မိုးကမ္မဝါ စာတမ်း
လူတို့ဆောင်ရွက်ရန် စီမံချက်
ကျေးဇူးရှင် လယ်တီဆရာတော်ဘုရားကြီး စီမံတော်မူအပ်သော
မုံရွာမြို့နယ်မှာ မိုးအလွန်ခေါင်နေသည်ဟု ဆရာတော် ကြားသိရသောကြောင့် ဝါဆိုလပြည့် စနေနေ့တွင် မိုးပရိတ်တော်ကြီး ရွတ်ကြရန် စီမံချက်ကို မုံရွာမြို့ (လယ်တီတိုက်) သို့ ပေးပို့လိုက်သည်။
ထိုနေ့သို့ ရောက်သောအခါ မြို့ရွာနေ လူအများတို့က မိုးနတ် များကို ပူဇော်ပသကြကုန်ရမည်။
ပသပုံကား
၁။ သက်သတ်မပါသော ထမင်း, ဟင်း, မုံ့ ပဲ သရေစာ၊ အုန်း, ငှက်ပျော, ဆေး, ကွမ်း, လက်ဖက်, သစ်ဝလံ, ပန်းမာလ်များစုံလင်စွာနှင့် ပွဲ-၇-ခု ပြုလုပ်၍ တစ်ပွဲမှာ ဘုရားပူဇော်ရန်။
၂။ တစ်ပွဲမှာ သီတ ဝလာဟကနတ်များ ပူဇော်ရန်။
၃။ တစ်ပွဲမှာ ဥဏှ ဝလာဟကနတ်များ ပူဇော်ရန်။
၄။ တစ်ပွဲမှာ အဗ္ဘ ဝလာဟကနတ်များ ပူဇော်ရန်။
၅။ တစ်ပွဲမှာ ဝါတ ဝလာဟကနတ်များ ပူဇော်ရန်။
၆။ တစ်ပွဲမှာ ဝဿ ဝလာဟကနတ်များ ပူဇော်ရန်။
၇။ တစ်ပွဲမှာ ပဇ္ဇုန္န နတ်များပူဇော်ရန်။
ဟု အသီးအသီး လိပ်ကမ္ဗည်းရေးထိုး၍ ဘုရားရှေ့မှာ ခင်းကျင်း ကြပြီးလျှင် ထိုနတ်များကို် ပင့်ခေါ်ကြရမည်။
ပင့်ခေါ်ပုံကား
''အို-မိုး၏ဆိုင်ရာ ဝလာဟကနတ်, ပဇ္ဇုန္နနတ်, မိုးရပ် ပျော်ပါး နတ်မင်းများတို့--အကျွန်ုပ်တို့က ပင့်ခေါ်ကြပါကုန် သည်၊ ညီညာဖြဖြ လာရောက်ကြပါကုန်လော၊ အကျွန်ုပ်တို့က ပသပူဇော်ကြကုန်သော ပူဇော်သကာများကိုလည်း ကြည်ဖြူစွာ ခံယူသုံးဆောင်ကြပါကုန်လော၊ ရဟန်း သင်္ဃာတော်များ ရွတ် ဖတ်သော မိုးပရိတ်တော်ကြီးများကိုလည်း နာယူကြပါကုန်လော့၊ လယ်ယာ ချောင်းကန် တင့်ဖြိုးလျှံအောင် မိုးများကိုလည်း အရေထန်စွာ ရွာစေကြပါကုန်လော''
ဟု အသံကျယ်စွာနှင့် ဤစာကို ၃-ခေါက် ရွတ်ဖတ်ကြရမည်၊ ၎င်း နောက် ညနေ ၆-နာရီ အချိန်ကျမှ ထိုပူဇော်သကာပွဲများကို စုပေါင်း၍ လယ်တီတောရှိ အမနုဿများကိုပါ များစွာကျွေးမွေးကြရမည်။
( ဤကား လူတို့ဆောင်ရွက်ရန်စီမံချက်တည်း။ )
--------------
မိုးပရိတ်ရွတ်ရန် စီမံချက်
တိုက်ရှိသင်္ဃာများမှာလည်း ထိုနေ့၌ ဆွမ်းခံ မသွားကြမူ၍ ကျောင်းတွင်သာ နံနက်ဆွမ်း နေ့ဆွမ်းများကို ပြီးစီးကြစေရမည်၊ တိုက်တွင်းရှိ ရဟန်းတော် သင်္ဃာတော်များသည် တိုက်လယ်ရှိ အုတ် ကျောင်းကြီးပေါ်မှာအကုန်စည်းဝေး၍ နံနက် ဂ-နာရီတစ်ကြိမ်, နေ့လည် ၁၂-နာရီတစ်ကြိမ်, ညနေ ၄-နာရီတစ်ကြိမ် မိုးပရိတ်ကြီးရွတ်ဖတ် ကြရမည်။
ရွတ်ဖတ်ပုံမှာ
''ဩကာသ.ဩကာသ.ဩကာသ.ဘုန်းတော်အနန္တ၊ ကံတော်အနန္တ၊ ဉာဏ်တော်အနန္တ၊'' ချီသော မဟာဩကာသကြီးနှင့် ဘုရား ရှိခိုးကြပြီးလျှင် ''ဝိပဿီ ဗုဒ္ဓေါ ဘဂဝါ'' မှစ၍ ၇-ဆူစက် ပရိတော်ကြီး, နှစ်ကျိပ်ရှစ်ဆူစက် ပရိတ်တော်ကြီးများကို ညီညာစွာ ရွတ်ဆိုကြပြီး နောက်''အဋ္ဌဝီသတိ သမ္ဗုဒ္ဓါ'' ချီသော ဂါထာနှစ်ပုဒ်ကို ''ပုရတ္ထိမာယ ဒိသာယ'' စသည်ဆို၍''ဥပရိမာယ ဒိသာယ'' အထိ အရပ် ၉-မျက်နှာ စေ့အောင် ရွတ်ဆိုရမည်''။
ထိုနောက် ''ပုနာပရံ ယဒါ ဟောမိ'' အစရှိသော ငါးရံ့မင်းပရိတ် တော်ကြီးကို အခေါက်ပေါင်း ၃၀-စေ့အောင် ရွတ်ဆိုကြရမည်။
နံနက်အကြိမ်မှာ (၃၀) နေ့လည်အကြိမ်မှာ (၃၀) ညနေ အကြိမ်မှာ (၃၀) အခေါက်ပေါင်း (၉၀) ရ၏၊ မိုးသည် ၂-ရက်၊ ၃-ရက်အတွင်းမှာ ဧကန်ရွာလိမ့်မည်။
ဝါဆိုလပြည့်နေ့ မိုးပရိတ်ကြီးရွတ်ကြပြီးနောက် တန်ဆောင် မုန်းလပြည့်နေ့တိုင် မိုးလအတွင်းမှာ စနေနေ့-စနေနေ့တို့၌ ညဝတ် တက်ကြသောအခါ အခေါက်-၃၀-ကျ ရွတ်ကြရမည်၊ ကြွင်းနေ့တို့၌ တစ်ညလျှင် -၃- ခေါက်ကျ ရွတ်ကြရမည်။
ကဆုန်လ, နယုန်လတို့မှာ မိုးကြီးစွာ ခေါင်၍နေခဲ့လျှင်လည်း ထိုနည်းတူ ရွတ်ကြကုန်ရမည်။
မိုးသည် လုံလောက်စွာ ရွာသွန်းသောအခါ၌ ငါးရံ့မင်းပရိတ် ရွတ်မှုကို ချန်လှပ်၍ ကြွင်းပရိတ်များကိုသာ ရွတ်ကြရမည်။
ငါးရံ့မင်းပရိတ်မှာ စရိယပိဋကပါဠိတော်တွင် ရှိလေ၏၊ ပရိတ် ရွတ်ကြသောအခါ၌ အညီအညာလိုလှ၏၊ စာကိုဖတ်၍ ကိုင်ပြီး ရွတ်ကြ လျှင် ညီညာတတ်၏၊ ပရိတ်ရွတ်ရာမှာ ရှင်သာမဏေများ မပါစေရ၊ ပရိတ်မရွတ်မီ တစ်ရက်က ညီညာအောင်ညှိ၍ ထားကြရမည်။
''မောင်သုန္ဒရ, မောင်ဉာဏောဘာသ, မောင်အာသဘ တို့က ပရိတ်ပွဲကြီး ချေမောစွာ ပြီးစီးအောင် အထူးကြောင့်ကြစိုက်ထုတ် ကုန် ရမည်''။
ပွဲပြီးသည်နောက် ၂-ရက်, ၃-ရက်လွန်သောအခါ မိုးရွာလျှင် ရွာကြောင်း မရွာလျှင် မရွာကြောင်း ဆရာတော်ထံ စာနှင့်လျှောက် ကြားရမည်။
(ဤကား မုံရွာမြို့လယ်တီတိုက်ကြီးမှာ မိုးပရိတ်ရွတ်ရန် စီမံချက်ကြီးတည်း။)
''တစ်နိုင်ငံလုံးမှာလည်း မိုးကြီးစွာခေါင်၍နေသော မြို့ရွာတို့၌ ထိုထိုမြို့ရွာရှိ ဆရာတော် သံဃာတော်တို့နှင့် သံဃသာမဂ္ဂီအသင်းကြီး များတို့သည် ထိုမုံရွာမြို့အတူ မိုးပရိတ်ကြီးများကို အားထုတ်၍ ရွတ်နိုင် ကြပါကုန်လျှင် (၈၅)ခုနှစ်၊ ဝါဆိုလမှ စ၍ (၈၈) ခုနှစ်၊ ဝါဆိုလပြည့်ထိ ၃-နှစ်တိုင်တိုင် တစ်ကမ္ဘာလုံး၌ မိုးကြီးစွာခေါင်လိမ့်မည်ဟု ယခုနှစ် နယုန်လဆုတ် ၇-ရက်နေ့ ထုတ်ဝေသော ပညာအလင်းသတင်းစာ တွင်ပါရှိသော (အင်, ကန္ဒာ ဆွာမိပုလဲ) ဆရာကြီး၏ ဟောကိန်းကြီးကို ငါတို့ မြန်မာနိုင်ငံအတွက် ဧကန်အမှန် ကွယ်ကာနိုင်ကြကုန်လတ္တံ့''။
ထိုထိုမြို့ရွာရှိ ဆရာတော် သံဃာတော်တို့နှင့်တကွ သံဃ သာ မဂ္ဂီ အသင်းကြီးများ၏ တာဝန်ကြီးပေတည်း။
အဋ္ဌဝီသတိဂါထာ
* အဋ္ဌဝီသတိ သမ္ဗုဒ္ဓါ၊ ဣဒ္ဓိမန္တော ဇုတိန္ဓရာ။
ဣဒ္ဓိယာ ဇုတိယာ တေသံ၊ အန္တရာယာ သမေန္တု မေ။
* သဗ္ဗေ ဒူရေ ပလာယန္တု၊ ပိသာစာ ယက္ခ ရက္ခသာ။
သမ္မာ ဒေဝါ ပဝဿန္တု၊ မောဒန္တု သုခိတာ ဇနာ။
မှတ်ချက်။။ မိုးခေါင်မှုနှင့်ရွတ်သောအခါ၌ တစ်ခေါက် တစ်ခေါက် တွင် ''သမ္မာ ဒေဝါ ပဝဿန္တု'' ပုဒ်ကို ၃-ထပ် ၃-ထပ်စီ ဆိုရမည်။
ငါးရံ့မင်း ပရိတ်တော်ကြီး
(၁) ပုနာပရံ ယဒါ ဟောမိ၊ မစ္ဆရာဇာ မဟာသရေ။
ဥဏှေ သူရိယသန္တာပေ၊ သရေ ဥဒက ခီယထ။။
(၂) တတော ကာကာ စ ဂိဇ္ဈာ စ၊ ကင်္ကာ ကုလလ သေနကာ။
ဘက္ခယန္တိ ဒိဝါရတ္တိံ၊ မစ္ဆေ ဥပနိသီဒိယ။။
(၃) ဧဝံ စိန္တေသဟံ တတ္ထ၊ သဟ ဉာတီဟိ ပီဠိတော။
ကေန နုခေါ ဥပါယေန၊ ဉာတိ ဒုက္ခာ ပမောစယေ။။
(၄) ဝိစိန္တယိတွာ ဓမ္မတ္ထံ၊ သစ္စံ အဒ္ဒသ ပဿယံ။
သစ္စေ ဌတွာ ပမောစေသိံ၊ ဉာတီနံ တံ အတိက္ခယံ။။
(၅) အနုဿရိတွာ သတံဓမ္မံ၊ ပရမတ္ထံ ဝိစိန္တယံ။
အကာသိံ သစ္စကိရိယံ၊ ယံ လောကေ ဓုဝ သဿတံ။။
(၆) ယတော သရာမိ အတ္တာနံ၊ ယတော ပတ္တောသ္မိ ဝိညုတံ။
နာဘိဇာနာမိ သဉ္စိစ္စ၊ ဧကံ ပါဏမ္ပိ ဟိံသိတံ။။
(၇) တေန သစ္စဝဇ္ဇေန၊ ပဇ္ဇုန္နော အဘိဝဿတု။
အဘိတ္ထနယ ပဇ္ဇုန္န၊ နိဓိံ ကာကဿ နာသယ။။
ကာကံ သောကာယ ရန္ဓေဟိ၊ မစ္ဆေ သောကာ ပမောစယ။
(၈) သဟ ကတေ သစ္စဝရေ၊ ပဇ္ဇုန္နော အဘိဂဇ္ဇိယ။။
ထလံ နိန္နဉ္စ ပူရေန္တော၊ ခဏေန အဘိဝဿထ၊
ဧဝရူပံ သစ္စဝရံ၊ ကတွာ ဝီရိယ မုတ္တမံ။။
(၉) ဝဿာပေသိ မဟာမေယံ၊ သစ္စတေဇ ဗလဿိတော။
သစ္စေန မေ သမော နတ္ထိ၊ ဧသာ မေ သစ္စပါရမီ။။
[ဤကား ငါးရံ့မင်းပရိတ်တော်ကြီးပေတည်း]
မိုးပရိတ်တော်ကြီးကို ရွတ်ကြရာ၌ ရတနသုတ်, မေတ္တသုတ် ပရိတ်များကို ရွတ်ပြီးမှ အဋ္ဌဝီသတိဂါထာ, ငါးရံ့မင်းပရိတ်များကို ရွတ် ဆိုရမည်။
ဤစီမံချက်အတိုင်း မုံရွာမြို့မှာ ဝါဆိုလပြည့်နေ့တွင် မိုးပရိတ် ပွဲကြီး ပြုလုပ်ကြသည့်အတွက် လပြည့်ကျော် ဂ-ရက်နေ့တွင် မိုးအရေ ထန်စွာ ရွာသွန်းကြောင်း၊ ထို့နောက် ၂-ရက်နေ့, ၃-ရက်နေ့များတွင် ၂- ဆတက်တိုး၍ ရွာသွန်းကြောင်း၊ မုံရွာမြို့နယ် တဝှမ်းလုံးမှာ မိုးဦးစိုက် ပျိုးသော အသီးအပင်တို့ အောင်မြင် ချောမောသည်ဟု ဝမ်းသာအားရ ရှိကြကြောင်း၊ ဆရာတော်ဘုရားထံ မုံရွာမြို့က ပေးပို့သော လျှောက်လွှာ ကို တွေ့မြင်ရ၍ ဆရာတော်ဘုရားမှာ အလွန်ဝမ်းမြောက်ဝမ်းသာ ရှိရ ပေသည်။
မိုးကမ္မဝါ စာတမ်းပြီး၏၊
လယ်တီဆရာတော်ဘုရားကြီး စီရင်တော်မူသော မိုးကမ္မဝါကြီး
နမော တဿ ဘဂဝတော အရဟတော သမ္မာသမ္ဗုဒ္ဓဿ။
သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ ဝဿကာလေ သမ္မာ ဒေဝါ န ဝဿန္တိ၊ သမ္မာ မေဃာ န သိဉ္စန္တိ၊ မနုဿာ ကသိကမ္မာနိ ကာတုံ န လဘန္တိ၊ ဗီဇာနိ ဝပ္ပိတုံ န လဘန္တိ၊ ဝုတ္တာနိ စ ပုဗ္ဗဏ္ဏာပရဏ္ဏာနိ ဝုဒ္ဓိံ ဝိရုဠိံ န ဂစ္ဆန္တိ၊ အန္တရာဝ သုဿိတွာ မရန္တိ၊ တဠာကေသု စ ပေါက္ခဏီသု စ အာဝါဋေသု စ သောမ္ဘေသု စ ဥဒကာနိ ဆိဇ္ဇန္တိ၊ မနုဿာ စ တိရစ္ဆာနဂတာ စ ပါနီယဟေတု ပါနီယကာရဏာ အတိဒုက္ခပ္ပတ္တာ ဟောန္တိ၊ ဝဿကာရကာ ပဇ္ဇုန္နာ စ ဝလာဟကာ စ ဒေဝါ အတ္တနော ကိစ္စေသု ပမတ္တာ အဗျာဝဋာ အပ္ပေါဿုက္ကာ ဘဝေယျုံ၊ ယဒိ သံဃဿ ပတ္တကလ္လံ၊ သံဃော ပဇ္ဇုန္နေ စ ဝလာဟကေ စ ဒေဝေ သမနုဘာသေယျ၊ သမနုသာသေယျ၊ ဧတေ ပဇ္ဇုန္နာ စ ဝလာဟကာ စ ဒေဝါ ဣဒ္ဓိမန္တာ ဟောန္တု၊ ဇုတိမန္တာ ဟောန္တု၊ ဝဏ္ဏဝန္တော ဟောန္တု၊ ယသဿိနော ဟောန္တု၊ ပိယေဟိ မနာပေဟိ ပုတ္တေဟိ စ ဒါရေဟိ စ ဉာတိမိတ္တေဟိ စ သဟ သမ္မောဒန္တု၊ ပမောဒန္တု။
သုဏန္တု မေ ဘောန္တော၊ ပဇ္ဇုန္နာ စ ဝလာဟကာ စ ဒေဝါ ဘာသိတံ မနသိကရောန္တု၊ ပဉ္စိမေ အနန္တဂုဏာ၊ ကတမေ ပဉ္စ၊ ဗုဒ္ဓဂုဏာ အနန္တာ၊ ဓမ္မဂုဏာ အနန္တာ၊ သံဃဂုဏာ အနန္တာ၊ မာတာပိတုဂုဏာ အနန္တာ၊ အာစရိယဂုဏာ အနန္တာ၊ ဣမေ ပဉ္စ အနန္တဂုဏာ ပဇ္ဇုန္နာနဉ္စ ဝလာဟကာနဉ္စ ဒေဝါနံ သီသေသု တိဋ္ဌန္တိ၊ ပဇ္ဇုန္နာ စ ဝလာဟကာ စ ဒေဝါ ဣမေဟိ ပဉ္စဟိ အနန္တဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဗုဒ္ဓဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဓမ္မဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ သံဃဂုဏစက္ကေဟိ သမ္မာ ဒေဝေ ဝဿပေနု္တ၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ မာတာပိတုဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ အာစရိယဂုဏစက္ကေဟိ သမ္မာဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနော ကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗံ၊ အယံ သံဃဿ အနုသာသနီတိ၊ ဧသာ ဉတ္တိ။
သုဏာတု မေ ဘန္တေ သံဃော၊ ဣမသ္မံ ဂါမခေတ္တေ ဝဿကာလေ သမ္မာ ဒေဝါ န ဝဿန္တိ၊ သမ္မာ မေဃာ န သိဉ္စန္တိ၊ မနုဿာ ကသိကမ္မာနိ ကာတုံ န လဘန္တိ၊ ဗီဇာနိ ဝပ္ပိတုံ န လဘန္တိ၊ ဝုတ္တာနိ စ ပုဗ္ဗဏ္ဏာပရဏ္ဏာနိ ဝုဒ္ဓံ ဝိရုဠှိံ န ဂစ္ဆန္တိ၊ အန္တရာဝ သုဿိတွာ မရန္တိ၊ တဠာကေသု စ ပေါက္ခရဏီသု စ အာဝါဋေသု စ သောမ္ဘေသု စ ဥဒကာနိ ဆိဇ္ဇန္တိ၊ မနုဿာ စ တိရစ္ဆာနဂတာ စ ပါနီယဟေတု ပါနီယကာရဏာ အတိဒုက္ခပ္ပတ္တာ ဟောန္တိ၊ ဝဿကာရကာ ပဇ္ဇုန္နာ စ ဝလာဟကာ စ ဒေဝါ အတ္တနော ကိစ္စေသု ပမတ္တာ အဗျာဝဋာ အပ္ပေါဿုက္ကာ ဘဝေယျုံ၊ သံဃော ပဇ္ဇုန္နေ စ ဝလာဟကေ စ ဒေဝေ သမနုဘာသတိ၊ သမနုသာသတိ၊ ဧတေ ပဇု္ဇန္နာ စ ဝလာဟကာ စ ဒေဝါ ဣဒ္ဓိမန္တာ ဟောန္တု၊ ဇုတိမန္တာ ဟောန္တု၊ ဝဏ္ဏဝန္တော ဟောန္တု၊ ယသဿိနော ဟောန္တု၊ ပိယေဟိ မနာပေဟိ ပုတ္တေဟိ စ ဒါရေဟိ စ ဉာတိမိတ္တေဟိ စ သဟ သမ္မောဒန္တု၊ ပမောဒန္တု။
သုဏန္တု မေ ဘောန္တော၊ ပဇ္ဇုန္နာ စ ဝလာဟကာ စ ဒေဝါ ဘာသိတံ မနသိကရောန္တု၊ ပဉ္စိမေ အနန္တဂုဏာ၊ ကတမေ ပဉ္စ၊ ဗုဒ္ဓဂုဏာ အနန္တာ၊ ဓမ္မဂုဏာ အနန္တာ၊ သံဃဂုဏာ အနန္တာ၊ မာတာပိတုဂုဏာ အနန္တာ၊ အာစရိယဂုဏာ အနန္တာ၊ ဣမေ ပဉ္စ အနန္တဂုဏာ ပဇ္ဇုန္နာနဉ္စ ဝလာဟကာနဉ္စ ဒေဝါနံ သီသေသု တိဋ္ဌန္တိ၊ ပဇ္ဇုန္နာ စ ဝလာဟကာ စ ဒေဝါ ဣမေဟိ ပဉ္စဟိ အနန္တဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဗုဒ္ဓဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဓမ္မဂုဏစက္ကေဟိ သမ္မာဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ သံဃဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ မာတာပိတုဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ အာစရိယဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနောကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗံ၊ အယံ သံဃဿ အနုသာသနီတိ၊ ယဿာယသ္မတော ခမတိ၊ ဧတေသံ ပဇ္ဇုန္နာနဉ္စ ဝလာဟကာနဉ္စ ဒေဝါနံ သမနုဘာသနာ သမနုသာသနာ၊ သော တုဏှဿ၊ ယဿ နက္ခမတိ၊ သော ဘာသေယျ။
ဒုတိယမ္ပိ ဧတမတ္ထံ ဝဒါမိ၊ သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ။ (လ)။ သော ဘာသေယျ။
တတိယမ္ပိ ဧတမတ္ထံ ဝဒါမိ၊ သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ။ (လ)။ သော ဘာသေယျ။
သမနုဘဋ္ဌာ သံဃေန ပဇ္ဇုန္နာ စ ဝလာဟကာ စ ဒေဝါ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနောကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗန္တိ၊ ခမတိ သံဃဿ၊ တသ္မာ တုဏှီ၊ ဧဝမေတံ ဓာရယာမိ။
မိုးကမ္မဝါကြီး ပြီး၏၊
-------------------
မိုးကမ္မဝါ ဖတ်ပွဲ အစီအစဉ်
ဤမိုးကမ္မဝါကြီးကို ဖတ်ကြရာ၌လည်း မုံရွာမြို့ လယ်တီတိုက်မှာ မိုးပရိတ်ကြီးကို ဖတ်ကြရာ၌ကဲ့သို့ ဘုရားပူဇော် ပသပြီးမှ ဤ မိုး ကမ္မဝါကြီးကို ဖတ်ကြကုန်ရမည်၊ ဖတ်ကြကုန်ရာ၌လည်း မိုးပရိတ်ကြီး မှာ ရဟန်းသံဃာများ မပါဘဲ လူဖြစ်သူတို့ချည်းပင် ဖတ်ရ၏၊ ဤမိုး ကမ္မဝါ၌မူကား ရဟန်းသံဃာ ၄-ပါးထက် မနည်းစေရ၊ ရဟန်းသံဃာ များလျှင် များတိုင်း ကောင်း၏၊ ပုဒ် ပါဌ် အက္ခရာကို မှန်ကန်စွာ သိတတ် ဖတ်တတ်သော ရဟန်းတစ်ပါးက စာကိုကြည့်၍ တိုင်ရမည်၊ ကျန်ရှိသော ရဟန်းတို့က တညီတညာလိုက်၍ ရွတ်ဆိုကြကုန်ရမည်၊ အညီအညာ လိုလှ၏၊ ကြားနာသော သူတို့၏ နား၌ ပုဒ် အက္ခရာပီသစွာ ကြားနိုင် လောက်အောင် ညီညာကြစေရမည်။
မိုးကမ္မဝါကြီး ပြုလုပ်သောနေ့တွင် နံနက်တစ်ကြိမ်, နေ့လည် တစ်ကြိမ်, ညနေတစ်ကြိမ်ဖတ်ကြရာ၌ တစ်ကြိမ် တစ်ကြိမ်မှာ တစ်နာရီခွဲ မျှ ကြာစေရမည်၊၂-ခေါက်ထက်လည်း မနည်းစေရ၊ ထို့ထက် အခေါက် များနိုင်လျှင် သာ၍ကောင်း၏၊ ရဟန်းခံ ကမ္မဝါ-စသည်တို့၌ကဲ့သို့ ပြင်းထန်စွာ ရွတ်မှုမလိုလှ၊ အသံကျယ်စွာ ရွတ်မှုသာ လိုလှ၏။
မိုးကမ္မဝါဖတ်ပွဲ အစီအရင် ပြီး၏၊
ကျေးဇူးရှင်လယ်တီဆရာတော်ဘုရားကြီး စီရင်တော်မူသော
မိုးအမိန့်တော်ပြန်တမ်းကြီး
''အို-အထက်တစ်ခွင် မိုးကောင်းကင်၌ အစဉ်ရှိနေကြကုန်သော ဝလာဟက ပဇ္ဇုန္နဟု နာမထင်ရှား နတ်မင်းများတို့...
[မုံရွာမြို့၊ လယ်တီတိုက်] နေ ရဟန်းတော် သံဃာတော်များတို့၏ ထုတ်ဖော်မိန့်ကြား ဆိုစကားကို ထောင်နားကျကျ နာခံကြပါကုန်လော''
ဘုန်းတော်အနန္တ ကံတော်အနန္တ ဉာဏ်တော်အနန္တ စကြဝဠာ ကမ္ဘာမြေမိုး၊ ဖြန်းဖြန်းကျိုးမျှ၊ တန်ခိုးတော်အနန္တတို့နှင့် ပြည့်စုံတော်မူ ပေသော သင်တို့ဆရာ ငါတို့ဆရာ သမ္မာသမ္ဗုဒ္ဓ သုံးလောကထွတ်ထား သဗ္ဗညု မြတ်စွာဘုရားကြီးသည် ဟောကြားတော်မူအပ်ကုန်သော အနန္တ တရားကြီး ၅-ပါးတို့သည် ဗုဒ္ဓဘာသာ သာသနာအဝင်၌ ထင်ရှားရှိပေ ကုန်၏၊
ဗုဒ္ဓဂုဏော အနန္တော၊ ဓမ္မဂုဏော အနန္တော၊ သံဃဂုဏော အနန္တော၊ မာတာပိတုဂုဏော အနန္တော၊ အာစရိယဂုဏော အနန္တော၊
ဤ ၅-ပါးတို့ပေတည်း။
ဤ အနန္တတရားကြီး ၅-ပါးတို့သည် ငါတို့မြတ်စွာဘုရားကြီး၏ တပည့်သား ဖြစ်ကြကုန်သော ဗုဒ္ဓဘာသာ သာသနာဝင် ရှင်လူအများ တို့၏ အဆုတ်အသဲ နှစ်လုံးထဲမှာ အမြဲတည်ရှိကြပေကုန်၏၊ ငါတို့မြတ်စွာ ဘုရား၏ တပည့်သားတော်ဖြစ်ကြပေကုန်သော အထက်တစ်ခွင် ကောင်း ကင်တရိုး နတ်အမျိုးတို့၏ အဆုတ်အသဲ နှလုံးထဲမှာလည်း အမြဲတည်ရှိ ကြပေကုန်၏၊
ဤအနန္တတရားကြီး ၅-ပါးတို့၏ ကောင်းကျိုးဖလ အနန္တတို့ကို လည်း ယခုဘဝမှစ၍ နိဗ္ဗာန်ရသည့် ဘဝတိုင်အောင် သင်တို့ ငါတို့ မချို့ အမှန် ခံစား စံစားကြရကုန်လတ္တံ့။
ထိုအနန္တဂုဏ်ထူး ကျေးဇူးတော်ကြီး ၅-ရပ်တို့ကို သိတတ်, မြင် တတ် မတိမ်မမြုပ် ဖော်ထုတ် ပြောဆိုတတ်ကြကုန်သော သူတို့သည် ''ကတညုတ ကတဝေဒိတာ''သူတော်ကောင်းအင်္ဂါ မင်္ဂလာတရားကြီး နှင့် ပြည့်စုံသော သူတို့ပေတည်း။
ထိုအနန္တဂုဏ်ထူး ကျေးဇူးတော်ကြီး ၅-ပါးတို့သည်လည်း ထိုကျေးဇူးတော်တို့ကို အမြဲနိစ္စ ခံစံကြရကုန်သောသူတို့၌ ကျေးဇူးမြီ, ကျေးဇူးကြွေး ဝန်မလေးကြရအောင် တတ်အားသမျှ ပေးဆပ်ပူဇော် ကြရမြဲ ဝတ္တရားကြီးသည် ရှိကြကုန်၏၊
အမိကျေးဇူး, အဘကျေးဇူးများကဲ့သို့၊ ဘုရားကျေးဇူးအနန္တ, တရားကျေးဇူးအနန္တ, သံဃကျေးဇူးအနန္တတို့၌ ကျေးဇူးမြီ, ကျေးဇူးကြွေး ဝန်မလေးကြရအောင် ဆပ်ပေးပူဇော်မှုကြီးဆိုသည်ကား ပိဋကတ်သုံးပုံ နှင့်တကွ ဘုရားသာသနာတော်ကြီးကို ဆုတ်ယုတ်လျော့ပါး မရှိရအောင် ကြောင့်ကြစိုက်ထုတ်မှု တည်တန့်ခိုင်မြဲအောင် ကြောင့်ကြစိုက်ထုတ်မှု များပေတည်း။
ဗုဒ္ဓဘာသာဝင် ရှင်လူအများတို့မှာ စာချပုဂ္ဂိုလ်, စာသင် ပုဂ္ဂိုလ် များကို ပစ္စည်း ၄-ပါးထောက်ပံ့မှု၊ ဝိနည်းစာပြန်ပွဲ အဘိဓမ္မာ စာပြန်ပွဲကြီး များ ပြုလုပ်မှု၊ လက္ခ ကံကြွေး, ကြေးငွေပေး၍ ပိဋကတ်စာအုပ်, ပိဋကတ်စာထုပ်တို့ကို တည်ထောင်မှု ပိဋကတ်ကျောက်စာတို့ကို ရေးထု တည်ထောင်မှုများပေတည်း။
ယခုအခါ၌ ငါတို့မြန်မာနိုင်ငံမှာ ထိုအမှုများကို ပြုလုပ်အားထုတ် လျက် ရှိကြပေကုန်၏၊ ငါတို့မြတ်စွာဘုရား၏ တပည့်သားတော်ဖြစ်ကြ ပေကုန်သော နတ်အများတို့၏ဆိုင်ရာ ကျေးဇူးမြီ, ကျေးဇူးကြွေး ဝန်မလေးကြရအောင် ဆပ်ပေးမှုမှာမူကား ပိဋကတ်သုံးပုံနှင့်တကွ ဗုဒ္ဓဘာသာ သာသနာတော်ကြီးတည်ရှိရန် နိုင်ငံမြို့ရွာတို့၌ ဘီးလူးမျိုး, သားရဲ သားဘက်မျိုး, နတ်ဆိုး နတ်ဝါးမျိုးတို့ ထကြွသောင်းကျန်းမှုကြောင့် လူတို့၌လည်းကောင်း၊ ကျွဲ, နွားစသောတိရိစ္ဆာန်သတ္တဝါတို့၌လည်းကောင်း ကျရောက် ဖြစ်ပွားတတ်သော ရောဂါဆိုး, အနာဆိုး, ကပ်, ဥပဒ်မျိုးတို့မှ ကင်းလွတ်ကြအောင် စောင့်ရှောက်ကွယ်ကာမှုကြီးတစ်ပါး၊ မိုးအခါ၌ မိုးလုံလောက်စွာ မရွာသည့်အတွက်ကြောင့် ဖြစ်တတ်သော ငတ်မွတ် ခေါင်းပါးခြင်းဘေးတို့မှ ကင်းလွတ် စောင့်ရှောက်ကြရအောင် ကာကွယ်မှု ကြီးတစ်ပါး၊ ဤအမှုကြီး ၂-ပါးတို့သည် နတ်များတို့၏ဆိုင်ရာ ဘုရား ကျေးဇူး တရားကျေးဇူး, သံဃာ့ကျေးဇူးများကို ဆပ်ပေးမှုများပေတည်း။
ဤ ၂-ပါးတို့တွင်လည်း ရောဂါဆိုး, အနာဆိုး, ကပ်, ဥပဒ်မျိုးတို့မှ ကင်းလွတ်ကြအောင် စောင့်ရှောက်ကွယ်ကာမှုကြီးသည် စတုမဟာရာဇ် နတ်မင်းကြီးများနှင့် နတ်စစ်သူကြီးများတို့၏ ဆိုင်ရာပေတည်း။
မိုးမရွာသည့်အတွက် ငတ်မွတ်ခေါင်းပါးမှုတို့မှ ကင်းလွတ်ကြရ အောင် စောင့်ရှောက်ကာကွယ်မှုကြီးသည် ဝလာဟကနတ် ပဇ္ဇုန္နနတ်များ တို့၏ ဆိုင်ရာပေတည်း။
ယခုအခါ ဗုဒ္ဓဘာသာ သာသနာတော်ကြီး၏တည်ရှိရာ [မုံရွာမြို့] နယ်ပယ်အတွင်း၌ မိုးလအခါ မိုးလုံလောက်စွာ မရွာမှုကြီး ဆိုက်ရောက် လျက် ရှိနေချေပြီ။
အို--မိုး၏ဆိုင်ရာ ဝလာဟက ပဇ္ဇုန္နဟု နာမထင်ရှား နတ်မင်း များတို့- -မြတ်စွာဘုရား၏ ကျေးဇူးတော် ဂုဏ်မြီရပ်ကို ဆပ်ပေးကြ ကုန်လော့၊ မိုးတို့ကို ကောင်းစွာ ရွာစေကြကုန်လော့၊ တရားတော်မြတ် ၏ကျေးဇူးတော် ဂုဏ်မြီရပ်ကို ဆပ်ပေးကြကုန်လော့၊ မိုးတို့ကို ကောင်းစွာ ရွာစေကြကုန်လော့၊ သံဃာတော်မြတ်တို့၏ ကျေးဇူးတော် ဂုဏ်မြီရပ်ကို ဆပ်ပေးကြကုန်လော့၊ မိုးတို့ကို ကောင်းစွာ ရွာစေကြကုန်လော့။
ရှေးအခါ ကမ္ဘာပေါင်း ၇-သင်္ချေအတွင်း၌ ငါးသိန်းကုန်သော ဘုရားရှင်တို့သည် ဖြစ်ပွင့်တော်မူပေကုန်၏၊ ငါတို့၏ ဘုရားအလောင်း တော်သူမြတ်သည် နုလှစွာသော မုဒုပုဂ္ဂိုလ်အဖြစ်၌တည်၍ ထိုငါးသိန်း ကုန်သော ဘုရားရှင်တို့အထံ၌ သဗ္ဗညုဘုရားဆုကြီးကို ပန်ဆင်တော်မူ၏၊ ထို ငါးသိန်းကုန်သော ဘုရားရှင်တို့၏ တန်ခိုးရှိန်ဝါ စက်အာဏာတို့ဖြင့် ဤ [မုံရွာမြို့] နယ်ပယ်တစ်ဝှမ်းလုံး၌ မိုးတို့သည် ကောင်းစွာရွာစေ ကုန်သတည်း။
ထိုမှနောက် ကမ္ဘာပေါင်း ၉-သင်္ချေအတွင်း၌ (၁၂၀၀၀) တစ် သောင်းနှစ်ထောင်ကုန်သော ဘုရားရှင်တို့သည် ဖြစ်ပွင့်တော် မူကြကုန်၏၊ ငါတို့၏ ဘုရားအလောင်းတော်သူမြတ်သည် အလတ်ဖြစ်သော မဇ္ဈုံ ပုဂ္ဂိုလ်အဖြစ်၌တည်၍ (၁၂၀၀၀) တစ်သောင်း နှစ်ထောင်ကုန်သော ဘုရားရှင်တို့၏အထံ၌ သဗ္ဗညုဘုရားဆုကြီးကို ပန်ဆင်တော်မူ၏၊ ထို (၁၂၀၀၀) တစ်သောင်း နှစ်ထောင်ကုန်သော ဘုရားရှင်တို့၏ တန်ခိုးရှိန်ဝါ စက်အာဏာတို့ဖြင့် [မုံရွာမြို့]နယ် တစ်ဝှမ်းလုံး၌ မိုးတို့သည် ကောင်းစွာရွာ စေကုန်သတည်း။
ထိုနောက် ၄-သင်္ချေနှင့် ကမ္ဘာတစ်သိန်းအတွင်း၌ နှစ်ကျိပ်ရှစ် ဆူကုန်သော ဘုရားရှင်တို့သည် ဖြစ်ပွင့်တော်မူပေကုန်၏၊ ငါတို့ဘုရား အလောင်းတော် သူမြတ်သည် ရင့်မာသောတိက္ခပုဂ္ဂိုလ်အဖြစ်၌တည်၍ ထိုနှစ်ကျိပ် ရှစ်ဆူကုန်သော ဘုရားရှင်တို့၏အထံ၌ သဗ္ဗညုဘုရား ဆုကြီးကို ပန်ဆင်တော်မူ၏၊ ထိုနှစ်ကျိပ်ရှစ်ဆူကုန်သော ဘုရားရှင်တို့၏ တန်ခိုးရှိန်ဝါ စက်အာဏာတို့ဖြင့် [မုံရွာမြို့] နယ်တစ်ဝှမ်းလုံး၌ မိုးတို့သည် ကောင်းစွာ ရွာစေကုန်သတည်း။
ဤသို့လျှင် သင်္ချေ ၂၀-အတွင်း၌ ဖြစ်ပွင့်တော်မူကြကုန်သော (၅၁၂၀၂၈) ငါးသိန်း တစ်သောင်း နှစ်ထောင် နှစ်ကျိပ်ရှစ်ဆူကုန်သော မြတ်စွာဘုရားတို့၏ တန်ခိုးရှိန်ဝါ စက်အာဏာတို့ဖြင့် [မုံရွာမြို့] နယ် တစ်ဝှမ်းလုံး၌ မိုးတို့သည် ကောင်းစွာရွာစေကုန်သတည်း။
''အို...မိုး၏ဆိုင်ရာ ဝလာဟက ပဇ္ဇုန္နဟု နာမထင်ရှား နတ်မင်း များတို့...သီလ သမာဓိ ပညာ သိက္ခာသုံးဝ ပြည့်စုံလှ၍ တိက္ခ ဂမ္ဘီရ ဉာဏသခင် အကျွန်ုပ်တို့၏ ကျေးဇူးရှင်ကြီး ဖြစ်တော်မူသော ပထမ လယ်တီဆရာတော် ဘုရားကြီးသည် အနှစ် ၂၀-တိုင်တိုင် မယိုင်မယိမ်း မတိမ်းမတ်မတ် ဝီရိယဓာတ်ဖြင့် မြတ်စွာဗုဒ္ဓ အစရှိသား သံဃာတော်များ တို့အား ကြီးမားသောစေတနာ သဒ္ဓါဗလဝ အတိဥက္ကဋ္ဌ ဝီရိယဓာတ် တို့ဖြင့် ရေကုသိုလ်များကို ကြိုးစားအားထုတ် ပြုလုပ်ခဲ့ဘူးလေပြီ။
ထိုကျေးဇူးတော်ရှင် မဟာထေရ်မြတ်ကြီး၏ ကြီးမြတ်သော သီလတန်ခိုး, ကြီးမြတ်သော သမာဓိတန်ခိုး, ကြီးမြတ်သော ပညာတန်ခိုး တို့ကြောင့်လည်း အသင်နတ်မင်းတို့သည် ဤ [စစ်ကိုင်းတိုင်း မုံရွာခရိုင် မုံရွာမြို့] နယ် တစ်ဝှမ်းလုံး၌ မိုးရေအယဉ်တို့သည် သွင်သွင် ရိုက်ချုံး မိုးလုံးမဲမှောင် တိမ်တောင်တိမ်လိပ် ဖုံးပိတ်ကာလွှမ်း ( ရွာသွန်းကြပါစေ ကုန်လော့- ၃ ) ရွာသွန်းကြပါစေကုန်သတည်း။
ထိုကျေးဇူးတော်ရှင် လယ်တီဆရာတော်မြတ်ဘုရားကြီး၏ ကြီးမားသော ရေကုသိုလ်စု မြတ်ကောင်းမှု ကြောင့်လည်း အသင်နတ် မင်းတို့သည် ဤ [စစ်ကိုင်းတိုင်း မုံရွာခရိုင် မုံရွာမြို့] နယ် တစ်ဝှမ်းလုံး၌ မိုးရေအယဉ်တို့သည် သွင်သွင်ရိုက်ချုံး မိုးလုံးမဲမှောင် တိမ်တောင် တိမ် လိပ် ဖုံးပိတ်ကာလွှမ်း (ရွာသွန်းကြပါစေကုန်လော့-၃) ရွာသွန်းကြ ပါစေကုန်သတည်း။
ထိုကျေးဇူးတော်ရှင် လယ်တီဆရာတော်မြတ်ဘုရားကြီး၏ ကြီးမားသော ရေကုသိုလ်မှု အဖို့အစုတို့ကို မိုးရပ်ပျော်ပါး အသင် မိုး နတ်သားတို့အား မခြားကိုယ့်တူ ကြည်ဖြူစွာလှ အမျှပေးဝေခဲ့ဖူးလေပြီ၊ ထိုကျေးဇူးတော်သခင် လယ်တီရှင်၏ သွင်သွင်ဝေငှ ပေးဝေသော အမျှကို ရခဲ့သောအား ရည်မှတ်သား၍ အသင်နတ်မင်းတို့သည် မြတ်ဖျား လယ်တီ ပျော်စံမှီ၍ ရွှင်ကြည်နှလုံး သီတင်းသုံးကာ နေခဲ့ဖူးရာဖြစ်သော ဤ [စစ်ကိုင်းတိုင်း မုံရွာခရိုင် မုံရွာမြို့] နယ် တစ်ဝှမ်းလုံး၌ ထန်ပြင်း တစ်ရပ် ကျေးဇူးဓာတ်ကို တုံ့ဆပ်သောထွေ မိုးရေအယဉ်တို့ကို သွင်သွင် ရိုက်ချုံး မိုးလုံးမဲမှောင် တိမ်တောင်တိမ်လိပ် ဖုံးပိတ်ကာလွှမ်း (ရွာ သွန်းကြပါစေကုန်လော့- ၃ ) ရွာသွန်းကြပါစေကုန်သတည်း။
(ဤပြန်တမ်းကြီးကို မိုးပရိတ်ကြီး ရွတ်ပြီးအဆုံး၌လည်းကောင်း၊ မိုးကမ္မဝါစာကြီး ဖတ်ပြီးအဆုံး၌လည်းကောင်း၊ ကျယ်စွာသော အသံဖြင့် တစ်ကြိမ်ဖတ်ရမည်၊ မိုးပရိတ်ကြီး မိုးကမ္မဝါစာကြီးများကို မဖတ်မူ၍ ဤပြန်တမ်းကြီးသက်သက်ကို အခေါက်များစွာ ဖတ်ကြပါလျှင် မိုးသည် ဧကန်ရွာလိမ့်မည်။)
အမှာ။။ ဤ '' '' အတွင်းပါ စကားတို့သည် မူရင်းစာတို့၌ မပါချေ၊ အခါ အားလျော်စွာ နောက်မှ ထည့်သွင်းသော စကားများ ဖြစ်သည်။
မိုးအမိန့်တော် ပြန်တမ်းကြီးပြီး၏၊
------*-----
ပဗ္ဗာဇနိယ ကမ္မဝါစာ
နမော တဿ ဘ*ဂဝတော အရဟတော သမ္မာသမ္ဗုဒ္ဓ*ဿ။ (သုံးခေါက်ဆို)
သုဏာတု မေ ဘ*န္တေ သံဃော*၊ ယေ တေ အမနုဿာ ဣမသ္မိံ ဂါမေ ဝသန္တာ ဗုဒ္ဓေ * အပ္ပသန္နာ ဓ*မ္မေအပ္ပသန္နာ သံဃေ*အပ္ပသန္နာ ဝိရူပါ ဝိဂစ္ဆာ* ဒုဒ္ဒသိကာ စဏ္ဍာ ဝါဠာ ဒုဋ္ဌာ* ဥံရုဒ္ဓါ * ဩရုဒ္ဓါ * အဝရုဒ္ဓါ *၊ တေ ဂါမံ ဝိဟေသေယျုံ, ဝိဟေဋ္ဌေ*ယျုံ, ဝိနာသေယျုံ အပရဇ္ဈေ * ယျုံ၊ ယဒိ သံဃ*ဿ ပတ္တကလ္လံ၊ သံဃော* တေ အမနုေဿဟိ အဝရုဒ္ဓေ*ဟိ ဣမသ္မိံ ဂါမေ ဝတ္ထ*ဗ္ဗန္တိ၊ ဧသာ ဉတ္တိ။
သုဏာတု မေ ဘ*န္တေ သံဃော*၊ ယေ တေ အမနုဿာ ဣမသ္မိံ ဂါမေ ဝသန္တာ ဗုဒ္ဓေ *အပ္ပသန္နာ ဓ*မ္မေ အပ္ပသန္နာ သံဃေ*အပ္ပသန္နာ ဝိရူပါ ဝိဂစ္ဆာ* ဒုဒ္ဒသိကာ စဏ္ဍာ ဝါဠာ ဒုဋ္ဌာ ဥရုဒ္ဓါ * ဩရုဒ္ဓါ * အဝရုဒ္ဓါ*၊ တေ ဂါမံ ဝိဟေသေယျုံ, ဝိဟေဋ္ဌေ*ယျုံ, ဝိနာသေယျုံ, အပရဇ္ဈေ*ယျုံ၊ သံဃော* တေ, အမနုေဿ အဝရုဒ္ဓေ* ပဏာမေတိ, ပဗ္ဗာဇေတိ, ပဋိက္ကာမေတိ၊ န တေဟိ အမနုဿေဟိ အဝရုဒ္ဓေ*ဟိ ဣမသ္မိံ ဂါမေ ဝတ္ထ*ဗ္ဗန္တိ၊ ယဿာ ယသ္မတော ခ*မတိ တေသံ အမနုဿာနံ အဝရုဒ္ဓါ*နံ ပဏာမနာ, ပဗ္ဗာဇနာ, ပဋိက္ကာမနာ၊ န တေဟိ အမနုေဿဟိ အဝရုဒ္ဓေ*ဟိ ဣမသ္မိံ ဂါမေ ဝတ္ထ*ဗ္ဗန္တိ၊ သော တုဏှဿ၊ ယဿ နက္ခ*မတိ၊ သော ဘာ*သေယျ။
ဒုတိယမ္ပိ ဧတမတ္ထံ* ဝဒါမိ၊ သုဏာ တု မေ ဘ*န္တေ သံဃော*၊ (ပ)။ သော ဘာ*သေယျ။
တတိယမ္ပိ ဧတမတ္ထံ* ဝဒါမိ၊ သုဏာ တု မေ ဘ*န္တေ သံဃော*၊ (ပ)။ သော ဘာ*သေယျ။
ပဏာမိတာ သံဃေ*န အမနုဿာ အဝရုဒ္ဓါ* န တေဟိ အမနုေဿဟိ အဝရုဒ္ဓေ*ဟိ ဣမသ္မိံ ဂါမေ ဝတ္ထ*ဗ္ဗန္တိ၊ ခ*မတိ သံဃ* ဿ၊ တသ္မာ တုဏှီ ဧဝမေတံ ဓာ*ရယာမိ။။ ပဗ္ဗာဇိတာ သံဃေ*န အမနုဿာ အဝရုဒ္ဓါ*၊ ပဋိက္ကာမိတာ သံဃေ*န အမနုဿာ အဝရုဒ္ဓါ*၊ ပက္ကမထ* တုမှေ အမနုဿာ အဝရုဒ္ဓါ*၊ ပဋိက္ကမထ* တုမှေ အမနုဿာ အဝရုဒ္ဓါ* နဿထ* တုမှေ အမနုဿာ အဝရုဒ္ဓါ* ဝိနဿထ* တုမှေ အမနုဿာ အဝရုဒ္ဓါ*၊ ပက္ကန္တာ ပက္ကန္တာဝ ဟောထ*၊ ပဋိက္ကန္တာ ပဋိက္ကန္တာဝ ဟောထ*၊ နဋ္ဌာ* နဋ္ဌာ*ဝ ဟောထ*၊ ဝိနဋ္ဌာ* ဝိနဋ္ဌာ*ဝ ဟောထ*။
[(*) ပြသောအက္ခရာမှာ အသံပြင်းထန်စွာလွှတ်၍ဖတ်။]
ပဗ္ဗာဇနိယကမ္မဝါစာပြီး၏၊
--ဝ-
သတိပြုရန်
ရောဂါဆိုး, အနာဆိုး, ကပ်ဥပဒ်မျိုးတို့ကို ပျောက်ငြိမ်း စေတတ်သော ပဗ္ဗာဇနီယကမ္မဝါစာကြီးပေတည်း၊ ရောဂါဆိုး, အနာဆိုး သည် ကား- ပုလိပ်ဖျားရောဂါမျိုး, တုပ်ကွေးဖျားရောဂါမျိုး, ကာလဝမ်း ရောဂါမျိုး, ကျောက်ဆိုး, ဝက်သက်ဆိုး ရောဂါမျိုးများပေတည်း၊ မြို့ရွာတို့၌ ထိုရောဂါဆိုးများ ကျရောက်ခဲ့သော် လူသန်လူမြန်တို့ကို အသင်းပေါင်း ၂-သင်း၊ ၃-သင်းဖွဲ့ရမည်။
တစ်သင်းလျှင် လူနှစ်ကျိပ်ထက် မနည်းစေရ၊ မြို့လမ်းမ, ရွာလမ်းမ တို့၌ မတ်တတ်လျှောက်သွား၍ တစ်ယောက်က စာကိုကြည့် လျက် တိုင်ရမည်၊ အများတို့က တညီတညာတည်း ကျယ်စွာသော အသံတို့ဖြင့် လိုက်၍ ဆိုကြရမည်။
ရဟန်းဖြစ်သူ တိုင်လျှင် သာ၍ကောင်း၏၊ နေ့ချင်း, ညချင်း ပျောက်ငြိမ်းလိမ့်မည်၊ နွားခြံ, ကျွဲခြံတို့၌ နွားနာဆိုး, ကျွဲနာဆိုး ကျ ရောက်ခဲ့သော် နွားခြံ, ကျွဲခြံတွင်းသို့ဝင်၍ ဖတ်ရမည်၊ ကျောင်းတို့၌ လည်းကောင်း, အိမ်တို့၌လည်းကောင်း အခြောက်အခြိမ်းရှိနေခဲ့သော် ထိုကျောင်း ထိုအိမ်အတွင်း၌ ဖတ်ရမည်။
ဒုတိယ, တတိယ ကမ္မဝါစာတို့၌ ပေယျာလ၊ ထိုး၍ ရေးလိုက် သည်၊ ပေယျာလကိုတွေ့လျှင် ပဌမ ၁-ဂဏန်းအတိုင်း အကျယ်ထုတ် ဖော်၍ ဖတ်ရမည်။
အန္တရာယ်ကင်း ကမ္မဝါစာ ပြီး၏၊
------------
ဤတွင်ရွေ့ကား မိုးကမ္မဝါစာ စာတမ်း,
အန္တရာယ်ကင်း ကမ္မဝါစာကျမ်း ပြီးပြီ။
Comments
Post a Comment