူရော, ကောကိလော။
ဗုဒ္ဓေ, အဿ ဒေဝတာ ဗုဒ္ဓါ။ ဧဝံ ဘဒ္ဒေါ, မာရော, မာဟိန္ဒော, ဝေဿဝဏော, ယာမော, သောမော, နာရာယဏော။
သံဝစ္ဆရမဓီတေ သံဝစ္ဆရော။ ဧဝံ မောဟုတ္တော, နေမိတ္တော, အင်္ဂဝိဇ္ဇော, ဝေယျာကရဏော, ဆန္ဒော, ဘာဿော, စန္ဒော။
ဝသာဒါနံ ဝိသယော ဒေသော ဝါသာဒေါ။ ဧဝံ ကုမ္ဘော, သာကုန္တော, အာတိသာရော။
ဥဒုမ္ဗရာ အသ္မိံ ပဒေသေ သန္တီတိ ဩဒုမ္ဗရော။ သာဂရေဟိ နိဗ္ဗတ္တော သာဂရော။ သာဂလမဿ နိဝါသော သာဂလော။ မထုရာ အဿ နိဝါသော မာထုရော။ မထုရာယ ဣဿရော မာထုရော။ ဣစ္စေဝမာဒယော ယောဇေတဗ္ဗာ။
֍ ♦ ၃၅၃, * ၃၇၈. ဇာတာဒီနမိမိယာ စ။
ဇာတဣစ္စေဝမာဒီနမတ္ထေ ဣမဣယပစ္စယာ ဟောန္တိ။
(ကစ္စည်း၊၁၉၂။)ပစ္ဆာ ဇာတော ပစ္ဆိမော။ ဧဝံ အန္တိမော, မဇ္ဈိမော, ပုရိမော, ဥပရိမော, ဟေဋ္ဌိမော, ဂေါပ္ဖိမော။ ဗောဓိသတ္တဇာတိယာ ဇာတော ဗောဓိသတ္တဇာတိယော, ဧဝံ အဿဇာတိယော, ဟတ္ထိဇာတိယော, မနုဿဇာတိယော။
အာဒိဂ္ဂဟဏေန နိယုတ္တတ္ထာဒိတောပိ တဒဿတ္ထာဒိတောပိ ဣမ ဣယ ဣက ဣစ္စေတေ ပစ္စယာ ဟောန္တိ။ အန္တော နိယုတ္တော အန္တိမော။ ဧဝံ အန္တိယော, အန္တိကော။
ပုတ္တော အဿ အတ္ထိ, တသ္မိံ ဝါ ဝိဇ္ဇတီတိ ပုတ္တိမော။ ဧဝံ ပုတ္တိယေဝ, ပုတ္တိကော, ကပ္ပိမော, ကပ္ပိယော, ကပ္ပိကော။
စဂ္ဂဟဏေန ကိယပစ္စယော ဟောတိ နိယုတ္တတ္ထေ။ ဇာတိယံ နိယုတ္တော ဇာတိကိယော, အန္ဓေ နိယုတ္တော အန္ဓကိယော, ဇာတိယာ အန္ဓော ဇစ္စန္ဓော, ဇစ္စန္ဓေ နိယုတ္တော ဇစ္စန္ဓကိယော။
֍ ♦ ၃၅၄, * ၃၇၉. သမူဟတ္ထေ ကဏ ဏာ။
သမူဟတ္ထေ ကဏ ဏဣစ္စေတေ ပစ္စယာ ဟောန္တိ။
ရာဇပုတ္တာနံ သမူဟော ရာဇပုတ္တကော။ ဧဝံ ရာဇပုတ္တော, မာနုဿကော, မာနုဿော, မာယူရကော, မာယူရော, မာဟိံသကော, မာဟိံသော။
֍ ♦ ၃၅၅, * ၃၈၀. ဂါမ ဇန ဗန္ဓု သဟာယာဒီဟိတာ။
ဂါမ ဇန ဗန္ဓု သဟာယဣစ္စေဝမာဒီဟိ တာပစ္စယော ဟောတိ သမူဟတ္ထေ။
(ကစ္စည်း၊၁၉၃။)ဂါမာနံ သမူဟော ဂါမတာ။ ဧဝံ ဇနတာ, ဗန္ဓုတာ, သဟာယတာ, နဂရတာ။
֍ ♦ ၃၅၆, * ၃၈၁. တဒဿ ဌာနမိယော စ။
‘‘တဒဿ ဌာန’’ မိစ္စေတသ္မိံ အတ္ထေ ဣယပစ္စယော ဟောတိ။
မဒနဿ ဌာနံ မဒနိယံ, ဗန္ဓနဿ ဌာနံ ဗန္ဓနိယံ, မုစ္ဆနဿ ဌာနံ မုစ္ဆနိယံ, ဧဝံ ရဇနိယံ, ကမနိယံ, ဂမနိယံ, ဒုဿနိယံ, ဒဿနိယံ။
֍ ♦ ၃၅၇, * ၃၈၂. ဥပမတ္ထာယိတတ္တံ။
ဥပမတ္ထေ အာယိတတ္တပစ္စယော ဟောတိ။
ဓူမော ဝိယ ဒိဿတိ အဒုံ ဝနံ တဒိဒံ ဓူမာယိတတ္တံ, တိမိရံ ဝိယ ဒိဿတိ အဒုံ ဝနံ တဒိဒံ တိမိရာယိတတ္တံ။
֍ ♦ ၃၅၈, * ၃၈၃. တန္နိဿိတတ္ထေ လော။
‘‘တန္နိဿိတတ္ထေ, တဒဿ ဌာန’’မိစ္စေတသ္မိံ အတ္ထေ စ လပစ္စယော ဟောတိ။
(ကစ္စည်း၊၁၉၄။)ဒုဋ္ဌု နိဿိတံ ဒုဋ္ဌုလ္လံ, ဝေဒံ နိဿိတံ ဝေဒလ္လံ, ဒုဋ္ဌု ဌာနံ ဒုဋ္ဌုလ္လံ, ဝေဒဿ ဌာနံ ဝေဒလ္လံ။
֍ ♦ ၃၅၉, * ၃၈၄. အာလု တဗ္ဗဟုလေ။
အာလုပစ္စယော ဟောတိ တဗ္ဗဟုလတ္ထေ။
အဘိဇ္ဈာ အဿ ပကတိ အဘိဇ္ဈာလု, အဘိဇ္ဈာ အဿ ဗဟုလာ ဝါ အဘိဇ္ဈာလု။ ဧဝံ သီတာလု, ဓဇာလု, ဒယာလု။
֍ ♦ ၃၆၀, * ၃၈၇. ဏျ တ္တ တာ ဘာဝေ တု။
ဏျတ္တတာဣစ္စေတေ ပစ္စယာ ဟောန္တိ ဘာဝတ္ထေ။
အလသဿ ဘာဝေါ အာလသျံ, အရောဂဿ ဘာဝေါ အာရောဂျံ။ ပံသုကူလိကဿ ဘာဝေါ ပံသုကူလိကတ္တံ, အနောဒရိကဿ ဘာဝေါ အနောဒရိကတ္တံ။ သင်္ဂဏိကာရာမဿ ဘာဝေါ သင်္ဂဏိကာရာမတာ, နိဒ္ဒါရာမဿ ဘာဝေါ နိဒ္ဒါရာမတာ။
တုဂ္ဂဟဏေန တ္တနပစ္စယော ဟောတိ။ ပုထုဇ္ဇနတ္တနံ, ဝေဒနတ္တနံ။
(ကစ္စည်း၊၁၉၅။)ဏပစ္စယော ဟောတိ ဝိသမာဒီဟိ ‘‘တဿ ဘာဝေါ’’ဣစ္စေတသ္မိံ အတ္ထေ။
ဝိသမဿ ဘာဝေါ ဝေသမံ, သုစိဿ ဘာဝေါ သောစံ။
֍ ♦ ၃၆၂, * ၃၈၉. ရမဏီယာဒိတော ကဏ။
ရမဏီယဣစ္စေဝမာဒိတော ကဏ ပစ္စယော ဟောတိ ‘‘တဿ ဘာဝေါ’’ဣစ္စေတသ္မိံ အတ္ထေ။
ရမဏီယဿ ဘာဝေါ ရာမဏီယကံ, မနုညဿ ဘာဝေါ မာနုညကံ။
֍ ♦ ၃၆၃, * ၃၉၀. ဝိသေသေ တရတမိသိကိယိဋ္ဌာ။
ဝိသေသတ္ထေ တရ တမ ဣသိက ဣယ ဣဋ္ဌဣစ္စေတေ ပစ္စယာ ဟောန္တိ။
သဗ္ဗေ ဣမေ ပါပါ, အယမိမေသံ ဝိသေသေန ပါပေါတိ ပါပတရော။ ဧဝံ ပါပတမော, ပါပိသိကော, ပါပိယော, ပါပိဋ္ဌော။
֍ ♦ ၃၆၄, * ၃၉၈. တဒဿတ္ထီတိ ဝီ စ။
‘‘တဒဿတ္ထိ’’ဣစ္စေတသ္မိံ အတ္ထေ ဝီပစ္စယော ဟောတိ။
(ကစ္စည်း၊၁၉၆။)မေဓာ ယဿ အတ္ထိ, တသ္မိံ ဝါ ဝိဇ္ဇတီတိမေဓာဝီ။ ဧဝံ မာယာဝီ။
စဂ္ဂဟဏေန သောပစ္စယော ဟောတိ။ သုမေဓာ ယဿ အတ္ထိ, တသ္မိံ ဝါ ဝိဇ္ဇတီတိ သုမေဓသော။
တပါဒိတော သီပစ္စယော ဟောတိ ‘‘တဒဿတ္ထိ’’ဣစ္စေတသ္မိံ အတ္ထေ။
တပေါ ယဿ အတ္ထိ တသ္မိံ ဝါ ဝိဇ္ဇတီတိ တပဿီ။ ဧဝံ ယသဿီ, တေဇဿီ။
֍ ♦ ၃၆၆, * ၄၀၀. ဒဏ္ဍာဒိတော ဣကဤ။
ဒဏ္ဍာဒိတော ဣက ဤဣစ္စေတေ ပစ္စယာ ဟောန္တိ ‘‘တဒဿတ္ထိ’’ဣစ္စေတသ္မိံ အတ္ထေ။
ဒဏ္ဍော ယဿ အတ္ထိ, တသ္မိံ ဝါ ဝိဇ္ဇတီတိ ဒဏ္ဍိကော, ဒဏ္ဍီ။ ဧဝံ မာလိကော, မာလီ။
֍ ♦ ၃၆၇, * ၄၀၁. မဓွာဒိတော ရော။
မဓုဣစ္စေဝမာဒိတော ရပစ္စယော ဟောတိ ‘‘တဒဿတ္ထိ’’ဣစ္စေတသ္မိံ အတ္ထေ။
(ကစ္စည်း၊၁၉၇။)မဓု ယဿ အတ္ထိ, တသ္မိံ ဝါ ဝိဇ္ဇတီတိ မဓုရော။ ဧဝံ ကုဉ္ဇရော, မုဂ္ဂရော, မုခရော, သုသိရော, (သီသရော, သုကရော, သုင်္ကရော), သုဘရော, သုစိရော, ရုစိရော။
֍ ♦ ၃၆၈, * ၄၀၂. ဂုဏာဒိတော ဝန္တု။
ဂုဏဣစ္စေဝမာဒိတော ဝန္တုပစ္စယော ဟောတိ ‘‘တဒဿတ္ထိ’’ဣစ္စေတသ္မိံ အတ္ထေ။
ဂုဏော ယဿ အတ္ထိ, တသ္မိံ ဝါ ဝိဇ္ဇတီတိ ဂုဏဝါ။ ဧဝံ ယသဝါ, ဓနဝါ, ပညဝါ, ဗလဝါ, ဘဂဝါ။
֍ ♦ ၃၆၉, * ၄၀၃. သတျာဒီဟိ မန္တု။
သတိဣစ္စေဝမာဒီဟိ မန္တုပစ္စယောဟောတိ ‘‘တဒဿတ္ထိ’’ ဣစ္စေတသ္မိံ အတ္ထေ။
သတိ ယဿ အတ္ထိ, တသ္မိံ ဝါ ဝိဇ္ဇတီတိ သတိမာ, ဧဝံ ဇုတိမာ, ရုစိမာ, ထုတိမာ, ဓိတိမာ, မတိမာ, ဘာဏုမာ။
သဒ္ဓါဣစ္စေဝမာဒိတော ဏ ပစ္စယော ဟောတိ ‘‘တဒဿတ္ထိ’’ဣစ္စေတသ္မိံ အတ္ထေ။
(ကစ္စည်း၊၁၉၈။)သဒ္ဓါ ယဿ အတ္ထိ, တသ္မိံ ဝါ ဝိဇ္ဇတီဘိ သဒ္ဓါ, ဧဝံ ပညော, အမစ္ဆရော။
֍ ♦ ၃၇၁, * ၄၀၄. အာယုဿုကာရာသ မန္တုမှိ။
အာယုဿ အန္တော ဥကာရော အသာဒေသော ဟောတိမန္တုမှိ ပစ္စယေ ပရေ။
အာယု အဿ အတ္ထိ, တသ္မိံ ဝါ ဝိဇ္ဇတီတိ အာယသ္မာ။
֍ ♦ ၃၇၂, * ၃၈၅. တပ္ပကတိဝစနေ မယော။
တပ္ပကတိဝစနတ္ထေ မယပစ္စယော ဟောတိ။
သုဝဏ္ဏေန ပကတံ ကမ္မံ သောဝဏ္ဏမယံ။ ဧဝံ ရူပိယမယံ ဇတုမယံ, ရဇတမယံ, ဣဋ္ဌကမယံ, အယောမယံ, မတ္တိကာ မယံ, ဒါရုမယံ, ဂေါမယံ။
֍ ♦ ၃၇၃, * ၄၀၆. သင်္ချာပူရဏေ မော။
သင်္ချာပူရဏတ္ထေ မပစ္စယော ဟောတိ။
ပဉ္စန္နံ ပူရဏော ပဉ္စမော, ဧဝံ သတ္တမော, အဋ္ဌမော, နဝမော, ဒသမော။
(ကစ္စည်း၊၁၉၉။)ဆဿ သကာရာဒေသော ဟောတိ ဝါ သင်္ချာပူရဏတ္ထေ။
ဆန္နံ ပူရဏော သဋ္ဌော, ဆဋ္ဌော ဝါ။
֍ ♦ ၃၇၅, * ၄၁၂. ဧကာဒိတော ဒသဿီ။
ဧကာဒိတော ဒသဿ အန္တေ ဤပစ္စယော ဟောတိ ဝါ သင်္ချာပူရဏတ္ထေ။
ဧကော စ ဒသ စ ဧကာဒသ, ဧကာဒသန္နံ ပူရဏီ ဧကာဒသီ။ ပဉ္စစ ဒသ စ ပဉ္စဒသ, ပဉ္စဒသန္နံ ပူရဏီ ပဉ္စဒသီ။ စတ္တာရော စ ဒသ စ စတုဒ္ဒသ, စတုဒ္ဒသန္နံ ပူရဏီ စာတုဒ္ဒသီ။
ပူရဏေတိ ကိမတ္ထံ? ဧကာဒသ, ပဉ္စဒသ။
֍ ♦ ၃၇၆, * ၂၅၇. ဒသေ သော နိစ္စဉ္စ။
ဒသသဒ္ဒေ ပရေ နိစ္စံ ဆဿ သော ဟောတိ။
သောဠသ။
֍ ♦ ၃၇၇, ၀. အန္တေ နိဂ္ဂဟိတဉ္စ။
တာသံ သင်္ချာနံ အန္တေ နိဂ္ဂဟိတာဂမော ဟောတိ။
ပဉ္စဒသိ, စာတုဒ္ဒသိ။
(ကစ္စည်း၊၂၀၀။)တာသံ သင်္ချာနံ အန္တေ တိကာရာဂမော ဟောတိ။ ဝီသတိ, တိံသတိ။
ဒကာရ ရကာရာနံ သင်္ချာနံ လကာရာဒေသော ဟောတိ။ သောဠသ, စတ္တာလီသံ။
֍ ♦ ၃၈၀, * ၂၅၅. ဝီသတိ ဒသေသု ဗာ ဒွိဿ တု။
ဝီသတိ ဒသဣစ္စေတေသု ဒွိဿ ဗာ ဟောတိ။
ဗာဝီသတိန္ဒြိယာနိ, ဗာရသ မနုဿာ။
တုဂ္ဂဟဏေန ဒွိဿ ဒု ဒိ ဒေါ အာဒေသာ စ ဟောန္တိ။ ဒုရတ္တံ, ဒိရတ္တံ, ဒိဂုဏံ, ဒေါဟဠိနီ။
֍ ♦ ၃၈၁, * ၂၅၄. ဧကာဒိတော ဒဿ ရ သင်္ချာနေ။
ဧကာဒိတော ဒသဿ ဒကာရဿ ရကာရော ဟောတိ ဝါ သင်္ချာနေ။
ဧကာရသ, ဧကာဒသ, ဗာရသ, ဒွါဒသ။
သင်္ချာနေတိ ကိမတ္ထံ? ဒွါဒသာယတနာနိ။
(ကစ္စည်း၊၂၀၁။)အဋ္ဌဣစ္စေဝမာဒိတော စ ဒသသဒ္ဒဿ ဒကာရဿ ရကာရာဒေသော ဟောတိ ဝါ သင်္ချာနေ။
အဋ္ဌာရသ, အဋ္ဌဒသ။
အဋ္ဌာဒိတောတိ ကိမတ္ထံ? ပဉ္စဒသ, သောဠသ။
သင်္ချာနေတိ ကိမတ္ထံ? အဋ္ဌဒသိကော။
֍ ♦ ၃၈၃, * ၂၅၃. ဒွေကဋ္ဌာနမာကာရော ဝါ။
ဒွိ ဧက အဋ္ဌဣစ္စေတေသမန္တော အာကာရော ဟောတိ ဝါ သင်္ချာနေ။
ဒွါဒသ, ဧကာဒသ, အဋ္ဌာရသ။
သင်္ချာနေတိ ကိမတ္ထံ? ဒွိဒန္တော, ဧကဒန္တော, ဧကစ္ဆန္နော, အဋ္ဌတ္ထမ္ဘော။
֍ ♦ ၃၈၄, * ၄၀၇. စတုစ္ဆေဟီ ထ ဌာ။
စတု ဆဣစ္စေတေဟိ ထ ဌဣစ္စေတေ ပစ္စယာ ဟောန္တိ သင်္ချာပူရဏတ္ထေ။
စတုတ္ထော, ဆဋ္ဌော။
(ကစ္စည်း၊၂၀၂။)֍ ♦ ၃၈၅, * ၄၀၉. ဒွိတီဟိ တိယော။
ဒွိ တိဣစ္စေတေဟိ တိယပစ္စယော ဟောတိ သင်္ချာပူရဏတ္ထေ။
ဒုတိယော, တတိယော။
֍ ♦ ၃၈၆, * ၄၁၀. တိယေ ဒုတာပိ စ။
ဒွိ တိဣစ္စေတေသံ ဒု တဣစ္စေတေ အာဒေသာ ဟောန္တိ တိယပစ္စယေ ပရေ။
ဒုတိယော, တတိယော။
အပိဂ္ဂဟဏေန အညေသုပိ ဒွိဣစ္စေတဿ ဒုအာဒေသော ဟောတိ။ ဒုရတ္တံ။
စဂ္ဂဟဏေန ဒွိဣစ္စေတဿ ဒိကာရော ဟောတိ။ ဒိရတ္တံ, ဒိဂုဏံ သံဃာဋိံ ပါရုပေတွာ။
֍ ♦ ၃၈၇, * ၄၁၁. တေသမဍ္ဎူပပဒေန အဍ္ဎုဍ္ဎ ဒိဝဍ္ဎ ဒိယဍ္ဎဍ္ဎတိယာ။
(ကစ္စည်း၊၂၀၃။)တေသံ စတုတ္ထ ဒုတိယ တတိယာနံ အဍ္ဎူပပဒါနံ အဍ္ဎဍ္ဎုဒိဝဍ္ဎ ဒိယဍ္ဎ အဍ္ဎတိယာဒေသာ ဟောန္တိ, အဍ္ဎူပပဒေန သဟနိပ္ပဇ္ဇန္တေ။
အဍ္ဎေန စတုတ္ထော အဍ္ဎုဍ္ဎော, အဍ္ဎေန ဒုတိယော ဒိဝဍ္ဎော, အဍ္ဎေန ဒုတိယော ဒိယဍ္ဎော, အဍ္ဎေန တတိယော အဍ္ဎတိယော။
֍ ♦ ၃၈၈, * ၆၈. သရူပါနမေကသေသွသကိံ။
သရူပါနံ ပဒဗျဉ္ဇနာနံ ဧကသေသော ဟောတိ အသကိံ။ ပုရိသော စ ပုရိသော စ ပုရိသာ။
သရူပါနမိတိ ကိမတ္ထံ? ဟတ္ထီ စ အဿော စ ရထော စ ပတ္တိကော စ ဟတ္ထိအဿရထပတ္တိကာ,
အသကိန္တိ ကိမတ္ထံ? ပုရိသော။
֍ ♦ ၃၈၉, * ၄၁၃. ဂဏနေ ဒသဿ ဒွိတိစတုပဉ္စဆသတ္တအဋ္ဌနဝကာနံ ဝီ တိ စတ္တာရ ပညာ ဆ သတ္တာသနဝါ ယောသု, ယောနဉ္စီသမာသံ ဌိ ရိ တီ တုတိ။
ဂဏနေ ဒသဿ ဒွိက တိက စတုက္က ပဉ္စက ဆက္က သတ္တကအဋ္ဌက နဝကာနံ သရူပါနံ ကတေကသေသာနံ ယထာသင်္ချံ ဝီ တိ စတ္တာရ ပညာ ဆ သတ္တ အသ နဝဣစ္စာဒေသာ ဟောန္တိ အသကိံ ယောသု, ယောနဉ္စ ဤသံ အာသံ ဌိ ရိ တိ ဤတိ ဥတိဣစ္စာဒေသာ ဟောန္တိ။ ပစ္ဆာ ပုန နိပ္ပဇ္ဇန္တေ။
(ကစ္စည်း၊၂၀၄။)ဝီသံ, တိံသံ, စတ္တာလီသံ, ပညာသံ, သဋ္ဌိ, သတ္တရိ, သတ္တတိ, အသီတိ, နဝုတိ။
အသကိန္တိ ကိမတ္ထံ? ဒသ။
ဂဏနေတိ ကိမတ္ထံ? ဒသဒသကာ ပုရိသာ။
֍ ♦ ၃၉၀, * ၂၅၆. စတူပပဒဿ လောပေါ တုတ္တရပဒါဒိစဿ စုစောပိ နဝါ။
စတူပပဒဿ ဂဏနေ ပရိယာပန္နဿ တုကာရဿ လောပေါ ဟောတိ, ဥတ္တရပဒါဒိစကာရဿ စုစောပိ အာဒေသာ ဟောန္တိ နဝါ။
စုဒ္ဒသ, စောဒ္ဒသ, စတုဒ္ဒသ။
အပိဂ္ဂဟဏေန အနုပပဒဿာပိ ပဒါဒိစကာရဿ။ လောပေါဟောတိ နဝါ, စဿ စုစောပိ ဟောန္တိ။ တာလီသံ, စတ္တာလီသံ, စုတ္တာလီသံ, စောတ္တာလီသံ။
֍ ♦ ၃၉၁, * ၄၂၃. ယဒနုပပန္နာ နိပါတနာ သိဇ္ဈန္တိ။
(ကစ္စည်း၊၂၀၅။)ယေ သဒ္ဒါ အနိဒ္ဒိဋ္ဌလက္ခဏာ, အက္ခရပဒဗျဉ္ဇနတော, ဣတ္ထိပုမနပုံသကလိင်္ဂတော, နာမုပသဂ္ဂနိပါတတော, အဗျယီဘာဝသမာသတဒ္ဓိတာချာတတော, ဂဏနသင်္ချာကာလကာရကပ္ပယောဂသညာတော, သန္ဓိပကတိဝုဒ္ဓိလောပါဂမဝိကာရဝိပရိတတော, ဝိဘတ္တိဝိဘဇနတော စ, တေ နိပါတနာ သိဇ္ဈန္တိ။
֍ ♦ ၃၉၂, * ၄၁၈. ဒွါဒိတော ကော’နေကတ္ထေစ။
ဒွိဣစ္စေဝမာဒိတော ကပစ္စယော ဟောတိ အနေကတ္ထေ စ, နိပါတနာ သိဇ္ဈန္တိ။
သတဿ ဒွိကံ ဒွိသတံ, သတဿ တိကံ တိသတံ, သတဿ စတုက္ကံ စတုသတံ, သတဿ ပဉ္စကံ ပဉ္စသတံ, သတဿ ဆက္ကံ ဆသတံ, သတဿ သတ္တကံ သတ္တသတံ, သတဿ အဋ္ဌကံ အဋ္ဌသတံ, သတဿ နဝကံ နဝသတံ, သတဿ ဒသကံ ဒသသတံ, သဟဿံ ဟောတိ။
֍ ♦ ၃၉၃, * ၄၁၅. ဒသဒသကံ သတံ ဒသကာနံ သတံ သဟဿဉ္စ ယောမှိ။
ဂဏနေ ပရိယာပန္နဿ ဒသဒသကဿ သတံ ဟောတိ, သတဒသကဿ သဟဿံ ဟောတိ ယောမှိ ပရေ။
သတံ, သဟဿံ။
(ကစ္စည်း၊၂၀၆။)ဒွိကာဒီနံ တဒုတ္တရပဒါနဉ္စ နိပ္ပဇ္ဇန္တေ ယထာသင်္ချံ။ သတဿ ဒွိကံ (တဒိဒံ ဟောတိ) ဒွိသတံ, ဧဝံ တိသတံ, စတုသတံ, ပဉ္စသတံ, ဆသတံ, သတ္တသတံ, အဋ္ဌသတံ, နဝသတံ, ဒသသတံ, သဟဿံ ဟောတိ။
֍ ♦ ၃၉၄, * ၄၁၆. ယာဝ တဒုတ္တရိ ဒသဂုဏိတဉ္စ။
ယာဝ တာသံ သင်္ချာနံ ဥတ္တရိ ဒသဂုဏိတဉ္စ ကာတဗ္ဗံ။
တံ ယထာ? ဒသဿ ဂဏနဿ ဒသဂုဏိတံ ကတွာ သတံ ဟောတိ, သတဿ ဒသဂုဏိတံ ကတွာ သဟဿံ ဟောတိ, သဟဿဿ ဒသဂုဏိတံ ကတွာ ဒသသဟဿံ ဟောတိ, ဒသသဟဿဿ ဒသဂုဏိတံ ကတွာသတသဟဿံ ဟောတိ, သတသဟဿဿ ဒသဂုဏိတံ ကတွာဒသသတသဟဿံ ဟောတိ, ဒသသတသဟဿဿဒသဂုဏိတံ ကတွာ ကောဋိ ဟောတိ, ကောဋိသတသဟဿဿ သတဂုဏိတံ ကတွာ ပကောဋိ ဟောတိ။ ဧဝံ သေသာပိ ယောဇေတဗ္ဗာ။
စဂ္ဂဟဏံ ဝိသေသနတ္ထံ။
ယာသံ ပန သင်္ချာနံ အနိဒ္ဒိဋ္ဌနာမဓေယျာနံ သကေဟိ သကေဟိ နာမေဟိ နိပ္ပဇ္ဇန္တေ။
(ကစ္စည်း၊၂၀၇။)သတသဟဿာနံ သတံ ကောဋိ, ကောဋိသတသဟဿာနံ သတံ ပကောဋိ, ပကောဋိသတသဟဿာနံ သတံ ကောဋိပကောဋိ, ကောဋိပကောဋိသတသဟဿာနံ သတံ နဟုတံ, နဟုတသတသဟဿာနံ သတံ နိန္နဟုတံ, နိန္နဟုတသတသဟဿာနံ သတံ အက္ခောဘိဏီ။ တထာ ဗိန္ဒု, အဗ္ဗုဒံ, နိရဗ္ဗုဒံ, အဟဟံ, အဗဗံ, အဋဋံ, သောဂန္ဓိကံ, ဥပ္ပလံ, ကုမုဒံ, ပဒုမံ, ပုဏ္ဍရိကံ, ကထာနံ, မဟာကထာနံ, အသင်္ချေယျံ။
֍ ♦ ၃၉၆, * ၃၆၃. တေသံ ဏော လောပံ။
တေသံ ပစ္စယာနံ ဏော လောပမာပဇ္ဇတေ။
ဂေါတမဿ အပစ္စံ ဂေါတမော။ ဧဝံ ဝါသိဋ္ဌော။ ဝေနတေယျော, အာလသျံ, အာရောဂျံ။
ဝိဘာဂတ္ထေ စ ဓာပစ္စယော ဟောတိ။
ဧကေန ဝိဘာဂေန ဧကဓာ။ ဧဝံ ဒွိဓာ, တိဓာ, စတုဓာ, ပဉ္စဓာ, ဆဓာ။
စေတိ ကိမတ္ထံ? သောပစ္စယော ဟောတိ။ သုတ္တသော, ဗျဉ္ဇနသော, ပဒသော။
(ကစ္စည်း၊၂၀၈။)֍ ♦ ၃၉၈, * ၄၂၁. သဗ္ဗနာမေဟိ ပကာရဝစနေ တု ထာ။
သဗ္ဗနာမေဟိ ပကာရဝစနတ္ထေ ထာပစ္စယော ဟောတိ။
သော ပကာရော တထာ, တံ ပကာရံ တထာ, တေန ပကာရေန တထာ, တဿ ပကာရဿ တထာ, တသ္မာ ပကာရာ တထာ, တဿ ပကာရဿ တထာ, တသ္မိံ ပကာရေ တထာ။ ဧဝံ ယထာ, သဗ္ဗထာ, အညထာ, ဣတရထာ။
တုဂ္ဂဟဏံ ကိမတ္ထံ? တတ္ထာပစ္စယော ဟောတိ။ သော ပကာရော တထတ္ထာ။ ဧဝံ ယထတ္ထာ။ သဗ္ဗထတ္ထာ, အညထတ္ထာ, ဣတရထတ္ထာ။
ကိံ ဣမဣစ္စေတေဟိ ထံပစ္စယော ဟောတိ ပကာရဝစနတ္ထေ။
ကော ပကာရော ကထံ, ကံ ပကာရံ ကထံ, ကေန ပကာရေန ကထံ, ကဿ ပကာရဿ ကထံ, ကသ္မာ ပကာရာ ကထံ။ ကဿ ပကာရဿ ကထံ, ကသ္မိံ ပကာရေ ကထံ, အယံ ပကာရော ဣတ္ထံ, ဣမံ ပကာရံ ဣတ္ထံ, ဣမိနာ ပကာရေန ဣတ္ထံ, ဣမဿ ပကာရဿ ဣတ္ထံ, ဣမသ္မာ ပကာရာ ဣတ္ထံ, ဣမဿ ပကာရဿ ဣတ္ထံ, ဣမသ္မိံ ပကာရေ ဣတ္ထံ။
(ကစ္စည်း၊၂၀၉။)֍ ♦ ၄၀၀, * ၃၆၄. ဝုဒ္ဓါဒိသရဿ ဝါ’သံယောဂန္တဿ သဏေ စ။
အာဒိသရဿ ဝါ အသံယောဂန္တဿ အာဒိဗျဉ္ဇနဿ ဝါ သရဿ ဝုဒ္ဓိ ဟောတိ သဏကာရကေ ပစ္စယေ ပရေ။
အာဘိဓမ္မိကော, ဝေနတေယျော, ဝါသိဋ္ဌော, အာလသျံ, အာရောဂျံ။
အသံယောဂန္တဿေတိ ကိမတ္ထံ? ဘဂ္ဂဝေါ, မန္တေယျော, ကုန္တေယျော။
֍ ♦ ၄၀၁, * ၃၇၅. မာယူနမာဂမော ဌာနေ။
ဣဥဣစ္စေတေသံ အာဒိဘူတာနံ မာ ဝုဒ္ဓိ ဟောတိ။ တေသု စ ဧ ဩ ဝုဒ္ဓါဂမော ဟောတိ ဌာနေ။
ဗျာကရဏမဓီတေ ဝေယျာကရဏိကော, နျာယမဓီတေ နေယျာယိကော, ဗျာဝစ္ဆဿ အပစ္စံ ဝေယျာဝစ္ဆော, ဒွါရေ နိယုတ္တော ဒေါဝါရိကော။
(ကစ္စည်း၊၂၁၀။)ဣဥဣစ္စေတေသံ အာတ္တဉ္စ ဟောတိ, ရိကာရာဂမော စ ဌာနေ။
ဣသိဿ ဘာဝေါ အာရိသျံ, ဣဏဿ ဘာဝေါ အာဏျံ, ဥသဘဿ ဘာဝေါ အာသဘံ, ဥဇုနော ဘာဝေါ အဇ္ဇဝံ, ဣစ္စေဝမာဒီ ယောဇေတဗ္ဗာ။
ယူနမိတိ ကိမတ္ထံ? အပါယေသု ဇာတော အာပါယိ ကော။
ဌာနေတိ ကိမတ္ထံ? ဝေမတိကော, ဩပနယိကော, ဩပမာယိကော, ဩပါယိကော။
֍ ♦ ၄၀၃, * ၃၅၄. ကွစာဒိမဇ္ဈုတ္တရာနံ ဒီဃရဿာ ပစ္စယေသု စ။
ကွစိ အာဒိမဇ္ဈဥတ္တရဣစ္စေတေသံ ဒီဃရဿာ ဟောန္တိ ပစ္စယေသု စ အပစ္စယေသု စ။
အာဒိဒီဃော တာဝ – ပါကာရော, နီဝါရော, ပါသာဒေါ, ပါကဋော, ပါတိမောက္ခော, ပါဋိကင်္ခေါ ဣစ္စေဝမာဒိ။
(ကစ္စည်း၊၂၁၁။)မဇ္ဈေဒီဃော တာဝ – အင်္ဂမာဂဓိကော, ဩရဗ္ဘမာဂဝီကော ဣစ္စေဝမာဒိ။
ဥတ္တရဒီဃော တာဝ – ခန္တီ ပရမံ တပေါ တိတိက္ခာ, အဉ္ဇနာ ဂိရိ, ကောဋရာ ဝနံ, အင်္ဂုလီ ဣစ္စေဝမာဒိ။
အာဒိရဿော တာဝ – ပဂေဝ ဣစ္စေဝမာဒိ။
မဇ္ဈေရဿော တာဝ – သုမေဓသော သုဝဏ္ဏဓရေဟိ ဣစ္စေဝမာဒိ။
ဥတ္တရရဿော တာဝ – ဘောဝါဒိ နာမ သော ဟောတိ, ယထာဘာဝိ ဂုဏေန သော ဣစ္စေဝမာဒိ။ အညေပိ ယထာဇိနဝစနာနုပရောဓေန ယောဇေတဗ္ဗာ။
စဂ္ဂဟဏေန အပစ္စယေသု စာတိ အတ္ထံ သမုစ္စေတိ,
֍ ♦ ၄၀၄, * ၃၇၀. တေသု ဝုဒ္ဓိလောပါဂမဝိကာရဝိပရီတာဒေသာ စ။
တေသု အာဒိမဇ္ဈုတ္တရေသု ယထာဇိနဝစနာနုပရောဓေန ကွစိ ဝုဒ္ဓိ ဟောတိ, ကွစိ လောပေါ ဟောတိ, ကွစိ အာဂမော ဟောတိ, ကွစိ ဝိကာရော ဟောတိ, ကွစိ ဝိပရီတော ဟောတိ, ကွစိ အာဒေသော ဟောတိ။
အာဒိဝုဒ္ဓိ တာဝ – အာဘိဓမ္မိကော, ဝေနတေယျော ဣစ္စေဝမာဒိ။
(ကစ္စည်း၊၂၁၂။)မဇ္ဈေဝုဒ္ဓိ တာဝ – သုခသေယျံ, သုခကာရိ ဒါနံ, သုခကာရိ သီလံ ဣစ္စေဝမာဒိ။
ဥတ္တရဝုဒ္ဓိ တာဝ – ကာလိင်္ဂေါ, မာဂဓိကော, ပစ္စက္ခဓမ္မာ ဣစ္စေဝမာဒိ။
အာဒိလောပေါ တာဝ – တာလီသံ ဣစ္စေဝမာဒိ။
မဇ္ဈေလောပေါ တာဝ – ကတ္တုကာမော, ကုမ္ဘကာရပုတ္တော, ဝေဒလ္လံ ဣစ္စေဝမာဒိ။
ဥတ္တရလောပေါ တာဝ – ဘိက္ခု, ဘိက္ခုနီ ဣစ္စေဝမာဒိ။
အာဒိအာဂမော တာဝ – ဝုတ္တော ဘဂဝတာ ဣစ္စေဝမာဒိ။
မဇ္ဈေအာဂမော တာဝ – သသီလဝါ, သပညဝါဣစ္စေဝမာဒိ။
ဥတ္တရအာဂမော တာဝ – ဝေဒလ္လံ ဣစ္စေဝမာဒိ။
အာဒိဝိကာရော တာဝ – အာရိသျံ, အာဏျံ, အာသဘံ, အဇ္ဇဝံ ဣစ္စေဝမာဒိ။
မဇ္ဈေဝိကာရော တာဝ – ဝရာရိသျံ, ပရာရိသျံ ဣစ္စေဝမာဒိ။
ဥတ္တရဝိကာရော တာဝ – ယာနိ, တာနိ, သုခါနိ ဣစ္စေဝမာဒိ။
(ကစ္စည်း၊၂၁၃။)အာဒိဝိပရီတော တာဝ – ဥဂ္ဂတေ သူရိယေ ဥဂ္ဂစ္ဆတိ ဣစ္စေဝမာဒိ။
မဇ္ဈေဝိပရီတော တာဝ – သမုဂ္ဂစ္ဆတိ, သမုဂ္ဂတေ သူရိယေ ဣစ္စေဝမာဒိ။
ဥတ္တရဝိပရီတော တာဝ – ဒိဂု, ဒိဂုဏံ ဣစ္စေဝမာဒိ။
အာဒိအာဒေသော တာဝ – ယူနံ ဣစ္စေဝမာဒိ။
မဇ္ဈေအာဒေသော တာဝ – နျာယောဂါ ဣစ္စေဝမာဒိ။
ဥတ္တရအာဒေသော တာဝ – သဗ္ဗသေယျော, သဗ္ဗသေဋ္ဌော, စိတ္တံ ဣစ္စေဝမာဒိ။ ဧဝံ ယထာဇိနဝစနာနုပရောဓေန သဗ္ဗတ္ထ ယောဇေတဗ္ဗာ။
֍ ♦ ၄၀၅, * ၃၆၅. အယုဝဏ္ဏာနဉ္စာယော ဝုဒ္ဓိ။
အ ဣတိ အကာရော, ဣ ဤဣတိ ဣဝဏ္ဏော, ဥ ဦဣတိ ဥဝဏ္ဏော, တေသံ အကာရဣဝဏ္ဏုဝဏ္ဏာနံ အာ ဧ ဩဝုဒ္ဓိယော ဟောန္တိ ယထာသင်္ချံ, အာ ဤ ဦဝုဒ္ဓိ စ။
အာဘိဓမ္မိကော, ဝေနတေယျော, ဩဠုမ္ပိကော။
(ကစ္စည်း၊၂၁၄။)ပုန ဝုဒ္ဓိဂ္ဂဟဏံ ကိမတ္ထံ? ဥတ္တရပဒဝုဒ္ဓိဘာဝတ္ထံ, အင်္ဂမဂဓေဟိ အာဂတာတိ အင်္ဂမာဂဓိကာ။ နိဂမဇနပဒေသု ဇာတာတိ နေဂမဇာနပဒါ။ ပုရိမဇနပဒေသု ဇာတာတိ ပေါရိမဇာနပဒါ။ သတ္တာဟေ နိယုတ္တောတိ သတ္တာဟိကာ, စတုဝိဇ္ဇေ နိယုတ္တောတိ စာတုဝိဇ္ဇိကာ။ ဣစ္စေဝမာဒီ ယောဇေတဗ္ဗာ။
ဝုဒ္ဓိဣစ္စနေန ကွတ္ထော? ဝုဒ္ဓါဒိသရဿ ဝါ’သံယောဂန္တဿ သဏေ စ။
ဣတိ နာမကပ္ပေ တဒ္ဓိတကပ္ပော အဋ္ဌမော ကဏ္ဍော။
တဒ္ဓိတကပ္ပော နိဋ္ဌိတော။
(ကစ္စည်း၊၂၁၅။)၆. အာချာတကပ္ပ
ပဌမကဏ္ဍ
(က)
ဓာတုဇ္ဇလံ ဝိကရဏာဂမကာလမီနံ။
လောပါနုဗန္ဓရိယမတ္ထဝိဘာဂတီရံ၊
ဓီရာ တရန္တိ ကဝိနော ပုထုဗုဒ္ဓိနာဝါ။
(ခ)
ဝိစိတ္တသင်္ခါရပရိက္ခိတံ ဣမံ၊
အာချာတသဒ္ဒံ ဝိပုလံ အသေသတော။
ပဏမျ သမ္ဗုဒ္ဓမနန္တဂေါစရံ၊
သုဂေါစရံ ယံ ဝဒတော သုဏာထ မေ။
(ဂ)
အဓိကာရေ မင်္ဂလေ စေဝ၊ နိပ္ဖန္နေ စာဝဓာရဏေ။
အနန္တရေ စ ပါဒါနေ၊ အထသဒ္ဒေါ ပဝတ္တတိ။
֍ ♦ ၄၁၆, * ၄၂၉. အထ ပုဗ္ဗာနိ ဝိဘတ္တီနံ ဆ ပရဿပဒါနိ။
အထ သဗ္ဗာသံ ဝိဘတ္တီနံ ယာနိ ယာနိ ပုဗ္ဗကာနိ ဆ ပဒါနိ, တာနိ တာနိ ပရဿပဒသညာနိ ဟောန္တိ။
တံ ယထာ? တိ အန္တိ, သိ ထ, မိ မ။
ပရဿပဒမိစ္စနေန ကွတ္ထော? ကတ္တရိ ပရဿပဒံ။
(ကစ္စည်း၊၂၁၆။)֍ ♦ ၄၀၇, * ၄၃၉. ပရာဏျတ္တနောပဒါနိ။
သဗ္ဗာသံ ဝိဘတ္တီနံ ယာနိ ယာနိ ပရာနိ ဆ ပဒါနိ။ တာနိ တာနိ အတ္တနောပဒသညာနိ ဟောန္တိ။
တံ ယထာ? တေ အန္တေ, သေ ဝှေ, ဧ မှေ။
အတ္တနောပဒမိစ္စနေန ကွတ္ထော? အတ္တနောပဒါနိ ဘာဝေ စ ကမ္မနိ။
֍ ♦ ၄၀၈, * ၄၃၁. ဒွေ ဒွေ ပဌမ မဇ္ဈိမုတ္တမပုရိသာ။
တာသံ သဗ္ဗာသံ ဝိဘတ္တီနံ ပရဿပဒါနံ, အတ္တနောပဒါနဉ္စ ဒွေ ဒွေ ပဒါနိ ပဌမမဇ္ဈိမုတ္တမပုရိသသညာနိ ဟောန္တိ။
တံ ယထာ? တိ အန္တိ ဣတိ ပဌမပုရိသာ, သိ ထ ဣတိ မဇ္ဈိမပုရိသာ, မိ မ ဣတိ ဥတ္တမပုရိသာ။ အတ္တနောပဒါနမ္ပိ တေ အန္တေ ဣတိ ပဌမပုရိသာ, သေ ဝှေ ဣတိ မဇ္ဈိမပုရိသာ, ဧ မှေ ဣတိ ဥတ္တမပုရိသာ။ ဧဝံ သဗ္ဗတ္ထ။
ပဌမမဇ္ဈိမုတ္တမပုရိသမိစ္စနေန ကွတ္ထော? နာမမှိ ပယုဇ္ဇမာနေပိ တုလျာဓိကရဏေ ပဌမော, တုမှေ မဇ္ဈိမော, အမှေ ဥတ္တမော။
֍ ♦ ၄၀၉, * ၄၄၁. သဗ္ဗေသမေကာဘိဓာနေ ပရော ပုရိသော။
သဗ္ဗေသံ တိဏ္ဏံ ပဌမမဇ္ဈိမုတ္တမ ပုရိသာနံ ဧကာဘိဓာနေ ပရော ပုရိသော ဂဟေတဗ္ဗော။
(ကစ္စည်း၊၂၁၇။)သော စ ပဌတိ, တွဉ္စ ပဌသိ, တုမှေ ပဌထ။ သော စ ပစတိ, တွဉ္စ ပစသိ။ တုမှေ ပစထ။ ဧဝံ သေသာသု ဝိဘတ္တီသု ပရော ပုရိသော ယောဇေတဗ္ဗော။
֍ ♦ ၄၁၀, * ၄၃၂. နာမမှိ ပယုဇ္ဇမာနေပိ တုလျာဓိကရဏေ ပဌမော။
နာမမှိ ပယုဇ္ဇမာနေပိ အပ္ပယုဇ္ဇမာနေပိ တုလျာဓိကရဏေ ပဌမပုရိသော ဟောတိ။
သော ဂစ္ဆတိ, တေ ဂစ္ဆန္တိ။
အပ္ပယုဇ္ဇမာနေပိ – ဂစ္ဆတိ, ဂစ္ဆန္တိ။
တုလျာဓိကရဏေတိ ကိမတ္ထံ? တေန ဟညသေ တွံ ဒေဝဒတ္တေန။
֍ ♦ ၄၁၁, * ၄၃၆. တုမှေ မဇ္ဈိမော။
တုမှေ ပယုဇ္ဇမာနေပိ အပ္ပယုဇ္ဇမာနေပိ တုလျာဓိကရဏေ မဇ္ဈိမပုရိသော ဟောတိ။
တွံ ယာသိ, တုမှေ ယာထ။
အပ္ပယုဇ္ဇမာနေပိ – ယာသိ, ယာထ။
တုလျာဓိကရဏေတိ ကိမတ္ထံ? တယာ ပစ္စတေ ဩဒနော။
(ကစ္စည်း၊၂၁၈။)အမှေ ပယုဇ္ဇမာနေပိ အပ္ပယုဇ္ဇမာနေပိ တုလျာဓိကရဏေ ဥတ္တမပုရိသော ဟောတိ။
အဟံ ယဇာမိ, မယံ ယဇာမ။
အပ္ပယုဇ္ဇမာနေပိ – ယဇာမိ, ယဇာမ။
တုလျာဓိကရဏေတိ ကိမတ္ထံ? မယာ ဣဇ္ဇတေ ဗုဒ္ဓါ။
‘‘ကာလေ’’ ဣစ္စေတံ အဓိကာရတ္ထံ ဝေဒိတဗ္ဗံ။
֍ ♦ ၄၁၄, * ၄၂၈. ဝတ္တမာနာ ပစ္စုပ္ပန္နေ။
ပစ္စုပ္ပန္နေ ကာလေ ဝတ္တမာနာဝိဘတ္တိ ဟောတိ။
ပါဋလိပုတ္တံ ဂစ္ဆတိ, သာဝတ္ထိံ ပဝိသတိ။
֍ ♦ ၄၁၅, * ၄၅၁. အာဏတျာ သိဋ္ဌေ’နုတ္တကာလေ ပဉ္စမီ။
အာဏတျတ္ထေ စ အာသီသတ္ထေ စ အနုတ္တကာလေ ပဉ္စမီ ဝိဘတ္တိ ဟောတိ။
ကရောတု ကုသလံ, သုခံ တေ ဟောတု။
֍ ♦ ၄၁၆, * ၄၅၄. အနုမတိပရိကပ္ပတ္ထေသု သတ္တမီ။
အနုမတျတ္ထေ စ ပရိကပ္ပတ္ထေ စ အနုတ္တကာလေ သတ္တမီ ဝိဘတ္တိ ဟောတိ။
(ကစ္စည်း၊၂၁၉။)တွံ ဂစ္ဆေယျာသိ, ကိမဟံ ကရေယျာမိ။
֍ ♦ ၄၁၇, * ၄၆၀. အပစ္စက္ခေ ပရောက္ခာတီတေ။
အပစ္စက္ခေ အတီတေ ကာလေ ပရောက္ခာဝိဘတ္တိ ဟောတိ။
သုပိနေ ကိလမာဟ, ဧဝံ ကိလ ပေါရာဏာဟု။
֍ ♦ ၄၁၈, * ၄၅၆. ဟိယျောပဘုတိ ပစ္စက္ခေ ဟိယျတ္တနီ။
ဟိယျောပဘုတိ အတီတေ ကာလေ ပစ္စက္ခေ ဝါ အပစ္စက္ခေ ဝါ ဟိယျတ္တနီ ဝိဘတ္တိ ဟောတိ။
သော အဂမာ မဂ္ဂံ, တေ အဂမူ မဂ္ဂံ။
အဇ္ဇပ္ပဘုတိ အတီတေ ကာလေ ပစ္စက္ခေ ဝါ အပစ္စက္ခေ ဝါ သမီပေ အဇ္ဇတနီဝိဘတ္တိ ဟောတိ။
သော မဂ္ဂံ အဂမီ, တေ မဂ္ဂံ အဂမုံ။
֍ ♦ ၄၂၀, * ၄၇၁. မာယောဂေ သဗ္ဗကာလေ စ။
ဟိယျတ္တနီအဇ္ဇတနီဣစ္စေတာ ဝိဘတ္တိယော ယဒါ မာယောဂါ, တဒါ သဗ္ဗကာလေ စ ဟောန္တိ။
မာ ဂမာ, မာ ဝစာ, မာ ဂမီ, မာ ဝစီ။
(ကစ္စည်း၊၂၂၀။)စဂ္ဂဟဏေန ပဉ္စမီဝိဘတ္တိပိ ဟောတိ။ မာ ဂစ္ဆာဟိ။
֍ ♦ ၄၂၁, * ၄၇၃. အနာဂတေ ဘဝိဿန္တီ။
အနာဂတေ ကာလေ ဘဝိဿန္တီ ဝိဘတ္တိ ဟောတိ။
သော ဂစ္ဆိဿတိ, ကရိဿတိ။ တေ ဂစ္ဆိဿန္တိ, ကရိဿန္တိ။
֍ ♦ ၄၂၂, * ၄၇၅. ကြိယာတိပန္နေ’တီတေ ကာလာတိပတ္တိ။
ကြိယာတိပန္နမတ္တေ အတီတေ ကာလေ ကာလာတိပတ္တိ ဝိဘတ္တိ ဟောတိ။
သော စေ တံ ယာနံ အလဘိဿာ, အဂစ္ဆိဿာ။ တေ စေ တံ ယာနံ အလဘိဿံသု, အဂစ္ဆိဿံသု။
֍ ♦ ၄၂၃, * ၄၂၆. ဝတ္တမာနာ တိ အန္တိ, သိ ထ, မိ မ, တေ အန္တေ, သေ ဝှေ, ဧ မှေ။
ဝတ္တမာနာ ဣစ္စေသာ သညာ ဟောတိ တိ အန္တိ, သိ ထ, မိ မ, တေ အန္တေ, သေ ဝှေ, ဧ မှေ ဣစ္စေတေသံ ဒွါဒသန္နံ ပဒါနံ။
ဝတ္တမာနာ ဣစ္စနေန ကွတ္ထော? ဝတ္တမာနာ ပစ္စုပ္ပန္နေ။
֍ ♦ ၄၂၄, * ၄၅၀. ပဉ္စမီ တု အန္တု, ဟိထ, မိမ, တံ အန္တံ, ဿု ဝှော, ဧ အာမသေ။
(ကစ္စည်း၊၂၂၁။)ပဉ္စမီဣစ္စေသာ သညာ ဟောတိ တု အန္တု, ဟိ ထ, မိမ, တံ အန္တံ, ဿု ဝှော, ဧ အာမသေ ဣစ္စေတေသံ ဒွါဒသန္နံ ပဒါနံ။
ပဉ္စမီဣစ္စနေန ကွတ္ထော? အာဏတျာသိဋ္ဌေ, နုတ္တကာလေ ပဉ္စမီ။
֍ ♦ ၄၂၅, * ၄၅၃. သတ္တမီ ဧယျ ဧယျုံ, ဧယျာ သိ ဧယျာ ထ, ဧယျာမိ ဧယျာမ, ဧထ ဧရံ, ဧထော ဧယျာဝှော, ဧယျံ ဧယျာမှေ။
သတ္တမီ ဣစ္စေသာ သညာ ဟောတိ ဧယျ ဧယျုံ, ဧယျာသိ ဧယျာထ, ဧယျာမိ ဧယျာမ, ဧထ ဧရံ, ဧထော, ဧယျာဝှော, ဧယျံ ဧယျာမှေ ဣစ္စေတေသံ ဒွါဒသန္နံ ပဒါနံ။
သတ္တမီ ဣစ္စနေန ကွတ္ထော? အနုမတိပရိကပ္ပတ္ထေသု သတ္တမီ။
֍ ♦ ၄၂၆, * ၄၅၉. ပရောက္ခာ အဥ ဧတ္ထ, အံမှ, တ္ထရေ, တ္ထော ဝှော, ဣံ မှေ။
ပရောက္ခာ ဣစ္စေသာ သညာ ဟောတိ အ ဥ, ဧတ္ထ, အံ မှ, တ္ထ ရေ တ္ထော ဝှော, ဣံ မှေ ဣစ္စေတေသံ ဒွါဒသန္နံ ပဒါနံ။
ပရောက္ခာ ဣစ္စနေန ကွတ္ထော? အပစ္စက္ခေ ပရောက္ခာတီတေ။
(ကစ္စည်း၊၂၂၂။)֍ ♦ ၄၂၇, * ၄၅၅. ဟိယျတ္တနီ အာဦ, ဩတ္ထ, အံမှာ, တ္ထတ္ထုံ, သေ ဝှံ, ဣံ မှသေ။
ဟိယျတ္တနီ ဣစ္စေသာ သညာ ဟောတိ အာ ဦ, ဩ တ္ထ, အံ မှာ, တ္ထ တ္ထုံ, သေ ဝှံ, ဣံ မှသေ ဣစ္စေတေသံ ဒွါဒသန္နံ ပဒါနံ။
ဟိယျတ္တနီ ဣစ္စနေန ကွတ္ထော? ဟိယျောပဘုတိ ပစ္စက္ခေ ဟိယျတ္တနီ။
֍ ♦ ၄၂၈, * ၄၆၈. အဇ္ဇတနီ ဤ ဥံ, ဩ တ္ထ, ဣံ မှာ, အာ ဦ, သေ ဝှံ, အံ မှေ။
အဇ္ဇတနီ ဣစ္စေသာ သညာ ဟောတိ ဤ ဥံ, ဩ တ္ထ, ဣံမှာ, အာ ဦ, သေဝှံ, အံ မှေ ဣစ္စေတေသံ ဒွါဒသန္နံ ပဒါနံ။
အဇ္ဇတနီ ဣစ္စနေန ကွတ္ထော? သမီပေဇ္ဇတနီ။
֍ ♦ ၄၂၉, * ၄၇၂. ဘဝိဿန္တီ ဿတိ ဿန္တိ, ဿသိ ဿထ, ဿာမိ ဿာမ, ဿတေ ဿန္တေ, ဿသေ ဿဝှေ, ဿံ ဿာမှေ။
ဘဝိဿန္တီ ဣစ္စေသာ သညာ ဟောတိ ဿတိ ဿန္တိ, ဿသိ ဿထ, ဿာမိ ဿာမ, ဿတေ ဿန္တေ, ဿသေ ဿဝှေ, ဿံ ဿာမှေ ဣစ္စေတေသံ ဒွါဒသန္နံ ပဒါနံ။
ဘဝိဿန္တီ ဣစ္စနေန ကွတ္ထော? အနာဂတေ ဘဝိဿန္တီ။
(ကစ္စည်း၊၂၂၃။)֍ ♦ ၄၃၀, * ၃၇၃. ကာလာတိပတ္တိ ဿာ ဿံသု, ဿေ ဿထ, ဿံ ဿာမှာ, ဿထ သိဿု, ဿသေ ဿဝှေ, ဿိံ ဿာမှသေ။
ကာလာတိပတ္တိ ဣစ္စေသာ သညာ ဟောတိ ဿာ ဿံသု, ဿေ ဿထ, ဿံ ဿာမှာ, ဿထ ဿိသု, ဿသေ ဿဝှေ, ဿိံ ဿာမှသေ ဣစ္စေတေသံ ဒွါဒသန္နံ ပဒါနံ။
ကာလာတိပတ္တိ ဣစ္စနေန ကွတ္ထော? ကြိယာတိပန္နေ’ တီတေ ကာလာတိပတ္တိ။
֍ ♦ ၄၃၁, * ၄၅၈. ဟိယျတ္တနီ သတ္တမီ ပဉ္စမီ ဝတ္တမာနာ သဗ္ဗဓာတုကံ။
ဟိယျတ္တနာဒယော စတဿော ဝိဘတ္တိယော သဗ္ဗဓာတုက သညာ ဟောန္တိ။
အဂမာ, ဂစ္ဆေယျ, ဂစ္ဆတု, ဂစ္ဆတိ။
သဗ္ဗဓာတုက ဣစ္စနေန ကွတ္ထော? ဣကာရာဂမော အသဗ္ဗဓာတုကမှိ။
ဣတိ အာချာတကပ္ပေ ပဌမော ကဏ္ဍော။
(ကစ္စည်း၊၂၂၄။)ဒုတိယကဏ္ဍ
֍ ♦ ၄၃၂, * ၃၆၂. ဓာတုလိင်္ဂေဟိ ပရာ ပစ္စယာ။
ဓာတုလိင်္ဂဣစ္စေတေဟိ ပရာ ပစ္စယာ ဟောန္တိ။
ကရောတိ, ဂစ္ဆတိ။ ယော ကောစိ ကရောတိ, တံ အညော ‘‘ကရောဟိ ကရောဟိ’’ ဣစ္စေဝံ ဗြဝီတိ, အထ ဝါ ကရောန္တံ ပယောဇယတိ = ကာရေတိ။ သံဃော ပဗ္ဗတမိဝ အတ္တာနမာစရတိ = ပဗ္ဗတာယတိ။ တဠာကံ သမုဒ္ဒမိဝ အတ္တာနမာစရတိ = သမုဒ္ဒါယတိ, သဒ္ဒေါ စိစ္စိဋမိဝ အတ္တာနမာစရတိ = စိစ္စိဋာယတိ, ဝသိဋ္ဌဿ အပစ္စံ ဝါသိဋ္ဌော။ ဧဝမညေပိ ယောဇေတဗ္ဗာ။
֍ ♦ ၄၃၃, * ၅၂၈. တိဇ ဂုပ ကိတ မာနေ ဟိ ခ ဆ သာ ဝါ။
တိဇ ဂုပ ကိတ မာနု ဣစ္စေတေဟိ ဓာတူဟိ ခ ဆ သ ဣစ္စေတေ ပစ္စယာ ဟောန္တိ ဝါ။
တိတိက္ခတိ, ဇိဂုစ္ဆတိ, တိကိစ္ဆတိ, ဝီမံသတိ။
ဝါတိ ကိမတ္ထံ? တေဇတိ, ဂေါပတိ, မာနေတိ။
֍ ♦ ၄၃၄, * ၅၃၄. ဘုဇ ဃသ ဟရ သု ပါဒီဟိ တုမိစ္ဆတ္ထေသု။
(ကစ္စည်း၊၂၂၅။)ဘုဇ ဃသ ဟရ သု ပါဣစ္စေဝမာဒီဟိ ဓာတူဟိ တုမိစ္ဆတ္ထေသု ခ ဆ သဣစ္စေတေ ပစ္စယာ ဟောန္တိ ဝါ။
ဘောတ္တုမိစ္ဆတိ=ဗုဘုက္ခတိ, ဃသိတုမိစ္ဆတိ=ဇိဃစ္ဆတိ, ဟရိတုမိစ္ဆတိ=ဇိဂီသတိ, သောတုမိစ္ဆတိ=သုဿုသတိ, ပါတုမိစ္ဆတိ=ပိဝါသတိ။
ဝါတိ ကိမတ္ထံ? ဘောတ္တုမိစ္ဆတိ။
တုမိစ္ဆတ္ထေသူတိ ကိမတ္ထံ? ဘုဉ္ဇတိ။
֍ ♦ ၄၃၅, * ၅၃၆. အာယ နာမတော ကတ္တူပမာနာဒါစာရေ။
နာမတော ကတ္တူပမာနာ အာစာရတ္ထေ အာယပစ္စယော ဟောတိ။
သံဃော ပဗ္ဗတမိဝ အတ္တာနမာစရတိ = ပဗ္ဗတာယတိ, တဠာကံ သမုဒ္ဒမိဝ အတ္တာနမာစရတိ = သမုဒ္ဒါယတိ, သဒ္ဒေါ စိစ္စိဋမိဝ အတ္တာနမာစရတိ = စိစ္စိဋာယတိ။ ဧဝမညေပိ ယောဇေတဗ္ဗာ။
နာမတော ဥပမာနာ အာစာရတ္ထေ စ ဤယပစ္စယော ဟောတိ။
(ကစ္စည်း၊၂၂၆။)အဆတ္တံ ဆတ္တမိဝ အာစရတိ =ဆတ္တီယတိ, အပုတ္တံ ပုတ္တမိဝ အာစရတိ=ပုတ္တီယတိ။
ဥပမာနာတိ ကိမတ္ထံ? ဓမ္မံ အာစရတိ။
အာစာရေတိ ကိမတ္ထံ? အဆတ္တံ ဆတ္တမိဝ ရက္ခတိ။ ဧဝမညေပိ ယောဇေတဗ္ဗာ။
֍ ♦ ၄၃၇, * ၅၃၈. နာမမှာ’တ္တိစ္ဆတ္ထေ။
နာမမှာ အတ္တနော ဣစ္ဆတ္ထေ ဤယပစ္စယော ဟောတိ။
အတ္တနော ပတ္တမိစ္ဆတိ = ပတ္တီယတိ။ ဧဝံ ဝတ္ထီယတိ, ပရိက္ခာရီယတိ, စီဝရီယတိ, ဓနီယတိ, ဃဋီယတိ။
အတ္တိစ္ဆတ္ထေတိ ကိမတ္ထံ? အညဿ ပတ္တမိစ္ဆတိ။ ဧဝမညေပိ ယောဇေတဗ္ဗာ။
֍ ♦ ၄၃၈, * ၅၄၀. ဓာတူဟိ ဏေ ဏယ ဏာပေ ဏာပယာ ကာရိတာနိ ဟေတွတ္ထေ။
သဗ္ဗေဟိ ဓာတူဟိ ဏေဏယ ဏာပေ ဏာပယဣစ္စေတေ ပစ္စယာ ဟောန္တိ ကာရိတသညာ စ ဟေတွတ္ထေ။
(ကစ္စည်း၊၂၂၇။)ယော ကောစိ ကရောတိ, တံ အညော ‘‘ကရောဟိ ကရောဟိ’’ ဣစ္စေဝံ ဗြဝီတိ, အထ ဝါ ကရောန္တံ ပယောဇယတိ = ကာရေတိ, ကာရယတိ, ကာရာပေတိ, ကာရာ ပယတိ။ ယေ ကေစိ ကရောန္တိ, တေ အညေ ‘‘ကရောထ ကရောထ’’ ဣစ္စေဝံ ဗြုဝန္တိ = ကာရေန္တိ, ကာရယန္တိ, ကာရာပေန္တိ, ကာရာပယန္တိ။ ယော ကောစိ ပစတိ, တံ အညော ‘‘ပစာဟိ ပစာဟိ’’ဣစ္စေဝံ ဗြဝီတိ, အထ ဝါ ပစန္တံ ပယောဇယတိ = ပါစေတိ, ပါစယတိ, ပါစာပေတိ, ပါစာပယတိ။ ယေ ကေစိ ပစန္တိ, တေ အညေ ‘‘ပစထ ပစထ’’ ဣစ္စေဝံ ဗြုဝန္တိ = ပါစေန္တိ, ပါစယန္တိ, ပါစာပေန္တိ။ ပါစာပယန္တိ။ ဧဝံ ဘဏေတိ, ဘဏယတိ, ဘဏာပေတိ, ဘဏာပယတိ။ ဘဏေန္တိ, ဘဏယန္တိ, ဘဏာပေန္တိ, ဘဏာပယန္တိ။ တထရိဝ အညေပိ ယောဇေတဗ္ဗာ။
ဟေတွတ္ထေတိ ကိမတ္ထံ? ကရောတိ, ပစတိ။
အတ္ထဂ္ဂဟဏေန အလပစ္စယော ဟောတိ, ဇောတလတိ။
֍ ♦ ၄၃၉, * ၅၃၉. ဓာတုရူပေ နာမသ္မာ ဏယော စ။
တသ္မာ နာမသ္မာ ဏယပစ္စယော ဟောတိ ကာရိတသညော စ ဓာတုရူပေ သတိ။
(ကစ္စည်း၊၂၂၈။)ဟတ္ထိနာ အတိက္ကမတိ မဂ္ဂံ = အတိဟတ္ထယတိ, ဝီဏာယ ဥပဂါယတိ ဂီတံ = ဥပဝီဏယတိ, ဒဠှံ ကရောတိ ဝီရိယံ = ဒဠှယတိ, ဝိသုဒ္ဓါ ဟောတိ ရတ္တိ = ဝိသုဒ္ဓယတိ။
စဂ္ဂဟဏေန အာရ အာလဣစ္စေတေ ပစ္စယာ ဟောန္တိ။ သန္တံ ကရောတိ = သန္တာရတိ, ဥပက္ကမံ ကရောတိ = ဥပက္ကမာလတိ။
֍ ♦ ၄၄၀, * ၄၄၅. ဘာဝကမ္မေသု ယော။
သဗ္ဗေဟိ ဓာတူဟိ ဘာဝကမ္မေသု ယပစ္စယော ဟောတိ။
ဌီယတေ, ဗုဇ္ဈတေ, ပစ္စတေ, လဗ္ဘတေ, ကရီယတေ, ယုဇ္ဇတေ, ဥစ္စတေ။
ဘာဝကမ္မေသူတိ ကိမတ္ထံ? ကရောတိ, ပစတိ, ပဌတိ။
֍ ♦ ၄၄၁, * ၄၄၇. တဿ စဝဂ္ဂယကာရဝကာရတ္တံ သဓာတွန္တဿ။
တဿ ယပစ္စယဿ စဝဂ္ဂယကာရဝကာရတ္တံ ဟောတိ ဓာတူနံ အန္တေန သဟ ယထာသမ္ဘဝံ။
ဝုစ္စတေ, ဝုစ္စန္တေ, ဥစ္စတေ, ဥစ္စန္တေ, ပစ္စတေ, ပစ္စန္တေ။ မဇ္ဇတေ, မဇ္ဇန္တေ, ယုဇ္ဇတေ, ယုဇ္ဇန္တေ။ ဗုဇ္ဈတေ, ဗုဇ္ဈန္တေ, ကုဇ္ဈတေ, ကုဇ္ဈန္တေ, ဥဇ္ဈတေ, ဥဇ္ဈန္တေ။ ဟညတေ, ဟညန္တေ။ ကယျတေ, ကယျန္တေ။ ဒိဗ္ဗတေ, ဒိဗ္ဗန္တေ။
(ကစ္စည်း၊၂၂၉။)֍ ♦ ၄၄၂, * ၄၄၈. ဣဝဏ္ဏာဂမော ဝါ။
သဗ္ဗေဟိ ဓာတူဟိ ယမှိ ပစ္စယေ, ပရေ ဣဝဏ္ဏာဂမော ဟောတိ ဝါ။
ကရီယတေ, ကရီယတိ, ဂစ္ဆီယတေ, ဂစ္ဆီယတိ။
ဝါတိ ကိမတ္ထံ? ကယျတေ။
သဗ္ဗေဟိ ဓာတူဟိ ယပစ္စယော ပုဗ္ဗရူပမာပဇ္ဇတေ ဝါ။
ဝုဍ္ဎတေ, ဖလ္လတေ, ဒမ္မတေ, သက္ကတေ, လဗ္ဘတေ, ဒိဿတေ။
ယထာ ဟေဋ္ဌာ ဘာဝကမ္မေသု ယပစ္စယဿ အာဒေသော ဟောတိ တထာ ကတ္တရိပိ ယပစ္စယဿ အာဒေသော ကာတဗ္ဗော။
ဗုဇ္ဈတိ, ဝိဇ္ဈတိ, မညတိ, သိဗ္ဗတိ။
ဘူဣစ္စေဝမာဒိတော ဓာတုဂဏတော အပစ္စယော ဟောတိ ကတ္တရိ။
(ကစ္စည်း၊၂၃၀။)֍ ♦ ၄၄၆, * ၅၀၉. ရုဓာဒိတော နိဂ္ဂဟိတပုဗ္ဗဉ္စ။
ရုဓဣစ္စေဝမာဒိတော ဓာတုဂဏတော အပစ္စယော ဟောတိ ကတ္တရိ, ပုဗ္ဗေ နိဂ္ဂဟိတာဂမော ဟောတိ။
ရုန္ဓတိ, ဆိန္ဒတိ, ဘိန္ဒတိ။
စဂ္ဂဟဏေန ဣ ဤ ဧ ဩဣစ္စေတေ ပစ္စယာ ဟောန္တိ နိဂ္ဂဟိတပုဗ္ဗဉ္စ။
ရုန္ဓိတိ, ရုန္ဓီတိ, ရုန္ဓေတိ, ရုန္ဓောတိ, သုမ္ဘောတိ, ပရိသုမ္ဘောတိ။
֍ ♦ ၄၄၇, * ၅၁၀. ဒိဝါဒိတော ယော။
ဒိဝုဣစ္စေဝမာဒိတော ဓာတုဂဏတော ယပစ္စယော ဟောတိ ကတ္တရိ။
ဒိဗ္ဗတိ, ထိဗ္ဗတိ, ယုဇ္ဈတိ, ဝိဇ္ဈတိ, ဗုဇ္ဈတိ။
֍ ♦ ၄၄၈, * ၅၁၂. သွာဒိတော ဏု ဏာ ဥဏာ စ။
သုဣစ္စေဝမာဒိတော ဓာတုဂဏတော ဏု ဏာ ဥ ဏာဣစ္စေတေ ပစ္စယာ ဟောန္တိ ကတ္တရိ။
(ကစ္စည်း၊၂၃၁။)အဘိသုဏောတိ, အဘိသုဏာတိ, သံဝုဏောတိ, သံဝုဏာတိ, အာဝုဏောတိ, အာဝုဏာတိ, ပါပုဏောတိ, ပါပုဏာတိ။
ကီဣစ္စေဝမာဒိတော ဓာတုဂဏတော နာပစ္စယော ဟောတိ ကတ္တရိ။
ကိဏာတိ, ဇိနာတိ, ဓုနာတိ, မုနာတိ, လုနာတိ, ပုနာတိ။
֍ ♦ ၄၅၀, * ၅၁၇. ဂဟာဒိတော ပ္ပ ဏှာ။
ဂဟဣစ္စေဝမာဒိတော ဓာတုဂဏတော ပ္ပဏှာဣစ္စေတေ ပစ္စယာ ဟောန္တိ ကတ္တရိ။
ဃေပ္ပတိ, ဂဏှာတိ။
֍ ♦ ၄၅၁, * ၅၂၀. တနာဒိတော ဩယိရာ။
တနုဣစ္စေဝမာဒိတော ဓာတုဂဏတော ဩ ယိရဣစ္စေတေ ပစ္စယာ ဟောန္တိ ကတ္တရိ။
(ကစ္စည်း၊၂၃၂။)တနောတိ, တနောဟိ, ကရောတိ, ကရောဟိ, ကယိ ရတိ, ကယိရာဟိ။
֍ ♦ ၄၅၂, * ၅၂၅. စုရာဒိတော, ဏေ ဏယာ။
စုရဣစ္စေဝမာဒိတော ဓာတုဂဏတော ဏေ ဏယဣစ္စေတေ ပစ္စယာ ဟောန္တိ ကတ္တရိ, ကာရိတသညာ စ။
စောရေတိ, စောရယတိ, စိန္တေတိ, စိန္တယတိ, မန္တေတိ, မန္တယတိ။
֍ ♦ ၄၅၃, * ၄၄၄. အတ္တနောပဒါနိ ဘာဝေ စ ကမ္မနိ။
ဘာဝေ စ ကမ္မနိ စ အတ္တနောပဒါနိ ဟောန္တိ။
ဥစ္စတေ, ဥစ္စန္တေ, မဇ္ဇတေ, မဇ္ဇန္တေ, ယုဇ္ဇတေ, ယုဇ္ဇန္တေ, ကုဇ္ဈတေ, ကုဇ္ဈန္တေ, လဗ္ဘတေ, လဗ္ဘန္တေ, ကယျတေ, ကယျန္တေ။
ကတ္တရိ စ အတ္တနောပဒါနိ ဟောန္တိ။
မညတေ, ရောစတေ, သောစတေ, ဗုဇ္ဈတေ, ဇာယတေ။
֍ ♦ ၄၅၅, * ၅၃၀. ဓာတုပ္ပစ္စယေဟိ ဝိဘတ္တိယော။
ဓာတုနိဒ္ဒိဋ္ဌေဟိ ပစ္စယေဟိ ခါဒိကာရိတန္တေဟိ ဝိဘတ္တိယော ဟောန္တိ။
(ကစ္စည်း၊၂၃၃။)တိတိက္ခတိ, ဇိဂုစ္ဆတိ, ဝီမံသတိ, သမုဒ္ဒါယတိ, ပုတ္တီယတိ, ကာရေတိ, ပါစေတိ။
֍ ♦ ၄၅၆, * ၄၃၀. ကတ္တရိ ပရဿပဒံ။
ကတ္တရိ ပရဿပဒံ ဟောတိ။
ကရောတိ, ပစတိ, ပဌတိ, ဂစ္ဆတိ။
֍ ♦ ၄၅၇, * ၄၂၄. ဘူဝါဒယော ဓာတဝေါ။
ဘူဣစ္စေဝမာဒယော ယေ သဒ္ဒဂဏာ, တေ ဓာတုသညာ ဟောန္တိ။
ဘဝတိ, ဘဝန္တိ, စရတိ, စရန္တိ, ပစတိ, ပစန္တိ, စိန္တယတိ, စိန္တယန္တိ, ဟောတိ, ဟောန္တိ, ဂစ္ဆတိ, ဂစ္ဆန္တိ။
ဣတိ အာချာတကပ္ပေ ဒုတိယော ကဏ္ဍော။
တတိယကဏ္ဍ
֍ ♦ ၄၅၈, * ၄၆၁. ကွစာဒိဝဏ္ဏာနမေကဿရာနံ ဒွေဘာဝေါ။
အာဒိဘူတာနံ ဝဏ္ဏာနံ ဧကဿရာနံ ကွစိ ဒွေဘာဝေါ ဟောတိ။
(ကစ္စည်း၊၂၃၄။)တိတိက္ခတိ, ဇိဂုစ္ဆတိ, တိကိစ္ဆတိ, ဝီမံသတိ, ဗုဘုက္ခတိ, ပိဝါသတိ, ဒဒ္ဒလ္လတိ, ဒဒါတိ, ဇဟာတိ, စင်္ကမတိ။
ကွစီတိ ကိမတ္ထံ? ကမ္ပတိ, စလတိ။
֍ ♦ ၄၅၉, * ၄၆၂. ပုဗ္ဗော’ဗ္ဘာသော။
ဒွေဘူတဿ ဓာတုဿ ယော ပုဗ္ဗော, သော အဗ္ဘာသသညော ဟောတိ။
ဒဓာတိ, ဒဒါတိ, ဗဘူဝ။
အဗ္ဘာသေ ဝတ္တမာနဿ သရဿ ရဿော ဟောတိ။ ဒဓာတိ, ဇဟာတိ။
֍ ♦ ၄၆၁, * ၄၆၄. ဒုတိယစတုတ္ထာနံ ပဌမတတိယာ။
အဗ္ဘာသဂတာနံ ဒုတိယစတုတ္ထာနံ ပဌမတတိယာ ဟောန္တိ။
စိစ္ဆေဒ, ဗုဘုက္ခတိ, ဗဘူဝ, ဒဓာတိ။
֍ ♦ ၄၆၂, * ၄၇၆. ကဝဂ္ဂဿ စဝဂ္ဂေါ။
အဗ္ဘာသေ ဝတ္တမာနဿ ကဝဂ္ဂဿ စ ဝဂ္ဂေါ ဟောတိ။
(ကစ္စည်း၊၂၃၅။)စိကိစ္ဆတိ, ဇိဂုစ္ဆတိ, ဇိဃစ္ဆတိ, ဇိဂီသတိ, ဇင်္ဂမတိ, စင်္ကမတိ။
֍ ♦ ၄၆၃, * ၅၃၂. မာနကိတာနံ ဝတတ္တံ ဝါ။
မာနကိတဣစ္စေတေသံ ဓာတူနံ အဗ္ဘာသဂတာနံ ဝကာရ တကာရတ္တံ ဟောတိ ဝါ ယထာသင်္ချံ။
ဝီမံသတိ, တိကိစ္ဆတိ။
ဝါတိ ကိမတ္ထံ? စိကိစ္ဆတိ။
အဗ္ဘာသေ ဝတ္တမာနဿ ဟကာရဿ ဇော ဟောတိ။
ဇဟာတိ, ဇုဟွတိ, ဇုဟောတိ, ဇဟာရ။
֍ ♦ ၄၆၅, * ၄၆၃. အန္တဿိဝဏ္ဏာကာရော ဝါ။
အဗ္ဘာသဿ အန္တဿ ဣဝဏ္ဏော ဟောတိ, အကာရော ဝါ။
ဇိဂုစ္ဆတိ, ပိဝါသတိ, ဝီမံသတိ, ဇိဃစ္ဆတိ, ဗဘူဝ, ဒဓာတိ။
ဝါတိ ကိမတ္ထံ? ဗုဘုက္ခတိ။
(ကစ္စည်း၊၂၃၆။)အဗ္ဘာသဿ အန္တေ နိဂ္ဂဟိတာဂမော ဟောတိ ဝါ။
စင်္ကမတိ, စဉ္စလတိ, ဇင်္ဂမတိ။
ဝါတိ ကိမတ္ထံ? ပိဝါသတိ, ဒဒ္ဒလ္လတိ။
֍ ♦ ၄၆၇, * ၅၃၃. တတော ပါမာနာနံ ဝါ မံ သေသု။
တတော အဗ္ဘာသတော ပါမာနဣစ္စေတေသံ ဓာတူနံ ဝါမံဣစ္စေတေ အာဒေသာ ဟောန္တိ ယထာသင်္ချံ သပစ္စယေ ပရေ။
ပိဝါသတိ, ဝီမံသတိ။
ဌာဣစ္စေတဿ ဓာတုဿ တိဋ္ဌာဒေသော ဟောတိ ဝါ။
တိဋ္ဌတိ, တိဋ္ဌတု, တိဋ္ဌေယျ, တိဋ္ဌေယျုံ။
ဝါတိ ကိမတ္ထံ? ဌာတိ။
ပါဣစ္စေတဿ ဓာတုဿ ပိဝါဒေသော ဟောတိ ဝါ။
ပိဝတိ, ပိဝတု, ပိဝေယျ, ပိဝေယျုံ။
ဝါတိ ကိမတ္ထံ? ပါတိ။
(ကစ္စည်း၊၂၃၇။)ဉာဣစ္စေတဿ ဓာတုဿ ဇာ ဇံ နာအာဒေသာ ဟောန္တိ ဝါ။
ဇာနာတိ, ဇာနေယျ, ဇာနိယာ, ဇညာ, နာယတိ။
֍ ♦ ၄၇၁, * ၄၈၃. ဒိသဿ ပဿ ဒိဿ ဒက္ခာ ဝါ။
ဒိသဣစ္စေတဿ ဓာတုဿ ပဿ ဒိဿ ဒက္ခဣစ္စေတေ အာဒေသာ ဟောန္တိ ဝါ။
ပဿတိ, ဒိဿတိ, ဒက္ခတိ, အဒက္ခ။
ဝါတိ ကိမတ္ထံ? အဒ္ဒသ။
֍ ♦ ၄၇၂, * ၅၃၁. ဗျဉ္ဇနန္တဿ စော ဆပစ္စယေသု စ။
ဗျဉ္ဇနန္တဿ ဓာတုဿ စော ဟောတိ ဆပစ္စယေသု ပရေသု။
ဇိဂုစ္ဆတိ, တိကိစ္ဆတိ, ဇိဃစ္ဆတိ။
ဗျဉ္ဇနန္တဿ ဓာတုဿ ကော ဟောတိ ခပစ္စယေ ပရေ။
(ကစ္စည်း၊၂၃၈။)ဟရဣစ္စေတဿ ဓာတုဿ သဗ္ဗဿေဝ ဂီအာဒေသော ဟောတိ သပစ္စယေ ပရေ။
ဇိဂီသတိ။
֍ ♦ ၄၇၅, * ၅၆၅. ဗြူဘူနမာဟဘူဝါ ပရောက္ခာယံ။
ဗြူဘူဣစ္စေတေသံ ဓာတူနံ အာဟဘူဝဣစ္စေတေ အာဒေသာ ဟောန္တိ ယထာသင်္ချံ ပရောက္ခာယံ ဝိဘတ္တိယံ။
အာဟ, အာဟု, ဗဘူဝ, ဗဘူဝု။
ပရောက္ခာယမိတိ ကိမတ္ထံ? အဗြစုံ။
֍ ♦ ၄၇၆, * ၄၄၂. ဂမိဿန္တော စ္ဆော ဝါ သဗ္ဗာသု။
ဂမုဣစ္စေတဿ ဓာတုဿ အန္တော မကာရော စ္ဆော ဟောတိ ဝါ သဗ္ဗာသု ပစ္စယဝိဘတ္တီသု။
ဂစ္ဆမာနော, ဂစ္ဆန္တော။ ဂစ္ဆတိ, ဂမေတိ။ ဂစ္ဆတု, ဂမေတု။ ဂစ္ဆေယျ။ ဂမေယျ။ အဂစ္ဆာ, အဂမာ။ အဂစ္ဆီ, အဂမီ။ ဂစ္ဆိဿတိ, ဂမိဿတိ။ အဂစ္ဆိဿာ, အဂမိဿာ။
(ကစ္စည်း၊၂၃၉။)֍ ♦ ၄၇၇, * ၄၇၉. ဝစဿဇ္ဇတနိမှိ မကာရော ဩ။
ဝစဣစ္စေတဿ ဓာတုဿ အကာရော ဩတ္တမာပဇ္ဇတေ အဇ္ဇတနိမှိ ဝိဘတ္တိမှိ။
အဝေါစ။ အဝေါစုံ။
အဇ္ဇတနိမှီတိ ကိမတ္ထံ? အဝစ, အဝစူ။
֍ ♦ ၄၇၈, * ၄၃၈. အကာရော ဒီဃံ ဟိ မိ မေသု။
အကာရော ဒီဃမာပဇ္ဇတေ ဟိမိမဣစ္စေတေသု ဝိဘတ္တီသု။
ဂစ္ဆာဟိ, ဂစ္ဆာမိ, ဂစ္ဆာမ, ဂစ္ဆာမှေ။
မိကာရဂ္ဂဟဏေန ဟိဝိဘတ္တိမှိ အကာရော ကွစိ န ဒီဃမာပဇ္ဇတေ။ ဂစ္ဆဟိ။
ဟိဝိဘတ္တိ လောပမာပဇ္ဇတေ ဝါ။
ဂစ္ဆ, ဂစ္ဆာဟိ, ဂမ, ဂမာဟိ, ဂမယ, ဂမယာဟိ။
ဟီတိ ကိမတ္ထံ? ဂစ္ဆတိ, ဂမယတိ။
֍ ♦ ၄၈၀, * ၄၉၀. ဟောတိဿရေဟောဟေ ဘဝိဿန္တိမှိဿဿ စ။
(ကစ္စည်း၊၂၄၀။)ဟူဣစ္စေတဿ ဓာတုဿ သရော ဧ ဟ ဩဟ ဧတ္တမာပဇ္ဇ တေ ဘဝိဿန္တိမှိ, ဿဿ စ လောပေါ ဟောတိ ဝါ။
ဟေဟိတိ, ဟေဟိန္တိ, ဟောဟိတိ, ဟောဟိန္တိ, ဟေတိ, ဟေန္တိ, ဟေဟိဿတိ, ဟေဟိဿန္တိ, ဟောဟိဿတိ, ဟောဟိဿန္တိ, ဟေဿတိ, ဟေဿန္တိ။
ဟူတိ ကိမတ္ထံ? ဘဝိဿတိ, ဘဝိဿန္တိ။
ဘဝိဿန္တိမှီတိ ကိမတ္ထံ? ဟောတိ။
֍ ♦ ၄၈၁, * ၅၂၄. ကရဿ သပစ္စယဿ ကာဟော။
ကရဣစ္စေတဿ ဓာတုဿ သပစ္စယဿ ကာဟာဒေသော ဟောတိ ဝါ ဘဝိဿန္တိမှိ ဝိဘတ္တိမှိ, သဿ စ နိစ္စံ လောပေါ ဟောတိ။
ကာဟတိ, ကာဟိတိ, ကာဟသိ, ကာဟိသိ, ကာဟာမိ, ကာဟာမ။
ဝါတိ ကိမတ္ထံ? ကရိဿတိ, ကရိဿန္တိ။
သပစ္စယဂ္ဂဟဏေန အညေဟိပိ ဘဝိဿန္တိယာ ဝိဘတ္တိယာ ခါမိ ခါမ ဆာမိ ဆာမဣစ္စာဒယော အာဒေသာ ဟောန္တိ။ ဝက္ခာမိ, ဝက္ခာမ, ဝစ္ဆာမိ, ဝစ္ဆာမ။
ဣတိ အာချာတကပ္ပေ တတိယော ကဏ္ဍော။
(ကစ္စည်း၊၂၄၁။)စတုတ္ထကဏ္ဍ
֍ ♦ ၄၈၂, * ၅၀၈. ဒါဒန္တဿံ မိ မေသု။
ဒါဣစ္စေတဿ ဓာတုဿ အန္တဿ အံ ဟောတိ မိမဣစ္စေတေသု။
ဒမ္မိ, ဒမ္မ။
֍ ♦ ၄၈၃, * ၅၂၇. အသံယောဂန္တဿ ဝုဒ္ဓိ ကာရိတေ။
အသံယောဂန္တဿ ဓာတုဿ ကာရိတေ ဝုဒ္ဓိ ဟောတိ။
ကာရေတိ, ကာရေန္တိ, ကာရယတိ, ကာရယန္တိ, ကာရာပေတိ, ကာရာပေန္တိ, ကာရာပယတိ, ကာရာပယန္တိ။
အသံယောဂန္တဿေတိ ကိမတ္ထံ? စိန္တယတိ, မန္တယတိ။
ဃဋာဒီနံ ဓာတူနံ အသံယောဂန္တာနံ ဝုဒ္ဓိ ဟောတိ ဝါ ကာရိတေ။
ဃာဋေတိ, ဃဋေတိ, ဃာဋယတိ, ဃဋယတိ, ဃာဋာပေတိ, ဃဋာပေတိ, ဃာဋာပယတိ, ဃဋာပယတိ, ဂါမေတိ, ဂမေတိ, ဂါမယတိ, ဂမယတိ, ဂါမာပေတိ, ဂမာပေတိ။ ဂါမာပယတိ, ဂမာပယတိ။
ဃဋာဒီနမိတိ ကိမတ္ထံ? ကာရေတိ။
(ကစ္စည်း၊၂၄၂။)အညေသု စ ပစ္စယေသု သဗ္ဗေသံ ဓာတူနံ အသံယောဂန္တာနံ ဝုဒ္ဓိ ဟောတိ။
ဇယတိ, ဟောတိ, ဘဝတိ။
စဂ္ဂဟဏေန ဏုပစ္စယဿာပိ ဝုဒ္ဓိ ဟောတိ။ အဘိသုဏောတိ။
֍ ♦ ၄၈၆, * ၅၄၃. ဂုဟ ဒုသာနံ ဒီဃံ။
ဂုဟ ဒုသဣစ္စေတေသံ ဓာတူနံ သရော ဒီဃမာပဇ္ဇတေ ကာရိတေ။
ဂူဟယတိ, ဒူသယတိ။
֍ ♦ ၄၈၇, * ၄၇၈. ဝစ ဝသ ဝဟာဒီနမုကာရော ဝဿ ယေ။
ဝစ ဝသ ဝဟဣစ္စေဝမာဒီနံ ဓာတူနံ ဝကာရဿ ဥကာရော ဟောတိ ယပစ္စယေ ပရေ။
ဥစ္စတေ, ဝုစ္စတိ, ဂုဿတိ, ဝုယှတိ။
֍ ♦ ၄၈၈, * ၄၈၁. ဟ ဝိပရိယယော လော ဝါ။
ဟကာရဿ ဝိပရိယယော ဟောတိ ယပစ္စယေ ပရေ, ယပစ္စယဿ စ လော ဟောတိ ဝါ။
ဝုလှတိ, ဝုယှတိ။
(ကစ္စည်း၊၂၄၃။)ဂဟဣစ္စေတဿ ဓာတုဿ သဗ္ဗဿ ဃေကာရော ဟောတိ ပ္ပပစ္စယေ ပရေ။
ဃေပ္ပတိ။
֍ ♦ ၄၉၀, * ၅၁၈. ဟလော ပေါ ဏှာမှိ။
ဂဟဣစ္စေတဿ ဓာတုဿ ဟကာရဿ လောပေါ ဟောတိ ဏှာမှိ ပစ္စယေ ပရေ။
ဂဏှာတိ။
֍ ♦ ၄၉၁, * ၅၂၃. ကရဿ ကာသတ္တမဇ္ဇတနိမှိ။
ကရဣစ္စေတဿ ဓာတုဿ သဗ္ဗဿ ကာသတ္တံ ဟောတိ ဝါ အဇ္ဇတနိမှိ ဝိဘတ္တိမှိ။
အကာသိ, အကာသုံ။ အကရိ, အကရုံ။
ကာသတ္တမိတိဘာဝနိဒ္ဒေသေန အညတ္ထာပိ သာဂမော ဟောတိ။ အဟောသိ, အဒါသိ။
֍ ♦ ၄၉၂, * ၄၉၉. အသသ္မာ မိမာနံ မှိမှာ’ န္တလောပေါ စ။
အသဣစ္စေတာယ ဓာတုယာ မိမဣစ္စေတေသံ ဝိဘတ္တီနံ မှိမှာဒေသာ ဟောန္တိ ဝါ, ဓာတွန္တဿ လောပေါ စ။
(ကစ္စည်း၊၂၄၄။)အသဣစ္စေတာယ ဓာတုယာ ထဿ ဝိဘတ္တိဿ တ္ထတ္တံ ဟောတိ, ဓာတွန္တဿ လောပေါ စ။
အတ္ထ။
အသဣစ္စေတာယ ဓာတုယာ တိဿ ဝိဘတ္တိဿ တ္ထိတ္တံ ဟောတိ, ဓာတွန္တဿ လောပေါ စ။
အတ္ထိ။
အသဣစ္စေတာယ ဓာတုယာ တုဿ ဝိဘတ္တိဿ တ္ထုတ္တံ ဟောတိ, ဓာတွန္တဿ လောပေါ စ။
အတ္ထု။
အသဿေဝ ဓာတုဿ သိမှိ ဝိဘတ္တိမှိ အန္တဿ လောပေါ စ ဟောတိ။
ကော နု တွမသိ မာရိသ။
(ကစ္စည်း၊၂၄၅။)֍ ♦ ၄၉၇, * ၄၇၇. လဘသ္မာ ဤ ဣံနံ တ္ထ တ္ထံ။
လဘဣစ္စေတာယ ဓာတုယာ ဤ ဣံနံ ဝိဘတ္တီနံ တ္ထ တ္ထံအာဒေသာ ဟောန္တိ, ဓာတွန္တဿ လောပေါ စ။
အလတ္ထ, အလတ္ထံ။
֍ ♦ ၄၉၈, * ၄၈၀. ကုသသ္မာ ဒီ စ္ဆိ။
ကုသဣစ္စေတာယ ဓာတုယာ ဤဝိဘတ္တိဿ စ္ဆိဟောတိ, ဓာတွန္တဿ လောပေါ စ။
အက္ကောစ္ဆိ။
֍ ♦ ၄၉၉, * ၅၀၇. ဒါဓာတုဿ ဒဇ္ဇံ။
ဒါဣစ္စေတဿ ဓာတုဿ သဗ္ဗဿ ဒဇ္ဇာဒေသော ဟောတိ ဝါ။
ဒဇ္ဇာမိ, ဒဇ္ဇေယျ, ဒဒါမိ, ဒဒေယျ။
ဝဒဣစ္စေတဿ ဓာတုဿ သဗ္ဗဿ ဝဇ္ဇာဒေသော ဟောတိ ဝါ။
ဝဇ္ဇာမိ, ဝဇ္ဇေယျ, ဝဒါမိ, ဝဒေယျ။
(ကစ္စည်း၊၂၄၆။)ဂမုဣစ္စေတဿ ဓာတုဿ သဗ္ဗဿ ဃမ္မာဒေသော ဟောတိ ဝါ။
ဃမ္မတု။ ဃမ္မာဟိ, ဃမ္မာမိ။
ဝါတိ ကိမတ္ထံ? ဂစ္ဆတု, ဂစ္ဆာဟိ, ဂစ္ဆာမိ။
֍ ♦ ၅၀၂, * ၄၉၃. ယမှိ ဒါ ဓာ မာ ဌာ ဟာ ပါ မဟမထာဒီနမီ။
ယမှိ ပစ္စယေ ပရေ ဒါ ဓာ မာ ဌာ ဟာ ပါ မဟ မထ ဣစ္စေဝမာဒီနံ ဓာတူနံ အန္တော ဤကာရမာပဇ္ဇတေ။
ဒီယတိ, ဓီယတိ, မီယတိ, ဌီယတိ, ဟီယတိ, ပီယတိ, မဟီယတိ, မထီယတိ။
ယဇဣစ္စေတဿ ဓာတုဿ အာဒိဿ ဣကာရာဒေသော ဟောတိ ယပစ္စယေ ပရေ။
ဣဇ္ဇတေ မယာ ဗုဒ္ဓါ။
֍ ♦ ၅၀၄, * ၄၇၀. သဗ္ဗတော ဥံ ဣံသု။
သဗ္ဗေဟိ ဓာတူဟိ ဥံဝိဘတ္တိဿ ဣံသုအာဒေသော ဟောတိ။
(ကစ္စည်း၊၂၄၇။)֍ ♦ ၅၀၅, * ၄၈၂. ဇရ မရာနံ ဇီရ ဇိယျ မိယျာ ဝါ။
ဇရ မရ ဣစ္စေတေသံ ဓာတူနံ ဇီရ ဇိယျ မိယျာဒေသာ ဟောန္တိ ဝါ။
ဇီရတိ, ဇီရန္တိ, ဇိယျတိ, ဇိယျန္တိ, မိယျတိ, မိယျန္တိ, မရတိ, မရန္တိ။
֍ ♦ ၅၀၆, * ၄၉၆. သဗ္ဗတ္ထာ’ သဿာဒိလောပေါ စ။
သဗ္ဗတ္ထ ဝိဘတ္တိပစ္စယေသု အသဣစ္စေတဿ ဓာတုဿ အာဒိဿ လောပေါ ဟောတိ ဝါ။
သိယာ, သန္တိ, သန္တေ, သမာနော။
ဝါတိ ကိမတ္ထံ? အသိ။
֍ ♦ ၅၀၇, * ၅၀၁. အသဗ္ဗဓာတုကေ ဘူ။
အသဿေဝ ဓာတုဿ ဘူဟောတိ ဝါ အသဗ္ဗဓာတုကေ။
ဘဝိဿတိ။ ဘဝိဿန္တိ။
ဝါတိ ကိမတ္ထံ? အာသုံ။
(ကစ္စည်း၊၂၄၈။)֍ ♦ ၅၀၈, * ၅၁၅. ဧယျဿ ဉာတော ဣယာ ဉာ။
ဧယျဿ ဝိဘတ္တိဿ ဉာဣစ္စေတာယ ဓာတုယာ ပရဿ ဣယာ ဉာအာဒေသာ ဟောန္တိ ဝါ။
ဇာနိယာ, ဇညာ။
ဝါတိ ကိမတ္ထံ? ဇာနေယျ။
֍ ♦ ၅၀၉, * ၅၁၆. နာဿ လောပေါ ယကာရတ္တံ။
ဉာဣစ္စေတာယ ဓာတုယာ ပရဿ နာပစ္စယဿ လောပေါ ဟောတိ ဝါ, ယကာရတ္တဉ္စ။
ဇညာ, နာယတိ။
ဝါတိ ကိမတ္ထံ? ဇာနာတိ။
֍ ♦ ၅၁၀, * ၄၈၇. လောပဉ္စေတ္တမကာရော။
အကာရပစ္စယော လောပမာပဇ္ဇတေ, ဧတ္တဉ္စ ဟောတိ ဝါ။
ဝဇ္ဇေမိ, ဝဒေမိ, ဝဇ္ဇာမိ, ဝဒါမိ။
ဩကာရပစ္စယော ဥတ္တမာပဇ္ဇတေ ဝါ။
ကုရုတေ, ကရောတိ။
(ကစ္စည်း၊၂၄၉။)ကရဣစ္စေတဿ ဓာတုဿ အကာရော ဥတ္တမာပဇ္ဇတေ ဝါ။
ကုရုတေ, တရောတိ, တုဗ္ဗန္တိ, ကယိရတိ။
ကရဿေတိ ကိမတ္ထံ? သရတိ, မရတိ။
ဩကာရဿ ဓာတွန္တဿ သရေ ပရေ အဝါဒေသော ဟောတိ။
စဝတိ။ ဘဝတိ။
ဩတိ ကိမတ္ထံ? ဇယတိ။
ဧကာရဿ ဓာတွန္တဿ သရေ ပရေ အယာဒေသော ဟောတိ။
နယတိ, ဇယတိ။
(ကစ္စည်း၊၂၅၀။)֍ ♦ ၅၁၅, * ၅၄၁. တေ အာဝါယာ ကာရိတေ။
တေ ဩ ဧဣစ္စေတေ အာဝ အာယာဒေသေ ပါပုဏန္တိ ကာရိတေ။
လာဝေတိ, နာယေတိ။
ယောဂဝိဘာဂေန အညသ္မိမ္ပိ ဧကာရဿ အာယာဒေသော ဟောတိ။ ဂါယတိ, ဂါယန္တိ။
֍ ♦ ၅၁၆, * ၄၆၆. ဣကာရာဂမော အသဗ္ဗဓာတုကမှိ။
သဗ္ဗသ္မိံ အသဗ္ဗဓာတုကမှိ ဣကာရာဂမော ဟောတိ။
ဂမိဿတိ, ကရိဿတိ, လဘိဿတိ, ပစိဿတိ။
အသဗ္ဗဓာတုကမှီတိ ကိမတ္ထံ? ဂစ္ဆတိ, ကရောတိ, လဘတိ, ပစတိ။
֍ ♦ ၅၁၇, * ၄၈၈. ကွစိ ဓာတုဝိဘတ္တိပစ္စယာနံ ဒီဃ ဝိပရီတာဒေသလောပါဂမာ စ။
ဣဓ အာချာတေ အနိဒ္ဒိဋ္ဌေသု သာဓနေသု ကွစိ ဓာတုဝိဘတ္တိပစ္စယာနံ ဒီဃဝိပရီတာဒေသလောပါဂမဣစ္စေတာနိ ကာရိယာနိ ဇိနဝစနာနုရူပါနိ ကာတဗ္ဗာနိ။
(ကစ္စည်း၊၂၅၁။)ဇာယတိ, ကရေယျ, ဇာနိယာ, သိယာ, ကရေ, ဂစ္ဆေ, ဇညာ, ဝက္ခေထ, ဒက္ခေထ, ဒိစ္ဆတိ, အဂစ္ဆိ, အဂစ္ဆုံ, အဟောသိ, အဟေသုံ ဣစ္စေဝမာဒီနိ အညာနိပိ သာဓနာနိ ယောဇေတဗ္ဗာနိ။
֍ ♦ ၅၁၈, * ၄၄၆. အတ္တနောပဒါနိ ပရဿပဒတ္တံ။
အတ္တနောပဒါနိ ကွစိ ပရဿပဒတ္တမာပဇ္ဇန္တေ။
ဝုစ္စတိ, လဗ္ဘတိ, ပစ္စတိ။
ကွစီတိ ကိမတ္ထံ? ကရီယတေ, လဗ္ဘတေ, ပစ္စတေ။
֍ ♦ ၅၁၉, * ၄၅၇. အကာရာဂမော ဟိယျတ္တနီအဇ္ဇတနီကာလာတိပတ္တီသု။
ကွစိ အကာရာဂမော ဟောတိ ဟိယျတ္တနီ အဇ္ဇတနီကာလာတိပတ္တိဣစ္စေတာသု ဝိဘတ္တီသု။
အဂမာ, အဂမီ, အဂမိဿာ။
ကွစီတိ ကိမတ္ထံ? ဂမာ, ဂမီ, ဂမိဿာ။
֍ ♦ ၅၂၀, * ၅၀၂. ဗြူတော ဤ တိမှိ။
ဗြူဣစ္စေတာယ ဓာတုယာ ဤကာရာဂမော ဟောတိ တိမှိ ဝိဘတ္တိမှိ။
ဗြဝီတိ။
(ကစ္စည်း၊၂၅၂။)֍ ♦ ၅၂၁, * ၄၂၅. ဓာတုဿန္တော လောပေါ’နေကသရဿ။
ဓာတုဿ အန္တော ကွစိ လောပေါ ဟောတိ အနေကသရဿ။
ဂစ္ဆတိ, သရတိ, မရတိ။
အနေကသရဿေတိ ကိမတ္ထံ? ပါတိ, ယာတိ, ဝါတိ။
ကွစီတိ ကိမတ္ထံ? မဟီယတိ, မထီယတိ။
֍ ♦ ၅၂၂, * ၄၇၆. ဣသုယမူနမန္တော စ္ဆော ဝါ။
ဣသု ယမု ဣစ္စေတေသံ ဓာတူနံ အန္တော စ္ဆော ဟောတိ ဝါ။ ဣစ္ဆတိ, နိယစ္ဆတိ။
ဝါတိ ကိမတ္ထံ? ဧသတိ, နိယမတိ။
֍ ♦ ၅၂၃, * ၅၂၆. ကာရိတာနံ ဏော လောပံ။
ကာရိတဣစ္စေတေသံ ပစ္စယာနံ ဏော လောပမာပဇ္ဇတေ။
ကာရေတိ, ကာရယတိ, ကာရာပေတိ, ကာရာပယတိ။
သာသနတ္ထံ သမုဒ္ဒိဋ္ဌံ၊ မယာချာတံ သမာသတော။
သကံ ဗုဒ္ဓိဝိသေသေန၊ စိန္တယန္တု ဝိစက္ခဏာ။
ဣတိ အာချာတကပ္ပေ စတုတ္ထော ကဏ္ဍော။
အာချာတကပ္ပော နိဋ္ဌိတော။
၇. ကိဗ္ဗိဓာနကပ္ပ
ပဌမကဏ္ဍ
(က)
(ကစ္စည်း၊၂၅၃။)ဗုဒ္ဓံ ဉာဏသမုဒ္ဒံ၊ သဗ္ဗညုံ လောကဟေတု’ခီဏမတိံ။
ဝန္ဒိတွာ ပုဗ္ဗမဟံ၊ ဝက္ခာမိ သသာဓနံ ဟိ ကိတကပ္ပံ။
(ခ)
သာဓနမူလံ ဟိ ပယောဂံ၊
အာဟု ပယောဂမူလမတ္ထဉ္စ။
အတ္ထေသု ဝိသာရဒမတယော၊
သာသနဿုဓရာ ဇိနဿ မတာ။
(ဂ)
အန္ဓော ဒေသကဝိကလော၊
ဃတမဓုတေလာနိ ဘာဇနေန ဝိနာ။
နဋ္ဌော နဋ္ဌာနိ ယထာ၊
ပယောဂဝိကလော တထာ အတ္ထော။
(ဃ)
တသ္မာ သံရက္ခဏတ္ထံ၊ မုနိဝစနတ္ထဿ ဒုလ္လဘဿာဟံ။
ဝက္ခာမိ သိဿကဟိတံ၊ ကိတကပ္ပံ သာဓနေန ယုတံ။
֍ ♦ ၅၂၄, * ၅၆၁. ဓာတုယာ ကမ္မာဒိမှိ ဏော။
ဓာတုယာ ကမ္မာဒိမှိ ဏပစ္စယော ဟောတိ။
(ကစ္စည်း၊၂၅၄။)ကမ္မံ ကရောတီတိ ကမ္မကာရော, ဧဝံ ကုမ္ဘကာရော, မာလာကာရော, ကဋ္ဌကာရော, ရထကာရော, ရဇတကာရော, သုဝဏ္ဏကာရော, ပတ္တဂ္ဂါဟော, တန္တဝါယော, ဓညမာယော, ဓမ္မကာမော, ဓမ္မစာရော။
သညာယမဘိဓေယျာယံ ဓာတုယာ ကမ္မာဒိမှိ အကာရပစ္စယော ဟောတိ, နာမမှိ စ နုကာရာဂမော ဟောတိ။
အရိံ ဒမေတီတိ အရိန္ဒမော, ရာဇာ။ ဝေဿံ တရတီတိ ဝေဿန္တရော, ရာဇာ။ တဏှံ ကရောတီတိ တဏှင်္ကရော, ဘဂဝါ။ မေဓံ ကရောတီတိ မေဓင်္ကရော, ဘဂဝါ။ သရဏံ ကရောတီတိ သရဏင်္ကရော, ဘဂဝါ။ ဒီပံ ကရောတီတိ ဒီပင်္ကရော, ဘဂဝါ။
֍ ♦ ၅၂၆, * ၅၆၇. ပုရေ ဒဒါ စ ဣံ။
ပုရသဒ္ဒေ အာဒိမှိ ဒဒဣစ္စေတာယ ဓာတုယာ အကာရပစ္စယော ဟောတိ, ပုရသဒ္ဒဿ အကာရဿ စ ဣံ ဟောတိ။
ပုရေ ဒါနံ အဒါသီတိ ပုရိန္ဒဒေါ ဒေဝရာဇာ။
֍ ♦ ၅၂၇, * ၅၆၈. သဗ္ဗတော ဏွု တွာဝီ ဝါ။
သဗ္ဗတော ဓာတုတော ကမ္မာဒိမှိ ဝါ အကမ္မာဒိမှိ ဝါ အကာရ ဏွု တု အာဝီဣစ္စေတေ ပစ္စယာ ဟောန္တိ။
(ကစ္စည်း၊၂၅၅။)တံ ကရောတီတိ တက္ကရော, ဟိတံ ကရောတီတိ ဟိတကရော, ဝိနေတိ ဧတ္ထ, ဧတေနာတိ ဝါ ဝိနယော နိဿာယ နံ ဝသတီတိ နိဿယော။
ဏွုမှိ – ရထံ ကရောတီတိ ရထကာရကော, အန္နံ, ဒဒါတီတိ အန္နဒါယကော, ဝိနေတိ သတ္တေတိ ဝိနာယကော, ကရောတီတိ ကာရကော, ဒဒါတီတိ ဒါယကော, နေတီတိ နာယကော။
တုမှိ – တံ ကရောတီတိ တက္ကတ္တာ, တဿ ကတ္တာတိ ဝါ တက္ကတ္တာ။ ဘောဇနံ ဒဒါတီတိ ဘောဇနဒါတာ, ဘောဇနဿ ဒါတာတိ ဝါ ဘောဇနဒါတာ။ ကရောတီတိ ကတ္တာ။ သရတီတိ သရိတာ။
အာဝီမှိ – ဘယံ ပဿတီတိ ဘယဒဿာဝီ ဣစ္စေဝမာဒိ။
֍ ♦ ၅၂၈, * ၅၇၇. ဝိသ ရုဇ ပဒါဒိတော ဏ။
ဝိသ ရုဇ ပဒဣစ္စေဝမာဒီဟိ ဓာတူဟိ ဏ ပစ္စယော ဟောတိ။
ပဝိသတီတိ ပဝေသော, ရုဇတီတိ ရောဂေါ, ဥပ္ပဇ္ဇတီတိ ဥပ္ပာဒေါ, ဖုသတီတိ ဖဿော, ဥစတီတိ ဩကော, ဘဝတီတိ ဘာဝေါ, အယတီတိ အာယော, သမ္မာ ဗုဇ္ဈတီတိ သမ္ဗောဓော, ဝိဟရတီတိ ဝိဟာရော။
(ကစ္စည်း၊၂၅၆။)ဘာဝတ္ထာဘိဓေယျေ သဗ္ဗဓာတူဟိ ဏပစ္စယော ဟောတိ။
ပစ္စတေ, ပစနံ ဝါ ပါတော, စဇတေ, စဇနံ ဝါ စာဂေါ, ဧဝံ ယာဂေါ, ယောဂေါ, ဘာဂေါ, ပရိဒါဟော။
သဗ္ဗဓာတူဟိ ကွိပစ္စယော ဟောတိ။
သမ္ဘဝတီတိ သမ္ဘူ, ဝိသေသေန ဘဝတီတိ ဝိဘူ, ဘုဇေန ဂစ္ဆတီတိ ဘုဇဂေါ, သံ အတ္တာနံ ခနတိ, သံ သဋ္ဌု ခနတီတိ ဝါ သင်္ခေါ။
֍ ♦ ၅၃၁, * ၅၈၉. ဓရာဒီဟိ ရမ္မော။
ဓရဣစ္စေဝမာဒီဟိ ဓာတူဟိ ရမ္မပစ္စယော ဟောတိ။
ဓရတိ တေနာတိ ဓမ္မော, ကရီယတေ တန္တိ ကမ္မံ။
֍ ♦ ၅၃၂, * ၅၉၀. တဿီလာဒီသု ဏီတွာဝီ စ။
သဗ္ဗေဟိ ဓာတူဟိ တဿီလာဒီသွတ္ထေသု ဏီ တု အာဝီ ဣစ္စေတေ ပစ္စယာ ဟောန္တိ။
(ကစ္စည်း၊၂၅၇။)ပိယံ ပသံသိတုံ သီလံ ယဿ ရညော, သော ဟောတိ ရာဇာ ပိယပသံသီ, ဗြဟ္မံ စရိတုံ သီလံ ယဿ ပုဂ္ဂလဿ သော ဟောတိ ပုဂ္ဂလော ဗြဟ္မစာရီ, ပသယှ ပဝတ္တိတုံ သီလံ ယဿ ရညော, သော ဟောတိ ရာဇာ ပသယှပဝတ္ထာ, ဘယံ ပဿိတုံ သီလံ ယဿ သမဏဿ, သော ဟောတိ သမဏော ဘယဒဿာဝီ ဣစ္စေဝမာဒိ။
֍ ♦ ၅၃၃, * ၅၉၁. သဒ္ဒ ကု ဓ စလ မဏ္ဍတ္ထရုဓာဒီဟိယု။
သဒ္ဒ ကုဓ စလ မဏ္ဍတ္ထေဟိ စ ရုစာဒီဟိ စ ဓာတူဟိ ယုပစ္စယော ဟောတိ တဿီလာဒီသွတ္ထေသု။
ဃောသနသီလော ဃောသနော, ဘာသနသီလော ဘာသနော။ ဧဝံ ဝိဂ္ဂဟော ကာတဗ္ဗော။ ကောဓနော, ဒေါသနော, စလနော, ကမ္ပနော, ဖန္ဒနော, မဏ္ဍနော, ဝိဘူသနော, ရောစနော, ဇောတနော, ဝဍ္ဎနော။
֍ ♦ ၅၃၄, * ၅၆၂. ပါရာဒိဂမိမှာ ရူ။
ဂမုဣစ္စေတမှာ ဓာတုမှာ ပါရသဒ္ဒါဒိမှာ ရူပစ္စယော ဟောတိ တဿီလာဒီသွတ္ထေသု။
ဘဝဿ ပါရံ ဘဝပါရံ, ဘဝပါရံ ဂန္တုံ သီလံ ယဿ ပုရိသဿ, သော ဟောတိ ပုရိသော ဘဝပါရဂူ။
တဿီလာဒီသွီတိ ကိမတ္ထံ? ပါရင်္ဂတော။
ပါရာဒိဂမိမှာတိ ကိမတ္ထံ? အနုဂါမီ။
(ကစ္စည်း၊၂၅၈။)֍ ♦ ၅၃၅, * ၅၉၃. ဘိက္ခာဒိတော စ။
ဘိက္ခဣစ္စေဝမာဒီဟိ ဓာတူဟိ ရူပစ္စယော ဟောတိ တဿီလာဒီသွတ္ထေသု။
ဘိက္ခနသီလော ယာစနသီလော ဘိက္ခု, ဝိဇာနနသီလော ဝိညူ။
֍ ♦ ၅၃၆, * ၅၉၄. တနတျာဒီနံ ဏုကော။
ဟနတျာဒီနံ ဓာတူနံ အန္တေ ဏုကပစ္စယော ဟောတိ တဿီလာဒီသွတ္ထေသု။
အာဟနနသီလော အာဃာတုကော, ကရဏသီလော ကာရုကော။
֍ ♦ ၅၃၇, * ၅၆၆. နု နိဂ္ဂဟိတံ ပဒန္တေ။
ပဒန္တေ နုကာရာဂမော နိဂ္ဂဟိတမာပဇ္ဇတေ။
အရိံ ဒမေတီတိ အရိန္ဒမော, ရာဇာ။ ဝေဿံ တရတီတိ ဝေဿန္တရော, ရာဇာ။ ပဘံ ကရောတီတိ ပဘင်္ကရော, ဘဂဝါ။
֍ ♦ ၅၃၈, * ၅၉၅. သံဟနာညာယ ဝါ ရော ဃော။
သံပုဗ္ဗာယ ဟနဣစ္စေတာယ ဓာတုယာ, အညာယ ဝါ ဓာတုယာ ရပစ္စယော, ဟနဿ စ ဃော ဟောတိ။
(ကစ္စည်း၊၂၅၉။)သမဂ္ဂံ ကမ္မံ သမုပဂစ္ဆတီတိ သံဃော, သမန္တတော နဂရဿ မာဟိရေ ခညတီတိ ပရိခါ, အန္တံ ကရောတီတိ အန္တကော။
သံဣတိ ကိမတ္ထံ? ဥပဟနနံ ဥပဃာတော။
֍ ♦ ၅၃၉, * ၅၅၈. ရမှိ ရန္တော ရာဒိနော။
ရမှိ ပစ္စယေ ပရေ သဗ္ဗော ဓာတွန္တော ရကာရာဒိ လောပေါ ဟောတိ။
အန္တကော, ပါရဂူ, သတ္ထာ, ဒိဋ္ဌော ဣစ္စေဝမာဒိ။
֍ ♦ ၅၄၀, * ၅၄၅. ဘာဝကမ္မေသု တဗ္ဗာနီယာ။
ဘာဝကမ္မဣစ္စေတေသွတ္ထေသု တဗ္ဗ အနီယဣစ္စေတေ ပစ္စယာ ဟောန္တိ သဗ္ဗဓာတူဟိ။
ဘဝိတဗ္ဗံ, ဘဝနီယံ, အာသိတဗ္ဗံ, အာသနီယံ, ပဇ္ဇိတဗ္ဗံ, ပဇ္ဇနီယံ, ကတ္တဗ္ဗံ, ကရဏီယံ, ဂန္တဗ္ဗံ, ဂမနီယံ။
ဘာဝကမ္မေသု သဗ္ဗဓာတူဟိ ဏျပစ္စယော ဟောတိ။
ကတ္တဗ္ဗံ ကာရိယံ, ဇေတဗ္ဗံ ဇေယျံ, နေတဗ္ဗံ နေယျံ, ဣစ္စေဝမာဒိ။
(ကစ္စည်း၊၂၆၀။)စဂ္ဂဟဏေန တေယျပစ္စယော ဟောတိ။ ဉာတဗ္ဗံ ဉာတေယျံ, ဒဋ္ဌေယျံ, ပတ္တေယျံ ဣစ္စေဝမာဒိ။
ကရဣစ္စေတမှာ ဓာတုမှာ ရိစ္စပစ္စယော ဟောတိ ဘာဝကမ္မေသု။
ကတ္တဗ္ဗံ ကိစ္စံ။
ဘူဣစ္စေတာယ ဓာတုယာ ဏျပစ္စယဿ ဦကာရေန သဟ အဗ္ဗာဒေသော ဟောတိ ဘာဝကမ္မေသု။
ဘဝိတဗ္ဗော ဘဗ္ဗော, ဘဝိတဗ္ဗံ ဘဗ္ဗံ။
֍ ♦ ၅၄၄, * ၅၅၆. ဝဒ မဒ ဂမု ယုဇ ဂရဟာကာရာဒီဟိ ဇ္ဇ မ္မ ဂ္ဂ ယှေယျာ ဂါရော ဝါ။
ဝဒ မဒ ဂမု ယုဇ ဂရဟာကာရန္တဣစ္စေဝမာဒီဟိ ဓာတူဟိ ဏျပစ္စယဿ ယထာသင်္ချံ ဇ္ဇ မ္မ ဂ္ဂ ယှ ဧယျာဒေသာ ဟောန္တိ ဝါ ဓာတွန္တေန သဟ, ဂရဿံ စ ဂါရော ဟောတိ ဘာဝကမ္မေသု။
(ကစ္စည်း၊၂၆၁။)ဝတ္တဗ္ဗံ ဝဇ္ဇံ, မဒနီယံ မဇ္ဇံ, ဂမနီယံ ဂမ္မံ, ယောဇနီယံ ယောဂ္ဂံ, ဂရဟိတဗ္ဗံ ဂါရယှံ, ဒါတဗ္ဗံ ဒေယျံ, ပါတဗ္ဗံ ပေယျံ, ဟာတဗ္ဗံ ဟေယျံ, မာတဗ္ဗံ မေယျံ, ဉာတဗ္ဗံ ဉေယျံ, ဣစ္စေဝမာဒိ။
ယေ ပစ္စယာ တဗ္ဗာဒယော ရိစ္စန္တာ, တေ ကိစ္စသညာတိ ဝေဒိတဗ္ဗာ။
ကိစ္စသညာယ ကိံပယောဇနံ? ဘာဝကမ္မေသု ကိစ္စတ္တခတ္ထာ။
အညေ ပစ္စယာ ကိတ ဧဝ သညာ ဟောန္တိ။
ကိတ သညာယ ကိံပယောဇနံ? ကတ္တရိ ကိတ။
နန္ဒာဒီဟိ ဓာတူဟိ ယုပစ္စယော ဟောတိ ဘာဝကမ္မေသု။
နန္ဒီယတေ နန္ဒနံ, နိန္ဒိတဗ္ဗံ ဝါ နန္ဒနံ, ဂဟဏီယံ ဂဟဏံ, စရိတဗ္ဗံ စရဏံ, ဧဝံ သဗ္ဗတ္ထ ယောဇေတဗ္ဗာ။
֍ ♦ ၅၄၈, * ၅၉၇. ကတ္တုကရဏပဒေသေသု စ။
ကတ္တုကရဏပဒေသဣစ္စေတေသွတ္ထေသု စ ယုပစ္စယော ဟောတိ။
(ကစ္စည်း၊၂၆၂။)ကတ္တရိ တာဝ – ရဇံ ဟရတီတိ ရဇောဟရဏံ တောယံ။
ကရဏေ တာဝ – ကရောတိ တေနာတိ ကရဏံ။
ပဒေသေ တာဝ – တိဋ္ဌန္တိ တသ္မိန္တိ ဌာနံ။ ဧဝံ သဗ္ဗတ္ထ ယောဇေတဗ္ဗာ။
ရကာရဟကာရာဒျန္တေဟိ ဓာတူဟိ အနာဒေသဿ နဿ ဏော ဟောတိ။
ကရောတိ တေနာတိ ကရဏံ, ပူရေတိ တေနာတိ ပူရဏံ။ ဂဟဏီယံ တေနာတိ ဂဟဏံ။ ဧဝမညေပိ ယောဇေတဗ္ဗာ။
ဣတိ ကိဗ္ဗိဓာနကပ္ပေ ပဌမော ကဏ္ဍော။
ဒုတိယကဏ္ဍ
֍ ♦ ၅၅၀, * ၅၄၆. ဏာဒယော တေကာလိကာ။
ဏာဒယော ပစ္စယာ ယုပစ္စယန္တာ တေကာလိကာတိ ဝေဒိတဗ္ဗာ။
ကုမ္ဘံ ကရောတိ အကာသိ ကရိဿတီတိ ကုမ္ဘကာရော, ကရောတိ အကာသိ ကရိဿတိ တေနာတိ ကရဏံ။ ဧဝမညေပိ ယောဇေတဗ္ဗာ။
(ကစ္စည်း၊၂၆၃။)֍ ♦ ၅၅၁, * ၅၉၈. သညာယံ ဒါ ဓာတော ဣ။
သညာယမဘိဓေယျာယံ ဒါ ဓာတော ဣပစ္စယော ဟောတိ။
ပဌမံ အာဒီယတီတိ အာဒိ, ဥဒကံ ဒဓာတီတိ ဥဒမိ, မဟောဒကာနိ ဒဓာတီတိ မဟောဒဓိ, ဝါလာနိ ဒဓာတိ တသ္မိန္တိ ဝါလဓိ, သမ္မာ ဓီယတီတိ သန္ဓိ။
֍ ♦ ၅၅၂, * ၆၀၉. တိ ကိတ စာသိဋ္ဌေ။
သညာယမဘိဓေယျာယံ သဗ္ဗဓာတူဟိ တိပစ္စယော ဟောတိ, ကိတ စ အာသိဋ္ဌေ။
ဇိနော ဇနံ ဗုဇ္ဈတူတိ ဇိနဗုဒ္ဓိ, ဓနံ အဿ ဘဝတူတိ ဓနဘူတိ, ဘဝတူတိ ဘူတော, ဘဝတူတိ ဘာဝေါ, ဓမ္မော ဇနံ ဒဒါတူတိ ဓမ္မဒိန္နော, ဝဍ္ဎတူတိ ဝဍ္ဎမာနော။ ဧဝမညေပိ ယောဇေတဗ္ဗာ။
֍ ♦ ၅၅၃, * ၅၉၉. ဣတ္ထိယမတိယဝေါ ဝါ။
ဣတ္ထိယမဘိဓေယျာယံ သဗ္ဗဓာတူဟိ အကာရ တိ ယု ဣစ္စေတေ ပစ္စယာ ဟောန္တိ ဝါ။
ဇီရတီတီ ဇရာ, မညတီတိ မတိ, စေတယတီတိ စေတနာ, ဝေဒယတီတိ ဝေဒနာ။ ဧဝမညေပိ ယောဇေတဗ္ဗာ။
(ကစ္စည်း၊၂၆၄။)ကရတော ဣတ္ထိယမနိတ္ထိယံ ဝါ အဘိခေယျာယံ ရိရီယပစ္စယော ဟောတိ ဝါ။
ကတ္တဗ္ဗာ ကိရိယာ, ကရဏီယံ ကိရိယံ။
֍ ♦ ၅၅၅, * ၆၁၂. အတီတေ တတဝန္တုတာဝီ။
အတီတေ ကာလေ သဗ္ဗဓာတူဟိ တတဝန္တုတာဝီဣစ္စေတေ ပစ္စယာ ဟောန္တိ။
ဟုတော, ဟုတဝါ, ဟုတာဝီ။ ဝုသိတော, ဝုသိတဝါ, ဝုသိတာဝီ။ ဘုတ္တော, ဘုတ္တဝါ, ဘုတ္တာဝီ။
ဘာဝကမ္မေသု အတီတေ ကာလေ တပစ္စယော ဟောတိ သဗ္ဗဓာတူဟိ။
ဘာဝေ တာဝ – တဿ ဂီတံ, နစ္စံ, နဋ္ဋံ, ဟသိတံ။
ကမ္မနိ တာဝ – တေန ဘာသိတံ, ဒေသိတံ။
֍ ♦ ၅၅၇, * ၆၀၆. ဗုဓဂမာဒိတ္ထေ ကတ္တရိ။
ဗုဓဂမုဣစ္စေဝမာဒီဟိ ဓာတူဟိ တဒတ္ထေ ဂမျမာနေ တပစ္စယော ဟောတိ ကတ္တရိ သဗ္ဗကာလေ။
(ကစ္စည်း၊၂၆၅။)သဗ္ဗေ သင်္ခတာသင်္ခတေ ဓမ္မေ ဗုဇ္ဈတိ အဗုဇ္ဈိ ဗုဇ္ဈိဿတီတိ ဗုဒ္ဓါ, သရဏင်္ဂတော, သမထင်္ဂတော, အမထင်္ဂတော, ဇာနာတိ အဇာနိ ဇာနိဿတီတိ ဉာတော, ဣစ္စေဝမာဒိ။
֍ ♦ ၅၅၈, * ၆၀၂. ဇိတော ဣန သဗ္ဗတ္ထ။
ဇိဣစ္စေတာယ ဓာတုယာ ဣနပစ္စယော ဟောတိ သဗ္ဗကာလေ ကတ္တရိ။
ပါပကေ အကုသလေ ဓမ္မေ ဇိနာတိ အဇိနိ ဇိနိဿတီတိ ဇိနော။
သုပဣစ္စေတာယ ဓာတုယာ ဣနပစ္စယော ဟောတိ ကတ္တရိ, ဘာဝေ စ။
သုပတီတိ သုပိနံ, သုပီယတေ သုပိနံ။
ဤသံဒုသုသဒ္ဒါဒီဟိ သဗ္ဗဓာတူဟိ ခပစ္စယော ဟောတိ။
ဤသဿယော, ဒုဿယော, သုဿယော ဘဝတာ, ဤသက္ကရံ, ဒုက္ကရံ, သုကရံ, ဘဝတာ။
(ကစ္စည်း၊၂၆၆။)֍ ♦ ၅၆၁, * ၆၃၆. ဣစ္ဆတ္ထေသု သမာနကတ္တုကေသု တဝေ တုံ ဝါ။
ဣစ္ဆတ္ထေသု သမာနကတ္တုကေသု သဗ္ဗဓာတူဟိတဝေတုံဣစ္စေတေ ပစ္စယာ ဟောန္တိ သဗ္ဗကာလေ ကတ္တရိ။
ပုညာနိ ကာတဝေ, သဒ္ဓမ္မံ သောတု မိစ္ဆတိ။
֍ ♦ ၅၆၂, * ၆၃၈. အရဟသက္ကာဒီသု စ။
အရဟသက္ကာဒီသု စ အတ္ထေသု သဗ္ဗဓာတူဟိ တုံပစ္စယော ဟောတိ။
ကော တံ နိန္ဒိတုမရဟတိ, သက္ကာ ဇေတုံ ဓနေန ဝါ။ ဧဝမညေပိ ယောဇေတဗ္ဗာ။
֍ ♦ ၅၆၃, * ၆၃၉. ပတ္တဝစနေ အလမတ္ထေသု စ။
ပတ္တဝစနေ အလမတ္ထေသု သဗ္ဗဓာတူဟိ တုံပစ္စယော ဟောတိ။
အလမေဝ ဒါနာနိ ဒါတုံ, အလမေဝ ပုညာနိ ကာတုံ။
֍ ♦ ၅၆၄, * ၆၄၀. ပုဗ္ဗကာလေ’ ကကတ္တုကာနံ တုန တွာန တွာဝါ။
ပုဗ္ဗကာလေ ဧကကတ္တုကာနံ ဓာတူနံ တုနတွာန တွာဣစ္စေတေ ပစ္စယာ ဟောန္တိ ဝါ။
(ကစ္စည်း၊၂၆၇။)ကာတုန ကမ္မံ ဂစ္ဆတိ, အကာတုန ပုညံ ကိလိဿတိ, သတ္တာ သုတွာန ဓမ္မံ မောဒန္တိ, ရိပုံ ဇိတွာန ဝသတိ, ဓမ္မံ သုတွာန’ဿ ဧတဒဟောသိ, ဣတော သုတွာန အမုတြ ကထယန္တိ, သုတွာ ဇာနိဿာမ။ ဧဝံ သဗ္ဗတ္ထ ယောဇေတဗ္ဗာ။
֍ ♦ ၅၆၅, * ၆၄၆. ဝတ္တမာနေ မာနန္တာ။
ဝတ္တမာနေ ကာလေ သဗ္ဗဓာတူဟိ မာနအန္တဣစ္စေတေ ပစ္စယာ ဟောန္တိ။
သရမာနော ရောဒတိ။ ဂစ္ဆန္တော ဂဏှာတိ။
֍ ♦ ၅၆၆, * ၅၇၄. သာသာဒီဟိ ရတ္ထု။
သာသဣစ္စေဝမာဒီဟိ ဓာတူဟိ ရတ္ထုပစ္စယော ဟောတိ။
သာသတီတိ သတ္ထာ, သာသတိ ဟိံသတီတိ ဝါ သတ္ထာ။
ပါဣစ္စေတာယ ဓာတုယာ ရိတုပစ္စယော ဟောတိ။
ပါတိ ပုတ္တန္တိ ပိတာ။
(ကစ္စည်း၊၂၆၈။)֍ ♦ ၅၆၈, * ၅၇၆. မာနာဒီဟိ ရာတု။
မာနဣစ္စေဝမာဒီဟိ ဓာတူဟိ ရာတုပစ္စယော ဟောတိ, ရိတု ပစ္စယော စ။
ဓမ္မေန ပုတ္တံ မာနေတီတိ မာတာ, ပုဗ္ဗေ ဘာသတီတိ ဘာတာ, မာတာပိတူဟိ ဓာရီယတီတိ ဓီတာ။
အာဣစ္စာဒိမှာ ဂမိတော တုကပစ္စယော ဟောတိ။
အာဂစ္ဆတီတိ အာဂန္တုကော, ဘိက္ခု။
ဂမုဣစ္စေတမှာ ဓာတုမှာ ဣကပစ္စယော ဟောတိ ဘဗ္ဗေ။ ဂမိဿတိ ဂန္တုံ ဘဗ္ဗောတိ ဂမိကော, ဘိက္ခု။
ဣတိ ကိဗ္ဗိဓာနကပ္ပေ ဒုတိယော ကဏ္ဍော။
တတိယကဏ္ဍ
֍ ♦ ၅၇၁, * ၆၂၄. ပစ္စယာဒနိဋ္ဌာ နိပါတနာ သိဇ္ဈန္တိ,
သင်္ချာနာမသမာသတဒ္ဓိတာချာတကိတကပ္ပမှိ သပ္ပစ္စယာ ယေ သဒ္ဒါ အနိဋ္ဌင်္ဂတာ, တေ သာဓနေန နိရက္ခိတွာ သကေဟိ သကေဟိ နာမေဟိ နိပါတနာ သိဇ္ဈန္တိ။
(ကစ္စည်း၊၂၆၉။)သင်္ချာယံ တာဝ – ဧကဿ ဧတာ ဟောတိ, ဒသဿ စ ဒကာရဿ ရကာရာဒေသော ဟောတိ။ ဧကော စ ဒသ စ ဧကာရသ။
ဒွိဿ ဗာ ဟောတိ, ဒသဿ စ ဒကာရဿ ရကာရာဒေသော ဟောတိ, ဒွေ စ ဒသ စ ဗာရသ။
ဒွိဿ ဗာ ဟောတိ, ဒသဿ စ ဝီသံ ဟောတိ။ ဒွေ စ ဝီသဉ္စ ဗာဝီသံ။
ဆဿ သော ဟောတိ, ဒသဿ စ ဒကာရဿ ဠော ဟောတိ, ဆ စ ဒသ စ သောဠသ။
ဆအာယတနမှိ ဆဿ သဠော ဟောတိ, သဠာယတနံ။ ဧဝံ သေသာ သင်္ချာ ကာတဗ္ဗာ။
နာမိကေ တာဝ-ဣမ သမာန အပရဣစ္စေတေဟိ ဇ္ဇဇ္ဇု ပစ္စယာ ဟောန္တိ, ဣမ သမာနသဒ္ဒါနဉ္စ အကာရသကာရာဒေသာ ဟောန္တိ။ ဣမသ္မိံ ကာလေ အဇ္ဇ, အဇ္ဇု, သမာနေ ကာလေ သဇ္ဇ, သဇ္ဇု, အပရသ္မိံ ကာလေ အပရဇ္ဇ, အပရဇ္ဇု။
သမာသေ တာဝ – ဘူမိဂတော, အပါယဂတော, ဣဿရကတံ။ သလ္လဝိဒ္ဓါ, ကထိနဒုဿံ, စောရဘယံ, ဓညရာသိ, သံသာရဒုက္ခံ, ပုဗ္ဗာပရံ။
(ကစ္စည်း၊၂၇၀။)တဒ္ဓိတေ တာဝ – ဝါသိဋ္ဌော, ဘာရဒွါဇော, ဘဂ္ဂဝေါ, ပဏ္ဍဝေါ, ကာလေယျော။
အာချာတေ တာဝ – ‘‘အသ ဘာဝေ’’တိ ဓာတုတော ဝတ္တမာနေသု ဧကဝစနဗဟုဝစနေသု ဧကဝစနဿ တိဿ ဿော ဟောတိ အန္တေန သဟ, ဗဟုဝစနဿ အန္တိဿ ဿု ဟောတိ အန္တေန သဟ။ ဧဝမဿ ဝစနီယော, ဧဝမဿု ဝစနီယာ။
အာဏတ္တိယံ ဟိဿ ဿု ဟောတိ ဝါ, ဂစ္ဆဿု, ဂစ္ဆာဟိ။
ကိတကေ တာဝ – ဝဒ ဟနဣစ္စေဝမာဒီဟိ ဓာတူဟိ ကပစ္စယော ဟောတိ, ဝဒဿ စ ဝါဒေါ ဟောတိ, ဟနဿ စ ဃာတော ဟောတိ။ ဝါဒကော, ဃာတကော။
နဋဓာတုတော တပဉ္စယဿ စ္စ ဋ္ဋာဒေသာ ဟောန္တိ အန္တေန သဟ။ နစ္စံ, နဋ္ဋံ။ ဣစ္စေဝမာဒယော နိပါတနာ သိဇ္ဈန္တိ။
֍ ♦ ၅၇၂, * ၆၂၅. သာသ ဒိသတော တဿ ရိဋ္ဌော စ။
သာသ ဒိသဣစ္စေဝမာဒီဟိ ဓာတူဟိ တပစ္စယဿ ရိဋ္ဌာဒေသော ဟောတိ ဌာနေ။
အနုသိဋ္ဌော သော မယာ, ဒိဋ္ဌံ မေ ရူပံ။
(ကစ္စည်း၊၂၇၁။)စဂ္ဂဟဏေန ကိစ္စတကာရဿ စ တုံ ပစ္စယဿ စ ရဋ္ဌရဋ္ဌုံအာဒေသာ ဟောန္တိ။ ဒဿနီယံ ဒဋ္ဌဗ္ဗံ။ ဒဋ္ဌုံ ဝိဟာရံ ဂစ္ဆန္တိ သမဏာနံ။
֍ ♦ ၅၇၃, * ၆၂၆. သာဒိသန္တ ပုစ္ဆ ဘန္ဇ ဟန္သာဒီဟိဋ္ဌော။
သကာရန္တ ပုစ္ဆ ဘန္ဇ ဟန္သ ဣစ္စေဝမာဒီဟိ ဓာတူဟိ တပစ္စယဿ သဟာဒိဗျဉ္ဇနေန ဋ္ဌာဒေသော ဟောတိ ဌာနေ။
တုဋ္ဌော, အဟိနာ ဒဋ္ဌော နရော, မယာ ပုဋ္ဌော, ဘဋ္ဌော, ပဘဋ္ဌော, ဟဋ္ဌော, ပဟဋ္ဌော, ယိဋ္ဌော။ ဧဝမညေပိ ဓာတဝေါ သဗ္ဗတ္ထ ယောဇေတဗ္ဗာ။
ဝသဣစ္စေတမှာ ဓာတုမှာ တကာရပစ္စယဿ သဟာဒိဗျဉ္ဇနေန ဥဋ္ဌာဒေသော ဟောတိ ဌာနေ။
ဝဿံဝုဋ္ဌော။
ဝသဿေဝ ဓာတုဿ တပစ္စယေ ပရေ ဝကာရဿ ဥကာရာဒေသော ဟောတိ ဝါ။
ဝုသိတံ ဗြဟ္မစရိယံ, ဥဋ္ဌော။ ဝုဌော ဝါ။
(ကစ္စည်း၊၂၇၂။)֍ ♦ ၅၇၆, * ၆၀၇. ဓ ဎ ဘ ယေ ဟိ ဓ ဎာ စ။
ဓ ဎ ဘ ဟဣစ္စေဝမန္တေဟိ ဓာတူဟိ တကာရပစ္စယဿ ယထာက္ကမံ ဓ ဎာဒေသာ ဟောန္တိ။
ယထာ? ဗုဒ္ဓါ ဘဂဝါ, ဝဍ္ဎော ဘိက္ခု, လဒ္ဓံ မေ ပတ္ထစီဝရံ, အဂ္ဂိနာ ဒဍ္ဎံ ဝနံ။
֍ ♦ ၅၇၇, * ၆၂၈. ဘန္ဇတော ဂွော စ။
ဘန္ဇတော ဓာတုမှာ တကာရပစ္စယဿ ဂ္ဂေါ အာဒေသော ဟောတိ သဟာဒိဗျဉ္ဇနေန။
ဘဂ္ဂေါ။
֍ ♦ ၅၇၈, * ၅၆၀. ဘုဇာဒီနမန္တော နော ဒွိ စ။
ဘုဇဣစ္စေဝမာဒီနံ ဓာတူနံ အန္တော နော ဟောတိ, တပစ္စယဿ စ ဒွိတာဝေါ ဟောတိ။
ဘုတ္တော, ဘုတ္တာဝီ, စတ္တော, သတ္တော, ရတ္တော, ယုတ္တော, ဝိဝိတ္တော။
(ကစ္စည်း၊၂၇၃။)ဝစဣစ္စေတဿ ဓာတွဿ ဝကာရဿ ဥကာရာဒေသော ဟောတိ အန္တော စကာရော နော ဟောတိ, တပစ္စယဿ စ ဒွေဘာဝေါ ဟောတိ ဝါ။
ဝုတ္တံ ဘဂဝတာ, ဥတ္တံ ဝါ။
ဂုပဣစ္စေဝမာဒီနံ ဓာတူနံ အန္တော စ ဗျဉ္ဇနော နော ဟောတိ, တပစ္စယဿ စ ဒွေဘာဝေါ ဟောတိ။
သုဂုတ္တော, စတ္တော, လိတ္တော, သန္တတ္တော, ဥတ္တော, ဝိဝိတ္တော, သိတ္တော။ ဧဝမညေပိ ယောဇေတဗ္ဗာ။
֍ ♦ ၅၈၁, * ၆၁၆. တရာဒီဟိ ဣဏ္ဏော။
တရဣစ္စေဝမာဒီဟိ ဓာတူဟိ တပစ္စယဿ ဣဏ္ဏာဒေသော ဟောတိ, အန္တော စ ဗျဉ္ဇနော နော ဟောတိ။
တရတီတိ တိဏ္ဏော, ဥတ္တရတီတိ ဥတ္တိဏ္ဏော, သံပူရတီတိ သမ္ပုဏ္ဏော, တုရတီတိ တုဏ္ဏော, ပရိဇီရတီတိ ပရိဇိဏ္ဏော, အာကိရတီတိ အာကိဏ္ဏော။
(ကစ္စည်း၊၂၇၄။)֍ ♦ ၅၈၂, * ၆၃၁. ဘိဒါဒိတော ဣန္န အန္န ဤဏာဝါ။
ဘိဒိဣစ္စေဝမာဒီဟိ ဓာတူဟိ တပစ္စယဿ ဣန္န အန္န ဤဏာဒေသာ ဟောန္တိ ဝါ, အန္တော စ ဗျဉ္ဇနော နော ဟောတိ။
ဘိန္ဒိတဗ္ဗောတိ ဘိန္နော, ဆိန္ဒီယတီတိ ဆိန္နော, ဥစ္ဆိန္ဒီယိတ္ထာတိ ဥစ္ဆိန္နော, ဒီယတီတိ ဒိန္နော, နိသီဒတီတိ နိသိန္နော, သုဋ္ဌု ဆာဒီယတီတိ သုဆန္နော, ခိဒတီတိ ခိန္နော, ရောဒတီတိ ရုန္နော, ခီဏာ ဇာတိ။
ဝါတိ ကိမတ္ထံ? ဘိဇ္ဇတီတိ ဘိတ္တိ။
֍ ♦ ၅၈၃, * ၆၁၇. သုသ ပစ သကတော က္ခ က္ကာ စ။
သုသ ပစ သကဣစ္စေဝမာဒီဟိ ဓာတူဟိ တပစ္စယဿ က္ခက္ကာဒေသာ ဟောန္တိ, အန္တော စ ဗျဉ္ဇနော နော ဟောတိ။
သုဿတီတိ သုက္ခံ, ကဋ္ဌံ, ပစ္စတီတိ ပက္ကံ, ဖလံ။ သကတိ သမတ္ထေတိ, ပူဇေတီတိ ဝါ သက္ကော, သုဇမ္ပတိ။
֍ ♦ ၅၈၄, * ၆၁၈. ပက္ကမာဒီဟိ န္တော စ။
ပက္ကမဣစ္စေဝမာဒီဟိ ဓာတူဟိ တပစ္စယဿ န္တောအာဒေသော ဟောတိ, အန္တော စ နော ဟောတိ။
(ကစ္စည်း၊၂၇၅။)ပက္ကမတီတိ ပက္ကန္တော, ဝိဗ္ဘမတီတိ ဝိဗ္ဘန္တော, သင်္ကန္တော, ခန္တော, သန္တော, ဒန္တော, ဝန္တော။
စဂ္ဂဟဏံ ကိမတ္ထံ? တေဟေဝ ဓာတူဟိ တပစ္စယဿန္တိ ဟောတိ။ အန္တော စ နော ဟောတိ။ ကန္တိ, ခန္တိ။ ဧဝံ သဗ္ဗတ္ထ။
֍ ♦ ၅၈၅, * ၆၁၉. ဇနာဒီနမာ တိမှိ စ။
ဇနဣစ္စေဝမာဒီနံ ဓာတူနံ အန္တဿ ဗျဉ္ဇနဿ အာတ္တံ ဟောတိ တပစ္စယေ ပရေ, တိမှိ စ။
အဇနီတိ ဇာတော, ဇနနံ ဇာတိ။
တိမှီတိ ကိမတ္ထံ? အညသ္မိမ္ပိ ပစ္စယေ ပရေ အာကာရနိဝတ္တနတ္ထံ။ ဇနိတွာ, ဇနိတာ, ဇနိတုံ, ဇနိတဗ္ဗံ ဣစ္စေဝမာဒိ။
֍ ♦ ၅၈၆, * ၆၀၀. ဂမ ခန ဟန ရမာဒီနမန္တော။
ဂမ ခန ဟန ရမုဣစ္စေဝမာဒီနံ ဓာတူနံ အန္တော ဗျဉ္ဇနော နော ဟောတိ ဝါ တပစ္စယေ ပရေ တိမှိ စ။
သုန္ဒရံ နိဗ္ဗာနံ ဂစ္ဆတီတိ သုဂတော။ သုန္ဒရံ နိဗ္ဗာနံ ဂစ္ဆတီတိ သုဂတိ, ခတံ, ခတိ။ ဥပဟတံ, ဥပဟတိ။ ရတော, ရတိ, မတော, မတိ။
(ကစ္စည်း၊၂၇၆။)ရကာရော စ ဓာတူနမန္တဘူတော နော ဟောတိ တပစ္စယေ, ပရေ တိမှိ စ။
ပကာရေန ကရီယတီတိ ပကတော, ပဌမံ ကရီယတီတိ ပကတိ, ဝိသရီယတီတိ ဝိသတော, ဝိသတိ။
ဌာ ပါဣစ္စေတေသံ ဓာတူနံ အန္တဿ အာကာရဿ ဣကာရ ဤကာရာဒေသာ ဟောန္တိ ယထာသင်္ချံ တပစ္စယေ ပရေ, တိမှိ စ။
ယတြ ဌိတော, ဌိတိ, ပီတော, ပီတိ။
֍ ♦ ၅၈၉, * ၆၂၁. ဟန္တေဟိ ဟော ဟဿ ဠော ဝါ အဒဟနဟာနံ။
ဟကာရန္တေဟိ ဓာတူဟိ တပစ္စယဿ ဟကာရာဒေသော ဟောတိ, ဟကာရဿ ဓာတွန္တဿ ဠော ဟောတိ ဝါ အဒဟနဟာနံ။
အာရုဟိတ္ထာတိ အာရုဠှော။ ဂါဠှော, ဗာဠှော။ မူဠော။
(ကစ္စည်း၊၂၇၇။)အဒဟနဟာနမိတိ ကိမတ္ထံ? ဒယှတီတိ ဒဍ္ဎော, သံသုဋ္ဌု နယှတီတိ သန္နဒ္ဓါ။
ဣတိ ကိဗ္ဗိဓာနကပ္ပေ တတိယော ကဏ္ဍော။
စတုတ္ထကဏ္ဍ
֍ ♦ ၅၉၀, * ၅၇၉. ဏမှိရန္ဇဿ ဇော ဘာဝကရဏေသု။
ဏမှိ ပစ္စယေ ပရေ ရန္ဇဣစ္စေတဿ ဓာတုဿ အန္တဘူတဿ န္ဇကာရဿ ဇောအာဒေသော ဟောတိ ဘာဝကရဏေသု။
ရဉ္ဇနံ ရာဂေါ, ရန္ဇန္တိ ဧတေနာတိ ရာဂေါ။
ဘာဝကရဏေသူတိ ကိမတ္ထံ? ရန္ဇတီတိ ရင်္ဂေါ။
ဟနဣစ္စေတဿ ဓာတုဿ သဗ္ဗဿ ဃာတာဒေသော ဟောတိ ဏမှိ ပစ္စယေ ပရေ။
ဥပဟနတီတိ ဥပဃာတော, ဂါဝေါ ဟနတီတိ ဂေါဃာတကော။
(ကစ္စည်း၊၂၇၈။)֍ ♦ ၅၉၂, * ၅၀၃. ဝဓော ဝါ သဗ္ဗတ္ထ။
ဟနဣစ္စေတဿ ဓာတုဿ ဝဓာဒေသော ဟောတိ ဝါ သဗ္ဗတ္ထ ဌာနေသု။
ဟနတီတိ ဝဓော, ဝဓကော, အဝဓိ, အဟနိ ဝါ။
֍ ♦ ၅၉၃, * ၅၆၄. အာကာရန္တာနမာယော။
အာကာရန္တာနံ ဓာတူနံ အန္တဿ အာကာရဿ အာယာဒေသော ဟောတိ ဏမှိ ပစ္စယေ ပရေ။
ဒဒါတီတိ ဒါယကော, ဒါနံ ဒါတုံ သီလံ ယဿာတိ ဒါနဒါယီ, မဇ္ဇံ ဒါတုံ သီလံ ယဿာတိ မဇ္ဇဒါယီ, နဂရံ ယာတုံ သီလံ ယဿာတိ နဂရယာယီ။
֍ ♦ ၅၉၄, * ၅၈၂. ပုရ သမုပ ပရီဟိ ကရောတိဿ ခ ခရာ ဝါ တပစ္စယေသုစ။
ပုရ သံ ဥပ ပရိဣစ္စေတေဟိ ကရောတိဿ ဓာတုဿ ခ ခရာဒေသာ ဟောန္တိ ဝါ တပစ္စယေ ပရေ, ဏမှိ စ။
ပုရေ ကရီယတီတိ ပုရက္ခတော, သမ္မာ ကရီယတီတိ သင်္ခတော, ဥပဂန္တွာ ကရီယတီတိ ဥပက္ခတော, ပရိသမန္တတော ကရောတီတိ ပရိက္ခာရော, သံကရီယတီတိ သင်္ခါရော။
ဝါတိ ကိမတ္ထံ? ဥပဂန္တွာ ကရောတီတိ ဥပကာရော။
(ကစ္စည်း၊၂၇၉။)֍ ♦ ၅၉၅, * ၆၃၇. တဝေ တုနာဒီသု ကာ။
တဝေ တုနဣစ္စေဝမာဒီသု ပစ္စယေသု ကရောတိဿ ဓာတုဿ ကာအာဒေသော ဟောတိ ဝါ။
ကာတဝေ, ကာတုံ, ကတ္တုံ ဝါ, ကာတုန, ကတ္တုန ဝါ။
֍ ♦ ၅၉၆, * ၅၅၁. ဂမ ခန ဟနာဒီနံ တုံ တဗ္ဗာဒီသု န။
ဂမ ခန ဟနဣစ္စေဝမာဒီနံ ဓာတူနံ အန္တဿ နကာရော ဟောတိ ဝါ တုံ တဗ္ဗာဒီသု ပစ္စယေသု။
ဂန္တုံ, ဂမိတုံ, ဂန္တဗ္ဗံ, ဂမိတဗ္ဗံ။ ခန္တုံ။ ခနိတုံ, ခန္တဗ္ဗံ, ခနိတဗ္ဗံ။ ဟန္တုံ, ဟနိတုံ, ဟန္တဗ္ဗံ။ ဟနိတဗ္ဗံ။ မန္တုံ, မနိတုံ, မန္တဗ္ဗံ, မနိတဗ္ဗံ။
အာဒိဂ္ဂဟဏံ ကိမတ္ထံ? တုနဂ္ဂဟဏတ္ထံ။ ဂန္တုန, ခန္တုန, ဟန္တုန, မန္တုန။
֍ ♦ ၅၉၇, * ၆၄၁. သဗ္ဗေဟိ တုနာဒီနံ ယော။
သဗ္ဗေဟိ ဓာတူဟိ တုနာဒီနံ ပစ္စယာနံ ယကာရာဒေသော ဟောတိ ဝါ။
အဘိဝန္ဒိယ, အဘိဝန္ဒိတွာ, ဩဟာယ, ဩဟိတွာ, ဥပနီယ, ဥပနေတွာ, ပဿိယ, ပဿိတွာ, ဥဒ္ဒိဿ, ဥဒ္ဒိသိတွာ, အာဒါယ, အာဒိယိတွာ။
(ကစ္စည်း၊၂၈၀။)֍ ♦ ၅၉၈, * ၆၄၃. စနန္တေဟိ ရစ္စံ။
စကာရနကာရန္တေဟိ ဓာတူဟိ တုနာဒီနံ ပစ္စယာနံ ရစ္စာဒေသော ဟောတိ ဝါ။
ဝိဝိစ္စ, အာဟစ္စ, ဥဟစ္စ။
ဝါတိ ကိမတ္ထံ? ဟန္တွာ။
֍ ♦ ၅၉၉, * ၆၄၄. ဒိသာ သွာန သွာန္တလောပေါ စ။
ဒိသဣစ္စေတာယ ဓာတုယာ တုနာဒီနံ ပစ္စယာနံ သွာနသွာဒေသာ ဟောန္တိ, အန္တလောပေါ စ။
ဒိသွာန, ဒိသွာ။
֍ ♦ ၆၀၀, * ၆၄၅. မ ဟ ဒ ဘေဟိ မ္မ ယှ ဇ္ဇ ဗ္ဘ ဒ္ဓါ စ။
မ ဟ ဒ ဘ ဣစ္စေဝမန္တေဟိ ဓာတူဟိ တုနာဒီနံ ပစ္စယာနံ မ္မ ယှ ဇ္ဇ ဗ္ဘ ဒ္ဓါ အာဒေသာ ဟောန္တိ ဝါ အန္တလောပေါ စ။
အာဂမ္မ, အာဂမိတွာ, ဩက္ကမ္မ။ ဩက္ကမိတွာ, ပဂ္ဂယှ, ပဂ္ဂဏှိတွာ, ဥပ္ပဇ္ဇ, ဥပ္ပဇ္ဇိတွာ, အာရဗ္ဘ, အာရဘိတွာ, အာရဒ္ဓ, အာရဘိတွာ။
(ကစ္စည်း၊၂၈၁။)֍ ♦ ၆၀၁, * ၃၃၄. တဒ္ဓိတသမာသကိတကာ နာမံ ဝါ’ တဝေ တုနာဒီသု စ။
တဒ္ဓိတသမာသကိတကဣစ္စေဝမန္တာ သဒ္ဒါနာမံဝ ဒဋ္ဌဗ္ဗာ တဝေ တုန တွာန တွာဒိပစ္စယန္တေ ဝဇ္ဇေတွာ။
ဝါသိဋ္ဌော, ပတ္တဓမ္မော, ကုမ္ဘကာရော ဣစ္စေဝမာဒိ။
ဒုမှိ အက္ခရေ ယော ပုဗ္ဗော အက္ခရော, သော ဂရုကောဝ ဒဋ္ဌဗ္ဗော။
ဘိတွာ, ဆိတွာ, ဒတွာ, ဟုတွာ။
ဒီဃော စ သရော ဂရုကောဝ ဒဋ္ဌဗ္ဗော။
အာဟာရော, နဒီ, ဝဓူ, တေ ဓမ္မာ, ဩပနယိကော။
အက္ခရတ္ထေဟိ အက္ခရာဘိဓေယျေဟိ ကာရပစ္စယော ဟောတိ ပယောဂေ သတိ။
အ ဧဝ အကာရော, အာ ဧဝ အာကာရော, ယ ဧဝ ယကာရော။
(ကစ္စည်း၊၂၈၂။)ယထာဂမံ သဗ္ဗဓာတူဟိ သဗ္ဗပစ္စယေသု ဣကာရာဂမော ဟောတိ။
ကာရိယံ, ဘဝိတဗ္ဗံ, ဇနိတဗ္ဗံ, ဝိဒိတဗ္ဗံ, ကရိတွာ, ဣစ္ဆိတံ။
֍ ♦ ၆၀၆, * ၆၄၂. ဒဓန္တတော ယော ကွစိ။
ဒကာရဓကာရန္တာယ ဓာတုယာ ယထာဂမံ ယကာရာဂမော ဟောတိ ကွစိ တုနာဒီသု ပစ္စယေသု။
ဗုဒ္ဓါ လောကေ ဥပ္ပဇ္ဇိတွာ, ဓမ္မံ ဗုဇ္ဈိတွာ။
ဒဓန္တတောတိ ကိမတ္ထံ? လဘိတွာ။
ကွစီတိ ကိမတ္ထံ? ဥပ္ပာဒေတွာ။
ဣတိ ကိဗ္ဗိဓာနကပ္ပေ စတုတ္ထော ကဏ္ဍော။
ပဉ္စမကဏ္ဍ
֍ ♦ ၆၀၇, * ၅၇၈. နိဂ္ဂဟိတ သံယောဂါဒိနော။
သံယောဂါဒိဘူတော နကာရော နိဂ္ဂဟိတမာပဇ္ဇတေ။
ရင်္ဂေါ, ဘင်္ဂေါ, သင်္ဂေါ။
(ကစ္စည်း၊၂၈၃။)֍ ♦ ၆၀၈, * ၆၂၃. သဗ္ဗတ္ထ ဂေ ဂီ။
ဂေဣစ္စေတဿ ဓာတုဿ ဂီအာဒေသော ဟောတိ သဗ္ဗတ္ထ ဌာနေ။
ဂီတံ ဂါယတိ။
သဒဣစ္စေတဿ ဓာတုဿ သီဒါဒေသော ဟောတိ သဗ္ဗတ္ထ ဌာနေ။
နိသိန္နော, နိသီဒတိ။
֍ ♦ ၆၁၀, * ၆၂၇. ယဇဿ သရဿိ ဋ္ဌေ။
ယဇဣစ္စေတဿ ဓာတုဿ သရဿ ဣကာရာဒေသော ဟောတိ ဋ္ဌေ ပရေ။
ယိဋ္ဌော, ယိဋ္ဌာ။
ဋ္ဌေတိ ကိမတ္ထံ? ယဇနံ။
֍ ♦ ၆၁၁, * ၆၀၈. ဟစတုတ္ထာနမန္တာနံ ဒေါ ဓေ။
ဟစတုတ္ထာနံ ဓာတွန္တာနံ ဒေါ အာဒေသော ဟောတိ ဓေ ပရေ။
သန္နဒ္ဓါ, ကုဒ္ဓါ, ယုဒ္ဓါ, သိဒ္ဓါ, လဒ္ဓါ, အာရဒ္ဓါ။
(ကစ္စည်း၊၂၈၄။)ဟစတုတ္ထာနံ ဓာတွန္တာနံ ဍော အာဒေသော ဟောတိ ဎကာရေ ပရေ။
ဒယှတီတိ ဒဍ္ဎော, ဝဍ္ဎတီတိ ဝုဍ္ဎော။
ဎကာရေတိ ကိမတ္ထံ? ဒါဟော။
ဂဟဣစ္စေတဿ ဓာတုဿ သဗ္ဗဿ ဃရာဒေသော ဟောတိ ဝါ ဏပစ္စယေ ပရေ။
ဃရံ, ဃရာနိ။
ဝါတိ ကိမတ္ထံ? ဂါဟော။
ဒဟဣစ္စေတဿ ဓာတုဿ ဒကာရော ဠတ္တမာပဇ္ဇတေ ဝါ ဏပစ္စယေ ပရေ။
ပရိဒဟနံ ပရိဠာဟော။
ဝါတိ ကိမတ္ထံ? ပရိဒါဟော။
֍ ♦ ၆၁၅, * ၅၈၆. ဓာတွန္တဿ လောပေါ ကွိမှိ။
ဓာတွန္တဿ ဗျဉ္ဇနဿ လောပေါ ဟောတိ ကွိမှိ ပစ္စယေ ပရေ။
(ကစ္စည်း၊၂၈၅။)ဘုဇေန ဂစ္ဆတီတိ, ဘုဇဂေါ။ ဥရေန ဂစ္ဆတီတိ ဥရဂေါ, တုရဂေါ, သင်္ခေါ။
ဝိဒဣစ္စေတဿ ဓာတုဿ အန္တေ ဦကာရာဂမော ဟောတိ ကွိမှိ ပစ္စယေ ပရေ။
လောကံ ဝိဒတိ ဇာနာတီတိ လောကဝိဒူ။
֍ ♦ ၆၁၇, * ၆၃၃. န မ က ရာနမန္တာနံ နိယုတ္တတမှိ။
နကာရ မကာရ ကကာရ ရကာရာနံ ဓာတွန္တာနံ လောပေါ န ဟောတိ ဣကာရယုတ္တေ တပစ္စယေ ပရေ။
ဟနိဘုံ, ဂမိတော, ရမိတော, သကိတော, သရိတော, ကရိတွာ။
ဣယုတ္တတမှီတိ ကိမတ္ထံ? ဂတော, သတော။
֍ ♦ ၆၁၈, * ၅၇၁. န က ဂတ္တံ စ ဇာဏွုမှိ။
စကာရ ဇကာရာ ကကာရ ဂကာရတ္တံ နာပဇ္ဇန္တေ ဏွုမှိ ပစ္စယေ ပရေ။
ပစတီတိ ပါစကော, ယဇတီတိ ယာဇကော။
(ကစ္စည်း၊၂၈၆။)֍ ♦ ၆၁၉, * ၅၇၃. ကရဿ စ တတ္တံ တုသ္မိံ။
ကရဣစ္စေတဿ ဓာတုဿ အန္တဿ ရကာရဿ တကာရတ္တံ ဟောတိ တုပစ္စယေ ပရေ။
ကရောတီတိ ကတ္တာ, ကရောန္တီတိ ကတ္တာရော။
֍ ♦ ၆၂၀, * ၅၄၉. တုံ တုန တဗ္ဗေသု ဝါ။
ကရဣစ္စေတဿ ဓာတုဿ အန္တဿ ရကာရဿ တကာရတ္တံ ဟောတိ ဝါ တုံ တုန တဗ္ဗဣစ္စေတေသု ပစ္စယေသု။
ကတ္တုံ, ကာတုံ, ကတ္တုန။ ကာတုန, ကတ္တဗ္ဗံ, ကာတဗ္ဗံ။
֍ ♦ ၆၂၁, * ၅၅၃. ကာရိတံ ဝိယ ဏာနုဗန္ဓော။
ဏကာရာနုဗန္ဓော ပစ္စယော ကာရိတံ ဝိယ ဒဋ္ဌဗ္ဗော ဝါ။
ဒါဟော, ဒေဟော, ဝါဟော, ဗာဟော, စာဂေါ, ဝါရော, စာရော, ပရိက္ခာရော, ဒါယကော, နာယကော, လာဝကော, ဘာဝကော, ကာရီ, ဃာတီ, ဒါယီ။
ဝါတိ ကိမတ္ထံ? ဥပက္ခရော။
(ကစ္စည်း၊၂၈၇။)֍ ♦ ၆၂၂, * ၅၇၀. အနကာ ယု ဏွူနံ။
ယုဏွုဣစ္စေတေသံ ပစ္စယာနံ အန အကဣစ္စေတေ အာဒေသာ ဟောန္တိ။
နန္ဒနံ, ကာရကော။
စ ဇဣစ္စေတေသံ ဓာတွန္တာနံ ကကာရဂကာရာဒေသာ ဟောန္တိ ဏာနုဗန္ဓေ ပစ္စယေ ပရေ။
ပါကော, ယောဂေါ။
ဣတိ ကိဗ္ဗိဓာနကပ္ပေ ပဉ္စမော ကဏ္ဍော။
ကိတကပ္ပော နိဋ္ဌိတော။
(ကစ္စည်း၊၂၈၈။)၈. ဥဏာဒိကပ္ပ
ဆဋ္ဌကဏ္ဍ
ကတ္တုဣစ္စေတသ္မိံ အတ္ထေ ကိတ ပစ္စယာ ဟောန္တိ။
ကာရု, ကာရုကော, ကာရကော, ပါစကော, ကတ္တာ, ဇနိတာ, ပစိတာ, နေတာ။
֍ ♦ ၆၂၅, * ၆၀၅. ဘာဝကမ္မေသု ကိစ္စတ္တ ခတ္ထာ။
ဘာဝကမ္မဣစ္စေတေသွတ္ထေသု ကိစ္စ တ္တ ခတ္ထဣစ္စေတေ ပစ္စယာ ဟောန္တိ။
ဥပသမ္ပာဒေတဗ္ဗံ ဥပသမ္ပာဒနီယံ ဘဝတာ, သယိတဗ္ဗံ ဘဝတာ, ကတ္တဗ္ဗံ ဘဝတာ, ဘောတ္တဗ္ဗော ဩဒနော ဘဝတာ, အသိတဗ္ဗံ ဘောဇနံ ဘဝတာ, အသိတံ ဘဝတာ, သယိတံ ဘဝတာ, ပစိတံ ဘဝတာ, အသိတံ အသနံ ဘဝတာ, သယိတံ သယနံ ဘဝတာ, ပစိတော ဩဒနော ဘဝတာ, ကိဉ္စိဿယော, ဤသဿယော, ဒုဿယော, သုဿယော ဘဝတာ။
(ကစ္စည်း၊၂၈၉။)֍ ♦ ၆၂၆, * ၆၃၄. ကမ္မနိ ဒုတိယာယ တ္တော။
ကမ္မနိ ဣစ္စေတသ္မိံ အတ္ထေ ဒုတိယာယံ ဝိဘတ္တိယံ ကတ္တရိ တ္တပစ္စယော ဟောတိ။
ဒါနံ ဒိန္နော ဒေဝဒတ္တော, သီလံ ရက္ခိတော ဒေဝဒတ္တော, ဘတ္တံ ဘုတ္တော ဒေဝဒတ္တော, ဂရုံ ဥပါသိတော ဒေဝဒတ္တော။
֍ ♦ ၆၂၇, * ၆၅၂. ချာဒီဟိ မာန မ စ တော ဝါ။
ခိ ဘီ သု ရု ဟု ဝါ ဓူ ဟိ လူ ပီ အဒဣစ္စေဝမာဒီဟိ ဓာတူဟိ မန ပစ္စယော ဟောတိ, မဿ စ တော ဟောတိ ဝါ။
ခီယန္တိ ဥပဒ္ဒဝါ ဧတ္ထာတိ ခေမော, ဘာယိတဗ္ဗောတိ ဘေမော, ဘာယန္တိ ဧတသ္မာတိ ဝါ ဘေမော, ရံသိယော အဘိဿဝေတီတိ သောမော, ရဝတိ ဂစ္ဆတီတိ ရောမော, ဟုဝတိ ဇုဟွတိ ဧတေနာတိ ဟောမော, ပဋိလောမဝသေန ဝါတိ ဂစ္ဆတီတိ ဝါမော, လာမကဝသေန ဝါတိ ဂစ္ဆတိ ပဝတ္တတီတိ ဝါ ဝါမော, ဓုနာတိ ကမ္ပတီတိ ဓူမော, သေဋ္ဌဘာဝေန ဟိနောတိ ပဝတ္တတိ စိတ္တံ ဧတသ္မိန္တိ ဟေမော, လုနိတဗ္ဗောတိ လောမော, မံသစမ္မာနိ လုနာတိ ဆိန္ဒတီတိ ဝါ လောမော, ပိယနံ ပေမော, ပိယာယိတဗ္ဗောတိ ဝါ ပေမော, သုခဒုက္ခံ အဒတိ ဘက္ခတီတိ အတ္တာ, ဇာတိဇရာမရဏာဒီဟိ အဒီယတေ ဘက္ခီယတေတိ ဝါ အတ္တာ, အာတုမာ။
(ကစ္စည်း၊၂၉၀။)သမု ဒမု ဒရ ရဟ ဒု ဟိ သိ ဘီ ဒါ ယာ သာ ဌာဘသဣစ္စေဝမာဒီဟိ ဓာတူဟိ ထ မ ပစ္စယာ ဟောန္တိ။
သမေတီတိ သမထော, ဒမတီတိ ဒမထော, ဒမနံ ဝါ ဒမထော, ဒမိတဗ္ဗောတိ ဝါ ဒမထော, ဒရတီတိ ဒရထော, ဇိဏ္ဏဘာဝံ ရဟိဿတိ ဂဏှိဿတီတိ ရထော, ဒဗ္ဗသမ္ဘာရေ ရဟတိ ဂဏှာတီတိ ဝါ ရထော, ဒဝတိ ဂစ္ဆတီတိ ဒုမော, ဒဝတိ ဝုဒ္ဓိ ဝိရုဠှိ ဂစ္ဆတိ ပဝတ္တတီတိ ဥဒ္ဓံ ဝါ ဒုမော, ပထဝီပဗ္ဗတာဒီသု ဂစ္ဆတိ ပတတီတိ ဟိမော, ကမ္မဝါစာယ ဗန္ဓတိ ဧတ္ထာတိ သီမာ။ ဗန္ဓိတဗ္ဗာတိ ဝါ သီမာ။ ဘာယန္တိ ဧတသ္မာတိ ဘီမော, သတ္တေ အဝခဏ္ဍေန္တိ နိဝါရေန္တိ ဧတေနာတိ ဒါမော, မူသိကာဒီဟိ ခါဒီယတိ အဝခဏ္ဍီယတီတိ ဝါ ဒါမော, ယာတိ ဂစ္ဆတီတိ ယာမော, ပရေသံ စိတ္တံ ဂဏှိတုံ သမတ္ထေတီတိ သာမော, တိဋ္ဌန္တိ ဧတေနာတိ ထာမော, ဘသတိ ဘသ္မီကရီယတီတိ ဘသ္မာ။
ဂဟဣစ္စေတဿ ဓာတုဿ ဥပဓဿ အကာရဿ ဧတ္တ ဟောတိ ဝါ။
ဒဗ္ဗသမ္ဘာရ ဂဏှာတီတိ ဂေဟံ, ဂဟံ။
(ကစ္စည်း၊၂၉၁။)֍ ♦ ၆၃၀, * ၆၅၄. မသုဿ သုဿ စ္ဆရ စ္ဆေရာ။
မသုဣစ္စေတဿ ပါဋိပဒိကဿ သုဿ စ္ဆရစ္ဆေရာဒေသာ ဟောန္တိ။
မစ္ဆရတီတိ မစ္ဆရော, ဧဝံ မစ္ဆေရော။
အာပုဗ္ဗဿ စရဣစ္စေတဿ ဓာတုဿ စ္ဆရိယစ္ဆရစ္ဆေရာ ဒေသာ ဟောန္တိ, အာပုဗ္ဗဿ စ ရဿော ဟောတိ။
အာဘုသော စရိတဗ္ဗန္တိ အစ္ဆရိယံ။ ဧဝံ အစ္ဆရံ, အစ္ဆေရံ။
စဂ္ဂဟဏေန မသုဿ သုဿာပိ စ္ဆရိယာဒေသော ဟောတိ, မစ္ဆရိယံ။
֍ ♦ ၆၃၂, * ၆၅၆. အလ ကလ သလေဟိ လယာ။
အလ ကလ သလဣစ္စေတေဟိ ဓာတူဟိ လ ယပစ္စယာ ဟောန္တိ။
အလတိ သမတ္ထေတီတိ အလ္လံ, ကလိတဗ္ဗံ သင်္ချာတဗ္ဗန္တိ ကလ္လံ, သလတိ ဂစ္ဆတိ ပဝိသတီတိ သလ္လံ။ ဧဝံ အလျံ, ကလျံ, သလျံ။
(ကစ္စည်း၊၂၉၂။)တေဟိ ကလ သလဣစ္စေတေဟိ ဓာတူဟိ ယာဏ လာဏပစ္စယာ ဟောန္တိ။
ကလိတဗ္ဗံ သင်္ချာတဗ္ဗန္တိ ကလျာဏံ, ဂဏတော ပဋိက္ကမိတွာ သလန္တိ ဧတ္ထာတိ ပဋိသလျာဏံ။ ဧဝံ သလ္လာဏော, ပဋိသလ္လာဏော။
֍ ♦ ၆၃၄, * ၆၅၈. မထိဿ ထဿ လော စ။
မထဣစ္စေတဿ ဓာတုဿ ထဿ လာဒေသောဟောတိ။ အညမညံ မထတိ ဝိလောဠတီတိ မလ္လော, မလ္လံ။
စဂ္ဂဟဏေန လတော ကော စ အာဂမော ဟောတိ။ မလ္လကော, မလ္လကံ။
֍ ♦ ၆၃၅, * ၅၅၉. ပေသာတိသဂ္ဂပတ္တကာလေသုကိစ္စာ။
ပေသ အတိသဂ္ဂ ပတ္တကာလဣစ္စေတေသွတ္ထေသု ကိစ္စပစ္စယာ ဟောန္တိ။
ကတ္တဗ္ဗံ ကမ္မံ ဘဝတာ, ကရဏီယံ ကိစ္စံ ဘဝတာ, ဘောတ္တဗ္ဗံ ဘောဇနံ ဘဝတာ, ဘောဇနီယံ ဘောဇနံ ဘဝတာ, အဇ္ဈယိတဗ္ဗံ အဇ္ဈေယျံ ဘဝတာ, အဇ္ဈယနီယံ အဇ္ဈေယျံ ဘဝတာ။
(ကစ္စည်း၊၂၉၃။)֍ ♦ ၆၃၆, * ၆၅၉. အဝဿကာ’ဓမိဏေသု ဏီ စ။
အဝဿက အဓမိဏဣစ္စေတေသွတ္ထေသု ဏီပစ္စယော ဟောတိ, ကိစ္စာ စ။
အဝဿတေ တာဝ – ကာရီသိ မေ ကမ္မံ အဝဿံ ဟာရီသိ မေ ဘာရံ အဝဿံ။
အဓမိဏေ – ဒါယီသိ မေ သတံ ဣဏံ, ဓာရီသိ မေ သဟဿံ ဣဏံ။
ကိစ္စာ စ – ဒါတဗ္ဗံ မေ ဘဝတာ သတံ ဣဏံ။ ဓာရယိတဗ္ဗံ မေ ဘဝတာ သဟဿံ ဣဏံ, ကတ္တဗ္ဗံ မေ ဘဝတာ ဂေဟံ, ကရဏီယံ မေ ဘဝတာ ကိစ္စံ, ကာရိယံ မေ ဘဝတာ သယနံ။
အရဟ သက္က ဘဗ္ဗဣစ္စေဝမာဒီဟိ ပယောဂေ သတိ သဗ္ဗဓာတူဟိ တုံပစ္စယော ဟောတိ။
အရဟာ ဘဝံ ဝတ္တုံ, အရဟာ ဘဝံ ကတ္တုံ, သက္ကာ ဘဝံ ဟန္တုံ, သတ္တာ ဘဝံ ဇနေတုံ, ဇနိတုံ, ဘဝိတုံ, သက္ကာ ဘဝံ ဒါတုံ, သက္ကာ ဘဝံ ဂန္တုံ, တဗ္ဗော ဘဝံ ဇနေတုံ ဣစ္စေဝမာဒိ။
(ကစ္စည်း၊၂၉၄။)֍ ♦ ၆၃၈, * ၆၆၀. ဝဇာဒီဟိပဗ္ဗဇ္ဇာဒယော နိပ္ပဇ္ဇန္တေ။
ဝဇဣစ္စေဝမာဒီဟိ ဓာတူဟိ, ဥပသဂ္ဂပစ္စယာဒီဟိ စ ပဗ္ဗဇ္ဇာဒယော သဒ္ဒါ နိပ္ပဇ္ဇန္တေ။
(ကစ္စည်း၊၂၉၅။)ပဌမမေဝ ဝဇိတဗ္ဗာတိ ပဗ္ဗဇ္ဇာ, ဣဉ္ဇနံ ဧဇ္ဇာ, သမဇ္ဇနံ သမဇ္ဇာ, နိသီဒနံ နိသဇ္ဇာ, ဝိဇာနနံ ဝိဇ္ဇာ ဝိသဇ္ဇနံ ဝိသဇ္ဇာ, ပဒနံ ပဇ္ဇာ, ဟနနံ ဝဇ္ဈာ, ဧသနံ ဣစ္ဆာ, အတိဧသနံ အတိစ္ဆာ, သဒနံ သဇ္ဇာ, သယန္တိ ဧတ္ထာတိ သေယျာ, သမ္မာ စိတ္တံ နိဓေတိ ဧတာယာတိ သဒ္ဓါ, စရိတဗ္ဗာ စရိယာ, ကရဏံ ကိရိယာ, ရုဇနံ ရုစ္ဆာ, ပဒနံ ပစ္ဆာ, ရိဉ္စနံ ရိစ္ဆာ, တိကိစ္ဆနံ တိတိစ္ဆာ, သံကောစနံ သံကုစ္ဆာ, မဒနံ မစ္ဆာ, လဘနံ လစ္ဆာ, ရဒိဟဗ္ဗာတိ ရစ္ဆာ, ရဒနံ ဝိလေခနံ ဝါရစ္ဆာ, အဓော ဘာဂေန ဂစ္ဆတီတိ တိရစ္ဆာ, တိရစ္ဆာနော, အဇနံ အစ္ဆာ, တိတိက္ခတီတိ တိတိက္ခာ, သဟ အာဂမနံ သာဂစ္ဆာ, ဒုဋ္ဌု ဘက္ခနံ ဒေါဘစ္ဆာ, ဒုဋ္ဌု ရောသနံ ဒုရုစ္ဆာ, ပုစ္ဆနံ ပုစ္ဆာ, မုဟနံ မုစ္ဆာ, ဝသနံ ဝစ္ဆာ, ကစနံ ကစ္ဆာ, သဟ ကထနံ သာကစ္ဆာ, တုဒနံ တုစ္ဆာ, ဝိသနံ ဝိစ္ဆာ, ပိသနံ ပိစ္ဆိလ္လာ, သုခဒုက္ခံ မုဒတိ ဘက္ခတီတိ မစ္ဆော, သတ္တာနံ ပါဏံ မုသေတိ စဇေတီတိ မစ္စု, သတနံ သစ္စံ, ဥဒ္ဓံ ဓုနာတိ ကမ္ပတီတိ ဥဒ္ဓစ္စံ, နဋနံ နစ္စံ, နိတနံ နိစ္စံ, တထနံ တစ္ဆံ ဣစ္စေဝမာဒိ။
ကွိလောပေါ ဟောတိ, ပုန စ နိပ္ပဇ္ဇန္တေ။
ဝိဝိဓေဟိ သီလာဒိဂုဏေဟိ ဘဝတီတိ ဝိဘူ, ဝိသေသေန ဝါ ဘဝတီတိ ဝိဘူ, သယံ အတ္တနာ ဘဝတီတိ သယမ္ဘူ, အဘိဝိတွာ ဘဝတီတိ အဘိဘူ, သံ သုဋ္ဌု ဓုနာတိ ကမ္ပတီတိ သန္ဓူ, ဝိသေသေန ဘာတိ ဒိဗ္ဗတီတိ ဝိဘာ, နိဿေသေန ဘာတိ ဒိဗ္ဗတီတိ နိဘာ, ပကာရေန ဘာတိ ဒိဗ္ဗတီတိ ပဘာ, သဟ ဘာသန္တိ ဧတ္ထာတိ သဘာ, အာဘုသော ဘာတိ ဒိဗ္ဗတီတိ အာဘာ, ဘုဇေန ကုဋိလေန ဂစ္ဆတီတိ ဘုဇဂေါ, တုရိတတုရိတော ဂစ္ဆတီတိ တုရဂေါ, သံ သုဋ္ဌု ပထဝိံ ခနတီတိ သင်္ခေါ, ဝိသေသေန ယမတိ ဥပရမတီတိ ဝိယော, သုဋ္ဌု မနတိ ဇာနာတီတိ သုမော, ပရိ သမန္တတော တနောတိ ဝိတ္ထာရေတီတိ ပရိတော ဣစ္စေဝမာဒိ။
֍ ♦ ၆၄၀, ၀. သစဇာနံ ကဂါ ဏာနုဗန္ဓေ။
သစ ဇာနံ ဓာတူနမန္တာနံ စဇာနံ ကဂါဒေသာ ဟောန္တိ ယထာသင်္ချံ ဏာနုဗန္ဓေ ပစ္စယေ ပရေ။
(ကစ္စည်း၊၂၉၆။)ဩကော, ပါကော, သေကော, သောကော, ဝိဝေကော, စာဂေါ, ယောဂေါ, ဘောဂေါ, ရောဂေါ, ရာဂေါ, ဘာဂေါ, ဘင်္ဂေါ, ရင်္ဂေါ, သင်္ဂေါ။
֍ ♦ ၆၄၁, * ၅၇၂. နုဒါဒီဟိ ယုဏွူနမနာနနာကာနနကာ သကာရိတေဟိ စ။
နုဒ သူဒ ဇန သု လူ ဟု ပု ဘူ ဉာ အ သ သမုဣစ္စေဝမာဒီဟိ ဓာတူဟိ, ဖန္ဒ စိတိ အာဏ ဣစ္စေဝမာဒီဟိ သကာရိတေဟိ စ ယုဏွူနံ ပစ္စယာနံ အန အာနန အက အာနနကာဒေသာ ဟောန္တိ ယထာသင်္ချံ ကတ္တရိ, ဘာဝကရဏေသု စ။
ကတ္တရိ တာဝ – ပနုဒတီတိ ပနူဒနော။ ဧဝံ သူဒနော, ဇနနော, သဝဏော, လဝနော, ဟဝနော, ပဝနော, ဘဝနော, ဉာဏော, အသနော, သမဏော။
ဘာဝေ စ – ပနုဒတေ ပနူဒနံ။ ဧဝံ သူဒနံ, ဇနနံ, သဝဏံ, လဝနံ, ဟဝနံ, ပဝနံ, ဘဝနံ, ဉာဏံ, အသနံ, သမဏံ, သဉ္ဇာနနံ, ကုယတေ ကာနနံ။
ကာရိတေ စ – ဖန္ဒာပီယတေ ဖန္ဒာပနံ, စေတာပီယတေ စေတာပနံ, အာဏာပီယတေ အာဏာပနံ။
ကရဏေ – နုဒန္တိ အနေနာတိ နူဒနံ, ဧဝံ သူဒနံ, ဇနနံ, သဝဏံ, လဝဏံ, ဟဝနံ, ပဝနံ, ဘဂနံ, ဉာဏံ, အသနံ, သဝဏံ။
(ကစ္စည်း၊၂၉၇။)ပုန ကတ္တရိ – နုဒတီတိ နူဒကော, သူဒတီတိ သူဒဓကာ, ဇနေတီတိ ဇနကော, သုဏောတီတိ သာဝကော, လုနာတီတိ လာဝကော, ဇုဟောတီတိ ဟာဝကော, ပုနာတီတိ ပါဝကော, ဘဝတီတိ ဘာဝကော, ဇာနာတီတိ ဇာနကော, အသတီတိ အသကော, ဥပါသတီတိ ဥပါသကော, သမေတီတိ သမကော။
ကာရိတေ တု – ဖန္ဒာပယတီတိ ဖန္ဒာပယကော။ ဧဝံ အာဏာပယကော, စေတာပယကော, သဉ္ဇာနနကော။
֍ ♦ ၆၄၂, * ၅၈၈. ဣ ယ တ မ ကိ ဧ သာန’မန္တဿရော ဒီဃံ ကွစိ ဒု သ ဿ ဂုဏံ ဒေါ ရံ သက္ခီ စ။
ဣယ တ မ ကိ ဧ သဣစ္စေတေသံ သဗ္ဗနာမာနမန္တော သရော ဒီဃမာပဇ္ဇတေ, ကွစိ ဒုသဣစ္စေတဿ ဓာတုဿ ဥကာရော ဂုဏမာပဇ္ဇတေ, ဒကာရော ရကာရမာပဇ္ဇတေ, ဓာတွန္တဿ သဿ စ သ က္ခ ဤဣစ္စေတေ အာဒေသာ ဟောန္တိ ယထာသမ္ဘဝံ။ ဧတေ သဒ္ဒါ သကေန သကေန နာမေန ယထာနုပရောဓေန ဗုဒ္ဓသာသနေ ပစ္ဆာ ပုန နိပ္ပဇ္ဇန္တေ။
(ကစ္စည်း၊၂၉၈။)ဣမမိဝ နံ ပဿတီတိ ဤဒိသော, ယမိဝ နံ ပဿတီတိ ယာဒိသော, တမိဝ နံ ပဿတီတိ တာဒိသော, မမိဝ နံ ပဿတီတိ မာဒိသော, ကိမိဝ နံ ပဿတီတိ ကီဒိသော, ဧတမိဝ နံ ပဿတီတိ ဧဒိသော, သမာနမိဝ နံ ပဿတီတိ သာဒိသော။ ဣမမိဝ နံ ပဿတီတိ ဤရိသော, ယမိဝ နံ ပဿတီတိ ယာရိသော, တမိဝ နံ ပဿတီတိ တာရိသော, မမိဝ နံ ပဿတီတိ မာရိသော, ကိမိဝ နံ ပဿတီတိ ကီရိသော, ဧတမိဝ နံ ပဿတီတိ ဧရိသော, သမာနမိဝ နံ ပဿတီတိ သာရိသော။ ဣမမိဝ နံ ပဿတီတိ ဤဒိက္ခော, ယမိဝ နံ ပဿတီတိ ယာဒိက္ခော, တမိဝ နံ ပဿတီတိ တာဒိက္ခော, ဧဝံ မာဒိက္ခော, ကီဒိက္ခော, ဧဒိက္ခော, သာဒိက္ခော။ ဤဒီ, ယာဒီ, တာဒီ, မာဒီ, ကီဒီ, ဧဒီ, သာဒီ။
စဂ္ဂဟဏေန တေသမေဝ သဒ္ဒါနံ ဣယဣစ္စေဝမာဒီနမန္တော စ သရော ကွစိ ဒီဃတ္ထမာဟု။ ဤဒိက္ခော, ယာဒိက္ခော, တာဒိက္ခော, မာဒိက္ခော, ကီဒိက္ခော, ဧဒိက္ခော, သာဒိက္ခော။ ဣဒိသော, သဒိသော, သရိသော, သရိက္ခော။
֍ ♦ ၆၄၃, * ၆၃၅. ဘျာဒီဟိ မတိ ဗုဓိ ပူဇာဒီဟိ စ တ္တော။
ဘီဣစ္စေဝမာဒီဟိ ဓာတူဟိ, မတိ။ ဗုဓိ ပူဇာဒိတော စ တ္တ ပစ္စယော ဟောတိ။
(ကစ္စည်း၊၂၉၉။)ဘာယိတဗ္ဗောတိ ဘီတော, သုပိတဗ္ဗောတိ သုတ္တော, မိဇ္ဇိတဗ္ဗော သိနေဟေတဗ္ဗောတိ မိတ္တော, သမ္မန္နိတဗ္ဗောတိ သမ္မတော, သံ သုဋ္ဌု မာနိတဗ္ဗော ပူဇေတဗ္ဗောတိ သမ္မတော, သမ္မာနီယိတ္ထာတိ သမ္မတော, သံကပ္ပီယတေတိ သင်္ကပ္ပိတော, သံကပ္ပီယိတ္ထာတိ သင်္ကပ္ပိတော, သမ္ပာဒီယတေတိ သမ္ပာဒိတော, သမ္ပာဒီယိတ္ထာတိ သမ္ပာဒိတော, အဝဓာရီယတေတိ အဝဓာရိတော, အဝဓာရီယိတ္ထာတိ အဝဓာရိတော, ဗုဇ္ဈိတဗ္ဗော ဉာတဗ္ဗောတိ ဗုဒ္ဓါ, အဇ္ဈယိတဗ္ဗောတိ ဣတော, ဧတဗ္ဗော ဂန္တဗ္ဗောတိ ဣတော, ဝိဒိတဗ္ဗော ဉာတဗ္ဗောတိ ဝိဒိတော, တက္ကီယတေတိ တက္ကိတော, ပူဇီယတေတိ ပူဇိတော, ပူဇီယိတ္ထာတိ ပူဇိတော, အပစာယိတဗ္ဗောတိ အပစာယိတော, မာနိတဗ္ဗော ပူဇေတဗ္ဗောတိ မာနိတော, အပစီယတေတိ အပစိတော, ဝန္ဒီယတေတိ ဝန္ဒိတော, ဝန္ဒီယိတ္ထာတိ ဝန္ဒိတော, သက္ကရီယတေတိ သက္ကာရိတော, သက္ကရီယိတ္ထာတိ သက္ကာရိတော။
֍ ♦ ၆၄၄, * ၆၆၁. ဝေပု သီ ဒဝ ဝမု ကု ဒါ ဘူ ဟွာဒီဟိ ထု တ္တိမ ဏိမာ နိဗ္ဗတ္တေ။
ဝေပု သီ ဒဝ ဝမု ကု ဒါ ဘူ ဟုဣစ္စေဝမာဒီဟိ ဓာတူဟိ ယထာသမ္ဘဝံ ထု တ္တိမ ဏိမပစ္စယာ ဟောန္တိ နိဗ္ဗတ္တတ္ထေ။
ဝေပနံ ဝေပေါ, တေန နိဗ္ဗတ္တော ဝေပထု, သယနံ သယော, တေန နိဗ္ဗတ္တော သယထု, ဒဝနံ ဒဝေါ, တေန နိဗ္ဗတ္တော ဒဝထု။ ဝမနံ ဝမော, တေန နိဗ္ဗတ္တော ဝမထု။ ကုတ္တိ ကရဏံ, တေန နိဗ္ဗတ္တံ ကုတ္တိမံ။ ဒါတိ ဒါနံ, တေန နိဗ္ဗတ္တံ ဒတ္တိမံ။ ဘူတိ ဘဝနံ, တေန နိဗ္ဗတ္တံ ဘောတ္တိမံ။ အဝဟုတိ အဝဟနံ, တေန နိဗ္ဗတ္တံ ဩဟာဝိမံ။
(ကစ္စည်း၊၃၀၀။)֍ ♦ ၆၄၅, * ၆၆၂. အက္ကောသေ နမှာနိ။
အက္ကောသဣစ္စေတသ္မိံ အတ္ထေ နမှိ ပဋိသေဓယုတ္တေ အာနိပစ္စယော ဟောတိ ဓာတူဟိ။
န ဂမိတဗ္ဗံ အဂမာနိ တေ ဇမ္မ ဒေသံ, န ကတ္တဗ္ဗံ အကရာဏိ တေ ဇမ္မ ကမ္မံ။
နမှီတိ ကိမတ္ထံ? ဝိပတ္တိ တေ ဇမ္မ, ဝိကတိ တေ ဇမ္မ။
အက္ကောသေတိ ကိမတ္ထံ? န ဂန္တဗ္ဗာ အဂတိ တေ။
֍ ♦ ၆၄၆, * ၄၁၉. ဧကာဒိတော သကိဿ က္ခတ္တုံ။
ဧကာဒိတော သကိဿ က္ခတ္တုံ ဟောတိ။
ဧကဿ ပဒတ္ထဿ သကိံ ဝါရံ ဧကက္ခတ္တုံ, ဒွိန္နံ ပဒတ္ထာနံ သကိံ ဝါရံ ဒွိက္ခတ္တုံ, တိဏ္ဏံ ပဒတ္ထာနံ သကိံ ဝါရံ တိက္ခတ္တုံ, ဧဝံ စတုက္ခတ္တုံ, ပဉ္စက္ခတ္တုံ, ဆက္ခတ္တုံ, သတ္တက္ခတ္တုံ, အဋ္ဌက္ခတ္တုံ, နဝက္ခတ္တုံ, ဒသက္ခတ္တုံ။ ဣစ္စေဝမာဒယော သဒ္ဒါ ယောဇေတဗ္ဗာ။
֍ ♦ ၆၄၇, * ၆၆၃. သုနဿုနဿောဏ ဝါနုဝါနူနုနခုနာနာ။
သုနဣစ္စေတဿ ပါဋိပဒိကဿ ဥနဿ ဩဏ ဝါန ဥဝါန ဦန ဥနခ ဥန အာ အာနာဒေသာ ဟောန္တိ။
(ကစ္စည်း၊၃၀၁။)သာမိကဿ သဒ္ဒံ သုဏာတီတိ သောဏော, သာမိကဿ သဒ္ဒံ သုဏာတီတိ သွာနော, ဧဝံ သုဝါနော, သူနော, သုနခေါ, သုနော, သာ, သာနော။
တရုဏဣစ္စေတဿ ပါဋိပဒိကဿ သုသု အာဒေသော ဟောတိ။
သုသု ကာဠကေသော။
֍ ♦ ၆၄၉, * ၆၆၅. ယုဝဿုဝဿုဝုဝါနုနူနာ။
ယုဝဣစ္စေတဿ ပါဋိပဒိကဿ ဥဝဿ ဥဝဥဝါန ဥနဦနာဒေသာ ဟောန္တိ။
ယုဝါ, ယုဝါနော, ယုနော, ယူနော။
֍ ♦ ၆၅၀, * ၆၅၁. ကာလေ ဝတ္တမာနာတီတေ ဏွာဒယော။
ကာလေ ဝတ္တမာနတ္ထေ စ အတီတတ္ထေ စ ဏု ယု တပစ္စယာ ဟောန္တိ။
အကာသိ, ကရောတီတိ ကာရု, အဂစ္ဆိ, ဂစ္ဆတီတိ, ဝါယု, အဘဝိ, ဘဝတီတိ ဘူတံ။
(ကစ္စည်း၊၃၀၂။)֍ ♦ ၆၅၁, * ၆၄၇. တဝိဿတိ ဂမာဒီဟိ ဏီ ဃိဏ။
ဘဝိဿတိကာလတ္ထေ ဂမု ဘဇ သု ဌာဣစ္စေဝမာဒီဟိ ဓာတူဟိ ဏီ ဃိဏ ပစ္စယာ ဟောန္တိ။
အာယတိံ ဂမိတုံ သီလံ ယဿ, သော ဟောတီတိ ဂါမီ, အာယတိံ ဘဇိတုံ သီလံ ယဿ, သော ဟောတီတိ ဘာဇီ, အာယတိံ ပဿာပိတုံ သီလံ ယဿ, သော ဟောတီတိ ပဿာဝိ, အာယတိံ ပဋ္ဌာယိတုံ သီလံ ယဿ, သော ဟောတီတိ ပဋ္ဌာယိ။
֍ ♦ ၆၅၂, * ၆၄၈. ကြိယာယံ ဏွု တဝေါ။
ကြိယာယမတ္ထေ ဏွု တုဣစ္စေတေ ပစ္စယာ ဟောန္တိ ဘဝိဿတိကာလေ။
‘‘ကရိဿ’’န္တိ ကာရကော ဝဇတိ, ‘‘ဘုဉ္ဇိဿ’’န္တိ ဘောတ္တာ ဝဇတိ။
֍ ♦ ၆၅၃, * ၃၀၆. ဘာဝဝါစိမှိ စတုတ္ထီ။
ဘာဝဝါစိမှိ စတုတ္ထီဝိဘတ္တိ ဟောတိ ဘဝိဿတိကာလေ,
ပစိဿတေ, ပစနံ ဝါ ပါကော, ပါကာယ ဝဇတိ။ ဘုဉ္ဇိဿတေ, ဘောဇနံ ဝါ ဘောဂေါ, ဘောဂါယ ဝဇတိ။ နစ္စိဿတေ, နစ္စနံ ဝါ နစ္စံ, နစ္စာယ ဝဇတိ။
(ကစ္စည်း၊၃၀၃။)ကမ္မနိ ဥပပဒေ ဏပစ္စယော ဟောတိ ဘဝိဿတိကာလေ။
နဂရံ ကရိဿတိ နဂရကာရော ဝဇတိ, သာလိံ လာဝိဿတိ သာလိလာဝေါ ဝဇတိ, ဓညံ ဝပိဿတိ ဓညဝါပေါ ဝဇတိ, ဘောဂံ ဒဒိဿတိ ဘောဂဒါယော ဝဇတိ, သိန္ဓုံ ပိဝိဿတိ သိန္ဓုပါယော ဝဇတိ။
֍ ♦ ၆၅၅, * ၆၅၀. သေသေ ဿံ န္တုမာနာနာ။
သေသဣစ္စေတသ္မိံ အတ္ထေ ဿံ န္တု မာန အာန ဣစ္စေတေ ပစ္စယာ ဟောန္တိ ဘဝိဿတိကာလေ ကမ္မူပပဒေ။
ကမ္မံ ကရိဿတိ ကမ္မံ ကရိဿံ, ဧဝံ ကမ္မံ ကရောန္တော, ကမ္မံ ကုရုမာနော, ကမ္မံ ကရာနော ဝဇတိ။ ဘောဇနံ ဘုဉ္ဇိဿတိ ဘောဇနံ ဘုဉ္ဇိဿံ, ဧဝံ ဘောဇနံ ဘုဉ္ဇန္တော, ဘောဇနံ ဘုဉ္ဇမာနော, ဘောဇနံ ဘုဉ္ဇာနော ဝဇတိ။ ခါဒနံ ခါဒိဿတိ ခါဒနံ ခါဒိဿံ, ဧဝံ ခါဒနံ ခါဒန္တော, ခါဒနံ ခါဒမာနော, ခါဒနံ ခါဒါနော ဝဇတိ။ မဂ္ဂံ စရိဿတိ မဂ္ဂံ စရိဿံ, ဧဝံ မဂ္ဂံ စရန္တော, မဂ္ဂံ စရမာနော, မဂ္ဂံ စရာနော ဝဇတိ။ ဘိက္ခံ ဘိက္ခိဿတိ ဘိက္ခံ ဘိက္ခိဿံ, ဧဝံ ဘိက္ခံ ဘိက္ခန္တော, ဘိက္ခံ ဘိက္ခမာနော, ဘိက္ခံ ဘိက္ခာနော ဝဇတိ။
(ကစ္စည်း၊၃၀၄။)ဆ ဒ စိ တိ သု နီ ဝိ ဒ ပဒ တနု ယတ အဒ မဒ ယုဇ ဝတုမိဒ မာ ပု က လ ဝရ ဝေ ပု ဂုပ ဒါ ဣစ္စေဝမာဒီဟိ ဓာတူဟိ တတြဏ ဣစ္စေတေ ပစ္စယာ ဟောန္တိ ယထာသမ္ဘဝံ။
(ကစ္စည်း၊၃၀၅။)အာတပံ ဆာဒေတီတိ ဆတ္တံ, ဆတြံ။ အာရမ္မဏံ စိန္တေတီတိ စိတ္တံ, စိတြံ။ စိန္တေန္တိ သမ္ပယုတ္တဓမ္မာ ဧထေနာတိ ဝါ စိတ္တံ, စိတြံ။ အတ္ထေ အဘိဿဝေတီတိ သုတ္တံ, သုတြံ။ အတ္ထေ သူစေတီတိ ဝါ သုတ္တံ, သုတြံ။ သတ္တေ နေတီတိ နေတ္တံ, နေတြံ။ သတ္တေ ဣစ္ဆိတဋ္ဌာနံ နေန္တိ ဧတေနာတိ ဝါ နေတ္တံ, နေတြံ။ ပကာရေန ဝိဒတီတိ ပဝိတ္တံ, ပဝိတြံ။ ဝိဝိဓေန အာကာရေန မင်္ဂ ပါပံ ပုနာတိ, သောဓေတီတိ ပဝိတ္တံ, ပဝိတြံ။ သုစိဘာဝံ ဝါ ပါပုဏာတီတိ ပဝိတ္တံ, ပဝိတြံ။ ပဒတိ ပါပုဏာတီတိ ပတ္တော, ပတြော။ အာဟာရာ ပတန္တိ ဧတ္ထ ဘာဇနေတိ ပတ္တံ, ပတြံ။ ပဒတိ ပဝတ္တတီတိ ဝါ ပတ္တံ, ပတြံ။ တနောတိ ဝိတ္ထာရေတီတိ တန္တံ, တန္တြံ, တနိတဗ္ဗံ ဝိတ္ထာရေတဗ္ဗန္တိ ဝါ တန္တံ, တန္တြ။ ယတတီတိ ယတ္တံ, ယတြံ။ ယတတိ ဝီရိယံ ကရောတိ ဧတေနာတိ ဝါ ယတ္တံ, ယတြံ။ ယတနံ ဝါ ယတ္တံ, ယတြံ။ သုခဒုက္ခံ အဒတိ ဘက္ခတီတိ အတ္တာ, အတြာ။ မဒတီတိ မတ္တံ, မတြံ။ ဝတ္ထုံ ယုဇ္ဇန္တိ ဧတေနာတိ ယောတ္တံ, ယောတြံ။ ဝတ္တတီတိ ဝတ္တံ, ဝတြံ။ မိဒတိ သိနေဟံ ကရောတီတိ မိတ္တံ။ မိတြံ။ မိဒတိ သိနေဟတိ ဧတာယာတိ မေတ္တာ, မေတြာ။ ပရိ သမန္တ တော သဗ္ဗာကာရေန မိနန္တိ ဧတာယာတိ မတ္တာ, မတြာ။ မာနနံ ဝါ မတ္တံ, မတြံ။ အတ္တနော ကုလံ ပုနာတိ သောဓေတီတိ ပုတ္တော, ပုတြော။ ကလိတဗ္ဗံ သင်္ချာတဗ္ဗန္တိ ကလတ္တံ, ကလတြံ။ သံသုဋ္ဌု ဝါရေတိ ဧတေနာတိ ဝရတ္တံ, ဝရတြံ။ ဝေပတိ ကမ္ပတီတိ ဝေတ္တံ, ဝေတြံ။ ဂေါပိတဗ္ဗံ ရက္ခိတဗ္ဗန္တိ ဂုတ္တံ။ ဂုတြံ, ဂေါတ္တံ, ဂေါတြံ။ ဒါတိ အဝခဏ္ဍတိ ဧတေနာတိ ဒါတ္တံ, ဒါတြံ ဣစ္စေဝမာဒိ။
֍ ♦ ၆၅၇, * ၆၆၇. ဝဒါဒီဟိ ဏိတ္တော ဂဏေ။
ဝဒ စရ ဝရဣစ္စေဝမာဒီဟိ ဓာတူဟိ ဏိတ္တပစ္စယော ဟောတိ ဂဏတ္ထေ။
ဝါဒိတာနံ ဂဏော ဝါဒိတ္တံ။ ဧဝံ စာရိတ္တံ, ဝါရိတ္တံ, ဣစ္စေဝမာဒိ။
֍ ♦ ၆၅၈, * ၆၆၈. မိဒါဒီဟိ တ္တိတိယော။
မိဒ ပဒ ရန္ဇ တနု ဓာဣစ္စေဝမာဒီဟိ ဓာတူဟိ တ္တိ တိ ဣစ္စေတေ ပစ္စယာ ဟောန္တိ။
(ကစ္စည်း၊၃၀၆။)မိဒတိ သိနေဟတီတိ မေတ္တိ, ပဒတိ ဂစ္ဆတီတိ ပတ္တိ, ရန္ဇတိ ဧတ္ထာတိ ရတ္တိ, တနောတိ ဝိတ္ထာရေတီတိ တန္တိ, အတ္တနော ကုလံ တနောတိ ဝိတ္ထာရေတီတိ ဝါ တန္တိ, ပရေသံ ဣတ္ထီနံ ပုတ္တံ ဓာရေတီတိ ဓာတိ, ခီရံ ဓာရေတီတိ ဝါ ဓာတိ, အတ္တနော သဘာဝံ ဓာရေတီတိ ဝါ ဓာတိ ဣစ္စေဝမာဒိ။
֍ ♦ ၆၅၉, * ၆၆၉. ဥသု ရန္ဇ ဒံသာနံ ဒံသဿ ဒဍ္ဎောဎ ဌာ စ။
ဥသု ရန္ဇ ဒံသဣစ္စေတေသံ ဓာတူနံ ဒံသဿ ဒဍ္ဎာဒေသော ဟောတိ, ဎ ဌပစ္စယာ စ ဟောန္တိ။
ဥသီယတေ ဥဍ္ဎော, ရန္ဇန္တိ ဧတ္ထာတိ ရဋ္ဌံ, ဒံသီယတေတိ ဒဍ္ဎော။
֍ ♦ ၆၆၀, * ၆၇၀. သူဝုသာနမူဝုသာနမတောထောစ။
သူဝု အသဣစ္စေတေသံ ဓာတူနံ ဦဥအသာနံ အတာဒေသော ဟောတိ, ထပစ္စယော စ။
သဝတိ ဟိံသတိ ဧတေနာတိ သတ္ထံ, ဟိရောတ္တပ္ပံ သံဝရတိ ဧတေနာတိဝတ္ထံ, သဒ္ဒါနုရူပံ အသတိဘဝတီတိ အတ္ထော,
(ကစ္စည်း၊၃၀၇။)֍ ♦ ၆၆၁, * ၆၇၁. ရန္ဇုဒါဒီဟိ ဓ ဒိဒ္ဒ ကိရာ ကွစိ ဇဒလောပေါစ။
ရန္ဇ ဥဒ ဣဒိ စဒိ မဒိ ခုဒ ဆိဒိ ရုဒိ ဒလ သုသ သုစ ဝစ ဝဇ ဣစ္စေဝမာဒီဟိ ဓာတူဟိ ဓ ဒ ဣဒ္ဒ က ဣရဣစ္စေတေ ပစ္စယာ ဟောန္တိ, ကွစိ ဇ ဒ လောပေါ စ, ပုန နိပ္ပဇ္ဇန္တေ။
ရဉ္ဇိတဗ္ဗန္တိ ရန္ဓံ, ရန္ဇယိတ္ထာတိ ဝါ ရန္ဓံ, အတ္တနိ သန္နိဿိတာနံ မစ္ဆမကရာနံ ပီတိသောမနဿံ ဥန္ဒတိ ပသဝတိ ဇနေတီတိ သမုဒ္ဒေါ, ဣန္ဒတိ ပရမိဿရိယံ ကရောတီတိ ဣန္ဒော, ဣန္ဒတ္တံ အဓိပတိဘာဝံ ကရောတီတိ ဝါ ဣန္ဒော, စန္ဒိတဗ္ဗော ဣစ္ဆိတဗ္ဗောတိ စန္ဒော, မန္ဒတိ ဟာသေတီတိ မန္ဒော, မဒိတဗ္ဗော ဟာသေတဗ္ဗောတိ ဝါ မန္ဒော, ခုဒတိ ပိပါသေတီတိ ခုဒ္ဒေါ, ဆိန္ဒိတဗ္ဗောတိ ဆိဒ္ဒေါ, ရုဒတိ ဟိံသတီတိ ရုဒ္ဒေါ, ဒလတိ ဒုဂ္ဂတဘာဝံ ဂစ္ဆတီတိ ဒလိဒ္ဒေါ, သုဿတီတိ သုက္ကံ, သုစတီတိသောကော, ဝစိတဗ္ဗန္တိ ဝက္ကံ, အပ္ပဋိဟတော ဟုတွာ ဝဇတိ ဂစ္ဆတီတိ ဝဇိရံ ဣစ္စေဝမာဒိ။
֍ ♦ ၆၆၂, * ၆၇၂. ပဋိတော ဟိဿ ဟေရဏ ဟီရဏ။
ပဋိဣစ္စေတသ္မာ ဟိဿ ဓာတုဿ ဟေရဏ ဟီရဏ အာဒေသာ ဟောန္တိ။
ပဋိပက္ခေမဒ္ဒိတွာဂစ္ဆတိ ပဝတ္တတီတိ ပါဋိဟေရံ, ပါဋိဟီရံ။
(ကစ္စည်း၊၃၀၈။)ကဍိ ဃဍိ ဝဍိ ကရဍိ မဍိ သဍိ ကုဌိ ဘဍိ ပဍိ ဒဍိ ရဍိ တဍိ ဣသိဍိ စဍိ ဂဍိ အဍိ လဍိ မေဍိ ဧရဍိ ခဍိ ဣစ္စေဝမာဒီဟိ ဓာတူဟိ ကပစ္စယော ဟောတိ သဟ ပစ္စယေန စ နိပ္ပဇ္ဇန္တေ ယထာသမ္ဘဝံ။
(ကစ္စည်း၊၃၀၉။)ကဏ္ဍိတဗ္ဗော ဆိန္ဒိတဗ္ဗောတိ ကဏ္ဍော, ဃဏ္ဍိတဗ္ဗော ဃဋေတဗ္ဗောတိ ဃဏ္ဍော, ဝဏ္ဍန္တိ ဧတ္ထာတိ ဝဏ္ဍော, ကရဏ္ဍိတဗ္ဗော ဘာဇေတဗ္ဗောတိ ကရဏ္ဍော, မဏ္ဍီယတေ ဝိဘူသီယတေ ဧတေနာတိ မဏ္ဍော, သဏ္ဍန္တိ ဂုမ္ဗန္တိ ဧတ္ထာတိ သဏ္ဍော, အင်္ဂမင်္ဂါနိ ကုဏ္ဌတိ ဆိန္ဒတီတိ ကုဋ္ဌံ, ဘဏ္ဍိတဗ္ဗန္တိ ဘဏ္ဍံ, ပဏ္ဍတိ လိင်္ဂဝေကလ္လဘာဝံ ဂစ္ဆတီတိ ပဏ္ဍကော။ ဒဏ္ဍတိ အာဏံ ကရောတိ ဧတေနာတိ ဒဏ္ဍော, ရဏ္ဍတိ ဟိံသတီတိ ရဏ္ဍော, ဝိသေသေန တဏ္ဍတိ စာလေတိ ပရေသံ ဝိညူနံ ဟဒယံ ကမ္ပေတီတိ ဝိတဏ္ဍော, ဣသိဏ္ဍတိ ပရေသံ မဒ္ဒတီတိ ဣသိဏ္ဍော, စဏ္ဍတိ စဏ္ဍိက္ကဘာဝံ ကရောတီတိ စဏ္ဍော, ဂဏ္ဍတိ သန္နိစယတိ သမူဟံ ကရောတိ ဧတ္ထာတိ ဂဏ္ဍော, အဏ္ဍီယတိ နိဗ္ဗတ္တီယတီတိ အဏ္ဍော, လဏ္ဍိတဗ္ဗော ဇိဂုစ္ဆိတဗ္ဗောတိ လဏ္ဍော, မေဏ္ဍတိ ကုဋိလဘာဝံ ဂစ္ဆတီတိ မေဏ္ဍော, ဧရဏ္ဍတိ ရောဂံ ဟိံသတီတိ ဧရဏ္ဍော, ခဏ္ဍိတဗ္ဗော ဆိန္ဒိတဗ္ဗောတိ ခဏ္ဍော ဣစ္စေဝမာဒိ။
֍ ♦ ၆၆၄, * ၆၇၄. ခါဒါမဂမာနံ ခ န္ဓ’န္ဓ ဂန္ဓာ။
ခါဒ အမ ဂမုဣစ္စေတေသံ ဓာတူနံ ခန္ဓ အန္ဓ ဂန္ဓာဒေသာ ဟောန္တိ, ကပစ္စယော စ ဟောတိ။
ဇာတိဇရာမရဏာဒီဟိ သံသာရဒုက္ခေဟိ ခါဒိတဗ္ဗောတိ ခန္ဓော, အမတိ အင်္ဂမင်္ဂဿ ရုဇ္ဇနဘာဝံ ဂစ္ဆတီတိ အန္ဓော, စက္ခုနာ အမတိ ရုဇ္ဇတီတိ ဝါ အန္ဓော, တံ တံ ဌာနံ ဝါတေန ဂစ္ဆတီတိ ဂန္ဓော။ ဧဝံ ခန္ဓကော, အန္ဓကော, ဂန္ဓကော။
ပဋ ကလ ကုသ ကဒ ဘဂန္ဒ မေခ ဝက္က တက္က ပလ္လ သဒ္ဒ မူလ ဗိလ ဝိဒ စဍံ ပဉ္စ ဝါ ဝသ ပစိ မစ မုသ ဂေါတ္ထု ပုထု ဗဟု မင်္ဂ ဗဟ ကမ္ဗ သမ္ဗ အဂ္ဂဣစ္စေဝမာဒီဟိ ဓာတူဟိ ပါဋိ ပဒိကေဟိ စ ဥတ္တရပဒေသု အလပစ္စယော ဟောတိ, ပစ္ဆာ ပုန နိပ္ပဇ္ဇန္တေ။
(ကစ္စည်း၊၃၁၀။)ပဋေ အလန္တိ ပဋလံ, ကလေ အလန္တိ ကလလံ, ပါပကေ အကုသလေ ဓမ္မေ ကုသတိ ဆိန္ဒတီတိ ကုသလံ, ကုသဘူတေ ယထာသဘာဝဓမ္မေ အလန္တိ ဝါ ကုသလံ, ကုသေ ဥဒ္ဒိဿ ဒါနေ အလန္တိ ဝါ ကုသလံ, ကုသေ သဉ္စယေ ဓမ္မသမုဒါယေ အလန္တိ ဝါ ကုသလံ, ကဒ္ဒေ မဒ္ဒေ အလန္တိ ကဒလံ, ဘဂန္ဒေ သေစနေ အလန္တိ ဘဂန္ဒလံ, ဘဂန္ဒေ မုတ္တကရီသဟရဏေ အလန္တိ ဝါ ဘဂန္ဒလံ, မေခေ ကဋိဝိစိတ္တေ အလန္တိ မေခလံ, ဝက္ကေ ရုက္ခတစေ အလန္တိ ဝက္ကလံ, တက္ကေ ရုက္ခသိလေသေ အလန္တိ တက္ကလံ, ပလ္လေ နိန္နဋ္ဌာနေ အလန္တိ ပလ္လလံ, သဒ္ဒေ ဟရိတေ အလန္တိ သဒ္ဒလံ, မူလေ ပတိဋ္ဌာနေ အလန္တိ မုလာလံ, ဗိဠေ နိဿယေ အလန္တိ ဗိလာလံ, ဝိဒေ ဝိဇ္ဇမာနေ အလန္တိ ဝိဒလံ, စဏ္ဍေ အလန္တိ စဏ္ဍာလော, ပဉ္စန္နံ ရာဇူနံ အလန္တိ ပဉ္စာလော, ဝါ ဂတိဂန္ဓနေသု အလန္တိ ဝါလံ, ဝါ ပဒဂမနေ အလန္တိ ဝါ ဝါဠော, ဝသေ အစ္ဆာဒနေ အလန္တိ ဝသလော, ပစေ ဝိတ္ထာရေ အလန္တိ ပစလော, မစေ စောရကမ္မေ အလန္တိ မစလော, မုသေ ထေယျေ, မုသေ ပါဏစာဂေ ဝါ အလန္တိ မုသလော, ဂေါတ္တေ ဝံသေ သိင်္ဂါလဇာတိယံ အလန္တိ ဂေါတ္ထုလော, ပုထုမှိ ဝိတ္ထာရေ အလန္တိ ပုထုလော, ဗဟုမှိ သင်္ချာနေ အလန္တိ ဗဟုလော, ဗဟုမှိ ဝုဒ္ဓိမှိ အလန္တိ ဝါ ဗဟုလော, မင်္ဂမှိ ဂမနေ အလန္တိ မင်္ဂလံ, ဗဟုမှိ ဝုဒ္ဓိမှိ အလန္တိ ဗဟလံ, ကမ္ဗမှိ သဉ္စလနေ
(ကစ္စည်း၊၃၁၁။)အလန္တိ ကမ္ဗလံ။ သမ္ဗမှိ မဏ္ဍလေ အလန္တိ သမ္ဗလံ, အဂ္ဂေ ဂတိကောဋိလ္လေ အလန္တိ အဂ္ဂဠံ။ ဣစ္စေဝမာဒယော အညေပိ သဒ္ဒါ ဘဝန္တိ။
֍ ♦ ၆၆၆, * ၆၇၆. ပုထဿ ပုထု ပထာ မော ဝါ။
ပုထဣစ္စေတဿ ပါဋိပဒိကဿ ပုထု ပထာဒေသာ ဟောန္တိ, ကွစိ အမပစ္စယော ဟောတိ။
ပုထ ဟုတွာ ဇာတန္တိ ပုထဝီ ပထမေ ဇာတော ပထမော, ပထဝီ, ပဌမော ဝါ, ပုထု ကိလေသေ ဇနေတီတိ ပုထုဇ္ဇနော, ပုထု ဟုတွာ ဇာတန္တိ ပထဝီ, ပထဝီ ဝါ။
֍ ♦ ၆၆၇, * ၆၇၇. သသွာဒီဟိ တု ဒဝေါ။
သသု ဒဒ အဒ မဒဣစ္စေဝမာဒီဟိ ဓာတူဟိ တု ဒုဣစ္စေတေ ပစ္စယာ ဟောန္တိ။
(ကစ္စည်း၊၃၁၂။)အညေ သတ္တေ သသတိ ဟိံသတီတိ သတ္တု, ဒုက္ခံ ဒဒါတီတိ ဒဒ္ဒု, ဒုက္ခေန အဒတိ ဘက္ခတိ ဧတ္ထာတိ အဒ္ဒု, ဒုက္ခံ အဒတိ အနုဘဝတိ ဇနော ဧတေနာတိ ဝါ အဒ္ဒု, ဒုက္ခံ ဘာဇနံ အာဓာရံ ဘာဝတီတိ ဝါ အဒ္ဒု, မဒတိ ဥမ္မတ္တံ ကရောတီတိ မဒ္ဒု, မဒတိ မဒ္ဒဘာဝံ ကရောတီတိ ဝါ မဒ္ဒု။
စိ ပါ ဓာဣစ္စေဝမာဒီဟိ ဓာတူဟိ ဤဝရပစ္စယောဟောတိ။
စီယတီတိ စီဝရံ, ပိဝတီတိ ပီဝရော, ပါတဗ္ဗံ ရက္ခိတဗ္ဗန္တိ ဝါ ပီဝရံ။ ဓာရေတိ ဓာရေတွာ ဇီဝိတံ ကပ္ပေတီတိ ဓီဝရော, ဓီဝရံ။
မုန ယတ အဂ္ဂ ပတ ကဝ သုစ ရုစ မဟာလ ဘဒ္ဒါလ မနဣဣစ္စေဝမာဒီဟိ ဓာတူဟိ, ပါဋိပဒိကေဟိ စ ဣပစ္စယော ဟောတိ။
အတ္ထာနတ္ထံ မုနာတိ, ဉေယျဓမ္မံ လက္ခဏာဒိဝသေန ဝါ ဇာနာတီတိ မုနိ, ယတတိ ဝီရိယံ ကရောတီတိ ယတိ, အဂ္ဂတိ ကုဋိလဘာဝံ ဂစ္ဆတီတိ အဂ္ဂိ, ပတတိ သေဋ္ဌော ဟုတွာ ပုရတော ဂစ္ဆတီတိ ပတိ, ကဗျံ ဗန္ဓတီတိ ကဝိ, ကန္တံ မနာပဝစနံ ဝဒတီတိ ဝါ ကဝိ။ သုစတိ ပရိသုဒ္ဓံ ဘဝတီတိ သုစိ, ရုစတိ ဒိဗ္ဗတီတိ ရုစိ, မဟန္တံ ဝိဘာဝံ ဘောဂက္ခန္ဓံ လာတီတိ မဟာလိ, ဘဒ္ဒံ ယသံ လာတီတိ ဘဒ္ဒါလိ, မနံ တတ္ထ ရတနေ နယတီတိ မဏိ။
(ကစ္စည်း၊၃၁၃။)ဝိဒ ဝလ္လ မသ သိဒ ဒုကုကပု မယ ဥဒိ ခဇ္ဇ ကုရဣစ္စေဝမာဒီဟိ ဓာတူဟိ, ပါဋိပဒိကေဟိ စ ဦရပစ္စယောဟောတိ။
ဝိဒိတုံ အလန္တိ ဝိဒူရော, ဝိဒူရဋ္ဌာနေ ဇာတော ဝေဒူရော, ဝလ္လတိ ဝလ္လဘာဝေန ဘဝတီတိ ဝလ္လူရော, ဝလ္လတိ အညမညံ ဗန္ဓတီတိ ဝါ ဝလ္လူရော, အာမသိတဗ္ဗောတိ မသူရော, သိန္ဒတိ သိင်္ဂါရဘာဝံ ဂစ္ဆတီတိ သိန္ဒူရော, သိန္ဒတိ ဝိရောစတီတိ ဝါ သိန္ဒူရော, ဂမိတုံ အလံ အနာသန္နတ္တာတိ ဒူရော, ကုတိ သဒ္ဒံ ကရောတီတိ ကူရော, အတ္တနော ဂန္ဓေန အညံ ဂန္ဓံ ကပတိ ဟနတိ ဟိံသတီတိ ကပ္ပူရော, ကပ္ပတိ ရောဂါပနယနေ သမတ္ထေတီတိ ဝါ ကပ္ပူရော, မဟိယံ ရဝတီတိ မယူရော, မဟိယံ ယာတိ ဂစ္ဆတီတိ မယူရော, ပံသုံ ဥန္ဒတိ ပသဝတီတိ ဥန္ဒူရော, ခဇ္ဇိတဗ္ဗော ခါဒိတဗ္ဗောတိ ခဇ္ဇူရော, ကုရတိ အက္ကောသတီတိ ကုရူရော။
֍ ♦ ၆၇၁, * ၆၈၁. ဟနာဒီဟိ ဏု နုတဝေါ။
ဟန ဇန ဘာရိ ခနု အမ ဝေ ဝေဓာ သိကိ ဟိ ဣစ္စေဝမာဒီဟိ ဓာတူဟိ ဏု နု ကုဣစ္စေတေ ပစ္စယာ ဟောန္တိ။
(ကစ္စည်း၊၃၁၄။)ဘောဇနံ ဟနတိ ဟိံသတိ ဧတေနာတိ ဟဏု, ဟနု ဝါ။ ဂမနံ ဇနေတီတီ ဇာဏု, ဘာဏု ဒိဗ္ဗတီတိ ဘာဏု, နိဝါတေ ရိတိ ဂစ္ဆတီတီ ရေဏု, ခဏိတဗ္ဗော အဝဒါရိတဗ္ဗောတိ ခါဏု။ အင်္ဂမင်္ဂဿ ရုဇ္ဇနဘာဝံ ဝိဇ္ဈနဘာဝံ အမတိ ဂစ္ဆတီတိ အဏု, ဝေဏု, ဝေတိ တန္တသန္တာနေ ဘဝတီတီ ဝေဏု, ဗဟိသာရေအလန္တိဝါဝေဏု ဝစ္ဆံ, ပါယေတီတီ ဓေနု, အတ္ထံ ဓာရေတီတီ ဓာတု, ဂမနပစနာဒိကံ ကြိယံ ဓာရေတီတီ ဝါ ဓာတု, သီယတီ ဗန္ဓီယတီတီ သေတု, ဥဒ္ဓံ ဂစ္ဆတိ ပဝတ္တတီတီ ကေတု, အတ္တနော ဖလံ ဟိနောတိ ပဝတ္တတီတီ ဟေတု။
ကုဋ ကုသ ကဋဣစ္စေဝမာဒီဟိ ဓာတူဟိ, ပါဋိပဒိကေဟိ စ ဌပစ္စယော ဟောတီ။
အင်္ဂမင်္ဂံ ကုဋတိ ဆိန္ဒတီတီ ကုဋ္ဌံ, ဓညေန ဆာဒေတဗ္ဗော ပူရေတဗ္ဗောတီ ကောဋ္ဌော, ကဋိတဗ္ဗံ မဒ္ဒိတဗ္ဗန္တိ, ကဋ္ဌံ။
֍ ♦ ၆၇၃, * ၆၈၃. မနု ပူရ သုဏာဒီဟိ ဥဿ နုသိသာ။
မနု ပူရ သုဏ ကုသု ဣလ အလ မဟ သိ ကိ ဣစ္စေဝမာဒီဟိ ဓာတူဟိ, ပါဋိပဒိကေဟိ စ ဥသ နုသ ဣသဣစ္စေတေ ပစ္စယာ ဟောန္တိ, ပုန နိပ္ပဇ္ဇန္တေ။
(ကစ္စည်း၊၃၁၅။)ကုသလာကုသလေ ဓမ္မေ မနတိ ဇာနာတီတိ မနုဿော, မာနုသော။ ကာရဏာ ကာရဏံ မနတိ ဇာနာတီတိ ဝါ မနုဿော, မာနုဿော။ အတ္ထာနတ္ထံ မနတိ ဇာနာတီတိ ဝါ မနုဿော, မာနုဿော။ မာတာပိတူနံ ဟဒယံ ပူရေတီတိ ပုရိသော, အတ္တနော မနောရထံ ပူရေတီတိ ဝါ ပုရိသော, ပူရေတီတိ ဝါ ပေါသော, သသုရေဟိ သုဏိတဗ္ဗာ ဟိံသိတဗ္ဗာတိ သုဏိသာ, ဒွိန္နံ ဇာနာနံ ကုလသန္တာနံ ကရောတီတိ ဝါ သုဏိသာ, ကုစ္ဆိတဗ္ဗန္တိ ကရီသံ, ဂဗ္ဘံ ဝိမောစေတီတိ သုရိသော, တမန္ဓကာရဝိဓမနေန သတ္တာနံ ဘယံ သုရတိ ဟိံသတီတိ သူရိယော, ရောဂံ ဟိံသတီတိ သိရီသော, ဣလတိ ကမ္ပတီတိ ဣလ္လိသော, တဏှာယ ဒုဗ္ဗလော ဟုတွာ ဣလတိ ကမ္ပတီတိ ဝါ ဣလ္လိဃော, ပါပကရဏေ အလတိ သမတ္ထေတီတိ အလသော, မဟိတဗ္ဗော ပူဇေတဗ္ဗောတိ မဟိသော, သီယတိ ဗန္ဓီယတီတိ သီသံ, ကိတဗ္ဗံ ဟိံသိတဗ္ဗန္တိ ကိသံ, ဣစ္စေဝမာဒိ။
ဣတိ ကိဗ္ဗိဓာနကပ္ပေ ဥဏာဒိကပ္ပော ဆဋ္ဌော ကဏ္ဍော။
ဥဏာဒိကပ္ပော နိဋ္ဌိတော။
ကစ္စာယနပကရဏံ နိဋ္ဌိတံ။